تحميل رواية «سليل للشيخ» PDF

#سليل للشيخ

#البارت الحادي عشر

للكاتبة #زينب البديري 💡

___________________

فارس.. شنو .. وليش .. اخذتوهة للمستشفى.. استغفر اللة.. ياللة جاي هسة

صالح.. خير أبو حسين شكو

فارس.. بت أخوي احمد المات بالمستشفى ولازم اروحلها هسة من رخصتك وسلملي على والدك رايح انة

صالح.. اللة وياك عمي عدهة العافية انشاللة

راح ابو حسين وصلت سلامة لبوي وبعدين رحت يم عمار العريس سولفت ويا شوية بعدين عشينا العالم وراحو

زفينة عمار للغرفة وانة رحت يم الوادم ضلينة نسولف شوية واجة عمار باركنالة وضل كاعد يمنة سولفنة شوية بعدين اترخصت منهم ورحت لغرفتي حطيت راسي ونمت

كعدت الصبح نزلت جوة وتريكنة

صالح.. بوية ما تخابر أبو حسين شوف شصار ويا

أبو صالح.. اي يبوي هسة

تبارك تعالي جيبي المبايل

اجت تبارك واطتة المبايل

خابر ابوي مرتين وبالثالثة رد

أبو صالح.. سلام عليكم أبو حسين شلونك

أبو صالح.. اللة يبارك بيك رحم اللة والديك يوم لحسين انشاللة

أبو صالح.. خير شصار وي بت اخوك

أبو صالح.. زين ماشفتو متبرع

أبو صالح.. يابو حسين لاتاكل هم شوية واني وابني صالح يمكم هوة راح يتبرعلهة

أبو صالح.. صدك جذب هذا واجبنة أبو حسين الورد

أبو صالح.. اللة وياك عدهة العافية انشاللة

صالح.. خير بوية شكو

أبو صالح.........................

■■■■■■■■■■■■■■■

جنت نايمة و حاطة رأسي بحضن عمتي واباوعلهم وابجي بصوت ناصي

اتعشو العالم وراحو حتى عمتي راحت

من راحت كلش ضجت صارت وحشة عليهة

رحت لغرفتي اريد انام لأن تعبانة نمت كعدت الصبح على صوت الهوسة طلعت من الغرفة

لكيت عمي جبار واولادة ومرتة جانو كل أولاد عمامي موجودين

من شفتهم طبيت للغرفة لبست شي مستور وطلعت سلمت عليهم باوعت شفت الساعة ب11 اتفاجئت اكيد اكو شي لأن سعدية مامكعدتني من الصبح

شوية وصبو الأكل والكل كعد على سفرة وحدة المهم خلصنة اكل كمت ردت اشيل وياهم صاحلي عمي فارس

فارس.. سليل تعاي عمي اريد اكلج شغلة

تفاجئت من كلامة وجان يحجي بهدوء اول مرة هيج يحجي وياي رحت يمة كعدت

فارس.. سليل طلع اربعين اهلج

سليل.. أي ادري بس أربعين سيف بعدة

غلس عني وبسرعة غير الموضوع

فارس.. اسمعي بوية اليوم صديقي خطبج لابنة مني

سليل.. أي ويعني

فارس.. وافقنة

سليل.. شنو وانتو منو كللكم توافقون ترة البارحة طلع أربعين امي وابوي وانتو تريدون تزوجوني حرام عليكم

جبار.. بوية خوش ولد ودكتور

سليل.. أي ويعني واذا دكتور ما أريد

فارس.. احنة ماماخذين رايج احنة بس كاعد نكلج

سليل.. مو بكيفكم

حسين.. سليل احترمي ابوي كاعد يحجي وياج سمعي كلامة لا اكوم اطيح حضج

سليل.. حبابين مااريد ازوج واللة أريد اكمل دراستي

حيدر.. هوة انتي منو الي يخليج تكملين دراستج هااا ماعدنة مرة تكمل دراسة

سليل.. شنو ماعدكم مرة تكمل اني صف سادس مابقالي شي وأكمل مو بكيفكم تمنعوني وأكمل دراستي يعني اكملهة... (كمت من مكاني وحجيت هذا الحجي)

دا احجي ومااحس غير واحد انطاني راجدي وكعت من قوتة بالكاع وكدام الكل

باوعت اريد اشوف منو ضربني طلع حسين

ضليت اباوعلة ومخنزرة علية وحاولت ما أنزل دمعتي

اجة وجر حجابي وجرني من شعري

ماسويت أي رد فعل بس ضليت مخنزرة وصاكة على سنورني جارني من شعري ويكول

حسين.. عيونج نزليهن لا ازرفهن

ولج نزليهن

فتحت عيوني أكثر علية يحجي واني اباوعلة وأحس كل القوة الي بية صارت بيدي عصرت يدي حيل وضليت مخنزرة علية وهوة يصيح

حسين.. ولج نزلي عينج بالكاع راح اكفر بيج

حجة وضربني راجدي فر وجهي فر خلاني انام على الكاع من ضربني ووكعت رجع جرني من يدي حيل وكومني ودفعني وبتعد عني

حسين.. ولج انتي شنهل الصلافة خرة.... بت...

ضل يكفر ويغلط اباوعلهم كلهم ساكتين رجع علية وراد يخنكني لزمت يدية ثنيناتهن وضليت اتماطل ويا

هم رجع يكفر

سليل.. قبح اللة وجهك اللة يشيلك انشاللة

من كتلة هيج ضربني بوكس بطني حسيت روحي طلعت شمرني على الكاع وضل يدفر بية

من موتني ياللة اجوي عمامي وخرو عني ابد مانزلت دمعة وضليت مخنزرة علية وهوة يضرب بية لحقير

وخرو عني وطبتني سعدية للغرفة وقفلت الباب علية وراحت واسمع حسين يصيح ويكفر حتى على أبو فشر

بعدين صار هدوء واسمع أي صوت شوية وكبت العيطة وسمعت حسين يكول

حسين.. بوية هااي وحدة كح.... ومامترباية الة اربيهة من جديد وازوجهة لحازم وغصبا ماعليهة اخلي يربيهة

فارس.. صار بوية بس أهدى

حسين.. بعد كم يوم يجي ويعقد عليهة وياخذهة وغصبا ماعليهة هااي الساقطة

ضليت ابجي إلى أن نمت كعدت الصبح على صوت سعدية

سعدية.. ياللة كومي نضفي مو بس نايمة

اريد اكوم مااكدر عضامي احسهن متكسرات وهاي تدرم فوك راسي

سعدية.. ولج كومي خلصيني (جرتني من يدي وكومتني) ياللة روحي سبحي وتعاي وراي للمطبخ

عافتني وراحت ستندت على الحايط ورحت للحمام سبحت بمي حار لأن عضامي يوجعني

طلعت من الحمام ورحت للمطبخ لكيتهة تترس مي

سعدية.. تعاي ترستلج مي وذنيج المعقمات

تعاي وجيبي المي وراي خلي اعلمج شلون تمسحين الكاع

رحت وراهة وديتلهة المي حطت علية تعقيم

وضلت تعلم بية شلون امسح

اني من النوع بسرعة اتعلم لشغلة بسرعة تعلمت

كملت الصالة وديت الغراض ورحت للغرفة

حطيت راسي على المخدة شوية وسمعت صوتها

سعدية.. هااي وين وليتي تعاي كملي

استغفرت ربي وكمت رحت الها

سليل.. شكو

سعدية.. ومرض تعاي كنسي الطارمة والحديقة

سليل.. شنوو الحديقة جبيرة وضهري يوجعني مابية حيل ادنك

سعدية.. ولج تكنسين وغصبا ماعليج

ترة اصيحلج حسين اخلي يكسر عضامج

سليل.. (ضحكت ضحكة جانبية)هه هوة بقى بس هذا علية

عفتها وطلعت للحديقة كنستهة شلون ما جان وطبيت جوة

مر أسبوع

وسعدية كليومية مكعدتني من الصبح تنضيف وغسل وطبخ وكلام يسم البدن من الصبح وكلساع تكلي موزين مكعديج عدنة انتي مالج واحد غيرنة فغصبا ماعليج تشتغلين انتي وساكتة وتنعل باهلي وهمة ميتين

كعدت الصبح شفت عمي كاعد يمكن يريد يطلع

رحت سبحت من طلعت شفتة يسولف وي سعدية يريد يروح لعرس دعيت علية وطبيت لغرفتي

يريد يروح العرس وأهلي صار الهم سبوع من طلع اربعينهم من راح كعدت اصفح بالتليفون الي جابتة عمتي

شوية وطبت سعدية اني مادري وين اضم المبايل ضليت لا أخذ ولا اطي بس صافنة عليهة

هية خنزرت علية وكامت تصيح

سعيدية.. ولج منيلج هذا المبايل صاحت

حسين حيدر ولكم تعالو شوفو بت عمكم

ضليت صافنة عليهة بصدمة وخوف هية وتحجي شوية واجة حيدر كبل ركض علية وأخذ التليفون ودفعني على الحايط

ضل يباوع على التليفون وبعدين شمرة بالكاع واجة جرني من شعري

حيدر.. ولج منيلج هذا المبايل

سليل.. عمتي جابتليا

حيدر.. هاا عمتي ..

احجي منو جابة وليش ماكلتي لواحد عدج مبايل

سليل.. حيدر عوف شعري رأسي كام يوجعني

من كتلة عوف شعري عافة

حيدر.. سولفيلي من شوكت عدج هذا المبايل

سليل.. عمتي من اجت بأربعين امي وابوي جابتليا

من كتلة هيج ضربني راجدي ولزم شعري

حيدر.. لاجذبين

سليل.. مامجذبة وخر عني

حيدر.. اي راح اوخر بعيني

وخر عني وكام وضربني دفرة وأخذ أمة وطلع وقفل الباب

ضليت نايمة بمكاني وابجي على حضي

يعني شنو كل شوية واحد جاي ذابلي حجاية

ومن الصبح لليل بس شغل ورزايل

اني محد ضربني بيت أهلي وهنا ياهوة الي جاي يضربني ومحد يحترمني كرهت حياتي

كاعدة ابجي وسمعت أصواتهم

سعدية.. تعال حسين شوف بت عمك مدري منو جايبلهة مبايل وشفتهة تخابر وتضحك

حسين.. وينهة هية

سعدية.. بالغرفة حيدر ضربهة وقفل الغرفة عليها

حسين.. خليها تستاهل لاتطلوها اكل يوم كامل وخليهة محبوسة بالغرفة

سعدية.. بس ما تكتلهة ولك شفتهة تخابر

حسين.. هوة بعد سبوع وراح نشمرهة على حازم بعد عليمن

بذيج اللحظة تمنيتة يجي ويكتلني ولا يكول هذا الكلام

جنت ناسية فكرة الزواج اصلا ورايحة عن بالي لأن مامهتمة الهة

من ذكرتهة حسيت عايشة جسد بلا روح كمت بالكوة رحت ادور شي حاد

شفت مراية صغيرة كسرتهة بالنص

لزمت النص الحاد بيدي وضليت اباوع ليدي واباوع للكزازة

بالبداية خفت اجرح نفسي بس بعدين

كلت اني عليمن عايشة بهذا العالم السخيف والظالم

جرحت نفسي جرح خفيف

ماطلع دم هواي بس شخط

بس مرة ثانية جرحت نفسي حيل والدم كام يطلع هواي

جريت نفس وجرحت نفسي بمكان ثاني

بعد ما احس بأي شي بس دوخة كلش قوية

جرحت نفسي مرة ثالثة بمكان غيرة بدون ما احس بأي وجع لهذا استمريت بالمرة الثالثة حسيت دوخة كلش قوية ونعاس

نمت بالكاع وضليت اباوع للدم الي ان مادري شلون غمضت عيني وشفت سيف لازم يدي ويجر بية مادري وين يريد ياخذني

بس اجة بالحلم نفس ٠ ٠ ٠ ٠ ٠ ٠ ٠ ٠ ٠ ٠

●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت الثاني عشر

للكاتبة #زينب البديري 💡

____________________

بالمرة الثالثة حسيت دوخة كلش قوية ونعاس

نمت بالكاع وضليت اباوع للدم الي ان مادري شلون غمضت عيني وشفت سيف لازم يدي ويجر بية مادري وين يريد ياخذني

بس اجة بالحلم نفس الرجال الي دائما اشوفة

بس شكلة كلش زعلان وعاكد حواجبة

اجة كمش يدي بكل هدوء ومشينة

اباوعلة شكلة كلش عصبي

ماكملت الحلم كعدت لكيت نفسي بالمستشفى بغرفة وحدي اباوع ليدية ملفوفة بس كلش توجعني

جانو مشكليلي بطل دم

يدي تموتني من الوجع

وجفن عيني كلش يوجعني

وراسي يفتر

ضليت ساكتة وصافنة ومحد يمي شوية وطبت الممرضة اجت يمي

-شلون صرتي

سليل.. رأسي يوجعني

-أي طبيعي لان نزفتي هواي

ضليت ساكتة ماحجيت اي شي

اجت قاستلي الضغط وراحت

شوية وطب رجال جبير للغرفة

اني حاولت أكوم من مكاني

أبو صالح.. ضلي كاعدة اريد احجي وياج

سليل.. منو

أبو صالح.. اعتبريني ابوج وجاي ادليج لطريق الصح

ضليت اباوعلة بستغراب

أبو صالح.. بوية الي سويتي أكبر غلط

دائما خلي هااي الآية بالج

اللة يمهل ولا يهمل

لو شايلة هموم الدنيا فوك راسج لاتفكرين بالانتحار

لأن هم راح تموتين وهم راح تروحين لنار جهنم

وما راح تحصلين شي

بوية هااي الروح مو ملكج هااي ملك رب العالمين هوة يطيهة وهوة ياخذهة .....

