رواية سليله الانتقام الفصل السادس وثلاثون 36 - بقلم taratel

صعدت با السياره يمه وعيني عليه ما اريد ابتعد عنه اكثر نزلت دموعي ومسحتهن على السريع سمعته وهو يكول

اشتر: ما تهميني بعد

.. سكتت بدون لا اجاوبه درت وجهي عنه للطريق حجيت بعد فتره

ملاك: شعور الخذلان و الوحده شعور الرخص وعدم الامان كل هاي المشاعر خليتني اعيشها

.. اخذ نفس بدون لا يجاوبني ورجعت حجيت

ملاك: دمرتني الله ينتقم من عندك

.. ما اتحملت اكثر بعد ونزلن دموعي مسحتهن سريع ما اريد ينزلن عليه على انسان رخص مشاعري

.. طول الطريق ساكتين رفعت عيني على باكيت الجكاير الي جانن موجودات كدامي اخذتهن با ايدي وحجيت واني مبتسمه

ملاك: شعجب صاير تشرب جكاير!

.. ما جاوبني اخذت وحده واني اورثها واخليها بشفتي استشنق اندار عليه وهو ياخذها من عندي قوي ويشمرها من الجامه وصاح بصوت

اشتر: شبييج تخبلتي

.. ضربت بقبضه ايدي قوي على رجليه وحجيت

ملاك: اييي خبلتني

.. ركن السياره على جهه وهو ياخذ نفس اندار عليه وهو يتلمس بوجناتي

.. وخرت ايده واني انترها حجيت

ملاك: لا تتقرب عليه

.. ضغط على فكي خفيف وهو يتقرب عليه طبع بوسه خفيفه خلف اذني وهو يهمس

اشتر: شنو تردين

.. رجعت راسي بخطوه واني اخلي عيني بعينه حجيت واني راصه على اسناني

ملاك: ما اريدك

.. ابتسم وهو يهمس با اذني

اشتر: مو بكيفج

.. فتحت عيني بصدمه وابتعد عني حجيت بتلكؤ

ملاك: شنوو موبكيفي مو كتلي اطلكج

.. رجع يسوق وهو يندار حجيت واني ابجي

ملاك: رجعني اشتر ما اريدك

.. ضحك وكال

اشتر: وان جنتِ ما مقدره اليه مو مشكله نصنع القدر

.. حطيت ايدي على گلبي خايفه من كلامه ومن السرعه الي يمشي بيها شويه وحسيت راح تنگلب بينه السياره لزمت باب السياره قوي اتصنع القوه وحجيت

ملاك: اشتر على كييف راح نموووت

اشتر: وين تردين نروح

.. حجيت بصوت

ملاك: للكبووور

.. حجيت هيج لو زاد بسرعته وكال

اشتر: مثل ما تردين

.. بقيت اصرخ وهو مبتسم ضربته بقبضه ايدي على صدره واني ابجي بس شافني هيج خفف سرعته ونزل و فتح الباب من جهتي بقيت لامه نفسي جرني عليه وهو يحضني قوي

.. بعدته عني ونزلت كعدت على الرصيف واطرافي يرتعشن خايفه حطيت ايدي على گلبي ورفعت عيني عليه اتقرب عليه وهو يصير بمستواي

ملاك: نذلللل

.. لزم ايدي قوي وكال

اشتر: صعدي يله

ملاك: ما اريد واحد نذل وحقير ما اريد اتصل على ضبع هسه خلي يجيني ياخذني يخلصني من عندك

.. اخذ ايده وهو يخليها على شعري برقه اخذ خصله من شعري وهو يتلمسها بعدها عن وجهي وكال

اشتر: بعد كل هاي السنين وبعد ما صرتي مرتي ترديني اعوفج!!

.. بعدت ايده بقوه وحجيت بصوت

ملاك: تضحك عليه لو على نفسك ومن تركتني بيوم عرسي ومن عفتني سنين !! وهسه جاي وتصيح مرتي

.. ضغط على عيونه ورفع راسه عليه

اشتر: ليش ما تفتهمين سنين اني بس اريد المحلج ضل ما كدرت وضبع واكف بوجهي شكد حاولت ارجعج من ثاني يوم بس ضبع ماقبل ورفض وكلش زين يدري بيه وين اني صح غبي وتصرفت تصرف غبي من عفتج بنفس اليوم ورحت لسيف اطيح حضه بس والله ما توقعت ياخذ من عندي يوم كامل توقعت ساعه وارجع و بس ماردتج تسمعين كلام مو حلو بيوم عرسج

