رواية سليله الانتقام الفصل السابع وثلاثون 37 - بقلم taratel

.. ضيقت عيني با استغراب واني اتوجهه للباب جان ادم تقربت عليه واجت عينه عليه حجيت بصوت حسيت اكو شي

ملاك: شكو ادم

.. نزل راسه وكال

ادم: ابن الضبع مات

.. فتحت عيني بصدمه واني اضرب على وجهي وزلغته بدون وعي حجيت بصوت يرجف

ملاك: ولك اددددم شمووووته

.. نزل راسه وكال

ادم: معنفي لحد ما مات

.. نزلن دموعي وبجيت بحركه

ملاك: الـِن وين عرفت؟؟

.. هز براسه بمعنى اي وكال

ادم: بلمستشفى

.. حجيت بقهر

ملاك: ماعدنه حظ لا اني ولا اختي وكله بسبب انتقامهم يله اريد اعرف وين وصلنه ارتاحووو وهمه بكبروهم

.. اتقرب عليه وهو يكول

ادم: صيري قويه علمود اختج ويله روحي بدلي وتعالي اخذج الها للمستشفى

ملاك: انتظرني

.. رحت لبست سريع واني گلبي يغلي نار شنو ذنبه هذا الطفل

.. طلعت لكيته واكف برا وازل يمه طلعنه بلسياره وهو يمشي سريع حطيت ايدي على گلبي خايفه وحجيت بصوت

ملاك: ضبع عرف؟؟

ادم: اخذنا للمستشفى ما بي شي على ساعه وكف گلبه وصار عنده تجلط بلدم ولان هو عنده سكر ما متحمل

.. انداريت على ادم وهو شكله تعبان حيل ومايكدر يحجي حتى سكتت واني بس دموعي تنزل وصلنه للمستشفى ادم يمشي كدامي واني خلفه ايدي ترجف شنو راح احاجيها شلون راح اصبرها

.. وكفت امام الباب واني امسح بعيني فتحت الباب واجت عيني عليها حسيت ابروده با اطرافي مستحيل هاي الـِن!!!! تقربت عليها جانت نايمه وجسمها حيييل نحيل ووجها اصفر والكانونه با ايدها

.. مسحت على راسها واني دموعي تنزل همست بصوت حزين يعبر عن الغصه الي بداخلي

ملاك: ماعدنه حظ لا انتِ ولا اني ثنينه ماعرفنه نرتاح

.. جانت نايمه دخل ادم  وازل رفعت عيني عليه وحجيت بصوت

ملاك: ادم وضعها شلونه كعدت

.. هز راسه بمعنى لا وكال

ادم: ماكعدت ابد

.. اتقربت عليه وحجيت

ملاك: شوكت مات

.. بعد عينه عني وكال

ادم: اليوم الصبح

.. كال كلماته هاي وطلع سريع وازل طلعت ورا بقيت بلغرفه انداريت عليها واني اتوجهه قريب سريرها

.. كعدت مقابيلها واني اتمعن بملامحها شكد متعوبه اتوجهت للباب اشوف ادم جان كاعد بلكاع وحاط راسه بين ايدي وازل كاعده يمه ووضاغطه على اكتافه تهدي

.. مسحت دموعي واني اشوف ادم يبجي على جود

.. سديت الباب ماردتهم يشوفوني وينحرج

.. سديت الباب وانداريت لكيتها فاتحه عينها ومثبتتها على فراغ تقربت عليها بخوف وحجيت

ملاك: الـِن

.. ما جاوبتني خفت اكثر تقربت على اذنها واني دموعي تنزل حجيت بقهر

ملاك: لا اله الا الله

.. ماجان يبدر من عدها اي رده فعل وهذا الي خوفني حجت كلماتها وهيه ادكول بكل هدوء

الـِن: وين ضبع

.. اخذت ايدها السليمه واني اضغط عليها حجيت بصوت ضعيف

ملاك: لا تأذين نفسج هيج ابجي

.. حاولت ترفع نفسها ىحولت عينها عليه شكلها حيل مرعب نزلن دموعي واني احتضنها اجاني صوتها وهيه ادكول

الـِن:شنو ذنبي باانتقامهم ضعت

.. بعدت نفسي عنها واني اخلي عيني عليها رجعت كالت

الـِن: حتى ابني راح من ورا انتقامهم

.. نزلت عيني ما اعرف شنو اجاوبها دخل ادم وهو يتقدم عليها بس شافته بقت تبجي وتصرخ بصوت يكطع الگلب

................

