رواية تائهة بين اروقة الماضي الفصل الحادي والعشرون 21 - بقلم الكاتبة نهى

البارت٢١

تائهة بين اروقة الماضي
بقلم الكاتبة nuha-d-h

🌷🌷جمعة مباركة ومساء الخير والتفائل والمحبة
عليكم يا اجمل قراء
اتمنى لكم قراءة ممتعة 🌷🌷

فجاءة سمعنا صوت الباب يندك حيل والصياح المفزع
لميس: ضرغاااااام الحك بيبي خاجية اتخربطت الحك علينا

كمزنا اثنينا من عالسرير
وصرنا واحد ينصدم بالثاني اباوع عليه
انخبص
يبووو هذا شوكت نزع ملابسه
صرت حمرة
والله موقف محرج كله مني
شكد عيب صرت اعدل بملابسي ولبست شالي شلون ماجان بايدين ترجف بعدة تأثير حضن ضرغام بداخلي انتبهت عليه
دكم قميصه ولبس بجامة التراك
ونزل يركض كان شعرة مخربط
عزة بيبي شبيها
نزلت اركض وراه

واثنينا دخلنا على غرفة بيبي خاجية
وانصدمنا اثنينا من المفاجئة
جانت الحجية خاجية كاعدة عالقنفة ولازمة عصاتها ومتكية عليها
ومضيقة عيونها وعاقدة الحواجب
وانتبهنا محد يمها بس هي بالغرفة

الحجية خاجية: سدو الباب ودخلو جوة عندي حجي وياكم

طننننننننن لقد وقعنا بالفخ
بلعت ريكي وسديت الباب
خرب هذا كمين من الحجية خاجية

كان ضرغام مثل الاسد الي صادوه بشبكة
باوعت عليه اتفحص شكله اخاف تبين عليه معالم الجريمة
شهكت مصدومة
جان القميص مدكم بالغلط بس مو هنا المصيبة المصيبة اثار الحمرة على صدرة وخده وشفايفه
يبوووو
باوع عليه وعظلي شفته واشرلي بعيونه على صدري دنكت
رفعت راسي بسرعة وعيوني انفتحت على وسعهن
عزة بعينج هيام ناسية السحاب مفتوحة

الحجية خاجية: خايب ضريغم جا انا شكلتلك ذاك اليوم
مو فهمتك ما تختلي ببنت عمتك منا لحدما تعرسون
ضرغام: شنو حجية تشكين بية
ترة انا اكثر واحد يخاف على هيام وحريص عليها

الحجية خاجية: اي مبين يمة كلش حريص عليها واثر الحمرة يشهدلك
وانتي يالغمة شمالج مستعجلة عالزواج
جا ما كلتي عيب وابيع ثكل عليه
شمالج رحتي كبل جواه

يبووووو تعالو دوروني من الفشلة خرب
اجيت ابجي انتبهت لضرغام حاصرته الضحكة على كلام خاجية بس اني وين بس يسولي بز انفجر ابجي

ضرغام: حجية ترة انا مو نبي ولا ملاك انا هم عندي طاقة تحمل واليوم هدت علية بزونة(قطة) لغرفتي بس انا
الحجية خاجية : اي بس انت شنو
: وابنج صار عتوي (ذكر القطة) اريد الحك على روحي ماكو اتفرهدت
اني واكفه ميتت خجل
عززززة بعينك والله لوما عيب اروح احط ايدي على حلكة وامنعة من الكلام لان الله يحفظه كلما يفتح حلكه بكلمة يسودها بوجهي خرب شورطني بس وصعدت والله حيل بية استاهل وبعد اكثر خلي يصير بية
علمود اتوب
الحجية خاجية: شوفو انت وياها اذا ما انعدلتو
والله بهاي اعدلكم واخليها تركص على ظهركم

جانت تقصد العصا
ولكم شمالكم شجاكم وما تتحملون ماظل على عرسكم
شي
ضرغام: اي حجية شدي الهمة واستعجلي بالزواج ترة انا من هسة اكلج ما اضمنلج روحي اي مو تكولين ما كال ضرغام
الحجية خاجية: ياااا
الله يصخم وجهك على هالطلعة
ولك جا انت لو كوة انزوجك لو تنخرع فد نوب عالعرس
يالله اعدل روحك وامسح هذا الصخام الي بوجهك فضحتنا واطلع وسد الباب وراك
ضرغام: ما اكدر اطلع واعوف مريتي يمج اخاف عليها تخربينها
الحجية خاجية : ايا ملعون الوالدين خايب تطلع لو اجيك بهاي
ورفعت العصا تريد تضربه وهو كام يضحك طلع وسد الباب وراه
خرب عافني لوحدي يمها كمت ابلع بريكي
هيام: ااا احم

الحجية خاجية : من حمة الي تحم ضلوعج
ولج شعندج صاعدة فوك عنده وهو. لوحده بالغرفة
جا انتي كلش هاجرة المستحة فد نوب
هيام: اااا بيبي والله
الحجية خاجية: ووجعة ابو بيبي
الله يصخم فركج سمعيني زين ولج اذا اشوفج معتبة عتبة الدرج الا اكسر رجليج فاهمة ولج
وشعرج سوي ظفيرة لا تظلين تحركين بگلبه
وتشلين حاله بكفشتج وهو ظال سودة علية دايخ
ما يدري وين يطني وجهه من ورة سوالفج

ظليت فاتحة حلكي على كلام بيبي حسستني عبالك
داخلة على ضرغام بفلم اغراء لهيفاء وهبي خرب حظي
عايز بس اغني مثل هيفاء وهبي
(انا هيفا انا
بس لا اغني انا هيام انا ؛))) والله خبلتني الحجية
شككتني بروحي عبالك راح اطفر على ضرغام واغتصبه اووووف
الحجية خاجية: هايمة شو تتنافخين خاف ما عجبج كلامي
هيام: لا جدة يعجبني ونص بعد
جريت اذاني كدامها
: وهاي اذني اذا خليت ضرغام يشوف خيالي
وكولي كالت هيام
الحجية خاجية: يا يا تردين تسودنين(تجنين) الرجال
بسوالفج حتى يظل مدوهن (مشغول) بيج

