رواية سليله الانتقام الفصل السادس عشر 16 - بقلم taratel

سئلوني كتالك منو..
ياخي ستحيت ودنكت..
كتلهم الله ليعلم..
عابني ماعندي گلب..
وعن لايعرفونك هلي..
رشيت ماي وي الدم..

________________________

الانتقام الاول...

-ميته

..كال هيج لو احس الدنيا اسودت بعيني لا مستحيل ملاك ماتمووت
ريم: لك شرار احجي شنو ميته ملاك ماتت لكيتوووها ميته؟؟

.. يحجي بصعوبه وكسره گلب
شرار: كتلت نفسها

..حسيت نفسي دخت لا ياربي اني سبب خطفها واني السبب بكلشي صار وياها لو ماطلعت ذاك اليوم ماصار بيها هيج نزلت دمعه مني صحيح اربع ايام عرفت بيها ملاك بس جانت شخص استثنائي بلنسبه اليه كدرت احجيلها عني واني انسانه انطوائيه ومااحجي عن حياتي فوك هذا حسيت بتئنيب الضمير لان طلعت وعفتها ابحدها لو اني طالعه بمكانها عاد اني ماعندي احد يحزن عليه ماعندي اهل اله هيه الله يعين گلبهم

.. شمرت المبايل واني ما مصدكه الي سمعته مستحيل ملاك ليش تقتل نفسها ياترا شنو الي شافته منهم ووصلها لهاي الحاله

.. بجيت واني افكر باهلها شحالهم هسه خطيه ما تستاهل كعدت افتر بلصاله مااعرف شسوي اريد اروح واشوفها مستحيل ليش تكتل نفسها ورا كم ساعه ونفتح الباب ودخل جان لابس اسود

..رحت تقربت عليه واني اصيح

ريم:ليييش مو كلت راح اروح وانقذها ليش واني الي جنت متامله ترجعها

..سكت ماجاوبني ونزل عينه باالارض بكل حزن

ريم: شرار مو كلت راح ترجعها وياك ليش ما اجت؟

.. ما جاوبني وكال

شرار: حضري نفسج ارجعج لبيت عمج

... الحزن الي بعينه ما ينوصف مو نفسه شرار ماعرفته

ريم: تمام ماعندي شي

.. طلع شويه ورجعلي
شرار: يله نروح

.. اخذني وطلعنه ماردت احجي بخصوص اهلي ماردت ازيد الطين بله وهو شحاله

.. طول الطريق هو ساكت واني هم ساكته ماعرف شحجي ويا الله يكون بعونه وصلنه لبيت عمي نزلت دكيت الباب وهو جان كاعد بلسياره طلعت مره عمي واول ما فتحت الباب حجت

-ها ولج شو رجعتي
ريم: الله يخليج عمه دخليني وبعدين نحجي
-ما ادخل كح.. لبيتي
وسدت الباب
.. باوعتله بنضرات وهزيت براسي بااسى راسا نزل وضل يدك بلباب قوي رجعت فتحته وهيه اتصيح من شافته انخلست
شرار: وين رجلج عندي حجايتين ويا
-انجلط من وراها
..كالت هيج وشهكت بخوف دفعتها ودخلت للبيت لكيته امدد بلكاع ضعفان وشحاله دشداشته وصخه ونايم على الارض حتى ما حاطاتله فراش تقربت يمه واني ابوس بي وابوس بيده عمي حيل ما قصر وياي

ريم: عمو اني اسفه ولله اسفه مو بيدي اخذوني والله

.. حجه كلامات بصعوبه وما مفهومه وهز براسه معنى لا شويه ودخلت مره عمي وهو تصيح

-شوفي اني هسه حاجيت الكو.. مالتج واتفقنه تبقين هنا خدامه لعمج لان بناتي دراسه واني تعبانه

.. هزيت براسي واني اسئلها
ريم: شرار راح
.. عافتني وطلعت

.. طلعت ورا مالحكت اودعه بعد مااشوفه ماقصر ويايه بهاي الفتره طلعت ولكيته ماهو دخلت واني اليئس مخيم عليه اخر فتره عشت احداث حيل صعبه بس هو جان واكف ويايه ماشفت الن ولا ضبع ولا تشكرتهم ولا شرار بس احس هذا مو لقائنه الاخير