.. حجيت با استهزاء

ملاك: على اساس انت ماتكدر لضبع؟ ويا حجي اسوء من الي سمعته من تركتني ومااجيييت

.. بعد وجهه عني وكام على حيله اشرلي اصعد بلسياره 

.. هزيت براسي بمعنى لا وحجيت

ملاك: ما اريد اصعد وياك واحد خبل ومو صاحي هسه ردت تموتنه

.. ضحك وهو يكول بصوته

اشتر: يله بابا حبيبتي كومي لا تخليني اتعامل وياج بطريقه ثانيه

.. ضيقت عيوني با انزعاج وكمت على حيلي واني اتقرب عليه ثبتت عيني عليه وحجيت با استهزاء

ملاك: شلوون بله

.. ابتسم وهو يفتح باب السياره الخلفي بحركه سريعه جرني عليه وهو يدخلني للسياره سد الباب واتقرب عليه وعلى ثغره ابتسامه

.. نزلت دمعه جانت بطرف عيني ثبتت عيني عليه خايفه وحجيت بصوت

ملاك: اشتر وخر عني لا هسه اصيح والم الناس عليك

.. كال وهو يجرني عليه ويحاوطني

اشتر: لا احد يشوف ولا احد يسمع

.. انداريت جانت السياره مضلله بعدته عني قوي ما اتحرك

.. ثبتت عيني عليه ضحك ضحكته الي تاخذ الگلب واتقرب عليه بحركه سريعه وهو ياخذ شفتي ويقربني عليه وهو ضاغط  على خصري

.. حاولت ابعده عني ماكدرت ضخم بشكل اني يمه لاشيئ

.. ابتعد عني بعد ما شفتي جرت دم اخذ ايده وهو يمشيها على شفتي ويضغط على الجرح

.. رفع عينه عليه وهو يبتسم كال

اشتر: حجزت با الفندق ما اريدج تحبلين بلسياره

.. فتحت عيني بصدمه وضربته قوي على صدره اخذ ايدي قوي وهو يقربها على شفته وطبع بوسه خفيفه عليها جريتها من ايده واني ادفعه عني حجيت بقهر

ملاك: لو تموت

.. ابتسم وهو ينزل اشرلي اكعد بلصدر درت وجهي عنه وسد الباب وصعد يسوق طول الطريق ما حجيت بعد ولا هو جنت بس خايفه حيل لحد ما وصلنه ركن السياره بلكراج ونزل

.. جان منتجع حيل جبير وبي فنادق ومسابح انطونه كارت الغرفه وصعد قبلي وهو يفتحه اشرلي ادخل دخلت واني خايفه

.. انداريت عليه وحجيت

ملاك: اشتر لو تموت ما يصير الي ابالك

.. ضحك وهو يكول

اشتر: نشوف

.. ضربت برجلي على الارض وعيني عليه يحجي بكل برود

.. اخذت جنطتي من عنده وحجيت بصوت

ملاك: اطلع

.. اتجهه للسرير وهو يوخر الغطوه عنها وطلع غطوه جديده من جنطته فرشها عليه

.. جنت اراقبه با استغراب ماكو شي ما غيره !! حجيت با استهزاء

ملاك: جايب وجهه مخده واحد هذا اليه ؟

.. ضحك وهو يكول يكل برود

اشتر: مو متنامين يمي بعد شكو

.. ابتسمت بعفويه ما منتبه لنفسي فعلا ينرفز

.. رجعت حجيت

ملاك: قصدك انت متنام لا يمي ولا هنا ويله اطلع

.. عقم ايديه يمكن هاي المره الالف وغسلها بحيث من يمي تعبت

.. اتجهت للسرير اتمدد عليه لميت نفسي وعيني عليه دخل للحمام غمضت عيني وبعد ما حسيت من التعب

.. حسيت عليه وهو يلمني بحضنه ماكدرت اقاومه تعبانه رجعت نمت

.. فتحت عيني  بقوه من حسيت ايديه تتجرء كمت على حيلي سريع واني ابتعد عنه

.. جان نايم!!

.. حجيت بصوت عالي واني مثبته عيني عليه

ملاك: يا جذاب

.. فتح تك عين وهو يضحك رجع فتح عيونه وثبتهن عليه وكال

اشتر: يله حضري نفسج شويه وننزل نتعشا

.. انداريت بدون لا اجاوبه اخذت فستان بسيط من الجنطه ودخلت اسبح

.. حسيت عليه وهو يدك الباب

ملاك: شترريد اشتر راح تجلطني اليوم

.. ضحك وهو يكول

اشتر: يصير ادخل

.. فتحت عيني بصدمه وصحت بصوت عالي

ملاك: لا ميصيرررر

.. حسيت عليه وهو يبتعد كملت ولبست الفستان وطلعت جان كاعد با البلكونه يشرب جكاير!!

