رواية سلطان زمانه الفصل السادس عشر 16 - بقلم زهراء العراقيه

من كتابات زهراء العراقية
صبح الصبح واعيوني يحرگني حيل من الدموع والسهر والارهاق .. كمت خاملة لميت الفراش واخذته للغرفه الي بيها اخته حطيتهم وباوعت لسلطانة بسخط راح اضيع اولادها فوق التربية السيئة ... صعدت بخطوات مخذولة . لغرفتي .شفت بابها مفتوح دخلت واني عازمه ما اباوع بوجهة فقط اخذ ملابسي وتلفوني اخابر بيه احد اخوتي ينجدني من هذا البيت . ما شفت احد بيها و كلشي بيها محطم ابواب الكنتور مخسوفة ومحطمة و مرايا الميز مكسرة والسرير مقلوب .. مشيت بحذر لا تتأذى رجلي .. وطلعت جنطة و ضليت احط بيها ملابس بشكل عشوائي ..... كعدت على الارض اباوع للغرفة ولأحلامي الي انهدمت وياها ..كلشي بحياتي مو حلو
تعاستي اضاهر من النوع الي يستمر للموت وبعد وبعد الانسان الي زوجتة ما اعرف اشراح يبدر منه
ابكي على نفسي وعلى خسارتي الكبيرة احتاج عمر كامل الا اكدر انسى . سوء اختياري ذبني للتهلكة .
ابكي من غير صوت بقلب منكوب .
سمعت صوت اصياح سلطانة
" يمة يمة اخويييي
راح سلطااان يمة اخوية
اريد اكوم بعد مكدر اشنجت بالقوة سندت نفسي على الحايط ونزلت ببطئ بوجه اصفر واشوف ربكة بالبيت من الصبح
وسلطانة تبكي واتصيح
" راح اخووي
كله من وراج ...لو رايحه مراضيته مجان طلع من الفجر ...يالغالي ... راح سندي
علاء" دسكتي .. يوم اسكتي فضحتينا اش
"ا اشبي اصار
جاوبتني غاده من بين دموعها
" خالوا مسوي حادث
" ش شصار بيه
صحت على سلطانة
"اشصار بيه
محمد
"انشالله ما بيه شي
يلا علاء خل انروح لهناك
"وين اخذوني وياكم ..
رحنا والخوف ينهش بينا ..محمد يكول بسيطه انشالله وكان هادئ بس علاء جالس بالصدر جنب السايق ومحني راسه ..خوفني لا خاله بيه شي
ااه لو عندي رقم سلوان لكان بنفسي اطمنت عليه .
هو مخابر علاء وكايل اله خالك مسوي حادث ومكسر سيارته وسيارة شخص ..
وصلنا وسلطانه فضحتنا بصوتها وولدها يسكتون بيها . واني ابكي بصمت . والف تخيل اجه ببالي
ما قبلوا ندخل انشوفه . دا يخيطون بيه !!
اني تلفت اعصابي جلست وبس ابكي وادعي الله يرجعه سالم ...
دخلنا انشوفه .. كان المشفى حكومي . وهو مدد على احد السديات مع عدة مرضى بنفس الردهه . دخلنا كلنا سوة واني اتقدمهم .. شفته نايم براس ملفوف وجنب حلكه هم خياط ! ووجه شاحب كأنه دا يحتضر .. منظرة خلاني انهار تماما جلست جنبة وفاصلة فيشه عن الي حولي . اتلمست وجهه بأطراف اصابيعي ..
ما اعرف اشگد مر الوقت واني يمة . وما اعرف منو يمي واكف او شنو يتكلمون . بس اباوع الہ ودموعي وحدها تطلع ..
مسحت بكفي خدة وودي الخياط ينمحي عن وجهه
حرك وجه على كفي كأنه اشتم ريحته
" ر ر هف
كالها بصوت متقطع ووجهه يتحرك خلف كفي ..
فتح اعيونه بثقل كان نظرة متوجه صوبي

"رهفتي...
كالها وهو مبتسم ومتآلم
بعدها ظل يتأوه من الالم اضاهر اثر البنج راح .
لزمت ايدة
" سلطان .. اني يمك .. شنو يوجعك
اسمع الي حولي يردون يصيحون للطبيب ..
' رهف...
ظلي
طلعت غصبا عني مكدر اشوف المنظر الممرض اجه يشوف راسه لأن كان جرح الي براسه ينزف الشاش صار احمر ..
كأنه ترجاني ما اطلع بنظراته المتآلمة ... قسمت بالله فلا ما  اعوفة بس يشفى . بكيت بندم اني اعرف بيه يحبني والله احبه اضعاف حبه الي ..راح اتحمل لخاطرة كلشي بس لا يسويه بيه ويتركني من جديد

