رواية سليله الانتقام الفصل الثالث 3 - بقلم taratel

قد نلتقي
‏أَو لا نَعُودُ لِحُبنا
‏كُل النتائجِ
‏في النهايةِ واردةْ
‏أُولَى علاماتِ الرحيلِ قطِيعَةٌ ودلِيلُها
‏خُطُوَاتنا المُتباعدةْ
لِلكبرياءِ نتائجٌ مذمُومَةٌ
‏بينَ الأَحبةِ
‏لا تَعُودُ بفائِدةْ!
_______________________

رضوان: لك عاااصم

... رجلي ضلن يرجفن من الخوف باوعت لعاصم مرتبك مايعرف ينزل لو يكمل غطيت الن بلغطوه وضلت تبجي نزل عاصم من السياره واتجه لرضوان خليت الن يم هاشم ونزلت ورا ما اسمع بس صياحهم تقربت وتكاونو بيناتهم لحد ما الحرس فكوهم واسمع بس تهديدات رضوان

رضوان: ولك شنو اتفاقنه احنه مو ما نشوف جهركم بيت حمدان هنا وحق الحق يا عاصم لو اشوفك بعد اله موتك اتصير على ايدي

.. اباوع لعاصم وهوه ماكله الخوف والقلق

عاصم: الي يجرالك راح يصير اني طالع من الديره كلها

رضوان : يله لعد طكطك انعالاتك ولي منا ولا تخلينه نشوف ركعه وجهك

..رجع عاصم للسياره وهوه يغلط على رضوان على كيفه من كد ما يخاف من عنده حيل انقهر من اشوف الانسان الي المفروض يكون سندي هيج شخصيه ضعيفه بس بعد شنو الي اترجى من واحد مجرم حرامي تمنيت بهاي اللحظه اروح لرضوان واكله بنتك يمنه بنتك بسياره تعال واخذها صحيح شكد حبيتها وتعلقت بيها بس اتمنى بيوم من الايام ترجع لاهلها رجعت وانطلقت بينا لسياره لمكان اجهله وماكدر حتى اسئل عليه من وصلنه عرفت احنه بغداد وهنا بدينه حياه جديده وي الن

.........
الن: هاشم شنو تريد 
هاشم: اريد انام يمج اختي حبيبتي
الن: بس اني اضوج من تنام يمي وتلزمني
هاشم : اش اش لا ترفعين صوتج

..جرني ونيمني يمه ضربته على صدره وحاولت ابعد نفسي عنه

الن: وخر لو والله اصيح واكول لماما عليك

هاشم: ولج على شنو تصيحين قابل شمسويلج اختي واجيت انام يمج

الن: بس اني ماريد ما ارتاح من تسويلي

هاشم : معليج بس تعالي هسه اخليج ترتاحين بحضني
..
.. سحبني عليه ومثل كل يوم يكعد يتلمس بجسمي وبصدري ويلزكني عليه ماجنت اعرف جنت طفله ما يتعدى عمري ال٩ سنوات نمت واني ما مرتاحه  مثل كل يوم جانت امنيتي الوحيده انام واني مرتاحه

نيران: صباح الخير حبيبتي اليوم متاخره شعجب

الن: تاخرت بلنومه لبارحه
نيران: شنو الي خلاج تتاخرين

الن: ماما هاشم حيل كاعد يضوجني من

.. حتى ما سئلتني ليش ضوجج ؟؟ وشنو السبب كملت كلامها وكالت

نيران: يله لعد روحي غسلي الحوش قبل لا يجي ابوج

الن: لا ادكولين ابوج

نيران: انجبي ولج لسانج طالع شنو لا ادكولين ابوج

..تقربتلها واني الدمعه بعيني

الن: بس هوه ميقبل اكله بابا مااحبه

نيران: ميخالف ماما حبيبتي هوه بابا من يضوج من عندج يكلج هيج

الن : ليش لعد بس هاشم يخلي واني دائما يضربني لو ياذيني

نيران: لا بلعكس بابا يحبج بس هوه شويه عصبي ومن تسوين شغلات تضوجه ياذيج

.. بهاي الاثناء دخل علينه

عاصم: الن روحي جيبيلنه خبز
الن: ماروح حاره هسه مو هاشم موجود دزه هوه يروح

..اجا عليه يركض مثل الزيبك ولزمني من ركبتي وخنكني شالني باايدي بحيث ضليت ما اكدر اتنفس وركعني بلحايط احس ضهري اتكسر والدمووع ملت عيني اجت ماما نيران وضربها كف على راسها اجت عليه حضنتني