.. بعدت المنشفه عن شعري واتوجهت عليه ما جان حاس عليه حجيت بصوت

ملاك: ليش تشرب جكاير واني ادري بيك تلعب نفسك منها

.. بدون لا يندار عليه كال

اشتر: لمي شعرج لا تتمرضين

.. ضيقت عيني با استغراب شلون عرف

.. اتقربت عليه واني اخذها من ايده واشمرها

.. رفع عينه عليه وكال

اشتر: ليش

.. بعدت وجهي عنه وحجيت

ملاك: تلعب نفسي

.. ابتسم بدون لا يجاوب بقيت واكفه بلبكونه والهوا بارد ثبتت عيني للامام وجانت جبال واشجار حولت عيني عليه جان كاعد على الكرسي ومثبت عينه للامام سمعته وهو يكول

اشتر: ما تصورت بيوم راح ارجع اخسرج

.. اتوجهت للكرسي المقابيله اكعد عليه جانت عيونه عليه رفعت راسي اوجهله الكلام

ملاك: خسرتني اشتر

..هز براسه وهو يبتسم كال

اشتر: تعبت حيل لحد ما حصلتج ومستحيل اضيعج من عندي بعد

.. سكتت بدون لا اجاوبه نزلت راسي وسمعته يكول

اشتر: خلصتي ننزل

.. رفعت عيني عليه وهزيت راسي بمعنى اي

.. ضيق عينه وهو ياشر على الفستان وكال

اشتر: وهيج ننزل

ملاك: اي هيج ما عاجبك انزل ابحدك

.. اشرلي وهو يكوم على حيله ويتقرب عليه اخذ ايدي وهو يكومني واتوجهه للباب همس بصوت

اشتر: عمي نسوان مسيطره احنه مضلومين

.. ابتسمت ونزلت راسي

.. اخذ ايدي واحنه ننزل جان المنتجع حيل راقي بي مول دخلنه بي اخذت ملابس وافترينه شوي ورجعنه للمطعم

.. بعد الكرسي واني اكعد ابتسمت وكعد مقابيلي بدون كلام جان بس مثبت عينه عليه حجيت

ملاك: عيونك اشتر كاعد اخاف شبيك

.. ضحك وهو يبعد عينه ورجع اخذ ايدي وهو يضغط عليها كال

اشتر: ملاكي خلي نرجع كافي كل هاي السنين واحنه متعلعين ادري بيج تحبيني واني احبج

.. حطيت ايدي على فكي واني احاول استفزه ابتسمت وحجيت

ملاك: منو كال اني احبك !

.. غلق عيونه بقوه ورجع فتحهن كال بكل برود

اشتر: متحبين احد غيري

.. رجعت حجيت واني مبتسمه ومثبته عيني عليه

ملاك: غلطان

.. اندار بدون لا يجاوبني ويحاول يخفي غضبه قبضه ايده القويه تدل على هذا الشي

.. رجعت حجيت واني استفزه مستمتعه

ملاك: صدك اريد اعرف شنو جان شعورك من دخلت ولكيت نصرت فوكي وهو مغتصبني؟؟

.. ضرب الطاوله باايده حيل وشكله اتحول خفت وگلبي رجف حسيت حراره تطلع من جسمي ابتعد عني سريع وبقيت كاعده حطيت ايدي على گلبي واحسه راح يوكف انداريت عليه ما جان موجود

.. نزلن دموعي مسحتهن احس گلبي ياذيني انداريت اشوف محد منتبهه كمت على حيلي متجهه للحمام غسلت وجهي وعدلت مكياجي وطلعت خارج المطعم ما عرفت شلون ارجع للغرفه بقيت اتمشى

.. اتمشيت وجان الجو حيل حلو صوت الموسيقى الهادئ مالي المكان اتوجهت للمسبح جانو ناس قليلين كعدت على الكرسي واني مستمتعه بلمشهد حسيت على صوت ورايه انداريت واشوف شخص يتقرب عليه

.. ما جنت افهم كلامه يحجي كردي اتقرب وهو يكعد يمي ابتعدت عنه واني مضيقه عيني راسا رجع كال

- عربيه؟؟

.. هزيت براسي بمعنى اي وكال

- ممكن اكعد يمج مبينه ابحدج

ملاك: لا مو ممكن زوجي هنا هسه يجي

.. اتقرب على ايدي وهو يضغط عليها قوي حاولت ابعده عني ماكدرت سمعته كال

- ليش الجذب حلقتج وين لعد

.. بعدني ما حجيت وحسيت على اشتر وهو يجره من قميصه وشمره على الارض لحضات سريعه وصار فوكا دمره دمار بقيت اصرخ احاول ابعده عنه ماكدر شضخمه الناس التمت وصارت هوسه وهو ما مهتم شوهه وجهه من الضرب وذاك مايكدر يتحرك للحضه توقعته مات جوا ايد الاشتر

