رواية سلام قلبي الفصل السابع والأربعون 47 - بقلم غير معروف

سلام: شلت نور غسلت وجهة كعدت تدور على امين وتبجي ابوهة يسكت بيهة اني صافن فززتني شهكاتهة وجهة صار اصفر حياتي لبسي نروح للمستشفى اجت امه يمي هو راح لزمهة

نور: ما اريد حباب عوفني بضيمي

سلام: امشيييي فضيهة

ام سلام: يمه هسة عفت بغداد كلهة المولات والبارات والزوراء اخذت هاي بس تتدلل عليك وبس تحاجيهة توكع اتزوج عليهة هسة تصير جنهة حصان تطارد

نور: هي حجتهة بضحك بس اني انقهرت اي خلي ياخذ بنت اختج ام المتعه

سلام: لج ادبسز منو ام المتعه تعاااااي هنا

نور: رحت يمه لزم ايدي حيل دفعته ورحت لغرفتي قفلت الباب ضل يدك بالباب ويصيح غلست رحت للمجر جنت عايفه شريط فاليوم لكيته اخذت ثنين ونمت ما حسيت غير ب3 فزيت ادور على امين اتذكرت ابو اخذه كعدت ابجي اريد سلام شلون دفعته واعيط شذنبه هو صعدت لغرفته فتحت الباب طبيت اختنكت ريحة الجكاير تكتل كاعد على الكرسي كبال الباب ويدخن

سلام: طلعت امين من اخذة ويسحل بي بجفه ونترت نور وحجيهة ويه امي وتدفعني بجفه شكد عصبي وصارم بالشغل بس وياهة غير احاول ارضيها باي طريقه حزت بكلبي معقولة تجازي تعبي بهيج تصرف كبال اهلهة وهي دائما تبدي من اول مرة اليوم تنتر وتدفع باجر تمد ايدهة اي طبعا وسلام المطي يركض وراهة صعدت لغرفتي ادخن احس راسي راح يطك صار الليل كعدت كبال الباب تذكرت امين من اجه اول مرة ميعرف يفتح الباب صافن هسة يجي ادري بي ميكدر ينام الا على صدري ضليت على كعدتي ما ادري شكد لما اجت نور فتحت الباب

نور: حضنته اسفه حبيبي

سلام: باوعتلهة بطرف عيني رفعت حاجبي امشي روحي نامي

نور: حباب والله ما اعيدها

سلام: روحي نور اعصابي تلفت من ارتاح اني اجي

نور: ما ما اروح ضربني على وجهي حسيت بخدي نار صار اذني حارة انصدمت هذا شبي

سلام: هالمرة راح اعديهة بمزاجي شكد احبج وامشي على هواج بس تعلين صوتج على امي وعليه وتنترين وتدفعيني وكبال الكل لا ما اقبلهة الضاهر اني هواي انطيتج مجال باجر الصبح ساعه ثمانية الكاج جاهزة نروح للمستشفى واريد من الله تعاندين وهسة يلا ولي منا

نور: اول مرة اشوفه هيج عصبي بس ما ضجت استاهل نترت كبال ابو واخته وهمة يحترموا عافني وراح نام نزلت ضليت كاعدة بالسبعه بدلت وسويت ريوك وكلهم كاعدين اعتذرت منه كبال الكل وهو بعدة ضايج وعصبي يا حبيبي مو اعتذرت وبست راس خالتي شبيك ويايه

سلام: شروق انطي الدوة لامي ومي كل نص ساعه كلاص ملاك لا تكعديهة لان بالليل ما نامت

نور: ليش شبيهة

سلام: لو تهمج جان ما عفتيهة بس امين راح بعد ميهمج احد

نور: انت شلون هيج تحجي اني نفسيتي تعبت البارحة ولان اعرف انت موجود اامن ادري بيك احرص مني عليهم هي وامين ضجت كلش من حجيه نزعت السترة ذبيتهة ع القنفه هي والشال والحذاء انزع بعصبيه احترك كلبي من حجيه رحت لغرفه عمتي ملاك يمهة نمت يمهم وحاضنه ملاك عمتي حست

ام سلام: سلام راح

نور: ما اعرف عفته واجيت

سلام: اشتغل وبالي يم امين يبجي لو سكت للضهر رجعت ما اتحمل صوت اي احد رجعت طلعت اشتغلت لنص الليل رجعت صعدت لغرفتي هم حطيت الكرسي كبال الباب صارت ب2 ما تحملت طلعت المسدس من الجرار انطيت خبر لحارث خاف يسالون اني رايح للبصرة

....................................

