رواية طفولتي المشتتة الفصل السادس عشر 16 - بقلم ضاقت أنفاسي

جلست ريم على السرير وهي متضايقه
اخذت نفس وهي تقول بنفسها
اليوم السبت وجدها ما اخذها ولا حتى سأل عنها
غريبه وش صار عليهم ؟؟؟؟
والمدرسه ولا يوم داومت لو داومت كان سألت بنات عمها
محتاره وبنفس الوقت خايفه
وينهم لا حس ولا خبر ؟؟؟؟؟؟؟؟؟
شبكت يدينها ببعض من التوتر....مع مرور الوقت تحس اعصابها رح تتلف من التفكير...
وقفت وصارت تروح وتيجي بالغرفه متوتره تحاول تطرد فكره انهم خلاص ما يبغونها!!
معقول جدي ما يبغاني !!!
ورماني مره ثانيه هنا !!
وقفت وحطت يدها على راسها و وعقلها يردد "الزواج" !!
اليوم السبت ما بقى عليه الا خمس ايام
شهقت وحطت يدها على فمها من الفكره للي وصلت لها ....جلست على الارض بانكسار..
اكيد ما في زواج كذبوا عليها.....
نفضت راسها خلاص مو قادرة....
عضت على شفتها بقهر كيف نسيت الجوال...مان كلمتهم الحين وعرفت سبب تأخر جدها!!
مسحت على وجهها بقهر وتعوذت من الشيطان وقررت تنزل تحت تضيع وقت لوقت يرجعوا البنات من المدرسه
لبست العبايه والشيله ونزلت بهدوء بس وقفت منصعقه من للي سمعته
**
**
**
غاده بابتسامة : كل شي تمام تعبت حتى اقنعت البنات انهم يطلعون مع ريم ويغدرون فيها ....أبغى صور لها مشرفه بالنسبة لنايف ..ارسلهم له وهو يشوف ابنته بوضع ينزل رأسه  بالأرض.....
ختمت كلامها وغمزت لاختها :كيف ذي الفكره ؟؟
ساره باعتراض : نسيتي انها حفيده ابوي يعني رح تسيئين لعيلتنا
غاده بخبث : غبيه لاني ما رح احدد اي بنت رح يفكرونها بنت ساميا
ساره بعدم اقتناع : والبنات وافقوا ؟؟
عدلت غاده جلستها : ما وافقوا الا منار توكلت تقوم بالمهمه اما الباقي رفضوا وبتريقه يقولون ريم صديقتنا مالت عليهم
ساره بجديه : بس يمكن يحذروا ريم ويقولون لها
غاده بخبث : لا تخافي هددتهم اذا خبروها رح اخبر عن بلاويهم فاضطروا ينكتموا
ساره بتردد : بس كذا ريم  رح تضرر ...اكيد نايف ما رح يتركها بحالها اعرفه لما يعصب ثور هايج
غاده بلامبالاه : حريقه هو وابنته
ساره بتردد : بس ..
غاده قاطعتها : لا تمثلين دور الام الحنونه وانت رميتيها وهي صغيره علشان تتزوجين وناظرتها بنغزه
ساره بدفاع : بس انا كنت مضطره
ضحكت غاده باستهزاء : ههه مضطره ليه مضطره وبجديه ناظرتها
كذباتك ذي قوليها للناس الغريبه يصدقون ذي الكذبه
جدي وقتها خيرك انك تربي بنتك ريم او تتزوجين بشرط ترمي ريم على ابوها...
وباستهزاء وطبعا بما انك الام الحنونه والمضحيه رميتي ريم على نايف علشان تتزوجين وحتى كم مره يتواصل نايف مع محمد علشان البنت تزورك وتحسسيها انه لها ام بس رفضتي
نسيتي لما عرض عليك نايف مبلغ كبير كل شهر مقابل تزورك ريم مره بالاسبوع وتحاولين تعوضيها عن فقدان الامومه... الي مقابل تعطينه للبنت بدون مقابل
ومع ذلك رفضتي حتى تشوفينها!!
تتذكرين لما اتصل نايف بزوجك احمد وطلب منه انك تروحين مع ريم اول يوم بالمدرسه حتى ما تشعر ريم بالنقص عن دون البنات ورفضتي
تذكرين لما طلب نايف من محمد انه مستعد يدفع اي مبلغ مقابل انك تكلمين ريم بالاسبوع على الاقل ثلاث مرات تشعرينها بوجودك ومع ذلك رفضتي
وبالاخير الظاهر انه كذب على البنت وخبرها بالكذبه للي سألتك عنها ريم اول ما جاءت هنا!!
كانت ساره تسمع كلام غاده ...وتذكرت لما جاءت ريم هنا" سألت ساره متى رجعتم من خارج البلد.... ردت عليها ساره باستنكار وقتها إنها ما سافرت...
تكلمت ريم ببراءه : ابوي خبرني انك سافرتي  لانه اخوك قتل واحد والقاضي طردكم  وحتى القاضي رفض اتكلم معك مكالمات
وقتها ضحكت غاده بصوت عالي ودموعها تنزل من كثر الضحك : هههههههههه طلع نايف مؤلف افلام اكشن هههههههههه صدقتيه يالخبله ههههههه كان يكذب عليك"
رجعت ساره للواقع وناظرت لغاده بقهر : كله بسببك طلقني نايف
غاده رفعت حاجبها : تراك كذبتي الكذبه وصدقتيها من متى نايف حبك اصلا
هو تعرف عليك على الجوال وكان هدفه الانتقام وانت مثل الهبله صدقتيه وكلمتيه بالجوال وشردتي معه
تضايقت ساره من الماضي : خلاص غاده قفلي على الموضوع
غاده بانتصار : رح اقفله بس لا تمثلين قدامي مره ثانيه اوكي
سكتت ساره وما ردت عليها ...

**
**
**
**
شدت على حافة الدرابزين ورجعت للغرفه بهدوء وقفلت الباب بالمفتاح..…جلست على الارض مو مصدقه ابدا مو مصدقه ابوها كان معه حق لما يخاف انها اعحمل دمهم الخبيث....
غطت وجهها بيدينها ودموها تنزل بهدوء ما توقعت انه امها رمتها على ابوها ما توقعت ما توقعت
كانت تتشاجر مع ابوها علشان يرسلها لامها وهي ما تدري انه امها رافضيتها
وين قلبها ترميها من صغرها عند ناس وهي تعرف مدى كرههم لها!!!
رفعت راسها للسقف وهي تردد بصوت هامس
يا رب لطفك
غمضت عيونها بألم وهي تردد مغفله مغفله كنت اركض وراء سراب وهمي
ما كانت تتوقع انه امها وابوها كانوا على علاقه وأمها شردت معه
ابتسمت باستهزاء وهي تردد بنفسها عائله امي ضايعه!!
وسألت نفسها:ليه نايف طلق ساره ؟؟
وغاده وش علاقتها بالموضوع ؟؟؟
هزت راسها بالرفض ما ما يهمها تعرف الاجابه
اخذت نفس وهي تفكر لمتى رح تبقى ضعيفه وماضي امها وابوها يجرحها لمتى
عضت على شفتها بقهر
لمتى رح يبقى الحزن مخيم بحياتها ؟؟
متى تنجلي الاحزان والالام ؟؟
متى تعيش حياتها سعيده وتضحك من كل قلبها ؟؟؟
ما لقت غير حل واحد تنسى انه لها ام واب رح تعتبر نفسها يتيمه
وتريح راسها....
وقفت وهي تمسح دموعها.... ما في شي يستاهل تبكي علشانه
مستحيل تترك غاده الخبيثه تنفذ مخططاتها وانتقامها
وتتركها تواجه عصبية نايف البركانيه وحدها...حامض على بوزها
والحقيره منار.... الله لا يوفقها هي وغاده الخبيثه
جدها معه حق لما نصحها تبعد عنهم
ما توقعت كذا....
مسحت دمعه نزلت من عيوني توجهت للحمام وغسلت وجهي بقسوه أكثر من مره
وبعدها مسحته بعنف لعلي اطفي النار للي احسها بداخلي
توجهت للكبت وبدأت اجمع اغراضي وارتبها بالحقيبه مستحيل ابقى هنا ....
تذكرت جدي رح يعصب اذا عرف اني رجعت بسيارة اجره...
مو مشكلة يعصب وبعدها ينسى لانه المهم ما ابقى هنا
بعد ما جمعت اغراضي ورتبتها لبست العبايه والشيله بدون ما اطالع المرايه لانه نفسيتي بالحضيض
اخذت نفس وطلعت برا الغرفه شفت الشغاله وطلبت منها  تساعدني بحمل اغراضي
دخلت الغرفه وحملت بعض الاغراض معها وانا مستعجله
خلاص مو طايقه اجلس هنا ثانيه وحده بعد ما سمعت الكلام
وصلت الصاله شافتني غاده وقفت وهي متفاجئة : وين رايحه ؟؟
ناظرتها بحقد ولو كانت نظراتي تقتل كانت قتلتها : جدي ينتظرني
غاده وظهرت على ملامحها القهر : طيب قولي له بكره ييجي ياخذك على الاقل بس اليوم نامي هنا
ناظرتها باشمئزاز ودها تنفذ خطتها هالخبيثه ودها تحطمني ومو مهتمه اهم شي انتقامها
ما فكرت بي كيف رح اواجه نايف وفيصل لوحدي
بدل ما يزفوني عروس رح يزفوني جنازه
ناظرت امي بلوم وانا احس حالي مخنوقه يا عالم ذي
امي !!
ودها تحطمني بدل ما توقف بوجه اختها الخبيثة وتقول ما اسمح لك ابعدي عن ابنتي
للاسف تخطط معها ما كفاها شتت طفولتي بسببها
جايه الحين تكمل علي
مستحيل اسمح لهم يخربون حياتي لو زياد وصلت الصور وش رح يكون موقفه
عضيت على شفتي بقهر ما رح يسكت
اخذت نفس خلاص لازم امحي هذا البيت والي فيه من ذاكرتي
ناظرت غاده واعطيتها نظره احتقار واشمئزاز وطلعت بدون ما ارد عليها
توجهت خارج البيت وانا امسح دموعي كل يوم الفجوه بيني وبين امي تكبر
ما توقعت بيوم من الايام تكوني علاقتي معها كذا
ما توقعت
بلعت عبرتي لما وصلت عند البوابه شفت السواق
شتمت غبائي ليه اطلع بسيارة اجرة والسواق موجود
يمكن من القهر شوش تفكيري
طلبت منه يوصلني ومعي الشغالة.....ركبت السياره وجلست امسح دموعي بعد
ما وصفت للسواق البيت ...هز راسه انه يعرف المكان
ناظرت الشباك ودموعي مو راضيه توقف
مجروحه من امي كثير ما توقعت لذي الدرجه تكرهني!!
وش ذنبي ليه ما تحط الذنب على طيشها
استغفرت ربي على هذا الكلام مهما عملت تبقى امي
خلاص هي بحالها وانا بحالي مستحيل ارجع هناك
مستحيل
صفحه وطويتها من حياتي وتعلمت منها اكبر درس
اني ما اثق بأي أحد
مسحت دموعي بعد ما وقف السواق نزلت واخذت
نفس عميق
وانا احس نفسي مخنوقه مو قادرة اتكلم دخلت بيت جدي كان الجو هادئ ما في اي صوت حمدت ربي
ما في أحد ما لي خلق للاستجوابات
وصلت عند الدرج
رفعت رجلي لاول درجه بس وقفني صوت جدتي : انتي هنا ؟؟؟
ناظرتها كانت تنتظر مني اجابه بلعت غصتي وبصوت مخنوق : لا بعدني هناك
تخصرت جدتي : يا سخفك يالملسونه
وقفت خلفها ام خالد باستغراب : ريم انت هنا ؟؟
ناظرتها باستخفاف يا سخف هذا السؤال
طنشت سؤالها وبصوت مخنوق  : وين جدي ؟؟
ناظرتني جدتي : اول مره اسمعك تقولين جدي غريبه ؟؟
وبعدها ناظرتني بجديه : ليه عيونك منفخه ؟؟
مسحت دمعه نزلت من عيني غصب عني تركت الاغراض للي بيدي وحطيت يدي على فمي وانا امنع
شهقاتي
وبسرعة توجهت للدرج اركض وانا ابكي بصوت عالي
وصلت لغرفتي وقفلت الباب بالمفتاح
وتوجهت للسرير ورميت نفسي عليه وانا ابكي واشاهق من القهر الي اتجرعه بداخلي!!
**
**
**
**
**
**
**

