رواية سليله الانتقام الفصل الرابع 4 - بقلم taratel

ولو كُنت ايقن ان الحلم يجمعنا
لاغمضت طول الدهر
اجفاني ..
عن حال نور ام الن 💕💕
___________

ضبع: اريدج

..  نزلت عيوني عن عينه وملت راسي

الن: شتريد من عندي واني ما اعرفك واول مره اشوفك بيها تريد اخذ اقوالي واطلع ترا روحي ما متحملتها

.. مشى خطوات وانطاني ظهره وضل يضحك بشكل هستيري للحظه اتوقعته انسان مريض اندار عليه

ضبع: بت عاصم لسانج ديطلع بلوقت الخطا
الن: هاي شبيك احجي شتريد من عندي ترا خوفتني

.. جر الكرسي وكعد مقابيلي

ضبع: يله لعد خلينه نبدي بس قبل كولشي حجايه لو حرف واحد تحجي مو صحيح هنا ادفنج

.. هزيتله براسه وفتح مسجل وخلا يمي وبده يسئلني

ضبع: اسمج
..الن عاصم حمدان
ضبع : شنو الي صار قبل الحادث
الن: عاصم طردني

.. قفل التسجل وتقرب عليه

ضبع: طردج!!؟

.. هزيتله براسي

ضبع: لاتجذبين

نزلن دموعي الي ماكدرت اسيطر عليهن
حسيت على ايده تلمست وجناتي
ويمسح بيها بعدت ايده واردفت ..

الن: ايدك لا تمدها عليه شبيك متستحي
ضبع : ولج لا تتمادين لا هسه اكسر راسج

الن: يووو بس تكسر وتدفن وتحرك شتريد شتريد فهمني

.. تقدم عليه ولزم فكي حيل خله عينه بعيني حاولت انزل عيوني ماريد اباوعله عيونه مثل البحر لو تعمقت بيهن يمكن اضيع او مو يمكن اكيد..

ضبع: رفعي عينج

رفعت عيوني صارت بمحاذاه عيونه اردف

.. بعدت ايده عني

الن: شوف ترا اني مااخاف من عندك وشتريد تسوي سوي ماعندي شي واخسره

ضبع : اخيسج بلسجن وي ابوج واخوج

الن: تسووي فضل لان ماعندي مكان اروحله عاد بلسجن اكل واشرب

.. ضرب على رجليه حيل ورفعه ايده ليفوك وباوعلي

ضبع: هيج صلافه ما شايف

الن: عيني سياده الشنو نسميك خل نتفاهم هسه شكو اجيتني واكلتني حاصل فاصل وبت عاصم يا عاصم

.. رجع كعد على الكرسي

ضبع: راح ارجع افتح التسجيل ويا ويلج هلمره لو جذبتي

الن: اول شي كلي شنو اسمك علمود نكمل

.. خزرني
الن: لا جذب اشاقه وياك بطلت ماريد يله كمل كمل

الضبع: شنو صار قبل لا يطردج عاصم

.. باوعتله بقلق وحيره واستحي احجي

الن: اخويه هاشم تحرش بيه

ضبع: شلون تحرش بيج

..فتحت عيني بصدمه شنو اجاوبه

الن : ممكن تغير السوال

ضبع: شلون تحرش بيج جاوبي

الن: عفيه مااكدر احجي

ضبع: جاوبي راح اعدل عليه بعدين
محد راح يعرف شلون بس اني اريد اعرف

الن: هاشم جان يتحرش بيه  بلبدايه جانت بس مجرد لمسات جنت ابعده او جنت ما اعرف اخاف اروح واحجي لان اعرف شنو النهايه مثل ما هسه دا اعيشها واخر فتره ضل يزيد تحرشاته من اني نايمه يجي ينام يمي ويحشك نفسه بيه ويتلمس بجسمي لحد ما اجا ذاك اليوم المشوؤم الي بي صار  هلمره جان ناوي عليه غير شكل هلمره زاد بتحرشه وما خلاني اتحرك وارده اتملس بجسمي وركبتي ...

