رواية سليله الانتقام الفصل التاسع والعشرون 29 - بقلم taratel

.. مثبت عينه عليهم ساعات وهو ينتظرهم يطلعون اول ما لمح واحد بيهم ضغط على الزناد ما خسر بس طلقه وحده وهو يطشر معالم وجهه

..رفع ايده وهو يكول

اشتر: لحد يرمي

.. كلها توقفت منتظري رجع وهو يرفع الجهاز وصاح بيهم

اشتر: السياره طلعت من المدخل الورا طلعوا دوريه وراهم

.. نزل من التله وهو يسحب قناصته ينطيها للي يمه ويشيل سلاحه

.. تقرب للموقع وهو يشوف كم فريسه قتل هلمره وهو يعرفهم ويميزهم صاح واحد

- شلون تعرفون هاي قناصه الاشتر طلقه بعظمه الخشم تمحي ملامح الوجهه

.. تركهه وهو يندار يشوف الضبع وهو متقرب عليه كال

اشتر: وينهم

.. نزل راسه بااسى اول مره يشوف ضبع بهاي الحاله

..قرب ايده على كتفه وكال

اشتر: لا تخاف نلكاهن
ضبع: السياره مكلوبه ومابيها احد فارغه

اشتر: يعني مابيهن شي ما دام مطلعيهن من السياره

.. هز براسه ورجع كال

ضبع: اسد ما ناوي يعترف عليهم
اشتر: اكل كتله محترمه
ضبع: مياثر بي يبلع حبوب ويجيبو للتحقيق
اشتر: جلاب من جوه مساندي
ضبع: سهله اني اعلمه
اشتر: يعني تتوقع اسد وراها

..رفع راسه عليه وهو يثبت عينه

ضبع: مو بس اسد اشتر هواي وانت تعرف قبل شصاير هسه بس اريد الكف طرف خيط واعرف منو منهم

اشتر: جماعه نصرت

.. هز راسه بمعنى لا ورجع كال

ضبع: جماعه نصرت يخافون محد يطلب بثاره بعد نصرت ومات خلصت مصالحهم

اشتر: لا تخاف نلكاهن
ضبع: خايف الكاهه اشتر

.. ثبت عينه عليه وكال

اشتر: ما تعيد تجربه ملاك لا تخاف ما دام بعدهم ما طالعين من المنطقه نلكاهن

.. اندارو وهمه يشوفون مصعب يقترب ويصيح
مصعب: ولك ضبع الكو.. اني كم مره اكول لا تكتلون لا تكتلون طلقه بنص الراس لا تخلون شبيكم خل نفتهم بلكت واحد منهم يعترف

.. دار وجهه عنه وهو يباوع لاشتر

مصعب: خو انت اني مئيس منك ما اتناقش وياك اصلا اعرفك شنو

ضبع: مصعب اريد اليوم الكاهم افتهمت

مصعب: دزيت فرقه نبشنه المنطقه المشكله المكان مفتوح وما مبينين

ضبع: بلغ السيطرات

.. مرر ايده وهو يضغط على كتف الضبع وكال

مصعب: لا تخاف نلكاهم

.. ما جاوبه رجع كال

مصعب: تعال وياي اريدك بشغله

..رفع راسه عليه وكال

ضبع: شكو

مصعب: تعال

.. ابتعدوا وهم يرجعون لموقع الحادثه اندار وهو يشوف شرار واكف على جهه والجكاره باايده وهو مثبت عينه على الفراغ تقرب عليه وكال

اشتر: شبيك

.. رفع عينه عليه وجاوب

شرار: شفتها

اشتر: منو

شرار: ملاك

.. اتقرب عليه وهو يلزمه من ياخه قميصه وصاح بصوت

اشتر: ولك غبي مرتك وجهه ما ينشاف من الضرب وانت تسئل على ملاك

.. بعد ايديه وهو يفتح عينه بصدمه

شرار: شبيها

..تقدم عليه وهو يرص بااسنانه وحجه بصوت

اشتر: اذا ما تحبها ليش تزوجتها ليش دمرتها للبنيه مو خطيه ولك هاي يتيمه تعرف شنو لا اب ولا ام  ولا اي واحد يعينها ولك فوك ما تصيرلها سند كاعد تدور وحده عليها

..نزل راسه وحجه بيأس

شرار: غلطت وياها اشتر

.. ربت على كتفه قوي وكال

اشتر: لعد تصير رجال وتتحمل اخطائك

.. سكت ما جاوبه رجع اندار وثبت عينه عليه كال

اشتر: شرار اني ما حجيت لضبع

شرار: شنو

اشتر: ضبع اذا يعرف سلمان ماخذهن يتخبل علينه خلي هسه يفكر بعقل

شرار: سلمان !

.. هز براسه وهو ياخذ الجكاره من ايد شرار ويشمرها

اشتر: لعبت نفسي بلريحه كافي

شرار: جاوبني اشتر شلون عرفت سلمان

.. رفع نظره عليه وكال

اشتر: نسيت شنو شغلي

.. دار وجهه وهو يترقب الموقع والشرطه الي محاوطه المكان ورجع كال

شرار: احجي اشتر شلون عرفت

اشتر: معليك بابا

شرار: ولك اشتر هذا سلمان تعرف شنو

اشتر: تعلمني يعني

شرار: احجي لضبع اشتر ساعه وحده نتأخر بيها سلمان يسلم روسهن ولك هذا ما يعرف مره طفل ماكو بگلبه رحمه واحد جلب

اشتر: لا ضبع اذا عرف راح يصعب المهمه وتروح بيها ارواح ناس هواي خلينه هيج نشتغلهم

شرار: وتتوقع ضبع ما راح يعرف

اشتر: المعلومات الي وصلتني حيل سريه ما اتوقع توصل للضبع

شرار: سلمان يوصلها وهذا مبتغى

.. رفع راسه عليه وكال

اشتر: هيج تتوقع

.. حجه بصوت منكسر وهو يكول

شرار: اشتر

اشتر: شنو

شرار: شلونها

اشتر: ولك انت ليش ما اتوب

.. بعده ما مكمل كلامه وكال

شرار: ريم

..ثبت عينه عليه وكال

اشتر: وجها ضايع من الضرب والدم

شرار: شفتها بلقناصه

.. هز براسه بمعنى اي وهو يبعد عينه عن شرار

شرار: وين مكانهم تندله

..رجع وهو يثبت عينه عليه وكال

اشتر: اعرف

شرار: يا اشتر الكو.. اكو شي ما تعرفه وينهم كول خل نروح

اشتر: هو اني ليش ما احجيلكم لان كلكم مطايه ومحد يفكر بعقل

شرار: شوكت لعد

اشتر: ننطيهم الامان هاي الساعات والفجر نهجم

شرار: حجيت لضبع

اشتر: لا

شرار: ليش

.. سكت ما جاوبه

شرار: اشتر اذا تأخرنه ينعاد

.. قبل ليكمل كلامه جاوبه

اشتر: ما ينعاد شي بس اسكت ولا تحجي لضبع مو هسه

.. تقرب عليه واحد من الجنود وهو يقدمله قناصته

- سيدي

.. اخذها منه بدون لا يجاوب

شرار: اشتر گلبي ما مطمئن احجي لضبع

اشتر: ما تعرفني !!

