رواية سلام قلبي الفصل الأربعون 40 - بقلم غير معروف

نور: افتريت بالبيت كلش نضيف بي هواي غرف كل غرفه حمام وتواليت وكلهن مفروشات بس مبين كلشي جديد طبيت لغرفه لفتت انتباهي لون اسود بيهة هواي وضلع من اضلاع الحايط جام غريب يطل على الحديقه من اتقربت اكثر هو باب بس جام يعني تشوفين منو بالحديقه ويشوفج فتحتهة حديقه واسعه رجعت طبيت لان الجو كلش بارد التفتت شفت مرر زغير بالزاويه طبيت باب بصف باب افتريت بالغرفه ماكو كنتور عبارة عن جربايه واسعه وقنفه واسعه طبيت للممر اول باب بيهة كنتور جبير ورفوف طالعه من الحايط منه بي كلهن ساعات وعطور ومحابس رجالي احزمه واحذيه فتحت الكنتور كله ملابس طلعت فتحت الباب الثاني حمام كلش جبير يجنن وداخله باب تواليت طلعت شفت باب كبالي هاي ما طلعت غرفه شسالفه فتحتهة سلايت غرفه بيهة سرير وردي وسرير ازرك كلش حلوات وملاعيب اشكال والوان

سلام: عجبتج

نور: فزيت سلام احس روحي بحلم وخايفه اكعد

سلام: لا مو بحلم وهذا البيت بيتنه نور خلينه نبدي بدايه حلوة اريد تخليني اجي ملهوف للبيت ما اريد شي من جسمج اريد روحج تداريني

نور: اني وياك هواي تعبنه بلكي نرتاح 

سلام: انشاء الله

نور: رحت طلعت ملابس من الجنطة طبيت سبحت وطلعت نشفت شعري وغسلت للجهال وسلام يبدللهم بسرعه لان الجو كلش بارد طبيت للمطبخ اسوي شي خفيف حتى نروح انام صفنت عالطباخ كله دكم هذا شلون بالله ما بي لا قنينه ولا عيون يجوز هذا موطباخ هيج حاطين الجدر عليه السنك ماكو مكان افتح المي هاي شلون

سلام: شبيج صافنه

نور: وين الطباخ منين ينفتح المي

سلام: حطي ايدج جواها هو يجي مثل الحمام شبيج والطباخ هذا منا ينفتح ومنا تتحكمين بحرارته

نور: متاكد هذا الطباخ شو  ما متصل بقنينه

سلام: حبي هذا متصل بهذا البوري مال الغاز كل شهر تجي فاتورة ويه المي والكهرباء

نور: صفنت بوجهة شلون تعرف كلشي انت جاي قبل

سلام: ابتسمت لج كل غرض بالبيت اني مشتري من اكبر شغله لازغر شغله هذا بيت الاحلام بيت نور وسلام

نور: درت وجهي عنه سويت فنكر وطماطه وخبز اكو بس خبزهم مو طيب ما اتقبلته

سلام: اني رايح انام شوفي غرفه الجهال بيهة باب خاصه مو من غرفتي يعني اخذي راحتج اي شي تحتاجين تعاي اني ما انام بسرعه

نور: اي امين ركض ورة سلام وملاك تكمز وتركص بجسمهة تريد تروح من راحوا ضلت تبجي غسلت المواعين قليلات يا ربي كون اقضي ايام سعيدة بهذا البيت اني تعبت ما اكول اني صح لا هواي غلطت بس اريد منك الغفران يا غفار الذنوب فتحت الموبايل اجاني اشعار من اليوتيوب باسم الكربلائي قصيدة روحي فتحته مستغربة طلعت قرايه اني صح اتبع السنه بس مالي دخل بحرب الطوائف حبيت اتبع بابا لان بنضري هو الصح وبابا مسالم يكول الله يتقبل صلاتنه من مسجد السنه ومن مسجد الشيعه المهم تكون نيتنه صافيه بس من فتحت القصيدة كلبي وجعني حتى اليقرة شكلة كلش يريح النضر وجهة نوراني مينكره من يقره تنزل دموعي بدون سبب ما اعرف عليمن يقرة اصلا وبي حجي ايراني بس خلصت انتبهت قديمه كلش ليش اجاني اشعار انتبهت اكو قناة متابعتها مشاركة الرابط اخذت ملاك لسلام لان ضلت ابه ما ابه حطيتهة بحضنه وامين حاط راسه على صدر سلام يسولف ويحجي وسلام يجاوب صفنات امين تعجب هو طفل ليش هالكد ينتبه لحجي سلام يعني كل عمرة سنتين ونص ردت اطلع سلام كلي تعاي نامي ويانه