ضبع: اجيت اخذج تشوفي لاخر مره

.. ابتعدت عنه وهي تضحك بشكل هستيري ضربت اكتافه بشكل خفيف وهيه تثبت عينها عليه وكالت

الـِن: يله ضبع اخذني مشتاقتله

.. جانت عينهم عليها خايفين !! شكلها مو طبيعي اتوجهت للسياره وهيه تصعد ومنتظرته عينها عليه

.. تقدمت ريم على ضبع وهيه تصيح

ريم: ضبع لا الله يخليك والله يصير بيها شي دشوف حالتها هسه

.. اشرلها تسكتت وهو عينه عليها شكلها يكسر الگلب
اتقدم للسياره ولحكه شرار اندار عليه وكال

ضبع: لا شرار ارجع

.. صعد يمها وهيه عينها عليه كالت

الـِن: شلونه ابني ضبع هم سئل عليه؟؟ شنو جان يبجي

.. نزلن دموعها وهيه تضحك كالت بصوت حزين

الـِن: جوعان انطيتو اكل ؟؟ ضبع خل ناخذله عصير ويانه ادري بي يحبه ومنعته عنه وضل بنفسه

.. ضرب على الستيرن بكل قوته وصاح بصوت

ضبع: كاافي مات

.. اختفت تعابير وجهه وجانت بس عينها عليه حجت بصوت ضعيف وكالت

الـِن: منو مات ضبع شبيك ؟؟

.. بدون لا يجاوبهه وايدي ترجف

.. طول الطريق جانت كلمتهه وحده

الـِن: لا ميموت

.. فتح الباب ودخل قبلها دخلت واجت عينها عليه جان امدد على الحجر اتقربت عليه تكذب عينها ركضت عليه وهيه تحضنه وتشيله با ايدها وتبجي بحرگه گلب

  نزلن دموعها بقهر اتلمست خصلات شعره الذهبيه المتروسه دم اثار التعذيب على جسمه الناعم ضمته قوي لحضنها وصاحت بصوت هادئ منكسر

الـِن: ولك يمه جودي حبيبي اكعد

.. دارت عينها على ضبع وتحجي

الـِن: ضبع ليش ما يكعد اول مره يسويها وما يسمع كلامي

.. ضغط على عينه وهو يكعد على الارض يبجي اي اول مره ضبع يبجي بعد سنين

.. ضمته قوي لحضنها تشتم بركبته حطت ايديها على اذانه وصرخت بصوت

.................

..بعد مرور شهرين

.. فتحت عيني واني استذكر الاحداث غمضت عيني بقهر انداريت اشوف ادم اتقرب عليه

ادم: شلونج

.. نزلت راسي وحجيت

الـِن: الحمدالله زينه

ادم: مرتاحه بشغلج هنا

.. هزيت براسي بمعنى اي وحجيت

الـِن: اخلص هذا الشهر وارجع للنمسا

.. فتح عينه با استغراب وكال

ادم: ضبع يعرف

الـِن: بصفته شنو ويعرف اني وضبع الي بينه وانتهى رجاءً لا تجيب طاري يمي

.. اتقرب عليه  اكثر وهو يحجي

ادم: ضبع متدمر بعدج الـِن

.. گلبت عيني بملل وحجيت

الـِن: طبه مرض

ادم: ملاك تروح وياج

الـِن: هو متأخره على من وراها بين ما تخلص اوراقها

ادم: اجي وياكم

.. رفعت ايدي وحجيت بغضب

الـِن: رجاءً ادم ما نريد اي شي يربطنه بيكم بعد خلص الي سويتو بينا كافي

.. نزل راسه وابتعدت عنه حجيت

الـِن: عندي معاينه لازم اروح

.. رفع عينه عليه وهو يهز براسه

.. ابتعدت عنه سمعت صوت خلفي انداريت جانت ازل حجيت با استهزاء

الِـن: شيخلصني منكم احفاد مهيوب

.. ابتسمت وهي تتقرب كالت

ازل: شلونج

.. هزيت براسي وحجيت

الـِن: زينه

ازل: ترحين للكافتريا

الـِن: عندي معاينه

.. اخذت ايدي وهي تضغط عليها كالت

ازل: شويه بس شويه احجي وياج بموضوع

.. هزيت راسي وحجيت

الـِن: يله تعالي نتمشى واحجيلي على ما اوصل للردهه

.. بقينه نمشي وكالت

ازل: شلونها ملاك

.. بعدني ما مجاوبتها وسمعنه اصوات قويه وناس ملتمين اتقربنه عليهم وحجيت

الـِن: شكو هنا

ازل: اكيد واحد مات من العشاير وسولنه سالفه ولا عبالك الموت بيد الله

.. انداريت عليها وحجيت بغضب

الـِن: لو نبقى على هذا حجيج المن ندرس طب صحيح الروح بيد رب العالمين بس المريض باايدج

