تحميل رواية «سليل للشيخ» PDF
بقلم 313
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
#البارت الاول للكاتبة #زينب البديري 💡 النشر تريدو ورا السحور لو ورا الفطور😀 ___________________ سليل.. ياللة اكعد مو تأخرت واليوم عندي امتحان سيف.. سليل امشي ولي أريد انام كولي الأبوي يوديج سليل.. كوم مو انتة هم تريد تروح لبيت عمو ترة صارت الساعة 7 ونص سيف.. يبووو كايم كايم روحي حضري الحمام وحضري ملابسي سليل.. لا واللة ماتروح انتة سيف.. قروتي حبابة سليل.. ماطول كلت قروتي الة ما اروح احضرلك سيف.. آسف آسف حبابة روحي حضريلي راح اتأخر هم ياللة أوصل ( لزم خد سليل وباسها بخدها) سليل.. (كامت تمسح بخد...
رواية سليل للشيخ الفصل الأول 1 - بقلم 313
سليل للشيخ
#البارت الاول
للكاتبة #زينب البديري 💡
النشر تريدو ورا السحور لو ورا الفطور😀
___________________
سليل.. ياللة اكعد مو تأخرت واليوم عندي امتحان
سيف.. سليل امشي ولي أريد انام كولي الأبوي يوديج
سليل.. كوم مو انتة هم تريد تروح لبيت عمو ترة صارت الساعة 7 ونص
سيف.. يبووو كايم كايم روحي حضري الحمام وحضري ملابسي
سليل.. لا واللة ماتروح انتة
سيف.. قروتي حبابة
سليل.. ماطول كلت قروتي الة ما اروح احضرلك
سيف.. آسف آسف حبابة روحي حضريلي راح اتأخر هم ياللة أوصل ( لزم خد سليل وباسها بخدها)
سليل.. (كامت تمسح بخدها)ايعععع ليش تبوسني
سيف.. انتي مو مال احترام امشي ولي روحي حضريلي ملابسي راح اطب للحمام
سليل.. (تحجي بصوت ناصي )كبر حتى كبر شوكت أخلص منك
سيف.. ولج شكلتي
سليل.. ما احجي وياك روح للحمام
راح سيف للحمام وإني حضرتلة ملابس كلش مزعج سيف بس اني كلش أحبة لان اني ويا الوحيدين لأهلنة وأصدقاء أكثر من اخوان وكلشي يسولفلي عن حياتة وإني هم بس كلش هواي نتعارك سيف مرحلة 4 يدرس تربية انكليزي يحب بنية ويا بالجامعة صارلة سنة تقريبا اجت نقل من الحلة اسمهة بتول
ااني طالبة سادس علمي واليوم اول يوم امتحانات وكلش متوترة طلع سيف من الحمام اني رحت اخذت جنطتي وطلعت من غرفتي
بابا.. سليل لسا بالبيت
سليل.. بابا غير ابنك ساعتين اكعد بي
بابا.. روحي هسة بسرعة لاتأخرين عل امتحان راح تصير ساعة 8 ومايطببوج للمتحان
رحت للدوام من وصلت للمدرسة اول ماطبيت لكيت المدرسة فارغة رحت للقاعة لكيتهم يريدون يسدون الباب
سليل.. (تركض وتصيح)اوكفو لا لا
- ليش متأخرة
سليل.. (نزلت دمعتهة) مادري ست حبابة طببيني واللة بعد ما اعيدهة
- شكو شنو هذا الصوت
-ست هااي بنية متأخرة
ضلت تباوعلي وبعدين كالت
-طبي بس اذا مرة ثانية تأخرتي ما نطببح ست مريم سويلهة الإجراءات
كالت هيج وراحت
- انزعي شالج
نزعت الشال و باوعت لأذني
-انطيني البطاقة الامتحانية مالتج
انطيتها البطاقة وضلت تباوع لوجهي وللبطاقة وبعدين سئلتني
-شنو اسمج الرباعي
سليل .. سليل أحمد ...
-شكد عمرج
سليل.. 18 سنة
- شنو اسم امج
سليل.. حوراء حسن
-ياللة طبي ولاتعيديها ترة بعد مانطببج
رحت نزعت جنطتي اخذت اقلامي وبطاقتي رحت كعدت الحمد لله كاعدة وكبالي سبلت جانت الدنيا كلش حارة كعدت بمكاني اجت المراقبة الي على قطاعنة
- انطيني بطاقتج
سليل.. تفضلي
ضلت تباوع عليهة وترجع تباوع علية سئلتني عن اسمي ونطتني البطاقة ونطتني الدفتر الي امتحن بي
- بعد لا تتأخرين
سليل.. نعم ست
اني من التوتر حسيت نسيت كلشي من انطتني الدفتر اخذتة وأريد اكتب اسمي ما اكدر يدي ترجف وأحس نفسي كلشي نسيت وزعو الأسئلة ومن خلصو كل القاعة كَلبنة الأسئلة وبدينة انحل الحمد لله كدرت اجاوب والأسئلة جانت سهلة
طلعت من الامتحان دكيت على بابا لأن سيف بيت عمي حتى يجي ياخذني من المدرسة رجعت للبيت وجنت كلش تعبانة
ماما.. هاا ماما شلونج بالامتحان
سليل.. زينة بس ميتة تعب وأريد انام
ماما.. روحي نامي واكعدج ساعة 12
سليل.. اوك بس اذا ماكعدت عوفيني وكعديني ب2
صعدت لغرفتي ونمت نوم عميق ماحسيت بأي شي
من التعب لأن اصلا اني كاعدة مانمت من السحور لسا كاعدة جان بوقتهة رمضان نمت فزيت ساعة 4 العصر طفرت من
مكاني ونزلت بسرعة لغرفة امي لكيتهة نايمة
سليل.. ماما ماما كومي ليش ما مكعدتني ساعة 4
من كلت ساعة أربعة امي فتحت عيونها
ماما.. شنو ساعة أربعة
سليل.. أي جا ماتردين ليش ما مكعدتني هسة وين الحك اقرة بعد ماكو وقت
ماما.. نمت مادري بروحي روحي اقري تلحكين
سليل.. رايحة رايحة هم ياللة الحك هسة
ماما.. أي تلحكين انتي امتحاناتج بين يوم ويوم
رحت لغرفتي بس الدمعة بطرف عيني ضليت اقرة إلى أن صار وقت الفطور نزلت جوة جان سيف موجود
سليل.. سيف اليوم كلة من وراك بلكوة طببوني خليتني اترجة واحد من وراك
سيف.. هاااه وليش ماطببوج ترة بعدها جانت ماصايرة ب8
سليل.. مادري بس رادو يسدون باب القاعة
سيف.. بس طببوج😏
سليل.. أي بس اذا متأخرة شوية مايطببوني (بصياح)
بابا.. كافي دوختونة يعني كليومية لازم تتعاركون
سليل.. أي بابا ماتشوف تصرفات ابنك
بابا.. بابا تعالي اكلي وراج قرارية وعوفي سيف علية معليج بي اني راح اعاقبة
كلي بابا هيج وباوع لسيف وغمزلة
سليل.. ترة شفتكم وياللة ماتريد اكل عود انتو هم واحد يأكل وياكم
صعدت لغرفتي دا امشي عل درج اسمعهم يضحكون وبابا كال لماما روحي وديلهة الأكل لغرفتهة خطية
سليل.. مااريد أكل ولحد يجي وراية
رحت لغرفة سيف وكعت محاضراتة وكلبت فرشتة وفتحت الكنتور طلعت كل ملابسة اني ودا اطلع اجة سيف
سيف.. ولج هااي شسوين
سليل.. اطلع برة
سيف.. لاوالله هم غرفتي وطرديني وهاي ليش هيج مسوية بالغرفة
سليل.. بكيفي شريد اسوي اسوي
سيف.. أي هوة منو راح يعزلها غيرج خربي خربي وبعدين تعاي عزلي
سليل.. لا عيني عندي امتحانات وامي ماتقبل اسوي اي شي بس اقرة وانتة عزل غرفتك اني مامخلفتك وناسيتك وهسة بااي خلي اروح اقرة
طلعت من الغرفة بس كلش دايخة وجوعانة نزلت للمطبخ صبيت اكل واكلت بعدين صعدت فوك ضليت اقرة ل10باليل ياللة كملت (طبعا كلساع ستراحة لو اضل ارسم مو كلة قراية)
نمت كعدت ساعة 5 رحت اكلت وبعدين ضليت اراجع ب7 هم نمت لأن تعبانة جانن امحاناتنة بين يوم ويوم صار ثاني يوم كعدت من ال5 ضليت اراجع وب7 رحت للمدرسة وضليت اراجع اني وصديقاتي إلى أن صار وقت الامتحان كملت امتحان وجاوبت الحمد لله رجعت للبيت نمت يعني بختصار كل أيام الامتحان هيج مكضيتهة اكل ونوم وقراية بس بيوم امتحان الكيمياء غبت لأن بوقتهة تخربطت
خلصت امتحانات وإني الحمد لله كلهن مجاوبة عليهن وكلش متحمسة للنتائج بس خايفة بنفس الوقت
اجة عيد الفطر وكلش تونسنة بي رحنة لبيت بيبي أم امي لأن أهل بابا عمامي وعلاقتنة مو هلكد وياهم
عندي ثنين عمام فارس الجبير وهوة أكبر واحد
واولادة حسين وحيدر وبنية وحدة سمى
وعمي جبار أصغر واحد حتى أصغر من ابوي واولادة جعفر وحسام و (سمير )هيلك كلش، وماعدهم اخوات
أما عماتي لا علاقتنة وياهن حلوة ودائما يجنة ونروحلهن عندي ثنين عمات
اني ماعدي خوال عندي بس خالة وحدة وجبيرة بالعمر يعني مااسولف وياهة هواي وهية هم غثيثة
طبعا كل ما افرح أتذكر النتائج واقلق وضل هذا القلق مستمر الى ان اجة وقت النتائج كلش خفت بوقتهة ماطلعتهة إلى أن اجة سيف طلعلي النتيجة
سليل.. سيف حباب بسرعة
سيف.. ولج ما تحمل هسة شوية بس اصبري
سليل.. هااي حملت شوف
سيف.. شنو اسم مدرستج
سليل.. اصخام الصخمني اخوي وماتعرف
سيف.. انجبي واحجي
سليل.. اسمها....
ضل يدور بعدين لكاها اني من طب على مدرستي رحت بعيد عنة مادري ليش
ماما.. ماما تعاي وين رحتي
سليل.. مادري سيف طلعت
سيف.. أي ولج تعاي طلعت
سليل.. يمة دخيلك ربي
سيف.. سليل ناجحة بس بل كيمياء صفر والباقيات ناجحة
من كلي كمت اكمز مع انو ادري بنفسي بس خايفة من المعدل وخاصة اني ماممتحنة امتحان يعني اي معدل يطلعلي لأن اجيب 100 بالكيمياء حتى أحافظ علية
سليل.. زين شكد المعدل هسة
سيف.. انطيني التليفون خلي احسبة
وديتلة تليفونة وضليت ادعي باوعت لسيف شفت وجهة من جان مبتسم وفرحان إلى مصدوم
سليل.. ها بشر
سيف.. .................