من يحجي حسيت بتأنيب الضمير واتندمت على السويتة

ضل يحجي وبعدين كال

أبو صالح.. بوية انتي ليش هيج سويتي ضوجوج بشغلة كولي اني بضرهج يبوية

من كالي هيج كلت بلكي أخلص من سعدية ومن أولاد عمي و من هذا الي يردون يزوجزنياه كلت خلي احجيلة كلشي بلكي اللة يسعادني

سليل.. عمو اني من يوم الماتوا أهلي ما شفت الراحة من يوم الكعدت يمهم و همة يعاملوني مو زين بس اتحملت و كتمت بكلبي

و ادري اكو رب العالمين الي يأخذ حقي منهم بس اليوم وصلت حدها و بعد ما أتحمل

و قررت الحك أهلي واخلص من عمي واولادة يريدون يزوجوني غصب و عمتي انطتني تلفون وطلبت مني اضمة

لأن مرت عمي سعدية ما راح تخلي عندي و اليوم شافت عندي التليفون و اتهمتني بأخلاقي

وابن عمي يكللها هوة بس هل الاسبوع و نزوجها يعني عمو شنو تريدني تسوي عمو ترة حكم القوي على الضعيف واني تعبت ومليت

شفتة انصدم وضل ساكت دقايق يلة حجة

أبو صالح.. بوية لا تخافين اني من اجيت و كتلج اني بضهرج يعني اني بضهرج لا تشيلين هم راح اخلصج منهم

■■■■■■■■■■■■■■■■■■■

صالح.. خير بوية شكو

أبو صالح.. بوية بت أخو أبو حسين بالمستشفى وحالتهة خطيرة ويردولهة دم

صالح.. اي

أبو صالح.. زمرة دمهة O ومالكولهة متبرع

صالح.. بوية اني O

أبو صالح.. اي يبوي كتلة راح نجيك وصالح يتبرعلهة

صالح.. انشاللة بوية ، شوكت نروحلهم

أبو صالح.. هسة بس خلي نكمل اكل

صالح.. اللة كريم بوية

كملت اكل وصعدت لغرفتي غيرت ملابسي ونزلت ورحنة لبغداد

وصلنة للمستشفى وخابرنة أبو حسين طلع النة

وصلنة للغرفة لكينة اكو شرطة يم باب الغرفة

أبو صالح.. خير أبو حسين ليش اكو شرطة

أبو حسين.. واللة يابو صالح سليل حاولت انتحرت ويريدون يحققون وياهة

أبو صالح.. شنو ياللة بدخلك ليش تنتحر

أبو حسين.. البت تسودنت وحيدهة تسولف وتضحك واكيد شافتهة حرمتك شسوت من اجت الأربعين

ومتخبلة علينة وهااه شوف جنت يمكم وخابروني كلولي محاولة متنحر

وهااي الشرطة يريدون يحققون وياهة لأن هااي قضية انتحار

أبو صالح دخيلك خلصنة منهم راح ننفضح

أبو صالح.. ولا يهمك

راح ابوي حجة وي الشرطة وراحو

شوية واجت ممرضة اخذتني للغرفة سحبولي الدم

ومن خلصو جابتلي عصير لان ضغطي نزل

طلعت من الغرفة ودكت علية نجلاء

نجلاء.. ياللة شوكت تجون

صالح.. مانجي لليل

نجلاء.. وليش

صالح.. ترة بت أخو أبو حسين بالمستشفى وحالتهة خطيرة شلون نعوفة وحيدة

نجلاء.. اي انتة شعليك ترة ابوك الشيح مو انتة

صالح.. اي حتى لو غير اني ابنة الجبير

نجلاء.. صالح كتلك تعال

صالح.. لا تلحين نجلاء

نجلاء.. صالح اني حامل

صالح.. شنوووو

من سمعت هذا الخبر صدك فرحت من كل كلبي وأخيرا راح اصير آب صارلي خمس سنين منتضر هااي اللحظة

نجلاء.. اي حامل وهسة ياللة ضل يم ابوك بعد سلامة

صالح.. اللة وياج

سديت التليفون منها ورحت لابوي

صالح.. بوية باركلي

أبو صالح.. مبروك بوية بس على شنو

صالح.. راح تصير جد

بينت الفرحة على وجه ابوي

كبل شبكني

أبو صالح.. الف مبروك بوية يتربة بعزك

صالح.. رحم اللة والديك يالغالي .

ضلينة بالمستشفى للعصر واجت الممرضة وكالت صحت البنية

أبو صالح.. أبو حسين من رخصتك اريد اطب لغرفة لبنية واحجي وياهة شوية

بين على وجة أبو حسين الخوف والتوتر حسيت اكو شي ،ضل ساكت فترة و بعدين كال

أبو حسين.. أبو صالح خاف مايقبلون

أبو صالح.. احجي وياهم بلكي يقبلون

أبو حسين.. براحتك خوية شتريد تسوي سوي

راح ابوي وحجة وي الدكتور وقبلو يطببو

من وافقو أبو حسين زاد توترة

راح ابوي شوية وطلع وشكلة مايتوصف

مبين مقهور اني اعرف ابوي من ينقهر

راح كبل وحجة وي أبو حسين

ضلو يتناقشون شوية وبعدين اجة يمي

اني مارحت يمهم جنت دايخ لأن سحبو مني هواي دم

صالح.. خير بوية شكو

أبو صالح.. بوية البت منتحرة لأن يريدون يزوجوهة

صالح.. يعني يريدون يزوجوهة تنتحر خو تكول الهم ما تريد تزوج

أبو صالح.. بوية جابريهة هية مااريدة الرجال والرجال عمرة فوك ال أربعين سنة

صالح.. وهسة شنو تاليتها

أبو صالح.. بوية راح نأخذها يمنة كم يوم ومن تنحل السالفة انردهة لان اخاف يسولها شي وبنية يتيمة وبركبتنة

صالح.. اللة كريم بوية روح جيبها وإني راح اتانيكم بالسيارة

راح ابوي طب لغرفة البنية وانة طلعت للسيارة تأخرو ياللة اجو .....

■■■■■■■■■■■

طلع عمو من الغرفة وشوية واجة

سحب الكرسي وكعد مقابيلي

أبو صالح.. بوية حجيت وي عمج وطلع الولد عمرة فوك ال 40 سنة

من كلي عمرة فوك الاربعين سنة جانت صدمة حياتي

أبو صالح.. ومزوج ورادج الرجال الزوجة الثانية

سليل.. لا عمو دخيلك ما أريدة حباب

أبو صالح.. بوية اني أريد اخذج يمي لبيتنة لحد ما تنحل السالفة وارجعج انتي موافقة

فكرت بسرعة وجاوبتة

سليل.. اي شي موافقة علية بس المهم أخلص

أبو صالح.. راح اكول لعمج لأن اني ماكتلة حتى أخذ رايج واشوفج موافقة

سليل.. أي عمو موافقة بس خلصني اللة يخليك

أبو صالح.. ياللة بوية رايح اكول لعمج واخذج

طلع من الغرفة وإني احس الحياة رجعتلي يعني ما راح ازوج الحمد للة شوية واجة نفس الرجال ويا ممرضة

أبو صالح.. ياللة بوية طلعي جبتلج هااي الممرضة تساعدج وتنبهج على كم شغلة

اجت الممرضة يمي

- حبيبتي جرحج سبوع وتفتحين الخياطات واكو مراهم بهاي الوصفة كتبهة الج الدكتور

ديري بالج يلتهب الجرح

المي مايوصلة و........

ضلت تنطيني كم نصيحة وبعدين وخرت بطل الدم لأن خلص ضليت شوية نايمة بعدين كومتني انطتني عصير شربتة وطلعنة وهية وياي

من طلعنة لكيت عمي واكف ومعصب

من شافني خنزر علية ردت اطلع سمعت صوت

فارس.. أبو صالح اني ما موافق تأخذ بتنة وياك

أبو صالح.. يابو حسين اذا ماتريدني اخذهة تمنع الزواج حرام عليك بنية يتيمة مايصير تسوي هيج

فارس.. يابو صالح اني مطي للرجال حجاية والسبت الجاي العرس مايصير هيج

أبو صالح.. اني سألت البنية وموافقة تروح

ضل يباوعلي ومخنزر كأنو يكلي رفضي

استجمعت كل قوتي وكلت

سليل.. اني أريد اروح ويا

استندت على الممرضة ومشينة سمعت صوتة ورانة

فارس.. سليل اذا رحتي اني متبري منج إلى يوم الدين ........

●●●●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت الثالث عشر

للكاتبة#زينب البديري 💡

الرحمة والخلود لشهداء مستشفى ابن الخطيب💔

اللة يصبر اهلهم😔💔

______________________________________

فارس.. سليل اذا رحتي اني متبري منج إلى يوم الدين

من سمعتة هيج حجة التفتت علية مصدومة

سليل.. شنو

ابو صالح.. هدي ياابو حسين

فارس.. سليل اذا طلعين منا بعد ما عدجج اهل ولا نعرفج ولا تعرفينة

جمعت كل قوتي وكلت

سليل.. بكل وقاحة تسمون نفسكم اهل

اي اي اني ما اريدكم ولا ميتة عليكم

بنية جبيرة واعرف شلون اتصرف وحدي

ماالي بحاجه لواحد

فارس.. ولج لزمي لسانج واحجي عدل لا اجي اكصة

درت وجهي للجهة الثانية

جنت ماخايفة منة لان حسيت اكو شخص بضهري وساندني

اجة عمي راد يضربي بس الرجال وكف بوجه

ابو صالح.. ابو حسين كافي كتلك راح اخذها يمنة من تنحل السالفة نردهة الكم واحنة موغربة وبأماني

فارس.. ابو صالح ما تشوف لسانها شطولة

ابو صالح.. امسحها بوجهي تعنيتلك من النجف

وهية هم بعدها صغيرة ولا تنسى انتو هواي ضلمتوهة وهاي شغلة ثانية وعليها كعدة

وتفاهم

لان بنية يتمة وخطيتهة بركبتنا كلنة

لان احنة ننحسب اهلها وناسهة

واذا احنة نضلمهة شنترجة من الغريب

لتريد تطيهيا ...........

ضل يسولف ويا وعمي مصر بقرارة اخر شي شفت الرجال عصب

ابو صالح.. كافي لهنا وسد النقاش البنية موافقة تروح ويانة وبعد يومين تجي انتة وأخوك ونشوف النة حل وهية راح ضل بيتي و بأمانتي

وهسه اودعناكم

مشة واني ورا مستندة على الممرضة

-اللة يعينج ويصبرج

سليل.. ياللة😢

ضليت نمشي على كيف لان اني دايخة من صعدت و بالمصعد رد احاجي الرجال لان اني مااكدر اروح وي شخص غريب وما اعرفة وماادري وين رايحة اصلا

سليل.. عمو من نطلع اني بطريقتي وانتة بطريقك

من حجيت هيج التفت علية منصدم

ابو صالح.. شنو بابة انتي شتحجين

سليل.. اي عمو اريد اروح لمكان بعيد مايلكوني بي

ابو صالح.. تريدين تنهزمين واني أخذتج يمي

سليل.. اي لان اكيد راح يرجع يأخذني واني ما اريد اضل يمهم

اني جبيرة واكدر اعتمد على نفسي اشتري بيت واكعد بي

ابو صالح.. بوية ترة الكول مو مثل الفعل

سليل.. عمو شسوي بعد ما اتحمل واللة

نزلنة من المصعد وسكت شوية لان جان اكو عالم ومن مشينة كام يحجي

ابو صالح.. ديري بالج هيج تحجين تدرين لو حاجية هواي الحجاية كدام واحد غيري جان هسة نقرة عليج الفاتحة

وهاييي السالفة طلعيهة من بالج

كتلج راح احل السالفة

وسئلتج ووافقتي

بعد شكو تحجين هيج

ضليت ساكتة ما حجيت بس أشرتلة براسي اي كملنة الطريق ومن طلعنة من المستشفى لكبتة سيارة بالباب راح الرجال صعد واشرلي اجي رحت والممرضة ساعدتني لان جانت السيارة عالية واني يدية يوجعني

سدت الباب وراحت

مشت السيارة

واني حاطة راسي على الجامة وافكر شراح يصير

ضليت افكر إلى أن نمت مادري بنفسي كعدت على صوت

ابو صالح.. ياللة بوية كومي وصلنا

فتحت عيوني شفت نفسي بالسيارة باوعت لجهة اليمين شفت خضار يخبل درت وجهي على الجهة الثانية شفت حايط باوعت كدامي طلعت مرة

ام صالح.. الحمد لله على السلامة تعاي يمة طبي البيت بيتج

ضليت صافنة بوجهة وبعدين ابتسمت

ردت انزل من السيارة ضغطت على يدي الي مجروحة وصرخت من الوجع بس صرخة مو كلش عالية يعني بس القريب يسمعها

ام صالح.. اسم الله عليج تعاي يمة اني اساعدج لا تأذبن نفسج

نزلت من السيارة بمساعدتهة

جانت ريحة دم وعباتي من جهة يدي المجروحة كلها دم وحتى ملابسي متروسات دم

طبلتني جوة بغرفة واجن ثنين بنات وراهة

سليل.. شكرا خالة

أم صالح.. العفو يمة

اخذي راحتج البيت بيتج رايحة اجيبلج لكمة تاكليهة

راحت واني ضليت كاعدة انتجيت على الحايط وحطيت يدي على راسي لان يوجعني كلش

شوية واجت هااي المرة وجايبة بيدها علاكة

ام صالح.. هاج يمة جبتلج شي تلبسي لان ملابسج كلهن دم

كلش ستحيت منها من جابتلي الملابس حسيت بشعور غريب

سليل.. خالة ليش تعذبين نفسج

أم صالح.. خالة لا عذاب ولا هواي احنة كل سنة نروح لإيران اني والحجي ونجيب صوغات ونوزعهن على الكرايب والاهل والي يزودن نضمهن للسنة الوراهة هواي وحدة منهن كومي وخلي تبارك وزمن يساعدنج

أم صالح..(صاحت) تبارك..... زمن

تبارك.. ها يمة ترة احنة هنا يمج

ام صالح.. تعالن ساعدن البنية خلي تطب تسبح

زمن.. اي ماما

تبارك.. حاضر

أم صالح.. يمة هاي تبارك (وأشرت على تبارك)

وهاي زمن (وأشرت على زمن)

ياللة اخذي راحتج

زمن من تكملن صيحلي اجيب الجن الاكل

راحت واني افرق بعقلي بين معاملتها وياي ومعاملة سعدية

اجن تبارك وزمن

استندت عليهن وكمت

طببني للحمام

تبارك.. ياللة

سليل.. شنو

تبارك.. ملابسج كلهن دم نزعيهن

سليل.. وكدامجن

زمن.. اي احنة نساعدج خاف ماتكدرين

سليل.. لا لا اني انزعهن انتن روحن

تبارك.. امي كالت ساعدنهة بالسبح

سليل.. شنو لا ما اريد اسبح

تبارك.. ترة ملابسج كلهن دم واكيد جسمج كلة دم

سليل.. مو موزين على يدي المي

تبارك.. هسة شبيهة يدج

سكتت ما حجيت هية هم بسرعة طلعت من الموضوع

تبارك.. هسة شلون

سليل.. شكو

تبارك.. ياللة بسرعة خلي نكمل

سليل.. شنكمل

زمن.. تبارك تعاي خلي نزعهة سالفتهة طويلة

اجت هية وتبارك ونزعني البدي الي جنت لابستة

سليل.. حبابات على كيفجن يدي توجعني

زمن.. عزة هاي شنو

سليل.. باوعت على نفسي لان شفتها منصدمة

شفت الدم على بطني كلها والجهة مال ايدي المجروحة كلة دم

سليل.. كافي عفية اني اكمل

تبارك.. حبيبتي لاتستحين منة ترة كلنة بنات وباجر مو انتي اني

وهسة يلا لازم هسة انساعدج

شكد عجبني حجيهن واسلوبهن وشلون خلوقات ومؤدبات

سكتت ما حجيت و هنة خطية سبحني بس اني كلساع صايحة من ورة يدي

ماقربت المي على يدي خفت تلتهب

كلملت ولبست البس الي جابتة المرة جان تراك رياضي البدي اسود والبجامة رصاصي كلش حلو ومريح

طلعت من الحمام وتبارك لازمتني سمعت صوت رجال باوعت شفتة دار وجهة وكال" ياللة فضنهة"

مشينة بسرعة و طبينة للغرفة

تمددت شوية وطبتت المرة صينية

ام صالح.. ولجن تعالن اخذنهة مني

كامت تبارك اخذت الصينية وحطتهة كبالي

ام صالح.. خالة يكول ابو صالح اكلي هواي لان موزين عليج

سليل.. واللة ما أشتهي مسدودة نفسي

ام صالح.. حتى لو اكلي

زمن.. صدك جذب هسة احنة نكعد وياج ونفتح شهيتج

كمنة نضحك واجت زمن كعدت وصاحت تبارك وهم اجت

زمن.. اكلج ياللة اكلي حبابة علمودي لان ميتة جوع

تبارك.. خرب هم جوعانة ماشبعين

زمن.. يمة دخيلك ربي عين البت تنبت صلي على محمد لا تحسديني .......

ضلن يضحكن ويسولفن صدك يسون واهس للاكل من كملنة اكل

زمن.. الحمد الله شبعت

تبارك.. عود لا شتردين تعاي انتي شيلي الصينية

زمن.. اني كمت قبلج انتي تشيليه

تبارك.. بس اني اكبر منج وصغيرهم خادمهم

زمن.. اللة كريم

كالت هيج وطلعت وسدت الباب

تبارك.. و اللة هيلك اني أعلمها

اخذت الصينية وراحت بعدين اجت شغلت التلفزيون وكامت تباوع شوية وطبت زمن للغرفة وفتحت الباب حيل

زمن.. ولج..

