رواية سليله الانتقام الفصل الخامس 5 - بقلم taratel

وامشي بلدنا بعكاز مخفي
وعكازي مو من خشب
عكازي اهلي
__________

.. نزلت اركض ورا ماما نور ومنو هاي البنيه وليش ماما نور هيج نزلت تركض معقوله ضبع لكه الـِن واخيرا نزلت لكيت ماما نور حاضنه البنيه وتبجي وتمسح على وجهه وتتاكد والبنيه مستغربه ومصدومه تباوع لضبع وترجع انضارها على ماما نور

.. تمسح على وجهه وتمسح شعرها .. تبوسها بااماكن متفرقه من وجهه متكدر تحجي تنطق احرف ما مفهومه او اصلا ما تكدر تنطق الكلمه الوحيده الي جانت مفهومه

نور:الن

اجا بابا رضوان يركض عليها وجرها من البنيه وهيه متقبل توخر حضنها وضلوا يبجون وماما نور واخيرا نطقت نطقت

نور: رضوان شوف بنيتنه رجعت رجعت هاي بتنه كدام عيونه وخر عني
وخر عني خل اروح اشوفها اشبكها اشم ريحتها وخر عني راح اموت رضوان وخر

رضوان : اشش اشش حبيبتي بنيتنه ماتت من زمان الله يخليج كافي عليتي كلبي كم مره اكلج ماتت بعد ما ترجع صارت رماد

نور: گلب الام يحس گلبي حبها اول مااجت للدنيا وهسه گلبي يكلي هاي بنيتج

ما انحس اله البنيه اطكها بجيه وماما نور دفعت رضوان وراحت تبوس با ايدها وبراسها وبشعرها من اكول ما خلت مكان ما شمته لو ما باسته اكول غلطانه

نور: شبيج يروحي شبيج منو وياج اني امج امج هنا اخذوج من عندي وانتي جنتي صغيره حرموني من ريحتج الله ينتقم منهم

.. موقف ماما نور يدمي الگلب

نور: رجعتي لحضني يماما والله اعوضج وين جنتي عني اني متت من رحتي ليش عفتيني

.. رضوان شوف شوف شلون تشبهني من جنت شابه شوف خشمها طالع عليك كبرت بنيتنه وبعيده عن حظنه شلون هسه نعوضها

الن: بس اني مو بنتج اني امي هسه ماتت ترابها ما نشف شنو بنتج بنتج حبابه لا تخليني اكسر كلبج بس اني ماعندي بس ام وحده

.. انصعقت ماما نور بلي كالته البنيه وهذا الشي الي خلاها تفقد وتصيح

نور: ولج اني امج باعي باعي زين شوفي شكد تشبهيني معليج بهذا الحرك والله هوه الي خرب وجهي هسه اجيبلج صوره قديمه اليه وشوفيها شوفي شلون انتي نسخه عني والله باكوج من عندي وانتي جنتي لحمه حتى ما شبعتي من صدري اخذوج وانتي يمي يماما تعالي تعالي لحضني خل اشبع منج

.. دفعت ماما نور وراحت ختلت ورا ضبع
................

...ماعرف شنو الي كاعد ادكوله بس اكيد هيه وحده مو بعقلها لذلك لزموها بلبدايه ماردت اكسر بيها بس بعدين اصرت اني بتها خفت حيل ورحت ختلت ورا ابن خالي على اساس وجريته من قميصه

الن: انت الي ماادري شسمك انقذني حباب راح تموتني هاي الخبله

باوعلي بخزره ولزم ايدي خلاني بمستوا

ضبع: مو خبله بس فقدت بتها وهيه صغيره

الن : خطيه

.. اجا رجال ضخم من وراها وضربها ابره وخلاها تفقد وهيه تصيح بااسمي زين ليش ادكول الن ومنين تعرفني ؟؟

شالها الرجال وضل يبوس بوجها

الن: مبين يحبها حيل خطيه
ضبع: حيل
.. باوعت لايدي واردفت
الن: عيني استاذ شو كيفت جنك
باوعلي بااستغراب
ضبع: شكو
الن: وخر ايدك شو وانطيني ايدي

.. وخرت ايدي من عنده ورجع لزمها كرصته عليها
الن: شكو شبيك وخر ايدك عاد شو كولش ماعندك مستحه
.. ما جاوب
ضليت اسحل بيها واحول اوخرها بس مااكدر كل ما احاول ابعد ايدي عن ايده يعصر ايدي حيل

