رواية سليله الانتقام الفصل الثامن والعشرون 28 - بقلم taratel

ارضيّ فـ يغضَب قاتليِ فتعجبوُ
يرضيّ القَتِيل ولَيس يرضي القاتلُ

قراءه ممتعه🦋
تراتـيل🦋

..........................................

..رفعت راسي واني اشوفه كدامي بس جان مو ضبع انسان ثاني تقربت عليه اكثر وعيوني غوشن نزلت دمعه من عندي مسحتها بسرعه وابتسمت

الـِن: ضبع

.. بانت ابتسامه حقيره على ثغره اتقربت عليه اكثر واني احضنه وادفن نفسي بصدره واحاوط ايدي على ركبته

الـِن: ضبع

.. ما نطق ولا حرف حسيت بنغزه ابطني نزلت عيني عليها واني اتلمس مكان السجينه الي زرف خاصرتي وكعت على الارض من الالم واني اصرخ رفعت عيني عليه وهو يبتعد خطوه عني

..رفعت تظري عليه مترجيته بنظراتي يساعدني
.. ماجانت رده فعله غير المشاهده
..كعدت اتلوى باالارض من الالم واني لازمه خصري والدم مله التيشرت نزلن دموعي واني اصرخ

..حجيت بصوت متألم
الـِن: ولج يمه الحكيلي

.. تقرب على اصابع ايدي الي جانت تستغيث باالارض وضغط عليهن برجله حيل حسيتهن تكسرن

.. شكد حسيت نفسي غبيه بهذا الموقف شكد كرهت نفسي بوقتها وشكد كرهته

.. بدت صرخاتي تعلا واني الوب باالارض اريد بس اشرد بنفسي مااكدر اكوم على حيلي والدم ملى الارض

.. نزل عليه وهو يصير بمستواي كال
ضبع: تشردين مو؟

.. نمت على الارض  واني مستسلمه لوجع روُحي حسيت بحراره بجسمي وعيوني غوشن
اخر شي حسيته شالني من الارض

..فتحت عيني واني متألمه شلت ايدي جانت بيها كانونه والمغذي فوك راسي حجيت بصعوبه واني اتذكر اخر موقف

الـِن: ضبع الجلب

..اجت عيني عليه وهو يفتح الباب بس شافني ابتسم واتقرب عليه رجعت نفسي على السرير واني اغمض عيوني

..فتحتهن من حسيته فوك راسي وهو يتقرب عليه وهمس بااذني

ضبع: الحمدالله على السلامه

..بعدت راسي عنه ودرت وجهي وحجيت

الـِن: للمره الثانيه ضبع
ضبع: تستاهلين
الـِن: كو...

..دار وجهي عليه وهو يضغط على فكي

ضبع: ليش شردتي
الـِن: من ضيمك يا جلب من ضيمك

.. سكت عني وبقى مثبت عينه عليه
..رجعت انداريت واني اركز عيني بعينه ورفعت ايدي بصعوبه واني انقر على گلبه بااصابعي

الـِن: يجي يوم واحط طلقه بگلبك يا ضبع
ضبع: متكدرين

.. ابتسمت بهدوء وحجيت
الـِن: نشوف

..ابتعد عني ورجعت حجيت بصعوبه متألمه

الـِن: ليش تكتلني وترجع تداويني خليني اموت
ضبع: ما تموتين قبل ما تاخذين عقابج

..حجيت مستهزءه
الـِن: اكثر من هيج ضبع

.. ابتسم وكال
ضبع: اكثر

..انداريت عليه واني اثبت عيني بعينه حجيت

الـِن: الي تريده سوي ما اهتم بعد واذا تريد تذبحني اذبح

.. ماجاوب تقرب عليه وهو يعدل الكانونه البدت تأوت حجيت

الـِن: ليش هلمره سجينه مو سلاح

.. بدون لا يندار جاوب

ضبع: السجينه اثرها يبقى حبيبتي

..ابتسمت وحجيت
الـِن: مايحتاج سجينه علمود يبقى اثر بيه منك كافي الي سويته بگلبي مستحيل راح يروح اثره

.. ماجاوب وتركني وطلع رجعت واني اخلي راسي على السرير مغمضه عيني متألمه من وجع روحي وجسدي وگلبي

.. انتبهت جان مبايله قريب عليه اخذته بصعوبه وكتبت رقم نور واتصلت عليها ما جاوبت رجعت دزيتلها رساله وحذفتها ورجعته بمكانه

.. شويه ورجع دخل رفعت نظري عليه وحجيت

الـِن: جوعانه ترا لو بس فالح تكتل بيه وتعيشني عاد وكلني علمود يصير بيه قوه واحاربك

ضبع: قويه ما تحتاجين شي علمود تصيرين اقوى وتحاربيني

الـِن: ها حلو ناوي تجوعني الخطوه الجايه

.. ماجاوب وصحت بصوت عالي على اثرها احس الالم هاج عليه

الـِن: ضببببع الكو..... الجلب وحق الله اذا الزمك اله اشرب من دمك ياحيوان

..لزمت بطني متألمه حجيت بهدوء متعب

الـِن: اخاف ذيج المره سويتها وما بلغت وحق الله يا ضبع اول خطوه اخطيها خارج هذا الكوخ ابلغ علييك

ضبع: اذا طلعتي منا

.. ثبتت عيني بعينه خايفه من كلامه مو ضبع جان عباره عن كتله من الهدوء اي هدوء ضبع الي اخاف منه

.. كعد مقابيلي على الكرسي وهو مثبت عينه عليه
..بعدت وجهي عنه لجهه الثانيه وغمضت عيني نزلت دمعه مني اطلقت حسره متألمه وسمعته يكول

ضبع: شنو مصلحتج

.. ماجاوبته رجع كمل كلامه

ضبع: ليش بلغتي عليه

..درت وجهي عليه وابتسمت حجيت

الـِن: بلغت عليك لانك انسان مجرم وحقير وجلب هم

..خلا ايده جوا حنكه وهو يكول بااستفهام

ضبع: يعني طلعتي انتِ المبلغه
الـِن: اي اني بلغت وشتريد تسوي سوي ولو يرجع بيه الزمن الف مره هم راح ارجع ابلغ ولو تتكرر هاي الفرصه الف مره هم راح ابلغ عليك ضبع

.. تقرب عليه وهو با ايده ابره ضربها بلمغدي جانت عيني تترقبه خايفه حجيت بصوت قلق

الـِن: ضبع هاي شنو

.. حسيت على اطرافي نملن مااكدر احرك ايدي بصعوبه حسيتها ثكلت نزلن دموعي واني اباوعله حجيت بخوف

الـِن: ضبع شنو

.. غوشن عيوني وايدي
ماكدرت بعد احركها ولا رجلي صرخت بصرخه ما مسموعه

الـِن: حباب لا

.. اخر كلمه كلتها وبعد ماحسيت

.. فتحت عيوني بصعوبه جانت الغرفه فارغه حاولت اكوم على حيلي ماكدرت رجلي ما تتحرك وايدي احركها بصعوبه و جسمي احس ماعندي طاقه اكوم على حيلي رجعت خليت راسي على السرير واني خايفه

.. صرخت بااعلا صوت عندي
الـِن: ضببع وينك

.. راسا فتح الباب ودخل
ضبع: شكو

الـِن: ضبع اني خايفه ماكدر احرك جسمي ضبع حباب

.. تقرب عليه وهو ياخذ رجلي ويلزمها قوي باوعلي وكال

ضبع: تحسين

..باوعتله بعيون خايفه وهزيت راسي نافيه كلامه

الـِن: لا لا ما احس

ضبع: مبروك انشليتي

.. كال كلماته بكل برود بس صعقتني حسيت حراره براسي دخت من كلماته نزلن دموعي وگلبي ياذيني حجيت بخوف واني احاول ارفع ايدي الي جانت تنرفع بصعوبه وعدم ثبات

الـِن: حباب ضبع اخذني للمستشفى هناك اكو دكاتره ويشوفوني الله يخليك اخذني شنو انشليت

.. جان بس صافن عليه ما بدر من عنده اي شي

.. رجعت حجيت واني تعبانه حسيت صوت راح من ورا التعب ماعندي طاقه احجي بيها وعيوني ياذي من البجي

الـِن: الله عليك ضبع لا تسوي بيه هيج

..حجيت واني خايفه وعيوني تتبع بس اريد اسمع من عنده كلمه

..تقرب عليه وهو يخلي ايدي من جوانب السرير ويتقرب عليه وعلى ثغره ابتسامه همس بااذني وكال