والله حيرتني خاجية يعني شلون بالله اشك هدومي
هيام: يا بيبي يا عيني انتي مو كلتي بعد تحرم علية اعتب الدرج
اني حليتها الج وجبتها من الاخير حتى شوف ما اخليه يشوفني بعد شتردين
الحجية خاجية: يا فلك طرج اكلتيني وشربتني
حطيت ايدي على حلكي
بعد بطلت ما احجي انا هيج والا هيج
راح ابقى اني الغلطانة بنظر بيبي
الحجية خاجية: يااا ونوب هاي شنو الحركة
سديتي حلكج شمالج تخبلتي
يبوووو والله راح اكطع شعري من وراها حرت شلون ارضيها
اشرت عالباب
هيام: جدة هاي خالة رحاب دتصيحني اروح اشوفها شتريد مني
الحجية خاجية: لحظة لمي شعرج وسوي ظفاير اثنين
حتى يشوفج بعينة بعدج صغيرة وخام ويبتعد عنج

فتحت حلكي وحسيت بي اجة يوكع بالكاع من ورة خاجية وافلامها والله المفروض ما يسمونها خاجية المفروض يسمونها الاسطورة خاجية خرب شلون حاكتها للسالفة
هيام: بيبي يعني اذا سويت ظفيرتين راح يحموني من هجوم ضرغام
الحجية خاجية: انتي بس ثكلي وركدي ولا كل ساعة حاطة الاحمر والازرك والاخضر بوجهج.
وهو ما يقرب عليج بعد منا للعرس

سويت شعري ظفيرتين
امري للواحد القهار حكم القوي عالضعيف

طلعت من يمها واني ادردم اكلت طن رزالة من هاي التمام والاستاذ طلع منها بدون اي اضرار
وكلها طاحت براسي
صار بوجهي
ضاري: هاي شنو يوجد لدينا كائنات صغيرة
في بيتنا
رفعت راسي يبووووو الكل كاعد بالصالة خوالي وخالاتي وضرغام
عاااا والله الدمعة وصلت بطرف عيني
جان شكلي يخزي اني والظفاير
ضاري: ياحلوة يا فلة وين بيتكم
تردين اشتريلج جبس ومصاص اغووو اغووو
هيام: عليك الله كافي والله راح ابجي
ضاري: يالله يالله لا تبجين هسة اشتريلج لعابة
راضي: ولك ضاري عوف البنية بحالهة مو جاي تشوفها مبرطمة
هيام: عفية خالو احجي وياه ترة واصلة حدي
انطيت نظرة حقد لضرغام وعفتهم ودخلت للمطبخ
اريد اشوف البنات وين ريمة وميس
اجيت ارجع صار ضرغام بوجهي
ضرغام: هاي شنو الظفاير غير تموت عليج
خرب
مد ايدة ولزم ظفيرة وسحبها عليه وشمها
ضرغام: اخخخ بوية غير اخرب عالظفيرة
تعاي باباتي شنو جاي تسويلي اغراءات
سحبت ظفيرتي من ايده
هيام:بالله شو ابعد منا
بالله خلي تجي الحجية خاجية وتسمع حفيدها الي صارلهة ساعة تبجي على حالة المكرود المظلوم

هي ما تدري حتى الظفاير ما تلزمة والله بيبي بطرانة
عبالهة الظفيرة راح تردعه
ضرغام: شنو سالفة الظفيرة
هيام: ما ادري روح اسأل الاسطورة خاجية وهي تكلك
ويالله وخر منا بعد ما احجي وياك ولا تحجي وياي منا لحد ما تعرس على كولت بيبي
ضرغام : لا بالله خاف ما ترضين وانا شي يصبرني
كل هاي المدة
باوعت عليه ورفعت حاجب درت وجهي وصرت اتحرك بالمطبخ وارتب بي
هيام: اتجنبني مثلما كدرت تتجنبني كل هاي الفترة
ضرغام: اي صحيح بس هاي اول يعني قبل لا اضوك حلاوة هالشفايف
بس هسة بعدما جربت وضكت خلاص طلع الموضوع من ايدي
جان يحجي ويقترب مني اني اتخردلت
كان اكو صحن كرزات (مكسرات) ويمة صحن كشور
من الخربطة حطيتهم سوية وذبيتهم بالزبالة
ورحت عالسنك اغسل الصحون
حسيت بي صار وراي كلش قريب
كلبي كام يدك حيل وراحت تبخر كل الوعود والكلام الي قطعتهم لحجية خاجية
خرب
: يا بطة شحلاتج وانتي مبرطمة وزعلانة
اي صدك اتذكرت انتي شلون مفرعة كدام اخوي
هيام: ما ادري نسيت احط شالي على راسي
من ورة بيبي وحجيها والله خبلتني
صار كلش قريب علية وحوط خصري بثنين ايديه واني جنت ناطيته ظهري وهمس يم ركبتي
ضرغام: بس تدرين المفروض انتي تدعين للحجية لان لو ماهي دازة ميس جان هسة صرتي مرتي قول وفعل
شهكت وضربت على صدري
هيام: عززززززة بعينك ضرغام بعد عني لا احد يجي ويشوفنا
ضرغام: اي وشنو يعني وخلي يشوفونا مرتي وحلالي قابل بايك
هيام: والله اذا درت حجية خاجية بيك شلون تحجي جان
حركت الدنيا على راسك
يالله وخر خلني اشتغل
جمدت بمكاني من حركته المفاجئة دنك راسه على ركبتي وعضها عالخفيف
حسيت جسمي رجف
ووكع الماعون من ايدي بالسنك وهمست بصوت ناصي
: ضرغااام
: عيونه
: كافي اخاف احد يجي ويشوفنا وننفضح
: خليهم انا اريدهم يحسون بينا حتى يستعجلون بزواجنا
: لا عفية ضرغام صير حباب ووخر
درت بين ايديه ودفعته من صدره
: بوسيني وانا ابتعد
: احم ما اكدر استحي
: لعد ظلي راح يجون ويشوفونج بحضني
: عفية لا شلون بيك انت وبيبتك حيرتوني
: هسة شنو طالبين هي بوسة
: اوك راح انطيك بوسة بس بشرط انت تغمض عيونك
وبالاول شيل ايدك عن خصري
ضرغام : وهاي ايدنا شلناها
يالله وين البوسة
: اي بس غمض عيونك
انتبهت عليه غمضهن
ابتسمت بمكر
وعفتة وركضت على الصالة
سمعت صوتة من وراي
: ولج انا الج بسيطة تضحكين علية
اجة وراي رحت كعدت يم خالو راضي
وهو دخل يسويلي بيده حركة الصبر
ويحرك شفايفه بدون كلام: انا الج
كان شكلة تحفة وهو مضروب بوري
((((((((())))))))))