شرار: صدك هو الي يضم الـِن ٨ اشهر عن الضبع هذا شنو

.. تركه بدون لا يجاوبه وهو متجهه لموقع الحادث صاح واحد من الجنود وكال

اشتر: لكيتو شي

- لا سيدي ما الهم اثر

.. اتجهه لضبع وهو يكول

اشتر: مالكيتولهم اثر

.. اندار عليه وعلى ثغره ابتسامه اخذ ايده وهو يربت على اكتاف اشتر وكال

ضبع: اشتر اذا تعرف شي احجي لان لو عرفت من غيرك ادفنك هنا

.. ابتسم وكال

اشتر: ما اعرف

ضبع: النمله التمشي بلكاع تعرف وين تروح اشتر لا تلعب بااعصابي واحجي وين راحو

.. بعد عينه عنه وكال

اشتر: سلمان

.. فتح عينه بصدمه وابتعد عن اشتر

ضبع: يا سا.. تعرف يعني

اشتر: ضبع فكر بعقل سلمان وين يودي رهاينه

ضبع: سراديب جوا الكاع

.. باوع لضبع وهو مضيق عيونه وكال

اشتر: لا

ضبع: وين

اشتر: اريد خريطه للمناطق التابعه اله

ضبع: ما نكدر ندخللهن يعرفون ويبلغوا قبل لا نوصل

اشتر: شوف اني ليش ما ردت اكلك لان عقلك راح يوكف على شغله وحده

..ثبت عينه عليه ورجع كال

اشتر: ضبع

ضبع: شكو

اشتر: سلمان عنده سراديب وانفاق جوا الكاع بمناطق شعبيه وبكل بيت اله نفق يطلع على غير بيت

.. بعد عينه عنه وهو يستدار ورجع كال

ضبع: وين

.. صاح عليه بصوت

اشتر: ضبع الله يخليك ركز وياي ضبع انت الوحيد الي يكدر لسلمان لا تصير مطي

.. ثبت عينه بفراغ وكال

ضبع: اول مره اخاف اشتر

.. اخذ ايده وهو يخليها على كتفه وكال

اشتر: لا تخاف نلكاهه ومابيها شي

.. رفع نظره عليه وهو ياخذ مبايله يتصل

ضبع: بلغ سلمان لو لمس شعره وحده من عدهن يحسب الله ما خلقه

.. رجع غلق المبايل وهو يرفع نظره للاشتر وكال

ضبع: الحكوني للسياره انت وشرار لازم نتحرك اليوم اذا ما لكيناهن سلمان يطلعهن خارج العراق اليوم عنده قافله راح تطلع لسوريا

.. هز براسه وهو يبتعد عنه

..ترك ضبع خلفه وهو يتجهه لشرار

اشتر: شرار تعال الضبع يريدنه
شرار: عرف
اشتر: اي
شرار: انت كلتله
اشتر: لا
شرار: شلون ثنين نغ..

.. اندار عليه وهو يخزره ويكمل طريقه وصلو لسياره الضبع الي جان ينتظرهم اول ما صعدوا وهو تحرك سريع

شرار: اني شمسوي بحياتي ورب العالمين شمرني بنصكم

اشتر: انزل

شرار: اشاقه وياك حبيبي

اشتر: اكل .. واسكت لعد

.. بعد عينه وهو يثبتها على ضبع الي جان مسيطر عليه الهدوء وهو اكثر شي يخوف بضبع

شرار: الله اليستر

.. اندار على اشتر وهو يكول

ضبع: وين نروح

اشتر: اخذنه لبيتي

.. غير الاتجاه

.. نزل اشتر وهو يفتحلهم الباب اول ما دخل واجت عينه على مكانها وهو يتذكر كعدتها هدوئها ونضراتها اله ضغط بقبضه ايده قوي وهو يدخل لاحد الغرف

.. اخذ حاسبته وهو يرجعلهم اتجمعوا عليه وهمه يسمعون خطه الاشتر

اشتر: سلمان عنده ٣ بيوت بهاي المنطقه بيها انفاق تحت الارض لازم نحاصرهن بنفس الوقت

.. كعد يشرحلهم الخطه بتفاصيلها

.. اتصل مبايل ضبع اخذه يفتح سبيكر يسمعون

- يا اهلا بلضبع مشتاقين

.. كال كلماته بكل هدوء وبصوت مرعب وهو يرددهن ٣ مرات وبكل مره يعلي صوته اكثر

ضبع: سلمان سلمان سلمان

.. ما جان اكو جواب غير ضحكته المقرفه

- كالو مرتك يمي تريد تسمع صوتها

.. اتقرب على المبايل يستمعلها وهيه تون من الالم صاحت بصوت ضعيف متألمه

الـِن: ضبع
ضبع: روُحي لا تخافين
الـِن: منتضرتك

.. سمع صوته وهو يضربها وتصيح تستنجد بي

.. صاح بصوت مرعب

ضبع: سلمان ساعات بس تفصلني عنك اذا ما ادوسك دوس بلقند.. انتظرني

- ما تكدرلي القانون باايدي

ضبع: ادوسك دوس انت والقانون  تدري ماكو شي يوكف بوجهي ولك كوا.. تلعب وياي كانما ما تعرفني بس سهله اذكرك منو الضبع من جديد

- ودع مرتك

.. قرب المبايل عليها وكال

- ودعي اخر كلماتج ويا

الـِن: ضبع مره سئلتك شنو حلمك وكلتلي نبني بيت ونترسه اطفال

.. سحب المبايل قبل لا تكمل كلامها

.. كال كلمته هاي وصاح بصوت كانما يزئر خايف فقدانها فقدان حياته اي حياته الي رجعتله بعد سنين

ضبع: اندمك

.. ما جان اكو جواب ثاني غلق المبايل وفلشه بلحايط وبقى يفتر بلصاله وهو ايده على راسه

.. منظره مرعب خافو يقتربون من عنده يعرفون شنو الي ينتظرهم اذا تقربوا بهاي اللحظه

.. وكف وهو يرفع نظره لاشتر وكال

ضبع: اشتر اني ما كلت لـ الـِن هيج

.. ثبت عينه بعين اشتر ورجع كال

ضبع: بيت متروس اطفال

اشتر: سلمان عنده بيت يجمع بي اطفال ويشغلهم بلشوارع متشردين

.. تقرب على اشتر وكال

ضبع: اذا يابيت من عدهم

.. رفع نظره على شرار وكال

اشتر: مهمتك شرار

.. هز براسه وهو ياخذ مبايله يتصل

شرار: راح ادزلك موقع واريدك تحددلي منو منهم بيت سلمان الي يشغل بي المتسولين

.. رجع غلق المبايل

ضبع: شنو

شرار: خمس دقايق

ضبع: فاشل هاي الدقيقه ممكن تنسلب بيها روح

..فتح عينه بصدمه كانما توقع حدوث شي

شرار: لا

.. رفع مبايله وهو يشوف الرساله الي وصلت
تقربو عليه يشوفون الموقع

.. رفع نظره على اشتر وكال

ضبع: بلغ الفرقه راح نطلع

.. رفع اصبعه لاشتر وكال

ضبع: اشتر اريدك تأمن المنطقه وتراقبهم من بعيد

.. تقدم لاحد الغرف الموجوده شويه وطلع وهو شايل باايده اسلحه

.. قدم لكل واحد بيهم سلاح

.. تقدم لاشتر وهو ينطي القناصه وكال

ضبع: لو صار سلمان كدام عينك لا تطشر راس هلمره سلمان حصتي

.. ابتسم وجاوبه

اشتر: تدلل

..

