رواية سلام قلبي الفصل التاسع والثلاثون 39 - بقلم غير معروف

تقات: علي عليك الله صدوك مبي شي لو تجذبون علينه

علي: ولج والله هذا مثل الحصان اجه يشوف ابنه ومتخربط والدوة ما ماخذة حتى اجتي نور شافته وابنه غركة تفال وراح

تقات: هههههههه

علي: بوووويه اشتعلت عشيرتج على هالضحكة

تقات: شوكت تجي

علي: ليش لازم اشتاقيتيلي

تقات: مممممم

علي: احبج

تقات: ما اعرف ليش من سمعت هالكلمه نزلت دمعتي بدون مبرر ولساني نطق لا تعوفني اموت من دونك

علي: بس نرجع احجي ويه عمي لان امين ما ادري شبي هواي اجل الموضوع

تقات: اوك

علي: لا تحجون كبال ذكريات شي فترة نفاس خطيه

تقات: هههههه سوالفك سوالف عجوز عرب

علي: لج خل اجي الا احبسج بالكنتور وارويج عجوز العرب شيطلع منه

تقات: ضرغام ديبجي رايحه باي سديته رحت لذكريات نايمه وهذا خبل روحة ل11 اجو الولد امين مابي شي جلطه خفيفه وعدت على خير تحدد عرسه بعد 5 ايام وهو ومناجات شفت صورت رجلهة عرفته نفسه ابو حواجب الحجة ويايه خرب شلون صاك خل اسكت لا يروح يسمع علي ضحكت على روحي حتى افكاري اخاف يسمعهة رجع فتح الموضوع ويه امين وابويه وكالوا اجل الموضوع ورة زواج امين علي ضاج ترخص وطلع امين ايدة على لحيته باوعلي بابتسامه

امين: ها ولج شو ساكته وتتبسمين

تقات: هسة تعاركت حجيتوا ضحكت حجيتوا شسوي

امين: تعالي ولج

تقات: رحت يمه جرني من شعري وحضني

امين: بنيتي احس ضامه شي عليه

تقات: اي احجي بس انطيني وعد متضوج

امين:احجي

تقات:حجيت لامين كلشي صار ويه ارشد  عدا زواجي من علي

امين:ليش صعدتي وياه انتي

تقات:شوف خوية هو اجه من الباب نيته صافيه وهو استاذي ترة نص نهار ويانه بالجامعه واني احترمه كلش وهواي يعزمني وافشله من كال اوصلج قبلت وضحتله ليش رفضتوا وصلني واجه علي انطاه المقسوم

امين:  طبعا كلش يضوجني بتصرفاته متسرع وعصبي وماخذ الدنيا بسباعيه خايف يوكع بيد واحد ابن حرام ويصير بخبر كان

تقات:عوف علي العروس حلوة

امين:ما شفتهة بيوم العرس اشوفهة اصلا من ابويه خطبهة ما ادري

تقات: غير تشوفها تشوفك يجوز ما قابله

امين: اني بعد كلشي ميهمني اخذ مرتي واطلع وخل  يتكافشون عدل وهذا عادل افندي يريد يرجع ومرته متقبل جهالهة ينضربون وهمة قرود وسماح ابنهة زغير وهسة تصير حرب

تقات: عادل شعندة راجع مو اشتريتله بيت وخلصنه وراتب مرته وشغله بعد شكو

امين: بايع البيت والفلوس بح ماكو طارن اني تعبت هاي انجلطت مرتي شردت من المشاكل خل احوي هاي اشرفلي

تقات: امين انت عندك خير من الله اشتري بيت بعيد كلش هسة انت شمحصل منهم بس وجع الراس وموبايل اكو اسال بالشهر مرة كافي اشتري راحة بالك

امين: الله كريم نمت اتذكر كلشي صار بالسنين الفاتت من يوم تزوجت نور لسه صدوك ما شفت راحة يمكن انفصالنه احسن شي صار افكر بالعروس الراح تجي تعبت من التفكير ونمت

تقات: عرس امين ومناجات  بعد يومين وذكريات لازم تروح لبيتهم لان نفسه رحت وياهة لان تنام وتعوف ابنهة متحس وفهد راح لبغداد طلع كتاب النقل علمود يداوم بالبصرة رحت وياهة اول يوم ورجع فهد فرحان كال كلشي تمام راح اجي هنا ودوامي يوم بيومه يعني من الصبح للعصر ويومين خفارة بيوم حنة  امين رحت لبيتنه جان السيد جاي يعقدلهم علي دزلي رساله راح اجي ابارك لاخوج واطب للمطبخ اريد اشوفج راح اموت