■■■■■■■■■■■■■■■■■■■■■■■■■

ح ابوي طب لغرفة البنية وانة طلعت للسيارة تأخرو ياللة اجو اول ما اجة هوة والبنية مشيت بالسيارة

الهم صعدو بالسيارة ومشينة

هية جانت كاعدة وراي حطيت المراية عليها واباوع الها وجهة اصفر كركم ومبين مهمومة كلش

انقهرت عليها كلش بنية بعمر الورد وشايلة هلكد احزان

شوية ونامت

نص الطريق وابوي خابر امي كاللها راح نجي ويانة بنية

سولفلهة سالفتة وكاللها لا تكولين لواحد

وكفت افول بانزين للسيارة نزلت من السيارة وصارت عيني عليها هية ونايمة

فولت بانزين وردت اطي فلوس للعامل لكيتة صافن عليهة

صالح.. خير بوية اكو شي تباوعلة

-ها لا لا

صالح.. جا شبيك صافن

-ماكو شي

صالح.. هاا عبالي جان هسة انهيك

اخذت يدة وحطيت الفلوس بيدة وكتلة

صالح.. بعد لاتعيدهة مرة ثانية

صعدت بالسيارة ومشينا

وصلنة للبيت وطلبت السيارة للطارمة حتى تنزل براحتهة

طبيت جوة حتى تاخذ راحتها اكثر

من طبيت صحت امي تطلعلهة وصعدت للغرفة لكيت نجلاء كاعدة

نجلاء.. هلا عيني نور البيت بوجودك

صالح.. نجلاء بروح لحسين مالي خلكج روحي طالعة

عفتهة وطبيت للحمام سبحت وطلعت

دك علية شهاب

شهاب.. سلام عليكم شلونك ابن العم

صالح.. هلا واللة زين انتة شلونك عمي شلونة كلكم شلونكم

شهاب.. زينين على حطت يدك

صالح.. ولك جا غير تباركلي

شهاب.. عليمن

صالح.. ولك راح تصير عم

شهاب.. اللهم صلي على محمد وال محمد صدك

صالح.. اي والله ههههه

شهاب.. يتربة بعزك يالغالي

صالح.. يوم ال الك وافرح بيك

شهاب.. رحم اللة والديك ما تقصر

صالح.. ولك تعال اليوم باليل انتة والولد

شهاب.. اللة كريم

صالح.. جا انتة شبيك شو احسك مضايك

شهاب.. ها لا مابية شي

صالح.. انشا الله مابيك الا الخير

شهاب.. مشكور خويه

ياللة في أمان الله خلي اروح

صالح.. اللة وياك

سديت الخط منة ونزلت جوة جوعان صحت تبارك

اباوع الكي هاي البنية طالعة من الحمام

درت وجهي وكتلهن ياللة

رحت للمطبخ شفت امي تسوي اكل كتلهة تصبلي

صبتلي اكلت وصعدت فوك

طب يا للغرفة شفت نجلاء تباوع لبطنهة

صالح.. شبيج

نجلاء.. صالح حباب ما اريدة ........

●●●●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت الرابع

للكاتبة #زينب البديري 💡

___________________

طبيت يا للغرفة شفت نجلاء تباوع لبطنهة

صالح.. شبيج

نجلاء.. صالح حباب ما اريدة اني ما أريد جهال

صالح.. انتي شتحجين

نجلاء.. صالح ما أريد جهال

صالح.. وليش

نجلاء.. مااريد

صالح.. نجلاء هية مو لعب زعاطيط

تصرفاتج ابد ما تعجبني

احجي ليش ماتريدين جهال

صار النة 5 سنين مزوجين وماتريدين جهال

شنو السبب

نجلاء.. صالح ما أحب الجهال

صالح.. استغفر اللة

شوفي نجلاء والله العظيم اذا حاولتي ولو مجرد محاولة توكعين الطفل لو تسويلة شي راح اندمج

نجلاء.. مو بكيفك

صالح.. بابة ترة انتي مو زعطوطة لو مراهقة هذا رزق من ربج العالم تتمنى جاهل واحد وانتي اول واحد تردين توكعي

المهم حذرتج وتعرفين العواقب انتي

عفتهة وطلعت من البيت رحت لشط الكوفة انة أحب اكعد هناك

رجعت للبيت بالليل لكيت شهاب يمنة

■■■■■■■■■■■■■■■■■■■■

اخذت الصينية وراحت بعدين اجت شغلت التلفزيون وكامت تباوع شوية وطبت زمن للغرفة وفتحت الباب حيل

زمن.. ولج تبارك شهاب اجة ويصيحج

تبارك.. خير شيريد

زمن.. مادري ولج بس مبين علية معصب

تبارك.. خير انشاللة

راحت تبارك واجت زمن يمي

كعدت ورة تقريبا ربع ساعة اجت تبارك تبجي

زمن.. ياا ولج تبارك شبيج

تبارك.. ولج (تحجي وتبجي)

زمن.. شصار

تبارك.. شهاب يكول البارحة اجا أحمد وكايلة عندي علاقة وي تبارك

زمن.. شنووو ويا أحمد هذا

تبارك.. اني هم كتلة هيج من كلي أحمد

زمن.. اي منو

تبارك.. شبيج ابن خالي علي

زمن.. ياا وهذا شودا علينة

تبارك.. مادري مادري

يعني هسة مالكة إلا تبارك

زمن.. كبر ذولة شبيهم

تبارك.. عزة واللة فشلة من شهاب

زمن.. اي واللة لو اني منة اروح اكسر رجلية

تبارك.. هوة كال راح اروحلة باجر اني ومهدي نكتلة كتلة زينة وخلي بعد مايحجي هيج

زمن.. اي واللة يفوخون كلبي

ضلن يسولفن وإني نمت كعدت الصبح خالة جايبة الريكوك وتكعد بية

أم صالح.. خالة كومي راح يجي الغدة وانتي مامتريكة

كمت بلكوة من مكاني

سليل.. خالة شوكت اروح

أم صالح.. خالة شنو السالفة ترة احنة اهلج

ابوج طفولتة كلهة كضاهة هنا

سليل.. شنو

أم صالح.. اي واللة جدج يصير ابن عم أبو صالح

وابوج جان الصغير ودائما يمنة بس من شالو لبغداد كام يجي قليل ومن ازوج امج اصلا بعد مايجينة

سليل.. ليش

أم صالح.. واللة مادري يخالة

ياللة هسة كومي اكلي مو زين عليج

كمت اكلت وهية تسولف لي على أيام قبل وابوي شجان يسوي من جان صغير

سليل.. خالة انتي جنتي مزوجة عمو

أم صالح.. لا بس احنة جنة كلنة سوة عايشين وذاك اليوم ياللة طلعو كل واحد بيتة من عرسو

سليل.. اللة يخليكم لبعض

خالة اليوم يجي عمي

أم صالح.. اي خالة اليوم يجي

سليل.. هاا

أم صالح.. خالة اليوم اخذي راحتج بالبيت الولد كلهة راحت ويرجعون العصر

راحت خالة واجن تبارك وزمن

زمن.. ولج تبارك خلي نسوي كنافة

تبارك.. اي واللة نحتفل بنصرنة

وبالكتلة مال أحمد

زمن.. هههه أي واللة

تبارك.. سليل ما تكومين ويانة

سليل.. لا مابية حيل

زمن.. دكومي ليش تكأبين بنفسج

اجت جرتني من يدي

زمن.. كومي بس اكعدي يمنة

سليل.. أخ ولج يدي

تبارك.. لا تخافين مابيهة شي

كمت وياهن للمطبخ بس كعدت وصفنت وهنة يسولفن ويطبخن اجت أبنية اول مرة اشوفهة

نجلاء.. شكاع تسون

تبارك.. كنافة

نجلاء.. هاا

اجت كامت تباوعلي

نجلاء.. منو انتي

زمن.. سليل

نجلاء.. كاعدة احجي وياهة مو وياج

زمن.. حاجي سليل عدل مو تشمرين بالحجي

سليل.. كافي زمن

حبيبتي اني اسمي سليل البارحة اجيت

نجلاء.. هاا انتي الي كالت عليها عمتي

سكت وهية دارت وجها وراحت فتحت الثلاجة وأخذت مي وصعدت فوك

تبارك.. سليل معليج بيها هااي

سليل.. خير شبيهة

تبارك.. تسوي مشاكل

سليل.. هففف

يربي وين ما اروح لازم اكو واحد يسوي مشاكل رحت للغرفة بس يدي بعدهة توجعني وخاصة هنة مو بس جرح ثلاثة وملفوفة

اجت تبارك

تبارك.. سليل شبيها يدج

سليل.. مجروحة

تبارك.. امي دزتني اعقمهة الج

سليل.. يي حبابة تعالي

اجت من شافتهة بينت عليها الصدمة

تبارك.. ولج سليل هاي شنو شمسوية بنفسج

سليل.. تبارك غلطت من سويت هيج وكلش ندمانة على الشي الي سويتة

تبارك.. دياللة خلي اعقمة لا يلتهب

بدت تعقمة بس اني متت من الوجع حتى كمت ابجي

تبارك.. تحملي نتيجة افعالج

سليل.. على كيفج حبابة

تبارك.. مابقى شي

كملت ولفت الجرح وراحت اني نمت كعدت العصر

خالة جلبتلي اكل بس ما اكلت لأن ما أشتهي

المغرب اجو عمامي واولاد عمامي

ردت اطب بس عمو ماقبل

المهم ضليت كاعدة واسمع ساعة هدوء يحجون وساعة صياح

وبالصياح صوت حسين أكثر شي واضح

ضلو تقريبا ساعتين بعدين راحو

اجة عمو وحاجاني

أبو صالح.. بوية سليل راح ضلين هنا سبوع

سليل.. شنو وليش

أبو صالح.. بوية على مايحلون السالفة يجون وياخذوج

سليل.. اوكي

من كتلة اوك ضل صافن بوجهي وبعدين كال لخالة

أبو صالح.. أم صالح عكب باجر راح نسوي عزيمة نصالح شيخين متخاصمين حضرو روحكم

أم صالح.. انشاللة أبو صالح

طلع عمو من الغرفة وين حطيت راسي على المخدة ودرت وجهي وضليت ابجي لأن مشاقة الأهلي

زمن.. سليل

درت الها وجهي

شبكتني

زمن.. كافي ليش تبجين كلشي ينحل

سليل.. أوف أوف لنكسر مايصلح شيرجعلي اهلي وايامنة الحلوة

زمن.. كلشي يهون رب العالمين راح يعوضج

ضليت ساكتة

زمن.. سليل ما تكومين نطلع للحديقة نتونس شوية

ماهمة الولد كلهم بيت عمي

سليل.. مالي خلك

زمن.. كومي حبابة

كمت وياهة ردنة نطلع شفنة تبارك زمن صاحتهة وطلعنة سوى

كعدنة بالحديقة وحجبنة وتعرفنة على بعض

زمن.. شكد عمرج

سليل.. مابقى شي على 19

زمن.. اني 13

تبارك.. وإني 15

زمن.. كلنة بالطعشات ههههه

سليل.. هههههه

تبارك.. سليل انتي ليش ضحكين قليل وماتحجين هواي

سليل.. لا واللة انتي ما شايفتني قبل كلة اسولف واضحك وأهم شي العرك اذا ما تعاركت يوم وي اخوي احسة مايمر على خير

تبارك.. شكبرة اخوج

سليل.. 24 اللة يرحمة

تبارك.. برحمتة الواسعة

زين هسة ماترجعين مثل قبل

سليل.. (أخذت نفس وكالت)بمرور الزمن انشاللة

ضلن يسولفن وإني صفنت أذكر سيف مرة تعاركنة وهوة ضربني باصبعي الصغير كلش تأذيت بوقتهة من نام جبت جادر مال صلاة ابيض وغطيتة بي

من كعد كلي شنو هااي

كتلة هذا كفنك شوكت تموت واخلص منك

اتذكرت وبجيت بكل حركة

يعني اني جنت اتمنالة الموت وهسة بس أريد اشوفة لحضة

أتذكر مواقفي وي امي وابوي ومن يدافعون عني

تبارك.. سليل كافي لاتبجين ليش تخربين الكعدة

مسحت دموعي وكلت

سليل.. مااكدر مو بيدي

زمن.. هف امشن خلي نطب جوة جعت اني

تبارك.. 😒

رحنة طبينة جوة وجابن اكل اكلت شوية وتمددت

هنة نامن من خلصن وإني الليل كلة كاعدة

من صار الصبح اجت خالة كعدتهن حتى ينضفن لأن باجر عدهم عزيمة

كامن سون ريوك واجن اكلنة سوة وبعدين راحن ضليت وحدي شوية واجت زمن

زمن.. سليل كومي ويانة ليش كاعدة وحدج محد بالبيت بس بنات

كمت وياهة شفت اكو بنات اول مرة اشوفهن اخذتني زمن تعرفني عليهن

زمن.. هااي رسل بت عمو أبو شهاب

وهاي فاطمة بت عمو أبو مهدي

وهاي زهراء أخت رسل الجبيرة

وهاي زوجة عمار اريج قبل ثلاث أيام جان عرسهم

سليل.. تشرفنة حبيباتي

رسل.. النة الشرف حبيبتي

زهراء.. النة الشرف

أريج.. النة الشرف حياتي

ردن بس فاطمة دارت وجهة وراحت وباوعتلي صفح

أريج اول مرة اشوفهة مع انو اني يمهم صارلي كم يوم

سليل.. زمن هااي شبيهة

زمن.. حالة نفسية معليج بيهة يمكن لأن أحلى منها

سليل.. شكد سخيفة

زمن.. واللة شبيج

سليل.. دروحي نضفي

زمن.. انتي هم

سليل.. اني يدي توجعني

باوعتلة صفح وراحت ضليت كاعدة واباوع الهن

اجت فاطمة لزمتني من يدي المجروحة

فاطمة.. كومي بدالي اني تعبت

سليل.. اخخخ عوفي يدي

هدت يدي

فاطمة.. شبيهة يدج

اجت تبارك وجاوبتهة

تبارك.. معليج انتي

فاطمة.. اكلج انتو شنو هل الشكول الي ملفيهة

تبارك.. فاطمة لا تخليني اسحلج امشي ولي

هزت يدهة وراحت

كلش حزب بكلبي حجايتهة

تبارك.. سليل معليج بيها هااي حتى ويانة هيج صافة هية ونجلاء

باوعتلهن هية ونجلاء يباوعلي ويضحكن علية ماهتميت الهن

شوية واجت مرت من يمي وكالت

فاطمة.. منتحرة شنو خانج حبيبج

سليل.. شتحسين حبيبتي

نجلاء.. ولج لاتردين بوجهة ترة هسة اشمرج كالكلب منا

تبارك.. هاا نجلاء صفينة

زمن.. ولجن لا تحجين وياهة هيج

فاطمة.. ولج انتي معليج اسكتي

عفتهن ورحت للغرفة وكمت ابجي اجت تبارك وزمن هدني

صار ثاني يوم العالم مخبوصوة من الصبح وزلم هواية وذني كلساع يذبن حجاية والنسوان كلها تباوعلي وتسأل منو هااي

بعدين رحت لغرفة نمت كعدت باليل ميتة عطش ما اكو مي

ريكي ناشف

حاولت اكعد وحدة من البنات بس ماكعدن طلعت من الغرفة على كيف ورحت للمطبخ شفت نجلاء من شافتني خترعت

سليل.. آسفة مو قصدي

نجلاء.. شطلعج من الغرفة

سليل.. عطشت

نجلاء.. اخذي مي و طلعي بسرعة

أخذت مي وشفتهة مدري شنو حاطة ............

