رواية سليله الانتقام الفصل الحادي وثلاثون 31 - بقلم taratel

.. بقيت خايفه دخلت لوحده من الغرف واني قافله الباب وكاعده بس ادعي شويه وسكت الرمي فتحت الباب وطلعت للصاله ماجان اكو شي يمكن ما كادرين يوصلون للباب والرمي بس خارجي فتحت الباب وياريتني ما فتحته وشفت هذا المنظر

.. اجت عيني عليه وهو مدد على الارض وغركان بدمه

.. شايفين من تحسون الم با الفك وصوتكم ما يطلع شعور الغصه الي يكون بداخلكم والقهر والحزن والصدمه بنفس الوقت

.. جسمي تبنج ما اكدر اتحرك ومثبته عيني عليه وبس دموعي تنزل رفعت عيني واني اشوف الحرس التمو عليه ويشيلو ركضت سريع عليه واني اشوفه طلقتين وحده بصدره والثانيه برجله حجيت بصوت ضعيف

ملاك: اشتر

.. الحرس مخبصوين بلكوه كدروا يشيلو من كد ما ضخم وصعدوا بلسياره واني عيني وراهم اتجهت بخطواتي عليهم واني اصعد وياهم مبعده عيني عنه خايفه انداريت عليه واني مغمضه عيني قوي لزمت ايده قوي وحجيت بصوت

ملاك: اشتر لا تعوفني لا تخليني ارجع انسانه وحيده وما الها احد

.. جانت تنفسه عالي ونبضات قلبه عاليه وماسكه ايده قوي وثنين من الحرس واحد يسوق والثاني كاعد بلصدر واني بلخلف وراس اشتر بحضني

.. سمعت واحد من الحرس اتصل وهو يكول

- جماعه سلمان هجموا على القصر واشتر متصوب وماخذي للمستشفى

.. سمعته وهو يرجع يكول

- ما ادري وينها بس ست ملاك ويانه

- اكو بقوو حمايه لاتخاف محد كدر يدخل للقصر بس اشتر لان جان بلمقدمه ومنعهم يدخلون

.. غلق الاتصال وحجيت تحت بكائي

ملاك: هذا ضبع

- اي

.. وصلنه للمستشفى ونزلو اشتر واني امشي وراهم وعيني عليه ملابسه عباره عن قطعه دم خلو على السديه ودخلو للطوارئ

.. بقيت كاعده برا وواحد من الحرس جابلي بطل مي اخذته منه

.. مادري شكد مر الوقت رفعت عيني واني اشوف ضبع يتقرب ركضت سريع عليه وحضنته ابجي

ملاك: ضبع وين جنت

.. مسد على راسي وهو يكول

ضبع: لا تخافين

.. ثبت عينه عليه ورجع كال

ضبع: الـِن وين

.. هزيت راسي مستغربه وحجيت

ملاك: مادري

.. طك ركبته وشكله تغير ووحجه وهو راص على اسنانه بشكل مرعب

ضبع: اخخ لو طلعت هيه ورا السالفه

.. نزلت راسي وحجيت

ملاك: بلقصر جانت بس يمكن خافت وما نزلت

.. ابتعد عني بدو لا يجاوب ثبتت عيني عليه وهو يحجي وي واحد من الحرس ويسئله



.. ليش السعاده ما مقدره النه شنو ذنبه احنه ليش خسرت كلشي ليش ماكو احد بجانبي امي الي ولا مره حسيت هيه امي لو بابا رضوان الي خسرته برمشه عين ليش كل هاي الاحداث تصير وياي ليش ما بقالي شي حتى اشتر ليش هذا الحظ الاسود العندي حتى الناس القريبه عليه كاعد ااذيهم

.. رفعت عيني واني اشوف ضبع اتقرب عليه وكال

ضبع: ما بي شي طلعوهن طلقتين

.. تقربت على ضبع واني احضنه بجيت بصوت عالي خايفه وحجيت

ملاك: ضبع وين نروح بعد والله تعبت نفسيتي ليش هيج كاعد يصير بينه

.. ضمني بحظنه اكثر وكال

ضبع: لا تخافين خلصت

ملاك: شنو الي خلص ضبع نطلع من شي ندخل بشي ثاني والله گلبي راح يوكف تعبت

.. جان بس لامني بحظنه وابجي ما جاوبني ابتعد من اقتربوا مجموعه زلم عليه ترسوا المستشفى بعدين عرفتهم ذوله ولد عم الاشتر اندار عليه ضبع وكال

ضبع: رجعي وي السايق

.. هزيت براسي وطلعت شويه طلع واحد وراي من الحرس ورجعنه للقصر ما جان اكو شي

دخلت واني ادور على الـِن ما جانت موجوده بقيت اسئل العاملات ماكو وحده بيهن تعرف حتى الحرس سئلتهم ماكو اخذت مبايل من واحد بيهم واتصلت على ضبع احاجي

ملاك: ضبع الـِن ما موجوده

.. جاوبني بكل برود وهو يكول

ضبع: شردت ؟

.. بقيت مصدومه ما اعرف شنو احجي وغلقت الاتصال خايفه رجعت للقصر ادورلها مره ثانيه ما جانت موجوده اختفت حطيت ايدي على گلبي خايفه الـِن شارده

.. كعدت بلصاله واني حايره شنو اسوي شويه ودخل ضبع والابتسامه على ثغره كمت على حيلي واني مثبته عيني عليه حجيت بصوت قلق

ملاك: ضبع

.. اندار عليه ورجعت حجيت

ملاك: الـِن ما موجوده

.. ابتسم وكال

ضبع: مو كتلج شارده

.. فتحت عيني بصدمه وهزيت راسي نافيه كلامه

ملاك: مستحيل ضبع وين تشرد

.. ضحك وثبت عينه عليه وكال

ضبع: اشتر كعد باجر اخذج اله

.. نزلت راسي وتقرب عليه وهو يرفع وجهي بااصبعه ويثبت عينه عليه وكال

ضبع: ولج بس يا تحبين الاشتر من وراي

.. هزيت راسي نافيه كلامه بقلق واتقدم وهو يكعد با الصاله واشرلي اكعد كدامه وكال

ضبع: اشتر قبل لا يتصاوب خطبج مني

.. نزلت راسي وما جاوبته

ضبع: شوفي ملاك قبل كلشي انتي مثل اختي وعزيزه على گلبي وتعرفين اني شكد احبج اذا على بالج توافقين لان ماعندج مكان ترحيله فاانتي اكبر غلطانه هذا مكانج وبيتج

.. ما جاوبت جنت بس ساكته واستمع لكلامه رجع كال

ضبع: اني اشتر مو اليوم اعرفه ولا البارحه عشر سنين اني ويا ما شفت من عنده شي رجال بمعنى الكلمه واني متاكد اشتر راح يحبج ويحميج بروحه