....................

.. غمضت عيني بخوف واخر شي سمعته اصوات البنات يصرخن حسيت على واحد سحب ايدي يحاول يطلعني فتحت عيني واجت عيني عليه جرني قوي من ايدي وهو يسحبني للسياره الثانيه

.. تحركت بخوف احاول اطلع من السياره الي بدت تطلع دخان من الامام

.. جرني حيل وهو يطلعني انتبهت رجليه عباره عن قطعه دم يصبن وايديه مجرحات

.. نزلت واني اشوف ملاك مكعديها بلسياره وريم فاقده ووجهه ما ينشاف من الدم اخذني وهو يسحل بيه لداخل السياره بس صعدني تقربت عليه ملاك تحضني وكالت

ملاك: لا تخافين خوش
الـِن: ولج ملاك ريم شبيها

.. نزلت راسها تبجي اندار واحد علينه وهو يضربها بنهايه المسدس وصاح بصوت

- صوت ما اريد اسمع

.. حطت ايدها على شفتها تمنع شهكاتها
.. اني جانت عيني على ريم الفاقده تقربت عليها واني اهمس

الـِن: ولج ريم حبابه اكعدي

.. ماجان اكو جواب اخذت ايدها اقيس نبضها جان اكو بعدت شعرها عن وجها ملامحها جانت مختلفه جذرياً من الضرب اكثر وحده اخذت حصه من الضرب هيه ريم لان جانت ناعمه وما تدافع عن نفسها يكدرولها بساع

.. بقيت لازمه ايدها واسمع لنبضها ما فتحت عينها ابد وملاك جانت بس تبجي وصلنه لمنطقه مهجوره بيوتها تخوف وكفنه يم بيت شبهه مهجور ومتفلش اول ما دخلنه جان نفس الشخص الي دخل علينه بلمخزن كاعد وينتظر اول ما شافنه كام على حيله وهو يكول

سلمان: دخلوهن للغرفه

.. فتح الباب ودخلنه جان البيت متروس اطفال بس شافونه واحد يباوع للثاني مصدومين من منظرنه

.. دخلو ريم وهم شايليها يسحلون بيها ودخلوها لوحده من الغرف ودخلونه وياها وقفلو الباب

.. لزمت گلبي واني خايفه تقربنه على ريم نحاول نكعدها بس جانت فاقده

.. رفعت عيني على ملاك الي رجعت للزاويه وهيه لامه نفسها وتبجي تقربت عليها وحضنتها

الـِن: ملاك وين راح ياخذونه

ملاك: مادري

الـِن: مو انخطفتي قبل ما تعرفين وين راح نروح

ملاك: يتحرشون بيج ويغتصبوج ويضربج ويبيعوج

الـِن: ملاك اني اخاف

ملاك: مستحيل يصير بيج الي صار بيه لان عندج ضبع

الـِن: هو وينه ضبع

.. رفعت عيني على ريم وكلت

الـِن: والله خايفه عليها ما فتحت عينها ابد

ملاك: خليها احسن لا تكعد وتشوف المكان الي احنه بي شكد قذر

.. بعدت نفسي عنها واني امعن نظري بلغرفه جانت صغيره وضلمه وماكلتها الرطوبه شكلها يخوف

.. شويه ودخل نفس الشخص الي جان واكف بلباب مر من يم ريم وهو يدوس على ايدها برجله ويضغط عليها صاح على واحد يمه

سلمان: هاي ليش ماكعدت

- فاقده

سلمان : كعدوها

.. هز براسه وتقدم على ريم يسحلها من رجليها بس شفته تقدم عليها ركضت عليه ابعدها عنه بس ماكدرت تقدم عليه وهو يضربني

.. صرخت متألمه دخلو ثنين وبدو يضربون بيه حسيت على واحد بيهم يتلمس بجسمي والثاني يضرب على راسي

.. مااعرف وين اخلي ايدي وادافع عن نفسي من الضرب لو من تحرشاتهم حسيت عليه وهو يصيح بيهم يبتعدون تقرب عليه وهو ياخذ خصله من شعري يقربها اله قوي وكال

سلمان: وهاي لمسنه شعره من مره الضبع خل نشوف شيسوي

.. حسيت اطرافي ارتعشن من كلامه وحجيت

الـِن: شتريد مني

سلمان: ماتدرين اني وزوجج بيناتنه ثار قديم

الـِن: واني شكو بيك حظ روح اخذ ثارك من عنده مو جاي تستقوي على نسوان

.. كلت هيج وتقدم عليه وخنكني باايده حسيت فقدت النفس صرت انازع باايده ملاك تقربت عليه وهيه تدفع بي تحاول توخره عني ماكدرت اليمه قيدوها صراخها والمها وعيوني الي تستغيث بيها حسيت على عيوني غوشن وهذا اخر نفس راح افقده تركني ارجف باالارض احاول اجر النفس من جديد اهف باايدي احاول اخذ النفس

..شهكت بصوت عالي واني اخذ نفس ووكعت على الارض تقرب عليه وهو يضرب بيه برجله على راسي ويضغط حيل ما الي قوه اقاومه غمضت عيني قوي وبدات دموعي تنزل

.. بعد رجله عني وابتعد

.. ضحك بطريقه مقرفه وهو يتقرب لملاك ويجرها من ايدها يقدمها عليه

.. همس بااذنها فتحت عينها بصدمه وصرخت بصوت وهيه تحاول تبعد نفسها عنه

.. جرها من شعرها قوي وشمرها على الارض صاحت متألمه

.. ممدين على الارض متألمين فاقدين للحياه

.. طلعوا وهم يقفلون الباب وراهم

.. بقيت ابجي مااكدر اكوم على حيلي احس قوتي خلصت ما اكدر اتحرك صحت بصوت ضعيف

الـِن: ملاك

ملاك: ها

.. بجيت بصوت عالي واني اشهك

الـِن: تعبت

.. حسيت عليها تقربت عليه وهيه تحاول تكومني حضنتني حيل وكال

ملاك: مابقى شي اتحملي

الـِن: لو ما التقيت بضبع ما جان هسه اني بهذا المكان لو ما انولدت بقصر مهيوب جان هذا مو مكاني

.. مسحت على شعري المتروس دم وكالت

ملاك: ضحاياهم ضحايا طمعهم وحقدهم وكرهم

.. تقرب عليه وهيه تبوسني براسي خفيف وكالت

ملاك: اتحملي الـِن مابقى شي

.. ابتسمت بقهر وحجيت

الـِن: اني الي متحمله ضبع تردين ما اتحمل هذا

.. ابتسمت وكالت

ملاك: هم صحيح

..بقيت نايمه بحضنها وريم فاقده ابتعدت عني وهيه تتقرب لريم تقيس نبضها رفعت نضرها عليه وكالت

ملاك: الـِن ريم نبضها قل

.. كمت على حيلي بصعوبه واني اتقرب عليها واشوف تنفسها جان شبهه معدوم

.. بجيت بصوت واني احجي

الـِن: لا ريم لا

.. حضنتها واني ابجي احس عظامي متكسره ومااكدر احركهن صوتي راح من ورا الصريخ كمت على حيلي واني ادك الباب قوي شوي ودخل نفس الشخص وهو باايده مبايل كال

