رواية تائهة بين اروقة الماضي الفصل الخامس والعشرون 25 - بقلم الكاتبة نهى

تائهة بين اروقة الماضي
بقلم الكاتبة nuha-d-h

((مساء الخير والمحبة عليكم يا اجمل قراء))

((مشيت اني وشايلة بگلبي كوم عتاب
لاتظن بيوم يبرى وينسى حرمانك
عوفك يضرغامي من الثگل والاعصاب
اريدك تسمع كلامي وتلزم اعصابك
وين المحبة وين شوك الاحباب
شنو الي غيرك اموت واعرف اسبابك
يل ماسديت يوم بوجهك الباب
ليش اليوم بوجهي تسد ابوابك
گد ماگسى گلبي كلمة منك تحسه ذاب
عشكتك ماانام الا على ريحة ثيابك
تشوف الحزن والدمع باطراف الاهداب
يل مارفلك جفن اشوف جرحي طابلك
شمتت شماتي وانا اذوب وسط الثياب
كافي تمتحن صبري ماظل صبر يصفالك
بس ردت اكولك گبل لا يطوينا الغياب
انت روح وريد الگلب بحضورك وبغيابك))
شعر بقلم الادمن houda_s

🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷🌷

اليوم راح يوصل ضرغام من السفر
بعدما قضى اسبوعين بدبي
جنت طول هاي الفترة اعاني من حرب اعصاب
اتمنيت امي موجودة واشكيلها همي لان هي الوحيدة تفهمني
حسيت اريد احجي لاحد همومي
شفت نفسي لازمة النقال واتصلت على لجين صديقتي
هيام: الو هلو لجونة
لجين : لج هلة وين هالغيبة كلش اختفيتي هاي الفترة
لا رسالة لا صوت شنو سالفتج
هيام بصوت يرجف : لجين اني مخنوكة محتاجة احجي وياكم انتي وريتا احتاج نصيحتكم
لجين: اوووي سودة علية مبين من صوتج كلش متأذية
خلي اتصل على ريتا واضمها ويانة حتى
هيام: اي والله ياريت
اتصلت على ريتا ودمجتها ويانا عالخط
ريتا: ولكم لو تدرون اشكد مشتاقتلكم
هيام: والله اني هم مشتاقتلكم هواي وطاك گلبي عليكم
ريتا: هاي شنو شبي صوتج شنو جنتي تبجين
طبعا عبالك جنت منتظرة احد يسألني حتى انفجر
وفعلا انهديت بالبجي والبنات كعدن يسألني
لجين: لج هيوم كليلي ليش تبجين اي مو مردتي گلبي عليج
ريتا: شوفي حبيبي سمعيني زين
اول شي اريدة منج تاخذين نفس عميق
جانت تحجي وياي واني اطبق الي تكول عليه
ريتا: اي عفية عليج بعد اخذي شهيق وزفير
اتنفست بعمق وغمضت عيوني
:يالله هسة احجيلنا شنو صاير وياج وليش انتي هشكل
دتبجين
صرت احجي للبنات كل الي مريت بي بهذيج الفترة من تغيير ضرغام الى حد اخر يوم سافر وتركني بدون علم
ريتا : زين هيام انتي ليش ساكتة لحد الان ليش ما تحجين مشاكلج لجدتج خاجية
انتي مو تكولين عليها هي كلمتها مسموعة
هيام : صعبة علية ما اكدر
ريتا: شنو ما تكدرين لازم تحجين خو ما تظلين ساكتة على تعامله وياج
لجين: هاي شبيج ريتا يعني انتي ما تعرفين صديقتج
هيام شكد كتومة من يومها ما تورج احد على اسرارها ومشاكلها شنو نسينا علاقتها هي ونبراس
شلون جانت متكتمة عليها وحتى اهلها ما يدرون بيها على علاقة وية نبراس وهو تركها واتخربطت واتمرضت وظلت تعاني لوحدها وما حجت لأمها ولا لابوها
بالرغم امها الله يرحمها عرفت بحبها من ذات نفسها
بالتخمين يعني مو هيام الي حجت
يعني تردين بعد كل هذا الي حجتة عن عيالها وزوجها
تروح تسولف مشاكلهة لجدتها
ومنو يكول ما جدتها راح تتعارك وية ضرغام وتعالي بعدين توصل لحليمة وتصير علج بحلكها
هيام: والله لجين بس انتي تفهميني
لجين: مو عاجنتج وخابزتج على ايدي
ريتا: يعني شلون اذا هذا طبعها لازم تغير منه
ليش وين راحت هيام القوية ليش شخصيتج صارت ضعيفة ليش
هيام: ريتا هذا ما يتسمى شخصية ضعيفة هذا حب
واليحب هواي يتنازل للحبيب ويظل يدورله اعذار
من راح تحبين راح تعرفين شنو معنا كلامي الحب
يكون الشعور بالتنازل
مثل الام وبنها راح تكون دائما ما تشوف اخطاء ابنها الصغير ودائما تكون وياه متسامحة لو مهما سوة بيها
اني هذا التسامح الي قدمتة لضرغام كان اعطاء فرصة
لزواجنا لحتى يستمر ما اريد من اول عثرة اني اهدم كلشي واشتكي
بالعكس احس بروحي كلش قوية شحصية والدليل على ذلك بقيت متمسكة بضرغام من اول عثرة من اجتي رنا بيوم عرسي
واتكلمت عن سالفة الورث
ضربت كلامها بعرض الحايط وما اهتميت لان اني مو صغيرة وكلمة تاخذني وكلمة توديني
بس غصب عني زاد شكي بيه
لان كل الظروف ضده
وهو فوك هذا كلة تصرفاتة غامضة وياي
واجة توقيت تغيره وياي وية خبر خطوبة رنا
يعني شلون ما ترديني اشك بي
هاي من غير امه تحوم على راسه علمود تريدها الة
ريتا : ما اعرف شنو اكول اني هم ما اريد اظلم ضرغام لان الانسان ما ينعرف موقفه من هذا كلة
بس كل الي اكدر اكوله ان ضرغام يحبج
لجين: اي هيومة هو يحبج واتزوجح الج وين جانت عنه بنت خاله