.. حسيت على نبرتي جانت قويه نزلت عينها على الارض وحجيت واني امشي اعبر هوستهم

الـِن: احجي ازل شنو تردين

.. رفعت عينها عليه بخوف وكالت

ازل: تعرفين الضبع وين

.. هزيت راسي بهدوء بمعنى لا وحجيت

الـِن: ما اريد اعرف

.. تركتها خلفي ومشيت وصلت للغرفه اول ما فتحتها اجت عيني عليه

.. ابتسمت واني ادخل حجيت بهدوء

الـِن: شلونه البطل اليوم

.. رجع ابتسملي بكل تعب وكال

- الحمدالله

.. اتقربت عليه واني اجيك وضعه رفعت عيني على امه الي جانت متلهفه تريد تعرف حجيت بصوت

الـِن: لا تخافين عليه مو كتلج بطل

- يكدر يمشي بعد دكتوره

.. هزيت براسي بمعنى اي وحجيت

الـِن: يبقى على التمارين والتزموا با العلاج وان شاء الله يرجع احسن من قبل

.. ابتسمت وبقت تدعيلي احلا شي من تجيك دعوه حلوه من انسان غريب لمجرد انت اديت واجبك وهذا الشي الي خلاني احب الطب

.. طلعت من الغرفه واني مبتسمه بس داخلي عكس نزلت دموعي واني اتذكره مسحتهن على السريع ودخلت لغرفتي

.. حطيت ايدي على گلبي وحجيت بهمس واني دموعي تنزل

الـِن: يا نارك الما تنطفي

.. مسحت دموعي من حسيت على دكه الباب حجيت

الـِن: تفضل

.. دخل وكمت على حيلي على السريع احتراماً اله حجيت

الـِن: اهلا دكتور

.. ابتسم وهو يكول

- خلصتي

الـِن: اي دكتور

- اتكدرين تطلعين

.. هزيت براسي واخذت جنطتي وطلعت خلفه

.. فتحت باب الشقه واجت عيني على الصاله هوسه!!

الـِن: لججج ملااااك مو وصيتج تنضفين

.. ماجان اكو رد اتوجهت للغرفه واجت عيني عليها نايمه

.. اتقربت عليها واني اتمدد يمها حطيت عيني عليها اترقب ملامحها وحجيت

الـِن: لا تسوين روحج نايمه ادري بيج اتجذبين

.. فتحت عيونها بضحكه وكالت

ملاك: خرب يومج شلون عرفتي

.. كرصتها باايدها صاحت متألمه

الـِم: ووسسم مو كتلج نضفي

.. دارت وجها عني وثبتت عينها على فراغ غمضت عيني قوي اعرف شنو بيها بس ما اكدر احجي

.. حجيت بصوت واني مثبته عيني عليها

الـِن: ليش ماعدنه حظ لا اب ولا ام حتى با الزواج ما فلحنه وين نروح بله

.. حولت عينها عليه وكالت

ملاك: ليش ما ترجعين للضبع

.. هزيت راسي بقهر وحجيت

الـِن: مستحيل ما شفت من ضبع بس الاذيه من يوم الي شفته واني ما بقالي شخص ما خسرته ضبع مثل السم بحياتي ياذيني حيل

.. حجت با استغراب

ملاك: ما يقبل يطلك مو

.. هزيت براسي بمعنى اي وحجيت

الـِن: وكلت محامي بس ما كاعد يستلم البلاغ

ملاك: الـِن ضبع يحبج ليش تسوين بي هيج وتدرين مو ذنبه

.. خليت راسي على السرير واني اثبت عيني على السكف حجيت بهدوء

الـِن: كلشي صار بسبب انتقامه ضيعنه اني وابنه ياريتني مارجعت ملاك ياريتني على الاقل جودي جان يمي هسه

.. سكتت ما جاوبتني حولت عيني عليها وحجيت

الـِن: ليش ما ترجعين للاشتر

ملاك: الاشتر ميريدني الـِن اخذ الي يريده وشمرني

.. فتحت عيني بصدمه واني اتقرب عليها اكثر حجيت

الـِن: سلمتي نفسسسج ياااغبيه

.. هزت راسها بقهر ونزلن دموعها اتقربت عليها احضنها وحجت بصوت حزين

ملاك: والله اتمنى الموت الـِن ما اريد اعيش بعد

الـِن: سوده عليه يروحي

.. جنت بس حاضنتها وتبجي بغصه وابجي وياها كل وحده بينه عاشت معاناه مستحيل تنسي

.. ابتعدت عني وهيه تثبت عينها عليه وكالت

ملاك: الـِن احس نفسي حامل

.. كمت على حيلي واني اشهك من الصدمه حولت عيني على جسدها شلون ما انتبهت الها وهيه سمنانه شوي