الن: حباب كولش ضلت تاذيني ايدك ايدي صارت حمره
.. جرني وصعدني مادري وين تعبت واني اصعد الدرجات

الن: قصر شكبره شكده مابي مصعد تعبت هففف وين ماخذني
ضبع: بي بس ما احب اصعد بي
الن: انت متحب اني شكو
.. جريت ايدي قوي من عنده وكعدت على احد بايات الدرج
الن: والله مااصعد بعد تعبت
.. اجا انحنا عليه وشالني باايده حاوطت اكتافي ركبته
الن: نزلنييي مااا نزلني اخاف
ضبع: ولج راح نوكع اثبتي
الن: حباب نزلني والله اخاف نوبه الدرج يدوخ
ضبع : ساعه السوده الي شفتج بيها
.. وضل يركض على الدرج لحد ما وصلنه مدري يا طابق ونزلنه قبل لا ينزلني لزمت بشعره وكفشته قوي

ضبع: يابت الكلب
الن: علمود مره ثانيه متشيلني بدون اذني
ضبع: تعالي وراي ادليج غرفتج
.. مشى ومشيت
الن: يحتاجلكم سياره بداخل القصر هذا
الضبع: اي هوه راح اشتريلج حجله تمشين بيها هنا
الن: اي خوش عليك صاير ظريف بس تعال اني الى متى راح ابقي هنا اشو اني اجيت وياك عمياوي

ضبع: دوختيني والله هواي تحجين واني ما متعود هيج

الن: شوف لا عبالك اسكت هسه ادكلي لشوكت باقيه هنا
ضبع: مادري شغله اسبوعين هيج
الن: ليش اسبوعين
ضبع: ليش عندج حل ثاني ست وين ترحين
الن: مادري رجعني لبيتنه محد بي اروح اكعد هناك اني هنا خفت
ضبع: ليش خفتي
الن: مادري ما حبيتهم
.. وصلنه للغرفه وفتحلي الباب
ضبع: لا تحبيهم .. ادخلي

.. دخلت بس ما جانت غرفه جانت اكبر من بيتنه الي عايشين بي
الن: لمنو هاي الغرفه
ضبع: الج
اشرتله بااصبعي على نفسي بااستغراب
الن: اليه كولها!!
ضبع : لا نصها
الن: طلع عندك حس كوميدي

.. دخلت اباوعلها تجننن حيل حيل حلوه كولشي موجود بيها افتريت بيها واني حيل فرحانه باوعتله لكيته مبتسم

الن: لكفففتك تبتسم
.. راسا اختفت ابتسامته ورجع حجه
ضبع: شوفي خل نحجي بجديه هلمره
.. هزيت راسي
الن: كول
ضبع: راح تبقين هنا اسبوع اسبوعين ماعرف شكد لحد ما اضبط اوضاعج اني ما موجود بلدوام متحجين وي اي كائن بلبيت غير ملاك ونور

الن: منو ملاك ومنو نور
ضبع: ملاك هسه تتعرفين عليها ونور الي عبالها انتي بنتها

.. هزيت راسي
الن: فهمتك

.. تقرب عليه ورفع اصبع
ضبع: الن لمصلحتج لا تتقربين يم احد ولا تحاولين تتعرفين عليهم ماتكدريلهم افتهمتي لو لا

.. ابتسمت بمكر واني اتقدم عليه وعضيت اصبعه قوي وشردت لزم اصبعه باايده الثانيه

ضبع: يا مجلوبه يابت الجلب

الن: اني مو كتلك اصبعك مترفعه عليه مووو كتلك وثانيا اصبعك يشهي مال عظ

ضبع: بت منو عاصم الجلب اكيد تطلعين عليه

الن: عادي اغلط ما اهتم المهم سويت الي اريده
.. تقدم عليه خفت ركضت على باب ردت اطلع من عنده  لزمني وقيد اديه ظهري صار على صدره

الن: والله ماعيدها بعد عوفني عوفني يلمادري شسمك الله يخليك بداعت خالك الجلب ءءء اقصد عاصم

.. ما اهتم لكلامي لزم ايديه باايد وحده وهو مقيدني نزل شويه من التيشرت مالتي من ناحيه الكتف

