رواية تجبر أحفاد الــ دليم الفصل الخامس 5 - بقلم اسـاور حسين 🦢✨

تــجــبر أحـــفـــاد الــ دلـــيـــم 🦅
بقلمي اســـاور حـــســـيــن
‎_10_المُلْتَقَى

هل اعتزلت ما يؤذيك ام لازلت تنتظر ان يؤذيك اكثر ؟
•••••••••••••••••••••••
ذَهــــب ...

كــانـــون : شكثر بكلامج جذب بس بعيونچ ادحك طفلة خايفة .

ذَهــب : مو طفلة ما أملك برائة ، ولا مثالية عندي ذنوب وأخطاء
وفرحانه كشفتنا من البداية قبل لا أجبر نفسي واتورط أكثر
بس المهم تعرف شيء واحد كــانـــون  والله أنـه مو داعشية .

كــانـــون: جنتي مو داعشية بداية موافقتچ ؏ مهمة
وبداية موافقتچ عليَّ لحظات ضعفچ وتأنيب ضميرچ
ودموعچ بكل مرة نلتقي هين انتِ مو داعشية .

رجعني ؏ حائط ونزل ايدو ثبت أيدي
ورفعها مقابيل عيني : من دخلتي بيتي وصرتي بأمان
بكل ثانية جنت أتمنى تعترفين بالحقيقة بكل ثانية ادعي ما تأثرتي
بتدريبهم ، صرتي داعشية بكل لحظة تجرئين وتتصلين بجلاد بنص بيتي تحفرين ألي وتتفقين ؏ موتي ، ورغم هذا اگول يلا ماكو
فعل بس كلام وخليتچ تحت اختبارت المصيبة بكلهن فشلتي .

ذَهــب: مو داعشية كافي تگول داعشية
إلهم تنظيمهم والكم وطنكم بس اني أريد أخواني
رجعونا مثل قبل تعبنا.

كــانـــون : اخوانچ بنص التنظيم الارهابي انسيهم
وحتى اذا يرجعون يتم القاء القبض عليهم بتهمة الارهاب.

فلتت من أيده وگعت بالگاع كل ذرة امل بداخلي
انهدمت وانهدم حيلي وياها ، اخر حبل نجاة
خلاني اتمسك بالحياة نگطع ، عافني وطلع
دمار وسواد غط ؏ عيوني صرخت بكل علو صوتي
صرخت آم مفجوعه اريد يبلغوني شنو ذنب اخوتي
يصيرون بخانات الارهاب.

ذَهــب: عزززززززيزززز هيلاااااااانة  اسمعووووا
طلعتوا أرهابيين حكموا عليكمممم بكل برودة دمممممممم .

دكيت على راسي الى ان انتهيت بعد
حتى الاغماء صعب وما يجيني بكامل الوعي
بس ماعندي دافع اكمل كافي لهنا وانتهت .

من برودة الغرفة تمرضت فلاونز قوية
رجع بس تَـــمــوز يدخل ينطيني كل احتياجاتي
وعندي مرة باليوم ادخل اغسل او اسبح
ملابسي ونفس جنطة عرسي جابها تَـــمــوز
وياها هيتر لإن بديت اتعب واتمرض اكثر
ما اعرف عليش هل تماطل بالموضوع
ولا راضين يحجون ويايَّ ويفهموني
كــانـــون أختفى وحتى صوتو ما اسمعو
بعد ايام من الهدوء وبس بديت أطيب من الموض
رجع تَـــمــوز للتحقيق .

دخل بيدو كرسي گعد مقابيلي يدحك عليَّ وكأن يدرس تحركاتي
وتصرفاتي ونظراتي جنت خايفة منو الى رجة .
تَـــمــوز: إي ذهب منين نبدي نسولف .

جنت منزله راسي وجسمي من التشويش
والوسواس والتشنجات يريد ينفجر
ذَهــب: كلشي عندي عرفتو تَـــمــوز ماعندي شي تعرفوا بعد
أقفل التحقيق لآن ما تستفيدون مني بعد خلصت معلوماتي .

تَـــمــوز: مو انتِ تحددين خلصنا لو بعدنا
اني احدد عليچ تسمعين وتجاوبين واذا
ترفضين دواچ عندي .

مسحت وجهي ورجعت نفسي ؏ حايط
ادحك علية انتظر السؤال ، تفحص
تلفونو طلع صورة بيها كتابة مشفرة .

تَـــمــوز: شنو هل كتابة وشلون تكتبيها وليش تكتبين بهل طريقة ؟

ذَهــب: نفس ورقة المعلومات مال كــانـــون شفرتها
وغيرتها ودزيتها يعني ما رسلتها نفسها ألو.