بعد ما طلعت ريم ناظرت الجده ام خالد وهي
مستغربه : ما قلنا شي يزعل ؟؟؟
ام خالد بتفكير : والله يا خالتي ما قلنا شي يزعل وبعدين مع من جت ريم ؟؟
الجده بتفكير : والله ما ادري وبعدين الحين الظهر جايه غريبه وش سبب البكاء؟/
وبعدها ناظرت ام خالد : الله لا يهينك اطلعي شوفي علامها تبكي ؟؟؟
هزت راسها ام خالد وطلعت لغرفة ريم وبعد دقايق
نزلت وناظرت الجده وحركت حواجبها بمعنى ما ردت
جلست الجده على الكرسي مقابل الدرج
وجلست مقابلها ام خالد على الكنبه : ما فتحت وحتى ما عبرتني !!
الجده وهي عاقده حواجبها : والله غريبه وش صار عليها ؟؟ قلبي قارصني اخاف احد منهم عمل لها شي كايد...هذا البكاء مو طبيعي
ام خالد بتفكير : يمكن عمي اتصل وطلب منهم يرجعونها وعلشان كذا تبكي ما ودها ترجع
عفست الجده ملامحها : جايز
مسكت جوالها واتصلت بالجد وبعد عدة رنات فتح خط
الجده بهدوء : السلام عليكم
الجد بهدوء: وعليكم السلام ورحمة الله وبركاته
الجده بتردد : امممم اقول يا ابو سلمان انت ما ارسلت أحد يرجع ريم
الجد بتذكر : الله يرزقك الحج ذكرتيني فيها انشغلت ونسيت ارسل حد يجيبها الحين اتصل بسليمان يروح يجيبها مع واحد من العيال
الجده قاطعته : لا تتعب حالك قبل دقايق دخلت علينا ريم
الجد وصوته نبره استغراب : مع من رجعت ؟؟
الجده : ما ادري
الجد بصوت جامد : ما قالت شي ؟؟؟
الجده بتردد : سالت عنك وبعدها سكتت الجده
الجد بحزم : كملي ليه سكتي ؟؟
الجده وقلبها ناقزها : والله قلبي قارصني يا ابو سلمان
الجد بخوف : لا تتكلمين بالالغاز اقول لك وش فيه ؟؟
الجده بتوتر : بعد ما سألت عنك صارت تبكي بصوت عالي وبعدها ركضت وتوجهت لغرفتها وقفلته بالمفتاح وما رضت تفتح لنا الباب
الجد بخوف : يمكن سمعتيها كم كلمه وتضايقت ؟؟
الجده بصدق : والله ما ضايقتها اصلا اول ما دخلت وعيونها متورمه من البكاء حتى فكرت انك انت ارسلت لها ترجع علشان كذا تبكي
تنهد الجد : خلاص يمكن اليوم بالليل نرجع او الصبح وبعدها اشوف علامها....
قفلت الجده الجوال وناظرت ام خالد : عمك ما يدري عنها يقول اصلا ناسيها
وبتفكير ليه رجعت بهذا الوقت وهي تبكي
وجلست هي وام خالد يحللون ويحاولون معرفه السبب

**
***
***
***
***
***
**
قفل الخط وتنهد بتعب ناظره فيصل وهو عاقد حواجبه : وش فيه يبه ؟؟
طنشه الجد ومسك الجوال واتصل على الحارس وسأله ريم مع من رجعت وخبره انه مع السواق
قفل الخط بغبن وقهر كيف نسي يرجعها
صقر باستغراب : وش فيه يبه ؟؟
اخذ نفس الجد وناظر الموجودين وبالتحديد نايف للي واقف وماسك الجريده : امك تقول ريم راجعه الحين وهي تبكي بصوت عالي وقفلت الباب على نفسها بالمفتاح والحارس يقول راجعه مع السواق
رمى نايف الجريده من يده بعصبيه : انا اخر عمري رح تصيبني جلطه مسك الجوال
قاطعه ابوه لا تتصل على امك ما تعرف شي البنت ما خبرتهم بشي مقفله على نفسها
نايف والشرار يتطاير من عيونه : وقسم بالله لو ادري انهم اذوها
قاطعه صقر بانفعال : انت وش تخبص البنت عاشت عندهم ست سنوات ما احد اذاها الحين بالاسبوع هذا رح يضرونها
الجد يناظر نايف بحزم : خفف صوتك حنا بمستشفى مو بالبيت قاعد تزاعق ولا تستبق الامور قبل وقتها
ناظر نايف ابوه وهو يكتم غيضه وبنفس الوقت ابوه معه حق ما رح يستبق الاحداث
فيصل شد على قبضة يده وخايف من الافكار السوداء للي في باله
نواف بقهر : انت يا جدي خربت البنت بدلالك يعني اذا طلبت منك تزور بيت جدها تلبي لها بدون اعتراض
وكيف نسيتها يا جدي كيف ؟؟
الجد بعصبية : لا تعال اضربني !!!
انت لا تتدخل اتوقع البنت تحت تصرفي اوديها وارجعها ما حد له دخل فاهم
وبعدين لا تنسى كيف انشغلنا الاسبوع الماضي
صقر يهدي الوضع : يا جماعه الخير ليه مكبرين الموضوع البنت خفيفة ابوي تاخر عليها خافت انه اجل الزواج وجاءت مثل المجنونه
ناظره الجد وابتسم على الخفيف : والله انك صادق من ناحيه انها البنت خفيفة
خالد بابتسامة ناظر نايف : لا تخاف يا عمي ان شاء الله كلام صقر يكون صحيح وما في الا الخير
صقر بابتسامة : انت يا خالد ما شفتها يوم ملكتها وقفت بوجهي وبوجه ابوي وغصب عنا ملكت على
زياد
لا والمشكله تهدد بي اذا كنسلت الملكه رح تطلع قدام الرجاجيل و...
قاطعه نايف بنظرات يتطاير منها الشرر : صقر
حك صقر راسه بابتسامه بعد ما ناظر نايف : حقك علي نسيت انك موجود
ابو سليمان يغير الموضوع : متى العزم ان شاء الله ؟؟
الجد التفت لساعته وبعدها ناظر صقر ونواف : احجزوا لنا اقرب حجز
وبعدها ناظر فيصل : انتبه على خالد وطمنا عليه
فيصل باعتراض : لا انا راجع معكم خلاص صقر او نواف يجلسون عنده
ناظره الجد وعارف مقصده من الرجعه وده يفتح تحقيق مع ريم واكيد ريم ما رح تجاوبه وبسرعة اعترض الجد : لا لا صقر ونواف خلصت اجازتهم وبعدين هذا ولدك وانت اولى به
طنش فيصل كلام ابوه وناظر ابو سليمان : وش رايك تجلس عند خالد و..
قاطعه ابو سليمان وهو يحرك يده باعتراض بعد
ما غمز له ابوه بالخفيه : لا لا انا ما لي خلق للغربه واستنى اليوم للي ارجع فيه
ناظر فيصل نايف : خلاص يا نايف انا اقول خليك عند
قاطعه نايف بعصبيه : خليك عند ولدك انت احسن
تراني مو رايق لك وقاعد اعد بالثواني متى ارجع لو يطلع بيدي خلال ثواني اكون بالبيت
ناظر فيصل نواف وبحزم : نواف انت خليك هنا وبالنسبه للاجازه لا تهتم
انقهر نواف وسكت ما حب يجادل لانه ابوه كان حازم
خالد يمثل الزعل : اشوف ما حد يبغى يجلس عندي
قاطعه الجد بابتسامة : اصلا انت مو بحاجه لمرافق وضعك الصحي الحمد لله بس هذا المستشفى يدلعونك
قاطعه صقر بضحكه : قصدك يشفطون فلوسه وهو مصدق نفسه انه بحاجه للراحة
خالد وهو يحرك حواجبه : قول انك تغار مني
كش عليه صقر : مالت عليك
لما شافهم خالد رح يطلعون : سلم يبه على امي وجدتي وانتبه على الاولاد لا تخلون شي بنفسهم
قاطعه فيصل : اتوقع اولادك مثل اولادي وما رح
اقصر معهم اعاملهم مثل نوف واحمد
خالد بابتسامة : لا يبه بالله ميزهم عن نوف واحمد
اهم شي ما يشعرون بالنقص
ابو سليمان : لا تخاف ما حد مقصر مع اولادك وان شاء الله بأقرب وقت ترجع لهم ودللهم على كيفك
خالد بحنيه لاولاده : ان شاء الله
&&
&&
&
&&
&     &
&
&
&&
&
&
&

صحيت من النوم وهي تفرك عيونها كانت الغرفه
مظلمه
مشت وهي تتحسس بايديها حتى وصلت وشغلت انوار الغرفه
غمضت عيونها بانزعاج من الضوء وصارت تفتحهم بشويش
بعدها ناظرت نفسها كانت لابسه عبابتها والشيله
وكالعاده نامت بدون ما تدري عن نفسها
فجأة تذكرت الاحداث بسرعه وكأنها حلم وصحيت منه
استغربت من هذا الحلم وعقلها مشتت ومو مركزه بشي
قررت تاخذ دش يغير نفسيتها بعد الدش حست نفسيتها ارتاحت لبست بنطلون برمودا ضيق لونه اسود
وبلوزه خيط لونها زهر ساده ما فيها حركات بس ماسكه على جسمها...
وربطت شعرها جدوله برباط لونه زهر
لبست العبايه والشيله وحطتها على راسها وقررت تطلع من غرفتها
من طول الحلم حست نفسها صار لها زمان ما شافت جدها وجدتها
نزلت بهدوء على الدرج بحثت عن جدتها لقتها جالسه
بالصاله الداخليه مع ام خالد والبزران يلعبون
دخلت وابتسمت واقتربت من جدتها وباستها على خدها : امواح اشتقت لك
مسحت الجده خدها وهي مستقرفه : انت ما تعرفين تسلمين الا كذا
وبعدها ناظرت ريم بتحقيق : ليه رجعتي اليوم الظهر من بيت جدك تبكين ومنهاره وقرصت عيونها وهي تناظر ريم وتنتظر الجواب
ناظرت ريم جدتها مدهوشه وهي مو مستوعبه يعني ما كان حلم كان حقيقه
وتذكرت الموقف والمناحه للي عملتها كله كان حقيقه مو حلم
هزتها جدتها عالخفيف : انا اسألك ليه كنت تبكين ؟؟؟
ضحكت ريم بصوت عالي وزاد صوت ضحكتها وهي تتذكر فيلم الاكشن للي عملته
ومستغربه من نفسها ليه عملت كذا الموقف ما يستاهل كل هذا الاكشن
صارت دموعها تنزل من كثر الضحك
وام خالد والجده يناظرونها وعيونهم مفتوحه على الاخير...
دخلت سديم وناظرت ريم باستغراب وقفلت الجوال للي بيدها واشرت بيدها على ريم : علامها ذي المجنونه تضحك كذا ؟؟؟!!!
هزت الجده كتفها : والله ما ادري انا متاكده ذي البنت مو طبيعية الظهر تبكي وفتحت مناحه وصوت البكاء بكل مكان
والحين تضحك وضحكها يرج البيت
باست الجده يدها من الامام والخلف وهي تقول الحمد لله على نعمه العقل
هدت ريم شوي وحاولت تاخذ نفس
سالتها ام خالد : وش للي يضحك
رجعت ريم دخلت بنوبة البكاء وهي خلاص مو قادره
تحس بطنها تمزق من كثر الضحك
جلست على الارض وهي تضحك ودموعها على خدودها من كثر الضحك ووجهها احمر
وصلت ريم لدرجه من شده الحزن تصير تضحك
كانت تضحك بدون وعي
وقفت الجده تناظرها مفزوعة وبعدها ناظرت ام خالد : انا اقول البنت مو طبيعية وش رايك ناخذها على المستشفى
ام خالد بتأييد : وانا اقول كذا البنت مو طبيعيه شوفي وجهها كيف صار من قوه الضحك
اتصلت ام خالد على سامر وطلبت منه يشغل السيارة بسرعه وقفلت الخط وهو يسألها وين رح يروحون
سديم بخوف من حالتها ذي : ييمه غسلي وجها بمويه يمكن تفوق
اقتربت ام خالد من ريم وجلست بالقرب منها وسكبت مويه من الكاس للي اعطتها اياه سديم
ومدت يدها تمسح وجه ريم بس ريم ابعدتها وهي
تضحك
الجده بتوتر : خلينا نحملها للمستشفى بلاه البنت تروح من يدنا
رن جوال الجده ردت بتوتر : الو
صقر باستغراب : حنا وصلنا المطار
الجده وهي تناظر ريم : الحمد لله على سلامتكم
صقر باستفسار: يمه وش صوت الضحك هذا
الجده بتوتر : ذي ريم مو عارفه اتصرف معها فجأة دخلت بنوبة الضحك ومو ساكته وكأنها مو بوعيها
الله يستر وش عملوا لها اهل امها
البنت من لما رجعت مو بوعيها
ام خالد بعجله : خالتي تعالي امسكيها معي البنت رح تموت بين يدينا
رمت الجده الجوال على الكنبه بعد ما
قفلته بوجه صقر
واقتربت من ريم ومسكتها من يدينها
اقتربت ام خالد وحطت بيدها مويه ومسحت على وجه ريم وهي تسمي
شهقت ريم من بروده المويه
مسحت ام خالد وجه ريم مره ثانيه وهي تسمي عليها
صحصحت ريم وابعدت ام خالد وهي تمسح وجهها باكمام عبايتها
اخذت ريم نفس عميق وهدت
الجده : ريم انت بخير ؟؟
ناظرت ريم جدتها وابتسمت بهدوء : الحمد لله بخير
سديم ناظرتها بغرور : روحي على مستشفى الامراض النفسيه صدقيني رح يستقبلوك على طول
ناظرتها ريم بابتسامة ووجهها ما زال احمر وفكها يوجعها وبطنها من كثر الضحك : ما عندي مانع اروح ورح اطلب ما يحطوني معك بنفس الغرفه تعرفين ما اطيق اشوف خلقتك
سديم بقهر ناظرتها وطلعت
تنهدت ريم براحه ومستغربه من ضحكها اول مره تضحك كذا
ناظرت جدتها وهي حاسه فكها يوجعها من كثر الضحك : وين ابو سلوم ؟؟
الجده تناظرها ومستغربه من تقلباتها : مسافر ليه تسألين ؟؟
سكتت ريم وما جاوبت وهي سرحانه بافكارها انه جدها ما اخذها لانه مسافر بس غريبه لانه بطلوع الروح حتى وافق على 3 ايام كيف رضي يتركني اسبوع على الاقل كان ارسل حد ياخذني وعمي فيصل وابوي كيف وافقوا ؟؟!!!!!
نقزت ريم على ضربه على راسها مسحت مكان
الضربه وناظرت جدتها وهي ماده بوزها : ليه ضربتيني ؟؟؟
الجده وهي تحرك يدها يمين يسار : لا والله ما انت
طبيعيه لي سنه اكلمك وانت سرحانه ما تردين علي
وش فيك ؟؟
حكت ريم حاجبها بسرحان وناظرت جدتها : هاه لا ما في شي
ام خالد تناظر ريم بتدقيق : والله يا خالتي مو طبيعية انا اقول في شي تخفيه عنا وشي كايد بعد
ناظرتهم ريم بهدوء وبعدها نزلت نظرها للارض وما ردت وهي تتذكر الاحداث
الجده هزت راسها بتأييد : الله يستر من سكوتك يا ريم
&&
&&
&&
&&
&&
كان حاط على مكبر الصوت بعد ما قفلت امه ناظر
ابوه للي جالس بالسياره من امام
الجد وهو يناظر للخلف ويفكر وش صار على البنت
تصرفاتها مو طبيعية
اما نايف كان يهز رجله بتوتر والمخاوف للي بقلبه تزيد
فيصل حرك السياره بسرعة والافكار توديه وتجيبه
اتصل صقر بعد ربع ساعه على امه وما ردت
اتصل على سديم وبعد كم رنه ردت الو
صقر بقلق : وش صار على ريم ؟؟
سديم بدون نفس : وعيت على نفسها بعد ما غسلوا وجهها بمويه
صقر بتأكيد : يعني الحين بخير ؟؟
سديم ترد من طرف خشومها : ايه
قفل صقر الخط بوجهها وارتاح شوي بعد ما خبرهم .الجد : اخاف تنام قبل ما نوصل الساعه قريب 12.00
ابو سليمان : لا اتوقع تلاقونها صاحيه
سكت الجميع وكل واحد يفكر ويحلل بالموقف

