رواية طفولتي المشتتة الفصل الخامس 5 - بقلم ضاقت أنفاسي

قاطع تأملها دخول حرمه صغيره بالسن ..ما قدرت ريم تتعرف عليها ....
ام بدر بابتسامه وهي تقترب منها : هلا نور البيت  ... تفضلي اجلسي!!
كانت ريم واقفه وتناظرها باستغراب ما توقعت منها ترحيب ..... توقعت إنها تطردها !!!!
جلست ريم والارتباك واضح عليها ... خصوصاً مع نظرات ذي الحرمه لها ...زادت من توترها وحرجها!!
أم بدر بحنان : لا تستحين انت في بيتك
تقدمت منها وجلست بجانبها....مسكت يدها بلطافة: تعالي شوفي غرفتك وأغراض اشتريتها لك !!
تحركت ريم معها بهدوء وعلى رأسها علامات استفهام ؟؟؟؟؟
أول مرة أحد يهتم فيها ويعطيها وجه!!!
فتحت أم بدر غرفه متوسطه... ستائرها بيضاء.... حتى جدرانها باللون الأبيض...يتوسطها سرير....وزعت نظرها وهي تشوف جزء من الغرفه فيه ألعاب ...ما عمرها توقعت بيوم من الأيام تمتلكها ...قاطع نظرات الاندهاش والتعجب صوت أم بدر :عجبتك ؟
ريم هزت راسها بالموافقة وعيونها رح تطلع ما توقعت بيوم من الأيام تحصل على ذي الغرفه!!
أم بدر بابتسامه: أعرفك بنفسي .. أكيد ما تعرفيني ... أنا ام بدر واسمي ندى
بعد الغداء رح أعرفك على اولادي عندي أربع أولاد وما عندي بنات كنت أتمنى ربي يرزقني بنت بس ربي عوضني فيك ورح اعتبرك مثل ابنتي اتفقنا!!
قاطعها دخول سلطان وهو يرحب : يا حيا الله بريم نور البيت
كانت ريم حاسه نفسها بحلم وبأي لحظه رح تصحى منه...
وقف بجانبها سلطان ومسح على رأسها بحنان: ريم انت مثل ابنتي وأي شي ينقصك تطلبينه مني لا تستحين ...انت مثل أولادي ولا تخافين إذا غلطتِ رح أعاقبك نفس ما أعاقب عيالي
ريم ابتسمت على كلامه ..وبزلة لسان نطقت : الوحشية وراثه عندكم بالعائلة ؟؟!!
ضحك سلطان وندى على صراحتها
سلطان وهو يبتسم : إسالي عبود عن عقابي له لأنه كثير أعاقبه...
أم بدر ضربت على كتف سلطان برقه : حرام عليك لا تخوفها أصلا ريم شطوره وما هي بحاجه للعقاب..والحين يا حلوه علشان تأخذين دش وبعدها ننزل تحت
سلطان يمثل الزعل : يعني طرده
أم بدر ابتسمت : افهمها مثل ما تبي يلا غادر
تحرك سلطان وهو ينطق : عاد كنت أبغى أجلس مع ريومه... يالله انتظركم تحت!
خرج سلطان ومسكت أم بدر يد ريم حتى يدخلوا الحمام بس وقفها صوت ريم الهادي الخجول : أنا استحم لوحدي!
ام بدر تفاجأت: كيف لوحدك؟! بعدك صغيره أقول امشي قدامي حياتك القديمة انسيها انت الحين ابنتي يالله قدامي ادخلي...
استسلمت ريم لأم بدر ودخلت معها الحمام
بعد ما أكملت... لبستها وجلست أم بدر تمشط شعر ريم وبداخلها تدعي على نايف بعد ما شافت آثار الضرب على جسمها حاسه حالها مخنوقه تبغى تبكي على حال ذي البنت وتسأل بنفسها وين قلبه .....
سرّحت أم بدر شعر ريم بطريقة جميله : يالله يا حلوه ننزل عند عمك
هزت ريم رأسها وتحركت معها للصاله الي بالطابق الأول
جلست ريم على الكنبه بهدوء وكان يسألها سلطان وتجاوب بهدوء
دخل الصاله عبود : سلام عليكم يالربع
سلطان بابتسامه: تعال يا ملسون نفسي أشوفك مؤدب... تعلم من ريم شوف الأدب كيف واضح عليها
عبود ناظر لريم بحاجب مرفوع : يبه حرام عليك إذا ذي مؤدبه ؟!! نسيت يوم العيد لسانها الطويل
ام بدر تناظر لعبود بتوعد : تعال سلم على ريم وبلا كثرة كلام
عبود فهم على أمه : أهلين ريم ... وأنا أقول البيت منور اتاريك هنا
ضحك سلطان على ابنه الملسون وبسرعة قلب السالفه ولا كأنه مهبهب قبل شوي
جلس عبود بجانب ريم وبدأ يسولف لها عن بطولاته وريم رافعه حاجب و مو مصدقه كلامه للي كله كذب....
بعدها بدأت ريم تخبره عن بطولاتها مع سالم وأولاد الحاره...
عبود بحماس : ايوه عرفته سالم يعني انت تعرفين تلعبين كره ؟
ريم بثقة وغرور : اتحداك تسجل هدف بوجودي وختمت كلامها له بتحدي
عبود بحماس : خلص اتحداك اليوم العصر رح نلعب بالحديقه ونشوف مين رح يغلب
وكملوا سوالفهم عن اللعب
أم بدر تهمس لسلطان : حسبي الله على أخوك نايف
سلطان بضيق من كلامها: ليه تقولين كذا
تنهدت أم بدر بقهر : لو تشوف جسمها ألوان من الضرب قسم بالله تكسر الخاطر
ختمت كلامها وعيونها تلمع بالدموع...
سلطان بقلة حيله : يعني وش يطلع بيدي رح أحاول أعوضها عن كل الحرمان الي شافته!!
أم بدر بقهر : كيف ما يطلع بيدك وانت يوم العيد شفته كيف يضرب فيها وما تحركت ولا عملت شي
سلطان زفر بضجر: للحين بعدك تذكريني بالسالفه يعني هو أبوها لو وقفت بوجه نايف رح يقول لي ما لك دخل ذي ابنتي وأنا حر فيها
قاطعهم دخول سامي : يمه وين الغداء ؟؟
ناظر سلطان لندى بابتسامة : جاء ولدك المنحوس
تنهدت ام بدر : الله يعيني على اولادك واحد طول وقته داشر برا ...والثاني نفسيه شايف حاله ويتكلم بالقطاره ....والثالث ملسون ....والرابع منحوس وشغل طلبات
سامي بعصبية :يمه أنا أنادي عليك وانت هنا يالله ميت جوع بسرعة
قاطعته أم بدر بنرفزه: خلاص خلاص سمعتك افففففف من طلباتك
رن جوال سلطان ناظر للاسم واستغرب فتح خط ورد بهدوء : الو
نايف : مرحبا
سلطان : هلا أخبارك ما امداك تشتاق لي وينك ؟
نايف ببرود : بعدنا بالمطار ما طلعنا بعد ربع ساعه إن شاء الله
سلطان قاطعه بتساؤل : ليه متأخرين المفروض إنكم سافرتم !!