.. حجيت بغضب

الـِن: والله ..... شررفج

.. بقت تبجي بصوت وهيه لامه نفسها كمت على حيلي واني اتمشى با الغرفه انداريت عليها وحجيت

الـِن: راح انزل اجيبلج اختبار منزلي واجي

.. بقت ساكته تركتها واني انزل متوجهه للصيدليه وبالي يمها معقوله صارلها شهرين واني ما نتبهه عليها !! شلون

.. اخذت الاختبار واني ادخل للشقه جانت كاعده با الصاله شمرته عليها وصحت بصوت

الـِن: بساع كومي حللي خل نشوف الغضب

.. رفعت اصبعي بتهديد

الـِن: بس والله يا ملاك لو طلعتي صدك حامل اله اخذج با ايدي واشمرج على اشتر

.. هزت براسها ودخلت للحمام بقيت انتظرها دقايق وطلعت با ايدها الاختبار اتقربت عليها سريع وحجيت

الـِن: ها بشري شنوو

.. ما جاوبتني وقدمته اليه اخذته من ايدها واخذت نفس براحه وايدي على صدري حجيت بمكر

الـِن: الف مبروك حبيبتي حامل

.. فتحت عينها بصدمه وبقت تلطم على خدودها وهيه تفتر با الصاله وتصيح

ملاك: ولج الـِن شلون بيه

.. كعدت با الصاله بكل اريحيه وعيني عليها

الـِن: يله حضري نفسج اخذج لاشتر

ملاك: ميريدني الـِن شبيج هيه كوه

الـِن: اي مو هو بكيفه من راح نام وياج ما كال ما اريدج والله طبه مرض يتحمل

ملاك: اروح اسقط اي احسن حل

.. صحت بصوت عالي

الـِن: لج خبله تمووتين روح شبيج

.. رفعت عينها عليه وكالت

ملاك: حتى ما ادري بي وين ولا اعرف شلون اتواصل ويا شلون راح يعرف

.. شبكت ايدي ورجعت حجيت

الـِن: مو مشكله نتصل على ريم وتبلغ شرار وهو يكله

.. مسحت ادموعها وبقت تفتر خايفه

.. ضحكت بصوت قوي وحجيت

الـِن: شبيييج خفتي مووو حامل خط واحد

.. اتقربت عليه سريع وهي تضرب بيه بقيت اضحك عليها وحجيت

الـِن: علمود تبطلين سوالفج من اكلج نضفي اتنضفين

.. ابتعدت عني وكعدت مقابيلي وحجت

ملاك: ما انضف ماااعرف

الـِن: هاي لو يم الاشتر جان يخليج تنضيفين وتلحسين الكاع لحس

.. ضربتي قوي على رجلي وكالت

ملاك: كافي لعبتي نفسي

.. ضيقت عيني با استغراب وحجيت

الـِن: ولج خاف صدك حامل خل ننحللج دم اشو نفسج تلعب

.. ابتسمت على كلامي وحجت

ملاك: لا ماكو شي بس يمكن صاير عندي خربطه هرمونات دورتي تاخرت

الـِن: اي بسبب اكلج الغير صحي باجر ذكريني اجيبلج وياي دوا من ارجع التزمي عليه مو زين تبقين هيج

.. ضحكت عليها ودخلت للغرفه اخذت ملابسي ودخلت اسبح طلعت لكيتها تنضف الصاله حجيت

الـِن: سويتيلنه عشا

ملاك: لا اطلبينه

.. اتأففت واني اخذ مبايلي اتصل وصيت اكل الي والها سديت الاتصال وبقيت انضف لحد ما خلصنه فتحت التلفزيون اطلع فلم وهيه يمي

الـِن: ذوقج المعفن ما اريده

ملاك: اني اختج الجبيره واني اختار الفلم

.. صحت عليها قوي واني اطفي الاضويه وافتح الشموع واختاريت الفلم

الـِن: اكيد هسه تطلعينه افلام حزينه تلعب النفس لج بابا نريد افلام كوميديه تضحك كافي الحزن الي احنه بي

.. ثبتت عينها عليه كانما تعرف الي بداخلي شنو بعدت عيني عنها خايفه تكشفني ما اريد اصير ضعيفه كدامها

