طائر العنقاء الفصل الحادي والعشرون 21 - بقلم جنون كاتبة

قصة # طائر العنقاء
.....
علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
......
الكاتبة # هدى سامي
...

(❤️أنا أتعافى منك ،
بل أنا أحاول أن أتعافى منك ،
لا تقلق ،الالم هو هو ،والشوق والحنين ،لا شيء تغير ،هو الوقت
ما احتاح اليه ،الكثير من الوقت ،،)

لميس : اهلك واهلي عله جيه حته يباركونه
كمت رحت سبحت لبست تراك برموده وتيشيرت كيمونه رجعت للغرفه نشفت شعري رفعته كبايه عاليه حطيت عطر رحت اكعده جان نايم كعدت بصفه ندهته حبيبي اكعد كوم اسبح بين ما اجهز الريوك حجه بتعب

مقداد : عوفيني نايم شويه نوب تعبان

لميس : حبيبي ميصير ماضل وقت الناس عله جيه فتح عيونه بتسم
مقداد : بوسيني حته اكوم
لميس : يعني اله رشوه
مقداد : بوسي تره ارجع انام

لميس : قربت عليه بسته من شفايفه يله كوم بستك

مقداد : هيه هاي بوسه تعاي اعلمج شلون تبوسين هههههه

لميس : لزمني من خصري جرني اكلني ماباسيني ههههه
كوه طلعت نفسي من جوى نهزمت للمطبخ ركض عفته ميت ضحك ههههه رحت سويت ريوك

دخل سبح سويت بيض وقيمر وعسل وجاي جهزته عل ميز الطعام بالمطبخ تريكنه رحنه نجهز نفسنه اول شي سرحت شعري عفته مفتوح بس شلت خصلتين من كدام رجعتهن وره بدلت لبست قفطان لونه ابيض حطيت مكياج ورسمت عيوني بالايلاينر ومقداد لبس دشداشه بيضه وساعه والموبايل طلعنه نخبل سمعنه الباب ندكت راح مقداد فتحها اول وحده اجتي تبارك تهلهل وتهز اجتي بوستني كعدنه سوالف لحد ساعه ١١ اجوي عيالي كلهم بعد شويه اجوي اهلي شكد مشتاقتلهم جنت كل يوم اخابرهم بس مو مثل من اشوفهم ركضت لحضن بابا حضني
____
_بنيتي الغاليه شلونج
_من شفتكم صرت زينه حضنت
_ماما باستني تشم بيه بعد روحي مشتاقتلج كتلها

لميس : أني اكثر مشتاقه

مهيمن : دعوفنه حصه

لميس : ركضت حضنته اخر وحده لمى شايله ابنها عيونها مدمعه اخذته منها حضنتها بوستني شتاقيتلج يروحي كتلها مو بكدي دخلنه كعدنه بالستقبال اخذتني ماما ولمى لغرفتي يريدن يطمنن عليه كتلهن كله تمام مقداد زين وياي ويحبني واهله خوش ناس حسيتهن رتاحن اخذت ابن لمى اكلته
____
طلعنه رجعنه كعدنه يمهم صارت ساعه ١٢ صبينه غده عيالي جانو جايبين غده جداري دولمه ومركة باميه وبرياني وجايبين اكل سفري من المطعم صبينه الغده اني ونسوان حمويني وتبارك حته لمى عافت ابنها يم ماما وكامت ويانه مدينه السفره لتمينه كلنه خلصنه غده نقلنه المواعين تعاونه وغسلناهن اني ونسوان حمويني وتبارك سوت جاي ودتلهم خلصنه المواعين عزلنه المطبخ اخذنه فواكه وببسي وكرزات ضيافه كامله ورحنه قدمنالهم ماما وعمتي كاعدات يسولفن وبابا وعمي يسولفون ومهيمن يحجي ويه مقداد وحمويني اخذت البنات ورحنه بغرفتي سوالف وضحك تقريبا ساعتين اجتي ماما كالت راح نروح طلعنه كلنه دربناهم للباب حضني بابا
_باوع لمقداد دير بالك عله بنتي رد عليه
مقداد : بعيوني اخليها والله

ماما : معزومين يمنه باجر عل عشه

مقداد : انشاء الله

لميس : راحو اهلي ودعناهم الله وياهم قفل الباب مقداد دخلنه البيت كعد بالستقبال يتفرج عل تلفزيون دخلت اخذت ملابس رحت سبحت طلعت نشفت شعري رفعت الغطه مددت ميته تعب بعدني مغافيه اجه مقداد غير ملابسه طفه الضوه رفع الغطه حضني وغطينه بالنوم
____
ثاني يوم تغدينه يم عيالي رجعنه للبيت نمنه ساعتين وكعدنه نجهز نفسنه حته نروح لااهلي لبست فستان نيلي وشال ابيض حذاء كعب وجنطتي مقداد جان لابس قميص ابيض وبنطرون اسود تقرب ناحيتي وحضني كال
____
مقداد : نرجع بعد العشه منبات

لميس : لاشعدنه بايتين نتعشه ونجي حجيت ويه نفسي ماريد اشوف صهيب...

