رواية سليله الانتقام الفصل الثالث وثلاثون 33 - بقلم taratel

__________________

.. ما جان اكو جواب بقيت اسئل الموجودين محد يعرف وين راح وكعت على الارض اصرخ والتمو عليه الناس اجو الامن وهمه يتسائلون رفعت عيني على ادم وحجيت بقهر

الـِن: ضبع اخذ ابني

.. فتح عينه بصدمه واندار يدور عليه

.. بقيت ابجي والناس ملتمه والامن اخذوا مواصفات شكله من ادم وبدوا يبحثون عنه

.. اخذتني وحده من الامن وكعدت مقابيلي وبقت تسئل اسئله عن شكله وشنو لابس رفعت عيني واني اشوفه بيد الامن وجاي يمشي وهو خايف ركضت عليه سريع واني احظنه خايفه افقده

.. رفعت راسي وحجيت بصوت

الـِن: وين جنت

.. جاوبني بخوف وكال

جود: العب

الـِن: ولك جود صارلي ساعه ادور عليك واصيح وماكو

.. نزلن دموعي مسحتهن واني ابوسه شويه واتقدم ادم عليه وشاله بحظنه ورجعنه للبيت

.. طول الطريق ساكتين ادم ما رجع يفتح الموضوع شويه وصلنه جان لازم جود باايده وفتح باب الشقه ندخل اخذت جود ابدله وانيمه بفراشه رفع عينه عليه وكال

جود: اسف ماما حبيبتي

.. اتقربت عليه واني اضحك حجيت

الـِن: ابني السبع

.. بقيت يمه لحد ما نام طلعت من الغرفه ولكيت ادم كلعد با الصاله توجهت عليه وكعدت مقابيله

ادم: نام
الـِن: اي

.. اندار عليه وكال

ادم: شنو قرارج

.. نزلت راسي وحجيت

الـِن: ما اكدر ادم
ادم: ليش

.. مسحت دموعي الي نزلن سريع وحجيت

الـِن: ما انسى ضبع احسه عايش بروحي ما يجي يوم اذا ما تذكرته

.. ابتسم وحجه بهدوء

ادم: شنو حبيتي بي وانتي ما شفتي من عنده شي زين

.. بقيت صافنه بوجهه ورجع كال

ادم: احجي

.. ثبتت عيني عليه واخذت نفس واني احجي

الـِن: محد شاف ضبع مثل ما شفته اني

ادم: شنو الي شفتي طعنه الج لو ضربه الج بنص الصحراء وشمرج هيج عنده روحج رخيصه حيل

.. مسحت دموعي وماحجيت كلامه صحيح

.. سكت ورجع اخذ نفس وحجه بكل هدوء

ادم: تدرين بضبع مسوي حادث وصاير عنده شلل

.. رفعت راسي عليه واني فاتحه عيني بصدمه

ادم: ضبع بينه وبين الموت شعره

.. بلعت ريكي خايفه واني استمعله ورجع كال

ادم: مو دائما تتسائلين ضبع ليش ما اجا يدور عليج شعجب هاي من عوايده حبيت احجيلج السبب

.. نزلت راسي وغمضت عيني قوي ابعد نظراتي عنه حاولت اسيطر على جسمي فتحت عيني واني اشوف ايدي ترجف حراره بجسمي حجيت بصعوبه

الـِن: شوكت

ادم: بيوم العرس طلع يدور عليج ومكلوبه بي السياره

.. حطيت ايدي على راسي اضغط عليه احس ماعندي قوه رفعت عيني واني اشوف ادم واكف على حيله مقابيلي وكال

ادم: راح ارجع للعراق اسبوع اذا تحبين تجين ويايه انتي وجود وتشوفي قبل لا يموت

.. هزيت براسي نافيه كلامه خايفه

.. ثبت عينه عليه ورجع كال

ادم: لا تخلين جود يعيش نفس مشاعرج حرام عليج لا تخلي يعيش المشاعر الي عشتيها وجان ابسط شي حلمج تصيحين بابا

الـِن: ما اكدر ادم

ادم: شنو ذنبه هو يصيح بابا لانسان مو ابو اذا كبر وعرف شنو راح يكون موقفه

الـِن: بس هو يعرف انت مو ابو

.. ثبت عينه عليه وصاح

ادم: افتهمي جود طفل تعرفين شنو طفل ما يستوعب اذا كلتيله هذا مو ابوك وهو فتح عينه واني يمه

.. رجع كال

ادم: فكري ورجعيلي خبر علمود نحجز

.. هزيت براسي وقبل لا يطلع اندار عليه وكال

ادم: الضبع محتاجج

.. كال اخر كلماته وطلع

.. حطيت ايدي على شفتي امنع شهكاتي خايفه جود يسمعني بقيت ابجي وماكدرت انام ضبع مثل السم بحياتي ما اكدر اتخلص من عنده ووين ما اروح يبقى ملاحقني

.. متمدده على السريع واني استرجع كل شي مريت بي ويا انتقامه ومكره و كلامه حتى لمساته اليه نظراته

.. غوشت عيني وبعد ما حسيت

.. حسيت على حركه يمي فتحت عيني واني اشوف هيئته وهو كاعد جان عباره عن ظلام وبس دخان الجكاره مبين رجف جسمي وحجيت بصوت ضعيف

الـِن: ضبع

..فتحت عيني قوي واني اشهك حطيت ايدي على صدري خايفه اجت عيني على الساعه جانت بـ6:30

.. كمت على حيلي اركض اكعد بجود وبدلتله على السريع واخذت جاكيتي وطلعنه

.. ضبع هو الحلم الي ميفارقني او مو حلم لا كابوس ست سنوات ونفس الحلم يتكرر كل يوم اكعد خايفه اشوفه شلون هسه اروحه برجليه

.. كاعدين با الغرفه ونتناقش على حاله مريض اندك الباب وهو يدخل اجت عيني عليه وكال

ادم: الـِن تعالي

.. اجت عيني عليه انداريت استاذن من الدكتور المشرف عليه سمحلي اطلع وطلعت اله جان واكف بس شافني اندار عليه وكال

ادم: شكلتي ترحين وياي

.. ثبتت عيني با الكاع وحجيت

الـِن: خايفه ادم شلون لو ضبع حرمني من ابني وانت تدري بي كلش زين يكدر يسويها اني ما صدكت اخلص من سجنه وهسه ارجعله

.. تقدم عليه اكثر وكال

ادم: اني موجود لا تخافين ضبع ما يكدر يسوي شي

.. خلا ايديه على اكتافي وكال

ادم: لازم جود يعرف ابو ولازم الضبع يعرف عنده ابن

.. ثبتت عيني عليه ونزلت دمعه جان بطرف عيني مسحتها على السريع ورجع كال

ادم: مره كلتيلي فضلك ما راح انسى وراح ارجعه بيوم من الايام وهسه اجا هذا اليوم اريدج ترجعين لضبع ويشوف ابنه

.. ثبتت عيني عليه خايفه وكال

ادم: ضبع اذا عرف عنده ابن ممكن تتحسن حالته

.. حجيت بخوف وقلق

الـِن: الي تريده سوي بس ما نتأخر اكثر من اسبوع

.. ابتسم وكال

ادم: راح اخذلج اجازه ونحجز

.. هزيت براسي بمعنى اي ورجعت للغرفه

.. خلص يوم متعب طلعت من المستشفى متوجهه للشقه اول مادخلت لكيت ادم وجود كاعدين ومثل العاده كالبين الدنيا با الصياح  من يلعبون دخلت واني احجي

الـِن: خير شكو

.. بس شافوني سكتو حجيت بصوت

الـِن: عدلو الصاله بساع

.. بدو يعزلون بيها واني كعدت اسويلهم عشا انداريت واني اشوف ادم واكف ورايه ومنزل راسه حجيت