عاصم: لا والله واطلع ابني بهلحر علمود يجيب لحظره جنابج خبز ويسد حلكج انتي وامج كومي هسه لا ادميج هنا والله

نيران: كومي الِن جفينا شرة

.. كمت واني ابجي واشهك اخذت من عنده فلوس وطلعت بلحر اروح اجيبلهم خبز

...  وهيج جانت حياتي ابيت عاصم ذل وقهر وفكر تجي ايام مايزود اكل ياكلون همه وميبقولي مدرسه بلكوه يله خلاني اكمل كل ما اكبر سنه كل ما اكرهه اكثر واكثر ما جان بلنسبه اليه اب اما بلنسبه لهاشم زادت تحرشاته  ا وخلال هاي الفتره وعيت وعرفت ضليت اتجنبه وابتعد عنه اما امي نيران اكثر وحده جنت انقهر عليها اذا سويت شي عاصم يكتلني ويضربها هيه هم  الوحيده دوه لجروحي لحد ما اجا هذا اليوم الي  نجحت بي السادس ابتدائي وطلعت من الاوائل على مدرستنه وكولها جانت ادكول عليمن طالعه لا ابوج ولا امج يعرفون يقرون ويكتبون ليش هلكد ذكيه وبيومها اجا عاصم وهوه عباره عن بركان نار مينحجي ويا واول ما دخل من الباب لزمني وكتلني لان نجحت!! لان طلعت ناجحه من الاوائل

عاصم: لج بت الزمال اني يكلولي منيلك هاي مطالعه عليكم دراسه وماكو بعد

.. ضربني برجله على بطني واحس روحي شاغت من الوجع..  اخخ يلقهر الي عشته بهلسنين مستحيل احد عاشه من تنجح وتفرح بس علمود تفرح اهلك جنت اقرا واتعب بلرغم محد يهتم لدراستي بس علمود افرحهم شكد جنت انتظره يكلي عفيه بابا بارك الله بيج تمنيت هاي الكلمه  من شفت ابو صديقتي من نجحت وشلون فرح بيها

محد كدر يتقربلي وينتشلني من الوضع الي اني بي سندت نفسي على الحايط وكمت لازمه بطني من الوجع ورحت للغرفه ابجي مثل كل مره ابجي بحدي لليل اجا ودز عليه ماما نيران بس ماقبلت اطلعله

عاصم: صيحيلياها
نيران: عاصم كافي الله يخليك

.. صاح بصوت عالي خلاني ارجف واني ورا الباب لازمته رجليه يطكطكن من الخوف هسه اكيد يرجع ويضربني اجا تهجم على الباب واجا عليه وجرني من شعري

عاصم: من اكول حرف يتنفذ افتهمتي لو لا

الن: بشهكه اا اي اي
عاصم: باعي من باجر تطلعين تبيعين كلنس بلشارع اني مو بس كاعد واصرف عليج وصرتي بغله واحتياجاتج كثرت

.. جرني من شعري وكال
عاصم: افتهمتي

الن: اي اي

..هد شعري وطلع اجت نظراتي على ماما نيران الي جانت واكفه باب الغرفه وعيونها بيهن حيره وقلق ودمع اجت عليه وشبكتني حيل وبوستني

نيران: بنيتي حبيبتي اني اسفه لان مكاعد اكدر ادافعلج مو بيدي عاصم جلب وحقير ما ينكدرله بس والله لو بيدي من هاي اللحضه اخذج واشرد وماخليهم ياذوج