اتعهدت  اذا فتح عيونه  اكعد وياه العمر كله ولا اشوف عينه مغمضة ...
كان عنده جرح بجبينه قريب على راسه وهو الي مخليه بهاي الحالة لأنه عميق . وجرح جنب شفته .
طالع من الفجر يسوق وهو مرهق . ما اعرف اشلون مصدوم بسيارة مركونة وصارت ردة فعل قوية من ردمها جام السيارة الامامي متكسر ومجرحة و هو ساقط مغمى عليه هذا الي فهمته الصبح ..
شفنا سلوان جاية تعبان .
اتلگته سلطانة
"ها خوية وين جنت شفت صاحبك اصار بيه
" ادعي الله اتعدي على خير ام علاء
ضربت خدها
"عزه ليش حالته هيج خطرة
" اشمدريني بحالته واني جنت برة . انتم اشكال الكم الطبيب . ما خيطوه ؟
" وانت ليش عفته وحده . والله كلشي ما افتهم اني صحى ميت من ألالم
" جنت برة غير صاحب السيارة مشتكي . سيارته عادمها اخوج ... وشغلته لايصة
اني كنت بس اسمع حديثهم وبالي كله يمة
سلوان "اشلونج اختي ..
ما جاوبت بالي كله يمه
" انشالله يطلع منها لا تخافين مو شي قوي الحمد لله من اجت على كد هاي .
هوسة بضوضاء داخل وخارج عقلي . مستشفيات وظابط وشرطة ومحضر وشكوى وهوسة ناس
كنت احظى بأصعب لحظات حياتي كلها مكركبه .. وسلطانه بس تبجي وولدها يفترون مع سلوان . يجي منا ويروح مناك . حاير بمصايب سلطان .
همزين عاد اثبتوا بالمحضر هو ما سكران وكتبوا صاير عنده هبوط لكن صاحب السيارة مبين عراك .
انتهى اليوم كان جدا مرهق ومتلف للاعصاب سلطان على المهدأت نايم .
سلطانه ضلت تلح عليه اروح وياها
لكني مكدر اروح واترك سلطان .اخاف لا يتركني بس اروح من جنبة ما اريد اعيوني اجافيه ..
علاء"يلا يمة زحمه نضل اهنا
" دمشي ويانا بيتج وسط الزلم مو حلوة
باوعتلها بحتقار
" روحي منا رجائا ما عليج بيه
زجرتها
خلت وراحت ومحمد وعلاء خلفها ..
ساعات الليل اتمر واني اعيوني على سلطان النايم
جالسه على كرسي و ملفلفة نفسي بعباتي .
شفت سلوان اجه وبيده ماي وعصير وكيك
" اتفضلي اختي
اخذتها منه حطيتها على الميز
"ولو رايحه كعدتج اهنا ما تفيد
" لا خاف يصحى
شسويت بسالفه ابو السيارة
"تنحل انشالله
بس هو ما يخاف الله حط مبلغ جبير لتصليح سيارته
بس اني وكفت بعينه موس ما يدري بيه ابن كار وجماعتنا اتكفلوا تصليح سيارته .
"الحمدلله
باوع لسلطان
"اااخ لو اعرف وين جانت اعيونه من اجه بكل سرعته على سيارة مركونه !
اضطربت و حسيت نفسي تلعي ..
افاق بيه سلوان تأنيب الضمير . بسببي اني الي خليته يفقد اعصابة .
ثاني يوم حسيت بتعب لدرجة احس ضهري راح ينفتح من الوسط من الكعده الغير المريحة وراسي ينفجر . سلوان اصر يرجعني ورجعت كبل نمت بغرفة سلطانه وقفلتها عليه من دخلت .
ما كدرت اصعد لفوك من الالم حتى نمت بملابسي
وسلطانه راحت لأخوها .
العصر صحيت على صوت هوسة ..طلعت من الغرفة
من سمعت صوته .
بالهول و فارشين اله
" لا اريد بغرفتي
همست
سلطان طلعت!!
ما شافني كنت جنب الباب ..
گومه سلوان وسلطانه معترضه لكن سلطان عنيد الا يصعد فات من يمي ..
شافني واكفه مسطورة
"ليش طلعت ؟؟
"صرت زين
كالها بثقل حسيته بعده تعبان بس اه من عنادة
صعد فوك واني خلفهم
انحرجت من سلوان شاف الغرفة خرابه
انطرح سلطان على السرير
وسلوان يعدل بنومته وسلطانه فوك راسه
تدعي اله
باوع للجنط المعدة وكام يسعل بقهر ..
"اشبيك خوويه
ام علاء ماي ماي
راحت ام علاء واني ضليت اباوع للجنط انشدهت ..
سلوان اطمن عليه وراح الرجال تعب من البارحه هو يروكض ويانا ...
سلطانه ضلت يمة
منا من هو طلب يرتاح . طلعت هي واطفالها ..
اتقربت من يمه
ما اعرف بأي لهجة وياه المفروض اني الي زعلأنه هو غلط بحقي اهواي ..
"محتاج شي
"غمض وانطاني ضهرة ..غطيته ووطيت السبلت . وصرت اطلع بملابسي وارجعهم بالكنتور المكسر
صار الليل وهو نايم لا كلمته ولا كلمني . نزلت انطتني سلطانه صينية محضرتها النا اخذتها وحتى ما شكرتها ..صعدت اله
همست
"سلطان ...سلطان ..اكعود
فتح ببطى اعيونه .
"اتعشى ..
نهض واني راسا عدلت كعدته
وحطيت الصينية امامه
" اريد اغسل وجهي
"اها
ساعدته يكوم غسل
"دربالك الخياط ..جرحك مملتحم
جلس على الارض وحطيت مخده خلف ضهرة
جبت الصينية ...
شفته مغمض متآلم
" اشبيك ..ديوجعك راسك
شرب لبن .اشوية واكل لگمتين .. وانتكأ على المخده ..خلصت عشا ...
طلب ينام على الارض فرشت اله وغط بالنوم تركني سهرانه ليلي اترقبه ...
الصبح اجه المضمد جابه علاء . ضمدله جرحه وضربه ابر مسكنات وراح ..