هيام: جانت تدرس وابوها ما يقبل يزوج بناته الا من يخلصن كلية وهو حسب كلام حليمة جان منتظرها تكمل ويخطبها
لكن بيبي خاجية هي الي فرضتني عليه بعد سالفة عمو احمد من راد ياخذنا
ومنها تمت الخطوبة
تخيلو بنات لحد اخر مرة ذاك اليوم سمعت رنا تحجي وياه بالنقال هو اتصل عليها
لجين: شلون عرفتي هو المتصل
هيام : مو جنت موجودة من ردت عليه
ريتا: والله قهر اني حياتي كلها ما داعية على احد بس اسأل الرب ينتقم منها وينطيها عقوبة دنيوية
لجين: ولكم اااخ اندقيت واتمنى كون انا عقوبتها الدنيوية كون ربي يسلطني عليها
ما اسوي شي بس الزم صوندة وعلى راسها ووين اليوجعها اخليها تحرم تعتب بيت خاجية
ابتسمت على كلام لجين
هيام: لج والله نفس امنيتي
ريتا : اني عني ما اسوي شي بس امدكم بالصوندات
لجين: لا ولج انتي عليج تلزمين حليمة وهيام تلزملي
رنا واني اشوف شغلي وياهن ااخ يمة كون يمي
جان كلبت بيت خاجية حلبة مصارعة من ورة العرايك
صرنا نضحك سوية فعلا ان شر البلية ما يضحك
نهيت الاتصال وية البنات واني احس شوية ارتفعت معنوياتي ما كدرو ينطوني حل
بس على الاقل كدرو يغيرون نفسيتي
نزلت من الغرفة وسمعت اصوات البنات وخالو راضي
يمة وكلبي زادت دكاته من سمعت صوته
اي هذا صوت ضرغام
يمكن ستوة وصل دخلت عليهم بغرفة بيبي خاجية
هيام: الحمد لله على سلامتك ضرغام
باوع علية وعيونة تريد تاكلني اكل
ضرغام: الله يسلمج
رحت اتقدمت عليه اتمنيت ياخذني لحضنه اي.اريدة
هيام : متعشي لو اصبلك
باوع علية وعيونة فاضحتة
ضرغام: اي الحمد لله متعشي بالطيارة
بس تعبان اريد ارتاح
الحجية خاجية: يالله يمة روح ارتاح بغرفتك بحضن مريتك شعندك مكابلني وكاعد
ابتسم : يالله اترخص منكم
صعد فوك وسمعت صوته صاحني
حسيت على رجلية اخذتني الة غصب عني اريدة ومشتاقتله صعدت وراه ودخلت للغرفة
ما حسيت الا عليها فجاءة سحبني وخمط شفايفي ببوسة
صار جسمي كلة يرجف جوة ايدة من كد الاشتياق
ما حسيت على نفسي من رفعت ايدية وسحبته علية
وقربت راسه وهو جان يبادلني الحضن ويمشي بية
بتجاه السرير نسينا كل مشاكلنا نسينا نفسنا ونسينا العالم كلة ما نتذكر بس احضان بعضنا جنا اثنينا نريد نروي عطش الشوق من بعد الفراق
دفعني عالسرير وعيونة مشت بشراهة ولهفة على طول جسمي كان صدره ينزل ويرتفع من اثر انفاسه
دنك يقترب علية اتملس سيقاني وارتفعت ايديه
لخصري قرب شفايفه على شفايفي
وهمس: لج هيام مشتاقلج بكد رحمة الله واريدج كلج
نزل راسه يريد يلثم شفايفي
بس قطع علينا الجو صوت ضاري
وصوت صياح جوة بالبيت شفتة جمد بمكانه وعقد حواجبه واني بقيت بين ايديه حابسة الانفاس
سمعنا باب غرفتنا اندك
ضاري: ضرغام تعال بسرعة
ضرغام: يا ستار شكو
نهض من علية وراح اخذ قميصه
ولبسه وهو متجه لباب الغرفة التفت علية وهمس
مو تتحركين انا راجعلج ما راح اتأخر
لكن هو نزل وراه بخمس دقايق سمعت عياط حليمة
هيام: لا السالفة ما ينسكت عليها خلي انزل اشوف شكو
شصاير
عدلت هدومي ودكمت الثوب ولبست شالي ونزلت
جوة باوعت على حليمة شفتها تبجي
والحجية خاجية: كولي يالله هاي ولا غير شي دفع الله ما كان اعظم بالحلال ولا بأخوج مو زين بس احتركت العلوة اذا صاير بأخوج شي يفيد علوة يفيد حلال كلشي ما يفيد وداعتج المال يتعوض الا ال بني ادم ما يتعوض
حليمة: حجية والنعم بالله بس خطية تعبه وكده راح احترك خطية ممرود كلبي عليه
اقتربت من ريام: شكو شصاير
ريام: اخو خالة حليمة فاضل احتركت العلوة مالتهم
هيام: يا خطية وهسة منو راح من ولدنا
ريام: خوالي كلهم راحو والولد هم راحو
انتظرنا الولد ساعتين بس ما بينو
وخالة حليمة كل ساعة تتصل عليهم ويكولون
مو بس علوة خالي فاضل هواي علاوي محتركة
واحد من العلاوي محترك وساحب الحرك بقية العلاوي وياه وسيارات الاطفاء لحد هسة تطفي الحريق وماكو لان وحدة من العلاوي جانت كلها عطور ومعطرات ومواد تجميل كلها مواد تساعد عالاحتراق
نعست والكل تعب من الانتظار تالي كلمن راح نام
بغرفتة اني صعدت لغرفتي وكبل للسرير واول ما
حطيت راسي عالمخدة غطيت بالنوم
كعدت يوم ثاني الصبح وضرغام ماله اثر
لزمت النقال واتصلت عليه
هيام بصوت ناعس: الو هلو ضرغام شنو وين صرت
هذا كلة بالحرك على الاقل ارجع ارتاحلك شوية
سمعت صوته: اهووو هاي انتي شنو صايرة
تنبل مال نوم لدرجة انا رجعت للبيت ودخلت للغرفة وسبحت وبدلت ورجعت طلعت وانتي بسابع نومة غاطة
...........