●●●●●●●●●●●●●●●●●●●●●●●●●●●●●
حبايب هذا البارت مابي أحداث بس تعريف عن سليل وعائلتها وشلون عايشة وياهم 😌😊
بالبارتات الجاية راح تصير الاحداث😎🙃
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘
user15921162
متابعة للحلوة💕
رواية سليل للشيخ الفصل الثاني 2 - بقلم 313
# سليل للشيخ
#البارت الثاني
للكاتبة #زينب البديري 💡
____________________________
سيف.. سليل معدلج 72
سليل.. جذب تشاقة
سيف.. واللة هاج شوفي
طكيتهة بجية لأن على اجوبتي جنت متوقعة من 90 لفوك لأن زين جاوبت
ماما.. يا يمة ليش تبجين زين معدلج
بابا.. بابا ليش تبجين خوش معدل مطلعة
سليل.. (تحجي وتبجي ) لا مو خوش معدل على القراية الي قريتهة ليش هيج واللة تعبت وفوكاهة ماممتحنة امتحان وهيج
سيف.. كافي سليل
سليل.. سيف اريد اعترض
سيف.. أي من يفتحون الاعتراض اروح اعترضلج
سليل.. واللة تعبت واللة مجاوبة على كل الأسئلة
ضليت ابجي وماما وبابا وسيف يهدون بية إلى أن نعست ونمت كعدت الصبح نزلت جوة
سليل.. صباح الخير
سيف.. ولج هاي شصاير بخلقتج
ماما.. ماما هسة ليش هيج تسوين بروحج شوفي عيونج شلون مورمات وصايرات حمر
سيف.. شو دتعاي اكلي واللة كريم ترة مو نهاية العالم اذا طلع معدلج ناصي عيدي السادس وجيبي معدل عالي
سليل.. وإني ارجع نفس التعب مال هااي السنة
سيف.. أي عادي اني ادرسج وماراح تعبين نفس هااي السنة لأن انتي المادة حافضتهة بس ترجعيها وهم تستفادين وطلعين معدل هندسة
سليل.. واللة مادري أفكر
بابا.. سليل اي احسلج تعيدين اخوج مو عاد السادس وطلع معدل تربية انكليزي وانتي هم عيدي وطلعين معدل هندسة
سليل.. انشاللة بابا
ماما.. ياللة تعاي اكلي ولاتمتحنين كيمياء وخليهم يرسبوج وتعيدين السادس وتحققين حلمج
رحت كعدت يم امي واكلت من كملت صعدت لغرفتي ضليت أفكر بحجيهم بعدين قررت أعيد السادس لأن اني أريد اصير مهندسة ومعدلي مايجيب هندسة نزلت جوة حتى اكول لأهلي على قراري
سليل.. ماما بابا
ماما.. ها حبيبتي
سليل.. راح أعيد السادس
بابا.. براحتج بابا
ماما.. أي احسلج بلكي جيبين معدل عالي مال دكتورة
سليل.. ههههه انشاللة بس مو دكتورة مهندسة
ماما.. بكيفج ماما بس اذا جبتي معدل عالي ما اخليج تروحين هندسة إلا طب
سليل.. ماما لاتبنين طموحج علية هوة اني اذا السنة الجاية اجيب 80 زين
بابا.. يا ليش انتي شاطرة وراح تجيبين أكثر من 80 وترفعين راسنة
سليل.. انشاللة بابا انشاللة صدك بابا وين سيف
بابا.. بوية راح لاصدقائة
سليل.. هاا بابا تريدون اسويلكم مندي
بابا.. هوة انتي تعرفين تسوين تمن حتى تسوين مندي
ماما.. أحمد عوفهة روحي مامة سوي مندي
سليل.. أي راح اسويلكم اطيب مندي
رحت للمطبخ طلعت تمن جاهز مال الغدة والبهارات كلهن و تشريب أحمر مال دجاج ونص دجاجة هم جانت مستوية سديت باب المطبخ حتى محد يشوفني قبل كلشي حطيت فحم عل النار الفحم مال نركيلة سيف بعدين بديت شغل وحضرت التمن والتشريع الاحمر وطلعت من البهارات الكمون والدارسين ونوع بهارات مخبوطة جبت كدر وحطيت التمن وفوكا التشريب الأحمر والبهارات بس حطيت نسبة قليلة كلش مال بهارات حتى مايطغن عل طعم جبت طاسة وحطيت بيهة خاشوكة دبس الرمان وربع لامندوزي وخبطتهن وحطيتهن عل الخليط مال التمن وخليتة عل النار شوية مااريدة يحمة زايد كليت اللحم وحطيتة وبعدين اخذت الفحمات حطيتهن بماعون مال جاي وحطيتهن فوك التمن وحضرت بأيد القبق مال الكدر وبيد الزيت حطيت عل الفحم زيت وبسرعة قبقت الكدر ونصيت النار وبعد ما كملت العملية فتحت باب المطبخ انتضرت شوية وسديت النار بس مافتحت القبق مال الكدر حتى يصير طعم فحم بالتمن أكثر
《 سو هاي الطريقة وراح تنجح وياكم اني مسويتهة أكثر من مرة ونجحت 😅👌 》
ماما.. كملتي المندي مالتج لو بعدج
سليل.. عل النار من يجي سيف ناكلة
باوعت على بابا طلعت التليفون وخابر سيف وكلة تعال بسرعة
اني صعدت فوك لغرفة سيف لأن هية الوحيدة الي بيه للكون خبيث اول اجينة للبيت جانت هااي غرفتي بس لأن البلكون صاير على بيت الجيران ماقبل واصلا هوة مايفتحة لأن جيرانة مايقبلون وعدهم بنات فلهذا هوة لاغي تقريبا بس اني اروح من اضوج اضل اباوع مناك شوية وطلع بيت جيرانة اني بسرعة طبيت للغرفة وسديت باب البلكون وقفلتة لأن مالي خلك سيف
نزلت جوة شوية واجة سيف كالب وجهة
سيف.. خير شكو هستوني طلعت دكيتو
بابا.. ولك سيف اختك اليوم سوتنة مندي
سيف.. يعني اليوم لازم نسمم
سليل.. هاااه وليش يابة تسمم
سيف.. يعني اكيد مسويتلنة اكل يلعب النفس حشى نعمة اللة
سليل.. انتة اكلتة حتى تكول مو طيب
سيف.. شو دروحي صبيلنة خلي نشوف شنو طعمة
سليل.. أي رايحة
رحت صبيت اكل وصحتلهم
سليل.. ياللة تعالو اكلو وانطوني رأيكم
سيف.. يمة وين غداج حضري لأن اني متأكد راح نرجعلة
ماما.. أي ذاك هسة أحضر
كامت ماما تريد تصب وكفت كدامهة
سليل.. ها ماما شنو ماثقين بية
ماما.. لا شلون ما أثق بيج بس ماشوفين اخوج
سليل.. روحي اكعدي وإني اروح لسيف
سويت كل هذا بس حتى ماتشوف الأكل ماهوة وانكشف رحت كعدت يم سيف
سليل.. ياللة اكل
سيف.. خايف يمة انتي بلشي
بابا.. سليل شبسرعة كملتي
سليل.. شنو
بابا.. بسرعة كملتي الأكل
سليل.. جا غير سر المهنة
باوعتلة كام يباوع لماما ويغمز الها
ماما.. سيف اكل ترة ماكو اكل بس هذا
سيف.. شنو
ماما.. أي واللة مامسوية
كالت هيج وباوعتلي وغمزتلي
سيف.. اكلكم شو انتو كضيتوهة غمزات وإني اطرش بالزفة
سليل.. انتة اكل ومالك شغل
ترست الخاشوكة تمن وكلتهيا بس حتى اسكتة وماما وبابا بدو يأكلون
سليل.. ها شنو رائيكم
بابا.. أمم طيب ماتوقعتج راح تسوي هيج
ماما.. لاوالله طيب عاشت يدج
سليل.. شكرا شكرا اكلو بالعافية
باوعت لسيف وكتلة
سليل.. ها وانتة شنو رائيك
سيف.. مو طيب
سليل.. لعد شكو تأكل
سيف.. غير جوعان
زعلت منة ردت اكوم صاحني
سيف.. تعاي طيب واللة
سليل.. أي عفية هيج اريدك
سيف.. اكلج انتي مو الصبح جنتي تعيسة شسواج هيج
سليل.. أي مو قررت أعيد السادس
سيف.. هاا اي عفية احسلج صيري مثل اخوج
سليل.. أي اصير كسولة مثلك هوة انتة اصلا جنت راسب
سيف.. أي غير اني جنت اريد اعيدة من البداية ومامتحنت
سليل.. لاتعليق
سيف.. كولي ماعدج جواب مو لاتعليق يبعد اخوج
غلست عنة وكملت اكل وصعدت لغرفتي ضليت العب بالتليفون وشوية رحت سولفت وي حبيبة استاذ سيف وسولفت وي سيف إلى أن صار وقت العشة نزلت جوة اتعشينة ومن كملنة كعدنة نسولف اني وسيف وماما ، وبابا طلع برة
سيف.. يمة ماتزوجيني شجاج يعني الا اني اكلج
ماما.. جا اني شمدريني بيك تريد تزوج غير تكلي
سليل.. يمة سيف كاتل روحة عل زواج
سيف.. انجبي ولج ادبسز
سليل.. شبيك عيني هسة اني شحجيت قابل جذب
ماما.. يمة انتة اكو بينية بالك لو اتوكل وادورلك
سليل.. لا يمة اكو بنية بالة وإني اعرفهة خوش بنية ومؤدبة
من كلت هيج سيف عدل ياخت قميصة ورفع شعرة بيدة
سليل.. ترة اني ما مدحتك مدحت مرتك
سيف.. دكلي خرة هوة اني وياهة واحد
سليل.. اكلك عود صدك انتة تحبهة
سيف.. يمة هسة شوكت تروحين تخطبيلي
سليل.. مو دا تحجي وياك ليش تغلس
سيف.. انجبي بابة انتي بعدج صغيرة على ذني السوالف
سليل.. لا واللة مو صغيرة واصلا عاجبني صديقك أبو عيون الخضر هذا نسيت اسمة هاا ناصر (كلت هيج حتى اضوجة )
سيف.. امشي لج ادبسز اطيتج مجال اني اعلمج
سليل.. اوي عيني خف علينة شبيك ترة دا نشاقة هوة انتة كل صدقانك وصخين ويلعبون النفس
سيف.. يمة شبيج صافنة ماتحجين تروحين لو لا
ماما.. يمة خاف بعدك صغير
سيف.. يمة رحمة لبيج ياصغير عمري 24 سنة
ماما.. حتى لو من يصير عمرك 25 اخطبلك
سليل.. سيف لاتصدك ماما ماتريد تكبر تخاف خاف تجي مرتك وتاخذك مانهة
سيف.. يا صدك جذب يا تاخذني انعل ابوهة واطلكهة
سليل.. واللة جذاب بالحسين جذاب اذا اجت تكوم حتى دربك ماتشوفة أبو دروب انعل ابوهة اني اعلمك إلا اخابرهة واكللهة من هسة يغلط على ابوج
ماما.. سليل كافي لاتحجين وي اخوج الجبير هيج
وسيف الزواج مسئولية اذا اتحملهة من باجر اروح اخطبلك مامانعة اني زواجك بالعكس افرحلك
سيف.. يمة اتوكلي و روحي اخطبي
ماما.. لعد اشوف ابوك ونحدد الموعد ونروح لبيت البنية
سليل.. كلللليششششش
سيف.. اكلج شو اسكتي لاتفكريني
سليل.. خاب شبيك هسة موزين اهلهلك
سيف.. ولج مو انتي فكر بس تهلهلين تفكريني وحتى ماازوج
سليل.. هاا اذا هيج ياللة بعد اني معلية بيك واذا ردت شغلة مو تجيني واصلا اني مكيفة لا راح تجي مرتك واخلص منك وياللة بااي
سيف.. (جر سليل وشبكهة)شبيج مو اشاقة وياج اني
سليل.. لاهذا مو شقة
سيف.. وروح امي شقة وداعتج هوة اني شعندي غير سلولة القردة
سليل.. أمم ما اسامحك إلا تروح تجيبلي اكل
سيف.. أي رايح (بصوت ناصي) كبر مصلحجية
بهااي الأثناء طب بابا للبيت
ماما.. هاا أحمد شو رجعت
بابا.. الدنيا كامت تمطر
ماما.. خير انشاللة هاأ سيف لاتطلع من البيت خاف تمرض
سيف.. أي الحمدلله
سليل.. أي أحمد ربك اني اعلمك إلا اخسرك
صعد سيف لغرفة وكال
سيف.. شو دولي
من راح سيف اني هم صعدت لغرفتي واصلا جان مطر كلش خفيف شوية وراح ضليت اخابر بصديقاتي صارت ساعة 1 جعت كلت خلي أنزل جوة اني ودا أنزل وسمعت صوت سيف يخابر..........
●●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل الثالث 3 - بقلم 313
# سليل للشيخ
#البارت الثالث
للكاتبة #زينب البديري 💡
ورا السحور بارت هم تعويض عل التأخير
___________________
اني ودا أنزل سمعت صوت سيف يخابر وجان الباب مفتوح شوية جان يحجي وي بتول وخطية فرحان يكللها بعد كم يوم واجيبج يمي ويضحك دعيتلهم من كل كلبي انو يضل حبهم للأبد وانشالله اللة يوفقهم ويحقق امنيتهم ، نزلت جوة اكلت ورجعت نمت كعدت ساعة2 نزلت جوة لكيتهم يتغدون
سيف.. نورتي ست سليل
سليل.. بنوراك ، جوعانة
سيف.. جا مومسوين اكل
ماما.. تعالي اكلي ويانة
سليل.. لا مااريد اريد بيض
ماما.. بكيفج روحي سوي بيضة واكلي
رحت سويت اكل واكلت بعدين كعدنة كلنة سوة
ماما.. أحمد هسة شكلت على خطوبة سيف
جان سيف يلعب بتليفونة من سمع ماما كالت هيج كبل رفع راسة
بابا.. هوة اذا يتحمل مسؤلية اني قابل
سيف.. اكلكم شو تحسسوني طفل وكاعد يمكم شنو كلساع كايلين مسؤلية
بابا.. شوف سيف الزواج مو بس حب الزواج مسؤلية ولازم تكون كد المسؤلية ياللة تزوج مو باجر عكبة تتعاركون على أقل شغلة وماتلبيلهة احتياجاتهة لمرتك لو ليل نهار طالع وي أصدقائك يعني احنة بت الناس راح تكون بأمانتنة وانتة لازم تحافظ عليهة
سيف.. انشاللة يابة انشاللة هسة كولو شقررتو حتى اكللها تكول لأهلها
بابا.. كللهة أسبوع الجاي يمكم احنة
سيف.. يايوم
بابا.. الجمعة انشاللة
كام سيف وباس راس ابوي ورجع على رأس امي وكال
سيف.. اللة يحفظكم الي صدكو راح أكون كد المسؤلية وما أنزل راسكم يوم
بابا.. اللة يحفظك ويرعاك بنيي
ماما.. اللة يوفقك وينور دربك
سليل.. جا بس لسيف وإني شنو طرطور واكف يمكم
بابا.. صدك جذب انتي الأصل خلي يولي سيف
رحت لبابا وشبكتة واجت ماما هم شبكتني وسيف هم يعني صارت شبكة عائلية اني بجيت بوقتهة
ماما.. يا سليل عليمن تبجين
سيف.. يمة شنو ماتعرفين سليل كتلة من مشاعر ماتتحمل واحد يفرح الة تخربهة علية
سليل.. سيف اسكت انتة
بابا.. ياللة روحو اريد انام
سيف.. رايحين تعاي سليل وراية
سليل.. خيرك لازم بيهة مصلحة
سيف.. تعاي وسكتي
سليل.. ترة ماناسية البارحة اطلبك اكل
سيف.. من عيوني بس تعالي نضفي الغرفة
سليل.. شنوووو لو تموت ما انضفهة
سيف.. سليل خطية امي ماتكدر تنضفهة
سليل.. أي وانتة ماعندك ادين
سيف.. راح اروح اني وانتي نضفي باااي
كال هيج وطلع من البيت اني ضليت اصيح ورا ما اهتم بس يباوعلي بنضرة خبث الخبيث
سليل.. ماما ماتحاجين سيف شنو هل سخافة
ماما.. يمة غير انتي اختة قابل المن يكول
سليل.. يبووو منة
ماما.. ياللة مابقى شي وتجي مرتة
سليل.. أي واللة واخلص منة
صعدت لغرفتة رتبتهة لاعب بيهة لعب الملابس كلهن بالكاع وكشور الحب بالكاع كالبهة كلاب نظفتهة وطلعت شوية واجة سيف كعدت تعاركت ويا بعدين تصالحنة مر الاسبوع واجة يوم خطبة اخوية سيف كلش فرحان هوة اني من البارحة مانمت لأن قبلهة بيوم نمت كلش هواي مااجاني نوم ضليت كاعدة للصبح
سليل.. صباح الخير شلونك عريسنة
سيف.. هلة هلة باخت العريس
ماما.. زين ماكو عرك اليوم
سيف.. يمة اسكتي لاتذكريهة هسة تكعد تتعارك
سليل.. يمة اني اروح وياكم من تخطبون
سيف.. وليش باللة
سليل.. ولك أمنيتي اروح واشوف شيحجون من يخطبون
سيف.. يعني لأن تريدين تعرفين شنو يحجون مو علمود اخوج
سليل.. جا لو مو انتة مااروح
سيف.. امممم دياللة ياللة......
