رواية سليله الانتقام الفصل الثلاثون 30 - بقلم taratel

.. انداريت على صوت خلفي ارتعشن اطرافي وكع المبايل من ايدي واني اشوفه

.. منتجي على الحايط وهو مبتسم كال

ضبع: خلصتي

.. ثبتت عيني عليه واني خايفه رجعت بخطواتي وهو يتقرب عليه نزل اخذ المبايل من الارض ورجع قدمه اليه وعلى ثغره ابتسامه مخيفه كال

ضبع: اخذي

.. هزيت براسي بمعنى لا

.. اتقرب عليه وهو يبعد خصلات شعري ومثبت عينه عليه كال

ضبع: ليش خايفه

.. حجيت بخوف

الـِن: ضبع

ضبع: روُح الضبع

..حجيت بتلكؤ

الـِن: خابرتها بس علمود اطمنها عليه

ضبع: مو مشكله هذا حقج وهاي امج

.. اخذت نفس وهزيت براسي

.. تقرب اكثر وهو ياخذ ايده ويمشيها على ركبتي لحد ما وصل لمكان الحرق لمسه بهدوء وثبت نظره عليه ضغط عليه اكثر

.. ابتعدت متألمه ونزلت دمعه بطرف عيني مسحها باايده

الـِن: لا تسوي هيج

.. فززني من ضحك ضحكه جنونيه

.. ثبتت عيني عليه واني اباوعله بنظره استغراب شكله مخيف مو انسان عادي

.. تقرب عليه وهو يتلمس ملامح وجهي ومثبت عينه عليه رجعت خطواتي خايفه وايدي ترجف

.. نزل لايدي وهو يضغط عليها صاح بصوت رجف گلبي

ضبع: ليش خايفه

.. جاوبت بخوف

الـِن: ما خايفه

ضبع: شمسويه وتخافين

.. ضربته قوي على صدره ابعده عني وصحت بصوت

الـِن: ما خايفه وخر عني لا تتخبل عليه

.. رجع تقرب عليه وهو مقربني عليه ومحاوط جسمي باايديه تقرب لاذني يهمس

ضبع: خسرتي

.. ابتعد عني وطلع بقيت ارجف كلامه وشكله وهيئته كلشي بضبع يخوف احس رجلي بعد ما اكدر اوكف عليها وكعت على الارض خايفه ابجي شويه ودخلت ملاك شافتني بهلحاله تقربت عليه سريع وهيه تسندني اكوم

ملاك: شبيج مريت من يم الباب اسمعج تصيحين وضبع طلع نار من العصبيه شصاير

.. رفعت عيني عليها ودموعي تنزل حجيت بصوت خايف

الـِن: ضبع راح يكتلني ملاك

.. شهكت بصوت وفتحتت عينها بصدمه وكالت

ملاك: ولج ليش شمسويه

الـِن: كوميني اول واسولفلج

.. اخذت ايدي وهيه تسندني كعدتني على السرير وكعدت مقابيلي وهيه مركزه وياي مسحت دموعي وحجيت بقلق

الـِن: اتصلت على نور من مبايله وحجيت حجي ردتها تبتعد عني وتأيس من عندي لان ادري بيها راح تبقى ادور عليه وتصير فريسه سهله لضبع

ملاك: شحجيتي الـِن؟

الـِن: حجي مو حلو

.. حطت ايدها على شفتها تخفي شهكتها وكالت

ملاك: كملي بس يا سمعج

.. هزيت براسي بمعنى اي وحجيت

الـِن: ما ادري اذا سمعني او لا بس تصرفاته تخوف ملاك ضبع يخوف مو انسان طبيعي مره زين وياي مره ينگلب ضدي مادري شسويله

ملاك: يعني جبتي اخرتج باايدج

الـِن: حبابه ملاك ساعديني اخلص من ضبع والله راح يخبلني

ملاك: ماكو باايدي شي من البدايه كتلج ابتعدي عنه

الـِن: مو ابتعدت

ملاك: اطلعي خارج العراق ما راح يلكاج

الـِن: شلون اطلع

.. بعدت عينها عني تفكر رجعت حجيت

الـِن: اسمعي هو كال اخذج للخارج اتكملين دراستج

.. رفعت عينها عليه وكالت

ملاك: سمعيني الـِن اسمعي كل حرف راح اكوله الطريقه الوحيده الي تخلصين بيها من ضبع هيه

الـِن: شنو

ملاك: حبي ضبع

.. فتحت عيني بصدمه وحجيت

الـِن: بس اني اموت منه ولج مجرم تعرفين شنو انسان مجرم

ملاك: اتصنعي حبه

الـِن: وهذا الي كاعد اسوي بس المشكله يعرف بكل مره اتقرب بيها عليه يبتعد عني

ملاك:  ضبع ما تعبر عليه حبي حقيقه

الـِن: مستحيل

ملاك: اذا ابقي هنا

.. بعدت نظرها عني ورجعت حجت

ملاك: يمكن الي راح احجي صعب عليج وصعب تتفهمي بعد الي شفتي من ضبع بس الـِن لو ملكتي گلب الضبع راح تملكين الدنيا ترا ضبع ما جان هيج بس بسبب مرته والظروف الي صارت ويا من هو صغير خلته يتغير ضبع حيل حيل حنين من داخله بس ما لكه الحب والاحتواء من اي احد حتى مرته شكد جان مدللها وكل يوميه من دوله لدوله بس ما جانت تحبه جانت وحده طماعه بفلوسه

الـِن: اخاف منه ملاك اني اخاف من ضبع حيل مو هين الي سوا بيه مرات احس موتي راح يصير على ايده ما ادري حياتي مو باايدي باايده هو يتحكم بيها

ملاك: حقج ضبع ما يتأمن

.. رفعت تيشرتي واني ااشرلها حجيت

الـِن: شوفي شسوه بيه سجينه بنص خاصرتي ملاك اشهر اني مااكدر امشي على رجلي انشليت بسببه

.. نزلت التيشرت واني ااشرلها على مكان الحرك

الـِن: وهذا هم صار بسببه

.. بعدت عينها عني ورجعت حجيت

الـِن: تعبت واني اتصنع حبه اكرها حيل بس ماعندي غيره محد يكدر يحميني غيره ومحد يكدر ياذيني غيره تعبت من هاي الحياه الي عايشتها شنو الي ما عشته وي ضبع من يوم الي اجيت بي ويا وحياتي اتغيرت للاسوء

.. رفعت نظرها عليه وكالت

ملاك: واحد يكدر يساعدج ويكدر لضبع

الـِن: منو

ملاك: اشتر

.. ضيقت عيني وحجيت

الـِن: مستحيل يساعدني

ملاك: بس الـِن اشتر بسببه كدرتي تختفين عن الصبع ٨ اشهر

.. فتحت عيني بصدمه وحجيت

الـِن: شلون يعني

ملاك: ثاني يوم الي شردتي بي طلع ضبع حرك الدنيا عليهم ويدور عليج وكل ما يلكه طرف خيط لمكانج اشتر يخفي ويخربطه بس اخر شي عرف مكانج

الـِن: مستحيل هسه يكدر يساعدني

ملاك: مادري

.. لزمت ايدها وضغطت عليها وحجيت

الـِن: ملاك حاجيلي اشتر الله يخليج شوفي يكدر يساعدني

ملاك: ما احجي ويا

.. كرصتها باايدها صاحت متألمه

ملاك: شبيج وسم ليش تكرصيني

الـِن: الله عليج والله احس اشتر يحبج وما يرفضلج طلب

.. هزت راسها نافيه كلامي

ملاك: ميحبني

الـِن: مو مشكله حاجي

ملاك: واذا راح كال للضبع همه ثنينهم ما يتأمنون

الـِن: لعد شلون

.. بعدت عينها تفكر ورجعت باعتلي كالت

ملاك: اعرف واحد يكد يساعدج بس ماادري اذا يكدر يضمج عن الضبع

.. حجيت بااستغراب

الـِن: منو

ملاك: ادم

الـِن: شلون

ملاك: ادم دكتور واصلا ما عايش بلعراق دائما يروح ويرجع يكدر ياخذج

..بعدت نفسي عنها واني اتمدد على السرير ومثبته عيني على السكف حجيت بملل

الـِن: ما يكدر حتى ما اكدر اطلع ماعندي اي مستمسكات

.. اتقربت عليه وكالت

ملاك: اسمعيني

..كمت على حيلي واني اثبت عيني عليها وحجيت

الـِن: شنو

ملاك: ادخلي بلعبتهم

.. ضيقت عيني بقلق وحجيت

الـِن: شلون

ملاك: العبي على ضبع وخلي ياخذج ادرسين برا واني اتواصل وي ادم ومناك اشردي ويـا مستحيل ضبع راح يلكاج بعد

.. بعدت عيني عنها خايفه واني اباوع باا ارجاء الغرفه خايفه

الـِن: اشش الجدران لها اذان

.. ضحكت عليه وهيه ادكول

ملاك: غير جبانه

الـِن: دخل يسمعج هيج تخططين وتردين تشرديني اله يذبحج وراي

.. اتقربت عليه وهيه تحضني

ملاك: غير اختي الشي الوحيد الي بقالي من بابا رضوان انتي وخايفه عليج الـِن خايفه ضبع يسويلج شي