.. انتبهت على نفسي واني احجيله دموعي ينزلن وما احس باوعتله ومثبت نظراته عليه منتظرني اكمل عيونه جانت خاليه  نزلت راسي

الن: ممكن كافي لهنا

ضبع: كملي

الن: الله يخليك كاعد اتعب

.. ترك الكرسي وتقدم عليه

ضبع: سوالج شي نام وياج ؟؟

.. هزيت راسي ب لا

.. رجع كعد على الكرسي

ضبع: خلص لهنا ونتوقف نبدي بسوال جديد

ضبع: عاصم

الن: شبي

ضبع: متعرفين اذا عنده تصرفات غريبه او مثلا منين جان معيشكم وهوه ما يشتغل

الن: صحيح اتذكر هوه جان ما يشتغل ولا عنده راتب بس جان كل فتره يجيب فلوس هواي ويضمهن وكل ما تسئله ماما نيران منيلك يكتلها واني هم جنت اشتغل وابيع كلنس والي احصله انطي اله

ضبع: كو..

.. فتحت عيني بصدمه

ضبع : لو مو كو.. ما يطلعج تشتغلين وانتي بنيه شابه

.. كملي وشصار بعدين

...رفع اصبعه بتهديد
ضبع: احجي  وبلحرف الواحد

تقدمت على اصبعه دا اريد اعضه وسحبه راسا

ضبع: هااي شبيج انجلبتي

الن: وليش ترفع ايدك عليه وتهدد بيه

.. رفعت اصبعي بتهديد مثل ما سوه

الن: لو عدتها مره الثانيه اله اعضها افتهمت لو لا

.. شفت ابتسامه على ثغره واردف

الضبع: يا صبرك يا الهي كملي كملي طلعتي روحي

الن: ما

ضبع: شنو ما بابا انتي خبله احنه ما كاعدين نلعب كاعدين دنحقق علمود نسد القضيه ونعفن ابوج بلسجن

الن: اريدك تعفنه هوه وهاشم وما تخليهم يطلعون للابد

ضبع: واذا تبقين على هاي تصرفاتج انتي هم لا حكتهم

الن: واني هم اريد اروح للسجن

ضبع: لاحول الله

الن: ولا قوه الا بالله

..صاح بصوت

ضبع: ولج بت عاصم انتي اليوم تردين تموتيني لو تردين تنتقمين من عندي لان علستلج الوالد

..فتحت عيني بصدمه

الن: عزااا علست عاصم والله عاااشت ايدك

ضبع: شوفي للمره الاخيره راح احذرج راح نرجع ونفتح التسجيل ونسجل وبدون حرف زايد

الن: حاضر بس بشرط

ضبع: وهو

الن: بس نخلص اريدك تسجني حباب

.. خله ايده على راسه

الضبع: تددللين بس كمليلي السالفه مو بس اخليج بلسجن اعفنج بلسجن هم

الن: اتفقنه

... بديت اسردله الي صار

الن: كالتلي روحي للشيخ بس يا شيخ ماادري عاصم الجلب ضربها
ضبع: ماتذكرين اسمه اول حرف من عنده

الن: لا والله مااتذكر بس الي سمعته روحي روحي لشيخ شيخ شنو خاف امي عبالها اني خبله وتريد اروح لشيخ

ضبع: كام من الكرسي وضل يفتر بلغرفه

الن: كافي تفتر شبيك دوختني

.. توقف وخزرني وراها طلع

.. اول ما سد باب الغرفه سمع شهكاتها العاليه وبجيها ونوحها ولا كانما هيه نفس الشخص الي جانت تعانده وتلاسنه اندار شاف اشتر واكف كدامه

