رواية سلطان زمانه الفصل الرابع عشر 14 - بقلم زهراء العراقيه

توترت . حكيت جبيني بأحراج .  وحنيت راسي
صرح "  كانت يمنا اصور بفونها
"  سلطان
همست اله
" الجكارة ..لاحك عليها
وضحكت
حسيته وكف ابسرعه
باوعلي واخيرا .  عينه صادتني .. اشرلي بحاجبة يلا
اثار سخط صرح وسهير تصرفه بعدهن يردن ياخذن لقطات ويانا .. ..
كمت وجابن الي البرنص دا يلبسني لمحته حاط ايد بجيبه والاخرى يدخن بيها ..
كملت .. اتقرب عليه اني ردت احط ايدي بأيده وامشي لكن هو قبل كلشي نزل الغطى على وجهي
رفعته وكلت ما اشوف
" لا اشوفين !!!
سكتت من زمخ بصوت صار هدوء وما اعرف شنو ردت فعل الحضور اجه يغمى عليه من شدة الإحراج  قبل لا اسمع  الهمسات  ..اخته صارت تردد قفلات عراقية قديمه واصفك واتبعنها كم مرة  .  وصارت هوسة .  اريد احط ايدي بأيده اشو نفسي انكسرت ودمعتي ما سيطرت عليها ..همزين غطى وجهي عاد ..
حسيت ايد دافيه لزمت كفي .. قادني ومشينا للسيارة . جلست جنبة وهو يسوق انتهت الهوسة وصار هدوء ...احس نفسي اختنكت بعبراتي .. رفعت اشويه الغطى طلعت انفي .. ووجهت وجهي على التكيف ... وغمضت من غير ما اتكلم شي . احس احد رجع غطى وجهي ...
رفعته عني اشوية
"مكدر اريد اتنفس
ورث جكارة وخنكني  فتحت الجامة
سدها من يمه
" لا تفتحيها ولا اتشيلين الغطى انتظري دقايق ونوصل
جموده وطريقه كلامه خلتني احتاط منه وما اناهد وياه لا يزمخ ييه
وصلنا للفندق . طبعا لا خلفنا سيارة زفه ولا شي . اهلى راحوا لبيوتهم واهلة هم  . دخلنا ونزلت من السيارة  . بدلتي تسحل بالارض . وبالكوة مسيطرة .
وهو مشى كدامي للرسيبشن واني خلفه مختنقة بدموعي  .. احد النزلاء اتقربت مني وهي اتكول بدلتج انعدمت . ورفعتها الي . من خلف ..
خلص هو واشرلي اجي خلفه ومشى للمصعد كان حامل بأيده   جنطتي الصغيره . اجاه ولد اخذ من مفاتيح السيارة حتى يركنها اله  .  المرة وصلتني للمصعد وراحت ..
طلع هو واني خلفه ....دخل للسويد واني هم خلفه امشي بصمت . اول ما دخلت خلعت عن راسي البرنص شفته جلس وحط رجليه على الطاولة  وطلع الباكيت . عفته ورحت للحمام  ما درت بال للبدله وكفت كدام المرايه وشفت المسكارة نازلة وصاير وجهي دمار  غسلته اكثر من مرة وطلعت اخذت جنطتي ودخلت للحمام سحاب البدلة صاير صفح فتحته وخلعتها ولبست ثوب المفروض باجر الصبح البسه واطلع بيه من الفندق للبيت الجديد!
طلعت من الجنطه كلنس مائي ومسحت البقايا
من رجعت العلبة صار كدام عيني بالجنطه روبي الابيض اتحسفت على الي كان ببالي وسديتها حطيت الجنطه على متني وشلت الفستان الي اطرافه كلها رطوبة صارت وطلعت   ولا كأنه موجود اتخطف كدام عينه ولا يشوفني زعلانه ابكي ولا مهتم . جلست امام المراية وبديت احل بالتسريحه  احس شعري واكف صاير من كثر السبريه مثل ذاك الرجال جامد بمكانه ..
وكفت كدامه
"ممكن اتنزل رجليك ..اريد افوت
نزلهم وفتت من يمه وجلست جنبه
عيوني وحدها لألأت
همست بشجن بأسمه
"سلطان
انت متغير ....
غمضت اعيوني متآلمه على التغير الي صار ..
"مدا اشوف بعيونك الطيب ولا برائتك ... مدا اشوف حبك ...
