رواية تائهة بين اروقة الماضي الفصل الأربعون 40 - بقلم الكاتبة نهى

#تائهة_بين_اروقة_الماضي
#بقلم_الكاتبة_nuha d h

مساء الانوار والفرح والسرور لاحبتي القراء
نظرا لطلب الكثير من القراء ببارت هدية حبيت اهديلكم هذا البارت مفاجئة
وسوف يتم تنزيل البارت القادم كما
وعدتكم في الساعة ١٢
مع تمنايتي لكم بقراءة ممتعة
🌷🌷🌷🌷🌷🌷🌷

ااااه ياربي ما فد يوم الفرحة تكمل لازم يطلعلي شي ينغصها
كان صدمة الموقف علية كلش جبير ة
جنت مثل العايشة بالجنة وفجاءة وبلحظة نزلت لسابع ارض هيج جان حالي صرت اباوع لضرغام شلون عيونه نار
وحقه الموقف ما ينسكت عنه انتبهت عليه كبل رفع النقال واتصل على نفس الرقم الي ارسل الصور وفتح حاكية وباوع علية

ضرغام .. الو
؟؟.. هَـا وصلتك صور مرتك
كان الصوت صوت بنية
ضرغام.. اي وصلتني اكدر افتهم شنو سالفة نقال مرتي وصورها
جان يحجي ويباوع علية من الغضب
بلعت ريكي من الخوف والترقب مو هينة عليه هو
اذا شعرة مني طلعت من الحجاب يكلب الدنيا مو نوب يشوفني شبه عارية وتفاصيل جسمي كلها مبينة
بالصورة وعند واحد الله اليعلم شراح يسوي بيهن ً
جان يحجي ويفتر بالغرفة
رفع ايده ورجع شعره للخلف
؟؟.. شوف اني رسلت الصور وصورة النقال الي يحتوي عالصور حتى اثبتلك كلامي صحيح
واني زوجة نبراس ولكيت نقال الخاتون ضامه بكنتوره والله العالم شنو الغاية منها تنطي نقالها لرجلي
بس اريدك تكوللها وتبلغها خلي تترك رجلي بحاله لا والله هاي صورها انشرها واخلي الما يشتري يتفرج
انتبهت لضرغام لزم التحفية وشمرها بكل قوته وركعها بالحايط المقابل
وحجة بصوت عالي بتوعد
.. شوفي ولج وحق الحق اذا تفتحين حلكج بحرف ثاني يمس شرف مرتي
لاجيكم هناك لبغداد واسويها دم للرجاب واكلب عاليها واطيها واول دم ينهدر دم ابو جهالج فديري بالج تنطقين بحرف واحد يستفزني
سمعتها جاوبته بخوف وظلت تكطع بالحجي
ما كانت متوقعة ردة فعله هيج وياها كالت اني ما اريد بس يبقى رجلي الي واريد اضمن مرتك ما تاخذه مني لان كل مشاكلي من وراها
زمخ مرة ثانية بصوت عالي.. انا شكلت مو كلت ما تفتحين حلكج و مرتي ما تجيبين طاريها على السانج
؟؟.. يالله هذا هو بس خلي تكفني شرها
وبسرعة سدت النقال
باوع علية وجر نفس عميق وحجة
.. اكدر اعرف شنو قصة النقال والصور
احس بي كاعد يخوض حرب اعصاب داخل نفسه وما يريد يستعجل بالحكم ويخسرني ولا يكدر يكتم ويصبر
على حقيقة ان اكو واحد غيره شاف معالم زوجته
هيام.. ضرغام ما راح احلفلك ولا راح ابررلك ولا احجي اي شي غير بس انطيني لحظة اتصل بيها على عمو احمد
اشرلي عالنقال مالتي سحبته واتصلت على عمو احمد واجاني الرد وفتحت حاكية حتى ضرغام يسمع الحجي
.. هلا عمو هيومة شعجب متصلة بهالوكت

.. هلا بيك عمو.... والله عمو اتصلت عليك اريد اسألك عن نقالي القديم
.. اي شبي مو ضاع شنو لكيتوه؟؟
.. اي عمو اني هذا الي اريد اعرفه شيسوي نقالي الضايع عند نبراس
واليوم اسراء مرت نبراس رسلت صوري لضرغام وتكله شيسوي نقال هيام عند زوجي
عمو ارجوك اريدك تتصل على نبراس وتفهملي سالفة
النقال شنو وشلون وصل عنده ترة اسراء راح تهمجم بيتي وضرغام صاير نار