نايف بعدم اهتمام : سوالف طرمه المهم كيف الضيف الي عندكم ؟؟
سلطان بابتسامة: يا ليت تخليها عندي على طول
نايف مط شفته: خليك قد كلامك وأعطيني ريم بسرعة
نادى سلطان ريم وناولها الجوال بدون ما تعرف
مين على الخط وبهدوء : الو
نايف بحزم : اسمعي يا ريم نسيت أمس أنبهك على بعض الأمور ...قسم بالله لو اسمع إنك تلعبين مع الأولاد صدقيني لأسحب ملفك من المدرسه اجلسي بغرفتك فاهمه
قبل ما تتكلم ريم سحب سلطان الجوال وتكلم بحزم : وبعدين معك أنا سكتت لك بالبدايه انت تشكك بتربيتي وبعدين عيالي صغار بعدهم وبدر أنا أبوه ما أشوفه ...وعلم يصلك ريم رح تلعب مع اولادي وتعمل للي تبغاه ...مو عاجبك طق رأسك بالطياره فاهم ويالله مع السلامه .......
قفل الجوال و تنهد بقهر وناظر لريم بابتسامة : يالله يا أبوي الغداء جاهز
كانت ريم مستغربه كيف سلطان معصب على الأخير وبسرعة روق... ردت له بابتسامة بريئة وتحركت خلفه .....لحقهم سامي وعبود للي سكتوا خوف من أبوهم وعصبيته وحمدوا ربهم إنه ريم موجوده وإلا كان طلع عصبيته فيهم...
جلسوا على طاولة الطعام وكانت أم بدر تحط قدام ريم الأكل ... وسلطان يقول لها رح تكملي صحنك كله .... حست ريم بالخجل ما هي متعوده على هذا الاهتمام من قبل ...
قاطع عبود اهتمام أم بدر وسلطان بريم : لنا الله تراني موجود أنا والخبل للي جنبي وأشر على سامي
سامي عبس ملامحه : خبل بعينك يا ملسون... يمه يالله أعطيني مثل ما حطيتي لريم بصحنها وأبغى عصير نفس ريم ولا تحطيلي شوربه وأبغى كمان
قاطعه صرخه من أم بدر : خلص اسكت يا كثر طلباتك افففففف
سلطان بهدوء : بعدين يا سامي مع طلباتك الكثيره ولف لجهة أم بدر للي جالسه جنبه على اليمين : ابنك الداشر ليه ما أشوفه على الأكل ؟
أم بدر بلا مبالاة : يقول عنده حصه إضافية
سلطان بتشكيك : صدقتيه إذا ما كان مع عيال عمه داير لكن أنا رح أمر على المدرسه وأشوف هالحصص الإضافيه وش سببها؟؟
كان بدر واقف قريب من الصاله وسمع كلام أبوه وانصدم من وين يجيب كذبه جديده صار يرجع للخلف بهدوء عشان يهرب ويلاقي كذبه قبل ما يواجه أبوه لكن وقفه صوت سلطان للي لمحه وهو يهرب : أهلا أهلا حياك يا بدر تفضل للغداء معنا أكيد تعبان من الحصص الإضافية تعال هنا وأنا ابوك!!
حك بدر رأسه بارتباك وناظر لأمه للي كانت تلعب بحواجبها!!
انقهر من أمه ليش تقول لأبوه عن الحصص الإضافية تكلم بتردد وتلعثم :ءءءءء ودي وحك رأسه خ خ خلاص عليكم بالعافيه مستعجل عندي امتحان بكره وما يمديني أذاكر
سلطان هز رأسه  بتوعد : خلاص روح لكن قسم بالله إذا شفتك طالع من غرفتك يا ويلك... ما في طلعه اليوم لا سلمانوه ولا نوافو يالله استعجل عشان يمداك تدرس لامتحانك
كانت ندى كاتمه ضحكتها على شكل بدر للي تورط بزياده
طلع بدر وهو يتحلطم على الغباء الي فيه .... بسببه انحرم من الغداء ومن الطلعة و المشكله ما عنده امتحان
ومن قهره ما انتبه لوجود ريم عندهم
*
*
*
*
سلطان كان مو قادر يتكلم من الضحك وندى مثله وسامي وعبود يضحكون على بدر ويتشمتون
أما ريم كانت تراقب بصمت وتتمنى يكون عندها أب متفهم مثل سلطان وبنفس الوقت مستغربه من ضحكهم لأنها ولا مره بحياتها ضحكت كذا أكثر من الابتسامه ما عندها....
جلسوا بالصالة بعد الغداء ... وتوجهت الأسئلة لريم ....كانت تجاوب بأدب وهدوء ....قاطعهم سامي متحمس : ريم تعالي نلعب (بليستيسن)بلايستيشن
ندى بحزم : اطلع حل واجباتك وبعدين اللعب وبعدين ريم تبغى تحل واجباتها صح يا ريم ؟
هزت ريم رأسها بالموافقة
أم بدر بتساؤل: انت أي صف يا ريم ؟؟؟
ريم ابتسمت: بالصف الثاني والثالث
عبود نطق وهو يضحك: غبيه ما تعرف بأي صف هي
أم بدر أعطته نظره خلته يبلع لسانه : كيف يا ريم ما فهمت ؟
ريم تشرح بيدها الصغيرة : أنا الحين بثاني ابتدائي صح ؟
هزت ندى رأسها بالموافقة
كملت ريم كلامها : وعشاني شاطره كثير خلوني أدرس معهم صف ثالث يعني السنه الجايه أكون برابع ابتدائي
ندى هزت رأسها : اها فهمت عليك يا عيني على الشطارة شايف يا عبود كون مثلها
سلطان بفرح : ما شاء الله دافوره مثل أبوها
لفت كلامه نظر ريم ..نطقت بتساؤل: انت تعرف ابوي
قاطعها سلطان قبل ما يفهم قصدها : ايوه أعرف إنه أبوك كان الأول وجاب معدل عالي بالثانوية
كانت تبغى تسأل عن أبوها وتعرف معلومات عنه بس قاطعهم دخول ريان ...
