رواية تائهة بين اروقة الماضي الفصل الثامن والعشرون 28 - بقلم الكاتبة نهى

مساء الخير والاحساس والطيبة مساء لايليق الا باحبابنا المتابعين الغالين على قلوبنا

#تائهة_بين_اروقة_الماضي_ج2
#بقلم_الكاتبة_nuha-d-h
#بيج قصص الكاتبه nuha-d-h
🌷♣🌷♣🌷♣🌷♣🌷♣🌷♣
#بيج الكاتبة nuha-d-h
البارت الثاني
هيام
رجعت من المستشفى بعد ما شكلولي مغذي
لان جان عندي هبوط حاد بالضغط ونصحني الدكتور
ان اراجع عند طبيبة نسائية حتى تشرف على حالتي
وكال ما يحتاج تبقى بالمستشفى
ورة ساعتين كتبلي على خروج من المستشفى
انتبهت على نبراس الي ظل يحوم على راسي
وكل شوية يسألني
نبراس: شلون صرتي تحتاجين اصيح الدكتور
جنت اجاوبه ببرود مو كرهاً بي يبقى ابن عمي
بس وجوده حالياً بحياتي غلط وابد مو وكته احس أتجاهه فقط بالبرود وراح ابقى اعامله ببرود
حتى توصل الرسالة لحضرته علمود يلزم حدوده وياي
منا ورايح
ادري بي راح يشوف زعلي من زوجي فرصة لازم يستغلها
بيج قصص الكاتبه nuha-d-h
حتى يرجع علاقته وياي على امل ارجعله
اني اعرف نبراس كلش زين لان السنين علمتني شنو هو نبراس و انانيته الي تدفعه للحصول على كلشي يتمناه حتى لو كان على حساب الغير
ومن خلال نظراته عرفت ان بعدة يريدني وهذا الشي ضوجني
رجعنا للبيت وكعدت ام نبراس تعلم بريام عالعلاج شلون استخدمه
بيج قصص الكاتبه nuha-d-h
احمد: يلا بابا نبراس انت هم يالله ترجع لبيتك وراك دوام بالوزارة وعائلتك لوحدهم
نبراس: ما عليهم شي يمهم حماية
انا اليوم ابقى يم البنات هنا اخاف يحتاجون شي بيج قصص الكاتبه nuha-d-h
جان يحجي ويباوع علية
حجيت بصوت تعبان
: شنو نبراس خير وين كاعدين
ما يجوز تبات عدنا ترة هاي واكفة
شنو تريد يكولون علينا الناس
نبراس: شنو هيام شبيج ترة انا ابن عمج شنو نسيتيني بيج قصص الكاتبه nuha-d-h
هيام: واذا ابن عمي شنو يعني ترة انت مو صغير واعلمك الاصول
الك حدود لازم تحترمها وما تتعداها هسة فهمت لو يحتاج اوضح اكثر
بيج قصص الكاتبه nuha-d-h
انتبهت عليه صار نار من ردي هذا من كل عقله راح افرح بي
نبراس:ترة انا اقترحت هذا الاقتراح من باب ان انا جنت متعود دائما اجي عندكم شنو نسيتي ايامنا قبل من جنت اجي لعندكم
صفن بوجهي عبالك ديباوع على وحدة غريبة عليه رجع كمل كلامه
: هيام انتي هواي متغيرة وين راحت هيام الي جانت البسمة ما تفارك وجهها اذا شافت نبراس بيج قصص الكاتبه nuha-d-h
جنت گوة واكفة احجي وياه احس جسمي كله يرجف اكولك جان دخولك لبيتنا بوجود بابا الله يرحمه يعني ما حاجة اعيد بالكلام
احمد: كلك خير وبركة بابا نبراس
كلام هيام صحيح ما يجوز تبقى يمهم ولا يظل بالك عليهم احنا يمهم وكل ساعة اتصل بيهم واطمن عليها
غمضت عيوني بصبر جان مبين علية الحدية والنفرزة بصوتي وما ردت اخشن خاطر عمو خطية ميستاهل مو ذنبه ابنه نبراس
هسة هو منو العاتب عليه مسوي روحه ماما الحنونة براسي بيج قصص الكاتبه nuha-d-h
هيام : اشكرك عمو تعبتك وياي اني اترخص راح افوت جوة للغرفة اريد ارتاح