●●●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت الخامس عشر

للكاتبة #زينب البديري 💡

___________________

نجلاء.. اخذي مي وطلعي بسرعة

أخذت مي وشفتهة مدري شنو حاطة ماهتميت عفتهة ورحت للغرفة

ضليت كاعدة مانمت إلى أن صار الصبح كعدت على صوت تبارك تكعد بية علمود نتريك سوية

تبارك.. ولجن سليل زمن كومن تريكن سويت ريوك خل نأكل سوة

زمن.. شعدج مغبشة من صباحيات الله

تبارك.. ولج يا صباحيات الساعة ب10 ونص يلة كومن لأن امي كامت تصيح و وطاحت الرزالة براسي

سليل.. يالله شكو من الصبح تتعاركن

تبارك.. صباح الخير عيني يلة كومن اكلن

سليل.. صباح النور

زمن.. مو هستوج تكولين يا صبح بس يلة عود صباح النور

تبارك.. مو صوجج صوجي اني احترمتج

تريكنة اني والبنات و زمن شالت الصينة من بعدت ما تعاركت هية و تبارك والله هل بنات علاقتهن بعضعن كلش حلوة وحبابات

مر الوقت وإني والبنات نسولف سوة وسولفلي على ابن خالتهن أحمد الي حاجي على تبارك و كايل عندي

علاقة وياهة لابن عمها شهاب والي فتهمتة هنة ما عدهن علاقة بأحمد و ما بينهم غير السلام لأن أولاد

خالها سمعتهم مو حلوة و ابن عمها شهاب رايح و ضاربة و متعاركين بس هل الكلام ما واصل لاخوانها

وإني هم سولفتلهن على كلشي الصار بية بيت عمتي و عمي لحد ما صار وقت صلاة الضهر صلينة و بدينة نحضر للغدة كمت ساعدت البنات و اجت نجلاء مرت اخوهم تباوعلي صفح اليشوفها يكول أعرفها و مأذيتها بشي بس اني هذا حضي كل مكان اكعد بي لازم اكو أحد مو زين و يسوي مشاكل كملنة غدة

شوية وطبت حجية جبيرة بالعمر أعتقد بيبيتهم و جانت مستندة على أم صالح سلموا عليها الكل وانتبهت لنجلاء تسلم عليها من ورة خشمها

اني هم رحت سلمت عليها

أم سلمان.. منو هاي البت الحليوة

أم صالح.. عمة هاي بت احمد ابن كاضم الله يرحمة سليل

أم سلمان.. هاي بنيت الغالي تعاي يبيبي لحضيني شلونج يحبيبة

سليل.. الحمدلله بيبي انتي شلونج

أم سلمان.. بخير يحبيبتي دامج انتي بخير

أم سلمان.. ها ولج نجول كالولي حبلة

نجلاء.. اي حبلة عدج مانع

أم سلمان.. أو كش من هااي الخلقة امشي ولي ما اردن اشوفج

كامت نجلاء طلعت برة

أم سلمان.. تعاي اكعدي يمي (جانت تحجي وتباوع لسليل)

خفت من كالتلي تعاي يمي خاف هم ترزلني لو تحجي علية كمت يمة

سليل.. هاا بيبي

أم سلمان.. تعاي كعدي يمي

رحت كعدت يمهة ضلت تباوعلي وتبتسم

أم سلمان.. عمي شنهل الجمال

ضحكت من كالت هيج

اجت نجلاء تريد تطلع مبينة لأن لابسة عبا

نجلاء.. راح اروح لبيت أهلي

أم سلمان.. روحي روحة بلا ردة

باوعت البيبي صفح وراحت ضلت تحجي علية بيبي

لأن باوعتلهة هيج  كامت تبارك ردات تطلع

أم سلمان..(تمد رجليها) تعاي ولج مرغيلي تعبت "يعني دلكيلي رجلية"

تبارك.. اي جاية

اجت تبارك كامت تمرغلهة وإني هم بعدين طردت تبارك

أم سلمان.. امشي ولي تمرغلي من ورة خشمها أم الوصخ

كامت تبارك وكلتلي

أم سلمان.. عفية بنيتي

ضلت تسولف وياي وسولفلي على ايام قبل إلى أن صار العصر

مرت الأيام وبقة يوم وارجع لبيت عمي

علاقة وي تبارك وزمن كلش حلوة

وي خالة هم هية كلش حبابة

وي مرت عمار هم لبنية ما تدخل بواحد وحبابة

أما بيبي فكلش حبابة وياي وماتقبل علية بأي شي وماتقبل واحد يزعلني

أما نجلاء بعدهة بيت اهلهة وماجاية

مبينة هية و بيبي علاقتهن مو خوش

بهذا اليوم اجت فاطمة بت عم تبارك وزمن

عمو صاحني لأن ماجان اكو ولد حتى اكعد يمهم

اجت فاطمة وكامت تصيح علية

■■■■■■■■■■■■■■

صالح..

عفتهة وطلعت من البيت رحت لشط الكوفة لأن أحب اكعد هناك

رجعت للبيت بالليل لكيت شهاب يمنة هستوة صالح من البيت

صالح.. ها ولك

شهاب.. هاا ابن العم شلونك

صالح.. زين وين رايح

شهاب.. رايح لصديقي يريدني

صالح.. اهاا ياللة روح أخذ راحتك

شهاب.. في أمان اللة

صالح.. اللة وياك

طبيت للبيت بس شاك عدة سالفة لأن شهاب واعرفة

رحت صعدت للغرف شفت نجلاء نايمة حطيت راسي ونمت

طلعت ثاني يوم من الصبح رحت لكربلاء زرت وعزمني صديقي لبيتة خابرني ابوي الضهر حتى اجي لأن عمام البنية راح يجون ونشوف حل لسالفتهة من عرفني بكربلاء عافني وكلي لاتجي

اني هم ما رفضت لأن اريد أريح بالي من المشاكل

طلعت العصر هم رجعت زرت ورجعت للبيت وصلت المغرب للبيت

سلمت على أهلي وابوي كالي راح تضل البت يمنة سبوع وعمهة راح يحل السالفة ويجي ياخذهة

صعدت للغرفة حطيت راسي ونمت

صار الصبح كعدنة بسرعة الوكت مشة منا سالفة منا سالفة وخلص الوقت تغدينة

وبعدين واجت بيبيتي جانت بيت عمي أبو شهاب احنة بيوت عمامي كلنة نفس الشارع بس مو بيت بصف بيت

من اجت نجلاء طنكرت ورادت تروح لهلهة وديتة ورجعت للبيت اجو ناس للمضيف يسلمون علينة واجة ناس وراهم حلينالهم طلابة

مرت الأيام بيوم جنت كاعدة دكت علية أم نجلاء تكول بالمستشفى

رحت بسرعة للمستشفى

سائلتهم كالو طرحت هنا مادري شصار بية اتخربطت احوالي سئلتهم عن السبب محد يجاوب

جانت اكو ممرضة تباوعلي من بعيد وشكلهة مو راحة رحت الهة كلت بلكت تكلي لأن اكيد اكو شي سئلتهة بالبداية ما جاوبت كالت إلا نطينيه رقمك ياللة تجاوب فتحت مبايل وطيتها الرقم وسولفتلي

"مرتك ماخذة شي وماجهضة "

ضليت ساكت ماحجيت اي شي رحت اخذتهة لبيت اهلهة كعدت وي ابوهة وحاجيتة

كتلة على عملتهة وإني محذرهة من هذا الشي راح صاحهة

من اجت كأنو مامسوية شي ونكرت عملتهة

صالح.. نجلاء اني مو غشيم كدامج حتى ضحكين علية كم مرة حذرتج من هذا الشي بس سويتي الي براسج و ماهتميتي

نجلاء.. صالح اني ما أريدك يعني ودوني الك هدية غصب ماعلية وضليت خمس اسنين وياك وبلكوة متحملة بيبيتك وحجيهة وانتة تريد جهال وإني مااريد جهال ولا اريدك

كلش تعبت من كلامهة كمت ردت اضربهة بس احترمت ابوهة لأن رجال جبير ووكف بيناتنة

صالح.. يعني ماترديني

نجلاء.. اي

صالح.. لعد انتي طالك طالك طالك

طلكتهة بالثلاثة وطلعت من البيت مالتهم معصب واللة شايفة بعيني

اجيت لبيتنة سمعت صوت صياح مال نسوان طبيت بسرعة للبيت

■■■■■■■■■■■■■■

فاطمة.. هااي انتي بعدج هنا شوكت تولين

أبو صالح.. فاطمة

سليل.. عوفهة عمو معليك بيهة

فاطمة.. عمي النسوان كلهة ذاك اليوم كامن يحجن شكو بنية غريبة بالبيت والبيت بي ولد طابة طالعة حتى هذا الحجي باجر عكبة يأثر علينة

سليل.. ترة باجر اروح وإني ماكاعدة يمج

فاطمة.. ولج لاتردين بوجهي

كلش تعصبت من كلامهة وسلوبهة وصياحهة

ضلت تصيح وتغلط ومامحترمة واحد وتجاوز بالكلام وإني ساكتة لأن احس مالي حق احجي وإني كاعدة بيتهم

سليل.. كملتي

فاطمة.. كومي ولي منا

سليل.. أي رايحة هسة

أبو صالح.. فاطمة احترمي لا اجي اطيح حضج

فاطمة.. عمو شكو مكعدين ناس زبالة بيتنة

هنا كلش عصبت منها

سليل.. لهنا و كافي احترمي نفسج

فاطمة.. انجبي

سليل.. ولج كافي لاتغلطين ترة كلنة عدنة لسانات ونعرف نرادد بس هم عدنة أدب وحدود وانتي نجاوزتني كل الحدود

فاطمة.. ولج انتي شايفة نفسج ترا لاعبالج كاعدة هنا ومرتاحة ترا برا اشكال الحجي عليج و...

قاطعة عمو وكال

ابو صالح..لهنا وكافي حجي حجيتو هواي وإني هسة اخذت قراري سليل راح يملج عليها الشيخ صالح حتى نسد حلوك العالم

سليل..لا مستحيل اني ماموافقة على هذا ....

فاطمة..(قاطعتها وكالت) آي انتي خرابة بيوت ماتقبلين هسة هوة انتي من اجيتي لسا حاطة عينج على الشيخ

سليل.. (تباوع لفاطمة ومخنزرة عليها ورافعة اصبعها عليها)اكلج لهنا وكافي احترمتج هواي وهوة اني شوكت شايفتة حتى احط عيني علية (دارت وجها عل الكل وكالت) اني ما أريد ابقة هنا كافي ذليتوني هواي اريد ارجع ...

فاطمة..(قاطعتها وكالت )أي ترجع هوة منو يخليج بيتة ماشفتي اهلج عافوج وذبوج علينة من ورة ......

أبو صالح.. (راح لفاطمة وضربها راجدي كدام الكل) اذا حجيتي اي كلمة زايدة على سليل راح تشوفين تصرف مايعجبج، أم مهدي تعاي اخذي بتج من كدامي لا اكضي بيها التوبة

فاطمة..عمي تضربني على مود هاااية

أبو صالح.. ضربتج لأن صايرة قليلة أدب ياللة امشي من كدامي وإني اعرف المن احجي واخلي يربيج من جديد

سليل.. (تحجي بصوت عالي) عمو اريد اروح ما ابقة هنا ولا...

قاطعني صوت كلش عالي وكال

صالح.. ولج شنهل الصوت العالي نصي صوتج لا اجي أطيح حضج

درت وجهي وباوعتلة جان شكلة مألوف احس نفسي شايفتة من قبل قاطع صفنتي وكال

صالح.. ولج شنهل الصوت العالي واصل لسبع جار

سليل.. ترة مو بس اني جنت اصيح

صالح.. هاا وتدين بوجهي

سليل.. اريد اروح

أبو صالح.. صالح باجر تجيب الشيخ وتملج على سليل

■■■■■■■■

طبيت بسرعة للبيت وإني معصب صاير نار بس أريد واحد اذب العصبية بي

جاجيت هااي البنية وكامت ترد علية بصياح ولا اكو خوف بعيونهة

كلساع اريد الطخهة راجدي بس انعل الشيطان

بس من كال ابوي تجيب الشيخ وتعقد على سليل انصدمت

سليل.. ياااا أني ازوج هذا

كلش ضوجتني حجايتهة رحت يمهة وانطيتهة راجدي وكعت بالكاع باوعتلي وخنزرت علية

سليل.. انتة منو سمحلك تمد ايدك علية

ردت اضربهة بعد أريح كلبي بس نعلت الشيطان

صالح.. شوفي ولج باجر من الصبح الشيخ يمنة وراح يعقد النة واعرف شلون اربيج

كامت و كالتلي

سليل.. انتة مو بكيفك اني ما موافقة عليك

عفتهة وصعدت فوك لأن اذا اضل لحضة يمهة يمكن اكتلهة على السانهة وخاصة اني جنت كلش معصب

خابرت عمهة وكتلة اريد اطلب يدهة وباجر الملجة ولاعرس ولا ذني السوالف

هوة بسرعة وافق وكال باجر الضهر يمكم

كعدت الصبح نزلت جوة اتريكت وسولفت لابوي وكتلة طلكت نجلاء كام يلوم بية وليش هيج سويت ومايصير وخربت حياة البنية

بس هية رادت هذا الشي

المهم صارت ساعة ب11 خابرت شهاب حتى يجيب الشيخ ويجي

وخابرني عمهة كال احنة بالطريق

ضليت اسولفت اني وابوي شوية واجة الشيخ

كلت لأمي تصيحهة راحت بس تأخرت

رحت ردت اشوف شنو السالفة

صالح.. ها وينهة هااي

ام صالح.. يمة ماهية كاع ندور عليهة بس ماهية

صالح.. شنو ماهية دورو عليهة زين شو وين خاتلة هسة

أم صالح.. اي يمة

كامت امي دور علية والبنات بس ماهية اني كلت هاي هية انهزمت

طلعت من البيت ادور عليهة بس ناوي اكتلهة لأن الي تنهزم مصيرهة الكتل وأريد اكتلهة بيدي

أخذت السويج وطلعت............

●●●●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

#سليل للشيخ

#البارت السادس عشر

للكاتبة#زينب البديري💡

مبلغين على حسابي واقل إبلاغ يطيرون لو الحساب لو القصص البارحة اجاني انذار من الواتباد

متعرفون شلون احلها

_________________

وسيبقى...

هذا اليومُ هوَ الاصعبُ في حياتيْ...

فقدتُ نصفٌ روحيْ...

فقدتُ جزئاً من قلبيْ...

فقدتُ شخصاً منَ المستحيلُ نسيانهُ...

رحلَ.......

فكانَ رحيلهُ أكثرَ الأشياءُ وجعاً لي.

أخي...