&&
&&
&&
&&
&&
&&
&&
&&

صحيت مفزوعة من الضرب القوي على الباب
حطت يدها على صدرها
وهي تسمع صوت : افتحي يا ريم
ما ميزت الصوت من النعاس
وقفت ومشيت وهي تتمايل من النعس وفتحت الباب
وانصدمت لما شافت جدها وفيصل ونايف وصقر....غريبه جدتها خبرتها انهم مسافرين
دخل نايف بعصبيه وشغل الانوار وسحب ريم من يدها وتوجه للسرير واشر لها تجلس
دخل صقر وفيصل والجد بهدوء.... ناظرهم نايف بجديه : ممكن بس دقائق تتركونا لوحدنا
هز الجد راسه وما حب يعارضه طلع ولحقه صقر وفيصل للي من الداخل يغلي قهر
سكروا الباب خلفهم
نايف وهو يحاول يكتم غيضه ناظر ريم : ريم ليه رجعتي من بيت جدك ؟؟
ناظرته ريم : مليت هناك
نايف وهو يأخذ نفس : طيب ليه كنت تبكين؟؟ وليه رجعتي مع السواق ؟؟
نزلت ريم راسها وما جاوبت وش تقول له
رفع راسها باصبعه وبتهديد : ريم لا تخليني افقد اعصابي جاوبيني
نزلت ريم نظرها للارض : تخاصمت مع البنات وزعلت منهم
نايف : ريم ناظريني
ناظرته ريم بتوتر
نايف بهدوء : من ملامحك اعرف انك كذابه
قولي الصدق وريحيني
حد اذاك بشي ؟؟
ناظرته ريم وغصب عنها نزلت دمعه من عيونها مسحتها بسرعة
نايف خاف وجن جنونه من دموعها حس انه للي في باله اكيد صار مسكها من معصمها : جاوبيني ؟؟
ناظرت ريم الباب وبعدها ناظرت نايف : توعدني ما تقول لاحد وبالاخص عمي فيصل وصقر وجدي وبحركه طفوليه ولا احد يدري عن السالفه
نايف وحس انه للي في باله صار رد واعصابه مشدوده : اوعدك ما اخبر احد بس قولي
ناظرته ريم بتردد وشي بداخله يدفعها تخبره بكل شي واخذت نفس ترتب الكلام : اممم هي سالفه عاديه بس انا يمكن كبرت الموضوع وتحسست منه زياده
نايف وصبره نفد : وبعدين معك اقول لك قولي وانا
اشوف اذا السالفه عاديه او لا
ما كانت ريم عارفه من وين تبدأ بالكلام : اممم كنت جالسه بغرفه البنات وبنات خالي بالمدرسة
قررت انزل تحت انتظرهم
ناظرت نايف بتردد ولما نزلت من الدرج كم درجه سمعت غاده وساره يخططون إنه البنات يغدرون فيني ...وياخذون لي صور مو منيحه ويرسلونها لك حتى يقهروك
كان نايف يناظرها بملامح جامده وما تكلم لعده دقائق وبعدها نطق وهو يتحكم بأعصابه : وبعدها وش صار ؟؟؟
ريم بهدوء : رجعت للغرفه واخذت اغراضي وطلعت
من البيت وطلبت من السواق يرجعني
نايف بنظرات مو مفهومه : طيب يعني كنت ناويه تعملين مثل ما خططوا ؟؟
ناظرته ريم بنظرات تائهة
نايف بحده : اكيد كنت ناويه تعملين مثل ما خططوا والا كان ما خفتي وهربتي !!
بعد كلامه صحيت على نفسها ليه هربت كان بإمكانها تواجه غاده وتعرفها قدرها وبتبرير نطقت : بس انا ما كنت ناويه
نايف بعصبية : كذابه ليه هربتي دامك مو ناويه تطلعين ؟؟
ريم بدفاع : والله ما كنت ناويه اطيعهم بشيء... من اول ما رحت عندهم وهم يحاولون يطلعوني متبرجة
بس رفضت والله العظيم
ناظرها نايف بقهر وهو يغلي : يعني ولا مره طلعتي متبرجه معهم ؟؟
هزت ريم راسها بالموافقة
تنهد نايف وحس بالراحه شوي بس تذكر شي وناظر ريم بخوف : لك صور عندهم ؟؟
ناظرته ريم ببراءه : ايوه
نايف وخلاص قفلت معه : وين كانت الصور ؟؟ كنت متحجبه ؟؟
ريم ببراءه : بالاسواق وبالبيت وبتردد صوري عندهم  بدون حجاب وانا بالبيت
قاطعها كف على وجهها
حطت يدها على وجهها وناظرت نايف بخوف
نايف بصراخ : غبيه غبيه كيف تخلين صورك عند بنات خالك كيف ؟؟
كان الباب يدق وصوت الجد وصقر يطلبون منه يفتح الباب
طنشهم واعاد سؤاله :، كيف تخلين صورك عند بنات خالك كيف ؟؟؟
نزلت ريم يدها عن وجهها وببراءه : وش فيها ؟؟
نايف والشرار يتطاير من عيونه : ما فيها شي بس بكل بساطه الحين الكلبه غاده تاخذهم وتنشرهم بكل سهوله
وعض على شفته بقهر : لو دفنتك هنا ما حد رح يلومني
تدرين لو انتشرت صورك ... فائده وحده رح نكسبها من خلف ذي السالفة انه زياد يطلقك وبأقصى سرعه
ناظرت ريم ابوها مو مستوعبه كلامه كيف زياد يطلقها حطت يدها على فمها : بس انا ما لي ذنب !!!
نايف بعصبية : ذنبك انك غبيه وتحملي النتائج
ناظرها بقهر : انا أحل الموضوع بطريقتي والحمد لله انك خبرتيني من البدايه حتى اقدر اتصرف
وبتهديد يا ويلك اذا سمعت انه السالفه طلعت من هنا فاهمه
ناظرته ريم ومسحت دمعه نزلت من عيونها
نايف بجمود : ما في داع للدموع واعتبري السالفه محلوله بإذن الله بس يا ليت تتعلمين وتعتبري هذا الموقف درس لك
اخذت ريم نفس وبهدوء : كل الحق عليكم رميتوني
عندهم وما سألتم عني وشي طبيعي اخذ اطباعهم
والبس مثلهم ما لقيت حد يرشدني والحين جاي تلومني
تنهد نايف وهو موقن انه كلامها صحيح بس ما زال مصمم يحملها الغلط : بس ربنا اعطانا عقل نميز الصح من الغلط
نزلت ريم راسها وما ردت
نايف بهدوء : الحين نامي ولا تفكرين بالموضوع انا اتصرف وتكتمي على الموضوع ما ابغى حد يدري به غيري وغاده وساره الكلبات حسابهم عندي
حست ريم بالراحه بعد ما خبرت نايف
وكانت ريم تبغى تسأل نايف عن سبب الطلاق بس حست في حواجز بينها وبين اكيد ما رح يقبل يجاوبها
توجه نايف وفتح الباب بهدوء كان صقر وفيصل والجد ينتظرون بفارغ الصبر
ناظرهم نايف وغادر المكان بدون اي كلمه
ناظر صقر ابوه وهو عاقد حواجبه : علامه ؟؟
هز الجد كتفه ودخل الغرفه وخلفه فيصل وصقر
ناظرت ريم وشافت جدها ابتسمت خلاص ما حد يستاهل تبكي علشانه : يا هلا ابو سلوم
وقفت واقتربت منه وسلمت عليه بهدوء
الجد بهدوء : الله يسلمك
وبعدها سلمت على صقر بابتسامة وعلى فيصل بدون نفس
الجد بهدوء : ما رح اتاخر عليك الوقت متاخر بس حبيت اطمئن عليك خبرتني جدتك بكل شي والحين ابغى اسمع منك
ابتسمت ريم : ما في شي بس تهاوشت مع البنات وزعلت منهم وجيت هنا
فيصل بعصبية : كذابه ودك تقنعينا بالكذبه ذي شوفي خدك احمر من نايف الله اعلم وش مهبهبه
ريم بابتسامة تقهر فيصل : عادي صرخ علي وضربني
كف لاني كنت ابكي على شي تافه بنظره وعلى باله
في شي كايد بالسالفه
فيصل بقهر : كذاب...
قاطعه ابوه بحزم : خلاص يا فيصل ليه مكذب البنت
وبامر والحين يالله نطلع من الغرفه خلي البنت تنام
ازعجناها وبعدها ناظر ريم وابتسم
طلع الجد وصقر وفيصل قبل ما يطلع اعطى ريم نظره توعد وطلع
تنهدت ريم وجلست على السرير بهدوء ما فكرت
ولو لمره انه غلط تعطي صورها للبنات
الحين اخذت درس مهم مستحيل تعطي او تخلي
صورها عند احد
وغمضت عيونها ما ودها تفكر بشي خلاص صفحه وطوتها من حياتها ما رح تبقى تفكر بالماضي واحزانه
رح تناظر المستقبل على امل انه يحمل لها الابتسامه
**
**
*"
في صباح اليوم الثاني جهزت نفسها ريم للمدرسه
وحاسه نفسيتها اليوم احسن بكثير
نزلت وهي تتزحلق على الدرابزين ومبسوطه على الاخير
وعند نهايته قفزت كالعاده وتوجهت وجلست على اول درجه تلبس الصندل
قاطعها صقر بابتسامة : متاكده انك ما تشتغلين بالسيرك ؟؟
تدرين تذكريني بقرد السيرك وضحك
ناظرته ريم وهي رافعه حاجب وباستهزاء : ههه اضحكوا له بفلس
وبعدها ناظرته بتكبر : سخيف
اقترب مني وقفني ولوى يدي لظهري : اعتذري
ريم بعناد : سخيف
شد صقر وهو يبتسم صرخت ريم : ااااااه اتركني
غمضت ريم عيونها : والله لاقول لابوك عنك
ضحك صقر : خوفتيني مو كانه جدك ؟
ريم بوجع : والله وجعتني اتركني
صقر بابتسامة : وهو المطلوب تتوجعين علشان تعتذرين
ريم بعناد : سخيف سخيف
قاطعهم الجد : وش هذا الازعاج ؟؟
ريم برجاء: ابو سلوم شوف ولدك كسر يدي خله يتركني
الجد ناظر صقر بابتسامة : اتركها يا صقر لا تنسى انها عروس كيف نزفها ويدها مكسوره
صقر ضحك : امممم رح اكسر يدك علشان ما تنزفين او تعتذرين يالله اختاري
ناظرت ريم جدها : تكفى خله يفكني كسر يدي كيف رح البس الفستان اذا انكسرت ؟؟
الجد بابتسامة : اثقلي يا بنت الناس يمدحون البنت الثقيله
ريم وهي تحاول تفك يدها: طيب خله يفكني
اقترب الجد و ابعد صقر عنها
بعدت ريم عن صقر وهي تمسح مكان قبضة صقر
وناظرته بحقد
صقر بابتسامة : لا تناظريني كذا اخاف هههههه وبجديه يالله قدامي اتفاهم معك بالسياره
ريم بغرور : مستحيل اركب معك توكل
لو اموت ما اركب سيارتك
وناظرت الجد : يالله تاخرت على المدرسه
وقف فيصل وبحزم : قدامي انا رح اوصلك
ناظرته ريم بقهر من وين طلع : لا لا جدي رح يوصلني
فيصل بحزم : ما رح اعيد كلامي ومسك يدها وسحبها خارج البيت
انقهرت ريم منه يدخل بكل شي بحياتها
وصلوا السياره وفتح لها الباب الامامي وبعدها ركب السياره وحرك بهدوء
بعد دقايق بدون ما يناظرها فيصل : يالله يا ريم خبريني بالسالفه وبدون كذب
ناظرته ريم وهو يسوق ولوت بوزها وبنفسها لو يموت ما خبرته بشي : مثل ما قلت لك البارحة الا اذا ودك اخترع من مخي واخبرك
التفت عليها بعصبيه : ريم بدون لف ودوران قولي لي
وبسرعه ترى صبري بدأ ينفد
ريم بابتسامة : وش ودك اياني اقول ؟؟
اخذ فيصل نفس : ريم انت عارفه وش ابغى يالله تكلمي بسرعه
ريم بتفكير : امممم طلعت البارح للسوبر ماركت وبالطريق فجأة طلع لنا وحش له قرون
قاطعها فيصل بصراخ : ريم
ابتسمت ريم باستفزاز : مو انت طلبت تعرف وش صار البارحه
وقف السياره عند باب المدرسه ومسك يدها وشد عليها : الحين رح اتركك لكن بعد الدوام ابغى اسمع السالفه وبدون مراوغه فاهمه
هزت ريم راسها علشان يفكها
بعد ما فكها نزلت بسرعة ودخلت المدرسة وهي تتنهد براحه انها فلتت من تحقيقه

