رواية سليله الانتقام الفصل الخامس وثلاثون 35 - بقلم taratel

.. فتحت عيني بصدمه واطرافي يرتعشن باايدي المبايل واني اسمع صوت ضبع وهو يحجي بقيت افتر بلبيت ماجان اكو احد حتى هنه ما موجودات؟؟

.. احس مااكدر اوكف على رجلي بعد نزلن دموعي وگلبي ياذيني مااكدر اسيطر على نفسي وكعت على الارض واني احس جسمي اتشنج وجسدي يرعش على الارض واني قابضه ايدي قوي

..بقيت على هاي الحاله مده لحد ما حسيت عليها بدت تخف ورخيت قبضه ايدي واني دموعي تنزل غوشت عيني واني اخر شي جان ابالي هو

.. راح اعيش مشاعر نور!!

.. فتحت عيني بطيئ واني اشوف ادم كدامي وريم لازمه ايدي حجيت بصعوبه وحزن

الـِن: وين جود ريم

.. بعدت عينها عني وهيه ترفعها على ادم

.. غمضت عيني قوي ونزلت دموعي حجيت بصوت ضعيف ما احس عندي طاقه

الـِن: شصار

.. اتقربت عليه وهيه تضغط على ايدي وكالت بقلق

ريم: الـِن صار عندج صرع

.. ماجنت مهتمه لكلامها اهم شي عندي اعرف ابني وين رفعت عيني على ادم وحجيت

الـِن: جود وين

.. ثبت عينه عليه وكال وهو يتقرب

ادم: لا تخافين نلكا

الـِن: همه خطفو مو

.. بعد عينه عني بقلق

... بجيت بشهكه وضعف

الـِن: اني سمعتهم با اذني يخططون يردون يخطفوا

.. سكتت ورجعت حجيت بتعب

الـِن: بس ضبع ما صدكني!!

.. بعد عينه عني وطلع

.. كمت على حيلي واني اشلع الكانونه من ايدي وبقت تطفر دم حاولت اكوم على رجلي ما كدرت وريم لازمتني ما تقبل اطلع

.. بعدتها قوي عني وارتدت للخلف حسيت نفسي انهاريت كمت على حيلي وصار عندي صداع قوب براسي حسيت راح ترجع عليه النوبه رفعت عيني على ريم تلي تقربت عليه تسندني وكعت على السديه واني انفض بجسدي

.. ثبتتني ريم على السديه ودخلو الممرضين يحاولون يثبتوني

.. منظر جسمها الناعم وهو يختض على السديه والممرضين حولها وهيه تصرخ بصوت مكتوم ماكو اصعب من هذا المرض تحس روحك تقاوم تريد تطلع

.. بقيت فتره على هذا الوضع لحد ما حسيت بده جسمي  يرخه عدللولي الكانونه ورجعوا ضربوني ابره جانت عيني على ريم خايفه حجيت بصوت واني ابجي بتعب

الـِن: ريم ابني وين

.. ما جانت تجاوبني غوشت عيني مستسلمه للواقع المُر

..حسيت على لمساته وعطره الي مالي المكان حاولت افتح عيني ما اكدر اريد احجي ما احس الصوت يطلع من عندي افتح عيوني بصعوبه ويرجعن ينغلقن النفس انكطع عني اريد احجي واسئله اريد اشكيله منه عليه بس ماكدرت جنت اصارع نفسي !!

.. طبع بوسه خفيفه على راسي وطلع

.. فتحت عيني متألمه وجانت الغرفه فارغه رجعت غلقت عيني ما اريد اكعد نزلت دمعه من عيني واني اتذكره فتحت عيني واني اشوفه يدخل وكال

ادم: شلون صرتي

.. حجيت بصوت متشحرج وبصعوبه

الـِن: ادم ابني وين

.. ما جاوبني

.. رفعت نفسي واني مثبته عيني عليه حجيت

الـِن: الله يخليك ادم لا تعبني احجي ابني وين

.. ثبت عينه عليه وكال بقهر

ادم: مادري وين بس يمكن اخذنه وياهن لان ما موجودات

.. رجعت راسي على السرير ونزلت دمعه حاره جانت بطرف عيني بس مو بحراره گلبي حجيت بقهر واني مثلته عيني على الفراغ