.. بعدها ما حجت واتصل المبايل اخذت وحجيت

الـِن: اجا راح انزل اخذ الاكل

.. فتحت الباب واني اطلع نزلن دموعي مسحتهن قوي وبقيت اخذ نفس نزلت جوا اخذت الاكل وصعدت لكيتها مغيره الفلم خليت الاكل كدامها وحجيت

الـِن: اهوو رجعي بساع

ملاك: ماكو

.. كعدت يمها واني اكل انداريت عليها واني اشوفها تبجي على الفلم هزيت ايدي با استهزاء سمعت صوتها وهيه ادكول

ملاك: الـِن تدرين دموعنه الي نبجيهن اذا نلمهن يصيرن بحيره 

.. ضحكت بصوت ورجعت اجاوبها

الـِن: ولج يا يبحيررره يصيرررن بحرر بحر

.. كمت على حيلي بعد ما خلصت الاكل طفيت التلفزيون وحجيت

الـِن: راح انام عندي دوام من الصبح باجر وانتي هم نامي كافي حياتج نظميها تسهرين بليل والصبح نايمه اكعدي لعبي رياضه نضفي اطبخيلنه كافي عجز

.. تركتها وطلعت من الصاله اجاني صوتها وهي تبجي رجعت عليها وصحت بصوت

الـِن: كااافي الي مريتي بي مو اسوء من حالتي اني وشوفيني رجعت واشتغل وعايشه حياتي كافي فكري شويه كاعد اجرم بحق نفسي بس علمودج انتِ لا عبالج ما اسمعج كل يوم تبجين عليه لا عبالج ما اسمعج من تتمرضين اول اسم تهذين بي لا تسوين هيج وتدمرين حياتج وتدمريني وياج مابقالي احد غيرج

.. جانت لامه نفسها وتبجي بدون صوت وهذا الي قهرني اكثر تركتها وطلعت متوجهه للغرفه سديت الباب قوي وكعدت على الارض منهاره واني اضرب على گلبي

الـِن: كااافي ياربي والله تعبت

.. تمددت على السرير واني دموعي تنزل مثل كل يوم

.. فتحت عيني بطيئ واني عيني على الساعه ب5:21
كمت على حيلي غسلت وطلعت للمطبخ اجت عيني على ملاك جانت نايمه با الصاله تقربت عليها وهيه لامه نفسها ونايمه اخذت الغطوه اغطيها وطلعت متوجهه للمطبخ اسويلي كهوه

.. اخذت الكوب واني متجهه للصاله لكيت ملاك كاعده حجيت

الـِن: شعندج كاعده ارجعي نامي

.. رفعت عينها عليه خايفه وكالت

ملاك: حلمت با اشتر

.. گلبت عيني بملل واتقربت عليها

الـِن: شنو حلمتي

.. اخذت رشفه من الكوب واني استمعلها جان وضعها مو طبيعي وبس صافنه رجعت حجيت بصوت اقوى

الـِن: شكو شبيج لا تخوفيني

ملاك: حلم مو زين الـِن

.. تركت الكوب على الميز وحجيت با استهزاء

الـِن: لا تخافين عرج ما يطكه

.. تركتها خلفي متجهه للغرفه بدلت وطلعت للمستشفى

.. كاعده با الغرفه ودكتوره يمي تسولف وبالي مو وياها رفعت عيني على الساعه جانت ب3:47

.. انفتح الباب سريع كمت على حيلي سمعته كال

- الـِن بساع لحكيني عدنه عميله

.. اخذت اللابكوت ومشيت ورا سريع اتقربت على غرفه العمليات وجانت هوسه ومتروسه ضباط ورتب عاليه وجنود بصعوبه دخلت بيناتهم افتح الباب

.. اجت عيني على السديه فتحت عيني بصدمه وحجيت بهمس غير مسموع

الـِن: ضبع!!

.. اتقربت عليه ورجليه يرجفن ثبتت عيني عليه جان وجهه مشوهه من الدم

.. حجيت بتلكؤ

الـِن: شنو بي

.. جانن الممرضات يمسحون الدم وحده بيهن كالت

- شظيه قريبه على گلبه

.. اتقرب الدكتور بعد ما غسل ايده وعقمها لبسو الجفوف والكمامه كال

- اي غلط نروح بيها لازم ما يموت

.. نزلن دموعي حسيت نفسي راح ترجعلي الحاله الي محد يعرف عنها شي!! تمالكت نفسي بصعوبه واني مثبته عيني عليه سمعت الدكتور وهو يكول

- اذا تعبانه اطلعي

.. هزيت راسي انفي كلامه

.. مرت اربع ساعات قربت ايدي عليه اتلمس ايده بلخفيه وعيني على الدكتور سمعته وهو يكول