احمد.. بالله شو سدي النقال خلي اتصل على نبراس وافتهم منة السالفة وارجع اتصل عليج

سديت النقال وباوعت على ضرغام
وحجيت.. وهسة صدكت اني مالي يد بالسالفة
واني مثلك حالي حالك ادري بنقالي ضاع
ضرغام.. سكتي هيام ما تعرفين هسة النار البكلبي شنو
يعني اريد اعرف ليش تتصورين بالنقال وتخزنيها
حتى كلساعة تباوعين لروحج حلوة وتتطمنين على نفسج شنو الغاية يعني هيج احسنلج النقال ضايع
وصورج صارت فرجة لليسوى والمايسوى
خلي عمج يسحب النقال من عندهم ويضمه عنده
وانا اشوف شلون اجيبه
شوية وعمو اتصل علية
.. هَـا عمو هيومة اتصلت على نبراس
وكال ترة النقال من ضاع انا رحت سألت بوكتها عليه ادارة المستشفى وهمة انطوني اياه وبعدها صارت سالفة النزاهة وسجن نبراس
وهو نسى السالفة بس مرته كاعدة تبحوش بغراضه ولاكية النقال وهي متخبلة عمو اعتذريلي من ضرغام والنقال اخذته من هاي الرعنة
.. اي عفية عمو بقيه عندك منا لحد ما ضرغام يجي ياخذه
اني اعرف كلش زين ان نبراس هو الي ماخذ النقال
وهاي سالفة ادارة المستشفى جذب بس عمو يستحي ينطي بأبنه وسوايته الي تسود الوجه وما استغرب اي شي يطلع من عنده
سديت النقال وباوعت على ضرغام الي جان كاعد
.. وحق هذا الله لوما عندنا اليوم عرس جان ركبت سيارتي ورحت لبغداد واخلي هذا الدثو ومرته بصندوك السيارة واخذهم بهيمة واشوف شغلي وياهم حتى مرة ثانية ما يستهان بعرضه ولاهي تفتح حلگها..الغبي
شلون ينسى سالفة النقال وما ينطيكم عنه خبر يعني عاجبه هاي الرعنة مرته كعدت تسربت وتهدد
تدرين انا هذا ابن عمج من اول ما شفته ولا ارتاحيتله لا عبالج راح اعدي الموقف هشكل بس راح اسكت هسة لان عدنا عرس وعمج مريض واحنا اهل