الـِن: ما عرفتو وين اخذنه

ادم: شاكين بيهن يم ادم

.. حجيت بصوت متعب

الـِن: الضبع وين

.. اتقرب عليه وهو يحجي بصوت قلق

ادم: الـِن ضبع جانت عنده خطه ثانيه بس هلمره سبقوا بيها

.. فتحت عيني وحجيت

الـِن: لو صار على ابني شي هو السبب

.. ما جاوب رجعت حجيه

الـِن: لو ما راجعين ما جان اخذو من عندي

ادم: صيري قويه علمود ابنج وان شاء الله نلكا وين يرحون قابل

.. هزيت راسي بحيره  وحجيت

الـِن: شوكت نطلع

ادم: شوكت تردين

.. بعدت راسي على الجهه الثانيه وحجيت

الـِن: وجودي هنا ما راح يغير شي على الاقل اطلع اشوف ابني

.. هز براسه وطلع بقيت مثبته عيني على الفراغ واني استرجع كل الاحداث الي صارتلي كل شي صار بسبب انتقامه دمرني ودمر نفسه وابنه راح ضحيه!!

.. غمضت عيني بطيئ واني روحي متألمه ما اعرف شنو الي اسوي واني ماعندي طاقه حطيت ايدي على صدري احس النفس خانكني حسيت على ادم وهو يفتح الباب ودخل كال

ادم: يله نطلع

.. هزيتله براسي واتقدم عليه كمت على حيلي وطلعنه خارج المستشفى صعدني بلسياره وراح شويه ورجع باايده علاكه ادويه قدمها اليه وجانت علاجات صرع ومهدئات رفعت عيني عليه وحجيت

الـِن: شنو السبب

ادم: شنو

الـِن: الصرع شنو سببه

.. سكت شوي ورجع جاوبني وهو عينه على الطريق

ادم: نفسي

.. حطيت ايدي على عيني اخفي دموعي الي ما وكفت وحجيت بصوت متعب

الـِن: ضبع دمرني ادم كل شي صار بحياتي هو سببه

ادم: حقج بكل شي تحجينه بس هو هم حقه الي سوو بي مو قليل

.. بعدت عيني عنه واني مثبتتها على الطريق وحجيت

الـِن: وين حنروح

ادم: ضبع وصاني اخذج لبيت شرار

.. سكتت ما جاوبته بس وصلنه جانت سياره شرار واكفه با الكراج نزلت واني احس روحي ضايعه تعبت اول ما دخلنه فتح الباب جان شرار وريم كاعدين تقدمت عليه وهيه تحضني حضنتها قوي وبقيت ابجي ابتعدت عنها واني اتوجهه لشرار متاكده يعرفون بس ما يحجولي

... تقربت عليه كام على حيله وكال

شرار: الحمدالله على سلامتج

.. حجيت بذبول ما عندي طاقه مُهلكه

الـِن: شرار احجي ابني وين

.. نزل عينه بدون لا يجاوب

.. ضربت على رجليه قوي واني اصرخ وابجي

الـِن: ولكم رااااح اتخبل احجووو ابنيي وين

.. تقربت عليه واني اباوعله بنظرات توسل حجيت بصوت هادئ وعيني على ملامحه

الـِن: مات؟؟

.. رفع عينه عليه وهو يكول

شرار: ما ميت بس ما نعرف وين اسد خافيهم

.. ضربت على راسي قوي اتقربوا عليه يحاولون يمنعوني صاحت ريم

ريم: ولج كافي لا تاذين نفسج

.. بقيت حاضنتها وابجي ما اعرف شنو اسوي مكتفه الايدي وابني بعيد عني ما اعرف عايش لو ميت

.. كعدتني با الصاله وهيه تقدملي المي اخذته باايدي الي ترجف واني اشربه سمعت شرار وهو يكول

