رواية سلطان زمانه الفصل التاسع عشر 19 - بقلم زهراء العراقيه

راسي من الوجع اجه ينفجر  عفته وانطيته ضهري  واني الف حسبة اجت ببالي .  منو هاي وليش يهذي بيها ..واشبيه تعبان   من ذاك اليوم الي شكيت بيه صاير شي من اتصلوا بيه على العشا وما قبل يحجي اني عرفت صاير شي يمكن يخصها .  منو هاي حوراء ..
نزلت لجوة بعد ما اتحمل فتحت الباب على الولد كانوا نيام بس علاء لازم فونه ويلعب بيه من شافني غطى نفسة كان لابس فانيلة وشورت
" خاله علاء كوم اريدك بسالفه
طلعت . 
اجه خلفي ينزل بتيشيرته
"ها خاله
"اكولك بيبيتك شنو اسمها
"شنو  ليش
"ام امك شسمها جاوبني علاء
' اسمها  فطم ليش ؟
"فطم ... زين عندك خاله لو بس حسام
"ليش
ضاج بس جبت طاري حسام
" جاوبني مو وقته سكوتك
" لا ماعندي هو بس صخام
"ماعندك خاله ... اسمها حوارء
" هااااااا !!!!!!!
لا
لا
"عمه جده زفت
حك رقبته
"لا ماعندي
ما اعرف ليش حسيته يكذب من إجابته 
"اهاااا
روح نام
عفته ورحت لغرفتي    نار وشبت بيه 
.
الصبح صبح واني نزلت سويت ريوك الهم .. شفته نزل كعد يمهم قليت اله بيضه وحطيته كدامه ورحت من غير ما اكل شي قلبي مصدع مو بس راسي .  حطيت ايدي جوة راسي وحاولت انام ...بس غير بالي يهدأ لا بس يفكر ومشتعل  شعل
منو هاي
وليش ضايج
اكيد عليها
حتى ما يباوع بوجهي
معقولة سلطان يخوني وياها ؟
زين ليش ضايج عافته ؟
وليش وليش وليش
اااه يا قلبي اشلون  تتحمل  ..
بودي اروح اثور عليه و اواجه بس اخاف اني مو كدها اخاف اجابته تصدمني والي يسويه من ورايه يصير علني !!
دخل للغرفة كبل غمضت اعيوني
شفته ديبدل  طلع
كمت من شفت تلفونه على الميز عافه وراح للتواليت
فتحته اعرف الرمز رهف عمري . حطه امامي   .
فتحته دخلت للرسائل واني ايدي ترجف واباوع للباب ..
الرسائل مال الشركه اهواي ضليت انزل وادور .
ارتبكت عفتهن ورحت للماسنجر .. اخر مكالمه من سلوان ..اه سلوان بيت سره . دخلت على المحادثه
قبل المكالمه
سلوان سأل سلطان
"اشلون صرت ؟
صعدت بالمحادثه
اندمجت بيها
" لا اتضل اتلوم بنفسك انت مالك دخل والبنية بعد صار بيها الي صار
حسيت احد دا يندسني بأطراف اصابيعه
درت وجهي للخلف من شفت سلطان وكع التلفون من ايدي وكلبي اجه يوكف
دنك اخذ التلفون   .
' اشبيج  ...
باوع للفون شافني  داخله على المحادثة يباوع للجهاز ويباوع الي بنظرات غضب وعتب
"اشبيك هيج تباوع
" موبايلي شسوي عدج
سكتت بالاول كنت بعدني مخترعه هدأت من روعي وجاوبته بهدوء
" اريد اعرف رجلي  اشبي
" اتبحوشين  من ورايه ..عندج شي اسأليني
" يلا هسه أسألك اشبيك
ابتسم
"ما بيه
"لعد لا اتلومني اذا فتشت تلفونك مفهوم ..
"رهف انتي تردين عركه واني روحي بازعه اتعرفين يعني شنو بازع والدنيا طالعه من عيني عوفيني بحالي وچفيني شرج
'شنو؟؟؟
اشبيك سلطان تتعارك مع ذبان وجهك ؟؟
" الله اكبر  هسة اني متعارك؟؟؟؟؟
"سلطان انت شنو ضام عني كول ...
"يهووو
اخذ تلفونه وطلع وعافني احجي وراه   . نزل ورجعت  للغرفة مقهورة  .