رحمكَ الله و عوضني بلقائكَ في جنةِ الفردوس.ُ🙏🙏

●●●●●●●●●●●●●●●●●●●●●●●●●●●●●

سليل.. كلش كرهت هذا الرجال بس احس شايفتة من قبل واعرفة احجي ويا وضربني خلاني اوكع بالكاع

مع انو شكلة جان يخوف وعصبي بس اني خنزرت علية وما خفت ولا نزلت عيني

من عمو كالة تعقد عليهة وإني رفضتة

كلت اكيد هوة هم راح يرفض

بس بالعكس كتل باجر يعقد علية وصعد فوك

باوعت لفاطمة تباوعلي بنضرات حقرارة عبالك هية الي انتصرت

اجت تبارك كومتني ودتني للغرفة واجن خالة وراهة

أم صالح.. خالة ليش تراددين صالح هوة مايحب مرة تعلي صوتهة على صوتهة ولايحب واحد يرد بوجهة بنتر

ضليت ساكتة لأن بس احجي يمكن اعيط بوجهة وهية مالهة دخل

ضلت تسولف وي تبارك وزمن توصيهن علية وراحت

زمن.. ولجن مبين صالح كلش معصب لأن هوة مو من عوايدة هيج بالعكس يحل كلشي بالتفاهم

تبارك.. يجوز متعارك وي نجلاء

زمن.. نجلاء مو بيت اهلهة

تبارك.. جا وذا

ضلن يسولفن ويحللن يريدن يعرفن شنو سالف اخوهن وإني متمددة إلى أن نامن صارت ساعة وحدة ضليت صافنة وأفكر شراح يصير باجر إلى أن صارت ساعة 4 الفجر

كمت طلعت وسديت الباب على كيف حتى محد يحس جان اكو فراش مفروش بالحديقة عدلتة ونمت علية ضليت اباوع للسمة وجانن اكو شوية نجوم ولون السمة كلش حلو

ضليت اباوع إلى أن صار الشروق ومنظر جان كلش حلوو مادري على نفسي وغفيت

كعدت حسيت واحد جراني من يدي

■■■■■■■■

اخذت السويج وطلعت شفتهة نايمة بالحديقة رحت يمهة

باوعت بوجهة كلة براءة وبينة بردانة لأن جان شوية جو بارد جريتهة من يدهة حتى تكوم

صالح.. كومي شكو نايمة هنا اجة طب واحد وشافج

سليل.. اخخخ يدي شسالفة هااي شبيك

صالح.. كومي بسرعة

جريتهة من يدهة وطببتة للبيت لأن ماتقبل تكوم

اجت امي اخذتهة مني وطببتة للغرفة وكفت شوية سمعت صوت بجيهة انقهرت عليهة

اجت بيبيتي وحجت علية لأن سويت هيج بسليل

رحت للمضيف دك علية صديق قاسم مالي خلك هم كليومية مشكلة من ورة سوالفهم الطايح حظهة اطيتة رفض

رجع دك علية جاوبتة

صالح.. ها سامر خيركم

سامر.. صالح تعال بسرعة اخوك يريد يتعارك وي واحد

صالح.. استغفر اللة شو اطينيا

سامر.. تعال قاسم صالح يريدك

قاسم.. ها صالح

صالح.. ولك شعدج تريد تبلينة بالوة بسرعة تجي للبيت

بهاي الأثناء اجة شهاب ويا الشيخ وكل عمامي هم طبو

صالح.. قاسم دير بالك تسوي اي شي شوية وجايك

سديت الخط و سلمت على عمامي والشيخ

■■■■■■■■■

كعدت حسيت واحد جراني من يدي

يحجي ومخنزر علية ويكلي كومي وإني مجلبة بالفراش ولازمتة بيدي

آخر شي جراني احس يدي انخلعت

طببني جوة اجت خالة اخذتني منة وطببتني جوة

كمت ابجي بصوت واضح لأن كلش نقهرت

بيبي جانت كاعدة وسولفتلهة خالة على الي صار البارحة لأن جانت نايمة

كامت خالة تهدي بية بعدين كالتلي خالة سوة هيج البارحة لأن جان معصب ومطلك نجلاء لأن ذابة الطفل

كتلهة وإني شعلي يجي يذبهة بية عصبيتة

ضلت تسولف وياي وتكلي هوة حباب وكلبة طيب بس يعصب بسرعة ومن ذني السوالف

المهم مرت عم البنات زمن وتبارك كامت تحجي عليهم ليش بسرعة العرس سوا وضلت تحجي علية لأن عود عروس وكلشي ما مسوية حتى فستان مال عرس ماكو

اني ما مهتمة لكل الحجي الي يصير بس كلش مقهورة بداخلي وأريد اصيح بس ماكدر

طبيت للحمام وضليت ابجي بصوت ناصي إلى أن سمعت صوت تبارك تدك بالباب

فتحتلهة الباب كالتلي خلي نروح يصيحولي حتى يعقدون النا

رحت لأن ما باليد حيلة لأن حتى عمامي جايين والكل موافق على هذا الزواج

كل بنية تحلم يوم عرسهة يكون مختلف وحلو وشايفة صديقاتي قبل سبوع منخبصات

خبص شنو من فستان يختارن وشنو المكياج وشنو التسريحة وشنو وشنو وشنو

إلا أني أهلي صارهم كم يوم من توفو وراح ازوج

وشنو زواج تقليدي وشيوخ وناس متحفضة إلى درجة ولازم التزم بكلشي واغير عادتي اذا تزوجتة

وفوك كلشي راح ازوج رجال أكبر ومزوج من قبل

وأول مرة اشوفهة بي ضربني

وجبرني على الزواج منة

أوف ياربي شسوي

الإنسان بدون أهل واكفين ويا يضيع

محد يوكف ويا ومحد يحس بألمة

احس نفسي عايشة بس جسد بدون روح

يجيبوني منا ويرجعوني منا

وكلشي يريدو اسوي

تعبت نفسيتي كلش

والضوجة تارسة كلبي

اريد اصيح بأعلى صوت

بس كون محد يسمعني

صورة أهلي بالي ما تفارقتني ابد

كلبي ملجوم ومحد يداوي

ألوم والعتب اكل كلبي اكل

ليش ما متت وياهم

ليش عافوني وراحو

ليش كل هذا لازم

يصير ليش مكتوبلي بس العذاب

من بعد صفناتي وتفكيراتي فزيت عل صوت

تبارك

تبارك.. سليل ياللة استعجلي

اتجهت باتجاه الغرفة أنطتني خالتي جادر مال صلاة وكلتلي لبسي وتعاي وراية

رحت وراهة امشي بس احس الكاع تفتر بية بلكوة ثابتة بمكاني

اني وامشي طخيت بالباب باتجاه الايد الي حاولت انو اقتل نفسي بيهة وهية نفسهة الي جرني منها

أيدي ما احس بيهة حتى ما اكدر احركهة

المهم عقدولنة من كملنة عقد بسرعة رحت للغرفة صاحت خالتي وراي بس ما هتميت

وصلت للغرفة وقفلت الباب وكعدت ابجي

اسمع صوت برة خالة تكول فتحي الباب

مافتحتة

بعدين سمعت صوت صياح عالي يصيحون بس ما هتميت ضليت قافلة الباب

بعدين اجت تبارك دكت الباب دكة كلش قوية وكالت

تبارك...

■■■■■■■■■■■■■■

سلمت على عمامي والشيخ شوية وجابو الضيافة ضيفنة العالم وقرينة الفاتحة

ورة شوية صاحو سليل وعقدلنة الشيخ من كمل سمعت صوت امي تصيح طلعت ردت اشوفهة

صالح.. ها يمة شكو تصيحين وينها هااي

أم صالح.. يمة اصيح ورة سليل راحت

صالح.. استغفر اللة روحي يمة يمهة لا تسوينة سالفة

أم صالح.. اي يمة

راحت امي

دك التليفون طلعت برة حتى ارد

صالح.. ها سامر خيركم

سامر.. ولك صالح الحك اخوك ضربو سجينتين وحدة بطنة وحدة بكلبة وشردو

صالح.. تحجي صدك

هسة جايكم انتو بيا مستشفى

سامر.. مو بالمستشفى بالطريق احنة راح نروح لمستشفى ....

صالح.. جايكم

رحت بسرعة وكلت لتبارك بس كتلهة ما تكول لواحد لأن اذا ابوي درة يجوز يصير بي شي

رحت الهم طبينة للمستشفى سوة

ومو بس سامر بعد ثنين ولد

كلهم طببوهم لغرفة العمليات

احنة جنة كاعدين بقاعة الانتظار دكت علية امي تبجي وتصيح

أم صالح.. ولك صالح تعال الحك ابوك نجلط راح يروح من يدينة

صالح.. هسة هسة جاي يمة

التمن علية كلهن سوة أخوي وابوي خليت سامر ين قاسم ورحت للبيت لكيت الأمة مكلوبة

صالح.. وين ابوي

أم صالح.. اخذة عمك

ولك شلون صار هيج وي اخوك احجي

صالح.. يمة اذا ماخذي ليش دكين علية

استغفر اللة

ردت اطلع اروح للمستشفى

صاحت وراي

أم صالح.. تعال يمة شلون صار اخوك

كبل باوعت لتبارك وخزرتهة جانت يم امي هية

صالح.. اني اعلمج عود كتلج لاتكولين

أم صالح.. يمة وليدي شلونة

صالح.. يمة بالعمليات لاتخافون علية

وهسة رايح اني محد يمة

ومو كلساع دكون من يصير شي اكللكم

رحت رجعت للمستشفى لكيت كل الزلم هناك

شوية وطلع الدكتور كال قاسم مات وكف كلبهة

حسيت حيلي نهد من كالي هيج ما ادري شلون ضليت واكف على رجلية

باوعت لشهاب عيونة حمر

باوعت لعمار جان منتجي على الحايط شوية شوية كام ينزل للكاع

باوعت ل مهدي

جان حاط يدة على رأسة وكاعد

من شافني اباوعلة

اجة يمي وشبكني

ويبجي

مهدي.. راح صاحبي و عزوتي و ابن عمي راح الغالي

اباوعلة وإني كوة لازم الدمعة صعبة اطلع دمعتي كبالهم لأن لازم اصير قوي يمهم و اني اقويهم مو أضعف

اباوع الشهاب نفس حالتي بالكوة حابس دمعتة من شاف مهدي هيج اجة تقرب يمنة

صالح.. كافي مهدي صير قوي هذا قضاء وقدر

بهااي الأثناء اجت الدكتورة

- خوية انتو أهل المريض سلمان

صالح.. اي خوية

- خوية حالتة شوية خطرة ويريد يحجي وي ابنة الجبير

صالح... اي خوية اني ابنة الجبير هسة جاي

راحت الدكتورة

صالح.. شهاب ضل هنا اروح اشوف ابوي واجي

شهاب.. روح خوية روح

رحت لغرفة ابوية جانت حالتة كلش ميؤس منها وكلش تعبان

اتقربت علية وخر الأوكسجين عن وجهة

أبو صالح.. صالح

تقربت علية أكثر وكعدت يمة ولزمت يدة

صالح.. لاتعب نفسك بوية

أبو صالح.. دير بالك على امك وخواتك ولاتخليهن يحتاجن شي واخوانك لتخليهم بيوم يتفرقون

و بوية سليل امانة بركبتك جانت يمي أمانة

بس هسة انتة رجلهة مسؤول عليهة

بنية يتيمة ومحد وياهة

صير انتة سندهة وحميهة من كل ضرر

لا تعوفهة يوم تحتاج واحد غيرك

دير بالك عليها وحبها

ولا تخلي مسؤولياتك تأثر عليهة ولو بذرة

صالح.. بعيوني بوية بعيوني بس لاتحجي هيج

أبو صالح.. شلون صار بنيي

من كلي هيج كلبي نقبض حسيت نفسي ضايع

ما ادري شكلة اكلة أخوي مات

ابنك مات وعاف الدنيا وراح

عافنا وعاف الوجع بكلبنة علية

أبو صالح.. صالح شبيك صار شي لاخوك

صالح.. ها لا بوية لا لا تخاف

أبو صالح.. الحمد لله رب العالمين كلبي معصور علية حسيت صار إلا شي

من كال هيج ضليت اباوع لعيونة

اشوف عيون خوف لاب على ابنة

عيون الفرح من سمع ابنة عايش

.............

●●●●●●●●●●●●●●●●●●●●●●●●●●●●●

ولهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

سليل للشيخ

#البارت السابع عشر

للكاتبة#زينب البديري💡

________________________

فززني صوت الممرض

-خوية كافي انتهت الزيارة المريض يحتاج لراحة

بلا زحمة عليك ممكن تطلع

صالح.. اي خوية اي طالع

طلعت من الغرفة ورحت للولد

صالح.. شهاب كوم اخذ مهدي وروحو للبيت

البيت فارغ مابي رجال

شهاب اخذ مهدي وراح للبيت وكللهم مات قاسم

شوية واجو الشرطة

-السلام عليكم

صالح.. وعليكم السلام

-انتو اهل الولد الي مات قبل شوية

صالح.. اي

- ترة ابنكم ضارب واحد من الي بالمستشفى سجينة

من كلي هيج مصيبة وكعت على راسي

لتمن علية كلهن   

وإذ مات هذا الولد تكمل علية

باوعت من بعيد اجة والد يمشي سريع

وراة ضابط

اجة صار كبالي وصاح

-هذا هذا جان وياهم

باوعت لكيتة يأشر على سامر

اجو الشرطة اخذو سامر وراحو و سامر يصيح ماكتلت واحد جنت بس واكف اباوع الهم

اخذو جثة قاسم للطب العدلي 

ضليت يم ابوي كلساع يتخربط وكلساع يغيرون الدوة مالتة وحالتة تتحسن وترجع تدهور  

صار الضهر واجو اهل الولد الي ضاربة قاسم سجينة

اتفقت وياهم كل علاجات ابنهم علينة وكل التكاليف اني اشيلهة

اجو الولد العصر وسلمو النة جثة مال قاسم

رحنة غسلنا وكفنا وجبناهة للبيت

صوت الصياح تارس البيت وامي طلعت صوتهة رايح

خطية

كلبي رايح على اخوي راح من بين يدينة

لو رايح الة انة ما جان صار هيج  

جان جايبة وجاي وماصار كل هذا 

نفضت كل الافكار من راسي وطبيت جوة للبيت وكتلهم يطلعون قاسم لان امي كتلت روحهة

بالصياح

طلعو قاسم طبيت للصالة شفت امي دك على صدرهة وتبارك على يسارهة وسليل على يمينهة وزمن وراها شابكتهة وتبجي

دمعت عيني من شفتهن كلهن يبجن

طلعت رحنة صعدنة بالسيارة رحنة للامام علي طببنا علية وزورنا وصلو علية صلات الميت وبعدين  

ورحنة للكبور حتى ندفنة احنة عدنة قطعة حبيرة مشتريهة هناك كل اهلنة الميتين هناك

من وصلنة لهناك وبدت اصعب لحضة

الحضة الينزلو بيها للتراب وبعد ما نشوفة .