وعلى هذا الموال  يومين الى ان بدا يسترد عافيته
اجوي اهلي  . الحمدلله محد صعد لغرفتي وشاف الانفجار الي بيها
سلموا على سلطان وكعدوا عصرية وراحوا .تاركيني ظامه عليهم ما اعانيه وامثل ان كلشي طبيعي . صعد سلطان للغرفة قبلي بينما اني اغسل مواعين الضيافه . شفت سلطانة حطت عبايتها على راسها وطلعت . لا حول ولا قوة هاي شنو دا اسوي يارب مو الي ببالي. دا اريد اطلع من المطبخ وصار علاء بوجهي
نزيت
لفيت يمنه لف يمنه لفيت يسرة لف هو
علاء"يووه
رجع ما دخل
واني مشيت بعصبيه ردت اصعد الدرج
" ترة ما قصدي ذاك اليوم
باوعتله بطرف عيني اريد اشوف الكلام موجه الي
" اقصد ذيج الليلة عبالي مو انتي . 
اشمدريني بنص الليل طالعه من غرفتج
زفرت نفسي
"بس طريقتك مزعجه
" عبالي محمد وجنت اتحرش بيه اشاقة
لا اكثر
عفته ورحت انقرفت منهم كلهم همه وامهم

شميت ريحه حريق . جاية من السطح رحت اله
شفت سلطان واكف وامامه شعلة نار من شافني رش عليها ماي صارت رماد
وراح واني خلفه
" سلطان هاي شنو حرقت .

