رواية تائهة بين اروقة الماضي الفصل الثالث عشر 13 - بقلم الكاتبة نهى

البارت ١٣

تائهة بين اروقة الماضي
بقلم الكاتبة nuha-d-h

مساء الخير عليكم اعزائي
احب اسمع اراءكم انطباعاتكم عن قصتي واذا عجبكم البارت لتنسوني بالتصويت لان حابه اوصل وياكم وبيكم للمراتب الاولى طبعا الي يصوت بس الي عجبه البارت الي معجبه معذور اشكركم اختكم ... نهى
🌷🌷🌷🌷🌷🌷🌷🌷🌷

انتبهت على خالة رحاب دخلت ريام للبيت من باب الهول كان مفتوح مشيت وراهم ودخلت جان ضوة الشمس قوي برة عمة عيوني وما كدرت اشوف داخل
الهول بس اسمع اصوات السلام
صار عندي عمى وقتي من ورة الشمس والارتباك شكل عندي جمود وتردد
ضليت وواكفة بمكاني
ولثانيتين بدة نظري يرجع وصرت اميز الاشكال
انتبهت على بنات اثنين شابات وحدة مبين عمرها بالعشرينات والثانية عرفتها ميس مبينة بعمر ريام
كعدو يسلمون على ريام ويتحمدولها السلامة وسلمن على خالة رحاب
وباوعن بتجاهي اتقدمت عليهن بتردد
رحاب: تعالن ميس مها سلمن على بنت عمتكم هناء هاي هيام الجبيرة (الكبيرة)
ابتسمن ابتسامة ترحيب
واتقدمت مني مها الجبيرة
مها: ياهلا وسهلا ببنت عمتي الوردة هيومة
تعاي خلي ابوسج
اخذتني بالاحضان واني تلقائية باوستها
وسلمت عليها
وميس سوت مثل اختها
ميس: يمة صلوات عالنبي
شنو هذني بزازين (قطط)
ضحكت عالتشبيه
ميس: يبووو ونوب عندها غمازة من تضحك والله قلبي الصغير لا يتحمل يشوف هيج عسل صدقة لربج

رحاب: شلون بيج انتي تبقين جنج ولد اخوج ضرغام كم مرة منبه عليج تبطلين حركات الولد
ميس غمزتلي: عمة مو بيدي غصب عني
اتربيت ببيت كلة ولد واخواني كلهم وينة وينة ضرغام وضرار وضاري وعندج الحساب شنو تترجين مني اصير
شي اكيد اصير ولد لحتى اكدر اعيش بينهم
اطبق المثل كن ذئبا حتى لا تأكلك الذئاب
انتبهت على مرية بعمر عمة رحاب دخلت
وحجت على ميس
: هو انتي ما يحتاج تصيرين ذيب بس السانج كلش كافي يشرد شعب بحالة
رحاب : هيام ريمة سلمو على زوجة خالكم راضي ام ضرغام
باوعت عليها جانت تباوع النة بنضرات غريبة غير مرحبة كلها برود وبيها نوع من التكبر
اتقدمت منها وسلمت عليها وريمة سوت مثلي
ام ضرغام: يا هلة ببنات هناء
شلونجن
هيام : الحمد لله بخير
جنت كاعدة يم ريم والي جانت تفرك بيدها بتوتر
رحاب: كومن بنات تعالن دخلن جوة ترة البيت بيتكم
انتو مو خطار يالله حتى تسلمن على امي الحجية خلصت صلاة
انتبهت للساعة كان وقت صلاة
المفروض هسة نصلي
رحت كومت ريام من مكانها وسندتها من ايدها ومشيت وياهم لداخل البيت بس ما شاء الله تبارك الرحمن
كانت الفخامة والنزاكة تنطق بكل زاوية من البيت