بكيت ..مكدرت الزم اعصابي
"انت تكرهني .. دا تنتقم مني . 
لزمته من معصمه من بده يدخن من جديد
"كافي
وهزيت ايده سقطتها على الارض رأسا مردها برجله
" تنتقم مني على شنو .. ترة اني بدونك انتهيت و وعذابي بفراقك اشد انتقام الي
استفزني بروده انتكا على الاريكه ولا كانه يسمع أنيني
وحط اديه خلف راسه واعيونه على السقف
بأيدي درت وجهه علية
'باوعلي واحجي وياي
دا اكلمك
ارجعلي سلطان لا تعذبني
اكثر ... ترة والله عذبتني
اي ليش رجعت اذا انت شايل عليه وتكرهني
ابعد ايدي بسخط
همست بأنكسار
"على راحتك ...راح انطيك وقت كافي حتى تنسى
وكن على يقين بعدني ما متندمه اني وافقت عليك ولا راح اندم ...
لأني احبك ...بالفعل اني احبك .... وراح اثبتلك مراح اتخلى عنك ابد .
رجع حط رجليه على الطاولة كدامي .. ويدخن . مارد على كل همسي اله بحرف. تجاهله قتلني ولا كأن سمع مني كلمات الحب الي طالعه من كل جوارحي احسها ما وصلت اله
رحت للحمام وفتحت الماي وخلعت دخلت بوسطه ابكي واجلف بجسمي .. طلعت من الچاكوزي ودخلت تحت الدوش و بديت احط شامبوا .. وغسلته اكثر    من مرة ..  حسيت بنسمه هوى واني اغسل بشعري ووجهي كله شامبوا . فتحت الماي من سمعت صوت الباب انسد !!!!!
ضليت افرك بوجهي ابعد عنه الشامبوا حتى افتح
حسيت بأحد خلفي
" س سلطا ..
قبل لا اكمل اديه اتلمست جسمي خلفت قشعيرة بكل انحاء جسدي كان ملمس ايده جاف وخشن على جسدي الناعم والطري ...
فتحت التفت عليه كان حاضني من خلف  واديه على خصري ويباوع لأذني بذوبان ..  و ملابسه بدت تبلل
همس بأذني بشي غير مفهوم .  واني بالقوة اتنفس من الماي و من وجوده جنبي واني بهذا الوضع ..
لفني عليه وصرت مقابلية . وقبلني بنعومه ...بعدها ازدهرت روحي وياه حسيت بروح شبابي تعود الي وشدهته بأنوثتي المحتبسة من سنوات بداخلي ..
؛
صحيت الصبح لكيت نفسي نايمة بأحضانه ..  سحبت نفسي بخفه وحذر .. ورحت للحمام .
عدلت نفسي ولبست روبي الابيض وحطيت مكياج
وتركت شعري خلفي يسرسح على ضهري ...
لكيته بعده نايم تعطرت وكعدت يمه محتارة كيف اصحيه    ..
انحنيت عليه وقبلته من رقبته    .  صحى ..
ابسرعه سحبني و صار فوقي واعيونه حمر رعبتني
'عايد .....
"اااخ اااه سلطان
كان لازم رقبتي بأثنين اديه ...
صاح عايد ومن كلت اه سلطان ..هز راسه وابتعد عني .  ضل يحك بشعره و ممستوعب .
اني ضليت احك برقبتي . واباوعله بخوف
" لا لا اصحيني بعد فاهمه ...
نتر بيه وراح للحمام .
استغربت .. فعله وخوفني عليه ..
كمت طلعت اله   قميص ازرق وبنطرون كابوي وحضرت غراضنا ...  وضليت اصفط بالبدلة .هو طلع ببرنص الحمام .. اني كنت جالسه وكدامي البدلة اعدل بيها ..
لابسة روبي الابيض   . كان ستن بكبيور  من فوق مخصر على الصدر وقصته كانها تفاحه . ومخصر على خصري لحدقدمي  وبيه فتحات طويلات  هذا الثوب الداخلي اما الروب  خالعته الي هو
عبارة عن اكمامه مفتوحة وعريضة من الكيبور الابيض والشذر الفضي . ومن فوق هم مخصر ومن تحت جدا عريض كانه فستان لهذا خلعته وكعدت . 
شفته صافن عليه واني منحنيه .  ابعدت البدله . ولبست الروب ورجعت لشغلي . 