&&
&&
&&&
&&
&&
&
&&
&
&&
&&
&&
جالس بالمستشفى بمكتب نايف : يعني ودك تقنعني انها ما قالت لك وصغر عيونه وهو يناظره
نايف تكتف وطالع صقر : مو ضروري تقتنع
صقر بابتسامة : يا اخي شايف نفسك علينا كأنه ما حد رح يزوج ابنته غيرك
نايف بندم : اسكت تحسب هذا زواج وناظره بحسافه
الله يسامحه ابوي كيف طاوعها
صقر بنغزه : طيب ليه اشتريت لها هديه زواج دامك معارض ؟؟
نايف وهو يرجع ظهره على الكرسي : يعني ابوي قيدني اتصل وحدد موعد الزواج وش يطلع بيدي الا اني استسلم ولا يعني اني جبت لها هديه معناه اني موافق
صقر بقهر : ما حد ضيع البنت غيرك ظلمتها بذنب ما اقترفته و..
قاطعه نايف بعصبية : كم مرة قلت لك مو متفرغ لمحاضراتك رجاء سكر على الموضوع او مع السلامه
صقر وهو يعدل جلسته : مو طالع اعوذ بالله حريقه
بسرعة تعصب
المهم قدم سليمان على اجازه ؟؟
نايف : ما ادري بس اكيد رح يعطونه زواجه قرب بعد اسبوعين
صقر : الله يوفقه
نايف وهو يفكر : امين

^^
^^^
^^^
^^^

بعد ما رجعت من الاداره وطلبوا منها اعذار عن الغياب
تنهدت وهي تقول بنفسها انا فاضيه لهم زواجي بعد ايام رح اخبر جدي يتفاهم معهم ويجيب لي اجازه للعرس
قاطعتها ليان بابتسامة : جهزتي اغراض الزواج كلها ؟؟
ريم بهدوء : كل شي جاهز
وبعدها اجتمعوا زميلاتها بالصف ويسألونها عن حفل الزواج وعن كل التفصيلات
وريم تجاوب باختصار
بنهاية الدوام طلعت ريم وشافت عمها فيصل ينتظرها
وقفت عند باب السياره
بس في يد دفتها ناظرت كانت روان فتحت الباب وجلست جنب ابوها
طنشت ريم من تصرفها لكنها ابتسمت لما فيصل نزل روان وقال لها تنتظر سامر الحين ييجي لها
نزلت روان وهي تتحلطم
حركت ريم حواجبها لها بدون ما يشوفها عمها وبعدها جلست مكانها وحرك فيصل
وبدأ التحقيق مع ريم .....

**
***
****
*****
******
*******
******
****
***
**
**
رجعت روان عند البنات وودها تنقهر من الفشيله
سديم بقهر : خلص طنشيها هاذي الكلبه
روان وشوي وتبكي : مو حاسه بي لما نزلني ابوي من السياره علشانها
اخخخخ يالقهر
رغد : سيارتكم  وانت الغريبه وهي لها الحق تركب المفروض عمي ركبك وتركها بالشارع مثل الكلبه
روان : مقهوره يا عالم ما شفتوها وهي تحرك حواجبها وتجاكرني الله ياخذها اكرهها
ناظرتها سديم : يالله هذا سامر وصل
تحركت سديم وروان باتجاه سياره سامر بهدوء ....
**
**
**