احمد: الله وياج عمو اخذي راحتج احنا هم راح نطلع
دخلت للغرفة وبدلت ملابسي واتمددت عالسرير
سمعتهم طلعو من البيت واسمع صوت نبراس يوصي ريام علية
(يا حنيتك يا اخي مو جنك جاي هواي متأخر
لحتى تصلح ما تكسر وتريد تلملم شظايا القلوب المبعثرة
بعد ما تركتها لسهام الزمن يشتت جميع اجزائها )
فعلا جنت اتمنى بس الزم الفراش
احس جسمي كلة يرجف وكلبي صار بي خفقان
شكل هذا الحمل راح يتفنن بتعذيبي بس الي يطمني
يكولون ان النساوة والدوخة تعتبر هاي من علامات تقدم صحة الجنين بس المشكلة تزامن نساوة الحمل مع خروجي من حياة ضرغام وخوفي وتوتري زاد تدهور صحتي بالزايد
مر عليه شعور الخوف على صحة الطفل شي عجيب فعلا الامومة غريزة تنزرع من اول منكتشف الحمل
لزمت بطني وغمضت عيوني واتذكرت ضرغام
بيوم تجي ايدة بالصدفة على بطني من يحضني
شلون يظل يتحسسها بكفه ويهمس بأذني
(( الله شوكت اشوف ابني يملي بطنج ويسويلج كرش وكبال عيني تمشين مثل البطة ))
شكد يحب الاطفال خصوصا من يجون اولاد اخته مها شلون يلعبهم ويعاملهم بحنية
جنت شكد انقهر عليه من اشوف بعيونه اللهفة للاطفال
يمكن هذا سبب اخر انضاف الى مخاوفي ان هو فكر بالزواج علمود يريد اطفال صحيح فترة زواجنا قصيرة لكن كلام امه حسسني عبالك اني عاقر ومايصير عندي اطفال
جريت حسرة عميقة
وينك ضرغام تعال شوف اتحقق الحلم لكن بدونك وانت مو وياي حتى فرحتي بالحمل مو كاملة
غمضت عيوني وصرت اتمنى
شكد حلو لو كانت حياتنا طبيعية شيصير لو انت متنازل وباعد رنا عن حياتنا بدل ما ظليت متمسك بيها
شيصير لو كنت بس اني بحياتك واكون بس اني الحبية الك وتصير ملكي ومحد يشاركني بيك
هَـا هيام بعدج تحبينه وتفكرين بي اي مو داسج وما سوالج اي حساب
ويريد يكسرج بوحدة ثانية يتزوجها و انتي مركونة عالرف
صفنت ورجعت الافكار السودة تحتل عقلي بالتفكير بيج قصص الكاتبة nuha-d-h
(ضرغام ورنا مناسبين لبعضهم
واني الشاذة الوحيدة بينهم
همة مشتركين بهواي اشياء تنجح علاقتهم
مستواهم الاجتماعي و تربيتهم عوائلهم كلها متوالمة
اما اني حياتي كلها عكس حياة ضرغام
حضنت بطني وغمضت عيوني وغركت بعالم الاحلام
الجميل الي من خلاله اكدر اصنع بي عالمي الخاص
واكدر احقق كل امنياتي بداخل احلامي
الحقيقة اني حلمي جداً بسيط اريد بيت انتمي له و اكون عائلة صغيرة تحضني وتخصني بيج الكاتبه nuha-d-h
وزوجي يحبني ويهتم بية واطفالي يصيحوني ماما ومالهم غنا عني ولو ابعد عنهم شوية يكعدون يسألون عني
(وين ماما )
اتمنى عندي مطبخ واكعد اطبخلهم بي واطفالي يمي
ونكعد سوية على سفرة وحدة واني اوكلهم بأيدي وضرغام يبتسملي ويكلي عاشت ايدج ام فلان
جريت حسرة
هي مجرد احلام بسيطة ويمكن البعض عنده عادية
لكن يا كبرها عندي اشوفها هواي علية و تحقيقها صعب بالنسبة لوحدة مثلي
جنت هسه غافية وكمزت من نومي على صوت الجرس
دخلت ريام علية للغرفة : هيام هذا الباب يندك منو اجانا ؟؟!!
