رواية سلام قلبي الفصل الثامن والعشرون 28 - بقلم غير معروف

تقات: مر على زواجنه شهر ما خليت شي ما سويته حتى بس يرضى مرات زين وهواي مو زين ويايه تعود ينام بحضني حتى لو زعلان بس ابد ما اقترب مني كزوجه اليوم صار ٣١ يوم على زواجنه اشتاقيت لاهلي كتله وديني

مهند: شعندج رايحه ما شايفتهم اشتاقيتيلهم اتصلي مو الا تروحين

تقات: مهند شبيك ذولة اهلي وانت جنت كله يمهم شغيرك متكولي لو هذا حظي جان حاط بحلكه جكارة اجه لزمني طفاهة بزندي اذاني كلش حاط ايدة على حلكي حتى ميطلع صوتي

مهند: حتى متشتاقين لاحد  بعد

تقات: ضليت ابجي ليش اتزوجتني متكولي ليش هالكد تاذيني شسويتلك اني

مهند: اتزوجت لخاطر ابويه وامي تعبوا من ماتت اسيل لا اكثر ولا اقل وخليهة ابالج اهلج انسيهم

تقات: ضليت ابجي منا لمن غفيت حسيت بالليل على الباب غير ملابسه واجه نام حضني باس مكان الحرك  وقيدني بحضنه من خلال تصرفاته حسيت عنده مشكله نفسيه خاصه بعلاقتنه او بالزواج لان ويه الكل طبيعي بس ويايه اكو شي مستحيل هالتصرفات من فراغ  حسيت بجوع دفعته لزمني

مهند: وين

تقات: جوعانه عافني نزلت اكلت شويه وضليت اتصفح بالموبايل كل عقلي دخلت ابحث كيفيه جعل زوجك يقع في حبك وراهة بحثت عن المشاكل التفسيه بعلاقات الزواج ضليت اتصفح سمعت صوت خطوات بسرعه مسحت البحث ودخلت على اليتيوب  هو اجه سحب الموبايل كلب بي رجعه

مهند: ليش ما صعدتي

تقات: ضوجه نمت هواي

مهند: اني اريد نام يلا امشي صعدي

تقات: صعدت وياه بس نام طلعت موبايلي ضليت عليه للصبح هو كعد راح للشغل اني بس اتصفن طلعت سويت غدة ورجعت نمت للضهر هو اجه كعدني تغدينه وطلع خلصت منه ثاني يوم عمتي سالتني ما صار حمل  ما جاوبتهة ضلت تلح كلتلهة اسالي  مهند بيومهة اجه مهند مثل المخبل ضرب صياح اخر شي حضني وبجه  مسحت دموعي حطيت ايدي على راسه مهند شبيك

مهند: تعبان تقات كلش تعبان

تقات: من شنو
مهند: لا تسالني اريد انام
تقات: نام حتى شغل ما قبل يروح وما خلاني انزل بس صافن سمعنه صوت الباب وامين يحجي جوة نزلت سلمت عليه كلي لبسي وتعاي  امي تريد تشوفج  اني صعدت ركض لبست وطلعت ويه امين طبيت لكيت فهد كاعد اللحيه شطولهة ووجهة اصفر يحجي بالكوة وذكريات بحضنه كلش ضعفانه وصايرة سمرة كلش ومتحجي كلشي بس تباوع بالوجوه نزعت رحت للمطبخ يم نور شبيهة ذكريات

نور: والله ما ادري احتاروا من طبيب لطبيب ما بيهة شي اليوم اول يوم تكعد يم فهد بس تبجي طلعت سمعت فهد

فهد: حبيبي شبيج بس كوليلي وريحي كلبي

ذكريات: نزلت دموعي فهد راح يجي ياخذني

فهد: منو الي راح يجي

ذكريات: واحد اسود وجهة وعيونه حمر ومرات يصير مثل البزونه هو كلي اخذج ويايه

فهد: محد ياخذج مني حبيبي حضنتهة قوي اشوفهة تذبل كبالي وما اكدر اسوي شي احساس كلش صعب احبهة كلش ما اكدر اشوفهة هيج

سعاد: يمه ليش متاخذوهة لسيد يكشفلها خاف مسويلها سحر وضعهة مو طبيعي

تقات: يمه اخذوهة للزيارة احسن الله يكفي شر الحاسدين عين وصابتهم

فهد: وين تردون تاخذوهة اوديكم اريد ذكريات ترجعلي راح اموت واني اشوفهة بهالوضوع

ذكريات: اسمع حجيه نزلت دموعي حضنته حيل حطيت راسي بركبته وضليت ابوس بي ودموعي تنزل ما اعرف شنو ديصير بيه بس اكرهة على ساعه واشوفه وحش