ضبع: تشردين بعد؟

..نزلت دمعه من عندي وغمضت عيوني قوي
الـِن: لو يرجع بيه الوكت من اول مره اشوفك بيها اشرد

.. تقرب وهو يطبع بوسه خفيفه على عيني وكال

ضبع: متشردين يروحي انتي

.. حجيت بصوت عالي

الـِن: حيوان وحقير والله فد كارهتك كرهه

.. بعدت عيني عنه وحجيت

الـِن: بكد ما حبيتك يا ضبع كرهتك واكثر

.. اخذ وجهي باايده وثبت عينه بعيني عيونه الي جانت عباره عن قطعه حمره مو عيونه الضعت بيها !! مو ضبع

... اتقرب عليه واخذ شفتي حيل حسيت شفتي طكت دم وماكدرت اتنفس بعد يله تركني وابتعد

..نزلت دموعي حجيت بصوت ضعيف

الـِن: تستغل انسان ضعيف لاحول ولا قوه ؟

..اخذ الكرسي وهو يثبته كدامي كعد عليه
..رفعت نظري عليه ورجعت حجيت

الـِن: تدري مع الاسف ماجنت اصدك بكلامهم شكد حاولو يبعدوني عنك بس اني الغبيه

ضبع: ليش ما صدكتيهم ونقذتي نفسج

..بعدت نظري عنه وحجيت

الـِن: يكولون حبيتك

..ضحك ضحكته المستفزه ورجع كال

ضبع: محد يحبني
الـِن: طبعا خبل مو صاحي منو يحبك

..ابتسم ورجع كال
ضبع: كلها عدها مصلحه
الـِن: اي اني وحده مصلحجيه واريد ابوك خزينه رفدان

.. تقرب عليه وهو يتلمس خصلات شعري ثبت عينه بعيني وحجه بصوت منكسرولمعه عيونه

.. تقرب يم اذني وهو يكول

ضبع: ليش عفتيني بااخر خطوه ليش تركتيني باالحضه الي ردت ابدي وياج بيها من جديد

.. بعدت راسي عنه وحجيت
الـِن: مو اني ضبع مو اني الي تركتك
ضبع: سويت كلشي علمودج ردت نطلع من قصرهم واخذج ادرسين برا واسويلج الي تردي ليش بااخر خطوه طعنتيني بظهري

الـِن: مو هين الي خليتني اعيشه ١٨ سنه عايشه وي ناس مو اهلي شفت من عدهم انواع الذل والاهانه وجنت ابجي عليهم واريدهم وانت جنت تعرف بس ما حجيت رضوان الي يجي يمي ويحجي حجي يكسر الكلب واني اطرده وابعده عني وراح ولا اني الي حققت حلمي ولا حققتله حلمه

.. نزلن دموعي تقرب عليه يمسحهن وهو مركز وياي
الـِن: تدري حلمي اكول بابا وحلمه يسمعها مني واني ثنينهن ماكدرت احققهن

..ابتعد عني متجهه للباب صحت ورا

الـِن: ضبع

.. اندار عليه بدون لا يجاوب

الـِن: جوعانه

.. اندار يكمل طريقه وطلع من الغرفه
..بقيت احاول ارفع رجلي الي مااحس بيها ووي كل محاوله جانت تنزل دموعي خايفه
.. رجعت راسي على السرير وانث اثبت عيني على السكف ودموعي تتساقط وگلبي ياذيني

.. شويه ودخل جانت باايده صينيه خشب صغيره وبيها طاسه سوب وكوب مي

.. تقرب عليه وهو يعدل كعدتي ويشيلني
..نزلن دموعي واني احس بنفسي عاجزه

..تقرب عليه وهو يمسحهن اخذ الخاشوكه وقربها عليه وكال

ضبع: يله اكلي

.. ضيقت عيوني بحزن ورجع كال

ضبع: ها صحيح نسيت ما تكدرين

.. تقرب عليه وهو ياخذها يوكلني
.. خلص وهو يمسحلي بلكلنس رفع عينه عليه وكال

ضبع: شتردين بعد

الـِن: باقيه بلتيشرت ومتروس دم نزعنيا ولبسني اي شي

.. طلع شويه ورجع وهو ماخذ تيشرت
..تقرب عليه وكعد خلفي وصار بظهري

.. اخذ التيشرت وهو ينزعني ماجنت احس بجسمي بس متالمه من جهه خصري مكان الضربه

.. كرهت نفسي واني بهذا الشكل يمه
.. تقرب على كتفي وهو يطبع بوسات متفرقه على ظهري

الـِن: كافي ضبع

.. حسيت على حماله الصدر رخت صحت بصوت عالي

الـِن: ضببببع الجلب

ضبع: وسم مو زين عليج

.. حسيت على نفسي انهاريت با البجي اول مره احس نفسي ضعيفه وعاجزه يمه
.. من شافني هيج راسا لبسني تيشرته ورجع نيمني على السرير وهو يمسح بدموعي ويكول

ضبع: يله كافي ماسويت شي

.. اتقرب وهو يمسح بدموعي واخذ ايدي يعصرها قوي
بس جنت ما احس بيها

.. ما جنت واعيه بس ابجي بصوت كارهه وضعي
.. اجا اتصال وطلع

.. بقيت ابجي لحد ما حسيت گلبي راح يوكف ضليت اخذ نفس مختنكه

.. فتح الباب وهو مثبت نظراته عليه رفعت نظري عليه واني ااشرله واستنجد بي

.. اتقرب عليه وهوه يكعدني ويمسح على ظهري ورجعني على السرير

..نزلت دمعه من عيني مسحها وحجيت

الـِن: ضبع الله عليك ساعدني لا تنتقم من عندي هيج ما اتحمل الله يخليك

.. ما جاوب رجعت حجيت

الـِن: گلبك يقسى على الكل بس مو عليه ضبع واني الي اشوفك اماني ومئمني ضبع اني ماعندي غيرك انت اهلي وسندي لا تدمرني محد حبك بكدي ومحد الك غيري

ضبع: وطعنتج اليه بظهري انساها؟

الـِن: وطعنك اليه من نايمه بحضنك وتاخذني وتشمرني بلصحراء واني متغطيه بدمي ومن ضميت عليه اهلي ومن طعنتني وهذا وضعي

..بعد عينه عني رجعت حجيت

الـِن: لا تبعد عينك عني

.. رجع رفع راسه عليه وهو مثبت عينه بعيني حجيت

الـِن: لا تنتقم من الشخص الخطأ ضبع اني عندي استعداد اساعدك واوكف وياك ونتخلص من هذا الانتقام النهش روحك شنو الي باقي بلعمر وتريد تخلصه باالانتقام

.. ما جان اكو جواب
..حسيت بدموعي نزلن حجيت بصوت متعب متوسل منكسر

الـِن: اترك انتقامك وخلي ايدك باايدي ونكون عائله حلوه اني وياك ونعيش حياتنه طبيعي مثل اي ناس متزوجين

..ابتسمت تحت دموعي وكسره گلبي حجيت

الـِن: واجيبلك بنوته حلوه تشبهك وشرط تطلع نفس عيونك اذا ما طلعت نفس عيونك نشمرها بلشارع

.. اتقرب عليه وهو يمسح دموعي كال

ضبع: كتلج لا تحبيني اتضيعين

الـِن: واني قابله بضياعك

ضبع: ما تكدرين

الـِن: تقبلين تموتين وتعيشين الف مره علمودي

.. هزيت راسي

الـِن: قابله اموت واعيش علمودك بس ساعدني لا تصير حاجز بيني وبينك لا ترفضني ولا تبتعد عني افتحلي گلبك وراح اداوي اوعدك

ضبع: خايف عليج مني

الـِن: مره كتلي خافي من الدنيا كلها ولا تخافين مني

.. اتقرب على خدي وهو يتلمسه بااصابعه كال

ضبع: يا فصعونه ما تخافين

الـِن: لا ما اخاف منك

.. اخذ جكاره من جيبه وورثها

الـِن: احترم المريض مو هسه اختنكت

.. اخذ نفس من الجكاره وتقرب عليه صار مقابيل وجهي ونفخه

.. اختنكت وصحت بي

الـِن: ضبع شبيك وخر كاعد اختنك

.. اخذ نفس من الجكاره وتقدم عليه وهو يعصر وجهي باايده واخذ شفتي ونفخه بداخلي وابتعد

