رواية سلطان زمانه الفصل الخامس عشر 15 - بقلم زهراء العراقيه

من كتابات زهراء العراقية

جاوبته بعدم استيعاب واني مناك نعسانة حيل
"نعم !!!!!!!
ههه سلطان انت شارب شي
وكف كدامي ... جريت انفاسي احاول الزم شتات نفسي . اعرف قربة دمار الي ولحواسي .
اتلمسني بكفة بحنية
وقبلني على خدي ...
" اريد مرتي ادللني ..
رقيت مع اني كنت مهدوم حيلي
هزيت براسي موافقه
انطرح وحط رجل على رجل .
"هيج راح اتنام ؟؟
دنزع حذائك احتراما الي ولتعبي بالتنضيف
"نزعيني انتي
'هاااا !!!!!
" مو مرتي هاي واجباتج ..
اتخوصرت وتأفأفات .. استغفرت ربي ما اريد اعمل مشاكل من اول ايام خل اصبر وعلى الله المستعان
رفعت رجلة بغل ونزعته اول فردة واني ادردم بسري على نفسي هو هذا الي قضيت ليالي من عمري اتحسر عليه وعلى صوته .. نزل رجله من نزعته وحط الثانية قريبه على وجهي نزلتها ونزعته وشلتها
طلعتها لبرة ... ورجعت اله لكيته دينزع بقميصه ..
طلعت اله بجامة .
" جيبها وتعالي وراي للحمام
"راح تسبح ؟؟
" حضرة جانب الاميرة لعبت نفسها من رجلية .
"لا لا بس اني محب هيج شنو انزعك حذائك هاي لبابا ما سويتها
اتكتفت ووكفت يم الكنتور .
صاح بيه فززني
"ليش واكفه تعالي ورايه ..
رحت خلفه علكت السيت بالمنزع وحطيت اله خاولي . وشلت بنطرونه الي شمرة على الارض
دفعني هو ودخلني وياه
" سلطان ... شتريد ما احب الحمام
ضل يباوعلي واعيونه الحنينة سحرتني
"لا لا ما احب الحمام من تطلع .
ردت اطلع لزمني
"تعالي كلشي ما اريد منج .
رفعت حاجبي بسخط
"اهاا
لعد خلني اروح
" سبحيني !!!!!
" يااااا
عمري وحياتي ما شفت وحده من نسوان اخوتي تدخل مع زوجها للحمام يا ترى بالليل هم هيج يدلعون عليهن لو بس اني .. كنت ادهن الصابون على ضهرة وافكر . اثاري الرجل يحب الدلع اكثر منا واني الي كنت اظن الدلال للزوجة .. بأطراف انامي ادعك شعرة واغمرة بالشامبوا هو كان جالس وساكت . واني ادعكله راسه بهدوء ...
غرفت بالطاسة ماي وذبيت عليه . . هو اني مأخوذة بيه وجمالة ساحرني ؟ لو هو الماي يجمل اكثر . كانت قطراته تداعب جسده . كام ولف خصرة بالخاولي واني خلفه اعدل بالحمام .
دخلت لكيته مطروح على السرير
"راح اضل بالمنشفه ؟ سلطان هذي بجامتك البسها يلا ..
كنت انشف بأدية
طلع بتلفونه اغنية ايرانية هلي دن دن
وكعدلي الا اركص اليوم . عبالي نسة اوووف
ضليت واكفه اضحك ما بيه اركص ولا احسه يلائم عمري
ضل يصيح يلا ما يلا واني بس اضحك تاليها عاط بيه حيل . درت وجهي عنه وبديت اهز جسمي على مهلي حتى لا اسقط على وجهي .. احسه وكف خلفي
"دتعاي شنو القضيه خلصانه !
لزم خصري وهزني
"لا لا
صرت اضحك وهو يهز بيه تاليها دفعته عني بخفه ووكفت كدامه وهزيت واضحك على ما اعرف ايش
حتى تعبي نسيته وهو يصفك الي وجلس على السرير . تاليها سقطت بحجرةمن التعب ...
.
ردت اغفى شفت الساعه كدامي .. با 3 ونص باوعت لسلطان نايم على بطنة ولا حاس بشي نام بعد ما هد حيلي بدلاله عليه ...غفيت وياه ...
صحيت الصبح على صوت بكى واصياح ...جسمي كله مكسر وسلطان مو يمي ..باوعت حولي شفت ملابسة مطشرة والكنتور مفتوح وطالعه منه الملابس ..
ما لميت شي شفت الساعه ي 10 ونصف كمت اريد اشوف شنو هاي الصيحه . لبست روبي وطلعت ..
