رواية تائهة بين اروقة الماضي الفصل السادس والعشرون 26 - بقلم الكاتبة نهى

مساء الورود المعطرة الى قرائي الاعزاء المثقفين
الواعين
قبل لا تقرون رساله هيام للقراء
بالنسبة لاعتراض البعض عن موعد تنزيل الجزء الثاني لقصة
تأئهة بين اروقة الماضي بعد شهر رمضان
حبيت اوضح الكم ان اني انسانة عندي التزامات مثلكم
الكل يعرف ان الامتحانات راح تصادف بشهر رمضان
واني عندي التزام بالثنين سواء من صيام شهر رمضان
او بالالتزام بالامتحانات ومن غير الالتزام العائلي
صدكوني يعز علية ارد طلبكم واشوفكم تطالبون بالتنزيل لكن الظروف حالت بيني وبينكم لتكملة القصة
واشكركم لسعة صدوركم معي
اختكم الكاتبة (نهى nuha-d-h)
للي حاب يقرء
الرسالة راح انزلها ايضا عالبيج الرسمي الخاص بالقصص مالتي 👇وبي راح يتم تنزيل الجزء الثاني من تائهة بين اروقة الماضي

الى اللقاء يا قرائي الاعزاء
نلتقي وايأكم في العيد ان شاء الله
واتمنى لكم صيام مقبول مقدما ويارب يعود عليكم
شهر رمضان بالخير 😘😘😘😘😘😘😘