خلص اليوم وضرغام والولد وخالو ماكو
وحتى ضرار نزل مجاز بس خطية راح بوجهة على بيت خاله فاضل
طبعاً من اجة ضرار انتبهت لريام وجهة كام ينطي الوان
بقينا اني وريام والحجية بالبيت والكل طالع حتى ميس
وحليمة عند بيت اخوها فاضل
وصارت الساعة ١٠ بالليل رجع خالو والولد وضرغام ظل هناك منتظر امه وميس يجيبهم وياه
بس اني گلبي كام يحوم من الغيرة ادري بي هناك قريب على رنا واخاف يخلالهم الجو
اتصلت عليه ماكو جواب ورة شوية هم رجعت اتصلت
رد صوت بنية وكبل عرفتة هذا صوت رنا
اجيت اتخبل نقاله شيسوي عند رنا
هيام: ضرغام وين وليش انتي تردين على نقاله
رنا: هو يمي ومالة خلك يرد عليج كلي جاوبيها
وشوفيها شتريد
هيام يمة النار النار تسعر بكلبي : انطينياه اريد
احجي وياه
اتمنيت كون هي يمي والله جان ملخت شعرها وسويتة مكناسة مال بسط
سمعتها صاحت بدلع : ضرغومي هاك الزم نقالك
يردونك
شوية واجاني صوته : هَـا هيام شكو
هيام: ضرغام ليش رنا ترد على نقالك وانت شعندك
لحد هسة يمهم
ضرغام: هيام والله مو وكت دلعج وانا ابو ابوي محترك من التعب ارجع ونحجي
هيام: لا هذا هو اصلا ما اريدك ترجع عنك لا رجعت ابقى يمهم وسديت النقال بوجه
رجع النقال دك باوعت شفتة هو المتصل
حولتة صامت حتى ما يزعجني

رد رنا على اتصالي رجعني لنقطة الصفر وياه
اني غبية المفروض احجي وياه وما اسكتله بس شكل الاشتياق نساني كلشي
ولفيت راسي ونمت والنار تسعر بية