شفت بالصالة غادة مقرفصة نفسها وشاب يكتل بيها واصيح ..
اول ما طلعت عينه صارت بعيني . دخلت ابسرعه ...لبست ثوب اخاف الروب يبين منه شي ولبست شال مكنت لابسه من طلعت...اضاهر هذا علاء ماشفته البارحه ..
طلعت اله
"خالة ليش هيج عوف اختك
تركها وخزرني ونزل يغلط ويتوعد ..
اتقربت عليها
دفعتني ونزلت خلفه تغلط
"تعال ولك صاير رجال عليه كلب يا حقير ..نزلت خلفها من سمعت صوت عراك ...
شفته يجرهامن شعره ويطلمها بالحايط .
" لك ما يجوز هذا العنف عوفها
ام علاء .. ام علاء ...سلطانة وينج تعالي شوفي ابنج
صاح بيه
"ما عليج بيه ام خشم
ضايقني كلامه ..لكني تقربت منه اخذت البنية من ايده
" عيب هذا الكلام احترم الي اكبر منك ..
و هاي تعارك وتغلط وهي مزوركه
اخذتها للمطبخ بالغصب تلفت اعصابي ..
قضيت النهار واولاد سلطانه بس يتعاركون وهي ماكو... الطامة الكبرى الغدة اني ما اعرف اطبخ شي
البنات همزين عملن مقالي واني اكلت هو غدة وهو ريوك ..بس بالغصب تدخل اللقمة جوفي من اتذكر شكل الطاوات سود من الدهون ...

خلصتها بس يلا افكك الولد عن البنات ..حتى الصغار بس يتعاركون وعلاء الصبح من صحت بيه طلع بعد ما رجع ... كنت اتعجب اشو ما عدهم خطار يجون يباروكون .اني العصر عدلت نفسي خالاتي يجن يشوفني ...وبصراحة تعرضت لعدة مواقف محرجة ..
امام خالاتي وبناتهم ...اجت سلطانة ..حتى طريقة سلامها كنت اشعر بالاحراج منها واغمض اعيوني على امل تختفي من جلستنا ..
لو اطفالها كلهم ريحه ويفترون بالبيت يزعبلون
من راحوا الخطار . عدلت البيت و بلشت انضفه ..شلت حصيرة الهول وغسلتها و نضفته بس هو كلت العافية درجات واني ضهري ابسرعه يوجعني ..سلطانه كانت عند بيت خالها .. ما اعرف شسوي اهناك وتاركه اولادها مع عروس جديدة ؟؟
تعبت من الانتظار الساعه عدت ال12 وسلطان ما راجع ...رنيت عليه مافتح خط ..قررت انام ولو شنو ما يسوي ما اكعد اله ..
من قررت انام . حسيته رجع .. كبل طفرت طفيت الاضوية ونمت ..
دخل احس بخطواته ..من يمشي .. فتح الضوة و بدل واني استرق النظر اله وهو يغير

جلس جنبي .. وكان مشغول بتلفونه ...انتهى منه
و بده يباوع الي واني مسوية نفسي نايمة ..بدأ يعبث بشعري بهدوء .تاليها انطرح جنبي و مد يدي واني ما تحركت ... حط راسه على ايدي وغمرة نفسة بوسط صدري .. انفاسي تضاربت ودقات قلبي اتسارعت فاضحه امري .. مدري شصار بيه من انفاسة الحارة يزفرها على جسدي .. استقر راسه وماعاد يتحرك واني المد والجزر كركب حالي لكن سرعان ما هديت من شفته هدأ وبعد ما اتحرك غفى وهو يستمع لدقات قلبي .. احتظنته غصبا عني وقبلته من شعره ...هي هاي اللحظة تهون عليه كل تصرف بارد وجارح وتغفرله عندي كل شي يسوي بيه ... صحيت من نومي على صوت سلطان مخنوك ..اخترعت فتحت الضوة ...كان لازم رقبته وعرقان و يهذي
" عايد ...لك عوفني ....
بالقوة فهمت كلامه . هو يعيد ويكرر بأسم عايد
"سلطان ...بسم الله سلطان اصحى ...حبيبي
فتح واخيرا بعد ما هبطني عليه ..
ضل جالس ورحت جبت اله ماي .. شربه دفعه وحده اسطح و انطاني ضهره .. مديت رجليه جنبه ومسنودة على كوعي و امسد على متنه .. و بقلبي الف حسبة . اشبي حبيبي ما مرتاح بنومه .. الصبح كعدت من وقت حتى بس الحك عليه .. لكيته توه طالع من الحمام ودا يبدل
"صباح الخير ..
ما رد مدري ما سمع ..
اني ايدي توجعني حيل لأن راسه رجعه على ايدي طول الليل ..
