الكاتبة #ام النون
شدن : نزلت بديت اسوي بالعشة و فكري يمة
شبيج شدن ....بديتي تحبي و تريدي لج اصبري حتى السنة مال محمود بعدهة ....
اووف و شنو قابل شمسوية هو زوجي ..هم حرام علية هيجي اعذبة و افكر بزوجي الاول
بس هو اخو و احنة بنفس البيت هذا المدمرني
تعبت ...تعبت من التفكير هسة صرنة بشهر الخامس ....
و الله يا محمود مناسيتك ...و راح اتظل بقلبي و انت ابو ابني ...بس اخوك اخذ قلبي و روحي بحنيتة طلعني من المأساة الي عشت بيهة ورة معفتني
فجأةةحسيت احط حاوطني من خصري
عزام : هاااا شبيج
شدن : تعبت من هذا الامتحان..الي رب العالمين ديختبرني بي
عزام : ميخالف ..كلشي يهون اهم شي مضوجين ...شوشوة شنو رأيج باجر اروح للمستشفى لان عندي عملية و عكبة نروح للنجف
شدن : صدك ...اي عفية عزام اريد ازور و اروح للمقبرة ..
زين و موسى شلون خاف يبهذلنة
عزام : لا ...و اصلا وصل لعمر لازم نزورة ..صح اتشوفيني بعيد عن الدين بس لازم هاي الامور نسويهة
شدن :ليش بعيد اشو اصلي،و اتساعد فقرة و تخاف الله و بكلشي ذاكر الله
عزام : اي صلاتي بين يوم ويوم هههههه
شدن : حرامات عزام هي 5دقايق ليش،تنساهة
عزام : حاضر بعد ما انساهة ...هسة هاهية نروح نزور عكبة
شدن : اي و هسة اكول لخالة و همسة
همسة:وصلنة للبيت و لكيت سرمد حارك الدنيا بتلفونات دكيت عليه رفضني
سرمد :دكت همسة رفضتهة و رجعت دكيت عليهة الوووو وينج ؟
همسة : جنت طالعة وية عزام و زوجتة للخياطة
سرمد: ظل بالي عليج .. شلونج ؟اكيد عندج شي تريدين اتكصري
همسة : ههههه الي و لامي و لام موسى
سرمد : مشتاقلج ..اريد اشوفج همسة احبج
همسة : سرمد ...شكلت
سرمد : اي احبج و اريدج بالحلال بس انتي تعرفين احنة حالتنة متوسطة
همسة : و شعلية بحالتكم ..ترة اني ما افكر هيجي .سرمد ترة لتتوقع احنة كاعدين على ذهب بحيث هذا الشي مخوفك
سرمد : و ليش ادكولين خايف ؟
همسة : لان من حجيك دائما اتحط المادة بنص...اني بعد كم يوم اذا الله راد يطلع تعيني بجامعة لان الاول سافر للخارج فتصير الي درجتة و بصراحة هم اتحكرت بيهة
و انت موظف و ندبر عيشتنة و كلشي يجي هو ورزقة سوة
سرمد :يعني اذا اتقدم توافقين
همسة : و ليش الكي احسن منك ؟
سرمد : عوفج من تلكين ..تحبيني مثل ما احبج
همسة : لوما احبك مجان طلعت من الحفلة حتى تشوفني
سرمد : سمعت طبة يمهم ...هاي شنو الصوت انفجار ؟
همسة :لا هاي المحولة ...خطية شكد صبرت صارلهة هواية مطاكة هيجي طكة
سرمد : هههه و الله يا همسة مجوزين من سوالفج ...هسة شوكت تروحين للجامعة ؟
همسة : يمكن اسبوع الجاي الثلاثاء
سرمد : يصير اجي اشوفج لو اسببلج احراج ؟
همسة : بكيفك
سرمد : رونق راح تجي لو لا؟
همسة : اني كلتلهة و كالت حسب وقتهة
سرمد : يلة حبيبتي اني اروح لان ديصوحوني،
همسة : اوكي ...حبيبي اخذ راحتك
سرمد :احلى شي سمعتة بحياتي
همسة : يلة روح مو ديصوحوك
سرمد : ههههه بيباي
همسة :بيباي
اتمدت بالفراش ميتة من الفرح ...همزين حجاهة
ظليت ادعي الله يسهل امرنة و هو صديق الولد و يعرفوا ان شاء الله متصير مشاكل
عزام : نزلت هموسة ...اليوم الضحكة بوجهة ؟ها مخابروج من الجامعة
همسة : كالو الثلاثاء الاسبوع الجاي اروحلهم
شدن : ان شاء الله ...الله يفتحهة بوجهج
همسة : اني راح اسوي الزلاطة و حمص بطحينة
مصطفى : كان يوم كلش متعب ...خلص،الدوام دنطلع ..رجعونة احنة الولد بسبب مسؤل يريد يسحب فلوسة و ظلينة لليل لان صارت مشاكل ...صعدت السيارة و رجعت للبيت
مروة : ظل بالي عليه خابرتة ...الو ها حبيبي،رجعت ؟
مصطفى : اي حياتي اني بسيارة هسة لعبوا خلقة بينة بس هاهية شنسوي هذا رزقنة بعد
مروة : الله يساعدك و يكون بعونك
مصطفى : اريد بس ارجع احط لكمة بحلكي،متت من الجوع
مروة:سودة علية ..