دخلتنا خالة رحاب لغرفة نوم بيها سرير ابو النفر وكنتور وقنفة جانت لونها صاجي جان ترتيبها مبين راجعة لمرية جبيرة بالعمر
اول ما دخلت لداخل الغرفة شميت ريحة عطر مميز
عبالك داخلة لحضرة الامام نفس نوع العطور
جانت عيوني تباوع بكل مكان بالغرفة وتتفحص شبرشبر مو اعجابا بأثاث الغرفة لا
بس تهرباً من موقف لحظة اللقاء بالحجية خاجية
شفت خالو راضي كاعد يمها وضرغام متمدد على سريرها ماخذين راحتهم شكلهم متعودين
اول ما يدخلون للبيت يرحون لعندها

سمعت نبرة صوتها وعيوني انجذبت لمكان الصوت
حسيت للحظات اتوقف بية الزمن
جانت عيوني تباوع على مرية كبيرة بالعمر قوية البنية
جانت لابسة احرام الصلات الابيض
ولابسة جواه شيلة كعدت اتفحص بمعاني وجها
جانت اثار الكبر محتلة الوجه وصايرة عبالك مثل الارض الجافة المتفطرة
واكو دك اخضرمزرق على الحنج مبين عليها
القوة والوقار
همستلي خالة رحاب وكالت روحي سلمي على حبوبتج (الجدة )
وبوسي ايدها وراسها
اتقدمت مبين عليهم الكل يقدر ويحترم الحجية خاجية ويطالبون الكل بتقديم الاحترام والطاعة
اقتربت منها ونزلت كعدت كدامها بالكاع ومديت ايد ولزمت ايدها الترفة مليانة تجاعيد نزلت بستها ورفعت راسي وصار عيني بعينها رجف كلبي وشفايفي خانتني
كل الي التقيت بيهم من اهل امي ما اثرو بية الا الحجية
خاجية ما اعرف ليش خانتني مشاعري واهتز كلبي بشوفتها تأثرت كلش هواي بشوفتها
اتمنيت امي هنا بمكاني وتبوس ايد امها وتحقق حلمها
بس شكل الزمن ما يرجع والي انكسر ما يتصلح
همست : شلونج بيبي (جدتي)
الحجية خاجية: هلة بيج جدة انتي هيام ؟؟
سلمت علينا ببرود
رفعت نظرها وباوعت لريام اتقدمت تريد تسلم عليها
نزلت وباست ايد الحجية خاجية وهم بادلتها السلام ببرود مثلما سوت وياي
انتبهت لريام تعاني صعوبة بالحركة كامت من مكانها
وشهكت بألم ولزمت مكان عمليتها
ريام : ااااه يوم
اتقدمت عليها بخوف
سمعت همسة مفاجئة نطقت كلمات
الحجية خاجية : يمة اسم الله
كان مبين عليها حجت الكلمات سهواً
بدون ما تنتبه لنفسها
سمعتها صاحت لخالة رحاب
الحجية خاجية: ميس روحي اخذي بنات عمتج
خليهن يرتاحن بغرفتج
اخذتنا جنت لازمة ايد اختي اسندها
سمعتها تحجي وية رحاب بصوت ناصي
: رحاب شوفي بنات اختج اخاف جوعانات غديهن
رحاب: ما ينطيج كلبج مو بيدج
الحجية خاجية : ولي امشي من كدامي بلا حجي زايد
جانت غرفة ميس بالطابق الارضي قريبة على غرفة
الحجية خاجية
دخلنا
ميس: تفضلو هنا هاي غرفتي اخذن راحتجن
بيها واعتبروها مثل غرفتكم الكم الحرية المطلقة بالتصرف يعني عادي انطرد واخذ فراشي وانام برة
وانتو حتى تاخذون راحتكم لوحدكم
هيام: تسلمين ميوسة ماتقصرين
ميس: يالله اني طالعة وانتو اخذو راحتكم
نزعت العباية وساعدت ريام حتى تنزع الجبة ونومتها على السرير
ريام : شنو رأيج باهل ماما
هيام: بعدني ما اكدر احكم عليهم من اول لقاء
يعني خلي الايام هي الي تجاوبج
لزمت التشيرت مالت البجامة
: محتاجة ملابس خلي احجي وية خالو راضي
ياخذني للبيت اجيب غراضنا وملابسنا
ريام: اي عفية اريد اسبح احس بروحي عفنت
هيام : اني احس ملابسي تكلي نزعيني
فتحت جنطت ريام مالت المستشفى وطلعت الدوة
وحطيتة على ميز المرايا حتى اتذكرة
هيام : اتمنى اطلع اشوف البيت
ريام : تدرين ما انتبهت عليه
هيام : ان شاء الله من تتشافين
اخذج افرج بالبيت
ريام: ههههه صدك ضحكتيني هسة الي يسمعج
يكول ماخذتج للمنتزه
كعدت يم ريام
ريام : اني راح انام
هيام : اي نامي ومن يصير الغدة اكعدج حتى تاكلين وتاخذين علاجج
ظليت كاعدة لوحدي استحي اطلع من الغرفة
احس بروحي متقيدة
دخلت خالة رحاب : هيومة ليش كاعدة لوحدج تعالي
يمنة هناك
كمت ما اعرف البس عباية لو اطلع هشكل
جنت مترددة عمة تكدرين تكولين لخالو راضي
نحتاج ملابسنا الي بالبيت
رحاب: اي صدك هاي شلون فاتتني
اوكفي خلي اكلة
راحت وبقيت منتظرة بالغرفة ورة شوية ورجعت
رحاب : اخوي راضي يكول حضري روحج وضرغام ينتظرج بالسيارة حتى ياخذج للبيت
كمت لبست العباية عدل
على راسي بس شعري سرح يتزحلك ويطلع من جوة العباية غصب عني

