طائر العنقاء الفصل العشرون 20 - بقلم جنون كاتبة

قصة # طائر العنقاء
......
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة # هدى سامي
........
(✍️🦋نحن لا ندري أيّ أرض وأيّ قلب .وأيّ قرار هو الخير لنا 💚💐 لكننا نؤمن أن الخير فيما اختاره الله لنا فرب الخير لا يأتي إلا بخير 🦋💚)

حطيت عطر رحت كعدت عل جربايه ميته خجل وخوف شو مقداد تاخر؟

اكيد ضل بالكم صهيب سواله شي لا لتخافون صهيب من النوع العاقل الي يفكر بعقله الي مينجرف وره مشاعره دائما يفكر بالمنطق جنت متاكده مراح يسوي شي وراح يتقبل زواجي لان اني ويا التجاه المعاكس

لمى كالت سافر لشمال من الفجر طالع الصراحه حسيت براحه من سمعت رايح حته منبقه نتعذب
فتح الباب مقداد ودخل طفه الضوه بقه اناره خافته اجه تقرب مني باس شفايفي بقوه غمضت عيوني نزلني عل جربايه صار فوكايه كام يبوس بيه يتنفس بقوه يمه كلبي مدري وكف مدري طلع من مكانه يدك اسرع من اسرع شي ع وجه الارض صارت العلاقه الحميمه بينه باس جبيني اخذ العلامه وراح عله اهله شويه وسمعت الهلاهل اخذت ملابس ورحت سبحت طلعت لابسه ثوب قصير بتعلاكه دخلت الغرفه نشفت شعري وتعطرت لبست جادر الصلى وكفت اصلي دخل شايل صينيه حطها راح للكنتور اخذ ملابس وراح يسبح كملت صلى كعدت اقره قرأن بعد شويه اجه ينشف بشعره

مقداد : تعاي حبيبتي نتعشه

لميس : قفلت المصحف حطيته مكانه اجيت كعدت خجلانه ضحك كال
مقداد : راح تبقين بهذا الجادر

لميس :هزيت راسي من اكمل انزعه

مقداد : لا شو اله هسه تنزعي خل اشوف نعمت الله ليش ضامتها حته تنفتح نفسي هههههه

لميس : جره ونزعني الجادر ضل يضحك عليه جيف خجلانه كملنه عشه اخذت الصينيه للمطبخ حطيت القوري عل نار بين ماغسلت المواعين صبيت جاي شربنه مددت عل جربايه ميته نعاس طفه الضوه مقداد اجه رفع الغطه تقرب اخذني بحضنه غفينه ثنينه من التعب بعد فتره كعدت عله بوساته فتحت بنعاس بيش الساعه
مقداد : ساعه سبعه

لميس : عوفني خل انام ساعتين نوب حته من اكعد اروح لااهلك اليوم اول يوم الي

مقداد : اعوفج شنو مو كافي عايفج طول اليل ترتاحين وروحه لاهلي انسي لا اهلي ولا غيرهم مطلعين الباب لحد مااشبع

لميس : زين اذا اجانه احد

مقداد : والله اليجي اله اطرده ههه

لميس : هههه مو عيب

مقداد : لعد اليجي عله عرسان ميعرف العيب ميكول بعدهم عرسان لازم مااشغلهم ههههه

لميس : عله شنو يشغلنه هههه كال

مقداد : هسه اكلج عله شنو يشغلنه هههههه

لميس : جرني جوى وصارت العلاقه الحميمه بينه بالحيله بعد ساعتين يله عافني رحت سبحت لبست دشداشه قصيره كيمونه رحت سويت ريوك رجعت حته اكعد مقداد جان بعده نايم ندهته حبيبي كوم حته نتريك فتح عيونه كايم يروحي ميت جوع اخذ ملابس راح سبح اجه كعدنه تريكنه رجعنه للغرفه نبدل ملابسنه حته نروح عله اهله لبست دشداشه كشمير مشجره مقداد مقبل احط مكياج هوايه حطيت خفيف كال هنا بيتج شتردين سوين سوي بس هناك لا حته الدشداشه هو قترح عليه البسها حترمت رغبته لفيت الشال لبست الرداء باوع بحب كال هسه تمام لزم ايدي جان لابس دشداشة بيضه طلعنه قفلنه ابواب بيتنه وطلعنه