دخل ريان بنفسيه رد السلام وجلس بتعالي
سلطان بحاجب مرفوع : وين كنت يا دكتور ؟؟
ريان بنفسيه و يا دوب طالع الكلام من فمه : عند خالتي
سلطان مو عاجبه رد ريان : اها
عبود بلقافه : ريان اسمع آخر الأخبار ريوم رح تعيش معنا وأشر على ريم
ناظر ريان لريم بغرور وتكبر ورفع حاجب ..بعدها التفت لأمه : خالتي تقول لك ليه ما تردي على الجوال ؟
ام بدر بلامبالاه : صامت جوالي
وقف ريان بنفس الملامح وما علق على تواجد ريم .... وتوجه خارج الصالة
سلطان بقهر : هذا ابنك أبغى أذبحه لمتى رح يبقى رافع مناخيره بالسماء
أم بدر بملل : أنا غسلت يدي منه عجزت فيه
عبود  بتحليل طفولي: نفسي أعرف على وش شايف نفسه يبه يمكن وراثه وطالع لعمي نايف
أعطاه سلطان نظره قوية: عيب عليك هذا عمك ومين قال لك إنه نفسيه مثل ريان
عبود ببراءة: والله يبه تلاقيه يمشي ومناخيره بالسماء ويتكلم معنا بغرور
قام عبود يقلد نايف بمشيته ويؤشر بيده: يا ولد انقلع من هنا
وقف سلطان بتوعد : أنا الحين رح أعلمك كيف تتمسخر على عمك ومسك سلطان العقال
عبود لما شاف ابوه كذا وينطلق بسرعة 360 ويفتح باب اول غرفه بوجهه وكانت غرفة بدر وقفل الباب بالمفتاح وجلس على الأرض وهو يتنفس بتعب من الركض ويقول أبوي أبوي
بدر لما شاف عبود كذا وقف على طوله من الخوف ظن أبوه جاء لعنده بالغرفة وجاء عبود يحذره....
بدر بخوف : وش فيه أبوي درى إنه ما في حصص زياده وما عندي اختبار بكره ؟؟؟
أخذ عبود نفس وبعد ما تأكد إنه أبوه ما لحقه قرر يعمل نذاله ببدر
بدر بخوف والعرق على جبينه : تكلم يا ملسون أبوي يعرف ؟؟
هز عبود رأسه بأسف : أبوي ناوي عليك وحلف ما تطلع من البيت أسبوع كامل حتى على المدرسه ورح يقفل الباب بالمفتاح وممنوع تأكل إلا وجبه وحده
بدر بقهر : الله يأخذك يا عبود على ذي الأخبار
عبود بخباثه : بعدني ما أكملت
انجن جنون بدر : وبعد في عقابات ...عض على إصبعه من القهر
عبود بلؤم : أبوي قال يبغى يروح على المدرسه ويشوف علاماتك وسلوكك ويبهدلك قدام كل الطلاب..... وشلتك الخايسه حلف بالطلاق من أمي ما تكلمهم
بدر بعصبيه : خلاص انكتم ...وانقلع براااااا
عبود نطق بحاجب مرفوع  بطريقه مستفزه: إذا اطلعت أخاف يكون أبوي قريب ويدخل عليك لأنه متحلف لك ويبغى يذبحك بس اختصر عشان ريم بنت عمي
تنهد بدر بقهر : خلاص انكتم ....
وكأنه استوعب كلامه :وش قلت ريم هنا ليش؟!
عبود تربع : لأنها رح تعيش هنا معنا.... عمي نايف راح وتركها وأبوي بشهامته أخذها وجلبها هنا
بدر وهو مو رايق لريم وسوالف عبود : خلاص اسكت ما أبغى اسمع صوتك
ومضى وقته وهو رايح جاي بالغرفه يدور حل
وعبود مبسوط وقاعد ع اللاب يلعب
بعد مرور ساعه قرر إنه يطلع ويواجه أبوه ويطلب منه يسامحه
طلع من الغرفه ونزل من الدرج على رؤوس أصابعه وصل لوسط الدرج الي يطل على الصاله.... تنفس براحه لما ما شاف أبوه موجود
شاف أمه وريم جالسات بالصالة تكلم بصوت عالي: أقول يمه جايبه شغاله جديده !!
ختم كلامه بضحكه رنانه بعد ما أشر على ريم
قاطعه كف على رقبته من أبوه كان خلفه بس بدر ما انتبه له :ذي ريم تاج رأسك يالخايس
بدر بخوف : يبه ااااانا
سلطان بتحقيق : متصل بنواف عشان يتصل معي ويقول يبغاك بأمر ضروري ؟؟
بدر ببراءه : والله ما اتصلت عليه وما أدري عن شيء
سلطان شاف الصدق بعيون بدر : روح شوف وش يبغى نواف بس لا تتأخر فاهم
ببدر مو قادر يستوعب : يبه كيف أروح وأمي ؟!
سلطان بحاجب مرفوع: علامها أمك وش فيك منهبل
بدر بعبوس : انت حلفت إني ما أكلمهم وإذا كلمتهم تطلق أمي ؟؟؟
سلطان بنفاذ صبر : انت وش تخبص امشي من قدامي قبل ما أغير رأيي
ونزل سلطان مستغرب من ابنه وكلامه للي مو مفهوم
بدر ضرب جبهته بقوة : غبي... الحيوان عبود.... أنا يضحك علي وعده عندي لما أرجع
ونزل مثل البرق عن الدرج قبل ما يغير أبوه رأيه
ضرب سلطان كفوف يده ببعضها على هبل هذا الولد خلاص فقد الأمل إنه يعقل...
.....
*
*
*
*
*
*
كانوا جالسين بمكانهم المعتاد
قاطعهم بدر وهو يركض  لجهتهم .. أول ما وصل جلس وهو يلهث.. بعدها  تكلم : فاتتكم أخبار كثيره والتفت لسليمان وغمزه : وخاصة انت أخبار تهمك!!!
ناظروا لبدر متحمسين لمعرفة الأخبار
بدر أخذ نفس وبلعانه نطق: وش تعطوني عشان أقول لكم
نواف بعصبيه : تكلم وبدون ثقاله دم أحسن ما أكسر لك رأسك
بدر وزع نظره عليهم... كلهم طويلين الا هو القصير بينهم ... وكانوا يتوعدون فيه إذا ما تكلم بلع ريقه بتورط: هههه امزح معكم شباب وأنا أقدر أخفي عنكم شيء؟!