.. مسحت دموعها واني ابوسها ضحكت بمكر

الـِن: لا تخافين عليه بعد خافوو على الضبع لان راح اكتله واخلص العالم من شره شنو هاي لعب نفسنه ترا كلها تخاف منه بس خل يوكفلي اله اذبحه

.. بعدني ما مخلصه كلامي ودخل وكال

ضبع: المن تذبحين

.. خليت ايدي على گلبي خايفه واني اباوع على ملاك الي حاصرتها الضحكه حجيت بخوف

الـِن: اذبح ملاك

.. رفع نظره على ملاك وكال

ضبع : غير اذبحج

.. حجيت بصوت

الـِن: شبيك انت اليوم تكمز علينه ترا كاعد تخوفني احسك جني مو بشر

.. خزرني وهو يتقرب رفع عينه على ملاك وكال

ضبع: طلعي ملاك

.. لزمت ايدها قوي وحجيت

الـِن: ما تطلع هيه انت تطلع

ضبع: خزرها وهيه جرت ايدها قوي وكامت على حيلها كمت وراها واني لازمه باايدها خايفه

.. مشت ولزم ايدي قوي يرجعني

.. لزمت ايدها وصاحت

ملاك: هاي شبيج عوفيني

.. بجيت بصوت

الـِن: ملاك الله عليج لا تعوفيني ولله هذا ابن عمج مو صاحي يكتلني

.. ضغط على ايدي قوي وخلاني بااتجاهه

..رفعت عينها على ضبع وحجت

ملاك: ضبع

..خزرها وكال

ضبع: اطلعي

..رفعت نظرها عليه وطلعت صحت بصوت وهو مقيدني باايده

الـِن: ولج اختي الخاينه لا تعوفيني وي هذا الوحش

.. طلعت بدون لا تباع وراها رجعت ثبتت عيني عليه خايفه

.. قربني اكثر وهو يلزك جسمي عليه ومحاوط ظهري وكال

ضبع: ولج عرمه تخافين مني

..حجيت بخوف

الـِن: اي

..تقرب عليه وهو يبعد خلصلات شعري يخليها خلف اذني وهمس

ضبع: المفروض اني اخاف منج

..بلعت ريكي وحجي بخوف

الـِن: ليش لازم كاتلتك بنص الصحراء وشامرتك لو داجتك سجينه بخاصرتك بنص الجبال والثلوج

.. تقرب وهو يطبع بوسه خفيفه على اذني وهمس

ضبع: تردين تذبحيني

..ارتعشن اطرافي من كلامه حسيت نفسي ماعندي قوه اوكف على حيلي معقوله سمع كلامي ويـ ملاك!!

.. ارتديت للخلف ابتعد عنه بس بقى محاوط ظهري يمنعني ابتعد حجيت

الـِن: اذبحك واطلع بروحك لو بيدي

.. ثبت عينه عليه وهو يبتسم

ضبع: لو سباعيه سويها

.. قربت ايدي لگلبه وحجيت

الـِن: طلقه وحده هنا ما اخسر شي

.. قربني عليه اكثر وهو يشم بركبتي خفت وهمس بصوت هادئ

ضبع: فدوه الج

.. ضغط على خصري اكثر وهو يقربني عليه حجيت بصوت خايفه

الـِن: ضبع كاعد تاذيني شو وخر شتريد مني اليوم

..ثبت عينه عليه وكال

ضبع: اريدج

.. ما حسيت بگلبي رفعت عيني عليه واني خايفه حسيت بطني خبطت دفعته عني بضعف ما ابتعد وبقى محاوطني وهو يطبع بوسات على ركبتي وينزل

.. نزلت دموعي خايفه حجيت بضعف

الـِن: ضبع ما اريد

.. رفع راسه عليه وكال

ضبع: ليش

الـِن: اخاف منك

ضبع: شنو اشايفه بعبع وتخافين من عندي

.. حجيت بصوت عالي

الـِن: لا شايفه ضبع

.. بعدته عني قوي وارتد للخلف وعينه عليه رجعت حجيت

الـِن: شوف ضبع اني مو انسانه رخيصه شوكت ما اجيت وتبوس بيه واسكتلك وشوكت ما تريد تخوفني وتموتني وتكتلني وتمشي وتروح

.. بانت ابتسامته مرعبه بشكل احس من يبتسم يوكف گلبي

ضبع: انتِ الي وشنو الي اريده اسوي بيج اكتلج واذبحج

.. تقرب عليه وهو يتملس بشعري وكال بصوت مرعب

ضبع: حتى لو ردتج اليه

.. نزلت دموعي وحجيت

الـِن: يعني هو هذا الي ماعنده سند بحياته هيج يصير بي؟

ضبع: لا ادكولين ما عندي سند لعد اني شنو

.. حجيت بصوت مستغربه كلامه

الـِن: انت!!

تقربت عليه واني امشي ايدي على تفاصيل وجهه وحجيت بهدوء غريب

الـِن: عمرك ما راح تكون سند اليه انت خوفي انت الكابوس المظلم الي كاعد اعيشه انت اسوء شي بحياتي لا تعتبر نفسك سند اليه

.. ضغط باايده على خصري وكال وهو يرص على اسنانه قوي

ضبع: وانتِ هلاكي

.. ابتسمت وحجيت

الـِن: شكد حياتنه تعيسه لعد اني اشوفك كابوس بلنسبه اليه وانت تشوفني هلاكك عليمن متزوجين ما تطلكني واخلص منك وتخلص مني اذا هلاكك

.. ابتسم وهو يقربني عليه خليت ايدي على صدره خايفه ثبتت عينه عليه وكال

ضبع: با احلامج تبتعدين عن الضبع

.. بعدت نفسي عنه قوي و حجيت

الـِن: ضبع ما اريدك افتهم ما اريدك خليني اروح اعيش حياتي بعيد عنك الله يخليك

.. حجه بكل هدوء مخيف وكال

ضبع: ماكو مخرج بعد

.. حجيت بضعف

الـِن: تعبتني وياك

.. اتقرب عليه وكال

ضبع: مو كلتي اتحمل اذيتك اشو بعدنه بلبدايه وتردين تفلتين

.. بعدت عيني عنه وحجيت بصوت

الـِن: اي اني وحده اختلافيه ما ريدك

.. تقرب عليه وهو يلزم ايدي كال بكل هدوء وهو يثبت عينه عليه

ضبع: بس اني اريدج

.. رفع راسي عليه بااصابعه وثبتت عيني عليه وكال

ضبع: اكثر شي اريده بلدنيا انتِ

.. نزلت دمعه جانت بطرف عيني غمضت عيني قوي واني احس گلبي راح يوكف من القهر يعني شنو بعد ماكو مخرج ما اكدر اتخلص منه احس بحراره بكلبي

.. حسيت عليه وهو يمرر اصابعه على خدي وهو يمسح دموعي

.. فتحتهن ورجعت ثبتت عيني عليه حسيت عليه تقرب وهو يطبع بوسه خفيفه على راسي ويتلمس بشعري

ضبع: لا تخافين مني

الـِن: مو بيدي

.. ضحك ضحكه عفويه ورجع كال

ضبع: عرمه شو صايره تخافين

الـِن: ضبع ما احسك انسان طبيعي تخوفني كل ساعه شكل شخصيتك

ضبع: بس اني يمج غير

.. هزيت نفسي نافيه كلامه وحجيت

الـِن: لا مو غير انت اسوء شي يمي تذبحني وتداويني شنو الاسوء من هيج بعد حتى ضليت ما اعرف شنو مشاعري تجاهك ساعه اخاف منك ساعه احبك

.. مرر اصابعه على شفتي وهو مثبت عينه عليها وكال

ضبع: لا تحبيني

الـِن: ما احبك

ضبع: عفيه عليج

.. كال كلماته وهو يهجم على شفتي

.. بعدته عني قوي وطلعت اركض من الغرفه خايفه منه اول ما نزلت لكيت اشتر كاعد ويمه اسلحه ينضف بيهن تقربت عليه وحجيت

