رواية سليله الانتقام الفصل السابع والعشرون 27 - بقلم taratel

لم ارغب سوى
باالهروب معك
في مكان ما
يجعلني احتمي بك
الى مدى طويل ..

قراءه ممتعه🦋
تراتيل🦋
................................

الانتقام الثاني:

.. كاعد وهو مثبت عينه عليها وعلى ثغره ابتسامه شر
.. يشوفها وهيه تلوب بروحها والنار ماكلتها اكل تتحرك تريد بس واحد يطفيها ماكو احد بس هو

.. ريحه لحمها المحترك وهو ينسلخ عن جسدها صراخها المتواصل

..اتقرب واحد يلفها بغطوه ويطفي النار عنها بس بعد ما فقدت اخر نفس

.. الكل جان خايف محد يكدر يتقدم وهو موجود جانت بس عيونهم تترقبه

.. اشر لرجاله يدخلون للقصر وهم باايدهم جلكان نفط رجع كعد نفس كعدته السابقه وهو يشاهد باابتسامه مكر
ورا رابع ساعه طلعو وهم ياشروله براسهم

.. اندار على الي واكفين ورا واطرافهم ترتجف وكال

ضبع: شوفولي قصركم

.. اندار وبكل هدوء وهو يكول

ضبع: اشعل

.. فتح النار وبدت تاكل القصر اكل بدت اصوات صراخهم وتقدمهم يردون يطفون النار بس ميكدرون ورجاله محاوطيهم

ابتعد وهو يرجع يصير مقابيلهم وكال

ضبع: كم واحد كتلتو علمود هذا القصر؟
كم واحد تيتم علمود هذا القصر؟
كم خطه سويتوها علمود تحصلون عليه؟

.. سكت ورجع كال بكل هدوء واستفزاز

ضبع: لعبتو وي الشخص الخطأ

..ضحك ورجع كال

ضبع: مو كدي ليش تخلون راسكم براسي وتعرفوني زين

اتقرب على وحده منهن وهو يجرها من شعرها حيل كانما هيه الفريسه الثانيه الـه

ضبع: احجي

..هزت براسها وعيونها متروسه خوف وقلق
..نزلت على ايده تبوس بيها

براء: والله ماادري

.. رجع يشد على شعرها اقوه وهو يكول

ضبع: وين راحت

..حجت بتوسل ودموعها ما وكفت
براء: والله مادري سمعت نور ادكول راح اخذها واطلع خارج العراق

.. غمضت عينها بخوف وهيه تنزل لرجله وتتوسله
براء: الـِن ونور هنه الي قدمن البلاغ ولفقن تهمه الك والله اني مادري

..نزل عليها وهو يجرها من شعرها ويكومها على حيلها ثبت عينه عليها وكال

ضبع: كل واحد وياخذ عقابه

...............................................

.. هلاكي

.. مااحس بنفسي انداريت واني اشوف جانت القاعه فارغه طلعت اركض لكيت حلا كدامي

..اشرت على القاعه وحجيت
الـِن: حلا حبابه تعرفين منو جان كاعد هنا
حلا: لا مادري جانو اكو مجموعه طلاب وطلعوا

.. نزلت عيني واني خايفه ايدي يرجفن ماكدرت اسيطر على نفسي باعتلي وكالت

حلا: وضعج ما عاجبني بيج شي؟

..هزيت راسي نافيه واني ابتعد عنها
رجعت لمكاني واني گلبي ما مرتاح متاكده هذا ضبع محد يحجيها غيره شويه وشفت حلا تقربت عليه

حلا: شوكت تطلعين
الـِن: عندي ملازم اريد اطبعهن بس اخلص اطلع
حلا: يله علمود تلحكين على احتفاليه رأس السنه
الـِن: ما اتوقع الحك
حلا:ماعندج شي خلصيهن بساع

.. هزيت راسي ورجعت حجت

حلا: راح اطلع هسه ينتظروني بلبيت وبس تخلصين طفي الاضويه وتاكدي من القاعات مغلقه وقفلي الباب وطلعي

الـِن: تمام

.. طلعت وعافتني بحدي جانت المكتبه فارغه كعدت اعدل بلملازم وسحبتهن وجان اكو كتب هم عزلتهن ورجعت كل واحد لمكانه

.. رفعت راسي وكعدت على الكرسي حسيت ظهري يريد يطك من التعب جانت الساعه ب 11:26

.. حسيت على اصوات بنهايه القاعه اخذتني خطواتي الها توسطت القاعه وجان اكو ظل بلنهايه خفت ورجعت خطوه وطفت الاضويه

.. حسيت گلبي يدك الف بلدقيقه الوحده خفت حيل اطرافي يرجفن صحت بصوت عالي

الـِن: منو هنا

.. ماكو شي بس صدى صوتي رجعلي حطيت ايدي على جيب الكوت ماكو مبايلي حجيت

الـِن: شكد غبيه نسيتي يم الطابعه

..رجعت بخطواتي واني اتلمس والمح شي خفيف على ضوه القمر الداخل من شبابيك القاعه

.. بقيت ارجع بخطواتي واني خايفه توقفت واني اشتم عطره المستحيل انسى انداريت واني افتح عيوني قوي وان لعل اشوفه بهذا الظلام صحت بصوت

الـِن: ضبع ؟

.. ما جان اكو جواب
..رجعت صحت بصوت اعلا

الـِن: ضبع وينك موجود الله عليك لا تخوفني

.. ماكو جواب بس صوت الصدى
.. صوت اقدام مشي وي كل خطوه يزيد عطره

.. كعدت بلكاع خايفه واني اصيح
الـِن: ضبع جاوبني لا تخوفني هيج

..ماجان اكو جواب بس صوت الصدى يرجعلي

.. رجعت بخطواتي واني خايفه حسيت گلبي راح يوكف نزلت دموعي على وجناتي واني ما احس بيهن جنت مثبته عيني للامام

.. بعدت شعري عن وجهي وحسيت على الخطوات تقربت عليه اكثر

..خليت ايدي على عيوني وشهكاتي يعلن نزلت راسي للارض واني خايفه حجيت بصوت هامس

الـِن: ضبع حباب لا تسوي هيج وتخوفوني

.. حسيت على الباب نفتح وبان ضوه رفعت راسي وصاح

عمر: شبيج الـِن

.. رفعت راسي واني ابجي حجيت
الـِن: عمر حباب تعال گلبي راح يوكف

.. تقرب عليه وهو يلزم ايدي ويكومني على حيلي اخذت منه الضوه واني اوجهه مقابيلي ما جان اكو شي بس فراغ

عمر: شبيج
الـِن: انطفت الكهرباء وخفت
عمر:تعالي وياي راح ارفع المحوله يمكن نازله

.. اخذتت اللايت باايدي واتجهنه ما جان اكو شي القاعه فارغه بس معقوله يتهيئلي!!