.. هزيت براسي وحجيت

ملاك: الي تشوفه مناسب واذا انت موافق اني موافقه

.. ثبت عينه عليه وكال

ضبع: لا ما اقبل

... فتحت عيني بصدمه وحجيت بدون وعي

ملاك: ليش

ضبع: اشتر شغله حيل خطر واله يوم يوكع بيها

.. نزلت عيني واني خايفه تقرب عليه وهو يرفع وجهي بااصابعه وهو مثبت عينه عليه كال

ضبع: شبيج ضجتي ولج اعترفي بس يا لاعبين من وراي

.. هزيت راسي نافيه كلامه واني خايفه حسيت گلبي وكف

.. ابتسم وكال

ضبع: بس يطلع اردله الموافقه اذا ما شرد منج الولد

.. نزلت راسي خجلانه مسد على شعري وكال

ضبع: الف مبروك

.. استحيت اجاوبه وطلع بقيت اليوم كله انتظر وبالي يم الـِن والي خوفني اكثر برود ضبع صعدت لغرفتي واني منتظره شوكت يصير الصبح واروح اشوفه

.. بقيت كاعده وعيني ما اخذت نوم رفعت عيني وجانت الساعه بـ 8 كمت على حيلي اتجهه لغرفه ضبع دكيتها وسمعت صوته وهو يكول

ضبع: تعالي

.. دخلت وجان نايم على السرير بدون تيشرت رفع عينه عليه وكال

ضبع: شكو

.. نزلت عيني وحجيت

ملاك: نروح نشوف اشتر

.. غط نفسه بلغطوه وصاح

ضبع: اطلعي

.. خفت وطلعت بقيت كاعده بلصاله لحد ما نزل وجان مبدل كمت على حيلي وكال

ضبع: يله بدلي

.. ثبتت عيني عليه وحجيت

ملاك: ضبع الـِن وين والله بالي يمها شلون گلبك مرتاح ونايم وهيه ما موجوده ما تدري بيها وين عايشه ميته مخطوفه شبيك ضبع

.. جاوبني بكل برود وهو يكول

ضبع: بدلي

.. ثبتت عيني عليه بخوف وقلق اترقب ملامحه جانت حيل هادئه وبارده صعدت ابدل واني متاكده ورا هدرء ضبع هذا شي ثاني معقوله لكاها وكتلها؟؟!

.. بدلت سريع ونزلت لكيته ما موجود طلعت من القصر لكيته بلكراج واكف اشرلي اصعد بلسياره وصعدت شويه واجا

.. الطريق كله ساكت ما حجه ولا اني بعد سئلته على الـِن خايفه من جوابه لحد ما وصلنه واخذني لغرفه اشتر وجانو هواي ناس واكفين يم الباب

.. اول ما فتح الباب صار كبالي اشتر الي جان نايم ولافين صدره اباندج اتقربت عليه والدمعه بطرف عيني بس شافنه حاول يرفع نفسه متألم اتقرب عليه ضبع وهو يساعده يكعد وهواي ناس جانو يمه بس شافني كال بصعوبه

اشتر: يله زيارتكم وخلصت اطلعوا

.. عاد همه راسا طلعوا

..وبقينه بس اني وضبع ما رفع نظره عليه ابد وبقى يسولف وهو وضبع وجنت كاعده بكرسي بعيد عنهم وعيني عليه خايفه بلرغم ما جان بي شي يضحك ويسولف بس ما رفع عينه عليه ابد ولا سئل عليه حسيت نفسي نهضمت ودموعي بدت تنزل مسحتهن بدون لا يحسون عليه

.. سمعت صوت ضبع وهو يكول

ضبع: شبيج

.. رفعت عيني عليه اتصنع الابتسامه وحجيت

ملاك: شكو

.. اشرلي اتقرب عليه اتجهت بخطواتي يمه وجنت منزله عيني سمعته وهو يكول

ضبع: شوكت تاخذها وتخلصني ترا بزعت روحي

.. ابتسمت تحت بكائي ورفعت راسي واجت عيني بعينه جان يضحك ورجع كال

ضبع: ولك اشتر اني لو منك ابطل خطبتها منا وكعت منا هيج وجهه فكر ما شايف

.. ابتسم وهو يكول

اشتر: الاذيه الي تجي منها هلا بيها

ضبع. اكل ... لا ادفنك هنا عاد بعد مكسر اكدرلك

.. جنت منزله راسي استحي وبس اسمع كلامهم سمعته وهو يكول

اشتر: ضبع ما تطلع

ضبع: صرنه ثقيلين ابو ملاك مو

.. كام وهو يكول

ضبع: يله يبه كومي

.. رفعت راسي عليه ومشيت سمعت صوت اشتر وهو يكول

اشتر: ضبع الكو.. اريد اشوف الشوفه الشرعيه يعني اطلع بس انت

ضبع: وهاي بس انت شوفتك الشرعيه بلمستشفى

.. اتقرب عليه وهو يربت على اكتاف اشتر الي حسيتهن انكسرن وكال

ضبع: اطلع وجيب اهلك وعمامك وتعال وبيك خير وادلل

.. زمخ بيه وهو ياشرلي اطلع طلعت واني خايفه منه

اندار عليه وهو يلزم ايدي وطلعنه من المستشفى واني احس السعاده ما لامتني بس تبقى ناقصه اهلي ماكو ولا اختي موجوده ولا اعرف عنها شي

.. صعدني بلسياره ورجعنه للقصر اول ما نزلت شفت ضبع راح من غير جهه صحت عليه واني ااشرله

ملاك: ضبع وين

.. ما جاوبني اتجهت ورا واني اشوفه وين يروحي بدون لا ينتبهلي مشى مسافه طويله لنهايه القصر قريب السور انتبهتله دخل لغرفه مثل المخزن خفت بعد ماكدرت اتقدم خايفه يلاحظني رجعت بخطواتي واني مقرره ارجعلها بغير وقت واشوف

.. مرت الايام عاديه وماكدرت اوصل للغرفه اخر مره من رحت اشوف شبيها جان ضبع خال حراسه كدام الباب ورجعت لحد ما اليوم جانت موعد مشيتي جنت ابحدي ماكو احد

.. فتحت البلكونه واني اشوف جان القصر متروس سيارات وناس نازله مشيت سريع للغرفه واني ابدل اخذت فستان ساده لون ابيض وخليت مكياج خفيف وعدلت شعري لحد ما دخل ضبع وكال

ضبع: يله راح تعقدون

.. ثبت عينه عليه وكال

ضبع: خلي شي على شعرج طائفتهم تختلف

.. هزيت راسي واخذت شال لون ابيض ذبيته على شعري ونزلت جان الشيخ كاعد بلصاله واشتر هم واخته وامه وبعد نسوان ما عرفتهن هواي والزلم جانو بلصاله الخارجيه

.. كعدت قريب الباب الخارجي ويدا الشيخ يحجي لحد ما تم العقد ورجعت للصاله كعدت جانو اهله كولهم موجودين وهواي ناس ما اعرفهم شويه ودخل والفرحه ما سايعته وعينه ما نزلها عني استحيت واني اخذ خصله شعري للخلف وانزل براسي اتقرب عليه وهو يطبع بوسه على راسي وكال

اشتر: ملاكي

.. نزلت دمعه تقرب عليه وهو يمسحها وهمس بااذني وكال

ملاك: اوعدج اصيرلج كل اهلج

.. رفعت راسي عليه واني اثبت عيني بعينه وابتسمت بحزن حيل افتقدت اهلي بهذا اليوم ليش ما عشنه عائله ليش اتشتتنه معقوله اتزوجت وماكو احد وياي ماجنت فرحانه بهذا اليوم ابدا بس ماردت اكسر فرحته وهو يباوعلي والفرحه ما لامته