.. اختنكت حسيته دخل بريتي

الـِن: يا ضبع الجلب ولا اتوب من سوالفك المكسره وخر عني بطلت ماا اساعدك

ضبع: نَفسِي هيج ويدخل بريتج اريده

.. كال كلماته هاي وضحك ضحكته الي تاخذ گلبي

الـِن: يله مو تصالحنه روح جيبلي دكتور

.. ضحك وكال

ضبع: مو اكلج كلها مصالح

الـِن: مصالحيش هاي شبيك راح اموت اكلك انشليت من وراك

.. ضحك وهو يبتعد شويه ورجع فتح الباب جانت ويا بنيه دخلت واشرلها عليه

.. جانت عيني عليها تقربت وهيه ادكول

- شلونج حبيبتي

الـِن: عليج الله ساعديني هذا ضبع الجلب ضربني سجينه بخاصرتي وهسه انشليت الله عليج روحي لامي نور وكليلها تجي تساعدني

.. البنيه ضلت فاتحه عينها مصدومه

.. رفعت عيني على ضبع الي جان يخزر بيه ونزلت راسي خايفه

.. رفعت نظرها لضبع ورجعت باعتلي

ضبع: شوفي شغلج

.. تقربت عليه وهيه ترفع تيشرت وتشوف الجرح
.. وخرت الشاش واخذت جفوف وبدت تعقمه كالت

-هاي انت مخيطه
ضبع: اي
- الي يشوفه يكول خياط دكتور عاشت ايدك

.. ضيقت عيني وحجيت

الـِن: شوفي ولج مو تتغزلين بزوجي والله اكوم اسحلج سحل لا تشوفيني مشلوله ونايمه

.. ضحكت وهيه ادكول

- لا عمي زوجج الج منريده ولو هيه الف وحده تتمنى واحد نفس ضبع

ضيقت عيني وحجيت بااستهزاء

الـِن: هوه وين الالف اشو بس اني المكروده واكعه بيها ويسحل بيه منا ومنا

.. رفعت عيني على ضبع الي جان يضحك خفيف وهو مثبت عينه عليه

الـِن: عزاا ضبع شوف شسويت بيه وصرت متناقضه الله يشيلك يا ضبع الجلب

.. ثبت عينه عليه وهو يخزرني

الـِن: لا تخزرني ترا ما تخوف چلبي

.. ضحكت البنيه الجانت كاعده كدامي وكالت

- ضبع هاي مرتك والله تضحك

حجيت بصوت

الـِن: مهرج كدامج

..تقرب عليها وهو يكول

ضبع: شوفي شغلج لا تتأخرين علمود ارجعج للمستشفى

- تمام

الـِن: خيير شو انت ترجعها للمستشفى ماكو تكسي ماعدها سايق شكو يمه مبتلين بيها

..اتقرب عليه وهو يضربني باايده خفيف على شفتي وكال

ضبع: مو تردين تمشين خلي البنيه تشوف شغلها

.. سكتت حسيت انهضمت شنو يضربني كدامها حس عليه واجا شال ايدي وباسها

.. بعدت وجهي عنه وهيه تقربت عليه وتكمل تعقيم الجرح من خلصت لفت الشاش من جديد وشالت ايدي وتركتها حاولت ارفعها بصعوبه وغير متوازنه

..رفعت راسها لضبع وهيه تباوعله بنضرات ما فهمتها
كامت على حيلها وهيه متجها لرجليه وطلعت شي مثل الابره حطته على رجلي وكالت

- تحسِين با ألم

..هزيت راسي نافيه لكلامها

.. ضلت تقربه للاماكن عديده بجسمي لحد ما وصلت لظهري وكالت

- وهسه

.. هزيت راسي بمعنى اي

الـِن: اي احس بوخزه خفيفه

.. ابتعدت وهيه تباوع لضبع وحجت

- عدها شلل مؤقت للاطراف وانت منطيها اكتينون مأثر عليها

الـِن: يعني شنو اكدر ارجع امشي بعد

-لازم اسويلج فحوصات وتلتزمين بعلاج وتمارين رياضيه وشغله ٧ اسابيع ان شاء الله ترجعين تركضين

الـِن: هواي انطيني شي اريد امشي باجر واشرد منا

..رفعت نظرها لضبع ورجعت باعتلي

- ماكو شي بهاي السهوله وخاصتا جرحج بعده

..رفعت نظري عليه وحجيت

الـِن: اخذها هاي دكتورتك العاويه

..تقرب عليه وهو يخزرني كال

ضبع: اعذريها اشويه نفسيتها تعبانه

الـِن: اي بزودك الله يسلمك

.. ضحكت وكالت

- والله هنيالك عليها تونس

..كالت هيج لو احس معدتي ضلت تخبط سمعته كال

ضبع: خلصتي
-اي وبقى بس كم شغله لازم نحجيها على انفراد

.. هز براسه وطلعوا سد الباب وهو يخزر بيه

..ضليت احوس بس اريد اعرف شنو يحجون

.. صحت عليه

الـِن: ضببع

.. فتح الباب راسا وكال

ضبع: ها

الـِن: مو توديها انت خاف احتاجك وتدري بعد لا ايد ولا رجل بله ردت اروح للحمام شي بله دخل عليه حرامي واغتصبني

ضبع: خرب يومج ضليتي تحوسين
الـِن: هاي شبيك ضبع لازم نسيت شسويت بيه

.. هز براسه ورجع سد الباب شويه ودخل

ضبع: محتاجه شي
الـِن: اي تعال عدل كعدتي

.. تقرب وهو يعدلني كال
ضبع: وهسه

الـِن: اريدك تغسلي شعري احس نفسي وصخه عاد بس اغسل شعري

ضبع: مااعرف

الـِن: ترا مو قضيه هوه شعر يعني انت ما تغسل شعرك

.. سكتت ورجعت ضحكت

الـِن: صح نسييت انت اكرع
ضبع: مو اكرع بس شعري خفيف
الـِن: عود صدك انتو الضباط ليش ماعدكم لحيه ولا شعر
ضبع: نوع من الانضباط
الـِن: شواربك داقاتني

.. ماجاوبني رجعت حجيه

الـِن: ييله اغسلي شعري

..صاح بصوت

ضبع: ولج وين اغسله نوبه يروح جرحج يلتهب من اشيلج

الـِن: يمه اسم الله نسيت شسويت بيه ومنو سوالي هذا الجرح

ضبع: عرمه عرمه مو بيدج

.. ضحكت وحجيت

الـِن: شكالتلك هاي الدكتوره العاويه الي ما ادري منين جايبها

ضبع: راح تشرف على حالتج

الـِن: منين تعرفها
ضبع: صديقتي

.. حجيت بهمس مسموع واني مضيقه عيني

الـِن: ابن رفدان ولا يستقر يدور كله دكتورات

..تقرب عليه من جهه السرير الثانيه وهو يبعد الغطوه عني اتقرب ودفن نفسه بحضني وكال

ضبع: بس اني ادورج

الـِن: وخر عني ضبع لا تستغل مرضي

.. اخذ يشتم بركبتي وشعري وهو مغمض عينه
..حجيت بخوف

الـِن: ضبع

.. ما جاوبوني اخذ ايده وهو يحاوطني ويطبع بوسات خفيفه على ركبتي وايده الثانيه على شفتي وهو يهمس بااذني كال

ضبع: اشش لا تحجين

.. بقيت ساكته ما اعرف ليش!

.. شويه وحسيته نام وراسه بركبتي بقيت مااعرف شسوي وعيني تتجول على ملامحه

..بقيت اعد رموش عينه من كد ما كثيفه

..غمضت عيني مستسلمه لواقعي

.. كعدت على اصوات حركه فتحت عيني لكيت ضبع يحوس يمي

الـِن: شتسوي من الصبح اريد انام اطلع

ضبع: كعدي اسويلج اكل

الـِن: اريد سوب مثل البارحه السويته طيب

.. طلع شويه ورجع باايديه صينيه تقرب يمي وهو يخليها حجيت

الـِن: غسلي اول لان راح اموت
ضبع: استغفرالله
الـِن: ضبع الجلب تتعاجز تشيلني
ضبع: مو قصه اتعاجز بس اخاف على جرحج يلتهب
الـِن: تخاف نسيت منو ضربني سجينه بنص الجبال والثلوج
ضبع: جيد تحولنه من الصحراء للجبال والثلوج

..ضحكت وهو تقدم عليه يشيلني وخلاني بكرسي بلحمام وبده ياخذ باايده مي ويغسل وجهي

الـِن: اغسل شعري

.. خزرني وشالني حجيت
الـِن: هاي شبيك رجعني يله بساع واغسل شعري
ضبع: عرمه

.. رجع وهو يخليني على الكرسي واخذ شعري من ورا وبده يغسله بلمي خلص لفه بلمنشفه وشالني يرجعني للسرير