رحت ورة خالة رحاب شفت ضرغام لازم السويج
(مفتاح السيارة ) وملتهي
يحجي بالنقال يروح ويرجع بالكراج
جان لابس نضارات شمسية وبالة ومركز وية النقال
راقبت حركاته وشكله
جان شايل اكتاف عريضة خلص الاتصال ورفع راسه
وباوعلي
ضرغام: هَـا جاهزة
هيام: اي جاهزة
جان يحجي بالنقال : حمزة تروح بوجهك لاقرب معرض اثاث وتشتري سرير ابو النفر و الفراش مالتة وياه اريدكم تنصبو بغرفة امي الحجية
اليوم فاهم ونهي الاتصال وباوع علية
ضرغام: بس عدلي العباية
هيام بتلقائية : والله هي تزلك من على راسي
فتحلي بابا السيارة وصعدت كدام
وصعد وكمل كلامه
ضرغام: اي طبعا تطيح من على راسج
لان حضرتج لابسة العباية بدون شال
هيام : ما اعرف البس الشال اصلا
اني مو محجبة
ضرغام: ادري بيج مو محجبة ومنا ورايح
تتعلمين تلبسين الحجاب ما عدنا بنات مفرعات
هيام: زين واذا اني ارفض البس حجاب
ضرغام: براحتج تنحبسين بالبيت وتحرم عليج الطلعة بباب البيت لان احنا معروفين هنا بالبصرة
وانتي محسوبة علينا حالج حال بناتنا
فاذا طلعتي وية بناتنا راح تجيبيلنا الحجاية
هاي وحدة ثنين يبقى الحجاب تاج وستر البنية
وخصوصا انتي
هيام : شمعنا اني
ضرغام : انتي شكلج ملفت للنظر وراح تتعرضين هواي للتحرشات اذا بقيتي هشكل
هيام: اني ما اهتم الهم واكدر ابعدهم عني
ضرغام: شكلج بعدج زعطوطة ومو واعية حتى تعرفين شنو معنى كلامي
ركن السيارة
ضرغام : يالله نزلي
وصلنا
نزل وفتحلي باب البيت
ضرغام : يالله حضري غراضكم وجنطكم وانا اوكف هنا بالباب انتظرج
بس استعجلي شوية لان عندي شغل
واريد اطلع
هيام : ليش تبقى واكف تنتظر برة
ترة عادي ادخل جوة للبيت انتظرني
انتبهت عليه غمض عيونة وجر نفس عميق يطلب الصبر
ضرغام: اللهم صبرج ياروح
بابا انتي شنو ماعندج عقل هذا الي براسج شنو