شرار: ذنبج بركبتي من قدمت الفايل لضبع

.. ضيقت عيني بعدم فهم وحجيت بصوت مبحوح وبصعوبه تطلع مني الكلمات

الـِن: ضبعع الكو...... وووينه

.. رفعوا عينهم عليه مصدومين ورجعت حجي واني رافعه اصبعي بتهديد

الـِن: والله لو ما رجعلي ابني خلال هذني اليومين اذبحه

.. محد جان يجاوبني تقربت عليه ريم وهيه تاخذ ايدي وتضغط عليها كالت

ريم: اخذج للغرفه ترتاحين

.. هزيت راسي واني نافيه كلامها ومثبته عيني على الفراغ رجع كالت

ريم: يرجع والله كلبوا الدنيا عليه

.. رفعت عيني عليها وحجيت

الـِن: ريم ضبع وين ليش محد يحجي ويجاوبني

.. حولت نظرها على شرار ورجعت باعتلي وهيه ادكول

ريم: ضبع گالب الدنيا الـِن والله حالته تكسر الگلب

.. حجيت بصوت متعب

الـِن: ليش ما اجا يواجهني يخاف؟

.. بعدت عينها عليه وكالت

ريم: امشي اخذج للغرفه

.. كتفت ايدي معاندتها ورفعت عيني على ادم وحجيت

الـِن: ابن عمك الجلب حاجي خل يجي اريد اشوفه

ادم: مو هنا

.. ضيقت عيني وحجيت

الـِن: وين لعد

.. بعد الكرسي وهو يكعد كدامي وكال

ادم: ضبع جانت عنده خطه نورهان وروان جانن من ضمن الخطه وهو متفق وياهن علمود يوكعون اسد ويلزمو وكل شي جان مخطط اله وماشين عليه بس الي صار اسد عرف خطتهم

الـِن: شلون يعرف خطتهم واني سمعتها با اذني ادكول اخطفه

.. شبك ايديه وهو مثبت عينه عليه وكال

ادم: الخطه جانت كا الاتي اول شي ضبع جان مخطط وي نورهان علمود يوصلون لاسد وهيه جانت الوحيده الي يتواصل وياها وانطته على مكان بيت خطأ وان هيه راح تخطف ابن الضبع وتاخذه لهناك ومن اجا هذا اليوم وبدوا خطتهم

.. جنت مركزه ويا واني اسمع كل حرف

ادم: نورهان دزت موقع البيت الخطأ لـ اسد علمود يوكع با ايد الضبع وهيه كايلتله اني موجوده بي وويايه ابن الضبع بس الي صار جان العكس

.. مسحت دموعي ورجع كال

ادم: الي صار اسد جان يعرف بخطتهم ويعرف وبنفس اليوم الي راح بي ضبع لذاك البيت علمود يلقون القبض عليه هو استغل الفرصه وخطف جود من البيت واخذهن ويا علمود ما يلوون ايده بيهن

.. حجيت بقهر واني باعده عيني عنه

الـِن: اذا هو خطفه لعد هنه ليش ما موجودات

.. ضغط على راسه قوي وهو يكول

ادم: وهذا الي محيرنه

.. حجيت بصوت ضعيف

الـِن: اكيد هنه السبب

ادم: ما اتوقع لان ضبع جان ضامن ما يگلبن عليه

.. خفيت راسي با ايديه وبقيت ابجي قوي حسيت على ريم وهيه اتخلي ايدها على ضهري وحجت بهدء

ريم: الله يكون بعونج

.. حسيت على نفسي دخت رفعت عيني عليها وحجيت

الـِن: اريد ارتاح ريم

.. اشرتلي وكالت

ريم: تعالي اخذج للغرفه

.. كمت على حيلي تحت انظارهم ومشيت وراها دخلت واشرتلي على السرير

ريم: نامي شوي ارتاحي على ما اطلعلج غطوه

.. هزيت راسي واني اتجهه للسرير تمددت وهيه جابتلي غطوه وغطتني بقت كاعده يمي وهيه عينها عليه حجيت بضعف

الـِن: ردت ارجع ريم بس ما خلاني

ريم: مكتبولج تشوفين الي صار

.. تقربت عليه وهيه تمسح دموعي وطبعت بوسه خفيفه على راسي وعينها عليه كالت

ريم: خلي ايمانج با الله قوي وان شاء الله يرجع تدرين بضبع مستحيل يعوفه هيج وهسه كاعدين يدورون عليه