راد يحجي بابا قاطعة
بابا.. سيف لاتتعاركون واللة مالنة خلكم
سليل.. ماما راح اروح أحضر نفسي
ماما.. ولج بعد وكت مو هسة انروح العصر
سليل.. أي حتى لو اروح اسوي ماسكات واشوف شنو البس خو مو اروح مبهذالة
سيف.. ولج هية العروس ماراح تسوي هيج
سليل.. انتة شمدريك هسة تلكيهة كاعدة تسوي بكفشتها وكاتلهة الوصخ
سيف.. واللة عدج سوالف صدك يمة اني اوديكم مو
بابا.. لا لاتروح انتة
سيف.. ليش
بابا.. ولك عيب من العالم شعدك رايح عود انتة العريس
سيف.. بوية ما أنزل بس اوصلهم
بابا.. ولك اني ماعرف سوالفك
عفتهم يتناقشون وصعدت لغرفتي طبت سبحت وسويت ماسكات البشرة وكويت شعري ضليت بي ساعتين تقريبا لأن شعري طويل كملت ساعة 3 حتى غدة ماتغديد من كملت نزلت جوة اكلت وشوية وصعدت لغرفتي مطفية من النعاس وتعبانة حطيت راسي عل المخدة ونمت نوم عميق لأن تعبانة
حسيت بماما اجت كعدتني اريد اكوم ماكدر جنت كلش نعسانة كتلهة اي كايمة كمت من مكاني وامي طلعت من الغرفة باوعت لنفسي بالمراية عيوني مغوشة ونعسانة الغرفة جانت باردة باوعت لفراشي رحت نمت علية كلت شوية وابدل نمت وكعدت نزلت جوة ماكو واحد بالبيت بس بابا فرحتلة
سليل.. وين امي
بابا.. راحن كم مرة كعدنج بس ماكعتي
سليل.. ما ما شنو يعوفني مو كتلهم اريد اروح وياهم
بابا.. بابا أكثر من مرة كعدوج وانتي ماكعتي بعدين اكيد راح نروحلهم هواي وانتي روحي وياهم
سليل.. سيف وين
بابا.. راح وصلهم
سليل.. انتة مو كتلة لاتروح
بابا.. انتي تعرفين اخوج مايسوي إلا الي براسة
سليل.. بابا انتة مطي مجال هواي شجاك ماتحطة وتكتلة كتلة زينة يتأدب
بابا.. خيرج شو أليوم كالبة علية
سليل..هههه لا ماكو شي بس هوة خبيث
ضليت اسولف اني وبابا إلى أن اجو
سليل.. هلة هلة نورت شو تأخرتو
سيف.. (يباوع الها نضرة خبث) آي مو رحنة للمطعم
سليل.. جذاب
سيف.. واللة
سليل.. واللة ما ما شنو تروحين تأكلون ما تأخذوني
سيف.. صدك جذب اكل وما اجيبلج تعاي جبتلج اكل
سليل.. صدك وين(تحجي وتضحك)
سيف.. يم امي
سليل.. صدك وين امي
سيف.. برة يم عمتي
سليل.. يااا عمتي هم هنا
سيف.. أي جا منو يروح وي امي
بابا.. خالتك لعد وين
سيف.. وديتها خالتي للبيتها
سليل.. امي و عمتي شعدهن برة
من حجيت طبت عمتي حميدة وامي رحت بتجاهة حتى أسلم عليهة
سيف.. تدرين بعمتج ماشايفة شافت الأكل وهجمت علية والكجب تبدة عليهة (يحجي بكل جدية عود )
سليل.. هههه يا صدك عمة
عمتي.. ولك اجي اكتلك هسة ادبسز
سليل.. عمة شجاج بديتي الكجب
عمتي.. ولج هذا اخوج جذاب هوة بدا علية ياريت لو ما رايحة ولا اشوف خلقتها جنها صخل
كالت هيج وباوعتلي وغمزت اني ميتة من الضحك لأن دائما عمتي وسيف يتعاروكون
سيف.. هااااه اعصابج سندس شوفي وجهج...
بابا.. ولك سيف كافي
سليل.. بابا اني مو كتلك يرادلة كتلة
سيف.. هاااه
بابا.. كافي تعالو اكعدو كولو شكالو ماكالو أهل البنية
ماما.. كالو نردلكم خبر بعد أسبوع
بابا.. زين صدك البنية مو حلوة
ماما.. لا جذب البنية حلوة حتى أحلى من...
كالت هيج والبالنهاية سكتت وضربت يدهة علة راسهة على كيف اني كمزت من مكاني
سليل.. أي كملي كملي احلة من هااي الي جنهة صخل على كولة عمتي
سيف.. ولج
سليل.. انتة اسكت
عفتهم وصعدت لغرفتي كلش ضجت أصعب شي من واحد يكول لبنية اكو بنية أحلى منج ضليت كاعدة بالغرفة شوية واجة سيف كالي عمتي تصيحج
نزلت جوة لأن عيب منها
سليل.. هاا عمة شتريدين
عمتي.. تعالي اكعدي امج تشاقة وياج
باوعت لأمي بنضرة حزن صاحتني رحت شبكتها وكعدت بحضنهة
ماما.. اني ماكو واحد أحلى من بنيتي انتي أحلى وحدة عندي وماكو واحد يوصل لجمالج
سيف.. أي مو القرد بعين أمة غزال
باوعتلة صفح وشبكت امي
سيف.. ولج كومي كتلتي المرة
سليل.. معليك انتة
ضليت كاعدة بحضنهة على عنادة شوية وكمت رحت سويت عشة الهم لأن ماما كاعدة يم عمتي كملت وصحتلهم على العشة احنة ودا نأكل
سليل.. عمة هذا اني سويتة
عمتي.. أي عفية ببنيتي هاي الكبة هم انتي سويتيهة
سليل.. هاا اي اني سويتها
سيف.. عمة هية هااي بيهة حظ تسوي اكل
سليل.. دخلي نشوف مرتك شسوي
سيف.. تسوينة أشكال والوان
سليل.. احنة نريد اكل مانريد أشكال والوان
سيف.. سليل
سليل.. عيون سليل
سيف.. يبو منج ومن عيونج
باوعتلة صفح وكمت اكل كملت وكمت من الأكل صعدت لغرفتي ضليت العب بالتليفون بعدين نزلت لكيت عمتي تريد تروح
سليل.. عمتي ماتباتين يمنة
عمتي.. يعمة الجهال ماكدر اعوفهم وحدهم وخنزيري مايقبل
كالت هيج دك عليهة رجلهة
عمتي.. اهاا شوفي مو كتلج خنزيري مايعوفني
جانت كاتبة علية ساعتي السودة متت من الضحك علية رجل عمتي شوية عدة خباثة مايخليهة تجي يمنة هوااي ولا يخليهة تبات كلة من ورة عمامي لأن عدة خلاف وياهم مع انو بابا مالة دخل بعمامي لأن اصلا همة نكناكين ويتعاركون وهوة عازل روحة عنهم لأن كلش مزعجين وعمي الجبير شيخ وبابا ابد ما يحب سوالف الشيوخ فمبتعد عنهم
شوية وراحت عمتي صعدت لغرفتي من راحت خابرت صديقتي سولفت وياهة بعدين طلعت من الغرفة سمعت سيف يحجي وي بتول
سيف.. بتول حبيبتي شو مادري شبية احس اكو خنكة بصدري
.......
سيف.. لا مو مريض بس شو احس راح يصير شي وبعد ما اشوفج
يا هذا شبي سيف ، عفتة ونزلت شربت مي واخذت دولكة وياي وصعدت لغرفتي كاعدة شوية وسمعت صوت كلش عالي وطفت الكهرباء طلعت من غرفتي ركض ورجلية ما حاملتني بلكوة امشي ...........
●●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل الرابع 4 - بقلم 313
# سليل للشيخ
#البارت الرابع
للكاتبة #زينب البديري 💡
___________________
نزلت جوة جان اشوف نار كابة جوة طلع سيف من غرفتة
سيف.. سليل هااي شنو
اني كمت ابجي
سليل.. سيف أهلي جوة
نزلنة اني وسيف سيف يمشي كدامي وإني ورا ولازم يدي دا ننزل بكل حذر لأن اكو نار هواي نار وسمعنة صوت امي وابوي يصيحون شردو لاتجون اني كلبي إلا شوية يوكف واسمع صوت امي تصيح وبابا يصيح لاتتقربون شردو وسيف يصيح
سيف.. سليل تعاي خلي اطلعج
سليل.. لا لا ما اروح امي وابوي وحدهم
سيف.. سليل ادري امي وابوي وحدهم عاد انتي ضلي عايشة
سيف حجة والنار كامت تزيد بغرفة امي وابوي اني كمت اكح لأن اختنكت من الدخان
سيف.. ولج سليل تعاااي
سليل.. وين انروح زين وامي وابوي
سيف.. تعاي خلي اطلعج واشوف امي وابوي
سيف يحجي وجان يبجي وايدة ترجف كمنة نركض ردنة نروح للباب طكة نقطة الكهرباء بوجهة والبيت ضلمة بس ضوء النار تارست البيت جرني سيف وصعدت فوك لأن بس فوك ماكو نار راح لغرفتة وفتح البلكونة وكلي طفري اني ماقبلت شالني وخلاني على الطرف وكلي طفري على مودي اني طفرت وكعت على حديقة بيت الجبران احس ضلوعي تكسرت من وكعت ضليت اصيح
سليل .. سيف وين تعال
سيف.. رايح لأمي وابوي وحيدهم بالغرفة
سليل.. سيففف
ضليت اصيح بأعلى صوتي زحفت بالكوة ورحت ادك بالباب مال الجيران واصيح طلع جيرانة ابو كاضم
سليل.. عمو أهلي حباب أهلي راح يموتون
أبو كاظم.. خير عمو شكو شجابج هنا
سليل.. عمو بيتنة بيتنة احترك روح طفي اللة يخليك أهلي راح يموتون دخيلك روح الحكهم
احجي ولازمة رجلة لأن ماكدر اكوم على رجلية وكل جسمي يرجف شوية وطلعت خالة أم كاظم
أم كاظم.. خير أبو كاظم شكو
شافتني وصاحت
أم كاظم.. يمة خير بنيتي سليل شجابج
أبو كاظم.. روحي كعدي الولد بيت أبو سيف كاع يحترك خلي نطفي اني رايح للجيران خلي يساعدونة
راحت خالة طبت جوة وراح عمو طلع من البيت اباوع للبلكون صعد النار لغرفة سيف ضليت اصيح
وأحاول اكوم من مكاني استندت على الحايط وباب المطبخ مال بيت جيرانة كمت بس ما واكفة على حيلي امشي واوكع طلعت خالة والبنات
أم كاظم.. طبي خالة طبي
اجني البنات سندي وكومني وطبيت جوة وراحت بتهم سمعتهة تكول
-تعالو اطلعو طببناهة ديرو بالكم من النار
ضليت كاعدة وام كاظم تسأل بية وإني ساكتة احس ماكدر احجي اي شي ورجلية يرجفن حيل احس الدم تجمد ورجلية صارن باردات وحلكي يرجف وحيدة
أم كاظم.. يمة جيبي مي للبنية راح تموت
جابولي مي بلكوة شربت نصة وكع علية لأن حلكي يرجف شربت مي وردت اكوم اشوف شصار اول ما وكفت حسيت رأسي صار طابوكة وبلكوة شايلتة والمكان الي ورة أذني موتني وجع وصار غواش على عيوني بعدين وكعت من طولي فتحت عيوني على كيف احس الدنيا تفتر بية وتطلع حرارة من كل جسمي صارت الدنيا ضلام اسمع أصوات تروح وتجي مامفهومة من كعدت لكيت نفسي بالمستشفى ومشكليلي مغذي وعمي جبار وعمي فارس واولاد عمي كاعدين وعمتي كاعدة يمي ولازمة يدي وتبجي
سليل.. عمة (تحجي بأحرف متقاطعة)
عمتي.. هاا ياروح عمتج شلون صار هيج مو جنت يمكم وكلش ماكو
سليل.. عمة أهلي
نزلت راسهة وكامت تبجي أكثر وكالت
عمتي.. راحو راحو
من كالت هيج احس نفسي بلكوة كمت أتنفس وتنزل دمعت حارة على خدي حاولت أكوم ماكدرت جسمي مكسر احسة
سليل.. عمة ماكدر تعاليلي وديني لأهلي
عمة.. ولج ماتو اهلج ماتووو وسيف.. وسكتت
سليل.. لا لا مستحيل سيف كال راح انقذهم سيف ويننن
عمة.. سيف متأذي هوااي
كالت هيج وعصرت الغطة الي جانو مغطيني بي وحطتة على وجهة وكامت تبجي بصوت كلش واضح
اباوع على عمامي ولا واحد متأثر اباوع لأولاد عمامي عبالك عدهم شي طبيعي ولا متأثرين
حسيت خنكة بلعومي وباوعت لعمتي وشفتهة شلون تبجي ورن بأذني صوت عمتي من كالت ماتو
كأنو كل شي دا ينعاد اسمع صوت اهلي اسمع صوت الصياح اسمع صوت عمتي من طالت ماتت اسمع صوت سيف من يكلي بس انتي عاد ضلي عايشة احس نار تطلع من كلبي وغضة صارت بلعومي منحتني ونضغط راسي صحت بصوت كلش عالي لأراديا عمي خزرني اجة راد يسكتني صاحت بي عمتي
عمتي.. عوف البنية خلي صيح طلع القهر الي بداخلهة صيحي عمة صيحي طلعي الي بداخلج
من كالتلي عمتي صيحي حسيت بالأمان وضليت اصيح بعلو صوتي وابجي وادك على وجهي ضلت عمتي تهدي بية وتبجي وياي باوعتلهم محد متأثر من عمامي أولاد عمامي حسين وجعفر وحيدر كامو يبجون بس عمامي ماكو ما متأثرين
سليل.. عمة وين سيف وديني إلة
عمة.. عمة مايخلوج مايطببون اي واحد يمة لأن محترك تقريبا كل جسمة
سليل.. عمة اخوي عمة وديني الة
عمة.. سليل
سليل.. لخاطر اللة عمة أريد محتاجتة اللة يخليج
عمة.. اوف هسة اشوف بلكي اللة
راحت عمة وإني ضليت ابجي اجة عمي فارس وكف يمي
فارس.. كافي صياح نصي صوتج ولا تبجين
باوعتلة بنضرة ستحقار ولزمت الفراش حيل لأن مااريد اسوي شي واندم بس جان بودي اكوم واملخة تملخ
شوية واجت عمتي وياهة الممرضة
سليل.. ها عمة سيف ...