" يلا سلطان غير حتى نطلع ..اهلي راح يجونا للبيت .
رمى الخاولي  
ابعد الثوب عن ايدي
"يااا اني مصدكت ادحسة شنو دسوي
كومني
"اووف سلطان بلا دلع وروح غير ..
ابعدته بخفه ودلع ..
لزمني من زندي عصره عصر
" اني الي يقرر شنو يصير واشوكت ..
اني اهنا الناهي الامر
كنت  اباوع اله بستنكار
وهسة تعالي
ابعد عن الروب ومااهتم لزعلي
" سلطان لا ...تتعامل وياي بهذا البرود
وخر عني . ابعد مني
يكفي
كنت ابعد بيه
ابتسم بمكر
"ابعديني اذا اكدرين ...وهجم عليه قبلني    .وبالفعل ما كدرت ابعده على العكس بادلته ..!!!!
.
طلعنا من الفندق . هم اني خلفه اجر بكعبي جر بالقوة امشي .
جلست بالسيارة .
وهو حط الجنطه وجلس جنبي
كنت اباوع اله وهو يسوق واكول بداخلي
مدا يصفى على بر هذا سلطان راح يجنني
راغب بيه وبشده . بس ليش ضال گالب وجهة اووف يزعلك الثكيل اشكد راح يستمر مدا اكدر اتحملك هيج ...
على كلا البارحه كنت اظن هو دينتقم مني
الحمدلله من طلع بعده رايدني والا ما ازوجني ولا شفت اللهفة بعيونه مثل البارحه . كان ازوج وحده اصغر واحلى مني الف وحده تتمناه . لكني بعدني ساكنه في قلبه لا گادر يسامحني  كرامته واجعته ولا يكدر ينساني ظاله معذبته ..ابتسمت وطبول الفرح بدت تقرع من استنتجت هذا الاستنتاج المطنقي . واشوية اشوية ملت راسي على متنه
ابعدني
"احنه بالشارع  .
بوزت وضليت اباوع للطريق   .
وكف كدام بيت كبير  طابقين مبين ودك هورن ..
مرة مرتين الا انفتح الباب
ولد فتحه النا هو سحب    .  ودخلت السيارة .  واني اباوع للكراج اشكبره .  اني ما شايفته من قبل
سهير و نهى اجن لهنا حطن ملابسي اما اني فترة الخطوبة جدا قصيره قضيتها بالتعديلات ..
نزلت من السيارة واجتي اخته تهلهل و ام سلوان هم طشن چوكليت علينا

سلطان دخل لجوة واني بوسني النسوان
اخته سالتني عن وضعنا جوابتها ودخلت خلفه جلست بالهول . 
اشوفلك بنيات واكفات .. جنب الباب ويضحكن
"تعالن خالاتي ...
صحت الهن اجني يضحكن ووكفن يمي
"ممم شنو اسمج ...  رغد .
"وانت
" كلثوم
" بنات ام علاء مو ؟
هزن راسهن اي
"اشكد عمرج
جاوبتني رغد بأصابعها
" 10
وانتي
" 12
"ليش واكفات اكعدن ..
كعدن ويتبسبسن ويضحكن ..
اشوية حسيت اكو ربكه فضيعه وصوت بكى مال ولد
' انعل ابوج ولي ولي
شفت ولد ركض للهول يبجي واذنه حمرة
دخلت خلفه امه وضربته حيل كدامي ..
ام سلوان اجتي
"دعوفي الولد موتيه ..
شالت مداسها وضربته بيه وهو شرد ..يطلع من عمره 8 او اكثر
تغلط واعصاب .. ما اعارت لوجودي اهمية .. راحت للمطبخ ..
وام سلوان كعدت جنبي ..  وسولفت وياي اشوي ..
واسمع حب عمري يصيح بأسمي ...
رحت  بس ما اعرف هو وين امشي وأسأل بالاطفال الي مالين البيت ..
تالي طلعت غرفتي فوك ..صعدت لكيت بيه ثلاث غرف اثنين بيبانهم المونيوم مبينات صحيات وحده مبينه من بابها الصاج هاي غرفتي فتحتها .. ضليت صافنه على الغرفة ..  كانت عراقية خشبها جوزي طوخ ..
انتبهت عليه كان مطروح على السرير ..