.. خفت حيل وبقيت ابجي اتقربوا الامن وهمه يبعدون اشتر عنه بكل صعوبه والناس ملتمه كلمن يريد يعرف ابتعدت عنهم خايفه وعيني عليه بقوو يحققون وياهم اثنينهم اندار عليه وصاح بصوت وهو يقدملي الكارت

اشتر: اخذي وصعدي فوك

.. اتقدمت عليه ورجلي يرجفن اخذته من عنده بدون لا اجاوبه عيونه جانن قطعه دم وشكله وحش اجت عيني على الولد جان كاعد بلكاع وحاط ايده على وجهه متألم

.. فتحت الباب ودخلت خايفه اتقربت  على السرير واني مضيقه عيني حجيت

ملاك: شنو هذا

.. جان بوكس جبير على السرير ويمه بوكي ورد طبيعي لون ابيض واكو ورده وحده لون احمر جان بيها كارت مكتوب بي

- الورده الحمره نفس وجودج بحياتي انتِ الوحيده

.. گلبت الكارت وجان مكتوب بلنهايه

-وردتي

.. نزلن دموعي مسحتهن على السريع واني انتقل للبوكس الثاني

.. فتحت البوكس وجان بي فستان عرس ناازك حيل لون ابيض ويا كارت مكتوب بي

-  4:17

.. ضيقت عيني با استغراب!!

.. حسيت عليه وهو يفتح الباب اجت عينه عليه وبعدها وهو يتجهه للحمام ايده متروسه دم كمت على حيلي متقدمه عليه صرت مقابيله وحجيت بخوف

ملاك: اشتر

.. بعدني ما مكمله كلامي وبعدني عنه دخل للحمام بقيت افتر بلغرفه واني الخوف اكلني اكل وعيني على الباب انتظره

.. رفعت عيني واجت عليه جان لابس تراك اسود كاعد عليه شكله يجنن وي لون بشرته البيضا وخصلات شعره البنيه حجيت بتلكؤ وسريع

ملاك: اشتر والله جنت كاعده ابحدي وهو تقرب عليه

.. اتجهه للصاله بدون لا يجاوبني اخذ مبايله يتصل اتوجهت خلفه وسمعت صوت بنيه

.. خليت ايدي على گلبي متألمه ورجلي يرجفن تقربت عليه اسمع بوضوح وجانت ادكله

- حبيبي مشتاقتلك شوكت ترجع

.. فتحت عيني بصدمه حسيت حراره بجسمي ماكدرت اسيطر على نفسي تمسكت با الكرسي اندار عليه وهو يشوفني اتقرب عليه وهو يغلق الاتصال كال

اشتر: شبيج

.. بعدت وجهي عنه مقهوره

.. لزم فكي باايده وهو يدور وجهي عليه كال بصوت

اشتر: ترا هاي بنتي ملاك

.. ابتعدت عنه راجعه للغرفه سمعت صوته وهو يكول

اشتر: لهنا وانتهينا

.. جسمي جمد بمكانه فتحت عيني بصدمه نزلن دموعي وحجيت  صوت همس وبقهر

ملاك: بس لو اعرف ليش بكل سهوله تتخلا عني ؟

.. مسحت دموعي نزيت على صوت الباب انسد قوي وكعت على الارض اشهك ضربت الارض قوي واني منهاره حجيت بغصه گلب

ملاك: هيج اني اهون بهاي السهوله؟؟

.. لميت نفسي وبقيت ابجي ماعندي وسيله ثانيه غير البجي واني ما بقالي شي بهلدنيا جنت اتوقع نفسي عزيزه عنده جنت اتوقع راح يرجع يحاول علمودي بس بكل سهوله هيج كم مره صديته بس وهيج صار!!! سنوات واني انتظره وهيج بكل هاي السهوله

.. حطيت ايدي على گلبي وحجيت بقهر

ملاك: ما يستاهل كافي

.. مسحت دموعي سريع واتوجهت للحمام غسلت وجهي وبقيت كاعده با الصاله افكر بكلامه ودموعي تنزل شويه وحسيته دخل مسحت دموعي على السريع ما اريده يشوفني بهذا الوضع اول ما دخل كمت على حيلي وحجيت بقهر

