رواية سلام قلبي الفصل الثامن والأربعون 48 - بقلم غير معروف

ايوب: الله كريم هسة نام مبين تعبان

سلام: ضليت حاضن امين نزلته فز باوعت لابو عادي اخذة وساعه 12 اجيبه

ايوب: هههههه عبرته دول ما كتلي هسة جاي تستاذن عادي روح بس تعالوا من وكت اليوم غداك يمنه

سلام: اخذت امين ورحت للفندق شمرت ملابسي ضليت بالفانيلا امين كاعد يفرك بعيونه ميقبل ينام الا اجي يمه نمنه كعدت ب11 ونص شفته بحضني ضحكت شكد احب هالولد يلا بابا اكعد كافي

امين: بس نص انام شيونه

سلام:هاااا شنو شيونه مو كلنه صار رجال وراح يساعدني بالشغل تالي شيونه طاح حضك ضاج وراهة لعبنا نزلنا اشرينه ملابس اخذت السيارة واتوجهت لبيت امين

نور: عفت مؤيد ركض غسلت ولبست ملابسي وكفت كبال المرايه اريد الف الشال صفنت وجهي اصفر كلش حطيت مكياج وكثرت وطلعت شال بيجي حتى ميبين كلش صفار وجهي طلعت سواري الماس هدية سلام متعلقة بهالسوار كلش بي لمعه رهيبه طلعت الطريق كله خشمي ما نزف استغربت وصلنه الضهر ساعه ب12 نزلت يم بابهم جانت مردودة طبيت ركض فتحت الباب الاستقبال امين كاعد وياه ولد ما ركزت منو

ايوب: جنت كاعد احجي ويه ولد عمي واخوتي على سالفه امين ابقي لو اخلي يروح وياهم منتضرين يصبون الاكل طبت نور صفنت بوجهة شلون صايرة حلوة البنطرون الاسود الجاكيت البارز منهة معصمهة والسوار يلالي شالهة وترتيبه محتشمه بطريقه مغريه ما اعرف شلون رهمتهة بس هذا الشفته وعيت من سالتني على سلام

نور: سلام وين

ايوب: ما اعرف طلع كال يجي الضهر

نور: غوشت عيوني اريد اوكف ما اكدر صارت حرارة بمعدتي حطيت ايدي على حلكي

مؤيد: همست تطلعين برة

ايوب: شبيج تردين تغسلين

نور: هزيت راسي مشيت بسرعه بالكوة وصلت المغسله كل الكاعدين ما شفتهم همي بس اوصل راح اموت ضليت اتقيئ حسيت روحي راح تطلع الدم بكل مكان والصريخ الصار وجع راسي غسلت وجهي اريد اوكف ما اكدر التفت امين وسلام كبالي نزلت دموعي اريد هوة ماكو اختنكت ضليت اتنفس بصعوبه وكعت محسيت على شي بعد

علي: رحت باتجاه نور فتحت الشال بس ما نزعتهة فتحت اول دكمه من القميص نزلت الشال ع صدرهة شمرت الحذاء رجلهة وين

سلام: وصلت لبيت امين شفت سيارة مؤيد وحارث بالباب طبيت ركض شفت نور واكفه بالكوة دم بكل مكان ضليت صافن وجهة اصفر كلش رجال يمهة كالوا دكتور صاحلي اني صافن رحت يمه

علي: دخل ايدك بالقميص افرك الجهة اليسرة بس عالكيف وبسرعه

سلام: سويت مثل ما كلي رمشت عيونهة حضنتهة شبيج شنو صار

نور: صحيت اسمع صوت بس ما ادري شيحجون فتحت عيوني شفت سلام ردت روحي

علي: شنو ما ملتزمه بعلاجهة

سلام:اصلا متقبل تاخذ علاج

علي: صفنت هي شنو اعراض مرضها بدة يحجي صفنت ذكريات وحسنين عبالهم سرطان ضحكت شنو شخصوهة بالله

سلام: دكتور باربيل كال فقر دم وحالة نفسيه بس الاعراض مجانت هيج جان مجرد نزف بانف وتتقيئ دم

علي: حسنين ديتول وشاش جيبلي ومن الاسواق موس جديد بسرعه سحبت ايدهة الزمهة عدل لا تخليهة تتحرك

سلام: ليش شبيهة ايدهة

حسنين: هاي بس ما لكيت شاش بس قطن وبلاستر

علي: اخذتهن هي كعدت على القنفه اشرت لسلام لزمهة جرحت راحت ايدهة جرح زغير مديت ايدي نفس المكان ونفس الجرح سويت