الـِن: اشتر ما تنطيني سلاح واحد من هذا

.. رفع عينه عليه وكال

اشتر: شتسوين بيهن

الـِن: اكتل ضبع

.. ضحك ضحكه تجنن وقدملي واحد كال

اشتر: اخذي هذا

..تقربت عليه واني اخذ واحد منهن حجيت

الـِن: بس انت شريف

اشتر: ضمي عدل مو يشوفه ومن هو نايم حطي طلقه بگلبه

.. هزيت راسي بحماس وهو يضحك عليه

.. حجيت بصوت

الـِن: لعد ملاك وين

.. حجه وهو يكمل تنضيف بسلاحه

اشتر: عمي احنه الزلم مضلومين

.. ضيقت عيني وحجيت بااستهزاء

الـِن: اي سوده عليه

اشتر: مهددين بلقتل

.. ضحكت عليه وحجيت

الـِن: انت منو يكتلك

.. رفع عينه عليه وكال

اشتر: اليكتلني گلبي

.. فهيت على كلامه بدون فهم وحجيت

الـِن: شنو

.. بعده ما جاوبني ودخلت ملاك وهيه تخزر با اشتر باوعتله وحجيت

الـِن: شبيج ولج

.. باعتلي بااستفاهم وكالت

ملاك: شكو

.. حجيت بهمس

الـِن: ليش تخزرين با اشتوري

ملاك: حقير

.. خزرتها وحجيت

الـِن: لا تحجين عليه ما اقبل بس هوه شريف

.. راحت كعدت مقابيله وهو ما رفع عينه رجعت حجيت

الـِن: اشتر شلون صارت ريم

اشتر: بعدها لحد الان ما كعدت

الـِن: حالتها خطره

اشتر: ما مستقره

الـِن: خطيه ريم عاشت هواي شغلات

ملاك: حيل انقهر عليها ماعدها احد

.. ثبتت عيني على اشتر واني اشوفه جان كاعد بدون صوت وهو ينضف باالاسلحه وكل شوي ومعقم ايده ويرجع يكمل تنضيف لو شكله وهو يلمع لمع من النضافه حجيت بصوت همس مسموع

الـِن: اشتر عود انت ليش هلكد نضيف اني بنيه ومو مثلك تلمع لمع

.. رفع عينه عليه وهو يضحك حرفيا ضحكه اشتر بثكل بس تاخذ العقل وعيونه يضيعن وملامحه يتغيرن من القسوه للجمال

اشتر: شكرا

الـِن: علمني شبيك

اشتر: شنو اعلمج

الـِن: شلون هيج تلمع لمع

.. بعده ما كمل كلامه وكالت ملاك بصوت نتر

ملاك: وهوواس

.. رفعت عيني عليها خزرتها هيه حست على نفسها وسكتت رجعت حولت نظري عليه ورجعت ملامحه للقسوه جاوب بهدوء

اشتر: مثل ما كالت

..رجعت كالت

ملاك: مو اهم شي المظهر اهم شي يكون نظيف داخليا نظيف گلب مو انسان حقود وحقير وخبيث

.. نزل راسه وابتسم بدون لا يجاوبها ترك الاسلحه وطلع

.. تقربت عليه واني اضربها قوي على كتفها

الـِن: وسم هاي شبيج وي الولد

ملاك: واحد حقير لا يغرج مظهره

الـِن: انجبي ما اسمحلج تحجين على اشتوري يجنن

.. بعدت نظرها عني بضوجه وكالت

ملاك: تعبانه خل نطلب اكل

الـِن: ماكو خدم شعجب

ملاك: بس تنظيف ماكو طبخ

الـِن: نطبخ احنه

.. هزت براسها نافيه وكالت

ملاك: ما اعرف

الـِن: اني هم طبخي مو طيب يله اطلبينه

ملاك: ناخذ مبايل ضبع

.. رفعت راسي عليها وهزيته بخوف

الـِن: لا عوفي ما نريد

.. بعدت عيني عنها ورجعت حجيت

الـِن: اشتر شعجب بعده هنا

ملاك: ضبع كله يبقى هنا لان بيتهم تفلش من وراي وبيته عرفوا مكانه من خطفوني

الـِن: الله يشيلج هجولتي الولد

.. رفعت نظرها عليه وكالت

ملاك: شتسوين بهذا المسدس

.. ضحكت بمكر وحجيت واني احرك حواجبي مستمتعه بكلامي واني اتخيل الموقف حجيت

الـِن: اكتل بي ضبع

.. ضحكت عليه وكالت

ملاك: هاي شنو نعديتي من ضبع

الـِن: اي والله من عاشر قوم

ملاك: هو يمكن نهايتكم واحد كاتل الثاني

.. ضحكت وحسيت عليه نزل ضميت المسدس بظهري تقرب عليه وكال

ضبع: شضميتي

..حركت اكتافي وحجيت

الـِن: معليك

.. رفعت نظري عليه وحجيت

الـِن: اشو كاشخ وين راح تروح

.. كرصتني ملاك باايدي وصحت بصوت عالي حجيت

الـِن: شبيج

.. رفعت نظرها على ضبع وهيه مبتسمه كالت

ملاك: ابن عمي دومه كشيخ

.. ضحك وهو يكول

ضبع: بت عمي الكفو

.. تقربت عليه واني اشتم بملابسه وحجيت مستغربه

الـِن: بعد اغسل نفسك بلعطر شدعوه هلكد

.. ضحك وكال

ضبع: شتردين بابا

.. اخذت السلاح من ظهري واني اخلي على گلبه وحجيت

الـِن: ضبع شايف لو تلعب بذيلك اموتك

.. بعد السلاح عنه وكال

ضبع: ضمي عندج لعد موهسه

.. حجيت واني اضرب برجلي بلكاع

الـِن: يعني شنو تخوني بعدين ضبع

.. تقرب وهو يهمس بااذني ويبتسم

ضبع: اني رجال والي احتياجات ومرتي ما تنطيني

.. حسيت بروده بجسمي ابتعدت عنه خايفه وثبتت عيني عليه واني ابتعد

الـِن: اطلع

.. ابتعد عني وهو يبتسم ضميت السلاح بظهري انداريت على ملاك الي جانت تضحك وحجيت

الـِن: شبيج

ملاك: شكلكم يخرب ضحك

.. بعدت عيني عنها بملل واني اكعد بلصاله مقابيلها رجعت كالت

ملاك: صدك الـِن ليش ما تعوفين سالفه الشرده وتكعدين ويانه وتحبين ضبع وتجيبلنه طفل يجنن واني اربي ويصيحلي خاله

.. بعدت عيني عنها بملل وحجيت

الـِن: اي علمود كل يوميه ذابحني وشامرني وارجعله مثل الجلب لان عندي طفل منه ولازم اتحمله علمود ابني

.. رجعت حجيت

الـِن: ما تزوجين اشو انتي اكبر مني وجيبلنه طفل اني اربي عود وهم يصيحلي خاله الله تحمست للفكره يله ملاك اتزوجي

.. ضحكت وكالت

ملاك: ضاع عمري

.. حجيت بخوف

الـِن: ليش ضاع عمرج اشو ما شاء الله عليج حيل حلوه والف واحد يتمناج

ملاك: محد يتزوج انسانه ركصت بلملاهي ولا واحد يتزوج وحده مغتصبيها

.. ضيقت عيني بحزن وحجيت

الـِن: حبيبتي لا ادكولين هيج بلعكس هواي ناس زينه ومتفهمه والي صار مو باايدج

.. هزت راسها بيأس نافيه كلامي

.. حيل نقهرت عليها واني اشوفها هيج كل شخص بينه عاش احداث صعبه حياتنه ما جانت اعتياديه حياتنه اتدمرت بسببهم

.. تقربت عليها واني احجي احاول انسيها

الـِن: كومي نسوي العشا

.. جريتها من ايدها ماخذتها للمطبخ كعدت على الميز وبديت احظر المكونات فتحت الثلاجه وجانت بيها نقص هواي اشياء باوعتلها وحجيت

الـِن: شوفيلنه اشتر يروح يتسوكلنه

.. باعتلي وضحكت

ملاك: دا احسج مره نادره

الـِن: لعد شعبالج

ملاك: بس ما اروح

.. خزرتها وحجيت

الـِن: كومي بساع

ملاك: دا احسج انتي اختي الجبيره

الـِن: اني الي راح اوكلكم اليوم

.. ضحكت وطلعت

.. بقيت احضر المكونات البقيه وبديت اسوي شويه ورجعت كالت

ملاك: وصيته

.. اتقربت عليها وحجيت

الـِن: ملاك ليش ما تحبين اشتر وتزوجي

.. فتحت عينها بصدمه وكالت

ملاك: ما احبه

الـِن: ليش شبي اشتر حلو وشخصيه ويجنن شرايده بعد

ملاك: وليش ما تحبين ضبع هم حلو وشخصيه ويجنن

الـِن: ايع اتجيبين ضبع على اشتر ضبع يخوف اشتر يجنن احسه متفهم وعاقل

.. بعدت عينها بملل وكالت

ملاك: اشتر دمرني الـِن

.. اتقربت عليها خايفه وحجيت

الـِن: شنو شسوالج

.. ابتسمت بحزن وكالت

ملاك: دمر حياتي

.. نزلت عينها بااسى وسكتت

.. قربت نفسي عليها واني اضغط على اكتافها حجيت

الـِن: خل يولون هيه هاي الزلم

.. رجعت ثبتت عينها عليه وكالت

ملاك: تردين اساعدج بشي

.. هزيت براسي وحجيت

الـِن: غسلينه الاماعين

.. بدينه نشتغل شويه ودخل اشتر وبا ايده المسواك بس اخذتهن منه راسا عقم ايده ضحكت عليه وحجيت