الـِن: نشف شعري ينكط مي

.. تقرب عليه بدون لا يحجي نشف شعري وثبت عينه بعيني

ضبع: بعد شكو
الـِن: مشط

.. اخذ مشط وكعد يسوي بشعري صحت بي

الـِن: ضبع شبيك تنتقم من شعري هم

ضبع: الـِن جري عدل بابا

الـِن: نسيت شسويت بيه سجينه بنص خاصرتي طشرتني اطشر

.. سكت ما جاوب كمل وكعد يضفرلي بشعري ولعب بي لعب ورجعني للسرير وكال

ضبع: يله هسه تاكلين
الـِن: برد حمي اليه

.. خزرني ورجع كال
ضبع: المره الثاثه جتاله

.. بس كال هيج خفت ونزلت راسي ادري بي يسويها صدك

الـِن: يله ما اريد بطلت جيبه اكله بارد شسوي امري لـ الله

.. اخذه بدون لا يجاوب وشوي ورجع دخل باايده محمي وكعد يوكل بيه حجيت

الـِن: انفخه اليه شويه حار

.. كل خزره جان يخزرني بيها ولا الثانيه وكل مره اكول هسه راح يرجع يكتلني ويشمرني بس جنت مستمره ومقاومه

.. خلص واخذ الصينيه ورجع مسحلي وكعد كدامي وهو مثبت عينه عليه كال

ضبع: وين جنتي

.. ضيفت عيوني وجاوبت با استغراب
الـِن: شنو

ضبع: ليش من اول ما شفتج ما خطفتج
الـِن: على اساس انت ما خطفتني اشو من اول ما شفتني بلمستشفى واخذتني وياك للقصر
ضبع: مو لسان رشاشه

..ابتسم ورجع كال

ضبع: من شفتح بحضن نور جنتي صغيره عمرج يوم واحد ليش ما خطفتج اني

.. ثبتت عيني بعينه وحجيت
الـِن: جنت حلوه
ضبع: تلعبين النفس

.. درت وجهي عنه رجع كال

ضبع: لا تشردين مني

..رفعت راسي عليه

الـِن: ما اتركك
ضبع: جذابه

.. بعدت عيني عنه واني حايره

الـِن: نورعرفت
ضبع: منو عمر

.. فتحت عيني بصدمه وجاوبت

الـِن: مديري بلشغل
ضبع: مو اكلج جذابه
الـِن: هاي شبيك ضبع ليش اجذب
ضبع: شيريد منج

.. باوعتله وعلى ثغري ابتسامه شر حجيت واني احرك بحواجبي

الـِن: يريد يخطبني ويكول اني اطلكج من رجلج واخذج انتي تخبلين من الجمال بس هذا رجلج ما يقدر النعمه العنده

.. تقرب عليه وايدي على جوانب السرير ثبت عينه بعيني وهو يكول

ضبع: تتوقعي عايش لسه

.. فتحت عيني بصدمه اكثر وحجيت

الـِن: لا ضبع بس يا كتلته
ضبع: شوي كسور
الـِن: يمه خرعتني عبالي مات
ضبع: تردي يموت

..هزيت راسي نافيه كلامه بخوف

الـِن: لا حباب الله يخليك عوفه
ضبع: ليش تحبي
الـِن: اسلوب الاستجلاب عوفه تدري بيه ما احبه واحبك بعد عليمن هاي السوالف التعبانه ويله وخر عني ضوجتني

..ابتعد عني وهو مبتسم طلع ورجع جان باايده كرسي متحرك تقرب عليه وشالني خلاني عليه نزلت دمعه على خدي مسحها وكال

ضبع: صيري قويه وترجعين احسن من قبل
الـِن: دمرتني

.. ما جاوب اخذني برا الغرفه وهاي اول مره اشوف الكوخ جان صغير بي صاله وغرفتين ومطبخ فتح الشبابيك وطلعني برا

.. جانت منطقه جبليه ومتروسه خضار والقمم البعيده جانت تنشاف برؤيه ضعيفه تغطيها الثلوج باوعتله وحجيت

الـِن: بردت جيبلي غطوه

.. دخل ورجع جانت باايده غطوه لفها عليه وحضني باايده وطبع بوسه خفيفه على راسي وابتعد يكعد مقابيلي على الكرسي

ضبع: وهسه
الـِن: احسن

.. اخذ جكاره وورثها حجيت

الـِن: ليش تخرب الاجواء الحلوه بهذا السم

.. تقرب عليه ونفخها بوجهي حجيت واني مختنكه

الـِن: خبيث

.. سكتت بعد ما حجيت رجع كال

ضبع: لا تبتعدين عني بعد

.. ضليت صافنه عليه مااعرف اجاوبه حجيت

الـِن: ولا تسوي شي ياذيني ضبع لا تخذلني

ضبع: ما خذلتج الاملاك سجلتهن بااسمي لان لو عرفوا صارن بااسمج يكتلوج وماكدر احميج

الـِن: لا تصير لوتي تعرف شنو قصدي

.. سكت ما جاوب ورجع كال

ضبع: حركت القصر

..فتحت عيني بصدمه ما مستوعبه كلامه

الـِن: شنوو

ضبع: وبعته
الـِن: ليش هيج سويت
ضبع: لازم نخليلهم حد لان بدوا يتمادون
الـِن: شلون

.. ابتسم ونفخ دخان الجكاره الي كون عليه هاله مخيفه وكال

ضبع: يلعبون وياي مثلا

.. نزلت راسي وحجيت
الـِن: ضبع براء و رحمه هنه الي اجن يمي وكالن بلغي على ضبع وهو كتلج وكتل اخوج بس والله اني ما بلغت وادم اجا كال ضبع انسجن

.. هز راسه وكال

ضبع: نور

الـِن: شنو

ضبع: نور هيه الي بلغت

.. فتحت عيني مصدومه وهزيت راسي نافيه كلامه

الـِن: مستحيل نور ما بلغت وهيه الي ساعدتك تطلع

.. ابتسم وفتح الجكاره الثانيه ونفخها وكال

ضبع: كلهم خططو وكل واحد واله مصلحته همه الهم القصر ونور تريد تاخذج

..سكت ورجع ثبت عينه عليه وكال

ضبع: بس تتوقعين الضبع ينسجن؟

ادم: شلون كلها كالت انسجنت حتى ادم

ضبع: العب عليهم

الـِن: كوم دخلني بردت

.. ابتسم  شمر الجكاره وتقرب عليه شالني ورجع بيه للكوخ خلاني على السرير وشمر الغطوه عليه وراح يفتح التدفأه شويه ورجع تقرب

الـِن: شكو بعد اصدمني

.. اتقرب اكثر وشال الغطوه وتمدد يمي وهو مقربني عليه
.. ثبت عينه عليه وبعد خصله من شعري وهو يتلمس بااصابعه ملامح وجهي ما يفصلني عنه بس سانتيمترات قليله

.. احس گلبي يريد يطلع من مكانه حجيت
الـِن: ضبع وخر عني
ضبع: هاي شبيج خليني اتدفه
الـِن: واني شكو تدفه بيه

..صاح بصوت خلسني وكال

ضبع: هاي شبيج خل اكملج
الـِن: شكو بعد شمسوي من مصيبه
ضبع: رحمه ماتت

.. فتحت عيني مصدومه وشهكت حجيت
الـِن: شموتها بس يا انت كتلتها ايي انت اكيد ماكو غيرك

.. هز ايده بمعنى ما ادري

الـِن: احجي ضبع شموتها
ضبع:حركت نفسها
الـِن: ليش
ضبع: مادري

..خزرته وحجيت
الـِن: احجي اكيد انت حركتها

ضبع: اعرف عليها شي وكلتلها راح احجي ونفضحج كامت حركت روحها الغبيه

الـِن: شنو

.. اتلمس شفتي بااصابعه وكال

ضبع: اتسمحيلي

.. بعدني ما حاجيه وهجم على شفتي حركت راسي افصل نفسي عنه ورجع ثبت ايده على راسي مقربني من جديد وهو يهجم ما ابتعد اله حس عليه اختنكت