قرينالة الفاتحة ونزلتة بيدية للكبر

صالح.. مودع يخوي روح لربك وسلم النة على اهلنة

مبري الذمة ليوم الدين

انشالله اشوفك احلى عريس بالجنة

روح خوية روح الدنيا فاينة وانتة عفتهة ورحت لاخرتك اللة وياك يبعد شيبي

وخرت وحطينة التراب علية كلنة لتمينة ونطمة بيدينة

مهدي.. عود هم يوم جنت متوقع هذا اليوم يجي

ونفقد عزازنة 

شهاب.. مهدي كلنة على هذا الطريق وهية هاي نهايتنة 

مهدي.. صالح راح يصير المغرب وتضلم الدنيا

قاسم يخاف من الضلمة خلينة يمة هااي اول ليلة إلا

صالح.. لاتخاف علية قاسم ما ينخاف علية ولا تنسى اهلنة كلهم يمة

مهدي.. اوووف اوووف

كملنة دفن قرينة الفاتحة ودعنا ورجعنة

للبيت

جان يوم خميس وازدحام  الكبور بالكوة طلعنة منهة ورجعنا للبيت

رحت لغرفة امي لكيت بس سليل يمهة

■■■■■■■■■■■

اجت تبارك دكت الباب دكة كلش قوية وكالت

تبارك.. سليل سليل ولج تعاي بابا تخربط

من سمعتهة طفرت من مكاني ورحت فتحت الباب

سليل.. وينة هسة

تبارك.. ولج هناك بالصالة

سليل.. منو هناك

تبارك.. كلهم

سليل.. شلون صار هيج وشوكت

تبارك.. ولج صالح دك علية التليفون وطلع وكالي قاسم بالمستشفى لاتكولين لواحد

وإني بجيت كدام امي وسئلتني وكلتلهة

وابوي هسة تخربط من سمع هيج 

سليل.. امشي امشي كافي لاتبجين خلي نشوف عمو

رحنة ردنة نشوفة وكفنة ولد وكال هناك اكو زلم لا تطبن رجعن للغرفة تبارك كالتلي هذا شهاب ابن عمي

رحنة للغرفة شوية واجن البنات كلهن

جنة كاعدين وكلنة مبين علينة الخوف والقلق وكلنة ندعي لعمو ولقاسم

شوية وراحو للمستشفى احنة ضلينة نهدء بخالتي لأن خطية كلش متأذية ومقهورة خفنة يصير عليها شي

المهم ضلينة ندعي ونبجي إلى أن اجو ثنين ولد  واحد نفسة ابن عمهم واحد ما اعرفة شفتهم من بعيد ردت اطب جوة بس خالة كالت حطي شال على راسج وتعاي هذولة اولاد عم صالح

رحت دا البس بحجابي سمعت صوت كعار

يدي كامت ترجف شلون ماجان لفيت الشال وطلعت

عمتي واكعة بلكاع ودك على راسهة وتبجي وتبارك تصيح وزمن هم تصيح ضليت صافنة بعدين استوعبت الي دا يصير كدامي

ركضت حضنت خالة ، الولد طلعو

سليل.. شبيج خالة شكو شصار

ام صالح.. ولج قطعة من كلبي راحت راحت ماتت و هوة بعز شبابة (تحجي و تبحي )

شبكتها حيل وبجيت وياها

ام صالح.. ليش ييمة عفتنة ورحت وانتة بعدك صغير عل موت

بعدني ما مزوجتك وفرحانة  بيك ليش تروح ييمة ليش 

تصيح وتبجي خالة واحنة هم نبجي

شوية واجن نسوان هواي جيرانهم وناس لتمت هواي كلش هواي

ضلو يعزون ويصيحون ويبجون وإني وياهم احترك كلبي على خالة موتت نفسها بالبجي

خالة بس تصيح وتبجي وتسأل على ابنها

بس محد موجود حتى يجاوبها الولد كلها برة وكلساع تريد تطلع بس احنة نلزمها 

أم صالح.. ولكم جيبولي ابني اريد اشوفة قبل ما تنزلو للتراب

ابني اريدة اريد افرح بشوفتة اريد اشم عطرة

اريد اعاتبة ليش عافنا ليش

ولكم كلبي محترك علية محترك علية

راحت تبارك طلعت برة تركض وشوية واجت صحتلها ورحنة للغرفة       

سليل..وين رحتي مو كلها زلم برة

تبارك.. رحت اريد اشوف شوكت يجيبون أخوي اريد اشوفة

سليل.. أي عرفتي شي

تبارك.. سئلت شهاب وكالي ودو للطب العدلي لأن صايرة عركة وميت بيها أخوي

سليل.. أوف أوف تعاي هسة اكعدي يمي وهمة يحلوها واكيد راح يجيبون اخوج يكلبي انتي

جريتها نومتها على رجلية وكمت امسح على رأسها

شوية واجت زمن هم نامت على رجلية

ضليت امسح على رأسهم واللعب بشعرهن إلى أن نامن حسيت بوجعهن وجع فقد الاخو فقدان الاخو كلش صعب ويهد الحيل

ما حسيت إلى أن اني نمت وياهن

كعدت اني والبنات على صوت صياح تكرر مرة ثانية  مع انو صار هدوء قبل ما نام 

طلعت برة اني والبنات جانت اكو مرة واكفة سئلتها وكالت راح يطببون جثة قاسم للبيت يودعو ويروحون يدفنو

بسرعة اني والبنات ركضنة بتجاه خالة وشبكناها

وضلينة نهدي بيها

سليل.. اووف اووف كافي خالة مو زين الي دا تسوي بنفسج واللة مايصير هيج تسوين مات ترحميلة مايصير هيج تسوين

احجي وياهة واتذكر نفسي واكول حقها هيج تسوي بس لازم واحد يهديها

بهل الاثناء سمعت صوت يكول ياللة عمة تعاي شوفي ابنج جان صوتة كلش مخنوك وضايج

خالة كامت ورادت توكع استندت علية اني وتبارك ومشت وزمن ورانا

وصلنة لتابوتة وخالة كعدت يمة وضلت تبجي وتعاتبة

ام صالح.. ييمة ليش عفتي ورحت ليش واللة ما شبعت منك ماشبعت من ريحتك ماشبعت من شوفتك يمة ارجع ارجع بعد ما اصيح عليك ولا اكلك ليش هيج تسوي بس ارجع وافرشلك الدنيا ورد

اووف يمة اووف ليش رحت ليش

البنات بس يبجن ما كالن ولا كلمة بس مبين عليهن الزعل

خالة جلبت الا تشوف وجهة بس محد قبل كالو مو زين وهية اصرت رادت توخر الكفن اني لزمت يدها وصارت يدي على راسا

جسمي وحدة رجف وما ادري شصار بية اجتني نوبة خوف بوقتها بسرعة وخرت يدي بس كلبي كام يدك بسرعة لان خفت

شوية وطلعو الجثة من البيت وخالة كامت تصيح

وتكول رجعو ابني ماشبعت منة

ضليت اهدي بيها اني وتبارك وزمن شابكتها وتبجي

ورا نص ساعة تقريبا هدء الوضغ وصبو اكل للعالم تأكل واني اخذت خالة ورحنة للغرفة وزمن وتبارك  ضلن بالمطبخ ياكلن

سليل.. خالة تريدين اكل

ام صالح.. لا

سليل.. تريدين مي

ام صالح.. لا

سليل.. خالة لعد بس كولي احجي شنو تريدين

ام صالح.. اريد وليدي

اني من كالتلي هيج كبل بجيت وشبكتها

سليل.. كافي خالة لخاطري.....(بهل الاثناء دخل صالح )

صالح.. ها يمة شلونج

ام صالح.. شلون تريدني زينة وابني هسة جوة التراب

صالح.. (وهوة ويمشي بأتجاهن) يوم بعد راح ما يفيد البجي كعدي صليلة واقريلة قرآن

ام صالح.. تهز راسها بتعب بمعنى اي

●●●●●●●●●●●●

احجي وضام الحسرة بكلبي حتى مااريدها تنقهر كعدت وضليت اسولف وياها واصبرها ومنتبه عله سليل ضلت تحوص وتعصر بأصابيعها اخر شي كامت

صالح.. وين

سليل..(تندار علية بتوتر) وياي

صالح.. ليش اكو احد غيرج هنا؟

سليل.. لا

صالح.. وين رايحة

سليل.. اساعد البنات

صالح.. خوش روحي ومن تخلصين تعاليلي فوك عدي موضوع وياج

سليل.. تمام (وتطلع بسرعة)

صالح.. استغفر اللة ، يمة محتاجة شي

ام صالح.. سلامتك يمة سلامتك

بستها براسها وطلعت

●●●●●●●●●●●●●●●●●●●●●●●●●●●●●

لهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

سليل للشيخ

#البارت الثامن عشر

للكاتبة#زينب البديري💡

__________________________

سليل

طلعت بسرعة من الغرفة ورحت للمطبخ

تبارك.. شبيج سليل شو شكلج قلق

سليل.. ولج خايفة خايفة

تبارك.. من شنو

سليل.. من اخوج

تبارك.. شبيج سوالج شي؟

سليل.. لا ولج بس كلي عندي موضوع وياج

تبارك.. دروحي روحي شوفي شيريد

سليل.. ما ما مااروح

تبارك.. دنجبي وروحي (تحجي وطلعتها من للمطبخ )

سليل.. ولج لتفضحينة

تبارك.. روحي شوفي شنو السالفة وتعالي

سليل.. رايحة رايحة بس هديني

تبارك.. عفية يلا روحي وتعاليلي ركض

سليل.. 😒

تبارك.. 🙂

صعدت فوك وضليت اباوع يمين ويسار لان ما أول مرة اصعد فوك

●●●●●●●●●●●●●●●●●

صالح

صعدت للغرفة ضليت منتضرها حتى اطيها وصية ابوي

بالماضي●●●

صالح.. بوية ليش كلت انة ازوج سليل وتدري بية اني مزوج

ابو صالح.. صالح اني سمعت هواي حجي من جبت البنية يمنة وكلها لامتني وغير الحجي الصار عليها وآخر شي كلت مااكو غيرك يكدر يساعدها اخوانك واحد طالعلي بتركيا صارلنة سنتين ماشايفي والثاني هستوة ازوج وقاسم هل الشوفة مو مال مسؤلية 

صالح.. انة ماردت اكسر كلمتك وارفض بس انتة تدري بية اني نجلاء جنت مامتحملهة ودور هاي لسانها شطولة ولو راح اربيها من جديد

ابو صالح..  البنية أمانة يمك صالح لاتأذيها بيوم دير بالك شافت هواي وتعذبت كلش هواي منا عمها الي مايسمة عم وإلا أولاد عمها الي اذوها هواي لو ...

صالح.. لو شنو !

ابو صالح.. بوية هية مو جانت بيت عمتها

صالح.. اي

ابو صالح .. رجل عمتها رايد يمس شرفها..(قاطعة)

صالح.. تحجي صدك وضلو ساكتين

ابو صالح.. خافت  

صالح.. (كام من مكانة)اليوم انعل ابو هذا السكط ملكفا نوب كلب على عرضة

ابو صالح.. صالح تعال وين اكعد اريد اوصيك على حاجة

صالح.. أمر بوية

ابو صالح.. خاف كلشي يصير سليل أمانة بركبتك وحملتك مسؤليتها واعرف انتة كدها

صالح مااريدك تجبرها على شي ولا بيوم تأذيها

عودها عليك وانتة تعود عليها

ولايصير بيناتكم شي ألا برضاتها

خليها على راحتها ودير بالك منها هم

خاف يوم تزعلها وتنهزم لان هية عدها بالها هيج افكار ، وباجر ورا الملجة طيها هاي الكلادة (طلع الكلادة من جيلة وحطاهة بأيدة )

صالح.. شنو هاي

ابو صالح.. هاي كلادة امك بيبيتك اطتهيا أول ما جابتك واني هسة نطيتكياها حتى تنطيهيا باجر لان اني واثق وريثنة هية راح تجيبة

صالح.. انشالله بوية انشالله

ابو صالح.. ها ولك شو احس كلبك مايللها

صالح.. لا بوية لا ،بعدين شهل السوالف اني مااحبها

ابو صالح.. يوم تجيني وتكلي بوية انا مااكدر بدونها

صالح.. اكول عليمن طالعة تبارك ،هم جانت تكلي اشوفك يوم طلك نجلاء

ابو صالح.. ها شوف انتى كلتها يعني انتة متأكد انو يجي يوم وراح تجيني

صالح.. بوية اترخص

ابو صالح.. (يحجي ويضحك)اشرد اشرد وراك وراك

صالح.. انشالله بوية انشالله 

●●

أتذكر كلامة وابتسم لا أرادي طلعت من الغرفة اريد اشوفها وين صارت جان اشوفها بالباب واكفة وصافنة

صالح.. ها

سليل.. ها

صالح.. (صفن عليها)

سليل..(ضلت تباوع لنفسها) شنو بية شي

صالح.. طبي وسدي الباب

طبيت جوة وهية وراي

ماسدت الباب

باوعت للباب وفززني صوتها ودرت وجهي الها

سليل.. ها شنو تريد

صالح.. شوفي هذا اسولبج مايمشي وياي

سليل.. لعد

صالح.. ربي صبرك، شوفي تعبان ومالي خلك النقاش (راح طلع من الكنتور الكلادة) هاي أمانة ابوي انطانياها وصاني انطيجياها

سليل.. بس بمناسبة شنو

صالح.. لان صرت مرتي

سليل.. 🙄

صالح.. شبيج

سليل.. مابية

صالح.. انتي صبري وياج يخلص بسرعة روحي مالي خلكج

سليل.. (تريد تطلع)

صالح.. اوكفي

سليل.. ها

صالح.. جيبيلي مي

سليل.. ماشي

●●●●●●●●●●●●●●●●●●●●●●●●

طلعت بسرعة من الغرفة ونزلت للمطبخ اجيب مي

تبارك.. ها ولج

سليل.. ها

تبارك.. شراد منج صالح

زمن.. بناتتتتت

تبارك.. وجع

زمن.. نعسانة هففف

سليل.. متنامين

تبارك.. اثنيناتجن انجبن سليل شراد صالح

سليل.. انطاني هاي (طلعت الكلادة من جيبها )

زمن.. (اخذها) شنو هاي

سليل.. فتحيها

تبارك.. (تاخذها من زمن تفتحها ) يححح ولج هاي الكلادة يطوها الي تجيب الوريث

زمن.. هلا عيني

سليل.. تبارك جيبها وانجبي(تاخذ الكلادة) ، وزمن انتي مو مساع جنتي مكتئبة وضايجة

زمن.. (دمع عينها) انجبي عود ردت انسى وذكرتيني (ركضت راحت لغرفتها)

سليل.. تركض وراها) يا ولج تعاي

كلش ضجت من نفسي حسسيت نفسي حقيرة ركضت وراها ودخلت للغرفة

سليل.. زمون اسفة وربي مو قصدي

زمن.. روحي سليل اريد ابجي

سليل.. كافي بجي مو مساع صرنة حلو

زمن.. كتلج عوفيني اريد اضل وحدي

تبارك..  سليل تعاي

رحت الها

سليل.. ها تبارك

تبارك.. هففف عوفيها هسة شوية وترجع النا هية من ضوج تحب تضل وحدها  ومن تروح صورتها ترجع ولا كأنو صاير شي

سليل.. اني صوجي شلون حاجيتها هيج

تبارك.. يلا كافي..

سليل.. شلون صارت خالة

تبارك.. نامت

سليل.. الحمد لله اللة يصبرها متتت قهر

تبارك.. بعد شنسوي قضاء وقدر

سليل.. ولج عزا نسيت صالح كالي جيبي مي

تبارك.. روحي ولج وديلة

رحت ركض للمطبخ طلعت مي وصعدت فوك

جان الباب مال الغرفة شوية مفتوح واجت عيني على صالح جان لازم صورة وعيونة مدمعة اني كبل دخلت للغرفة

سليل.. هذا المي

صالح.. حطي عل الميز

حطيتة عل الميز وضليت واكفة اجاني فضول اشوف صورة منو دا يباوغ ضليت أقترب شوية شوية وشفت يباوع لصورة بيها ولد ماانتبهت منو همة بس ارتاحيت من شفتها

صالح.. رايدة شي ؟

سليل.. لا (وطلعت بسرعة من الغرقة )

صالح.. استغفر اللة ربي منك العقل.