اشتر: ها ضبع شنو صار
ضبع: اخذت اقوالها وهاهيه
اشتر: شو وخر خل ادخل

.. دفعني من كتفي

ضبع: لا عوفها بعدين نرجع نكمل التحقيق
.. باوعلي بنظرات استغراب وگال

ضبع: شنو

اشتر: لا ماكو شي يله تعال خل نرجع نكمل شغلتنه

ضبع: اريد اروح اشوف هاشم السكط

اشتر: انووب

ضبع: شوف اشتر تريد تجي وياي اهلا وسهلا متريد وتخاف وجبان اطلع منها وعوفها اليه

اشتر: امشي اكلتني اكل بلسانك لسان كح..ات

.. باوعلي بخزره

اشتر: العفو اقصد بلسان ينكط عسل عسل

.. رحنه للمركز وجانت منتضره ضبع وتحقق ويا تقدم ضابط يحاجي ضبع

.. سيدي الي صار المفروض مينعاد رجاءً تدري احنه مو بيدنا واي شي يصير يوكع براسنه

ضبع: ابن هاشم وين

.. سيدي مالكينا شارد

ضبع: شوف خلال ساعتين اريد هاشم كدامي طلع دوريات وروحو دور عنه ما يكدر يطلع خارج بغداد حاليا محصور حصره الجلب فطلعوليا من جوه الكاه

.. حاضر سيدي

اشتر: ضبع لازم نحجي بموضوع

ضبع: وهو

اشتر : لازم نرجع للمستشفى
ضبع: شكو اقوال واخذنه ليش نرجع
اشتر: البنيه الي حققت وياها فاقده

.. طلع على السريع صحت عليه

اشتر: هوه صحيح اني حجيتها بلبدايه بس ما توقعتها راااح تصير صدك

......

كاعده انتظر يدزولي رساله قبولي الخوف والقلق متملكني ماعرف شسوي اروح وارجع بنفس المكان واني لازمه المبايل هاي الرساله راح تحدد مصيري وفجأه وصلتني الرساله من مقرر القسم مالتنه

.. الف مبروك ملوكه انقبلتي ماجستير

.. احس الفرحه ما لامتني نزلت اركض واصيح

ملاك: انقبلت انقبلت وينكم اهل القصر النااايمين اكعدوا شوفوا بتكم

.. طلعن خادمات القصر

.. على الخير ملوكه

... رحت احظنهن وبوس بيهن ماعرف شسوي من الفرحه نزل بابا يركض على صوتي والفرحه ما لامته

رضوان: ها بابا بشرري
ملاك: بدموع بابا واخيرا ما ضاعلي تعب
رضوان : تقربت عليها وبستها .. الف مبروك حبيبتي يوم عرسج واخلص منج

ملاك: ها هيج صرنه

.. ضحك وكال

رضوان: شنو الهديه الي ترديها بس اتمني واني احققها الج

ملاك : باوعتله وضحك هزيتله باايدي .. ورق ورق

رضوان: ما يغلا عليج حبيبتي بنيتي وحيدتي شعندي غيرج

.. بهذا اليوم الكل فرحلي وفرحتي جانت ما سايعتني بعد تعب وجهد وسهر كدرت احقق الشي الي اريده اجت ماما اسماء وكال

اسماء: ملاك قسمج الماجستير ما موجود هنا

.. اختفت ضحكتي
ملاك: اي صحيح بس بغداد
رضوان : مو مشكله بابا اخليلج هناك شقه ووياج بنات  او تردين ترحين يم ضبع وبكيفج بس اني افضلج تكعدين وي بنات وتجربين هاي الحياه وتعتمدين على نفسج وبلعكس تتونسين وتاخذين راحتج اكثر وبغداد حلوه واحسلج من هنا

.. هزيت راسي وشبكته
ملاك: احلا اب بلدنيا
.. ابتعدت عنه
ملاك: رايحه ابشر ماما نور

.. هزلي براسه وباوعلي ينظره خائبه

ملاك: دكيت الباب وفتحته ودخلت لكيت ماما نور كاعده يم الشباك امي الي جانت عليه احن من امي الحقيقه الي حمتني منهم وكبرتني اني وضبع كم مره راد عمي احمد يكتلني لان جنت العب وي ضبع بس جانت تحميني من عدهم دخلت عليها ولكيتها مثل كل مره كاعده مقابيل الشباك ولابسه اسود وقاطعه الكلام رحت كعدت يمها ولزمت ايدها وبدون لا تباوعلي

ملاك: ماما اليوم فرحيلي اليوم انقبلت ماجستير

.. مجان اكو اي رده فعل ذبيت نفسي بحضنها وابجي

ملاك: ماما اني بنتج اذا راحت الن واني سندج اذا بابا رضوان تغير عليج
.. والله راح اندورلج على الن اني وضبع ونلكاها اني اصدكج وضبع يصدكج الله يخليج بس حاجيني