عمر بنفاذ صبر : بدون مماطله ادخل بالموضوع بسرعة
بدر ببراءة : متصلين بأبوي عشان اجي وبالأخير هذا الاستقبال
أعطاه سليمان نظره خلت بدر يكمل كلامه بدون فلسفه
بدر  نطق وهو يناظرهم : بالبدايه رح أقول لكم الخبر للي يهمنا كلنا وبعدين اقول الخبر الي خاص ببعض ناس!
نواف بنرفزه : خلصني يا ثقل دمك
بدر باستفسار سأل الشباب: علامه اليوم حريقة
أشر له عمر يعني طنش وكمل
بدر بابتسامة: احم احم
حك رأسه وهو يتابع كلامه:شباب أبوي باكر يبغى يروح على المدرسة ويسأل عن حال دراستنا وخاصه عن الحصص الإضافية شو سببها
سليمان بقهر : انكشفنا شباب وش الحل الحين ؟؟؟
نواف ويعض،على شفته بقهر: أكيد إذا كشف الكذبه رح يتصل بأبوي ويخبره عن تقديري واكيد رح يسحبني عنده!!
عمر بعد تفكير و صمت دام دقائق : الحل عندي شباب
ناظروا الشباب له : بسرعة تكلم
عمر بهدوء : تعرفوا الاستاذ عبدالله مدرس الرياضه
نواف بنفاد صبر : ايوه نعرفه وش فيه
عمر بهدوء : تعرفونه يحب الفلوس باكر نروح عليه ونعطيه مبلغ محترم وإذا عمي سلطان جاء للمدرسه يقول له إنه حنا كنا نأخذ دروس إضافية بالرياضة عشان نقوي أنفسنا
بدر بشك : وش يضمن لك إنه يوافق ؟؟؟
عمر بيقين : من ذي الناحيه لا تخاف مضمونه
نواف بتأييد:حنا نجرب وش علينا وإن شاء الله تمشي
عمر بحماس : وهذ الخبر الأول حليناه يالله وش الخبر الثاني ؟؟؟؟
بدر ناظر لسليمان وغمز : هذا الخبر يخص أبو الشباب وأشر على سليمان
سليمان بنرفزه : خلصنا تكلم
بدر بضحكه : مستعجل على سماع أخبار الحبيب المهم آخر الأخبار عمي نايف سافر وريم
قاطعه نواف : يا سخافتك كلنا نعرف إنه عمي نايف سافر
بدر بقهر : وليه ما قلتم لي إنه ريم ما سافرت معه دامكم تعرفون خليتوني آخر من يعلم
ووقف زعلان يبغى يروح
مسك يده نواف وأجلسه بسرعة وسأله : وش تقول ريم ما سافرت معه ؟؟ وين تركها ؟؟
عمر بتفكير : يمكن بدار الأيتام لانه جدتي رافضه إنها تعيش عندها
نواف برفض لكلام عمر : بس ما يصير إنه يبعثها على دار الايتام اسمها من عيلتنا يعني عمي يبغى يشوه سمعتنا
سليمان بلامبالاه : وش علينا إن شاء الله يرميها بالصحراء
عمر ناظره بانتقاد:،يا غبي ذي بنت عمنا وعرضها من عرضنا
قاطعهم بدر :اسكت انت وإياه لأنه ريم رح تعيش في بيتنا
ناظروا كلهم لبدر ومو مستوعبين
عمر بعدم تصديق: احلف
بدر  بابتسامة عريضة: والله العظيم قبل ما اجيكم ضربني أبوي عشانها هههههههه
عمر باستغراب : يا الله ...الله يعينكم عليها
نواف باستفسار : سليمان أبوك ما فتح معك موضوع يوم العيد ؟
سليمان بهدوء : لا ما فتح معي شي بس احسه وراه شي كايد
نواف بتأكيد : صدقني أبوك إذا حط شي بباله ما يتركه صدقني أبوك حيرها لك وقول نواف ما قال
سليمان بخوف : الله لا يقولها وبعدين انت تعرف مين أبغى!!
عمر بحاجب مرفوع: الأخ هاوي وأنا آخر من يعلم!!
سليمان بقهر : اسكت لا تزيد علي ناقصني يحيرها لي أبوي هالجوكر؟!
خلينا بالأول نحل مشكلة المدرسه واتركوا سيرة الزفته!!

*
*
*
*
*

دخل الصاله وكانت الساعه 10م.. كانت أم بدر جالسه لوحدها ....جلس بالكنبه المقابلة لها وتنهد ومسح على وجهه وهو يسأل : وين العيال ؟؟
ام بدر بهدوء : من بعد العشاء كل واحد راح لغرفته!!
سلطان : ريم أكلت ؟؟
ام بدر هزت رأسها بالنفي: رفضت تتعشى تقول ما لها نفس حاولت بكل الطرق بس رفضت
سلطان  زم شفته بعدها ارخى ظهره للخلف : خليها على راحتها باكر رح تتعود تعيش هنا ولوحدها تقول لك وين العشاء
ام بدر هزت رأسها باستبعاد: ما أظن.. أتوقع نايف بأي فرصه رح يسحبها عنده
سلطان يستبعد كلامها  : ما أتوقع لأنه رح ينشغل بعمله ومو فاضي إذا حنا شفناه كويس!!

*
*
*
*
*
*
صحيت ريم لما أم بدر هزت كتفها برفق : ريم ريم
فتحت عيونها بنعاس
ام بدر : يالله حياتي قومي عشان المدرسه
جلست ريم وفركت عيونها بيدها الصغيرة مسكت يدها ام بدر وتوجهت للحمام عشان تجهز ريم للمدرسة..
بعد وقت نزلت ريم بعد أم بدر للي سبقتها حتى تشوف أولادها جهزوا أو لا
توجهت بهدوء لصاله الطعام ردت السلام بصوت أقرب للهمس
سلطان كان ماسك الجريده وضعها على الطاوله : حي الله ريم اجلسي يا ابنتي
كان بدر جالس ويناظر لريم
عبود بروقان : ريومه اليوم رح نلعب مره ثانيه وأفوز عليك بالكره
ريم بشبح ابتسامه : بأحلامك وحركت حواجبها!
بدر بترفع: أقول ريم
قاطعته ريم بنظره ووجهت كلامها لعبود :خلاص موعدنا بعد العصر
عبود بحماس : اوكي
سامي  يكلم أمه: ماما أعطيني قهوه
أم بدر أعطته نظره : لما تكبر الحين بعدك صغير
كان بدر جالس ووجه أحمر من الفشيله ومقهور من ريم كيف فشلته كان ينظر لها وهي تتكلم مع عبود وتضحك وكأنه ما في أحد موجود غير عبود وحط،في باله إنه ريم راسمه على عبود .....