كنت اطبخ غدة واخيرا كدرت اضبط التمن ..
خابرت نهى
" اي وبعد شسوي
"حمستي اللحم
"اي اي حمسته
هم احطله دهن اشو هو بيه دهون من الشحوم
"لا بس البصل شقريه وذبي تركيبة المركة
"اها من اخلص اصور الج المركه اشوفيها هاي هي لو خفيفه
"ههههههه ميخالف
باي
مع السلامه
...
خلصت طبخ ورحت كعدت يم غاده بس هي بالبيت الباقين بالمدارس ...
ضلت اتلح عليه انروح لبيت بيبيتها خالها يجي الضهر وعدنا وقت لكن رفضت ما احب اطلع من غير علمه واجازف  ...
رجع الضهر سبح وانتظر الغده ..اني هاي اول مرة اطبخ مرقه خايفه لا ما يعجبه ..
سكبت وحطيت امامهم على السفرة  .. 
ضحك محمد واشاقه وياي
" هليام ماكوا شعر بالاكل
ضحكوا
علاء"يمكن تغسل المخضر بالصابون ههههههه
كلها تضحك واني ابتسمت باوعت لسلطان كان باله مو يمنا وطالعه روحه . صافن على الاكل وماياكل؟؟؟
"سلطان ...سلطان
" ليش ما تاكل ...اكلي ما عجبك ؟؟؟
سلطان
"هاا
" وين بالك ...ليش ما تاكل
"ما اشتهي
ذب خاشوكته وراح لفوك .. كسر واهسي بالاكل
كفيت مواعين الغده ورحت لغرفتي ارتاح ..
سمعته يحجي بالتلفون
" اكلك هسه  عايد طلع منها ...
والله اعتقد هو سبب الي صار ما اصدك حادث عرضي

صمت اشويه كانه يسمع الي دا يتكلم وياه
دخلت اني اول ما شافني
"اكلك بعدين اخابرك ...سده
وانطرح
" منو عايد ؟؟؟
"  ابن عمي
"اشبيه مسوي حادث ؟؟
بعدم اهتمام
"اي اي

"اهااا خطية  اشكد عمره هو واولاده ليش ما يرحون اله
" اشمدريني
كشول بوجهه 
"  ما اتكول الهم ؟؟؟
" تعاي نامي يمي وعوفج منه
" شسوي بيه
تذكرت الاسم الي يهذي بيه
جلست على الطرف الثاني من السرير ونمت عليه ..مطيه ضهري لسلطان
مد ايده وجرني
"اشبيج ...كالبه خلقتج
"مابيه .. حطني على صدرة ..
"هم اتحب غيري ؟؟
جاوب
ليش ساكت ؟؟
"شجاوب ... ! ماكو غيرج مرة بعيني
"اهاا صدكتك
زين من عفنا بعض هم اتعرفت على غيري ..
"شنو هاي رهوف اشبيك
" ريحني وكول
"لا
"والله
سكت ما حلف
رفعت راسي
" ما حلفت ..يعني متعرف
" اشبيج .. يمتى اني اجذب عليج كلت لا وين لحكت اتعرف . كونت نفسي واجيتج 
"وو
"كافي رهف تعبان واريد انام 
كالها بعصبيه وعافني وابعد ايده عن راسي وانطاني ضهره  ...
بزعل
" سلطان ...  اذا اكتشفت عندك علاقه بغيري حتى لو سابقه و الله ما اسامحك

غلس عني

" والله لأعوفلك البيت   اذا عرفت عندك علاقه ..الا هاي كلشي اتحمل بس هاي تنهي كلشي بينا ..... 
ما جاوب  ..ضجت حيل ولا اثر بيه كلامي بس يريدني اسكت يغلس عني  .. 