هيام: لحظة انتظريني اجي وياج لا تفتحين الباب بيج قصص الكاتبه nuha-d-h
رحت وراها وصلت يم باب الشارع ووكفت وراه بدون ما تفتح اسمعها تسأل
ريام: منو بالباب
احمد: انا عمو ريمة فتحي الباب
عمو احمد شعنده جاي !!
اباوع عليها فتحتله الباب ودخل جوة للبيت وباوع علية جنت واكفة يم باب المطبخ
احمد: شنو السالفة عمو ظل بالنة عليكم اتصل عليج يطلعلي جهازج مغلق ردت اطمن على صحتج شلون صرتي اخذتي دواج لو بعدج
شكو نقالج وين ليش مغلق
هيام: والله ما ادري بنقالي بالله خلي اشوف وين حاطته بيج قصص الكاتبه nuha-d-h
دخلنا جوة وكعدنا ندور عليه اني وريام وكلبنا البيت عليه بس ما لكيناه
فجاءة اتذكرت
: عمو بس لا بالمستشفى ضاع
باوعت لريام الي هم جانت تريد تتذكر وين اخر مرة شافته
ريام: اي عفية اتذكرت بالمستشفى اخر مرة
شفته من اغمى عليج وكع يم رجل نبراس
هيام: عمو اتصلت على نقالي؟؟
احمد: اي عمو اتصلت عليه وطلعلي الجهاز مغلق
باوعت لريام
: استغفر الله جانت عايزة والتمت
يالله اشو هي حياتي كلها ضاعت من بين ايدية
هسة بقت عالنقال ما يضيع مني
احمد: يالله فدوة الج انا ان شاء الله اشتريلج نقال تدبرين بي اموركم لان ضروري حتى اطمن عليج انتي واختج
هيام: لا ما يحتاج ريام عندها نقال
ريام: لا هيام نقالي تركتة هناك بالبصرة عند بيت خالو
..........
ريام
سكتت وبداخلي اتمنى اكول لاختى
بيوم الي سافرنا لبغداد تركت كلشي يخص ضرار وكل هداياه تركتها خليتهم يم باب غرفته وكتبت له رسالة
وضحت بيها اعتذاري منه لفهمه الخاطيء لتصرفاتي
أتجاهه كتبتله ان صداقتنا وصحبتنا كانت بالنسبة الي اجمل شي حصل بحياتي لكن صعب علية اكمل صداقتي وياك لان الظاهر انت فهمت الامور بصورة خاطئة
والظاهر اني جرحتك بدون ما اقصد لذلك قررت اسافر لبيت عمو لحتى اجنبك الاحراج والمشاكل
وهاي الهدايا مالتك ما اكدر اخذهم ما اريدك تعتقد ان صداقتي وياك مبنية عالمصالح
اني حبيتك بالله كأب وصديق بس مع الاسف
ما مكتوب لهذا الشي الجميل ان يكتمل
كان لابد من الانسحاب والخروج من حياتكم تجنباً للمشاكل
لذلك راح اسافر واعيش عند عمو احمد كافي الي صار من مشاكل من وراي
..............