نزلت ريم من سياره وسكرت الباب بقوه نزل فيصل من السياره بعصبية : ريم
طنشته وتوجهت للبيت وهي تتحلطم من عمها
اقرفها حياتها طول الطريق تحقيق ووعيد وتهديد
قرفت حالها منه
دخلت الصالة الخارجيه ودخل بعدها مباشرة فيصل
تقدم منها بعصبيه ومسك معصمها ولفها لجهته
وبصراخ : قد ذي الحركه ؟؟؟
ريم ناظرته بقهر : ايوه قدها وحاولت تسحب يدها منه اتركني بحالي من لما رجعت من السفر وانت
نازل تحقيق تحقيق تحقيق أقرفتني نفسي
قاطعها كف على وجهها من فيصل
ورفع اصبعه بتهديد : صوتك ما ترفعينه علي فاهمه
وكل شي رح تقولينه غصب عنك
رفعت ريم راسها بحقد : والله لو تموت ما اقول لك
وبصراخ انت ما لك دخل بحياتي تفهم
فيصل وكل الشياطين تجمعت فوق راسه شد على يدها وضربها كف ثاني وثالث
الجده بهلع تعرف جنون فيصل : فيصل اترك البنت
زواجها بعد ايام وش ودك الناس تقول عنا
فيصل والشر يتطاير من عيونه : بالحريقه هي وزواجها
شد على معصمها بدون وعي
ريم من بين اسنانها : فك يدي
ناظرها فيصل بقهر وشد على يدها بزياده ... كف قوي على وجهها من قوته نزل دم من طرف فمها
الجده لما شافت كذا ركضت على فيصل ومسكت يده خافت اذا جاء زوجها اكيد رح يعصب على فيصل وتصير مشكلة : تكفى يا فيصل اتركها بلاه ييجي ابوك ويعصب
فيصل شد على يدها اقوى وبصراخ بعد ما اعطاها كف خامس على وجهها : وقسم بالله اذا ما خبرتيني معاك مهله لبكره ناظرها باحتقار ودفعها بعيد عنه!!
وقعت على الارض...وقفت بصعوبه وهي ماتمه الالم... ناظرته بحقد : اكرهك
فيصل ضحك باستهزاء : لا انا اموت عليك ...ما اقدر اعيش بدونك ما يهمني تحبيني او لا المهم اني عمك واكسر راسك اذا غلطتي
قاطعته ريم بعصبية : ابوي عايش وجدي انت مالك دخل
ناظرت ريم جهة الباب شافت روان وسديم يناظرونها بشماته جن جنونها
ناظرت بعمها : الأولى فيك تروح تربي ابنتك بعدين تعال عندي
عصب فيصل : بناتي احسن من وجهك المصدي مربيات احسن تربيه
ناظرته ريم باستفزاز : واضح كثير
اقترب منها فيصل ومسكها من كتفها : وش قصدك ؟؟
كان هدف ريم تقهره مثل ما قهرها : طول وقتها ابنتك تكلم سليمان بالجوال ورسائل ...
قاطعها فيصل بكف : كذابه سديم مستحيل تعملها
وش الدليل على كلامك
ناظرته ريم بتردد اصلا هي ما تدري اذا يكلمون بعض بس كذا قالت : فتش الجوال و..
قطع كلامها لما ابعدها فيصل عن نفسه وبسرعه توجه لسديم للي وجهها الوان من الخوف
فيصل وهو يحاول يكتم غيضه : سديم اعطيني الجوال بس علشان اثبت للكلبه ريم انك ما تعمليها
ترددت سديم وتصنمت نقزت من صوت ابوها : هاتي الجوال
كانت سديم ريقها ناشف جسمها متصنم بعد صراخ ابوها مدت يدها للحقيبه واخرجت الجوال ويدها ترجف
سحبه فيصل منها بعنف وبعصبيه : افتحيه ليه حاطه كلمه سر
مسكته سديم ويدينها ترجف حطت الرقم السري وبسرعة سحبه فيصل منها
فتح الرسائل كان فيها اسماء صديقاتها وكان اسم
رفيق روحي
فتح رسائل رفيق روحي كان كلها حب وعشق
ومنها اعتذار ما يقدر يتصل او مشغول
فتح رسائل المرسله كانت نفس الشي كلها كلام معسول
ناظر سديم وعيونه حمراء من العصبيه وبسرعه اتصل على اسم رفيق روحي...وتركه  على السماعة الخارجيه
بعد رنتين فتح الخط بهدوء : هلا حياتي
ظل فيصل متصنم ما تكلم
سليمان : سدومه
قاطعه فيصل بصراخ : الله يسد نفسك يا قليل الحيا
ذي سلومنا وعوايدنا تكلم البنت من خلفنا لكن حسابك بعدين نتفاهم
وقفل الخط بوجه سليمان وضربه بالجدار
تقدم من سديم وضربها كف على وجهها وبعدها مسكها من شعرها : انا انا تخذليني وتكلمينه من وراء ظهري انا
انا تخلي للي ما يسوى يتشمت فيني
رفع راسها وهو ماسك شعرها وضربها كف على وجهها
تقدم سامر وحال بين ابوه وسديم : يبه هدي وصل على النبي
فيصل من بين اسنانه ؛ اللهم صل على النبي
وبقهر : سامر ابعد عني خليني اتفاهم معها
دفع فيصل سامر من قدامه ونزل ضرب بسديم
قاطعه دخول الجد وهو يصرخ : بس بس وش هذا فيصل ذبحت البنت
فيصل بعصبية : ودي اذبحها واخلص منها قليله الحياء
تراسل سليمان بكلام انا والله استحي اقوله لزوجتي
ابعده الجد عن سديم وهو يهدي فيه
ناظر فيصل سديم وتفل عليها : سليمان الكلب حسابه عندي
الجد بعصبية : فيصل وبعدين معك ؟؟ ما في احترام
لوجودي
اقترب فيصل من ابوه وباس راسه : اسف يبه
الجد بهدوء : كنت رح تذبح البنت وتموتها علشانها تكلم سليمان وش فيها الولد ملك عليها وهي باعتبار زوجته
وبعدها اقترب من سديم وساندها : خلص يا ابنتي
قومي روحي على غرفتك وما يصير الا كل خير
وقفت سديم وهي تمسح دموعها وتوجهت للداخل
وروان ماسكه بيدها
كانت ريم تناظر بقهر وهي ماسكه معصمها مكان قبضة فيصل والالم يزيد
ناظرتهم بكره ولفت وجهها تطلع لغرفتها قاطعتها
ام خالد : حسبي الله عليك من بنت فتنتي الدنيا ببعضها
الجده بكره : بنت ساره وش ترتجي منها هالفتانه
حسبي الله عليك
الجد بحزم : خلاص ترى راسي مصدع ومو ناقصني
كلام يصدعه زياده
وناظر الجد فيصل بحزم : قسم بالله يا فيصل لو ادري انك متعرض
لسديم او سليمان اني ما رح اكلمك ليوم الدين
وانت حر
ناظرهم فيصل بقهر وطلع من البيت
ام خالد بقهر : يا ليته فيصل للحين يطق فيك يا فتانه
طنشتها ريم وصعدت لغرفتها
الجد ناظر باستغراب : فيصل ليه ضرب ريم ؟؟
الجده بلامبالاه : والله ما ادري صوتهم طلع هنا وكانت تصرخ على عمها وما احترمته وبعدها ضربها
الجد احتدت ملامحه : انا كم مره قلت له لا يتدخل بالبنت كم مره خفف نبره صوته يصير خير
الجده : هدي نفسك وتعال الغداء جاهز
ام خالد انسحبت بقهر وتوجهت للداخل تروح تشوف
سديم
***
****
*****
*******
*******
دخلت الغرفة بقهر وحاسه خدودها مولع نار ويدها
مو قادره تحركها
عضت على شفتها من القهر وقفلت الباب بالمفتاح
ورمت الشيله على الارض وتوجهت للسرير
وتمددت وهي تغمض عيونها من الوجع وبعد وقت
من مصارعة الوجع غفت عينها
لوقت قصير نهضت نفسها وجلست وهي تغمض عيونها وشاده على شفتها بألم وحاسه خدودها منتفخات
وقفت وتوجهت للحمام بس قبل ما تدخل ناظرت نفسها بالمرايه
انصعقت واندهشت لما شافت وجهها كان منفخ
وازرق واحمر يخوف
ويدها مو قادرة تحركها جن جنونها عرسها بعد ايام كيف رح تنزف ووجهها كذا
وبسرعة بدون تفكير تناولت الشيله عن الارض وحطتها بطريقة عشوائيه
ونزلت تحت وهي تركض والشرار يتطاير من عيونها
دخلت الصالة الداخليه ما كان فيها احد
توجهت للمجلس الداخلي ودخلت بعصبية
لما شافت فيصل طنشت كل الموجودين وناظرته بحقد وهي ترفع يدها بتهديد : وقسم بالله اذا مديت يدك علي مره ثانيه اني لاشتكي عليك يا مجرم
عرسي بعد ايام اشرت على وجهها كيف رح انزف
وبصراخ كيف ؟؟؟
كل الموجودين ناظروها بدهشه
وقف الجد بعصبية وهو يناظر فيصل : انت ضاربها ؟؟
فيصل ببرود : ايه انا للي ضربتها ولو يرجع الوقت للحين اضربها وبعدها ناظر ريم بلامبالاه مو ضروري الزفه وضحك باستفزاز
ناظرته ريم وشوي وتبكي من القهر كيف تنزف وخدودها كذا
الجد بحزم يناظر فيصل : ليه ضربتها ؟؟
فيصل ببرود يقهر : لسانها طويل وترفع صوتها علي
قاطعته ريم بغبن : قول الحقيقة ضربتني لانك ودك تعرف ليه رجعت من بيت جدي وانا رفضت اقول لك
الجد بعصبية : ريم احترمي الاكبر منك وتكلمي بأدب
او انقلعي فوق
ما اسمح لك تطولين لسانك على اعمامك وبحده فاهمه
ناظرته ريم بقهر ويدها وجعها يزيد مو قادرة تتحمل الوجع : كلكم ظالمين ورح تبقون لاخر يوم ظالمين
اكرهكم كلكم حسبي الله عليكم كلكم
ولفت وجهها وطلعت تركض وقف صقر ولحقها
الجده بفتنه : مو كأنها تتحسب علينا قليله الخاتمه
فوق ما لميناها من الشارع
قاطعها بعد ما وقف ريان وملامحه معصبه : اتوقع انها بنت عمي
وغصب عن الكل تربوها عندكم وتهتمون فيها
تسمين ذي عيشه تتمننين عليها فيها كل يوم راميينها بمكان امها وابوها عايشين وهي ما تعرفهم
ما عاشت مثل باقي الاطفال
حرمتوها من كل شي
نبذتوها وكأنها شي مقرف وكرهتوا احفادكم فيها
عايشه وحيده لا ام ولا اب حتى اذا شافت ابوها ما تقدر تقول له يبه
يمكن تحصل لها كم طراق
بالله عليكم عمركم سمعتم ريم قالت كلمه ابوي
او اخوي مع انه لها اخوات بعمرها
وفوق هذا بنات عمي يعاملنها وكأنها شي مقرف
منبوذه دائما قاعده مع الحريم
عمركم ما سمعتوها كلمه حلوه دايما صراخ عليها
واحيانا يتعدى الضرب
وش الجريمه للي ارتكبتها حتى تعاملوها بهاذي الطريقه ؟؟
ذنبها غلطه وقاعده تدفع ثمنها لوحدها كل واحد لاهي مع عياله وهي وحدها تواجه الحرمان
ما انسى يوم العيد وهي صغيره لما رحنا على الالعاب
كانت تناظر ابوها وهو يلاعب بناته كانت تناظر الاطفال حولها بحرمان
ومع ذلك تضحك وتبتسم معكم وتخفي كبتها وقهرها بداخلها
وما احد حاس فيها
تاكل وتشرب بغرفه لوحدها وكأنها شي مقرف اذا
جلست معكم
وفوق هذا تضربها بذي الوحشيه
وش الجريمه للي اقترفتها
يا ليت بس ابوي صمم وخلاها عندنا تكمل حياتها
ولا انها تعيش دقيقة عندكم
وناظر اعمامه وجدته بقهر وطلع من المجلس
حل الصمت لدقايق بالمجلس ما حد مستوعب
انه ريان البارد الهادي المغرور للي عمره ما  تدخل بأي موضوع دايما منشغل بنفسه يقول كذا
فيصل بقهر : والله وطلع له لسان ريانووووو
الجد وقف بحزم : فيصل الحقني على المكتب
وطلع وملامحه جامده
فيصل وقف بهدوء وطلع
الجده بقهر تناظر نايف : عاجبك ابنتك الفتانه فتنت
الناس ببعضها
حسبي الله عليها
اخذ نفس نايف وحط راسه بين كفيه وهو يغلي من القهر
ما يطيق حد يمد يده على ريم حتى لو كان ابوه
بنظره بس هو يطلع له يضربها
بس مو قادر يقول شي لفيصل يخاف يتحسس
ويقول له انه واقف ضد اخوه علشان بنت
غمض عيونه وهو يذكر شكلها شد على اسنانه
بقهر مو ذنب يضربها كذا علشان يعرف السالفه
يدري انه ريم ملسونه بس المفروض خبره وهو يتفاهم معها اما يضربها بهذا الشكل ما يسمح له
الجده بقهر لما شافته مطنشها : اه بنت ساره حنيت عليها
انت ما شفت لما ضرب فيصل سديم كم طراق
بسبب هالفتانه
وقف نايف بعصبية وطلع من المجلس
سليمان بقهر : الله ياخذها هالفتانه مو اول مره تفتن عنا
كم مره وصلت لنا مشاكل بسببها هالفتانه
قاطعه ابو سليمان بعصبية : سليمان حط لسانك
بحلقك ولا كلمه فاهم
الجده : ودك اياه يشوف خطيبته مضروبه ويسكت
ابو سليمان باحترام : الله يسعدك يمه كلام ما له معنى ما ابغى اسمعه وسوالف الحريم الرجال ما له دخل فيها
اذا رح تبقون على ذي السالفة انا طالع
الجده بقهر : خليك بس دواها بعدين هالمقروده
سليمان يهمس للشباب : اخخخ يالقهر نفسي هالقزم
اكسرها تكسير والا الاخ ريان محامي دفاع
لها انا اراويه
بدر بنغزه : يمكن الاخ هاوي وحنا ما ندري
عمر : حامض على بوزه
سليمان بتوعد: يصير خير خربت علاقتي مع عمي فيصل مع انه جدي خبره اني مستأذن منه بس للحين
مو عاجبه وصاد عني
سامر بهدوء : بكره ينسى ولا تنسى زواجكم قريب
هز سليمان راسه وبداخله يتوعد
&&
&&
&&
&&
بالمكتب
الجد بعصبية : انا كم مره قلت لك لا تمد يدك على
ريم كم مره ؟؟؟ لا تفكر اني ما اعطيت ريم وجه
بالمجلس علشانك لا والله بس ما حبيت اقويها
على اعمامها وعلشان تحترمهم مره ثانية
فيصل بقهر :، يعني ودك اياها تطول لسانها علي واسكت ؟؟
الجد بحزم : كم مره قلت لك اذا غلطت خبرني وانا اتصرف معها
والحين عجبك البنت عرسها بعد ايام وش نقول لاهل زياد ؟؟
فيصل بقهر : تراكم مكبرين الموضوع كلها كم كف
عض الجد على شفته بقهر : كلها كم كف ووجهها
كذا يا رجال حرام عليك لا تنسى البنت كم يوم عرسها
خلي ذكرى حلوه بذاكرتها عنك
فيصل بدون نفس تكتف : والمطلوب مني الحين ؟؟ الجد بحزم : ما تمد يدك عليها انت ما شفت نايف اول ما شافها
كيف انقهر بس اضطر يسكت احترام لك
قاطعهم رنين جوال الجد كان اتصال مهم عن الشغل
انشغل فيه
**
**
**
**
حاول فيها صقر تفتح الباب لكنها ما ردت
اانقهر من فيصل وتمنى يروح يكسر راسه على
فعلته
طفله صغيره كيف قدر يضربها كذا شد على
قبضه يده بقهر ونزل
بالداخل كانت ريم راميه نفسها على السرير وعاضه على شفتها
من وجع يدها ناظرت مكان المعصم كان ازرق ومنتفخ
جلست على السرير وعضت على اصبعها من الوجع
نزلت دموعها مو قادرة تستحمل الوجع
وقفت وصارت تروح وتيجي بالغرفه مو قادرة تتحمل
ضربت على جبهتها بيدها السليمه من الوجع
للحظه كانت رح تتصل بجدها بس تراجعت مستحيل
تطلب منهم المساعده مستحيل
جاء على بالها صقر بس رقمه مو معها
صارت تبكي من الوجع وخلاص مو قادرة تستحمل
اكثر
رجعت على السرير وجلست صارت تهز راسها من شدة الألم
القت نفسها على السرير وهي مغمضه عيونها لعل وعسى تغفو ويخف الوجع
غمضت للدقايق بس ما قدرت تستحمل
حست بقشعريره بجسمها
رجعت غمضت عيونها وهي شاده على شفتها من
الوجع وهي تردد
يا رب يا رب يا رب
غفت عينها لدقائق رجعت صحيت صار يطلع لها
صوت انين من الوجع
فجأة دخل صقر من البلكونه وتوجه للسريرها
كانت مغمضه عيونها وشاده على شفتها السفليه
وصوت انينها طالع
صقر بخوف : ريم فيك شي ؟؟
ما ردت عليه
مسح على شعرها الممد على السرير بحنيه فتحت عيونها بتعب
وغمضتهم ودموعها تنزل
صقر ظنها تبكي لانه جدها طردها : قومي يا ريم
ابوي مو قصده يزعلك يالله بلا دلع
هزت ريم راسها بالرفض
صقر بهدوء : طيب وش للي زعلك ؟؟
نهضت نفسها وبتعب : اتركني
صقر بابتسامة : يالله يا ريم بلا دلع
مسك يدها المصابه بدون ما ينتبه صرخت ريم
بصوت عالي
وبعدها رمت نفسها على السرير وتكومت على نفسها
وصارت تبكي من الوجع
احتار صقر منها لانه لما مسك يدها كان يناظر وجهها
مسح على جبهتها واستغرب درجه حرارتها عاليه
وبجنون لفها لجهته برفق : يوجعك شي
هزت راسها بالرفض
ناظر يدها واستغرب منها : علام يدك ؟؟ ؟؟؟
وبصوت مكتوم : ما فيها شي ما فيها
صقر بحسن نيه : وقعتي عليها ؟؟
ما ردت عليه ريم
صقر بحزم : قومي على المستشفى بسرعة
هزت ريم راسها بالرفض وبوجع: تقتلون القتيل وتمشون بجنازته
صقر باستفسار : وش قصدك ؟؟
وكأنه فهم تقصدين انه فيصل ؟؟
هزت ريم راسها بالموافقة وهي مغمضة عيونها
ودموعها على خدودها
صقر بعصبية : وقسم بالله اني ما رح اسكت له تعدى حدوده
وبأمر بسرعة عالمستشفى وبعدين اتفاهم معاه
يالله قومي
هزت ريم راسها بالرفض
صقر بحنيه : لا تقهريني يا ريم ترى قلبي ما يتحمل
اشوفك كذا
ما ردت ريم
اقترب منها صقر وحملها بين يدينه تحت معارضه
ريم بس طنشها
فتح الباب وطلع بسرعه
وصل عند الصاله الخارجيه كان الجد وفيصل دوبهم طالعين من المكتب
الجد وقف صقر بصوته : وين رايح بها ؟؟
ناظر صقر فيصل بحقد وبعدها مسك يد ريم بشويش : المحترم اتوقع انه كاسر يدها
ناظر فيصل والجد مكان ما اشر صقر وانصعق لما شاف يد ريم
كانت ريم مغطيه وجهها بصدر صقر وصوت انينها واضح
الجد بعصبية : فيصل
فيصل بتوتر : بس شديت عليها شوي
الجد بعصبية : بعدين نتفاهم
واشر للصقر يطلع وطلع وراه الجد وهو معصب
على فيصل

