الفصل الخامس

رواية سمراء بنت العوالم الجزء الخامس 5 بقلم صباح عبدالله سمراء بنت العوالمرواية سمراء بنت العوالم الحلقة الخامسة احمد ربنا يا زين إنها جات على قد كده، ومراتك بخير، دي أهم حاجة. قالها سليم وهو بيربت على كتف زين.. زين يبص له وما ردش عليه، ويبص للدكتورة ويقول. زين طب أقدر أشوف ميار؟ الدكتورة أيوه، تقدر تشوفها عادي. عن إذنكم. الدكتورة تسيبهم وتمشي.وزين يسيب سليم ويمشي، وسليم يفضل واقف يبص له بزعل.

–في الأوضة اللي فيها ميار ميار نايمة على السرير، راسها ملفوفة بشاش. زين يدخل ويبص لها بزعل وهو بيقول. زين ميار حبيبتي، طمنيني عليكي، عاملة إيه دلوقتي؟ ميار زين، لو سمحت كفاية تمثيل، علشان أنا مهما حصل مش هتراجع عن قراري. أنا هرجع أمريكا، وهبعتلك ورقة طلاقك، وخلاص الحوار لحد هنا. تدخل سحر وحسين وسمرة وسليم، ويسمعوا كلام ميار. سحر باستغراب ما فهمتش إيه اللي مراتك بتقوله ده يا زين يا ولدي؟

يعني إيه هي اللي تبعتلك ورقة طلاقك؟ سمرة بسخرية يعني مرات ولدك المنصوفة هي اللي عايزة تطلّق ولدك، مش هو اللي يطلّقها يا مرات عمي. سليم يحط إيده على بقه علشان ما يضحكش، وسحر تقول بحنق. سحر اسكتي إنتِ يا وش الغبرة، لما حد يسألك ابقي ردي. ميار وهي ما قالتش حاجة غلط، أنا فعلًا عايزة أطلّق زين، وخلاص ما بقتش حابة أكمل معاه من بعد النهارده. سحر تضرب صدرها وهي بتقول بصدمة. سحر يا فضيحتي بقى أنا ابني مراته هي اللي هتطلّقه!

ميار باستغراب أيوه، وفيها إيه لما أنا اللي أطلّقه؟ دي حياتي وأنا حرّة فيها. حسين يبص لزين بزعل، وزين يوطي راسه بخجل. حسين بحزن يا خسارة تربيتك فيك يا زين، حتى الحاجة الوحيدة اللي كان لازم تبقى راجل فيها ما طلعتش قدّها. حسين يسيبهم ويمشي. سليم يبص لزين وهو بيقول. سليم أنا عارف إني ماليش حق أدخل، بس إنت غلط يا زين

لما اتجوزت واحدة لا هي من أصلك ولا تربيتها زي تربيتك وتفكيرها مستحيل يكون زي تفكيرك مهما كنتم متشبهين ودي النتيجة. (يبص لسمرة وهو بيكمّل) وأتمنى تكون فهمت دلوقتي إن الجواز لا بالتعليم ولا بالشهادة، أساس التفاهم في الحياة الزوجية هو التربية والأصل. اللي متربية تربيتك وطلعة من أصلك ومهما ما كانتش متعلمة، التفاهم بينكم بيكون سَلِس علشان فاهمة الأصول صح والعادات اللي اتربيتوا عليها. سليم

عن إذنكم، وحمد الله على سلامة المدام يا زين. سليم يمسك إيد سمرة وياخدها ويمشي، ويفضل زين وسحر يبصّوا لهم بغيظ وحقد. زين يكلم نفسه بندم زين انا فعلا كنت حمار لما خسرت واحده زي سمرة مش عارفه من الدنيا غير اسمها وعارفة يعني ايه راجل ورفعه لمكانته الحقيقية. –بعد شهر… يوم فرح سمرة وسليم في أوضة سمرة سمرة قاعدة قدّام المراية، لابسة فستان فرح، وقاعدة معاها نبيلة، ماسكة كيس ملح، وفتحية. فتحية بفرحة