دخلت جوه وبدلت لعمي بدشداشه نضيفه وفرشتله على الارض وكومته جان مايكدر يتحرك وجسمي ضعيف ماكدرت اشيله صحت وحده وياي من البنات ماقبلت تجي اباوع لنظرات عيونه وهو يشوف الخيبه بيهن شلون دللهن واخر شي
-مابيه حيل اكوم
ريم: حبابه شبيج بس شيلي وياي
-اي عود بعدين

..عفتها واتجهت عليه حاولت بصعوبه يله كدرت اشيله
وهيج مشت الايام ابيت عمي لحد ما اجا هذا اليوم وكعدت الصبح اتجهت اشوف عمي واكعده واسويله حليب

ريم: عمو يله اكعد اسويلك اكل وناكل اني وياك سوه

..حجيت اكثر من مرتين ما سمعني ولا كعد رحت ندسته ماكو حطيت ايدي على نبضات قلبه ماكو جسمه باارد ثلج وجهه اصفر خفت حيل ورجعت ليورا بصدمه

ريم: لا لا ياربي لااااا ماااعندي غييييره

..بجيت بصوت قوي دخلن مرته وبناته عرفن مات احس نفسي انهاريت ماعرفت شسوي انعادت عليه ذكريات اهلي

ريم: عمو محد الي غيرك حبااب اكعد ماعندي سند غيرررك

.. احس جسمي يرجف مااكدر اسيطر على نفسي ابتعدت واني مصدومه لا مستحيل ميعوفني يعني شنو بقيت ابحدي؟؟ يعني ماعندي احد بعد غوشت الدنيا بعيني مااحس بعد

..مادري شكد مر وقت كعدت على صوت الصياح الناس ملتمه كمت ادور عليه مالكيته
ريم: وووينه وينه

..كعدت الطم بنص النسوان خدودي ازلغت شعري اتكطع بيدي ماعرفت شسوي حسيت نفسي فقدت ماكاعد احس خمس سنوات عشت كاانسان ينتظر اهله يرجعون ما فد يوم فقدت الامل وكلت ماتو جان گلبي يوهمني همه ما ميتين بس هسه حسيتهم ماتو حسيت مابقالي احد بعد

.. مشت ايام الفاتحه وبدت الناس تخف
-ريم طلعي الجدوره الكبار غسليهن برا
ريم: عمه والله تعبت هستوني جنت اغسل اماعين حاجي علا تغسلهن
-ولج بت الكلب مو زين مني مكعدتج وموكلتج

..تقربت عليه وضربتي راجدي على وجهي حسيت الدمعه وكفت بعيني نزلت راسي وحجيت
- صار هسه كايمه بس لاتضربيني كدام الناس فشله

..كمت ورحت طلعتهن وضليت اجلف بيهن

وهيج خلصت حياتي بيت عمي بس خدمه واي شي اسوي اتعاقب عليه ماجنت عايشه متت بهاي الفتره لحد مااجا هذا اليوم وقررت مره عمي تبيع البيت

-ريم تعالي احاجيج
ريم: عمه الله يخليج
-سكتي كتلج
-اخذي ملابسج واطلعي من البيت
..لزمت ايدها وابوس بيها
ريم:الله يخليج عمه والله ماعندي احد وين اروح
..جرت ايدها مني قوي ولزمتني من شعري ودفعتني برا وسدت الباب
..ضليت ادك بلباب هما تفتحه شويه وفتحته شمرت ملابسي بعلاكه ضليت ادور ضامه المبايل بجيب البنطرون طلعته وايدي ترجف جنت اعرف نفسي اول وتالي راح اصفى بلشارع هذا الي ماعنده اهل ..

.. اتصلت على اول رقم اجا ابالي ماعندي غيره!

....................