امين: كاعد اجه عماد علمود يعقد لتقات واني لازم اروح نعقد اني واخته عرفت اسمهة سكينه

السيد: ما شاء الله هالشهر زوجت اربعه منكم

امين: التفتت ههههه سيدنا يمكن من كثر اليجوك مخربط هالشهر محد تزوج من عدنه شفته صفن

السيد: علي  اخو المرحوم مهند  مو ابن عمك

امين: اي هو

السيد: اي هو عقد على ارمله اخو  الله يحفظة بس جانت تبجي حاجي الوالدة خليهة تروح تنصحهة يمكن بعدها مقهورة على زوجهة المتوفي خل تنصحهة

امين: عماد كاعد بعيد يحجي ويه اهلة شكله ما سمع حجيت بصوت ناصي سيد ما اريد هذا الحجي يطلع خلي بيناتنه لان محد يدري بي الولد عندة ضروف وانشاء الله نسوي عرس ونعزمكم ونعلن الزواج

السيد: انشاء الله

امين: عقدلهم واخذنه السيد رحنه لبيت عماد عقدنه ورجعت بسرعه حتى العروس ما حنيتهة تقااات

تقات: جنت البس مناجات البدله سمعت امين يصيح ركضت للغرفه شفته واكف عصبي

امين: اول ما طبت ضربتهة هي لزمت خدهة صافنه  كتلج راح انطيج ثقه بس شيصير وياج  تجين تحجين صح لو اني غلطان

تقات: اي دموعي تنزل صافنه عليه وجهة صار احمر

امين: شوكت تزوجتي علي

تقات: بس ابجي كلشي ما حجيت

امين: احجي احجي خابرت السكط راح يجي هو يكول خل اسمع منج احسن

تقات: هو بيوم اخذت نور لبغداد من شاف ارشد وصلني اخذني لبيت السيد عقدنه

امين: وراهة وين رحتوا لان سماح كالت راحت لعرس هدى يومين وين اخذج

تقات: ما اعرف وين بس بيت مبين بيته

امين: سوالج شي

تقات: ضليت ابجي دقيقتين طبوا خالد وعادل واحد لزمني من شعري والثاني يضرب عادل شمرني  بالكاع  كصتي صارت بحافه الجربايه دخت وحسيت بحرارة

امين: هاي شكو شبيكم

عادل: من صحت بيها  عرفت مسويه مصيبه هالعرمه العار

علي: من اتصل امين عرفت اكو شي اخذت سلاحي و رحت بسرعه ايات واكفه تبجي

ايات: علي الحك تقات والله عادل وخالد يذبحوهة سمعوا امين هاي تقات ما ادري شمسويه

علي: ركضت للغرفه شفت تقات بالكاع كصتهة كلهة دم جريتهة صارت ورايه منو  سمحلكم تضربوهة ضليت اصيح

عادل: تعاي ساقطة ما اتحملتي تردين رجال لج بنت الكلب

علي: سمعته جريته من قميصه واني اطول منه كفختين وكع امين دفعني حيل

امين: ما استحيت ولك عرضك هاي سكط امنت بيك وافوتك لبيتي وامنهم يمك ما وكفت بعينك الخوة ما وكف بعينك شي

علي: وانت ما وكف بعينك شي تدري من جنت سادس اريدها وكتلك احبهة وكتلي انت ابن ابوك   وامك متحب خواتي وكتلك اشتري بيت ويصير عندي راتب واجي اخذها شكتلي تتذكر لو نسيت كتلي شوكت ما اجيت تلكاهة ولك درست مثل المخبل وصرت جراح واتعينت وشفت راتبي مو هواي واطول يلا اخذها سافرت وعفت كلشي ورحت ادرس واشتغل واجمع تالي تخابروني تعال اليوم العقد مالتهة والمن تاخذ اخوك تدري بوقتها شحسيت روحي طلعت ما اعرف وين اروح وحدي بالغربه لا اكو امام اشكيله ولا حضرة اروحلها وابرد كلبي ومن رجعت اشوفها كبالي تطب وياه وكلشي ما اكدر اسوي وك تعرف شنو حبيبتك تطب للغرفه ويه اخوك وكلشي ما تكدر تسوي لان هذا حقهم انتو دمرتوا شكو احساس بيه اي اخذتها وعقدنه  وشتريد تسوي سوي مرتي اخذها اخذها برضاك غصب عنك اخذها