الـِن: شنو ادم

ادم: باجر راح نروح حجزت

.. هزيت براسي وحجيت

الـِن: وينه هو

ادم: ابيته

.. ثبتت عيني عليه وحجيت مستغربه

الـِن: والقصر
ادم : تركه

.. حجيت واني منزله راسي

الـِن: ومرته

.. ثبت عينه عليه وهو يبستم كال

ادم: ضبع ما تزوج

.. رفعت راسي عليه واني فاتحه عيني بصدمه ماعرفت شنو احجي حسيت ايدي رجفت تقرب وعليه وكال

ادم: ما جنت اريد احجيلج بس يمكن اجا الوقت

.. بعد الكرسي وهو يكعد عليه واشرلي اكعد مقابيله

.. توجهت اكعد مقابيله واني خايفه رجع كال

ادم: المفروض مو اني الي احجي هذا الحجي من راح تلتقين بي راح يحجيلج

.. ضيقت عيني وحجيت

الـِن: شنو

.. ابتسم بعفويه وهو مثبت عينه عليه وكال

ادم: كل شي جان خطه

.. فتحت عيني بصدمه واني اضرب ايدي على الميز وكمت على حيلي وحجيت بصوت

الـِن: شنو خطه ادم شنو خطه ست سنوات وهسه جاي ادكلي خطه

.. اشرلي على الصاله باايده ورجع كال

ادم: اشش صوتج منا الطفل

.. رجعت واني اكعد على الكرسي واحس الارض تفتر بيه ضغطت على راسي واني مغمضه عيني قوي فتحتهن من سمعت صوته وهو يكول

ادم: سيلا جانت ممرضه رحمه

.. فتحت عيني خايفه وحجيت

الـِن: وشنو

ادم: الضبع يكملج الباقي

.. ضغطت على راسي قوي وحجيت

الـِن: ما اريد حتى ما اريد ارجع

.. نزل راسه وكال

ادم: احجيلج موقف

.. هزيت راسي وحجيت

الـِن: شنو

ادم: الي سوا ضبع با اهل القصر قليل يستاهلون الاكثر على الي سوو بي

.. حجيت مستغربه

الـِن: شنو

ادم: سمعي

............

.. واكف خلف الباب واني استمع لصرخاته شكد ما اكرهه وشكد ما حاقد عليه بسبب الغيره الي عاميه عيني بس منظره وهو مشكلين السلاسل بجسمه العاري ورابطيهن با السكف وهو طفل مايتجاوز عمره الـ١٤ سنه كسر گلبي كعدت خايف واني اباوع

.. نزلت عيني جوا الباب واني اشوفهم شلون ملتمين عليه ويضربون با السلسه الي تركت اثرها عليه وجان يصيح با اعلا صوته متألم

.. جان عمري ١١سنه بس شهدت على جريمه ضبع

.. تركو وهو مقيد با السلاسل وجسمه متروس اثار تعذيب وطلعوا توجهت اريد افتح الباب واساعده تراجعت واني اشوف رحمه داخله عليه

.. رجعت خايف واني اباعلها من جوا الباب وهيه تتقرب على ضبع وتتحرش بي نزعت ملابسها با الكامل وجان هو يصيح ويتوسل بيها تبتعد اتقربت عليه وجانت شايله سوط ومن يغمض عينه تضربه قوي على جسمه وتصيح

رحمه: افتح عينك ولك كو..

.. جان يصرخ متألم وهو يبجي يتوسل بيها تبتعد وهيه تضربه على جسمه اكثر تقربت عليه وهيه تتلمس با انحاء جسمه وتقرب بجسمها عليه

رحمه: ولا جنك طفل

.. حطيت ايدي على شفتي خايف من منظرهم وهيه تتقرب عليه وهو متألم فتحت عيني اكثر واني اشوف عمي احمد دخل

.. اتقرب على رحمه كدام عين الضبع واندار على ضبع وبدوا يمارسون رذيلتهم امامه تقربوا عليه ثنينهم وهمه يتحرشون بي وهو يصرخ ويتوسل بيهم ويصيح بصوته خايف

ضبع: لا عمي لا بروح ابوي عندك ابتعد

.. صرخاته وهو متألم وكلامهم الرديئ وفشارهم على رفدان

.. بهذا اليوم شهدت على اغتصاب طفل يتيم ما اله احد الكل كرهه الكل بعده عنه محد احتواه

.. طلعوا وتركو فاقد ومغمي عليه وجسمه عباره عن دم واثار تعذيب فتحت الباب خايف واني بيدي غطوه غطيت جسمه وقربت مي عليه وغسلت وجهه الي جان ضايع من ورا ضربهم

.. فتح عينه بطيئ وبس شافني حجه بصوت ضعيف خايف

ضبع: ادم اطلع منا لا يشوفوك

.. جان خايف عليه بيومها خايف امر بنفس الي مر بي عاندته وبقيت احاول افتح السلاسل الي مقيده ايديه بس جنت طفل ما اعرف وصوته وهو يتوسل بيه ابتعد خوفني اكثر وطلعت تارك الضبع بمفرده با الغرفه يواجهه واقعه الاليم

............................

.. مسحت دموعي واني ارجف مذهوله با الكلام الي سمعته رفعت عيني عليه وهو يكول

ادم: صدكي هذا لا شيئ من الي عاشه ضبع

.. حجيت بصعوبه واني بداخلي غصه

الـِن: ادم احجيلي

.. ابتسم وكال

ادم: احجيلج سر من اسرار القصر

.. ضيقت عيني وحجيت

الـِن: شنو

.. رجع ابتسم وكال

ادم: رفدان انقتل بتخطيط اهل القصر

.. حطيت ايدي على شفتي خايفه واني فاتحه عيني بصدمه حجيت بصعوبه وبتلكئ

الـِن: ليش مو على اساس عاصم كتله

.. هز راسه نافي كلامي

ادم: بيوم الي شرد بي رفدان وي ام الضبع وخططوا لقتله لان شافوها الفرصه المناسبه ومحد راح يطلب بثار رفدان بااعتباره قضيه شرف وراح تنسد

.. ماجانت رده فعلي فقط الاستماع واني مصدومه من كلامه رجع كال

ادم: السلاح الي انقتل بي رفدان نفسه الي انقتلت بي ام الضبع وهذا السلاح موجود عند مهيوب خفو علمود يطمطمون سالفتهم

.. اخذ كوب مي وشربه واني جانت عيني عليه حجيت

الـِن: كمل ادم شبيك

.. ابتسم ورجع كال

ادم: ام الضبع ماكتلوها اهلها اهل القصر همه كتلوها وعاصم خطفج من عدهم علمود ياخذ بثار اخته وينتقم من مهيوب

.. حطيت ايدي على شفتي وكلبي احسه وكف بلعت ريكي وحجيت بصعوبه

الـِن: منو كتلها

ادم: مهيوب

.. غمضت عيني قوي وگلبي ضل ياذيني كمت على حيلي واني اخذ كوب واترسه مي شربته دفعه وحده وايدي ترجف استندت على الميز وحسيت تقرب عليه يمسك ايدي يسندني وكال

ادم: لو ادري هيج يصير بيج ما حجيت

.. رفعت عيني وخزرته وحجيت بصوت

الـِن: ليش هسه ادم ليش حجيتلي بهذا الوقت

.. نزل راسه وكال

ادم: الجواب عند الضبع

.. بعدت ايدي عنه ورجعت واني ضاغطه على راسي حيل وكعدت على الكرسي وحجيت بصوت

الـِن: بعد شعندك احجي لا كلساع ومطلعيلي شغله احجولي مو راح اموت

.. اتقرب عليه وهو مثبت عينه عليه وكال

ادم: ما اعتبرتج بس اخت عزيزه ما اعتبرتج بس امانه ضبع عندي ومن حاجيتج جان اختبار الج

.. رفعت راسي عليه مستغربه من كلماته وحجيت

الـِن: امانه ضبع!!