الن: ضبع راح اساعدك باالانتقام
..صفن عليه شويه وكال
ضبع:عوفي هاي السالفه لا تدخلين بيها
الن:ليش مو كتلت نفسك انتقام وانتقام
ضبع:ما تكدريلهم ياذوج
..ضليت صافنه مااعرف شحاجي وطلع نزلت يم الحجيه وضلينه نسولف شويه
-شوكت تزوجتي انتِ وضبع
الن:قبل اسبوع
-اهلج يدرون
..هزيت براسي وهيه صفنت عليه وحسيت اكو بحلكها حجي
- تحبين ضبع؟

..باوعتلها مااعرف شجاوب وللحضه توقعت هذا السوال حقيقي اني احب ضبع ؟ ورجعت جاوبته
الن: اي طبعا احبه
..تقربت يمي وهمست
- ديري بالج من الضبع
الن:ليش كلها تحذرني منه
..ابتسمت ورجعت جاوبتني
- الحقيقه لا تخفى
الن: اني اشوف تعامله يختلف وياي عنكم
..باعتلي بنظرات خوف وحطت ايدها على اجتفاي وكالت كلمه هزت بدني
-ابتعدي لعد
..باوعتلها بنظرات خوف وقلق ليش كلها تحذرني من ضبع حجيت
الن: عفيه واحد منكم يفهمني ليش شبي ضبع ليش كلها ادكلي ابتعدي ..

..بعدني كاعد احجي ودخل علينه سكتت باوعلي وكال
ضبع: حضري نفسج راح نرجع للقصر
الن: ليش ؟
ضبع: اجا الوكت لنرجع بي

..هزيت براسي وكلت
الن:ماعندي شي حتلو نطلع
..ودع الحجيه واني هم الي جانت نظرات الخوف والرعب بعيونها قبل لا نخطو للباب صاحت على ضبع

-ضبع لا تسوي البراسك
..ابتسم واندار للحجيه
ضبع: لا تخافين كلها تاخذ جزائها
-الگلوب النقيه لا تاذيها
ضبع: يتحملون ذنب مو ذنبهم

.. حولت عيونها اليه وجانت نظراتها خوف وقلق
فتح الباب وطلعنه اني ويا صعدنه بلسياره متجهين للقصر ...

ضبع: ملاك ماتت
.. درت عيوني علي جان قالب ثلج عيوني غوشن من الدموع جسمي ضل يرجف حجيت بصوت
الن: ضبع تحجي صدك الله عليك تحجي صدك
.. هز براسه
الن: شو باوووعلي ضبع ملاك ماتتت وتحجيها بكل برود
ضبع:انتحرت

.. من كال هيج انهاريت عليها ملاك ما تستاهل الي صار بيها مو ذنبها كله بسبب نور انخطفت حسيتها مثل اختي  ماعرف شصار بيه اختنكت حيل النفس ضليت مااجره بعد
..شهكت اجر نفس
الن:ضبع ماكدر اتنفس

..راسا وقف السياره واجا من جهتي فتحلي اول دكمتين من القميص وهو يهفيلي
ضبع: شبيج شبيج

.. اجا غسلي بمي بس احس نفسي بصعوبه اتنفس موتت ملاك لو غموض ضبع سوت عندي صدمه منو ما فقدت بعد شنو من الاحداث الي ماصارت بيه بعد كدرت اعيد توازني بس دموعي جانت تجري روحي احسها محتركه ملاك ما تستاهل الي صار بيها

الن: ليش انتحرت
..حجه بكل برود
ضبع: اغتصبوها وانتحرت
الن: شلون كتلت نفسها
ضبع: بمسدس

..ضربت السياره قوي وصحت
الن: لعد للليش ما نقذتهاااا مو كلت راح انقذها ليش ضبع للليش
ضبع:مالحكت

.. الطريق كله ابجي وماكدر احجي وصلنه يم القصر ونزلنه لكينه القصر مكلوب ونور لاعبه لعب واسماء بحاله مرعبه باوعت لضبع ولكيته مبتسم ندسته

الن: شكو توزع ابتسامات شبيك وعود هاي ملاك اختك
..كال كلمته هاي وسكت
ضبع:يستاهلون

شويه ونور صاحت بصوت وهيه تتقرب من اسد وتضربه تخبلت عليه ورضوان يحاول يلزم بيها ويهدئها

نور:اسد يا كلب انت الخطفتهااا
اسد: اني معليه شكو تذبين تهمتج عليه لو مالكيتي احد تتخبلين عليه اجيتي عليه وحده مو بعقلها

..باوعت لرضوان وهيه تصيح
نور: ولك رضوان وللله همه الي كتلو ملاك همه

اسد: لا تذبين تهمتج عليه افتهمتي

.. اجت اسماء وهيه تدفع بـ نور

اسماء: احلف عليج انتي الي خطفتيهاااا ياحيوووانه الله ينتقم منج
نور: كاعد تحسين بحركه الگلب هااي اني  حسيت بيها اضعافها  حسي بيها واحتركي عساج بحرك نار جهنم