صحيت يوم ثاني واني راسي يوجعني
كمت من السرير حسيت افترت بية الدنيا
يمكن عندي هبوط بالضغط
انتبهت على اثار راسه عالمخدة الشي الوحيد الي يدل على مبيت ضرغام بالغرفة
نزلت وشفت الكل كاعد ما عدا ضرغام وضاري
صبحت عليهم واتحمدت لخالة حليمة على سلامة اخوها وهي ردت علية من ورة خشمها كالعادة
عادي ماكو شي جديد
اتصلت خالة حمدية على خالة رحاب وكعدت تسولف وياها
اشو صايرة مكالمات خالة حمدية هاي الايام كلش هواي شكو شعندها
ريام : هيومة اتصلت خالة حليمة وكالت
سوو حسابنا عالغدة
هيام: كلهم حتى خالو والولد؟
ريام : اي حتى خالو والولد
رحت استلمت الطبخ اليوم بدال خالة حليمة والتهيت
صار اذان الظهر وصليت
يم بيبي خاجية بالغرفة سمعت اصواتهم وصلو للبيت ودخلو على بيبي سلمو عليها
خلصت صلاتي
راضي: تقبل الله
هيام: منا ومنكم صالح الاعمال
سلمت عالكل ورحت للمطبخ اشو ضرغام ماكو
سألت ميس كالت ضرغام صعد فوك وكال لحد يكعدني عالغدة اريد انام كلش تعبان صارلي يومين ما نايم
.........
خلصت الغدة والكل اتغدة وخليت المواعين على ريام
ورحت صعدت فوك جان الكل بالصالة يشرب جاي
دخلت للغرفة لكيتة بالحمام جاي يسبح
لزمت اسفل ظهري جان كلش يوجعني
رحت للكنتور طلعت ثوب نص ردن وقصير وبي دلعة
اتمددت عالسرير
اوووي يمة ظهري يمكن تريد تنزل الدورة
هو هاي ايامها
سمعت باب الحمام انفتح وطلع ضرغام
جان ينشف بالمنشفة شافني اتوقف عن التنشيف وباوع
علية ونزلت نظراته على سيقاني
علك المنشفة وراح على ميز المريا وحطله معطر ومشط شعره
واتوجه للسرير وعيونة علية وجانت النية باينة
من عيونه
: مشتااااااقلج كلش هواي يمكن اذا اخذج احتمال اكلج
رفعت حاجبي
اقترب مني وما حسيت عليه والا وهو وساحبني لحضنه والتقف شفايفي
درت وجهي عنه برفض
عقد حواجبه بتسائل: شكو شنو هاي الحركة
هيام: اني مو حيوان تجيني شوكت ما يعجبك وما تهتم
لمشاعري كعدت وبعدته عني
ضرغام رنا شسوي بحياتنا
ليش علاقتك بيها هشكل قوية
ضرغام احس بينك وبين رنا علاقة
بالله اني اعرف برنا تحبك لكن الي ما اعرفه انت
تحبها لو لا لكن بأخر فترة عرفت انت هم تبادلها نفس المشاعر
ضرغام: خير سالمين نوب شنو هذا الفلم الجديد الي طالعتلي بي
انتي شنو سالفتج كل يوم طالعة بمشكلة
هيام وين تردين توصلين
هيام: ضرغام لا تظل تتهرب لا عبالك اني نسيت
سفرك بدون علمي وخليتني لوحدي اتفاجيء بسفرك بدون ما ادري تعرف شلون جان شكلي مثل الغبية كدام الكل خصوصاً امك ظلت تحجي وما خلت حجاية
علية ماحجتها تكلي اكو مرية ما تعرف بزوجها
من يسافر ليش هشكل سويت
وفوك هذا كلة ما كلفت حالك حتى تتصل علية
طول مدة سفرك ولا الي يقهر اشوفك تتصل على رنا
وتحجي وياها
عقد حواجبه بستغراب
ونوب البارحة اتصل عليك تجاوبني رنا وتكلي
ما يريد يحجي وياج
ضرغام كلي شنو جاي يصير بينك وبين رنا
لا تخليني انصدم بيك
ضرغام : خلصتي كلامج كلة ؟
هيام : اي
ضرغام: اولا راح اكلج انا ليش سافرت وما كتلج لان كان عندي شغل ثانيا جنا انا وياج على خلاف
وتعرفين طبعي ولا تسألني شنو الخلاف هذا شي خاص بية لايمكن ابوحلج بالسبب
اما عن رنا ما عندي اي علاقة بيها وما مامتصل عليها من جنت مسافر ما اعرف الجائز عقلج الفارغ كعد يخيلج باشياء مالهة وجود اما عن رد رنا على نقالي البارحة جنت بالاستقبال ونقالي خلص شحن وانطيت نقالي لفادي ابن خالي فاضل وكلتلة حطة الي عالشحن
واخذة عالشحن يمهم جوة وانا التهيت وية جماعتنا اهل السوك لان جماعة خالي فاضل همة نفسهم جماعتي
رجع اقترب علية
ما جنت اعرف انتي هشكل زعطوطة وتدورين المشاكل دوارة يالله دتعاي خلي انام بحضنج
اقترب مني وصار يمشي لمساته على بشرتي
ضعفت جوة ايده واستسلمت وحاولت اقنع نفسي واكول صحيح كلامه وهو يريدني وهذا يكفيني
رفع ثوبي وسحبه من على راسي وصرت جواه كعد يباوع علية
دك نقاله غمض عيونه بفقدان صبر
غلس على النقال
هيام: ضرغام نقالك
كعد الاتصال يلح اتوقف وسحبه من عالميز وعقد حواجبه وجاوب المتصل
ضرغام: الو هَـا رنا شكو ليش متصلة
هاااا شنو هاي شوكت
كام من من السرير
يالله يالله جاي جاي بمسافة الطريق
كمت وراه : ضرغام ليش اتصلت عليك رنا
جاوبني وهو يبدل
ضرغام: خالي فاضل اتخربط
ضربت رجلي بالارض: ضرغام عفية لا تروح
ليش همة ما عدهم غيرك بس انت تروح الهم
خلي واحد من اخوانك يروح كول لضرار يروح بدالك
ضرغام: هيام كبري عقلج انا رايح هذا خالي مو واحد غريب
هيام صحت بصوت يرجف : ضرغام ما تطلع
منا قبل لا تختار لو اني لو رنا
واذا رحت لبيت خالك معناها رنا
هز راسه بنفاذ صبر: والله انتي مو عاقلة
انا طالع
طلع من يمي مستعجل بدلت ملابسي ونزلت جوة حتى استفسر
شفت الكل نايم الظهر ماكو احد كاعد اسأله
رجعت لغرفتي واني اشيط من الغضب
صار العصر وشفت ميس وسألتها عن خالهة وعقدت
حواجبها
ميس: ليش شبي خالو فاضل منو كلج مريض
هيام: الظهر راح ضرغام الهم ولحد هسة ما راجع
علمود اتخربط خالج
ميس: لا حبيبتي ستوني جنت احجي وية امي ما كالت
شي جان خبرتنا
يمة احس بگلبي صار يفور عليهم
بس خلي يصبرلي
صارت الساعة ٨ يالله رجع الاستاذ
باوعتله بطرف عيني
صعد للغرفة وصاحني صعدت وراه دخلت شفته متمدد عالسرير
ضرغام : سدي الباب وتعاي دلكي ظهري
هيام : ما بية حيل تعبانة
دار علية يباوع
ضرغام: اهووو اشتغلت رحمة الله شلون بيج
هيام: لا تاخذني بالصياح
رحت اتقدمت عليه وكعد عالسرير
ضرغام ليش اتصلت عليك رنا
ضرغام: هاي شبيج مو كتلج خالي اتخربط شنو كل ساعة انعيد بالكلام
هيام: لا جذب ماكو هيج حجي وسألت ميس وكالت
خالو ما بي شي
ضرغام: وهسة انتي شتردين ما دام سائلة بعد شكو كاعدة تستجوبيني يالله كومي طفي الضوة اريد انام

كمت طفيت الضوة واني شايطة منه
رحت اتمددت عالسرير
حسيت بي اقترب مني
دفعتة بغضب والله اذا اقتربت مني احركك انا مو لعبة عندك شوكت ما عجبك تقترب يالله ابتعد عني ولاتلمسني
ضرغام: شنو انا مو بكيفج واخذج شوكت ما يعجبني فاهمة انتي ما تمنعيني
ظليت اتلاوة وياه حسيت بي زاد بالاقتراب عبالك مجرم حرب هجم على سبية
وصار يعبث بجسمي بكل قوة
ضرغام: ادري بيج ليش انتي كاعد تدورين المشاكل لحتى ازهك منج واطلكج بس صدكي تحلمين اطلكج
ورجع يكمل احتلاله لجسمي ودنك على ركبتي
صار ينهش بلحمي
صرت اقاومه اريد ابعده عني لان كلش اذاني هيام: ضرغاااام كافي لاااا
اخذني بكل قوة وغصب عني بدون رضاتي
حسيت انهارت قوتي من التعب ودموعي نزلت حسيت بجسمي مرضىوض من اثر الهجوم ولمساته مثل الي تعرض لحادث سيارة
والغضب زاد عندي نهض من السرير بعد ما حطمني
ودخل للحمام
كمت واني جسمي كلة يرجف رحت البس الدشداشة باوعت لجسمي كان كلة اثار طبعات
جان اللون جداً متناقض وية بياض بشرتي
لبست ملابسي وطلع من الحمام وصار بوجهي
احس بروحي صرت عمية من الغضب والقهر
ما كدرت اسكت على هجومه وما ارد
هيام : انت بهاي سوايتك وياي اثبتت انت مو رجال
خسرت هيام وبسبب خذلانك الي وقسوتك وياي
راح يجي اليوم الي اعوفلك البيت واشرد
وما راح تلكاني
ما حسيت الا على راشدي قوي انطبع خدي
وطفرت الترجية من اذني
باوعت عليه وحطيت ايدي على خدي
جانت النار تطلع من عيونه
: لج عار شنو تهدديني
ما حسيت الا وهوة لازمني من زندي وسحبني وراه ونزلني الدرج بكل قوة صرت اتعثر بخطواتي هذا وين ماخذني
نزلنا وجان الكل كاعد بالصالة ما حسيت الا
وهو دافعني بالكاع يم رجلين بيبي خاجية
ضرغام وبكل غضب الدنيا
:هاج حجية اخذيها ربيها من جديد لا ارتكب بيها جريمة وابتلي بدمها
الحجية خاجية: يا يمة اسم الله شجاكم شصاير
ضرغام بصوت رج اركان البيت من الغضب
كلبي كام يدك من وراه
: حجية سمعي الخاتونة تهددني تترك البيت وتشرد
قسما بذات الله اذا ما انعدلت لا اكون دافنها على هاي حجايتها
باوعتلي الحجية خاجية: عزة العزاج وصخام الصخمج
خايبة شلون تحجين وية رجلج هيج