تقات: بيوم الطلع امين لبغداد سكينه تخربطت اخذها خالد وسماح للمستشفى ورة نص ساعه اندكت الباب طلعت ذكريات تشوف منو سمعت صوت حسن يبجي شلته ارضعه انفتحت باب الغرفه جنت منزلة عيوني شفت بسطال عسكري بيجي رفعت عيوني علي واكف كبالي ركض للكاروك شال حسين انلجم حلكي كلشي ما حجيت

علي: فدوة باباتي رفعت عيوني شكد مشتاق لصفار عيونهة شلونج هذا ليش يبجي

تقات: عوفه معليك بي

علي: شبيج انتي ترة ابني مثل ما هو ابنج

تقات: مو عفتنه وسافرت شتريد جاي

علي: اني عفتكم لو اني طردتيني من حياتكم

تقات: وانت ما عولت

علي: ذبيته ورحت يمهة التردي شنو

تقات: نصي صوتك ميصير صوت عالي

علي: ممممممم اوك انطيني البيدج ابوسه اريد اروح

تقات: اخذة بوسهم وطلع ساعه تسعه طب امين والولد ويه ابنه ابنه بس يبجي والجهال ميصير صوت يمهم انشلع كلبي

ايوب: شبيك تبجي

امين: اريد بابا سلام

ايوب: سلام مو ابوك ضليت اصيح هو بس يبجي اجتي سكينه ويه سماح و خالد صفنت وين جنتوا

سماح: عالخير ابو امين سكينه حامل

امين: فرحتي متنوصف بس الهوسه بالبيت وصوت الجهال اريد بس اشرد

ذكريات: اليوم اجه علي شاف جهاله وراح

فهد: اي اتصل كال نازل يومين ويروح

ايوب: الله يهديهم تنهدت كلهم طشوا لغرفهم ناموا وامين بس يبجي وميقبل احد يحاجي ميريد لا فلوس لا نساتل حرت وياه الليل كله ما نمت الصبح طلعت للشغل خابروني يبجي وميقبل ياكل البارحة ما اكل رجعت للبيت احجي وياه يبجي وجهال تقات يبجون ومو زين عليهم صعدته للغرفه لك بابا شبيك نام ميقبل اطلعك بالسيارة هم ميقبل ونوب شلته كام يصرخ نزلته ضربته خنس بس يشهك كلبي راح عليه بس حرت وياه مشه اليوم بطلعان الروح وهم بالليل ميقبل ينام يريد سلام

امين: حباب بس اخابرهم

ايوب: ضل يشهك وهيج يحجي انمردت مرد اتصل على نور مغلق عمي ميشيله واني بس ذولة اعرف ارقامهم ضليت الوب وياه ساعه ب6 اجه علي وفهد طبينه بالاستقبال حسنين نايم بيهة سحلت امين سحل بلكي يلتهي بابن فهد

فهد: عمو ليش تبجي هسة بابا ياخذك للالعاب ونشتري

امين: اريد بابا سلام وماما نور

ايوب: لك بابا انخمد شوف وجهك لا اكل ولا نوم كاااافي انعل ابو سلام لابو نور بنت القندرة شسوت

علي: كافي شبيك دمرت نفسيته ليش ما قنعته هناك مو تسحله من اهلة وتريد يحبك

ايوب: استغفر الله اندكت الباب طلع علي فتحهة اني صافن على امين

سلام: سلام عليكم اول ما طبيت عيوني راحت على امين اجه ركض شبكني ويبجي

امين:نروح بسرعه حباب بابا والله ابوس ملاك واسمع كلام

سلام: حاضنه دموعي تجري ما اعرف ليش الله زرع محبه هالولد بكلبي ومن اعلمه ويسمع كلام احس روحي مسوي انجاز عضيم