صفنت بوجهة هذا شبي هسة
هيام: شكو شصاير ترة محجيت شي غلط
او تجاوزت
ضرغام: ولج بابا شلون ترضين ادخل وياج بالبيت المفروض تمانعين وترفضين دخولي للبيت
هيام بغباء: ليش حضرتك جني
ضرغام : الظاهر انتي الواحد ما ينفع بتعامل وياج
بالحدود والاحترام تعاي افهمج
اقترب مني وهمس يم اذني
ضرغام: انا رجال وانتي مرية
ما يجوز نكون لوحدنا بمكان واحد
يعني الشيطان شاطر والظروف متهيئة ومناسبة
حتى اخذ راحتي وياج ووووووووووو
شهكت بصدمة وحطيت ايدي على حلكي
وابتعدت عنة وعيوني مفتوحة على وسعهن من كلامه
المايستحي
حسيت بخدودي صارو نار جمر
هيام: اااااا ضرغام ترة اني ما جان الي بيها قصد
مو تفهمني غلط
ضرغام : يالله ما صار شي بس منا ورايح
انتبهي لتصرفاتج محد راح يكول
عليج على نياتج وما تقصدين
يالله فوتي جوة واستعجلي
انا راح انتظرج بالسيارة
دخلت للبيت واني احس برجلية يرجفون رجل تضرب برجل
التفتت عليه شفتة بعدة واكف يباوع وراي
وبسرعة انتبه على روحة وراح ركب بالسيارة
صرت احضر بالملابس والجنط وعقلي وتفكيري يم الي كاعد برة بالسيارة

كان كلامه واسلوبه حريص علية
جان يخاف علية حتى من نفسه حسسني بقيمتي كانسانة
عكس نبراس الي كان ما يهتم لسمعتي
ولا عندة غيرة علية بهواي امور
صحيت على روحي
هاي شنو هيام شبيج اصحي شكاعد تسوين
ليش دتقارنين بين نبراس وضرغام
اوف اني شبية شكلي حرارة البصرة ضربت عقلي
وصار فيوز
خلصت وطلعت الجنط برة بالكراج ولبست عباتي عدل
وحطيت دبوس من يم الركبة وحكمتها
صار بس قرص وجهي طالع
طلعت بالباب وهو شافني ونزل
ضرغام: هَـا كملتي
هيام : اي خلصت وطلعت الجنط وقفلت باب المطبخ
جنت احجي وهو صافن بوجهي
رفعت حاجب وخليت ايدي كبال عيوني
هيام: ضرغام احجي وياك شبيك وين سرحت
ضرغام: احم هنا يمج بس عاشت ايدج خوش محكمة العابية اصلا زادتج جمال ااااااقصد زادتج وقار
راح عالجنط وحطهم ورة بالسيارة وركبنا
جان يسوق ويتصل
اباوع لذراعه جانت قوية ومبينة العروك منها
ايدة سمرة على حنطاوي.
مشيت نظري على طول ذراعة واقتربت من يم كتفه جان عندة وشم بكتفة
بس ما مبين بس اطراف من الوشم
صار عندي فضول اشوف شكل الوشم شلونة
انتبهت لروحي
هيام خير شبيج ثكلي عيب شبيج صايرة جريئة
لفت انتباهي كلمة الاهل