دخلت خلفه
"وبعدين وياك بس اشوفني تنطرح واتنام
"انت شتريدين
'شريد سلطان
ايام واني كلبي نار عليك خفت لا يصير بيه شي مضاعف
ليش طلعت ذاك اليوم وليش سويت حادث
تصرفاتك اتخوفني
"ما اتعرفين ليش
"لا والله ما اعرف
كان يتلكم بصوت هادئ جالس على طرف السرير
وما يباوع الي
" ما احسج تحترميني
والا مكان عيرتيني
" شنو اشوكت اني هيج سويت
كل ما في الامر سوء فهم انت اشرت الي ادخل للغرفة واني عبالي قبول منك اروح لهلي
هاي هي بس انت تنطي للأمور اكبر من حجمها
همس
" اكبر من حجمها
اتحمل اخوج وذله الي وكلامه الي كله سجاجين واكول مخيالف لخاطرها
"شنو ما فهمت شي . اشبي سامي ..
اووه
لا اتحسس منه ترة ما يقصد
تذكرت العصر هم سم بدنه من سأله بالشقة لا متعارك مو حادث
" سلطان اني ادري بيك تحبني . بس بس ردات فعلك تخوفني . اني دا اخاف منك حيل
معاملتك الي ليش تغيرت ليش مدا اكدر انسيك الي صار . ليش ضال حاقد عليه
" ما حاقد عليج .  لو عندي ذرة حقد مچانت كدرت اشفاي اتلمسج !!!
ابتسمت  ممصدكه سمعي كعدت يمه
" يعني انت انت ما شايل عليه ؟
انت صدوك بعدك اتحبني
"على اساس  تدرين ؟
" اي ادري . اووه اقصد اي اني احس بيك بس انت صاير كل ساع بحال ما  اعرفك ما كدرت احويك يا سلطان تعبت  تعبت
دمعت حط ايده على متني
" خل اعرف احوي نفسي  والكاها بالاول
كالها بطريقه خوفتني
"على العموم راح اريحج
" اشلون
" الي ترديه راح يصير .  بس لا ترحين من البيت
كام يبدل
"و وين طالع
" ما عليج بيه . بعد لا اتعبين نفسج وياي هاي هي من احوي نفسي عود  اني اجيج !
طلع وما فهمت منه شي الا بالليل من فرش ونام على الارض . 
والصبح طلع من غير ما يباوع بوجهي . صار يجنبني بطريقة خذلتني مو هذا الي اريدة . حسيت صبري نفذ وياخوفي اخذ قرار اني مو كده ..

رجع لشغله يطلع الصبح ويرجع بالليل 
سلطانه ما طايقه اشوف وجهه واتكلم وياها معلك وعلاء اصلا دومه مو بالبيت
ابتعدت بنفسي عنها وعن بناتها الي 24 ساعه عراك بينهم . دوم ملازمه غرفتي وتلفوني  وكتبي ونيسي
.
ضعفت وحسيت بالذل من اتكلم وياه وما يرد علية ثار جنوني من طلع اني قررت اطلع من حياته .  رحت للكنتور . اشو جنط مو فوكاها اني شنو وين وديتهم ؟
دورت ومالكيتهم ؟ نزلت
"ام علاء ما شايفه جنطي مال السفر
كانت تقلي بيض
" واني اشعرفني ..
ردت اروح
"اكلج صدك
هاي المواعين والغراض شنو مكومات بالكراج
زمخت بيها
"ما الج دخل
" اشبيج عيني شو تحجين وياي معلك
"ما طايقتج يا اختي .. ما شايفه نفسج اشكد وسخه
حطيت ايدي على حلگي الكلمات وحدها طلعت لا اراديا من كثر ما كارهتها
عفتها اتباوعلي بغضب وطلعت ..
الضهر اجه سلطان .. اني كنت اتغده بغرفتي قليت بيضه واكل هذا صار اكلي ولا اكل من ايد اخته
كنت حاطه مخدات خلف ضهري لأن دومه يوجعني
" تاكلين على السرير !؟
انتبهت لنفسي صدوك كأني بديت انعدي منهم درت وجهي عنه
"من عاشر قوم