.. هز براسه وهو يسحب الكرسي ويكعد مقابيلي

.. قبل ست سنوات طلعناج اني ونور من القصر بعلم ضبع وهو الي رادج تبتعدين خاف عليج من عدهم وجان هذا احسن حل اتكفل بكلشي يخصج دراستج حتى مصاريف ولادتج با المستشفى لاقل شي تحتاجي

..مثبته عيني عليه ودموعي تنزل احس حراره بگلبي ما اكدر انطق

ادم: تدرين شكال قبل لا اخذج

.. هزيت براسي انتظر جوابه

......

ضبع: ادم طلعها من القصر اليوم واوراقها ذني تكفلت بكلشي اخذهن وروحو ما اكدر احميها اليوم راح يخطون خطوتهم وخايف ياذوها

.. اخذت من عنده الفايل ورجع كال

ضبع: امانه عندك ادم

.. ثبتت عيني عليه وحجيت

ادم: امانه الضبع ما يوم تنخان

.. خلا ايده على كتفي وهو يضغط عليه وعيونه متروسه قلق وكال

ضبع: شكرا ادم

.. حضنته قوي وحجيت

ادم: اخوي ديربالك على نفسك

.. ابتعد عني واني عيني ورا خايف عليه

..............

.. اشرت با ايدي على الباب وصحت بصوت واني اعصابي ترجف

الـِن: اطلع برا ادم

.. كام عليه وهو يريد يحجي صحت بصوت اعلى

الـِن: ست سنوات سته وهذا الحجي ما اعرف بي سته واني معميه على عيني

..حسيت على جود واكف با الباب واجت عيني عليه جان خايف اول مره يشوفني بهاي الحاله جنت فاقده وبس اصرخ

.. اندار عليه وهو يصيح

ادم: لا تصيحين الطفل خاف

.. كعدت على الكرسي واني احاول اسيطر على نفسي تقرب عليه ادم وهو ياخذه بحظنه ويشيله بجيت بصوت عالي واني ايده على ركبتي احس نفسي مخنوكه كل هذا صار واني ما ادري بي ست سنوات وهو يحاول يحميني يعيني كلامه من كال

- هيه
- بس اني ما احبج

.. كلماته هاي الي ترن بااذني ومستحيل انساها
.. جان يحاول يطلعني من القصر

.. بجيت بصوت اقوا واني منهاره اتقرب جود عليه وهو يحضني قوي وهو يكول

جود: لا تبجين ماما حبابه

.. مسحت دموعي واني ابتسم بوجهه بس گلبي ياذيني اتقرب عليه ادم وهو يضغط على اكتافي وكال

ادم: خلينه نرجع

.. ابتعدت عنه بدون لا اجاوبه

.. دخلت للغرفه وقفلتها واني اتمدد على السرير ولامه نفسي بقيت ابجي لحد ما حسيت على عيوني غوشن وراسي ياذيني

.. فتحت عيني بطيئ واني اسمع دكه الباب كمت على حيلي فتحتها جان ادم

.. حجيت بصوت متشحرج من البجي

الـِن: شكو ادم

.. حضري نفسج انتي وجود بعد كم ساعه طيارتنه

الـِن: ما اروح

.. رجعت اسد الباب وحسيت على ايده وهو يرجع يفتحها بقوه حجه وهو راص على اسنانه وكال

ادم: راح انتظركم برا بساع لا تتاخرين

.. ضيقت عيني وحجيت

الـِن: جاوبني على سوالي اول

ادم: شنو
الـِن: ليش هسه بعد كل هاي السنين ليش هسه يله حجيت

.. نزل راسه ورجع كال

ادم: يجاوبج عليه هو

..سديت الباب قوي وبديت احظر الجنطه وملابسي وملابس جود طلعت من الغرفه متجهه لغرفه جود واجت عيني على ادم جان كاعد با الصاله عبرته ودخلت لغرفه جود جان نايم كعدته واني احجي

الـِن: يله ماما

.. رفع عينه وكال

جود: ماكو اليوم مدرسه عوفيني

.. تقربت على اذنه واني اهمس بحزن وهو نايم

الـِن: نروح نشوف بابا

.. فتح عينه سريع كانما عرف منو اقصد كام على حيله بكل نشاط صح جان يبين ما مهتم بس حسيت عليه فرحان اول مره جود يكوم من الفراش وما يتعبني وجان يبدل بسرعه وملامحه مكتئبه بس اني متاكده يتصنعهن صح جان صغير بس جود حيل ذكي وهذا من الصفات الي ورثها من ابو

.. ابتسمت واني اكرص خدوده وطلعت الجنط للصاله اخذت ايد جود وطلعنه

.. خطيت اول خطواتي خارج المطار اخذت نفس واني اتمعن با الاجواء المشتاقتلها فعلا اصعب شي الغربه

.. انداريت على ادم الي جان شايل جود بحضنه نايم واني باايدي الجنط جانت سياره منتظرتنه اشرلي اصعد وحط جود بحضني وصعد با المقدمه

..عيني على الشوارع الاشجار الناس المحلات كل شي متغير حيل مشتاقه بقيت اتمعن بيهن واني فكري بغير مكان ياترا شنو راح يكون لقائنه ؟؟

..انداريت على جود الي جان نايم بحضني واخذت ايده الناعمه واني امسد عليها اخذتها واني العب بشعره جان كيرلي خفيف و ناعم

.. مرت تقريبا ساعتين ودخلنه محافظه ثانيه اندار عليه ادم وهو يكول

ادم: لا تخافين

.. هزيت راسي بمعنى لا عكس داخلي

.. وصلنه يم بيت جبير نزل ادم واني كعدت جود كعد وهو يتململ

الـِن: يله وصلنه

.. ثبتت عينه عليه وهو خايف كال بحزن وبكل براءه

جود: خاف ميحبني

.. ابتسمت على كلماته واني العب بشعره قوي حجيت

الـِن: يموت عليك

.. اخذت ايده واني اندار على ادم هزيت راسي ودكينه الجرس شويه وطلعتلنه عامله فتحت الباب ودخلنه جان البيت فارغ خطيت اول خطوه اليه واني احس گلبي راح يوكف شلون يعني راح اشوفه؟؟

.. كعدنه با الصاله الي جان يتوسطها درج دائري وجود خاتل يمي ومبين عليه الخوف وادم كدامي مبتسم وهو مثبت عينه عليه

.. حجيت بصوت قلق وبصعوبه

الـِن: وينه لعد

.. ابتسم وكال

ادم: انسويله مفاجأه

.. فتحت عيني بصدمه وحجيت بتلكؤ

الـِن: يعني ميدري بينه جاين

.. هز براسه ورجعت حجيت

الـِن: زين نروح نشوفه بيا غرفه مو كلت مشلول وواصل الموت

.. ضحك وهو يوجهه نضراته للباب الي نفتح

.. كمت على حيلي واني اشوفه وهو داخل بزيه العسكري يتمشى وباايده السويج يفر بي وايده الثانيه مبايله

.. رفع عينه عليه ووكف بخطواته جانت عيونه تتجول علينه وخاصتا جود الي صار خلفي خايف

.. الضبع مثل ما عرفته ومثل ما تركته مثل جماله ووسامته ما متغير من عنده شي الا للاحسن كانما فراقي كان هين عليه وماغير بي شي

.. تقرب بخطواته وادم يصيح بصوت عالي فززني

ادم: ابن عمي

.. فتح ايديه وهو يسلم على ادم وعينه عليه

.. نزلت راسي خايفه من عنده

.. ابتعد وهو كاعد مقابيلنه مصدوم صاح بصوت يرجف

ضبع: نتالي مي

.. منزله راسي وجود لازم باايدي خايف

.. گلبي ما احس بي من كد مايدك سريع شكد تمنيت قربه بهاي اللحظه وكانما هو سمع لگلبي ونفذ الي يريده

.. رفعت راسي من حسيت عليه تقدم عليه وبحركه سريعه حضني قوووي وهو يشم بركبتي بعدني عنه شويه وهو لازم راسي باا اثنين ايدي يتمعن بملامحي تقرب عليه بشكل سريع وهو يطبع بوسات خفيفه على انحاء وجهي وراسي ورجع حضني قوووي وكال

ضبع: مو اكلج عرمه كدرتي على فراك رجلج ست سنوات

.. تقرب عليه وهو يبوسني خفيف على شفتي وابتعد عني على صوت ادم وهو يكول

ادم: يمعوودين الطفل

.. بعدته عني واني خجلانه حجيت بصوت ضعيف

الـِن: وخر ضبع

.. ابتعد عني وهو يباوع الجود الي جان خايف ووصافن علينه نزل على مستواى وحضنه حيل وبقى يبوس براسه شاله بحضنه وهو يشم بي نزلت دمعه من عنده ومسحها سريع

.. جانت صدمه با النسبه اليه اول مره اشوف ضبع بهاي الحاله ضبع يبجي

.. اخذ جود بحضنه ويبوس بي ويشمه ورفع وجهه عليه وكال

ضبع: ولك هاي منين بايك العيون

.. ضحك جود وكال

جود: من بابا ادم

.. رفع ضبع نضره على ادم وهمس

ضبع: كو..