مسحت على شعري باايدها واني ابجي

نيران: راح انطيج شي اريدج تلبسي دائما وما تضيعيها

الن: شنو
.. كامت طلعت كلاده وبيها حلقتين من الكنتور وتقدمت لبستنياها

نيران: لبسيها ولا تضيعيها ابدا هاي هديه نجاحج حبيبتي

.. بوستها وحضنتها
الن: شكرا ماما
نيران: حبيبتي العفو وهسه يله كومي نامي لان باجر يجيج عاصم الصبح يجرج من شعفاتج

الن : ابتسمت بس اني خايفه شلون اذا تحرشوا بيه والشارع بي اشكال والوان

نيران: صيري سباعيه ولا تخلين احد يتقربلج انتي بنيتي لاتخلين احد يتقربلج لو يضحك عليج ويجرج لفد مكان صيري نبهه وذكيه

الن: حاضر ماما

.. طلعت ورحت قفلت الباب وراها علمود ميدخل هاشم  لزمت الكلاده باايدي واني حاضنتها ونمت ..ما عرف شنو الي منتظرني بعد هاي الليه وشلون حياتي راح تبدي تتغير

....

بديت اول واخذني عاصم لمكان بلشارع يمكن تقاطع جان اسمه وانطاني بكايتات كلنس وكال

عاصم: للمغرب اجي واخذج ذني كولهن تبيعيهن اذا اجيت ولكيت واحد ما بايعته تنامين بلشارع

راح وعافني وحدي بلشارع والدموع ملت عيوني ماعرف شسوي احس نفسيتي ماتتقبل اكلهم اشترو من عندي لو اروح لسياره والزك بيها مثل ما يسون الجهال  لشويه وتقرب من عندي ولد تقريبا بعمري

.. شعندج هنا
الن: ابيع كلنس
.. روحي غير مكان هذا مكانه
الن: ماعرف وين اروح مااندل اليوم اول يوم اليه
.. ها بعدج جديده على الشغله
الن: اي ماعرف عفيه تكدر تعلمني لان اذا ما بعتهن انام بلشارع اليوم
.. ليا عصابه تابعه انتي

باوعتله بصدمه
الن: شنو عصابه لا والله اني مو عصابه اني بابا جابني هنا
.. ليش تجذبين عادي كولي ليا عصابه لان هنا كلنة تابعين لشخص معين وهذا مكانه

الن: لا والله مكاعد اجذب بابا جابني وانطاني كلنس وكال بيعيهن

باوعلي وضيق عيونه

.. يعني تردين اصدك اكو اب يجيب بنته هيج مكان ؟؟

باوعتله بعيون حزينه
الن: اي ابويه
يمكن نقهر عليه هز ايده وراح بقيت كاعده على الرصيف مااعرف ابيع مثلهم

- كاعده بلرصيف منتظره احد يشتري من عندي واباوع على الاطفال الي يمي شلون يجلبون بلرايح والجاي بس في سبيل يمشون الي عدهم ويرجعون اله اني ماكدر احس صعبة اتوسل بااحد علمود يشتري من عندي
اباوعلهم والحيره اكلت كلبي

- اليوم اذا ما بعتهن راح انكتل وانام بلشارع
رفعت راسي للسما ياربي ساعدني تعبت نزلت راسي وحسيت بسياره ضخمه اجت عليه ورادت تدعمني راسا ابتعدت بخوف وضليت ابجي من شافني السايق الجان يسوق نزل عباله صار بيه شي مايدري من ورا الضيم الي منتظرني بلبيت مو لان ردت اموت لو ميته احسلي يمكن هذا الشي الي تمنيته من رفعت وجهي للسما وبس ماتحقق

- عمو شبيج خو ما صار بيج شي
-لا عمو اسفه ما انتبهت اعتذر من عندك

- بابا اهلج وين صدك يحجون مطلعيج بهذا الظهر لو عندي بنيه مثلج اضمها بگلبي وما اخليها تطلع للشارع

باوعتله وعيوني متروسه دمع
-عمو اهلي موجودين بس حالتنه مو شي واني الوحيده الهم واساعدهم