عمة.. تعاي هسة راح ناخذج لسيف
اجت الممرضة وعمتي سندني وكعدت على كرسي متحرك لأن رجلية يوجعني كلش ورحت لغرفة لبسوني ملابس خاصة وكمان وجفوف وكلشي غطو ضلن بس عيوني طالعات
رحت للغرفة واشوف سيف جسمة محترك وأحمر واكو دم جانو معلكين رجل ومعلكين ثنين ادية لأن اثنيناتهن محتركات ورجل كلهة محتركة ووحدة محتركة نصهة وصدرة مابي شي بي ركبتة وشوية من وجهة محترك
من شفتة زاد البجي رحت تقربت منة هوة هم بجة
سليل.. سيف
سيف.. سليل ديري بالج على نفسج
سليل.. سيف لاتكول هيج
سيف جان يحجي وصوتة مخنوك وبلكوة يطلع الكلمة
سيف.. سليل كولي لبتول خلي تسامحني لأن ماراح اوفي بوعدي الهة راح اموت
سليل.. سيف لاتحجي هيج بالعكس انتة راح تعيش وتزوج وتجيب جهال وكل شي تحلم بي راح تحققة
سيف.. لا سليل لا، سليل صيري قوية راح ضلين وحدج بهااي الدنية والدنيا ماترحم
سليل.. سيف لاتحجي هيج حباب
سيف.. سليل سامحيني خاف يوم ضوجتج
سليل.. انتة ضوجني انتة سبب فرحتي
دار وجهة وابتسم ابتسامة خفيفة وغمض عيونة حيل ونزلن دموعة
سليل.. سيف سيف لاتخوفني عليك شبيك شنو تحس هسة
سيف.. سليل وجع وجع راح أموت
سليل.. لاتحجي هيج سيف راح تعيش اذا متت اني اموت وراك
سيف.. سليل ديري بالج على نفسج وسوي الشي الي براسج دائما ومعليج بحجي واحد صيري قوية مثل ما اعرفج
سليل.. سيف اذا انتة وياي اصير قوية
سيف.. ماراح اضل سليل ما اضل
سليل.. سيف لاتكول هيج حباب
سيف.. اخخخخخخخ اخخخخخخخ
كام يصيح اخخخخخخخ ويحاول يرفع رأسه
سليل.. شبيك سيف
سيف.. سليل صيحي الدكتور راح اموت اخخخخخخ
صحت بصوت عالي
سليل.. دكتووووور تعال لخوي وينكم تعالو
شوية وطبن الممرضات والممرضين ودكتور اجت وحدة طلعتني وإني لغرفتي
عمة.. سليل شلونة سيف
سليل.. عمة مو زين مو زين
كامت عمتي تبجي وإني زدت بجي
سليل.. عمة أهلي أهلي اريدهم ليش راحو ليش ليش ليش (تحجي وتبجي ودك على رجليهة )
عمتي.. كافي يبعد عمتج كلنة على هذا الطريق لاتبجين
كمت على حيلي بلكوة لأن احس عضامي متكسرة ردت اروح اشوف امي وابوي للمرة الاخيرة
عمتي.. تعاي عمة وين رايحة
سليل.. عوفيني عمة اريد اروح
عمتي.. ولج وين تروحين
سليل.. لأمي وابوي اريد اشوفهم عوفيني حبابة
عمتي.. عمة ششوفين تعالي اكعدي موزين عليج
سليل.. اريد اروح حبابة.....
دا احجي ويا عمتي قاطعني عمو
فارس.. اكعدي وين تولين كلساع طالعة وبعدين ششوفين اهلج صايرين فحمة كلشي مامبين منهم
سليل.. اريد اشوفهم حباب قبل لادفنوهم اللة يخليك عمو
فارس.. لاتخافين ماندفنهم هسة من يموت سيف ياللة ندفنهم
سليل.. اللة لايطيك انشاللة شمفاول لخوي
عمة.. شنو ماندفنهم حرام عليك هيج تسوي
فارس.. أي احنة نضل كليومية فاتحة نسوي فاتحة وحدة ونخلص
جبار.. أي واللة صدك
سليل.. اللة لايطيكم انشاللة
من كلت هيج اجة عمو فارس ضربني راجدي وكلي
فارس.. إذا مرة ثانية عليتي صوتج ادفنج بمكانج
كلي هيج وطلع من الغرفة هوة وعمي جبار
عمتي.. كبر حتى كبر اي واللة اللة لايطيكم ضلام عود هم حاسبين رواحتهم شغلة جبيرة
ضليت ابجي واندب بحضي والوم بنفسي ليش ماساعدتهم زين ليش ماضلين وياهم جان كلنة ميتين ولا اشوف هذا الشي الي شفتة من عمامي واحجي السمعتة دعيت علي عمامي من كل كلبي
ضليت مستمرة بالبجي اني وعمتي جسمي شوية شوية احركة بس مع ذالك يوجعني كلش هواي
اجة الدكتور كلي لاتخافين مع مرور الزمن تكدرين تمشين وترجعين طبيعية مجرد صار عندج خمول وتعب من أثر الصدمة كتبلي علاج وراح
بعدين ردت اروح للتواليت ودتني عمتي من رحت مرينة بغرفة سيف الي بالمستشفى وسمعت يصيح بصوت كلش عالي.........
●●●●●●●●●●●●●●●●●●●●●●●●●●●●●
ولهنا ويخلص البارت ❤
اشوفكم بالبارت الجاي
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل الخامس 5 - بقلم 313
#سليل للشيخ
#البارت الخامس
للكاتبة #زينب البديري💡
___________________
اجة الدكتور كلي لاتخافين مع مرور الزمن تكدرين تمشين وترجعين طبيعية مجرد صار عندج خمول وتعب من أثر الصدمة كتبلي علاج وراح
بعدين ردت اروح للتواليت ودتني عمتي من رحت مرينة بغرفة سيف الي بالمستشفى وسمعت يصيح بصوت كلش عالي
سليل.. عمة شبي سيف ليش يصيح
عمة.. يبعد عمتج كاعد ينضفون لحمة يشيلون اللحم المحترك
من كالتلي هيج وكعت من طولي
سليل.. يمة سودة علية خوية بية ولا بيك
عمة.. كافي سليل موزين عليج هيج سوين بروحج
سليل.. عمة اخوية دا يصيح جوة ويتوجع😭😭
عمة.. كافي سليل كومي
سليل.. عمة اريد اشوفة
عمة.. سليل مايصير تشوفي يبعد عمتج
سليل.. عمة اذا صار شي لسيف بعد مااكدر أعيش اني
عمة.. كافي سليل كومي خلي اخذج للحمام لاتسوين بنفسج هيج
كومتني ورحت للحمام اباوع لوجهي صاير كلة أحمر واكو شخط بخدي وطالع منة دم غسلت وجهي ورحت لغرفتي بس عمتي مامررتني من غرفة سيف اخذتني غير طريق
بعد مرور 6 ساعات
سليل.. عمة شلون صار سيف
عمة.. نايم هسة
سليل.. مااكدر اشوفة
عمة.. سليل بنيتي مايصير يدخلة أي واحد حتى الدكاترة يلبسون لبس مخصص ويدخلون يعالجو يخافون
سليل.. ليش
عمة.. شوفي بنيتي هذا حرك وأقل جرثومة تصير علية يتسم الدم ولا سامح اللة ...
سليل.. (قاطعتهة وحطت يدهة على حلكها) لاتكملين
ضلت عمتي تبجي
عمة.. ياللة كافي هسة نامي صارلج هواي مانايمة
سليل.. اوك بس من اكعد اشوف سيف
نمت بس ابد ما مرتاحة من جهة سيف خايفة علية وأهلي الي همة لا جوة الكاع ولا فوك الكاع كلة من ورة عمي الجلب كلساع افز اني ونايمة مانمت نومة منتظمة ابد آخر شي كمت لأن كلساع افز
محد جان بالغرفة كمت من مكاني وامشي على كيف ردت اطلع من الغرفة اروح لسيف فتحت الباب شفت عمتي بالباب وشايلة اكل
عمة.. شكعدج ماصارلج ساعتين من نمتي
سليل.. مجايني نوم
عمة.. تعالي اكلي جبتلج اكل
سليل.. ما أريد ماشتهي
عمة.. مايصير هيج تسوين بنفسج
سليل.. ماشتهي اكل اني من اجوع اكل
عمة.. انتي مو تريدين تشوفين سيف
سليل.. أي اي اريد اشوفة 😟
عمة.. من تاكلين اخذج لسيف
استسلمت واكلت مع انو اني مااشتهي من كملت اكل
سليل.. ياللة اكلت اخذيني لسيف
عمة.. بعد اكلي بس هااي اللكمة
وكلتني اللكمة ودور جرتهة وحدة ورة الثانية
سليل.. كافي مو كلتي بس هااي
عمة.. بس هااي واللة واخذج
وكلتنياهة وبعدين اخذتني لسيف طبيت بس اني وعمتي تباوع من الجامة
جان جسم سيف كلة ملفوف بشاش جانن طالعات بس عيونة
سليل.. سيف
سيف.. ها يروح سيف
سليل.. سيف راح تعيش لاتخاف
سيف.. (ضحك ضحكة جانبية)
سليل.. سيف
سيف.. سليل كلتو لبتول على الي صار
سليل.. واللة مادري بس اكيد درت
سيف.. خابريهة خلي احجي وياهة
سليل.. ماعندي تليفون
سيف.. اخذي من عمتي
سليل.. خاف مايقبلون
سيف.. روحي علمودي اعتبري آخر طلب
سليل.. سيففف
سيف.. مثل ما كتلج
سليل.. اوووف اوف
رحت لعمتي أخذت تليفونهة وطببتة
سليل.. هذا جبتة
سيف.. اكتبي الرقم ........
ردلي الرقم ودكيت علية أكثر من مرة ياللة ردت
سليل.. ردت
سيف.. فتحي سبيكر
اول ماردت بتول جان صوتهة تعبان وتبجي
بتول.. منو
سيف.. بتول حبيبتي اني سيف
بتول.. سيففف
سيف.. أي يبعد سيف شلونج
بتول.. شلون صرت حبيبي
سيف.. زين
بتول.. مشتاقتلك
سيف.. اني الأكثر واللة
يحجون وإني ميتة بجي
سيف.. بتول سامحيني
بتول.. على شنو
سيف.. ماراح اوفيلج بوعدي وماراح اخذج من بيت اهلج عروسة ماراح ازفج بيدي ماراح اوفيلج بوعدي كلهة سامحيني
سيف يحجي ويبجي وإني ابجي وبتول تبجي
بتول.. سيف لاتكول هيج حباب بالعكس راح تعيش وراح نزوج ونعيش عيشة سعيدة وحلوة
سيف.. بتول احبج
بتول.. اني هم حبيبي
اباوع لسيف كام بلكوة يجر النفس وعيونة حمر وميت من البجي اول مرة اشوفة هيج
وبتول ميتة من البجي
سليل.. كافي شجاكم
بتول.. سليل
سليل.. ها بتول
بتول.. حبابة اريد اجي يمكم
سليل.. ليش
بتول.. حبابة اريد اشوف سيف
باوعت لسيف اشرلي براسة بمعنى أي
كلتهلهة على اسم المستشفى وسديت التليفون
ضليت كاعدة يم سيف بعدين اجة الممرض طلعني
لأن مايصير اكعد يمة هواي
سليل.. عمة بتول راح تجي هية وامهة تريد تشوف سيف
عمة.. خاف مايقبلون لأن اني جنت يمة وبعدين انتي
سليل.. خطية تريد تشوفة
عمة.. اللة كريم هسة خل تجي ونشوف الها طريقة
ضليت كاعدة اني وعمتي نذكر سوالف أهلي بالنهاية قرينالهم الفاتحة
سليل.. عمة أهلي ليش مايدفنوهم هذا عمي ليش جلب
عمة.. تدرين بي بخيل و جلب
سليل.. اللة لايوفقة انشاللة حقير 😭
عمة.. كافي يبعد لاتبجين ياللة شوية وتروحين وياي للبيت حاجيت الدكتور وقبل انطلعج
سليل.. وسيف
عمة.. نجي الصبح
دك تليفون عمتي
سليل.. انطينيا يمكن هااي بتول
أخذت التليفون ورديت طلعت بتول جاية كتلهة هسة راح تطلعلج عمتي وسديت التليفون
سليل.. عمة اجت بتول طلعيلهة
عمة.. أي رايحة
راحت عمتي ضليت وحدي
شوية واجت هية وبتول وام بتول
أم بتول.. البقية بحياتج حبيبتي
سليل.. حياتج الباقية
بتول.. ولج هااي شصاير بيج
اجت بتول شبكتني وشاورتني
بتول.. سيف وين وديني الة حبابة
سليل.. (هم شاورتهة) هسة اوديج بس شوية
ضلت عمتي وام بتول يسولفن وإني وبتول نسولف
سليل.. بتول ماتجين وياي للحمام
بتول.. ياللة امشي
أم بتول.. لاتتأخرن
طلعنة من الغرفة مالتي رحت لغرفة سيف جان الدكتور يمة واكو ممرضين واكفين
سليل.. خوية حباب خلي نطب لاخوي بس شوية ونطلع
-مايصير نخاف على المريض هوة هستوة بدت حالتة تتحسن خاف من طبون تلكفلة جرثومة
سليل.. اللة يخليك علمود خطيبتة تريد تشوفة
بتول.. اللة يخليك حباب
-عمر خطية خلي نطببهن
- اصبر من يطلع الدكتور نطببجن
ضلينة واكفات شوية وطلع الدكتور واحنة طبينة
بتول.. سيف يمة سودة علية شصاير بيك
ضلو سيف وبتول يسولفون وإني صافنة عليهم وابجي
سيف.. بتول اذا صارلي شي شوفي حياتج
بتول.. سيف انتة راح تعيش لاتحجي هيج هسة كالو حالتك دا تتحسن وراح تشافى
سيف.. حتى لو اني ما ضامن نفسي
سليل.. سيف ليش تتفاول لنفسك
سيف.. سليل
سليل.. يروح سليل
سيف.. لا ضلين يم عمامي يضلموج وياهم
سليل.. اني اضل وياك
سيف.. هسة اسمعي
سليل.. احجي
سيف.. ضلي يم عمتي هية راح دير بالها عليج بس هية الي تحبنة
سليل.. انشاللة خوية انشالله
ضلينة نسولف إلى أن اجة الممرض وطلعنة لأن يريدون يعقمولة جلدة
سليل.. بتول امشي بسرعة لأن تأخرنة
بتول.. اي ياللة
رحنة لغرفتي الي بالمستشفى
أم بتول.. ليش تأخرتن
سليل.. لأن جان ازدحام
أم بتول.. هااا
شوية وراحت بتول وامهة وبعدين اني وعمتي رحنة لبيتهة
بس ابد ما رتاحيت هناك نضرات رجلهة مو راحة ومتقيدة بكلشي والحجاب فوك راسي
مر أسبوع وحالت سيف بدت تتحسن وكالو يومين ونطلعة كلش فرحانة وسيف هم فرحان
أهلي الحمد اللة دفناهم بس مو عمامي تكلفو بالدفن زوج عمتي هوة اتكفل وحتى فاتحة ماسوو
صار عندي أرق الليل كلة ما انامة ومن أقل شي أخاف واذا نمت بالليل اضل بخوف وقلق واحلام أحلام مو زينة
قبل يوم نطلع سيف من المستشفى احس كلبي مقبوظ وشي مو زين راح يصير
عمة.. عمة لاتخافين على سيف راح يطلع باجر
سليل.. عمة احس خنكة بصدري احس راح يصير شي مو زين
عمة... لا.....