.. حجيت بصوت واني راصه على اسناني واخزره

الـِن: الطفل كاعد انتقي كلماتك

.. حول عينه عليه وهو يثبتها
.. كمت على حيلي واني اخذ جود من حضنه واقرب عليه واشرتله على ضبع وحجيت

الـِن: تعرف هذا منو

.. هز براسه وهو يبتسم كال

جود: ضبع

.. ضحكت وحجيت

الـِن: جود هذا بابا الي عنده خيل واسمه العمُرد

.. ثبت عينه عليه كانما يستذكر ورجع ابتسم وهو يكول لضبع

جود: عندك خيل

.. ابتسم ضبع وهو يقرب جود عليه ويكول

ضبع: عندي
جود: اريد اشوفه

.. اشرله على عينه وكال

ضبع: بعيني

.. جانت عيني على ضبع وهو فرحان حيل اول مره اشوفه هيج كعد وهو مندمج ويسولف وي جود ويضحك بكل عفويه ابتعدت عنه واني اكعد مقابيلهم رفعت عيني على ادم الي جان مبتسم على منظرهم وحجيت

الـِن: شوكت نرجع ادم

.. راسا رفع نظره عليه وهو يخزرني كال

ضبع: وشكو راجعه

.. حجيت واني اتكتف

الـِن: والله اني اجيت على بالي الكاك مجطول على فراش الموت كلت خطيه خل يشوف ابنه قبل لا يودع

.. خزرني وهو يبتسم كال

ضبع: لا تخافين ما اموت قبل ما اكسر راسج

.. خزرته وحجيت

الـِن: شوف لا على بالك اني الـِن الطفله الي جنت تضحك عليها وتحبسها

ضبع: بعدين نحجي الـِن

.. خزرته ورجعت حجيت بصوت

الـِن: اسمع ضبع اني باقيه هنا اسبوع بس وراها ارجع هناك شغلي ودوامي وحياتي اسسته واذا تريد تعال شوف ابنك وارجع

ضبع: هذا بيتج وهنا حياتج

الـِن: الحياه الي يمك ما اريدها

.. سكت وهو ينزل عينه على جود الي جان صافن علينه حجه ادم وهو يكول

ادم: مو وكتها الـِن

.. درت وجهي عنه بدون لا اجاوبه

.. اجت العامله وهيه تقدم عصاير ومي وانطت لضبع الي قدمه لجود راسا صحت بصوت

الـِن: لا تنطي مو زين عليه
ضبع: هاي شبيج معقده الطفل

.. كال هيج لو نفجرت عليه جنت منتظره اي كلمه من عنده بس في سبيل افرغ غضبي غضب سنين قهر وحزن والم وكلشي عشته بدونه اخذت العصير واني اشمره بلكاع وهو يتكسر كام على حيله وكال

ضبع: شبيج

.. حجيت بصوت واني منهاره وابجي

الـِن: اي طبعا ما تدري با ابنك بي سكر وين تدري وانت عايفنه سنين وماسئلت ولا اجيت ولا شفته ما تدري شنو الي مريت بي كم مره تمرض واني افتر بي با المستشفى ما تدري كم مره سهرت عليه انتظر المغذي يخلص واني گلبي نار عليه وكم مره سئلني عليك وكال وينه جنت احير شنو اجاوبه اكله امك شردت من ضيمه ؟؟؟

.. اتقربت عليه واني ادفعه بي بصدره قوي وجان يرتد للخلف رجعت حجيت بقهر وبصوت متشحرج

الـِن: وين جنت من ولدته واني اصيح بااسمك محتاجتك يمي وين جنت من كال اول كلمه اله بابا وين جنت من خطى اول خطوه اله وين وين؟؟؟

.. حسيت نفسي نهاريت واني ادفع بي بكل قوتي واضرب بقبضه ايدي على صدري حسيت عليه وهو يلمني بحظنه قوي وهمس قريب اذني وكال

ضبع: جنت ميت

.. بعدت نفسي عنه واني اسمع صوت جود يبجي انداريت عليه  واني امسح دموعي حجيت

الـِن: شبيك ماما حبيبي

.. مسح دموعه وهو يحظني كال

جود: لا تضربي

.. حضنته قوي مدركه لخطأي حاضنته واحس بنبضات گلبه شكد سريعه

.. رفعت عيني على ادم جان واكف يشاهد ثبت عينه عليه وكال

ادم: تعال جود خل نطلع ذوله اهلك مخابيل

.. مسحت دموعي وبوسته بخدوده وراح لـ ادم يركض

.. اخذه من ايدي واتمشى يطلع اندار علينه وكال

ادم: وهسه اتلاطمو براحتكم

.. مد باايده لضبع وكال

ادم: انطيني السويج

.. انطاهيا وطلع

.. بقيت مقابيل ضبع الي جانت عينه عليه كمت على حيلي اتحرك وراهم لزم ايدي قوي يرجعني عليه ثبتت عيني عليه وحجيت بهدوء

الـِن: وخر عني ضبع اني صوجي رجعت

.. بدون سابق انذار وبعدني اتلفظ بكلماتي هجم على شفتي بكل قوه وهو يلتهمها حطيت ايدي على صدره ما كادره امنعه وكانما اني هم رايده هذا القرب اخذت ايدي واني اخليها خلف راسه وشادته عليه اكثر

.. يمكن جان هذا هو تعبيرنه عن الاشتياق بعدني عنه وهو يلهث خلا راسه على راسي وحجيت بصوت ضعيف ذابل

الـِن: ضبع لازم توضحلي وين جنت

..ضغط على خصري قوي وهو يقربني اله اكثر بقيت رافعه عيني عليه وهو يتقرب ويطبع بوسات خفيفه على ركبتي حجيت بصوت

الـِن: ضبع

.. قربني اله اكثر وبدا يترك اثاره على ركبتي حجيت بصوت متألمه

الـِن: ضبع شبيك كاعد تاذيني

.. ما جان مهتم لكلامي وهو يكمل فعلته واني ضايعه بين ايديه ابتعد عني وهو عينه على شفتي اتقرب عليه وهو يتلمس با اصابعه على شفتي بهدوء  وكال

ضبع: اذ اخذلي هسه جوله من جديد تفضحينه نخليها لبعدين

.. بعدته عني قوي وارتد للخلف يضحك انداريت واني اتوجهه للمرايا الي جانت موجوده بنهايه الصاله