سلام:شنو شكو غير نفتهم

علي: انتضر شويه دقيقتين جرحي وكف الدم بس هي لا شديت ايدهة بسرعه مرتك مرضهة نوع من انواع سيوله بالدم داء فون ويليبراند بالتحديد

سلام: شنو يعني مفهمت

علي: عدم تكوين خثرة مثل ما شفت جرحي تخثر الدم بس هي لا ممكن جرح بسيط توصل الموت لان يضل ينزف وهو مرض مزمن روحوا طبيب اختصاص وخلي تسوي التحاليل وينطيهة علاج الاطفال لا تفكرون بيهم الا تراجع طبيبه لان جيني احتمال ينقل للطفل

سلام؛ صافن اصلا مسامع بهيج مرض

علي: اي واحد بالميه من الناس  يصير بيهم وهو وراثي ومكتسب خلي اهلهة يحللون يلا اني طالع جماعتي اجو من رخصتكم اشوف الجهال

تقات؛ اجه بوسهم تقدم حضني

علي: بالج على نفسج والجهال حطيت راسي بركبتهة شعرهة طولان شويه عطرهة دمار مشيت شفايفي على ركبتهة سمعت صوت هورن اكيد هذا صديقي لازم اروح

تقات: علي

علي:, التفتت عليهة

تقات: حاول لا تغيب هواي ولدك يحتاجوك اكثر مني

علي: ابتسمت راح احاول

تقات: راح طلعت سلمت على نور صايرة كلش حلوة اجت ذكريات والبنات صارت لمه حلوة سلام راح ورة ساعتين اجه اخذهة

سكينه: واكفه اتفرج عليهم من بعيد احس روحي تريد تطلع دموعي تنزل امسحهة بسرعه حلوة ورشيقه لبسهة ومكياجهة مرتبه مثل حضي لبسي جبه فوكاهة عبايه يلا اطلع والعرس اذا قاعه اضل بالجبه بس يلا اني احبه واموت عليه امين عندي بالدنيا شسوي باللبس هو شافني اجه وكف يمي

ايوب: ليش عيونج حمر

سكينه: تحبهة

ايوب: متشوفيهة بحضن رجلهة شتتوقعين جوابي

سكينه؛ لو تطلكت ترجعهة

ايوب: هي اجتي هنا كم سنه لعبت بيهة جولة وما تحملت تردين من شافت دلال هذا ترجعلي اصلا ما ادري انتي شلون دتقاومين

سكينه: لان احبك

ايوب: الله يحفظكم انتي وابني
وادللكم وما اعيد اغلاطي وياكم

سلام: اخذت نور للمستشفى حطولهة دم وسوت تحاليل طلع كلام علي صحيح والطبيب كال ننطيهة دوة ينشط العامل الثامن وجرعه من عامل فون ويليبراند كلشي ما فهمت بوقتهة انطانه بخاخ انفي وكم علاج وطلعنه امين لازك بينه ميقبل نعوفه رجعنه للفندق خابرت ايوب كتله باجر الصبح نجيك كال هلا بيكم ثاني يوم اخذتهم ورحنه حجينه وياه علمود امين قبل يسافر بس بشروط

ايوب: كل شهرين يجي اسبوعين يمي واشتريتله موبايل اتصل بي كل يوميه ومن يصير بالمدرسه بالعطله يبقه يمي شهر

سلام: تدلل بس بالمدرسه اجيبه اسبوع كل شهرين حتى ميفوت دروسه

ايوب: متفقين تاكدت هذا القرار الصحيح خصوصا بعد حجي حسنين اجاني ب12 بالليل

حسنين: ادري اجيت بوقت مو مناسب بس باجر عدي دوام ب7 اطلع ومنكدر نحجي

ايوب: احجي لك محتاج فلوس

حسنين: لا بس اريد احجي وياك علمود امين

ايوب: شبي

حسنين: عمو لا ترجع امين نور حنينة عليه وشفت رجلهة شكد يحبه وترة هو طفل ميعرف يمثل لو يتلقن لو ما مرتاح مجان كلب الدنيا على سلام لو تجيبه هنا منو اله انت شغل سكينه حامل واول طفل شي جديد عليهة راح تلتهي بي تقات كافي عليهة التؤم ذكريات ابنهة ورجلهة ودراسه البيت ما بقه بي احد بس بيبي سعاد وامك تريد يصير حاله مثل حالي ويجوز اتعس على الاقل جانوا عماتي يمي هسة من يجي منو اله