قبل ماتكمل دك تليفونهة
عمة.. الوو
عمة.. صدك
عمة.. بس شلون مو باجر يطلع شلون صار هيج
سليل.. مات سيف احجي عمة واللة كلبي جان حاسني احجي مات عمةةةة
سديت التليفون وشبكتني وكامت تبجي وإني ميتة بجي😭😭😭
سليل.. شمسوية اني حتى اخسر كل أهلي احجي عمة اني شمسوية
عمة.. كافي يبعد عمتج قضاء وقدر كل واحد وحد يومة
سليل.. عمة ليش هيج يصير وياي ليش 😭😭
😭😭😭 اليوم كلة اني ابجي ثاني يوم قرر عمي يسوي فاتحة مو علمود أهلي لا علمود الناس خاف تحجي وهوة ابن جدو الجبير وجدو شيخ جان معروف
صار ثاني يوم والدنيا مخبوصوة وكلساع ملة طابة طالعة
وإني بدون عزة معزاية يحجون عل أم والأب والاخو وإني زدت ملخت روحي تملخ شعري كام يوكع بيدي
جابو تابوت سيف للبيت طببو جوة للبيت اني ركضت علية وضليت اصيح وصوتي جان مبحوح
سليل.. سيف البارحة جنت مابيك شي شصار ولك شصار احجي احجي (احجي وادك على راسي)
اجت مرة سحبتني ورادت تطببني اني الشال على رأسي حاطتة جذب وشعري مفلول
اباوع الهم شالو التابوت دفعت المرة وركضت وراهم
سليل.. وكفو وين رايحين لاتاخذو
ما جنت منتبهة منو جان واكف ركضت ردت اطلع للشارع حسيت واحد لزمني وجراني حيل
الدنيا افترت بية وبعد ماحسيت بشي بس واحد شالني.................
●●●●●●●●●●●●●●●●●●●●●●●●●●●
اريد اطلب منكم طلب واتمنى ماتفشلوني
صديقتي كاتبة ومتمكنة وسردهة كلش حلو ويعجبني دا تكتب قصة اسمهة أنت أخي
Rusul_Alasady
روحو تابعوها لخاطري🥺
●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي❤
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل السادس 6 - بقلم 313
# سليل للشيخ
#البارت السادس
للكاتبة #زينب البديري 💡
تليفوني تكسر 🙂
___________________
من جانب آخر من القصة☻💕
صالح.. نجلاء اسكتي لا اللة ارويجيا بعينج
نجلاء.. صالح كتلك ما اضل هنا وي بيبيتك لو اني لو هية بالبيت
صالح.. واكيد هية راح تبقى
نجلاء.. هاا هيج صار الحجي
صالح.. مثل ما سمعتي
نجلاء.. هسة اروح لأهلي وبعد لو تموت ما ارجع
صالح.. ولي لاهلج خفتاً وراحة أخلص من المشاكل شوية
نجلاء.. مولية
عفتهة وطلعت من الغرفة خابرت شهاب
صالح.. شلونك ابن العم
شهاب.. هلا واللة زين انتة شلونك
صالح.. واللة مو زين
شهاب.. خيرك هم متناكر وي مرتك
صالح.. اي واللة تعال للمضيف خلي نسولف
شهاب.. أمرك خوية مسافة الطريق
سديت الخط و رحت للمضيف جان فارغ شوية واجة شهاب
شهاب.. خيرك ابن عمي احجي شنو همك شنو السالفة هل مرة
صالح.. واللة يا ابن عمي همي قديم ولسا ماخلصت منة
شهاب.. اكيد الهم الما غيرة "نجلاء"
صالح.. شهاب تعبتني من زوجت لسا ماشايف الراحة صارلي خمس سنين مزوج وماشايف الراحة مليت وتعبت
شهاب.. والله ما ادري شأكلك يا ابن عمي اللة كريم و انشالله يفرجهة زين كلي ماقتنعت بالجهال
صالح.. لا واللة، هوة اني هم صوجي شكو اخذتلي زعطوطة تبارك أفهم منهة
شهاب.. ولك يازعطوطة عمرهة 25 سنة صار
صالح.. ولك ساعت السودة الاخذتهة
شهاب.. اكلك عوفنة منهة وسولفلي شعدة أبو حرب يمكم امس
صالح.. ولك هذا ابنة مايتعدل قبل شهرين بايكلة قنينة من بيت جوارينهم وهسة بايك دراجة مال صديقة
شهاب.. واللة هذا مال احطة واكسر اصابيعة
صالح.. مو بس اكسر اصابعة ورجلية هم حتى يتأدب ويبطل البوك
شهاب.. واللة اني ماقاهرني بس أبو خطية خوش رجال وسمعتة طيبة وهذا ابنة مطي ما يتعدل
صالح.. اي واللة البارحة اجة حاير ومستحي من عدنا انقهرت علية
شهاب.. شوكت يطلع
صالح.. مادري بس فصلوهم بمليونين وراح يسحبون الشكوة ويطلعو بس الحكم العام
شهاب.. اللة يسهلهة عليهم
ضلينة نسولف اني وشهاب على سوالف الفصول والمشاكل والطلايب إلى أن صار المغرب رحت صليت
صالح.. ها شو بعدج هنا
نجلاء.. شنو قصدك
صالح.. هيج غلسي
عفتها و رجعت للمضيف يم شهاب لأن اريد أخذ راحتي واذا رحت يم نجلاء تأكل كلبي وإني مالي خلك كلش هسة اني شورطني وزوجت جنت مرتاح ساعت السودة الي رحت وحليت طلابة وطونياهة هدية
قبل 5 سنوات
أبو صالح.. بوية اليوم راح يجي أبو ثائر ابنة مسويلة مصيبة
صالح.. خير بوية شمسوي
أبو صالح.. يا خير يا بوية ضاربلة واحد بالسيارة وميت
صالح.. إنا لله وإنا إليه راجعون اللة يستر
أبو صالح.. ياللة روح حضر روحك شوية ويجون
رحت لبست دشداشة وغترة وعبا وعكال ونزلت لكيتهم جاين وعمي أبو شهاب وعمي أبو مهدي هم جاين واولاد عمامي سلمت عليهم وطبيت للمضيف شوية واجة أهل الولد الميت سلمنة عليهم وكعدنة
-مساكم اللة بالخير
الكل.. مساكم اللة بالخير والعافية
كامو يحجون على السالفة وانقهرت على أبو الولد مبين خوش رجال وحباب الكل كام ينطي رأية بس عم الولد الي مات جان يريد فصلية وكل موافقة
صالح.. عمي الموت قضاء وقدر ليش نخرب حياة بنية طلبو شنو تريدون واحنة حاضرين بس مانكدر نطي بِتنة فصلية
- واحنة حياة ابنة مو لعبة
صالح.. خو ولبنية هم حياتهة مولعبة
الكل عارض ومايقبلون
صالح.. شتكولون لو نطيكم فصل100مليون وبعد هوة الموت قضاء وقدر والمات ما يرجع ومايصير ندمر حياة شخص مالة علاقة
من كلت هيج الكل سكت واقتنع واتفقنا كل شهر راح نوديلهم 5ملاين إلى أن ينفكن الكل وافق بعدين راحو ضلو بس أهل أبو ثائر
أبو ثائر.. مشكور يبني ماقصرت رحم اللة والديك اللة يجعلهة بميزان حسناتك انشاللة
صالح.. عمي صدك جذب هذا واجبنة
أبو ثائر.. يبني انتة حليتلي هاي المصيبة وخلصت بنيي لهذا اريد اكول شغلة وكبال الجماعة كلها راح اطيك هدية عزيزة على كلبي و هية بنيتي حتى اردلك جميلك وإني متأكد راح تصونهة وتحفظهة
أبو صالح.. مشكور ابو ثائر هديتك مقبولة و محفوظة بأذن الله و ما راح نعتبرها هدية راح نجي باجر بحسبة عاداتنا و تقاليدنا حتى نخطب المحفوظة بنيتك على سنة الله و رسولة
اني ضليت ساكت ماحجيت لأن ابوي حجة وجاوبة شوية وراحو طبيت جوة لكيت شهاب شايل تبارك وتبجي
شهاب.. خير خوية شصار وياكم حليتوهة
صالح.. وانتة ليش ما اجيت
شهاب.. واللة ردت اجي واختك وكعت من الدرج وهااه شوفهة بعينك إلا اشيلهة
صالح.. خو مابيهة شي هسة
شهاب.. لا بس طنكرت علينة لاتخاف هسة اشتريلهة تصحة
جنت واكف اجت اختي زمن جر بعباتي
صالح.. هاا زمونة
زمن.. صالح هذا مهدي كسر سني هاك شوفة
أخذت منها سنها
صالح.. ولج هذا منتهي هههههههه
شهاب.. ههههه أي واللة
صالح.. تبارك عيب انزلي شكبرج تصيرين عمرج 10 سنين وشايلج شهاب
شهاب.. هههه حتى لو صارت مرة بعدهة صغيرة بنضري (نزل تبارك)انزلي لا صالح يتعصب ومانتحمل عصبيتة هههه
صالح.. واللة عدك سوالف ههههه
اجت تبارك مرت من يمي وباوعتلي صفح
وبهااي الأثناء طب ابوي
صالح.. ها بوية وين رحت
أبو صالح.. خابرت شيخ وفي وراح يخابر باقي الشيوخ حتى نروح نملجلكم
شهاب.. هااه شو مادري وشبسرعة راح تملج عفتك ساعة اجيتنة تريد تملج اذا عفتك يوم شلون
أبو صالح.. يبعد عمك صالح حل طلابة ابو ثائر وطو هدية
اول ماكال ابوي هيج بينت الصدمة على وجه الكل
بهااي الأثناء اجة مهدي وسلم علينة
مهدي.. شلونكم أولاد العم خيرك شعدكم ليش واكفين ماتكعدون
شهاب.. دتعال اسمع صالح باجر ملجتة
مهدي.. شنوو وهااي شوكت قررتو
صالح.. كافي اسكتو اكعدو وسمعو السالفة
الكل كعد ابوي صاح امي وعمامي الاثنين واولاد عمامي كلهم جاسم وجابر وجان شهاب ومهدي موجودين واخواني قاسم وعمار
ابوي حجالهم كلشي صار وشلون طوني الهدية امي كيفت وكامت تهلهل والكل بينت علية الفرحة
مهدي.. يوم الي شهاب هم يعرس ونفرح بي
شهاب.. ولك ويني وين الزواج بعدني صغير عل زواج
صالح.. لا واللة ليسمعك يكول عمرك 19 سنة بكبر مهدي وانتة كلك عمرك 24 أصغر مني بسنة
شهاب.. هاه شوف انتة كلت أكبر مني بسنة
مهدي.. اكلكم واللة مالنة خلككم شو دكومو خلي نروح نزين
صالح.. ولك انتة منيلك لحية حتى تزينهة
شهاب.. هنة أربع شعرات ومهلسات
مهدي.. اريد ازين شواربي حتى يطلعن ثخان
شهاب.. (يحجي وحاط يدة على شواربة ويمسح بيهن) ولك لو تموت مايصيرن ثخان مثلي
الكل ضل يضحك واستمر النقاش والكل فرحان صار ثاني يوم ورحنة ملجنة وودينا النيشان ورة أسبوع نأخذ المرة
مر أسبوع وصار يوم العرس صالح ونجلاء عاشو مثل اي زوج وزوجة بس نجلاء جانت قليلة احترام كلش خاصة وي بيبيتهم(الجدة)
بيبية صالح مرة جبيرة وساعاتهة براحتهة كل الناس ساعة تحبهة وساعة تكرهة بس نجلاء كل ماشوفهة ذب الها حجي وتحجي عليهة لأن نجلاء جانت ماتحترمهة وماتسمع كلامهة فلهذا نجلاء كلش ضوج من الحجية أما أم صالح فجانت حبابة وياهة
مرت السنوات وكل ما صالح يريد منهة جهال ماتقبل وترفض هذا الشي وطبعا الكل كام يحجي عليهم لأن صار الهم فوك 4سنوات وماعدهم جهال كل ما صالح يفاتحهة بالموضوع ترفض وتكلة بعدني صغيرة ومااريد جهال وهذا الحال مستمر إلى الآن
نرجع إلى الحاضر
صالح.. شهاب شوكت ناوي تزوج راح طب ب30 وبعدك مامعرس
شهاب.. خوية غير اشوف بت حلال حتى ازوج
صالح.. ولك ماتخطب بت عمي نرجس خوش بنية وجبيرة وفاهمة
شهاب.. لا يخوي مااريدهة اخوي هاويهة
صالح.. هااه من شوكت هذا الحجي
شهاب.. قبل أسبوع حجة وي الوالدة حتى تخطبهة الة
صالح.. اللة يتممهة على خير ، زين انتة شلون بيك أصغر منك وراح يزوج
شهاب.. هسة يخوي أهم شي أخذ المرة الي ارتاح وياهة مو مثلك زوجت وكليومية مشكلة، اكلك شو انتة محسسني معنس وكاعد على كلبك
صالح.. هههههه واللة مو صوجك صوجي اني الكاعد أفكر على مودك
شهاب.. شو دلف رأسك ونام واللة يسهلهة
صالح.. خلي اصيح تبارك تفرشلنة
اجت تبارك فرشتلنة وراحت دردم وشهاب ميت من الضحك
تبارك.. استغفر الله بس لو اعرف عليمن تضحك (تحجي بصوت ناصي )
صالح.. هااي عليمن
تبارك.. مو على واحد
راحت واحنة لفينة راسنة ونمنة كعدت ب6 الصبح وكعدت شهاب
صالح.. شهاب كوم لا يجي واحد
شهاب.. اكلك واللة بليتني وياك جبتني لهنا ومكعدني من الصبح ، باللة بيش الساعة
صالح.. ب6
شهاب.. شدعي عليك هسة من ال6 مكعدني باللة اذا كمت هسة ركعتك راجدي اكو واحد يكلي ليش
صالح.. ولك خاف يجي واحد للمضيف واحنة نايمين بي تدري الناس طابة طالعة
شهاب.. اللة ياللة
كمنة ورحت كعدت تبارك وزمن يجن ينضفن لأن جان وصخ المضيف
جنة كاعدين عل ريوك دكو على ابوي
أبو صالح.. وعليكم السلام صبحك اللى بالخير والعافية
أبو صالح.. شنو صدك تحجي انا لله وانا الية راجعون
صالح.. خير بوية شكو
أبو صالح.. أحمد ابن الشيخ حميد اتوفة هوة وعائلته احترك بيتهم ............
