رواية سر المقابر الفصل الثاني 2 - بقلم حميدة عبدالحميد

قلت ليو يا حوته البت دي م مجنونة ومشيت عليها وقفت قدامها وهي كانت لسه حاضنه ولدها عليها بكل قوتها وكانو خايفه اشيلوا منها
شلت نفس عميق وقلت ليها معليش ي اخت بس ممكن تجي معانا؟ وهنا م امان ليك ولا لي ولدك ٠٠٠
عاينت لي مسافه وكانها م فهمت كلامي ورجعت وجهت نظرها في الفراغ وهي بتحرك راسها بحركة م مفهومه
حوته قال لي أمجد عليك الله خلينا نتخارج٠٠رديت ليو
والله ي محمود انا قلبي م يسمح لي اخلي الانسانه دي هنا براها وخصوصا وهي عندها طفل صغير زي. دا
قال لي بالله بس هي لا امس ولا الليله قاعدة هنا جنب المقابر وماف اي جديد في الموضوع دا
م اشتغلت بي حوته ووجهت ليها كلامي تاني بس اتضح انو هي فعلا مختله عقليا نوعا ما
ف اضطريت أعمل حركة تانيه ويلي هي بديت اسحب ولدها منها. وحاولت لحدي م شلتو من حضنها
هنا وقفت قدامي زي الحيوان المفترس ٠٠ بديت ارجع خطوات لي ورا وهي بتمشي خطوات لي قدام لحدي م وقفت جنب العربية فتحت الباب الخلفي وختيت الولد في المقعد عاينت لي مسافه وبعدها جات مندفعة نحو العربية ودخلت عشان تشيلوا وانا طوالي قفلت الباب وامنتوا
بعد م شالت ولدها ما عملت اي ردة فعل عكسيه ٠٠
حوته قال لي شكلك انت الجنيت ي أمجد قلت ليو ارح اركب
اتحركنا وطول الطريق كنا كلنا ساكتين ٠٠٠ وصلت محمود واتحركت على البيت ٠٠
وصلنا فتحت البوابه الكبيرة ودخلت بي العربية ٠٠
قلت ليها ارح انزلو بس لا حياة لمن تنادي ف اضطريت اعمل نفس الحركة يلي هي بشيل ولدها
سحبتوا منها ودخلت بيهو جوا لي امي. طبعا امي م بتنوم الا لمن تشوفني قدامها ٠
لقيتها قاعدة في سريرها وشايله سبحتها عاينت لي بتعجُب وقالت لي ديل شنو؟
كنت شايل الطفل وامو ب وراي طوالي ٠٠
قعدت جنبها ودا بعد م رجعت للأم طفلها شالتو ومشت على ركن الغرفه وقعدت بيه
امي عاينت ليها مسافه ومن دون م ترفع نظرها منهم قالت لي سريع احكي لي ديل منو ي أمجد بديت احكي ليها ب القصه من الألف للياء
قشت دموعها بطرف توبها وقالت لي سبحان الله ي أمجد الدنيا دي فيها مأسي قلت ليها ربنا كريم. ي امي المهم هي تقعد معانا هنا لحدي م اعرف قصتها شنو وأهلها وين قالت لي ان شاءالله ي ولدي
عاينت ليهم ولقيتهم نامو. وكانو ارتاحو في بيتنا. امي قالت لي كدي بمشي بخليها ترقد هي وطفلها في السرير قلت ليها خليها. هسي قالت لي انت شايف كدا قلت ليها اي.
. طلعت برا الحوش وفرشت سريري وبديت اتأمل في منظر السحاب. شكلو دي سحابه ساي وم ظنيت تصب مطرة وفي نفس اللحظة سرحت في قصة البت دي يارب اسمها منو وقصتها شنو؟ هزيت راسي ونمت
صحيت مع صوت الأذان التاني طبعا نحنا بيتنا يفتح على المسجد. واذان الفجر بسمعو جوا اضاني وقعد يأذن الفجر صاحبنا أنس. ياخ انس دا عندو صوت اللهم بارك لو كافر ممكن تأسلم بسبب صوتو ياخ حاجه كده م قادر اوصفها عديل نزلت من السريع وعايز امشي على الوضايه بس اتخلعت بصوت صرخة قويه جاية من غرفة امي
جريت من دون وعي. واستقبلني ولد البت مجدوع جنب الباب رفعتوا وانا برجف دخلت جوا لقيت امي واقفه مخلوعه وهي بتعاين في نهاية الغرفه ٠
البت كانت في حالة تانيه. مُغطيه اضنينها بيدينها الاتنين. وضاغطة عليهم بقوة وكلها كان بيرجف
قلت لي امي ف شنو قالت لي بصوت كلو خوف
م عارفه انا بس أول ما الأذان قال الله أكبر هي طوالي فتحت عيونها وبقت تتعصب. ومنها شالت ولدها وجدعتوا بعيد
الأذان كان لسه مواصل وهي مغمضه عيونها شديد وبقت تردد في العبارة دي زُمرد احمد علي ٠٠ ومنها قالت اسكت اسكت اسكت قلت ليك تلاته مرة
اسكت دي اكيد قاصده بيها الاذان طيب زمرد احمد علي دي منو؟؟؟
البت طلعت مُصابه وشكلوا دا الشي الجننها
وقفت وانا مُحتار اعمل شنو ٠