((((((((()))))))
هيام
اليوم عرس ضرار وريام والكل مخبوص والبيت صار عبارة عن شارع الكل طاب طالع وباب الشارع مفتوح على وسعه والبنات كلهم راحو للحلاقات الا اني ابتليت بعلاوي ابني شاف هوسه وخبصة صار نحس بس يبجي وما يرضى يتركني خفت عليه خاف اعوفه عند خاله وينط من البجي
اشوف البنات كلمن اخذت فستانها وراحت
والله حصرتني البجية هذا عرس اختي الوحيدة المفروض اني اول وحده تروح ولازم اكون وياها بس هي تعرف وضعي ووضع علاوي فعذرتني العرس بقاعة الشيراتون قاعة للرجال وقاعة للنساء
واشوف البنات شلون يحجن بالترتيبات واني مااعرف شي ..هو اني ظالة محتارة شلون لازم ارتب روحي
حليمة.. يا خالة بعدج لحد هسة ما رايحة للصالون
حتى انا المرة الجبيرة هم رحت للصالون وعدلت واجيت وانتي اخت العروس بعدج
هيام.. حاولت اغير الموضوع لان راح ابجي ما شاء الله يا جبيرة هسة الي يشوفج راح يكول عليج اختنا مو عمتنا ام ازواجنا
اباوع عليها شلون فرحت بكلامي
دخل خالو راضي وشافها .. هلا هلا هاي شنو ام ضرغام منورة اليوم
دخلت بيبي خاجية وهي لابسة الهاشمي وتمشي على كيف تتوكأ عالعصا
خاجية.. يا يا خايبة حليمة شمسوية بروحج الله يصخمج
ولج كبرتي وصرتي جدة شلج بهاي السوالف
حاطة الاحمر والاخضر
راضي يضحك.. عوفيها يمة خليني ما مصدك عيوني صارلي شكد ما شايف حليمة هيج اتذكر اخر شوفة الهة من ليلة عرسنا
ضليت اضحك ودخل ضرغام يمة كلبي اجة يوكف
جان لابس بدلة سموكن تجنن مفصلة عليه تفصال
باوع علية بملابس البيت وعلاوي بيدي وامه جاهزة وجدتي مخلصة
.. هاي شنو اشو بعدج
.. ابنك اليوم صاعدة عنده النحاسة فول
بس يبجي ماكدرت اروح للصالون وهو يبجي
ضرغام.. بالله شو انطيني اياه وروحي بدلي وتعالي انا اخذج للصالون
هيام.. لا اخاف يخرب القاط حرامات كلش
حلو ولايك عليك
باوعلي ورفع حاجبه.. كدام وجهج القاط وصاحب القاط
يالله روحي استعجلي ترة ما ظل وكت
(((()))))
بالسيارة يم الصالون
ضرغام خلي علاوي يمي وانتي نزلي كملي شغلج واتصلي علية من تخلصين انا اجيج
ابتسمت بفرحة احس ضرغام بدة يتغير
.. صار بس اكمل اتصل
خلصت واتصلت عليه
ضرغام.. انا بالباب بس حطي شي على وجهج
قبل لا تطلعين
حطيت الشال وطلعت كوة اباوع دربي بس شسوي حجايته ما تنكسر ركبت واسمع صوت نقالاته ابد ما بطلت خالو راضي اتصل عليه يستعجله
ضرار اتصل گله يا اخي وين صرت الزفة راح تتطلع
اباوع عليه يسوق بكل برود
باوعت عليه .. اخرتك كلة من وراي اتاخرت
باوع عليه وابتسم.. لعيونج مو بس ااخر العرس واخلي بكبره ابو العرس ينتظرج تكملين يالله نطلع انتي اخت العروس وزوجة اخو العريس الجبير
ضحكت بفرح .. تسلملي ابو علي
ضرغام .. حلوة من حلكج طالعة ابو علي
وصلنا للبيت وشفت الرجال والشباب متجمعين بالباب انتبهت على ضرغام دخل السيارة بالكراج يالله خلاني انزل
ورحت بسرعة عالسريع بدلت وخلصت
جاي اطلع شفته وراي
ضرغام.. لحظة على وين راكضة بالله شو نزعي العباية والشال خلي اشوفج شلابسة
هيام.. ضرغام والله مو وكتك راح نتأخر
ضرغام.. لا بالعكس هذا وكته خلي اشوف
نزعت كدامه العباية الخليجية المفتوحة بس طباقيات
والشال لحكهم
ضرغام.. ولج من احتركو عشيرتج بنار ونفط
هذا لبس فضيحة
نزلت عيوتي وباوعت على لبسي جان فستان قالب صب عالجسم والدلعة عريضة تبدي نازلة الكتف
تعدي عالصدر كان لونها جويتي برزت بياضي كولش هواية
اقترب مني وحجة .. اليوم شيفكج مني اخاف البارحة جنت حباب وياج هَـاي جانت بس جاي اضوك بس اليوم اكل
ضحكت وحجيت اغيضه
.. ما تاكل اكو احد لازمك
غمض عيونه .. احتركو لا تكعدين تجربين حظج
دك نقاله والمتصل خالو راضي وسمعت صوت ضرار يصيح من جوة .. ضرغام ترة اليوم عرسي مو عرسك ومعلك فوك استعجل يا اخي اخرتنا
.. انا لو اعرف هذا اليوم شبي حارك الامة وخابصنا خبص من الصبح لحد هسة يصيح اريد اعرف شبقى من حيل لليل
باوعلي .. يالله اتحركي ولا تنسين حطي شال عالبدلة
ما اريد هذا زندج يبقى طالع