%%
%%
%%
%%

كانوا طالعين من المستشفى بعد ما عملوا الاشعه وطلعت يدها مشعوره
جبروها لها وصرفوا لها مسكنات
كان صقر ماسك يدها السليمه وبحنيه : الحين احسن ؟؟
هزت ريم راسها بتعب وكانت حاطه الشيله على وجهها
وقف صقر لما سمع نايف يناديه التفت للوراء
اقترب نايف منه : خير وش عندكم بالمستشفى
وناظر ابوه والبنت المتغشيه
الجد بتردد : لا ولا شي بس ريم زحلقت على الدرج
واخذناها على المستشفى
طلعت يدها فيها شعر
ناظر نايف يد ريم المجبسه وحاس انه فيصل له
يد بالامر
بس سكت وناظرهم بهدوء ومن داخله قهر : اها سلامات
وبعدها استأذن ودخل المستشفى
صقر بقهر : ليه ما قلت له الصحيح
الجد بهدوء : امشي قدامي وبدون كلام فاضي
توجهوا للسياره وحركوا بهدوء
كانت ريم ساكته من التعب حاسه حيلها مهدود
وكل شوي يسألها جدها وصقر عن وضعها
وصلوا البيت ودخلت ريم بهدوء ومو عارفه تمشي كويس من الشحاطه للي اشتراها لها صقر بالمستشفى كبيره على رجلها
عرض عليها صقر يحملها بس رفضت
توجه فيها صقر لغرفتها
جلسها على السرير ومسح على راسها بحنيه
ريم بصوت متعب : كيف ابدل العبايه ؟؟
ناظر اكمام العبايه والجبس وابتسم : محلوله توجه
لاحد الادراج وطلع مقص
توجه لريم ومسك يدها بشويش : اقص كم العبايه
ما ردت ريم
بدأ. يقص بالكم وبعد ما خلص ابتسم : يالله يا شطوره
تقدرين الحين تخلعيها
هزت راسها وخلعتها وحمدت ربها انه العبايه مفتوحه
من الامام
رمت نفسها على السرير غطاها صقر : لا تنسين الدواء
والحين اطرش لك الشغاله اذا تبغين مساعده
ما ردت ريم وغمضت عيونها بتعب
اما صقر ناظرها وقلبه يعتصر من الالم وبعدها توجه
خارج الغرفه بعد ما طفى الانوار
(((((((((
))))))))))
((((((((((
))))))))))
((((((((((
))))))))))
(((((((((((
)))))))))))
(((((((((((
))))))))))))
من اول ما دخل الجد المجلس ما تكلم ولا بكلمه
فيصل بقهر : علامك يبه مطنشني ؟؟
ناظر الجد فيصل وبعدها صد عنه
اقترب فيصل من ابوه
اشر الجد بيده : لا تقرب علي ولا تكلمني
فيصل بصدمه : يبه
الجد بعصبية : قلت لك لا تكلمني كاسر يد البنت
على شي تافه
فيصل بصدمه : مكسوره ؟؟
دخل صقر ويناظر فيصل بقهر وجلس بهدوء
الجده : الكسر بيجبر وبعدين فيصل كان ماسك يدها
عادي اذا كلسها ضعيف وش ذنبنا و
الجد وقف بعصبية ويناظر زوجته بحده: صوتك ما ابغى اسمعه
وطلع من المجلس معصب
الجده بقهر : لمتى هذا الحال ما يحترمني ابوكم ؟؟
صقر : لانه كلامك ينرفز تدافعين عنه والغلط راكبه
سليمان : تستاهل ريم ما جاها ويا ليته كسر راسها
وقف صقر بعصبيه : حط لسانك بحلقك لادفنك مكانك
سليمان وقف بعصبية : مو بزر عندك انا تقولي هذا
الكلام وريم الزفته ستين حريقه خلفها
ناظره صقر باستهزاء : تقول هذا الكلام من ورى قلبك
الحين صارت ريم زفته نسيت نفسك لما زورت نتايج
التحليل
وبعدها ندمت وللحين نادم انك زورتها وطلبت مني اقنع ابوي بعد ما ملكت على سديم
سليمان بصراخ : صقر وقسم بالله لو ما سكتت
صقر بقهر : خوفتني
ليه تستحي من الحقيقة مو انت بعد ملكتك طلبت مني انه
تقدم سليمان بدون وعي وضرب صقر على وجهه
وبصراخ : ولا كلمه
صقر حط يده على خده وبحده : انا عمك تمد يدك علي ؟؟
سليمان بندم : انت غصبتني على هذا الشي
ناظره صقر بوعيد : والله لتندم
وطلع من المجلس صقر
ابو سليمان بعصبية : سليمان وش هذا الكلام للي سمعته
انت زورت الاوراق وبعصبيه ليه عملت كذا ؟؟
فيصل بحده ناظره : انت تبغى ريم ؟؟ ليه ما قلت
من البدايه ؟؟ اذا ما تبغى ابنتي ليه تخطبها ترانا على
البر من الحين طلقها وكل يروح بطريقة
سليمان باحراج من عمه : مو كذا يا عمي انا لو ابغى ريم كان ما زورت الاوراق
فيصل وهو يهز راسه : دامك ما تبغى ابنتي ليه تتواصل معها
وترسل لها رسائل غراميه قاعد تلعب بمشاعر البنت ؟؟
من الحين اقول لك بكره ترسل ورقه سديم كل شي انتهى
ابو سليمان بقهر : يا فيصل مو كذا تنحل الامور
الجده بهلع : يا جماعه الخير صلوا على النبي
عم المجلس صوتهم بالصلاه على النبي
فيصل توجه عند باب المجلس : بكره ترسل ورقة
سديم
وبعدها غادر المكان
ام سليمان بقهر : حسبي الله عليها هالريم شتت شمل العيله
الجده : حسبي الله ونعم الوكيل بعدها ناظرت ام سليمان لا تجيبين سيره لام خالد
هزت ام سليمان راسها بالموافقة
سليمان بقهر : يبه تراه صقر
قاطعه ابوه : وحطبه ان شاء
وطلع ابو سليمان من المجلس
بدر باستغراب : سليمان كلام صقر صحيح ؟؟
سليمان بعصبية : ما حد له دخل فاهم
وترك المكان وطلع

###############
##############
#############
############
###########
##########
#########
########
#######
######
#####
####
###
##
#
في اليوم الثاني
صحيت ريم فتحت عيونها بشويش ناظرت المكان
بعدها ناظرت يدها
نهضت نفسها بشويش وجلست على السرير بتعب
وحاسه الوجع بدأ يرجع على الخفيف
دخل عليها جدها بابتسامة : صباح الخير
ناظرته ريم وردت بهمس : صباح الخير
جلس بالقرب منها عالسرير : كيف تحسين اليوم ؟
ردت بهمس : الحمد لله
الجد بابتسامة : لا كذا مضطر اتصل على زياد وتأجيل العرس حتى يتحسن وضعك
ريم بهدوء غير طبيعي : يدي توجعني
الجد بهدوء : الحين افطري وبعدها اشربي الدواء وان شاء الله يخف الوجع
هزت ريم راسها مع انه ما لها نفس بالاكل
وقف الجد وناظرها : الحين ارسل لك الفطور
هزت راسها بالموافقة
وبعدها طلع الجد من الغرفه
قامت ريم وتوجهت للحمام بصعوبه ...
***
***
***
***
***
****
****
بعد ما طلب منهم يرسلون فطور لريم توجه للصاله
الخارجيه
فيصل بهدوء : كيف وضعها الحين ؟
الجد بدون نفس : لو يهمك كان ما كسرتها روح شوف وجهها كيف منفخ واشكال والوان وعض على شفته بقهر من فيصل
الجده : طيب وعرسها عليه ايام وش رح تعملون ؟؟
الجد وهو يسند ظهره على الكنبه : رح اتصل بزياد
نؤخر الزواج
الجده باعتراض : كيف يتأخر وكل الناس تدري انه نهايه الاسبوع
الجد بدون اهتمام : ما في داع للزفه وهاذي الامور
خلاص زواج بسيط وانتهينا
فيصل : ما رح يوافقون ابنهم الكبير كيف ما يعملون له عرس كبير ؟؟!!
ناظره الجد ومو عاجبه كلامه وصد عنه
الجده بحسن نيه : وانت يا فيصل بعدك مصمم انك
تطلق سديم من سليمان
التفت الجد بعصبية : وش هذا الكلام ؟؟ انت ناوي تجلطني يا فيصل ؟؟؟؟
كم مرة قلت لك انا سمحت لهم يكلمون بعض
الا اذا كلامي ما له قيمه عندك هذا شي ثاني ؟؟؟
فيصل والجده تورطون ما ودهم الجد يدري انه
سليمان زور النتايج
فيصل بتوتر : انت يبه تمون خلاص رح اعتبر الموضوع انتهى بس ابغى رضاك عني يالغالي
الجد سكت وما رد عليه
دخل صقر بهدوء بعد ما رد السلام
الجد : مريت على ريم ؟؟
صقر بهدوء وهو يتثاوب : ايه مريت افطرت وشربت الواء ورجعت نامت
الجد : اليوم رح امر على المدرسه واطلب انهم يحطونها دراسه غير نظاميه هذا الفصل بلاه يرسبوها من كثر الغياب
فيصل : يعني ما رح تداوم ريم اليوم
الجد بحزم : تحلم انها يوم من الايام تركب ريم معك للي
جاها كفاها
يالله قدامي على الشركه
وقف فيصل هو والجد ولحقهم صقر
________
_________
___________
_____________
_____________
____________
___________
__________
________

يوم الثلاثاء الساعه 8.30
كان يناظر امه وهي بالعنايه المركزه تعبانه بعد
ما سمعت خبر زواج زوجها عليها
ما اكتفى بالزواج ....احضر زوجته الاجنبيه واولادها
للبيت
كانت صاعقه كبيره ما توقع انه ابوه يعملها
كان يفكر بطريقة يقهر ابوه مثل ما قهر امه
ما في الا ذي الطريقه
شال نفسه وتوجه للمحكمه ..........