عدت الايام والتهيت بالتجهيز للعرس
وخالو راضي وضرغام التهو يحضورن كل مستلزماته
على كولت الحجية خاجية : هذا عرس حفيدي البكر
مو ياهو الجان كون اسويله عرس
اخلي الناس كلها تسولف بي
اما حليمة خرب جانت كدام بيبي تتصنع الفرحة
بس كدامي تسمعني كلام يسم البدن
بس اني اسكت وما اهتملها ما دام الكمر عندي بعد شلي بالنجوم
خليها تحجي خليها تجيب رنا وتحرك كلبي بيها عادي ما اهتم لان اعرف ضرغام ميعبرها

جنت مشغولة اعدل بالغراض
سمعت صوت نقالي دك
ابتسمت من شفت اسم المتصل
هيام: لج هلة بلجونة شخبارج
لجين: لج الف الف مبروك حبيبتي والله فرحتلج من سمعت بضرغام خطبج
هيام: لج هاي منين سمعتي بخبر خطوبتي واني حبيت افاجئكم اليوم بالليل
لجين : لا عيني خبرج قديم سمعته من بنت خالي زوجة نبراس
شفتها بالصدفة وسئلتني عنج وكالت يكولون انخطبت لابن خالها
هيام: اي والله انخطبت وجنت ناوية اليوم بالليل
اتصل عليكم وافاجئكم
لجين : لعد يالله راح اضم ريتا النة
اتصلت على ريتا ودمجت الاتصال
لجين : ريتا عدنا الج خبر الا بشدة
ريتا: شنو
هيام: سبرايس اني انخطبت
ريتا: عاااااا مبروك الف مبروك
بس لحظة ما كلتي المن انخطبتي
هيام:حزري منو
ريتا: جاسم ابو المولد
هيام: عابتلج عوبة
عيني اني انخطبت لابن خالي ضرغام
ريتا: لا كولي والله واخيراً نطق ابو الهول
لجين: لج هيام راح تصيرين زوجة مجرم الحرب
ريتا: هيام راح تتزوج مجرم الحرب عزة شيخلفون
لجين: يخلفون اسامة بن لادن وابوً مصعب الزرقاوي
ريتا: الله ويكونون قاعدة ارهابية
هيام: شكو خير ترة ما اسمحلكم تحجون على اطفالي
صدك لجين بلال شلونة
لجين: خلي ندخلة ويانة عالخط
بلال: الو هلة بعصابة خالتي كماشة
شلونكم بنات
هيام وريتا : هلاو بلال
هيام: شلونك بشرنا شنو اخر اخبارك
بلال: شنو اخر اخباري بعد اتعاركت وية الوالد وطردني من البيت.
كلي لو تتزوج بنت عمك لو ماكو زواج
انطردت ورحت على بيت عمي وحركت تايرات يم بابهم
هيام : ليش هشكل سويت
بلال: طلعت مظاهرة على عمي وبنته
وعمي شافني كاعد بالباب انكسر خاطره علية واخذني لابوي وكلة بوية ترة جنت اشاقة وياكم من كلت بنتي لابن عمها وكلشي قسمة ونصيب
لا تضغط عالولد وعوفة براحتة اذا ما يريد بتي مو غصب
ترة هم هي الف من يتمناهة
لجين: الحمدلله من اقتنع
بلال :تردون الصدك كسر خاطري عمي بس مو بيدي يا ناس ما عاجبني اتزوج بنت عمي
هيام: ليش انت ببالك وحدة تريد تخطبها
بلال : لا والله ما ببالي وحدة بس اذا انتن خواتي تتكرمن وتدورلي بنية تكون بنت حلال اكون ممنون
ريتا: اني عني راح اسألك يمي هواي بنات بالروضة
راح اكعد اتحقق منهن ... هيام صدك يمكن مكلتلج اني فتحت روضة خاصة واديرها جيبي جهالج يمي ههههه
لجين: واني هماتين راح ادورلك بالدائرة وياي
هيام: مبروك حبيبتي ريتا ..وبالنسبة لبلال على شنو تدورن وتعبون نفسكم اخوية العزيز
لا تحتار مريتك عندي وما تلوك بس الك
بلال:الله وايدج اسعفيني
هيام: عندي بيبي خاجية اريد ازوجها واخلص منها ومن تسلطها علية
صدكني تفوتك شايفهة اذا ضربتك بالعصا على رجلك تخليك اسبوع تعرج منها
بلال: لا حبوبة خلف الله عليج ما نريد
اظل بلا زواج ولا اتورط بخاجية
ضلينا نضحك ونصنف وكعدنا نتذكر سنوات الدراسة بالجامعة وبلال عرف بخبر خطوبتي
وباركلي
وختمت المكالمة وياهم جنت لازمة النقال بيدي وابتسم على كلامهم وصلتني رسالة
من نبراس اختفت ابتسامتي من على وجهي
وفتحت الرسالة بأدين ترجف
كعدت اقرة بالرسالة
(( مبروك عليج هيام عرفتي شلون تلعبيها صح
ادري بيج وافقتي عالزواج من ابن خالج حتى تنهزمين مني لان تعرفين بية اني اهواج واريدج
بس شكلج غاوية تعب على العموم الحجي ما ينفع
بس كل الي اكدر اكولة الج احبج