نزلت دمعه من عندي هاربه مسحت بساع باايدي وابتسمت بوجهه

باوعلي وكانما حس بيه نص على مستوايه

-انطيني الي عندج اني اشتريهن وانتي روحي للبيت لا تبقين هسه راح يصير المغرب

-لا عمو شكرا ماريدك تشفق عليه اذا تريد اخذ الي تحتاجه وروح
-لج بابا اني محتاجهن اوزعهن على المنطقه
..ابتسم

باوعتله بعدم تصديق
- شكد يصيرن
- عشرة

طلع من محفظته فلوس هواي حمرات وانطاني وحده منهن

-هسه يله روحي لبيتكم بابا ولا تبقين

دورت بجيبي ردت انطي الصرف بس مالكيت عندي شي

-شكاعد تسوين ؟؟
-انطيك الصرف
-لا بابا اخذيهن الج
-شكرا ماريد شفقه
- صدكي مو بدافع شفقه
- لعد ايش؟

ابتسم بوجهي
-تشبهين شخص عزيز على كلبي حيل عيونج الخضره وجرتهن لو لون بشرتج خدودج وابتسامتج عينا تشبهه ابتسامتها محبوبتي

- ضليت صافنه عليه مااعرف شنو اكول واني طفله شفت الدمعه بعينه وهوه يباوعلي

- لو بنتي عايشه جان كلت هاي بنيتي وضايعه هنا
- ليش وين بنتك
-ماتت
- الله يرحمها
- شكرا الج حبيبتي وهسه يله روحي للبيت ولا تبقين هنا
-تمام
مشيت خطوات تاركته بظهري بس اريد اخلص لان اكلني بنظراته خفت من عنده حيل بعدني ما بعدت من عنده وسمعته صاح التفت عليه نص التفاته

-شنوو اسمج
- إلـِن

وطكيتهااا بركضه ماعرف ليش بس اجاني شعور يخوف زين اذا خفت من عنده ليش كتله على اسمي رجعت للبيت اركض دخلت لكيت عاصم كاعد

عاصم: شبسرعه اجيتي حتى ما اخذتيلج نص ساعه معقوله بعتيهن كلهن

تلبكت بقلق واردفت

الن: اي اجا واحد جان محتاجهن واخذهن

عاصم: شو تعالي اشوف شكد انطاج

الن: طلعتله ال٢٥ وانطيتهن اله

عاصم: يا بت الكلب منين ذني واني كولهن الانطيتهن الج ما يطلعن خمسه وعشرين

الن: والله مادري هوه انطانياهن

دنك عليه وبخزره

عاصم: ولج خاف منطيته شي
الن: لا والله بابا كولشي ما سويت بس جان ماعندي صرف وكال اخذيهن

اردف براحه ورجع كعد

عاصم: ها خوش لعد اذا هيج يله روحي روحي بعد كل يوميه اطلعج والله وطلعت منج فائده

.. كال هيج لو احس فراشات بكلبي لاول مره يمدحني بشي حيل فرحت ورحت لماما واني اسولفلها كل الي صار ومن حجيتلها على الرجال اجت لزمتني وكالت

نيران: ولج الن احجيلي منو هذا وشكلج بعد

الن: والله ماعرفه ولا شايفته قبل وكلتلج الي حجاليا بلحرف الواحد

نيران: تذكرين شكله شلون جان اوصفيلي شكله

.. وصفتلها شكله وحظنتني بخوف!!

نيران: ردت افقدج ولو للحظه
الن: ماما شكو شبيج
نيران: ماكو شي حبيبتي بس خفت عليج عبالي حرامي ويخطفج
الن: لا ماما لا تخافين عليه بنتج سباعيه