"اها يعني بعد كم يوم اجي اشوفج ادخنين
باوعلته بقرف
واني اصلا ولهانه عليه !!
"على كيفج عيني مدام رهف على كيفج ويه الفقرة
"مو على ساس  مقاطعني اشعدك تتكلم وياي
" اها تردين ارجع.  بالخدمة
"ماكو داعي .  اني رايحه العصر لهلي وبعد ما اشوف خلقتي
جلس ابصفي ..
لزم حنكي ودار وجهي عليه .
"منو الي كاعد فوك راسي بالمستشفى  ويبچي ويكول
"ما اعوفك والله هاا
زفرت نفسي بالقوة وابعدت ايده . 
"كنت تسمعني
"ليش دوم اجذبن ؟؟
' انت ذليتني
" خطية انذلت . حقج ما تدرين اني شسويت
وشخسرت من وراج ..
انصعقت من اتحول فجأ الى عصبي كان هادي وهم كام يصيح
" ادمرت حتى بس اجيبلج هذا السكف
اشر عليه بغضب
كان واكف كدامي . حبيت على السرير وصرت كدامه كمت بس نصي ولزمت كفه
"شنو سويت سلطان ؟
سنتين انت مرتب وضعك وما اجيتني
ومن اجيت حتى بس تشفي غليلك مني وتتشفى بيه .
ما خليت شي ما سويته واني صابرة
احنى راسه عليه
"وليش ما رضيتي بيه انتي قبل السنتين
ليش ربجن الفلوس للييييييش
صاح بأخر كلمه رجعني للخلف مسنوده على اديه
" تدرين ليش
لأن كلجن نفس الصنف
" لا لا
حاولت ابرر موقفي
'بابا مكان يوافق اني مردت اعرضك واعرض نفسي ل.....
"شنو ابوج الي خوفتيني من رفضه حبني قبل حتى لا يعرفني منو . ما همه شي
انت الي ما ردتيني حتى اجرب تدرين ليش
بكيت و ارتعشت خوف من لزمني من امتوني وهزني
" لأن حضرة جنابك اصرفين بالشهر مليون . على صبغج و فخفختج .  ما رضيتي حتى لا اتبينين اقل من خواتج بشي . حقج زلمهم شهايد وثقافه اني شنو اجي يمهم وهم حافي . عاد هسة الا صرت مقبول
مووو
بعد ما فاتج القطار  الا رضيتي بيه
ردي شو سكتي
ابعد اديه من شافني ارتعد خوف وابكي
"ردي ...
" ها هاي
كنت اشاهك وانهظمت حيل كحلتي سالت
" هاي هي . خل ارجع .  عو فني لعد . حروح
لهليى
وحطيت اديه على وجهي ابكي بحرقة واني حموت
كومني من مكاني صار بضهري الكنتور ويدية نبتت بيه
" لمن اموت اطلعي منا .. ما طول سلطان عايش ويتنفس لا والله فلا الج طلعه منه
اباوع لعيونه ومعرف شرد بس ابكي
رحعني للخلف بقوة
صرخت
"ااااه
حسيت ضهري انفلق نصين
ضليت اصرخ
وهو انشده
"اشبيج
"اه اه
شالني ونيمني عليه صرخت
بيه
ونمت على بطني واتوجع
من هدأ الوجع  كمت بلعت مسكن الالم وهو جالس يمي
" اشبيج اشبيه ضهرج
"كبرت بعد انت كلتها فاتني القطار . عفته وطلعت اكثر كلمه وجعتني هي هاي فاتج القطار ! ردت انزل شفت نفسي مبيه حيل فتحت باب السطح وكعدت على عتبة ابجي  .
"شسوين اهنا تعاي لا احد يشوفج
" روح سلطان
"ما اروح . وانت هم ما اطلعين منا .
اشر وكال
"هاي جنطج حركتها . مكيفه محضرتهم حضرة جنابها والله ما اطلعين منا الا على جثتي
" ليش ما كفاك ذلي
'يا ذل هذا
ما احجي وياج حتى حضرة جنابج ما تتضايقين ريحتج مني
" اهه
مدري اضحك مدري ابجي اني قاصده من يوم ما دخلت البيت هو عباله على هاي اليومين
كومني ودخلت للغرفة
"يلا لا اضلين تبجين .  اوعدج ما ادنى الج الا اعصابي تهدأ
تركني ونزل ... واني أسأل
اشوكت تهدا اعصابه !!!!!!
....
ايام لا اني اتكلم وياه ولا هو اثنينا نجنب بعض وقت النوم كلمن بمكان اني فوق على السرير وهو جوايه
لكني مرتاحه . والي مصبرني ومريحني تمسكه بيه ..