الن: ولك شدسوي وخر عني
.. تقرب على كتفي طبع بوسه خفيفه بعدين غرز اسنانه بكتفي اذاني حيل وتركني

باوعتله وعيوني مدمعه ..
الن: ليش هيج سويت
ضبع : كل واحد ولازم ياخذ عقابه تماديتي وياي وجان عقابج مختلف

الن : جل..
.. بعدني ما حاجيه واندك الباب يمكن نقذني بيومها من عقاب ثاني انفتح ودخلت بنيه حيل حلوه وجسمها يموت لو شعرها بيومها اني سميتها ربانزل

ملاك: ممكن ادخل
اشرلها .. باايده ودخلت
ملاك: ضبع بابا وجدو ينتظروك جوه علمود تفهمهم كولشي
ضبع: تمام ملاك شوي ونازل
ملاك: اوكي لعد راح انتظرك بلباب ننزل سوه
.. طلعت وباوعلي
ضبع: ارتاحي شويه ونزلي علمود نحجي
.. هزيتله براسي بمعنى اي وطلع رجعت اباوع على الغرفه وشلون حياتي انكلبت ١٨٠ درجه وين جنت عايشه وحاليا وين اني بس اني ماريد كولشي اشتاقيت لاهلي اشتاقيت لامي حيل كعدتي اني وياها لو علاقتنه شكد ما جان عاصم ياذيني وياذيها احس نفسي وحيده صرت بعد منو اليه جانت هيه الوحيده الي تدافعلي وتوكف ويايه حطيت راسي على الفراش واني ابجي مشتاقتلها حيل مادري شكد مر وقت واني ابجي حسيت على نفسي دخت ونمت ...

.................

ملاك: ضبع اوكف خل نحجي
ضبع: ها ملاك
ملاك: الله عليك كول هيه نفسها ؟
ضبع: منو
ملاك: هيه نفسها الن
.. بعد نظراته عني
ضبع: لا موهيه بس نفس الاسم بنت عاصم
ملاك: اعرفك .. ليش جبتها
ضبع: اريد اعرف خطوتهم الجايه شنو
ملاك: وليش هيه بلذات 
ضبع: ملاك گلبي مكاعد يبرد
.. رحت وصرت مقابيله لزمت وجها وخليته مقابيلي
ملاك: لا توصخون البنيه البريئه بوصخكم وثاراتكم

... دفع ايدي ونزل ماعرف شنو الي يريده وشنو يريد يسوي حيل كاعد اتاذه ضبع فعلا انسان مكار وما ينعرف شنو هوه مينعرف منو صاحبه ومنو عدوه خفت عليها حيل فتحت الباب لكيتها تبجي رجعت سديته على كيفي بدون متحس عليه ونزلت استمع لكلامهم

ضبع: عمي البنيه بت عاصم وعاصم انسجن خو ما اعوفها بلشارع وهيه بت خالي وين تروح ماعدها احد

مهيوب: سويت عين العگل يبني البت مالها احد وتبقى قريبه الك احسن شي سويته جبتها للقصر

.. باوعت لبابا رضوان والحيره ماكلته عيونه تترقب ضبع يمكن جان يتامل ايكله هيه هاي بنتك  حسيت على دمعه نزلت من عنده هاربه رحت حضنته وسويت نفسي ما انتبهت

ملاك: بابا حبيبي

رضوان: بنيتي

.. بابا رضوان باع لضبع وكله

رضوان: بس ليش عاصم مسمي بنته الـِن

اردف جدي

الشيخ: اسمع يرضوان البت ماتت وهيه لحمه صغيرونه شيلوا من عكلكم هيه عايشه ولا تاثر عليك ذيج المسودنه وادكلك نخطفت من الفراش

.. دنك بابا راسه وكال

رضوان: صحيح

ضبع : عن اذنكم هسه صاعد انام طريق وتعبان وصارلي كم يوم ملتحق

.. صعد ضبع فوك واني صعدت ورا انام لان الوقت تاخر
صعدت لكيت رساله من سيف

.. مشتاقلج

... سويتله حظر وحذفت الرسائل ونمت

..................