.. اتقربوا اهله وبنات خالاته وكولهمم جانو تارسين الصاله وهمه يباركون ما غاب عن مسامعي همساتهم وكلامهم واكثر كلمه جانت تتردد

- اهلها وين؟؟

.. احس هاي الكلمه ادك بگلبي نزلت دمعه مسحتها سريع ورفعت راسي واني اشوف ريم وكانما شفت اهلي فرحت حيل واني اشوفها تدخل وهيه لابسه فستان وردي فاتح وفاتحه شعرها يجنن اتقربت عليه وهيه تحضني واني ماصدكت اشوفها اخذتها بحضني واني ابجي بعدتني عنها وبدت تمسحلي دموعي وتحجي

ريم: لا ملاك لا تبجين اله اليوم

.. هزيت براسي وحجيت

ملاك: شلون صرتي

ريم: احسن

.. كعدت على جها والفرحه ما سايعتها كل شوي تباوعلي وبدو يسئلوها واتصيح بصوت عالي فرحانه

- شتصيرين من ملاك
ريم: اني اختها

.. جنت اباوعلها واني اتذكر الـِن حيل تمنيتها موجوده ويايه بهذا اليوم

..اخذي ايد الاشتر واني اضغط عليها اندار وهو مثبت عينه عليه وصاح على ملاك تجي بحضنه وكعدها وكال

اشتر: تعرفين هاي منو

.. كالت وهيه تضحك

- ملاكك الثاني

.. ابتسمت عليها وضحكت واني ابوسها وهيه تشبك بيه

ثبت عينه عليه وهو يكول

اشتر: ملاكي الاول

.. ابتسمت خجلانه واني انزل راسي تقرب عليه وهو يهمس

اشتر: حظري نفسج بليل نجي ونطلع اني وياج

.. ابتسمت وهزيت براسي بطيئ

.. بقوا اهله موجودين فتره وهو ما تركني ابد طول الكعده وهو ماخذ ايدي بحضنه ويضغط عليها لو يتقرب عليه ويبوسني لحد ما اجا ضبع واتقرب عليه وهو يقدملي كلاده ذهب وكال

ضبع: الف مبروك يروحي

.. ابتسمت واني ابعد ايده وحجيت

ملاك: وجودك يمي وحمياتك اليه كافي ما انسى فضلك عليه العمر كله

ضبع: تردين هديه اخوج الجبير ولج

.. ابتسمت وهزيت راسي

.. تقدم عليه وهو يطلعلي كلاده وسوار لبسنياهن حيل حلوات رفع عينه على اشتر وكال

ضبع: امانتك

.. ابتسم وهو يكول

اشتر: بروُحي

ضبع: اشتر والله لو فد يوم شفت الدمعه على خدها انت او مو انت السبب ولله ادفنك وما يرفلي جفن اخذت اعز انسان على گلبي ولو ما ادري واعرفك انت شنو صدك ما انطيها الك

.. اندار عليه وهو يثبت عينه عليه وكال

اشتر: سعادتها من مسئوليتي صارت بعد

ضبع: كوم يله فشله العالم منتظره

اشتر: ما راحو بعدهم

ضبع: لا منتظريك

اشتر: خل يرحون ما اطلع منا اليوم

.. صاح بصوت وهو يكول

ضبع: اشتر اذا شفتك بعد هنا اكرم رجليك منا لمن تزوج واخذها وبعد لا تراويني وجهك

.. ضحكنه على كلامه واتقرب عليه اخذه من ايده بلقوه وطلعوا

.. بقيت فتره لحد ما بدوا الناس يطلعون اشرلت لريم واجت تقربت عليه

ملاك: مو ترحين ابقي يمي اليوم راح اصعد ابدل وانزلج

ريم: تمام

صعدت فوك ابدل ملابسي وسبحت احس نفسي تحررت من هواي افكار وقيود اول مره احس نفسي مرتاحه نزلت جوا لكيت العاملات ينضفن كعدت بلصاله يم ريم واول ما سئلتني

ريم: الـِن وين ملاك

.. نزلت عيني بااسى واني احجي

ملاك: ما ادري ريم الـِن اختفت من القصر

ريم: معقوله راحت يم امها

ملاك: ومعقوله الضبع ساكت لحد هسه شبيج انتي

ريم: لعد وين

ملاك: مادري بس عندي احساس ضبع يعرف مكانها لان حيل هادئ واني اخاف من هدوءه

ريم: واني اتوقع شرار يعرف لان مره سمعته يحجي وي ضبع وجابو طاريها وراسا ابتعد عني

.. ضيقت عيني وحجيت

ملاك: اذا عند الضبع

.. اخذت ايدي وهيه تضغط عليها وبعيونها نظره توسل وهيه ادكول

ريم: ملاك الله عليج خل ندور عليها

ملاك: وين نلكاها

ريم: ما معقوله اشتر ما يعرف وين اسئلي

ملاك: ميجاوبني اكيد

ريم: اذا لازم نبحوش وراهم ابحثي عن رسائل مكالمات اي شي عند اشتر واني هم

.. نزلت عيني خايفه وحجيت

ملاك: تدرين اخاف ادور عليها اخاف الكاها ميته

.. فتحتت عينها مصدومه وكالت

ريم: اذا عند الضبع ليش ميته

.. بعدت عيني عنها مااعرف شنو اجاوبها رجعت كالت

ريم: مستحيل الـِن تموت وهيه عند الضبع الـِن تعرف تتصرف ويا والله تكدرله مستحيل يكتلها

ملاك: ما اعرف ريم المشكله الشي الوحيد الي اعرفه هو ضبع ما يسامح ابد واذا شردت هلمره ما راح يسامحها واذا سوت الي بالي متاكده راح ينهي عليها

.. ضيقت عينها بااستغراب وكالت

ريم: شنو الي بالج

.. ثبتت نطراتي عليها وحجيت بصوت قلق خايفه

ملاك: اذا طلعت الـِن هيه الي مشرده سلمان من القصر

.. فتحت عينها بصدمه وكالت

ريم: سلمان الي خطفنه

.. هزيت راسي بمعنى اي ورجعت كالت

ريم: ليش تشرده وشجابه للقصر اوكفي اني ما مفتهمه شنو شتحجين

.. حطيت ايدي على راسي وبديت اسردلها بشكل مختصر ورا كل حدث احجي الها عينها تنفتح اكثر وهيه مصدومه واخر شي كالت

ريم: بس هذا الشي مو مبرر علمود يقتلها

ملاك: ما اعرف ريم لازم نتحرك ونشوفها وين

.. دارت وجها وهيه تصفن بلفراغ رجعت اندارت عليه وكالت

ريم: راح ابقى يمج اليوم

.. بس كالت هيج احس الفرحه ما لامتني ولزمت باايدها وحجيت

ملاك: الله عليج ريم ابقي يمي لحد ما اتزوج والله كاعد اموت مختنكه من القصر ومحد يمي