حليمة : هايمة ضرغام شفت شلون طلعت مثل امها كل حجاية والثانية تهدد تشرد من البيت
جا شعدالك بنت امها
انتبهت لضرغام : جدة علميها وفهميها مو ضرغام الي
تهددة مرة
ودار وجهة وطلع من البيت
حليمة: الله لا يوفقج بس شحجي وشكول بنت هناء ام المشاكل ما يجي من وراجن بس المصايب
سمعت صوت خالو راضي الغاضب : ولج حليمة
شلون تتجاوزين بالحجي على اختي المرحومة جا انا مو نبهت عليج ما تجيبين طاريها على السانج
انتبهت على خالو راضي لزم الحزام وهد على حليمة
جرها من ثوبها ودخلها عالغرفة
جسمي صار كلة يرجف ما سمعت بس عياط حليمة
والله خفت وصارت بيبي ترزل بية وتعاتبني وتلومني عالصار
اقتربت مني ريام وصعدتني على فوك
ريام: شنو الصاير
غمضت عيوني بالم
هيام: ريمة كافي ملامة اوخذيني لحضنج ما بية حيل بعد احجي شي

يوم ثاني وهو اخر يوم كان النا بهذا البيت
نزلت وشفت حليمة واكفة تحجي وية ضرغام يم باب
المطبخ وهو واكف وظهرة علية
سمعتة يحجي وية امه
ضرغام: يمة مو تنسين تحجين وية رنا
حليمة : اي يمة لاتشيل هم ما يجرالك الا طيب احجيلك وية رنا واذا تريد بعد حتى احجي وية فاضل حتى يطمن كلبك

ضرغام: الله يطمن كلبج يالغالية يالله انا طالع
تامرين على شي
حليمة : لايمة سلامتك
بدون ما يشوفني او يحس بوجودي
باوعتلي حليمة بتشفي
حليمة: خطية ضرغام جان يحجي وياي علمود رنا خطية شلون مشلوع كلبه سودة علية
الحمدلله هانت ما ظل شي والي ببالي يتحقق وافرح بأبني
لا لا مستحيل هاي شكاعد تحجي معقولة ضرغام
يجذب علية وهو يريد رنا زين ليش يجذب علية
ويكلي ما عندي شي وياها
كلامه وياي عن رنا عكس تصرفاته وياها
راح اتخبل
هيام: جذب ماكو هيج حجي وانتي دتحجين هيج لان تكرهيني
حليمة : وعنج لا صدكتي عليج وتغرب