سلمان: يكولون مره الضبع عندي

.. ثبتت عيني عليه بااستفهام

.. ابتعدت واني اسمع صوت الضبع وهو يهدده رجف گلبي من سمعت صوته

.. قربه عليه واني جسمي ياذيني من ضربهم بس سمعت صوته حسيت على دموعي تنزل بكل حراره وگلبي ياذيني حجيت بصوت ضعيف متألم

الـِن: ضبع

.. رجع يحجي ويا بصوته المرعب ويهدده قربه عليه وكال

-ودعي

.. حجيت كلماتي واني متأكده ما تعبر على الضبع

.. غلق المبايل بعد ما سمع اخر تهديداته

.. رفعت عيني عليه وجانت نظراته مليانه خوف رجعت ابتسمت بألم وحجيت

الـِن: قربت نهايتك

تقرب عليه واحد ثاني وهو يكول

- سلمان عوفها وخل نطلع منها

سلمان: ما اطلع اذا ما محصل الضبع

- لا تنسى اخر مره شصار

سلمان : هلمره تختلف صدك

.. حجيت بصعوبه

الـِن: تردون الضبع واني مرته اخذوني هددو بيه وعوفو البنات

.. ضحك ضحكته وطلع

.. لميت نفسي واني ارجع للخلف خايفه

.. رفعت نظري لارجاء الغرفه جانت مغلقه حتى شباك ما جان اكو بس فتحه حيل صغيره حجيت

الـِن: ملاك تكدرين تدخلين منا

ملاك: اي مو اني نمله

الـِن: هاي شبيج خل نجرب

ملاك: انتي ضربوج على عقلج وصار بي شي دشوفيها شلون صغيره تكفي بس راسج

.. نزلت عيني واني حايره

.. لميت نفسي واني اتقرب لريم اقيس نبضها واقرالها ايات قرأنيه تعلمتها من ماما نيران

..ماعرف شكد مر وقت رجعت بخطواتي واني احس على فتح القفل

.. اتقرب عليه وكال

- ضبعج لحكج تردين تشوفي

..فتحت عيني بخوف وهزيت راسي نافيه كلامه

الـِن: مستحيل

.. تقرب عليه وهو يلزمني من ايدي ويضغط عليها وياخذني خارج الغرفه

.. البيت جان عباره عن غرف دخلني بوحده منهن

.. رجفت رجلي فتحت عيني بصدمه گلبي احسه وكف واني اشوفه بهذا المنظر

.. رابطي على الكرسي ويعذبون بي بلكهربائيات جان مدنك راسه وهو يطلق انين خفيف

..صاح واحد وهو يضربه

- لك ضبع ال... واخيرا وكعت با ايدي

.. رفع راسه وهو مبتسم اجت عينه عليه فتحها بصدمه وتغيرات معالم وجها وهو يصيح حسيته تحول لانسان ثاني بقى يصارع يحاول يوخر القيود بس مايكدر وهم واكفين يضحكون عليه

..نزلت دمعه بطرف عيني واني اشوف ضبع بهاي الحاله

ضبع: لك حيوان مو كتلك شعره ما تلمس منها

.. قربني عليه وكال

- ما توقعنه مره توكع الضبع

.. صاح بصوت مرعب

ضبع: ولك سلمااان اذا ما كسرت ايدك

.. قبل لا يكمل كلامه حاوطو وهمه يضربون بي جانت عيني تترقبه ماجان يبدر من عنده اي شي ولا كانما كاعد يعذبون بي با ابشع طريقه

.. جان منزل راسه وتاركهم يعذبو

.. بجيت بصوت قوي رفع نضره عليه وحجه بصوت عالي

ضبع: لا تبجين

.. سكتت واني خايفه

.. تقرب عليه واحد منهم وهو يشيل حديده جانت بلكاع وضرب بيها الضبع على راسه على اثرها الدم ضل يطافر وملى المكان ارتد للخلف وهو يون بصوت ضعيف خافت راص على اسنانه يخفي المه

.. اتقرب عليه وهو يشيل راسه باايده وصاح

- ما تأذي مو

.. رجع ضربه بجسمه حسيت اعظامه تكسرت

.. ما جان يصدر من عنده بس انين خفيف وهذا الي خبلهم وخلاهم يزيدون الضرب عليه

.. جنت انازع بروحي احاول افك نفسي من قيودهم بس ماكدرت روحي ويا تلوب كل ما يضربو احس الضربه تجي بروحي

.. لحد ما بدو بااسلوب ثاني بتعذيبه

.. بدو يغطون راسه بجنكر مي وهم يضحكون عليه

- اتوسل

.. حجه بصعوبه

ضبع: لو تموت

- اصرخ نفس النسوان واعوفك

ضبع: تحلم

.. رجع يكمل بتعذيبه

.. حسيت بگلبي وكف من البجي صحت بصوت خايفه

الـِن: ولك ضبع موتت گلبي سوي الي يردو

.. بس حجيت التفت عليه وتقدم كال

- ميفيد وياك لا صعقات كهربائيه ولا ضرب ولا تعذيب بس الشي الي جابك للموت نخلي يموتك

..فتح عينه بصدمه  وكال بصوت

ضبع: سلمان اطلع بروحك والله لو تقربت سلمااان

.. ما جان يجاوبه وتقدم عليه بكل حقاره وهو ياخذني ويجر بشعري حيل قيدني على الكرسي صرت مقابيل ضبع

.. ثبتت عيني بعينه وحجيت بهمس و بخوف

الـِن: ضبع خايفه

.. جان بس مثبت عينه عليه شكله تعبان حيل

..تقرب عليه وهو بايده جمره

.. اندار على ضبع وكال

- وين تريد نخليها

.. باوعلي وكال طلعي لسانج

.. هزيت راسي خايفه

.. جرني من شعري حيل مثبت راسي وخلا الجمره على ركبتي حسيتها انزرفت صرخت بصوت متألمه

.. بعد عني وهو يضحك رفع نظراته على ضبع الي جان بس يشاهد  بدون صوت وبكل هدوء وعلى ثغره ابتسامه مخيفه

.. بجيت من الالم واني احس النار تلسع بيه بقيت اتوسل بي يعوفني جانت نظراتي تتجول عليه وعلى ضبع خايفه

.. تقرب عليه وهو يكول

- اشو ضبع ما تاثر شنسوي بيج بعد

ضبع: لا تتوقع عندي نقطه ضعف مثل هاي يا سلمان

..اندار عليه ورجع باوعلي وكال

- نشوف

.. تقرب عليه وبحركه وحده مزق التيشرت مالتي وبانت ملابسي الداخليه

.. جانت عيني على الضبع الجان منزل راسه وما رفعها ابد وبكل هدوء كال

ضبع: تندم

..ضحك وكال

- شو بله راويني شلون اندم

.. كال كلماته ورجع تقرب عليه وهو يتلمس بجسمي رفع عينه على اليمه وكال

- وليمتكم

.. نطق كلمته وحسيت على اطرافي ارتعشن هزيت براسي نافيه كلامه خايفه وعيني على ضبع الي ما حرك راسخ حجيت واني خايفه

الـِن: ولك ضبببع

.. ما رفع راسه حولت نظري عليهم واني اشوفهم يتقربون عليه اخذوني من الكرسي وهمه يتلمسون بجسمي ويحاولون يمددوني على الارض بقيت ارافس بيهم وكدرت ابعد نفسي عنهم تحركت سريع واني اتقرب لضبع