حجيت واني مثبته عيني عليها

الـِن: يا ترا هسه هو وين اكل ؟ لوكاعد يبجي ولج ريم عنده دوا لازم انطيهيا

.. هزيت براسي انفي كلامي ورجعت حجيت

الـِن: لا مستحيل جود ما يبجي قوي ابني واعرفه

.. نزلن دموعي مسحتهن وحجيت بصوت متعب

الـِن: هسه هو ينتظرني؟

غمضت عيني بقهر وحجيت بهمس

الـِن: زين شلون لو عاش جود نفس الي عاشه ضبع؟؟

.. لفيت نفسي بلغطوه ومسحت دموعي جانت ريم كاعده يمي تصبرني وتحاول تخليني اهدء بس شلون وابني ما ادري بي وين؟

.. غمضت عيني مستسلمه للنوم حسيت عليها من طلعت وسدت الباب وراها

.. فتحت عيني وجانت الغرفه ضلمه كمت على حيلي واني اضغط على راسي ياذيني فتحت الباب واجاني الضوا غمضت عيني قوي وطلعت 

.. اتجهت للصاله اول ما خطيت لكيت ريم نايمه بحضن شرار ما انتبهوا عليه استحيت ورجعت للمطبخ شربت مي وانداريت واني اشوف ريم واكفه با الباب مستحيه وهيه ادكول

ريم: ها كعدتي

.. هزيت براسي واني اخلي الكوب على الميز

.. تقربت عليه وكالت

ريم: جوعانه اسويلج شي؟

.. هزيت راسي انفي كلامها وحجيت

الـِن: لا ما اريد

.. باعتلي بقلق وهيه تجرني من ايدي قوي وتكعدني على الكرسي وحجت بصوت تتصنع الغضب

ريم: مو بكيفج وراج دوا تاخذينه وجسمج ضعيف عزلتلج من العشا وهسه تاكلينه كوله

.. نزلت راسي ما اكدر اجاوبها بدت تحضر الاكل على الميز وكعدت مقابيلي

ريم: يله هذا هسه تخلصي كله

.. رفعت عيني عليها بتعب وحجيت

الـِن: ما اشتهي

.. قدمتلي الخاشوكه وكالت

ريم: بساع

.. ما عاندتها اكثر اخذت الخاشوكه من عدها وبديت اكل ما اشتهي ونفسي تلعب رفعت عيني عليها وحجيت

الـِن: جهالج وين

ريم: يم عمامهم

الـِن: شلون تعوفيهم ما تخافين يصير عليهم شي

.. ثبتت عينها عليه بقلق وهيه ادكول

ريم: شنو السالفه الـِن ترا عمامهم وبيبتهم بعد شكو

.. نزلت راسي وحجيت بهمس واني اتذكره

الـِن: واذا نخطفوا

.. ما جاوبتني او يمكن ما سمعتني قدمتلي كوب مي وكالت

ريم: ابن ضبع الاول منو كتله؟؟

.. رفعت عيني عليها بصدمه وحجيت

الـِن: شنوو

.. ثبتت عينها عليه ورجعت كالت

ريم: ابن ضبع ليش كتلو ومنو كتله

.. كمت على حيلي واني احجي سريع

الـِن: شرار هنا

.. هزت براسها وهيه ادكول

ريم: با الصاله

.. اتجهت سريع للصاله وجان كاعد وعينه على التلفزيون بس شافني حجيت

الـِن: ابن ضبع منو كتله

.. فتح عينه بصدمه وهو يحول نظراته لريم وكال

شرار: اويلي نسوان ما تنضم عدجن حجايه

.. تقربت عليه واني احجي بخوف

الـِن: الله يخليك شرار احجيلي

.. ثبت عينه عليه وكال

شرار: امه كتلته

.. فتحت عيني بصدمه واني اشهك

الـِن: شلووون تكتله معقوله هيه اتكتله

.. هز براسه بمعنى اي ورجع كال

شرار: ضبع جان عنده واجب ومن يلتحق جانت تبقى بحدها وبيوم خابرته كالتله مات

شرار: رجع بنفس اليوم وجانت طلقه براسه وعلى اساس الي قاتلينه هم اعداء ضبع انسدت القضيه وراحت وهيه رادت تبتعد عن ضبع لان هو السبب بس الي عرفنا بعدين هيه خانكه الطفل وموته لحد اخر نفس