.. ابتسمت وكالت

ريم: مصلحجيه لحد ما تتزوجين

.. رجعت ابتسمتلها وحجيت

ملاك: شرار شلونه

ريم: ما ادري بي

ملاك: ليش

ريم: هواي احداث صارت بعدين اسولفلج

.. بعدني ما جاوبتها واتصل مبايلها جان شرار غلقت الاتصال منه وكالت

ريم: ميقبل ابقى

ملاك: خل يولي هسه احاجي ضبع يحجي ويا

.. لزمت ايدي وكالت

ريم: لا ملاك مو وقتها هسه لازم نعرف الـِن وين

.. باعتلي وكالت

ريم: عندج مبايل

ملاك: لا

ريم: كولي لاشتر يجيبلج وراح اكتبلج رقمي من تحصلين مبايل اتصلي عليه ونبقى على تواصل

.. هزيت براسي كتبتلي رقمها بورقه وبوستني وطلعت لشرار بقيت بحدي بلقصر شكد اكرهه القصور والبيوت الجبيره ما بيها حب ولا امان ولا احتواء عباره عن فراغ مثلها

.. بقيت انتظر لليل ودخل ضبع وكال

ضبع: اشتر ينتظرج برا بدلي وطلعي

.. هزيت براسي واول ماصعدت سمعت ضبع يكول

ضبع: ادري بصاحبي ما ينكدرله بس اني اعرفج انتي شنو

.. هزيت براسي خايفه ورجعت صعدت احس ضبع يعرف بكلشي يصير بيناتنه

.. لبست بنطرون جينز وقميص لون احمر وكعب لون ابيض وفتحت شعري ونزلت

.. اول ما طبعت لكيت اشتر موكف سيارته بلكراج من شافني نزل وهو يتقرب عليه ويطبع بوسه خفيفه على خدي وفتحلي الباب اصعد

.. صعدت واني احس گلبي يريد يوكف من الفرحه واول ماصعد اخذني بحضنه وهو يشم بيه ويطبع بوسات بركبتي

.. ابتعدت عنه مستحيه وحجيت

ملاك: اشتر شبيك عيب

.. ضحك ورجع كال وهو ياخذ ايدي يبوسها

اشتر: وين العيب واحد ويبوس مرته

.. ضحكت ورفعت راسي عليه وحجيت

ملاك: حيل خفت عليك اشتر

.. اتقرب عليه وهو يكرص خدي على كيف والابتسامه على ثغره وكال

اشتر: لا تخافين

.. تقربت عليه وحضنته قوي ورفعت عيني الي جانت متروسه دمع وحجيت

ملاك: لا تعوفني اشتر

.. رفع فكي با اصابعه وهو يتلمس بشفتي وعينه عليها كال

اشتر: ما صدكت الكاج شلون اعوفج

.. ابتسمت ومشى بلسياره تقريبا نص ساعه يله وصلنه للمكان وهاي النص ساعه ما خلت من تحرشات الاشتر ولا غزله حيل بيومها فرحت احس اول مره ينفتحلي باب الحظ واول مره اعيش واجرب معنى الفرح والسعاده

.. نزلت واني ايدي باايده وفرحانه بقينه نفتر بلمول واشتريت ملابس وذهب واخذني للمطعم وكال

اشتر: تذكرين هذا المطعم

.. ابتسمت ونزلت راسي وحجيت بخجل

ملاك: اي شردت منك وهسه راجعتله واني ايدي باايدك الدنيا غريبه

.. ضغط على ايدي ودخلنه بعدلي الكرسي اكعد جانت عيني عليه فرحانه طلبنه اكل وكال

اشتر: تدرين شكد حقدت عليج بيومها يا يابه ردت اذبحج

ملاك: لازم نسيت نفسك شسويت

.. بعدني ما مكمله كلامي وخزرني وكال

اشتر: اشش لا تكملين الي راح تنسي ولا كانما صار

.. ثبتت عيني عليه واني خايفه

ملاك: اشتر اني هذا الماضي مالتي لازم تتقبله وانت اكثر واحد شفته

اشتر: اعرف كلش زين بس ماريد من تذكر تنقهرين او تضوجين

.. ابتسمت وحجيت

ملاك: مو باايدي الي صار ومستحيل انسى بس ما اضوج لان انت يمي

.. مررت ايدي واني اخذ ايده اضغط عليها رفعها وهو يطبع بوسه خفيفه عليها وكال

اشتر: احبج

.. فتحت عيني مصدومه وسحبت ايدي على السريع خايفه

وبعدت راسي عنه وحجيت سريع ما منتبهه لنفسي

ملاك: كوم شوف الاكل ليش ما اجا

.. ضحك وهو ياخذ الجهاز وكال

اشتر: بعده ما دك شبيج

.. ضيقت عيني ونزلتها للارض احس گلبي يريد يوكف

.. دك الجهاز وكام على حيله وهو يروح يجيب الاكل رجع وجانت عيني عليه

.. مرت اكثر من ساعتين واني وي اشتر فرحتي مستحيل اوصفها بهذا اليوم رجعنه وقبل لا انزل اخذ ايدي وجرني عليه وهو يطبع بوسه خفيفه بركبتي وكال

اشتر: شو نازله هيج غير تودعيني

.. ابتسمت بخجل وتقربت عليه سريع بسته بخده وردت انزل رجع جرني من ايدي وهو يقدملي مبايل

.. فتحت عيني مصدومه واخذته واني فرحانه فتحنا من العلبه سوه وبدا يعلمني عليه

.. رفعت عيني عليه وحجيت

ملاك: اشتر الـِن وين

.. باوعلي بااستغراب وكال

اشتر: ليش

ملاك: شنو ليش اشتر اختي ما موجوده صارلها شهر ماكو مختفيه

.. بعد عينه وكال

اشتر: مادري

.. تقدمت واني اخذ وجهه بااصابعه واديره عليه ثبتت عيني بعينه وحجيت

ملاك: من احجي وياك لا تدير وجهك عينك بعيني

.. ابتسم ورجعت حجيت

ملاك: وهسه احجي وين الـِن

.. بعد ايدي عنه وكال

اشتر: ملاك لا تدخلين بهاي السالفه ابتعدي عنها

.. صحت بصوت عالي وحجيت

ملاك: شنو ابتعد عنها اختي تعرف شنو اختي ما ادري بيها وين عايشه ميته

.. سكت ما جاوبني ورجع كال

اشتر: باجر راح التحق عندي مهمه

.. حجيت بصوت ضعيف

ملاك: وين

.. ثبت عينه عليه وهو يرفعلي اصابعه ويكول

اشتر: شغلتين لا تسئليني عنهن وين وشنو تشتغل

.. ضيقت عيني بعدم فهم وحجيت

ملاك: يعني شنو بدينه غموض من هسه

.. اخذ ايدي وهو يضغط عليها وكال

اشتر: علمودج بس صدكي اللكمه الي تاكليها حلال لان جايه بتعب وبروُح

ملاك: اشتر انت مو نفس شغل ضبع يعني ضابط بعد شكو ليش تخوفني

.. هز راسه نافي وهو يكول

اشتر: هواي اشياء متعرفيها والافضل متعرفيها

ملاك: شكد راح تبقى

.. ما جاوبني وبعد عينه

.. نزلت واني اركع باب السياره قوي حيل ضجت ليش ما يحجيلي يعني بعدنه بلبدايه وهيج لعد بعدين شلون دخلت للقصر ومثل العاده موحش ويخوف من كد ما فارغ صعدت للغرفه واني ارتب الملابس تقربت واني اشوف رساله واصلتني اخذت المبايل وجانت