.. جان منزل راسه رحت سريع واني اوكع يم رجليه وخليت عيني بعينه همس بااذني سريع

ضبع: ابتعدي عن الشبابيك وشكد ما بيج قاومي

..تقرب عليه واحد وهو يسحلني من شعري

.. حجيت بصوت ضعيف خايفه

الـِن: ضبع

.. سمعت كلماته الي رنت با اذني ونظراته الي جان مثبتها عليه وعيونه الي جانت قطعه حمره

ضبع: هلاكي

.. بقت عيني عليه

.. جرني واحد بيهم قوي ورجع يمزق بملابسي والثاني يتلمس بجسمي

.. جنت وي كل مقاومه اقاومها انضرب لحد ما اجا واحد بيهم وكال

- ابتعدوا خل نشوف شلون تقاوم بعد

.. نزع حزام بنطرونه وكال

- ثبتوها

.. فتحت عيني بخوف واني اصارع بين ايديهم خايفه ودموعي بس تنزل واحس نار بگلبي وجسمي ما اكدر احس بي من الالم نضراتي جانت على ضبع وعليهم حجيت بصوت واني احس بعد ما اكدر اقاوم

الـِن: ولك ضبببع الجلب

.. بعدني ما مكمله كلامي ووكع واحد بيهم على وجهه والدم ملى الارض

.. بعدني ما مستوعبه الموقف وبعدهم ما خطو خطوتهم وكع الثاني نفس الحاله

.. ركض واحد بيهم وبدت اصوات الطلق تعلا ماعرفو وين يرحون وانحصروا بلغرفه

.. اتقرب واحد بيهم على ضبع يريد ياخذه وجان ينضرب طلقه ويوكع بنفس مكانه والارض صارت عباره عن دم

صاح سلمان بصوت
- واحد منكم يجيبه

- القناص ما يخلي احد يتقرب عليه

.. رفع راسه وهو يضحك ضحكته الاستفزازيه وكال

الضبع: السبع بيكم يتقرب

.. عيونهم متروسه خوف قفلو الباب لان يعرفون شنو المنتظرهم خارجه بقو بلغرفه وكل واحد لازم سلاحه بعيدين عن ضبع الي جان متوسط الغرفه

.. رفع سلمان السلاح وهو يوجهه على ضبع

.. ابتسم وكال

ضبع: حسابي وياك مؤذي

.. رفع نظره عليه وبصوره سريعه صاح

ضبع: ابتعدي عن الباب

.. بعدني ما متحركه وحسيت على الباب تفجر ودخلو جنود ملو الغرفه وكل واحد بيهم يصيح

- نزل سلاحك

.. عددهم جان اكثر راسا نزلو اسلحتهم خايفين

..تقدم واحد على الضبع وهو يفتح ايديه ورجليه كام على حيله بصعوبه وتقدم اتجاهي

.. جنت ماخذه زاويه ولامه نفسي ابجي حسيت عليه تقدم وهو ينزع سترته العسكريه ويغطيني بيها لزم ايدي يحاول يكومني على حيلي ما كدرت حجيت بصوت متعب

الـِن: ضبع خايفه رجلي ما تعيني اكوم

.. رفع عيني عليه عيوني الجانت متروسه دمع وحجيت بصوت خايف

الـِن: شيلني

.. حاوط باايدي جسمي وهو يشيلني ويقربني عليه

.. اخذت ايدي واني احاوط ركبته وراسي على صدره

..اجت عيني على منظرهم وهمه امددين باالارض والدم مالي المكان ويكلبجون بيهم اما المنظر الثاني مستحيل راح انسى اجت عيني علي واحشاء راسه طالعه

..ضغطت باايدي قوي وحسيت على صوت ضبع وهو يكول

ضبع: غمضي عيونج

..غمضت عيني قوي ما اريد اشوف منظره بس بقى ابالي ومستحيل راح انسى عرفت الناس الي تشتغل بهذا السلك ناس مو عاديه ناس ميته كلوبهم وهم كل يوم تتكرر عليهم هاي المواقف

.. طلع من الغرفه البيت جان عباره عن جيش
مسلح ضميت راسي بحضن ضبع وحجيت بصوت ضعيف

الـِن: ضبع ملاك وريم لكيتوهن بذيج الغرفه

ضبع: لا ترفعين راسج

الـِن: ضبع شبيك حباب جاوبني لكيتوهن

.. اخذني وهو يخليني بسياره جانت تابعه للشرطه والناس طالعه من بيوتها تباوع موقف حيل صعب

.. حجيت واني ابجي

الـِن: ضبع ريم فاقده حباب شلون صارت

.. ماجاوبني غلق الباب وراح باوعت ورايه وجانت سياره اسعاف وريم نايمه بلسديه وشرار يمها نزلت على السريع واني اتقرب عليهم

.. شرار ايده عباره عن دم تقربت وصحت

الـِن: شرار ريم شلونها

.. انتبهه عليه واجا واحد سد الباب وتحركت على السريع بقيت واكفه وابجي بس ملاك ما شفتها

.. حسيت عليه وهو يسحبني من ايدي قوي ويرجعني للسياره وصاح بصوته العالي

ضبع: شنزلج
الـِن: ولك ضبع ريم شبيها

.. جرني من ايدي وهو يصعدني لسيارته وقفلها عليه

..بقيت اباوع على البيت واني منتظره ضبع يجي

..شويه وطلعوهم مجتفين وصعدوهم بلسياره بس الغريب سلمان ماكو وياهم!

.. اجت عيني على ضبع وهو لاف راسه اباندج وواكف يم واحد رفع نظره عليه وخزرني راسا رجعت لمكاني خايفه

.. مر اكثر من ساعه ونص واني كاعده بلسياره وعيني عليهم البيت ما فرغ من الشرطه والمنطقه قطعوها شويه وحسيت ضبع اتقدم عليه وفتح السياره وصعد

..تحرك بدون لايحجي شي

الـِن: ضبع جاوبني

ضبع: شنو

الـِن: ملاك وريم وين

.. ما جاوب

..رفعت نظري عليه واحس نفسي بعد ما اكدر اتحمل واني اتذكر الاحداث الصارت بجيت بصوت عالي سمعته كال

ضبع: ليش تبجين

الـِن: ولك ضبع الجلب كله من وراك انخطفت وانكلبت بيه السياره وتحرشو بيه وعذبوني تعذيب جسدي ويكلي ليش تبجين وفوكاها جوعانه ما انطونه اكل

.. حجه بكل هدوء

ضبع: اعتبري حلم ومر

الـِن: مو حلم كاابوس

..سكت بعد ما جاوبني مسحت دموعي ورجعت حجيت

الـِن: شوف راح اسئلك سؤال يا ضبع الجلب اذا ما جاوبتني عليه هسه افتح السياره واشمر نفسي