قفلنه البيت صعدنه بالسياره رحنه بيت اهلي مو بعيد عن بيتنه شارعين بينه وصلنه نزلنه الباب مفتوح دخلت مقداد قفل السياره دك الباب ودخل شفت ماما بالمطبخ ركضت حضنتها طلع بابا سلم عله مقداد دخلو بالستقبال بوستني ماما رحنه سلمت عله مقداد اجه مهيمن يفرك بعيونه جان نايم سلم بعد شويه اجتي لمى وابنها اخذتها منها رحنه بغرفتي كتلها
‏
‏لميس : شكد مشتاقه لبيتنه ولغرفتي
‏
‏لمى : مكانج فارغ لوما اخاف عله ماما ضل تبجي عليج وضغطها يرتفع جان ولا جيت
‏
‏لميس : اي عفيه ديري بالج عله ماما واذا عليه اني مو بعيده شوكت متشتاقن خابرني لو تعالن عليه هزت راسها بتعب كتلها شبيج لمى شو وجهج اصفر دخلت ماما كالت باركيلها حامل الغبره
‏
‏لمى : اهوو ياماما اريد بنيه بالكت اجيب بنيه
‏
‏لميس : عزه بعينج ذاك اليوم جبتي ابنج بعده زغير
‏
‏ماما : كوليليها تزعل مني من لمتها
‏
‏لمى : اوووف
‏
‏لميس : لزعلين احنه علمود مصلحتج بس ماما اللوم والحجي بعد ميفيد مبروك حبيبتي
‏
‏لمى : الله يبارك بيج
‏
‏لميس : ديري بالج عله نفسج
‏
‏لمى : يوما الج

لميس : انشاء الله بس بعد وقت عليه خل اخلص هاي السنه واتخرج والله كريم

ماما : شدسوين تاخذين مانع لو شنو

لميس : لامانع ولا شي ذابتها عله الله

لمى : بس هسه تحملين

لميس : هزيت راسي ماعرف

ماما : عوفيها عله ربج واذا صار هذا زرق لاعتراض عله امر ربج اذا عله دوامج تكدرين تاجلين سنه
_____
يله كومن خل نصب عشه

لميس : رحنه صبينه عشه بابا جان جايب كباب وسمج مشوي وماما مسويه مقلوبه مدينه السفره لتمينه تعشينه نقلنه المواعين لمى غسلتهن اني سويت جاي اخذته قدمتلهم خالتي وزوجها اجوي سلمو كعدنه نسولف جان يدخل صهيب
_____
شافنه رجع خطوه وره يمكن مجان يدري بينه هنا راد يرجع بس دخل بعد ميرهم يرجع
____
وكفنه حته نسلم عليه سلم عله مقداد عاقد وجهه مديت ايدي سالمته عصر ايدي بقوه حسيت اصابعي طكطكن شلونج بت خالتي باوعت تقابلت نضراتنه كميت العتب الي شفتها بعيونه هزت نياط كلبي جريت ايدي
_الحمد لله انته شلونك

كال بخييير حسيتها يريد ينفجر كعد مقابيلنه جنت كاعده بصف مقداد الكل ندمج بالكلام حته اني شغلت نفسي ويه لمى اله هوه صافن عليه يلومني بنضرته عبالك مسويه جريمه كميت العتب والحزن الشفتهن بعيونه كطعت نياط كلبي

ندهت مقداد يله حبيبي خل نروح ذكرت صهيب بس كلتها بعد راسا كام صهيب طلع نقهرت عليه مقداد كال يله كمت جهزت نفسي بوست اهلي ورجعنه للبيت سبحنه ونمنه ثاني يوم بيت عيالي بعد الغده

تبارك : الدوام مضله شي شوكت نروح لسوك نشتري ملابس

ليمس : كتله لمقداد كال يومين وياخذنه عنده شغله يخلصها ويودينه

تبارك : واخيرا راح يبدء الدام شتاقيت لجامعه لزملائنه

لميس : اي والله ملل.....
والدوم رغم القرايه وضغط المتحانات بس جنه متونسين

تبارك : بالضبط .....
وج لميس راح اخلص جامعه واني مجايبتلي عريس ههههه

لميس : رايحه درسين لو تزوجيه ههههههه..؟

تبارك : الثنين هههههه ....

لميس : لتخافين اذا ملكيتي عريس اخذج لخويه مهيمن

تبارك : موافقه هههههههه

لميس : بعد يومين اخذنه مقداد للمول شترينه ملابس وتجهيزات كامله لدوام بعد كم يوم بلشنه دوام
____
كل زملائي باركولي.....
صهيب ياخذنه محاضرات يحاول يجاهلني واني كذالك بس من تتقابل نضراتنه نياط كلبي تهتز من كميت العتب الي بعيونه
____
مرت الايام والشهور خايفه من هذا الهدوء حاسه الهدوء ماقبل العاصفه حياتي سلسه وسعيده بس ليش متملكني هذا الشعور
_____

علقو عل فقرات ولتنسون التصويت ⭐⭐
شاركو القصه حبايبي دزوها لأصدقائكم حته تكبر عائلتنه ولتنسون التصويت ⭐⭐
........
الكاتبة # هدى سامي
،،،،،،
اريد اشوف تعليقاتكم الحلوه وتفاعلكم ولتنسون التصويت ⭐⭐⭐⭐