" ليش اتروح من وقت ..ضلك اتريك وياي
اوك لا تطلع ..حكوم ابدل وانزل احضر الك الريوك .
مشط شعره واني غيرت ..
" نزل واني خلفه انزل على مهلي ..
دخلت للمطبخ . كانت صحون العشا بعدها مكومه على السنك والارضيه كأن طاوة الدهن مقلوبه عليها مشيت بحذر و حضرت الريوك ..
وطلعت شفته ينتظرني بالهول .كان مزعبل بالالعاب مكسرة و اقشور فواكه . حطيتها امامه . وجلست جنبة ترك الفون وبدا ياكل طبعا اني الحمدلله اعرف اطك بيض عين و اعمل شاي وانظف هم . لكن الطبخ ما اعرفله ...
" سلطان ...شرايك نطلع اليوم ..
ليش ساكت ...سلطان .. هلوو نحن هنا
اشرت اله بأيدي.
"وين نطلع ؟
طلع يسمعني
" باي مكان حبي .... المهم نغير جوة ..لو نسيت احنه عرسان ..
كشول بوجهه
"ما احب الطلعات
" اكو واحد مايحب يطلع يتونس؟
"اني ..
البيض مالح حيل
"ها سوري
" اني رجال لا احب الطلعات ولا مال كشخات تردين اطلعين من ترحين لاهلج ويه اخوتج اي
"اوك اوك فهمت
كلتها بزعل وسكتت
جلستنا مال اثنين عدى على زواجهم عشر سنوات
تذكرت سالفه البارحه
" اكولك صدوك منو عايد ؟؟
شرك بالشاي
"الله الله
رحت جبت اله ماي ورجعت لكيته ماهو بالهول هو بعد ما اكل غير لكمتين ..
رحت للكراج
"سلطان وين ...تعال .
صرت خلفه وهو يصعد بسيارته
"زين اجيتي افتحي الي الباب
" حبيبي بعد وقت والله تعال
بعدين تعال ما كلت الي شنو من شغل هذا اتروح اله من الصباحيات وترجع الي بنص الليل .؟؟
التفت عليه بعصبيه
" شرايده من الصبح
شكلت اني
ما احب احد يحاسبني
" لا والله لعد ليش ازوجت
ضل عايش على راحتك
" ادخلي لجوة وكلمة وحده ما اسمع بعد
"داخلة داخله
زمخت بوجهه ودخلت ... ما ادري بيه هو خلفي اجه ..
"تعالي ولج .. عليمن اصيحين ؟؟
" شنو شنو هاي اللهجة الجديدة ...
سلطان اصحى اني رهف ..
" وشنو يعني كلج خلك مرة ..وهم عكرة
"حسن اسلوبك ...
ضل يصيح واني صوتي ناصي انوب اريده يهدأ لا يسمعون الاهل ... ضل ينهى بيه ويصرخ بوجهي
" كافي سلطان ..
طلعت اخته
" هاي شنو كولوا يا هادي ... بعدكم ما طلعت سبعتكم
فد انحرجت .. عفته يصيح و رحت لفوك
تلفت اعصابي احس نفسي اتسرعت من مشيت خلف عواطفي ...
اشلون اتحمل بعد منا من يهدأ باله ناحيتي .. اشلون اكدر اتعايش مع شخص احسه حاقد عليه .....
نزلت لكيت سلطانه ماخذة ريوكي .. دخلت للمطبخ نضفته ومسحته وطلعت كعدت يمها ..ردت اتعرف عليها لازم تتقارب المسافات بينا حتى ما اضل حاسة نفسي غريبة ..

" ما كلتي الي اشعجب ما ازوجتي  ضليتي كل هذا الوقت متانية سلطان؟
سؤالها ازعجني وهم حيرتني الاجابة
"بعد قسمة ما اجت
" اي هم صدك
اطفالها  بس يصايحون بينهم دوخه ريكوهم لا تطاق احنه كاعدين بالهول هي اتخيط ازارار قميص ولادي واني جنبها ..
"اكلج صدك لا ازعلين من سلطان ترة كلبه ابيض
بس هو عصبي حيل ...
" سلطانة ...بس بخاطري سؤال ..كل ما اشوفج اذكرة
رفعت نظرها عليه
" شنو؟
" انت ليش من اجيناكم اني و مرت اخوية
يعني .. يعني ليش طلعتي سلطان مو خوش ..
"اهااا
والله ردتج اتبعدين عنه
"شنوو،؟
ليش وانت حتى ما اتعرفيني !