مصطفى : اي وصلت صرت مثل الجهال اريد عمية هههه
مروة : يلة حبيبي اتعشة و ارتاح و بعدين نتخابر
همسة : شدن اجة مصطفى حطي الربطة على راسج
مصطفى : جوعان ....اريد اكل
الاهل : هههههههه
ام اسماعيل : حبيبي شكو اشو متأخر؟
مصطفى:مسؤول سحب فلوسة و صارت هوسة
ابو اسماعيل : ميشبعون بالحكومي فلوس . بالاهلي فلوس
همسة :يلة عيني خلص الاكل ..خلي،نتعشة
عزام : اتعشينةو كملنة و لموا البنات المواعين و حجيت وياهم
عكب باجر عدكم شغل ..ارتباطات؟
الاهل : لا
عزام : اريد نروح و ناخذ شدن و موسى للنجف نزور الامام و نروح للمقبرة
الاهل :اي كلنة نروح
ام اسماعيل : بديت ابجي ...شكد ما احاول اصير قوية ذكر محمود مثل الجرح الي ينفتح بقلبي
شدن : باوعت على خالة ...و كمت حضنتهة كافي خالة هو شهيد ترة اني متقوية بيج لتخليني اضعف ورة مقويت بيج و بعزام
ام اسماعيل : مو بيدي يمة هذا ابني تسع اشهر بطني،متت ليحد مكبرتة وراهة الميخافون الله يقتلوا غدر ...اوف يا ابو ريحة الطيبة هم التراب الفوكاك اخذ ريحتك
عزام : كافي بجي مو هيجي تأذوا كافي سحبت شدن من امي،و حضنتهة و ابوية حضن امي
ابو اسماعيل : كافي يا ام ولدي هذا قضاء و قدر . اريدج قوية اذا اتظلين هيجي،ما اخذج
ام اسماعيل : لا فدوة اخذني،
عزام : حضنتهة هدأت ...ها صرتي احسن ؟
شدن : الله ليحرمني منك
عزام : يلة امشي اصعدي ارتاحي
شدن : رحنة صعدنة للغرفة لعبنة موسى و رضعتة
عزام : يلة ما دام نام ارتاحي
شدن :اي....اتمدت و غطاني و باسني،من كصتي و خدي،و طلع
عزام : تصبحين على خير
رحت للغرفة و اتمدت و طلعت صورة اني،و محمود بيهة
اوووف يا اخوية مشتاقلك ..ليش،حرمونة من بعض ..
ظليت اسولف وية الصورة و ابجي كتلة شكد حبيت شدن و شكد متعبتني لان عايشة على ذكراك كل ما اكول لانت من تذكرك ابعد لان هي هم تتعب
نمت و صار الصبح رحت للمستشفى مكعدتهة اتسويلي الريوك لان حسيتهة تعبانة
و جانت احلى مفاجأة الي طلعي ايفاد للبنان شهر و احتمال اتصير شهرين
خابرت شدن قبل الكل
شدن : الووو ....عزووو
عزام : هلو حب شلونج نمتي،زين ؟
شدن : الحمد لله ..