وراح ابقى احبج ولازلت باقي و انتظر منج ترجعين لحضن نبراس ))
والله هذا مخبل مو عاقل شكد واثق من نفسه ارجع لحبه يعني هذا بكل عقله ديحجي وياي هشكل
رحاب: شنو وين صرتي صارلي ساعة اصيح عليج متجاوبين
هيام: اسفة خالة جنت احجي وية صديقاتي بالنقال ما سمعتج
رحاب : يالله تعالي خالتج هيفاء اجتي تريد تاخذج للسوك
هيام: يالله اني ماعندي شي جاهزة
خالة شنو هاي الهوسة بالبيت
رحاب: هذولي العمال اجوي علمود يفتحون غرفة ضرغام لان هو اشترى غرفة جديدة وراح توصل حتى ينصبونها
لبست بنطلون جينز وقميص اوف وايت وشال
وحفاية حمرة وجنطة حمرة وما حطيت بس حمرة خفيفة
دخلت للمطبخ شفت خالة هيفاء منتظرتني
هيفاء: يالله خالة استعجلي ترة ما عدنا وكت
حليمة: يالله ساعتج بسنة شكد فاهية
رنا: اني ماما كالت اذا تتزوجين جهاز عرسج كله من دبي
هيام : بالاول انخطبي وبعدين احجي بجهاز عرسج
ولو هو محد سألج
صدك دقتني شنو الربط بالموضوع
بس شكل الغيرة مفولة عندها
هسة لو اعرف شعدها مزروعة عندنا كل يوم
جان ارتاحيت
اجيت اطلع وضرغام صار بوجهي
ضرغام: على وين رايحين ان شاء الله
هيفاء:ابني. للسوك هم يالله اكمل جهاز مرتك
ضرغام: خير ان شاء الله وانتي هشكل طالعة بهذني ملابسج
هيام: اي ليش شكو بيها
ضرغام: لا ما بيها شي بس شكلج يجيب التايه
ولا والرجل بيضة والحذاء احمر شنو طالعة تسوين اغراءات
هيام: ضرغام من الاخير كلي شتريد
ضرغام: عفية عليج بطة بديتي تفتهميني
يالله دخلي جوة ولبسي عباية خليجية من ميس
على هذني ملابسج وبدلي الحذاء
اقترب مني وحجة بصوت ناصي
:وخلي ببالج الاحمر لون حصري تلبسينه بس لعيون ضرغام
ابتسمت على كلامه خرب
ماعرف هذا الرجال يمكن مسولي سحر ويخليني هشكل اطيعه
لبست العباية
ضرغام: يالله خلي اوصلكم بطريقي
ام ضرغام: جا يمة ليش انت مو هسه رجعت من الشغل
ضرغام: لا طلعتلي شغلة مستعجلة
رنا: لعد انتظروني اجيب جنطتي توصلني لبيت اهلي
ماما تريدني
هيام بصوت ناصي : اللهم طولج يا روح
ربي الهمني الصبر قبل لا ارتكب جريمة
انتبهت على ضرغام كاتم الضحكة
ضرغام: خير بطة منو داسلج على طرف
باوعت عليه
باوعت منا منا شفت الكل ملتهي عنا
سحبتة من ايدة وراي ودخلتة لاقرب باب كان مدخل اللوندري (غرفة الغسيل وكوي الملابس )
خليتة يوكف كدامي كان يباوع علية وعيونة تضحك على حركتي الطفولية
رفعت راسي اباوع عليه بتوسل
هيام: ضرغام عفية بداعتي لا توصل رنا ويانة خلي السايق يوصلها
ضحك ضرغام: شنو بطة اشم ريحة غيرة بالجو
هيام : اي اغار هسة ارتاحيت عفية كللها ما الحك روحي وية السايق
اقترب مني ودنك راسه
ضرغام: بطة ترة واكفة اخلي بنت خالي تصعد وية رجال غريب عيب عليه
لزمته من قميصه من يم صدره وصرت ارمش بعيوني
الحركة الي جنت استخدمها وية بابا حتى يستسلم ويوافق على طلبي
هيام بدلع: ضرغومي حبيبي عفياااا لا توصل رنا
والله اموت من القهر
ضرغام: من احتركت عشيرت رنا والخلفو رنا
دتعاي صارلج ساعة تحركين باعصابي
اقترب مني وباسني من شفايفي
واني صرت ماي بين اديه ونسيت اني على شنو جنت احجي
وشنو ردت منه جان كل تفكيري يدور حول اني بين احضان ضرغام
رفعت ايدي وقربته مني وهو ضاع بحضني
ضرغام : خرب شسويتي بية
انتبهت عليه التفت منا منا وراح يريد يقفل باب اللوندري
هيام : لك ضرغام شدتسوي
ضرغام: ماعليج بس انتظري
عرفت يريد يقفل الباب ونيتة واضحة شنو يريد يسوي
صار جسمي كله يرجف من الحماس والدم بجسمي صار حار
همست بصوت ناصي: لك ضرغام خالة هيفاء والسوك
ضرغام: دتعاي اقترب مني ودنك راسه يريد يكمل
الي قطعه قبل شوية
بس سمعنا خالة حليمة
: ولج خايبة هياااااام وين صرتي نمتي هاي وين تولي
اريد اعرف الله من ياطينة خالقها هيج فاهية