..نور فقدت ومحد كدر يسيطر عليها واسماء تبجي وجها انكلب كلاب صارت صفره

نور: خطفتي بتي الي انتظرتها ١١ سنه خطفتيها من حضني انتي وعاصم الجلب كعدت انتظرها يوم يوم جنت اموت على البطيئ وهسه رب العالمين اخذ منج بنتج الوحيده واني رجعتلي بنتي بس تدرين ملاك ما تستاهل الي صار بيها بسببج

..شكد حاولو يسيطرون عليها ماكدرو رضوان اخذ الابرا وضربها يله سكتت واسماء الي جانت منهاره والبقيه جانو بس يشاهدون ذره حزن ما جان مبين عليهم حسيت جانو ينتظرنن هذا الخبر الا جدهم مهيوب الي جان واكع وشايلي للمسشتفى

..باوعلي ضبع وكال
ضبع: صعدي للغرفه ولا تنزلين ابد الا لمن اجي
الن: ليش
ضبع: اخاف عليج
الن: اهوو
ضبع: لا تشربين ولا تاكلين ولا تاخذين اي شي من عدهم اي بشر بهذا القصر ابتعدي عنه واذا حاجاج لا تجاوبين افتهمتي

..هزيت راسي بمعنى اي

ضبع: عفيه بلبطله وهسه صعدي لحد مااجي

..صعدت للغرفه الي اول ما جابني الها لكيتها على نفس الحطيه اشتاقيت لملاك حيل حطيت راسي على السرير واني اتذكرها نزلت اخر دمعه من عندي مثل كل مره ونمت

..مادري شكد مر وقت بس كعدت على صوته وسمعته يحجي وهو يكول

.. شلون صارت
..ديربالك عليها

.. رفعت راسي وحاجيته
الن: منو

..اندار عليه مستغرب وهو يقفل المبايل
ضبع: شنو
الن: على منو يدير باله
ضبع: ليش تتنصتين عليه
الن: ما اتنصت بس اني اصلا كعدت على صوتك عالي

..ضيق عيونه وغلس اني هم غلست اجا كعد يمي على السرير
الن: دفنتو ملاك
..بعد عينه عني وجاوب
ضبع:امم
الن: ليش كتلت نفسها
ضبع: اغتصبوها وانتحرت
الن:الله ينتقم من عدهم
..سكت
الن: ليش رجعنه للقصر

..تقرب عليه وهو يكول
ابتسم ..
ضبع: اجينه نشاهد العروض المسرحيه
الن:شكو يا عروض
ضبع: شاهدي واسكتي

تقرب عليه حيل رجعت خطوه وهجم على شفتي حاولت ابعده ضربت بي ميوخر لحد ماحس اختنكت يله ابتعد وهو مقيدني باايدي رفع راسه وثبته عينه بعيني

الن: وحق الله فد واحد جلب تكك ماكو شو وخرررر عني
..جان ساكت بس يباوعلي
الن: يا ضبع وخر شبييك وخر لا تصير حقير
ضبع: ليش اضيع يمج
..حجه بصوت مستغرب
ضبع:هلاكي

.. ورجع اخذ شفتي بس هلمره شكد ما قاومت ماكدرتله ضبع حيل حيل ضخم وجان مقيدني باايدي من حس بدموعي تنزل يله عافني دفعته وكمت اركض للحمام حطيت ايدي على گلبي الي جان يدك بلثانيه الف

الن:دير بالك تضعف هم ياخذون انتقامهم واحنه ناخذ انتقامنه!!..

..ابتسمت ورحت غسلت شويه وطلعت لكيته ما موجود نزلت جوه ونفس الوضع وحده تهدد بلثانيه والباقي يشاهدون شويه ودخلو مهيوب على الكرسي وهو بااخر حلقه لايكدر يحجي ولا يحرك ايد صارت ب١ بليل وصعدت لكيت نور بغرفه ضبع رحت عليها لكيتها تدور على شي؟؟

الن: شتسوين
.. من شافتني ارتبكت واجت عليه حضنتني وتبجي
نور: ماما حبيبتي لا تعوفيني بعد
..بعدتها
الن: الله يخليج عوفيني وعوفي هاي السوالف مااتحملكم بعد
نور: ابتعدي عن ضبع ولله ضبع يقتل القتيل ويمشي بجنازته ...