الـِن: اشتر اليوم شلون عشا راح اسويلكم

.. ابتسم وكال

اشتر: عاشت ايدج بس اكلت

.. انداريت على صوت ملاك وهيه ادكول

ملاك: ما ياكل ويانه اله بجدر خاص اله اذا تريد اعزلك واسويلك

.. طلع بدون لا يجاوبها بقيت صافنه عليها وهيه نزلت راسها حجيت

الـِن: والله قايمه حرب بيناتكم

ملاك: حقير

.. سكتت ما حجيت لحد ما خلصنه اخذته للطاوله وبديت انحظر بي شويه ودخل ضبع صحت عليه

الـِن: ضب ضب تعال شوف مرتك شسوت

.. اجت عينه عليه وتقدم اتجاهنه

ضبع: شمسويه هيه معكرونيه وشوربه

.. كرصته باايده وحجيت

الـِن: اكعد اكل

ضبع: ما اريد اكلت

الـِن: ليش وين اكلت اكيد رحت يمها وطبختلك

..جر الكرسي وهو يحجي بصوت

ضبع: شيخلصها اليوم

.. ابتسمت ورجعت حجيت

الـِن: طيب

ضبع: بعدني ما تشوفين هستوني كعدت

.. بقت عيني عليه واني اترقب ملامح وجها انتظر ينطيني رأيه بس اكل حجيت

الـِن:ها؟

ضبع: اي طيب عاشت ايدج

.. ابتسمت ورجعت اكل سمعته كال

ضبع: اشتر وين

الـِن: طلع

.. كمل اكله وكام حجيت

الـِن: وين رايح

.. باوعلي وهو يكول

ضبع: خير شو اليوم تسئلين شعندج وياي

.. حجيت واني مبتسمه

الـِن: غير زوجي واحبك واريد اعرف وين تروح لان بالي يضل يمك

..بانت ابتسامه خبيثه على ثغره وغمزلي وهو يكول

ضبع: هو البزون يحب خناكه

.. كال كلماته هاي وطلع رفعت عيني على ملاك وهمست

الـِن: جلب شفتي ما تصريله جاره

.. ضحكت وكالت

ملاك: استمري استمري

.. خلصنه اكل وخلينا الاماعين بلسنك شويه ودخلت بنيه افريقيه يمكن كعدت تغسل بيهن ونظفت المطبخ ضليت اباوع عليها وحجيت

الـِن: شكد نادره بثواني فرت المطبخ فر هاي لو اني ابقى منا لباجر

.. باعتلي بعدم فهم تركتها

..طلعت برا القصر افتر الجو بدا يكسر وهوا عالي ونسمه بروده تجنن وريحه الاشجار بليل واصواتها وهيه تتحرك بقيت اتمشى لحد ما وصلت لنهايه القصر قريب السور وجان اكو غرفه وبابها حديد وبس ضوه اصفر مبين نهايتها تقربت عليها واني ماخذني الفضول

.. تقربت اكثر واني اسمع صوت صراخ من جوه؟؟

.. اتقربت واني حاطه ايدي على گلبي خايفه نزلت عيني واني اشوف من فتحات الباب جان ضبع واكف وبيده اداه حاده خفت اكثر ورجعت خطوه خايفه رجعت الصرخات تعلا وبدت رجلي ترتعش من الخوف قربت نفسي اكثر واني خايفه ركزت على خطوات ضبع جان واكف وشخص مقابيله على الكرسي ويعذب بي

.. ابتعد شويه وشفت سلمان بس في حاله يرثى لها معالم وجهه ما مبينه من كد الضرب تقرب عليه الضبع وهو ياخذ اصابع ايده ويكطمهن  باالاداه الحاده واحد واحد

.. نزلت  دمعه من عيني خايفه مو انسان وحش

.. تراجعت بخطواتي واني اركض خايفه حسيت گلبي وكف من الخوف رجعت للقصر واني الهث فتحت الباب ودخلت ماجان اكو احد صعدت للغرفه وسديت الباب واني المنظر ما يروح من بالي شلون كطم اصبعه وصار بايد الضبع وذاك يصرخ متألم لزمت ايدي مقربتها عليه خايفه واحس بألمه

.. بقيت خايفه وبس افتر بلغرفه افكر شلون اكدر اخلص من الضبع

.. حسيت على حس بلصاله فتحته على كيف شفت ملاك تمشي وهيه منكعه مي فتحته اكثر وحجيت

الـِن: وين جنتي

.. حجت وهيه ترجف بردانه

ملاك: بلمسبح جوا

.. هزيت براسي ورجعت سديته وقفلته وبقيت افتر خايفه اخر شي نكثت هاي الافكار من بالي واخذت تراك ستن ورحت سبحت بمي حار حسيت نفسي شويه هدئت طلعت نشفت شعري ومشطته

..فتحت باب البلكونه ورحت اتمدد على السرير شويه وحسيت عيني بدت تغوش طفيت الاضويه ونمت

.. حسيت على لمساته لجسمي وهو يقربنه عليه انداريت واني اشوفه حاضني وصرخت بصوت

الـِن: شجابك

ضبع: گلبي

.. ضربته قوي على صدره واني خايفه حجيت

الـِن: مو قافله الباب

.. ما اهتملي وقربني لحضنه وقيدني حيل وهو يشتم بشعري كال

ضبع: شكد احب ريحه شعرج

.. رفعت نظري عليه وحجيت بخوف

الـِن: ضبع وين جنت

.. اخذ ايده وهو يتلمس خدي بااصابعه وكال

ضبع: ليش تسئلين

.. بعدت نظري عنه واني خايفه جسمي يرجف كل ما اتذكر الموقف

.. قربني عليه اكثر وكال

ضبع: شبيج ليش جسمج يرجف

.. حجيت بصوت ضعيف واني منزله راسي

الـِن: يمكن مستبرده

.. لفني بلغطوه وضمني اكثر لصدره وطبع بوسه خفيفه على راسي

.. رفعت نظري عليه وحجيت

الـِن: ضبع سلمان وين

ضبع: ليش شاغله نفسج بي مات

الـِن: شلون مات

.. ما جاوبني وضغط على خصري وتقرب يهمس با
اذني

ضبع: لا تنسين كلامي ابد تردين تعيشين يمي لا تشوفين ولا تسمعين

.. نزلت من عيني دمعه وحجيت

الـِن: ضبع اني اذا اموت شتسوي

.. ضيق عينه بااستغراب وكال

ضبع: اموت وراج

.. كرصته ابطنه وحجيت بصوت

الـِن: لازم نسيت شسويت ضربتني طلقه وشمرتني بنص الصحراء

.. ضحك ورجع كال

ضبع: لو تدرين بيومها شكد بقيت ادور عليج

الـِن: جلب

.. اخذ خصله من شعري وقربها اله يشتم بيها وكال

ضبع: مثل الورده الواحد شكد ما يشم بيج ما يشبع

.. مررت ايدي على تفاصيل وجهه وقربتهن لعيونه

الـِن: عيونك

ضبع: فدوه الج

الـِن: ليش هيج اول مره اشوف عيون هذا اللون مثل البحر الصافي حيل نقيات ضبع عيونك عكسك

.. ابتسم وهو ياخذ ايدي ويقربها لشفته عضها خفيف وكال

ضبع: لا تعيلين بيه اكعدي

.. بعدت ايدي منه بخوف وحجيت

الـِن: شنو الشي الي اسوي ويخليك تذبحني وتكتلني نبهني علمود اخذ حذري بلمرات الجايه

.. ضغط على فكي حيل وكال

ضبع: ماكو مرات جايه افتهمتي

.. هزيت براسي بخوف ورجع كال وهو مثبت عينه عليه

ضبع: الخيانه و اذا طعنتيني بظهري واذا شردتي

.. تقرب عليه اكثر وهو يهمس بكلمات شلت جسمي وكال

ضبع: واذا حبيتج

..بلعت ريكي خايفه وحجيت

الـِن: ليش اذا حبيتني تكتلني

..بعدته عني قوي وحجيت

الـِن: وخر عني لعد انوبه لا تروح تحبني

.. درت ظهري عليه احاول ارجع انام حسيت عليه وهو يجرني قوي صار ظهري على صدره بعد خصلات شعري وهمس بااذني

ضبع: لا تعيديها بعد من احجي وياج لا تنطيني ظهرج افتهمتي

.. سكتت ما جاوبته نزلت دمعه مسحته وحجيت

الـِن: ضبع هم كاتل احد قبل

ضبع: هواي

.. درت نفسي عليه واني اثبت عيني بعيونه حجيت

الـِن: ليش

ضبع: ما يستاهلون يعيشون

.. مررت اصابعي واني امشيهن على حواجبه ومثبته عيني عليهن حجيت

الـِن: مو انت تقرر همه يستاهلون او لا

.. ابتعد عني وهو يستند على تاج السرير واخذ جكاره وورثها جان شكله مرعب بس هيئته مبينه والدخان الي شكل دوائر حوله كال