صرت اتكلب ما اعرف شنو اسوي
المن اروح ما احس احد بهذا البيت راح يوكف لجانبي كلة الحق راح يصير لضرغام
صار وكت العصر وحليمة
لبست عبايتها وطلعت
وبعدها اجتي خالة حمدية هي وبنتها
حضرت عصاير ورحت اقدملهم لخالة وبنتها
وكعدت يمهة انتبهت عليها
كعدت تبسبس وية بيبي خاجية وخالة رحاب عرفت اكو موضوع خاص بينهن ما يردن اسمعه
كمت وطلعت من عندهن حتى ياخذن راحتهن
سمعت صوت نقالي دك عقدت حواجبي
رقم غريب جاوبت كان صوت بنية
كبل عرفته هذا الصوت مو غريب نفسه صوت رنا
رنا: الو هلو هيام
هيام: شكو ليش متصلة علية شنو سالفتج انتي وياي شنو تردين من عدنا
رنا: اتصلت عليج اريد احط النقط عالحروف
لان الامور وصلت حدها وبعد ما استحمل اشوف ضرغام يعاني وتعبان
شفت ان لازم واحد بينا يحجي وياج
اني وضرغام واحد يحب الثاني وانتي تعتبرين حجرة عثرة بطريقنا
وهو ما يكدر يطلكج لان جدتج فارضتج عليه وحضرتج ما عندج كرامة وتطلعين من حياته يعني كل هذا الي عرفتي عن ضرغام وما هز كرامتج وما عندج ذرة احساس
وفضلتي ان تتغاضين وتغلسين
هيام: ما اصدكج انتي وحدة جذابة وحقودة وتردين
ضرغام ومقهورة لان ما صار الج ما اتزوجح
رنا: حبيبتي ما يحتاج اني لو اريد ضرغام باشارة وحدة مني بسرعة يجيني يركض بس اني ما اريد وحدة تشاركني بي ولهذا السبب اني اتصلت عليج لان
ما اكدر اشوفة متحطم لان بعدي عنه جاي يعذبه
هيام: لاخر مرة اكولج انتي وحدة جذابة وتتمنين ضرغام
وهسة انتي تردين توكعين بيني وبين زوجي وعشم ابليس بالجنة اخليج تنفذين الي براسج
لان ماكو شي يثبت صحة اقوالج بس كلام واني مو غبية اصدك كلام وحدة مثلج مريضة
رنا: خلاص انتي جبتيها لنفسج تردين اثبات
لعد تعالي لمطعم ال............
وشوفي بعينج ضرغام طالع وياي وكاعدين اني وياه
سوية في نفس الوقت الي يستعار منج وما يطلع وياج
ولا يفكر يطلعج
سديت النقال منها واني جسمي كلة يرجف صرت
عمية من الغضب رحت بدون ما احد يحس علية
واخذت عباتي
وطلعت بالباب شفت السايق حمزة واكف متجي عالسيارة لان هو الي جاب حمدية لهنا
هيام: حمزةعفية اريدك بخدمة
حمزة: كولي ست
هيام: تندل مطعم ال(.....)
حمزة : اي اندله
هيام : عفية اخذني عليه بسرعة ما اريد احد يعرف
حمزة: صار ست
ركب بالسيارة وركبت ورة واني احس كلبي يريد يطلع
من صدري ما جنت افكر غير بشي واحد ضرغام ورنا احس بالعالم اتوقف من حولي
وكلشي اظلم صار
وصلنا للمطعم ونزلت بدون شعور اخذتني رجلية
لداخل المطعم
حسيت على حمزة دخل وراي للمطعم
لكن فجاءة اتوقفت مصدومة من الي شفته بعيوني
جانت رنا تبجي وضرغام كاعد وياها شفته
انطاها كلينكس تمسح دموعها
ابتسمتله وهو ردلها الابتسامة
رفعت نقالي واتصلت عليه
باوع للنقال ومارد على اتصالي
هنااااااااااا
افتهمت كلشي درت وحهي ورجعت
ما راح افاجئه بوجودي ولا راح احجي واصيح
لان بعد ما عاد للكلام والعتاب مكان بحياتي
واخذت القرار الي لا رجوع فيه
مثلما هو قرر يتحرك بالخفاء ويستغفلني
اني هم راح اعامله بالمثل
ر جعت للبيت
وطلبت من حمزة ان ما يجيب سيرة خروجي من البيت
لاي واحد
دخلت للبيت وسمعت بيبي تصيح وتغلط
وتلعن وتسب
شكو شصاير
دخلت صارت ريام بوجهي
ريام: هيام لحكي علية
وكع كلبي من الخوف: شكو احجي شبيج
ريام: لج عمة حمدية اجتي اليوم وخطيتني لابنها
وضرار سمعها تحجي وية بيبي خاجية واعترض
وكللهم انا وريام واحد يحب الثاني وانا اريد اتزوجها بس جنت انتظر صحتي تصير زينة يالله اخطبها
هيام : عزة وانتي شسويتي
ريام: رحت لبيبي وكتلها بيبي انا ما اريد اتزوج ضرار
اني احترمه واحبة مثل ابوية وحنانه هو الي خلاني اقترب منه بس صعبة علية اتزوج واحد مشوه
هيام شلون لحكيني والله اموت روحي وما اتزوج
هيام: وبيبي شكالت
ريام: لج هي بيبي حركت الدنيا على راسي وصارت تغلط وتسب بية وبتربية امي
((الحجية خاجية : شنو ولج تلعبين عالولد
وتعشمينة وبعدين تصيحين ما اريدة والله اطين عيشتج
ولجن شنو سالفتجن وحدة تهدد بذاك وتكلة اشرد واعوفلك البيت وانتي تلعبين عالولد وتصيحين ما اريده
شوفي ولج سمعيني زين
الباجر اخليهم يدزون عالشيخ واخليه يعقدلكم انتي وضرار واريد مرية تكسر حجايتي
كمت من عندها واني ابجي وخايفة منها ))
هيام يردون يعدموني بالحياة
فوك ما حابسيني وفوك ما بطلوني من دراستي
وهسة يردون يزوجوني شخص شكله مقزز
ترة اني مو ملاك
اني بنية شابة هم احلم حالي حال البنات اتزوج من شاب وسيم وعنده مواصفات ضرار مو هو هذا الشخص الي احلم بي صحيح حباب واخلاقه حلوة وحنون وشهم بس هاي الموصفات كلها ما تكفي لحتى اتزوجه
سمعنا حركة واحد ورانا التفتنا ما شفنا احد
هيام بصوت ناصي : تعالي صعدي فوك عندي حجي وياج
كانت مشكلة ريام القشة التي قسمت ظهر البعير
اتخذت القرار وحسمت امري
دخلنا للغرفة وسديت الباب
هيام: شوفي ريام سمعيني زين
احنا بعد ما عاد النا عيشة بهذا البيت الكل دار علينا وما
راضين يسمعونا ماكو غير حل واحد نشرد منهم
ريام: نشرد ليش اتصلي على عمو احمد مثلما اتفقنا
هيام: لا ريام الموضوع صار مو بس يهمج ويهمني اني هم
انتي تكدرين ترحين وبة عمو احمد فاني ما راح اكدر لان على ذمة ضرغام وهو ما راح يتركني اروح
ريام: وليش انتي ترحين شعندج
هيام: ريام هَـا سالفة طويلة ومو وقته احجيلج هسة احنا ما عندنا وقت رحت للكنتور وفتحته
وطلعت المستمسكات وذهبي وحطيتهم بعلاكة
وانطيتهم لريام
هيام: سمعيني زين وركزي وياي
هاي العلاكة تاخذيها وتنزليها وياج وتحطين مستمسكاتج بيها وكم قطعة ملابس مو هواي وتضمين العلاكة بمكان امن بالحديقة
فاهمة وبليل اتفقنا عالموعد و
ريام هزت راسها بخوف وارتباك وكأنما مجرد التخطيط للهروب كان بحد ذاته موقف مرعب
((((((((((((((()))))))))))))