- الخياط بقه عليج

.. حجيت بصوت قلق

الـِن: دكتور العمليه نجحت؟

- من يكعد نعرف بس الي مخوفني عنده جرح طلقتين قديم اخاف يرجع ينزف

الـِن: ملتئم دكتور

.. تركني بدون لا يجاوب اخذت مكانه وبديت اخيط بكل مهاره وعيني عليه

.. تركته واني اطلع غسلت ايدي ومشيت سريع خارج الغرفه اول ما فتحت الباب واجت عيني على شرار اتقرب عليه سريع وكال بخوف

شرار: الـِن شلونه ضبع

.. ضيقت عيني وحجيت

الـِن: هو العار يموووت؟

.. ثبت عينه عليه وكال

شرار: لا ونوبه واحد مثل ضبع ماكو شي ما صار بي وبقى مثل السل

.. ابتسمت بتعب ونزلت دموعي مسحتهن سريع مبتعد عن المكان وايدي على گلبي فتحت الغرفه ادخل بيها وسديتها خليت ايدي على گلبي وحسيت نفسي انهاريت
حجيت بهمس

الـِن: الى متى تبقين تتصنعين ؟؟

.. بلعت ريكي واني امسح دموعي اخذت كوب جنطتي وطلعت خارج المستشفى

.. وكفت مقابيل قبره ودموعي تنزل حجيت بصوت واني اتلمس تراب كبره

الـِن: ابني السبع شلونك هسه وانت نايم على التراب هم تخاف ضلمه ؟؟

.. بقيت كاعده قريب كبره غسلته واني اشعل بخور اجت عيني على كبر رضوان ويمه رفدان ومهيوب واحد يم لخ وجود من الجهه المقابيلهم كمت على حيلي واني اتقرب عليهم اغسل كبورهم واشعللهم شموع وبخور قريتلهم الفاتحه وابتعدت

.. اخذت تكسي راجعه للمستشفى حسيت على مبايلي يتصل رفعته واني اجاوب اجاني صوته وهو يكول

ادم: الـِن انتي وين

.. بلعت ريكي وحجيت

الـِن: شنو ادم

ادم: تعالي ضبع متصوب وحالته خطره

الـِن: ادري جنت ويا بصاله العمليات

.. سكت شويه ورجع كال

ادم: يله تعالي انتظرج

.. بدون لا اجاوبه غلقت الخط

.. نزلت كدام المستشفى واني ادخل اجت عيني على ازل جانت واكفه برا يم ادم بس شافوني ثبتو عينهم عليه

.. تقربت واني احجي

الـِن: شكو

ادم: وين جنتي

الـِن: وانت شكو ادم

.. اشرلي ادخل دخلت ودخلو ورايه للغرفه غلق الباب وعينه عليه

ادم: اسمعي وبطلي عناد

الـِن: شترريد

ادم: ارجعي لضبع

.. ابتسمت با استهزاء وحجيت

الـِن: بعقلك شي شبيك بابا اني ارجع لضبع بعد الي عشته من ورا

.. ثبت عينه عليه ورجع كال

ادم: تدرين با الاشتر مستشهد؟

.. فتحت عيني بصدمه ورجف جسمي حجيت بتلكؤ

الـِن: الاشترر؟؟

.. نزل راسه وهو يكول

ادم: دخلو جثته وي الضبع هو ميت والضبع حالته حرجه

.. حطيت ايدي على شفتي اخفي شهكتي وحجيت بخوف

الـِن: شلوون مات

ادم: ما اعرف بس وجهه مشوهه ومامبين منه شي طلقه قناص على عظمه خشمه بحيث ملامحه ممروده مرد

.. غمضت عيني ونزلن دموعي حجيت

الـِن: ابو ملامح الحلوه هيج يصير بي؟؟

.. مسحت ادموعي وحجيت

الـِن: اهله عرفوا

ادم: لا ميدرون بعدنا لازم نسويله تحليل يله لان ماكو عنده اي مستمسكات بس لون شعره بني وبعدها التحقيقات

.. نزلت راسي وحجيت بضعف

الـِن: شلون لو عرفت ملاك

.. غمضت عيني بقوه وحجيت بداخلي واني استذكر كلامها

- حلمت باالاشتر حلم مو زين

.. معقوله گلبها علمها

.. هزيت براسي بحزن وطلعت خارج الغرفه تاركتهم خلفي احس اختنكت من الاحداث الي كاعد تصير ويانه ليش الموت ملاحكنه وين ما نروح ليش دومنه بنص الموت زين هم راح يجي سرانه؟؟

.. تقدمت لغرفته واني اشوفهم ملتمين حول الغرفه اجت عيني على شرار الي كاعد على الارض وشكله يكسر الگلب تقربت عليه وحجيت