ضبع: مجرم لا تحبيني

.. قربت ايدي على اصابعه واني اتلمسهن حجيت

الـِن : مستحيل احب انسان مجرم ماعنده گلب

.. دار وجهه عليه وهو يتقرب نفخ الدخان بوجهي وكال

ضبع: لا تطعنيني بظهري ابد

الـِن: شتسوي

.. تقرب عليه اكثر وهو يمشي اصابعه على صدري ونزلها لگلبي وضغط على المكان حيل وكال

ضبع: راح ااذيج حيل

..غمضت عيني قوي خايفه نزلت دمعه مني وحجيت

الـِن: شلون اخلص منك

ضبع: الموت الشي الوحيد الي يخليج تخلصين مني

.. كمت على حيلي واني اتقرب عليه اخذت الجكاره من ايده وطفيتها وشمرتها فتحت ايده واني انام بحضنه

الـِن: ماريدك تموت ماعندي غيرك

.. ضحك وكال

ضبع: ما فهمتج مو تردين تخلصين مني

الـِن: اي بس ما ريدك تموت

.. ضغط على فكي وهو يرفعني عليه كال

ضبع: ما ياخذج مني بس الموت افتهمتي

.. هزيت براسي ونمت بحضنه حسيت عليه وهو يلمني قوي اله ويطبع بوسات خفيفه على جسمي

.. فتحت عيني بطيئ والشمس بعيني ضبع ما موجود كمت على حيلي واني خايفه من الخطوه الي راح اسويها

.. نزلت جوه ما جان اكو احد بس ملاك حجيت

الـِن: وينهم

ملاك: طلعوا

.. هزيت براسي واني اطلع سمعت صوتها

ملاك: وين

الـِن: اتمشى

.. سديت الباب وطلعت وصلت لنفس الغرفه باوعت ما جان اكو احد غيره فتحت الباب ودخلت

.. جانت غرفه عباره عن مخزن وبيها الات قديمه وهو يتوسط الغرفه منظره يدمي الگلب وجهه عباره عن دم وملامحه متشوهه واصابع ايده مكطمات ويجرن دم ولافيهن اباندج جسمه مشخط بسجين مربطي على الكرسي

..تقربت عليه واني اندسه باايدي جان بس يون من الوجع راسا رفع راسه بطيئ عليه بس شافني كال بكلمات صعب تنفهم

سلمان : ساعديني

.. بلعت ريكي خايفه من منظره فعلا ضبع مو انسان وحش شلون مسوي بي حجيت بصوت خافت

الـِن: ولك سلمان ولو انت ما تستاهل بعد الي سويته بيه بس انقهرت عليك وماريد زوجي يوصخ ايده بيك

.. رجعت حجيت

الـِن: اليوم بليل راح اجي اطلعك منا وتروح وبعد ما تراوينه جهرتك

.. كمت على حيلي واني اطلع بس خطيت اول خطوه وصار كدامي ارتعشن رجلي من الخوف وحجيت

الـِن: اشتر

.. ضيق عينه وكال

اشتر: شتسوين هنا

.. حجيت بتلكئ

الـِن: جنت اتمشى وشفت هاي الغرفه ودخلتلها لكيت سلمان شابعي دك كتل

.. بعد شويه وسوالي طريق اطلع مشيت بخطواتي خايفه سمعته كال

اشتر: ديري بالج تتقربين هنا بعد

.. بدون لا اندار مشيت سريع خايفه واني لازمه گلبي

.. اول ما دخلت لكيت ضبع كاعد بلصاله وبيده الحاسبه بس شافني رفع نظره عليه وكال

ضبع: وين جنتي

الـِن: طلعت اتمشى بلحديقه عندك اعتراض سيد ضبع

.. رجع عينه على الحاسبه بدون لا يجاوب

.. كملت طريقي واني اصعد للغرفه اخطط شلون راح اكدر اشرده

.. انفتح الباب ودخلت ملاك رفعت عيني عليها وكالت

ملاك: ما مرتاحتلج شكو

الـِن: شكو ماكو شي شبيج

.. ضيقت عينها وكالت

ملاك: ماا اصدك

.. تلبكت وحجيت

الـِن: سلمان با القصر

.. فتحت عينها بصدمه واتقربت عليه

ملاك: احجي وين

الـِن: لاعبين بي طوبه وجها ما مبين من الضرب شكله حيل يخوف ولج ملاك انقهرت عليه

ملاك: بس يا دخلتيله

.. هزيت راسي بمعنى اي وحجيت بقهر

الـِن: حاطي بغرفه نهايه القصر برا

ملاك: الـِن بعد لا تتقربين ولا توصلين اله والله لو عرف بيج ضبع

.. ما كملتلها كلامي واحتفظت بي لنفسي ما ردتها تعرف شنو اريد اسوي بقت تحجي واخر شي كالت

ملاك: افتهمي ضبع ما يغفر دوم هلمره من صدك ينهيج

.. هزيت براسي وحجيت

الـِن:شبيج هوه بس ردت اشوفه

.. خزرتني وكالت

ملاك: اخر مره افتهمتي

هزيت راسي وضحكت

الـِن: هسه صدك دا احسج اختي الجبيره

.. ضحكت واتقربت عليه تبوسني بخدي وكالت

ملاك: اخاف عليج

.. ابتسمت بوجها وحجيت

الـِن: حيل دا اضوج بلقصر اتعلمت على الاكشن الي بحياتي ما متعوده على هذا الهدوء شوفيلنه مكان نروحله

ملاك: وين اخذج للجبهه اكعدي وسكتي

.. ضحكت وحجيت

الـِن: لا بس اريد اطلع ضايجه خل نروح نشتري ملابس

ملاك: ياريت بس خل نشوف ضبع اول

.. هزيت براسي ونزلنه جوا جان ضبع واشتر كاعدين حجيت

الـِن: ضبع راح نطلع للمول

.. جان ملتهي مدري شيسوي بلحاسبه بدون لا يحجي هز راسه رجعت حجيت

الـِن: منو ياخذنه اني وملاك

.. رفع نظره عليه وكال

ضبع: السايق برا

.. درت راسي على ملاك واني فرحانه صعدنه نبدل لبست بنطرون جينز وفوكا تيشرت لون جوزي وسلسال ذهبي فحتت شعري ولبست كعب لون وردي وطلعت لكيت ملاك صارت بوجهي جانت فعلا ملاك لابسه فستان بينصل قصير ساده لون اسود وفوكا ستره جينز وفاتحه شعرها بحيث صاير اطول من الفستان

.. ضحكت وحجيت

الـِن: هسه ضبع يشوفنه هيج ويطنكر ميخلينه نروح

ملاك: خل يولي مو بكيفه صارلي ساعه اتحضر اخر شي ما اروح

.. نزلت صارت عيني على ضبع تقربت عليه وحجيت

الـِن: زوجي اريد فلوس

.. اول ما رفع عينه خزرني وصاح

ضبع: شكو خير وين رايحين حفله وما ادري

.. قاطعنه اشتر وهو يتقرب ياخذ جكاير ضبع وابتعد رجعت حجيت

الـِن: هاي شبيك ضب ضب كول ما اريد انطي يا بخيل

.. خزرني وطلع فلوس كال

ضبع: كافي

الـِن: لملاك بعد

.. رجع طلع محفظته وانطاني

ضبع: وهسه

الـِن: بعد لابنك الما جاي بلطريق

.. فتحها ورجع انطاني مديت ايدي وحجيت

الـِن: للخدامه الي تتعب لليل نهار

.. خزرني وكال

ضبع: طلعه وبعد ماكو رجعي بدلي

..  تركته بدون لا اجاوب وطلعت اتمشى واني اخذ ايد ملاك وطلعنه

.. وصلنه للبوابه ولكينه الحراس كاعدين حجيت

الـِن: ممكن احد بيكم ياخذنه

.. تقدم احد بيهم وكال

- صار

.. صعدنه بلسياره  بعدنه ما متحركين واتصل عليه گلبي وكف من سمعت صوته

- لا تاخذهن

.. انداريت واني اشوف اشتر يتقرب على الباب وفتحها

اشتر: نزلن اني اخذجن

.. بقيت اباوع بوجه ملاك وهيه هم نزلنه وحده تهمي للثانيه متجهين لسياره اشتر

ملاك: شكو اجا
الـِن: يرجعنه

.. وصلنه للسياره وفتحت الباب اريد اصعد حسيت على اشتر لزم ايد ملاك رفعت نظري عليهم وسمعته يكول

اشتر: صعدي بلصدر مو سايق عندج

.. حولت نظرها عليه وكالت

ملاك: الـِن تكعدين كدام

.. حجيت بمكر

الـِن: لا غير انتي الجبيره

.. نترت ايدها منه وصعدت بلصدر وبقيت اني ورا

.. مادري شكد مر وقت واحنه بس نفتر حجيت بصوت

الـِن: اشتر شنو السالفه ما وصلنه

اشتر: شتردين

الـِن: غير نروح للمول شبيك

اشتر: ضبع ما يقبل كال فررهن بلسياره ورجعهن

.. تأفأفت ضايجه ورجعت حجيت

الـِن: شغلنه اغنيه لعد وعليها واشتريلنه عصير حباب خو ما نبقى بس هيج

.. طلعنه اغنيه وجانت

خذني بحضنك
ابى اغفى
مبطي ما غفيت

.. بعدني هستوني اندمجت وياها وملاك طفتها صاح بيها

اشتر: هاي ليش

ملاك: سوتلي مغص طلعنه اغنيه حلوه ماريد اغنيه رومانسيه

.. شويه وطلعنه اغنيه ثانيه وجانت

شبيك يا غدار شبيك شو محتار
اتريد نرجع صار هسه يجي على النار
شو داخل با انذار شبيك دمك فار
جنك عليه تغار