..ضليت صافنه بوجهه مااعرفت شحجي تركتها وطلعت بس شنو جانت تسوي بغرفه ضبع رحت لغرفتي وشويه ودخل ضبع باوعلي وكال

ضبع: شجنتي تسوين بغرفتي
الن:مو اني هاي نور داخله لغرفتك ورحت لكيتها مادري شدور

..ابتسم
..تقربت عليه ورفعت اصبعي بتهديد

الن: شوف ضبع لا عبالك نسيت الي سويته والله اطلعه من عيونك

ضبع: صايره برعه مرتي
الن:لا ادكول مرتي ولا بطيخ
ضبع: مرتي
الن:اهووو لا حول اللله بابا شبيك شنو مرتي مرتي منين اجيت مرتك

.. ابتعد عني وهو يطلع مبايله وواحد يتصل راسا انطا رفض وباوعلي

الن: ضبع منو هاي

..عافني وطلع ضليت افتر شويه طلعت للبلكونه القصر مكلوب كلاب كلساع واجو ناس سديت باب البلكونه ودخلت نمت

.. نايمه واحس اكو حركه يمي انداريت وفتحت عيني نصدمت ضلمه وبس لمعه عيون ثابته عليه صحت بصوت مخترعه راسا فتح الضوه

الن: الللله يشيلك يا ضبع كول وكفت كلبي شجااك شبيك اليوم وياي

ضبع: بعبع مو

.. خليت ايدي على گلبي قدملي مي
ضبع: اشربي لا تموتين

.. قدملي المي ورجع نام يمي فتحت عيني بصدمه
الن: ضبع شبيك شبيك اليوم تفتر عليه

..اجا تقرب عليه وخلا راسه على رجلي واخذ ايدي خلاها على عيونه

..كفشته من شعري حيل وعاط بصوت

الن: وسم شكو شبيك ما عاتبه عليك وكتلك خلي راسك راس صخره بحضني

.. رجع جرني من شعري حيل عطت وكرصته
الن: مجلووووب

..تقرب عليه وصار مايفصلنه بس سانتيمرات اخذ خصله من شعري وقربها يشتم بيها ابتعدت عنه بقلق

الن: ضبع لا تسوي هيج اخاف

..ثبث عينه بعيني وكال
ضبع: ترحين وياي
الن: وين

..كام على حيله وجر ايدي يكومني
الن: هاي شبيك ضبع وين نروح بهلوكت
ضبع: مكان راح يعجبج
الن: الساعه ب٢ شبيك

..جر ايدي يكومني طلعت برا وملابسي خفيفه نزلنه بلمصعد وباوعتله

الن: ضبع راح اصعد اجيب سترتي
..لزم ايدي وجرني
ضبع:ما نلحك بعد

..نزع سترته وخلاها على اجتافي وطلعنه

..الطريق كله ساكتين مرت اكثر من ساعتين والطريق صار شطوله وصلنه مكان مثل الصحراء وكف السياره ونزل اجا على جهتي جرني من ايدي ونزلني رفع السلاح على راسي
.. رجعت بخطواتي ورا وهزيت براسي لا الخوف القلق زين ليش؟؟!

الن: ضبع لا
ضبع: عيونج عائق بلنسبه اليه
الن: اشلعهن بس لا تكتلني ضبع لا تخذلني واني اشوفك اماني ومئمني اني اجي شارده من الدنيا كلها واجي لگلبك لا تاذيني

.. كال كلماته الي خلتني بصدمه
ضبع : كاعد احس بمشاعر غريبه بگلبي ليش ما اكدر اتخلص منج ليش مو ردت انتقم منج ليش لكيت نفسي احميج ؟؟

..نزلت دموعي
من تلجئ لشخص الخطئ من تتاذه علمود انسان ما يستحق

..لزمت السلاح باايدي وقربته اكثر ثبتت عيني بعينه
الن: ماعندي احد غيرك تريد تكتلني اكتل

..غمضت عيني بخوف ودموعي تنزل احس گلبي ياذيني ونار شاعله بي

..غمضت عيني قوي خايفه وحجيت
الن: ليش بس هاي جاوبني عليها
ضبع: احرك گلبهم بيج ومو مشكله گلبي خل يحترك وياهم
..فتحت عيني الي ماليها الخوف
الن: لا تخوفني اكثر ضبع
ضبع: اجيتي متاخره حيل اجيتي بااخر خطوه اني بين خيارين يا اعوفج واخرب الي تعبت عليه سنين يا اكتلج واشمرج هنا ومحد يدري بيج واكمل الي بديت بي