الـِن: البقيه بحياتكم

.. ماجان يجاوبني بس عينه على غرفه ضبع

.. تركته واني ادخل للغرفه رفعت عيني عليه واني اتقربله وحجيت بصوت همس

الـِن: شنو رايك هسه استغل الفرصه واكتلك

.. جان نايم كعدت مقابيله على الكرسي واني الم نفسي وعيني عليه حجيت بصوت متعب

الـِن: ليش تركتني من جنت با امس الحاجه الك ليش لاول مره بحياتك تسمع كلامي

.....................
فلاش

.. تقربت عليه وحده من عدهن تعزيني ماكدرت احجي ماعندي طاقه رفعت عيني عليها وهزيت براسي جانت ملاك وريم محاوطاتني كل وحده من جهه

ريم: حبيبتي صيري قويه والله يعوضج ان شاء الله جود راح طير با الجنه 

.. ماكدرت اجاوبها بس عيني عليهم

.. حجيت بصعوبه

الـِن: دفنوا؟

.. هزت براسها وهيه تبتعد شويه ورجعت

ريم: الـِن ضبع يريد يشوفج

..رفعت عيني عليها وحجيت بضعف

الـِن: وين

.. اخذت ايدي وهيه ادكومني فتحت الغرفه ودخلتني بيها كعدت على السرير وعيني على الارض فاقده للحياه

.. حسيت عليه وهو يدخل رفعت عيني عليه اتقرب سريع وهو يلمني بحضنه

.. جنت خاويه القوى استجمعت قوتي واني ادفعه عني قوي ارتد للخلف رفعت اصبعي بتهديد وحجيت

الـِن: ديربالك تتقرب عليه بعددد

.. ثبت عينه عليه وهو تعبان حيل اول مره اشوفه بهذا الشكل اتقرب عليه وهو يرجع يحضني قوي ويبجي!!

.. جان يبجي مثل الطفل نزلن دموعي بهدوء بعدني عنه وهو مثبت عينه بعيني كال بصوت متعب

ضبع: لا تعوفيني ماعندي غيرج

.. ضربته بقبضه ايدي على صدره حيل ابعده عني وحجيت

الـِن: من ايييدددك ما خليت واحد ما انتقمت من عنده بعدت الناس كلها عنك وبا الاخير شسوو كتلو ابنك واخذو روحي

ضبع: مات باايدي الـِن

.. نزلن دموعي ورجع يحجي بصوت حزين

ضبع: ملامحه الحلوه ما مبينه من الضرب

.. خليت ايدي على اذاني مااريد اسمع كعدت على السرير لامه نفسي وابجي اتقرب عليه وكال

ضبع: من يوم الي دخلتي بي لحياتي وماكو شخص مافقدتي بسببي

.. ثبت عينه عليه ورجع كال

ضبع: بس اني حياتي اتغيرت

.. رفعت عيني عليه وحجيت بحقد

الـِن: تطلكني مثل ما وعدت

ضبع: روحي وين ما تردين بس طلاك ما اطلك

.. كال كلماته هاي وطلع

.........................
الحاضر

.. فتحت عيني على صوته وهو يون با الم تقدمت عليه سريع اشوفه

.. يفتح عيونه با الم ويرجع يسدهن اخذت ايده واني اضغط عليها حجيت

الـِن: ضبع

.. ما جان اكو رده فعل ورجع غمض عيونه

.. جيكت وضعه وطلعت من الغرفه جان شرار بنفس مكانه ونفس وضعه توجهت للغرفه واني اخذ جنطتي واطلع من المستشفى

.. وصلت للمجمع وكفت انتظر المصعد وتقربن ثنين بنات صعدت باالمصعد وصعدن وياي انداريت عليهن وحجيت

الـِن: اي طابق؟؟

- السادس

.. ضيقت عيني وحجيت

الـِن: حلو نفس الطابق الاني بي

.. ابتسمت لحد ما رن المصعد رنتين يعلن عن وصوله للطابق انفتح الباب توجهت للشقتي بس الغريب جانن وراي وكفت بلباب وهنه اتقربت عليه اكثر انداريت وحجيت

الـِن: محتاجات شي؟؟

.. بقت وحده تباوع للثانيه لحد ما حجت وحده بيهن وكالت

- ملاك هنا

.. ضيقت عيني با استغراب

الـِن: تفضلي ملاك اختي

.. تقربت عليه بعدها ما حجت انفتح الباب وطلعت ملاك وهيه تحجي سريع

ملاك: شبيج ما تفتحين الباب قلقتيني صارلج ساعه واكفه

..بعدها تحجي واندارت عليهن بقت صافنه اتقربت عليها وحده من البنات وهيه تحضنها قوي وملاك بادلتها الحضن دخلتهن للشقه واني مستغربه دخلت وراهن وسديت الباب