ندارينه عله بيت عيالي تلكتنه عمتي بالهلاهل مقداد باس ايدها وراسها ورجع عله ابو اني هم بوستها وبست ايد عمي كالو الله يرضه عليج بنتي اخذتني تبارك لغرفتها ستلمتني دك سوالف هذا صجمني بالعرس وهذا بصبصلي ههههه نسوان حموين سون الغده بيوتهن مثل بيتنه بصف بيت عيالي نجمعنه كلنه تغدينه وشربنه جاي بعد الغده ردنه نرجع البيتنه عمتي كالت ماتسوه رايحين ساعتين وجايين هاي غرفتكم جاهزه ادخلو رتاحو بيها

الكل راح يرتاح حمويني رجعو لبيوتهم تبارك لغرفتها عمي وعمتي بغرفتهم احنه بغرفتنه نزع الدشداشه مقداد فتح الكنتور لبس تراك كتله هاي شنو عندك ملابس هنا كال

مقداد : اي شلون لعد ملابس حتياط

لميس : زين واني شلون غير تكول حته اجيب وياي خاف احتاج

مقداد : اذا حتاجيتي اخذي من تبارك تعاي خل اكلج شي ههههه

لميس : انسه ههههه ماكو ثوب نوم جرني كال انعل ابو ثوب نوم شسوين بي اوكف يمعود ميجاوب بس صار اشمر ملابسي بفلس هههههههه بعد العلاقه الحميمه حضني ونمنه للعصر

كعدت طلعت من حضنه لبست ملابسي عفته نايم رحت عله تبارك اخذت منها ملابس رحت سبحت رجعت للغرفه كعدت مقداد راح سبح كعدنه بالحديقه للمغرب سويت عشه ويه تبارك تعشينه ورجعنه لبيتنه اجوي حمويني يسالون مقداد عله قضيه بالقانون جبتلهم ضيافه جاي وكرزات وببسي عفتهم يتناقشون رحت اخذت ملابس سبحت رجعت لبست ثوب نوم ستن لونه احمر بتعلاكه حيل قصير رفعت شعري بكبايه عاليه نزلت شوية زلوف عله ركبتي حطيت مرطبات وعطر شغلت التلفزيون درته عله مسلسل تركي مددت عل جربايه اباوع عل تلفزيون اخذت موبايلي من الميز فتحته دخلت عل مدونه كتبت

(الى زوجي وشريك حياتي♥️🧿💍
الحمدُلله آنّي خُلِقتُ مِن ضِلعك وأنَّك خُلقْت مِن قَلبي ❤
رُزِقتُ بك سَندًا تميلُ الدُنيا وانت لا تميلُ ❤️
آستودع اللّه قلبي وقلبَك والحُب آلذي بينناا ♥️
بداية لحكاية سعيدة 💑)

راسا اجاني شعارين احزنني من صهيب 😔وقلب من مقداد ♥️

نهالت التعليقات من زملائي ومتابعين المدونه بس اكثر تعليق فرحني تعليك مقداد كتب
(هَنيئاً لروُحي بِك💙
دمت لي زوجه وصديقه وحبيبه 💜
فلـ نكن سنداً لبعض إن ملت اليك كنت سندي وإن ملتي لي كنت لك عزوتك ووطنك لنكن لبعضنآ ولأجل بعضنآ أبدا لاينتهي❤️
حصنتك بالذي عقدني بك وجعلني حلالك 😌💍ممتناا للصدفة التي وضعتك بأعمق نقطة من روحي 💑)
‏
‏حبيت تعليقه ياربي ديم السعاده عليه ياربي اكفينه شر الناس والزمن شلون علق وهو ملتهي ويه اخوانه سمعت اصواتهم قلت يجوز راحو شويه ودخل مقداد بتسم من شافني اجه كعد بصفي اخذني بحضنه كتله

لميس : شلون شفت النشور وعلقت وانته ملتهي ويه اخوانك كال

مقداد : اجاني اشعار
اني من متابعين الصفحه حته قبل مننخطب
لميس : همممم

مقداد : من غير هممم تنكرطين نوب همممم تعاي جرني جوى مرت سبوع بالنهار نقضي بيت عيالي وباليل بيتنه اليوم السبعه مالتي جنه نايمين مقداد حاضني ونايم احاول اطلع من حضنه ميرضه يحضني اكثر اله كتله اهلك واهلي هسه يجون خل اكوم اتحضر
،،،
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة هدى سامي
،،،،،،
اكتبولي رايكم وتعليقاتكم الحلوه وكلامكم الي ينطيني طاقه ويرفع معنوياتي
،،،ولتنسون التصويت ⭐⭐⭐