دفعتة عني برتباك : ضرغام وخر عفية والله انفضحنا
اقترب علية: غلسي غلسي
ورجع اخذ شفايفي
: ولج هياااااا م
كمزت من مكاني : هااا اااا خالة جاية جاية

جان حابسني بين ايديه
نصيت صوتي : لك ضرغام عفية وابتعد خليني اروح
ضرغام: بس هالمرة سماح بس المرة الجاية تحلمين اخليج تشردين
عدلت شالي انتبهت عليه يريد يطلع
هيام : ضرغام انتظر
ضرغام: شكو
اقتربت منه وطلعت كلينكس من جنطتي رفعت طولي
ومديت ايدي وصرت امسح اثار الحمرة
هيام: خليني امسحلك الحمرة قبل لا تنفضح
ابتسم ولزم ايدي وشم باطن كفي
ضرغام: شيجيب الجمعة وتصيرين حلالي
هيام: استحمل ما ظل شي وننجمع حبيبي
غمض عيونة : عيدي شنو كلتي
حليمة : ولج صخماااااانة وين صرتي
هاي وين صارت

عقد حواجبة مستغرب كلام امه
هيام: ضرغام مو تنسى رنا انت ما توصل رنا
خلي غيرك يوصلها
طلع وتركني
وطلعت وراه
هيفاء: شنو السالفة وين غطيتي هي عباية قابل رحتي تخيطيها
هيام: اسفة خالتو
باوعت لرنا وابتسمت بخجل
: بس ضرغام هو سبب التأخير
دخل ضرغام للمطبخ مغير قميصه
ضرغام: يالله عمة صعدو بالسيارة خلي اوصلكم
انتبهت لرنا كامت من مكانها
باوعت لضرغام وخزرته
وهو عظلي شفة وغمزلي
صعدت عمة هيفاء كدام واني ورنا ورة
احس بكلبي نار اريد انفجر
رفعت عيني صارت بعيون ضرغام
كل ساعة يباوع علية من المرايا ويغمزلي على طول الطريق
انتبهت على رنا اتقدمت كدام بين خالة هيفاء وضرغام
مدت نقالها ووصلته بمسجلة السيارة
رنا: ضرغام هاي الاغنية اهداء مني الك الله عليك اسمعها (معلگني فيك وناسيني وعيوني مشتاگة لعينك)
سمعت كلمات الاغنية وصرت ما اشوف من الغيرة والقهر ضرغام حس علية : بطة شبيج ضايجة
نصة صوت الميوزك
درت وجهي عالجامة ما رديت
: هيام
غلست
: هيومة
هي كوة ما اريد اجاوب
: بطة
حبست ابتسامتي بالكوة
حسيت بالسيارة وكفت فجاة
هيفاء: يمة يا ستار عمة ضرغام ليش لزمت ابريك
وكعت كلبي شنو دعمت بزون (قطة)
هيام: سوري مسمعتك من ورة صوت الاغنية عالي
رفع حاجبة : اهاا كلتي صوت الاغنية
مرة ثانية من احجي وياج تكونين بالج كله يمي فاهمة
هيام: اممم
: احجي عدل
: نعم تٌـٌـمــام سيدي صار معلوم بعد عندك شي تضيفه
رنا : اهووو هاي انتي شنو شكد حقنة ونكدية
شهكت ونطت عيوني على حجيها
هيفاء: لا عيني هاي ما يسمونها نكدية هاي يسمونها كاعدة تتدلع على خطيبها وتدلل وتعزز عليه
كل بنية تحب تدلع على خطيبها
حقج انتي ما تعرفين لان بعدج ما مخطوبة
ان شاء الله من تنخطبين راح تعرفين شنو اقصد

اجيت اصيح بعالي صوتي ينصر دينك ياشيخة على هالقصف البري والبحري ارض جو
يمة كلام خالة هيفاء ماي بارد على گلبي نزل
العوبة تريد تفشلني كدام ضرغام
حل خوش سوت بيها خالة هيفاء
ضرغام: مو يدلل الحلو من يزعل واراضيه
عاد احلى شي بالزعل من اكعد واراضيها
خجلت وصار گلبي يركص احس صرت ملكة زماني
وحسيت على رنا صارت تحوم ما تعرف شتسوي
يطبها طوب محد كللها تحط عينها على شي مو الهة
وصلنا للسوك وانتبهت على خالة هيفاء راح تنزل
هيام : ليش وصلتنا احنا اول شي ليش مو رنا بالاول
ضرغام بنفاذ صبر : يالله هيام والله مستعجل عندي شغل كافي عاد كبري عقلج ويالله نزلي وفضيها
نزلت وسديت الباب حيل واني ادردم ورحت مشيت ورة خالة هيفاء انتبهت على رنا نزلت وراي وصعدت كدام يم ضرغام من حركت گلبي صرت امشي مثل العمية طلعت النقال واتصلت عليه
ضرغام: هَـا بطة خو ما ناسية شي بالسيارة
هيام: لا حبيبي اتصلت عليك اريد اطمن على املاكي
ضرغام: شنو تقصدين باملاكج
هيام: حبيبي انت ملكي ولازم اتأكد ان الست الي كاعدة يمك ما راح تسنح لها الفرصة تختلي بيك
فاهم واحسن شي ابقى على اتصال وياك منا لحد ما توصلها
ضرغام بضحكة عالية: لج انتي صدك كارثة
هاي شلون دبرتيها
هيام: كلشي اتوقع مني ما احب احد ياخذ شي ملكي وانت ملكي ورنا تحوم عليك ولا تسوي روحك ما منتبه عليها
ضرغام يضحك : اذا صار الكمر ملكي بعد شلي بالنجوم و الي عنده بزونة مثلج بعد عيونة ما راح تشوف غيرج
الو بطة وين صرتي احجي وياج
هيام: اسمعك اكول بعدها كاعدة يمك
ضرغام بضحكة : اي
هيام: اممم بعد شكد وتوصلون
ضرغام: والله انتي مخبلة ما ظل شي ونوصل
بالله روحي كملي تجهيز شغلاتج
هيام: لا حبيبي الخط يبقى مفتوح الا اعرف وصلتها لبيتهم يالله
اغلق النقال وظل احجي وياي
ضرغام: الله يصبرني على هاي الغيرة
هيام: احبك مو بيدي
ضرغام: اااخ يابة وين جنتي على هذا الكلام ليش السانج انطلق فد مرة بالنقال
هيام: يالله عاد ترة اني الساني ينقط عسل دائما بس
انت وبيبتك مسوين علية حضر تجوال
وحابسين طاقاتي الخلابة بالتعبير عن الذات
ضرغام: يالله هانت ما ظل شي
سمعت حركة يمه
ضرغام: يالله مع السلامة رنا وسلمينا على خالي وياج
رنا: الله يسلمك شكرا ضرغومي على التوصيلة
مو تنسى كلما تسمع هاي الاغنية اتذكرني
ضرغام: ان شاء الله
رنا: يالله باي
سمعت صوت باب السيارة
هيام: روحة بلا ردة العوبة
قلدت صوتها
مو تنسى تتذكرني من تسمع هاي الاغنية
من اتذكرج ملك الموت ان شاء الله. عوبة