كلت فترة وارجع اواجهة هسة خل تبرد اعصابنا كثرة المواجهات المتتالية اجيب نتيجة عكسية الان الخاطر بعده مكسور ..
بس تصرفات سلطانه زادت عن حدها دومها طالعه بعدم وجود سلطان وما اتكلم اخاف لا يأذيها سلطان مجنون واني اكرهها ما طايقه انصحها او اعرف سالفتها ورجع شغلني موضوع اخر وهو احلام او كوابيس سلطان بكل ليلة ينام بيها يتحلم ويصرخ واني بس اصحيه واتركه بالقوة يجر انفاسه لو بس اعرف شنو من حلم هذا يصحى عليه وهو يصيح باسم عايد !
حتى احس نفس الحلم دا يتكرر عليه يومية ! ، اكابر وما أسأل عنه واني قلبي عليه يحترق . وانتظر بشوق هو يبادر بأنتهاء هاي القطيعه هو كال بس تهدأ اعصابي  حتى يرجع الي كما كان   لكن يمكن الانتظار راح يطول على الله بس يكون يجي هذا اليوم الي ارجع اشوف بيه سلطان بضحكه وشقاه من غير حواجز  تفصل بينا ومن غير تكلفه او برود
.
طول انتظاري اسبوع اخر . اجيت اجن من شوقي اله وهو كلامه وياي معلك .
بالليل ..
رجع متأخر سويت نفسي نايمة  مد فراشه .
وبدا يدخن
اووف احسه صدرة راح يختنك من الدخان يطفي وحده يفتح الثانية . يمكن ساعه كامله هو يدخن واني سهرانه والقلق بده ينهش بيه زين هسة اشلون واني متفقه وياه اتركه بحاله ويتركني بحالي
سمعت صوت الجداحه من غير وعي مني
" كافي .. رجائا يكفي تدخين
كلتها بقلق واضح ..
فتح الضوة .. و وكف يم النقطه
" خايفه عليه
ارتبكت ووجعتني كرامتي
"  لا طبعا بس اختنكت من ريحتها اخذ باكيته وجداحته وراد يطلع معصب
" انتظر
التفت عليه بأبتسامه
"طفي الضوة
اخذ الباب بايده وحيل ركعها
لزمت راسي دايخه .. ودي اروح وراه ..اااه همزين عندي ذبذبات من عقلي بعدها تشتغل والا قلبي اذا امشي وراه على كرامتي السلام . ما رحت  خلفه .
لكن القلق نهش فكري ..  مكدرت استحمل . طلعت نزلت لجوة دورت عليه واني امشي  كيف ما اريده يحس عليه . ماهو . 
بس هم طلع . رجعت صعدت واني ناوية اتوسله يرجع لا يعيد الكرة . 
انتبهت لباب السطح مفتوحه
مديت راسي شفت شي بالظلام جالس مكدرت افرزنه بس لهيب الجكارة واضح هو ..
"سلطان تعال ادخل ..عمي دخن مالي شغل بيك
كام وكف كدامي
" اريد انام ...اريد انام
"ما تنام احد لازمك
"ما اكدر تعبت اريد انام ما اكدر ..مختنك
دخل واني خلفه ..
"اشبيك سلطان اشكي الي
" ما اكدر ..
كعد على فراشه وايده على جبينه ..
يفرك بيها حيل كانت اعيونه حمر وذبلانه  .
" ما تكول اشبيك
ليش دومك مهموم .....لا يكون اني السبب
ضل ساكت واني استنتج وحدي
وافكر بصوت مسموع .
" لا يكون  انت قلقان لا اعوفك ؟؟
اتقربت يمة
"حبيبي والله ما اعوفك بيوم انت بس ضلك وياي اريد سلطاني .  الي حبيته   عشگي  والله لأخلص العمر وياك ...
اعيونه تلألأ
"ما اكدر
شفت بيها هم ولا بعده هم .. شفت بيها عذاب و جرح وندم !!
جريت راسه  وضميته على صدري ..
ربتت على شعره وأصابيعي امشط كذلته
" حبيبي والله ما اعوفك للحظه بعد .
ما اريد من الدنيا غيرك ..كلشي ما اريد انت دنياي
دفعني عنه . وخزرني
"توج ..هسة الا صرت اني دنياج
من جنت حافي ليش ما ريضيتي بيه كله من وراج . انت راس البله كل الي صارلي من وراج
صاح بيه
روحي لسريرج  وعوفيني بهمي