" اااه شكولج ..اني يتيمه ضاله حايرة بكومه لحم .. من طلع من السجن عاد شال عني اشوية حمل
بس من عرفج يا رهف . واجر محل يمكم بمطنقه غاليه ومابيها رزق .. انكطع رزقه علينا ضل حاير بس بنفسه .. اني ما اعرفج ام سلوان ...تسمعه هو وابنها يسولفون عن وحده .. حتى اسمج ما اعرفه . لكن خمنت من اجيتني بدرب تعبان ...عرفت السالفه
وكطعت الود الي بينكم
دمعت وهي اتسولف بكل برود ماتدري شنو سوت بيه واشكثر عانيت بسببها
ودي اضربها كف واريح اعصابي الي فارت ...

" اااه يا رهف ...... تاليها طلعتي انتي نصيبة . واخذج والحمدلله ...

عفتها تتكلم ورحت لغرفتي لا اتهور و اصرف تصرف يندمني بعدين ..
بكيت و حزنت على سنيني الي ضاعت لو سلطان الي ضيعته من ايدي..
اهنا رن تلفوني ....فرحت من شفته حبيب الروح بابا
اطمن عليه واني بالقوة لازمه اعصابي وما كولت اله تعال اخذني من هنا ابسرعه ...

كمت للبيت عزلت المطبخ مع البنات حبابات وخدومات ... وامهن هم طلعت مدري وين ...
غاده هالمرة طبخت تمن معجن و مركه اشلون ما كان .
صعدت اسبح وهنه كالن راح نصب غدة ..
نزلت لكيته جالس بالهول يلعب ابن اخته ابو 8 سنوات
حتى اسمه نسيته اسمائهم لهسة مدا احفظها ..
"ها حبيبي اجيت
ما التفت عليه
عضيت شفتي ندم اشلون نسيت وكلمته المفروض اني زعلانه عليه اهوو .
عفته ورحت لغرفتي مكتأبة بس ليش هي روحي مفرفحه عليه ..وهو شرجعه اليوم ..
صاحن الي البنات نزلت
حطن صينية وكلها اتكومت عليها سولي مجال وصاحني ..جلست جنبهن وصفنت على الصينية مابيها مقبلات .. مواعين تمن وسلطانية كبيرة بيها مرق ...
بدأو ياكلون واني جلست جنبي غاده تاكل معي من نفس الصحن . .
ضليت مركزه عليهم اشلون ياكولون يحطون الخاشوقه بحلكهم وبعدين تطلع منه كلها لعاب وتنحط بالمرق المشترك ... انزين اشلون رهموها
حتى لسلطان باوعت ياكل ولا بباله .. نفسيا ماكدرت استقبل هذا الشي اساسا بالقوة جالسه احس رجليه طبع بيهن الحصير ..
اكلت تمن ابيض ... سلطان طلب ماي .. انطوه ..شرب من الدوركة .. واخذها منه ابن اخته هم شرب . عطشت كمت .. جبت لنفسي كلاص وشربت ... لمحت اعيونه صادتني ...
اهملني واتكلم مع غادة سائلها عن امها
كالت اله راحت لبيت خالها ..
حطيت الكلاص وكمت ..
ردت انام الضهرية ... بس الوطني طفت . و ضلت الغرفة على برودة السبلت خفت لا تحتر وخاصه احنه طابق ثاني ... فخلعت ثوبي و لبست ثوب اقصف ....
فتح الباب ودخل ...
" كومي سوي الي جاي
كمت واني منعسة لبست ثوبي وطلعت .   سويت .
رجعت اله
"هاي شنو ..ليش تذب قطوف هيج ...وليش اطفيها على الميز .. حطيت الشاي    واني منفعلة ضايجه على ميز السرير .. نضفته  وهو يشرب شاي .. وشلت اوساخه .. حطيت المطفئة يمه
"هاي يمك ...
انطيته ضهري وانطرحت تركته جالس .
" ارجعي لثوبج الاحمر !
تنهدت .. جازعه
غمضت اعيوني طالبة النوم وعدم الاهتمام اله
حط راسه على خدي
" ريحتج تاخذ الروح
بلعت ريقي بصعوبة وتالي وياي كلمة منه اذوبني
حاول يقبلني
ابعدته عني .. حطيت ايدي على انفي
"ماكل بصل ؟؟
خزرني
"اولا  انت كسرت بخاطري .. وما اعتذرت
ثاني شي اشعجب جاي هيج وقت ....
ابتسم بغضب واضح
" بكيفي اجي وقت ما اريد .... واكل الي اريد
وماكوا اعتذار بينا ! .
قبل لا انطق حرف سحبني من ايدي وكومني،، وعلى الارض حتى ضهري توجع .. كأنه دا يعذبني ..
لكني تعذبت اكثر من تقبلته كما هو وما تعبته ..