.. درت وجهي عنه وحجيت بصعوبه

الـِن: وخر عني ضبع

.. دار وجهي عليه وثبت عينه عليه كال

ضبع: لا تجاوبين وياي ابعديني لان بلنهايه انتِ الخاسرانه

.. رمشت بعيني بعدم فهم وحجيت
الـِن: شنو

.. ما جاوبني اخذ ايده يمررها على ملامحي وهو ينزل لركبتي وصدري

.. تقرب عليه وهو يطبع بوسات متفرقه باانحاء جسمي

.. حجيت بصعوبه ونزلت دمعه بطرف عيني

الـِن: ضبع وخر عني

.. ماجاوبني

.. حجيت بصوت اعلا واني دموعي زادت شهكت
..حس عليه ورفع راسه مبتعد

ضبع: شكو شبيج
الـِن: لا تستغلني

.. اتقرب عليه ومسح دموعي ورجع اخذ حضني باايده بحيث ضعت يمه

ضبع: لا تبجين

.. شال ايدي وهو مثبتها باايده يرفعها وكال
ضبع: يله خل نسويلج هذا التمرين
الـِن: شنو

.. ترك ايدي وكال
ضبع: فتحي اصابعج وغلقيهن

.. سويت مثل ما كال وجانت ايدي ما متوازنه

.. ابتعد عني وهو يكوم على حيله حجيت

الـِن: ضبع جوعانه
ضبع: شنو تردين
الـِن: شي طيب ينوكل واخذني يمك بلصاله اريد اشوفك شلون تطبخ

.. هز براسه وتقدم عليه شالني واخذني بلصاله وهو اتجهه للمطبخ الي جان مفتوح على الصاله جنت كاعده بس اباوعله وهو يشتغل

.. جان يطبخ بكل هدوء وبس يخلص من شي استخدمه يغسله ويرجعه بمكانه

الـِن: يله ماخلصت
ضبع: للمره الالف كاعد اكلج بعدني لا تلحين
الـِن: هاي شبيك هنه كم مره كتلك خلصت وترجع ترزل بيه

..رفع راسه عليه خزرني ورجع يكمل

.. شويه واجا خلا على الميز جان مسوي شوربه ودجاجه شاويها وكبده

.. تقرب عليه شالني وخلاني على الكرسي يم الميز وكال

ضبع: يله اكلي
الـِن: ما اكدر
ضبع: لازم تمرنين ايدج يله

.. خلالي كلنسه على التيشرت وقدملي خاشوكه وكال

ضبع: يله

.. اخذتها منه بصعوبه وبديت اكل وجان اكثر شي يوكع عليه حسيت نفسي طفله هستوها تتعلم تاكل تركتها وكعدت ابجي

..رجع قدملي الخاشوكه وكال

ضبع: لا تبجين
الـِن: ما اكدر دا اوصخ نفسي
ضبع: عادي نغسل بعدين
الـِن: ما تلعب نفسك وانت كاعد يمي

.. هز راسه بمعنى لا وكال

ضبع: طبعا لا اكو واحد تلعب نفسه من هذا الجمال

.. ابتسمت واخذت الخاشوكه من جديد ورجعت اكل وجان هو يسويلي لفات صغيره وينطينياها بايدي اكلها لحد ما خلصنه تقرب عليه وشالني يغسلي

ضبع: ابدلج

.. هزيت براسي بمعنى اي

الـِن: بس تغمض

.. كلب عيونه بتململ وكال
ضبع: على اساس ما شايف

.. فتحت عيني بصدمه وحجيت
الـِن: ضبع الجلب وين شايف

.. ضحك ضحكته وكال
ضبع: رجال فقير كلشي ما شايف من ابدلج اغمض عيوني اصلا وما اغش وافتحهن من اتنزلين راسج

الـِن: ضببع الجلب
ضبع: وسم شبيج
الـِن: لا تبدلي ماريد اني ابدل
ضبع: مو زين عليج وهم علمود اشوفلج الجرح

.. سكتت ما حجيت تقرب عليه وهو ينزعني التيشرت وجابلي دشداشه ماعرف شوكت ومنين جابها لبسني ياها ورفع من عدها لحد بطني وتقرب يشوف الجرح

.. قرب ايده يفتح دكم البنطرون حطيت ايدي بصعوبه على ايده وحجيت

الـِن: لا وخر اني انزعه

.. ما اهتملي ونزل الدشداشه ال جانت قصيره وتوصلي لركبي وبقى مدخل ايده جوه الدشداشه ويفتح بدكم البنطرون ونزعنيا وشمره على جهه

.. جنت مغمضه عيني قوي حسيت على ضحكته وفتحتها

الـِن: شبيك

.. تقدم عليه يشيلني ويرجعني للصاله مكعدني تقدم فتح التلفزيون مطلع فلم وطفه الاضويه واجا تقرب عليه ونام على رجلي ووحط ايدي على وجهه

الـِن: الكعده الما احبها

.. رفع راسه مثبت عينه عليه وكال

ضبع: بس اني احبها

.. سكتت بعد ما حجيت رجع كال

ضبع: يله باعي وسكتي

.. غمض عينه وبقيت اباوع للفلم جان يحجي عن وحده راحت تعيش بفرنسا

الـِن: حلوه اللغه الفرنسيه بس صعبه
.. ما جاوبني

.. اخذ ايدي ورجع خلاها على شعره وكال

ضبع: لعبي بشعري
الـِن: هو وين اكو شعر علمود العب بي شبيك

.. ضحك ورجعت حجيت
الـِن: ضيعت عليه الفلم حتى ما افتهمت شكالو

..فتح عينه وثبتها عليه وكل

.. Quand tu es entré dans ma vie, c'est devenu plus beau

..فتحت عيني مصدومه من طلاقه اللهجه وحجيت

الـِن: شنو يعني

..ابتسم وكال
ضبع: عندما دخلت حياتي اصبحت اكثر جمالاً

.. بعدت عيني عنه وحجيت
الـِن: وانت شمدريك

ضبع: عشت بيها سنه قبل لا ادخل كليه عسكريه
الـِن: هاا
ضبع: بس تصيرين زينه اخذج تكملين دراستج هناك
الـِن: ودوامك
ضبع: اتركه
الـِن: ليش ضبع
ضبع: ما دخلت اله بنيه ساميه واحارب علمود بلدي جانت نيتي غير
الـِن: شنو
ضبع: انتقم

.. رفع راسه عليه وقرب ايده يتلمس خصلات شعري وكال

ضبع: بس اني هسه ماريد انتقم اريدج انتي يمي وبس

.. ابتسمت ماعرفت اجاوبه رجع كال

ضبع: لا تطعنيني بظهري هلمره

.. هزيت براسي وحجيت

الـِن: منو بقى علمود تنتقم منه اشو كلهم خلصو
ضبع: بعد بعد ما خلصو ولا تتوقعين ما يرجعون ويلعبوها من جديد

.. سكتت ورجعت حجيت
الـِن: ضبع علمني كلمه بلفرنسي

.. ابتسم وكال

.. My destruction

الـِن: شنو يعني

ضبع: هلاكي

الـِن: هاي صعبه اريد غيرها

.. Quand je te regarde, on dirait que le temps s'arrête, plus rien ne semble important. Le monde entier disparaît et il ne reste que toi devant moi.

الـِن: يوو لا تغلط عليه افتهمت

..ضحك ورجع كال

ضبع: عندما أنظر إليك يبدو أن الوقت قد توقف لا شيء يبدو مهمًا بعد الآن العالم كله يختفي وأنت فقط تبقى أمامي

..سكتت ما اعرف شنو اجاوبه بعدت عيني عنه وحجيت

الـِن: شوكت نروح يله تشوقت
ضبع: صيري زينه واخذج

.. هزيت براسي واني فرحانه

.. مر اكثر من اسبوعين وضعي تحسن وضبع ما تركني ولا لحضه تعلقت بي اكثر جنت كلشي اريده ينفذه بدون لا يحجي هواي شغلات عرفتها عن ضبع خلال هاي الفتره جانت تجيني الدكتوره كل ٣ ايام وتجيك حالتي وهو جان حيل زين وياي شفت ضبع انسان ثاني بلحب والاهتمام يمكن هذا الشي الوحيد الي جان محتاجه احد يحبه ويهتم اله بس ما شاف من عدهم بس العكس

.. نايمه با الصاله واني اشاهده وهو يغسل اماعين حجيت

الـِن: ام بيت نادره

..رفع نظره عليه خزرني ورجع يكمل
.. شويه ورجع تقرب عليه شال رجلي وبدا يسويلي التمارين الرياضيه

ضبع: تحسين؟
الـِن: مادري

.. بعد عينه عني وقرب شفته وطبع بوسه خفيفه عليها
.. فتحت عيني بصدمه وحسيت جسمي كزبر

ضبع: وهسه

.. بعد راسي وحجيت
الـِن: جسمي كزبر

ضبع: حلو بدايه زينه كدرتي تحسين شويه شويه تكدرين تمشين

.. بعدت عيني عنه مستحيه حس عليه وكال

ضبع: شبيج
الـِن: مابيه شي

..مر شهر وبدت وضعي تتحسن وكدرت احرك رجلي وامشي بس خفيف شويه واتعب

.. جنت عايشه بسعاده واني قريبه عليه ما جان اكو شي يشغلني عنه جنت عايشه بحبه ودلاله وجنت اعرف ما راح تستمر وان السعاده ما مقدره اليه