صار الليل واني احس بالوقت صار يمشي بطيء
والتفكير والغضب والحقد على ضرغام دمر اعصابي اتصرفنا اني ريام بشكل طبيعي
وكتلها بعد لاتفتحين الموضوع وية بيبي
وسوي نفسج كدامها انتي استسلمتي امام للامر الواقع
ورحنا خلصنا يومنا نتصرف بشكل عادي
دخل خالو والولد وضرغام وياهم
باوع علية والابتسامة على وجهه وكأنه يملك العالم
يا برودك يا اخي شكد نذل يبتسم بوجهي عبالك
اني اهم شي بحياتها
ضرغام : هيام شبي وجهج اصفر شنو مريضة
باوعت عليه ورفعت حاجبي
وكأنه يهمه امري يا اخي كافي تمثيل وكلشي انكشف
على حقيقتة وبعد هاي الاشياء وسوالفه ما راح تعبر علية واصدكه مثل الغبية
هيام: لا ما بية شي تعبانة
عفتة وصعدت فوك قبله اتصرفت بغرفتي مثل كل يوم بدلت واتعطرت وسويت روحي نايمة
ورة ربع ساعة دخل للغرفة واتحرك بيها
نزع ملابسه
وبعدها حسيت عليه اتمدد عالسرير
همس : بطة
ما جاوبته وغمضت عيوني بألم اتذكرت هاي الكلمة دخيل الله اشكد مشتاقتلهة شعجب استخدم هاي الكلمة من دون الايام وكأنما يعرف هذا اخر يوم الي وياه
ضرغام : بطة نايمة عندي موضوع اريد اصارحج بي
عرفت انتي من شنو ضايجة
ما اتحركت ولا صدر مني اي نفس
مستحيل انتظره يفاتحني بخبر خطوبته من رنا
مستحيل
خلي يتزوجها لكن بعيد عني مو كدامي. ما اتحمل
حسيت عليه جر نفس عميق
ضرغام: خرب بطة وبن لحكتي تنامين
سحبني على حضنه وهمس بصوت ناصي وكأنما جان يحجي وية نفسه
: يالله ما علينا الباجر نحجي سوية
قربني عليه وحط راسي على صدره
وكعد يشم بشعري
جانت دكات كلبي تنبض كلش سريعة
اشكد حقدت عليه لان مو من حقه يملك الحق يدوسني ويخوني ويستغفلني استغل حٍٍِْــًبٌٍـــِٓېٍٓ اله وصار يعبث بحياتي ومشاعري بدون ما يشعر بالندم بتجاهي
ورة ثلاث ساعات
من الترقب
بديت اسحب نفسي على كيف من بين احضانه جان نايم وحاضني قوي عبالك يعرف بية راح اهرب منه
غمضت عيوني
ما اريد اتراجع ابد
اخذت نقالي وطلعت الشريحة القديمة من المجر
واخذ العلاكة مالت العبي وصرت امشي على كيف وكانت النية هي الهروب بعيدا عن اهل امي
وضرغام
(((((((((()))))))))
صحيت من بحر وعاصفة الذكريات على صوت
ريمة
ريام: هيام اتصلي عالبنات كليلهم بعد عشر دقايق ونوصل لكراج بغداد
اتصلت على لجين من شريحتي القديمة
حتى ينتظروني مثلما اتفقت وياها هي وريتا اول ما صعدت بالسيارة
اتصلت على عمو احمد ماكو يطلعلي الجهاز مغلق او ه
خارج منطقة التغطية
اضطريت الجيء للبنات وبلال
وشرحلتهلهم الموقف وهمة وعدوني يساعدوني
ما اكدر اروح لبيت عمو احمد قبل لا اتفق وياه
عالسرية واطلب منه يكتم مكان وجودي عنده
اخاف الكاهم سابقيني لعمو ويدورون علينا
وصلنا للكراج ونزلنا من السيارة
وكعدت اتنفس الهوى بغدادي حسيت ردت بية الروح
خانتني الدموع من سمعت صوت بلال صاح باسمي
اجوي البنات ركضو بتجاهي
واخذني بالاحضان وصرت ابجي مثل الطفلة الضايعة وتريد امها
بلال: ولج هاي شصاير بيج ولا انتي
والله صحت بأسمج واني شاك عبالي مو انتي
خرب
جنت ضعفانة حيل حقهم يستغربون بعدما ودعوني باخر مرة جنت مثل الفيل
هسة صرت زرزور
رفعت راسي واحس افترت بية الدنيا لزمتني لجين
اجيت اكللها اريد ماي بس فجاءة حسيت على الساني ثكل واسودت الدنيا بعيني
بعد فترك وعيت على روحي واني بالمستشفى
ريتا: شنو شبيج هيام خوفتينا والله كلبي كام يوجعني عليج
هيام: يمكن صار عندي هبوط بالضغط
لجين : اي الدكتورة جيكت ظغطج وكالت عندج هبوط
واجتي قبل شوية ممرضة اخذت عينة من الدم كالت نسوي عليه تحاليل
التفتت على بلال الي دخل ستوة للغرفة
بلال: هَـا بشرو شلون صارت
لجين: لا شوية احسن رد الدم بوجها
انتبهت عليه جان شايل بيدة علاكة
انطاهة لريتا
بلال: جبتلكم اكل خاف جوعانات
باوعت لريمة خطية جانت جوعانة بالطريق واشتريتلها كيكة وعصير ادري هذا ما يسد الجوعة
هيام: ريام كعدي اكلي وسويلي وياج لفة
حجيت هشكل حتى ما تستحي من البنات وبلال ادري بيها هي خجولة
بلال: وياج الي لفة
ريتا ولجين: واني همين سويلي
بعدين وحدة كرصت الثانية وضلينا نضحك على موقفهن
جنا متعودات اذا اثنين من عدنا نحجي نفس الكلام بنفس الوقت بسرعة وحدة تكرص الثانية هاي ثارت عادة عدنا حتى زوجها ما يطلع احلى من زوجي
غمضت عيوني واخذت نفس عميق
هيام: بلال اكدر اطلب منك طلب
بلال : طلبي هيومة ركبتي الج سدادة
هيام: تسلملي يا اخوي الي ما جابتة امي
اريدك تروح لبيت عمو احمد وتكله بنت اخوك بالمستشفى ومحتاجتك ضروري
وفعلا راح بلال
واني صرت احجي للبنات عن الي صار وهن ضلن بس صافنات على موقفي والي صار
وريام اتضحت عندها الرؤيا بعدما جانت تحس بالذنب بأتجاهي عبالها هي سبب هروبي من بيت خاجية
سمعنا صوت الباب اندك ودخل عمو احمد والقلق باين على وجهه
احمد: هاي شنو هيومة ريام شبيكم ليش انتو هنا وخوالكم وين عنكم شصاير
شرحت لعمو الموقف
احمد: عمو انتي غلطانة حتى لو كل هذا صار ما يصبر تشردين من بيت زوجج هذا موقفج يعتبر اكبر اهانة توجهة الزوجة لزوجها تدرين انتي هسة كسرتي بزوجح بهذا موقفج
هيام: عمو ما اكدر ابقى انتظره لحتى يكسرني بزواجه من رنا
وهو رافض يطلكني ويكلي تموتين وما اطلكج
اعرف ليش هشكل سوة لان واكفة بعينه الحجية خاجية وطلبها منه والشروط
لذلك عمو اني اضطريت اشرد منهم بروحي العزيزة
لان اذا ابقى يمهم احتمال يوصلك خبر وفاتي
اي اموت روحي ولا اخليه يتزوج علية
احمد: اسم الله عليج عمو وانا وين رحت عنج
هيام : عمو اني لجئت الك واريد اطالبك بالوعد الي وعدتني بيه بذاك اليوم بيت خالو راضي
((تتذكر من كلت عمو انا موجود وشوكت ما تحتاجوني تلكوني يمكم صحيح انا ما عندي امكانية خوالكم المادية بس عندي الامان ))
احمد: اي وبعدني على وعدي
هيام : عمو اماني يتحقق اذا سكتت وما خبرتهم على مكاني اذا اجوي وسألوك
لحمد: صار عمو الي ترديه يصير
ولو عمة لحد الان محد بين بس اتوقع ما يكدرون يوصلون الكم لان لحد اخر مرة همة عبالهم احنا بالموصل هيج افتهمت من كلام خالج راضي
وبوقتها عبالي غلط بالكلام يعني زلة السان ما منتبه
ريام: خالو انت تعرف بامي وابوي رفضو يخبرون
اي واحد عن مكان تواجدهم لدواعي امنية بوكتها ماما
جانت خايفة من اهلها اخاف يندلون مكانها
ويأذونها
بس رب ضارةً نافعة وعسى ان تكرهو شيئاً وهو خيراً لكم
قررنا اني وريام نبدي صفحة جديدة من حياتنا بعيدة عن ضرغام وضرار وتسلط خاجية وسم الحية حليمة
وضلال ماضي امي هناء
طلع عمو احمد هو وبلال حتى يكملون اجراء الخروج
علمود ياخذوني للبيت
ااااااااه يا بيت امي وابوي لذاك البيت ابو الحنان
الي بي كل ركن ذكرى وفرحة وحلم
انتبهت للممرضة دخلت علينا وبيدها ورقة التحاليل
ريتا: هَـا بشري شنو طلع بالتحليل
لجين: اني متأكدة هسة يطلع عندها فقر دم
الممرضة : اي صحيح المريضة عندها فقر دم وهذا
الشي طبيعي لان كل حامل تعاني من اثار فقر الدم ولازم تاخذ حبوب فلوك اسد ولازم تراجع اقرب مركز صحي على بيتها
باوعت علية
: انتي شي اكيد عندج دفتر صحي خاص بالمواجعة عند المركز
جانت تحجي واني وريتا ولجين وريام
فاتحين حلوكنا مصدومات من كلام الممرضة
شالت ابرة المغذي من ايدي وحطتلي قطنة ولاصق جروح
وطلعت من الغرفة
باوعت للبنات وهمست بصوت يرجف بي نبرة الخوف
بناااااات اني حامل