والان اترككم مع رسالة هيام
((((((((((((((((()))))))))))
السلام عليكم
جميع القراء المتابعين مثلي اختنا الكاتبه المبدعة نهى
بعد ماشفت تعليقاتكم قسم مؤيدين وقسم
معترضين على الي سويته
حسيت عندي رغبة بتوضيح اسبابي صحيح اني ما ملزمة اقدملكم توضيح بس لان حسيت ست نهى دتواجه انتقاداتكم بدل عني
بالبدايه احب اكولكم ان كل واحد عنده وجهة نظره بالحياة ممكن ان هواية ناس تؤيدني ويمكن تسوي نفس تصرفي وممكن اكو هواية ضدي وماراح يسون الي سويته واني احترم وجهة نظركم بخصوص قصتي
لكن احب اوجه كلامي الى كل من اتهمني بالغباء او بالمبالغة والخ من الكلام الي يديني
طبعاً اني عاذرتكم حقكم تحجون بهاي الطريقة ولكن قبل لتتهموني بهاي الاتهامات لازم تخلون بتفكيركم ان طريقة ارتباطي ماكانت عاديه مثل اي بنيه يجي الشاب يتقدم ويجيب اهله وگرايبه لبيت اهلها ويطلبها ويتم كل شي حسب الاصول عكسي اني الي بالاساس كانت عندي عقدة من الي صار ويايه مع ابن عمي الي ربيت وياه وحبيته من صغري وامنت بي
جنت ما اتخيل نفسي اصير لغيره
بعدين فاجئني بزواجه من غيري تركني علمود المنصب والفلوس
هاي كانت اول كسرة بشخصيتي صرت ما عندي ثقة باحد
وفاة امي وابوي سحب مني الامان
يعني صرت بدون ظل يحميني
اكتسبت اسوء صفتين تحطم الشخص هي عدم الثقة وعدم الامان
وانتو قريتو مسيرة حياتنا وية
اهل امي صحيح كانو ويانا زينين بتعاملهم
لكن ظلت عيونهم تحجي بماضي امي وكل تصرف الهم اتجاهنا كان بحذر ومحسسينا
ان احنا مسجونات مالنا حق الكلام وابداء الراي او المشاركه بالحياة علينا واجبات بس مالنا حقوق حتى خاجية من انطتنا حقنا بورث امي مكلتلنا اي شي اني سمعت بالصدفه وخلته بيد ضرغام
منعو اختي تكمل دراستها وبنتهم كدام عينها تروح وترجع للكليه واختي تتحسر على مستقبلها
تزوجت من ضرغام وانتو عرفتو الاسباب
واتمسكت بضرغام لان الغركان يجلب بقشاية كنت محتاجة سند بالحياة بالاضافة الى اني حبيته وبشكل جنوني
اتزوجنا وكلت هذا هو اماني و سندي
لكن الظروف اتعاونت علية
من حليمة من رنا من تصرفات ضرغام
الغامضة
احب اجاوب الي تكول هروبكم مبالغ بي
ليش مو اي وحدة بيكم تزعل تروح لاهلها اني جنت محتاجه اروح ارجع لاهلي بس اضطريت اطلع بهاي الطريقه لان اعرف احنا يعاملونا مثل المساجين ممنوع نطلع اختي اذا مااخلصها راح يجيبون السيد ويعقدولها
حالها حالي حتى لو خابرت عمو احمد علمود يتلاحكلها يجي يلاكي الامور منتهيه مثل ماصار ويايه بس وقتها اني جنت احب ضرغام لكن اختي ممتقبلة ضرار
اما الي سأل ليش ما راحت حجت
لجدتها او خالتها او خالها
انتو شفتو مجرد كلمة حجيتها كانت عابرة
مثل اي متزوجة تحجي وية زوجها بساعة
الغضب والمشكلة
راح تكول عبارت اعوفلك البيت واطلع
عادي واي بنية بهيج لحظات تطلب الطلاق من تشوف زوجها عندة علاقة او تشك بي
بوقتها ما شفت اي واحد وكف وياي او كله ليش تمد ايدك عليها او هديء الموضوع بالعكس حليمة انتهزتها فرصة تسب على امي ..خاجية بهذلتني وراسا ذكرتني بأمي وطلعتني اني الغلطانه من دون متكلف حتى نفسها تعرف شصار بيناتنا ليش اني وصلت لهاي النقطه الي اكوله طلكني لو اعوفلك البيت واروح وكأنه ديعاقبون امي الي نكست راسهم بية وبأختي
هو تغير بين ليلة ويوم بدون ميبررلي اذا زعلان من شي تعال كولي اساله يكولي انتي تدورين حجج يروح لرنا ويكولي خالي مريض بعدين اعرف الخال مابي شي اساله ليش رحت يكذب يكولي خالي مريض من كلتله سالت ميس كالت خالك مابي شي كال اي خلص مادام سالتي وعرفتي
اني حسيت بنفسي مجرد جسد لضرغام يفرغ بي رغبات وخلص ولازم اني مااحجي ولااعترض حين الطلب اكون موجودة
اسألكم بالله اكو زوجة تشوف زوجها
يتغير بتعامله وياها في ليلة وضحاها
او بالاحرى تغيره الي اجة بوقت خبر خطوبة
رنا
هل راح تسكت وراح تصبر عليه وهي تشوفة
كبال عينها شلون كاعد يخطط لزواجه .. انتظر اشوفة يتزوج رنا
وخصوصا اني سمعتة بأذني يطلب من امه
تحجي وية رنا.وابوها
وكل امراءة عدها ردة فعل وخصوصا اني جنت اخذ دوة للهرمونات واعتقد الكل يعرف شكد يأثر على الاعصاب ويخلي الوحده عصبية والحمل الي مجنت اعرف بي زاد حالتي النفسية سوء
صحيح طريقة خروجي من بيت عيالي غلط
لكن مو عيب البنية تطلع زعلانة لبيت اهلها
لان اني ما رايحة لمكان موزين اني رايحه لبيت اهلي وعمي الي هو ولي امرنا بعد وفاة امي وابوية يمنا وفوك راسنا اني واختي
وطبعا وقتها ما جنت اعرف اني حامل
شفت ان لازم نعبر اني واختي النهر ما دامه ضيق
اني ما جاي ابررلكم موقفي لان هو صار بوقتها وانتهى واني اتخذت قرار ونفذته ماضريت بي احد
بس اني حبيت احجيلكم اسباب هروبي الي اني اشوفها اسباب مقنعة لحتى اطلع من حياة ضرغام قبل لا يحطمني
لان هو كان رافض الطلاق
اني ما طرحت القصة علمود تتهموني بالغباء والمبالغة لكن طرحتها علمود تستفادون
على فكرة قصتي بعدها منتهت واني كنت حابه اجاوبكم مباشرة بس هذا الشي راح يأثر على الجزء الثاني
رسالتي طويله اسفه .. شكرا على سعة صدوركم .. اختكم هيام
(((((((())))
بنات هاي الاغنية اهداء مني لهيام اشوفها تعبر عن
حياتها الي عاشتها بالجزء الاول

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

🌷🌷