.. واكفه اسوي التمارين الرياضيه برا وضبع ماكو شويه وشفت سيارته اقتربت ونزل منها ونزل ويا جلب
جان يلحكه وين ما يروح ويكمز عليه شكله صغير يجنن ولونه ابيض

..تقربت عليه وحجيت
الـِن: هذا منين حلو شكله
ضبع: جبته الج يبقى يمج من اروح للدوام

..تقربت عليه وبقيت اتلمس بشعره الحلو

الـِن: شنو نسمي
ضبع: انتِ سمي

الـِن: راح اسمي ضبع

..فتح عينه يخزرني

الـِن: شبيك لا تخزر ترا انت هم اسمك اسم حيوان

..ما جاوبني ودار وجهه رجعت حجيت ردت اكحلها

الـِن: يعني عادي بعد كم يوم اذا اجاني ولد اسمي جلب

.. ضحكت وحجيت

الـِن: عزاا ضبع اتخيل يصيحوله جلب ضبع

.. ضحكه ضحكته العفويه وكال

ضبع: تردي

..هزيت راسي بمعنى اي وكال

ضبع: اختاريله اسم غير اسمي بلا زحمه عليج

الـِن: لا لا عجبني اصيحله ضبع

.. سكت رجعت حجيت

الـِن: شبيك ضبع علمود يحميني من انت ماكو مثلك

.. سكت ودخل جوه حسيته طنكر اخذت الجلب ضبع ودخلنه جوه

.. صحت
الـِن: ضبع

..اندار عليه وكال
ضبع: ها

.. خليت ايدي على شفتي وضحكت حجيت

الـِن: مو عليك هاي على الجلب ضبع

ضبع: تردين تنتقمين من عندي مو

.. خزرني وكام على حيله اخذه وشمره برا وسد الباب طلعت ورا اصيح

الـِن: هاي شبيك ضبع خطيه ليش شمرته

ضبع: علمود تتادبين

..نزلت دمعه بطرف عيني وحجيت

الـِن: يله والله اغير اسمه بس دخله خطيه بارده عليه

.. رجع فتح الباب وجان ما موجود

.. نزلت دموعي وحجيت بقهر

الـِن: كله من وراك ضبع ضاع اطلع دوره يله

.. دخل وكعد بلصاله ما مهتم لكلامي رحت ورا واني الزم باايده اتوسل حجيت

الـِن: الله عليك ضبع كوم شوفه وين راح
ضبع: شيطلعني بهذا البرد
الـِن: الله عليك ضب ضب

..دار وجهه عني وكام على حيله اخذ قمصلته وطلع

..مرت ساعه ونص وضبع ماكو شويه ودخل جان باايده جلب بس يختلف عن ذاك

..كمت على حيلي اتقربت عليه وحجيت

الـِن: وين ذاك

ضبع: جبتلج واحد غيره خو ما اكعد ادوره
الـِن: يعني كل هلفتره رحت تجيب واحد غيره

.. دخل وجان لازمه بلطوق مالته حطه باايدي وراح ينزع قمصلته كال

ضبع: هاي جلبه مو جلب عود سميها على اسمج

.. ضيقت عيني واني اشوفها جان لونها رصاصي وصغيرونه بقيت امسد الها وهيه تلعب 

الـِن: لوسي راح اسميها

.. بقيت الاعبها وهو راح يسويلنه العشا خلص وخلا على الطاوله وكال

ضبع: يله كومي

.. اخذت من الاكل وانطيته الـ لوسي وكعدت اكل وجان كاعد مقابيلي كال

ضبع: راح اطلع اليوم الفجر للدوام
الـِن: ابقى ابحدي
ضبع: راح اخليلج حرس بلباب وكل يوم يجيبولج اكل لا لا اتعبين نفسج واطبخين

..هزيت راسي بمعنى اي

.. خلصنه عشا واخذت الاماعين اغسلهن وضبع ينشفهن ويرجعهن بمكانهن ولوسي تفتر يمنه خلصنه والتفت عليه وكال

ضبع: راح اطلع شويه وارجعلج
الـِن: تمام

.. طلع وبقيت اني ولوسي العبها واوكلها وجانت تفتر يم رجلي مرت اكثر من ساعتين وضبع ماكو رفعت عيني على الساعه وجانت ب12:40

..بقيت اسوي تمارين رياضيه حسيت نفسي تعبت رحت للغرفه اخذت تراك من ملابسه ودخلت اسبح خلصت وطلع وهم جان ماكو

..بقيت انتظره وماكو اخر شي استسلمت للنوم

.. حسيت عليه وهو يقربني عليه ويحضني ويطبع بوسات بركبتي

..فتحت عيني بطيئ وحجيت

الـِن:ضبع

.. جان شادني عليه وهو يطبع بوسات بااذني وايديه تتجول على جسمي كال

ضبع: روُح ضبع

.. سكتت حسيت على ايديه بدت تتمادى وتروح لاماكن خطره لزمتها وحجيت حسيت عليه توقف ورفع راسه

الـِن: لا ضبع
ضبع: ليش
الـِن: مو وكتها

.. اخذ حنكي باايده وكال

ضبع: لو كالولج ابتعدي عن ضبع لا تبتعدين افتهمتي

.. هزيت راسي وطبع بوسه خفيفه على راسي ولمني بحضنه وكال

ضبع: ترا ما شايل صبر ايوب

.. كالها وهو يدفن نفسه بركبتي

.. حسيت عليه نام وبقيت افكر بكلامه ورجعت نمت

.. كعدت الصبح ما لكيته موجود ولوسي تصيح رحت اشوفها شبيها لكيت خمسه واكفين بنص الصاله وشايلين اسلحه

.. رجفت اطرافي ورجعت خطوه خايفه
.. بس شافوني تقدم واحد بيهم وهو يكول

- يا اهلا بزوجه الضبع

..حجيت بصعوبه

الـِن: شتردون

..اندار عليهم وهو يكول

-جيبوها

.................................

..تقرب عليه اكثر وهو ياخذ خصله من شعري ويقربها عليه يشتم بيها وطبع بوسه خفيفه على شعري

..ابتعدت بخوف واني اسمع صوته

اشتر: شتسوون ؟؟

.. اجت عيني عليه جان بركان وعيونه ما تنشاف بس شافه شرار ابتعد عني وهو يخلي ايده على راسه

.. رجلي يرجفن من الخوف جنت انتظر خطوه اشتر بس جان واكفه يشاهد ينتظر شرار يحجي تقرب على شرار وضربه بوكس وكعه بلكاع والدم ضل يتطشر من خشمه
ماجانت اكو رده فعل عد شرار غير استسلام لضربات اشتر

.. ابتعدت واني خايفه من منظره

اشتر: ولك كو... مرتك كاعده وياك بنفس السكف وتخونها بس تدري مو صوجك صوجها هيه الرخصيه الي خلتك تتقربلها

.. فتحت عيني بصدمه وتقربت عليه احجي احاول افهمه

ملاك: اشتر والله اني معليه

..رفع ايده بتهديد وهو يكول

اشتر: لا تتقربين عليه انسانه وصخه

.. ضرب شرار برجله وطلع

.. طلعت من الغرفه واني احاول الحكه لكيت ريم واكفه متألمه باب الغرفه وعيونها تتسائل تقربت يمي

ريم: شكو

.. تركتها واتجهت ورا اشتر فتحت باب غرفته لكيت يبدل يلبس زي العسكري جان لونه اسود لابس بس البنطرون اتقربت عليه وحجيت

ملاك: اشتر افهمني والله اني معليه رحت علمود احاجي

.. اتقرب عليه وكال

اشتر: اجيتي تردين تكملين قذارتج اخاف شرار ما مكفيج

.. بعده ما مكمل كلامه وضربته راجدي وحجيت بصوت

ملاك: احترم نفسك واعرف حدك واعرف ويامن تحجين

..فتح عينه مصدوم ورجع ثبت عينه عليه خفت ورجعت بخطواتي كل خطوه يخطيها اتجاهي جنت ارجعها بخطوتين لحد ما حسيت نفسي بعد ما اكدر اتحرك وراي حايط تقرب عليه اكثر وخلا ايد على الحايط يمنعني اتحرك كال وهو يهمس بااذني