الله أكبر عليكي يا سمرة يا بنتي، عروسة زي القمر، اللهم بارك. نبيلة ترمي شوية ملح في وش فتحية وهي بتقول. نبيلة حصوة ملح في عينك، صلّي على النبي يا مرة. فتحية الله يا حاجة نبيلة، ما إني بنكبر اهو، هو في أكبر من ربنا؟ سمرة ونبيلة ونِعْم بالله العلي العظيم، ونتوب إليه. سمرة تسكت، ويبان عليها الزعل والقلق. نبيلة باستغراب مالك يا سمرة؟ مش شايفة فرحة العروسة في عينك ليه؟ سمرة بدموع خايفة قوي يا ستي، خايفة أظلم سليم معايا.

سليم طيب قوي وبيحبني بجد، وما يستاهلش مني غير كل خير. فتحية وانتي ما كنتيش تستاهلي غير واحد زي الباشا المهندس سليم يا سمرة. عيشي وانسي يا بنتي، علشان ما تخربيش فرحتك بإيدك. نبيلة فتحية قالتلك الكلمتين اللي كنت هقولهم ليكي. عيشي وانسي، وشوفي حياتك يا سمرة يا بنتي. تدخل سحر وهي بتقول بغيظ. سحر المأذون تحت، وعايز ست الحسن والجمال. سمرة بزعل وهو فين سليم؟ مش كان مفروض هو اللي ييجي ياخدني؟ سليم ييجي من ورا سحر وهو بيقول.

سليم وانتي متخيلة إن حاجة مهمة زي دي تروح عن بالي يعني؟ سمرة تبتسم أول ما تشوف سليم، وسحر تقول بغيظ. سحر وإنت جاي ورايا تعمل إيه يا خويا؟ ما أنا كنت جايباهالك، ولا هو دلع فاضي وخلاص؟ سمرة تبص لها بزعل، وسليم يقول بفرحة وهو ماسك إيد سمرة بحب ويبوسها. سليم ولو ما دلّعتش عروستي دلوقتي هدلعها إمتى بس يا عمتي؟ طالعة حلوة قوي يا سمرة قلبي، اللهم ما بارك. سمرة تتكسف، ونبيلة تقول بفرحة. نبيلة

صلّي على النبي يا واد يا سليم، لا نرمي في عينك حصوة ملح. سليم وفتحية يضحكوا، وسمرة تتكسف. سليم عليه أفضل الصلاة والسلام يا ستي، معاكي حق، ما يحسدش المال والجمال غير صحابه برضه. سحر بغيظ طب يا خويا يلا خدها وانزل، عيب، الراجل مستني تحت وإنت عمال تحب ودلع وكلام ماسخ، ولا في أب ولا خجل. سليم ياخد سمرة ويطلع وهو بيقول. سليم بزعل حاضر يا عمتي، نزلين اهو. نبيلة ترمي شوية ملح في عين سحر وهي بتقول. نبيلة

يا ستر يارب الغل هيطلع من عينيكي فتحية تحط إيديها على بوقها علشان ما تضحكش، وتسند نبيلة وتاخدها وتمشي ورا سليم وسمرة، وسحر تفضل واقفة وهي بتغلي من الغضب والحقد. –في الصالة سليم نازل السلم وهو ماسك إيد سمرة، يتفاجأوا بزين راكع قدّام سمرة وهو بيقول بدموع. زين أبوس على إيدك يا سمرة، ما تكمليش الجواز ده،

اتجوزيني أنا يا سمرة. أقسم بالله ندمان، وعرفت إني غلطت قوي. وكل اللي بطلبه منك فرصة، فرصة واحدة يا سمرة اثبتلك اني بحبك بجد علشان خاطري، علشان خاطر حبك ليا. أنا عرفت إني بحبك قوي يا سمرة، وما أقدرش أشوفك مع واحد تاني غيري. سمرة تبص له بدموع، وسليم يبص لهم بزعل، وحسين يقرب منهم وهو بيقول بغضب. حسين نفسي تكون راجل صح ولو مرة واحدة يا زين. قوم… قوم، فضحتني في البلد. عاوز إيه تاني؟