سمعت صوت ضحكته العالية
ضرغام: اكول بطة هذا السانج منين مستوردته
حيل حاد وما تفوتين حجاية
الا تردينها بعشرة
هيام : ضرغوووومي يالله باي اريد اشتري
ضرغام : اه هيج صارت هسة صرنا كخة
هيام: اهم شي اتطمنت على املاكي
ضرغام: بسيطة انا الج يالله روحي وحاولي تكملين شغلاتج كلها اليوم
هيام: اوك
(((((((((((()))))))))))
افترينا بالسوك والمولات وكملنا جهازي
بس احس برجلية تريد تتكطع من التعب
وخالة هيفاء اتصلت عالسايق حتى يجيها
هيفاء: انا لو ادري هشكل راح تصير الفرة جان اجيت بسيارتي وحطيتها بكراج السيارت بدال هاي البهذلة
هيام: يالله عالجايات
هيفاء: بعد بقة بس نحجزلج عند مركز التجميل وفستان العرس الي وصيت عليه بعد يومين يوصل حتى اخذج تشوفين القياسات ونضبطه
رجعنا للبيت واني كلش تعبانة
دخلنا للمطبخ استقبلتنا ميس وريمة
اخذو الغراض من عدنا
ميس: تعاي شوفي غرفتج وصلت تجنن
مها : لا لا مو هسة تصعد تشوفها خلي نخلص ترتيبها يالله تشوفها
انتبهت على ريام عندها حجي تريد تحجيه وياي
سمعت اكو اصوات بغرفة بيبي
هيام : منو عدنا يم بيبي
ميس: عمة حمدية هي وزوجها وابنها طارق اجوي يوكعون ويستسمحون من بيبي خاجية
اشرت لريمة على غرفة ميس
دخلنا سوية وسدينا الباب
هيام: شبيج ضايجة ترة شكلج ما عجبني
ريام: خالة حمدية اجتي وتريد تعتذر من بيبي
واعتذرت مني وكالت انتي مثل بنتي وانا ما جان قصدي ااذيج بكلامي
بس هيام ما شفتي نظرات طارق جانت نظراته الي تخوف
احس بي متحلف بية على الي صار بي من وراي
هيام : يا كل تبن والله خلي يتجرء يسويلج شي
كبل احطه بحلك ضرغام اخلي يشوف شغله وياه
ريام: لا هيام لا تنشغلون انتي وضرغام بية بعدكم
باول طريقكم ما عليكم مني ما دام ما يكدر يقترب علية
خلاص اني بأمان وانتي هم يمي ما راح تتركيني
حضنتها : شلون اتركج وانتي روحي اكو واحد يستغنى عن روحه
ريام: ربي يخليج الي وما يحرمني منج
(((((((((())))))))))
عدة الاسبوع وصار يوم الجمعة والتمو الاحباب والاصحاب بيوم زواجنا اني وضرغام
ونزل ضرار مجاز
خطية جانو كلش فرحانين هو وضاري وخالو راضي
والحجية خاجية ما مصدكين ضرغام راح يعرس
او مثلما سماه خالو مؤيد ولي العهد راح يتزوج
الشخص الوحيد الي جان يمثل دور السعادة والفرح هي حليمة احس بيها تريد تموت من القهر
خصوصا من اجة خالو راضي البارحة وهدالي طقم ذهب متكون من كلادة وتراجي وسوار ومحبس يصيرون سيت واحد كلش نازكات
اجتي تتخبل
هاي من غير اللزكة رنا الي صارت حتى تبات عدنا هنا بالبيت
سألها ضرغام : يمة رنا شتسوي بايتة هنا واحنا عدنا ولد والله ما جاي اكدر اخذ راحتي بالبيت
حليمة: جا شلون كدرت تاخذ راحتك من اجوي بنات عمتك هنا اشو ما اشتكيت ولا تضايقت منهن
بس ادري بيك حضرتك تريدني اطرد بنت اخوي علمود الست هيام تضوج منها
ضرغام: لا والله مو هشكل بس هي اهلها هنا مو بعاد عنا حتى تبات والاصول تكول ما يجوز يعني احنا ما مجبورين نتقيد علمودها
حليمة : اي عفية عليك ابن بطني صاير تضوج من امك واهلها
ضرغام: اهووو يمة انتي الحجي وياج ضايع شنو اكول انتي تحورينه ليش هشكل متغيرة علية
حليمة : انت هاملني وما تكول هاي امي واشوفها شتريد
وشمحتاجة خلي اخذ رأيها بالعرس بالقاعة بالغرفة بالجهاز اشو كلشي سويتة لوحدك وعلى ذوق ست هيام
اباوع عليها شلون تتمسكن عليه وتمثل دور الفقيرة
والله هسة اذا اكوم اخنكها اكو واحد يلومني
ضرغام: شعندي غيرج يالغالية بس والله ما ردت ادوخج واتعبج بهاي السوالف كافي عليج ركضة الخطار
حليمة: يا يمة يوم عرسك مو اي يوم هذا اليوم جنت انتظره بفارغ الصبر ترة الام ما تحس بالتعب من تشتغل وتجهز لعرس ابنها
انتبهت على ضرغام شلون كام وحضن امه وباسها من راسها : حقج علية يالغالية شعندي غيرج
رضاج علي يسوى الدنيا وما بيها
((((((((((((((()))))))))))))