.... مشت الايام وضليت كل يوميه اروح وابيع كلنس تعلمت هواي شغلات من الشارع اختلفت شخصيتي حيل مو الن الهادئه من كد ما عاشرت الولد صارت شخصيتي تقريبا نفسهم من ابيع من احجي كل شي جان بيه تغير خلال هاي الفتره رجعت للمدرسه بصعوبه بعد ما نيران توسلت بعاصم يرجعني ورجعت مستوايه نفسه من احسن للاحسن شغلي بقيت عليه كبرت وبرزت ملامحي وجسمي شكد ما احاول اخفي مااكدر انعرف اني بنيه مضايقاتهم تزيد اليه شكد ردت اكص شعري الي صار تقريبا بطولي بس ماما نيران ما تقبل ضليت البس كبع علمود ليبين لو ملابس مبهذله ووصخه واطلع ابيع بس كل هذا ما جان يشفعلي من تحرشاتهم وصلت سادس اعدادي علمي جانت امنيتي اطلع دكتوره حلم بلنسبه اليه واجت فتره الامتحانات الوزاريه وامتحنتها كل امتحان جنت اطلع من عنده احسب درجتي تطلعلي ١٠٠ حيل افرح واجتي العطله وهنا بدت المعاناه تزيد خاصتا وي هاشم الي ضل يفتر عليه ويتمادى ويايه

الن: هااشم كافي شتريد من عندي الله يخليك وخر انت اخويه ميصير هيج تسوي

هاشم: اريدج بعد مااتحمل ومنو كال انتي اختي
.. كالها وتقدم عليه وحصرني بلحايط وضل يتلمس بجسمي من فوك الملابس لزم صدري باايدي وايدي لازمهن باايده الثانيه ميخليني اتحرك

الن: ولك كواد مسربت وخر عني لا وحق الله هسه المها عليك
.. ما سمعني وحاول يبوسني بركبتي واطلقت صرخاتي الي لمت عاصم ونيران واجوي يركضون يشوفون شكو وهو راسا ابتعد من عندي وضربني بوكسي على وجهي

عاصم: لج بربوك شكوو
الن: هااشم يتحرش بيه

.. اجا عاصم وجرني من شعري وضل يضرب بيه ويصيح ونيران تحاول توخره بس ميوخر عني

عاصم: ياجلبه اكيد سويتي لابني شي اكيد غريتي والله اليوم ما اخليج بلبيت هوه انتي بت شوارع مكانج الشارع ياجلبه

.. ضل يضرب بيه بحيث ضليت ما احس بجسمي من الوجع لو القهر ياربي الي فد يوم اموت من القهر اكو اب هيج يعامل بنته

جرني من شعري وشمرني بلشارع وسد الباب الناس طلعت تباوع واني واكفه ابجي وادك بلباب قوي بلكت يفتحوو
الن: بابا حباب افتح الباب الله يخليك
الن: والله بعد ما احجي واسكت
والله بعد اطلع واشتغل واجيبلك فلوس
الله يخليك وين اروح ماعندي مكان
اني بنتك لا تسوي بيه هيج
ماما حبابه اطلعي فتحيلي الباب

.. كعدت بلباب ابجي وادك بي بلكت
يشفقون عليه ويدخلوني بس لا حياه لمن تنادي

الن: والله بعد ما اكول بابا بس افتحلي الباب
وين اروح ماعندي مكان اكو واحد يشمر بنتة با الشارع

.. ما اسمع بس اصوات ماما نيران
تصيح من الالم يمكن كتلها لو
ضربها ضليت ادك بلباب قوي

الن: لا تضربها ولك لاااتضرب لا تاذيها
والله رايحه رايحه بس لااا تضرربها الله يخليك
احس حيلي نهد والناس تباوع عليه وين اروح كمت اركض على السريع علمود يعوفها او علمود ما اسمع صوت صراخها وهيه تبجي

وصلت لنهايه الفرع وجانت اخر نظره شفت الباب نفتح وطلعت ماما نيران تركض وعاصم طلع وراها وبيده سلاح اجت تركض عليه وشبكتني

نيران: الن روحي روحي للشيخ مهيو...
..صار صوت قوي بااذني والدم تطشر بوجهي اخر نظراتها جانت بعيني جانت مركزه بعيني وكعت بلكاع والدم ملى المكان ماعرف شسوي بصدمه غوش كولشي عندي وكعدت يم ايدها
الشارع انترس دم وجهي عباره عن دمها