ايوب: شبيهة حالتك كليه طب واحدث سيارة وشتريد يمك

حسنين: منو كال اني اريد كليه طب يجوز طموحي غير شي اني دخلت طب بس حتى اضمن تعيين اشتري بيت اخذ بيبي واجيب امي يمي شردت من حجي امك بالدراسه لسه تعيرني امك عافتك وتزوجت وبعدة تراب ابوك ما نشف من ادور على امي لكيتهة تخدم بنسوان اخوها ولسه لابسه اسود كرهتني بيهة وهي المسكينه تكدي شوفتي كدايه وخوالي همة ذبوني يمكم انت كل الحمل عليك لا تربط مصير الطفل بيك ولا تكول فلان يمه وعلان يربي تره اني ابن ابنهة لبيبي وما عدهة بزر بس هو وما كدرت تخلصني من لسانهة ولا تكول هذا حفيدهة هي تقات بتهة وما سلمت منهة فكر زين قبل متقرر واذا امين يبقه هنا لا انت عمي ولا اعرفك واعتبر حسنين مات

ايوب: لك تعال سكط انت ليش متحجي ليش ساكت كل هذا بكلبك ومحد يدري واني اكول شبي مكابل فهد وجاسر

حسنين: عمي انت ماكو منك بس متعرف تفصل حياتك بالبيت عن شغلك من اني اغلط تشوف الكل حسنين وتصب غضبك عليهم لهذا نور انفصلت عنك وشكد جنت اشوف نور صح بس سكينه علمتني هواي بالك عليهة لان مرت ضرار مزودتهة هالايام

ايوب: حاجيته بضحك ساعه امك ساعه مرت ضرار شو انت متحترم لك

حسنين: خايب اسكت لا اكلك العكربه على كولت سكينه

ايوب: لا لا سكينه هيج تحجي بعدين شريد اسوي اطردها لو اضربها اصير عاق

حسنين: هي تحس بنقص لان جدو يحب بيبي وانتو كله تسمعون كلامهم وهي لا اهتم بيهة شويه لا تنطيهة بس فلوس اشتريلها كل فترة شغله عبايه دشداشه ولا تجيب لبيبي او لا تنطيهة شي كبالهة وشوف شلون تتغير حتى سكينه لو تسمع كلامهة ولسان طيب تعوفهة متذكر اسيل شلون جانت وياهة

ايوب: والله كبرت وصرت تنصح حسنين افندي

حسنين: تربيتك عمي بست راسه يلا تصبح على خير فكر زين بكلامي

ايوب: طلعوا نور وامين سلام شايله وصلتهم لباب نزل امين رجعلي باسني من راسي

امين: اروح وياهم شيونه وارجع لا تبجييي عليه اصير ريجال واجي اساعدك

ايوب: ههههه يبعد ابوك وعشيرته بوسته يلا روح صعدت للغرفه ضايج صعدت سكينه سحبت راسي لحضنهة تلعب بشعري ما دفعتهة لان متاكد تلزك ومتنزل الا انام

تقات: تعلمت من سكينه هواي شكد جنت اشوف نور مثاليه بس سكينه عرفت تحتوي امين وطلباتهة مجابه جانت لو زعل وهي غلط تضل وراة منا من يتصالحون واذا هو غلط تعوفه والحايط يجاوب وهي لا ملابسه اكله كلشي معليهة منا من يراضيهة وامي لو تحجي سنين هي ساكته وابد متشكي جانت تخلي امين يشوف بعينه تتصرف بذكاء ومعليهة بالحجي

نور: رجعنه اني فرحانه كلش مرضي مو خطير اذا التزم بالتعليمات والدوة وامين ويانه بس سلام بارد ويايه وميباوع بوجهي اصلا احجي وياه ميجاوب ضجت كلش وصلنه للبيت راح نام رحت وراة افتح الباب قافلهة كعدت الصبح بالسته انتضرته يكعد شفته نزل عطرة وكشخته هففف سلاااام

سلام: خير شكو ليش تصيحين لو تعلمتي تنترين ترة ما ناسي حجيج

نور: هو اني شكلت قابل مجذبه مو جنت ماخذها متعه

سلام: اي والضاهر راح اجدد العقد

نور: سلام اسفه حباب لا تعاملني هيج

سلام: اشششششش وروحي نامي المطبخ لو وصلتيله رجلج اكسرهة مالي خلك بعد

نور: صفنت بوجهة سمعت صوت باب غرفه عمتي التفتت شفتهة صافنه بوجه سلام وملاك بيدهة ما شفتهة البارحه جانت نايمه رحت اخذتها من أيدها بسرعه ابوس بيهة هي تضحك وتجر شعري هو عافنه وطلع سويت ريوك كعدنه ناكل امه فتحت الموضوع