حسيت نفسي اسيرة للمساته وضعفي جدا مثير للشفقة . اهو بسبب الحرمان ام بسبب حب اله  تاهت عليه .. اني احبه لو ارغب بيه وبعنفوان شبابة ...
واستمرت ايامي وياه على هذا النحو جامد بارد وياي بالنهار ...و تالي الليل يتحول واحد ثاني .. ما يتركني انام وحدي الا واني بأحضانه او هو بأحضاني ..دائما كنت اكول اله انت روحي بجسد ثاني . لا تقسى عليه .
.
اخته مالها اي علاقه بيه لكنها حيل مهمله لأطفالها او اولادها .. كلهم بعمر يحتاج رعاية .. ابنها الكبير هم دوم طالع مثالها .. هو يشتغل مع سلطان بس شو هم دومه برة . ومحمد كان الوحيد الي اشوفه لازم كتب يقرا ولد هادئ كانه من غير عائلة ماله شغل بأحد .
وغادة كاسرة خاطري هي الي قايمه برعاية اخوانها .
وتاركه المدرسة ..مرة سالت امها ليش بطلت بتها . كالت اني بطلتها . زين ليش ؟ .. جاوبت بسخرية . همه الي كملوا شنو حصلوا ؟؟؟  اما البقية بعدهن لكن ما اشوفهم يقرون بس يداومون .....
كنت اتعذب واحس ينكسر بيه شي ويهتز من  تصرفات سلطان ..لكن اصمت واكول بلكت من يشوف صبري وياه وطولت بالي يحن .  مرة وحده رحت بيها لهلي . وحسيت نفسي كنت عايشه يمهم بجنه .. مو بس من ناحية الدلال لا من ناحية العشرة. احسهم ببشر مختلفين عن الي هناك  . حسيت بقيمتهم ... اني بس الي مهون علية وصابرة هو حضن سلطان تالي الليل و الحنية الي اشوفها بعيونه   ! واكول بلكت يستعدل وياي واكدر اغيره لأن متعبني حيل . مهمل كله وراه لازم اتابعه
واما اخته شعار اخر من هاي الناحية انضف بالبيت ولا يبين بسبب اطفالها ارهقتني .. جدا صح مالي شغل لا بالطبخ ولا بالغسل الصحون . بس تنضيف لكن هلكااااااانه حيل .   لا وبعد ماتكعد اسولف وياي دومها طالعه ومن يكلمها سلطان تتعارك وياه والسانها اشطوله وهو ما يجاوز عليها يسكت رغم مرات اسمعها تتجاوز عليه او تهينه . !
كنت احب بيه هاي الصفه وهي الاحترام ..يحترمها ابد ما يحط عينه بعينها و يحاسبها على غلطها رغم هي متعبته يمكن لأن فارق العمر بينهم .. هي اشبهه حيل بس على احلى . جدا جميلة . حنطية بشرتها بيها نقاوة وصفاء ما صاير و طويلة جسمها اذكرها كانت سمينة اول ما شفتها .لكن هسة احسها بس ممتلئة من غير زوائد وجها رغم التعب الي واضح عليه وعدم العناية بيه وعلامات الكبر والقهر الا هو صافي و بعده مقاوم وبيه جمال لا يخفى ملامحها كلها جميلة ...
كثيرة الصفنات واذا كعدت بالبيت بس يلا اصيح . وقاسيه مع اطفالها . صرت اجنبها  وابتعدت عنها . احسها مكروه   واكرها بالزايد من اشوف وقاحتها مع سلطان  . وهم عدم تقديرها لتعب الغير مضوجني منها ودي اطلع ببيت وحد عنها ..
كانت جالسة اتفلي لبتها
جلست ابصفها
" ام علاء شنو الغده اليوم ؟
بحجه الغده اريد اشوف شنو اسوي براس بتها
اجيت اتقيئ من شفت منظر القمل
" تاجينه لحم ...اكلج انت ما اتعرفين اطبخين
"لا
"اوكفي وياي اتعلمي
اكيد لا كلت بقلبي هو بس ناقص الطبخ اذبه عليه
شافتني لاعبة نفسي
" هاي بالمدرسة البنات وسخه وانعدت البنية منهن
اوف من امهات اخر زمن . الوصخات امهات الكمل واحنه نبتلي
كلت بقلبي بصراحه الامهات مبتليات من امثالج اكيد بنتج تعدي بناتهم ...
تصقع بيهم وكأنها مستمتعه واني لعبانه نفسي
بس من شفت مزاجها رايق شفتها فرصة اعرف منها تفاصيل اني ما اعرفها
" اكولج سلطانة .اشلون عمكم رجع الكم حقكم بعد ما اخذه منكم .