.. كاعده مقابيله واني مصدومه معقوله اكو هيج ام؟

.. رجع كال

شرار: والي كاتله هو عشيقها

الـِن: ليش كتلت ابنها ؟؟ شنو ذنبه

شرار: ضبع ما تركها علمود الطفل الي بينهم ما راده يعيش ويشوف نفس الي شافه وهواي حاولت تبتعد عنه وتشرد بس جان يلكاها ويرجعها لذلك حست هو حاجز بينها وبين عشيقها وكتلته

.. نزلت عيني وحجيت

الـِن: وبعدين شرار شصار؟ من ضبع عرف بيها شسوالها

.. اتأفف وهو يكول

شرار: ضبع ما كتلها سلمها لاهلها بقضيه شرف وهمه يتصرفون ورادو يكتلوها بس ما خلاهم

.. ضيقت عيني ورجعت حجيت

الـِن: ليش

.. ابتسم وهو يكول

شرار: لان جانت اباله خطه ثانيه

.. حجيت بعدم فهم

الـِن: شنو؟

شرار: عشيقها جان اسد

.. شهكت بصوت واني اخلي ايدي على شفتي احاول اخفيها رجع كال

شرار: اسد هو الي كتلها بعد ما شردت من اهلها وراحت ويا وهاي جانت خطه ضبع ..

..  بعده ما مكمل كلامه انداريت واني اشوف ضبع واكف با الباب وعينه علينه كمت على حيلي واني اشوفه شكله حيل تعبان رفع عينه عليه وهو يتقرب

.. ما صدكت شفته مشيت سريع واني ادفن نفسي بحضنه ماكدرت اسيطر على دموعي بجيت قوي واني بحضنه حاوطني قوي وهو يبوسني براسي رفعت عيني عليه وحجيت

الـِن: جود وين ضبع ؟

.. ثبت عينه عليه وجان حيل تعبان وعيونه بيها نظرات انكسار وهو يكول

ضبع: لا تخافين مابقى شي وارجعه لحضنج

.. رجعت دفنت نفسي بحضنه وهو محاوطني حجيت بحزن واني ضامه راسي بحضنه

الـِن: ضبع صار عندي صرع

.. رفع فكي با اصابعه وهو يثبت عين عليه وكال

ضبع: تتعالجين وتصيرين زينه

.. ابتعدت عنه من حسيته ما كاعد يتوازن لزمت ايده واني اكعده با الصاله اتقرب عليه شرار وهو يكول

شرار: شلون صرت

.. هز براسه بدون لا يجاوبه اتقربت عليه ريم وهيه تنطي كوب مي اخذه من عدها شربه جره وحده ورجعه على الميز رفع عينه عليه وكال

ضبع: مابقى شي

.. هزيت براسي وحجيت

الـِن: اثق بيك

.. رفعت نظري على شرار وهو يحجي

شرار: اشتر وين

ضبع: با الموقع ما يقبل يرجع

شرار: الفجر اطلع واخذ مكانه

.. هز براسه وهو متعب وكال

ضبع: شرار اريد انام تعبان والفجر نطلع سوه

.. اشرله على الغرفه وكال

شرار: روح هناك وهسه راح اجيبلك تراك اسبح وبدل ونام

.. هز براسه وهو يطلع تاركنه تقربت عليه ريم وكالت

ريم: اول مره اشوف ضبع بهاي الحاله يكسر الگلب

.. مسحت دموعي وحجيت

الـِن: الي صار بينه مو هين ابد

.. بقيت كاعده يمها شوي ورجعت للغرفه اول ما دخلت لكيته نايم على السرير وهو متغطي اتقدمت عليه واني اخذ ايده وانام عليها

.. فتح عينه وهو يثبتها عليه وكال بتعب

ضبع: ماكدرت احميكم

.. سكتت ما جاوبته وتقربت لحضنه واني احط خشمي بركبته استنشق عطره

الـِن: تعبانه ضبع

.. طبع بوسه خفيفه على راسي وهو يحاوطني با ايدي كال

ضبع:  ياريت التعب بيه ولا بيج

.. نزلت دموعي وحجيت واني اتلمس ركبته

الـِن: تتوقعه وين هسه

ضبع: ما اعرف بس متأكد اسد ما يسويله شي

الـِن: شوكت يرجع ضبع

.. اخذ ايده وهو يمشيها على تفاصيل وجهي ولشعري غمضت عيني بهدوء ونزلت دموعي مسحهن وهو يطبع بوسه خفيفه على عيني وكال