... رفعت نفسي من حضنها وجانت نفس الوضعيه ولا كانما سمعتني لزمت ايدها وابوسها

ملاك: الله يخليج لا تخليها يحصلون الي يردونه والله همه رادوج توصلين لهاي الحاله

.. نفس الوضعيه تركت ايدها وكمت ولا كانما تسمعني ولاكانما هيه نفسها الانسانه الحنينه الي جانت من نبجي تبجي ويانه بوستها وطلعت

.. فتحت مبايلي ولكيته دازلي
.. الف مبروك حبيبتي
جاوبته
..الله يبارك بيك شكرا الك حياتي
.. اريد اشوفج قبل لا ترحين لبغداد
.. ماعرف الاسبوع الجاي راح نروح
.. اريد اشوفج قبل لتروحين
.. تمام راح احاول
.......................

طلع وحسيت نفسي فقدت بعد ما اتحمل ضليت ابجي احس كلبي ينزف منظرها مكاعد يروح من بالي مااتت باايدي مااتت ودمها ترس ايدي ضليت اضرب على عيوني بلكت انسى موقفها بلكت انعمي حسيت نفسي فقدت بلضرب وي كل ضربه اضربها ما احس ملشت شعري ما احس بوجع ضربت على جسمي ايدي ماكوو وجع

الن: ليش ليش مكاعد تحسيين بوجع ليش

.. دخلن الممرضات يركضن يحاولون يلزموني واني فاقده ماحسيت اله على جكت الابره ماحسيت على نفسي غوشت عندي الصوره اخر شي اجا على عيني يحاولون يمسحون الي باايدي ...

.. فتحت عيوني ماعرف شكد مر من الوقت واني نايمه تمنيت مااكعد وين اروح هسه اذا طلعت من المستشفى منو الي امي وماتت وعاصم وانسجن وين اروح انفتح الباب ودخل

ضبع: شلون صرتي

بدون لا اندار

... مو زينه

ضبع: شبيج

.. گلبي ياذيني وبجيت

.. اتقدم عليه وصار قريب مني

ضبع: كلشي يهون وداعتج

انداريت عليه وحجيت بصوت

الن: موو كتلي راح اخليج بلسجن يله خليني

ضبع: راح اسجنج بس مو بلسجن

.. باوعتله وبنظرات بريئه
الن: وين

ابتسم بمكر
ضبع : بگلبي
الن: اوووف اوف وخر عني بساع اني بيا حال

ضبع : هاي شبيج نكرصتي
الن: عيني سياده المدري شسمك شكو تفتر على راسي
ضبع: بنت خالي لازم اتطمن عليها

فتحت عيني
الن: منين اجيت بت خالك الله يشيل خالك ويخلصني منه ويخلصني منك

ضبع: صووتج

..صاح بصوت فززني

الن: اني ما شايفه هيج عمي مره مريضه عوفني زياره المريض عشر دقايق يله اطلع

.. اتصل عليه مدري منو غلق الاتصال وباوعلي

ضبع: اني راح اطلع انشوف اخوج الكرن وارجعلج نتفاهم

.. رجعت حطيت راسي على المخده من غير جهه حسيت عليه طلع وطبك الباب ورا

...........

..هاي شبيج بس الزم ايدج
.. رجاءً سيف لا تتعده حدودك اجيت اشوفك لان مشتاقتلك وراح اروح لبغداد الاسبوع الجاي

سيف: يله هاهيه تمام ما سوينه شي
ملاك: اي عفيه هيج صير عاقل علمود احبك
سيف : اصير عاقل وانتي راح تخبليني بجمالج

... خجلت وخليت شعري ورا اذني

ملاك: سيف شوكت تخطبني
سيف: بعدني يروحي ما مكون نفسي اريد كولش اكون نفسي واجيج كامل مكمل
ملاك: سيف اربع سنوات صارلك تحاول تكمل كولشي وماكدرت مو تشتغل والله رازقك بعد عليمن

سيف: مادري ماكدر هسه بس اني عندي فكره

ملاك: شنو بله
سيف: تساعديني واساعدج شوفي اني حاليا وضعي المادي تعبان تكدرين تدبريلي فلوس من ابوج علمود افتح بيهن مشروع وبس يصير عندي ارجعهن الج