صحيت من تفكيري على كلام هيام

هيام: ما ادري بيج ناسيته عبالي جبتي وياج
احمد: يالله عادي مصار شي انا باجر اجيب نقال بيج قصص الكاتبة nuha-d-h
يالله عمو مو تنسين اخذي علاجج وبحيل الله باجر ام نبراس كالت تجي عليج تاخذج للرعاية الصحية تسجلج عندهم وتراجعين عند دكتورة نسائية
هيام: اشكرك عمو تسلم لي والله تعبناك ويانا
احمد: والله راح تزعليني منج بهذا كلامج ترة انا عمكم ومسؤل عنكم انتو من ريحة الغالي وهذا واجبي مو فضل
ريام: عمو طمني شلون صار گلبك
سمعت من نسرين كالت گلبك تعبان وتحتاج قسطرة بيج قصص الكاتبه nuha-d-h
احمد: اي والله عمو گلبي تعبان وينراد اسويها للقسطرة وارتاح
هيام: عفية عمو لا تهمل صحتك ربي يحفظك النا مالنا غيرك بعد عين بابا الله يرحمه
احمد: الله يرحمه بيج قصص الكاتبة nuha-d-h
عوفج مني هسة انا اخليج تاخذين راحتج
علمود باجر اجيج واكعد احجي وياج بموضوع زعلج وية زوجج
بس هسة مو وكتها روحي نامي شكلج تعبان مو مال واحد يحجي وياج بهيج موضوع مهم بيج قصص الكاتبه nuha-d-h
هيام: ان شاء الله عمو
دخلت للغرفة وكلبي صار كلة يرجف ما ادري ليش من جاب طاري زوجي كلبي انتفض
((((((بيج قصص الكاتبه nuha-d-h)))))
راضي: هَـا بوية ضرغام بشر شنو رحتو لبيت عمتها
ضرغام بخيبة امل : اي بوية رحنا لبيت عمتها وطلعت بايعة البيت ومسافرة صارلها مدة وما كدرنا نعرف مكان عمهم احمد وين
وراح اتخبل عقلي وكف من التفكير
ادري شنو الله انطاهم والله خذاهم مالهم اي اثر بيجد
راضي: وهسة شراح تسوي
ضرغام: يابة بعدنا جاي اندور وكلفنا جماعة ضرار الضباط يبقون يبحثون على اي خيط يوصلنا الهم بيج قصص الكاتبة nuha-d-h
المشكلة ان كتاب القيد مالتهم بعده موجود بالموصل لحد الان بس همة ماكو
راضي: جا بوية استعجلو بالرجعة لان الاخبار ما تطمن يكلك الموصل صاير بيها انقلاب عالحكومة
ومعارضة كلشي يصير جيب اخوك وتعال ونشوف شنو نسوي
ضرغام : حجي والله ما اوعدك بالرجعة ما اكدر ارجع وانا ما لاكيهم
خلينا بعد نبقى كم يوم بلكي نطيح على مكانهم
راضي: شوف ضرغام اذا ما ترجعون انا اجي لعندكم
وارجعكم بيدي
ضرغام : شالقضية حجي قابل احنا جهال ليش تلزمني من ايدي التوجعني تدري بيا ما راح اخليك تجي ورانا
راضي: انا هذا العندي انت مو كلت جماعة ضرار
موجودين وهمة مبلغين جميع الدوائر الحكومية اذا
يعرفون عنهم خبر راح يبلغوكم
: اي صحيح كلفناهم بهاي المهمة بس احنا هم ما معتمدين بس على جماعة ضرار احنا هم كاعد ندور عليهم
: اي دورتو عليهم وماكو لحد الان شلون بالله
تعيشون هناك لحد ما تلكاهم وتترك مصالحك وعملك متعلك بالبصرة
ضرغام : بوية والله اذا اقتضى الامر اعيش هنا بالموصل حتى الكاهة ابقى لحد ما اوكع على قرارهم
: خلاص هذا هو باجر انا يمكم ونشوف شلون ووين تصفى تاليها
: يابة انت ليش تعاند اي مو كلتلك ما علينا شي
: يا ما عليكم شي والامة مخبوصة خبص وساعة الساعة يسقطون الموصل كلشي ما مضمون بهاي الايام
غمضت عيوني ربي الهمني الصبر
: هذا هو يابة لا تشغل بالك ان شاء الله ننتظر جماعة ضرار بس يردولنا خبر نرجع
سديت النقال
ضرار: ها شنو قررت