.. ملاكي

.. اخذته واني اقراها اتصل جاوبته بقينه نحجي للصبح لحد ما راح للدوام وهيج مر شهر واكثر واشتر ماكو ومرات يحجي قليل ويروح والـِن مادري بيها وين جنت اتواصل وي ريم دائما ونفس الحاله متكتمين على الموضوع بشكل لحد ما دخل ضبع للغرفه وهو يكول

ضبع: ملاك الاسبوع الجاي عرسج

.. ضيقت عيني بخوف وحجيت

ملاك: ليش بس اشتر ما كال

.. اتقرب عليه وهو يضغط على ايدي وكال

ضبع: راح اطلع خارج العراق

.. فتحت عيني مصدومه ماعرفت اجاوبه بعد ورجع كال

ضبع: وحاجيت اشتر والاسبوع الجاي زواجكم

.. نزلت دمعه مسحتها سريع ولمني بحظنه وكال

ضبع: الله شاهد ما اريد اتخلص منج ولا صرتي ثقل عليه بلعكس اني لو بيدي اخليج يمي العمر كله

.. رفعت راسي عليه واني مبتسمه وكال

ضبع: اطلكج من اشتر ونروح اني وياج

.. ابتسمت واني امسح دموعي هزيت براسي نافيه كلامه

ملاك: لا

.. مر الاسبوع ورجع اشتر بدينه نحضر للعرس وريم اجت يمي بقينه نفتر ونشتري فساتين ونحضر لحد ما اجا هذا اليوم

.. كاعده واني با البدله البيضه كاعده وملتمين حولي يركصون وفرحانين وملوكه الصغيره تفتر يمي وتضحك جنت اشوفها بعيني واني فرحانه واركص وياها على الخفيف الابتسامه ما غابت مني وضحكتي بهذا اليوم ما نفقدت مر الوقت واحنه منتظرين اشتر بس ماكو ؟؟

..رفعت عيني على ريم وحجيت

ملاك: ريم حبابه مبايلي اشو تاخرو

.. جابتلي المبايل وهيه تقدمه اليه اخذته من عدها واتصلت عليه ماكو مغلق

.. مر الوقت واني الابتسامه غابت مني وفرحتي انمحت وصار بمكانها خوف وقلق بدت الناس تتهامس بكلام

- معقوله تركها بيوم العرس
- خطيه

كلامهم جان يوصل لاذني ارتعش جسمي واني اشوف صوت مسج وصل فتحت المبايل واني اشوفها شنو

..صور قديمه اليه مفبركه

.. ثواني بس ورجعت انرسلت صور

.. صوره اشتر نايم بدون تيشرت ويمه وحده بس هاي مو اي وحده هاي روان !!

.....................

بساتين ومكان هادئ ومظلم وبس اصوات الجلاب بعيده رجعت واني خايفه واتلفت والرعب دب بگلبي

.. حسيت على صوت وراي

.. قبل لا اندار واشوف منو حاوطتني ايد قوي تمنع صراخي وايده الثانيه مقيد جسمي

.. تحركت قوي واني اشوفه انداريت وفتحت عيني بصدمه حجيت

الـِن: ادم

.. ثبت عينه عليه وهو ياشرلي انصي صوتي وكال بهمس مسموع

ادم: اسمعيني الـِن دزتني نور عليج حياه هواي ناس تتوقف با ايدج ضبع يريد يسوي مجزره

.. ضيقت عيني بعدم فهم وحجيت

الـِن: ما كاعد افتهم ادم شكو

ادم: اهل القصر يدورون على رحمه بيدها هواي اسرار لصالحهم ورحمه ما ميته عند الضبع

.. تقرب عليه وهو يكول

ادم: اعرفينه مكان رحمه الـِن

الـِن: وشنو مصلحتي اني

ادم: انقذج من ضبع

ثبتت عيني عليه وحجيت بخوف

الـِن: شلون

.. اخذ نفس ورجع كال وهو مثبت عينه عليه ويحجي بقلق

ادم: دزيت ناس يهجمون على القصر علمود الضبع يخاف عليج ويطلعج خارج العراق وبا التالي رحمه راح تبقى هنا ونكدر نعرف مكانها بسهوله بس يغيب

.. رجعت خطوه واني اندار على صوت رمي قوي خفت وحجيت

الـِن: ولك ادم

.. يحجي وهو يحاول يهدئني كال

ادم: اسمعي اخذي هذا المبايل وضمي عندج لا تخلين ضبع يشوفه بس يصير وياج شي اتصلي عليه

.. اخذته منه سريع وحجيت بصوت

الـِن: روح بساع لا احد يشوفك

ادم: الـِن لا تنسين كلامي ديري بالج من ضبع

.. هزيت راسي واني مبتعده عنه رجعت واصوات الرمي اختفت وصلت للبوابه الخلفيه ودخلت من عدها خايفه اول ما خطيت خطوه وكف گلبي واني اشوفه واكف وهو مجتف ايدي وعلى ثغره ابتسامه تقرب عليه ورجعت خطوه خايفه سمعته كال

ضبع: وين جنتي

الـِن: سمعت اصوات الرمي وطلعت خايفه

.. تقرب عليه اكثر وهو يمد ايده على ركبتي ويخنكني حيل النفس بعد ما اكدر اخذه نزلن دموعي واني احاول ابعد ايده عني بس ما اكدر حجيت بصعوبه وبكلام غير مكتمل

الـِن:ض.. ب

.. خانكني حيل وعيونه حمر شكله مرعب ابتعد عني ووكعت على الارض اسعل واحاول اخذ نفس قوي نزل وصار بمستواي وعلى وجهه ابتسامه حقيره حجه بكل هدوء وكال

ضبع: سلمان وين

.. هزيت براسي واني عيوني متروسه دمع خايفه رجعت بخطواتي واني عيني مثبتتها عليه كام على حيله وهو يجر ايدي وينتشلني من الارض بقوه

.. جرني من ايدي بقوه وهو ياخذني لغرفه المخزن شمرني بيها ورجعت خطوات خايفه شكله مو عادي جان وحش نظراته افعاله ابتعدت عنه واني اتجهه للباب سريع احاول اشرد رجع اخذني من ايدي وهو يرجعني للغرفه حجيت بصوت

الـِن: ضبع الله عليك لا تسوي هيج

ضبع: لج اخخ مره بحياتج امشي عدل

.. هزيت راسي واني خايفه وبس دموعي ينزلن حجيت بصوت

الـِن: معليه اني سلمان اخذني رهينه عنده وطلع خلا المسدس على راسي وكال اذا ما تطلعين وياي هنا اذبحج انت تقبل يذبح مرتك شسوي انجبرت

.. خلا ايده على عينها وهو يغلقهن ويغط با اصابعه عليهن ارتعشن اطرافي واني عيني عليه هيئته مرعبه رجعت واني خايفه وهو اتقدم عليه ما جان اكو مخرج ثاني بقيت ارجع بخطواتي لحد ما وصلت لنهايه الغرفه وهو يتقدم عليه