ملاك: والله يا اشتر تحرم عليه للموت

.. رفعت اصبعي واني اشرله على اظفري

ملاك: اظفري بعد ما تلمحه باجر نرجع وطلكني

.. حجه بكل برود بدون لا يلتفت عليه

اشتر: تدللين

.. غمضت عيني بحزن وحجيت بصوت متعب واني اشر على نفسي وايدي ترجف

ملاك: هيج تاليها !! ولك انطيتك روحي بس ما تستاهل

.. اتقربت عليه واني اضربه قوي على صدره وهو يرتد حجيت بحرگه گلب

ملاك: ولللك الي يزعل يحب

.. ابتعدت عنه واني مثبته عيني عليه ودموعي تنزل حجيت بتعب

ملاك: واني حبيتك وهيج بكل سهوله وبعد هاي السنين هيج تتخلا عني ليش شنو السبب مو اجينا لهنا وحاطلي البوكس والورد ليش ؟؟ شنو الي صار وغيرك هيج

.. جان بس منزل راسه بدون لا يجاوبني وكعت على الارض منهاره احس النفس خنكني وگلبي ياذيني روحي تتألم حجيت بصوت متعب تحت شهكاتي

ملاك: خلص انتهينا

.. كمت على حيلي واني اتقدم عليه مسحت دموعي وحجيت بقهر واني مثبته عيني عليه

ملاك: تكدر تحققلي اخر طلب

.. ضيق عينه با استغراب وكال بكل هدوء

اشتر: شنو

.. اخذت ايده واني اخليها على خصري وحجيت واني مبتسمه ودموعي تنزل

ملاك: اريد اصير فعلا مرت الاشتر قبل لا تطلكني

.. ثبت عينه عليه وكال
اشتر: واني عندي طلب البسيلي الفستان الابيض لاخر مره

.. نزلت راسي واني امسح دموعي اتوجهت للبوكس واخذته با ايدي ودخلت للحمام علكته على جهه وكعت على الارض ابجي منهاره حطيت ايدي على شفتي اكتم شهكاتي ما اريده يسمعني

.. مرت فتره واني على هاي الحاله كمت على حيلي سبحت ولبست الفستان واني عيني على المرايه حجيت بحزن

ملاك: شنو بعد وما فقدتي؟

.. توجهت للباب اطلع جان واكف با الصاله اندار عليه

.. فتح عينه مصدوم نزلن دموعي بكد ما حسيت نفسي رخيصه اتقرب عليه وهو يضغط على خصري قوي و يقربني عليه فتح ازرار الفستان وهو يوكع على الارض بقيت كدامه بس با الداخليات ثبت عينه عليه ونزل على خصري وهو يطبع عليه بوسه غمضت عيني بقوه واني احس حراره بجسمي كل لمسه من عنده گلبي يحركني متألمه روحي ودموعي تنزل

.. اخذ ايدي وهو يتوجهه بيه للسرير دفعني عليه وكعت واتقرب عليه وهو يصير فوكي ثبت عينه عليه وبحركه سريعه اخذ شفتي بادلته واني اخلي ايدي على اكتافه

.. ابتعد عني وهو يطبع اثاره على كل انش بجسمي وهو ينزعني الداخليات فتح افخاذي وهو يتلمسهن رفع عينه عليه يترقب ملامحي

.. جنت مثبته عيني على فراغ وبس دموعي تنزل حرگه گلبي ما انساها بهاي اللحضه اتقرب عليه بكل هدوء

.. حسيت على شي حار نزل بين افخاذي فتحت عيني بصدمه

.. اتقرب عليه وهو يهمس با اذني وطبع بوسه خفيفه على راسي وكال

اشتر: مرت الاشتر

.. كال كلماته هاي وهو يبتعد عني اخذ منشفه ودخل للحمام بقيت مثبته عيني على السكف وبس دموعي تنزل بجيت بحركه گلب

ملاك: شكد رخيصه

.. كمت على حيلي وجان اكو دم!!

فتحت عيني بخوف حسيت عليه وهو يطلع بس شافني رفعت عيني عليه وحجيت بخوف

ملاك: اشتر اني بنيه يعني نصرت ما اغتصبني

.. اتقرب عليه وهو يهز براسه بمعنى اي

.. مااعرف شنو شعوري افرح لو احزن بجيت بصوت عالي حسيته تقرب عليه وهو يحضني دحست نفسي بحضنه التجئ اله

.. رفعت راسي عليه واني امسح دموعي شالني بحضنه وهو يتوجهه بيه للحمام حطيت راسي على صدره واني استذكر اول موقف جمعني با الاشتر با الحالتين جنت عاريه بحضنه وبنفس الحاله جنت متدمره

.. خلاني با البانيو والمي حار هدء جسمي وجانت عيني عليه وهو يغسل بشعري وبجسمي جنت خاويه القوه تعبانه حيل ماعندي طاقه اكمل بيها ابتعد عني وهو يكول