.. غمضت عينها قوي وهيه تنتظره نزل السلاح وهو يمشي على كامل جسمها كانما يودع جسدها استقرت فوهه المسدس على خصرها  وهو مثبت عينه عليها جانت خايفه غالقتهن قوي ايدها ترجف شفتها ترجف من الخوف شنو شعورها ياترا وهيه جانت تشوف بي امانها الوحيد بس هسه شنو ؟؟ غلقت عينها قوي وصاحت بصوت بعد ماسمعت صوت طلقه ثارت وكعت بلكاع والدم ملى الارض نزلت منه دمعه وحيده وهو مثبت عينه عليها تركها ورجع للسياره تركها وهيه فاقده والدم ماليها...

...................

.. كاعده اباوع من البلكونه شفته طلع هو وياها كمت على حيلي وايدي على گلبي طلعت من الغرفه لكيت رضوان لزمته من ايده وصعدت ايدي لوجهه واني ابجي

نور: رضوان تصدكني
.. سكت ما جاوب
نور: ضبع راح يسوي خطته رضوان راح يكتل بنتي
رضوان: الله يخليج لا تخبلين بنفسج بلزايد ماكو واحد ما اتهمتي بقتلها وخطفها وهيه ماتت من هيه وصغيره اني شفتها بعيني
..صاح بصوت
رضوان: شفتها بعيني ماتت احتركت كافي توهمين بنفسج اترجاج نور كافي مشتاقلج اريد اميرتي ترجعلي اريد حبيبتي وروحي من الدنيا ترجعلي محبوبتي

..دفعت ايده قوي ونزلت لكيت ادم كاعد بلصاله هستوه راجع من السفر اتقدم يسلم عليه ابتسمت الشخص المناسب بلوقت المناسب

نور: ادم عفيه اريد منك شغله
ادم: كولي نور
نور: ضبع راح يزوج
ادم: منو
نور: الن
ادم : منين هاي
نور: ماريدك تخلي يزوجها

..صفن بوجهي وابتسم
ادم: وشنو احصل
نور: تحصلها
ادم: ليش اجيتي عليه امنع زواجه
نور: لان اعرفك المنافس الاول لضبع

..ابتسم وهو يكول
ادم: اعتبريها صارت بس عاد تسوه
نور: بنتي
ادم: هااا مبروك رجعت
نور: رجعها اليه ادم وشتريد انطيك
ادم : الوصيه
نور: تصيرلك بس رجعها اليه

.. هز راسه وهو يكول
ادم: وينها لعد خل نتعرف على مره الضبع
نور: مااعرف هسه طلعوا وكلبي يحسني ضبع راح يسويلها شي تدري بضبع ما يتامن
ادم: مادري شلون هاي بتج وثقت بي وراح تزوجه

.. ابتسم وكال
ادم: لحظه لحظه !! بنتج وضبع يريد يزوجها
.. ضحك ضحكته العاليه وهو يكول
ادم: خرب يومك شكد نغ... هسه يطلع طابخ الطبخه من زمان
نور: ماتوقع يعرفها لان عاصم جان مربيها

ادم: انتي من كل عقلللج تعوفيها ويا ولج نوور هذا يموتها وتدرين بي شكد حاقد على عاااصم

نور: محد يصدكني ادم محدد يصدكني راح اموووت من القهر
..حجه بااستغراب وهو يكول
ادم: هسه وين اخذها
نور: مادري

.. جر سويج السياره وطلع وهو بركان ماعرف وين راح ضليت احوس وانتظره شويه ولكيت ضبع  راجع ابحده؟؟

نور: ضبع الن وين

.. ما جاوبني ودخل رفعت اصبعي بتهديد

نور: وحق الله ضبع لو صار عليها شي احرك القصر بلي بي

..اندار عليه وتقرب وحجه
ضبع: جنتِ السبب بموت ملاك
..باوعتله بخوف ورجعت خطوه ليورا وجاوبته بصوت يرجف
نور: والله ما كتلتها همه كتلوها
ضبع: ومنو الخطف
نور: همه والله همه