:::::::::
:::::::::
:::::::::
:::::::::
على الساعه 1.00م

سليمان : بالعنايه المركزه بعد ما سمعت انه زوجها
متزوج عليها
الجد باستغراب : ما توقعت انه ابو زياد يعملها
ويتزوج على ام زياد
الجده لوت شفايفها : الرجال ما لهم امان
الجد بابتسامة : وش رايك اجيب لك وحده تسليك
الجده ناظرته بقهر
ضحك الجد على تعابير ملامحها
ابو سليمان : طيب من وين متزوج ؟؟
سليمان وهو يعدل جلسته : يقولون اجنبيه ومعاها
ولدين وبنت تزوجها يكسب فيها اجر بعد ما أسلمت
فيصل وهو عاقد حواجبه : وعندها اولاد ؟؟
الجد بهدوء : ابه صح تذكرت قبل فتره خبرني عنها
ابو زياد تبيع على عربايه وضعها المادي صفر بعد موت زوجها
الجده : طيب والعرس كيف وامه بالعنايه ؟؟
سليمان بضيق من هذا الموضوع : لا اتوقع بموعد
العرس تكون صحتها كويس
الجده : الله يكون بعونها على هاذي المصيبه
ابو سليمان : روح يا سليمان على اخواتك بالمدرسة
لا تتأخر عليهم
قطع كلامهم جوال الجد
ناظر الجد الاسم باستغراب ورد بهدوء :
الو .........هلا ........الله يسلمك بخير .........
الحمد لله على سلامه الوالده .........وش فيه .........
تغيرت ملامح الجد ......طيب انت متأكد من قرارك .........لا لا ما زعلت كل شي مقدر .........انا رح اخبر البنت ......لا تهتم ....... مع السلامه

%%%%
%%%%
%%%%
%%%%
%%%%
%%%%
%%%%
%%%%
%%%%
%%%%
%%%%

كانت ريم جالسه على السرير وتتصفح بعض مواقع
قطع عليها دخول جدها
الجد بهدوء : السلام عليكم
ناظرته ريم بهدوء : وعليكم السلام
جلس على الكنبه مقابل لها وتنحنح : اممم ريم
بالنسبة للدراسه اليوم كلمت مدرستك وسجلونك غير نظامي وقت الامتحانات تروحين عالمدرسه
تقدمين الامتحان
هزت ريم راسها بالموافقة
الجد بهدوء : امم شي ثاني بالنسبه للعرس

*
&
*
*
&
*
&
&
*
*
&
&
كان جالس بسيارته ويفكر هل للي عمله صحيح
مستحيل يتزوج وامه حالتها كذا
كان قراره سليم انه اتصل وطلب تأجيل الزواج
تنهد وين كان عقله لما راح للمحكمه
كان للحظه رح يطلق ريم حتى يقهر ابوه وخاصه
انه ابو سلمان له معزه خاصه عند ابوه
بلحظه غضب منه كان رح يحطم قلب فتاه ما لها
دخل
تعوذ من الشيطان وحمد الله انه رجع لعقله قبل ما
يغلط ويطلقها
جن جنونه لما شاف امه بالعنايه المركزه فقد عقله
وكان رح يتهور ويطلقها
صحيح كلام ابوه اقنعه انه كسب اجر باربع
أشخاص ...بس لما شاف امه بهذا الحال فقد صوابه
نزل من السياره وتوجه داخل المستشفى يطمئن
على امه
توجه لغرفة العنايه وسأل عن امه وقالوا له تحسن وضعها
واعطوه رقم الغرفه للي نقلوه عليها
توجه بهدوء وقبل ما يدخل طرق الباب
سمع صوت انثوي : دقيقه
بعدها سمع يقولون له ادخل
دخل كان فيه اخواته وحريم اثنتين ما عرفهم
رد السلام بهدوء : السلام عليكم
نوفه : وعليكم السلام
تقرب من امه وباسها على راسها : الحمد لله على
سلامتك يالغاليه
ام زياد بتعب : الله يسلمك
بعدها اشرت نوفه : ترى ذي خطيبتك وجدتها
جايين يزورون امي
رفع راسه الحرمه الاولى كانت طويله شوي ومن عيونها واضح انها كبيره بالعمر : اخبارك يا خاله ؟؟
الجده بهدوء : الله يسلمك يا بنيه
التفت على الواقفه جنب الجده : كيفك يا ريم ؟؟
ريم باحراج : الحمد لله
ناظر عيونها اللوزيه كانت تلبس نقاب
نوفه بضحكه : من لما دخلت رافضه ترفع النقاب
ونشوف خشتها تقول لوكه الجديد مفاجأه
نزلت عيونها ريم باحراج وبنفسها اخخ لو تشوفون اللوك الجديد
اضطرت تلبس نقاب علشان تغطي الخرايط للي
بوجهها
ناظرها زياد بابتسامة وهو يحمد ربه انه مسك
اعصابه
وبعدها ناظر امه : كيف وضعك الحين ان شاء الله
احسن ؟؟
ام زياد بتعب : الحمد لله بخير بس ليه تأجيل
العرس خليه بموعده
زياد باعتراض: بس يمه وضعك
قاطعته : انا بخير يا زياد اذا لي خاطر عندك لا يتأخر ولا يوم
زياد باستسلام : خلاص رح يبقى بموعده اهم شي
سلامتك
الجده : ريم اتصلي بجدك علشان نرجع
ام زياد : خليكم قاعدين
الجده : لا والله تأخرنا ان شاء الله نزوركم بالبيت ونتحمد لك بالسلامه
مسكت ريم الجوال علشان تتصل
ناظرها زياد ولاحظ قصرها الواضح بس ما يهمه وبصوت واثق : لا تتصلين انا اوصلكم
الجده : لا لا تتعب حالك
زياد : تعبكم راحه يا خاله
اتصلت ريم على جدها وبصوت ناعم : الو ......وينك
.........
قاطعها زياد : اعطيني الجوال
ناظرته ريم بتردد وبعدها مدته له
مسك الجوال الو .....السلام عليكم .....كيف حالك يا عمي ........الله يسلمك .......خلاص لا تتعب نفسك
انا اوصلهم ......لا ما في غلبه ......ما في بينا هذا الكلام ......يالله مع السلامه
مد الجوال لها بهدوء : خلاص انا اوصلكم
الجده باعتراض : لا بس
زياد : الحين ازعل يا خاله منك يالله تفضلوا
طلع زياد وخلفه الجده وريم بعد ما استأذنوا
الجده تهمس لريم بوعيد : تلقي وعدك عند فيصل
غير يدفنك
ريم ببرود : اعلى ما بخيله يركب يروح يتمرجل على ابنته ويدفنها
الجده بتهديد : حطي لسانك بحلقك واحترمي
اعمامك
والا بس قدام اهل زياد تعملين حالك سنعه
ترى التمثيل ما يدوم
ريم بتطنيش لكلامها : ترى من الحين انا اجلس من قدام
الجده : حامض على بوزك
وصلوا عند سياره زياد فتح لهم الباب وبأدب :تفضلوا
جلست الجده من قدام...
ركبت ريم من الخلف وهي تتحلطم بقلبها
من جدتها
حرك السياره وبعدها شغل المسجل على سوره البقره
كان الهدوء يعم بالمكان وصوت القران يعم المكان
بالسكينه والراحه
كانت ريم تناظر من الشباك وما رفعت عينها او
ناظرت لقدام
كانت تفكر بحياتها بعد ايام رح تتزوج وتنتقل لحياه جديدة
تجهل طبيعتها كيف رح تتأقلم معهم ما تدري
تذكرت اخته نوفه شكلها حبوبه وامه حبوبه
تنهدت ومو عارفه تتوقع كيف رح تكون حياتها
الجديده
زياد كيف تعامله واخلاقه عصبي او لا
غمضت عيونها تتذكر ...تذكرت لما التقت فيه يوم
خطوبه سليمان كان عصبي كثير
تنهدت وهي تواسي نفسها حتى لو كان عصبي ما رح
يوصل درجه عمها فيصل وابوها وحتى جدها
ما رح تنسى بالمكتب لما ضربها كفوف على وجهها
لما فتح معها تحقيق
رح تكون مطيعه وما رح تقول له لا
تذكرت اهلها معقول يزورونها بعد ما تتزوج او رح ينسوها
ما تتوقع انهم يزورونها حتى ابوها تتوقع رح يمسح
اسمها من دفتر العائله
اصلا متى هو اهتم لامرها
بس كيف رح يكون موقفي قدام اهل زوجي
رح يقولون اهلها ما يزورونها
وش رح ارد عليهم ؟؟
حسبي الله ونعم الوكيل رح يحرجوني قدام
اهل زوجي
مو مشكله اهم شي ارتاح وابعد عنهم واعيش
حياه مستقره ما حد يرميني على الثاني
اخذت نفس عميق وبداخلها متى اعيش بدون تشتت ؟؟
صحيت من سرحانها على صوت جدتها : يا بنت
انزلي فشلتينا عند الرجال
زياد بابتسامة : لا عادي يا خالتي على راحتها
حست ريم باحراج
وقبل ما تنزل زياد يناظرها : الحمد لله على سلامة يدك انتبهي مره ثانيه لما تنزلين من الدرج
ناظرته ريم بغباء وهزت راسها ما تدري وش عرفه عن يدها
نزلت من السياره بدون اي كلمه
بعدها حرك زياد وغادر المكان
كانت ريم تناظر زول سيارته
ضربتها جدتها بشويش على كتفها : يا قليله الحيا
وين تناظري ؟ وبعدين كذا تفشلينا مع الرجال اكيد الحين يقول
هاذي البنت ما تسمع
طنشت ريم كلامها : وش عرفه عن يدي ؟؟
الجده بدون نفس ؛انا قلت له وحنا بالسياره وين عقلك لما كنا نتكلم ؟؟
ريم بابتسامة تنرفز : عقلي بالمريخ راح يشتري بطيخ
الجده وهي تكش عليها : مالت عليك ما ادري كيف
وافق عليك يالقزمه !!!
وحتى امه كيف وافقت انا لو مكانها ما زوجت ابني من قزمه مثلك
ريم مدت شفايفها : حرام عليك والله اني زاد طولي
2 سم
الجده بتريقه : لا احلفي اقول روحي ادفني نفسك
عامله نفسها سنعة قدامهم ولسانها ينقط عسل
وهنا لسانك ينقط سم مثل الحيه
ريم بقهر : يعني ودك إياهم يشوفون وجهي اشكال والوان
الجده تناظرها بتفحص : ليه ما حطيتي ثلج عليه ؟؟
ريم بهدوء : قال لي صقر احط ثلج وحطيت وكمان
جاب لي دهون احطه على وجهي يخفف منه
دخلوا الصاله الخارجيه وريم بعدها لابسه النقاب
كان سامر وسليمان وفيصل جالسين
ردت الجده عليهم السلام اما ريم ناظرتهم بغرور
وتوجهت للدرج
فيصل وده يقوم ويدفنها على وش شايفه نفسها
سامر ببراءه : وين جدي ؟؟
الجده بدون مبالاه : ما ادري عنه وصلنا زياد لهنا سليمان بعصبية : ما لقيتم الا هذا يوصلكم ؟؟
كانت ريم باخر الدرج التفت على سليمان : هذا للي تقول عنه له اسم واذا مو عاجبك بلط البحر
فيصل بصراخ : ريم
ريم بقهر طنشتهم وطلعت
فيصل بقهر يناظر امه : ليه ما اتصلتي فينا نرجعكم
جلست الجده على الكنبه جنب سامر : قلت لريم تتصل بجدها ولما اتصلت فيه اخذ منها زياد الجوال
وكلم ابوك علشان يرجعنا وابوك وافق
والله هالزياد انه محترم وانسان ذوق يقول لي
ما شاء الله عليك يا خاله مو باين عليك انه عندك احفاد
وبحسره والله ما يستاهل هالملسونه للي فوق
سامر بابتسامة مبطنه : طيب هو شاف وجهك ؟؟
رفعت الجده حاجب : لا بس من عيوني يقول مبينه
صغيره
فيصل بدون وعي : لو شاف وجهك رح يغير رايه
وبعدها وعي على نفسه وحط يده على فمه
وابتسم باحراج
الجده فتحت عيونها بقهر : وش قصدك ؟؟
ابتسم فيصل : مو قصدي شي
وقفت الجده بزعل : خلي القعده لك والله انه زياد
احسن منكم كلكم
ودخلت للداخل وهي معصبه من فيصل
سامر بضحكه : الحين صار زياد احسن منا لانه مدحها
فيصل وقف وهو يبتسم : اروح اراضيها ما اقدر
على زعلها
دخل فيصل للداخل
سليمان وعيونه يطلع منها الكره والحقد: يا كرهي
لزيادووووو شايف نفسه وبقوه على وش ما ادري
ولوى بوزه بقرف
سامر وهو يسند راسه على الكنبه : يحق له عمره
28 وصار رجل اعمال ومشهور وله اسم بالبلد
وفوق هذا
وقف سليمان بغيره : حط لسانك بحلقك حاطينك
محامي دفاع عنه
وطلع من البيت معصب