"ها سلطان
"شسوين جوة ؟
" م م مادري استحيت معرفت وين اروح
وانت عفتني
همس
"عفتج ؟؟
" هاي غرفتي ..؟
" اي غرفتج .. لا يكون ما عاجبتج ؟؟
ابتسمت
"لا حبيبي مدام عاجبتك هاي هي تعجبني .
"تعالي اكعدي يمي ....
واشرلي على مكان جنبة صغير
جلست جنبة
وهو مطروح .. عبثت بشعره الثخين ...
غمض هو واتحدث بهدوء
" اختي وأطفالها ما الج علاقة بيهم  ..
"تم
" تاخذين كل امورج مني   ماكو طلعه ودخله بكيفج ..
' اوكي حبيبي هذا شي مؤكد .
"اسكتي خن اكمل
" عباية راس من اطلعين . 
لا اتخوضيلي معارك وية سلطانه .
"شنو منو
"سلطانة ام علاء ..ولا اسأليها ابد عن زوجها .هي مطلقه ..
"اوكي
حبي مالي علاقه بيها ابد
" اتأخر بالشغل  او ما اجي ما اريد وين وليش
"هم اوك بس يعني اذا سالتك بس لأن اقلق عليك
التفت عليه
"اني مو كلت الج ما اريد مقاطعه
ابتسمت بوجهه
" ما يصير حبيبي علاقتنا لازم اخذ وعطى بيها والنقاش مفتوح ..
" اهلج بالشهر مرة
"عوفها على التساهيل والضروف
خزرني
" ويمكن همه على جية
"هلا بيهم  ..
سكتنا اشوية .. .
...
"سلطان ....
سلطان
حبيبي ..
مجاوب
مغمض اعيونه ومسطح على ضهره ولا يتحرك
" بس اريد اعرف .. من تركنا بعض شصار وياك ..
اريد اعرف كل التفاصيل ..
سلطان ..
" شعليج !!
رمشت بعيوني
"نعم .  شنو شعلية .
غير نسولف لبعض
"شنو نسولف ؟؟
الماضي انسيه .. انسي جنت اعرفج بيوم ..اعتبري استونا ازوجنا من غير مانعرف بعض
"ليش سلطان ...ليش
تعقد الامور
"لأن سلطان اتغير ...لعبت بيه الدنيا ومات ذاك الكلب الي حب وحده مثلج .
اشرت على نفسي وهمست
"مثلي
كانك تنطقها بأنتقاص
تأفأف
" المقصود من كلامي لا تنتظرين مني اكثر من الي انطيته الج ..
" شنو الي انطيته الي   وشنو الي تتوقع اريده منك ؟؟
جلس وعدل ملابسه .. وحط ايده على ايدي
"كدرت البسج هذا
كنت لابسه حلقتي وخاتم و اسوار
هو اشر عليه ..
"كدرت اجييج لهنا ..ببيت يليق بجناب حضرتج .
كدرت انطيج مهر ما اعتقد اتحصليه من غييري بهذا الوقت ...
ضحك وكمل
" كدرت اقنع ابوج بيه ؟؟؟
كدرت اخذج من ادين اخوتج الاشراف ...
وراح اكدر انشالله اعيشج بالمستوى المطلوب ..
مدام الجيب مليان ...لا تخافين انتي يمي

"كافي .
كلتها بضعف احس اعصابي تشنجت ..هذا مو سلطان واحد غريب توني دا اتعرف عليه طريقه كلامه المتكبر وكل كلمه احس بيها انتقاص مني .. حسيت بالذل من جاب طاري المهر ..  تذكرت الطريقة الي انطانياه بيها .. بدت اعيوني تمطر .. انطيته ضهري وضليت جالسه على طرف السرير ابكي بصمت ومغطيه وجهي بأدية
باوعت اله بأنكسار
"ليش سلطان ...ليش هيج اسوي بيه  اني بعدني احبك ...
ضربني بخفه على متني
" واتحبين نفسج اكثر . تحبيها
تحبيها روحي يلا سوي ريوك  .
" ما اريد سم ...اريد انهي كلشي هسة.
رفع حاجبة
" اها تدرين هم اشردين ؟ اههه

" ما اريد اولي اني اريدك ...بس انهي هاي المهزلة ولا اضل تتعامل وياي هيج وبلا تجريح .. 
"تردين اضلين وياي تتعلمين على طباعي
ما يعجبج اني ما جابرج على شي ..