.. راسا قفل السياره والجامات من يمه

..انداريت عليه وصحت

الـِن: جلب دشوف السؤال اول

.. ما جان يجاوب وهذا الشي الي شغل بالي اكثر جان حيل هادئ

الـِن: وين نروح

ضبع: للقصر

الـِن: قصر مهيوب مو حركته شعدنه رايحين

.. ما جاوب سكتت مر وقت حسيت دخلنه محافظه ثانيه حجيت

الـِن: ملاك وين

ضبع: راحت وي الاشتر

الـِن: ليش ما اجت ويانه

.. ما جاوب مديت ايدي واني اخليها على ركبتي متألمه حجيت

الـِن: ضبع ركبتي تاذيني

ضبع: من نوصل خليلها عصاره حروق

الـِن: ريم شلون صارت

.. ما جاوب

الـِن: شوف الله عليك ضبع ريم اذا بيها شي احجي لا تسوي بيه هيج

ضبع: شلناها من البيت مابيها نفس

.. فتحت عيني بصدمه وحجيت

الـِن: ماتت

..هز راسه نافي كلامي وكال

ضبع: لا نبضها ضعيف

.. لزمت ايده وحجيت بتوسل

الـِن: ضبع الله عليك اتصل على شرار شوفها

.. اخذ مبايله بدون لا يندار عليه واتصل سمعت شرار جاوبه

ضبع: شلون صارت
شرار: مو زينه ضبع
ضبع: شبيها
شرار: فاقده صاير عدها ارتجاج بلمخ من ورا الضرب

.. سمع صوت شرار وهو يكله

شرار: ضبع سلمان وين؟

..راسا غلقه

.. سد الاتصال وهو يرجع مبايله اخذته واني اقدمه اله حجيت

الـِن: شو مغيره

.. ما جاوب رجعت حجيت

الـِن: افتحه الي

.. اخذه من ايدي وهو يفتحه ورجعه اليه اخذته من عنده اشوفه جان مابي ولا برنامج دخلت على الصور جانت بس صور حديثه للبيت ولادوات التعذيب الي استعملوها وصور للغرفه وهواي صور ما الها داعي حجيت

الـِن: ضبع ليش مصور البيت

..حجه بصوت متعب

ضبع: الـِن لا تسئلين تعبان حيل

.. مررت ايدي على ملامح وجهه وعيوني متروسه قلق حجيت

الـِن: شبيك

.. بعد راسه عني حسيت على نفسي وسحبت ايدي ما جاوبني حسيت نفسي اتفشلت

.. بقيت ساكته لحد ما دخلنه لمنطقه بساتين وخضار تقرب من يم قصر ويحاوطه سور جبير فتحوله الحرس الباب ودخل

الـِن: المن هذا القصر
ضبع: النه

.. وقف السياره بلكراج ونزلنه بحديقه القصر الي متروسه ورد واشجار رفعت عيني على ضبع جان شكله حيل تعبان تقربت عليه واني اخذ ايده باايدي واضغط عليها قوي

.. اول ما دخلنه جانت صاله حيل جبيره ودرج متوسطها تركت ايد ضبع واني اتقدم للصاله لمحت ملاك كاعده ويمها الاشتر تقربت عليها هيه بس شافتني وكفت على حيلها وتقدمت عليه تحضني

ملاك: ريم الـِن

.. هزيت براسي وحجيت

الـِن: اعرف

..انداريت على صوت قوي صار لكيت ضبع واكع على الارض تقدمنه عليه واحنه نشوفه خايفين

.. تقرب اشتر وهو يشيله بصعوبه ما جان فاقد بس ما يكدر يوزن نفسه

..صاح اشتر على وحده طلعت من جوه وجان باايدها مي قدمه لضبع وكال

اشتر: شبيك ضبع ناخذك للمستشفى

.. هز براسه بمعنى لا

.. تقدمت عليه واني اصير بمستواى حجيت بصوت قلق خايف

الـِن: ضبع صار بيك هيج لان حجيت هواي ودوختك

.. اخذ ايدي وهو يضغط عليها قربها عليه وطبع بوسه خفيفه عليها كدامهم سحبتها سريع واني خجلانه

ملاك: ولك ضبع ترا اغار

.. قربها عليه وهو يحضنها كال

ضبع: كل شي صارلج بسببي وماكدرت احميج

.. مسحت دموعها وحجت

ملاك: ماعندي غيرك ضبع

.. باس راسها وكال

ضبع: وخرو عني خنكتوني

.. ابتعدنه عنه وصرنه مقابيله مترقبي تمدد بلصاله وغمض عيونه

اشتر: ضبع سلمان وين

.. اجت عيني على اشتر وهاي الكلمه للمره الثانيه يرددوها سلمان وين؟

..وجهت نظري لاشتر واني احجي

الـِن: لو تدري سلمان شسوه بينه ماكو مكان ما ضربنه بي بحيث جسمي تكسر على ايده وكعد يتحرش بيه كدام صديقك وصديقك ساكت وبس يضحك انوبه ثنين وكعوا فجأه

.. حجيت واني مستغربه

الـِن: صدك عود همه ليش وكعوا فجأه والارض انترست دم معقوله هاي عقوبه الهيه عليهم لان عذبوني

.. ابتسم

..رجعت نظري لملاك وحجيت

الـِن: صدك ملاك شنو الي كاله الج سلمان وخلاج تصرخين خايفه

.. ثنينهم ثبتوا نظرهم على ملاك يترقبوها تحجي

.. حجت بتلكئ حسيتها تجذب

ملاك: ما كال شي

.. رفع اشتر نظره عليها وكال

اشتر: شنو كال

ملاك: ماكو شي

.. كالت كلماتها هاي وهيه تنزل عينها

.. تقربت على ضبع واني احجي بتميع حسيته راح يكوم يكتلني

الـِن: ضبع حبيبي شلون صرت

ضبع: سباعيه مرتي

الـِن: لعد شعبالك ما شفت شي

.. بعد عينه عني وهو يضحك

الـِن: احس عندي طاقه حجي هواي ورا الاحداث ترا حلوه حياتكم كلها اكشن وضرب اللله خل اشتغل وياكم

.. انداريت واني اباوع على اشتر حجيت

الـِن: صدك عود انت ليش ما شفتك موجود شنو تخاف

اشتر: موجود

.. اشرلي ضبع وكال

ضبع: روحي شوفي القصر انتي وملاك

.. اشرت لملاك تجي وابتعدنه من الصاله حسيت عليهم بدوا يحجون واخر شي سمعته اسم سلمان !

الـِن: ولج ملاك سلمان وين ما تدرين

.. حجت بصوت هامس وكالت

ملاك: عند الاشتر

.. فتحت عيني بصدمه

الـِن: شنو مو مساع يسئله وين

ملاك: الي سمعته عند الاشتر ومنطي للضبع

الـِن: ضبع ليش ما سلمه الهم ليش اخذه

.. هزت باايدها وكالت

ملاك: ما اعرف

.. اخذت ايدها واحنه نتجول بلقصر جان حيل جبير واحلا من ذاك بس اصغر من عنده بشويه شويه وحسيت على صوت خطوات انداريت لكيته اشتر

.. ثبت عينه على ملاك وكال

اشتر: الـِن ممكن شويه تعوفينا اريد اخذ اقوالها

.. بعدت ايدي اريد اطلع وكالت

ملاك: ابقي لا تطلعين

.. رص على اسنانه وهو يتقرب كال

اشتر: ملاك

.. باوعتلها ووخرت ايدها حجيت

الـِن: يمعوده شو وخري عني خفت

.. بعدت ايدها تاركتهم خلفي رحت للصاله لكيت ضبع متمدد ومغمض عينه وايديه على راسه تقربت عليه ودحست نفسي يمه بس شافني فتح عينه وكال