..ابتسم

..صفنت بوجهه واتوسعت عيوني بصدمه
نور: ضببع انت كتلت ملاك ضبع انت الطير الطاير تعرف وين طار مو ملاك اسبوعين وهيه ماكو بعدين كلتو ماتت

..ماجاوبني واندار يطلع صحت عليه

نور: ضبع ليش صرت هيج
ضبع:بعد ماشايفين شي
نور: وهيه شنو ذنبها
ضبع: ذنبها انولدت ابيت عاصم

..صحت بصوت
نور: تعرف كلش زين هييه مو بت عاصم
..ابتسم وماجاوبني تقربت يمه وحجيت
نور: ضبع الله يخليك جاوبني الن وين
.. عافني وطلع بقيت ابجي المن اروح واشكي محد يصدكني ماعندي غير انتظر ادم بقيت انتظر للصبح اول ما رجع طلعتله للباب

نور: ادم وين الن

.. هز براسه وكال
ادم: نور ضبع سواها للمره الثانيه

.. فتحت عيني من الصدمه احس ماكدر اوكف وكعت بلكاع وادك عليها قوي
نور: ليش تاخذيها مني للمره الثانيه

.. فقدت مااحس بنفسي طلعو على صوتي ومن ضمنهم ضبع رحت تهجمت عليه واني اصيح وادم يجر بيه

نور: ولك ليش ياا كلب ليش هيج سويت بيها ضبع ليش كتللللتها ليش ..

.. حجيت بحركه گلب ودموعي مااحس بيها
نور: ليش كتلتها وهيه جانت تعوف الدنيا وتلتجئ الك ليش ضبع شنو ذنبها

..ابتعد عني وراح لـ ادم وخنكه من ركبته وحجه بصوت مرعب
ضبع: احجيييي وينها

..هز ايده بااستنكار وهو يكول
ادم: مادري

..حسيت فقدت اخر ذره بعقلي بعد رحت اتهجمت عليه واضربه جان حيل ضخم حتى ماارتد ليورا جان منزل عينه الي جانت عباره عن قطعه حمره وصافن بلفراغ اجا رضوان واسد وادم حاولو يهدوني ويوخروني عنه
حجيت بقهر

نور: شكد حاولت ابعدها عنك خفت عليها منك خفت تاذيها ولك ضبع جانت تخاف مني وتروح تحتمي بيك ليش هيج سويت بيها

..رفع عينه عليه
نور: راح تاخذ انتقامك وراح تاخذ ارواح بريئه وراح تبقى ابحدك خسرت اخر حبل نجاه الك ضبع

..لزمني رضوان وهو يدخلني للقصر تحت نظراتهم الغريبه همه يعرفون الحجي الي حجيته مو عادي ومتاكده يعرفون ضبع سواها وكتل الن صعدني رضوان فوك بلغرفه وباوعلي بنظرات خذلان وطلع وسد الباب

.. بقيت ابجي شويه ودخل ادم
تقرب عليه وهو يكول
ادم: حالتها مو مستقره

..تقربت عليه ملهوفه الكلمه ما تطلع مني لزمت ايده وحجيت

نور: عايشه

..هز براسه بمعنى اي

..تقربت عليه ولزمت ايده
نور: وين لكيتها احجي شلونها عايشه
ادم:

................
..طلعت من القصر روحي شايطه ضبع اكثر شخص مكار واحتيالي بلدنيا كرهته واني صغير جان مدلل جدي ولحد ما كبر

.. توجهت لنفس المكان جنت متاكد راح الكاها هناك  اول ما تقربت حسيت على شي ضخم  بلكاع راسا وكفت السياره ونزلت اشوف جانت عباره عن قطعه دم سابحه بدمها نزلت يمها اقيس النبض ضعيف شلتها واتجهت بيها لاقرب مستشفى اول مادخلتها كالو ميته بصدمات الكهربائيه وبصعوبه رجع گلبها يشتغل دخلناها لغرفه العمليات ٨ ساعات نسويلها عمليه ولحد الان ما صحت وضعها مو زين الرصاصه مخترقه احشائها
...................