اشتر: الي تدخل ملاهي بعد تتعود على هذا النظام وهذا الي صار وياج يمكن اشتاقيتي لتجربتج السابقه

.. نزلن دموعي وحسيت كل كلمه يحجيها مثل الخنجر بلنسبه اليه رجعت حجيت تحت بكائي

ملاك: والله اشتر معليه

.. اخذ ايدي قوي وفتح باب الغرفه وشمرني قوي وكعت على ايدي حسيتها طكت نزلن دموعي تقربتلي ريم وكالت

ريم: شبيكم شكو شصاير

..كمت على حيلي مااعرف شنو اجاوبها رجعت كالت

ريم: شبي شرار طلع ووجهه ما يتفسر واشتر يصيح

.. حضنتها وبقيت ابجي وخطيه هيه احتارت ما تعرف شتسويلي بعدت نفسي عنها وحجيت

ملاك: ايدي تاذيني
ريم: شو اشوفها

.. اخدت ايدي وكال

ريم: ورمت يمكن انكسرت لو رض كولي لاشتر ياخذج للمستشفى يسويلج اشعه

..هزيت راسي نافيه كلامها

ملاك: لا ما يحتاج

.. شويه وطلع اشتر وجان لابس زي عسكري ودخل لغرفه ثانيه وشويه وطلع من عدها جان شايل باايده قناصه اتوجهه علينه يريد يطلع

.. نزلت عيني خايفه وصل يمنه وتوقف اندار على ريم وكال

اشتر: رجلج المطي وين

ريم: طلع

..ثبت نظراته عليه وطلع رجعت ريم باعتلي وكالت

ريم: ملاك شكو شصاير والله دخت

..ثبتت عيني عليها وحجيت
ملاك: اشتر و شرار تعاركو
ريم: ليش

.. هزيت راسي وحجيت

ملاك : ما ادري
.. سكتت بعد ما سئلتني رفع عيني عليها

ملاك: ليش ما ارتاحيتي بغرفتي مو زين عليج
ريم: سمعت صياحكم وخفت
ملاك: حبيبتي ارجعي للغرفه ارتاحي
ريم: شنو ارتاح راح اموت من القلق والخوف
ملاك: ليش شبيج راحت بعد
ريم:شرار طلع والدم مالي وجهه
ملاك: عادي همه اصدقاء ابيناتهم

..سكتت ما جاوبتني كامت على حيلها متألمه اخذت ايدها اساعدها ووصلتها للغرفه وطفيت الضوه وطلعت

..احتاريت وين اروح دخلت لغرفه اشتر جانت تلمع من النظافه وعطرها يجنن سديت الباب ورحت للمرسم اول ما دخلت جانت اكو لوحات بس ما مكمل رسمهن

..اتقربت اشوف جانت ملامح بنيه بس ما مكتمله والباقيات كذالك ما مكتملات بقيت امعن النظر بيهن كل اللوحات مكتمله اله لوحات البنيه على النص ويتركهن تقريبا اكثر من ١٠ لوحات الها

..تقربت لستاند الرسم واخذت لوحه من عدهن وبديت اكمل ملامحها

..جانت ملامحها حيل حلوه كملتها واني امعن النظر بيها

ملاك:معقوله زوجته!!

..تركتها بنفس المكان وطلعت

..مرت الايام عاديه وريم تحسنت بس نفسيتها جانت تعبانه لحد ما اجا اليوم الي اجتني بي وكالت

ريم: ملاك اني راح اطلع شرار واكف بلباب راح ياخذني

..هزيت براسي وجانت عيني عليها حيل حزينه باعتلي وابتسمت كالت

ريم: راح انهي كلشي وي شرار

..فتحت عيني بصدمه ولزمت ايدها

ملاك: لا ليش
ريم: ميحبني واني هم لازم اشوف حياتي ما ابقى عليه
ملاك:الي ترتاحيله سوي

..هزت راسها وطلعت

..بقيت ابحدي ماعرفت وين اروح دخلت اسبح وحسيت على صوت برا بدلت على السريع وطلعت ما جان اكو شي سديت الشباك توقعت بزونه طفرت!

..مرت يومين وجانت هاي الاصوات تزيد جنت اخاف واني ابحدي اقرا ايات يله انام

.. كاعده بلصاله اباوع تلفزيون ودخل اشتر بدون ولا كلمه عبر من يمي وراح للغرفه

.. بقيت اباوع وما هتميت حسيت بي طلع من الغرفه كمت على حيلي واتقربت عليه

ملاك: اشتر

.. ما جاوب رجعت حجيت

ملاك: ضبع وين

.. ما جاوبني تقربت عليه اكثر ولزمته من ايده اندار عليه وثبت عينه بعيني

اشتر: شكو
ملاك: ما اتحمل ابقى هنا بعد اريد ضبع
اشتر: ما ادري وينه مختفي

.. بعد ايده عني قوي ورجت حجيت
ملاك:شصار على شرار

..اندار عليه وتقرب كال

اشتر: بالج يمه يمكن
ملاك: اشتر والله اني معليه هوه شرار اتقرب عليه ومالحكت ابتعد وانت اجيت

اشتر: شي خاص بينج وبينه ما يحتاج تبررين

.. تركني ودخل للمرسم واني رحت لغرفتي شويه ودخل عليه وبيده الرسمه ووجها ما يتفسر

اشتر: منو مكملها

..بعدت عيني عنه وحجيت خايفه
ملاك: ماادري
اشتر: احجي ملاك منو داخل للمرسم

.. كمت على حيلي واخذت الرسمه من ايده وحجيت بخوف
ملاك: يمكن ريم

..ثبت عينه عليه ما مصدكني كال

اشتر: خوش هسه اخابرها ونشوف
ملاك: شبيك اشتر هيه رسمه
اشتر:دنطلع جذبتج شلون

..خفت من كلامه وحجيت

ملاك:اني

.. ثبت عينه عليه وكال

اشتر: منو سمحلج

..تركته واتجهت اطلع حسيت على لزمته لايدي توقفت واطرافي يرتعشن

..حجيت بدون لا اندار

ملاك: شكو

..حسيت عليه تقرب وحضني قوي وظهري صار على صدره همس قريب اذني وكال

اشتر: ما اريد افقدج مرتين

..جان يحجي كلام ما جنت اني المقصوده بي !!

..خفت اكثر وبعدت عنه هوه بس حس عليه طلع

..غلقت الباب واني خايفه بقيت افتر بلغرفه متاكده اشتر ما يقصدني بكلامه شويه وطلعت مالكيته موجود با البيت

..مرت ايام واشتر ماموجود ومرات يجي بس ما يحجي وياي جنت ابحدي بلبيت مرات اضوج اطلع بلحديقه المرسم بعد ابد ما دخلتله

.. كاعده بلحديقه وحسيت على حركه كمت على حيلي اشوف شكو اتقربت لكيته واحد من الحرس يسكي الزرع بس شافني ابتعد وكال

- العفو خاف ضوجتج
ملاك: لا عادي

.. سكت بعد ما جاوبني ورجع يكمل حسيت نفسي ضايجه صارلي فتره ما حاجيه وي احد راح يصير بيه توحد حجيت

ملاك: اول مره اشوفك هنا

- صحيح جنت ماخذ اجازه واليوم رجعت لكيت زرعاتي ميتات

ملاك: ليش انت فلاح هنا

.. ابتسم وكال
- لا حمايه بس احب الزرع

..ابتسمت وبقيت اسئله على الزرع وهو جان يجاوبني حسيت الباب انفتح وصار اكبالي دخل تقرب وهو يخزر بيه بس شاف الحرس سلم عليه تقرب جرني من ايدي ودخلني للبيت

..دفعت ايده قوي وحجيت

ملاك: هاي شبيك

..تقرب عليه وهو يضغط على فكي قوي وحجه وهو يرص بااسنانه

اشتر: ما لكيتي احد كلتي احول على الحرس مو

..دفعت ايده عني قوي وحجيت

ملاك : عايفني مثل الجلب ابحدي صار عندي توحد وجنت كاعده بلحديقه ولكيته يسقى الزرع وكعدت اسئله ترا ما بيها شي شبيك تخبلت

.. تقرب عليه وحجه بصوت هادي تلمس خصلات شعري وكال

اشتر: شلون يلمسهن احد غيري معقوله يحب شعرج اكثر مني

.. سكتت مفهمت قصده ابتعدت

ملاك: وخر عني اشتر ما اتحملك

.. ابتعد عني وطلع بعد ما شفته مرت اشهر واشتر ماكو

..لحد ما جنت نايمه وحسيت على ايد ضغطت على شفتي تمنع صراخي فتحت عيني واني خايفه

.. حط السلاح على راسي وكال

-صوت واحد تموتين بفراشج

.......................................