.. رفع المحوله واشتغلت الاضويه رفع نظره عليه وكال
عمر: ليش باقيه لسه
الـِن: راح اروح جنت اطبع الملازم
عمر: تردين اوصلج
الـِن: لا ميحتاج قريبه شقتنه

.. هز براسه وهو مثبت عينه عليه مد ايده الي لامست ايدي راسا ابتعدت عنه واني خايفه انداريت ماخذه مبايلي وطلعت من المكتبه

.. جان الجو حيل بارد لفيت نفسي بلكوت مخليه ايدي بجيوبه
..الناس طالعه تحتفل رفعت راسي اشوف الصعاديات الي مزينه السما الاغاني الكرديه الي ماليه الشوارع

.. بقيت امشي واني متمعنه بمشاهدهم

.. حسيت على خطوات خلفي انداريت سريع لكيت ولد ابتعدت عنه واني خايفه كملت طريقي ورجعت للشقه فتحتها لكيت نور ما موجوده

.. دخلت واني اشمر الكوت بلصاله اخذت منشفه ودخلت اسبح حسيت على صوت بلشقه صحت

الـِن: نور

.. ما جان اكو جواب

حجيت بداخلي
الـِن: والله گلبي راح يوكف شكاعد يصير وياي اليوم راح اتخبل

.. لفيت نفسي على السريع وطلعت اشوف منو جانت الشقه فارغه اجا عطره بخشمي حسيته جان مو جود طلعت ادور عليه مثل الخبله فتحت الباب الممر فارغ

... ارتديت للخلف ودموعي نزلن صحت بصوت
الـِن: ضبع الجلب لا اتعب نفسيتي اذا موجود اطلع ولا تتختل

.. ما جان اكو جواب
.. كعدت بلصاله وحطيت ايدي على عيوني واني اشهك

.. رفعت راسي على فتحت الباب
نور: شبيج تبجين

.. هزيت براسي نافيه وحجيت
الـِن: وين جنتي
نور: يم خالتج

.. سكتت ما جاوبتها بعد رجعت حجت
نور: تجين نطلع نحتفل برا اني وياج قبل لا تصير ب١٢

..هزيت براسي نافيه
الـِن: لا ماريد

..جرتني من ايدي قوي وهيه ادكول
نور: من اجينه ما تطلعين ولا تمشين بس للشغل وترجعين ترا حيل حلوه الاجواء امشي نروح

.. بعدت ايدي عنها واني احجي
الـِن: شلون تردين اطلع واتونس وبسببي انسجن الانسان الي يحميني لو مو هوه جان هسه اني ميته من زمان جان عشت اكره نفسي العمر كله

.. صاحت بصوت
نور: لج غبيه نسيتي شلون كتلج وشمرج نسيتي

..نزلت راسي بااسى ورجعت حجيت
الـِن: بس لو مو هو جان هسه هاشم ذابحني

.. ابتسمت وحجت بااستهزاء
نور: بلحالتين ميته

.. عافتني وطلعت حسيت عليها ضاجت من عندي وهاي اول مره

..تقربت عليها ولزمتها من ايدها وصرت بمستواها

الـِن: لا تطلبين مني انسى ضبع الي جان وياي بااسوء وقتي اول مشاعر الحب حسيتها ويا عشت عمري قسوه بقسوه اول كلمه حلوه سمعتها منه اول مشاعر سعيده عشتها ويا فلا تطلبين من عندي انسى

.. مسحت دمعه جان بطرف عيني وحجيت

الـِن: عشت ١٨ سنه ابيت ما شفت من عنده بس المذله والاهانه عشت بتعذيب جسدي ونفسي

..نزلت راسها شديت على ايدها حيل وكملت

الـِن: تدرين كم مره انام ودمعتي بعيني تدرين كم مره انام واني محرومه من الاكل تدرين كم مره تمنيت اموت واخلص منهم

.. نزلت دمعه من عدها مديت ايدي امسحها حجيت

الـِن: عشت بلشارع شايفه كم مره اتعرض للتحرش؟
من الشارع ومن الي جنت اعتبره اخوي
تدرين جنت وين ما اروح اشوف عيونهم الشهوانيه وكلامهم البذيئ تدرين كرهت نفسي لان نولدت

.. قربت شفتها وطبعت بوسه على راسي وحجت
نور: مو ذنبي والله مو ذنبنا

.. مسحت دموعي وحجيت

الـِن: ادري كل الصار مو ذنبكم بس اني هذا العشته بسببكم ما حميتوني عدل وما حافظتوا عليه

..نزلت راسها وهيه تمسح دموعها

الـِن: ضبع بلنسبه اليه المنقذ
ماما : ضبع مجرم يا ماما ليش ما كاعد تفتهميني كلها تعرف ضبع انسان وحش ماعنده گلب اني ابعدج عنه لمصلحتج
الـِن: تدرين ليش تبعدوني عنه لان محد اله لا اب ولا ام ومحد يريده ولا يحبه عاش عمره منبوذ محد قربه محد سنده محد اهتم اله

..رفعت راسها اليه
نور: لا تنسين الي سوا الج لا تخدعين گلبج بحبه ضبع ميحب احد انسان مكار

.. هزيت راسي نافيه كلامها
الـِن: هو وياي غير
نور: لا تخبليني شلون وياج غير وهو كتلج وشمرج بلصحراء

.. سكتت ما عرفت شنو اجاوبها تركتها وطلعت حسيت راح تصير ب١٢ اصوات السيارات والاغاني علت فتحت الشباك واني اباوع على منظرهم اصوات اجت عيني على شخص جان واكف جوا شقتنه مباشره وهو مثبت عينه على البلكونه رجعت سديتها واني خايفه

.. صارت الساعه ب١٢ والناس بدت تحتفل بسنه جديده رحت للغرفه لكيت نور حاضنه صوره رضوان نور ما تحب رضوان تعشقه لحد الان اسمع صوتها كل يوم تبجي عليه وتدعيله

.. سديت باب غرفتي واخذت مبايلي لكيت رساله فتحتها
.. اطراف ايدي ترتعش عيوني غوشن اريد اثبت المبايل باايدي مااكدر رجعت ثبتت عيني عليها

- هلاكي

.. كتبت وايدي ترجف

الـِن: ضبع؟؟

.. ما شاف الرساله ولا فتحها
..خزنت الرقم واتصلت عليه ماجان اكو جواب

الـِن: ضبع هذا انت مو

..