.. جنت مستمعه واني اسمعلها واصفك واصيح لاشتر يعليها واحجي

الـِن: ايي هذا ضبع الغدار

.. شويه ونزل اشتر ورجع باايده عصاير وكيك قدم لملاك واني هم بقينه ناكل وافترينه شوي ورجعنه

.. وصلنه للقصر نزلت واني تعبانه مشيت بخطواتي وانداريت اشوف ملاك بعدها بلسياره يم اشتر ويسولفون تركتهم واني متوجهه للقصر اول ما دخلت ما جان اكو احد كعدت بلصاله شويه ودخلت ملاك وشكلها مو طبيعي حجيت

الـِن: وين راح اشتر

ملاك: لجهنم الحمره شمدريني بي

الـِن: يا هاي شبيج

.. رفعت نظرها عليه وكالت

ملاك: مادري بس شفت سيارته طلعت من القصر ورجعت

.. هزيت براسي رجعت حجت

ملاك: راح اصعد ابدل

.. صعدت وشويه ولحكتها بدلت وكعدت منتظره يصير الليل وانفذ خطتي

.. باوعت للساعه جانت بـ 12:40 ضبع لحد الان ما اجا نزلت بخطواتي وجان ماكو احد القصر فارغ اتجهت بخطواتي للخارج وبديت امشي بااتجاهه الغرفه اول ما وصلت بديت اشوف من الزروف ما جان اكو احد غريب وبس سلمان على الكرسي

.. دخلت اول ما شافني رفع راسه عليه تقدمت عليه وبديت افتح قيوده وكدرت احرره رجعت بخطواتي واني اشوفه واكع بلكاع ماعنده قوه حجه بصوت ضعيف وكال

سلمان: ما اكدر امشي

.. تقدمت عليه واني انتشله من الارض وثكله صار كله عليه خذيت خطواتي واني اطلعه من الغرفه وجان اكو باب خلفي للسور طلعته من عنده ووصلته مسافه بعيده عن القصر وحجيت

الـِن: لهنا حدي راح ارجع عمود محد يشك وانت روح وبعد ما لا تراوينا جهرتك وحاول تحسن من نفسك وتبدي حياه جديده

.. ابتعد عني وكال

سلمان: مو اخر لقاء النه مره الضبع

.. ابتعد عني وهو يعرج برجله ويمشي بصعوبه انداريت واني راجعه للقصر

.. بساتين ومكان هادئ ومظلم وبس اصوات الجلاب بعيده رجعت واني خايفه واتلفت والرعب دب بگلبي

.. حسيت على صوت وراي

.. قبل لا اندار واشوف منو حاوطتني ايد قوي تمنع صراخي وايده الثانيه مقيد جسمي

..............

.. منظرها وهيه نايمه على السديه لو شكلها التعبان حيل والصوندات مشكلهن بحلكها والكانونه باايدها نبضها الضعيف والي يوكف وبمعجزه يرجع

.. كاعد يمها وبا ايدي قران اقرالها صارلها با الاسبوعين فاقده عيني عليها وكل شوي اترقب نبضاتها خايف حيل اول مره اخاف بحياتي اشتاقيت لوجودها يمي ضحكتها كلامها وكلشي بيها

.. شويه وطلعت اخذ كهوه وارجع اراقبها

.. اول ما وصلت للباب ولكيت الدكاتره متجمعين عليها وواحد بيهم يصيح

- وكف كلبها

.. حسيت رجلي بعد متعيني اوصل يمها والخطوات القليله صار كيلو مترات بلنسبه اليه تقربت واني اشوفهم ملتهين وهمه يضربوها بجهاز الصدمات وجسمها الناعم ينشال ويرجع يهز السديه

.. شويه ورجع اوت واشتغل بقو يمها قرابه الساعه وهم يجيكون وضعها وتنفسها خليت ايدي على راسي واني اراقبها خايف عليها شلون راحت من ايدي شلون لو راحت واني ما راضيتها شلون لو راحت واني كاسرها راح تشكيني يم ربها ؟

..بقيت اراقبها شويه وابتعدت دخلت للغرفه وسلمت عليه وكعدت كدامه افهم حالتها

- صاير عدها نزيف بلدماغ وتحتاج عمليه

شرار: دكتور شكد ما جان المبلغ ادفع بس اريد عمليتها هذا الاسبوع لان كاعد يوكف گلبها

.. بقى يشرحلي عن وضعها وانطاني موعد حجز للعمليه مر الاسبوع وبدت عمليتها وطلعوها جانت ناجحه

.................

.. شعور الغريق الي يحاول يخرج نفسه بس ما يكدر هذا جان شعوري فتحت عيني واحس نفسي رجعلي النفس كعدت مخنوكه اول ما اجت عيني عليه جان قريب مني ولازم القران باايده وعيونه متروسه خوف وقلق سمعته كال

شرار: ريم

.. ماكدرت انطق بقى يمي وكال

شرار: الحمدالله على سلامتج

.. اجت عيني على مره جبيره جانت كاعده يمه تقربت عليه بطيئ وهيه ادكول

- الحمدالله على سلامتج يحبيبه

.. غمضت بعيني بطيئ ما اكدر اتحرك

.. شويه وطلع شرار وجان جايب الدكتور ويا فحص حالتي بقيت فتره ما اكدر احجي وشويه شويه يله كدرت اكل حتى جسمي بصعوبه جنت احركه شرار ما تركني ولا لحضه وجانت امه ويا لحد ما اجا اليوم وطلعنه من المستشفى وجنت لازمه باايد شرار يمشيني

حجيت بصوت بطيئ

ريم: شرار رجعني لبيتي

.. خزرني بدون لا يجاوب وسمعت الحجيه كالت

- لا يمه ماكو روحه تجين وياي اداريج

ريم: لا خاله مشكوره كدرت امشي واعين نفسي ما قصرتي

- انجبي وتجين وياي

.. صاحت بصوت خفت وسكتت واسمع بس ضحكه شرار وهو يكول

شرار: اسكتي لا تكتلنه الحجيه

.. بقيت ساكته لحد ما وصلنه لبيتهم نزل شرار فتحلي الباب وانطاني ايده استند عليها ونزلت واني مستنده عليه اول ما دخلنه جانو ٥ ولد كاعدين بلصاله ومهوسيها بس شافوني انصدموا وكولها كامت على حيلها وصاحت الحجيه

- كو.. ليش مهوسين الصاله

.. بقو يعدلون بيها ويركضون واحد يذبها براس الثاني ضحكت عليهم ودخلني شرار كعدني بلصاله وكلها جانت ملتمه عليه

- منو الاخت

شرار: مرتي واختكم

.. بقو واحد يصفن بوجهه الثاني

اندار عليه شرار وهو ياشرلي عليهم

شرار: اقدملج اخواني سبعه ذوله خمسه وثنين بلدوام ماعدنه اخت وان شاء الله انتي اختهم

.. هزيت براسي واني امعن النظر بيهم جانو كبار ومتدرجين اصغر واحد بيهم يطلع عمره ٢٢

.. بقوا يسئلوني وكل واحد يسئل سوال شكل لحد ما صاحت بيهم الحجيه وهيه لازمتلهم العوده وضحكت على شكلهم شلون يخافون منها

.. اندار عليه شرار وهمس

شرار: ترتاحين

.. هزيت براسي  وانطاني ايده استندت عليها وكمت على حيلي امشي ويا لحد ما وصلني لغرفه وكال

شرار: غرفتي الي راح تحتليها

.. جانت حيل حلوه كولشي بيها جان اسود ونظيفه حيل كعدت على السرير وصار مقابيلي

.. اتقرب عليه وهو يلزم ايدي ويضغط عليها

شرار: عرفت نفسي ما اكدر اعيش بدونج

.. بعدت ايدي عنه وحجيت

ريم: اخوانك وين الباقين لعد

شرار: بلدوام ثنينهم ضباط

ريم: وابوك

.. ثبت عينه عليه وكال

شرار: شهيد

.. بعدت عيني عنه وحجيت

ريم: الله يرحمه

شرار: نامي ارتاحي

.. هزيت براسي ونمت وهو طلع

.. حسيت على صوت بنيه برا وهيه تحجي بصوت عالي وتتعارك وبس سمعتها وهيه ادكول

- خاله شلون يتزوج فهميني

.. كمت على حيلي واني اطلع برا الغرفه وجانو الولد كاعدين يهدون بيها وهيه تصيح لحد ما صيح عليها واحد بيهم وطردها وهيه اول ما شفتني واتقدمت عليه وودها تفترسني رجعت بخطواتي واتقربت عليه تريد تضربني ولزمها واحد من الولد وطلعها برا البيت جان هوسه وبس اصوات تقربت عليه الحجيه وكالت