ام سلام: بحياتي ما اخذت دور العمه وافرض شي لاعلى ميس ولا عليج بس راح انصحج واعتبريني امج سلام يحبج هوووواي مرته بالصاله عدهة ولادة وهو يكلب بصورج ويقرة المحادثات البينكم ما احاسبج ولا الومج لان حبيتي خطيب اختج لان الحب ميخضع لاي قانون هو مشاعر متحسين بيهة تبدي بذرة تزهر لما تصير شجرة جذورها ثابته بكلبج
ابني يحبج لا تخسري بتصرفاتج ولا تتوقعين ضجت من حجيتي لان كل انسان عندة عيوب بس العيب نشوف عيوب الناس ناسين عيوبنه روحي احجي وياه كافي زعل هاي ميس راحت بعمر الورد كضت حياتهة وياه بس زعلانه يعوفهة اياام تتوسل بي يلا يصالحهة بس هي الله يرحمهة تعاند هواي لا تغلطين مثلها

نور: ضليت صافنه عفتهة ورحت سالت عليه بالشركة مال العطور لبست وطلعت اخذوني للشركه وصلني حارث سالت على مكتبه دلوني لكيت سكرتيرة كاعدة شعرهة احمر ولابسه ثوب احمر كلش حلوة ردت افوت كالت عندة اجتماع ويه استاذ مؤيد اي ويعني شنو

ايه: استاذ سلام ميسمح نقطع اجتماعه وخصوصا هو جان مسافر يعني مشغول

نور: انتي شنو اسمج

ايه: اسمي ايه

نور: مممممم اكولج روحي من وجهي لا اسحولج على الدرج واخلي استاذ سلام يطرد الموضفين كلهم مو بس انتي

ايه: العفو حضرتج ليش تتجاوزين جايه من غير موعد وما طردتج وعاملتج بأدب انتضري من يخلص اجتماع اخبرة بوجودج ويقرر يستقبلج لو لا

نور: دفعتهة وفتحت الباب صفن هو ومؤيد عليه

مؤيد:ها نور اهلي بيهم شي ليش جايه لهنا

نور:لا ما بيهم شي اجيت اشوفكم

سلام: رجعت نزلت راسي على الاوراق اوقع

ايه: استاذ سلام اسفه بس هي دفعتني ودخلت

سلام: هذا هو ايه رجعي لشغلج

نور: ضلت واكفه عطت اطلعي برة بلكي فد ثور يخلصني منج

سلام: ضام الضحكة كوة اصلا هي من اعتذرت رف كلبي عليهة مو انوب تغار عليه لا هواي ما اتحملهن كلهن بفد يوم

مؤيد: اني طالع اشوف المحاسب

نور: كعدت كبالة اهز برجلي هو يكتب ما مهتم صار الضهر واحنه على نفس كعدتنه

سلام: راح اطلب اكل تردين

نور: اي

سلام: وجبتين غدة وعصير ثنين هو مثل كل مرة

نور: ورة شويه دخلت الاكل

ايه: تفضل استاذ

سلام: زوجتي من تجي غير مرة تدخل بدون اذن مفهوم

ايه: ااي حاضر استاذ واسفه مجنت اعرفها

سلام:مصار شي

نور: كعدت اكلت الاكل كلش طيب مندي لحم وياه مقبلات وحار خلصت ماعوني واكلت نص ماعونه

سلام:جوعيه بقيلي شويه

نور: ما الاكل كلش طيب واني من البارحة ما اكلت شي

سلام: بالعافيه

نور: يلا صالحني ترة والله تعبت اركض وراك حتى فجي يوجعني من ضربتك ذيج المرة حرام عليك

سلام: خلصي لان خلصت شغلي حتى نروح للبيت نعست

نور: امشي تعال اكل ويايه

سلام: هو شبقيتي انتي بس عضام الله وكيلج احد كلج اني جلب عزلتيلي العضم

نور: حشة الجلب قصدي حشاك

سلام: نوور نور نور فكري قبل لا تحجين حتى لو شقه ما اقبل و امشي غسلي وجهج كله اكل ملاك تاكل احسن منج

نور؛ يعني صالحتني رحت يمه كعدت بحضنه

سلام: يمكن

نور: صفنت على عيونه تذكرت اول يوم طلعنه بالسيارة من حضني قوي عصرني بحضنه فهيت عيوني على عضلات ايدة وصدرة حضنته همست احضني قوي