الـِن: جاوبني الله يخليك ضبع مشتاقتلك

.. ما جان اكو جواب بقيت مكابله الرسايل نص ساعه لا فتحهن ولا وجاوب نزلت دمعه من عندي مسحتها وغلقت المبايل

.. بقيت احاول انام ماكدرت جنت منتظره يجاوب

.. مجربين هذا الشعور من تنتظرون رساله من شخص وعينكم ما تاخذ نوم وگلبكم ياذيكم ؟ تحسون الحياه واكفه على هاي الرساله على كلمه لو كلمتين ؟؟

.. بقيت احوس لحد ما طلعت الشمس حسيت على نفسي عيوني غوشن رجعت فتحتهن من حسيت على صوت اشعار وصل اخذت المبايل باايدي بس خاب ضني ..

.. دموعي نزلن كتبتله

الـِن: تدري اليوم كاعده اشتغل ولكيت ورقه مكتوب بيها هلاكي عرفتك انت وهسه هم اني متاكده هذا انت محد يكولها غيرك اي اني هلاكك

.. ما جاوب رجعت كتبت

الـِن: ضبع اني ما عشت بعدك البعد عرفني شكد انت مهم بلنسبه اليه احس روحي تتاذه من ابتعد عنك وهذا الي كاعد يصير اي ضبع اني احبك

.. راسا نفتحن الرسايل حسيت بگلبي طاير من الفرحه يعني قرا رسايلي وراح يجاوبني كعدت انتظر دقايق ما جاوب بقيت انتظر ساعات لحد ما حسيتها صارت بـ 9

.. كمت على حيلي واني فرحانه مااعرف ليش بس حسيت هو عرف مشاعري تجاهه حسيت على هذا العبئ الثقيل انزاح شفت نفسي بلمريا وحجيت وياها مثل الخبله واضحك من سعادتي بهذا اليوم

الـِن: لج خبله اكو وحده تعترف للولد
.. ضحكت واني ابوس نفسي رجعت حجيت بضحكه
الـِن: عادي هو زوجج

.. ابتعدت واني فرحانه بس ليش حبيت نفسي بيومها واني الي جنت اكرهها معقوله الحب يخلي الانسان يحب نفسه !!

.. اخذت قمصلتي واني نازله حطيت الكلاو على راسي جانت الدنيا تمطر قوي سمعت صوت نور قبل لا اسد الباب

نور: تتريكين
الـِن: لا راح اكل برا

.. طلعت وسديت الباب ورايه طلعت واني حابه الناس الشارع .. المطر .. الجيران .. الاطفال.. اصوات السيارات المزعجه .. طلعت واني الابتسامه ما فاركت وجهي

.. وصلت للمكتبه لكيت حلا و ود هستوهن واصلات قبلي صحت بصوت

الـِن: صباح الخييير
حلا: يمه وكفتي كلبي

.. باوعت عليه وابتسمت
حلا: منين هذا النشاط اليوم شعجب من وكت

..نزلت راسي بخجل ورفعت خصله من شعري ورا اذني وحجيت
الـِن: مادري

.. باوعت ود لحلا وهنه مصدومات من منظري حجت

ود: كل يوم تجين مطنكره اليوم ما شاء الله عليج الابتسامه شاكه حلكج اعترفي شصاير

.. رفعت راسي واني اسوي نفسي معصبه
الـِن: هاي شبيجن والله مو صوجن

.. سكتن وهنه وحده تبتسم للثانيه رجعت حجيت

الـِن: عمر ماكو

ود: اليوم واخيرا جايه قبله وخلصتينا من لغوته الزايده

..ابتسمت على كلامها واني متجهه للطابعه اشغلها
الـِن: شعدنه اليوم
حلا: ماكو شي بس نعدل رفوف الكتب رجعن تخربطن

..هزيت براسي متجهه اعدل الكتب وارجع كل واحد لمكانه
.. اخذت مبايلي اشوف اذا وصلني اشعار بس ماكو ما مجاوب
.. بقيت افتح المبايل كل ثانيه واني اشوفه بس كل مره يزيد خذلاني وماكو جواب حتى الموجودين حسو عليه تقربت حلا وهيه تحجي بصوت هامس

حلا: الـِن شبيج منتظره شي خبر

.. ابتسمت وهزيت راسي انفي كلامها ابتعدت عني
اخذت المبايل افتحه للمره الالف وماكو جواب

.. حسيت الحزن رجع خيم على گلبي وابتسامتي اختفت
سمعت صوت ورايه انداريت

عمر: الـِن عندي حجايه وياج ممكن نحجي على انفراد
الـِن: نعم

.. دار براسه وهو يشوف اذا اكو احد رجع ثبت نظره عليه وكال

عمر: من اول يوم شفتج بي واني مغرم بجمالج وجهج ضحكتج جسمج ولبسج وعيونج

..فتحت عيني بصدمه وحجيت بااستهزاء

الـِن: تحب وجهي جسمي وعيوني؟ يروحن ذني وينتهي الحب عادي

عمر: لااريد اخطبج

.. ثبتت عيني بعينه وحجيت
الـِن: عمر اني مزوجه

.. عفته ومشيت تحت صدمته لكيت البنات كاعدات تقربت عليهن
الـِن: سمعن
حلا: شكو
الـِن: عمر يكلي احب وجهج وجسمج وعيونج

.. ضحكت تحت صدمتهن

حلا: ولج هاي شوكت
الـِن: هسه
ود : احلفي
الـِن: ما تصدكني شبيجن
حلا: شجاوبتي اقبلي بي
الـِن: طبعا لا شنو يحب وجهي وجسمي وعيوني
ود: ولج وافقي بي عمر من عائله طاكه بشكل

.. باوعتلها بقرف وحجيت
الـِن: هاي شبيجن اكلجن يحب وجهي وجسمي وعيوني
حلا: كافي ترا حيل لحيتي بيها
الـِن: اي لان دقني من كالها

.. بقينه نضحك عليه لحد ما دخل ضل يخزرن بي واني اباوع على منظرهن واضحك حس على نفسه وكال