ضرغام : هذا هو امرنا لله ما عندي غير حل وابوك واكف فوك راسي لازم نرجع للبصرة ماعدنا اختيارات ثانية ابوك قرر
يجي لعدنا وانت تدري بي ما يكول حجاية الا ينفذها وميتراجع عنها
بيج قصص الكاتبه nuha-d-h
جنت احجي وية ضرار واحس گلبي يتكطع ما جاي اتخيل نفسي ارجع خالي الوفاض وما لاكيها
عندي اعصار بگلبي مكنون بنص روحي كله موجه لهيام
اتمنى الزمها اتمنى اخنكها اتمنى اعاقبها على هجرها الي وتركي وراها مثل الغبي
بيج قصص الكاتبه nuha-d-h
احس گلبي ينزف بدون دم ينزف الم
مطعون بس مو بسجين لا مطعون بهجرها وغدرها
ضرار: شنو باشا وين صرت احجي وياك وانت ولا على بالك
ضرغام: ضرار انت شلون عرفت البنات مسافرات لعند عمهم احمد
ضرار: مو انت من كعدت من النوم وافتقدت وجود هيام وكعدت تدور عليها بالبيت والكل كعد على صياحك طلعت من غرفتي ولكيت علاكة يم باب غرفتي تعثرت بيها فتحتها وشفت بيها كل الاشياء الي هديتها لريام ومن ضمنهم النقال مرجعته وشفت وية الغراض ورقة فتحتها كانت رسالة تاركتها الي ريام بيج قصص الكاتبه nuha-d-h
جانت تعتذر بيها على سوء الفهم ووضحتلي بيها ان هي جانت تحب اهتمامي بيها وتشوفني بمحبتي وحناني أتجاهة كأب وختمت الرسالة ان هي راح تنسحب من حياتي وتروح تسافر لعمها احمد ومنها عرفت ان هي وهيام سافرو لبيت عمهم
بس الي مو كادر يدخل دماغي هيام ليش شردت وية اختها بالله الست ريام افتهمنا ما تريد ترتبط بواحد يشبه الوحش ومشوه مثل حلاتي بس هيام ليش هجرتك وشردت
شنو الموضوع الجبير الي خلاها تسوي هيج وياك صحيح البيوت اسرار بس يا خوي الموضوع ما ينسكت عنه
ضرغام : انا مثلك هم كاعد اراجع بعقلي كل المواقف بيني وبينها ما جاي اشوف شي يستدعي هروبها مني
ما اكدر اقتنع شردت علمود اختها يعني تخرب بيتها علمود اختها مستحيل
التفتت على ضرار وباوعت عليه بتسائل
ضرغام: اي تعال صدك انت مو كلتلي ذاك اليوم من بيج قصص الكاتبه nuha-d-h
شفتك تسولف وية ريام وسألتك عن علاقتكم
وكلتلي انت تحبها وناوي تتزوجها بس مو هسة
كلت اسوي عملية تجميل يالله اتقدملها
زين اني الي اعرفة عمليتك دكتورالتجميل كال ورة سنة يالله اكدر اسوي علمية تجميل لوجهك بالاول لازم تطيب الحروق والجروح زين شنو غير رأيك وطلبتها للزواج من جدتي خاجية قبل العملية
بيج قصص الكاتبه nuha-d-h
ضرار: مو سمعت بعمتك حمدية اجتي للبيت وطلبت ريام لابنها الحيوان طارق انا سمعت كلامها وانا اتخبلت وكلت للحجية جدة انا رايد ريام وهي الي واحنا واحد يحب الثاني
انا هذا الي اعرفة من ريام اي لان من كلتلها احبج
هي ما حجت شي وسكتت كلت هاي خجلانة وتستحي تجاوبني والسكوت علامة الرضا واخوك الغافل صار من يومها مثل المحبس بيدها
لو تطلب روحي انطيها الهة بدون ما اتردد ولا لحضة من كدما حبيتها وعشقتها صرت كل يوم اغفى على صورتها كبال عيني وانا اجر حسرات واكول شوكت يجمعنا مكان واحد واخذها لحضني صرت احس بشعور المراهق الي ما حسيتة ولا مريت بي من قبل
يبقى الليل كلة سهران علمود ينتظر شوفة محبوبه بيج قصص الكاتبه nuha-d-h
ولك ضرغام والله اذا اكلك صرت مثل المخبل
ادخل لغرفة ميس اختي واخذ شال ريام الي اخر واحد تكون لابسته بدون ما يحسون علية