●●●●●●●●●●●●●●●●●●●●●●●●●●●●●
تعالو تعالو تعالوا🙂🔪
عجبكم البارت زين شتتوقعون 🤭🔪🤫
●●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل السابع 7 - بقلم 313
#سليل للشيخ
#البارت السابع
للكاتبة#زينب البديري
القصة حقيقية بيها خيال حتى تصير متكاملة🤧❤
__________________
أبو صالح.. أحمد ابن الشيخ حميد اتوفة هوة وعائلته احترك بيتهم
صالح.. إنا لله وإنا إليه راجعون
شهاب.. اللة يرحمهم
صالح.. شوكت فاتحتهم
أبو صالح.. ب5 مسوين عشة بس لازم نروحلهم من وكت
صالح.. انشاللة بوية
ضلينة نسولف بعدين اجة واحد حتى ابوي يحللة مشكلة صار الغدة تغدينة ورة ساعة رحنة لبغداد بيتنة بالنجف رحنة اني وابوي وامي وصلنة للبيت وجان الشارع مسدود من ورة السيارات نزلنة ورحنة للبيت رحبو بينة
أبو صالح.. أبو حسين شلون صار الحرك مامعقولة وحيدة حترك البيت
فارس.. صاير طبك بالكهرباء وطاكة الكهرباء
أبو صالح.. يارب سترك،اللة يرحمهم خوش رجال جان أحمد
فارس.. أي واللة عافو بتهم وراحو الدار اخرتهم
أبو صالح.. بنيتة عايشة اكيد محتركة مو
فارس.. لا واللة سيف حاميهة وراح بيها هوة
أبو صالح.. خطية بت بدون أهلها والدنيا ماترحم
صالح.. اللة يساعدهة
أبو صالح.. شكبرهة البنية
فارس.. دخلت بال19
أبو صالح.. خطية بعدهة صغيرة
كلش نقهرت على البنية ماتو اهلهة وضلت وحيدة اللة يصبرهة ويقويها
كلساع واحد جاي يعزيهم ويطلع شوية وجابو جثة وحدة كلنة تفاجئنا
صالح.. أبو حسين شو هااي جثة وحدة
فارس.. هذا بس سيف أهلة دفناهم وهوة جان عايش وعلى أساس اليوم نطلعة
صالح.. شلون مات
فارس.. صار عدة تسمم بالدم ومات بساعتهة
صالح.. اللة يرحمة
جابو الجثة طببوهة للبيت والصياح بدة يزيد جان بحديقتهم مثل الفاصل طببوهة هناك شوية وطلعوها
اجت أبنية تركض ومرة وراهة وجانت بدون حجاب وحالتهة حالة
جنت بس اني وابوي واكفين بالباب ردت تطلع للشارع لزمتة اول مالزمتهة ماعت روحهة بين دية
المرة الي اجت وراهة من شافتني لزمتهة طبت جوة
شوية واجت مرة جرتهة من حضني وشبكتها وتبجي
عمة سليل.. يمة سودة علية شصار بيج يبعد عمتج
أبو صالح.. خوية طببو البنية جوة منا زلم وناس طابة طالعة لايجي واحد
صالح طبب البنية
ضليت صافن على وجه البنية مبين عليها كلش متأثرة وجهة أحمر واكو كم شخط
وجانت واكعة بالكاع ونص بحضي ونص بحضنهة عمتهة
ابوي جان يحجي وإني مامنتبه علية
أبو صالح.. صالح صالح بوية طبب البنية
عمة سليل.. أي يمة شو شيلهة مااكدر الها
شلتها وطببتها جوة وطلعت من الغرفة رحت يم ابوي والشيوخ ضلينة نسولف
واولاد أبو جعفر وأبو حسين راحو يدفن الولد بالنجف تفاجئت من عمامة ماراحو بس بعدين كلت يجوز مرضة وماكدرو
شوية وصبو عشة اكلنة وسلمنة عليهم ورجعنة للنجف
■■■■■■■■■■■■■■
ما جنت منتبهة منو جان واكف ركضت ردت اطلع للشارع حسيت واحد لزمني وجراني حيل
حسيت الدنيا افترت بية وراسي صار ثكيل وبعد ماحسيت بشي بس واحد شالني والدنيا صارت ضلمة وما اسمع أي شي
كعدت على صوت عمتي
عمتي.. سليل يمة كومي لاتخوفينة عليج
بلكوة افتح عيوني احس عليهن ثكل وتعبانة حيل
سليل.. ها عمة
عمتي.. يبعد عمتج ليش هيج تخوفينة عليج
ضليت ساكتة لأن مابية حيل احجي وراسي موتني وجع راحت عمتي جابت صينية بيها اكل واجت
سليل.. مااريد عمة
عمتي.. اكلي مايصير تسوين بنفسج هيج
وكلتني غطبا ماعلية بس من اكلت حسيت براحة وشوية راحت الدوخة
جنت نعسانة حطيت راسي ونمت حلمت حلم كلش غريب
حلمت كأنو اني بحرب وكلساع يريدون يكتلوني بس ما اموت
بعدين ركضت وشفت رجال وكتلة حباب ساعدني
الرجال ماحجة أي كلمة بس لزم أيدي ومشى
دا نمشي شفت بنية صديقتي اعرفهة من زمان
كتلة اوكف حباب خلي نوصل صديقتي لبيتهة
هوة هم ماحجة بس راح لصديقتي وجت ويانة صديقتي
جنت لابسة لبس مامستور وملابسي مشككة وشعري طالع
فهو بنص الطريق وكف نزع عباية صديقتي ولبسنياها
ولزمني و مشة
كعدت من الحلم مخترعة والعرك على كصتي وكلش خايفة
عمتي.. اسم اللة عليج شبيج
سليل.. مابية شي (صاكة على اسنونها)
رجعت حطيت راسي على المخدة وضليت أفكر بهذا الشخص وأذكر شايفتة هواي باحلامي ودائما يساعدني بس هااي المرة بطريقة غريبة منو هذا الشخص ضليت أفكر بي إلى أن نمت
كعدت ب12 باليل الكل جان نايم حتى عمتي جانت عمتي نايمة يمي واحنة بغرفة سمى بت عمي
ضليت بس صافة وأتذكر أهلي وسوالفنة وضحكنة وعركاتي وي سيف ضليت ابجي بصوت ناصي بس كلش مختنكة احس نفسي اريد اصيح بأعلى صوت
ضليت ابجي إلى أن صار الفجر كعدت عمتي
عمتي.. سليل شوكت كعتي
سليل.. قبل شوية
عمتي.. هاا
سليل.. انتي شكعدج
عمتي.. انروح لهلج انريد للكبور
سليل.. اروح وياكم
عمتي.. لا مايصير تروحين تخترعين
سليل.. عمة هذولة أهلي شنو ما اروح
عمتي.. عمة تنداسين وانتي بعدج مامزوجة مايصير تروحين دنيا الليل
سليل.. عمة حبابة
عمتي.. لا حبابة ولا هااي ماتروحين اني اخذج العصر
سكتت ماحجيت راحت عمتي هية وعمامي وإني ضليت بالبيت ب9 الصبح رجعو
سليل.. شو تأخرتو
عمتي.. جان ازدحام هناك
سليل.. هااا شوكت نرجع للبيت
عمتي.. هسة شوية ونروح
شوية واجة زوج عمتي اخذنة للبيت
مرت الأيام وإني بيت عمتي ونضرات زوج عمتي غريبة وصرت كلش ما أحب اكعد يمهم لأن يضل بس يباوعلي
بعد مرور 3 أسابيع
جنت نايمة وأحس واحد يتلمس بخصري بطريقة غريبة كعدت وتفجأت ب...
■■■■■■■■■■■■■■■
من بعد ما رجعنة للنجف كلساع اصفن وأذكر هااي البنية احس نفسي اعرفهة من زمان
أم صالح.. أبو صالح ماتدري شخبار هااي البنية الماتو اهلهة
أبو صالح.. لا واللة بس هية بيت عمتهة ضالة
أم صالح.. هااا
صالح.. شعجب يم عمتهة
أبو صالح.. هية عمتهة ورجلهة تكفلوها
صالح.. منو رجلهة تعرفة
أبو صالح.. اي صديق اخوك يصير اسمة عبداللة يمكن
صالح.. ها عرفتة
مادري ليش حسيت خايف عليهة رجل عمتهة اعرفة ابد مو راحة جان صديق اخوي الأصغر مني ودائما يدورون نسوان وسوالف مكسرة
شوية واجة شهاب
شهاب.. ها ابن العم شو كاثرة صفناتك
صالح.. لا بس جنت أفكر
شهاب.. هااا أي شخبارك تصالحت وي مرتك لا
صالح.. لا واللة بوية هيج احسلي مريح بالي لادوحة ولا وجعان راس
شهاب.. هههههه خوية اريد اكلك شغلة بس لا تفهمني غلط
صالح.. خير احجي
شهاب......
●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤🥺
اختكم#زينب البديري 💡
بااااااي🙋😘
رواية سليل للشيخ الفصل الثامن 8 - بقلم 313
#سليل للشيخ
#البارت الثامن
للكاتبة # زينب البديري💡
___________________
شهاب.. هههههه خوية اريد اكلك شغلة بس لا تفمني غلط
صالح.. خير احجي
شهاب.. ما اعرف شلون ابدي وياك الحجي بس أتمنى الشيء الراح احجي ما يأثر على خوتنه و صحبتنة
صالح.. احجي خوية ما عاش اليأثر على خوتنه و صحبتنة
شهاب.. اني جايك بشغلة و اتمنى ما تردني بيها
صالح.. شهاب شمالك من يمتة و احنة بينة هاي المقدمات
شهاب.. خوية من الأخير؛؛؛ اني أريد اطلب ايد أختك تبارك على سنة الله و رسولة
اهنا انصدمت صدمت عمري ما يوم فكرت بهذا الشي وما فكرت بيوم شهاب رايدها لتبارك
لأن تبارك وشهاب بينهم هواي فرق اول شي بالعمر يعني شهاب أكبر منها 14 سنة فرق هواي ثاني شي ما يوم حسسني هوة رايدها لتبارك
شهاب.. حقك تنصدم و حقك على رأسي من فوك بس يا صالح اني ما جنت ناوي احجي بهاي السالفة لحد ما تبارك تكبر بعد سنةسنتين بس هسة انجبرت احجي لأن تبارك كبرت و كاموا يخطبوها مني
صالح.. منو الخطبها
شهاب.. صديقي بيت جوارينكم وسام اجة أبو حاجاني علمود اصير واسطة بينك و بينهم
صالح.. زين انتة من شوكت تريد تبارك وليش ما فاتح وياي هذا الموضوع مو على أساس احنة صحبة و أخوة
و اني الغبي اكول ليش كل ما افاتحك بموضوع الزواج تتهرب اثاري طلعت تريد تبارك
شهاب.. مو هيج السالفة يخوي بس اني مااعرف تبارك تريدني لو لا و ثاني شي تبارك بعدها صغيرة وإني اصلا ما أريدها تعرف بهذا الكلام الدار بيني و بينك
صالح.. يعني شلون ما تريد تعرف بهذا الكلام انتة مو اجيت خطبتها مني لو حجزتها لو شلون ما كاعد أفهم عليك؛؛؛
وثاني شي يا شهاب لو واحد غيرك أجاني و حجة وياي هذا الحجي راح أتصرف وياه غير تصرف
وأعتقد انتة فهمت كلامي لو ما أثق بيك و معتبرك أخوي قبل ما انتة ابن عمي جان ما كاعد احجي وياك بهاي الهداوة والتفهم
شهاب.. شوف يخوي الله شاهد علية ما يوم نضرت لتبارك نضرة حرام
و لا تنسى تبارك بنت عمي و عرضي قبل لا أفكر بيها بشي مو زين
و مو من أخلاقنا وانتة أكثر انسان عارفني و دارسني درس
و اني متأكد تبارك مو يم الحب و متأكد تبارك ما تحمل بكلبها مشاعر حب
واي حاجزهة واكلك هذا الشي وهسة كافي خلي نسد الموضوع (جان يحجي ويمسح ب عرك وجهة)
صالح.. شو انتة انتة تفتح الموضوع بمزاجك و تسد بمزاجك شنو كدامك حايط نصيص و شنو حاجزهة يمكن تبارك ما تقبل بهذا الشي
شهاب.. الله كريم منا لذاك الوكت و اني اكيد راح اترك تبارك اذا ما تقبل بية بس اني ردت انطيك خبر
صالح.. والله زين من فكرت تجي و تفتحلي كلبك و تحجيلي اثاري طلعت تريد تتزوج أبنية بكبر بنك لو مزوج
شهاب.. شنو قصدك يعني اني معجز
صالح.. لا عمي حشاك مو معجز بس انتة أكبر منها ب14سنة مو هواي ترة
شهاب.. هسة خلصت حجي، اني ادري لمن راح احاجيك لا أخذ منك لا حك و لا باطل بس شسوي نجبرت احجي
صالح.. فوكاها ولك لو واحد بمكاني جان حطك هسة و فعصك فعص بس اني شأسوي لكلبي الرهيف
شهاب.. ترة الي يسمعك يكول شو شمسوي اني ترة ما مسوي شي عيب لو غلط كل السالفة و ما بيها اني رايد بنت عمي و جاي أبلغ اخوها الجبير بهاي السالفة و انتة قبل ما تكون اخوها صديقي و عزوتي و اجيت اكلك بهاي السالفة
صالح.. يعني اني طلعت الغلطان و انتة الصح ولك منو الضام علية هاي السالفة و ما حاجيلي بيها اني لو انتة
شهاب.. كتلك آسف و حقك على رأسي من فوك بس هاي بعد صارت
صالح.. ولك اني لو ما اعرفك و اعرف اخلاقك ما جان ساكتلك لحد الآن وإني متأكد تبارك ما تلكة احسن منك رجال يخاف عليها ويصونها و يحبها فوك كلشي
شهاب.. ولك شنو هذا الحجي شنو يحبها
صالح.. لعد هذا شنو تسمي اجيت لي برفت و عيونك حمر و معصب و تريد تحجز شنو إسمي؟ ؟
شهاب.. صالح شو كافي سد الموضوع و لا تكول لأي شخص عن هذا الحجي ولا حتى تبارك
صالح.. ولك هااي من شوكت تصيحلي صالح هاي اول مرة تصيحلي باسمي
شهاب.. يخوي والله مالي خلك احجي هسة ابد
صالح.. أمن ما راح اكول لأحد و لا راح احجي بالسالفة مرة ثانية بس أهم شي اعصابك و كلشي ولا تحجز
شهاب.. انتة ينرادلك خلك و اني مالي خلك خل اروح احسلي و ارحملي
صالح.. عمي على راحتك الله وياك أهم شي لا تعصب
شهاب.. يلة يخوي اودعناكم
صالح.. مودع بالله يخوي
راح شهاب و اني ضليت حاير
بس بيني و بينكم فرحت لأن شهاب يريد تبارك لأن مستحيل الكة مثل شهاب خوش رجال وحوك و اني وشهاب عشرة عمر و طول الوكت وياه ما يوم شفت منة المو زينة و كل و كلشي بكلبي فارغة يم شهاب ولا شفتة يباوع لتبارك أو يحسس أي شخص و هذا الشي كبرة بعيني
أكثر من قبل.....