عمر: اني طالع هسه اذا خلصتن تكدرن تطلعن اعتبروها عطله اليوم سنه جديده

.. محد بيهن جاوبت وبس يخزرن بي بقى صافن

..حجيت بصوت مبتسمه على الموقف

الـِن : تمام

.. طلع وماتحملت طكيتها ضحكه واني احجي
الـِن: شبيجن راح تاكلن الولد
حلا: خل يولي سرسري

الـِن: تطلعون ناكل برا
حلا: عادي ما دام اليوم مخلصين من وكت
ود: مو مشكله

.. وصلنه للمطعم وبدن البنات يطلبن حسيت على مبايلي يتصل رفعته واني ملهوفه

..نزلت عيني بااسى واني اجاوبها
الـِن: ها نور
نور: شوكت ترجعين اليوم بالي يمج
الـِن: اني والبنات بلمطعم شويه وارجع
نور: حبيبتي ماما اعذريني البارحه صيحت عليج

..ابتسمت بقهر
الـِن: مو مشكله

.. سدت الخط وراحت باعلي البنات وهنه متسائلات

حلا: الـِن عود منو نور اشو دوم تتصل عليج
الـِن: شكد فضوليه خرب يومج
حلا: اي غير نعرف لو بس اسمج صديقتي
الـِن: امي
حلا: لعد ليش ادكولين نور تدرين من كد ما تحجين بااسمها عبالي اختج

.. سكتت ما جاوبتها وهيه حست عليه لذلك بعد ما حجت

..بقن يسولفن ويضحكن واني بالي يم المبايل كل شوي ارفعه واشوف اذا مجاوب بس كل مره يخيب ضني اكثر لحد ما رجعنه

..فتحت الباب لكيت نور كاعده بلصاله تباوع تلفزيون اول ما شافتني كالت

نور: تونستي اليوم

.. هزيت راسي رجعت حجت

نور: ترحين وياي لخالتج اليوم عازمتنه على الغده
الـِن: لا ماروح روحي ابحدج

.. ماجاوبتني بعد عفتها ودخلت للغرفه ابدل شمرت نفسي على السرير واني تعبانه اخذت المبايل باايدي اشوفه ما جان اكو جواب شمرته يمي بيأس ونمت

.. حسيت على عطره بخشمي حسيت على لمساته بس ماكعدت ولا كدرت ارفع جفني يمكن من التعب؟؟

.. رجعت فتحت عيني ماكو شي كمت على حيلي الغرفه فارغه بس عطره موجود نزلت دمعه على خدي مسحتها وفتحت الباب لكيت نور طالعه شفت الساعه ب٣ الظهر

..رجعت للغرفه اخذت المبايل باايدي لكيت اشعار فتحته وگلبي احسه يريد يطلع

- تعالي لهذا المكان ... عدنه امور لازم نصفيها

.. بدون وعي كتبتله

الـِن: جايه

.. فتحت الكنتور واني الفرحه ما سايعتني احتاريت شنو البس اخر شي اخذت بنطرون جينز وتيشرت ساده وفتحت شعري ولبست فوكا كوت طويل ولبست البوت وطلعت

.. حسيت گلبي يطير من الفرح واخيرا راح اشوف ضبع اخذت تكسي وانطيته العنوان

-عمو هذا المكان بعيد
الـِن: مومشكله

.. منطقه جبليه صعب الواحد يصعدلها اخر نقطه جانت اله
- لهنا حدي ماا كدر بعد

.. هزيت راسي وانطيته الكروه ونزلت

.. المنطقه جبليه والثلوج تغطيها مشيت مسافه حيل بعيده حسيت على رجلي وكعن من التعب اخذت مبايلي واني اتصل

نور: ها حبيبتي
الـِن: اني طلعت للشغل
نور: ليش مو على اساس اليوم عطله

.. ارتبكت ورجعت حجيت
الـِن: اي بس رادو احد يبقى بلمكتبه
نور: تمام حبيبتي

.. غلقته منها ورجعت اكمل طريقي منحدرات عاليه حسيت على نفسي ضاق كل ما اصعد البروده تزداد خليت ايدي بجيب الكوت واني الفه على نفسي وبقيت مستمره اصعد

.. وصلت للمكان واني اندار حول نفسي جانت اكواخ قليله ومتباعده حيل و مكان فارغ

الـِن: ياترا منو منهن

.. اخذت مبايلي واني ادزله رساله
- وين انت

..رفعت راسي واني اشوفه كدامي بس جان مو ضبع !!

....................................

- منين حامل

..بس كال هيج حسيت اطرافي ارتعشن من الخوف بلعت ريكي واني خايفه حجت واني منزله راسي

ريم: خالو اني مزوجه

..بس كلت هيج فتح عينه بصدمه ما مصدكني تقرب عليه وهو يكول

- ولج صارلج شكد عدنه ما حجيتي

.. بقيت صافنه بوجهه واني مااعرف شنواجاوبه
ريم: لان نريد نطلك

.. حط ايده على راسه وهو يكول
-منو زوجج وشوكت متزوجه

ريم:خالو الولد الي جابني هذا زوجي
- يا سكط حتى ماكال مرتي

..تقرب عليه وهو يخنكني باايده وكال
-ولج خاف تجذبين عليه

.. حجيت بصعوبه
ريم: لا والله مااجذب عليك وعنده وثيقه رسميه لزواجنه خابره وشوف

.. بعد ايده عني وهو صاير نار طلع من الغرفه شويه ورجع دخل
-يله راح نطلع

..كمت على كيفي وحجيت
ريم: خو ما بي شي ابني
-مابي شي بس شويه تعب

..باوعلي ورجع كال
-ليش ضميتي علينه يا بابا غير نوكفه عد حده اذا مو زين وياج وشلون هسه تطلكين وانتي حامل با ابنه

.. نزلت راسي امسح دموعي
ريم: كلت مو هسه احجيلكم من يجي
-راح اخذ رقمه واخابره نشوف حل لهاي المهزله

..سكتت ما جاوبته بعد بس وصلنه للبيت تلكتني بيبي والبنات يسئلون عني ما جاوبتهن رفعت عيني لخالي وهو يحجي

- ديرو بالكم عليها لا تشغلوها البنيه حامل

..الكل شهك بصدمه وهمه يثبتون نظرهم عليه مصدومين

..جرتني الحجيه وهيه تاخذني لغرفتها كعدتني على السرير وكالت

الحجيه:شلون عرف
ريم: اول ما كعدت سئلني منين حامل
الحجيه: وحجيتي

..هزيت براسي بمعنى اي
ريم: لازم يعرف
الحجيه: خوش لعد انتي ارتاحي هسه ونامي واني راح اروح اكعد يمهم واشوف