ضبع: عيونج الحلوه لا يبجن

.. فتحتهن واني اضم نفسي بحضنه ما اريد ابتعد عنه بقيت فتره محد بينه حجه بعد بس جان يمشي ايده على اكتافي وشعري حجيت بصوت واني ارفع نفسي عليه

الـِن: ضبع بشنو هددت اسد

..ثبت عينه عليه وهو يتلمس وجناتي با اصابعه كال

ضبع: منو كلج

.. بعدت عيني عنه وحجيت

الـِن: شرار

.. سكت شويه ورجع كال

ضبع: اسد ابن رحمه واحمد

.. فتحت عيني بصدمه واني ارفع نفسي حجيت

الـِن: شكددد سافله وابوك ما جان يدري عدها علاقه با اخو

ضبع: شابع مي ورد الحجي

الـِن: ضبع اذا اسد كاتل ابنك ليش خليته عايش

.. رفع عينه على الفراغ وكال

ضبع: خيرته بين اثنين يا اكتله اني يا يكتلها واختار يكتلها بعد ما شردت ويا ذبحها

.. رجع عينه عليه وكال

ضبع: اتخيلي الي خانتني علموده كتلها با ايده

.. ثبتت عيني عليه بقلق ورجع كال

ضبع: محد جان يعرف غيري وهذا الشي جان بمصلحتي استعملته ضدهم اثنينهم

الـِن: ليش

ضبع: لو مهيوب عرف راح يمنعهم من ورث رضوان الي دارو عليه

.. حجيت با استهزاء

الـِن: واخر شي صار الك

.. اندار عليه وهو يحجي

ضبع: ومنو يكول؟؟

.. ضيقت عيني بعدم فهم وحجيت

الـِن: مو سجلته با اسمك بعد شكو

.. ثبت عينه عليه وكال

ضبع: كل شي با اسمج انتِ وكل شي الج ومن حقج

.. بعدت عيني عنه وحجيت واني ادفن راسي بركبته وحجيت بتعب

الـِن: ما اريد شي غيرك انت وجود

.. طبعت بوسه خفيفه بركبته واني اخذ نفس حجيت

الـِن: احب عطرك

.. ابتسم وهو يحاوطني قوي

.. ماكدرت عيني تاخذ نوم ولا هو بقيت بحضنه وهو محاوطني لحد ما طلع الفجر كام على حيله وهو يبعدني عنه شويه ورجع وبا ايده مصلايه كعدت على حيلي وهاي اول مره اشوف ضبع يصلي!!

.. نزلت دموعي من منظره شكد حلو خلص صلاه واندار عليه وكال

الـِن: ضبع علمني

.. ضيق عينه با استغراب ورجع ابتسم

ضبع: توضي وتعالي

.. كمت على حيلي واني اتوضه ورجعتله اشرلي اوكف خلفه

.. اندار عليه وهو يكول

ضبع: هيج تصلين

.. هزيت راسي بمعنى اي وحجيت

الـِن: اي لعد شلون

ضبع: لج بابا خليلج شي ستري بي روحج

.. ضيقت عيني وحجيت

الـِن: ماعندي

ضبع: لعد ميصير

.. نزلت دمعه من عندي وحجيت بقهر

الـِن: اريد ادعي نلكه جود

.. اتقرب عليه وهو يحضني ورفع راسي با اصابعه وكال

ضبع: لو مالكيته الج حق بكلشي تسوي بيه

.. مسحت دموعي واني مثبته عيني عليه حجيت

الـِن: اتطلكني

.. دار وجهه عندي با انزعاج وكال

ضبع: يصيرلج

.. نزلت راسي وسمعت يكول

ضبع: يله خلي شي على راسج وتعالي نصلي

.. اتوجهت للسرير واني اخذ الغطوه والف بيها نفسي انداريت عليه وحجيت

الـِن: هيج تنقبل صلاتي؟

.. ضحك بشكل عفوي وكال

ضبع: يله تعالي اهم الشي النيه

.. بديت اصلي ورا وهو يعلمني ويحجي بصوت عالي اسمعه جان صوته سكينَه للـروح

.. رفعت ايدي واني ادعي نزلن دموعي مسحتهن وكمت على حيلي انداريت لكيته يلبس زي العسكري شكله تعبان حيل غمضت عيني با اسى واتقربت عليه