.. طلعت واني اشوفه واكف بلباب تقدم عليه فتحلي باب السياره صعدت بيها ورجع صعد مو جهته وكال

شرار:شلونج
ريم: وين جنت
شرار:مهمه

..سكتت ماحجيت رجع كال

شرار: ما جاوبتيني
ريم: زينه

.. بقى ساكت وما حجه شي بعد رجعت حجيت

ريم: شصار بينك وبين اشتر ليش تعاركتو

.. ما جاوبني
.. ما حسيته شرار الي يضحك ويسولف جان انسان ثاني حيل متغير

ريم: شبيك شرار
شرار: مابيه شي

.. رجعت حجيت

ريم: وين نروح
شرار: للشقه
ريم: طلكني

..هز براسه وكال

شرار: يصير خير

.. تركته بعد ما حجيت ولا هو لحد ما وصلنه للشقه نزل فتح الباب ودخل دخلت ورا

.. دخلت جانت الشقه هوسه رحت للمطبخ اشرب مي لكيت بطاله شرب رفعت عيني على شرار ونزلت دمعه بطرف عيني مسحتها على السريع وطلعت لعبانه نفسي

.. حس عليه دخل طلعهن وشمرهن با الزبل
..غسلت وجهي ورجعت لكيته كاعد بلصاله ومدنك راسه صافن بلفراغ

..تقربت عليه وحجيت

ريم: شرار ليش تشرب

.. رفع عينه عليه وكال بااسى

شرار: احس روحي كاعد تطلع ريم

..تقربت عليه واني اخذ ايده واضغط عليها باوعتله بنظرات خايفه عليه

ريم: شبيك شرار

..رفع عينه عليه وكال

شرار: الي يعشگها گلبي يعشگها صاحبي

..تقرب عليه وحضني لاول مره اشوف شرار بهاي الحاله حاوطت ايدي عليه

..عرفته يقصد اشتر
..ماعرفت اجاوبه جان حاضني واني ابجي بسكته مسحت دموعي بس حسيت ابتعد عني رفع نظره عليه وباوع بااستغراب كال

شرار: شبيج

..ابتسمت وحجيت

ريم: مابيه شي

..تركته ورجعت للغرفه قفلتها ونمت

.. حسيت على طرقات الباب كعدت على حيلي فتحتها جان شرار كدامي رجعت سديتها وكملت نومتي

.. دخل ورايه وكال

شرار: يله مو تردين نطلك

..فتحت تك عين وكلت

ريم: مو هسه خل اخلص نومتي وبعدين نتفاهم

..فتحت عيني حسيت النومه طارت بعد كمت على حيلي غسلت وجهي ورحت لكيته كاعد بلصاله ولابس زي عسكري

ريم: شوكت
..اندار عليه وكال

شرار: اذا تردين هسه

.. هزيت براسي ورحت للغرفه بدلت وطلعت لكيته ماموجود نزلت لكيته جوه يم السياره رحت صعدت واجا صعد

.. ما حجه شي بلطريق رفعت عيني عليه وحجيت

ريم: لا تخلي حياتك توكف على بشر والي ميريدك لا تريدهه هواي اشخاص بلحياه يستاهلونه ليش انتعب نفسنه وننهي حياتنه باايدنه احنه نستحق نعيش حياه حلوه رب العالمين ما خلقنه علمود نعاني رب العالمين انطاني مصيري باايدي واني احدده

.. ما جاوبني بس رفع نظره عليه ورجع يكمل الطريق

..شويه واتصل عليه مبايله ما سمعت بس هاي الكلمات

شرار: وين
..جاي

..غير الاتجاهه ورجع بينه حجيت

ريم: ليش رجعنه

شرار: عندي مهمه سريعه لازم اروح

..وصلني للشقه ونزلنه فتح الباب ودخل على السريع اخذ ملابسه بجنطه عسكريه وطلع بقيت ابحدي بلشقه بقيت افتر شوي ونزلت ورحت للصيدليه اول ما دخلت لكيت علي حاجيته وفهمته على الموضوع وجان متساهل وياي ورجعت اشتغل

..مرت ايام ورجعت اداوم بلصيدليله وشرار ماكو مختفي قررت ااجر بيت واترك الشقه وفعلا لكيت بيت واجرته

..كتبت رساله لشرار وخليتها على الميز وطلعت من الشقه طلعت واني ما ناسيه اي حدث جمعني بي داخلها

.. مسحت دمعتي ونزلت متمنيه ابدي حياه جديده بعيداً عنه

..مرت الايام وبديت اشتغل بلصيدليه واكون نفسي شرار بعد ما شفته حياتي استقرت لحد ما اجا هذا اليوم

..راجعه هستوني من الشغل فتحت الباب حسيت على صوت بلصاله فتحت الاضويه لكيت كاعدين وموجهين السلاح عليه خفت رجعت خطوه حجه واحد بيهم

- اخذوها

........................

فتحت عيني لكيت ريم وملاك فوك راسي رفعت نفسي وحجيت خايفه

الـِن: ولجن وين شنو معقوله متت

..حضنني وصارن يبجن
ملاك: ولج الـِن وين جنتي

..بعدت نفسي عنها واني اباوع على المكان الجان عباره عن مخزن قديم

..بعدني ما حاجيه ودخل واحد بيهم

- يا اهلا وسهلا خوش عدنه ضيوف اليوم

.. جان يحجي ويستهزء شكله حيل مقرف رجعنه واحنه وحده محتميه بلثانيه حجيت

الـِن: والله لو يلزمك ضبع اله يكلي البصل على اذانك يا جلب

- مره الضبع بعدنه ما بادين حفلتنه شنو مستعجله على رزقج

..خفت من كال هيج ونزلن دموعي رجعت حجيت

الـِن: شتريد

.. ما جاوبني ورجع دك الباب قوي فتحولهيا وطلع

.. باوعت عليهن وكل وحده جانت حايره بضيمها

الـِن: شيسون بينه ذوله
ملاك: لو يبيعونه لو يغتصبونه لو يشمرونه بلملاهي
الـِن: خبره ما شاء الله عليج
ملاك: اسكتي الـِن احنه بيا حال

..نزلت دمعه من عيني اخذت ايدي وضغطت عليها كالت

ملاك: لا تخافين والله هسه يجي ضبع ما يعوفج وانتي لا تنوحين كافي هسه يجي شرار ينقذج واني الي الله

..حجيت واني ابجي

الـِن: هو غير هسه يدك اصبعتين لان اخذوني اصلا هسه يكلهم هاكم هاي فلوس زياده عليها لان خلصتوني منها

ملاك: المشكله اعرف ضبع يسويها بس لا تخافين انتي غير ميتركج

.. باوعت لريم الي جانت تبجي وتنوح صحت عليها

الـِن: كافي ترا والله البجي ميسوي شي

..كمت على حيلي متقدمه للباب ادك بي بكل قوتي دخل علينه واحد حيل ضخم لزمني من شعري وضربني حيل وجهي وكعت بلكاع متألمه اتقربت ملاك وربم يحاولن يدفعو عني بس ما كدرلنه بقى يضرب بيه حسيت روحي شاطت وضليت اتقيئ دم شويه ودخل واحد كال

- اخذهن بساع طلعوهن من الباب الخلفي صار اشتباك

..حسينه على اصوات الرمي عاليه دخلو ٣ وقيدو ادينه وطلعونه من الباب الخلفي وهمه يضربون بينه

..اول ما طلعنه من الباب انضرب واحد بيهم طلقه قناصه

..ملاك بس شافته وكعت بلكاع جرونه وهمه  يدخلون للمخزن من جديد واصوات الرمي ماسكتت صاح واحد بيهم

- ولكم تحاصرنه هذا ابو القناصه ما يخلي احد يطلع

..صاح الثاني

-احتمو بيهن واطلعوا

..وفعلا خلو الاسلحه على روسنه وطلعونه من الباب لحد ما وصلنه للسيارات انداريت واني اشوف الجيش والرمي وهواي ناس واكعه بلكاع والدم مغطيها

..ضربني حيل على راسي وهو مصعدني بلسياره ومشى بيها جانن البنات بس يبجن وكلساع واحد ضاربنه لحد ما حسينه بسياره لا حكتنه ورمي ورانه واخر شي حسيت بي السياره شحطت حيل وانكلبت بينه ..

.....................

لهنا وخلص البارت 💖🦋

اعذروني تاخرت بس علمود اطلعه الكم بهذا الجمال

-كتبولي توقعاتكم شنو راح يصير ؟؟