..طلعت شويه واجت عليه وحده من البنات
-يردوج بلصاله

..هزيت راسي وطلعت لكيتهم متجمعين بلصاله خوالي وجدي والحجيه اشرتلي الحجيه اكعد يمها اتقربت عليها وجانت نظراتهم عليه كعدت واني اترقب كلامهم رفعت نظري لجدي الي بده بلكلام وهو يكول

- بويه احنه بيوم من الايام امج بعدناها وما يوم انذكرت ولا انجاب طاري اسمها بهذا البيت سنين واحنه عايشين ومعتبريها ماتت بس من دك الباب ذاك الضابط وهو يكول بنت بتكم ماعدها احد بعدكم استقبلناج

..نزلت راسي ونزلت دمعه على خدي مسحتها حسيت على الحجيه وهيه تحط ايدها على ظهري وهمست بااذني

الحجيه: سمعي

..رجعت نظري عليه

-دخلتي بيناتنه واعتبرناج وحده من بناتنه ماقصرنه عليج بشي بس من نعرف انتي مزوجه وحامل هم مو حلوه لا بحقج ولا بحقنه

..نزلت راسي وبديت ابجي جان الكل منتظرين جواب من عندي رجع كال

- احنه الي علينه راح نخابر الولد ونكعد ويا ونشوف شنو مشكلته شلون يطلك وانتي ابطنج طفل

..هزيت راسي اخذ خالي المبايل وبدا يتصل على شرار بس جان ماكو جواب اتصلوا عليه اكثر من مره

- ميجاوب
- نروحله لبيته

..رفعوا نظرهم عليه وحجيت
ريم: بمجمع .....

.. اخذوا كل المعلومات من عندي وطلعوا جنت خايفه حيل ما يلكون شرار اخذت مبايل الحجيه اتصلت عليه هم ميجاوب دزيتله رساله

ريم: شرار عفيه جاوب خوالي عرفوا

.. نفس الحاله ما جان اكو جواب حذفت الرسايل ورجعت المبايل للحجيه وكعدنه ننتظرهم ما جان اكو احد يمي بس بت خالي وامها الي كل شويه يتصل مبايلها وتشيله وترمقني بنضارتها التخوف اخر شي اتصل مبايلها وشالته سمعت بس ذني الكلمات الي خلن اطرافي ترتعش

..ما مزوج
.. رحتوا الاهله

.. سدت المبايل وهيه تركض للحجيه وادكلها
- حجيه الحكي راح يذبحوها

.. كمت على حيلي خايفه متجهه عليهن بس شافني صاحن
- لازم نشردها
ريم: شصاير

..تقرب عليه مره خالي وهيه تصيح
- ولج يمفلوكه ما تعرفين شصاير الي ادكولين عليه رجلي طلع حتى ما مزوج

.. هزيت راسي نافيه كلامها
ريم: لا والله رجلي بس لان متزوجين هسه
- ولج شلون مزوجه هسه وبطنج بلثالث
ريم: اي يعني صارلنه كم شهر
- ريم طلعي منا وبعد لا تراوينه وجهج مثل ما جنتي ما موجوده بحياتنه اطلعي منها لان والله لو شافوج هسه اله يذبحوج بدمج

.. بس كالت هيج طلعت للباب واني احس على اصواتهم العاليه رجعت بخطواتي انفتح الباب صار خالي بوجهي

..اتقدم عليه وهو يجرني من شعري وضربني على راسي
- لج عار منين اجيتينه

.. تقربت عليه الحجيه تحاول تبعده عني ماكدرتله بقى يضرب بيه ابتعد عني واني جسمي ما احس بي من الالم نزع حزام بنطرونه وهو يتقرب عليه

.. البيت جان عباره عن اصوات صراخ ناس تهجم وناس تصيح ابن خالي وكف يريد يدافعلي ضربه خالي بخشمه خلا الدم يطفر اتقرب عليه وهو شايل الحزام

.. شكد تمنيت بهذا اليوم عندي سند بس ماكو الاب وراح ماكو سند مثل الاب ولا راح يجي

.. جرني من شعري الي تهلس باايدي وبدا يضرب بيه كل ضربه جانت تخلف اثر بجسمي

.. لميت نفسي واني احاول احمي ابني من ضرباتهم
.. حسيت على الالم ابطني غوشت عيني واني اصرخ بصوت ضعيف

ريم: الله عليكم لا تضربوني ابني شنو ذنبه

..غوشت عيني واني افقد

..حسيت على صوت شرار يمي بس جان ضعيف فتحت عيني بطيئ ووضحت عندي الرؤيه لكيت شرار واكف يمي وهو لازم ايدي

شرار: شلون صرتي

.. باوعتله ونزلت دمعه من عيني وحجيت
ريم:شرار ابني

.. قرب ايده وهو يمسح دموعي
شرار: اشش لا تبجين
ريم: احجي ابني وين

..تقرب وهو يطبع بوسه خفيفه على راسي ورجع ثبت نظره عليه
شرار: الله يعوض

.. بس كال هيج بعدت نفسي عنه ورفعت ايدي

ريم: كاعد تشوف هاي اثار الضرب كلها بسببك

..حطيت ايدي على بطني واني اتلمسها

ريم: وهاي هم بسببك

.. شفت بعينه نظره انكسار نزل راسه وحجه

شرار:ليش ما كلتي
ريم: مادري

..تقرب وهو ياخذ ايدي ويطبع بوسه عليها
شرار: جانو توأم

.. بعدت ايدي عنه قوي ودرت وجهي عنه ودموعي الي ماكدرت اسيطر عليهن تحت صوتي المتشحرج من الصياح حجيت بضعف وقهر

ريم: الشي الجان يربطني بيك وراح طلكني شرار

..تقرب عليه وهو يضغط باايده على فكي رص على اسنانه وهو يكول
شرار: لو تموتين
ريم: ماريدك افتهم
شرار: باجر نطلع من المستشفى وترجعين وياي وذوله خوالج اعرف حسابي وياهم

ريم: وين جنت

..سكت ما جاوبني رجعت حجيت بصوت اعلا

ريم: شرار وين جنت

..بعد نظره عني وهو يكول
شرار: مهمه

..ابتعد عني وطلع
..اخذت ايدي واني اخليها على بطني حجيت

ريم: شكد جنت اكرهك شكد تمنيتك تموت وما تجي للدنيا يمكن سمعتني ورحت

..بجيت ما متحمله الموقف

ريم: ماكدرت احميك

.. غمضت عيني واني اتذكر اخر لحضات فتحت عيني على طبكه الباب لكيته شرار

.. تقرب عليه وحجيت
ريم: اريد اطلع
شرار: مو زين عليج اليوم نبقى وباجر نطلع
ريم: ليش ما جاوبت من اتصلوا عليك
شرار: غالق مبايلي
ريم: مااصدك