ميس: هيااااااام
كمزت على صوت ميس
ميس: وين صافنة نحجي وياج وانتي بغير عالم
ادري بيج يا حلوة خايفة
جانت تحجي وتعدلي ببدلة العرس
مها: على شنو تخاف اصلا ليلة العرس اجمل واحلى ليلة بحياة البنية المفروض ما تضيع هاي الاوقات الحلوة بالخوف والارتباك لا بالعكس تستغل كل لحظة
حلوة تمر عليها لان هاي اللحظات راح تبقى بالذاكرة
سحبت نفس عميق
هيام: هَـا بنات هسة شنو اكدر اشوف روحي بالمرايا لو بعد انتظر

جنت بمركز التجميل اني والبنات
خلصت ميك اب ولبست الفستان الابيض جان موديلة كلش حلو
مها: يالله هسة تكدرين تدورين وتشوفين نفسج بالمرايا
التفتت وشفت نفسي بالمريا كان اللون الابيض متجانس وية بشرتي وشعري بتناغم
سمعت صوت ريمة باوعت عليها شفتها تبجي
خنكتني العبرة ورحت يمها وحضنتها
ريمة: اتذكرت ماما وبابا شلون جانو يتمنون يشوفوج
وانتي عروسة
مها: الله يرحمهم ويطيب روحهم الجنة
يالله بنات لا تكلبوها علينا مناحة كافي فرحو اليوم يوم هيام خلينا نفرح بعرسها
سمعت نقالي دك شفت المتصل كانت لجين
فتحت الخط وسمعت اصوات الهلاهل
حسيت بدموعي كامت تنزل سمعت الكوافيرة
: شو هيدا ليه عم تبكي هيك بتخربي وجك
بعدين الميك اب ما راح يزبط معك
ما اهتميت لكلامها وكان عقلي كلة وية البنات وبلال
الي امطروني بالتبريكات والهلاهل
ضحكني بلال : اليوم يومج هيومة ما اوصيج
من اول ليلة راويه العين الحمرة وضبي بعد اخوج
خليني افتخر بتربيتي بيجن واكول ما راحت على خالي بلاش
صرت اضحك وابجي
لجين كانت تبجي مثلي وريتا بين الضحكة كانت تداري دموعها
لجين: جنت اتمنى اكون حاضرة وياج بهيج يوم
واشوفج اجمل عروسة و من تدخلين القاعة ادخل قبلج وارش بدربج الورد واعدلج بدلتج من تكعدين بالكوشة
واهديلج اغنيتنا المفضلة ونركص عليها اثنينا تتذكرين احلامنا من جنا صغار
جنت شكد مخططة لعرسج بس شكل القدر ما مكتوبلي احضر هذا اليوم
ريتا: هيومة امانة من تاخذين صور ترسلينا
عالواتس اب خلينا نشوفج وانتي عروسة شلون راح يكون شكلج
بلال: شي اكيد تطلع تشبه عمي حمادي
لجين: عابتلك محطم الانوثة بالله خلي نشوف منو هاي المكرودة الي راح تتحمل ثقل دمك
مها : يالله هيومة استعجلي ترة ما ضل وقت
سحبت نفس عميق وودعت اجمل اصدقاء الي كانو حاضرين معي بكل لحظات حياتي بأحزاني وبأفراحي
ربي يحفظهم الي
خلصت المكالمة ورجعت كعدت جوة ايد الحلاقه الموافيرة على كولتها حتى تسوي شعري وترتب الميك اب
جنت مشغولة كلش سمعت نغمة رسالة اجتي عالواتس اب فتحتها عبالي البنات يطالبون بصورة حتى يشوفوني بس انصدمت من قريت الرسالة
كانت من نبراس
((شجاك تغيرت وبگلبك انته شصــــار؟؟
جنت تموت بية وجنت تعــــــــــبدني
وجنت اتنفسك وانته الهـــــوه بدنياي
وجنت لو تبتعد لحظــــات .. تخنكني
معقولة الورد ينكر جمــــــــيل الماي؟؟
وانت بهالسهولة تنازلـــــــــت عني؟؟
ما أنكر مقصر إجت فـــــــــــــترة وياك
لكن مو بدية الوكت يجبرنــــــــــــــي
شسولفلك بعد؟ طعم السوالف راح
ردت منك توافيني يالخيبت ضنــــــــــي))(مقتبسة)
ما يهلي اكتبلج واهنيج صعبة عالاصابع تذبح راعيها
لان كلام التهاني اسهام بالكلب تطعن ))