الحجيه: اعذريني يمه هاي وحده ب.. ما ينكدرلها

.. هزيت براسي وحجيت

ريم: شتريد

.. حجت بتلكؤ وكالت

الحجيه: جانت رايده شرار وهسه من عرفت بي مزوج تخبلت

.. حجيت بااستهزاء

ريم: وشسويلها تريد تاخذه خل تاخذه

.. حجه واحد بيهم

- شنو تاخذه ولج انتي مرته حطيها وملخيها تملخ واني بظهرج

.. ضحكت ومابيه احجي احس نفسي تعبانه وبس اريد انعزل رجعت للغرفه وسديت الباب شويه ودخل شرار وعينه عليه كال

شرار: شلون صرتي

.. هزيت براسي واني لامه نفسي بلسرير حجيت

ريم: غطيني

.. تقرب عليه وهو يفتح الغطوه ويغطيني وابتعد حسيت على دمعه نزلت بطرف عيني مسحتها وحجيت

ريم: شرار

.. اندار عليه ومديتله ايدي تقرب عليه وهو اخذها ويطبع بوسه خفيفه عليها وكال

شرار: شبيج يروحي

.. اخذت ايده لحضني واحس نفسي انهاريت من البجي وهو حار شيسويلي حجيت بصوت تعبان

ريم: شرار اذوني حيل

.. تقرب عليه وهو يلمني لحضنه وكال

شرار: خلصت

.. حضنته قوي وحجيت

ريم: لا تعوفني بعد اخاف

.. طبع بوسه على راسي كال

شرار: شلون اعوفج وانتي بروحي شلون اعوفج واني اشوفج بكل ضحكه اضحكها شلون اعوفج واني اشوفج بكل موقف حلو شلون تدرين حياتي بدون معنى وانتي ماكو بيها تدرين شكد اكتشفت اني غبي بدونج

..اخذ ايدي وهو يبوسها كال

شرار: كل ما ارجع للشقه تعبان ادك الجرس وانتظرج تفتحي بس ماكو لا صوتج ولا وجهج الحلو يتلاكني

.. ضحك ورجع كال

شرار: حتى من تسدين الباب بوجهي اشتاقيت اشتاقيتلج ريم

.. بقى لامني بحضنه وكل شوي ومسح دموعي حسيت عليه وهو ياخذ مبايله يتصل وكل الي سمعته

.. الحك شرار سلمان شارد ومبلغ على مكان القصر وهاجمين عليه

.. كام مني وهو يركض طلعت ورا على السريع وصحت

ريم: شرار شكو

.. طلع بدون لا يجاوبني

.......................

.. بقت عيني عليها اخذوها وبس اصوات الصريخ توصل لمسامعي خفت حيل لميت نفسي واني ارجع قريبه لريم واشوف تنفسها جان شبهه معدوم ونبضاتها ضعيفه

.. مسحت دموعي واني خايفه يرجع يتكرر بيه الموقف منو الي بعد والمن اروح

.. فزيت على اصوات الرمي واصوات عاليه وراسا اندفر الباب وتفلش جان شرار اجت عينه على ريم صحت بصوت

ملاك: شرار الحك ريم راح تموت

.. اتقرب عليها واخذها بحضنه وشالها وطلع طلعت ورا وجان البيت عباره عن جيش ومسلحين تمشيت خايفه واحد منهم وجهه سلاحه عليه وكال

- لا تتحركين

.. غمضت عيني قوي ونزلت دموعي خايفه ورجعت بخطواتي وحجيت

ملاك: والله مو وياهم خاطفيني

.. بعدني ما كملت كلامي واني اشوف اشتر ينزل السلاح المرفوع عليه وكال

اشتر: ارفع سلاحك

.. تقرب عليه واخذ ايدي حيل وصرت بخلفه ضغط على ايدي حيل صحت بضعف

ملاك: اشتر شبيك ايدي

..طلعني من البيت ووصلني لسيارته وفتح الباب اشرلي اصعد

.. صعدت واني خايفه بقت عيني عليه اندار للجهه الثانيه وصعد يسوق سريع حسيت راح ننكلب صحت بصوت خايفه وايدي على گلبي

ملاك: اشتر شبيك راح ننكلب

.. وكف السياره على جهه وجرني بحركه سريعه من ايدي يحضني قوي ويشم بركبتي ابتعدت عنه قوي وجانت عينه عليه كال

اشتر: روُحي

ملاك: الله عليك اشتر لا تسوي هيج اخاف واصلا نزلني وين ضبع

.. اخذ ايدي وعصرها قوي وكال

اشتر: اول مره احس نفسي ضعيف

.. نزلت راسي واني ابعد عيني عنه حجيت

ملاك: وين ضبع

.. ضغط على ايدي اكثر حسيتها نكسرت باايده حجيت

ملاك: ايدي اشتر شبيك

.. اخذ ايده وهو يقربها لشعري ويبعد خصله من وجهي وثبت عينه عليه وكال

اشتر: بعد ما اتحمل ملاك

.. جر ايدي قوي عليه وهجم على شفتي وايده مثبتها بفروه راسي وضاغط عليها قوي حاولت ابعد نفسي عنه ما كدرت حسيت النفس بعد ما اكدر اخذه ما ابتعد عني اله من اتصل مبايله

.. ابتعد وهو يشيل المبايل مديت ايدي لليده الباب افتحها ما انفتحت رجعت خايفه وعيني عليه

..يحجي  با المبايل وعينه تتجول على ملامحي لحد ما استقرت على شفتي خفت وهمست

ملاك: عينك لا افكسها

.. بعد عينه عني وهو يبتسم ورجع يكمل مكالمته شويه وغلق المبايل وشمره ورجع يسوق حجيت بخوف

ملاك: منو هذا
اشتر: ضبع
ملاك: شيريد
اشتر: يريد سلمان

.. بس ذكر اسمه وسرت رعشه خوف بجسمي واني اتذكر كلامه لميت نفسي خايفه اندار عليه وهو منتبهه لتصرفي وكال

اشتر: شبيج

..هزيت راسي بمعنى لا ونزلت دمعه مسحتها باايدي على السريع رجع كال

اشتر: اكو احد اتعرضلج؟

ملاك: اي

.. فتح عينه وهو يضرب بريك سريع بحيث السياره حسيتها طارت وصاح بصوت

اشتر: منوو

..رجف گلبي خايفه وحجيت

ملاك: انت اشتر

.. بعد راسه عني وهو ياخذ ايده ويضغط على عيونه قوي شويه ورجع يكمل سكتت بعد ما حجه ولا اني لحد ما وصلنه كدام قصر كال

اشتر: هذا قصر الضبع وصاني اجيبج لهنا

..هزيت براسي ودخلنه اول ما دخلنه جانو اكو حرس بلباب فتحو ودخل بلكراج ركن السياره ونزلنه اتقرب واحد من الحرس وهو يفتح الباب الداخلي ودخلنه

.. جان القصر حيل جبير وتقريبا نفس تصمم ذاك القصر بس هذا احدث واثاثه هم كعدت بلصاله وكعد كدامي اشتر وحجيت

ملاك: شكو

اشتر: اتطرديني

.. بعدت عيني عنه ورجع حجييت

ملاك: شوكت يجي ضبع

.. ما جاوبني واخذ مبايله واتصل اتقربت عليه واني اسمعه يكول

اشتر: سلمت سلمان لمصعب هو راح يعلسه شويه ويجيبيه

.. سكت ورجع اندار عليه وكال

اشتر: لا تخاف ما بيها شي

.. سد المبايل ورجع كعد مقابيلي ورجعت حجيت

ملاك: هذا ضبع

.. هز براسه بدون لا يجاوب ورجع مدري شيسوي بلمبايل بقيت مخنزره عليه وهو ولا يمه شوي وانفتح الباب ودخلت الـِن وضبع كمت على حيلي واني احضنها

.. مر اليوم عادي اشتر كل ما اشوفه اخزره ما جمعني بي كلام لوحدنه اني ويا اكثر كلامنه جان يصير رسمي وكدام الـِن او ضبع لحد ما اجا هذا اليوم

.. اخذت ملابسي واني نازله للمسبح فتحت الباب جانت غرفه مطله علو الحديقه مسبح داخلي اتقربت واني اشوف اشتر جان يسبح بمهاره وهو يغوص بس شافني رفع نفسي وكال

اشتر: شكو

.. حجيت واني مضيقه عيني

ملاك: شنو حتى لهنا لا حكني اجيت اسبح لكيتك موجود

.. رفع نفسه وبانت عضلات جسمه واجت عيني عليهن شكد ما احاول ابعد عيني احسهن يعاندي ويرجعن يسرقن النظر

.. انتبهه عليه وضحك

.. حسيت نفسي تفشلت تقربت اكثر واني اخلي رجلي بلمي واعرف بي نفسه تلعب بس شافني فتح عينه وكال