((((((()((((((())))))))((((()))))
طلعنا كلنا بالسيارات واني صاعدة وية ضرغام
وجانت الاجواء تجنن العرس جان احلى العرس
وضحكت على شكل ضرار من وصلنا لبيت خالة هيفاء نزل من السيارة. وكعد يهوس وية ربعه
وكال(( زفوني ما اريد العشا زفوني ما اريد العشا))
ابن اللذين مستعجل نزلت
واتفاجئت بشكل ريمة طالعة تجنن عين الحارة باردة عليها شافتني واشرتلي اجي لعندها رحت يمها
.. هيام لحكيلي كلبي راح يوكف ليش تاخرتي علية محتاجتج
.. هههه لج ريمة احنا ما راح نزفج راح ناخذج للقاعة يعني بعد وكت عالخوف هههه واعذريني على التاخير علاوي اليوم شاف البت هوسه ووجوه غريبه وظل يبجي مستغرب مهدني حبيبتي كان لازم اني اكون وياج بهذا اليوم بس شسوي ابن اخت علاوي عرس علية اليوم
..حبيبتي هيومة معذورة ولايهم المهم علاوي الحبيب بخير بس هيومة لحكيلي لج راح اموت بطني
..ماكو شي حبيبتي اني يمج هسه... بس بنت اللذين شطالعة خطية ضرار اليوم يصير ضحية لهذا الجمال
ابتسمت .. خلي اليوم الا اخليه يعض ايده من الندم
.. ليش تحجين هشكل شناوية عليه
.. ليش شعبالج ترة اني ما ناسية سالفة البنية الواعدها عالزواج حتى لو يتزوجني
.. يبووووي لج ثولة بكل عقلج صدكتي فلمه
...كطع علينا الكلام دخول ضرار والهلاهل والهوسات كمت من يمها وانا اضحك على افكارها يعني هذا كله
واختي بعدها مصدكة كلامه وهو ضرار مفضوح والاعمى يشوف حبه لريام بعيونه واضح
ضرار.. لج ريمة مبروك عليج انا
همست .. ومبروك عليك اني
رحت ساعدتها وكومتها ولبستها البرنص
واخذها ضرار وطلعنا
ومرت الساعات وكانت القاعة تجنن والبنات والفقرات الي مسوياتها بالعرس تجنن
احلى عرس شفته بحياتي واختي وضرار اجمل عرسان
الله يحفظهم واني ابتليت بعلاوي ابو القاط الي جابوه ..دزه ضرغام اتصل علية وكلي اخذي عندج
خرب الدنيا وبعدين فوكاها كام يبجي متضايق
وخالة حليمة اخذتني فرتني اني وعلاوي
على اقربائهم كلهم وماظل واحد ما كلتله هاي زوجة ضرغام وهذا حفيدي علاوي
الي تسألها ما عندها اخت اصغر منها والي
تكللها هاي وين جنتو ضامينها هي واختها
والثانية كالت اي ضامتهن لاولادها والله يا حليمة طلعتي مو هينة اباوع عليها شاون تجاوبهم بفخر
حسيت بيها تحب تتباها خرب ابو طبع ما يبدل طبعه بس يالله ما دامها ما تضرني خليها
بعدها اتصل عليه ضرغام وكال راح يدخل ضرار والشباب وانا وابوي كليلهم خلي يلبسون حجابات
وانتي كلفتي نفسج مو تخليني احجي
.. صار ٺــڊٍلََُلََُؖ هسة راح ابلغ خالة حليمة
رحت لعندها وبلغتها شفتها كامت وراحت لمنسقة الديجي وحجت وياها وبعدين البنية حجت بالسماعة
وكالت للبنات يلبسون حجابات العريس راح يدخل
كلنا بدلنا وخالة حليمة .. هيام وينج روحي ساعدي ريام تلبس البرنص راح يدخلون وهذني كلهن التهن بروحهن
لبست عباتي وشالي وانطتها علاوي
ورحت لاختي الي اباوع عليها صارت كلها ترجف
لبستها .. يالله صيري سباعية وين ريمة ام السان لا تخافين
ريام.. لج سكتي اتمنى اروح اكعد يم بيبي خاجية
.. حتى لو تكعدين يمها وين ترحين من ضرار وراج وراج ههههه
جنا نحجي ودخل ضرار وبصفه خالو راضي جان خالو لابس دشداشة وجفية وعكال وفوكاهم بشت
طالع هيبة وعيونه فرحانة بعرس ابنه وبالصفحة الثانية جان يمشي بصفه ضرغام واكيد راح تضيع عالبنات منو بيهم العريس لان الثنين لابسين بدلات سموكن
تجنن واثنينهم ياخذون العقل
وعلى طاري اخذ العقل حسيت اشتغلت عندي بوادر الغيرة البنات اكلوه بعيونهم
حنت واكفة عالكوشة مالت العرس من جهة ريام
ما لحكت انزل اجة ضرغام وكف بصفي
وهمس.. واكفة عالكوشة جنج شمعة تضوي
انا مو كلت كلفتي روحج
.. والله كلفتتها ما طالع مني شي
.. لا بس طالع وجهج متفننة بي تفنن
جان يحجي واجتي خالة حليمة وانطته علاوي وشاله
بيده وحوطني بأيده الثانية عبالك يريد يحذر الكل هاي مرتي عينك منها
اجتي المصورة وصاحلها وطلب منها تاخذلنا صورة
وبعدين اخذنا صورة اني وخالة حليمة وخالو راضي وضرغام وبعدين صورنا وية بيبي خاجية جانت تجنن