وقفت ريم عشان تروح على المدرسه وقفها سلطان : ريم تعالي خذي مصروفك
ريم بحرج : لا عمي معي
سلطان بحزم : ريم أنا قلت لك انت مثل أولادي حتى لو كان معك ما يهمني يا الله خذي مصروفك...
كانت واقفه ومتردده
ام بدر بزعل: ريم إذا تعتبرينا غريبين عنك خلاص لا تأخذين
ريم تحس صعبة عليها تأخذ منهم فلوس ..نطقت بحرج: آسفه خالتي مو قصدي وتقدمت من سلطان وأخذت مصروفها
قبلها سلطان على رأسها : الله يوفقك يا ابنتي
ابتسمت ريم وطلعت على المدرسة وهي تحس مشاعرها متضاربه بس الي  متأكده منه إنها ممتنه لسلطان وأم بدر!!
بدر كان واقف يناظر الموقف  : يبه كان أعطيتني مصروفها بما إنها ما تبغاه
سلطان بعصبية : بدر
متى رح تعقل ويصير عقلك كبير وعلى فكره اليوم رح اجي على مدرستك
بدر بلع ريقه :،أنا تأخرت على المدرسة يا الله سلام
وخرج بسرعة قبل ما يكتشف أبوه خطتهم
ضحك سلطان على خبال ابنه وناظر لأم بدر : الله يعوضك فيه ههههه
أم بدر بابتسامة عريضة: على فكره هرب قبل ما تكتشف بلاويه
قاطع ضحكهم سامي : أعطوني مصروفي وبعدين تضحكون
ام بدر بنرفزه : نفسي تجلس دقيقة بدون طلبات
وزع سلطان مصروف الأولاد....
ريان أخذ مصروفه وخرج بدون ما ينطق حرف .......
اما عبود وسامي ركضوا مبسوطين باتجاه المدرسة .........

*
*
*
*
*
*
دخلت المدرسة الجديده،بثقه وسألت عن صفها وبعد الطابور دخلت غرفة الصف بهدوء أشرت لها المعلمه تجلس جنب إحدى الطالبات.. وبعد انتهاء الحصه الاولى تكلمت الطالبه بابتسامه : أنا جنى
ريم بابتسامه : وأنا ريم
كانت ريم أول مرة تتعرف على بنت وتتكلم معها كانت بالمدرسة القديمه منعزله أما بهذه المدرسة متأملة  لعلها تكون بدايه خير لها....
طوال اليوم أمضت وقتها مع جنى وكان فيه بنات يتابعوا ريم بنظراتهم بما إنها جديده .. راح وقتها مع جنى للي كلمتها عن حياتها وعرفت إنه أبوها ميت عشان كذا تعلقت بجنى حست بينهم شيء مشترك بس كانت جنى تخبرها عن أخوها الكبير كيف عوضها عن فقدان ابوها وحنون معها ويأخذها وين ما تحب كانت ريم تستمع لجنى وتتمنى يكون لها أخ زي كذا بس بنفسها تحمد الله إنه عوضها بسلطان ومرته للي يعاملوها برقه وحنيه .........

*
*
*
*
*
*
*
مرت أيام ريم خلال الأسبوع جميله... زادت علاقتها بعبود وكانوا كأنهم توام.... أما سامي كانت تتشاجر معه باللعبه بس بنفس الوقت علاقتها معه حلوه كثير... أما ريان استطاعت ريم تخرجه من الهدوء الي يغلفه...وصار يكره شي اسمه ريم لأنها تنرفز الواحد بلسانها الطويل أما بدر فكانت ريم معطيته طاف وكان هذا للي قاهره وكان يحاول يقهرها بس كان سلطان له بالمرصاد دائمًا يمسح فيه الأرض عشان ريم
أما حياتها بالمدرسة كانت جميله ... بعد ما ثار عندها صديقات  ...زادت علاقتها بجنى وكانت دايما جنى تتكلم لها عن اخوها حتى اصبحت ريم ترسم بخيالها إنه أخو جنى البطل وكان نفسها تشوفه .........

*
*
*
*
سلم على أمه وأبوه وبعد السؤال عن الحال والأحوال أبوه بشك نطق : عسى ما شر يا نايف أشوفك راجع بدون ما تخبرنا وأهلك مو معك ؟؟
نايف بهدوء : ما في إلا الخير بس جيت آخذ ريم ...

*
*
*
*
كان يجلس هو وأم بدر بالحديقه الخلفيه تفاجأت ام بدر من كلامه ... سكتت للحظات تفكر.. بعدها نطقت: أنا موافقه ومن زمان أفكر بهذا الموضوع بس خفت أفاتحك فيه ...ما لنا غير هذا الحل حتى تبقى ريم عنا على طول ...
سكتت لثواني وبعدها كملت: تدري يا سلطان إنها سعادتي لا توصف بوجود ريم
مسك سلطان يدها وشد عليها: مع إنه أهلي يحقدون عليها وعلى أهل امها بس ولا مره حقدت عليها هي ما لها ذنب والي مات ما رح يرجع أتوقع لو ريم لقت تربيه جيده ما رح تشوفي أخلاقها كذا ...بالعكس رح تكون قمه بالأخلاق بس للأسف ما لقت أحد يوجهها .. مشكلتها لسانها طويل كثير وبإذن الله رح احاول أخلصها من هذي الصفه الشينه
ناظرت أم بدر له : لا تفكر بسهولة تقدر تغيرها صعب حيل  تخليها تحترم الأكبر منها لأنها تعودت على هذا الشيء!!
إن شاء الله ربنا يقدرنا نربيها تربية صالحه!!