.. سكت ما جاوبني
ريم: اذوني حيل

.. بعد خصله من شعري وهو يطبع بوسه خفيفه ركبتي
همس بااذني

شرار: يندمون

.. بعدت نفسي عنه وحجيت
ريم: طلعني منا بعد ما اتحمل

.. هز براسه وابتعد عني وطلع شويه ورجع كال
شرار: يله نطلع طلعتج على مسئوليتي عود لا تموتين عليه ترا انسجن

.. كمت على حيلي متوجعه اشرتله باايدي وحجيت

ريم: شيلني مااكدر امشي
شرار: مااكدرلج سمينه

..
ريم: شيلني شبيك
شرار: بويه شبيج تشوفين روحج خفيفه وين اكدرلج ظهري يطك هسه اجيبلج كرسي

.. بعدت عنه واني احاول امشي ولازمه ظهري متوجعه

..تقرب عليه وهو محاوط ظهري باايده يشيلني
..لفيت ايدي على ركبته وحطيت راسي على صدره

..مشى شوي وهو يتذمر
شرار: بويه راح افطس
ريم: شرار بيش الساعه اشو ماكو احد
شرار: بـ٤
ريم: عزاا
شرار: شبيج
ريم: منو جابني

.. صعدني للسياره وهو يحجي

شرار: اني اخذتج

..فتحت عيني بصدمه
ريم: شوكت اجيت

.. سكت ما جاوب صعد بلسياره وهو يسوق رجعت حجيت

ريم: شرار صاير هواي تغلس احجي شبيك
شرار: شنو
ريم: شوكت اجيت
شرار: اجيت اشوفج وطلعلي ابن خالج كال الحك عليها دخلت لكيتج غركانه بدمج اخذتج وطلعت

.. هزيت براسي ونزلت دمعه جان بطرف عيني وحجيت
ريم: همزين مات

..حجه وهو عيونه قطعه دم صح يحجي ويسولف بس علمود ما ياذيني اكثر بس اني جنت متاكده شرار انقهر اكثر مني

شرار: ماتو روحين وليس روُح وحده
ريم: فرحانه ماتو

.. ما جاوبني بعد مسافه بعيده واخذ طريق ثاني
ريم: وين رايحين
شرار: راح اخذج تبقين يم ملاك عندي مهمه مااكدر اعوفج ابحدج بلشقه

..حجيت بصوت مستغرب
ريم: ملاك!!
شرار: اي
ريم: ليش مو ميته
شرار: عند الاشتر

.. سكتت بعد ما جاوبته لحد ما وصلنه يم البيت فتحلي الباب وهو ياخذ ايدي ينزلني

شرار: تكدرين تمشين لو اشيلج

..لزمت خصري متالمه وحجيت
ريم: لا عادي امشي

.. اول مادخلنه انفتح الباب وطلع منها واحد حلو تقرب على شرار وهو يسلم عليه باوعلي وكال

اشتر: الحمدالله على السلامه

..هزيت براسي متالمه اول مادخلنه صارت بوجهي ملاك تقربت عليه وهيه تحضن بيه حضنتها وحجيت

ريم: ولج ملاك وين جنتي
..نزلت دموعها وحجت
ملاك: بعدين اسولفلج ريم

..هزيت براسي و
.. اخذني شرار للصاله يكعدني
.. طلعت هيه وبقيت بس اني وشرار لزمت ايده واني اضغط عليها بااظافري

..ضغطت اكثر صاح
شرار: اخخ شبيج اظافرج
ريم: عينك لا افكسها والله

..دار وجهه للجه الثانيه رجعت حجيت
ريم: عيب عليك تباوع عليها حتى الولد الي يمك حس
شرار: ما مباوع
ريم: غير اكلتها اكل من اول ما دخلنه
شرار: اعشقها وروحي بيها

.. كال هيج لو احس گلبي اذاني حيل بعدت ايدي عنه امسح دمعتي الي وكعت وماحسيت عليها

.. بس حس عليه اندار وكال
شرار: شبيج
ريم: شرار لا تاذيني ماكو احد بهاي الدنيا ما اخذله حصه من قهري حتى انت دمرتني

.. سكتت من دخلو

اشتر: اول شي نروح نشوف ضبع شمسوي
شرار: بس اريد افتهم امي جابتني للدنيا بس علمود افتر ورا هذا الجلب الي ما خلا سالفه مكسره ما سواها
اشتر: لو يسمعك اله يكسرك
شرار: انت ويا نفس السوالف عليمن بعد احجي عليه

.. سكت ورجع كال
شرار: اشتر لازم نلكاها قبله لو لكاها ضبع يجرم بيها
اشتر: خوفي لاكيها لان ضبع ما ينضم عليه مده طويله

.. عدل كعدته ورجع كال
اشتر: اسمع شرار الخطه راح تكون كاالاتي ضبع وكلني مهمه الكا اله الـِن واكيد ما راح يبقى عليه بس اني احنه الي علينه نسوي نغير معلومات مكانها

شرار: لوتي واذا عرف بينه اله يكص راسنه
اشتر: يعرف يعرف بس على الاقل نتيهه عليه كم شهر

..لزم اجتافه وهو يحجي بخوف يستهزء
شرار: يمه لو لكفني ضبع اله يطير راسي اني اخاف اني اعتبرني منسحب

ملاك: البنيه شنو ذنبها وكعت با ايده

.. ندست شرار وهمست بااذنه اتقرب عليه
ريم: شرار الـِن الي تحجون عليها نفسها الـِن

..هز براسه بمعنى اي
..فتحت عيني بصدمه وحجيت

الـِن: ليش شبي ضبع وياها

..بعدني ما مكمله اتقربت عليه ملاك وكالت

ملاك: شبيج ولج ليش هذا حالج

..حجيت واني اضرب شرار بكتفه خفيف

ريم: ليش ما تدرين اتزوجت شرار وصار عدي توام وهسه ماتو وجابني هنا خايف عليه

..فتحت عينها بصدمه ورجعت ابتسمت
ملاك: يعني انتي زوجه شرار طلعتي ولج
ريم: ساعديني اكوم واسولفلج كلشي صار

..جرني عليه وهو يهمس
شرار: مو تحجين كلشي

..باوعتله واني اخزر بي حجيت بصوت عالي

ريم: اله اطلع سوالفك كلها يا شرار

.. لزمت ايدي وهيه تاخذني لوحده من الغرف وكعدتني بيها كعدت كدامي وكالت

ملاك: احجيلي ولج ريم شبيج متغيره وتعبانه

..ثبتت عيني بعينها وحجيت بتعب
ريم: شحجيلج ملاك اكلج رجلي يحبج وميت بيج واني لاشيئ بلنسبه اله !!