.. ابتسامته وهدوءه وعيونه وهيئته المخيفه نزلن عيوني واني اتوسله يعوفني اتقرب عليه وهو يكول

ضبع: عود ليش ما اكدرلج

.. ثبتت عيني عليه خايفه ورجع كال

ضبع: الـِن سلمان وين للمره الاخيره اسئل

.. نزلت راسي خايفه وحجيت بصوت ضعيف

الـِن: شرد

.. حجيت هيج لو تخبل ما بقى شي بلمخزن ما كسره تقرب عليه وهو يجرني ويربطني على الكرسي ماكدرت اتحرك مقيدني بجيت بصوت عالي

الـِن: ضبع معليه

.. كعد مقابيلي وهو يكول

ضبع: شردتي سلمان

.. هزيت براسي بمعنى لا خايفه

ضبع: وشلون يطلع منا اذا ما مشردته

الـِن: حط السلاح على راسي كال اذا ما طلعتيني منا اكتلج واشمرج للجلاب واخلي ضبع يبجي دم عليج

.. ابتسم وهو مثبت عينه عليه

ضبع: ومنين سلمان جاب السلاح

.. رمشت بعيني ما عرفت اجاوبه وحجيت

الـِن: وشمدريني اني ايجوز ناسيلك فد واحد هنا

.. صاح بصوت فززني

ضبع: الـِن

..خفت اكثر ونزلت راسي

الـِن: واني شمدريني ضبع الله يخليك كاعد تخوفني

.. تقرب عليه وهو ياخذ نفس الاداه الي كطم بيها اصابع سلمان وقربها عليه وهو يجر اصابعي

.. هزيت راسي خايفه واني ابجي واتوسل بي

الـِن: ضبع الله يخليك لا شوف ايدي شلون معتنيه بيها شوف اظافري شلون احبهن ومعتنيه بيهن الله يخليك ضبع وخرها عني اخااف

.. قربها لواحد من اصابعي وفتح الاداه وصرخت بصوت خايفه وحجيت

الـِن: شوف هاي ايدي شكد بوستها وهسه تريد تشوهه الله يخليك ضبع وخرها عنيي

.. ثبت عينه عليه وهو يبعدها وكال

ضبع: تعرفين سلمان شنو كم طفل مغتصب كم بنيه ميته جوا كم عمليه ارهابيه منفذ

..نزلن دموعي ورجع كال

ضبع: خاطرت بنفسي بس في سبيل الكفه وهسه تجين بكل سهوله تطلعي

.. حجيت بصوت

الـِن: مو اني

ضبع: تعرفين كم طفل راح يدعي عليج

.. فتحت عيني بصدمه واني اتخيل الموقف گلبي احسه يريد يوكف من القهر ابتعد عني وهو يطلع اخر شي سمعته قفل الباب من برا وابتعد بقيت مربطه بلكرسي ما اكدر اتحرك بس ابجي واصيح عليه بس ما جان اكو جواب

.. ماعرف شكد مر الوقت واني محبوسه بلمخزن المكان حيل يخوف وحسيت على الشمس بدت تطلع وضبع ما اجا بدت عيني تغوش من الالم غمضتها قوي واني شارده من واقعي المؤلم

.. حسيت على حركه فتحت عيني واني اشوفه يجر الكرسي ويكعد كدامي فتحت عيني بطيئ وحجيت بتعب

الـِن: ضبع تعبت رجعني للقصر والله جسمي تكسر

.. جان حيل هادئ وهذا الي خوفني جنت اترقب ملامحه واني انتظره يحجي بس ما بدر من عنده شي رجعت حجيت

الـِن: ضبع حباب بس افتح ايدي والله كاعد تاذيني

.. ثبت عينه عليه وكال

ضبع: فعلتج هاي راح تدفعين ثمنها

.. كام على حيله وهو يتقرب عليه ويثبت ايدي حول الكرسي وكال

ضبع: ما اريد اتصرف وياج قبل لا اتاكد بس يا الـِن لو طلعتي انتي الي مشرده سلمان

.. سكت وتقرب على فكي وهو يضغط عليه باايده ومثبت عينه عليه وكال

ضبع: اندمج وتعرفين من احجي هاي الحجايه اسويها

.. باوعتله ونظراتي مليانه خوف نزلت راسي واني ابجي حجيت

الـِن: ضبع جسمي تكسر بس افتح ايدي

.. ما جاوبني رجعت حجيت

الـِن: ضبع شبيك حتى ما كدرت انام تكسرت الله يخليك حتى لو تخلييني انام بحضنك وتقيدني

.. ما جاوبني وطلع بقيت با الكرسي ومرت ساعات وهو ماكو

.. منزله راسي واني اشوف الوضع الي اني بي شعري المخربط لو الوصخ الاني بي يوم كامل هو ما موجود نزلت راسي واني اشوف ملابسي شكد قذره احتاجيت الحمام وماكدرت اتحرك كعدت ابجي بقهر

.. مادري شكد مر الوقت وحسيت الباب انفتح ودخل وهو لابس وكاشخ وقبل لا يتقرب عليه وصلي عطره ابتسمت بااستهزاء ورفعت راسي

.. ثبتت نظراتي عليه نظراتي الي جانت متروسه حقد وحجيت بصوت

الـِن: والله يا ضبع لو يبقى اخر يوم بعمري اله اطلعهن من عينك كل موقف عشته بسببك وكل دمعه انت جنت السبب بيها

.. من شاف وضعي نزع سترته وتقرب عليه يفتح ايدي ورجلي فتحهن وهو يكومني دفعت ايده قوي وحجيت

الـِن: وخر عني لا توصخ نفسك بقذارتي

.. جانت بعينه نظرات استعطاف الي كرهتهن شكد كرهت عيونه بوكتها ابتعدت عنه واني ادخل للحمام جان بنص الغرفه دخلت وقفلت الباب على نفسي وفتحت الدوش كارهه حياتي

.. حسيت عليه وهو يدك الباب وكال

ضبع: الـِن ذني ملابس ومنشفه اخذيهن

.. بقيت كاعده جوا الدوش وابجي شكد ما جان المي بارد شكد ماجنت روحي مشتعله نار شنو بعد يصير وياي الى متى ابقى عايشه ويا

.. مسحت دموعي واني اتذكر المباي توجهت واني اخذه من جيب التراك وجان مابي شي قفلته ورجعت ضميته

.. مادري شكد مر وقت بس اسمع حسه موجود بلغرفه فتحت باب الحمام وجان تاركهن يمه مديت ايدي واخذتهن لبستهن وطلعت لكيته موجود

.. بعدت المنشفه عن شعري الي ينكط مي وشمرتها عليه

الـِن: اطلع برا

.. ماجاوبني وهو يبعد المنشفه عن وجهه وكال

ضبع: نشفي شعرج لا تتمرضين

.. ضحكت ضحكه جنونيه ودموعي ينزلن وحجيت بصوت

الـِن: اتمرض!! ليش انت شنو الي سويته بيه ما مرضتني ما كتلتني وشمرتني ما اذيتني ما دمرتني كلهن سويتهن اتفننت بتعذيبي