سلام: حضنتهة قوي تذكرت من جنت احجي وياهة تكولي احب حضنتك تحتويني

نور: اشتاقيتلك هواي

سلام: لا تأذيني بعد

نور: التوبة بس والله تخبلت على امين مو بيدي

سلام: اخذتهة وطلعنه طبينه بفروع زيونه وكفت بالفرع نفس المكان اول بوسه جانت هنا هي ابتسمت

نور: ما ناسي

سلام: انسه كلشي وما انسه لحضه قضيتهة وياج

نور: تلمست وجهة بسته من خدة تنهد حركت شفتي لاذنه نزلت على ركبته حسيت برجفت جسمه انفاسه الدافيه لفحت وجهي تقربت لشفته مد ايدة نزل الكرسي سحب وجهي باسني قوي ضل يبوسني اذاني لزمت زندة حيل هو جر ايدي شابك اصابع ايدة ويه ايدي جرني حضني حيل وراهة رجع لمكانه عدل قميصه وطلع كبل وكف السيارة يم نفس العمارة اخر موعد جان هنا جر ايدي صعدنه بالمصعد خابر مؤيد كله نتاخر واحتمال نبات برة البيت حجة ويه امين كله نام من وكت لا تعذب خالك سدة وغلق الموبايل واخذ موبايلي هم غلقه طبينه للشقه نفس الاثاث ما متغير بيهة شي شالني طببني للغرفه يهمس باذني

سلام: اريد تدلليني كان هذا اخر يوم النه سوة بوسيني كان هاي اخر بوسه ميت بدونج احييني بيدج

نور: عصرني بحضنه بادلته بلهفة عشت وياه لحضات مثل الحلم رفعت رأسي همست بأذنه احبك سلام نزلت راسي على المخدة عقد حواجبه

سلام: لشوكت لما تجي ميس لخ لو يطلع طبيب ثاني لو تصادفين غير امين

نور؛ مستمر بحركته ويحجي لمساته صارت مؤذيه دفعته صار اعصاب واذاني اكثر شبيك

سلام: ليش رحتي مو توسلت بيج مو كتلج راح اموت بدونج ليييش حركتي كلبي

نور: اسفه والله بعد ما اعوفك سلام حباب والله اذيتني عوفني حضنته رقق لمسته دقايق وابتعد حضنته

سلام؛ لا تعوفيني بعد اموتج والله طلقه براسج واخلص منج ومن حبج

نور: ههههههه مخبل حضنته ونمت كعدت ورة يومين سافرنا رجعت لحياتي الروضه والبيت كل جمعه نروح لمكان ملاك كبرت وسوالفهة صايرة حلوة وتتلوك لابوهة وهو متخبل عليهة استمريت على الدوة هواي تحسنت بخاخ كل شهر قبل العادة الشهريه وابر جرعات مركزة مرات اخذ مو دائما وطلع بابا عندة نفس المرض بس حالته احسن مني وهو ينقسم حسب الشدة لانواع ودوخة بس المهم صرت زينه ورة شهرين رجعت هواي ادوخ رحت حللت طلعت حامل فرحت كلش رجعت للروضه وصيت البنات على الاطفال اخذت امين وملاك وقررت اروح للشركه واشوف ردت فعله اخذت موبايلي من الشحن لكيت رساله من سلام (اي صدفه عظيمه هذه أن يكون نهدك بمقاس فمي ) جاوبته دير بالك لا تغص هههههه

سلام: كاعد بالشركه ابو ابويه محروك من الخربطة الصايرة بغيابي ضليت اكلب بالفيس شفت منشور نسخته وسويت اعادة توجيه لرقمها شفتهة ما جاوبت عفتهة دخلت للإجتماع صرت اعصاب غلط بالحسابات تراجع بالانتاج ضليت اصيح الموضفين كلهم عرب واغلبهم عراقيين رن موبايلي رساله فتحتهة قريت شكاتبه اريد اسيطر ما اضحك واكمل عصبيتي عليهم ما اكدر تالي متت ضحك وذولة صافنين عليه جنهم مطايه ورة نص ساعه طبت السكرتيرة كالت زوجتك بالمكتب وانطتني هاي الورقه اوصلهة الك فتحت الورقه تحليل حمل من الفرحة اريد اوكف ما اكدر طلعت ركض للمكتب حضنتهة شلتهة افتر بيهة

نور: وك دخت راح ازوع ابنك عليك

سلام: ما اصدك حيصير عندي طفل منج

نور: طلعنه افترينه رجعنه نص الليل

ذكريات العزوف💔💔
نجاة محمد