اي عفية عليك يالله مع السلامة
اباوع عليه النقال ما يوكع من ايدة وكل ساعة يجيه اتصال عندة نقالين يسد نقال يدك الثاني
التفت علية اسف عن الازعاج بس الواجب ينادي
هيام: لا عادي اخذ راحتك
رد عالاتصال وهو يسوق شكلة متعود يسوق ويحجي بالنقال
جان يحجي شوية وضحك بصوت عالي كمزت من مكاني الله يلعن بليسك ووكع كلبي خرب حتى وهو يضحك يخوف ادري شنو سالفتة
ضرغام: الحمد لله على سلامتك عمي شوكت رجعت من السفر ما ادري بيك والله
: لا اسم الله الله لا يكولها فال الله ولا فالك
بيمن طالبني تريد تزوجني

: ما اكلك منو خليها مفاجئة من تجي ببيتنا
وسد النقال
هيام : احلفك بعزاز كلبك مرة ثانية اذا تريد تضحك انطيني خبر حتى اسوي حسابي واربط حزام الامان
يا اخي هبط السكر من ورة الخرعة كول عدنا نساء واطفال وعجائز قلوبهم ضعيفة

التفت علية وابتسم على كلامي
ضرغام : تدرين منو جان يحجي وياي
هيام : منو هذا الي خلاك تضحك
ضرغام: هذا عمي مؤيد صادف سيارتي عابرة من يم
بيتهم وشافج وياي
وكال منو هاي الكمرة الي كاعدة وياك بالصدر
يكول خايب بس لا خاطب وما عدنا خبر

جان يحجي واني صافنة ببتسامتة
خرب هيج الابتسامة تكلب شكل الواحد
هزيت راسي حتى اطلع الافكار الغريبة الي نزلت على
راسي فرد نزلة شكلي اني الي لعب الشيطان بعقلي وراح اكعد انسى نفسي واغازل الولد
يمااااي هيام انجبي وكعدي عيب
استغفر الله يعني هاي اني الجبيرة وهشكل احجي شخليت للمراهقات
وصلنا للبيت ونزل الجنط وصرت اساعده
ودخلهم للكراج يم باب المطبخ
سمعت صوت امة
ام ضرغام: هَـا يمة ضرغومي وين رايح
ضرغام: يمة عندي شغل مستعجل
ام ضرغام: شنو هذا الشغل بعز الظهاري
اتجه لباب الشارع وفتحة
ضرغام: يمة عندي امانة يم ولد راح يجيبها من الميناء ولازم استلمها
ام ضرغام: چا يمة الامانة ما تنتظر تخليك تتغدة وتروح ورة الغدة
ضرغام: يالله يمة مع السلامة ما راح اتأخر
عودك ضميلي غدة
من ارجع اكل
سد الباب وراه واني ظالة مثل الخبلة واكفة اباوع عليه شلون يحجي وية امة
ام ضرغام: خير على شنو تباوعين
هيام: هااا لا جنت اباوع عالجنط شلون راح ادخلهن
وافكر وين اخليهم
اباوع عليها هزت ايدها
فوتي دخلي جوة وراح اخلي حمزة ينقلهم ويدخلهم للبيت
دخلت للبيت من باب المطبخ
ظليت اباوع شلون مطبخ يجنن كلة خشب ابيض
طراز ملكي جان الطباخ عليه مثل شكل المدخنة
وبداخله ساحبة
لو اوصف بي منا لباجر ما اوفيه حقة مايكرويف فرن
طباخ يبووووو يعني الواحد صدك يشتهي بس يطبخ ويتفنن
دخلت جوة وبيدي جنطة وحدة مالت الملابس الي راح نستخدمها اني ريام
فتحت الجنطة وطلعت ملابس الي ولريام كلت اسبحها واسبح اني وراها دخلت بغرفة ميس ما لكيت ريام
طلعت ادور بعيوني
مها: هَـا ياحلوة على شنو تدورين جنج بزونة
ابتسمتلها : ادور على ريام وين لان عفتها نايمة بغرفة ميس
مها: تعالي نقلناهة بغرفة بيبي
جابولها سرير وحطوه بغرفة بيبي
رحت دخلت وشفت ريام متمدد عالسرير
ومبين عليها سابحة من شعرها ولابسة ملابس جديدة
دشداشة تركية سبورت
والراحة مبينة على وجها
الحجية خاجية تعاي دخلي جوة شعندج واكفة بالباب
جنج عامود ضوة
ابتسمت عالتشبيه
ودخلت جوة دخلت خالة رحاب وبيدها صينية اكل
وحطتها يم ريام: يالله كومي وعدلي كعدتج
حتى تاكلين
سمعت صوت خشن مال رجال
دخل للبيت
: وينكم يا اهل الدار جوووووعاااان صبولي غدة
يماااااا
الحجية خاجية : وغمة لفى ضوري للبيت
هذا شوكت يعقل
دخل علينا شاب تقريبا بعمري شايل وسامة وطول ياخذ العقل
ضاري: زوجوني وانا اعقل
الحجية خاجية: شمالنا مزوجين واحد خبل
حتى ما تفضحنا بين الوادم
ضاري : شنو يا حلوة اشو جنج تغارين
خاف اتزوج وتاخذني منج
الحجية خاجية: خايب مالت عليك وعلى العوبة الي راح تتزوجها
ضاري: رجاءاً ما اسمحلج تحجين على زوجتي المستقبلية الي ما اعرفها منو هي اصلا بس هم ميخالف ديري بالج اسمع تحجين عليها اخاف تزعل عند اهلها وشي يخلصج مني
انتبهت على الحجية شالت العصة وضربتة برجلة
وهو طفر من يمها
ضاري: هَـا هَـا حجية خاجية بدينا الحرب
يعني انتي ما عندج سلاح غير هاي العصا
الي اقدم من سيف صلاح الدين الايبوي
جنت ابتسم على كلامه جان دمة خفيف ذكرني ببلال
اوووف والله اشتاقيت للبات ولبلال
التفت علينا
ضاري: هلة بهيومة بنت عمتي
نور البيت بيكم
الظاهر يعرف بقصتنا
هيام: شلون عرفتني اني هيام
ضاري: عمة رحاب كالت الدبدوبة هبام والضعيفة ريام
ما ينراد لها علم
هيام : هههههع
ضاري: خلي اعرفج بروحي
هيام: لا ما يحتاج تعرفني بيك انت ضاري المغوار
ضاري:ههههه عمي انتي والله تحفة
شكلنا راح نشكل ثنائي قوي لقصف الجبهات ونسوي عصابة
النصب والاحتيال
هيام: اتشرف اكون عضو من عصابة حضرتكم