.. جان مركز عليه ورجعت حجيت واني ارفع ايدي بتهديد وعيوني متروسه حقد حجيت بنبره كرهه وشر

الـِن: بس والله يا ضبع اذا ما ندمتك على كلشي سويته وياي

.. ثبت عينه عليه وكال

ضبع: اليوم عقد ملاك

.. رخت ملامحي بصدمه وحجيت با استغراب

الـِن: لمنو

ضبع: اشتر

.. ابتسمت واني امسح دموعي حجيت

الـِن: شكد رخيصه

ضبع: منو

.. ثبتت عيني عليه وحجيت

الـِن: دموعي

.. كعدت على الارض البارده واني لامه نفسي وبديت ابجي بصوت عالي جان بس يشاهد ما ابتعد ولا اتقرب بس عينه جانت عليه حجيت بصوت تحت بكائي

الـِن: ضبع اخذني الها الله يخليك بس اليوم اروح اشوفها الله يخليك لا تحرمني من شوفتها اكيد هيه هسه تنتظرني

.. ما جاوبني رفعت راسي عليه واني ابجي حجيت بصعوبه

الـِن: ضبع اذا شافوها اهله بحدها شراح يكولون الله يخليك اخذني اشوفها واكون يمها بهذا اليوم

.. اتقربت عليه واني اخذ ايده الزمها وحجيت بقهر

الـِن: الله يخليك ضبع اختي ادري بيها تنقهر ملاك حساسه شلون لو سمعوها حجي ماعدها احد بس اني بقيتلها من اهلها الله يخليك خليني اشوفها

.. بعد ايده عني واخذ سترته يريد يطلع ركضت عليه واني حاضنته من ظهره قوي ومتمسكه بي

الـِن: والله ما احجي ولا اكول وبس يخلص العقد ارجعوشكد ما تريد احبسني وشنو الي تريده سوي بيه بس اليوم خليني اشوفها

.. بعد ايدي الي جانت محاوطه جسمه ونترهن قوي وطلع من الغرفه وقفلها

.. وكعت على الارض واني منهاره من البجي لحد ما حسيت نفسي دخت وجسمي بعد ما يكدر يعيني وعيوني غوشن وحراره بجسمي وبعد ما حسيت بشي

.. فتحت عيني بطيئ واني اشوفه يغسل وجهي بلمي البارد ابتعدت عنه بضعف ورجع جرني عليه وهو يغسلي بلمي البارد ابتعدت واني استشعر با البروده تتخلخل عظامي

..شالني وهو يرجعني لفراش جان فارشه اليه على الارض خلاني عليه وهو يغطيني بلغطوه حجيت بتعب

الـِن: اكرهك

ضبع: اشش لا تحجين

.. رفعت الغطوه على وجهي ما اريد اشوف وجهه وانداريت سمعته كال

ضبع: هذا اكل هنا من تجوعين اكلي

.. ما جاوبته ولا تحركت بس سمعت صوت القفل يعني طلع وخرت الغطوه عني واني مثبته عيني على السكف

.. كمت على حيلي واني اخذ المبايل واتجهت للحمام اتصل جان بس رقم واحد واتصلت عليه ماعرفته المن اجاني صوته وحجيت

الـِن: ادم

ادم: ها الـِن وين انتي

الـِن: ولك ادم الكو.. تعال انقذني لا ابوك اسمطه عايفيني يم هذا الخبل رااح يموتني

ادم: سوالج شي

الـِن: حابسني بلمخزن الله عليك ادم تعال طلعني ماعندي غيرك وخايفه اتصل منا على مركز شرطه لان يعرف ضبع راح يطمطم السالفه با الفلوس

ادم:  لا تتصلين من هذا المبايل على اي رقم بس الموجود ومابقى شي كاعد اسويلج مستمسكاتج

الـِن: استعجل لان لو ضبع عرف اني مشرده سلمان يذبحني

ادم: مو تنسين الاتفقنه عليه

الـِن: شنو

ادم: رحمه

الـِن: ومنين اعرف هيه وين شبيك

ادم: اعرفي مكانها وثاني يوم اني يمج

.. غلقته منه واني اسمه صوت فتح القفل بقيت بلحمام وفتحت الدوش وكعدت على جهه حسيت عليه دك الباب وكال

ضبع: ادري بيج ما تسبحين اطلعي

الـِن: ما اريد اشوف جهرتك اطلع

ضبع: عند حجي وياج

.. ما جاوته وعناد بي دخلت اسبح حسيت على جسمي صار حار وعيوني غوشن سديت الدوش واتقربت بصعوبه اخذ المنشفه والفها عليه صحت بصوت ضعيف

الـِن: ضبع

.. وكعت على الارض وبعد ما حسيت بشي

.. فتحت عيني واني بحضنه ولاني بلمنشفه وشعري ينكط مي وجسمي بارد رفعت راسي عليه وحجيت بصعوبه

الـِن: بارده

.. لفني بلغطوه وطلع شويه ورجع جان جايب اكل ويا قربه عليه وكال

ضبع: ليش ما تاكلين

الـِن: ما اريد

اخذ وهو يسويله لفه ويقربها عليه بعدت راسي وحجيت

الـِن: عوفيني اريد اموت واسهل عليك

.. ثبتت عيني عليه وحجيت

الـِن: تدري عرفت مرتك ذيج ليش خانتك لان محد تتحملك تستاهل كلشي يصير بيك

.. بعدني ما كملت كلامي وانكلب وحش ضرب الصينيه باايده وهو يطشرها خفت ولفيت نفسي بلغطوه واني اهجم على الباب ادك بي قوي وافتح ميفتح منظره وهو يتقدم عليه وجرني من شعري حيل وهو يقدمني عليه

.. مثبت عينه عليه وهو ضاغط حيل على شعري يقربني عليه عيونه قطعه حمره ويحجي بحيح مخيف كال وهو يرص على الكلمات

ضبع: تدرين ليش خانتني لان وحده ك.. وما ...

.. فتحت عيني بصدمه على كلماته وبحركه وحده سريع بعد المنشفه عني وسقطت على الارض

.. حاولت انزل على الارض اخذها سريع قيدني باايده وهو يقربني عليه يمنعني اتحرك صرخت بصوت قوي وجان مثبت عينه بعيني الي جانت متروسه دمع وخوف

.. نزل ايديه على جسمي وبقيت اصرخ دفعني قوي على الارض وباوعلي ينظره اشمئزاز مستحيل راح انساها وكال

ضبع: ثنينجن رخيصات

.. نزلن دموعي وجريت الغطوه عليه استر جسمي الي انفضح كدامه

.. مسحت دموعي واني اتجهه لادوات التعذيب بروح متعبه تحت نظراته اتقرب واني اخذ اداه حاده وقربتها على معصم ايدي وحجيت بكل برود

الـِن: ماكو اقذر منك ضبع

.. جان مثبت عينه عليه كال بكل هدوء

ضبع: نزلي

.. صرخت بصوت موجع وحجيت

الـِن: مو تريدني اموت يله اني راح اسهل عليك مهمتك

.. ما اعرف منين اجتني القوه ااذي نفسي كانما روحي فعلا رخيصه وبكل برود جرحت معصم ايدي وبدا الدم يتطافر خفت واني اشوف ايدي غركت با الدم تندمت واني ارفع ايدي حسيت حراره بااطرافي رفعت ايدي خايفه واني عيني على ضبع الي ماحرك ساكن وحجيت بصوت يرتجف