اشتر: اغسلي جسمج على ما ابدل الغطوات

.. هزيت براسي وطلع

.. شويه ورجع با ايده منشفه وملابسي

.. كمت على حيلي اتقرب عليه وهو يلفني بلغطوه ويشيلني خلاني على السرير تمددت واني لافه نفسي بلمنشفه ثبت عينه عليه وكال

اشتر: نشفي شعرج ينكط مي

.. ما اهتميت لكلامه وبقيت مثبته عيني على الفراغ غمضت عيني بحزن

.. قدملي الملابس وهو يكول

اشتر: لبسي

.. رفعت عيني عليه وحجيت

ملاك: ممكن انام بحضنك

.. ثبت عينه عليه ونزلن دموعي مسحتهن بحزن واتقرب عليه من جهه السرير الثاني اخذني بحضنه قوي وهو يبعد المنشفه حضني من ظهري وايدي محاوطه جسمي

.. طبع بوسه خفيفه على شعري واكتافي العاريه بقيت ساكته وبس دموعي تجري

.. شويه وسمعته كال

اشتر: عندي مهمه صعبه ما اعرف اذا راح اعيش لو اموت

.. انداريت واني اخلي عيني بعينه وحجيت بصوت مبحوح من البجي

ملاك: شنو

اشتر: مهمه حيل صعبه ما ادري اذا راح اعيش لو اموت
.. سكتت ماحجيت رجع كال

اشتر: اختاري لو بقيتي يمي وبحضني ما اروح ونبقى العمر كله سوه واذا ماترديني بعد باجر نروح نطلك وراها التحق

.. حجيت بكل بروده

ملاك: رووح

.. اتقرب على ركبتي المتروسه اثاره وطبع بوسه خفيفه وكال

اشتر: اريدج تسامحيني

.. انداريت واني اهز راسي بمعنى لا

ملاك: ما راح اسامحك لو يبقى اخر يوم بعمري

اشتر: لو صار عليه شي لا تبجين ماريد عيونج الحلوه تبجي

.. ابتسمت با استهزاء

ملاك: ليش شبقى بيهن من وراك

اشتر: ملاكي

..انداريت عليه واني اثبت عيني عليه حجيت

ملاك: وين اول مره شفتني بيها

اشتر:خاتله ورا سيارتي

..ضيقت عيني اتذكر وحجيت

ملاك: ما اتذكر شايفتك قبل اول مره شفتك بيها جانت با الملهى

.. ما جاوبني رجعت حجيت واني امرر اصابعي على عيونه الي مثبتهن عليه

ملا: اشتر اذا تعرفني ليش ما ساعدتني من البدايه

..ابتسم ورجع كال

اشتر: الي كاعدين يمي بيهم من جماعه نصرت وبلقيس وسمعوج من طلبتي من عندي انقذج لو ناقذج بذاك اليوم ثنينه ما راح مانكدر نطلع ولا راح نكدر ننقذ الف بنيه عاشت الي عشتي

..نزلت دموعي اتقربت عليه وو يمسحهن با اصابعه وعينه عليه كال

اشتر:جانت عيني عليج تقاومين وتصرخين شكد كرهت نفسي ولاول مره احس نفسي متقيد بس بنفس الوقت اي حركه خطا نروح بيها

.. سكتت ماجوبته رجعت حجيت

ملاك: وين راح تروح

اشتر: مهمه

.. حجيت بحزن

ملاك: جاوبني اريد اعرف

.. طبع بوسه خلف اذني وهو يهمس

اشتر: مو زين عليج بابا

.. ضربته بعكس ايدي قوي بطنه ضحك ورجع لمني بحضنه وكال

اشتر: قويه مرتي

.. ابتسمت بحزن

ملاك: اكرهك

اشتر: مو مشكله اهم شي اني احبج

.. نزلن دموعي تقرب عليه وهو يمسحهن وكال

اشتر: شكد جنت اتمنى تصير عندي بنوته حلوه  من عندج جنت قاطع وعد على نفسي اذا تزوجت اسمي بنتي على اسم امها

ملاك: بس انت تزوجت

اشتر: بس سميتها على اسمج

ملاك: ليش تزوجتها اذا متحبها وماعندك مشاعر تجاهه مو خطيه

.. ابتسم ورجع كال

اشتر: جنت حيل احترمها واقدرها من دخلت بحياتي قررت انساج وابدي صفحه جديده وياها وفعلا اتزوجتها وصارت عندي ملوكه

.. جنت مثبته عيني عليه استمع بكل تركيز ورجع كال

اشتر: خانتني وطعنت بظهري وانتحرت بدون لا تفكر ابتها هيج انسانه ما تستاهل تكون ام ماعدها حس المسؤليه