بس أنا خايفه بدر يرفض يتزوجها...وما أحب أجبر عيالي على شي ما يبغونه وخاصه بدر احسه يميل لبنات أبو سليمان
سكت سلطان للحظات بعدها نطق: لوقتها يحلها ربك وإن شاء الله ما يعترض
ام بدر ما تدري وش أصابها وتحمست للموضوع: متى رح تفاتح نايف بالموضوع أو على الأقل عمي
سلطان بحكمه : الحين صعبه لعدة أسباب ...اولا الوقت مبكر على هذا الكلام البنت صغيره وبعدين نايف لو فتحت معه الموضوع ما رح يخليها عندي
قاطعته ام بدر : طيب قول لعمي وخليه سر بينكم
سلطان هز رأسه بالرفض: لا ما ينفع شوفي يا ندى أنا أقدر أجبر بدر يتزوجها أما ريم مستحيل أجبرها كافي حرمان لها وما رح أحرمها من حقها باختيار شريك حياتها ولو خبرت أبوي رح يصمم على زواجها من بدر سواء رضيت ريم أو رفضت ابوي رح يجبرها
ام بدر بقلة حيله : طيب والحل ؟؟؟
سلطان وهو ينظر لبعيد : وقت ما تكون ريم جاهزه وعاقله وأحسها كبرت وقتها رح استشيرها إذا وافقت رح أخبر ابوي ونايف أما إذا رفضت رح انسى الموضوع
أم بدر بخوف : أخاف واحد من إخوانك يحيرها لاولاده وقتها ما نقدر نعمل أي شيء
سلطان بارتياح : من ذي الناحيه لا تخافين انت نسيتي علاقة زوجاتهم بساره كانوا مثل الشحم والنار ما رح يقبلون بريم فمن ذي الناحيه ارتاحي تنهدت ام بدر براحه وهي تتذكر كيف كانت علاقة ساره مع سلفاتها قاطع تفكيرها رنين جوال سلطان وكانت ملامح وجه باين عليها الضيقة بعد ما أنهى مكالمته
ام بدر بقلق : وش فيك اختلف وجهك ؟؟
وقف سلطان : ما في غير الخير بس هذا ابوي يقول نايف عنده يبغى يأخذ ريم معه!!
ام بدر بقهر : أنا أفهم من وين نزلت الحنيه عليه مرة واحده !!
وبرجى نطقت: تكفى سلطان لا تخليه يأخذها أحس ريم قطعة من قلبي لا تحرمني منها
وبدأت دموعها تلمع بعيونها!!
تنهد سلطان بقلة حيله: ما يطلع بيدي شي هو أبوها ومن حقه وما أقدر أمنعه ..ما أقدر يا ندى
وترك ندى وتوجه لبيت أبوه مو قادر يستوعب كيف ريم تبعد عنه خلال هذا الأسبوع تعلق فيها وحبها وصارت مثل أولاده
*
*
*
*
*
*
*
توجهت ام بدر بسرعه لمكان لعب ريم وعبود وسامي خافت،ييجي نايف ويشوفها ويسحب ريم معه
نادت عليها : ريم ريم
سمعت ريم خالتها تنادي عليها تركت اللعب وراحت تركض لها : نعم خالتي
ناظرت ام بدر لريم والعرق على جبهتها من لعب الكره اقتربت منها ومسحت العرق بيدها وبحنيه: تعالي يا ريم للداخل بسرعه
ريم بحماس : خالتي بس بقى شوط واحد وأفوز عليهم
ام بدر بحزم : لا تعالي الحين
ريم باستسلام : حاااضر
مسكت ام بدر يد ريم ودخلت للداخل وصعدت غرفه ريم وكانت ريم علامات استفهام حولها ؟؟؟؟؟؟؟؟
توجهت أم بدر للحمام غسلت لريم ومشطت شعرها بعد ما بدلت ملابسها
ومسكت يد ريم وجلستها جنبها على السرير : ريم انت بنت ما يصير كذا تلعبين مع الاولاد شوفي كيف بشرتك صارت سمراء من الشمس
ريم لوت بوزها : بس أنا أحب ألعب كره
ام بدر باستغراب من حال ريم تحب تلعب مع الأولاد أكثر من البنات : طيب اسمح لك تلعبي كره مره واحده بالأسبوع ومو العصر بعد المغرب عشان بشرتك يا حلوه اوكي
ريم ومو عاجبها بس ما تقدر تقول لا لندى :،اوكي
ام بدر بابتسامة مصطنعه : يالله ابتسمي يا حلوه ما أحب أشوفك مكشره
ابتسمت ريم ابتسامه جميله وكانت تلفت الانتباه بابتسامتها الجذابة
حضنتها ام بدر بحنيه قاطعهم دخول عبود بسرعة : يمه يمه عمي ابو سيف هنا عند جدي
قامت ريم بسرعة من حضن أم بدر وقفت وهي تفكر فعلاً كان صادق معها يعني خلاص نوى يغير معاملته معاها يعني رح تسافر معه هناك كانت فرحتها لا توصف وأخيراً رح تسافر وتطلع وتشوف العالم
كانت أم بدر تناظر لريم ومستغربه من سعادتها
عبود بقهر : لا تقولي إنك تبغين تروحي مع عمي وتتركينا
ريم رمت يده بعنف : ايوه أبغى أروح معه
عبود بعصبية : ما في روحه وأنا مع مين ألعب ومسك يدها بتملك :ما في تروحين
ريم بعصبية :،اترك يدي ما لك دخل فاهم
عبود ترك يدها وبتهديد: اختاري تروحين مع عمي وإلا طتلعبين معي
ريم بثقة،: ومين انت عشان أترك السفر واجلس ألعب معك
عبود بقهر : والله العظيم ما رح ألعب معك لو تموتين ولا مع سامي يالله انقلعي من عندنا أصلا احمدي ربك إنا خليناك تعيشي عندنا !
وباحتقار نطق: اصلا انت مكانك حاوية النفايات مثل ما قالت جدتي !!
ومسك يدها وسحبها خارج الغرفه :يلا انقلعي من بيتنا متطفله
قاطعه كف من أمه : انت ما تستحي على وجهك
حط عبود يده على خده مكان الكف وبقهر من امه لأنها ضربته وفشلته قدام ريم ناظر لريم بحقد : والله لتندمي يا
قاطعهم سلطان : علام صوتكم واصل لتحت
ام بدر تغير الموضوع لأنه لو درى سلطان ما رح يرحم عبود على كلامه : بزران تهاوشوا
كانت ريم تناظر لسلطان وتنتظر يقول لها روحي جهزي أغراضك
ام بدر بتردد : وين ابو سيف ؟؟
سلطان بهدوء : سافر
اكتفى بذي الكلمه وتوجه لجناحه
لحقته أم بدر حتى تشوف التفاصيل
أما عبود ناظر لريم بشماته : ههه هذا للي فضلتيه علينا راح وتركك شوكه بحلوقنا حتى ما كلف نفسه يسلم عليك
ختم كلامه وهو يضحك بصوت عالي وبعدها ناظر لها بشماته : بصراحه تكسرين الخاطر!
وتركها وغادر المكان...