الـِن: ضبع ايدي

.. وكعت على الارض واني لازمه ايدي خايفه والدم ملى المكان تقرب عليه بكل برود وجر ايدي عليه وكال

ضبع: شكد غبيه

.. بجيت وحسيت بعيوني غوشن وماعندي قدره افتحهن مقاومه واني عيني عليه خايفه اموت وحجيت بضعف وبصعوبه

الـِن: ضبع ما اريد اموت

.. اخر كلمات حجيتهن بدون وعي وفقدت

.. شكد تندمت فعلا احقر شي ممكن يقدم عليه الانسان هو الانتحار

.. فتحت عيني بطيئ واني اشوف ضبع كاعد مقابيلي وايدي لافها باندج

.. تقرب عليه وهو يبعد خصلات شعري وطبع بوسه خفيفه على شفتي وابتعد

.. بقيت فاتحه عيني تصرفاته ما احزرها نزلت دموعي ومسحهن باايده وكال

ضبع: لا تعيديها بعد

.. ثبتت عيني عليه وحجيت

الـِن: ضبع كاعد تاذيني

.. اتقرب عليه وهو ياخذ ايدي السلميه ويبوسها وكال

ضبع: تستاهلين

.. سحبت ايدي عنه ودرت وجهي ابعد نظراتي عنه سمعته كال

ضبع: لا تديرين وجهج

الـِن: اطلع اريد انام قرفانه من جهرتك

.. طلع وتركني بقيت ابجي لحد ما نمت  شويه وحسيت عليه وهو يغطيني وكعد امامي رجعت مغمضه عيوني قوي مستسلمه

.. مرت الايام وضبع قليل يدخل بس يجيب الاكل وملابس ويطلع بقيت ما اهتمله ومن يجي ما احجي ويا ولا انتبه عليه مااعرف شكد بقيت بهاي الغرفه بس جنت مثل السجين واحسب ايامي لحد ما دخل عليه وهو يكول

ضبع: اليوم عرس ملاك

..كاعده بنهايه الغرفه بلزاويه وصافنه بلفراغ رفعت عيني عليه بدون لا اجاوبه يمكن نظراتي جانت كافيه

.. اندار وهو يطلع حجيت بهدوء

الـِن: لو جان بينك وبين الجنه ذنبي ما راح اسامحك

.. نزلت دموعي مسحتهن ولميت نفسي حسيت عليه من طلع

.. مادري شكد مرت الايام وضبع ما جنت اشوفه قليل واذا اجا ما يربطني بي شي والمبايل طفه شحنه وماكدرت اتواصل وي ادم بعد

.. حسيت النطق بدا يختفي عندي وبصعوبه احجي تلمست شعري وهو يتساقط خصل اجت عيني على مكان الادوات وهو شايلهن بعد اخر مره

.. يومين وهو ماكو كمت على حيلي واني اتحرك بلغرفه وهاي عادتي كل يوم حسيت عليه وهو يفتح القفل انداريت واني اشوفه دخل الاكل وراد يطلع حجيت بصعوبه واني ارتل بكلمات غير مفهومه

.. اندار عليه وهو يتقرب كال بصوت مستغرب

ضبع: شبي صوتج 

.. ماكدرت احجي احس صوت ماعندي مسحت دموعي واني احاول يطلع مني صوتاشررتله باايدي على حنجرتي اتقرب عليه وهومثبت عينه عليه بقلق

ضبع: اخذي نفس اسكتي لا تبجين

.. غمضت عيني قوي ابجي صوت ما يطلع من عندي وكلمات غير مفهومه

.. بقيت اضرب على راسي وجسمي واحاول ابعد نفسي عنه وهو جان لامني بحضنه خايفه وعينه عليه سمعته همس بخوف

ضبع: شسويت اني

.. بعدت نفسي عنه وبقيت افتر بلغرفه بهذا اليوم من صدك حسيت نفسي انجنيت بقيت ما اعرف شنو اسوي ادك بلباب قوي وارجع املش بشعري وابجي لو اضرب على گلبي احسه ياذيني

.. بقيت افتر تحت نظراته اتقرب عليه يمنعني اضرب نفسي ورجع قيدني بحظنه واني منهاره رفع وجهي عليه وهو مثبت عينه عليه

ضبع: اجيبلج دكتور وتصيرين زينه وترجعين تلعلين عليه بصوتج افتهمتي

.. باوعتله بنظرات حقد شكد كارهه وجوده

ضبع: لا تباعين هيج

.. ضربته قوي على صدره ابعده عني ارتد للخلف وبقى مثبت نظراته عليه كعدت على الفراش ولميت نفسي ابجي حسيت عليه وهو يخلي ايديه عى ظهري وهو يكول

ضبع: لو بس سامعه الكلام من البدايه لو بس جاره عدل وكاعده وساكته بس فهميني ليش تجيبين الاذيه لنفسج

.. باوعتله بنظرات كرهه وحقد جان يمي كوب شمرته قوي عليه ابتعد عنه وهو يبتسم

ضبع: راح اروح اجيبلج دكتور

.. رجعت لامه نفسي وحسيت عليه وهو يطلع

.. دقايق بس ورجع انفتح الباب ودخل واحد كمت على حيلي خايفه اتقدم عليه بقلق وبخوف قدملي مسدس وكال

- هذا السلاح من ادم اليوم بليل اكتلي ضبع وراح ننتظرج برا والسلاح ضروري تجيبي وياج

..تقدمت عليه ركضت اريد اطلع من الباب لزمني وهو يرجعني قوي وكعت على الارض وشمر السلاح قريب عليه وطلع

.. اخذت السلاح واني ضامته بملابسي القديمه وخايفه

.. بقيت انتظره وافكر من الخطوه الجايه اكتل ضبع؟ واصير مجرمه لو ابقى هنا واموت

.. مرت ساعات واني كاعده انتظره دخل وبيده اوراق تقرب عليه وكال

ضبع: شلون صرتي

.. ثبتت عيني عليه واني اشرله مكص

ضبع: شتسوين بي

.. اشرتله على شعري فتح عينيه وتقرب عليه وكال

ضبع: هاي السالفه انسيها

.. اتقرب عليه وهو يمسد بشعري واخذني بحظنه يشتم بيه وهمس

ضبع: مشتاقلج

.. ابتعدت عنه سريع واتجهت للحمام واني ماخذه السلاح من بين الملابس وضامته بملابسي

سمعته كال

ضبع: كملت اوراقج راح نطلع للخارج باجر واخذج تدرسين

.. طلعت واجت عيني عليه ثبت عيونه عليه وهو يبتسم بعفويه وكال

ضبع: راح نبدي من جديد واخليج تسامحيني الـِن

.. ابتسمت بقهر ورفعت السلاح عليه طلقتين سريعات ورا بعض باانحاء جسده وكع بلكاع وهو فاتح عينه والدم انتشر با الغرفه عرفت بيها الضبع مات

..........................

لهنا وخلص البرتووووت💗💗💗

كتبولي توقعاتكم

تتوقعون ضبع يموت ؟؟