ملاك: شنو السبب

اشتر: زواجنه جان غصب هيه بت عمي وانجبرت عليه واني انجبرت عليها بس ما فديوم حسستها بهذا الشي ولا جان اصلا ابالي

ملاك: وبعدين

اشتر: ماجنت اعرف عدها علاقه قبل لا نتزوج ومن صارت عدها ملاك والولد اتزوج انتحرت

.. دفنت نفسي بحضنه اكثر وحجيت

ملاك: الله يرحمها

.. انداريت عليه واني اثبت عيوني عليه مررت اصابعي على ملامحه حجيت بصوت ضعيف

ملاك: لا تروح اشتر ابقى يمي

اشتر: الوطن غالي

..حجيت بقهر

ملاك: واني موغاليه عندك؟؟ للمره الثانيه تسويها اشتر وما تختارني لهدرجه اني رخيصه عندك

..نزلت دموعي وانداريت للجهه الثانيه باعده عيني عنه

.. ما جاوبني

.. رجع لمني بحضنه بعدت نفسي عنه غمضت عيني مستسلمه من التعب

.. حسيت عليه وهو يكعدني وكال

اشتر: يله ملاك لازم نطلع

.. بعدت عيني عنه وكمت على حيلي دخلت اسبح وبدلت طلعت لميت ملابسي ولكيته واكف اباب الغرفه اخذ الجنطه من عندي ونزلنه

.. وصلنه لمنطقه شعبيه حجيت

ملاك: وين جاين

.. اندار عليه وهو يثبت عينه بعيني وكال

اشتر: نطلك

.. بلعت ريكي بخوف رجفت ايدي بعدت نظري عنه وحجيت بصعوبه واني احس النفس يخنكني

ملاك: واخيرا

.. نزلنه من السياره توجه لبيت قديم دكه شويه وانفتح طلعنه طفل حاجاه اشتر وهو يكله

اشتر: حبيبي الوالد موجود

- اي موجود تفضلو

.. دخلنه جوا با الصاله جان سيد كاعد وبس شافنه كام وهو يسلم على اشتر كاله

اشتر: اريد اطلك اليوم

.. هز براسه وهو يتصل شويه ورجع كال

- اكعدوا على ما يجون

.. هز براسه وهو ياشرلي اكعد قريب عليه

.. كعدت مقابيله وعيني عليه بقينه ننتظر وطول الوقت اشتر ما خلا عينه بعيني بس ليش!!

.. حاولت اتماسك نفسي ما اريد دموعي تنزل ويشوفهن

.. شويه ودخلو ثنين كام اشتر يسلم عليهم وكعدوا يمكن ذوله الشهود

.. بدا السيد يحجي لحد ما تطلكنه!!

.. كال اخر كلماته ورجف گلبي خليت ايدي الترجف على عيوني اخفي دموعي

.. شهكت بصوت حاولت اخفي شهكتي مسحت دموعي على السريع وخرت ايدي و نزلت عيني على الارض سمعت واحد بيهم يكول

- لا حول الا الله

.. رفعت عيني عليه جانت نظراته عليه وعيونه متروسه دموع ولونهن متحول احمر غلقهن قوي وهو يكوم على حيله سلم على الموجودين واشرلي نطلع

.. طلعنه هلمره بس غُربه فتحلي باب السياره صعدت واني احس گلبي بعد ما يتحمل تعبت

.. صعد من جهه السايق وكال

اشتر: راح ارجعج لبيت خالج

.. هزيت براسي بدون لا احجي مااكدر احس غصه بصدري

.. طول الطريق ساكتين لحد ما وصلنه قريب بيت خالي

.. جر حسره وكال

اشتر: صارت صدك وانتهينا

.. وكف السياره كدام البيت انداريت عليه اشوفه لاخر مره ما اريد ابعد عيني عنه ليش ما شبعت من عنده؟؟ ليش هيج بهاي السرعه رجعت انداريت افتح الباب اريد انزل سمعته وهو يكول

اشتر: ابريني الذمه

.. نزلت بدون لا اجاوبه انداريت عليه اسد الباب حجيت

ملاك: اتمنى تموت وما ترجع بعد ولا تلمحك عيني

.. سديت الباب قوي وعينه عليه  اخر نظرات جانت بيني وبين الاشتر!!

نزلن دموعي مسحتهن واني ادك بلباب قوي انداريت جان واكف ما متحرك انفتح الباب وجانت ازل دخلتني جوا واجت عينها على السياره وهيه تتحرك ودعته بعيوني

.. سنين واني اتمنى بس ولا مره تحقق الي اريده ليش هلمره تتحقق امنيتي وبهاي السرعه!!