بالليل هم أتأخر كالعاده  انتظرته وانتظرته طبعا عدد مكالماتي اله لا تعد ولا تحصى . هي مو عادتي لان متفقين ابد ما الح عليه بالاتصالات  و وين كنت و وين رحت . لكن هسة الا اكتشفت حجم غبائي .  هو دوم يتأخر بالليل واغلب الاحيان ما يجي الضهر شنو من شغل هذا ؟ صح ما يبات برة لكن طلعاته اكثر من وجوده بالبيت !!؛ الشك نهش عقلي فكري صار بس بهاي السالفه .. مرات الوم نفسي واكول المفروض اغض النظر واصرف بعقلانية اكثر اني كبيرة . لكن مكدرت . غيرتي عليه فقدتني صوابي اخاف لا اتهور واتهجم عليه بطريقه اتخسرني الاول والتالي من كثر الكتمان ..
رجع اني سويت نفسي نايمه خليته يروح للحمام .. ورحت لتلفونه على الشحن .. حاولت ادك الرمز ..مغيره ؟؟؟؟؟؟؟؟
الشك صار يقين هو ضام عليه شي تأكدت .
ما نام اشوفه يكلب .. اني غفيت وعفته ..
هم كعدت على صوته وهو يصيح ويستنجد
" تعاي .   تعاي حوارء ....تعااااي
عوفها  . 
هو صحى من وحده اني بس صافنه عليه
نفسة يصعد وينزل تعبان 
"منيه حوارء؟؟
بعد مصبرت
نام على ضهره  وايده على قلبه
"منو حوارء
" اااش اسكتي ... نامي
صاح بيه
" لا اصيح وكول منوهاي
طلع وعافني يمكن نام جوة ...اني حياتي صارت جحيم بنظري ما تهنيت بشي ..ولا بكل التغيرات الي سويتها ...
تعاركنا الصبح وطلعت اصواتنا   
" تعبت  اشبيك منو هاي حوراء .  كلك اسرار .. والله لو ادري بيك هيج فلا ازوجتك وضليت  وحدي ولا النار الي اني بيها

" اكلج انت شو محملتني منية
جان هو كاعد على الارض و يركب بلعبة لأبن اخته الصغير  كانت مجسم بات مان و خالع الطفل رجله  ..
رماها على الارض وعصب حيل
كنت كدامه كاعده على السرير
"ما اشوف نفسك وياي
"دنجبي يلا واسكتي
استفزني
"كم مرة كلت الك لا تغلط خلي احترامات بينا
" اس كافي
رجع يركب بالرجل
فتت من يمه معصبه صاير نار ماشفت رجله مادها اشطوله عثرت ووكعت على بطني .  تألم  ..
"ااه
ضحك
"حيل
كمت
" هيج صارت اوك والله فلا كاعده الك بيها ..
فتحت الكنتور لبست عباتي و اخذت جنطة ايدي
" وصلني ..لبيت اهلي بعد ما اتحمل
ذب اللعبة ودنك راسه ....اسمعه يستغفر يزفر نفسه بغضب ....
وكف كدامي
" خوش ... ابدل اهدومي وانزل اخذي السويج وانتظريني بالسيارة