.. اخذت ايدي واني اخليها على ركبتي جانت عباره عن  اثاره وشفتي مورمه

.. حسيت عليه وهو يتقرب ويحضني من الخلف ثبتت عيني على المرايا وحجيت

الـِن: ضبع تحجيلي اول افتهمت كل شي صار تحجيليا با الحرف

.. رجع وهو يطبع بوسه قويه على ركبتي وهو يهمس با اذني وكال

ضبع: خلصنه منهم الـِن

.. انداريت عليه خايفه واني مثبته عيني بعينه حجيت با استغراب

الـِن: منو

.. ضحك وكال

ضبع: احجيلج بس بشرط

الـِن: شنو

.. تقرب عليه وهو يتلمس بخصلات شعري وعينه على ركبتي

ضبع: انام بحضنج

.. دفعته قوي وحجيت

الـِن: ماكو تحلم بعد

.. ابتسم وكال

ضبع: شلون احداث تخبل

.. ضيقت عيني بفضول

الـِن: احجي شكو

.. جان مبتسم  بكل عفويه وهو مثبت عينه عليه وكال

ضبع: مثل ما كتلج

.. كرصته ابطنه وحجيت واني راصه على اسناني

الـِن: هسه تحجيلي افتهمت

.. ابتعد عني وهو يكعد با الصاله متجاهلني

.. اتقربت عليه واني اندسه با اصبعي قوي

الـِن: ضبع لا تنجلب عليه واحجي راح اموت منو منين خلصنه

.. رفع راسه عليه وكال

ضبع: ضمي ركبتج فضحتينه

.. حجيت بعصبيه

الـِن: ومنوو فضحنه غيرك

.. ضحك وكام على حيله هو يتقرب عليه نثر شعري وهو يخلي على الجوانب وكال

ضبع: ماينستر ولج هذا

.. ضيقت عيني وابتعدت عنه رجع كال

ضبع: هسه ما تجين اسولفلج

الـِن: شكوو

ضبع: احجيلج با الغرفه

.. صحت بصوت متنرفزه

الـِن: ولك ضبببع الجلب

.. ضحك وجانت ضحكته تجنن بكل عفويه رجع كال

ضبع: بكيفج بعد

.. اتقربت واني اخذ لفاف جود من الجنطه واني الفه على ركبتي حسينه على فتحه الباب عدلت نفسي دخل ادم وهو عينه عليه وجود دخل وهو فرحان وباايده علاكه حلويات قربها لضبع وكال

جود: تريد

ضبع: الك حبيبي

رفعت عيني على ادم وحجيت

الـِن: صدك تحجي ادم لعد احنه شحجينه مو زين عليه الحلويات

ادم: مو مشكله مره مرتين با الاسبوع

.. حطيت ايدي على راسي مأيسه من عدهم

.. اتقرب عليه جود وبحركه سريع اخذ اللفاف مالته من ركبتي  وكال

جود: ماما شبيج ليش ماخده اللفاف مالتي

.. خليت ايدي على ركبتي اخفي الاثار واني خجلانه وعيني على ضبع اخزر بي

.. اتقرب عليه جود وهو ياشر

جود: شنو هاي شبيج

.. ضيقت عيني مستحيه وحجيت بصوت ضعيف

الـِن: حساسيه حبيبي

.. رفعت عيني على ضبع الي جان يضحك بسكته وهمست

الـِن: حقير

..انداريت على كلام ادم وهو يكول

ادم: كلتلكم اتلاطموا بس مو هيج

.. استحيت اكثر وبقوا همه يضحكون اخذت ايد جود وتقربت لضبع حجيت

الـِن:اريد ابدل

.. اشرلي على وحده من الغرف اول ما دخلت عرفتها هاي لضبع من عطرها الي مستحيل يتغير بدلت لجود واني اخذت تراك نوم ستن لبسته وخليت شال على ركبتي وطلعنه جانو ادم وضبع يسولوفون بس دخلت سكتو !!

.. انقدم ضبع وهو ياخذ جود بحضنه وبقى يسولف ويا ويسئله وجود فرحان

..عيني عليهم حيل يتاشبهون بكلشي طريقه الكلام والضحكه والعيون

.. بقيت ساكته فتره واني عيني عليهم حيل تعبانه من الطريق كمت على حيلي تاركتهم خلفي متجهه للغرفه

.. تمددت على السرير واني مغمضه عيني واشتم عطره الي مالي المخده شميتها قوي واني اقربها عليه غمضت عيني مستسلمه للنوم مرتاحه

.. حسيت عليه وهو يتلمس بشعري فتحت عيني بطيئ وجان نايم مقابيلي بعدت ايده وحجيت

الـِن: وين جود

.. بقى يلعب بشعري على كيف وهو مثبت عينه عليه وكال

ضبع: يم ادم يلعبون بلي

.. رفعت نفسي اشوف الساعه جانت بـ١٢ رجعت نفسي على السرير واني مثبته عيني على السكف سمعته من كال

ضبع: احجيلج

.. انداريت عليه وهزيت راسي بمعنى اي وكال

ضبع: والشرط

الـِن: يبو عليه شو دتعال

.. حجيت كلماتي واني افتح ايدي بتململ

..ثبته عينه عليه وكال

ضبع: هيج؟

.. ضيقت عيني وحجيت

الـِن: لعد شلون

.. ابتسم بمكر وهو عينه على ملابسي

الـِن: اعرف فكرتك الخايسه خل اكوم احسن

.. ردت اكوم وسحبني من ايدي مرجعني للسرير وهو حاضني قوي وكال

ضبع: يله احجيلج

الـِن: يله اسمع فتيت گلبي

.. دخل ايده جوا ملابسي وهو يفتح دكم القميص حجيت مبتعده

الـِن: ضبع

.. خلا ايده على شفتي وهو يكول

ضبع: اشش 

.. ثبتت عيني عليه خايفه صار فوكي وهو يحرك ايديه على انحاء جسمي حسيت الحراره صعدت لراسي ودخت ثبتت عيني عليه وحجيت

الـِن: ضبع دخت وخر عني

.. بعد الشال عن ركبتي ورجع هو يهمس بكلماته بااذني وايديه تتجول على انحاء جسمي حسيته بدا يتجرأ اكثر ابتعدت عنه  ماكدرت

.. فتح ازرار القميص وهو يبعده واني عيني مثبتتها عليه

.. همس قريب اذني وهو يكول

ضبع: تسمحيلي

.. هزيت راسي خايفه بمعنى لا بس ما جان اكو فائده تقرب عليه بكل قوه وهو يفتح حماله الصدر ويبعدها رفع راسه عليه يترقب ملامحي جنت خايفه حيل رجع اتقربلي بكل هدوء وهو يطبع بوسات بمختلف انحاء جسمي 

.. نايمه بحضنه عاريه وهو لامني عليه بقوه ويهمس با اذني وكال

ضبع: احبج

.. ثبتت عيني عليه وحجيت بكل برود

الـِن: بس اني ما احبك

ضبع: جنت انتظر هذا اليوم من زمان اليوم الي ارجع المج بي لحضني

.. ضحك وهو يمرر ايديه تحت خصري فتحت عيني قوي واني ابعد ايده واكرصها حجيت بصوت

الـِن: ولك ضبع كافي لا تنجلب عليه

.. ضحك وهو يقربني عليه اكثر ويطبع بوسه خلف اذني ويشتم بشعري كال

ضبع: رحمه ماتت واسماء ماتت وبراء با السجن

.. نزلت عيني بحزن وحجيت

الـِن: ونور ماتت

ضبع: اكثر خبر حزني هو موت نور بس يمكن ارتاحت لان بعد موت رضوان حيل تعذبت

.. نزلت دمعه من عندي مسحها وتقرب وهو يبوس بعيني وكال

ضبع: اعوضج عن كل سنه عشتيها متألمه اعوضج عن كل سنه بس ارجعيلي وخل نصير عائله حلوه اني وانت وجود

.. تقرب على اذني وهو يهمس وايده على بطني وكال

ضبع: وبعد بنيه

.. بعدت ايده وحجيت

الـِن: وخر عني خنكتني شضخمك خل اتنفس

.. ضحك وجنت مثبته عيني علي وحجيت

الـِن: ضبع ليش ست سنوات

ضبع: ردت ابعدج عن انتقامي لان لو باقيه راح ااذيج اكثر ويأذوني بيج

.. مررت ايدي على عينه غمضها تقربت طبعت بوسه على خفيف وابتعدت عنه واني مثبته عيني عليه

