الفصل الثالث

رواية سر المقابر الجزء الثالث 3 بقلم حميدة عبدالحميد سر المقابررواية سر المقابر الحلقة الثالثة وقفت وانا مُحتار اعمل شنو ٠٠٠ وبمجرد م صوت الأذان سكت بدت تهدأ وخلت تنضم ٠٠ بس لسه كان فيها حاجه م طبيعيه امي عاينت ليها بحسرة وقالت شكلها عندها شواطين ي امجد.نوديها للشيخ يرقيها احسن مع قولة نوديها للشيخ دي وقفت على حيلها ومن دون م تفتح عيونها. قالت لاااااااااا بطريقه غريبه جرتها مسافه ٠٠٠

بعدو جات واقعة في الأرض ررب وشكلها غابت عن الوعي ٠٠ امي شالت مويه ومشت عليها قالت لي الحمدلله قعد تتنفس ي أمجد. بس دي مشكلة كبيرة لازم تلقى ليها حل ي ترجعها من مكان جات لانو لو حصلت ليها اي حاجه هنا معانا لا قدر الله ح تتورط انت اول شي رديت ليها وانا بخت ولدها الكان نايم ف كتفي في السرير وانا طالع قلت ليها. ح بحاول اتصرف ان شاء الله اتوضيت ولحقت الصلاة ٠٠

بعد صلينا مشيت لي انس وحكيت ليه بكل شي قال لي عندنا شيخه م شاء الله شاطرة بتعالج بالقرآن الكريم ح أكلمها ليك وتجيكم في البيت قلت ليو ان شاء الله قمت من السجاد وطلعت برا الجو كان حلو ومضلم كدا وشايل سُحب تقيله ٠٠٠ قررت اطلع الشغل طوالي لانو لو لحقت صبت تاني طلوعي صعب سرعت على البيت وقلت لي امي طالع قالت لي البنيه صحت الحمدلله بس انت م عايز تشرب الشاي قلت ليها بشرب قدام ٠٠

فتحت الباب طلعت العربية ودورت غشيت حوته واتحركنا اها اخبار البت شنو ي أمجد والله ي حوته البت طلع عندها شواطين تقريبا وبديت احكي ليه في الشي الحصل عاين لي ب استغراب وقال وعايز تخليها مع امك كدا طيب اها لو رجعت ليها الحالة دي تاني وانت ماف ح يحصل شنو؟ قلت ليو كلامك صح بس امي ح تتصرف ان شاء الله وصلنا وكل زول شاف شغلوا ب وين مسافة انا شغال امي اتصلت لي فتحت الخط ٠٠

أمجد ولدي البت ماعارفه فاتت وين. وشكلوا لقت الباب مفتوح وطلعت هي وولدها وانا شالتني نومه الظاهر وقفت الشغله الكنت بعمل فيها وطلعت طوالي ٠٠ طيب زي الساعه كم طلعت؟ م عارفه لكن بس بعد طلعوك بي شويه تمام تمام ي امي قفلت الخط ومشيت على المقابر ع طول ٠٠ بس م شفتها. معقولة تكون مشت مكان تاني؟ بقيت واقف. قريب الساعتين

في النهايه رجعت شغلي وواصلت عادي لحدي م جا زمنا البنطلع فيه وكنت متأكد انو ح القاها هناك اصلا هي بتجي الساعه وحدة بليل كنت براي لأنو محمود طلع بدري ٠٠ جيت ماري بجنب المقابر ونزلت من الظلط بس م شفتهم قلبي وجعني شديد وكنت م مرتاح حتكون مشت وين طيب!! بديت اتلفت يمين وشمال زي المجنون لحدي م لمحت حاجه مدفونه طرف شجرة مشيت عليها وبديت احفر لحدي َ م. طلعت شنطة عاديه زي البشيلوها النسوان ٠٠٠

وشكلها ليها زمن من اندفنت هنا نفض منها التراب وفتحتها كان فيها مستندات و أوراق كتيرة.

ومن ضمنهم كان في بطاقه شخصيه نفضتها وهنا بقت واضحه اتفاجأت لمن لقيت فيها صورة البت دي زاتها كانت م شاء الله جميله شديد ومن ملامحها عرفتها دي هي بس حاليا اتغيرت شويه من الشقى والبطاقه كان مكتوب اسمها فيها ويلي هو زُمرد احمد علي وتاريخ ميلادها ٢٠٠٢ يعني هي طلعت اسمها زُمرد ختيت البطاقه وبديت اعاين في باقي الأوراق وكلها كانت أوراق مشاريع وبيوت و أراضي وكلهم كانو مسجيلن ب اسمها زمرد احمد علي ٠٠

راسي عمل صننن كنت م مستوعب في الشي الشفتو دا وزمرد دي وراها سر كبير وشديد كمان ٠٠٠