.........................

اشتر: ضبع حارك القصر هوه والي بي

..تقربت عليه بصدمه وحجيت
ملاك: ميتين
اشتر: بس رحمه

..حطي ايدي على صدري مصدومه وحجيت
ملاك: هو حركها

..هز براسه نافي كلامي وكال
اشتر: هيه حركت نفسها

.. صحت بصوت وضليت افتر بلصاله
ملاك: شكد غبي مو هستوه طلع من السجن يريد يرجع

..رجعت تقربت على اشتر وحجيت بخوف
ملاك: اشتر ماما اسماء شلونها

.. رجع كعد وتقربت عليه خايفه
ملاك: احجي حباب شصاير

اشتر: شوفي ملاك ضبع طلع وهو متحلف بيهم حرك القصر دخل براء واسد السجن بتهمه قتل رضوان وخاصتا اسد عليه هواي قضايا ورجع فتحهن برشاوي وامج من شافت القصر يحترك صارت عدها جلطه ثانيه ودخلوها المستشفى ورحمه حركت نفسها وماتت

..لزمت شعري حيل مذهوله وحجيت
ملاك: شيسوي بينه ضبع شيسوي بعد

اشتر: عمج احمد سجنه بتهمه قتل رفدان

..باوعتله واني مصدومه
ملاك: بس مو هو الكتل رفدان
اشتر: هواي شغلات ما نعرفها بس الاعرفه ضبع لفقلهم هاي التهم برشاوي ودخلهم السجن

..اتقربت عليه واني الزم ايده بخوف

ملاك:اشتر الله عليك الكوها لـ الـِن والله ضبع لو يلكاها يموتها

..هز براسه وكام على حيله كال
اشتر: نلكاها

.. اخذ مبايله وهو يتصل كل الي سمعته

اشتر: وين راحت يعني
..شوف ضبع لا تتخبل علينه
..لو ادري بيك هيج تسوي فلا اطلعك
..خلص عقوبتك والله كريم

.. سد الاتصال من عنده ورجع خابر
اشتر: شرار تعال لبيتي

.. ورجع سده بس كال جملته هاي ورفع نظره عليه
اشتر: الله اليستر

..تقربت عليه وحجيت
ملاك: اريد اروح اشوف امي

اشتر: مو هسه تشوفيها

.. سكتت ورجعت حجيت
ملاك: والباقين جدي مهيوب وين
اشتر: بقوا بلشوارع

ملاك: والله اني خايفه يسويله قضيه على جدي ويدخله السجن

..ابتسم وهو يتقرب عليه ويحاوط خصري

.. ابتعدت عنه ورجع جرني عليه وقيد ايدي ثبت عينه بعيني وهو يبتسم كال

اشتر: روُحي

..دفعته باايدي وحجيت
ملاك: اشتر شبيك وخر عني

.. بعد خصلات شعري وقرب اصابعه وهو يتلمس ركبتي

اشتر: ملاكي الحلو تزوجيني

..دفعته قوي وحجيت
ملاك: تلعب نفسي من لمساتك لاتلمسني ولا تتقرب عليه

.. حضنت نفسي باايديه وامسح اكتافي وحجيت تحت نظراته المذهوله

ملاك: ماكو فرق بينك وبين نصرت الجلب ثنينكم نفس اللمسات القذره

..رجع خطوه عني وعيونه صارت حمر

.. تهجمت عليه واني اضربه بقبضه ايدي على صدره كانما رجعت هاجمتني الذكريات من جديد

ملاك: اكرهك كلشي صار بسببك انت

.. تقرب عليه وهو يقيد ايدي واخذني بحضنه قوي وكال

اشتر: اخذيني بحضنج اني بدونج عدم

.. شد ايده اقوا على خصري ورجع كال

اشتر: يهدووني بيج

..طبع بوسه على كتفي وكال

اشتر: ما ياخذوج مني هلمره

..ابتعد عني تحت صدمتي احس نفسي مبنجه من كلامه ابتعد عني ورموشه مبلله ونزلت دمعه منه مسحها على السريع وطلع

..بقيت بمكاني مااعرف شسوي حسيت على طبكه الباب من طلع اتجهت للغرفه واني مصدومه بكلامه لزمت راسي الي بدا ياذيني من قوه الاحداث الصعبه الي بحياتي شنو استوعبه امي على فراش الموت لو ضبع الي حارك القصر لو كلام اشتر ومنو مهدده بيه

..حطيت راسي على السرير واني افكر باالاحداث الي كاعد تصير وياي

.. حسيت على شي خطف قريب على الشباك كمت على حيلي افتحه اشوف ما جان اكو شي

.. رجعت سديته خايفه وطلعت للصاله جانت فارغه شفت الساعه جانت بـ9  اتجهت للمطبخ واني اسويلي لفه جبن اخذتها وكعدت بلصاله مااعرف شسوي

..التفتت للصاله واني ادورلي اي شي الهي نفسي بي
كمت على حيلي متجهه للغرف اشوف شنو بيهن اول  غرفه فتحتها جانت مرسم!!