فهد: ها حبيبي يوجعج شي ليش البجي

ذكريات: انشاء الله اموت  ولا هيج حالك

فهد: شششششش حبيبي لو بس  نفس هم رايدج

نور: امين طب للمطبخ شرب مي  باوعلي

امين: امشي روحي نامي صارلج هواي تشتغلين وما نمتي بالليل هذا بس يصرخ

نور:  لا عادي انت روح نام مبين تعبان

امين: اي والله امشي حضريلي ملابسي

نور: صعدت طلعت ملابسه هو اخذهن شمرهن سحب ايدي حضني ونام

امين:ليش صايرة باردة

نور: شلون يعني

امين: ما ادري ماكو لهفة بعيونج

نور:  يمكن لان كله ويه الزغير ما افرغ

امين: مشكلتج متعرفين تجذبين احجي ما اضوج شبيج

نور: صفنت بوجهة انت شوكت اخر مرة نمت بحضني حالنا حال المتزوجين عوف العلاقه الجسديه على صفحة احنه حتى علاقتنا العاطفيه صفرر انت طبعك من تصير مشكله تعوفني تروح تحلهة وتجي ناسي اني لازم اشاركك بالحلوة والمرة تجيني بس بايامك الحلوة واحنه ايامنه الحلوة معدودة لهذا انت كل يوم تخسرني بتصرفاتك الي ما الهة مبرر

امين: ما اريد ادوخج بمشاكلي

نور: وانت حياتك عبارة عن مشاكل اذا ما ادوخ وافكر بمشاكلك يعني ما افكر بيك اصلا 

امين: نور انتي مو طفله لازم تقدرين ضروفي ترة مو سهله ذكريات دتروح من ايدي واني اتفرج ما اكدر اسوي شي

نور: وقبلهة اسيل ووراهة الله يعلم منو انشاءالله ابتلي بمرض حتى تكابلني عاد شويه

امين: عاب لهلحلك شلون دعوة

نور: حاولت ابعدة عني قيدني بايدة حاول يبوسني وصار فوكاي اول مرة ما اتفاعل وياه ضليت جامدة

امين: لج شبيج ليش هالكد حقيرررة يعني اكولج مشاكل وضروف مو بيدي وهسة جاي اصالحج هيج تسوين

نور: ليش اني شسويت

امين: ما سويتي شي ضلي هيج

نور: سحب اللحاف دار وجهة ونام  اني لبست ونزلت يم تقات نسولف وذكريات هم كعدت يمنه شويه واجه فهد جان طالع

ذكريات: فهد

فهد: عيونه

ذكريات: جوعانه جيبلي فد شي من برة

فهد: شنو مشتهي الحلو

ذكريات: اريد مشاوي

فهد: دقايق ويمج رحت بسرعه لان صارلهة هواي على المغذي عايشه رجعت كعدت اكلت وراحت نامت بالليل اني هم حضنتهة ونمت ورة ساعتين سمعت صوت بالغرفه رفعت راسي ماكو شي رجعت نمت

.................................

سلام: جنت نايم كعدني اخويه كلي ابويه يريدك نزلت لكيت عمي وميس كاعدين سلمت وكعدت

ابو نور: ها سلام شكو هالمرة على شنو متعاركين

سلام: رفعت نضري عليهة عمي اني تعبت يعني عجزت شلون اتصرف وياهة متسمع كلام وترادد وصلفه اخذ منهة الموبايل ارجع الكه بيدها غيرة لو اخوهة لو امهة تجيبولهة  مكياج تترس وجهة يلا تطلع ادري شلون اشدلي كرون حتى تقبل ست ميس

ابو نور: سلام ميس حامل يعني انت راح تصير اب الى متى راح تضلون هيج

سلام: انصدمت  شوكت عرفتوا

ابو نور: هي من اجت دايخه ووكعت اخذتها للمستشفى طلعت حامل

سلام: بس اني ما اريد طفل

ميس: اني هم ما اريد واريد ننفصل

ابو سلام: شنو هالحجي شبيكم بكيفكم تحجون

سلام: خلينا ما دام ما عدنه اطفال ننفصل هيج اسهل من نكوم جهال وتالي نشتتهم

ابو سلام: من يصير عدكم طفل راح تتجاوزون المشاكل كلهة وتفكرون شلون تامنون مستقبل لاطفالكم

سلام: يا مستقبل هي زوج جواريب متعرف تحط وحدة بالخ مهمله متعرف شتريد حياتهة مكياج وطلعه وموبايل اخر همهة عائلتهة وزوجهة اني مليت تعبت اعتقني لوجه الله

ابو نور: اني بنتي هم عزيزة بس اذا طلكتهة ما راح تشوف الطفل بحياتك

سلام:، الطفل تنزله ميبقه

ابو نور: مو بكيفك