سلام: تعاي والله مالي دخل بيج بس لا تسوين هيج كتلج خل نحاول

نور: زين منين اطلع فراش اريد غطة باردة

سلام: هاي السحاب الي بالحايط فتحي طلعي واحد لان راح تدفه الغرفه شغلت تدفئة

نور: رحت طلعت واحد وغطيتهم  امين بعدة يسولف وسلام يحجي وياه ويكولة اني هنا اسويك رجال حتى تسند بابا ايوب من تكبر وامين يكولة اي واصير حباب وعاقل حتى متزعل انت  باس راسه واجه باس راسي اندار لملاك ما باسهة رجع لسلام

سلام: لعد واختك ليش متبوسها

امين: لا عيب انت مو كلت ميصير العب وابوس البنات حتى اصير ريجال

سلام: شكلنه رجال مو ريجال وهاي اختك عادي بوسهة براسهة

امين: حاضر بابا 

نور: امين غلس ما باسهة يمكن يغار منهة لان مهتمة بيهة هالفترة اكثر صفنت لو ابوك يدري اني اخذتك شيسوي نمت يم سلام هو نايم على ضهرة ويحجي ويه امين من نمت يمه انطاني ضهرة ربع ساعه ناموا شالهم اخذهم للغرفه بس بقه الباب مفتوحة واجه نام كعد الصبح ب٧ كعدني

سلام: كلشي موجود بالثلاجة طلعت اتسوكت ورتبت المسواك اني طالع للشركة يجوز ارجع للغدة ويجوز لا واكو حرس يم الباب شيصير طلعي بس عند الضرورة

نور: يعني شلون عند الضرورة

سلام:تنهدت هي تعرف شنو اقصد بس تستغبي يعني من يطب حرامي من يجي واحد يريد يخطفكم ولو محد يعرف اني وين بس لمن تريد تموتين طلعيلهم افتهمتي غيرها لا تطلعين

نور:شبيك عصبي

سلام: بست راسهة اسف بس لا تستفزيني تعرفين اني شنو شغلي وشنو اقصد

نور:مممممم اوك بس حباب اسلوبك هذا ما اريد تستعمله ويايه هواي اخذني على كد عقلي وجاوبني

سلام: استغفر الله شوفي نور خلي شغله براسج ميس شكد خربطت بس ورايه كدامي بخزرة تسكت ما اريد ارجع اعيد الاغلاط القديمه شفتيني عصبي اسكتي من ارتاح تعاي طلعي لسانج اوك بست راسهة وطلعت وصلت للباب صاحت

نور: اخذ الكوت مالتك الجو بارد خاف تتمرض

سلام: ابتسمت لا تخافين ما احس بالبرد

نور: اي فدوة ضل مبتسم هيج

سلام: ههههههه مخبله

نور: الحمد لله كلك كرم ربي يبتسم ويضحك

سلام:طلعت بسرعه الليل كله ما كدرت انام صعبه حبيبتي بصفي وما اكدر حتى  احضنهة ونوب حلالي شبعت قهر من الخمسه طلعت اشتري حتى اخلص منهة

نور: ضليت افتر بالبيت فتحت الموبايل  مدري على منو مكنك اصلا ضليت اكلب اجتني مكالمه ماسنجر امين ضليت صافنه هواي فتحته خايفه خاف عرف اني اخذت ابنه بس هو امانه اسيل مستحيل اعوفه ويمهم مالة مستقبل لو يدمرون مستقبله صافنه وتفززني خشونه صوته

امين: الوووو

نور: اسمعك

امين: شلونج

نور: تمام الحمد لله

امين:  رجعيلي واجي اشتري بيت يم اهلج واعوف كلشي

نور:غمضت عيوني ليش هسة احجي بداخلي كتله ماكو امل انت هم راح تتزوج الله يعوضك واني ما عندي شي وياك الله يهدينا كلنه غلطنا