فهد: تفضل اكعد ليش واكف

سلام: تنهدت كعدت مقابيل ايوب وامين بحضني حاضني بايدة ورجله حاضنه جسمي وحاصر راسه بركبته ويشهك كافي بابا مو كلنه الرجال ميبجي احجي همس

امين: اريد انام

سلام: اي يلا نام

امين: خاف تعوفني نايم وتروح بابا لا تعوفني ضربني على وجهي يوجع والله

سلام: غمضت عيوني شنو من حركة احتركت اريد اكسر البيت على راسهم بابا والله ما اروح شو اشوف وجهك خدة بي اثر احمر رجعت حضنته هم صافنين لان نحجي همس يلا نام

امين: باردة

سلام:نزعت سترتي غطيته ضليت امسد بشعرة سكت ربع ساعه غفه بس كل شويه يشهك اريد انزله انيمه ع القنفه يفز بس ابعدة

امين؛ صافن على ابني يحضن بالغريب ويستغرب مني ضحكت باستهزاء والله دنيا

سلام: ايوب بغض النضر عن كلشي صار ومنو انت راح احجي وياك كإنسان اول مرة اشوفه

حسنين: سلام عليكم

سلام: عليكم السلام. نرجع لموضوعنا اني وياك انولدنا بهذا البلد قسمتنه ونجبرنه نتحمل الضروف غصب اخذنه شهايد علكناهة ع الحايط واشتغلنه بشي ميخص دراستنه الحمد لله والشكر على كل حال حكومتنه متدعم مواهب الشباب فرص عمل قليله يعني لو دكتور لو كليه عسكريه يلا تحصل وضيفه بعد التخرج ولو انت الله رازقك وخير من الله عندك بس امين اجته فرصه بغير دولة ومكان احسن بالف قاط لو ياخذ شهادة ويرجع هنا يقدسوا جنسيه ومدارس تهتم بالطفل من كل النواحي هنا شنو اكو غير التفجير والقتل

ايوب: انت تعرف شنو يعني ابني انطي لرجل طليقتي

سلام؛ وياك اني صعبه بس هنا يتدمر بعد حياته هناك شوكت متريدة بنفس اليوم اجيبه الك

ايوب: شلون طلعتوا بلا هوية

سلام: لان عايشين بالعرررراق

ايوب: ليش متمسك بي هالكد حتى ميقربلك

سلام:غمضت عيوني تنهدت اني كبرت وابويه ما اشوفه غير كم مرة بالسنه اني الزغير امي دللتني هواي وبقه ابويه غريب عني هو مو كلش متفاهم ويانه يعني فاني جنت اوكف بوجهة من يضرب احد تنهدت من رجع جنت انام على الرصيف اكثر من غرفتي كبرت واني وياه ابد ممتفاهمين حبيت بنيه وعافتني اول الناس اتشمت بيه هو وعقابي جان زواجي من ميس حتى يرضى اني شفت ضيم لما وصلت من اجه امين جان حبي اله كاي طفل بس اتعلقت بي احس ارجع طفل واعوض الحرمان العشته شيسوي ما امد ايدي عليه ولا حتى اصيح حتى خزرة ما اخزرة

ايوب: الله كريم نام مبين عليك تعبان

سلام: ضليت حاضن امين

نور: كعدت بالليل خشمي ينزف اخذت خاولي حطيته عليه ورجعت غفيت كعدت الصبح كله دم رحت غسلت وبدلت اندكت الباب

مؤيد: نور سلام يمج

نور: لا بغرفته

مؤيد: طالع ساعه ب2 وما رجع وهذا حارث ما ادري وين طلع عندج رقمه

نور: لزمت كلبي هذا وين راح اتصلت على حارث كال للبصرة طلع رحت ركض لغرفته فتحت المجر المسدس ماكو اتصل ميجاوب ضليت ابجي

مؤيد: اني راح اروح وراة كافي لا تبجين شكو عليه قابل

نور:, انتضرني اجي وياك

ذكريات العزوف 💔💔
نجاة محمد

هالبارت نشرته لخاطر بنيه رادت بارت عيديه ادري طولت اعذروني بعد بس بارت وتنتهي  وارجعلكم بقصه جديدة 💋