ابتسمت
ملاك: شنو شايفني غبيه لو ثوله شوف ولك لو مو احبك واموت عليك فلس واحد بعد متشوف عندي اصلا جان استحيت على روحك من كلتها انت حتى بطل المي تخليني اني اشتري الك

سيف: ها يعني هسه تعيريني
ملاك: اي اعيرك لانك مو رجال
.. كمت بعصبيه وطلعت من المكان الي احنه بي علاقتي بسيف جانت اشبهه بلحب من طرف واحد جنت متمسكه بي لان احبه اتمسكت بي لحد ما وكع من عيني نهائياً جان اول حب بحياتي المفروض يكون الحب السبب الرئيسي لسعاده الشخص بس اني جنت حيل تعيسه من احجي ويا لا تطلعين لا تطبين مناكر على اي شي مزاجي راسا يتغير من ورا حتى واني بااسعد لحضاتي يخليني بحاله كولش سيئه طلعت من المكان واني كارهته وكرهت نفسي اكثر لان انطيته صحتي وسعادتي وفرحتي خلال هاي الاربع سنوات رجعت للقصر ومثل كل مره اول مادخلت حسيت الكئابه اخذت حيز من قلبي تمنيت اطلع ومارجع لهاي الجدران لكيت روان كاعده بلصاله

روان: ها عيني ست وين جنتي

ملاك: لا تدخلين مو زين عليج

روان : جنتي وي سيف ياحقيره اله اكل لابوج

ملاك: شوفي روان روحي عن وجهي لا هسه هنا اطيح حظج

روان: حبيب الگلب مالتج كاعد يتوسل بيه بلخاص اقبل بي

ملاك: ابتسمت اخذي حبيبتي اخذي هديه مني الج
ضحكت .. هديه رخيصه مثلج

.. صعدت فوك لغرفتي وما اسمع بس صياحاها

ملاك : وسم وعرج كون ان شاء الله يطكجن ونخلص

.. رحت لماما نور ومثل كل مره كاعده يم الشباك تباوع
دخلت اسولفلها عن كولشي كولشي بحاتي يصير اسولفلها بس هيه ما تنطي رده فعل وهذا اكثر شي ياذيني ويخليني اطلع من غرفتها يائسه

ملاك: ماما مربين حيايه بلقصر ما تدرين

..

ملاك : نوبه كل وحده شكبرها جنها عربيد

..ماكو جواب طلعت مثل كل مره ماكو جواب من عندها

..رحت لغرفتي اخذت شاور وارتاحيت ونمت شويه كعدت لكيت الوقت بلعشره هيج نزلت اشوف العشا لكيتهم مخلصين كولشي لكيت الحيايه ملتمات شو شلكنلهن سالفه يحشن بيها رحت للمطبخ

.. خاله اكو عشا
.. اي حبيبتي كعدي هسه اصبلج
.. اساعدج بشي
.. لا حبيبتي ماعندي شي حابه اسويلج شي تاكلينه معين

ملاك: الموجود

.. كعدت تسويلي كعدت اكلت وخلصت وتذكرت باوعتلها

ملاك : خاله ماما نور اكلت عشاها

.. لا والله يخاله ما تقبل راح تموتني شكد حاولت وياها
ملاك : انطينيا اني اصعده عشاها

.. اخذت عشاها وصعدته الها وكلعاده نفس المكان ماعرف شنو الي تنتظره

ملاك: يله يله جبتلج العشا يله عيني فتحيولي مجال

.. كعدت يمها واسويلها لفات باايدي بس ما تقبل تاكل وراسها ما حركته من الشباك

ملاك: شوفي هسه ضبع على جيه والله لو ما اكلتي بس يجي اكوله ويزعل عليج وتعرفين زعل ضبع شلونه

.. لا جواب

ملاك : راح تمو....

.. عيونها نفتحت بكل قوتهن كامت على حيلها تباول من الشباك رحت اباوع شكو لكيت ضبع واكف باب القصر وويا بنيه دفعتني ونزلت تركض...