تقات:اسمع فاتحة عيوني كعدت بالكاع حضنت رجلي وابجي سحبني علي

علي: امشي لبسي وتعالي

امين: تقات لو طلعتي وياه تنسين عندج اخو اسمه امين

علي: اني خطبتها منك الف مرة وذليتني وما قبلت تقات انتي المن تردين

تقات: واكفه بينهم عيوني على علي  امري مو بيدي امين شيكول اني اسوي

علي: جنت قبل شتسوين اعذرج لان متعرفين شكد احبج بس هسة طبج مرض دفعتهة على عادل وخالد والله وحق الي خلق الخلق الا احرك كلبج مثل ما حركتي كلبي

...................................................

ام سلام: خالة ما اكولج تزوجوا وعيشوا مثل كل الناس بس جربوا اعتبروهة فترة خطوبة عيشوا كلمن غرفه شوفي يناسبج اذا كلتي ما اتفقنه كلمن يروح لدربه

نور: اخذت الجهال وطبيت للغرفه ضجت شنو هالحجي

سلام: كتلك جذب ومثل بس مو هيج اني صدكت

مؤيد: جاي عليه شوف اختك وامك لا ونوب يعني هي لكت حل وتحجي بحركة كلب والله كمت اخاف منهة

سلام: كون تقتنع الطركاعه

مؤيد:اني لو ما متاكد بس اغفل عنهة ابويه يرجعها ولا اضغط عليها

نور: حطيت راسي على المخدة تذكرت مواقف امين من يجيب الاكل للغرفه من صار عندي اسقاط ومن اخذني للبستان ونام بحضني ضليت اتذكر  كلبي يكولي يحبج بس من افكر لحضات دفعت ثمنها هووواي الاولى ابني والثاني الاهانة كبال الكل من كال مو بحالج وما اتقربلج وهسة خطب دموعي نزلت وكرهتة اضعاف نمت بسرعه ما اريد افكر بعد

سلام: يلا راح اروح انام تعبان صعدت لغرفتي تعبان جسمي مبند اريد انام ما اكدر تعودت على لغوت امين الجلب يضل يحجي منا لمن يغفى واغفى وياه ربع ساعه اشوف سركي الباب يصعد وينزل  بس مبين واحد ميكدر يفتحهة رحت فتحتهة لكيت امين واكف يفرك بعيونه

امين: اليد انام يمك

سلام: تعال ابو نص لسان بست راسه هو رجع باسني براسي ضحكت حط راسه على ايدي وضل يحجي واني احجي وياه يصفن يسمع الحجي يفكر بي وراها غفة اني هم نمت ما حسيت الا الصبح نور تسحبة من يمي

سلام: شقررتي تجين لو لا

نور: ما اكدر انطيك حقك كزوج

سلام: منو طلب منج حق ما اريد اي شي منج غير تصونين بيتي وتحافظين على شرفي  لان محسوبة عليه وملاك امانه يمج تربيتهة عليج

نور: يلا خل نتريك ونطلع نعقد

سلام: اوك اول ما طلعت حضرت ملابسي سبحت نزلت تريكت كعدت مؤيد رحنه عقدنه سيد ومحكمه مهرها بيتي الساكن بي  مقدم  والمؤخر ٥٠ بالميه من اسهمي بكل الشركات حتى لو مو ملكي مشارك بيهة هي الهة نص واني نص طبعا ذني شروط ابوها حتى ما اتزوجهة لان جان رافض زواجنه وطلعنه نعقد وهو نايم مؤيد قنع نور ابوج تعبان وضغطة صاعد زغيرة تردي وياج هي سكتت

نور: اريد اروح لعلا اشوفها قبل السفر

مؤيد: تدرين ابويه مو كلش وياهم هي بيهة خير جان اجت سالت عليج اجت مرة وحدة وما شفناهة بعد

نور: سلام تاخذني لو بابا يجيبني من يكعد

سلام: امشي يلا

نور: رحت شفت اختي هي وجهالهة ادري بيهة رجلها ميقبل يجيبها ومو هو الي ميقبل ابو ميقبل مؤيد عندة تتطلك وتجي شكو باقيه وياه ميدري المرة لو حبت رجلها تتحمل كلشي لخاطرة و وين تروح هو يحجي بس بالليل يحضن مرته وينام وتضل هي واقل شي ويعيروها جربت هالشي واني ارمله مو مطلقه شفتهة ضلت تبجي سلام ضل برة اجه رجلها سلم وكعد العرفته بعدة ما عندة شغل تخرج ادارة واقتصاد وكعد اهلة عدهم فلوس لان اهل بابا حالتهم ميسورة واكو طاكين ليش متفتح مشروع