&&
&&&
&&&&
&&&&&
&&&&&&
&&&&&
&&&&
&&&
&&

*****
****
****
***
**

بعد العصر قررت تطلع تلعب مع البزران بعد ما سمعت
صوتهم بالصاله كانت لابسه بلوزه خيط رفيع لونها بنفسجي
وتنوره لحد الركبه لونها ابيض وشعرها مو مربوط
ما تقدر تربطه علشان يدها حاطه طوق ابيض على شعرها
طلعت من الغرفه : نوف تعالي هنا
ناظرتها نوف وتقدمت وهي تتخصر : نعم
ريم عقدت حواجبها : ليه تكلميني كذا ؟؟
نوف وهي تتخصر : انتي فتانه انا ما اكلمك
ناظرتها ريم : يا لطيف انتم الحقد عنكم يسري بالشرايين
بسرعة ينتشر
ناظرتها نوف مو فاهمه شي
ريم بلامبالاه : انتي الخسرانه بعد كم يوم عرسي
ما رح اخليك تدخلين الصاله
طيف : انا ما دلت سي رح تليني احدل العرث ؟؟
ناظرتها ريم باستغراب المفروض نطقها افضل من كذا : امممم خلاص انت رح اخليك تحضرين عرسي
اما انت واشرت على نوف انقلعي
لؤي ببراءه : وانا ؟؟
ابتسمت ريم : وانت  رح اسمح لك
احمد : وانا ؟؟
ريم وهي تجاكر نوف : وانت كمان يالله تعالوا نلعب
لؤي : خلينا نلعب على البلايستيشن
ريم : لا يدي ما اقدر احركها خلينا نلعب الغميضه
بدت تلعب معهم الغميضه وحاسه بوجع خفيف
بيدها بس طنشت الوجع وصارت تركض مع البزران
نوف باعتراض : طيب ليه ما تلعبوني ؟؟
ريم بنظره شريره : روحي على سديم تلعبك وحركت حواجبها
نوف وصارت دموعها تنزل : خلاص انا ما احب سديم
احبك انتي خلوني العب
ناظروها البزران : حرام خليها تلعب
ناظرتهم ريم بتفكير : اممممم طيب موافقه بس
عليك عقاب تقفزي 30 قفزه ورى بعض
نوف بدون تردد : موافقه
وبدت تقفز نوف وريم والبزران يعدون
بصوت عالي : 1.2.3.4.5.6.7.8.9.10.11.12.13.14.
قاطعهم الصوت العالي : بس بس
وانت عرسك بعد ايام وتراكضين مع البزران
ريم وهي تكش على نفسها : يا حسره علي بعد كم يوم عرسي
وما حد مهتم بي ولا حد مدللني
ابتسمت بشماته : وش ودك احسن من هذا الدلال
واشرت على يد ريم وخدودها
لؤي باستفسار : مين دربك هنا واشر على خدودها
ريم بقهر : جدك المتوحش فيصلووووووووو
الجده بصراخ : يا قليله الحيا احترمي عمك
تدرين كنت جايب لك كريم علشان الالوان للي بوجهك تروح بسرعه
بس خلاص ما رح اعطيك
ريم تقدمت من جدتها وتحاول ترضيها : يهون عليك
انزف كذا وسبلت عيونها بدلع
الجده بعناد : ما رح اعطيك حتى تحترمي اعمامك
ريم بطفوله : خلاص توبه ما رح اعيدها بس اعطيني
الجده بدون نفس : امشي قدامي على الغرفه
تقدمت ريم تنرفزها كالعاده بس الجده بعدتها
بيدها : وقسم بالله اذا عملتي حركاتك ما رح اعطيك
ريم بانصياع : اوكي
توجهت الجده وريم للغرفه مطنشه نداء البزران
للي ينادونها ترجع تلعب معهم
جلست الجده على كرسي التسريحة : اسمعي حطي
منه مرتين باليوم
اممم وش رايك تحطين لي مكياج الحين ؟؟
ريم وهي تدهن وجها وتناظر جدتها من المرايه : صعب ما اقدر اشتغل بيد وحده
انقهرت الجده : خلاص
ريم بابتسامة : وش رايك بأهل زياد ؟؟
لوت الجده بوزها : قصدك زياد ؟؟
هزت ريم راسها بالموافقة
الجده بدون نفس : مسكين تورط فيك والا هو يستاهل الافضل
عقدت حواجبها ريم : وانا وش ينقصني ؟؟؟
الجده بدون نفس : من ناحيه الشكل قصيره كثير
انا لو ابني مستحيل اقبل فيك ما ادري كيف ام زياد
وافقت عليك
وبعدين زياد ما شاء الله عليه والكمال لله ما ينقصه
شي الا شي واحد
انتي يا ريم
ريم بلامبالاه : تغارين مني صح وسبلت عيونها بدلع؟؟
وقفت الجده : اطلع من الغرفه قبل ما اختنق من
دلعك الماصخ
طلعت الجده وهي تتحلطم على ريم
اما ريم طلعت تكمل لعب مع البزران

***
***
***
***
***
***
***

باليل نزلت على الصاله الداخليه كان الزوج الثلاثي
موجود ومعهم هيفاء
ريم ما تحب هيفاء ودايما تحمد ربها انها مشغوله وما تيجي
عند اهلها كثير
كان قرفت حالها ريم من فيصل وهيفاء
المهم دخلت وردت السلام بطريقه شبابيه : سلام يالربع
الجده : تعالي تعالي اجلسي خلينا ندردش معك قبل ما نرتاح من وجهك
ام خالد : اكيد بكره رح تنسينا
هيفاء وهي تعلك وبدون نفس : ما ادري كيف تجلسون
مع ذي الاشكال وناظرت ريم باحتقار
ناظرتها ريم : لا لا تراني اموت اذا ما كلمتيني وكشت
عليها ريم باشمئزاز
الجده بحده : ريم كم مره قلت لك احترمي الاكبر منك ؟؟
ريم باعتراض : ما سمعتيها وش تقول عني
؟؟!!
ام سليمان : ما قالت شي غلط اجلسي اجلسي ودي
اسألك كم سؤال
دخلت سديم ولما شافت ريم مسكتها من كتفها : كيف تسمحين لنفسك تقولين لابوي كذا
التفت ريم وناظرتها وهي رافعه حاجب : حر انا اقول للي ودي اياه
ما حد له دخل فيني فاهمه وحاولت تبعدها عنها
بس تفاجأت بروان للي فلتت شيلتها ومسكت شعرها وشدته
ريم بألم وهي شاده على اسنانها : اتركي شعري يا حيوانه
كانت ريم مو قادره تتحرك خايفه على يدها
مسكت روان من شعرها وشدتها بكل قوة
هجمت سديم ومسكت ريم من شعرها كمان وشدته
حست ريم شعرها انقلع كله
ثنتين قاعدات يشدون فيه
شدت ريم شعر روان اكثر من شده الالم
كان الحريم يحاولون يبعدونهم عن بعض بس ما في فايده
ريم وهي شاده على شعر روان : اتركيني يا كلبه
سديم مسكت يد ريم المجبره وشدتها بقوه
ريم من قوة الوجع : صرخت صوت هزت البيت هز
وبعدها فلتت اعصابها وصارت تضرب روان وسديم
برجلينها
ودموعها على خدودها وتصرخ : اتركيني يا كلبه يا
حقيره وبصراخ اتركيني
قاطعهم صراخ الجد : بس انت وهي
وابعد سديم وروان
بس ريم بعدها ماسكه بشعر روان
الجد بعصبية : ريم اتركيها
ريم من القهر والوجع والالم هجمت على روان وخمشت وجهها ومطنشه صراخ جدها
وبعدها مسكت يدها وعضتها بقوه
صارت روان تصرخ من الوجع
الجد يصرخ على ريم وهي مو بوعيها مطنشه شاده
على يد روان
مسكها الجد من كتفها يبعدها بس كانت ريم متمسكه وشاده على يد ريم
الجده بصراخ : اتركيها حسبي الله عليك
الجد بعصبية : ريم اتركيها اقول لك
دخل فيصل ونايف بعد ما نادتهم سديم وقالت
للحريم يتغطون
تقدموا من روان للي تصرخ من الوجع وريم شاده
على يدها وعاضه بقوه
تقدم فيصل بجنون لما شاف دم بسيط نازل من يد
روان
سحب ريم بقوه وابعدها عن روان
مسحت ريم فمها بقرف ودموعها على خدودها
روان لما شافت يدها : الله ياخذك
فيصل بعصبية : وش هذا انت يا نايف مخلف كلبه
وانا ما ادري
كانت ريم جالسه على الارض وتمسح دموعها
وعيونها بالارض وشعرها منفوش وفي منه مقطع
على الارض
الجد بعصبية : وش هذا وقسم بالله اولاد الشوارع ما
يعملون كذا
مين للي بدأ ؟؟
ام خالد بدفاع عن بناتها : ريم الغلطانه لسانها الطويل
الجد بصراخ : انا اسأل واشر على ريم وسديم وروان
روان بدفاع : يعني شفتها بعيونك يا جدي كيف هاجمه علينا
فيصل : يبه انا ما اسمح لها تمد يدها على بناتي
انت قلت اذا غلطت اخبرك هذا هي غلطت
يالله تصرف معاها
سكت الجد بتفكير
ام سليمان بضمير : يا عمي البنات ببعض تشاجروا وبعدها يتصالحوا
الجد بحزم : سديم وش للي صار ؟؟
سديم : غلطت علينا وهي للي بدت واسأل رغد كانت
واقفه
الجد بحزم : ريم
تقدم نايف من ريم وجلس على مستواها ومسكها
من كتفها
ووقفها بملامح جامده
مسح دموعها وبعدها ناظر البنات بحزم : وقسم بالله
لو سمعت وحده منكم ضاربه ريم اني انا بنفسي
اكسر راسها...ابنتي مو مضربه للي رايح وللي جاي
وبعدها ناظر ابوه بحزم : وقسم بالله اذا انضربت ريم مره ثانية ما رح اخليها تجلس هنا ولو ثانيه
وانحنى على ريم : تعالي اوصلك لغرفتك
ريم بتعب : مو قادرة يدي توجعني ضربوني عليها
مسك شعرها برفق ولفه
كانت ريم تتألم بصوت عالي : شوي شوي اخخخخ
وبعدها مسك الشيله وحطها على راسها
ومسكها من يدها السليمه توجه خارج الصاله
الجد بحزم : وين ؟؟
نايف بدون ما يلتفت وبقهر : اخذها على المستشفى
ما شاء الله الشاطر يفرد عضلاته على ابنتي
فيصل بنغزه : من متى الحنيه ؟؟
نايف التفت بصراخ : ابنتي اموتها اقطعها ما حد له دخل فيني بس ما اسمح لاحد يضربها مين ما كان
وبعدها طلع وهو ماسك يدها
فيصل بقهر : عاجبك يبه نايف ؟؟
الجد بحزم ناظر البنات : ذي الحركه ما تنعاد
واعطاهم نظره ناريه وطلع
فيصل بقهر : والله لتندم هالكلبه ريم
هيفاء : فيصل خذها تدق ابره من عضة هالكلبه
فيصل بحده : وانتم واشر على سديم وروان حركات البزران ذي ما تكررونها
وبعدها طلع
الجده ضحكت على شكل روان : روحي عقميها
ههههه
ام خالد بقهر : خالتي وقت ضحكك الحين شوفي هالكلبه
كيف نزلت الدم من يدها حسبي الله عليها
قومي يمه اعقمها لك
طلعت ام خالد واخذت روان والبنات خلفها
هيفاء وهي تعلك : من متى نايف يحن على بنت ساره
خابرته ما يطيقها وكل طراق احلى من الثاني
الجده : البنت كبرت وما عاد ينفع الضرب بس ودك
الحق قعدت هالبنت ما تنمل احب اجلس معها
وما ادري كيف بعد ما تتزوج اقعد بدونها
بس لما اذكر انها بنت ساره لو يطلع بيدي احرقها
واتخلص منها
هيفاء وهي تعلك : انا ما اطيق اشوف وجهها
اتركونا من سيرتها