___________

.. شسويت
.. بخوف وقلق
والله ما مسوي شي مو اني هذا ابوي اني معليه هوه الي كتلها
.. لك مطي كتل امك كدام عينك وماسويت شي

هاشم: مادري بي راح يكتلها عبالي بس يخوفها

ضبع: هاا عبالك يخوفها

.. بيا ايد لزمتها
هاشم : منو

ضبع: اختار وحده من هاي الالعاب وخل نلعب سوه يله حبيبي

.. جان محظر مجموعه من ادوات التعذيب وخالهن كدامه الخوف والقلق والارتعاش حتى كلمه مجان يكدر ينطق كدام الضبع

هاشم : الله عليك لا والله ما سويتلها شي

ضبع: يعني ما تختار لعبه يله لعد خوش نختار الاسهلنه اني وياك

.. كام لزمه ايده وبحركتين وبهدوء الغرفه صوت طكت عظم وصرخته .. كسرله اصبعين

ضبع: ولك لا تصيح مثل النسوان كوا..

.. طلع وتاركه بعد ما كسرله ايده وعظم من رجله وشوهله وجهه

اشتر: شسويت ضبع تدري لو يدرون بيك هيج تعاقب اله يفصلون راسك عن جسمك

ضبع: اني راح افصل راسك عن جسمك كولش هواي كاعد تخربط وياي

اشتر: خوش خوش هسه تعال سولفلي شراح تسوي

ضبع: مادري اشتر حاير

اشتر: ليش
ضبع: شدكول اخذها وياي
اشتر: ترا ماعدها مكان غيرك يعني وين توديها وهيه حلوه وتنوكل بساع
ضبع: وانتقامي؟؟
اشتر: طلعها من انتقامك هاهيه خلص عوف سالفه الانتقام بعد عاصم ولكيته وهسه راح يخيس بلسجن بعد شكو

ضبع: واحد بس واحد لزمت من الخمسه ذوله بس واحد

اشتر: والباقين سهلين صدك

ضبع : اذا اخذها هسه ياذوها بس اني وعدتها

اشتر: منو ياذيها وانت موجود اوكف شنو وعدتها وعدت منو

.. خله وطلع متوجه للمستشفى

دخل لغرفتها لكاها نايمه تقرب من يمها مرر اصابعه على ملامحها الهادئه تقرب اكثر وهوه يمعن بتفاصيلها كانما يريد يحفظ تفاصيلها وخر شعرها عن وجها وكعد مقابيلها ينتظرها تكعد

..............

كعدت لكيت واحد كاعد كدامي عيني مغوشه وتاذيني يمكن من البجي كمت على حيلي باوعت عدل عرفته

الن: شعندك جاي وكاعدلي مثل ملك الموت
ضبع: بس لو افهم شوكت تبطلين لسانج الرشاشه هذا راح يعم عليج
الن: شتريد من عندي
ضبع: سمعيني هلمره وفتحي اذاناتج زين

الن: امم

ضبع : عاصم يصير خالي

.. فتحت عيوني بصدمه ما مصدكه الي يصير

الن: عاصم عاصم ماصدك اصلا عاصم ماعنده اخوان وخوات

ضبع: لاعنده بس متبرين من عنده

الن: عزااا

ضبع: ماكو عندج غيري حاليا
الن: وليش انت تاخذني اذا همه متبرين من عاصم

كال با استهزاء وهو يعكس الكلمات..
ضبع: اللحم مايطلع من الظفر واني مجبور اخذ هيج وحده دلاله ويايه

الن: وين تاخذني يعني

ضبع: لبيت جدي

الن: حمدان

ضبع: مهيوب

الن: ليش مو حمدان

ضبع : لان حمدان شبع مي ورد

الن: هاا هيج يعني وزين شسوي اروح لمهيوب ومنو هذا

ضبع : يصير جدي ابو ابويه

الن: هاا هيج يعني زين بله ما رادوني وكلولك اخذ بنت خالك واطلع

... صاح بصوت يمكن المستشفى كوله سمعنه

ضبع: اششش ولا صوت كافي دخت دخت سطرتيني

.. خنست

ضبع: يله كومي وراي
الن: وين
.. باوعلي وخزرني يمكن متت بدمي بهلحظه مشيت ورا واني مثل الحبابه ماعرف وين ما خذني وماعرف اذا هوه يصدك لو كاعد يجذب عليه بس بهلحظه ماعرف ليش اعتبرته حبل نجاتي ..