كأن  سؤالي وترها صارت اجر بشعر بتها حيل من غير وعي
والبنت تشكي
" الله عاباه وهو خاف من الله ورجع النا  ..
ربج ما ينسى عبدة
"ونعم بالله ...بس شنو صار بيه
سكتت ... وضلت اتفلي
" يعني شنو من بلاء خلاه هيج يتوب ؟؟
" مرض سرطان صابه
"اااه اسم الله .   وهسة اشلونه
"صار زين صار زين
" والمرض ؟
" الله تاب عليه وصار زين
" ها الحمد لله  .
انزين من شوكت هو انطاكم حقكم ..
" يمكن صارلنا سنتين .. وسلطان اشترة النا هذا البيت   . واعاد بنائة ورجعنا الخرابه الي جنا كاعدين بيها لعمي . واخذنا حكنا وسلطان اشتغل بيه . والحمد لله الرزق در علينا ..
"الحمدلله . زين ليش لعد تطلقتي اذا حليتوا كلشي بينكم
هدت راس بتها وخزرتني ما فهمت سبب غضبها .  بدت النفط الي امامها بحركه عصبيه
وصاحت
"الله اكبر ما صارلج شهرين يمنا وتدرين اتخلصين مني .. وين عفتني يا يابة
ليش الموت ما كرفني وياك ..شفت الظيم يابا
اني ارتبكت بس اريدها تسكت ..  اصياحها كان قوي اجن على صوتها بناتها . كمت من مكاني لا ادمر نفط وعفتها اتعد واصف ....
دخيلك ربي اشبيها هاي شاخطه اصلا ماكنت قاصدة شي غير اني اريد اعرف عنهم اكثر ...
بالليل كنت خايفه لا اختة تتلكاه وتشكيله مني ..
دخل كانت الساعه ب11
تلكيته بأبتسامة
"هلو  سلطان
دينزع حذائه
"الي يجي من الشغل يكولون اله الله يساعدك كواك الله مو هلو
قلد عليه وبدا يخلع ملابسه ..
" اطلع الكه الجاي جاهز .. حطيه بترمز
"اوك
رحت لجوة سويت اله وصعدت همزين اخته نايمة
لكيته بعده ما طالع ..
انتظرته .. طلع . كعد يقلب بالتفزيون . سكبت اله شاي وحطيت الصينية كدامه على السرير هذا الموضوع كان يضايقني جدا لكن هو يحب ياكل وهو جالس على السرير .. استقر على فلم هندي . وبدا يكرز حب ويشرب شاي ..اني غفيت جنبه كان وجهه عليه يباوع لأن الشاشه خلفي مطيتها ضهري ووجهي على سلطان
فزيت من انكرصت بايدي
"ااه شنو
"اكعدي
"رايد شي
" بس اكعدي
سكتت اه من دلاله ما يفيد وياه كلمة تعبانة  
غمضت غصبنا عني من النعاس
هم فززني
باوعت للفلم لا يطاق هندي وكله اكشن ..
غفيت بلا وعي ..
حسيت بأحد دا يوكلني  
فتحت ..شفته يريد يدخل لوزة بحلكي
ابتسمت بنعاس
"يا روحي توكلني فتحت حلكي رغم اني مالي نفس
واكلتها
عقد حاجبه وهو يباوع للفلم
" هاج اكلي هاي هم حتى تصحين وراج شغل
كملت اكلها بخيبة امل ولا منه رجا  هذا .. طلباته مهلكه ..نص الليل اني كاعده لازم افرك اله رجليه .
وكل يوم يطلع الي بسالفه واني لازم انفذها . هذا غير الرقص والتسبيح و التهويد ..
بيوم بالنهار زرجني امام علاء وضجت منه .بالليل هم كعد يتأمر . كلي محتر لأن الكهرباء طافية والسحب تأخر وماشغل ..
"كوم شغل المولد لعد
"مابيه
سكتت ردت اغفى
"كومي هفي لرجلج . كاتله الحر
عبالي يشاقة هزيت ايدي ودا انام هزني حيل . كمت مخترعه .. طلعت روحي منه يعني ما يكلف نفسة يراضيني ابد ولا بعد يطلب طلبات حتى بس يحجي وياي وينهي الزعل ..كمت جبت دفتر واهفي اله .. استفزني شكله هو ونايم .
اخذت كلاص الماي ... وضحكت قبل لا اسوي شي تذكرت كلت خل البس شي على راسي .. لبست ورجعت اله ..
كبيته عليه خليته يطفر
وطلعت من الغرفه
طلع خلفي مبلل
" تعاي ولج ..