واخذة وياي لغرفتي ونام على ريحتة
صرت عبالك مدمن وفعلا انا ادمنت عطرها ضحكتها برائتها لمعة عيونها صرت احسب للاجازة يوم يوم حتى انزل واشوفها جنت اضوج وانقهر اذا اشوف امي
تحجي عليها احس عبالك تحجي علية
واكعد ادافع عنها كبال امي وادري بأمي تزعل اذا واحد يدافع عن بنات هناء كدامها بس مو بيدي غصب عني
اضعف من اشوف نظرة الحزن بعيونها
بس تالي هذا كلة يطلع وهم وانا غبي وهي جانت مستغفلتني والمستفادة الوحيدة من هذا كله بيج قصص الكاتبه nuha-d-h

ضرغام
اباوع على اخوي ما اعرف اي واحد بينا جرحه اعمق الزوج المهجور لو الحبيب المطعون
ضرغام: عالاقل هي ذكرتك برسالة وبررت موقفها
الا هيام شنو عذرها وهي حتى ماكلفت نفسها تفهمني موقفها
نمت وانا الافكار تتعارك بداخل راسي ومضى يومين
بيج قصص الكاتبه nuha-d-h
واحنا بين بحث وسؤال وانتظار اي خبر يرشدنا عنهم وما بقى مكان يعتب علينا ما دورنا بي بس مع الاسف كلشي ماكو

جنت اسوق بطريق الرجعة للبصرة
واتمنى الطريق يطول ولا اواجه الناس الي راح يسألوني عنها وين اختفت مرتك وشلون عافتك وليش
ااااااااااخ جم ااااااخ بعد تتحمل يگلبي
ضربت المقود بقبضة ايدي وصحت بصوت كله قهر وغضب
ولج من الله ياخذج يهياااااام
بيج قصص الكاتبه nuha-d-h
((((((((((())))))))))
هيام

جنت كاعدة كدام عمو احمد ونبراس الي اجوي قبل شوية حتى يتطمنون علينا اني وريام وجايبين وياهم مسواك النة للبيت
نبراس: هيام هذا مسواك الكم واي شي تحتاجينه كولي انا موجود لا تخلين بنفسج شي
باوعت عليه : اشكرك نبراس بس هاي اول واخر مرة اسمحلك او لعمو مع احترامي لعمو بيج قصص الكاتبه nuha-d-h
ان تصرفون علينا اني وريام
نبراس: ليش هيام تحجين هشكل ترة ابوي عمكم وانا ابن عمكم يعني منو الي يصرف عليكم
هيام: محد يصرف علينا احنا نصرف على نفسنا والحمدلله ربي شايل حمالتنا
اشكر حرصك علينا بس انا افضل واريحلي ان نعتمد على نفسنا بالمصرف لتنسى عدنا تقاعد بابا وماما وراح ندبر امورنا بيها
جنت احجي واني حتى ما اعرف التقاعد هل يا ترى يكفينا لو لا بس حتى لو ما يكفي هم ما اريد نبراس بيج قصص الكاتبه nuha-d-h
يكون صاحب فضل علية لو اموت ما اخليه يصرف علينا اني اعرف كلش زين عمو احمد ما يكدر يصرف علينا لان هو بنفسه معتمد على نبراس بالمصرف
نبراس بغضب: انتي شكد عنودية وراسج يابس
اريد اعرف انتي ليش هشكل دائما تحاولين تبعديني عنج
هيام : اني ما احاول ابعدك عني لان انت بالاصل بعيد
واشوف من حقي اعتمد على نفسي واحنا كبار ونكدر ندبر امورنا
باوعت لعمو احمد
: عمو صحيح كلامي لو غلطانة
احمد: عمو صحيح كلامج وما بي اي غلط بس خطية هو هم مثل اخوج ويخاف عليج ويعتبرج حالج حال نسرين اخته
نبراس بغيظ : لا انا مو مثل اخوها انا ابن عمها واكو هواي فرق
جان يحجي ويباوع علية عبالك بريد يوصلي رسالة بيج قصص الكاتبه nuha-d-h
هيام: شفت عمو هسة عرفت اني ليش رفضت افضال نبراس علينا لان هو ما يباوعلي كأخت وهذا الشي كلش كافي يخليني ارسم حدود اله لان اني مرية متزوجة
مو معناها اني جاية زعلانة هنا يشوفني متوفرة لحتى يدخل حياتي ويقترب مني