ضبع: عندج اغراض معتزه بيهن ابيت عاصم
الن: اي عندي
ضبع: خوش لعد نروح نجيبهم
الن: تندل البيت ؟؟
.. غلس وواني سكتت يمكن صارت بيه خرعه من ورا ما صاح بيه

ضبع: انخرستي
الن : اي انخرس الله يخلي حظره جنابك سويتني خرسه
ضبع: اي صحيح خرسه وهذا اللسان شطوله
الن: ماريد لا تحجيني كوه
.. سكت وصلنه لفرعنه باوعت على مكان الي انقتلت بي ماما نيران احس كلبي راد يوكف ومدا اكدر اتنفس
احاول اخذ النفس بس ماكو كانما انقطع الاوكسجين عن الكره الارضيه وكف السياره ونزل فتح الباب الي صاير من جهتي ويحاول يهفيلي وماكو راح جاب مي من المقعد الي ورا وخلاني بحظنه وكعد يغسلي همزين الشارع جان فارغ ماكو ولا بشر وخاصتا وقت مغربيه الناس كوله تدخل للبيوت اخذت نفس شويه وانطاني مي اشربه ما احس اله تقيئت بحضنه يله ارتاحيت

ضبع: خ.. عليه وعلى الي جابج اليه والي جابني الج

..بعدني عنه ولعبانه نفسه بس اني احس براحه مو طبيعيه

ضبع: روحي شوفي شنو محتاجه وتعالي اخذي بس الشغلات الضروريه

.. هزيت براسي وتقدمت اريد افتح الباب مينفتح
الن: عيني سياده المدري شسمك هذا الباب مكاعد ينفتح

تقرب عليه وهوه يصيح

دفع الباب ما انفتح صعد على الباب وعبر فتحليا
دخلت واني اقلده
الن: على اساس اني اعرف اكمز على بيوت الناس لو مشتغله حراميه قبل

..ضربني على راسي خفيف

ضبع: دخلي بساع الج خمس دقايق اذا ما طلعتي ادخل اسحلج من شعرج

.. ما جاوبته دخلت لميت الشغلات الي احتاجهن وهوه دخل غسل نفسه

الن: يله كملت
ضبع: انتظريني بسياره

صعدت بلسياره وهوه بقى بلبيت دقايق وطلع صعد بلسياره وحار شيحط من عطورات ويبخ لنفسه

الن: كافي خنكتني خنك

.. غلس ومشت بينه السياره تقريبا كم ساعه ووصلنه منطقه كوله خضار وبسااتين

الن: الللله تجنن عادي افتح شباك السياره واشتم الهوا

.. فتحلي الشباك من يمه وكفخني الهوه البارد بريحه البساتين والورد جان شعور يجنن وكفت السياره كدام قصر قليل اذا اكول عنه قصر فهو شي من الخيال فتحو الحرس الباب وسلمو عليه دخل بلسياره اجت عيني على شباك كبير كدام القصر وكاعده يمه وحده من شافتنه دخلنه وكفت على حيلها وراحت

ضبع: يله نزلي
.. نزلنه كدام بوابه القصر ودخلنه اني والي مادري شسمه اول ما دخلنه جانن اكو ٣ كاعدات بس شافن ضبع وكفن على حيلهن ما نحس اله على تعثرات بلدرج واحد يركض نزلت شويه بينت مره متوسطه العمر باوعتلها وابتسمت بلحظه حسيت نفسي اشبها نزلت تركض واجت عليه حضنتني ....

.....................................

لهنا وخلصنا البارت
شكرا على تفاعلكم القصه وصلت الف مشاهده بكم ساعه

ان شاء الله حيكون التنزيل يومي

وهسه تعالو للاسئله

- تتوقعون نور عرفت هاي بنتها ؟؟
-ضبع يعرف ومخطط لهذا اليوم لو ميعرفها بنت عمه ؟؟
-منو ذوله الخمسه الي يريد ضبع ينتقم من عدهم
- شنو حتتقعون رده فعل الن من تعرف امها عايشه؟♥️♥️♥️

..