اني ضليت ارمش بعيني ممستوعبه وصافنه بوجهه
طلقه وبجبيني اجت كلمته دكت براسي دك    .
نزلت وعفته ممصدكه شي البنات سألني وين ما جاوبت  . كعدت بالسيارة . انتظر واني اكول هسه يهدأ ويرجعني ..  او يجي ياخذني بضحكته وشقاه ..
شفته طلع . صعد جنبي .. وصاح لأبن اخته سطرني
اجه يركض
اشرله يفتح الباب فتحها وطلعنا ...
كنت ما اباوع اله وقلبي يرف رف  ...وصلنا لنص الطريق والسكوت رفيقنا اني ممستوعبه لحد هاي اللحظه اني  طلعت من بيته زعلانه  .اباوع للطريق وبقلبي حسرة . كلساع استرق نظر اله .اشوفه يباوع لطريقه وما تتفسر ملامحه . 
يسوق على مهلة ..
وصلنا لبيتنا واني بس جنطه ايدي بيدي لا غير ..
حتى بثوب بيت تحت العباية ولا مكياج لا تعديل شال لفه مال بيت لافته وهاي مو عادتي اطلع هيج ...نزلت من السيارة  .  
هو مانزل شغل السيارة ورجع للخلف .. وانطلق راااح
انصعقت ودكيت الجرس واعيوني صبن دموع اول ما دخلت فتح الي الباب رامي سلم عليه وكان مشتاق الي بسته واخوه الاصغر منه هم اتلكاني بوستهم ودخلت ..
سلمت على دعاء .  وحسيت بنظراتها التعجب مو عوايدي اجي من غير ما اتصل
دعاء"شنو ولك رامي عفت خالك سلطان برة ينتظر دخله للاستقبال ..
"ماكو خالي !
بلعت ريقي بصعوبة
"اريد ماي
"وين سلطان ..هاا روح رامي جيب ..
كعدت يمي
'اشبيج رهوفه شكلج مو على بعضج
"تعبانه ...
طلع بابا من غرفته اضاهر  سمع صوتي باسني من خدي .. وكعدت ...
"هلا هلا برهوفه .. اشلونج يابة
" زينه ..
نهى هم طلعت سلمت ....و واضح عليهن التعجب معدا بابا كان عادي ما ركز بس سألني على سلطان
تلعثمت ...حرت شكول وهو الي حاطه بقلبه ويحبه ..
" راح عنده شغل
"اهااا
"اي وصلني وراح ..
نهى"اشبيه وجهج
اجيت ابكي هو اني هيج كنت على خيط واكفه بس يسألوني اشبيه ودي امطر ادموع .. تماسكت .
" تعبانه ...اشويه مريضه  واجيت ارتاح
دعاء"اخاف حامل ههههه .
غلست عليها وكمت طالبه اروح لغرفتي السابقه او اي مكان ارتاح بيه تحججت بوجع بضهري وبابا خاف عليه  . 
ومشت عليهم مريضه لكن اكو بعض التسألات ليش سلطان ما دخل سلم ؟؟؟؟؟
ليلتين اني ما نام بيهن ومتت من الشوق والندم والحسافه ..انسان تنازلت اهواي على مودة هيج يعيشني بعذاب الحيرة والشك ما ارتاحيت بيوم وياه
ليته قلبي ينساه واخلص   رماني اهنا ولا باوع خلفه
شكوكي تأكدت بحياته وحده ثانيه والا مكان تركني
..
انطويت على نفسي بحجه التعب حتى اهلي شكوا بيه حامل ...
لكني كنت تعبانه نفسيا واطلع الهم حجج لسلطان كلت الهم عنده شغل خارج المحافظه ....

كاعده اباوع لصورة بالتلفون .. وابكي بحرقه تذكرت اشلون بأول ايام زواجنا كسر  قلبي حتى للتصوير ما رحت ثالث يوم العرس قضيته لوعه قلب مع سلطانه
اشكثر اتحملت واجيت على نفسي ..بحجه هو اجه على نفسه  ورجعلي بعد الي صار ..اثاري اني كنت رغبة لا اكثر حتى يحقق شكوا شي مكدر يحققه ..
سديت التلفون واني كارهه نفسي والصور ..
نهى صاحت اجه سلطان .. كمت من سريري كبل ...اريد اشوف صدك لو لا فعلا سمعت حسه بالاستقبال .. سمعت فرات يكله خو ماتزعل اذا رحت والله مرتبط بعرس ... واترخص من سلطان .. احتاريت شنو اسوي ...بودي اطلع اتعارك وياه ..
ضليت حوالي ربع ساعه ما ماخذه قرار اطلع اله او لا .جرحني اهواي لازم اخذ موقف  ...
دخلت للاستقبال شفت بابا ابصفه كاعد ومبتسم
بصوت شبه هامس
"مرحبا ...
كنت امشي بثقل ..
جلست امامه ...كنت تعبانه ..على وجهي الشحوب والتقدم بالعمر واضح من القهر واعيوني الي دوم تارستهن الكحله فارغات  ..
لافه شعري كعكه . ذبيت ثقلي على القنفه وجلست اتبع نظرات سلطان الي ..  كان شابك اديه ببعض ...
صفن عليه لوهلة وبعدها بادل بابا اطراف الحديث .
حسيت نفسي جالسه شي زايد .اصلا ليش جاي .. انتبهت لنفسي اشلون انطيه فرصه هيج يشوفني بهذا الحال الضعيف.
اجتني رساله  سويت نفسي ملتهيه بيها حتى بس ازول من ضوجتي ...منه . فتحتها
"اشبيه وجهج ؟
ما رديت
"حضري نفسج
طبعا يراسل ويتكلم مع بابا استفزني
كلت بانفعال بصوت عالي
"ما اروح سلطان ....
بابا سكت لأن فجأة اتكلمت وقاطعتهم ...
ضليت ابل بشفاي واتفشلت
" شنو هذا الكلام بابا انت زينه ما بيج شي روحي ويه زوجج
كان مضايق مني حيل بابا