.. اخذتني بحضنها بعد ما شفت وضعي تعبان وكعت باايدها وغوشت عيني

.. حسيت عليها وهيه تغسل وجهي بمي بارد نزيت واني افتح عيني بضعف

ازل: شبيج ولج خرعتيني

.. كمت على حيلي واني احضنها وابجي حجيت بغصه وقهر

ملاك: ولا مره كعد ويايه الحظ ازل تعبتت

.. حضنتني قوي وهيه تكومني على حيلي اخذتني للصاله تكعدني بيها راحت سريع جابتلي كوب مي تشربني حطيت ايدي على الكوب ترجف ساعدتني هيه وبعدته عني خلته على الميز وعينها عليه كالت

ازل: احجي شكو شصاير

.. مسحت دموعي واني اضغط على راسي

ملاك: هلمره انتهينا من صدك ازل

.. ضيقت عينها با استغراب وكالت

ازل: اتطلكتو مو

.. حجيت واني ااشر على گلبي

ملاك: اول مره اريده هيج مااريد ابتعد عنه روحي تريده ولج گلبي ياذيني عليه

.. ضربت بقبضه ايدي على رجلي

.. حسيت نفسي فقدت ما اعرف شنو اسوي بنفسي ولا اعرف شنو الي احجي واريده بس كل الي اعرفه اي اني جنت اريده حيل ماردت ابتعد عنه بعد بس بعديش!!

.. بقيت لامه نفسي با الصاله واني اتذكر كل لحضه عشناها سوه لمساته وكلامه وعيونه

.. مسحت دموعي وتقربت عليه ازل وهيه ادكول

ازل: ولو ما اريد ازيدها عليج بس تدرين با ابن الضبع مخطوف

.. فتحت عيني واني اشهك حجيت سريع

ملاك: منووو خطفه

ازل: ما اعرف والله بس الي سمعته يكولون اسد

.. ضغطت باايدي قوي

ملاك: الله ينتقم من عنده الحيوان شيريد من الطفل

.. باعتلي وهيه خايفه

ازل: ملاك شلون لو اسد عاد السالفه ورجع كتل ابن الضبع

.. هزيت راسي بحزن واني مثبته عيني على الفراغ حجيت

ملاك: مستحيل ضبع هلمره يفوتها اله

ازل: خايفه والله اسد انسان مريض

.. رفعت عيني عليها وحجيت

ملاك: اريد اروح يم الـِن اكيد هسه شحالها

.. هزت براسها وكالت

ازل: اخابرلج ادم ابو صماخ يجي ياخذج وروحي يمها خطيه

.. هزيت راسي واخذت المبايل تتصل اجانه صوته وهو يكول

ادم: شنو تردين متصله عليه

.. حجت بصوت عالي

ازل: واني بحورك اتصل عليك بس يمي ملاك ورادتك تجي عليها تاخذها

ادم: مو هسه مااكدر ملتهين

ازل: شوف ولك مو عود صرت دكتور وتشيل خشمك علينه

ادم: ولج زلزال ليش ما تولين عني روحي طالعه

.. بعدها ما حجت وسده بوجها شمرت المبايل بعيد وهيه فايره صاحت بصوت عاالي

ازل: طبعا يصير دكتور اذا صماخه شكبره

.. عيني عليها ازل وادم اصدقاء من الطفوله بس جانو دائما يتنافسون اتحولو اعداء بعد ما دخل ادم طب وهيه دخلت تمريض

.. ثبتت عينها عليه وكالت

ازل: كومي ارتاحي راح اسويلج غده

.. هزيت براسي ودخلت للغرفه صحت بصوت

ملاك: ازل خالي وين

.. سمعت صوتها وهيه ادكول

ازل: مسافر مثل العاده

.. خالي جان ساكن ويانه بلقصر بس بعد المشاكل طلع وجانت صغيره

.. بدلت ملابسي وكعدت على السرير واني  احط ايد على شفتي اتذكر لمساته نزلن دموعي وحجيت بهمس

ملاك: معقوله انسى؟

.. مر تقريبا اسبوع وحالتي اتكسفت من الجهتين الـِن والاشتر احس نفسي تعبت كل ما اتصل على ادم يرفضني لحد ما اجا هذا اليوم

.. كاعده بلصاله واندك الباب طلعت ازل تفتح وسمعتها وهيه تصيح

ازل: ما تدخل شكو

.. ضيقت عيني با استغراب واني اتوجهه للباب جان ادم تقربت عليه واجت عينه عليه حجيت بصوت حسيت اكو شي

ملاك: شكو ادم

.. نزل راسه وكال

ادم: ابن الضبع مات

........................................

لهنا وخلص البارت💗

- بنات بعدين نعرف الاشتر ليش طلكها لا تنزلن عليه بساع 😂💗