ضبع: ولج بابا عيب منا الولد

.. ما هتميت لكلامه وخليت ايدي عليه احضنه خايفه اوكع

.. اخذت ايدي الثانيه امررها على ملامحه المتعبه وحجيت بصوت قلق

الـِن: ضبعي

.. ثبت عينه بعيني ورجعت حجيت

الـِن: خايفه عليك

ضبع: شعندج احجي

.. ضيقت عيني وكمت حسيت عليه جرني من ايدي مرجعني عليه وخلاني فوكاا وقيد ايديه حجيت بصوت

الـِن: عزا ضبع شبيك منا الولد هسه يجي عاد مو بلصاله

..تقرب لاذني وهو يهمس

ضبع: عادي نروح للغرفه

.. فتحت عيني بصدمه وبعدت نفسي عنه

الـِن: شو وخر عني

.. ابتسم وقرب ايدي يتلمس بشعري وعينه مثبتها عليه

ضبع: ما مرتاحلج هلفتره

.. ضحكت بصوت عالي كرصني حيل وكال

ضبع: صوتج

.. رجعت كرصته قوي وحجيت

الـِن: فوك ما متعذبه من وراك تجي تكرص بيه ضب ضب

.. ابتسم ودار وجهه رجعت حجيت

الـِن: شلون اجيت

.. رجع ثبت عينه عليه وكال

ضبع: سلمت نفسي

الـِن: ليش

ضبع: كالو تتعذب انت لو مرتك كلتلهم طبعا اني

.. ضيقت عيني وعرفته يجذب حجيت

الـِن: اذا ما طلعت عندك غايه ثانيه اكص ايدي

.. ضحك وكال

ضبع: طلعتي ذكيه

الـِن: صدك ضبع شلون عرفت بيت سلمان اكيد من تلميحي الك

.. ابتسم وقرب ايده يكرص خدي على كيف وكال

ضبع: ذكيه مرتي

.. ابتسمت ونزلت راسي وجانت عيني عليه رجعت حجيت

الـِن: ضبع سلمان وين

.. كام على حيله واخذ ايدي يضغط عليها واخذني للدرج

.. جريت ايدي على السريع وحجيت

الـِن: ما اصعد وياك درج لو تموت ماكو مصعد

ضبع: ما خليت مصعد هنا

.. اخذ ايدي وجرها حيل يصعدني صحت بصوت

الـِن: لو تعبت اتشيلني افتهمت

.. هز براسه وهو مصعدني فوك اول ما وصلنه جانت نفس نظام قصر مهيوب بس اصغر عباره عن صاله وبيها غرفه

ضبع: اختاري غرفه

.. رفعت نظري عليه وحجيت

الـِن: ضبع المن قصر ترا بس اني وياك بي لو ماخذين بيت صغير على كدنه حتى شكله يخوف وجبير تحس مابي روح

.. تقرب عليه وهو يهمس با اذني

ضبع: نبني بيت ونترسه جهال

.. ابتعد وهو يغمزلي وعلى ثغره ابتسامه خفيفه

الـِن: ترا حجيت هيج علمود تعرف اني وين وجان هذا الشي الوحيد الي لاحظته بلبيت فـ بطل سوالفك التعبانه

.. ضحك ضحكته الي تاخد العقل واخذ ايدي وقربني على وحده من الغرف وكال

ضبع: هاي غرفتنه اني وياج

.. بعدت ايده واني مضيقه عيني حجيت

الـِن: وليش يمه اني وياك 

.. اشرت با ايدي لوحده من الغرف الجانت مقابيلي وحجيت

الـِن: الك هاي الغرفه ووخر عني

.. فتح الباب ودخل بدون لا يهتملي دخلت ويا جانت اكبر من غرفتي بلقصر وحيل حلوه بيها بلكونه مطله على الحديقه الخلفيه للقصر واثاثها ملكي نازك دخلت بيها واني مذهوله سمعته كال

ضبع: عجبتج

.. هزيت براسي بمعنى اي واني اتجول بيها

..انداريت عليه لكيته ينزع بزيه العسكري وبانت عضلاته وبقى بس بلنطرون وتمدد على السرير حجيت بصوت

الـِن: ضبع اطلع

.. اشرلي باايده اتقرب

.. درت وجهي عنه وحجيت بملل

الـِن: نام نام

.. سمعت ضحكته رجعت حجيت

الـِن: ضبع اريد ملابس

.. اشرلي با ايده على باب اتقدمت عليها فتحتها لكيتها غرفه ملابس جانت رفوف وكل قسم بي نوع وعلى الجهه الثانيه ملابسه

.. اخذت تراك اخذته اروح للحمام اسبح لكيت ضبع نايم على السرير مربت من يمه متجهه للحمام سبحت وسمع صوت ضبع يحجي تقربت على الباب اسمع

ضبع: رحمه مقابل السلاح 

.. فتحت عيني بصدمه شنو رحمه مو ماتت !! وشعليه السلاح شنو يعني يفاوض رحمه بسلاح

.. حطيت ايدي على گلبي خايفه عرفت ضبع بعده ما تارك انتقامه

.. بدلت واول ما طلعت شمر الجهاز على جهه ورفع راسه عليه وابتسم رجعتله الابتسامه بخوف

.. تقرب عليه وهو ياخذ المنشفه وينشف شعري كال

ضبع: امشطلج

.. جريت المنشفه من ايده وحجيت

الـِن: لا مشكور

.. ابتعدت من عنده وحجيت بصوت

الـِن: وين المشط

.. ما جاوبني انداريت عليه لكيته يخزر بي وهو مثبت عينه عليه رجعت بخطواتي وحجيت بخوف

الـِن: شبيك

.. ما جاوبني

.. تقربت عليه وحجيت

الـِن: ضبع لا تسوي هيج تخوفني

.. اتقرب عليه وضغط على فكي وحجه بصوت مرعب

ضبع: ما احب احد يتسنط عليه هاي المره سويتيها المره الثانيه يصير غير شي

.. بدت دموعي تنزل على ايده وعيني مثبتاها عليه رخت ايده وبعدها عنه حجيت بصعوبه

الـِن: رحمه عايشه

.. ما جاوب رجعت حجيت بصوت اعلا واني اتقدم عليه

الـِن: انسان مجرم وحقير ما تصيرلك جاره

.. لزمت فروه راسي منهاره وحجيت بصوت عالي

الـِن: بس فهمني انت شنو ليش ضبع ما كاعد افهمك ليش ما اعرفك ليش كل ما اتقرب الك الكا نفسي بعيده حيل

.. تقربت عليه وصار مايفصلني عنه شي

.. اخذت ايدي اخليها على گلبه وثبتت عيني بعينه وحجيت بصوت هادئ

الـِن: احجيلي ضبع لا تضم عليه

.. ابتعد عني وطلع

.. بقيت بلغرفه شويه ودخلت ملاك

ملاك: اخذت الغرفه اليمج علمود كل شوي وجايتج

.. هزيتلها براسي ودخلت وكالت

ملاك: شبيج

.. رفعت عيني عليها وحجيت

الـِن: ملاك رحمه صدك ماتت محروكه

هزت براسها بمعنى اي وكالت

ملاك: اي هذا الي سمعته

الـِن: بس اني سمعت غير شي

. تقربت عليه اكثر وكالت

ملاك: شنو

الـِن: سمعت ضبع يكول رحمه مقابل السلاح زين رحمه مو ماتت وشنو السلاح الي يريده

.. فتحت عينها وخلت ايدها على شفتها تخفي شهكتها

الـِن: احجي ملاك شكو

ملاك: شوفي الـِن رحمه سمعتها ماتت بس موضوع السلاح احسن تسمعي من ضبع

..تقربت عليها واني الزم ايدها واضغط عليها حجيت

الـِن: الله يخليج احجيلي ملاك ضبع عباره عن اسرار وكل ما اكتشف شي بي يطلعلي بشغله ثانيه راح اتخبل