(((((((((((((()))))))))))))بالجانب الاخر
ضرغام في طريقه الى الموصل

دك نقالي وانا اسوق بغضب شفت ابوي يتصل
جاوبته وانا احس دين ما باقي براسي
ضرغام: الو هَـا يابة
راضي: ضرغام شلون تسافر وما تنطيني خبر جان عالاقل اجي وياك
ضرغام: بوية ما يحتاج اخذت وياي ضرار والحماية
ابقى بالبصرة بلكي تسمع خبر عنهن
راضي: ولك بوية ضرغام سوق على كيفك
لا تخلي بالي يضل يمك انت واخوك وكلشي وله حل
ضرغام احس كل شياطين العالم راكبة راسي
: وربك اذا اشوفها الا اخليها تبجي دم
ما اطلع انا ضرغام اذا ما اخليها تبوس الايدين وتتوسل الرحمة ماكو ابن ابوي
راضي: دير بالك من الطريق ترة الموصل طريقها وعر كل ساعة اتصلو علية وطمنوني عليكم
ضرغام: لا يظل بالك
بس كلي الحجية خاجية شلون صارت
راضي: جدتك نقلوها للانعاش حالتها تستدعي العناية المركزة
غمضت عيوني بقهر وغضب وضربت المقود بيدي
اااااااخ الله كون الزمهن

سحب نفس وهو يتوعد بداخله
انا الج هيام وين ترحين مني والله لو اعرف اخر يوم بحياتي اوصلج اوصلج

ضرار: ما يحتاج تتوعد الهن اثنينهن انت عليك بمهرتك وانا علية بريمتي
غمض عيونه شد ايده بقبضة
وهو يتذكر كلامها وية اختها سمعها شلون تحجي وية هيام ووانصدم بيها
يعني جان هذا كلامها كلة تمثيل وجذب
هين يريمة انا الضابط ضرار راضي وحدة زعطوطة تضحك علي

يتبع

الى هنا يا احبتي اختكم لكم
نهاية الجزء الاول

قصة (تائهة بين اروقة الماضي)
انتظروني مع احداث الجزء الثاني
لنرى ما يخبئه القدر لكلا الابطال
هيام وضرغام
🌷🌷🌷🌷🌷🌷🌷🌷
سوف يتم تنزيل الجزء الثاني ان شاء الله بعد شهر رمضان
واتمنى لكم ولكل المسلمين بشهر رمضان الخير والمحبة وان يعوده الله عليكم بالطاعة والخيرات

مع تحيات كاتبتكم المخلصة nuha-d-h