ردت اكول شي سكتني
ويلا هسة سدي السالفه
اريد ريوك .. ولا تنسين . حجاب كدام علاء و محمد ذوله كبار ..
طلعت من الغرفة للحمام كان بيه منزع و مغسلة يعني مادخلت للداخل   غسلت وجهي ..حاولت اتماسك اكثر واتقوة بعدني ببداية المشوار وياه 
حقيقتا اني ما اعرفه لازم اتعرف عليه واشوف نفسي اني مرت منو؟
خفيت حزني وضعفي ونزلت لجوة المطبخ كبير لكن الكاونتر جدا صغير وملطخ حتى زنجار فيه من الرطوبة كله ماي ..  دورت على مقلاة طلعت وحده صغيره ااوف كلها دهون متراكمه اشلون راح اقلي بيها دورت غيرها هم نفسها واتعس حاولت انضفها واطلع منها رواسب الدهون  قدر الامكان  . تاليها من فتحت الثلاجة لكيت اجبان وقيمر . طلعته .. اووف
ساعه ادور على الحاجه الا الكاها ...
مرمية على الارض !!
دورت على الخبز او الصمون .. ماكوا رحت للهول شفت سلطانة وبناتها
عدها اربع ولد وثلاث بنات
سألت على الخبز  كامت كلثوم . طلعته الي من فرن الطباخ .. اخذته وحطيت القوري بالصينية وصعدت للغرفة .  مالكيت سلطان اضاهر يغسل .. ثوبي غير مريح
دا اريد ابدل . رن تلفوني طلعت صرح كالت رجعتوا كلت الها اي .. كالت ب 10 يمكن نجيكم .
سديت الخط وخلعت ثوبي   .  دورت على ثوب الصباحية ... كان ليموني . فصال كردي جميل . دخل سلطان لا ارديا حطيت الثوب عليه ..
"هذا الريوك
انطيته ضهري دا البس ..

حسيته خلفي . 
ابعد عن ايدي الثوب ..
درت نفسي عليه
بلعت ريقي بصعوبة
" الريوك ....
راد يقبلني رجعت راسي للخلف ممتنعه . ما اعرفه كلامه لهسة قابض على نفسي ونغازني ..
رجع راسي بكفه .. وصرنا راس براس وهمس بحدانية
" إذا تردين حياة طيبة وياي
اثنين لا اسويهن ..
" ما اريد كلمة لا
ولا تعصين الي امر
لا فعل ولا قول
فهمتي ..

سحبني من ايدي غصب ....
........
دخلت للحمام  بعد سلطان .. ضليت صافنه   اليفة على الارض والصابون هم على الارض مشمر .. وعلبة الشامبوا مفتوحه وعلى الارض . 
كان لون السيراميك سمائي ..  ما بيه غير دوش و طشت ! و طاسه  ...
لميت الغراض وذبيت الليفه انقرفت منها .. 
اغسل واني صافنه ممستوعبة هذا البيت راح اعيش بيه مدى الحياة ...!!

زاروني اهلي في بيتي الجديد . وكان واضح على نهى وصرح السخط من اثاث البيت وطلبن مني اتقوة واتولاه ما اتركه بيد اخته ..
اول ما اجوني فقط بابا وصرح وسهيير و نهى
بعد الضهر هلو اخوتي ودعاء وياهم .   فرحت بجيتهم ببيتي .. 
كان سلطان توه مترخص من بابا اجاه اتصال .. ويه جية اخوتي كعدوا ينتظروه
سامي" اي و زوجج اشوكت انشالله يطلع يسلم
ابتسمت باحراج . وسكتت لأن ابن اخته ابو 8 اعوام والي اسمه مصطفى كاعد يسمع ...
دخل سلطان .. وسلم عليهم ما اعرف ليش سامي احسه بالقوة يتكلم وياه من انفه . 
ما اتأخروا ساعه واترخصوا اخوتي ..
و اهلي هم بعدهم راحوا ..  بيومها جابولي بقية غراضي ..  .حسيت هاي هي اني بعدت عنهم وماصرت منهم ...
اخذت الغراض ورحت لغرفتي اعزل بيهم ..  طلعت ملابسي وملابس سلطان وعدت ترتيبها كلها ..