دموعي جرن وانهظمت حيل .

كمت من يمة ابكي بصمت متمنية اعرف اني شنو اذنبت وليش كل هذا الحقد مالي كلبه ما اعتقد بيوم يخلص وينتهي .. !!
عدت ايامي واني الشحوب مرافقني وسوء غذاء هم .
عدى اشتياقي اله يمي وما اكدر اتقرب اله . 
من حنيني اله اطلع طلبات من تحت الارض حتى بس اسمع رده . لأن احنه الي بينا صار بس طلبات
وتنفيذ سواء هو او اني ..

..
ابتعدت عن قدر التمن واني طالعه روحي . جربت عود اطبخه صار معجن .. اني ابتليت بهذا البيت الوسخ اباوع للمقلاة الي جبتها اني محطوطه جوة السنك وكلها دهن ..
ما يفيد  بهاي الناس الوسخه شي .
واني متعوبة فكريا ما صافي بالي الهم حتى اكون اقوى واحاول اغيرهم وهم مالي واهس الهم ما حبيتهم ... بالي وفكري بس الى متى يبقى وضعي ويه زوجي على هذا الحال ..
بيوم اتعاركنا اني وسلطانه .. على شغله بسيطه وهي نظفت وهي ما تصيح  باطفالها  الي يزعبلون ولا تنظف وراهم
سلطان كان فوك يسبح
صحت
"تعبت منكم اني ناس وسخه  . ولا يفيد بيكم

سلطانه " اعذرينا يا بت الحسب والله احنه ما نشرف
"انت شنو تحجين
" لا عبالج ما منتبه الج من يجون اهلج اشلون ينكلب وجهج عليه
"شو اسكتي بلا
كلمه مني وكلمه منها على صوتها
نزل سلطان  ..
صاح بيها وامرني اصعد  وامرها تدخل لغرفتها اني رحت بس هي لا فضلوا يصايحون  .....
صعدلي معصب
" مو كلت الج ما الج شغل بيها
" ما اكدر سلطان .  ما اكدر اعيش ببيت وسخ
لو تعزلني عنها لو اشوفلك صرفه

"سلطانه تعبانه ..
" واني يعني الي مرتاحه ...اشو من الصبح لهسه يمكن خمس مرات نضفت وغسلت البيت حتى ضهري راح
" اشبي ضهرج دوم تشكين منه
توترت
"ما بيه شي
ما بيه اشبيه يعني .
كنت واكفه جنب الكنتور وهو كدامي . اتقرب ابعد كذلتي عن وجهي
"شعرج طولان ..
ابتسمت متناسيه الالم
اتقربت انفاسه على خدي .. ..
ابتعد
" ميخالف لا تشتغلين بس ما عليج بيها ..
فتحت  باوعتله بسخط وشمرت شالي بوجهه ورحت
صاح بيه وطلع خلفي
راح لشغله ..
بالليل دوم اكعد اباوع اله واصفن بيه اتمنى نرجع عمي مثل اول ما ازوجنا وانام بحظنه  ما رايده شي ثاني ...
صاح باسم عايد وفز مفزوع ايده على كلبه واني اصلا كاعده اباوع اله كبل شغلت الضوة وانطيته ماي . انطاني ضهره ونام ..

.
الفجر كعدت اصلي  . ااه حسيت بعطش فضيع
فنزلت واني ببالي اطلب من سلطان يجيب الي براد و ثلاجه صغيره خاصه بينا اوف هو هسه خل يصلح الكنتور الي كسره لو مرايتي ..
اتلمس ادور على النقطه مال ضوة المطبخ واسمعلك صوت
" عيني حسام شجاك . والله انت عيوني بس اصبرلي كم يوم ودبرلك المبلغ من اعيوني ما يهون عليه تتعذب
لا تطلع تشتغل خوش حبيبي انته . اصبرلي واني ادبرلك ..
جمدت بمكاني من سمعت حديث سلطانه
تراجعت للخلف وصعدت لغرفتي ما ادري سمعت صوت خطاي او لا كلبي يرجف هاي شنواسوي يارب انطيني حلم شنو اصرف وياها هاي مرجوعها علينا .
ميت فكرة اجت ببالي . وكلت ما يمكن هي راجعه لزوجها بالسر .ما اعرف يمكن سلطان ما يقبل وهي راجعه لأن ممعقولة اصلي وهي تمشي بطريق الحرام واتروح ابيوت ..
الصبح دورت على كلثوم ..
كانت ترسم
"كلثومه ... خل اشوف رسومج
قلبت بالدفتر .  وسديته حتى بس اشوف اسمها . 
ماكوا اسم
"ممم ليش ما كاتبه اسمج
ضحكت
"انزين جيبي القلم خل اكتبه
اخذته منها
"شنو اسمج
"كلثوم
"كلثوم شنو
وهذا مرادي اعرف حسام ابوها لو لا
" كلثوم عايد !!!!!!!!!!!!!!!!!
يتبع