كمنا وصار وقت الغدة
وصبو الاكل ورحنا كعدنا كلنا عالسفرة
جان خالو راضي والحجية خاجية والبنات مها
وجهالهة وميس وام ضرغام وضاري

كعدت بتردد
راضي: بوية هيام مدي ايدج واكلي لا تستحين هذا بيتكم واحنا اهلكم واتصرفي بهذا البيت حالج حال ميس ومها

هيام : اشكرك خالو ما تقصر
الحجية خاجية : اكول يمة حضرت الذبايح علمود سلامة ضرار خاف الباجر يطلعونة من المستشفى
راضي: اي يمة بدون ما توصين حضرتهم
ام ضرغام: اشو انتو كلكم هنا چا منو يم ضرار بالمستشفى
ضاري: عفت اولاد عمي يمة كتلهم بس اتغدة واجيب غدة وياي لضرار وارجعلهم
الحجية خاجية : ام ضرغام مو تنسين تتصلين عالبنات
والاولاد تعزمينهم كليلهم الحجية خاجية مسوية
ثواب والكل يحضره
ميس همست قريب علية : تقصد بالاولاد والبنات
عماتي وعمامي واولادهم وبناتهم
يعني الباجر حضري روحج للغزو المغولي

ابتسمت على كلامهة وبنفس الوقت زادت دگات گلبي
رفعت راسي وباوعت لنظرات ام ضرغام
جانت تباوع علية وما عاجبهة الوضع
ام ضرغام: اكول حجية
وبنات هناء وين نوديهن
اذا اجوي

يتبع