واحتاريت ببقية ملابسي لأن الكنتور ما وسعهم كان خمس ابواب     ..  اضطريت اخلي قسم منهم بالجنط واصعدهن لفوك ..  انحنيت وجنيت من شفت جوة الجربايه التراب الي بيه واكطوف الجكاير .  نزلت لجوة ادور على مكنسة
رحت سلطانه
" ام علاوي    وين حاطين المكنسه
كانت تاكل نبق واذب البزر كدامها ..
' هاا شسوين بيها بعدج عروس
غاددددة  رغد كليثيمان ولجن تعالن
اجت غادة البنت الكبيرة اصغر من علاء بسنه   وكالت الي سلطانه عمرها 16 سنة ..
كالت الها تنضف الي واشوفني شنو اريد. 
اني رفضت مساعدتها .. بس طلبت منها تدليني بالمكنسة ...
راحت ضلت ادور واني خلفها امشي لحد ما راحت خلف النخله طلعتها ...ضليت صافنه عليها كانت من خوص و معفنه من الرطوبة
"هاي شنو
"اي هي هاي مكناسة البيت بس هاي رغد الغبيه تغسل بيها الكراج
انقرفت اخذها من ايدها
"اولا عيب حبيبتي اتكولين على اختج غبية ثاني شي ماعدكم غيرها ما مستخدمه ...
ما لكيت غسلتها واني اتكرظم وصعدت لغرفتي . نفضت السجاده ورفعت الجرباية ..طلعتها لبره بالصالة . واشتغلت عليها .. ضليت اشتغل بالغرفة لل9 بالليل متناسية تماما ان اليوم ثاني يوم زواج الي   . حتى عريسي ما شفته طلع بعد ما راحوا اهلي وبعد ما رجع ... ضليت  اكرب وافكر بيه واشلون احاول اتقرب منه من جديد  ..
خلصت الغرفة ورجعت كلشي لمكانه .. واني مرتاحه نفسيا ...
دخلت للحمام عدلت نفسي وانتظرته .  تاليها التعب غلب عليه ونمت ...
...
احس شي يتلمس بوجهي واني نايمة .  احاول احكه ما اريد اصحى . 
ويرجع يحكني ...
فتحت بنعاس
" شنو ..
" كومي اشعدج نايمة
سندت نفسي بكوعي ومديت رقبتي لكدام
'اشعندي كاعده  . وين جنت لهسة ؟؟؟؟
قرصني من خدي
" شكلت اني  !!
تذكرت  اوامر سي سيد
"اااه كافي  حباب
"كومي يلا
رفع  الشرشف  عني
"وين  ما اسوي عشا
"لو اريد هسة اتكومين اسوين وغصبا على هاي العين واشر على عيني
رجعت انطرحت احس ضهري يوجعني من شغل اليوم نازله وصاعدة . 
" كومي
كومي لا ترجعين  اتنامين .
صرخ بوجهي خلاني اوكف على حيلي خايفة 
اخفيت خوفي واني ارجف
مثلت التماسك واني فاقده العافية
" شتريد وليش اصيح عليه ..
اشو هذا انطرح لا وبعد بحذائة ...
" اركصي الي
رمشت بعيني بعدم استيعاب رفعت تك حاجب عليه
"نعم !!!!!!!!!!

يتبع
...
مساء الخير او صباح الخير
اولا كيف الاحوال ..
ثانيا اسفة واعتذر بشدة لضيق وقتي والضروف التي حكمت عليه بالتأخير ....
طبعا انا من شغوفين الكتابة ...ومدمنتها جدا  اكتب بهذا الموقع لنفسي ومن ثمه لكم احبكم في الله غض النظر عن الموعد وهو موعد النشر بين يوم واخر  عندما اغيب  فترات او ايام يسعدني ان تسألون عن حالي ويؤسفني ان ارى وجوه ساخطه ناكرة آمرة كأني عبد لها ...احب اقول لها اني اعشق الكتابة لنفسي ولمن يقدرني وعندما أتأخر فهو لسبب منعني عنكم وعن ممارسة هوايتي المفضله .  واحب اقول لكم ضرفي كان قوي لهذا  اعلن من اليوم ليس لدي وقت معين لا بين يوم واخر ولا كل يوم ...عندما يسمح الله لي اكتب .. ان كنتم عشاق احرفي انتظروني من غير سخط فأنا ام و مدرسة و زوجة و ربت بيت و ممرضة و كل هذا مع هاوية للكتابة . في امان الله  وارجوكم تفهموا موقفي ولنرتقي بتعامل معا فلا داعي للكلمات الجارحة لي   
...زهراء ....