كنت اضحك والهث بخوف منه بس بردت قلبي .  دنزل وهو خلفي .  سرعت وهو هم سرع وصاح
"لا اتركضين..
التوت رجلي وبالقوة لزمت بالمحجر .. وكف كلبي من وصلي سلطان مسرع لزمني من امتوني
" بيج شي ؟؟
قبل لا اتكلم شالني واني ممصدكه شي
شفت بعيونه الخوف والحب ! حطني على السرير
' اتخبلتي ! اشوف رجلج
ضل يتلمس بيها وفركها الي . اني مكنت اصلا اتوجع ولا صار بيه شي .. لكن صمتت وغمضت اعيوني ما اريد اصحى من هذا الحلم ...
" اترشين عليه ماي موو
فتحت
" اي رجلي بعدها توجعني ترة
كنت اضحك غصبا عني من اكذب ابتسم . 
"سلامات سلامات هاي لازم ادوس عليها حتى تطيب
وكف اشطولة على السرير
"لا لا سلطان لا تكسرني
يضحك ويباوع لرجلي
راد يدوس
كمت شردت ..  وهو خلفي . شالني هالمرة على متنه
" وين شاردة ام البلاوي
" لا لا تشمرني هههههه
كنت ميته ضحك ورماني على السرير صارت دبة قوية ورمى نفسة ابصفي
"ااااه
انكسر قدم السرير
اثنينا متنا ضحك ... على وضعيتنا .. 
اني كنت الهث واريد اسكت نفسي .. اباوع اله بقلب فرحان ضحكته ردت روحي وصداها طرب اذني ..
...
صبح كعدت قبلة ...ادندن واسبح  . ونزلت ابسرعه حضرت ريوك اله . وصعدت بيه لفوك ..
لكيته ما هووو
دخل للغرفة وبأيده المنشفة
" حبيبي
ابسرعه بدل حصب الك شاي
" اريد اطلع
"بعد وقت
كمت من مكاني وحاوطته من خصرة سلطان..
حبيبي ...ليش ما اضل يمي اليوم ونطلع العصر
سلطوني ...
حبيبي
ابعد ادية عنه
" عندي شغل
"اوف سلطان حباب
" ما اكدر
لبس ساعته وراد يطلع
صحت
"ترة مو حياة هاي ..دومك عايفني وحدي .. ما احس بوجودك اني
رفع حاجبة عليه وجاوبني بغضرسة
" اخذي افلوس من المجر واطلعي ويه سلطانه
"بس اني اريد اطلع وياك
"لا ادوخيني
"زين صدوك راح اخذ افوس عندك تكفي اريد اجهز المطبخ ما عاجبني .
" شنو تردين سوي
كالها بعدم اهتمام
" وراح اخابر فرات يجي ياخذني واروح مع نهى او دعاء اشتري ..وباليل عود مرلي
"صفن عليه ..
اضاهر فكر
" لا روحي مع سلطانة ...
" ما اريد اروح وياها انتظر دا اكلمك
" اشرلي بايده روحي

ونزل
اني هم عدلت البيت وخابرت فرات . اجاني اخذني ب9 وضليت يمهم طول النهار والعصرية طلعت مع نهى جهزت المبطخ من مواعين و خلاط وحتى ست بيت و ردت اشتري مكنسة بس افلوسي قصرن أجلتها ..  وفكرت من ارجع اطلب من سلطان هو يجيبها و يحطلي غساله بحمامي . وطبعا حمامي هم اشتريت اله رفوف للشامبو وافكر احط بيه بانيوا  .
اني نسيت تلفوني بالبيت . رجعت لبيت اهلي محملة .. الساعه ب8 بالليل..... اخذت فوني اريد اخابر سلطان يجي ياخذني
باوعت للتلفون شفت بيه مكالمات اهواي منه
قلقت و خابرته ..
رد عليه
" ولج وينج . انت اشلون تتجاوزيني واطلعين
جمد دمي على صوت اصياحه اذني راحت ..
وجهي صار اصفر كنت جالسه جنب دعاء ونهى
كمت من يمهن ورحت للحديقه
" شكوا سلطان
" كلبة اتمشين كلمتج عليه اني شكلت الج
بعد معرفت شكول اله صوتي صار يرجف
" شن شنو هذا الغلط
" انجبي  اني الج يوم
"اشبيك ليش تغلط
سدة بوجهي واني هلن دموعي  ممستوعبة الاسلوب الي يكلمني بيه كاني وحده نكرة او بت شارع مو مرته ..
انوب خفت لا يجي بهذا اسلوبة لهلي ..
رحت لغرفتي السابقه  .والي صايره حاليا لبنات اخي سامي .. عدلت الغراض الي جبتهم واني اخفي دموعي .