.. كعدت لكيت الساعه ب٤ وجوعانه حيل واريد مي فتحت الباب ولكيت الصاله مدري قاعه  من كد ما جبيره تخلس وتخوف لو اشمر ابره يمكن يطلع صوتها اتوقع الكل جان نايم

الن: عيب كعدي وسكتي هسه شيكولون ... رجعت احاجي نفسي .. بس والله راح اموت من الجوع على الاقل اشرب بس مي طلعت امشي خطوات على كيفي ومدنكه راسي ما شفت بس رجلين رفعت راسي انطخيت بجسم صلب عبالك بلوكه

الن: اخخ شجاك مصلبخ يمه جسمي تكسر
.. باوعتله واردفت
العفوووو

... باوعلي بااستغراب والصدمه تعتلي وجهه
.. منو انتي وشتسوين هنا ؟؟ وحده من الخدم بس الخدم ميصعدون للجناح الثالث هيج وقت

الن: بربك شكلي مال وحده خدامه

.. ضيق عيونه صراحه خفت من عنده
الن: شوف خل اسولفلك ولو هيه سالفتي ما تسولف بس انت بديت تخوفني لذلك راح اسولفلك

.. ابتسم .. سولفي

الن: اول شي اني مدري منو جابني واحد ماعرف شوو اسمه فجأه طلع كدامي وكال عاصم الجلب يصير خالي واني عاصم يصير ابويه افتهمت هسه شلون وعاصم انسجن لان كتل امي واني بقيت ابحدي لذلك هذا الي مادري شنو اسمه جابني هنا واني نمت وكعدت هسه جوعانه وعطشانه وماعرف وين اروح تيهت

.... جرها بضحكه عاليه حيل خلاني اكمز من الصدى الي صار

الن: ترا ما حجيت نكته

مال جسمه عليه واتقرب

.. والله انتي فلم هندي

الن: ترا دا تجرح احساسي دا اسولفلك وبكل صدق وبطيب خاطر ادكلي فلم

.. العفو العفو تعالي ادليج على المطبخ

... نزلت ورا بس هلمره بلمصعد يمه رحمني نزلنه لمدري ياطابق ادكول عماره مو بيت حتى واحد يتيهه بي اخذني على المطبخ وكال

.. تردين اصيحلج وحده من الخدم تسويلج اكل

الن: لا شكرا بس اريد مي

.. راح للبراد ضخم متروس ابطاله مي وطلعلي واحد وانطاني

الن: شكرا

.. هسه تعالي سولفيلي شلون شفتي تعرفتي على ضبع

... ضيقت عيوني بعدم فهم ياضبع؟

.. ابن خالج
... هذا ابو عيون الزرك اسمه ضبع

.. اي شنو متعرفين اسم ابن خالج والي جابج هنا

الن: لا والله وين اعرف وهوه جابني سحل
بس يعني هوه صدك اسمه ضبع؟؟

.. اي ليش
الن: اسم حيوان عجيب هسه عرفت ليش تصرفاته متحيونه حجيت على كيفي

.. ضحك بضحكه عاليه وخرعني للمره الثانيه

الن: عزاا هاي شبيك خرعتني راح انجبس من وراك انت وذاك الي اسمه اسم حيوان

.. مدلي ايده وكال
.. واني اسمي اسد
الن: مديت ايدي اصافحه واردفت

.. مو عائله متروسه حيوانات حطيت ايدي على حلكي واجتني لحظه ادراك

...ضحك للمره الثالثه وضحكته تخلس

ضبع: شتسون هنا
.. اندارينه اثنينه للي واكف باب المطبخ

اسد: دا نتعرف على بت خالك والله حلوه وظريفه

...صاح بيه صوت
ضبع: تعالي الن
.. رحت عنده اركض وصلت يمه عيونه ناطات حمر يمكن لو بحدنه جان حطني وكتلني جرني من ايدي لعند اول بايه درج جريت ايدي

الن: والله لو تموت ماا صعد بلدرج اكو مصعد ونصعد بي
.. رجع لزم ايدي وغير الاتجاه بااتجاه المصعد صار كدامه اسد واحد ابتسم للثاني باابتسامات ماعرفت افسرها بوقتها شد على ايدي بس ماحجيت

اسد: شبيك متنرفز ابن عمي
ضبع: ابتعد عني لا اكسر خشمك وانت تعرفني كولش زين اذا اجت ابالي اسويها

.. ابتعد وفتحلنه الطريق صعدنه بلمصعد واحس شويه ويطلع من اذاناته وراسه دخان حجيت احاول الطف الجو