.. فتح عينه بهدوء وهو يثبتها عليه كال

ضبع: ليش تتحارشين بيه

.. ضحكت خجلانه واني لامه نفسي بحضنه حجيت

الـِن: ضبع احجيلي

.. اخذ ايدي وهو يخليها على شعره وكال

ضبع: شنو
الـِن: سيلا

.. اتقرب عليه وهو يتلمس بملامحي كال

ضبع: وداعت عيونج الاحبهن ما متقرب لـ سيلا

.. كرصته على ايده وحجيت

الـِن: سمعتها بااذني ادكول خاف يعرف بيه مو حامل

.. ابتسم وكال

ضبع: خطيه على بالها تكدرلي

.. ضحكت عليه واني اخرمشه باايدي

الـِن: شلون

ضبع: تبدلي الدوا وتنطيني منومات وادويه تخليني افقد الوعي او الذاكره واني جنت مجاريها لان ردت اعرف مكان السلاح وهي الوحيده الي تعرف

الـِن: وينه

ضبع: رحمه قبل لا تموت دلتها عليه

الـِن: ضبع ليش تدور على السلاح

ضبع: احمد انسجن بتهمه ضعيفه وطلع عكس اسد الي نسجن اكثر من١٥ سنه

الـِن: كمل

ضبع: احمد هو الي كتل رفدان الـِن

ثبتت عيني عليه مركزه بكلامه وحجيت

الـِن: مو على اساس مهيوب
ضبع: با امر من مهيوب

.. ثبت عينه عليه ورجع وهو يكمل

ضبع: السلاح هذا لـ احمد هو الي كتل امي ورفدان لو كدرت احصله راح اصعد احمد اعدام

.. حطيت ايدي على اكتافه واني امشي اصابعي عليها وحجيت

الـِن: يعني ما ردت تكتلهم

.. هز راسه نافي وكال
ضبع: لا القانون ياخذ مجرى

.. ضحكت با استهزء وحجيت بصوت ناصي

الـِن: باع منو يحجي

.. كرص خدي وهو مبتسم ورجع كال

ضبع: ست سنوات كلفتني الـِن سته واني ادور وراهم طلعتج لان ادري احمد بدا يدور عليج انسان مريض وحقير ومنا سلمان الي شردتي وبقا يفتر عليه وسيلا ابد مو هينه خفت عليج وسويت الي لازم يصير من البدايه طلعتي علمود اامن حياتج 

الـِن: شنو الي يشفعلك عندي ضبع

.. اتقرب وهو يخلي ايديه على گلبي وكال

ضبع: گلبج

الـِن: ضبع ليش صرت هيج
ضبع: الشفته من عدهم مو هين
الـِن: شنو شفت
ضبع: لا تعرفين احسلج مو زين عليج

.. ضيقت عيني بقلق وحجيت

الـِن:شنو الي خله فكره الانتقام هاي براسك

.. ثبت عينه عليه وكال

ضبع: من عرفت احمد الي هو عمي كتل اخو باامر من جدي عرفت ذوله وحوش مايتأمنون واحد ينهش بلحم الثاني

الـِن: شنو الي خلاهم يوصلون لهاي المرحله

ضبع: الفلوس والحقد والتفرقه الي زرعها مهيوب بيهم

.. ابتسمت بمكر واني امرر ايدي على عضلات جسمه وحجيت

الـِن: هسه عرفت شنو فائدتهن

.. ابتسم وهو يجرني عليه قوي صحت متألمه

الـِن: ضبع شبيك خنكتني وخر

ضبع: لا تتحارشين بنيتي

.. ابتسمت واني اتذكر شي رفعت راسي عليه وحجيت سريع

الـِن: ضبع ملاك وين

.. دار وجهه وهو ايده على راسه ورجع ثبت عينه عليه حجيت

الـِن: احجي ضبع شصاير

ضبع: ملاك يم خوالها

.. عقجت حواجبي با استفهام وحجيت

الـِن : ليش مو تزوجت الاشتر

ضبع: تركها بيوم العرس

.. فتحت عيني بصدمه وحجيت

الـِن: ليش

.. بعد عينه عني وكال

ضبع:  اسكتي هسه باجر اجيبها وهيه تحجيلج

.. رفعه عينه عليه وكال

ضبع: لا تعوفيني بعد والله اعوضج

.. اخذ ايدي وهو يطبع بوسه عليها

.. بعدت نفسي عنه واني مستحيه

الـِن: غمض عينك اريد اكوم

.. ضحك ورجع كال

ضبع: عرمه منو جان بحضني هسه

.. ابتسمت ورجعت حجيت 

الـِن: ضبع وريم وين صارت

ضبع: عدهم اربع توأم

الـِن: هيه وشرار؟

ضبع: اي ولو تشوفيهم شكد حلوين

الـِن: منو هيه وشرار

ضبع: لا ايع ذوله شنو اقصد جهالهم

.. ضحكت عليه واني اكرصه با ايده وحجيت

الـِن: هسه يله غمض عينك

.. غمض عين والثانيه مفتوحه بعدت الغطوه واني امشي سريع للحمام سبحت وصحت عليه

الـِن: ضبع طلعلي ملابس من الجنطه

.. بقيت انتظره شويه وسمعت صوته وهو يكول

ضبع: اخذي

.. فتحت الباب قليل جان ماكو شي فتحت اكثر وحسيت عليه وهو يفتح الباب ويدخل فتحت عيني بصدمه قفل الباب وعلى ثغره ابتسامه مكر واتقرب عليه

.. كاعده با الصاله وضبع اخذ جود وطلعوا وبقيت ابحدي اتواصل وي الدكتور علمود حاله مريض حسيت على فتحته الباب كمت على حيلي اشوف منو

.. فتحت عيني بصدمه واني اشوفها ركضت عليها قوي واني احضنها متغيره حيل وضعفانه حجيت واني ابعد راسي عنها حجيت

الـِن: ولج ملاك

.. رفعت عينها الذبلانه عليه ورجعت احتضنتني وهيه تبجي مقهوره

.. جريتها للصاله وكعدتها وحجيت

الـِن: شكو ملاك شصاير

.. مسحت دموعها وكالت

ملاك: اني انتهيت الـِن تدمرت

.. فتحت عيني بصدمه واني اكعد مقابيلها وحجيت

الـِن: احجيلي شكو

ملاك: مو وكتها سولفيلي عنج

.. ثبتت عيني عليها وهيه ذبلانه حيل مو ملاك متغيره

.. حضنتها وبقيت ابجي وهيه هم رفعت راسي عليها واني اضغط على ايدها حجيت

الـِن: اشتر وين

.. ابتسمت بحزن وكالت

ملاك: با ارض الله الواسعه

.. ثبتت عيني عليها خايفه بعدني ما حجيت ودخل شرار كمت على حيلي سلمت عليه كبران وباايده ثنين بنات اتقربت عليهن ابوس بيهن يجنن يشبهن ريم حجيت

الـِن: ولك صفوري وين ريم

.. اندار على الباب وهيه تدخل وثنين ولد يمشون وراها وهيه تصرخ عليهم شكلها يضحك رفعت راسها عليه وتقربت عليها واني احضنها وحجيت

الـِن: ولج ريم شنو هذا الجرويق

.. ضحكت وهيه تتقرب علينه

ريم:الـِن شلونج

ابتسمت واني احضنها

.. كعدنه نسولف وشرار جان كاعد يمنه كال

شرار: ولج صفره صرتي دكتوره

.. ضحكت وحجيت

الـِن: يو شرار ولا تبطل سوالفك عيب صرت اب

.. ضحك وكال

شرار: ابنج وين

الـِن: طلع وي ادم وضبع

.. ضيق عيونه ورجع كال

شرار: شلون مأمنه ابنج باايدهم شلون ثنين هسه يشمرو با النهر ويرجعون

.. ضحكنه عليه واني اندار على ملاك الي جانت صافنه بغير عالم باوعتلها بقلق وحجيت

الـِن: شبيج ملاك

.. رفعت نظرها علينه وهيه تبتسم بحزن وجهال شرار بحضنها ملتمين وهيه حاضنتهم فرحانه بيهم