سمعت بسلطان اجه .ساعه اكول ازعل وما اروح وياه ساعه اتذكر بابا والراحه الي هو بيها من اشوفه مطمن عليه  . ما يهون عليه زعلة ..
طلعت اله شفته كاعد مع بابا مبين ضايج بس هادئ . ما كعد غير نصف ساعه وماقبل يضل على العشا
رحت وياه حملت الغراض حطهم بالسيارة .. قبل لا انروح فرات كال الي يومين والي ردتيه يصير يمج .اني نسيت شنو ردت ودعناه وهو واكف يم الباب يزدتنا وانطلقنا احنه كان يسوق بطريقة طائشة
واني ساكته ...هو عمر واحد شصير خل يصير .
وصلنا بمعجزة
نزلت ابسرعه لغرفتي حتى لا انهان امام اخته ...
صعدت لغرفتي دخلت وهو خلفي
لزمني من ايدي حيل
" اشلون اكسرين كلمتي ؟؟؟ اشلون ترحين من غير رضاي
دفعني حيل لكدام
" شنو من غير رضاك .. اني اخذت اذنك ورحت
"يا كلب ابن كلب كلج روحي
اهنا يصيح فضحنا
" على الدرج مو كتلك وكلت الي روحي
"وج اني كلت الج روحي
"لا اكول ولج . ولا تغلط عليه بعد فاهم
" راح تخبلني اني كلت الج روحي
" اشرت الي بايدك . اني رحت
" ولج انتي غبية لو ثولة اني يمتى كلت الج روحي
انفعلت حيل وصحت هم
" احترم نفسك وثمن كلامك
كنت اشر اله بأصابيعي
ابعد اصبعي حيل احسه انكسر
لزمته متألمة
" ولج اني مو محترم
" اي اني تعبت من اسلوبك الهمجي

عض شفتة وشال النفاضة الكزاز شمرها على المراية كسرها تكسر وبرجلة ضل يركل الكنتور بجنون خسف خسف ويصيح
"اني اعلمج يابت عيسى ولج اني ال.....
اخذت وحده محترمه واني........ و....... و........
ضل يفشر على نفسه ويكفر بالفاظ اني ما سامعتها من قبل دخلت سلطانه
"ولك اسكت فضحتنا
كان بعده يضرب بالاثاث بحركه  واني حاشرة نفسي بزاوية والخوف خلاني ارتعش بعيون جاحظة على المخلوق الي كدامي ..
وكف كدامي وعاصر ايده غمضت كلت راح انضرب . فتحت من سمعت صوت حطام  كسر التحفية الي جنبي ويباوع الي بحرقة ..
اخذتني اخته من ايدي وطلعتني عنه
"امشي كدامي اشعجب ما كاتلج هذا فاقد
كنت احاول اهدأ من روعي احس قلبي راح يتوقف

سلطانة " اشبيجن صافنات عليها روحن جيبن الها ماي
شربت ماي ولزمت اديه اريد اوكف رجيفهن ..
هدأتني اشوية سلطانه اني كنت مانعه نفسي من ان ابكي كدامها ...بيومها سلطان ما طلع من الغرفة واني ما صعدت اله ضليت يم سلطانه و قررت بلحظة انفعال بس يصير الصبح اخابر اهلي ياخذوني منا  
بالليل البنات نامن جنب امهن بس اني امثل النوم وضاله بفراشي لحظات جنون سلطان تنعاد بذاكرتي
سمعت سلطانه تحكي بصوت خافت عود بس واصل الي
"الو . ما اكدر اجيكم باجر
اخويه مو تمام وضعه وباجر مايطلع يمكن اخاف انكشف
شوف ترة ما اكدر اجيكم ترة اصير مصيبه اذا شك بيه هذا خبل ماتعرفه

اني حطيت ايدي على حلكي وقشعر بدني من الي سمعته ...هاي شنو دا اسوي .  حسيتها نامت انقرفت انام جنبها بنفس المكان اخذت فراشي وطلعت للاستقبال فرشت وانطرحت ..  افكر بحجم المصيبة الي اني بيه عايشة مع شخص مجنون  و  وحده عاهرة
ناس بيئة ذبيت نفسي بمكان مو مكاني اني اشسويت بروحي ....
حسيت احد دخل للاستقبال
عبالي سلطان .. غطيت راسي ...حسيت احد يتلمس بضهري ..
فتحت شفت علاء جالس جنبي
"من شافني كاعده ارتعب وكام مسرع ..

اني انشلت حركتي دماغي اجه ينفجر
يتبع
ملاحظة  النص بارتين ببارت واحد هدية مني الكم 😘