بس بلحظة وحدة انطفت فرحتي من اقتربت رنا
وسحبته عليها وطلبت من المصورة تاخذلهم صور
هي ضرغام وهي الست ما عندها اي مستحة
كلساعة تحضنه وتاخذ لقطة دارت عليها وشاورته
وابتسم ونوب وكفت كدامه ولزمت ايديه وخلته
يحوطها بذراعه بحيث صار ظهرها ملتصق على صدره وذراعه محوطتها ورفعت ايدها حطتها على ركبتها جنت كاعدة ادقق بحركاتهم وناسية العرس وابو العرس وبيدي علاوي احس النار صارت تاكل بكلبي
مو بيدي احس رجعت لنقطة البداية وحقدت على ضرغام
اجة ضاري وكام يهوس بالنص
(زوجناه وخلصنا منة باقي ضاري الاصغر منة )
يهوس ويباوع لخطيبته رفاه
بس اني وين عقلي كله مو يمهم يم هاي الحية الي لفت على ضرغام وصارت تتلوة داير مدايره
رجع ضاري اخذ مني علاوي وصار يهوس
وشاف نظرات عيوني المفضوحة وين متجهة
ضاري .. ولج هيام عيونج راح تطلع من مكانها وشكلج صار مفضوح
هيام.. غصب عني شسوي مو بيدي
جنت احجي وحاصرتني البجية
ضاري.. والي يخليه هسة يجي يركض لعندج
.. ما اريده خليه شكله دايخ برنا مدتشوفه شلون عيونة كلة عليها
.. جا لحظة هسة اراويج الامهات شتجيت
صاح بصوت عالي وهي منا هوسة واغاني
..ولك ضرغام الحك على مريتك خطبوها مني
انتبهت عليه رفع راسه وباوع بأتجاهي
واني درت وجهي وسويت نفسي اضحك وما مهتمة لوجوده ترك رنا واجة لعدنا
اتعمدت اسأل ضرار واني ابتسم
.. الله يبشرك بالخير واخيرا خطبوني بس هَـا من هسة اكولك
ما اريده مرتبط ووحدة تشاركني بي لان مليت من الشراكة
ما حسيت الا لزمني من زندي حيل وحجة
.. انتبهي للسانج لا اكصه اشو مكيفة حضرتج
.. هو ضحك حتى الضحك ممنوع اووف
صرت ابتسم واني داخلي ينزف صورته هو ورنا اثنينهم سوية يعني هاي كدام الناس وهيج لعد لو لوحدهم بالغرفة شيسون
اشو بالله انطوني هذا بس علاوي يبجي زمخت بي من حركة كلبي شبيك بس تبجي
ضرغام بصوت حاد اخذه مني .. شكو ليش تصيحين عالولد بالله شو انطيني اياه
اجة يا خذه وعلاوي عاند لاف راسه وحطه بركبتي
ما يريده احس بهاي حركته صار الي مثل الدرع
حضنته حيل بأمتنان حبيب امك سامحني
ضرغام.. هذا شكله نعس
.. اي هو من يتعب يصير نحس
.. طالع علية انا هيج من اتعب اصير حامض
.. الله لا يكولها ما اريده يطلع عليك وتالي يتزوج اثنين
ضرغام.. هااا هسة افتهم ليش انكلبت الخلقة والوجه انعفس اثاري الغيرة كعدت تشتغل
.. اني ما اغار وليش اغار على شي اصلا مو ملكي
درت وجهي وسمعنا خالو راضي
كال يالله خلي نزفهم هم يالله شفته لزم ايد ريام وضرار وحطهم بيد بعض وكامو واحنا كلنا كمنا حتى نزفهم

يتبع