.. اتقربت عليهم كاعدات با الصاله ووسمعت وحده بيهن ادكول

رفل: ملاك من يوم الي طلعتو انتي واشتر ما شفنا بعد ماتعرفين وين راح ومانكدر نحصله

.. عرفت هاي اخت الاشتر والي يمها بنته قبضت ايدي بقوه ماكدرت احجي وعيني عليهن شلون خايفات

.. رفعت عينها عليه ورجعت تجاوبهن

ملاك: اخر مره شفته بيها قبل شهرين

رفل: هو دائما يغيب هيج بس هلمره حيل طول

.. نزلن دموعها خايفه اتقربت عليها بنته وهيه تحضنها قوي وكالت

- يحبج حيل حتى اكثر مني

.. حضنتها ملاك قوي وهنه يبجن جنت بعيده عنهم وعيني عليهم شنو شعورهم هسه اذا حجيت ؟؟

.. غمضت عيني قوي متوجهه للغرفه غلقت الباب بدلت واتمددت على السرير مستسلمه شويه وحسيت ملاك فتحت الباب ودحست نفسها يمي وهاي حركتها من تخاف

.. فتحت عيني باانزعاج على صوت المنبه كمت على حيلي واني امارس روتيني الصباحي

.. وصلت للمستشفى واني كل تفكيري يمه شفت ازل وهي تفتر اتقربت عليه وكالت

ازل: شفتي ضبع كعد

.. هزيت براسي وحجيت بتعب

الـِن: ما اريد اشوفه

.. تركتها خلفي واني ادخل للغرفه وگلبي ياذيني مسحت دموعي وكعدت على الكرسي اضغط على راسي

.. انفتح الباب ودخل الدكتور وهو ياشرلي

- يله تعالي

.. كمت على حيلي اتبعه اتوجهه لغرفه ضبع اول ما دخلنه جانت الغرفه هوسه واكثرهم ضباط اجت عيني عليه متمدد ومثبت عينه على الفراغ

.. ماجان منتبهلي اتقربت خلف الدكتور وعينهم عليه بعد جماعه ضبع شتوقع منهم حجه الدكتور وهو يسئله

- شلون صرت

.. اندار على الدكتور واجت عينه عليه جاوبه بكل برود

ضبع: مابيه شي

.. اشر على جماعته يطلعون وفعلا بدو ينسحبون اتقرب عليه الدكتور وهو يشوف جرحه رفع راسه عليه وهو يبتعد كال

- دكتوره عقميله جرحه

.. تركنه وطلع بقيت بس اني ويا نزلت راسي وحجيت بصوت هادئ

الـِن: الحمدالله على سلامتك ضبع

.. حجه بصعوبه متألم

ضبع: صيحيلي وحده من الممرضات ماريدج انتي

.. فتحت عيني وحجيت بغضب

الـِن: عااار والله كلشي ميصير بيك

.. ابتعدت عنه متوجهه للباب صاح ورايه

ضبع: الـِن

..انداريت واني مضيقه عيني با استفزاز حجيت

الـِن: شكووو

.. اشرلي اتقرب بدون لا يحجي تقربت عليه وكال

ضبع: اشتر مات؟

.. نزلت عيني بحزن ماعرفت اجاوبه رجع كال

ضبع: اتقربي

.. اتقربت اكثر وهمس با اذني

ضبع: اريدج تتاكديلي اشتر عنده وشم بظهره او لا

.. ضيقت عيني واني ابتعد عنه حجيت

الـِن: ليش؟

ضبع: بدون ليش سوي الي كتلج عليه با اسرع وقت قبل لا يدفنو ولا تحجين لاحد

.. ثبتت عيني عليه بخوف وهزيت براسي طلعت سريع واني متجهه للمسؤل

.. فتح باب الثلاجه وهو يطلعه ماجانت اكو ملامح فقط احشاء حتى عظم الجمجمه مبين فقط خصلات قليله من شعره الخلفي تدل على الاشتر لبست الجفوف والكمامه واني اقلبه على ظهره

.. فتحت عيني بصدمه وگلبي يرجف ابتعدت عنه وطلعت اركض خايفه

.. فتحت الباب واجت عيني عليه حاول يرفع نفسه ماكدر حجه على السريع وهو ينتظرني اجاوبه

ضبع: احجي

الـِن: اكوو

.....................

لهنا وخلصنا البارت💗

- شنو رايكم البارت الاخير نعوفه على باجر 🌚