احمد: على طاري زوجج
انا اليوم جاي الج بخصوص هذا الموضوع واهل زوجج الي همة بيت خوالج
طبعا انا طول هاي المدة تركتج براحتج لحتى ترتاحين لان انتي جنتي مريضة وما بيج حيل حتى تحجين واليوم اجيت اريد افتهم منج الموضوع وشنو الي خلاج تطلعين زعلانة من بيت خالج وحضن زوجج صحيح انتي حجيتيلي بشكل مختصر عن السالفة بذاك اليوم بالمستشفى بس هسة اريدج تفهميني الموضوع لحتى نحط النقط عالحروف بيج قصص الكاتبه nuha-d-h
باوعت لعمو واتمنيت كون نبراس مو هنا حتى احجي لعمو براحتي عن كلشي بس هذا كاعد متربص
احمد: عمو لا تستحين مني احجيلي كلشي حتى اكون على بينة من احجي وية بيت خالج راضي
انمغصت بطني من ذكر اسمهم
اتشجعت بعدما سمعت كلام عمو وحجيتله كلشي صار يخصني ويخص ريام وختمتها ان اني تركت ضرغام لان يريد يتزوج علية بنت خاله واني ما كدرت اتحمل يجيب علية زوجة ثانية لذلك ريام واني اتخذنا القرار ان نتركلهم البيت ونجي لبغداد هنا لبيت ابونا وطالبين الامان من عمنا
احمد : ان شاء الله اذا الله قدرني ما اقصر وياكم بيج قصص الكاتبه nuha-d-h
بس عمو طريقة خروجكم من بيت خالكم غلط
ولازم واحد بينا ينطيهم خبر بوجودكم عندي
ومو بس هشكل لازم همين يعرفون بيج حامل
هذا الشي ما ينسكت عليه لازم واحد بينا يروح يفهمهم
ولو همة خوالج ما يستاهلون الواحد يسويلهم حساب
لان همة ما يعرفون بالاصول
دنكت ما حجيت شي
احمد: ترك انا بعدني حيل ضايج منهم وبعدني شايل بخاطري عليهم بيوم زوجوج لابنهم وما كلفو نفسهم ينطوني علم ولا اخذوا رأيي بالموضوع كان المفروض من عندهم يجون ويطلبون ايدج مني
بيج قصص الكاتبه nuha-d-h
ولا نوب فوك هذا كلة يردون يغصبون ريام علمود تتزوج ابنهم وهم بدون علمي
بس رغم هذا كله انا قررت ما اعاملهم بالمثل لان هذا الشي ما راجع بس الي هذا القرار راجع لحياة ومصير طفل بينج وبين زوجج فلازم يعرفون بوجوده
هيام: يعني شنو افتهم من كلامك راح ترجعني الهم
نبراس: خو ماكو شي سالمين وين كاعدين يرجعج الهم
بيج قصص الكاتبه nuha-d-h
شنو قابل طالعة من زرف الحايط ما عندج اهل لو ما عندج ظهر
شنو الي يخليج متحملة كل هاي الذلة والاهانة
صدكي انتي بس اشري وانا اطلكج منة غيابي
احمد: لحظة بابا نبراس لتستعجل خليني احجي ماكو شي ينحل بالعناد والطلاق و لتنسى ترة بنت عمك حامل وعندها طفل من زوجها مو مال واحد يتصرف بتسرع
التفت علية وكمل كلامه
بيج قصص الكاتبه nuha-d-h
: لا عمو هيومة مو ترجعين الهم بس انا لازم اوصللهم خبر حملج ووجودكم عندي هسة شي اكيد همة مخبوصين عليكم انتي واختج لان الظاهر الجماعة لحد هذا يومج همة يعتقدون احنا ساكنين بالموصل
والدليل ان همة لحد الان ما اجوي يدكون بابي ويطالبون بيكم وهذا الشي مو من طبعهم ما ياخذون بحقهم اهل امج واعرفهم كلش زين ناس ما ينامون ليلهم وعندهم حق ماخوذ
بيج قصص الكاتبه nuha-d-h
هيام: لعد شنو راح تسوي واني نقال ما عندي حتى تتواصل وياهم وما حافظة اي رقم ونقالك القديم ضاع لاتكول راح تسافر الهم وانت وگلبك تعبان
نبراس: لا محد يروح شنو همة منو قابل واحنا ننزل نفسنا الهم ونروح الهم للبصرة