●●●●●●●●●●●●●●●●●●●

راحت سليل تجيب مي تأخرت اني كلت هاي غلست طلعت صورة الي اني واخواني اربعتنة وضليت اسولف وي الصورة

صالح.. قبل سنتين جانت لمتنة حلوة بس عبدللة عاند وإلا يروح لتركيا وهسة من قرر يريد يرجع مات قاسم اخخ اخ يااخوي كسرت ضهرنة

واني كاعد اجحي حسيت على واحد طب للغرفة باوعت طلعت سليل

عدها حركات مال خبلات بس حسيتها تريد شي ومن سئلتها شردت اللة يعقلها الليل كلة ماكدرت انام من صار الفجر طلعت لكيتهم كلهم كاعدين الواضح هم بعدهم ما نايمين

●●●●●●●●●●●●●●

نزلت ورحت للغرفة

سليل.. ها بنات

تبارك.. مجايني نوم هففف

زمن.. اني هم

سليل.. كومن لعد صلن واقرن قرآن لأخوجن

كامن البنات صلن وضلن يقرن قرآن واني وياهم من صارت ب٣ ونص جعنة رحنة سوينة اكل من كملنة نزل صالح

صالح.. شكاع تسون

تبارك.. اكل

صالح.. من تكملن صيحلي جوعان

تبارك.. خوش

مكانة اكل وراحت زمن صاحتة وكعدنة ناكل كلنة والي جان نايم كعدنا حتى ياكلون ويروحون للكبور

كملو اكل وراحو كلهم ضلينة بس اني والبنات بالبيت نضفنة البيت لان راح يجون الناس يعزوهم

من رجعو الكل جان كاعد

صالح.. بعد اسبوع راح يجي عبدللة

عمار.. تحجي صدك

صالح.. يي واللة

ام صالح.. راح يجي ويشوف اخو مااكو(تحجي و تبجي)

صالح.. كتلة عل الصار  ومن كتلة قدم السفرة

تبارك.. واللة مشتاقيلة كلش

سليل.. ( تحجي بصوت ناصي وي زمن) شكو من عبدللة

زمن.. (بصوت ناصي ) اخوي سافر لتركيا وناوي يستقر بس بابا ما خلا يروح وقبل سنتين هوة صرف وحدة بدون مااحد يدري راح كعدنة الصبح ماهوة

بابا كلش تعصب وراد يروحلة لهناك بس صالح حل السالفة وتفاهم وي عبدللة حتى يرجع وهوة كل مرة يكلة بعد شهر لو شهرين لحد مصارت هسة هاي السالفة وراح يحي و أخيراً

سليل.. ها زين ليش يريد يعوف العراق

زمن.. مشوفين الاوضاع وهم أصدقائة هناك مستقرين وعايشين حياتهم

ضلينة نسولف الة ان كملنة اكل وشلنا ومرت عمار ورسل بت عمهم غسلن الاماعين

بعد مرور مدة طويلة !

من بعد مامات عمو ابو صالح الكل نصدم وفقد الأمل لان بأسبوع تقريبا خسرو ٢ وعبدللة رجع للبيت ضلينة لحد اربعينهم ناس كلساع جاية لحد مصار الاربعين وراها استقرت الأمور من اجت فترة الدراسة كدرت اقنع صالح حتى ارجع للمدرسة  ورجعت وشديت حيلي وأكثر المشجعين الي جان صالح وجان دائما واكف وياي بكلشي وساندني كدرت انجح واطلع معدل عالي ونقبلت تحليلات مرضية صح حلمي جان هندسة بس صالح هوة الي قدملي وهم حلم امي جان اروح قسم من أقسام الطب اجة وقت الجامعة صالح هنا قيدني بكلشي بالبس وبالمكياج وحتى بالصداقات وأني التزمت بكلشي لبسي جان مستور مكياج ميقبل احط طوخ أول مرحت للجامعة تعرفت على بنية........................

●●●●●●●●●●●●●●●●●●●●●●●●●●●●●

لهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

سليل للشيخ

#البارت الثاسع عشر

للكاتبة#زينب البديري💡         تابعو حسابي👇💙

Zainab_al-bdery ___________________

أول مرحت للجامعة تعرفت على بنية كلش حبابة ودائما تساعدني وتنصحني وهاي هسة اليوم اني مرتاحة بحياتي

تبارك.. ها سليل سالمين وين صافنة

سليل.. خرب يومج خرعتيني

تبارك.. شسوين متكومين تقرين

سليل.. مالي خلك تعبت من القراية

تبارك.. اكلج

سليل.. ها

تبارك.. ضايجة خلي نطلع اذا ما عندج شي

سليل.. وين نطلع مثلا

تبارك.. اي مكان بس خلي نطلع لان روحي دتطلع

سليل.. اسماللة تروحين للزيارة

تبارك.. ياريت

سليل.. شوفي صالح خطية هسة نايم روحي شوفي عبدللة اذا فارغ خلي ياخذنة

تبارك.. هسة ياكل كلبي

سليل.. لا يقبل ولج روحي شوفي واني هم راح اشوف غصون لان هم ضايجة

تبارك.. العب هسة بس اكلة غصون تجي ويانة راح ياخذنا ركض ههههههههه

سليل.. عابت ههههه ، اذا هسة قبلت تروح

تبارك.. عادي حتلو ماراحت نجذب علية

سليل.. واللة هيلك روحي يلا وخلي اشوف البنية

تبارك.. 😒رايحة

راحت تبارك واني خابرت غصون ( نفسها الي تعرفت عليها بالجامعة كلش حبابة وبيتها قريب كلش علينة

سليل.. هلاو شلونج ولج

غصون.. نفس الصخام خية انتي شلونج

سليل.. اني كلش زينة

غصون.. اممم

سليل.. وجع ، اكلج انتي مو ضايجة شتكولين نروح نزور ونتونس وجيبي خالة وياج

غصون.. اللة خوش فكرة بس خاف متقبل ولج

سليل.. شوفي هسة روحي حاجيها واذا نقبلت اني احاجيها

غصون.. تمام يلا رايحة

سليل.. اللة وياج

سدت الخط غصون واني ضليت ادعي توافق امها ،لان امها من النوع الجداً صعب

ورا دقايق رجعت تصلت غصون

غصون.. لج ماقبلت تكول ماببة حيل

سليل.. خرب حضي انطيني احجي وياها

غصون.. لحظة ... ماما هاي سليل

سليل.. الو السلام عليكم خالة

ام غصون.. وعليكم السلام خالة شلونج شخبارج رجلج شلونة عمتج

سليل.. الحمد لله كلهم بخير انتو شلونكم

ام غصون.. واللة بخير خالة نسأل عنكم

سليل.. تسأل عليج العافية، اكلج خالة

ام غصون.. كولي حبيبتي

سليل.. خالة نريد نروح للزيارة بس اني والبنات وصالح يودينة ويجيبنة(كتلها هيج لان اذا تدري عبدللة ماتقبل )

ام غصون.. خالة اني تعبانة وراي عشة مااكدر اروح

سليل.. خالة لخاطري خطية غصون ضايجة واحنة هم حتى كلنة نتونس

ام غصون.. واللة خالة بعد ما ادري

سليل.. هاخالة هسة شنو

ام غصون.. راح تجي خالة ، بس ديري بالج عليها ولا تتأخرون

سليل.. ماشي خالة شكرا

ام غصون.. حبيبتي، يلا خالة اترخص سلميلنة

سليل.. اللة يسلمج

سديت الخط وانتضرت غصون ترجع دك ورا شوية دكت

غصون.. خرب واللة كفووو

سليل.. جا شعبالج ، يلا ولج روحي بدلي حتى ما نتأخر

غصون.. رايحة رايحة يلا باي

سليل.. بايات

سديت الخط منها ورحت للغرفة اكتب تبارك تطلع ملابس

سليل.. ها تبارك واضح عبدللة قبل

تبارك.. اي ولج وكام بدل هههههه

سليل.. خرب يومج كلتي لزمن تبدل

تبارك.. يي

سليل.. خوش ، خلي اشوف صالح

رحت لصالح جان نايم ومطفي الضوة

سليل.. صالح .. صالح

صالح.. هاااه

سليل.. صالح

صالح.. ولج ها

سليل.. اكلك اريد اروح للزيارة وي البنات

صالح.. منو ياخذجن

سليل.. عبدللة

صالح.. امي تروح وياجن لو لا

سليل.. يي تروح خالة

صالح.. روحي بس موتتأخرون

سليل.. عاااااااااا

صالح.. وجعا خبلة (أشر عل الكنتور) اخذي فلوس من الكنتور خاف يعجبج شي

سليل.. ما استحي

صالح.. 😒 منين مني (وغمزلها)

سليل.. يااا

صالح.. (كام من مكانة وراح بتأتجاه سليل)

سليل.. (ترجع ليورا )

كام يتقرب مني لحد ماوصل قريب كلش علية دور ضحك وغير اتجاهة وراح للكنتور طلع فلوس واجة حطاهن بئيدي

صالح.. اللة يهديج

سليل.. واللة ما عرفتك صاير متحرش(كالت هيج وحطت ايدها على حلكها وفتحت عيونها ورادت تطلع بسرعة)

صالح.. (لزمها من ايدها) شنو

سليل.. مااكو شي خلي اروح بعد ماالحككك

صالح.. شبيج مستعجلة

سليل.. مو مالحك بعد

صالح.. 😑 ضلي ذبي حجي وطلعيلج حجج (يهد ايدها)

سليل.. ( تطلع من الغرفة توصل للباب ودير وجها وتلوح إلا بأيدها) بايي يامتحرش

صالح.. روحي روحي

سليل.. (دارت وجها بسرعة جان ينضرب رأسها بالباب وتوكع بالكاع)

صالح.. (يركض بتجاها ويكومها) شكد ثولة ما تباوعين لطريقج

كومتها من الكاع وصلتها لبداية الدرج

صالح.. تكدرين تكملين لو اشيلج وانزلج

سليل.. لا لا لا لا اني انزل

صالح.. خوش يلا راجع انام ديري بالج مو تنثولين وتوكعين

سليل.. تمام

صالح.. (ابتسم ورجع لغرفتة)

رجعت للغرفة وكملنة ولبسنة وخابرت غصون من كملت كلنة لعبدللة واخذنا مرينة على غصون ورحنة

بالسارة الطريق كلو عبدلةة حاط المراية على غصون ويباوع

تبارك.. (تطح سليل) لج شوفي نضرات العاشق

سليل.. ولج اسكتي لا تنتبه غصون وهسة ترزلنة وترزلة

تبارك.. يمة متت ههههه خوش سكتت سكتت

سليل.. احم صدك شخبار الحب

تبارك.. انجبي يا حب

سليل.. ولج غير انتي ميتة بي

تبارك.. ولك ومنو كلج هسة هوة معبرة وحدج تحجين

سليل.. ولج تعلميني بالحب مشوفين نضراتة

تبارك.. اوي عيني ونضراتكم اني وصلوح

سليل.. انجبي

تبارك.. انتي انجبي

سليل.. 😒

تبارك.. لك فديتني شنو اني خو سكتج

سليل.. 😒 وصلنا ديلا فضينة ونزلي

تبارك.. خرب توكف السارة وانزل 😏

زمن.. ولجن شسولفن

تبارك.. معليج

عبدللة.. وصلنة عيني يلا نزلن لو تريدن ترجعن وياي

زمن.. اعصابك عيني نازلين

عبدللة.. عمة بعينج

تبارك.. عيني ارجع للبيت نام شوية خطية ركبتك انكسرت

عبدللة.. 😒

نزلنة من السيارة وتجهنة للأمام زرنة وصلينة وطلعنة بسرعة افترينة شوية بالسوك اشتريت كم شغلة ،رجعنا للبيت جنة كلش تعبانين مرت عمار جانت مسوية العشة اكلنة و كبل نمنة

كعدت رحت اسوي ريوك لصالح من كملت هوة نزل

صالح.. عفية عفية شعجب كاعدة

سليل.. مو البارحة نمنة من وكت

صالح.. هاا

سليل.. (جنت احضر بالأكل وهوة يحجي وياي وندمجة من كاي ها كتلة وجعا انتبهت لنفسي كلي بأنها لا جان رافع حاجبة متفاجئ عفت كل شي من أيدي وركضت للغرفة

تبارك.. ها ولج شبيج وجهج ينطي اللون

سليل.. ولج عزا وفشلت مفصولة صالح يحجي وياي وكتلة وجعا شكد، عيب منة بعد متاروي وجهي

تبارك.. يا صدك تحجين

سليل.. ولك جنت مندمجة ، روحي اطي الريوك

تبارك.. رايحة انطي اكل وانتي ضلي خبلة

صالح ماعندي ويا هيج ميانة واغلط علية بس مااعرف شلون طلعت الكلمة اني متعلمة وي البنات وحدة الغلط علثانية، رجعت نمت كعدت الضهر اكلت وخالة كالت طلعو غسلو الطارمة لان حيجون خطار

طلعنة نغسلها اوشكنة على التكملة جان ينفتح الباب يطلع صالح اني اتذكرت التفشلولة ركضت جان اوكع والحقيرات زمن وتبارك يصحكن علية وهوة هم يضحك اني طنكرت من شافني طنكرت اجن وساعدني ورحت للغرفة وضليت الوم بنفسي

ياربي ليش هيج كل ما اشوفة اوكع واتفشل كدامة

كلة من ورة تبارك

شوية واجت تبارك وراية

سليل.. ها رتاحيتي هسة

تبارك.. مرض حتى مرض تستاهلين الوكعة شعدج راكضة والمكان معبة ماي

سليل.. أي غير شفت اخوج

تبارك.. اكلج ترة أخوي رجلج

سليل.. شو دنجبي

درت وجهي عنها واباوع ليدي لأن تعورت بيهة

شوية واجت زمن

زمن.. ها سليل خو ماتأذيتي (جانت تحجي وتضحك)

سليل.. لا مابية شي

وبعدين عليمن تضحكين

زمن.. اضحك على وكعتج

سليل.. (باوعتلهة بطرف عيني ورحت كعدت يم تبارك)

زمن.. ولج تأذيتي لو لا خلي اروح اكول لصالح خطية كتل روحة عليج يكول اخذهة للمستشفى

جانت تحجي بطريقة كلش مستفزة حتى ضوجني

وتبارك من سمعتهة طفرت من مكانهة وصفنت بوجهي

سليل.. زمن طلعي برة

وانتي شبيج الثانية (جانت موجهة الكلام لتبارك)

تبارك.. ولج اني متأكدة مثل ماشايفتج هسة صالح يحبج

سليل.. امشي ولي من يمي مالي خلكج

تبارك.. اي اولي بس اذا ماطلع يحبج اكص يدية ثنينهن

زمن..تبارك عوفيهة هسة ماتكدر تفكر بشي من تأثير الوكعة (تحجي وتضحك)

تبارك.. زمن عوفينة من سخافتج

وانتي (جانت موجهة الكلام لسليل)

صالح يحبج

سليل.. وشلون عرفتي

تبارك.. ولج ماشوفي شلون يهتم بيج ويخاف عليج

وأهم شي يغار ( من كالت يغار غمزتلي)

دفعتهة من وجهة شو دولي من يمي مالي خلكج واللة

زمن.. بنات اني رايحة اكل

سليل.. خو انتي بس تاكلين

تبارك.. عوفيهة تولي وسولفي وياي

سليل.. ما أريد اسولف

ما احس لن أجاني راجدي

سليل.. اخخخ كبرر ليش ضربيني

ردت اضربهة لزمت يدي

تبارك.. اسمعي

سليل.. ليش ضربتيني

تبارك.. انجبي واسمعي

ردت احجي حطت يدهة على حلكي

تبارك.. اسمعي

خاف يعترفلج مو بسرعة تقبلين

لو تكليلة وإني هم

وخرت يدهة

سليل.. بابة انتي شتحسين شنو يعترف شنو ما أقبل

هوة اني يمتة شايفتة اذا هوة لليل أنهار بالمضيف مانشوفة بس شوية

تبارك.. زين انتي ليش ضايحة

ولج بس لا تحبي

خنزرت علية وضربتني راجدي

اني جريتهة من شعرهة وضربتهة راجدي

تبارك.. ولج ليش ضربيني ولج اني تبارك

سليل.. نعال

جا بس انتي ضربيني

تبارك.. اي مو تدرين بية ما اكدر إلا اضرب الشخص المقابيلي

سليل.. خلي نشوفج باجر عكبة من تزوجين شهاب هم إلا ضربي

تبارك.. ياا هذا شرطي الأول والأخير

سليل.. حتى يركعج بميت نعال وطالك بالثلاث

تبارك.. ولج اني الناس ميتة علية بس تريد نضرة مني

سليل.. هوة منو يباوع لصخل حتى يموتون عليج وجه الجوب

تبارك.. كبر حتى كبر غورارة

سليل.. 😩 😏 ياللة كومي خلي نسوي اكل جوعانة🙂

تبارك.. خلي نرجع لسالفتنة

سليل.. يبووو على راسج سليل

تبارك.. اسمعي سمعي

صالح مو كل ما يشوفج يبتسم

سليل.. أي 😩

تبارك.. زين مو دائما هوة يصيحلج على الاكل واذا ما اكلتي يرزلج ويصيح عليج

سليل.. احنة شلون بالعايشة ميت حالة حب

تبارك.. انجبي وجاوبي

سليل.. ترة يرزلني ويصيح علية مايمدحني

تبارك.. هسة كولي أي لو لا

سليل.. أي

تبارك.. ذاك اليوم من طلعنة سوة للزيارة مو خلاج تمسحين مكياجج وتعارك وي أبو المحل...