وسمرة، لو إنت آخر راجل في الدنيا إني ما نجوزهالك. وكان فين حبك اللي بتقول عليه ده لما روحت وتجوزت خواجية وكسرت قلبها وخاطرها؟ سليم يبص لسمرة بزعل،ويروح ويقوم زين من على الأرض وهو بيقول. سليم بزعل قوم يا زين، ولو سمرة لسه عايزاك أنا بنفسي هجوزهالك. سمرة تبص لسليم بصدمة، وسليم يقول بزعل. سليم إنتي لسه بتحبيه يا سمرة… مش كده؟ سمرة تبص على الأرض بعياط وتسكت. سليم يبتسم بزعل، ويحط إيد زين على إيد سمرة وهو بيقول. سليم

مبروك عليك يا زين، حافظ عليها. وإنتي يا سمرة، الجواز مش يوم ولا اتنين، الجواز عشرة عمر. وأنا بعترف إني بحبك قوي قوي، وحبي ليكي مهما حصل ما هيقل أبدًا، بس أنا مش عايز غير سعادتك في النهاية. عن إذنكم. دموع سليم تنزل، ويتحرك علشان يمشي. سمرة تمسك إيده، وبالأيد التانية تمسك إيد زين وهي بتقول بدموع. سمرة لو قلتلك إني بحب سليم ومش عايزة غيره، هتسيبني أروح معاه يا زين؟ زين يمسك إيد سمرة جامد وهو بيقول. زين

لا يا سمرة، مستحيل تحبيه. إنتي بتحبيني أنا… مستحيل اقدر اشوفك مع غيري. أنا عارف إنك زعلانة مني، بس بوعدك هتجوزك وهصلّح كل حاجة. بس وافقي تتجوزيني وما تروحيش لغيري. سمرة تزق زين بعيد عنها وهي بتقول بقرف. سمرة

شوف الفرق بينك وبين سليم، روح اتعالج من الندالة اللي جواك، وبعدين تعالى قولي إنك بتحبني يا ولد عمي. إنت ما بتعرفش تحب حد يا زين، إنت بتحب نفسك. إنت عايزني عند علشان شُفت الأحسن منك. اتعلم الحب من سليم، الحب الحقيقي هو سليم اللي مستعد يضحي علشان سعادة حبيبه، وعارف وفاهم إني إنسانة من دم ولحم ومن حقي أختار. مش زيك يا زين، طلباتك أوامر، ومش مهم أنا عايزة إيه ولا إيه اللي يريحني. وبحمد ربنا إنه نجّاني منك، ولا كنت هفضل طول عمري في الهم والذل اللي كنت فيه.

سمرة تروح لسليم وتضربه بالقلم وهي بتقول بدموع. سمرة لو فكرت إن ممكن يكون في غيرك في قلبي وحياتي من بعد النهارده، إني مش هسمحك يا سليم، إنت فاهم؟ سليم بدموع وفرحة وأنا كمان بحبك قوي يا سمرة، ومش عايز غير راحتك وسعادتك، صدقيني سوآ معايا او مع غيري. سمرة بخجل وأنا كمان بحبك قوي يا سليم. وهو ده الحب اللي كنت بتمناه وبدور عليه طول السنين اللي فاتت وتوهمت بحب الذل والقهر وماشفتش حب الكرامة والهنا اللي شوفته معاك يا سليم.

سليم بحب يمسك إيد سمرة وياخدها ويروح عند المأذون وهو بيقول بفرحة. سليم خلص يا مولانا، اكتب كتاب الكتاب بقى قبل ما أعمل حاجة أندم عليها لباقي عمري. الكل يضحك، وزين يفضل واقف دموعه نازلة، وسحر متغاظة. المأذون يكتب كتب الكتاب. المأذون بارك الله لكم وبارك عليكم وجمع بينكم في الخير والسعادة يا رب العالمين. سليم يحضن سمرة بحب ودموعه نازلة. سليم مبارك يا سمرة قلبي، مبارك عليا حبك، مبارك عليا أكمل ديني ونصي التاني. سمرة بحب

مبارك عليا حبك وعوض ربنا ليا يا سليم. مبارك عليا وعليك السعد والهنا. النهاية