واقفه مكانها ما تحركت وكأنها متجمده ...مو قادرة تستوعب إنه راح وتركها ....كان صوت واحد يتردد في ذهنها راح راح راح راح راح راح راح
حطت يدها على أذنها وكأنها ما تبغى تسمع الصوت وتهز رأسهابالنفي مو قادرة تصدق دخلت غرفتها وجلست على السرير وبدأت شهقاتها المكتومه تطلع وهي تقول كذاب كذاب كذاب كذاب كذاب كذب علي قال إنه رح ييجي ويأخذني...كذاااااب
غفت وهي تردد نفس الكلمه بدون ما تحس!!!
*
*
*
*
*
*
*
في مكان ثاني كان جالس بغرفته ورأسه صدع من سوالف اخته للي ما تخلص وبنفس الوقت مو قادر يقول لها اسكتي ويكسر بخاطرها
جنى بحماس : هي قالت لي أبوها ميت وتكفلها واحد عايشه عنده
أخوها الكبير : كيف واحد متكفلها وأمس قلتي لي أمها عايشه ؟؟
جنى بحماس : أمها عايشه بس ما تعرفها والرجل للي تكفلها رفض يرسلها عند أمها الله يأخذه!!
أخوها الكبير رأسه صدع بزياده من هالسيره الي عادتها جنى مئه مره ونفس الكلام تعيده: طيب لا تدعي على الرجل فوق إنه متكفلها تدعين عليه
جنى بكره : أقول لك حارمها من أمها ويضربها لو تشوف جسمها كله ضرب جعل يده للكسر
تنهد أخوها الكبير : طيب وش المطلوب مني ؟؟
جنى بحماس : تروح عند أخوه وتجيبها تعيش عندنا
أخوها بعبوس : انت تفكرين الدنيا سايبه وليه أروح على أخوه ؟
جنى بحماس : لأنه سافر وترك ريم عند أخوه وهي الحين عند أخوه
أخوها هز رأسه : طيب أخوه زين معها ؟؟
جنى هزت رأسها : تقول حنون هو وزوجته ويعاملونها بالطيب
أخوها ونفد صبره : جنى بما إنها عند أخوه ويعاملها بالطيب خلها عنده ويلا اطلعي روحي نامي عندك بكره مدرسه
جنى تربعت : شكلك تعبان نسيت بكره عطله عشان كذا رح أسهر عندك
أخوها ولعت معه وما يبغى يكسر خاطرها: جنى اسمعي أمي كأنها تناديك روحي شوفيها قبل ما تعصب عليك
جنى نقزت على حيلها ومثل الصاروخ خرجت من غرفته
تنهد براحه بعد خروجها ........
*
*
*
*
*

*

جالس بالطيارة ويتذكر الأحداث لما كان عند أبوه ينتظر سلطان يحضر ريم معه...
رفع حاجب لما دخل سلطان المجلس لوحده... وقف نايف يسلم عليه... وبعد السؤال عن الحال والأحوال
نطق نايف بهدوء : وين ريم يا سلطان طيارتي بعد ساعه ما أبغى أتأخر وناظر لساعته بيده!!
سلطان تنهد وبهدوء : ممكن أعرف ليش تبغى تأخذها معك ؟؟؟
نايف رمقه بنظرات تعجب من سؤاله!!
سلطان بهدوء : أعطيني سبب واحد بس !!
نايف وهو يتظاهر بالبرود : الظاهر إنك نسيت يا سلطان إنها ابنتي وما أعتقد إنه في داعي أعطيك سبب لأنها بالأول وبالأخير ابنتييييييي!!
سلطان وبدأ يفقد أعصابه : قول إنك خايف عليها من عيالي ؟!
ختم كلامه وناظر ابو سليمان لما دخل عليهم .... سلم على اخوه نايف وحس إنه الوضع متكهرب بينهم... جلس بجانب أبوه بهدوء وهو يوزع نظره بينهم!!
نايف أخذ نفس يمسك أعصابه: سلطان لا تطولها وهي قصيره.... ريم رح تسافر معي ... ما في معي وقت اضيعه ..قرب موعد الطيارة!!
سلطان بعبوس: يا أخي ابنتك تعيش معنا ومبسوطة.... وما تبغى تسافر معك ...اتركها عندي وين المشكلة ؟؟
نايف بنفاذ صبر : لا حول ولا قوة إلا بالله اقولك ما أبغى اتأخر ....هات البنت وانتهينا لا تطلعني من طوري ابنتي وأنا أعرف مصلحتها!!!
سلطان بأسلوب ساخر وهو يناظر لنايف:كثير تعرف مصلحتها والدليل جسمها الي كله ألوان من الضرب!!!
نايف بعصبية والشرار يطلع من عيونه: يا أخي ابنتي وأنا حر فيها ما لك دخل فاهم ....عمري ما تدخلت بعيالكم ...فلو سمحت لا تتدخل
سلطان عقد حواجبه وما عجبه أسلوبه بالكلام : بس
قاطعه نايف بصراخ بعد ما فقد أعصابه: أقول لك جيب البنت انت ما تفهم ؟؟
سلطان عبس ملامحه وهو يناظر نايف كيف يصرخ عليه وكأنه طفل صغير بدون أي احترام ...نطق بزعل : مشكور يا نايف ....كثر الله خيرك ولو رفعت صوتك أكثر كان يكون أحسن... بس تعرف ما ألوم ريم دام إنك أبوها والحين أرسلها لك!!
تحرك سلطان لجهة الباب بدون ما يلتفت عليهم ....توقف لما وصله صوت أبوه الصارم: سلطان وقف عندك!!
ناظر أبو سلمان نايف بغضب من أسلوبه: انت ما تستحي على وجهك تصرخ على أخوك الي أكبر منك؟!
حس نايف بغلطته وناظر لسلطان إلي واقف عند الباب والزعل ظاهر عليه تنهد بقهر
أبو سليمان زفر بغضب وبعدها نطق بأمر: نايف اعتذر لسلطان ... وريم اتركها ما بقى على امتحاناتها النهائيه شيء بعد ما تكمل تأخذها وتسافر معك!!
سلطان بزعل : ما أبغى اعتذاره ...ولك ما طلبت يا نايف....بالطلاق من  ام بدر ما رح أتدخل بريم لو أشوفك تحرقها ما تدخلت... والحين أرسلها لك
تقدم نايف من سلطان بندم ويبغى يعتذر منه لكن سلطان وقف بيده نايف قبل ما يتقدم : لا تعتذر مني وخلاص اعتبر علاقتنا سطحيه ما رح أقاطعك لأنك تبقى أخوي
ابو سلمان بحزم : اسمع يا نايف انت وأخوك أنا كنت ساكت أشوف مدى احترامكم لوجودي بس يا خساره يا نايف ما قدرت وجودي ولا احترمتني
نايف بندم على تسرعه: يبه أنا
قاطعه أبو سلمان : اسكت ما أبي اسمع صوتك ويكون بعلمكم ريم رح تبقى عندك يا سلطان لحتى تخلص امتحاناتها باقي اسبوعين وانت يقصد نايف لما ترجع في قرارات جديده رح أخبركم فيها
كان سلطان يبغى يعترض
قاطعه ابو سلمان بعصبية : كافي ما في احترام لكلمتي ؟!