لا يابة انا من رأيي ان تدز عليهم واحد يبلغهم بيج قصص الكاتبه nuha-d-h
احمد.. اي هم صدك نشوفلنا واحد يدبرلنا رقم نقال الحجي راضي
نبراس .. وهذا الواحد انا راح ادبره الكم عندي صاحبي من سكنة اهل البصرة وصارله فترة نازل مجاز لبيتهم بالبصرة وبعد يومين يرجع يداوم
هسة اتصل عليه وانطيك اياه وانت فهمة يروح لبيت خال البنات واشرحله شنو تريد توصللهم بالضبط
احمد: اي والله عفية عليك حتى لو بس يدبرلنا رقم نقال خالهاوانا احجي وياه وافهمه
نبراس: لا بابا لا تكبر راسهم صدكني اسمع كلامي وارسللهم صديقي وهو من النوع سبع وفطن بيج قصص الكاتبه nuha -d-h
اخاف همة ناوين عالبنات بنية ويردون يأذونهم من بعد الصار فخلي احسن شي يروح يجس نبضهم
ويوصللهم الرسالة اذا حجو وياه بأحترام وعاملوه بتأني
معناها بيهم مجال تكدر تحجي وياهم
هيام: يعني شنو عمو راح تتفاهم وياهم
احمد: عمو لا تاكلين هم
انا لازم اكعد وية ضرغام واحجي وياه وافهمه ان انتي وراج ظهر واهل
واخذلج بحقج منة واخلي يحرم يعتب باب بيت خاله بيج قصص الكاتبه nuha-d-h
نبراس: لعد خلاص راح اتصل على صديقي رافد حتى تحجي وياه وتفهمه شنو يكول لبيت خال البنات

اتصل نبراس على صديقه رافد وانطاه لعمو احمد حتى يفهمة
احمد: هلة بيك وليدي رافد طبعاً نبراس فهمك وكلك
انا بشنو اريدك
ولو اسوي عليك زحمة اريدك توصلي رسالة لبيت واحد عرف من قرابتنا
شوف عمو رافد اسمعني زين اريدك توصل كلامي بالحرف الواحد تبلغهم ان البنات وصلن لبيت عمهن احمد
بيج قصص الكاتبه nuha-d-h
وتنطيهم رقم نقالي حتى يتصلون علية وكللهم ضروري بنطوك رقم نقال الحجي راضي حتى اتفاهم وياه
واذا شفتهم معندين كللهم ترة بنتكم حامل ولازم نتواصل وهمة راح يفتهمون
جنت اسمع كل كلمة وكل حرف يطلع من عمو واسجله بدماغي مثل النسخ من كد ما جنت مركزة وياه
التوتر والارتباك قضى على اعصابي
انهى الاتصال بعدما وصف للولد مكان وعنوان بيت خالو راضي بالبصرة
رجع النقال لنبراس
احمد: هذا هو فهمتة شنو اريد وهو مبين ولد فطن بيج قصص الكاتبه nuha-d-h
وراح يكدر يجيبلي رقم نقال راضي
انتبهت على نبراس كام من مكانه
نبراس: يالله عن اذنكم انا اترخص عندي شغل مهم ولازم اروح
احمد: اخذ راحتك ابني بس دير بالك على حالك ولا تتأخر بالرجعة لبيتك ترة زوجتك اتصلت علية وسألتني عنك
نبراس بأنزعاج: ادري شكو متصلة عليك
مو عندي نقال وتتصل علية وتشوف انا وين لو هي بس تدور مشاكل
بس هاي تبقى مريضة وتظل تراقبني خليها تولي
يالله انا رايح
التفت علية
: هيام اذا تحتاجين اي شي لا يردج السانج ادري بيج كرامتج تمنعج تطلبين من نبراس لو على كص ركبتج
بس انا اكلج عوفي الكرامة على صفحة ولجيئلي اذا شفتي نفسج محتاجة سند صدكيني ما راح تلكين احد حريص عليج بكدي بيج قصص الكاتبه nuha-d-h
كمل كلامه وطلع حتى ما انتظرني اجاوبه لان يعرف بية جوابي ما راح يعجبه
((((((((((((())))))))))
نبراس
رفعت النقال وانا الافكار براسي صارت تاخذني وتجيبني اتصلت على صديقي
.. الو هلا رافد شوف اسمعني زين
كل الكلام الي سمعته من ابوي تلغيه
وانا شنو راح اكلك توصلله الهم بالحرف الواحد

يتبع