ملاك: مابيه شي

.. سكتت عنها ما اريد احرجها شويه وطلع شرار بقينه بس احنه انداريت عليها واني اصيح

الـِن: ولج ملاك احجي شكو وضعج ما عاجبني

ملاك: ماكو شي شبيج

.. ردت احجي وريم ضغطت على ايدي واشرتلي اسكت

.. تركتها وطلعت للمطبخ ااشر لريم واجت وراي سريع حجيت

الـِن: شكو ريم
ريم: لا تضغطين عليها
.. ثبتت عينها عليه وحجت
ريم: ملاك من يوم الي تركها الاشتر وهذا حالها تعبت حيل

الـِن: وليش تركها هذا الجلب

.. باعتلي بحيره وكالت

ريم: تذكرين الصور المفبركه

.. هزيت راسي بخوف

ريم: وصلن لشرار بيوم العرس

.. فتحت عيني بصدمه

الـِن: وشصار

ريم: وصور اشتر وهو نايم وي روان بنت عمها

.. شهكت واني حاطه ايدي على صدري مصدومه

.. همست بصوت وكالت

ريم: من الاخير الصور ثنينهن مفبركه

الـِن: الله ينقم من عدهم وشصار

ريم: سمعي

................

.. قدمتلها المبايل واني عيني عليها فرحانه بس بدت هاي الفرحه تتلاشى شوي من شفت تعابير وجها وايدها ترجف رفعت نظرها عليه وصاحت بصوت ضعيف

ملاك: ريم

.. تقربت عليها اكثر واني خايفه

ريم: شبيج ملاك

.. لزمت ايدها وقدمتلي المبايل اشوف رفعت نظري عليها خايفه ودموعها ينزلن

ريم: لا ملاك اوكفي هسه اخابر شرار ونشوف اكيد جذب مستحيل يمكن اتاخروا ولج والله الصور مبينه جذب لا تبجين عيب من العالم

.. ابتعدت عنها خطوه واني اخذ مبايلي انداريت اشوفها واكفه على حيلها وعينها عليه وراسا وكعت با الكاع التمينه عليها خايفين غسلتلها با المي ماكعدت

.. اخذت المبايل واتصلت على شرار واني خايفه اجاني صوته حجيت سريع

ريم: شرار عفيه الحم ملاك تخربطت

.. بقيت احاول اكعد بيها ماتكعد وجها جان شاحب حيل شويه دخلوا شرار وضبع واخذوها طلعت وراهم اشوفها صاح عليه شرار وهو يكول

شرار: ارجعي شعندج جايه

ريم: طمني عليها

.. هز براسه وطلع هو يلحك الضبع الي جان لامها بحضنه

.. رجعت واني اسمع همساتهم وكلامهم عليها نزلت دموعي ملاك ما تستاهل تقربت عليه اخته وكالت

رفل: ريم شصاير

ريم: ولج رفل دزولها صور اشتر نايم وي وحده

.. شهكت وخيه خايفه كالت

رفل: مستحيل اشتر ما يسويها يحب ملاك

.. نزلت راسي با اسى وحجيت

الـِن: ما اعرف

.. بقينه ننتظر والناس بدت تطلع بعد ما طلعنه عذر

.. اخذت مبايلي اتصل على شرار اجاني صوته وهو يكول

شرار: ها ريم

ريم: شلونها

شرار: مو زينه

.. حجيت بقهر

ريم: شرار شصاير اشتر ليش ما اجا

.. حسيت عليه يبتعد لمكان هادئ وكال

شرار: عوفيج من هذا الحجي هسه واحجيلي شلونج خو ما تعبانه

.. زفرت بتملل وصحت عليه

ريم: شرار احجي لا تشلع گلبي

..ضحك وهو يكول

شرار: من ارجع اسولفلج هسه ما اكدر

ريم: الله عليك شرار تعال اخذني يمها

شرار: ماكو

.. صحت عليه وحجيت

ريم: شوف شرار حجايتي وحده ما تصير ثنين هسه تجي تاخذني يمها منو الها هناك بله رادت شي احتاجت

شرار: يله حضري نفسج نص ساعه وجاي

.. ابتسمت با انتصار واني اغلق الخط

.. بقيت انتظره بعد ما طلعوا رفل وامها الي جانت متخربطه

.. كمت على حيلي واني اشوفه يدخل اشرلي اطلع ومشيت ورا

.. فتحت الباب وجان الضبع مقابيلها وهيه فاتحه عينها بذبول  تقربت عليها وحجيت

ريم: ملاك شلون صرتي

.. ماجاوبني بس غمضت عينها بكل هدوء ونزلت دمعه من عينها اتقرب عليها واني اشوف المغذي رفعت نظري على ضبع الي توجهه للخارج

.. يومين با المستشفى وملاك حالتها تسوء وما تقبل تاكل اي شي وعدها فقر دم حاد

.. كاعده مقابيلها وهيه نفس وضعها لامه نفسها بدون كلام يومين حرف ما نطقت والي خوفني اكثر ما بجت ولا نزلت من عدها دمعه

.. كمت على حيلي واني اسمع اصوات قريب الباب فزت وهيه عينها عليه كالت

ملاك: هذا صوت الاشتر

..اتوجهت للباب افتحه واجت عيني على شرار وهو يبعد اشتر عن الغرفه وهو يصيح

اشتر: شرار وخر اريد اشوفها

.. اندار على صوت ضبع وهو يصيح

ضبع: اشتر الدرب الجابك يرجعك

.. ما اهتمله واتقدمه يريد يدخل ركض ورا الضبع وهو يدفعه للخلف ارتد وعينه على ضبع وكال بصوت

اشتر: ضبع الله يخليك خليني اشوفها بس مره وحده

.. تقدم عليه ضبع وهو يضربه بوكسي على وجهه المستشفى التمت عليهم واشتر جان مستسلم لضربات ضبع ووجهه عباره عن دم

.. تقرب عليه شرار يريد يبعده محد كدرله وبقى يضرب با الاشتر الي جان مستسلم لضرباته ابتعد عنه وصاح بصوت

ضبع: لك كو.. يومين صارلها نايمه با المستشفى ما سئلت عنها

.. كام على كيفه وشرار يبعد بي بس بقى واكف ورجع كال

اشتر: بس مره وحده ضبع

.. خلا ايده على راسه واشر لشرار يطلعه

.. اخذه شرار قوي من ايده يبعده وهو عينه على الغرفه يباعلها بنظرات حزن

.. دخلت للغرفه واني اشوفها جانت لامه نفسها وكالت

ملاك: طلعوا

.. هزيت براسي بقهر وحجيت

ريم: اي اخذوا

.. بعدت راسها

.. بيومها طلعنها من المستشفى ووضعها كل يوم يسوء واشتر كل فتره يجي ويحاول يحجي وياها بس جان ضبع يطرده

.. عيني عليه وهو يلعب حديد

ريم: شرار شكاعد تسوي

شرار: ابيع طماطه

.. ضحكت عليه تقربت حجيت

ريم: اريد اجرب

.. اشرلي اجي يمه وجرني بحظنه قوي فتحت عيني بصدمه حاولت اتحرك بس جان لاف ايده على جسمي وايده الثانيه شايل بيها ثقل قدمليا واني اخذه من عنده حيل ثكيل قدم ايده وهو يشبكها على ايدي ويرفعه وياي همس قريب اذني وكال

شرار: خاف تطلعلج عضلات نوبه ما اكدرلج ابتعدي عني

.. ابتعدت عنه سريع وانداريت عليه بعد الثقل عنه وكام على حيله وهو يتقرب عليه وارجع بخطواتي اخذت نفس ورجعت اريد اطلع لزم ايدي ورجعني عليه قوي قربني وهو محاوط خصري وعينه عليه حجيت بتلكؤ

ريم: شرار وخر عني شتريد

.. رفع فكي با اصابعه وهو يوخر خصلات شعري وهمس با اذني

شرار: اريدج

.............................