فرقد: كل مشروع يحتاج راس مال وابويه ميقبل ينطي حتى نضل تحت رحمته  يجوز منا لاسبوع اشتغل باي اسواق ونطلع من البيت

نور: صفنت انت مو جنت تشتغل ويه عمو بالشركة

فرقد: اي

نور: اذا ردت تفتح شركة شكد تكلفك

فرقد: هههه ولج تخبلتي اذا ردناهة تنجح تكلف هواي

نور: شوف مني راس المال وانت عليك التعب وبالنص

فرقد: وين الكه هيج فرصه بس خاف نخسر يصير شي هاي دنيا شلون

نور: فرقد اذا تعبت نفسك متخسر واني ما محتاجه فلوسها انت محتاج ولا تاجر انطيك مفتاح شقه من العمارة اليم بيت اهلي  وانت شوف شتسوي وترة العصر اسافر اذا توافق حتى نسوي وصل امانه يم كاتب العدل وانطيك كم شغله

فرقد: امشي هسة نروح

نور: طلعنه سلام كاعد بالسيارة سلم على فرقد كتله نروح لكاتب العدل احجي هو صافن

سلام:، امشوا اني اوصلكم

نور: وصلنه وخلصت شغلي ويه فرقد ورجعنه للبيت لمينه كل غراضنه ابويه صافن ضايج كلش وسلام هم يخزر منين ما اروح اشوف عيونه عليه يخزرني خلصنه اشوف سلام يحوص بالبيت كل شويه وضام شي لو ورة ضهرة لو يغمز لمؤيد اخر شي بالمزهريه رحت وراة شفت مسدس بيدة فزيت

سلام: شكو تركضين ورايه

نور:سلام شتسوي بالمسدس

سلام: لا تتدخلين واذا خلصتي روحي سلمي خل نطلع ورانه تعب لان ورانه اكثر من طيارة يلا نوصل

نور: المسدس شتسوي بي

سلام: واحد يبيع اسلحه شتتوقعين بالبيت تلكين

نور: اني من حجة ابويه ما صدكت انت شعندك بهيج شغله اصلا منو دلاك على هيج درب

سلام: نور روحي من وجهي احسن ما اراويج غير وجه

نور:شبيك ويايه من رجعنه لسه بعدنه تونه عقدنه

سلام: مثل ما انتي ما حاطة اعتبار كونج مرتي وباسمي منا وهيج اعاملج حالج حال الغريبه

نور:ليش شسويت اني

سلام: على اي اساس تطلعين ويه زوج اختج وتنطي هيج مبلغ واني حتى سؤال ما سألتيني ادري فلوسج ومحد يكدر يحاسبج بس ما فكرتي شنو موقفي لمن تطلعين وياه واني منتضرج مثل الجلب تكوليلي روح نخلص ونجي شنو شمفكرة كو...د اني لو شنو

نور: اني ما فكرت هيج واني متعودة اتصرف بحريه انشاء الله ما اكررها

سلام: امشي سلمي على اهلج خل نطلع

نور: سلمت على اهلي ابويه بالغرفه رحت يمه حضني ويبجي اول مرة اشوف ابويه هيج بابا شبيك

ابو نور: ما ادري ليش حظ بناتي بهالدنيا قليل ولا وحدة ارتاحت بيجن

نور: بابا لا تحجي هيج ادري بيك ما راضي على سلام بس هذا الشي لصالحنه كلنه

ابو نور: مو ما اقبل بس اخاف عليج انتي متدرين كم مرة راد يموت ويغتالوا سلام مو سلام اول تغير وكلبه صار حجر لا تشوفي ساكت وتوقعي على ساعه ينفجر

نور: صفنت واتذكر الاسلحه  انشاء خير طلعنه للمطار ومن طيارة لطيارة يلا وصلنه واني لازمه كلبي خاف لان هويه امين مزورة من وصلنه للبيت حسيت بامان جان كلشي جاهز سيارة وبيت كلش حلو وجبير .......

ذكريات العزوف 💔💔
نجاة محمد