قبل لا احجي اندار عليه

ضبع: اشش لا تفتحين حلكج

الن: يمه تخوف شمدريك ردت احجي

.. خزرني وسكتت خفت وصلني لغرفتي واشر
ضبع: شوفي اخر غرفه على الجهه اليسرى الي يم البلكونه العاليه هاي اليه

.. دنك صار بمستواي وقريب على وجهي حيل رجعت ليورا خطوات

ضبع: اي شي تردينه تعاليلي لاترحين لاي بشر افتهمتي لو اعيد

.. هزيتله براسي

ضبع: وهسه روحي نامي

.. دخلت للغرفه ورحت للسرير حاولت انام مااكدر رحت فتحت باب البلكونه وكعدت بيها اباوع على الخضار الي يجنن والهوا فتحت شعري وطار حسيت الهوه تغلغل لاعماق فروه راسي شعور حلو ومريح بقيت شويه لحد ما حسيت الشمس راح تشرق سديت باب البلوكنه ورحت للسرير انام بعد ما هاجتمني الذكريات والدموع وراها يله كدرت انام

...................

.. كعدت على صوت ماما اسماء
اسماء: يله ملاك الكل كاعد على الريوك اليوم جدج يريد يلقي خطبه علينه من الصبح

.. كعدت متململه
ملاك : نزلي قبلي هسه جايه
... نزلت وعافت الباب مفتوح كمت غسلت وبدلت نزلت لكيت الكل متجمع تقريبا بينه ١٨ نفر بلقصر مترائس الطاوله كلعاده جدي مهيوب ويمه ضبع بقيت اباوع عليهم واحد واحد واجت عيني على كرسي دائما جان فارغ بس اليوم كاعده بي ركضت عليها واني فرحانه

ملاك : ماما نور صباح الخير صباح الخير وابوس بوجه وخدودها الي ينكرطن

نور: ولج كافي شبيج اكلتيني

ملاك: انت تنوكل يحلو خليني احلي قبل لا اتريك

.. كعدت ابوس بيها وجبت الكرسي مالتي وخليته يمها جانت لابسه احلا فستان عدها وكاصه شعرها كصه تجنن وهيه منا حلوه طالعه تخبل بس لو ما الحرك الي حارك نص وجهه بس كل هذا ما يضم ربع من جمالها الي طاغي على كولشي و رجعت كسرت عليهن وهذا الشي الي جانن ما يتمننه كعدت واني حيل فرحانه اول مره اكعد ونفسيتي مفتوحه للاكل نزلت الن والانظار كولها صارت عليها كام ضبع وجاب كرسي وخلا يمه وجرها من ايدها وكعدها يمه يمكن بفعلته هاي ثبتلهم اي واحد يندك بيها راح يلكاني موجود حبيت تصرفه شفت ماما نور عينها على الن شلت ايدها وبوستها

ملاك: حبيبي الي منور الدنيا اليوم

بابا رضوان شنو رايك بتغير الحجه

رضوان: ياحجيه ولج
ملاك: شبيك بابا الحجيه الي كاعده يمي وغمزتله
ضحك...
مو حجيه المفروض تتبادلن باالاسماء هيه نسميها ملاك وانتي نسميج الحجيه

الكل الي بلطاوله ضحك اله كم شخص احتقن وجهه

حجه الشيخ

الشيخ: ولدي واحفادي وبناتي اسمعوني كولش زين
البنيه الي حدر هين تصير بنت خال ضبع والبنيه معليها بثاراتنا وانتقامانا لو حقدنا بنيتنه هنا ضيفه وعلينه نكرمها افتهمتوا واي احد يجي صوبها لو ياذيها بحجايه راح يلكاني اول واحد كدامه

... كولها كالت حاضر شيخ وبدينه نتريك لحد ما خلصنه واني فرحانه باامي كاعده يمي مو امي الي جابتني لا امي الي ربتني وجانت حنينه عليه الي افتهمتني واحترمتني وقدرتني وجانت وياي بااسوء مواقفي

نور: ملاك اريدج تصعدين قبلي للغرفه ثواني وجايه وراج لازم نحجي

.. هزيت براسي شكو

نور: اصعدي بساع

.. صعدت للغرفه ورا ثواني دخلت ماما نور وضلت تباوع بلغرفه وتفتش بيها وسدت الباب

نور: ولج ملاك حبابه ساعديني يردن يكتلنها ....