.. ولج يمممه لا تعوووفينييي

التموا العالم ولزمو عاصم جان اسوء يوم بحياتي شفت قطعه من روحي واكعه والدم ماليها  وسبب موتها اني ماعرف شسوي الدمعه ضلت ما تنزل من عيني حلكي احسه جف وصوتي يرجف الموقف الي مريت بي مستحيل راح اكدر انسى الناس وخروني او سحلوني من يمها وماحس بنفسي بس اصرخ وادك على راسي:-
ولج يمه لا تعووفيني الله يخليج لا تعووفيني

..جانن عيونها مفتحات ووالرصاصه
زارفه بلعومها زرف مااحس بعد غوشت عيوني وكعت ..

كعدت على صوت الممرضه وهيه تشكلي المغذي فتحت عيني وياريتني ما فاتحتها واجتني لحظه ادراك اني كعدت بس فاقده كولشي بحياتي فقدت بيتي واهلي وامي الي هيه اغلا شي كعدت اصرخ وابجي والممرضه لازمتني

الن: عوفيني الله يخليج عوفيني خل اروحلها ماكدر اتحمل بدونها شلون تروح وتعوفني منوو اليه اني
.. حبيبتي الله يرحمها هذا الي كاتبه النه رب العالمين نشوفه
الن: اشووف ابوي يكتل امي كدام عيني وبحضني هووه هذا الي مكتوب اليه ليش يارب

.. اجوي الممرضين والتمو عليه والناس تباوع صرت ادك على راسي احتاريت شسوي بيومها صار عندي انهيار عصبي ورجعو انطوني ابره مهدى ما حسيت على نفسي ونمت

..فتحت عيوني مادري شكد مر من الوقت كعدت واني مدركه لكل شي صار بحياتي ايدي ماكدر احركها عيوني مثبتتهن بلحايط الي كدامي عقلي فارغ ماعرف شنو الي راح اسوي دموعي احسهن جفن وصوتي متشحرج من كد ما صيحت شويه ودخل الممرضه

..شلونج حبيبتي
..هزيتلها براسي
.. اكو كم شخص يردون يحجون وياج تكدين تحجين وتقابليهم
الن: عادي
راحت صاحت عليهم دخل واحد لابس زي عسكري والنجوم وصكر مزينه اكتافه دخل وسئلني
..شلونج بابا
الن: الحمدالله زينه
.. عدنه كم سوال نريد نسئلهن الج جاهزه

هزيتله راسي ..

..باوع على الباب وصاح
..تعال ضبع ادخل ...

قبل ساعات..

كاعد بلمكتب ودخل عليه ضبع وايده متروسه دم اكيد جان بغرفه التحقيق

شرار: وين جنت
ضبع: العب
شرار: حلو وين لعبت هلمره

..اشرلي على جهه غرفه التحقيق كمت على حيلي

شرار: ضبع شسويت هلمره
ضبع: شبيك هنه كم كسر
شرار: دتعال عوفنه اجاني ملف وكلت لازم انت تشوفه اول واحد

ضبع : شنو

.. اخدت الملف وانطيتهيا بس فتحه عيونه صارن دم باوعلي

ضبع : عاشت ايدك شرار هذا الي جنت انتظره وهسه حول القضيه عليه واطلع منها

شرار: انجب والله مااطلع منها واعوفك ابحدك علمود خوش تلعب

.. خله وطلع صحت عليه ماجاوبني طلعت ورا لحكته فتح السياره وصعدت ويا باوعلي وصاح

ضبع: انزززل شرار
شرار: لك مطي شتريد تسوي
ضبع: معليك انزل لا وحق الحق هسه هنا ادوسك واروح
شرار: ما انزل لو تطلع نخله براسك يا غبي تريد تودينه بستين داهيه من ورا هاي عصبيتك

ضبع: لاتدخل كلتلك انزل
شرار: ما
ضبع : عوف سوالف الك..ت وانزززل
شرار :ما
ضبع : خوش لعد سهله
..حرك السياره وطار بيها من صدك جانت طايره حسيتها ما لزمت الكاع بعد وصلنه للمركز يمكن من كد ماسريع سوه الطريق خمس دقايق دخل وكولها قدمت التحيه العسكريه وفتحو الباب ودخل بلسياره راد ينزل لزمته