امين:غمضت عيوني نور والله ما اتقربلهة بس كولي تعال اخليها يم اهلي واجيج حتى بيوم العرس ما اقربلها

نور: امين ما اريدك بعد انتهت ما اكدر ارجعلك

امين: بس اني اريدج احبج فراكج موت بالنسبه الي

نور: امين من جنت يمكم تضل شهور متتقربلي عادي عندك يعني ما واكفه عليه

امين:بس جنت مأمن انتي موجودة اشوفج يمي شوفتج جانت تكفيني من رحتي لسه ادور عليج واكول هسة تطلع شكد اكابر واكول هذا الشي لصالحنه بس من اتخيل بعد ما اشوفج اموت نور بس فكري ليش جنت ابتعد عنج شهور بس تذكري اخطائج شكد ردت احس بحبج اني ما اعرف شنو فائدة هذا الحجي بس لو ما احجي يمكن اموت وما اريد ترجعيلي خل اتزوج وانتي ارتاحي مني تسمعيني مو

نور: تنهدت اي اسمع

امين:جنت اريد احس انتي تحبيني من ازعل تجين تكوليلي ما اكدر على بعدك من اضوج تمتصين غضبي وتهديني صح اكو مواقف تحاولين تضحكيني وتنسيني بس حتى من  تسكتيني وتحاولين تلكين شغله تطلعيني من البيت  بس جنت اريد تجين تبوسيني تحضنيني من ارجع من الشغل تستقبليني بلهفة مو اول ما اطب هيج كالت امك هيج حجت ضهري يوجعني كل هذا جنت اكدر اتحمله بس رفضج الي من احاول اتقربلج كم مرة رفضتيني حتى بدايه زواجنه ومن اسالج ما بيه حيل زين من تكولين انت تبعد شهور ما فكرتي اني رجال والي كرامتي من تصديني اربع خمس مرات شنو تردين اسوي ولو تجين انتي تصالحيني وتكولين جنت تعبانه ضايجة اسكت لا تبتعدين ومنتضرة ارجع اجي يمج واتنازل زين ليش لج تدرين  شكد حسيت بنقص يمج يوووو خيرات الله حسستيني اني مو رجال كامل وما بيه كل الصفات الي ترضيج رغم هذا احبج احاول اتغاضة انتي حتى متعرفين شنو شفت من وجع وعذاب بسجن داعش شي ما احجي حتى ويه روحي   اني لحد هسة متعجب شلون عاقل وما تخبلت بس هسة تمنيت لو ميت هناك كاصين راسي مو رجلي اخاف على خواتي من الهوة تدرين ليش  ليش لان ويايه بسجن واحد يعتدون على خواته من الليل لحد اذان الفجر واحد ورة الثاني يطبون يغتصبوهن اول شي اسمع صراخهن وهو ساكت بس يحجي مسدس على راسه يكتلو ضليت اسمع صوتهن لحد ما  اختفى صوتهن من الصراخ ماكو بس صوت الونين لسه براسي صوت الونين  من يكولون نجيت اضحك لا اني مغضوب عليه اعيش بهيج ذكريات تدرين من كصو رجلي شمروهة بحضني ويضحكون من حركوا صدري والوجع  ولج كل ذاك الوجع ينحمل بس هسة ما اكد اتحمل بعد ما اريد هاي الدنيا نور لا تدعين عليه بغير الموت اريد ارتاح تعباااان كلش تعبت اريد الله ياخذ امانته اريد احس بضلمه القبر اريد اختنك بشبر واربع اصابع كل الناس يشوفوا عذاب اني اشوفه راحة يوووو ربي انت الكريم اكرمني بهاي الراحة

نور: سمعت صوته يبجي  دموعي تنزل للحضه تمنيت ما جايه ويه سلام ضليت اتلفت كانو ادور على باب سحري يوصلني لحضنه حتى يسكت انسد الموبايل اني ضليت ابجي بحركة يربي من وجعه كلبه على كلبي اني شلون عفته ركضت للسجادة اصلي وادعيله فتحت الموبايل دزيتله ابدي حياة جديدة ويه مرتك ماكو امل ارجع بس الرساله ما وصلت مسحت الماسنجر هو من يفتح يشوفهة

ذكريات العزوف💔💔
نجاة محمد