جنت اقرة وايدي ترجف ما اعرف اوصف الاحساس الي مريت بي لكن ابد مو ندم ولا شوق لنبراس
بس يمكن انكسر خاطري عليه لان صفة وحيد
وفلس من الحب وانتبه بعد فوات الاوان ان فقد الحيب
ما يعوضه لامال ولا جاه ولا مركز
الكوافيرة: لك شو هيدا صرتي بتجنني
متل البرنسس
هيام: اشكرج حٍٍِْــًبٌٍـــِٓېٍٓ عاشت ايدج
ميس: يالله ضرار بالباب ينتظرنا
يكول استعجلو
لبسوني البرنص الابيض والبنات لبسو العبي وطلعنا اخذنا ضرار لبيت خالو حسن راح ياخذوني من بيته
جانت الاجواء الفرح تجنن
استقبلتنا زوجة خالو حسن اعرفها جانت مرية كلش حبابة وبناته الصغار فرحانات
ولابسات فساتين لونها ابيض وطوق من الورد الابيض على شعرهن دخلت للاستقبال مالتهم واتفاجئت من شفت بيبي خاجية كاعدة هناك وية المعازيم يعني هي
انضمت لاهل العروسة وهذا الشي لامس گلبي
شافتني واتكأت على عصتها وكامت واجتي لعندي وباستني وكامت تقرة علية المعوذات والادعية
شفت بعيونها دموع ترفض النزول
عرفت بيها تكابر
دخل خالو حسن وسلم علية : بنات تعالن ساعدن اختكم حتى تلبس البرنص اجوي العريس واهله
الحجية خاجية : جا وانت منوغير من اهل العريس
حسن: لا يمة انا اليوم ابو العروس اريد اجرب شعور الاب من ياخذون بنتة من بيتة
بس من هسة اكلكم انا كلبي كام يدك حيل
على هاي الحسبة انا ماراح ازوج بناتي
جان يحجي وسمعنا صوت الموسيقى والطبل
وهورنات السيارات والرمي حرك الجو
اني احس بكلبي صاير ساحة من المشاعر المتضاربة
خوف على ارتباك على لهفة على رغبة بالبكاء
هذولي كلهم يكمنون داخل گلبي
سمعت الاهازيج
وحسيت على ضرغام كعد بصفي شميت ريحة عطره
اتوغلت بصدري
ضرغام: الف مبروك بطة
بالله شو خلي اشوف
ابتسمت رفع البرنص من على وجهي
: اااااخ بوية هذا الجمال كلة الي بوية شيصبرني
ياليل وينك عني استعجل بطلتك
ترة الگلب ما عاد يملك صبر
: ولج بطة اليوم ناوية تموتيني
هيام : اسم الله عليك
ضرغام: بطة مو وكتة الكلام الحلو خليه بتالي الليل
سمعيني هاي الكلمات وانتي بحضني
هيام: لك ضرغام كافي والله كلبي راح يطلع من صدري
راضي: يالله ابو الشباب توكلو على الله
لزم ايدي وحطها بأيد ضرغام
وبديت اخطي اول خطوات بحياتي الجديدة مع حبيبي
وشريك حياتي ضرغام واني كلي امل اعيش حلمي
((((((((((()))))))))))))
جنت كاعدة انتظر بغرفة التعديل
والبنات ميس وريمة ومها كل ساعة يدخلون ويطلعون
يعد لون فساتينهم
ميس : هيومة مو تنسين الي علمتة الج
اول ما تدخلين انتي وضرغام تمشون بخطوات ملكية على كيفج مو تركضين ورة ضرغام لزمي عدل ادري بأخوي ما يصرفله هيج فيكات وادري بي كوة على اعصابه راح يدخل
ههههه لحد هسة اتذكر شلون اتوسلنا بي حتى يقبل يدخل بفيكة يمة وكعت وصلة من الساني يالله قبل
الله ينطي بيبي خاجية قنعته
كلما تقترب اللحظة الي راح اطلع بيها للمعازيم كلبي يكوم يدك حيل
مها: يالله سحبي نفس عميق
يالله ميس خلي نطلع ناخذ سلات الورد وننتظرهم
بالوابة
طلعن البنات واني جنت واكفة اباوع لروحي بالمرايا
كنت منتبهة على فستاني
سمعت خطوات اقتربت مني التفتت
شفت رنا واكفة وراي
ما ادري ليش نغزني گلبي من شفتها دخلت
رنا: الف مبروك عليج ضرغام
هيام بتردد: شكرا يوم الالج
رنا: حبيت اقدملج هدية بيوم عرسج وما لكيت احلى من هذا اليوم وهاي اللحظة اقدمها الج
حسيت بيها عندها شي
هيام: رنا خلينا لا نضحك على نفسنا ادري بيج انتي ما جاية تباركيلي فلا تكعدين تلفين وتدورين كولي من الاخير انتي شنو تردين مني

رنا: اريد اعرف انتي على شنو شايفة روحج ومتكبرة
وانتي كلج خلك وحدة امها ماضيها وسخ
ومو بس امها ماضيها وسخ لا وبعد جدتها اشترتلها عريس حتى تزوجها لان محد يرضى بيها
هيام: احترمي نفسج ادري بيج ميتة قهر وتردين تخربين علية احلى يوم بحياتي
وامي تاج راسج تسواج وتسوة عشيرتج سامعة ولج
وضرغام يحبني وبيبي مالهة دخل بقرار ضرغام
وبزواجنا
رنا: حقج حٍٍِْــًبٌٍـــِٓېٍٓ ما راح تصدكيني
اذا كلتلج ان جدتج اتفقت وية ضرغام اذا يتزوجج
راح يكون هو الوكيل المسؤل عن الورث مالتكم انتي واختج الي ورثتوه بعد وفاة امكم
لان امكم عندها ورث عند اهلها والكم نسبة
بحلال خالج راضي
وموبس هيج جدتج عرضت عليه تسجل بأسمه عمارة
اذا وافق عالزواج منج
هيام: انتي وحدة نذلة وجذابة ما اصدكج لان انتي تغارين
ابتسمت بثقة
رنا : اذا ما تصدكيني روحي سألي ضرغام عن العمارة
كليلة شنو انطتك جدتي حتى تتزوجني

يتبع