شرار: ضبع لا تضيع تعب سنينك على واحد كو.. ادخل حقق ويا وخيسه بلسجن وهاهيه

ضبع: لاتخاف اول وتالي يخيس بلسجن بس اول شي لازم ينعلس علسه محترمه

.. كالها ونزل من السياره دخلنه للمركز  وصلنه لمسول المركز وحجينه ويا علمود القضيه اول ما عرف ضبع راح يستلمها كيف يعني راح تخلص السالفه بساع بساع

.. تفضل سيدي ادخل للغرفه وراح نجيبه الك

.. كاعد بهيئته السوداويه ينتظر فريسته الي انتظرها عشرات السنين جان محظر نفسه لهذا اليوم وراح يواجه واخيرا دخلو عليه المجرم تقدم ناحيته ولزمه من اكتافه وجره للكرسي صار ورا ودنك بمستوا قريب اذنه وهمس بااذنه

ضبع: شلونك خالي

.. كام وهوه يرجف

عاصم: منو انت ؟ ضبع مو انت ضبع ابن نجلاء مو ولك اني خالك ساعدني طلعني منا

.. ازداد الخوف بداخلة بعد ما شاف نظرات الضبع المتروسة حقد
رجع تكلم بتلكؤ:- موو قصدي .. مو ..

ضربه بوكسي على خشمه خلا دمه يتطافر وكع بلكاع واستلمه بوكسيات على اماكن متفرقه بوجهه لحد ما انترس وجهه دم وتشوها معالم وجهه وي كل ضربه

.. مو قصدك من يتمتني
..موقصدك من كتلتهم بدم بارد
.. موقصدك من حركت
.. مو قصدك مو قصدك

وي كل كلمه جانت ضربه اقوا من قبلها لحد ما دخلو عليه الضباط والحرس وحاولو يطلعوا بس ما كدروله اذا كلنه ضخم البنيه فهذا الشي قليل بحقه هواي التم المركز كوله عليه ويحاولون يطلعونه ويوخرون عاصم من جون ايده وماكدروا لحد ما تعب هوه ذاتيا يله تركه مشوهه الوجه فاقد توقعو مات على ايده طلع وهوه يلهث صعد سيارته واتجه للمكان الي راح يكمل بي انتقامة بس من وين؟

ضبع: شرار اتصل على اشتر خلي يلحكني للمستشفى
شرار: شعندك بلمستشفى وهنا المركز انخبص خبص
ضبع: شغله اخلصها وارجع
شرار: لابروح ابيك لا عوف البنيه محد الها وخاصتا هسه هيه بيا وضع وشافت امها تنقتل بحضنها
..سد الاتصال وتوجه للمستفى
وصل للمستشفى وسئل عن مكانها وان هو يريد يحقق وياها وراواهم هويته سمحوله طبعا

اشتر: ضبع اوكف يمعود صدك تحجي صارلي ساعه اركض وراك من المركز للمستشفى ومن المستشفى للمركز نوبه اني كاعد تلعب نفسي شنو هاي المستشفى قذره

ضبع: اشتر اريدك تدخل جوه تطقسلي الاوضاع

اشتر :  راح ادخل ومن اصيحك تعال

دخل بدون لا يجاوبه وبعدين سمع صوته يسمحله بلدخول

.....

تعال ضبع
الن: دخل واحد نفس اللبس زي عسكريه ونفس الرتبه ربت على كتف صاحبه واردف

ضبع: اطلع برا انتظرني

.. هزله راسه وطلع بقيت بس اني ويا بلغرفه خفت من منظره عيونه جانت تخوف عباره عن قطعه حمره وزركه بس امتزاج غريب وحلو تقرب عليه وخله ايدي على السرير قريب راسي والايد الثانيه هم تقرب عليه وصار ما يفصلنه بس سانتيمترات حجيت بتلعثم وبخوف

الن: شتريد من عندي
ضبع:اريدج ...

_______________