....................

بمكان ثاني .. با اخبث بقعه بلقصر

.. عاصم انسجن
.. وشلون لازم نطلعها من القصر
.. وشلون نطلعها والضبع واكف وياها ما شفتي اليوم شلون كام وخلاها يمه اول مره يسويها الضبع
.. حتى هوه ما يعرفها بت رضوان
.. بس حتلو ما ينلعب ويا بهلسوله والضبع مو نفسه ذاك الطفل حيل يخوف لازم ناخذ حذرنه هلمره من نشتغل
.. شلون نكتلها
.. اذا مانجحت الخطه الاولى تنجح الثانيه صدكي
.................

.. كاعده بلغرفه بعد ما الكل كام ماعرف وين تطشروا والضبع طلع وعافني بحدي شويه واندك الباب

الن: تفضل
... دخلت ملاك او ربانزل بشعرها وكعدت يمي
ملاك: اجيت اسولف وياج ضايجه ابحدي
الن: اي والله حتى اني تعالي خل نسولف
.. كعدنه نسولف سولفتلي عن حياتها وطبيعه روتينها الاعتيادي واني هم سولفتلها بس ابتعدت عن مواضيع الي تخص عاصم وابنه لشويه وانفتح الباب ودخل ضبع

ملاك: ابن عمي شبيك غير ادك الباب غرفه بنيه بله كاعده تبدل شي

صاح بصوت ..
ضبع: ملاك برا

.. طلعت ملاك وهيه مستغربه من رده فعله اجا تقرب عليه

ضبع: شحاجيه عليه لبارحه كدام اسد
الن: والله ما حاجيه شي
.. تقرب رفع وجهي با اصابعه
ضبع: باعي لعيني

.. خليت عيني بعيني
الن: والله ما حجيت شي بس كلت اسمه اسم حيوان يعني والله اني مو قصدي هيه طلعت ابحدها

ضبع: متاكده؟؟
الن: اي والله
.. نزل ايده
ضبع: الن اني شكتلج ذاك اليوم
الن: شكلت
ضبع: مو كتلج ابتعدي عنهم
الن: والله مبتعده بس اسد وطلع بوجهي لبارحه وماعرفت شسوي ودلاني بس مبين عليه حباب

... نزل مستواي
ضبع: تدرين هذا الي ادكولين عليه حباب كم قضيه مخدرات براسه بس مهيوب يسدها بكم دفتر ؟؟

فتحت عيوني بصدمه...
الن: عزاااا ولا مبين عليه
ضبع: الي اريده منج يا بابا تبتعدين عنهم ولا تخلين احد يتقربلج لان همه مثل الحيه تلدغ وتضم راسها وانتي اجيتي شخص غريب وانظارهم صارت عليج
لا تصيريلهم فريسه سهله يحبون الشخص الضعيف وينهشون بي

الن: اذا تعرف بيهم هيج ليش جبتني هنا الله يخليك كاعد تخوفني

ضبع: لا تخافين خافي من الدنيا كولها ولا تخافين مني انتي هنا بحمايتي اضمج بگلبي وما اخلي احد ياذيج

الضبع: وهسه يله كومي ننزل نتغده

.. مدلي ايده لزمتها ونزلنه جوه الكل جانو كاعدين ينتظرون الشيخ وضبع ترك ايدي وراح دنالي الكرسي القريب عليه علمود اكعد ابتسمت بوجه وكعدت بدو الكل
ياكلون حسيت اكو شي وكف ابلعومي شربت مي وضليت اكح ماعرف شنو يمكن غصيت كحيت وحطيت ايدي على حلكي باوعتلها انترست دم كمت على حيلي اريد اسيطر واوازن جسمي مكاعد اكدر كلها كامت تشوف شبيه والتمو عليه احس الدنيا غوشت عندي واخر شي شفته جانت
.. ابتسامه على ثغره ...
_____________________

بنات اعذروني اتاخرت بلتنزيل بس والله من مساع كاعده اكتب بلبارت وماحبيت انزله قصير ♥️♥️

فقرنه المعتاده
اسئله
-تتوقعون منو الي كاعد يسوي هاي المكائد كولها
- ليش يردون يكتلوها
- شنو الي سمعته نور وشنو ابالها من خطه
- ضبع شنو حيكون موقفه