.. حضنته من الخلف واني احاوط ايدي عليه خليت راسي على ظهره وحجيت بتعب

الـِن: لا ترجعلي اله وجود وياك

.. اندار عليه وهو يحضني وطبع بوسه خفيفه على راسي وطلع بدون لا يجاوب

.. مسحت دموعي ورجعت انام

..مرت يومين وماكو خبر وحالتي كل ما جالها وتسوء جنت منعزله با الغرفه والاكل قطعته دخلت ريم وعينها عليه حجت بحزن

ريم: الى متى تبقين هيج

..هزيت راسي واني امسح دموعي حجيت بصوت متشحرج

الـِن: ما اكدر ريم شلون اكل وارتاح واني ابني ما ادري بي وين عايش ميت

.. تقربت عليه وهيه تكعد مقابليلي رجعت حجيت بقلق

الـِن: ما اتصل عليج شرار

.. هزت راسها وعيونها متروسه خوف وكالت بصوت

ريم: مبايله مغلق

الـِن: اتصلي على ملاك شوفيها الاشتر وياهم

.. اخذت مبايلها تريد تتصل واتصل عليها شرار راسا جاوبته وكالت

ريم: شرار انتو وين لكيتو جود

.. سكت شويه ورجع جاوبها بصوته

شرار: راجعين

.. بعدها ما حجت وغلق المبايل

..رجقت اطرافي وعيني عليها انتظر من عدها جواب

ريم: راجعين

.. كمت على حيلي مسوعه للباب انتظرهم بس ماكو!!

.. كعدت با الباب ماكو احد عيني على الشارع انتظر سياره تفوت وگلبي وياهم انداريت واني اشوف ريم خلفي حجيت بحماس بلهفه

الـِن: واخيرا راح يرجعلي ابني

.. نزلت بمستواي وهيه تخلي ايديها على اكتافي وكالت بصوت

ريم: واذا ما رجع

.. مجرد كلمه بس احس النفس خنكني نزلن دموعي واني اهز راسي نافيه كلامها وحجيت بغصه گلب

الـِن: ضبع وعدني يرجعه كلتله ما ترجع اله لمن تجيب جود وياك وهسه هو راجع اكيد ويا

.. نزلن دموعها وهذا الي قلقني انداريت واني اشوف سياره ضبع اتقربت وكفت على حيلي واني شابكه ايدي وعيني عليهم

.. نزل ضبع من السياره هو وشرار بس ما جان ضبع جان انسان ثاني منزل راسه ولابس اسود اتقربت عليه بخطواتي الضعييفه وصرت مقابيله وعيوني تترقب خلفه تقربت اكثر عليه واني اشوف السياره ماجان اكو احد رجعت عليه وهو ماحرك خطوه رفع راسه عليه

.. تقدمت عليه واني الزم ايده حجيت بصوت مبحوح ودموعي تنزل

الـِن: ضبع ابني وين؟؟

.. جرني قوي عليه وهو يحضني رجف جسمي وحجيت بصوت ضعيف

الـِن: احجي شبيك لا تخوفني

.. ما جان اكو جواب بعدته عني واني مثبته عيني عليه وحجيت

الـِن: ضبع الله يخليك احجي لا تموتني هيج جود بعده يم اسد؟ وين راح شلونه شفته ؟؟

.. جنت احجي واني اخدع نفسي با الواقع جنت اعرف جود بعد ما يرجع

.. لطمت على خدي قوي واني اوكع با الكاع يم رجليه واضرب نفسي قوي حجيت بصوت حسيت الحبال الصوتيه تقطعت حجيت بصوت يكطع الگلب بصوت منكسر ربحي الوحيد با الدنيا وراح!!

الـِن: مو كتلي راح ترررجعه

.. نزل على مستواي وهو يحضني همس بصوت متعب

ضبع: اجيت اخذج تشوفي لاخر مره

........................