" خليها على راحتها
كالها لبابا بهدوء
واجتني رساله منه بنفس الوقت
تكومين اتلبسين واطلعين ..
ورها مسج اخر مكمل
"لا والله اسوي اسوايه يم ابوج هسة ..
حطيت التلفون على الميز .
"خوش مدام على راحتي خليني اهنا بعد كم يوم ..
ابتسمت . وعاندت وياه شريد يسوي خل يسوي
طبعا سلطان عارف اني ما كايله لهلي شي من استقبالهم اله ...
"شوف عمي وانت كاعد هسه .. اني شيعي و اصلي نجفي وانت تعرف شيم اهل النجف 
"ونعم منك اوليدي
"وعلي ابن طالب اني احبها لبنيتك !!!!!!!!!
واعشكها من الجدم للراس  .
بابا ضل صافن عدل من كعدته ..
واني ما ادري شنو من انقلاب عندي عواطفي كلها تبدلت بلحظه من حاقده و ماخذه بخاطري منه الى مراهقة قلبها متروس عشق وخجلانه من ابوها .. دنكت راسي واطشر الضحكات الصامته .

بابا " اضاهر بينكم زعل حبايب !!

طلع بابا تاركنا لوحدنا  .   جلس جنبي ..
قرصني من زندي حيل
"اااه
"كل هذا التعب الي بوجهج واتكابرين اتخابرين اتكولين تعال اخذني
"انت حيل ضوجتني
"وشنو يعني اني هم ضايج من تصرفاتج .. بس مو معناها اعوفج وابيعج ..
دمعت وبكيت
"متحمل بعد تجاهلك لمشاعري . نزلتني اهنا ولا سألت عني
" ااااه رهف   
والله انت الي بالگلب  بس اني عندي مشاكل مو يمج
لا اضغطين عليه .  الله يرضا عليج لا اتهددين بعد وتزعلين ترة طكت مرارتي
ابتسمت
"اشلون اتكول هيج امام بابا احرجتني واحرجته
رد مقلد عليه بطريقه ساخره
"ليش عيني مو هذا المتحضر الوالد ابو نظارة
"هههه كافي
اشعجب اجيت
"غير مشتاق
"صدوووك حبيبي متكدر بلياي
"اي اشتاقيت لرقصج
" اروح ما اريدك
"ههههههه
اجيت احظنه
"وخري كلج ريحه دموع
"ياااا
" حبيبتي ما يحلى الحضن الا بغرفتنا كومي يلا ..
رحت وياه ..  واني الطريق كله اطلب منه وعود  اذا ضام شي يكول واحلفه ماعنده وحده حلف الي وارتاحيت ....!!!
وصلنا للبيت الوقت كان وقت عشا ...دخلنا للبيت ..
وشفناه مقلوب قلاب
"هاي شنو سلطان
اجنه البنات يبجن واالاخوه الصغار
"خالي
خالي
ابويه اجه كسر البيت علينا ويريد يكتلك خالوووا

يتبع