عزام : عندي خبر ..طلعلي ايفاد للبنان .احتمال شهر و احتمال شهرين
شدن : صدك مبرووووك ...بس،شلون مراح نشوفك ؟
عزام : يجوز هاي السفرة بيهة صالح النة اثنينة
شدن : اي شوكت ؟
عزام : بشهر السادس مظل شي
شدن : ربي يوفقك ...
اروح احضر الغدة شعاجبك اسويلك ؟
عزام : كلشي من ايدج طيب
رجعت كلت لاهلي الكل فرحولي
شدن : صح فرحتلة بس ضجت لان شهر او شهرين مراح اشوفة
خلص اليوم دنحضر لروحة النجف
همسة :دزيت مسج لسرمد راح نروح للنجف ليظل بالك
سرمد : ادعينة الله يسهل امرنة
همسة : اكيد
عزام : طلعنة من الصبح ...وصلنة زرنة الامام علي عليه السلام . و اتوجهنة للمقبرة
منظر صعب من تذكر ضحكة و طيبة و شباب اخوك راحت كلهة جوة التراب حاولت اقوي نفسي كدام شدن بس مكدرت اذا هي عاشرتة 4اشهر اني اخوية 30سنة بالحلوة و المرة ...من رايح يخطب شدن اخذني ويااا يكولي انت نصي الثاني ما اكدر بلياك
شدن : ليش،تبجي لخاطري اقوى علمودي
اني اول مرة اجي لقبرة فدوة اروحلك
عزام كمشت ايدهة و اخذتهة هي،و موسى
شدن : وصلت القبر ..بديت ابجي
ادري زعلان مني لان مأجيتك بس و الله مكدرت ابنك محتاجني ...اي هياتة هذا موسى اجانة ولد و سميتة مثل متريد تعال شوفة ....اووف شلون اتشوفة و التراب مغطيك شايل عيونك و ابتسماتة مثل ابتسامة عمة
محمود اريد اكولك شي بس لتزعل مني اني و عزام ازوحنة ادري ..راح تعتب علية بس و الله هو الي حياني و طلعني من الي مريت بي
اخوك خوش انسان شايل طيبة و حنية مثل طيبتك و متحملني على قهري
عزام : اسمعة و ابجي ...اخر شي سحبتهة لان انتهت من البجي كاااافي ترة ميسمعج و الله كافي
شدن : شنو ذنبة حرموا من ابنة الظلام ......
عزام : حضنتهة و ظلوا اهلي يم القبر امشي خلي نطلع منا راح اتموتين روحج ...
الي موتني بزايد موسى يبجي على بجينة
شدن : كافي امي لتبجي ....بعدك صغير ضحكتلة ضحك و ذب راسة على ركبتي
عزام : طلعنة و كتلهم نروح لكربلا و نبات هناك و نرجع الصبح
توجهنة لكربلا و زرنة الامام الحسين و العباس عليهم السلام و رحنة للفندق
عزام : راح احجز غرفتين الي و الج غرفة و الهم غرفة
شدن : اي براحتك...
عزام : شلون صرتي ؟
شدن: تعبت ...بس ارتاحيت يم الامام الحسين عليه السلام
عزام : اي الحمد لله تعالي احضنج
شدن : حضني ....عزام
عزام : شتريدين
شدن : احبك ....انت اطيب انسان بالدنيا
عزام : حبيبتي ...هذا واجبي انتي زوجتي و اعرف الي مريتي بي مو قليل بس اهم شي قدرتي هذا الشي الي سويتة علمودج
حضنتهة و بستهة و دموعهة تجري ابتسمت
شدن : احبك عزام
عزام : يلة خلي انام باجر لازم نطلع من الصبح
شدن : اوكي
عزام الصبح : شفتهة شلون نايمة و راسهة على صدري
شدن كومي يلة خلي نتريك و نطلع
شدن : اي كامية ....احبك عزام الله ليحرمني منك و بست ايدة
عزام : كافي دلع ...ورانة طريق كومي كسولة
شدن : كعدت و الله كعدت
عزام : اتريكنة و رجعة لبغداد .....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!