..كاعده با الغرفه واني صافنه على الفراغ والاحداث تتكرر عليه ليش صعبه هيج انسى رفعت عيني على دخلت روان وكالت

ازل: ملاك ضبع ينتظرج برا

.. هزيت راسي با استغرب وحجيت

ملاك: شعنده

ازل: ما اعرف والله بس نزليله شوفي اني راح اطلع عندي خفاره اليوم

.. هزيت براسي وطلعت بدلت ونزلتله جان منتظر اول ماشفته تقربت عليه حضنته وباسني براسي وفتح باب الشياره اول مافتحها اجت عيني على طفل جان كاعد با الصدر رفعت عيني على ضبع مذهوله يشبهه؟!

ملاك: ضبع هذا الطفل المن

.. اشرله ضبع وهو يكول

ضبع: جود تعال سلم على خاله

.. فتحت عيني بصدمه وهو نزل يتقدم عليه مستحي حضنته واني خايفه حجيت

ملاك: ولك احجي منو امك

.. بقى صافن بوجهي ورقع عينه على ضبع الي جان مبتسم كمت على حيلي وحجيت

ملاك: ابن منو هذا ضبع

.. ابتسم وكال

ضبع: صعدي وبعدين نتفاهم

.. صعدت والطفل صعد ورا

.. انداريت عليه وحجيت

ملاك: احجي ضبع ابن منو

.. سكت وما جاوبني لحد ما وصلنه لبيته كال

ضبع: انزلي تشوفين امه

.. ضيقت عيني خايفه وحجيت

ملاك: احجي لا تفت گلبي

ضبع: الـِن

.. من الصدمه نزلت سريع حتى ما جاوبته بعد فتحت الباب وصار ادم كدامي

.. حضني سلمت عليه وهو طلع واني دخلت اول ما خطيت واجت عيني على الـِن تقربت عليه وهيه تحضني وتبجي جنت مثل الصخره ما احس عندي مشاعر با الرغم شكد جنت اتمنى اشوفها

.. تقربت عليه ريم والـِن وكعدن يسولفنه بس احس نفسي مو وياهم هاي اول مره اطلع لمكان بعد ست سنوات احس نفسي مااكدر اتواصل وي احد بس اطفال شرار با ايدي الاعبهم حجيت بهدوء

ملاك:لو تزوجت بذاك اليوم يمكن هسه عندي طفل ويكمل المجموعه

.. صفنن عليه وتقربت الـِن وهيه ادكول

الـِن: كل شي مقسوم

.. ابتسمت اخفي حزني

.. رفعت عيني واني اشوف ضبع داخل وبا ايده جود وفرحان ابتسمت على منظرهم شكد حلو حسيت ضبع متغير هواي كعد مقابيلي وهو يكول

ضبع: ملاك اسمعيني

.. هزيت راسي با استفهام

ضبع: الي صار تنسي والاشتر تمحي من عقلج مو اول وحده ولا اخر وحده ماعرفتج هيج ابد عشتي والي مريتي بي اتوقع اصعب فـ لا تنهين حياتج على شي بسيط مثل اشتر الف واحد يتمناج

.. نزلت دموعي مسحتهن واني منزله راسي ورجع كال

ضبع: خالج حاجاني ابن صديقه متقدملج

.. فتحت عيني بصدمه وهزيت راسي انفي كلامه

ضبع: كو.. ماقدر النعمه الي باايده

.. اخذ نفس ورجع كال

ضبع: فكري عدل

..اخذت نفس ورجعت حجيت

ملاك: ضبع الي تشوفه مناسب سوي

.. حجيت كلماتي ونزلن دموعي تقرب عليه وهو يبوسني براسي وكال

ضبع: اذا مبروك

.. ابتعد من عندي والن راحت ورا وبقت ريم يمي وهيه لازمه ايدي وكالت

ريم: الله يعوضج با الاحسن ملاك كافي بعد شوفي حياتج

.. تركتها ومشيت للمطبخ اجا كلام الـِن وهي تكول

الـِن: واشتر وين ضبع
ضبع: خلي يتادب ويعرف بنيتنه شنو مو على صور مفبركه مبينه جذب حتى الطفل يميزها مو انوبه اشتر ويروح يدور ظهره ويعوفها بليله عرسها

الـِن:هسه هو وين
ضبع: بنص الموت
الـِن: شلون
ضبع: اي شي خطر شامر روحه بي مطي
الـِن: هم حاجاك عليها بعد
ضبع: كل ما اشوفه يسئلني عنها واعلسه

الـِن: شكد حقير والله انت راس البله خل الناس ترجع تلتم هو يريدها وهيه تريده بعد عليمن

.. ابتعدت عنهم واني ارجف ما اريد اسمع اسمه نزلن دموعي مسحتهن واني اخذ مي با الكوب

..رفعت عيني على الـِن وهيه تتقدم عليه وحطت ايدها على اكتافي وكالت

الـِن: لا توافقين

.. اتقربت عليها واني حضنها حسيت نفسي انهاريت بحضنها واني ابجي

.. ربتت على اكتفي وابتعدت عنها وهيه تمسح ادموعي و كالت

الـِن: تهون

.. حسيت نفسي مختنكه مااكدر احجي ولا اكدر اجاوبها ولا اكدر اشرح عن الي بداخلي وهذا اصعب شي لان مستحيل احد راح يفهما

.. مرت ايام واني يم الـِن جنت منعزله عنهم وكلامي قليل بدينه نحظر للعقد وجانت ريم والـِن وياي وهنه الي اختارن البدلات ماجان الي نفس بشي الكل جان يلاحظ حاله الحزن الي اتدور حولي شكد ما احاول ابينلهم العكس وهذا اكثر شي جان يضوجني كل شي بسببه!!

.. كاعده على الكرسي واني استمع لكلام الشيخ وباايدي القران اطرافي يرتعشن غمضت عيني بخوف واحس گلبي يريد يوكف انداريت على الـِن الي جانت واكفه يمي وهيه لابسه فستان بنفسجي فاتح طالعه تجنن رفعت عيني عليها واني اشرلها تتقرب وهمست با اذنها

ملاك: الـِن مااريد خايفه گلبي ياذيني

.. باعتلي بنظرات قلق ورجعت كالت

الـِن: كافي صيري قويه واجهي مصيرج وعيشي حياتج

.. نزلت راسي واني ارجع استمعله وهو يكول

- هل تقبلين الزواج با محمد عبدالله ... اذا قبلتي قولي نعم وانت وكيلي

.. رجف گلبي ودموعي نزلن والكل عينهم عليه يترقبون عاد هاي الكلمات اكثر من مرا ندستني الـِن وحجيت

ملاك: نعم انت وكيلي

.. بدت الهلاهل تعلا كلها جانت فرحانه عكسي !! يمكن نطقت كلمات موتي باايدي

.. مسحت دموع عيني وكمت على حيلي من الكرسي واني اسمع صوته !!

.. وكفت مذهوله واصوات هوسه با الصاله بدت تعلا والفرحه اختفت اتقربن البنات للباب يستمعن يشوفون شنو هاي الاصوات بس اجاني صوته من بينهم وهو يكول

اشتر: شيخنه الله با الخير
-الله با الخير ابني

.. حجه بصوت وهو يكول

اشتر:الزواج باطل والمره بعدها على ذمتي والي يوصل يمها نسويها با الدم هذا سلاحي وهذا اني والي يريد يتقرب

.........................

لهنا وخلصنه البااارت💕💕💕

- كتبولي توقعاتكم للبارت الجاي

شنو رايكم با اخر مشهد ؟