اشتر: رفعي رجلج

.. صحت بصوت واني اضحك

ملاك: مااا

.. اتقرب عليه وهو يجرني من رجلي يوكعني بلمسبح غركت حاولت ارفع نفسي ماكدرت اصعب شي شعور الغرق بس اريد الهوا حسيت عليه انتشلني من ايدي وهو يقربني عليه صار مايفصلني عنه شي

.. خليت ايدي على صدره العاري خايفه وحجيت بصوت

ملاك: شكد خبيث

.. ضحك وكال

اشتر: ملاك

... حاولت ابعد نفسي عنه ماكدرت مقيد جسمي باايديه ورجع كال

اشتر: تعرفين شوكت عرفت نفسي حبيتج

.. همس قريب اذني

اشتر: من جريتج لحظني

.. رفع فكي بااصبعه وعينه جانت عليه ونزلها وهو يثبتها على شفتي كال

اشتر: ومن اخذت شفتج حسيت نفسي اول مره اتقبل شخص بس ليش تقبلتج

.. رجف جسمي واني احاول ابعد عنه رجع كال

اشتر: صيري ملاكي الاول وصيري ام لملاكي الثاني

.. فتحت عيني بصدمه وحجيت

ملاك: شنو

..تقرب عليه وهو يمهس بااذني

اشتر: اخطبج من ضبع وصيري مرتي اليه وبس ما كاعد اكدر اتحمل اشوفج هيج كبالي وما اكلج

.. كال اخر كلماته وهو يبتسم وعيونه تترقب ملامح وجهي

..بعدت نفسي عنه ومشيت للخلف خايفه اوكع حجيت بصوت

ملاك: ايدك

.. تقرب عليه وهو يشيل جسمي ويقربني للحافه صعدت عليها وطلعت جنت مذهوله بكلام ومصدومه ليش اني لفيت نفسي بلمنشفه وصعدت اول ما صعدت فتحت الـِن الباب جاوبتها وتفكيري مو وياها دخلت للغرفه وبدلت ملابسي بقيت افكر بيومها ماكدرت انام

.. نزلت اشرب مي ولكيت العامله تشتغل تقربت عليها واني احجي وياها اذا عدها مبايل انطتني مبايلها واتصلت من عنده اول ما اتصلت اجاني صوته

ملاك: اسمع ادم وصل كلامي لنور وكللها لازم تجي تاخذ بتها ايام معدوده بس اذا بقت يم الضبع ينهي عليها

.. سديت من عنده راسا خايفه يجي ويسمعني انطيته للعامله ورجعت صعدت خايفه على الـِن خاصتا بعد ما عرفت على شنو ناويه وشنو شافت مستحيل ضبع يخليها عايشه اذا سوت الي براسها

.. بقيت شويه ونمت كعدت الصبح واني مفكره ارجع قراري لاشتر طلعنه اني والـِن للمول واخذنه السايق بس شويه وشفنه اشتر يتقرب علينه ينزلنه من السياره ونزلنه واحنه نتبعه صعدنه بسيارته

.. ردت اصعد يم الـِن وجر ايدي قوي خزرته واشرلي اصعد يمه صعدت بعد ما سمعت جواب هاي الخبله عبالي تنقذني منه بقت عينه على رجلي الي جانت طالعه من الفستان ويرفع عينه عليه ويخزرني هيج خلصنه الطريق لحد ما رجعنه نزلت الـِن وبقيت اني بعد قفل السياره وكال

اشتر: اوكفي خل نحجي

.. انداريت عليه وحجيت بصوت

ملاك: نعم بشنو نحجي

.. نزل عينه على رجلي وهو يتمعن بتفاصيل جسمي وكال

اشتر: لو لابسه بعد اقصر من هذا الفستان

.. رفعت شعري وحجيت بملل

ملاك: معليك لا تتدخل

..ضحك ورجع كال

اشتر: ليش يول مو راح اصير زوجج

.. حجيت بصوت واني راصه على اسناني

ملاك: لو تموت

..قرب ايده وهو يضغط على فكي خفيف ويثبت عينه بعيني وحجه بنبره رجوليه وكال

اشتر: ايبااه كون هذا الصوت الحلو يطلع وانتي جواي اله اجعصج جعص

.. بعدت ايده عني قوي ما مفتهمه كلامه ونزلت راسي حجيت

ملاك: دمرتني

..ثبتت عينه عليه وكال

اشتر: الي صار جان خارج ارادتي وماردته يوصل لهاي المرحله

.. سكتت ما جاوبته نزلت دموعي مسحتهن وحجيت بقهر

ملاك: شلون تحبني واني انسانه وصخه وقذره اشتر اني كرهت نفسي حيل بعد الي صار اني ما متقبله نفسي انت شلون الك نفس وتتقبلني

.. اتقرب عليه وهو يرفع راسي بااصابعه وكال

اشتر: مستحيل اكو احد يحبج بكدي لا تحبين نفسج مو مشكله اني احبج اكثر من نفسج

.. ثبتت عيني عليه وحجيت واني امسح بدموعي

ملاك: حاجي ضبع بلموضوع واذا قبل اني موافقه

.. حجيت كلماتي ونزلت خايفه حتى ما شفت شنو رده فعله وصلت للقصر وانداريت شفت سيارته طلعت من القصر رجعت كملت طريقي لكيت الـِن كاعده بلصاله سئلتني جاوبتها وصعدت ابدل بقيت افكر لليل واندك باب غرفتي فتحته وجان اشتر

.. نزلت راسي ابعد نظراتي عنه وحجيت خجلانه

ملاك: شنو

.. قابلني با ابتسامه تجنن وهو متجي على الباب وياكل عنب وكال

اشتر: مرتي

.. حجيت واني مضيقه عيني

ملاك: حاجيت ضبع

.. اتقرب عليه وهو يحط عنب بحكلي ويتلمس بشفتي رجعت بخطواتي

ملاك: شنو اشتر

اشتر: تدرين هاي اول مره اكل عنب

.. فتحت عيني مصدومه وفتح الباب ودخل وهو يحجي

اشتر: اشو عندج شي اشمر العنب بي

.. انداريت عليه واني اشوفه يشمره بلسطله وكال

اشتر: وين الحمام اريد اغسل باايدي

.. اشرتله واتجهه للحمام يغسل باايده وكفت اباوع عليه واني منتظرته تقريبا باالربع ساعه هو بس يغسل ايده وطلع ينشفها بلكلنس وحجيت بصوت

ملاك: احجي اشتر ليش تحرك بگلبي حاجيت الضبع

.. تقرب عليه وهوه يحاط جسمي باايده ويرفع بخصلات شعري ويمرر اصابعه على ركبتي وكال

اشتر: ما اريد اهجم هسه ننتظر بلحلال اطيب

.. كال كلماته الاخيره وهو مبتسم ويغمزلي

.. بانت ابتسامه على وجهي واني اشوفه شكد فرحان يمكن اشتر بذاك اليوم اسعد انسان بلدنيا كل شويه ورفع عيني عليه وكال

اشتر: ما مصدك لكيتج

.. ضحكت واني اكرصه باايده وحجيت

ملاك: كافي ياا شبيك هاي الف مره ادكولها

.. ثبت عينه عليه وهو كاعد مقابيلي على الكرسي واني امامه على السرير منزله راسي خجلانه رجع كال

ملاك: لان فعلا ما مصدك لكيتج سميت بنتي ملاك علمود الكا ملاكي بس ما جنت اعرف النعم راح تتكاثر واحصل على ثنين

.. ابتسمت على كلامه واني ارفع خصلات شعري واخذها خلف اذني جنت بيومها سعيده حيل بكلامه ووجوده ويايه ماجنت اعرف قربه هيج راح يسوي لاول مره احس نفسي عندي احد كل عمري عشته وحيده

.. ابتسمت واني ارفع عيني عليه ونزيت على صوت الرمي القوي

..وكف على حيله وهو يفتح الباب ركضت عليه واني الزمه من ايده وصحت

ملاك: لا اشتر حباب وين رايح

.. بعد ايده عني قوي وكال

اشتر: خل اشوف شكو

.. لزمت باايده قوي كانما خايفه يصير بي شي كانما گلبي علم بقيت ابجي واني لازمه باايده قوي

.. ترك ايدي وطلع

.. نزلت جوا واني اشوفه يطلع صاح بصوت وكال

اشتر: اررجعي لا تطلعين

نزيت على صوته ورجعت بخطواتي خايفه

بقت عيني ورا رجليه ما اكدر اوكف عليهن من الخوف

.. بقيت خايفه دخلت لوحده من الغرف واني قافله الباب وكاعده بس ادعي شويه وسكت الرمي فتحت الباب وطلعت للصاله ماجان اكو شي يمكن ما كادرين يوصلون للباب والرمي بس خارجي فتحت الباب وياريتني ما فتحته وشفت هذا المنظر

.. اجت عيني عليه وهو مدد على الارض وغركان بدمه

...........................

لهنا وخلص البارت 💕💕💕 بارت طويل تعووويضي

كتبولي توقعاتكم؟؟