■■■■■■■■■■■■■■■
بعد مرور 3 أسابيع
جنت نايمة وأحس واحد يتلمس بخصري كعدت وتفجأت بزوج عمتي فوك راسي وريحتة تكتل وحاط يدة على خصري وخرت يدة وطفرت من فراشي
سليل.. هااي شسوي هنا
عبداللة.. اش ولا كلمة
اجة ولزم ثنين ادية
سليل.. وخر عني
ضليت ادفع بي وهوة تقريبا فاقد وعية شارب هواي
دفعتة كمت ردت اطلع من الغرفة لكيت الباب مقفول
باوعتلة كام يضحك بصوت كلش عالي وكام واجة بتجاهي
سليل.. عمو هااي شبيك
عبداللة.. ما أريد ولا صوت أسس
اجة لزم يدي وكلساع يريد يوكع فلتت يدي منة جان اكو دولكة مي رحت كسرتهة ولزمت الكزازة
سليل.. إذا تتقرب واللة اكتلك
احجي وموجهة الكزازة علية وهوة ولا مهتم بالعكس يتقرب ويضحك ضحكة تخوف
ضليت ابجي
سليل.. حباب عوفني اللة يخليك بكبر بتك حرااام اللة عليك عوفني
ابد ما هتم احجي ولا مهتم
يدي كامت ترجف رجلية بعد ما اكدر واكف عليهن اجة كلش تقرب مني جرحتة بيدة
عبدالله.. ولججج هاي شسويتييي
باوع للجرح وخنزر علية وأخذ الكزازة وشمرهة ونكلب وحش
بثنين يدية شك البدي الي جنت لا بستة
ضليت ادفع بي لزمني من شعري وجرني
ضليت اصيح بصوت كلش عالي
ضل يحاول وياي بس اني أقوى منة وادفع بي لأن هوة شارب هواي
آخر شي بعد مااكدر اصيطر علية غمضت عيوني اجت بالي صورة سيف صحت بصوت
سليل.. سييييف
ماادري منين اجتني القوة دفعتة وصل يم الباب غطيت نفسي ورحت ضربتة براسة بالكرسي حتى يفقد الوعي واكدر اخلص نفسي
اريد افتح الباب مااكدر رجلية بالكوة واكفة عليهن
ضليت اصيح
سليل.. فتحولي الباب ماكو واحد
بلكوة احجي حلكي يرجف ضليت اصيج الى أن سمعت صوت الباب
سليل.. عمة تعاليلي وينج عمة 😭 ...........
●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃🥺
احبكم يا أحلى ناس 😃❤
اختكم#زينب البديري 💡
بااااااي🙋😘
رواية سليل للشيخ الفصل التاسع 9 - بقلم 313
#سليل للشيخ
#البارت التاسع
للكاتبة#زينب البديري 💡
_______________________
بلكوة احجي حلكي يرجف
حسيت انفتح باب البيت وصوت علالكيك
سليل.. عمة تعاليلي وينج عمة😭
سمعت صوت أحمد ابن عمتي عمرة 13 سنة
أحمد.. بابا وديت الدين بابا وينك
كمت على حيلي
سليل.. أحمد تعال افتحلي الباب ماينفتحك حباب
أحمد.. سليل
سليل.. تعال هنا حباب
أحمد.. ولج ماينفتح كسري من يمج
سليل.. ما اكدر حباب طلعني
أحمد.. اوكفي خلي اصيح ابوي يفتحة
سليل.. ولك يا ابوك هوة حابسني هنا جيب أي شي وكسرة
احمد.. رايح اجيب طابوكة من الشارع حتى افتحة
سليل.. ياللة بسرعة
جنت كاعدة على الباب واحجي من راح كعدت وحطيت رأسي بين رجلية وابجي على حضي شوية وحسيت اجت رطوبة يم يدي
اباوع اشوف دم ضليت اباوع اريد اشوف هذا منين مصدرة
باوعت لعبدالله لكيتة غركان بالدم طفرت من مكاني وضليت اصيح
سليل.. أحمد وينكككك تعال افتح الباب ابوك راح يموت
سليل.. اني شمسوية بحياتي حتى هيج يصير وياي ليش ياربي ليش يتمتني اني وصغيرة حتى لسا ما شابعة من أهلي ودور هذا علية ياربي ليشش لييش
سليل.. أحمد راح يموت ابوك تعال بسرعة
شوية واجة أحمد
أحمد.. اجيت سليل
سليل.. حباب بسرعة
أحمد.. زين مادورين المفتاح حرامات نكسرة
سليل.. ولك ابوك راح يموت
أحمد.. شنوو
سليل.. ولك افتح الباب
فتح الباب أحمد ومن شافني نصدم
أحمد.. ولج سليل هاي شصاير بيج
جنت مغطية نفسي بجرجف باوعت على يدية كلهن دم لأن جرحتة بيدة ويدة جانت تجري دم من حاول يعتدي علية
جان عبداللة ورة الباب فما يشوفة بس باوع للكاع وانصدم اكثر
أحمد.. ولج هذا منين الدم
ماحجيت اي شي بس باوعت لعبدالله هوة سد الباب وشافة
كبل ركض علية
أحمد.. ولج شبي ابوي
ماحجيت اي شي بس ضليت ابجي بحركة و قهر ووكعت ب الكاع
أحمد.. ولج هااي شبيج
سليل.. أحمد احمد😭😭
أحمد.. شبيج
سليل.. اريد أهلي ودوني الهم
ضل صافن علية فترة بعدين راد يطلع من الغرفة
سليل.. أحمد لاتروح حباب
كلش خفت ابقة وحدي خاف يرجع يكعد
أحمد.. خلي اروح اصيح امي
سليل.. وين عمة
أحمد.. يم بيت جيرانة هية و فاطمة
راح يصيحلهة اني نمت بالكاع لأن احس جسمي مكسر والتعب طغى علية وصوتي احسة راح هلكد ماصيحت
شوية واجت عمتي جنت كبال الباب والباب مفتوح اول ماشافت حالتي
جانت لازمة جنطة وكعت بالكاع وضلت تلطم على وجهة
عمتي.. يمة بنيتي شصاير بيج
اجت تركض بتجاهي هية وفاطمة وكومتني
فاطمة.. ماما ماما شوفي بابا (فاطمة عمرهة 11)
عمتي من شافت عبداللة كامت تصيح
عمتي.. ولج سليل شصار
ماحجيت اي شي بس باوعتلهة وعصرت الجرجف حيل وضليت ابجي بصوت عالي
عمتي.. ولج فاطمة شوفي اخوج وين راح
راحت فاطمة شوية واجت
فاطمة.. يمة ماهوة بالشارع
شوية واجة احمد
احمد.. يمة اخذي سليل وطبو للغرفة راح يطب ابو التكسي نشيل ابوي وناخذة للمستشفى
أخذتني عمتي للغرفة
عمتي.. سليل احجي شبيج سوالج شي
ضليت ساكنة وعمتي اسأل بية اريد احجي ما يطلع صوتي تحجي ونص اسمع ونص ما اسمع عيوني بلكوة مفتحتهن اغمض وكل ما افتح عيني اشوف غير أحداث يعني نص فاقدة الوعي
ساعة شالوني وبعدين فتحت عيوني شفت عمتي مطببتني للحمام غمضت فتحت عيني شفت عمتي تلبسني وجانت تبجي
اخر شي غمضت كعدت شفت نفسي بالمستشفى وفوك راسي الدكتور يسوي بالمغذي
وعمتي يمة من شافتني فتحت عيني بسرعة اجت يمي
عمتي.. سليل حبيبتي شلون صرتي
الدكتور.. بابا ليش هيج تسوين بنفسج اكلي مو زين عليج
ضليت ساكتة لان احس اذا احجي كلمة اطلع كلشي بداخلي فلهذا ضليت ساكتة اكتم وجعي
ضل يحجي الدكتور وي عمتي وبعدين راح اجت عمتي كعدت يمي
عمتي.. عمة احجي سوالج شي كولي
ضليت ساكتة بس كمت اتنفس بصوت عالي لان نفسي بالكوة يطلع
عمتي.. ولج احجي راح تموتيني حاول يعتدي عليج
اشرتلهة براسي اي
هية حطت يدهة على راسهة وكامت تبجي
بعدين رفعت راسه وكالت
عمتي.. اكيد ما صار شي مو احجي
اشرتلهة براسي لا
شبكتني وضلت تبجي
عمتي.. سليل حبيبتي احجي شي شبيج لا ضلين ساكتة احجي
شوية واجة عمي جبار تفاجئت بشوفتة
جبار.. حطينالة دم
عمتي.. اها زين
جبار.. شلون هيج صار والرجال ينزف
عمتي.. واكع و متعور
جبار.. وانتي شمدريج
عمتي.. سئلتهة وجاوبتني
جبار.. زين هية شبيهة
عمتي.. بس هابط الضغط مالتهة
جبار.. هاا ياللة اني رايح
عمتي.. اوكف اريد احجي وياك
راحت عمتي حاجتة و اجتني وهوة طلع
عمتي.. اسفة سليل ما اخذتلج حقك بس وي عمامج ماكو حق اذا عرفوا يمكن يكتلوج
ردت وجهي للجهة الثانية لان بعد ما اتحمل اشوف عمتي هيج تبجي ومناهرة
عمتي.. سليل راح تروحين يم فارس
ضليت ساكتة ماحجيت ولو هية بقت بس هااي وتكمل علية
عمتي.. سليل ما اكدر اخليج يمي اخاف يرجع يتعرضلج
صارلي ١٥ سنة متحملتة بسوالفة الطايح حظها والنسوان مالاتة وشوفي لسا يمة ومااكدر اسوي شي
كم مرة ومرة خاني ويحجي كدام عيني
ويروح بنص الليل للنسوان
ولا حاجية ولا شاكية
لان مهددني ياخذ جهالي ويطلكني
مبعدني عن اهلي كل ما اروح لاهلي يتعارك وي اخواني
وكل هذا ومتحملتة
سليل يم فارس ائمن عليج وكل سبوع يمج
بس اهم شي تكونين بأمال
عمتي تحجي واني الخنكة تزيد احس كأنو طابوكة وحاطيهة على ركبتي وجع بكلبي كلش جبير اوووف اوووف وين جنت وين صرت
ضليت يوم بالمستشفى لان جانن دكات كلبي كلش سريعة وضغطي متخلل من ورة دكات كلبي
كمل المغذي وحطو ثاني
ضليت يوم بالمستشفى بعدين طلعت رحت لبيت عمي
اول اسبوع ماشفت شي منهم كلهم عادين وتصرفاتهم طبيعية
واني ما اختلط بيهم هواي وكلامي كلش قليل على كد السؤال اذا سئلوني شي
الشي الي وياي بس دموعي ما فارقني ولا لحضة
ينزلن حارات خدي والصرخة المكتومة الي بداخلي خنكتني
احس نفسي اريد اصيح بصوت عالي كلش
ماضلي اي شي من اهلي حتى صورة ماكو ضلت بس ذكرياتهم الي بالي وسوالفنة وشقانة وعركاتي وي سيف
مر الاسبوع و اني ولا يوم نايمة بالليل انام ب٦ لو ب٥ الصبح واكعد بال١٠ واضل كاعدة النهار كلة
من بعد ما مر الاسبوع جنت نايمة حسيت واحد يكعد بية فتحت عيني شفت مرت عمي فارس سعدية
سعدية.. ياللة كومي مو مضيتهة بس نوم كومي غسلي الهدوم كلهن ومن تكملين سوي غدة
باوعت شفت الساعة ب٨ واني ب٥ نمت
سليل.. اني ما اعرف اطبخ
سعدية.. اني اعلمج بس اليوم والباقي انتي تسوين
كمت امط بجسمي لان اني كل ما اكعد هيج اسوي ما احس لن اجتني دفرة بضهري درت وجهي شفت سعدية ضربتني باوعتلها ب أستغراب
سعدية.. كومي لا تتمضيكين بسرعة كملي الهدوم وشريهن
ضليت احجي عليها بكلبي واتمنيت اكوم اكتبها لهاي الحقيرة بس مااكدر كمت غسلت وجهي ورحت للغسالة فتحت الغسالة اجت سعدية
سعدية.. هاي شسوين
سليل.. اريد اغسلهن
سعدية.. لا غسليهن بيدج هدوم عمج ينمردن
مارديت عليها رحت غسلتهن وشريتهن
من كملت علمتني شلون اسوي التمن والمرك والتشريب وشلون اعرف اسوي الدجاج واللحم تقريبا كلشي علمتني بس شفت الكمية هواي
سعدية.. ترة بس اليوم ساعدتج وعلمتج بعد كليومية انتي تكومين بدون ما واحد يكلج تسوين اكل
سليل.. اممم
سعدية.. وجع حتى وجع عود سوي زلاطة نوعين
مارديت عليهة بس هزيت راسي بمعنى اي
كملت ورحت نمت لان تعبت كعدت ب٢ رحت للمطبخ اريد اكل ماكو شفت سعدية بالمطبخ سئلتها
سليل.. وين الاكل
سعدية.. ماكو اكل فرشنة السفرة وماجيتي
غلست عنها ورحت للغرفة بس جنت ميتة جوع ضليت انتي عليها ونمت إلى أن اجة العشة واكلت
و مرت الايام وبقة يوم على أربعين اهلي بهذا اليوم جنت نايمة ............