ملاك: سمعي رحمه وراها سر دفين محد يعرفه غير الضبع وهذا اكثر شي جان مخوفها اعتقد السلاح جان ضمن هذا السر

.. ثبتت عيني عليها واني مركزه كالت

ملاك: اذا طلع احساسي صحيح فا السلاح الي يدور عليه ضبع نفسه الي انقتل بي رفدان الي هوه ابو

.. ثبتت عينها عليه وكالت

ملاك: هذا السلاح بي جريمتين قتل رفدان وقتل امه وحسب معلوماتي هذا السلاح موجود عد عاصم

.. اتقربت عليه وكالت

ملاك: اذا وصل ضبع لهذا السلاح يعني قرب لـ انتقامه

.. ضيقت عيني بعدم فهم وحجيت

الـِن: ما فهمت ؟

.. تقربت عليه وهمست

ملاك: ضبع يريد يكتلهم كلهم ومن ضمنهم نور

.. كالت هيج وحسيت على اطرافي ارتعشن رفعت نظري عليها وحجيت خايفه

الـِن: مستحيل نور ليش

.. هزت ايدها وكالت

ملاك: هذا الي اعرفه وتعرفه نور اذا وكعت باايد الضبع بعد الي سوته

الـِن: شنو سوت نور

ملاك: ما اعرف

.. لزمت راسي قوي واني اضغط عليه

الـِن: ياربي راح اتخبل انتو شنو من عائله بس موت وانتقام هسه القصر وراح بعد شنو الي يردو

ملاك: بيناتهم حقد وغل مستحيل ينتهي بهاي السهوله

.. نزلت راسي واني افكر بلفراغ وحجيت

الـِن: مستحيل اخلي ضبع ياذي نور

ملاك: لا تدخلين خليهم بيناتهم يتصافون

الـِن: مستحيل ملاك ضبع يسويها ويكتل نور

ملاك: ما اعرف

.. باعتلي وكالت

ملاك: راح اروح اشوف ضبع يتصل النه على شرار ونشوف ريم شلونها

الـِن: تمام وطمنيني

.. هزت راسها وطلعت

.. رجعت راسي على السرير واني افكر بكلامها حسيت نفسي دخت من التفكير غمضت عيني وبعد ما حسيت

.. حسيت على صوت بلغرفه فتحت عيني بطيئ جانت الغرفه مضلمه وبس ضوه القمر الخفيف الداخل من البلكونه فتحت عيني واني اشوف بس دخان جكاير وهيئه شخص كاعد

.. توضحتلي الرؤيه واني اشوف كعدته المخيفه كدامي وهاله الظلام تدور حوله كاعد امامي يترقبني ما كال ولا حرف جان السكوت سيد الموقف خفت حيل رجعت خطوه حجيت بصوت ضعيف

الـِن: ضبع

.. سمعت صوته وهو يكول

ضبع: تردين تعيشين لا تسمعين ولا تشوفين

.. حجيت بخوف

الـِن: شلون تريدني اعيش وي انسان ما اعرف هو شنو

.. اخذ نفس من الجكاره ورجعت حجيت

الـِن: ضبع رحمه وين

ضبع: ماتت

الـِن: شنو السمعته لعد

ضبع: وهم السمعتي

الـِن: ما اصدك بيك

.. تقرب عليه وجرني من ايدي ثبت عينه عليه واتلمس ركبتي بااصابعه خفيف وهمس

ضبع: لا تصدكين

الـِن: اخاف منك ضبع على فجأه تتحول انسان ثاني

.. تقرب عليه اكثر وانفاسه تلفح بركبتي بلعت ريكي بصعوبه واني خايفه حسيته تقرب عليه وهو يطبع بوسه خفيفه على مكان الحرك وكال

ضبع: اني انسان ثاني بس يمج

.. ابتعد وهو يرفع وجهي بااصبعه ويثبت عينه عليه

.. رفعت عيني عليه خايفه وكال

ضبع: لا تلعبين وياي الـِن تخسرين

.. اخذت ايده واني اقربها للحرك وضغطت عليه قوي باايدي

.. فتح عينه بصدمه من موقفي حجيت

الـِن: اني وياك مو ضدك ضبع لا تسوي هيج وياي اني راضيه بكل شي منك حتى اذيتك

.. بعد ايده الي توغلت لفروه راسي ضغط عليها قوي وقربني عليه وهجم على شفتي

.. ابتعد عني ودفعني على السرير وكعت عليه وگلبي احسه يريد يوكف

.. تقرب عليه وصار فوكي ورجع هجم على شفتي بس هلمره بكل قوه حسيت ينتقم مني بدت ايدي تتجول على جسمي بعد ما دخلها جوه التيشرت وبدت لمساته يتجرء بيها

.. نزلت دمعه مني وبعدته قوي كام عني وهو يلهث واني احس على حراره بجسمي بقى قريب عليه مرر ايده على شفتي يتلمس الدم الي عليها مسحه باايده قوي

.. ما جانت رده فعلي شي غير الخوف جنت اعرف ضبع بهاي اللحظه ما جان شخص اعتيادي جان وحش

.. كمت على حيلي خايفه واني ارجع بخطواتي واعدل بملابسي كام عني بدون ولا حرف واخذ ملابسه ودخل للحمام

.. اجت عيني على مبايله وجانت هاي فرصتي الوحيده اخذته سريع واني افتح الرمز اعرفه من اخر مره فتحه اليه حفظته كتبت رقم نور واتصلت عليها راسا فتحته واجاني صوتها

الـِن: نور اسمعي اني الـِن
نور: الـِن

..حجيت بهمس خايفه

الـِن: اني الضبع
نور: وين انتي ادور عليج
الـِن: سمعيني ابتعدي عن الضبع
نور: الـِن اشردي لا تبقين يمه ضبع انسان مجرم

الـِن: مستحيل اعوفه بدون عقاب مستحيل اذا ما دمرته على ايدي

نور: ما تكدريله ولج لا تلعبين ويا ما تعرفي ارجعي الـِن لا تحجين هذا الحجي ماتعرفين ضبع شنو

الـِن: محد بيكم يكدرله غيري

نور: ولج غبيه شتردين منه ما تكدريله

الـِن: اريد روُحـه

.. انداريت على صوت خلفي ارتعشن اطرافي وكع المبايل من ايدي واني اشوفه

.. منتجي على الحايط وهو مبتسم كال

ضبع: خلصتي

.....................

لهنا وخلص البرتوت اعذروني اذا قليل كتبت اكثر من٦٠٠٠ كلمه ملتهيه حيل 🥺💗 اعوضكم تعويضه حلوه للبارت القادم ان شاء الله

فقرتنه المعتاده

- تتوقعون رحمه ماتت؟ وشنو السر الدفين الوراها

- سلمان وين ؟

- تتوقعون ضبع سمع كلام الـِن وشنو راح يسويلها ؟