.. دخلت واني اشوفها منبهره بجمال الرسم واللوحات جانت فارغه بس لوحات واداوات الرسم اتقربت واني اركز بكل رسمه جانت اغرب من الثانيه بس حلوات طلعت واني اسد الباب حسيت على اشتر دخل ابتعدت عن الغرفه بس شافني وكف بمكانه

حجيت واني خجلانه
ملاك: هذا رسمك

..هز براسه ودخل للغرفه وسدها
..اتجهت للصاله واخذت مبايلي اتصل على ماما اسماء ماكو اتصلت على روان جاوبتني

ملاك: روان انتو وين
روان: شتردين الله ينتقم منج ومن ابن عمج شتردين
ملاك: هاي شبيج لا تصيحين ماما اسماء شلونها
روان: امج سم مابيها ذيج نايمه بلمستشفى احسن من وضعنه
ملاك: انتي وين
روان: يم خوالي
ملاك: ضبع شسوالكم

.. بعدني ما مكمله كلامي وسدته بوجهي
..شمرت المبايل على جهه واني اسمع صوت من غرفه المرسم تقربت اكثر وجان صوت اغنيه ودندنه اشتر وياها بس الي جذبني صوت اشتر جان حيل حلو تقربت اكثر اسمع

.. خذني بحضنك
..ابي اغفى
..مبطي ما غفيت
.. وان لمحت دموع عيني
.. سوي نفسك ما لمحت

.. شويه ووقفها وسمعت صوته وهو يكول

اشتر: ادخلي لا تتصنتين

.. وكف گلبي شلون عرفني موجوده

..فتحت الباب ودخلت جان كاعد يرسم وما لابس تيشرت بس بجامه ومنطيني ظهره الي جان بي وشم غريب  عباره عن صكر شايل سلاح برجليه وجرح جبير متوسط ظهره

..حجيت بتلكئ

ملاك: ما جنت اتصنت مريت من يم الباب وسمعتك تغني

.. جان يرسم ما جاوبني رجعت حجيت

ملاك: صوتك حلو

..تقربت اكثر واني اشوف رسمته حجيت

ملاك: ورسمك حلو

.. ما جاوب رجعت حجيت

ملاك: اشتر مرتك شلون ماتت

.. بدون لا يوقف رسم جاوب

اشتر: باكتني وشردت وكتلوها

..فتحت عيني بصدمه وحجيت

ملاك: ليش باكتك
اشتر: هددوها
ملاك: ليش هددوها

.. ما جاوبني انداريت واني ارجع بخطواتي للباب بس وقفني كلامه وهو يكول

اشتر: اكو احد بحياتج؟

.. ما جاوبته طلعت وسديت الباب
..حطيت ايدي على گلبي ورحت اركض للغرفه قفلتها ونمت

..حسيت على طرقات الباب كمت على حيلي واني اشوفه

اشتر: كعدي يم راح تجي
ملاك: اشتر يمكن انت عندك مشكله وي نومتي شوف الدنيا فجر يا ريم هاي تريد تجي

اشتر: راح تبقى يمج عندي مهمه والصبح اطلع
ملاك: ملا حظ نفسك كل ما تكعدني الصبح جايبلي مصيبه والله الك فد يوم توكف كلبي

.. ما جاوبني وتركني متجهه للصاله
..طلعت ورا واني اصيح

ملاك: يا ريم هاي جايتنه من الغبشه

..اندار عليه وهو يحجي
اشتر: ريم الي جانت وياج بنفس الشقه

.. من كال هيج فتحت عيني بصدمه وحجيت
ملاك: ليش لعد ريم شنو جابها علينه
اشتر: ريم زوجه شرار

..حطيت ايدي على شفتي ما مصدكه
ملاك: شوكت تزوج ريم
اشتر: مادري

.. بعده يحجي وياي ورفع مبايله يتصل شاله وجاوب
اشتر: افتحو الباب

.. طلع واني رحت اغسل وجهي على السريع ورحت للصاله اول مادخلت شفت ريم وشرار لازمه من ايدها وايدي محاوطه خصرها يمشيها على كيف اول ما شفتها رحت عليها وحضنتها

..جانت حيل متغيره مو ريم الي اول ما شفتها تعبان شكلها حيل

..كعدناها بلصاله ورحت جبتلها مي وانطيتها وكعدت مقابيلها شوي واجا اشتر كعدي يمي وبدوا يخططون هوه وشرار

..جانت عيني على ريم الي متغيره حيل رحت عليها واني احجي

ملاك: شبيج ولج ليش هذا حالج

جاوبتني وعيونها حزينه حيل

ريم: ليش ما تدرين اتزوجت شرار وصار عدي توام وهسه ماتو وجابني هنا خايف عليه

..فتحت عيني بصدمه وحجيت
ملاك: يعني انتي زوجه شرار طلعتي ولج
ريم: ساعديني اكوم واسولفلج كلشي صار

.. شرار جرها اله وهو يهمس بااذنها مانزيت اله على صوتها العالي وهيه ادكول

ريم: اله اطلع سوالفك كلها يا شرار

.. لزمت ايدها واخذتها للغرفه وحجيت

ملاك: احجيلي ولج ريم شبيج متغيره وتعبانه
ريم: شحجيلج ملاك اكلج رجلي يحبج وميت بيج واني لاشيئ بلنسبه اله

..نزلت عيني وحجيت
ملاك: الله شاهد ريم اني ما احبه ولا عندي ذره مشاعر تجاهه ولا مأملته على شي بس قبل لا يجيبني للشقه اول مره لابد تذكرين فتح وياي الموضوع ورفضته

..نزلت راسها وهيه تبتسم
ريم: عادي مو مشكله اني هم انجبرت عليه

..ثبتت عيني بعينها وهيه ادكول
ريم: مو على اساس كالو ميته
ملاك: صارلي الاسوء ريم
ريم: شكو شصاير

..تقربت عليها واني الزم ايدها
ملاك: راح احجي ويا واخلي يبتعد عني

..هزت براسها نافيه كلامي تركتها وطلعت متجهه للصاله لكيت بس شرار موجود واشتر ماكو تقربت عليه وحجيت

ملاك: شرار لازم نحجي

..كام على حيله وهو يتقرب عليه
شرار: شكو
ملاك: اسمع شرار اني گلبي ميحبك ولا يريدك ادري هذا الكلام ياذيك بس هاي الحقيقه لازم تتقبلها
شرار: بس گلبي ميحب غيرج
ملاك: عندك وحده مثل ريم نسمه للگلب لا تحرك بگلبها شرار لا تخسرها عيش وياها وكون حياتك وعائلتك ولا تتأمل مني شي

..تقرب عليه اكثر وهو ياخذ خصله من شعري ويقربها عليه يشتم بيها وطبع بوسه خفيفه على شعري

..ابتعدت بخوف واني اسمع صوته

اشتر: شتسوون ؟؟

..................................

لهنا وصلنه لنهايه البارت 🦋♥️

كتبولي ارائكم وتعليقاتكم الحلوه راح اقراها 💖

هسه نجي لفقرتنه المعتاده (التوقعات)

- تتوقعون صدك رحمه حركت نفسها وليش؟؟
- منو الي كاعد يراقب الـِن؟
- شنو رايكم بااخر مشهد وشتتوقعون اشتر راح يسوي ؟