دا تحجي اجت زمن فتحت الباب بسرعة وقاطعتهة

من فتحت الباب ثنيناتنة كمزنة لأن اخترعنة

تبارك.. سم بكلبج انشاللة هوة الواحد هيج يفتح الباب

زمن.. ولج اسكتي وسمعي

تبارك.. شكو

زمن.. ولج صالح صعد لغرفتة وكالي صيحيلي سليل

تبارك.. دخيلك ياعلي شيريد من البت

ولج سليل لاتروحين

زمن.. انجبي ولج مدري شيريد

سليل.. واللة ما اروح

زمن.. كبر يمكن شي مهم روحي وتعاي سولفينة

تبارك.. سليل لاتروحين

زمن.. مرض ليش متروح

تبارك.. وانتي شبيج كتلتي روحج عل الروحة

زمن.. ولج كتلني الفضول

ياربي اكلبني سليل وخلي اروح واشوفة شيريد

سليل.. عزة شيريد هذا

تبارك.. (صفنت وراها كالت)سليل تدرين شنو

سليل.. شنو

تبارك.. روحي خلي نشوف شيريد وتعالي بسرعة لا تطولين

سليل.. ما ما ما اروح ......

دا احجي وسمعنة صوت صالح

صالح.. سليل وينج

تبارك.. ولج روحي

سليل.. خاف يرزلني عل الغلطة ولج

تبارك.. لا ولج مااعتقد

زمن.. دفضينة وكومي نعال

سليل.. هفف رايحةةة

رحت للغرفة

سليل.. ها

صالح.. حضري غراضج باجر نروح لكربلا ، وها بس اني و انتي

سليل.. وشعدنة رايحين وحدنة

صالح.. و٣ أيام هم

سليل.. 🙁

صالح.. شبيج

سليل.. مدري

صالح.. ( كام مشة بأتجاها ولزمها بأثنين أيديه من خصرها..........

●●●●●●●●●●●●●●●●●●●●●●●●●●●●●

لهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘

سليل للشيخ

#البارت العشرون

للكاتبة#زينب البديري

🥺

______________________________________

صالح.. ( كام مشة بأتجاها ولزمها بأثنين أيديه من خصرها)

سليل..(تلزم ايديه تحاول توخرهن ) وخر يا متحرش

صالح.. ها متحرش، زين شرايج اتحرش زيازة

سليل.. يح......... (قاطعها صوت الباب)

صالح.. (يهد سليل بسرعة )

ام صالح.. (تحجي ومبتسمة ) يمة سليل تعالي اريدج بسالفة (وطلعت)

سليل.. ي خالة جاية (خنزرت على صالح وطلعت)

صالح.. مو تنسين(بصوت عالي)

رحت ورا خالة اخذتني للغرفة

ام صالح.. خالة انتي وصالح صارلكم فوك السنة مزوجين واكيد واحد عرف الثاني شنو وتعلقتو بعض وهسة كافي اسقرو الاستقرار الكامل وعيشو مثل اي اثنين ، وهوة صالح يريد يبدي وياج من جديد وحاجاني وكاي نسوي عرس بس مانكدر نسوي العرس وحفلة العالم تكوم تحجي، لهذا كتلة روحو ٣ ايام بمدينة الأمام الحسين(كربلاء) حتى الحسين هوة يسهل الكم كلشي انشالله واكو إمكان كلش حلوة هناك تونسو وتعالو ،ومهدي راح هسة حجزلكم بفندق بمدينة سيد الأوصياء

ماادري شصار بية مدري استحيت مدري فرحت ضليت ساكتة ماحجيت هية ضحكت

ام صالح.. ها خالة

سليل.. اللة كريم خالة

ام صالح.. دومة كريم يلا خالة حضري روحج باجر من الصبح طلعون

سليل.. تمام خالة (بهل الاثناء طبت زمن وتبارك)

ام صالح.. اجن العصابجيات  

زمن.. تفخ روحها) كفو من عدنة

تبارك.. انتو بدونة تموتون هنيالكم علينة

ام صالح.. يمة خطية بناتي ثقتهن زايدة بنفسهن ديرن بالجن الثقة الزايدة مو زينة (وضحكت)

تبارك.. 😒

زمن.. 🙂

ام صالح.. يلا سليل مثل ما كتلج (وطلعت)

زمن.. تبارك.. شكالتلج (حجن نفس الوقت)

زمن كرصت تبارك

زمن.. ننن رجلي احلى من رجلج

تبارك.. انجبي، سليل شكالتلج امي

سليل.. ينعل ابو فضولج

تبارك.. لا عليج اللة

زمن.. ولج احجي لا اطيح حضج

سليل.. راح نروح سفرة

زمن.. خذوني معاكم

تبارك.. وين

سليل.. لكربلا اني وصالح

تبارك.. اي عمي تطورات

زمن.. وشسون

سليل.. يا

زمن.. اخذوني وياكم

تبارك.. ومرض اسكتي(توجه الكلام لزمن)

زمن..😒

تبارك..  هممم مبين طلعة خاصة وعشة رومنسي

سليل.. مو بس يوم ٣ أيام

تبارك.. هلوعيني

سليل.. وجع.......

ضلينة نسولف وحضرت نفسي والشغلات الي اخذهم

وبعدين نعسنة ونمنة

كعدت الصبح ضليت صافنة بالفراش واباوع عل الساعة ما اعرف متوترة مترددة

اخر شي كمت رحت للمطبخ اشرب مي جان اشوف صالح نازل من الدرج من شافني بالمطبخ اجة يمي

صالح.. ماتوقعتج كاعدة كلت انزل اكعدج طلعتي كاعدة قبلي

سليل.. مدري ،شو ما كدرت انام

صالح.. هممم يلا روحي حضري روحج شوية و نطلع

سليل.. جوعانة

صالح.. شنو

سليل.. جوعانة اريد اكل

صالح.. سوي تصبيرة وهناك بس نوصل نروح لمطعم

سليل.. خوش

صالح.. شبيج

سليل.. مابية (تريد تطلع منالمطبخ)

صالح.. ام بطن

سليل.. (دير وجها وتباوع صفح وترجع تكمل طريقها)

رحت للغرفة بدلت وحطيت مكياج ولبست الشال وطلعت لكيت صالح منتضرني يم باب المطبخ وجان يلعب بالجهاز من شافني رفع راسة وفتح عيونة وقفل الجهاز بالجيب مالتو

صالح.. صلوت واللة شلعن الكلب النسوان

سليل.. احنا نشلع الكلب لو انتو

صالح.. يبوو يصالح فتحتلك باب هسة تاكل كلبك

سليل.. 🙂

صالح.. دمشي امشي

رحنة سلمنة على خالة وطلعنة صعدنة بالسيارة الطريق كلة ساكتين وصالح كلساع يباوعلي اخر شي حطيت العبا على وجهي ونمت

كعدت على صوت يكلي وصلنة نزلنة من السيارة ورحنة للغرفة بالفندق ارتاحينة شوية دور طلعنة زرنة واكلنة وافترينة بالسوك شوية اشتريت كم شغلة ورجعنة كلش تعبانين سويت اكل وكعدنة ناكل

صالح.. هاهم بالبيت احنة

سليل.. شنو

صالح.. دشوفي لبسج

سليل.. ضليت اباوع لبسي) شبي

صالح.. يسلم عليج

سليل.. (فهمت قصدة كمت اضحك ) اللة يسلمة

صالح.. 😒

سليل.. خلي اكمل اكل دير وجهك لضل تباوعلي

صالح.. حط ايديه على خدة وركبة ايدة عل الطاولة وكام يباوعلها

سليل.. 🤦‍♀️كتلك لتباوعع

صالح.. واللة بكيفي

سليل.. مو بكيفك

صالح.. كتلج بكيفي

سليل.. مووو بكييفكك

صالح.. ها مو بكيفي(كام وشالها)

سليل.. نزلنييي

صالح.. بكيفي

سليل.. لا

صالح.. (فراها) وهسة

سليل.. اييي اييي بس نزلني

صالح.. شكلتي ما اسمع

سليل.. بكيفك

صالح.. ها خوش انتي كلتيها بعد

...................................

هل ٣ أيام احس غيرني هواي وبنفس الوقت طلعني من الجو الي جنت عايشتة جو الملل الكئابة الزعل بإختصار جانن احلى ايام حياتي.

صار الوقت ورجعة للنجف كلش مشتاقة لزمونة وتبارك جان يومي ميمر بدونهن بس هسة غايبة عنهن ٣ ايام أدري هسة بس ارجع تبارك حتسوي تحقيق كلت خلي اجيب الها جبس ليز كلش تحبة هية بلكي اخلص نزلنة يم سوبر ماركت واختلها ٥ زمن متحب المقرمشات تحب الحلويت هم اخذتلها

و رجعنة للبيت

أول ما وصلت سلمت على خالة ومرت عمار ورحت لغرفة البنات

سليل.. شلونهن الحلوات

تبارك..(نايمة وحاكة رحل على رجل) هلا هلا هاي مني

زمن.. ها حقيرةةة

سليل.. يايمة شبيجن

تبارك.. من لكة احبابة نسة اصحابة مو زمن

زمن.. اي واللا

سليل.. شوفن شجبتلجن

تبارك.. مو احنة وعاطيط حتى تقشمرين علينة

سليل.. انجبي وكافي سئالة

تبارك..😒😒( تتصل على غصون )

سليل.. ها شسوين

تبارك.. غصون كالتلي بس تجي كوليلي اجي

زمن.. مو كالتلج من تخابريني لا تكولين لسليل

تبارك..يو شمدريني نسيت

سليل.. 🙂

تبارك.. وانتي شبيج الثانية

سليل.. صايرات عدائيات وتتفقن علية 🙂

تبارك.. (ترد غصون )هللوو عيني شلونج

غصون.. هلا هلا

تبارك.. اجت ست الحسن

غصون.. كلليش شوية و أني يمجن  

تبارك.. خوش منتضرين

غصون.. يلا بايي(سدت الخط )

تبارك.. انتي و صديقتج واللة خطية

سليل.. اللة يشافيج انتي وصديقتي ويشافيني هم

زمن.. جا واني نسيتني هم اللة يشافيني انشاللة

وحدة صفنت بوجه الثانية بعدين راحت سليل كعدت يمهن

سليل..(تفتح الشال) ماتعلكن السبلت حارة

تبارك.. كومي انتى....... (تجي عينها على ركبة سليل)

تبارك.. ادبسز هاي شنو

زمن.. شو اشوف.. سليل😑

سليل.. بسم اللة الرحمان شبيجن خرعتني

تبارك.. ومرض هاي شنو

سليل.. شنو

تبارك.. ركبتج

سليل.. تباوع لركبتها) ولج هاي حباية عابت

زمن.. خطية حباية

تبارك.. اي والحباية هيج تصير خطية

بهل الاثناء طبت ام صالح وغصون

ام صالح.. تفضلي خالة

غصون.. غصون يزيد فضلج خالة

ام صالح.. حبيبتي

تبارك.. هلا والله

زمن.. هلا بغصون

سليل.. هلااااااا

ام صالح.. يلا خالة اخذو راحتكم

غصون.. (من تطلع ام صالح تركض بتجاهن) ها ولجن شلونجن

سليل.. زينين ولج مشتاقتلج

غصون..(تضرب سليل على راسخا) انجبي انتي واكعدي عدنة حساب وياج

سليل.. عابت اي واللة

زمن.. ولج غصون لتحاجين سليل خطية طالعتلها حباية بركبتها

غصون.. يا صدك اشوف (تشوف) عزااا

تبارك.. مسجينة كلش قهرتني

سليل.. وعلي اجت حجاية

غصون.تبارك.زمن... احجيها

سليل.. مالي خلكجن

غصون.. يلا انجبي وانتن اكعدن ،سليل سولفي شصار ما صار

سليل.. يا شكد ادبسزيات

تبارك.. انجبي

زمن.. ولج سولفي وفضينة

سليل.. بعدجن صار علهلسوالف

غصون.. اوييي

تبارك.. كبر اي واللة لا انتي الجبيرة 😒

زمن.. يبووو راح يتعاركن

سليل.. تذكرت شغلة

تبارك.. شنو

غصون.. همم

زمن.. شذكرتي

سليل.. اكو شخصاية اتصلت على صالح تريد تطلب ايد تبروك

غصون.. يحححححح

زمن.. منو هذا

تبارك..  ومنو عاد حلو

سليل.. شها.... (بعدها مامكملة حجابتها جان يطب عبدللة)

■■■■■■■■■■■

عبداللة..

جنت راجع من الشغل تعبان وجوعان ورحت لغرفتهن اريد تبارك تسويلي اكل

(يحجي بكلبة)هسة شيصير لو مزوج واكول لمرتي وتسويلي اكل احسن ما اروح لتبارك تاكل طلبي يلا تسويلي ((يفتح الباب وتجي عينة علاغصون))

(وهم يحجي بكلبة) هاي هية لكيتها

تبارك.. والككك وين طاب

من بعد صفنتي فززني صوت تبارك بسرعة طلعت وسديت الباب ورحت اشوف أمي

عبدالله.. يمةةة

ام صالح.. ها يمة

عبدالله.. سويلي اكل جوعان كلش

ام صالح.. يمة كول لأختك

عبدالله.. يوم اروح لأختي يمها سليل وغصون

ام صالح.. ولك وانتة منين تعرف غصون

عبدالله.. يرفع باخة قميصو) اعرفها

ام صالح..(تكوم تجرة من أذنة ) ولك احجي

عبدالله.. يمة معجب بيها

ام صالح.. ولك مو عيب شنهل الحجي

عبدالله..  واللة شبيج احجي صدك

ام صالح.. بس لا رايح مسوي علاقة وي البت وامها تأمنها يمي

عبدالله.. واللة ياريت .. كلت ائجلها من أتأكد من حبي

ام صالح.. صخام لصخمك اكسر راسك حتى

عبدالله.. ها سالمين صار بيها تكسير روس

ام صالح.. يمة عيب هاي مثل عرضك ميصير اذا تريد اروح اخطبلكياها بس لاتسوي هيج سوالف عيب

عبدالله .. عليج اللة يعني تروحين تخطبيلي

ام صالح.. اي جاليش لا

عبدالله.. لككك هلاااا ،شوكت؟

ام صالح.. شوكت مايفرغ اخوك هستوة رجع من السفر

عبدالله.. اي شفت سليل ، اكلج يمة نسيتيني سالفة الأكل

ام صالح.. هسة اسويلك اصبر

كامت امي تسويلي اكل واني رحت لغرفتي من الفرحة والتفكير غفيت

■■■■■■■■■■■■■

من بعد ما طلع عبدالله

غصون.. شهاب

تبارك.. كولي واللة

زمن.. كللليشششش راح اخلص من تبارككك.................

●●●●●●●●●●●●●●●●●●●●●●●●●●●●●

لهنا ويخلص البارت 😏

اشوفكم بالبارت الجاي 💃

احبكم يا أحلى ناس 😃❤❤

اختكم#زينب البديري 💡

بااااااي🙋😘