نور: الله ينتقم من عنده
ادم: ليش كتلها
نور:ينتقم
ادم: ينتقم منها ليش شمسويه
نور: يحرك گلبي
ادم:لا مو هذا السبب تذكرين من كتلها
نور: امم اتذكر
ادم : ضبع انسان مريض

..نزلت عيوني
نور: ادم اخذني اشوفها
ادم:ماريد ضبع يعرف بيها وين لو عايشه
نور: الله يخليك ادم اخذني الها
ادم: اذا اخذتج راح يعرف
نور: الله عليك ادم نطلع بليل
ادم: اخلص دوامي بلمستشفى واجي عليج نروح ب٢ بليل ماريد نفر بقصر مهيوب يعرف

.. ردت اطلع صاح عليه انداريت

ادم: نور
نور: ها
ادم: جني عشگتها
..ابتسمت وجاوبته
نور: شكو شي للضبع تعشگه بس نصيحه لا تلعب ويا ولاتتقرب لممتلكاته وتذكر شصار قبل كم سنه لا تعيدها ادم
..هز براسه وطلعت

..بقيت انتظر لليل على نار انتظرتهم كلهم ينامون بس ضبع جان ماكو شويه واندك الباب ودخل
ادم: يله نروح
نور: ماعندي شي انتظرك

.. اخذني ونزلنه اباوع وراي بخوف اخاف احد يشوفنه
طلعنه واخذني للمستشفى اول ما وصلت يمها مو هيه نايمه والصوندات بحلكها وجها اصفر

ادم: لا تنقربين عليها مو زين

.. وكفت بمكاني اباوعلها ودموعي تنزل
نور: حسبي الله ونعم الوكيل عليك يا ضبع

ادم: خايفين تدخل بغيبوبه

..انصدمت وباوعتله
نور: ادم سوي كلشي تكدر عليه ماريد افقد بنتي للمره الثانيه وشنو الي تريده يصير

..جان مثبت عينه عليها وهيه نايمه بلسرير وكال
ادم: اريدها نور اكثر شي اريده حاليا هيه
..باوعتلها بحزن وحجيت
نور: محد منكم يريدها لا انت ولا ضبع كل واحد يدور مصلحته

..تقربت عليها ولزمت ايدها طبعت بوسه خفيفه عليها
وهمست بااذنها
نور: بس ارجعيلي اخذج ونطلع من قصر مهيوب ونعيش اني وياج بس

..انداريت على صوته وهو يكول
ادم: يله نروح قبل لا احد يحس

...اخذني وطلعنه جانت عيوني عليها انتظرها تكعد بس ماكعدت اول مادخلنه لكينه ضبع كاعد بلصاله وعيونه حمر جان ينتظر شي بس شنو! تركنا وصعدنه صاح بصوت

ضبع: ماكو شي ينضم على الضبع ولك ادم

..ضحك ضحكته وصعد تارك ضبع خلفه

..مرت الايام والاشهر والن ماكعدت وضعها استقر بس دخلت بغيبوبه اروحلها ساعه بليل علمود محد يحس ضبع اختفى وما شفنا بعد وخلال هاي الفتره اسماء انجلطت ومحد بحالها ..

..جنت كاعده بلغرفه مثل كل مره انفتح الباب ودخل
ادم: نور الن نخطفت

..شهكت بصدمه وفتحت عيوني بوسعهن
نور: منووو اخذها ولك ادم
ادم: ماعرف اختفت من المستشفى ماكو غير ضبع
نور: ضبع الي شمرها بلصحراء تتوقع يرجع عليها

..هز براسه بمعنى اي وطلع تركني منهاره ماعرف شسوي ليش كاعد افقدها ليش مكاعد اكدر الم بنتي ليش مااكدر ارجعها لحضني هيج اني ضعيفه ..

..................

بمكان ما..

تقرب عليها وهو يتلمس خصلات شعرها نزل بمستواها وهمس بااذنها

..الضبع يدور عليج بس هلمره لو با الحلم مايلكاج..

____________________

هلاو بنات شلونكم ادري مقصره بس والله جنت مسافره وماكدرت اكتب وملتهيه وخاصتا هاي الاحداث يرادلها تركيز ♥️ شكرا للناس الحلوه الي قدرت الموقف والراسلتني تسئل عليه مااحسكم مجرد متابعين لقصه اكتبها احسكم صديقاتي 🥺💗 مشتااقتلجن هواي ومشتاقه لتعليقاتكم الحلوه

وهسه يله اكتبولي توقعاتكم ♥️؟؟