●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘
رواية سليل للشيخ الفصل العاشر 10 - بقلم 313
#سليل للشيخ
#البارت العاشر
للكاتبة#زينب البديري
__________________
غلست عنها ورحت للغرفة بس جنت ميتة جوع تحملت إلى أن اجة العشة واكلت ......
و مرت الايام وبقة يوم على أربعين اهلي بهذا اليوم جنت نايمة و كعدت على صوت عمتي
اول ماشفتهة شبكتهة حيل لأن جنت محتاجة لهذا الحضن
عمتي.. شلونج يكلبي
سليل.. زينة انتي شلونج مشتاقتلج كومة
عمتي.. زينة يكلبي شصار ماصار وياج
سليل.. ماصار شي عادية
عمتي.. يعني ماسوت سعدية خباثة وياج
سليل.. لا بس خلتني اغسل الملابس وسوي غدة بس
عمتي.. شنو بس
سليل.. عمة دائما اذا تأخرت بالنومة تكعدني بالدفرات ومرات ماتطيني اكل لأن انام ومااجي للغدة وعلى أقل شغلة تصيح علية وعايفة بتهة نايمة ليل نهار تكعد بس تأكل وترجع تنام
عمتي.. اللة لايطيهة انشاللة تسوي وي بنية يتيمة هيج زين و عمج مايردهة
سليل.. ساكت ومرات هم يصيح علية ترد بوجهة وصيح
عمتي.. زين انتي شوكت تنامين
سليل.. عمة اني الليل كلة كاعدة وانام ب5
عمتي.. ولج عمة موزين عليج شوفي نفسج صايرة عودة وعيونج حمر ووجهج اصفر
سليل.. عمة اذا نمت احلم أحلام تخوف
عمتي.. سليل حاولي اليوم واذا هم حلمتي اخذج للعلوية خاف عدج تابعة
سليل.. عمة ماآمن بذني السوالف
عمتي.. دكيتي اسكتي ماآمن هوة انتي شعرفج
شوفي جبتلج تليفون وياي وكم لبسة اخذيهن وضمي التليفون خاف تاخذة سعدية لو تسويلج سالفة بي خط وحطيتلج رقمي وإني كل مايخلص الرصيد ادزلج بس كليلي
سليل.. اوك
عمتي.. هاج كومي ضمي بمكان محد يدور بي هوة والشاحنة
كمت ضميتهن ورجعت كعدت يم عمتي ضليت اسولفلهة و اشكيلهة
احنة و نسولف طبت سعدية اجت كعدت يمنة حتى بعد ما نكدر نسولف
بعدين اشرتلي حتى اسوي الغدة
سليل.. عمة من رخصتج رايحة اسوي غدة
عمتي.. ليش انتي تسوين (تحجي وتباوع لسعدية)
كومي سعدية انتي سوي اريد اسولف وي بت أخوي
شفت سعدية خنزرت علية كلش خفت منها وخفت خاف تضربني من تروح عمتي
سليل.. لا لا اني اسوي احب اطبخ
كامت تضحك سعدية وكالت
سعدية.. هية مجلبتلي تريد تطبخ وإني عايفتهة على راحتهة
رحت للمطبخ وأفكر
كبر الي لو حاجية كبالهة جان عمتي تفضحهة وترزلهت كبر الي غبية مو عمتي يمي ليش حتى أخاف منها ضليت ألوم بنفسي وسويت اكل خلصت بقى بس التمن لازم يتهدر عفتة على نار ناصية ورحت يم عمتي لكيتهة تسولف هية وسعدية بس سعدية معصبة
عمتي.. كملتي حبيبتي
سليل.. أي
عمتي.. هاا لعد تعالي هنا يمي
سعدية كامت وضليت بس اني وعمتي نسولف بعدين رحنة تغدينة ورجعت للغرفة اني وعمتي نريد نام
سليل.. عمة اليوم تباتين
عمتي.. اي ابات لأن باجر نسوي أربعين لاهلج
سليل.. همزين راح تباتين لأن مشتاقتلج
عمتي.. وإني هم
طبعا الليل كلة كاعدين اني وعمتي ب4 اجوي الكصابين حتى يذبحون الذبايح عمتي مانامت كامت تساعد سعدية وإني ضليت شوية وياهن من صارت ب6 طفيت ونمت
حلمت
ماما وبابا وسيف كاعدين مكان كلش حلو بس اكو فاصل بيني وبينهم اريد اروح يمهم بس مايقبلون
بس سيف كالي حضري نفسج اليوم راح نجيكم لاتبجين كدامنة ترة نزعل ومانجي ودير بالج على نفسج
وماما كالتلي ماما اصبري وتحملي لأن رب العالمين ماينسة عبدة
وبابا كالي بوية ديري بالج على نفسج راح تواجهين هواي ناس صيري قوية وانتصري عليهم
بعدين كلهم دارو وجهم وراحو
وفزيت من النوم مخترعة وخايفة وفرحانة بسرعة كمت ضحكت وباوعت لنفسي بالمراية
أخذت ملابس جديدة من الي جابتهن عمتي وطبيت للحمام سبحت وطلعت اضحك شافتني عمتي
عمتي.. بسم الله الرحمن الرحيم هااي شبيج ضحكين
سليل.. عمة اليوم أهلي يجون وكولي لاتبجين لأن اذا بجيت مايجون انتي هم لاتبجين
اجت عمتي حطت يدهة على كصتي
سليل.. عمة هااي شبيج واللة ما اجذب همة كلولي راح نجيج اليوم شوفيني طالعة حلوة
عمتي.. اي تخبلين (جانت تحجي وتباوع لسليل بنضرة صدمة)
سليل.. عمة انتي هم روحي بدلي وترتبي خطية صارهم هواي ماشايفيهم خلي يشوفونة حلوين هههه
اجت عمتي شبكتني وكامت تبجي
اني البجية جنت ضامتهة ومن عمتي بجت دمعت عيوني بس صيطرت على نفسي ومابجيت
سليل.. عمة ليش تبجين كافي اللة عليج
هدئتها وديتهة للغرفة وضليت كاعدة يمهة بلكوة سكتتهة بعدين نامت عمتي باوعت للساعة شفتهة ب11 الصبح
كلت بعد وكت القراية مسويهة ب2 خلي الف راسي وانام نمت وكعدت وحدي الساعة ب1
شفت عمتي نايمة كعدتة وكمنة نغدينة ورحت بدلت ملابسي لأن راح يجون العالم
بدلت ونزلت شفت اكو كم مرة سلمت عليهن وباوعت للبيت كلة فراشات وطلعت للحديقة شفت اكو فراشات
يكولون الفراشات من يجن من يموت واحد معناه روح الميت
ضليت اباوعلهن واضحك وكلساع يجن يفترن فوك رأسي وإني فرحانة كلش ، شوية وطلعت عمتي صاحت بية
عمتي.. ولج سليل شسوين هنا هسة يجون أولاد عمامج ويرزلوج تعاي طبي جوة
سليل.. عمة تعاي شوفي هذولة اكيد أهلي
عمتي.. يمة البت تسودنت تعاي ولج طبي
سليل.. شبيج عمة
اجت عمتي جرتني وطببتني جوة شفت كثرانات النسوان البيت متروس نسوان وعمتي تجر بية
كدام الناس
سليل.. عمة عوفيني اريد اطلع
العالم كلهة تباوعلي وإني اوخر بيدهة وهية تجر بيدي
طببتني للغرفة و سدت الباب
عمتي.. سليل شبيج تسودنتي كلهة كامت تحجي عليج شعدج تركضين ورة الفراشات زعطوطة انتي خليتهم يكولون عليج مسودنة
صح اني جنت فرحانة بس الوجع بكلبي ومن شفت الفراشات فرحت كلش عبالك طفل قشمرو علية بشغلة ، جنت مستعدة أي واحد يكلي شغلة اصدكهة بس كون يجون أهلي واشوفهم ويشوفوني لأن كلش مشتاقتلهم ضلت عمتي تحجي وترزل
بس اني عبالك غير عالم اصلا ما منتبهة الها بس صافة علة الحايط وتخيل أهلي كبالي والابتسامة ترسم على شفايفي لا ارادي
عمتي.. ولج تخبلتي سليل شبيج عمة ششوفين ولج (تحجي وتباوع على الحايط الي تباوعلة سليل )
عمتي.. سليل يمة شبيج شو حاجيني
ولج باوعيلي (تحجي ولازمة رأس سليل تريد ديرة بتجاهة)
تحجي عمتي وإني اصلا ما منتبهة الها اباوع للحايط واتخيل أهلي امي و يضحكون
بعدين ما احس لأن راجدي أجاني رجعني للحاضر الي عايشة بي
سليل.. هاااي ليش
عمتي.. حتى تصحين كافي راح تتخبلين امشي اجت الملة عيب من العالم
لزمت يدي عمتي وطلعنة والناس كلهة تباوعلي
بدت تقرة الملة واني تذكرت سيف مرة جانت عدنة قراية بيتنة والملة تقرة واحنة نصفك فوك ونضحك
ضحكت وضليت اباوع النسوان شلون يلطمن بس وي الضحكة دموع
عمتي.. ولج سليل امشي طبي جوة فضحتينة
سليل.. ما ما ما اطب جوة
جانت اكو مرة بصف عمتي اجت جرتني على صفحة
-شبيج خالة ليش هيج تسوين بروحج مو ميصير
سليل.. خالة البارحة أهلي كلولي اليوم راح نجي ولاتبجين لأن اذا بجيتي انروح
-أي لاتبجين بس لا ضحكين واذا تريدين ضحكين طبي جوة
سليل.. اريد اضل
-شتباوعين مايصير هيج تسوين بروحج تعالي نسولف اني وياج جوة
طبيت اني وهاي المرة للغرفة وضلت تسولف وياي وتذكرني باهلي ماتحملت اني ضليت ابجي بعدين طلعت من الغرفة وإني طلعت كل الوجع الي بداخلي صيحت وكسرت وبجيت
بس احس بعدهة العبرة خانكتني وماتطلع كلهة
ضليت ابجي إلى أن صارت وقت وصبو اكل جانن النسوان قليلات بس الزلم كلش هواي وناس طابة وطالعة
وإني جنت نايمة و حاطة رأسي بحضن عمتي واباوعلهم وابجي بصوت ناصي
■■■■■■■■■■■■■■■■■■
صالح...
مرن هذني الأيام وماصار شي مهم نجلاء صالحتهة بس كل شوية دور الها عركة
أخوي عمار الأصغر من قاسم خطبنالة مرة وحنة من عاداتنة من نخطب ورة سبوع الملجة وراهة بسبوع العرس بس اجلناهة لأن عدنة ناس ميتين بالعشيرة وفشلة منهم من يطلع الأربعين مالتهم نسوي العرس
صار الأربعين مال ابن أبو حميد أحمد رحنة للفاتحة انة وابوي وامي وشهاب وام شهاب
رحنة من وكت لأن اكو قراية نسوان من وصلنة احنة طبينة للمضيف والنسوان طبن للعزة
كمنة اني وشهاب ساعدنة الولد بالطبخ
صار وكت العشة واكلنة ومن كملنة حاجيت أبو حسين
صالح.. أبو حسين بلا زحمة عليك ماتصيحلنة واحد من الولد يروح يكول للنسوان ياللة نريد نروح
فارس.. هسة اكول الواحد
راح ابو حسين وإني ضليت واكف شوية واجة شهاب سولفت ويا
شوية وطلعن رجعنة للبيت
جنت كلش تعبان حطيت راسي ونمت
مر أسبوع وحددنة موعد عرس عمار
وخابرنة أبو حسين وترخصنة منة
وعزمنا وقبل وكال راح اجي
صار العرس وسوينة عشة بس كلبي مامرتاح مادري ليش جنت واكف وي أبو حسين
دك مبايلة وجاوف
فارس.. شنو .. وليش .. اخذتوهة للمستشفى.. استغفر اللة.. ياللة جاي هسة
صالح.. خير أبو حسين شكو
فارس.. بت أخوي احمد المات ...............
●●●●●●●●●●●●●●●●●●●●●●●●●●●●●
انزا الكم صور الأبطال لو تضلون على مخيلتكم🙃
●●●●●●●●●●●●●●●●●●●●●●●●●●●●●
ولهنا ويخلص البارت 😏
اشوفكم بالبارت الجاي 💃
احبكم يا أحلى ناس 😃❤❤
اختكم#زينب البديري 💡
بااااااي🙋😘