ختم كلامه وهو يوزع نظره بينهم !
سلطان بضيق من نايف : انا استأذن وطلع قبل ما يسمع رد أحد من الموجودين!!!!
فتح نايف عيونه ومسح على وجهه بقهر وكأن الحقد والكراهية لريم رجع من جديد ....بسببها زعل سلطان وأخذ منه موقف ما رح ينساه ........

*
*
*
*
*

..ام بدر بقهر : يا حسرتي على ذي البنت كيف حياتها مشتته؟!
سلطان بضيق : خلاص قفلي السيره أنا حاولت لكن صار الي صار ..وهي ابنته وما يطلع بيدي أعمل لها شيء!!
أم بدر بضيق : لا تقول إنك انسحبت من كلامك بخصوص بدر ؟؟
سلطان بهدوء،: لا ما انسحبت بس رح انتظر الوقت المناسب
وقفت أم بدر : أروح اشوف ريم....
وخرجت من الغرفه بخطوات هادئة وهي تفكر بمصير ذي الطفله!!

*
*
*
*
*
صحيت بعد ما غفت عينها أقل من ساعه جلست على السرير و كانت تشعر بالخذلان... فتحت ام بدر الباب ناظرت لها ريم وبعدها صدت لجهة الشباك ....تقدمت منها أم بدر وجلست جنبها ومسحت على رأسها
ريم بضيق نطقت: خالتي معك رقم أمي
ام بدر تفاجأت : ليش تبغين رقم أمك ؟؟
ريم من القهر ما قدرت تلفظ اسمه : خبرني انه أمي تعيش برا
ام بدر بدهشه : برا ؟؟!!
ريم ببراءة تابعت: خبرني إنه أخوها قتل واحد والقاضي طردهم خارج البلد ...ومنعها تتصل فيني وقال،لها إذا تتصلين بريم رح اقتلك وأسجنك
سكتت لثواني وبعدها سألت: خالتي انت ما كنت تدرين عن أمي إنها خارج البلد!!
ام بدر تناظر ريم وهي تتكلم ... والله ما انت هين يا نايف مؤلف قصص خرافية والمسكينه مصدقه كذباته ...كل هالقصص الي ألفها عشان ما يخليها تزور أمها ؟!!
وعضت على شفايفها أم بدر من القهر!!!..قطعت سرحانها...لما مسكت ريم يدها وبصوت حزين : انت ما عندك علم ؟؟
ام بدر بتلعثم : ها كان عندي رقمها بس غيرت جهازي وراح رقمها
ريم بخيبة امل :،يا خساره كنت أبغى اسمع صوتها
ام بدر حست بدموعها على وشك النزول... تنهدت والقهر بداخلها يتصاعد... وش ذنبها تنحرم من أمها وش ذنبها.....يا ليت يتركها نايف عندها... وقتها رح تعوضها عن كل شي عانته... مسحت على شعرها بحنيه وبنبره حانيه نطقت :،يلا يا حلوه تعالي نجهز العشاء
ابتسمت ريم بالرغم من الحزن الي باين بعيونها ....وقامت مع ام بدر تجهز العشاء
*
*
*
*
*
*
*

انشغلت ريم مع ام بدر بتجهيز العشاء كانت تساعد أم بدر وتناولها بعض الأمور البسيطه كانت تشعر ريم بالارتياح... بنظرها أنجزت شيء حتى لو كان قليل!!
بعد ما أنهت أم بدر تجهيز سفرة العشاء...
طلبت من الشغاله ... تنادي سلطان وعيالها ...وجلست على طاوله السفره تنتظرهم بهدوء...
جلست ريم مقابل أم بدر بصمت ... بعد عده دقائق دخل سلطان الصالة... سحب كرسي وجلس بجانب أم بدر ..لحظات ودخل عبود وسامي وفي المؤخرة ريان...
رفع سلطان صوته بالتسميه والدعاء عند الأكل بعد ما جلس الجميع .....
سلطان وهو يتذوق الأكل بتلذذ : يا زين هالأكل يا أم بدر
ام بدر بابتسامة ناعمه : مو لحالي جهزت الأكل ذي لمسات ريم ساعدتني ما شاء الله عليها طباخة ماهرة
ابتسمت ريم لمديح خالتها ام بدر ونظرت لسلطان حتى تسمع رأيه .... تفاجأت ببرود سلطان ناظر لها بنظره بارده ...وبعدها تابع أكله بصمت
استغربت ريم تغير سلطان معها .... طنشت وتابعت أكلها بهدوء
قام عبود عن الأكل!!
أم بدر باستغراب : عبود كمل أكلك علامك ما امداك تشبع؟
عبود رفع حاجب : شبعت بعض ناس تسد النفس وناظر لريم بحقد وغادر..
وعلى رأس أم بدر وسلطان علامه استفهام ؟؟؟ أما ريم عرفت إنه يقصدها ....طنشت واختارت السكوت .....
قامت ريم بعد ما شبعت... استغربت عدم اهتمام سلطان فيها صعدت لغرفتها وبعدها غادر الصاله ريان و سامي
كانت ام بدر جالسه وتهز رجليها .... توتر سلطان بنرفزه : وبعدين علامك تهزين برجلك تراك نرفزتيني !!
ام بدر بقهر : ليه تكسر بخاطر هالمسكينه كانت مبسوطه إنها تجهز لك العشاء وحضرتك ولا عبرتها
سلطان وهو يؤشر على رأسه : عقلك في شي وإلا تبغين تزورين اهلك ؟؟
ام بدر عقدت حواجبها : وش قصدك ؟؟
تنهد سلطان : نسيتي حلفان الطلاق ؟؟؟
ام بدر حطت يدها على فمها : راح عن بالي نسيت وسرحت بخيالها وهي تتخيل نفسها مطلقه تعوذت من الشيطان التفتت حولها تشوف سلطان حتى تناقشه بالحل بس ما شافته لانه صعد لجناحهم ....تنهدت بقلة حيلة وتوجهت لجناحها وهي تفكر بالحل ....
*
*