تَـــمــوز : شو تسكتين المفروض اصفگ الچ .

ذَهــب: ما انتظر منك تصفيق بس أجاوبك ؏ سؤالك .

تَـــمــوز : كملي عليش تكتبين بشفرة؟

ذَهــب: همَّ طلبو مني أكتب مشفر ما گال عليش يعني ما أعرف .

تَـــمــوز : اياچ تگولين ما اعرف هل كلمة ما اريد اسمعها .

ذهب : غير ما اعرف عجل شگول اجذب عليك .

تَـــمــوز : عليش تكتبين بهل طريقة .

ذهب : بطلب منهم اكتب مشفر يمكن تا
لا تنكشفر اسرارهم ويمكن بسبب شركات الاتصالات
لايعرفون المعلومات واي واحد يقراها مايعرف شنو الكلام
الموجود .

رفع حاجبو ومايل راسو متعجب : شياطين مو بشر مثلنا.

تَـــمــوز : شلون تكتبين بهل طريقة.

ذَهــب: تدريب كامل وتعليم حالها حال الطفل
من يبدأ يتعلم ؏ احرف العربية وغيرها .

تَـــمــوز : هاي الرموز مو احرف .

ذَهــب: ماتعرفها لآن دمج بالأحرف بجميع لغات ألعالم.

تَـــمــوز : يولي يا داعشية تضحكين علية تحچين لا
ألعب الكهرباء بعظامچ شلوووووون تكتبين هل رموز ؟

من الخوف من صوتو عطت بفزع : والله دمچ عليش ماتصدگ
والله ما اجذب عليك بحرف هو كل العندي احجي ماعندي
شيء اخسروا.

گام من الكرسي شال الأسلاك
تراجعت أكثر خليت ايدي ؏
جسمي: حلفت الله احچي الصدگ وهذا الصار وياي
علموني مثل ما نتعلم الأحرف .

ذب الأسلاك وطلع بسرعة رجع
بيدو لابتوب وتوجهه بتجاهي رفعني من
شعري ودفعني بنص الغرفة: هذا لابتوب گدامي كتبي حولي
هل ورقة مشفرة.

كتبت نصها اخذها وطلع رجعت المكاني
شربت مي ريكي من الخوف يبس ، نص ساعة
ودفر الباب عافو مفتوح بلا كلام ضربني
؏ راسي نرگعت بالگاع : ولكمممممم انتوا قذرين
منين اجيتووووا هااا منين معقولة انتوا بشر تريدون تموتون
وتعيشون العالم براحتكم شلون تنامون انتِ يا مجرمة
عيونچ صلفة وتنام بليل وهيَّ تخطط تگتل ناس أبرياء
خدام للوطن بأمر من تنظيم قذرر والله شنو اخوتي
اخوتچ شنوووووو انعل ابوج لابو اخوتج .

ذَهــب: خليييييي نفسك مكاني اذا امك بيد داعشش
شنو يكون تصرفك ، اذا اختك لو اخوك بيدهم شنو
راح تكون رد فعلك كلنا انجبرنا اني واخوتي مجبورين
؏ كل الصار المفروض تساعدوني مو تعذبوني.

تَـــمــوز : اساعدچ بحال تتعاونين ويايَّ.

ذهب : مو تسأل واجاوب بلا تفكير ولا تخطيط
اني صريحة بس الغلط منك ما تصدگني .

ضربني راشدي وبعدني ما مستوعبه ضربني الثاني
شگد احجي واحاول ما يصدگ دمرني دمان
ضغط ، تكذيب ، اجبار ؏ كلشي ولا يفتهم مني
بعد كل ضربة يضربني الأقوى منها ايدو كبيرة بشكل بحيث
بعد كل راشدي اذني اطن من الوجع .

زحفت من طرف الغرفة ابتعدت وگفت ؏ حيلي
تا بس استوعب اني گاعدة ويضرب حتى صعب
ادافع ؏ نفسي ، من وگفت ايدي خليتها ؏ راسي
هو يمشي واني افتر بالغرفة روحـي تفرفح
من الوجع : كافي ابوس ايدك والله أعترفت شتريد بعد .

تَـــمــوز: لا تمشين حدري هين بساعچ اريدج بوسط الغرفة
يلا كدامي .

ذهب : بس لا تضربني تَـــمــوز كافي تعبتني هديت حيلي .

تَـــمــوز : وانتِ من اتفقتي تموتين ابن عمي وعمي ما فكرتي راح تهدين حيل عائلة كاملة .

ذَهــب : اتفقت صحيح بس مستحيل اسلمهم كــانـــون
وغلات اخواني وراسهم گلت ربي ما يعوفني
ويساعدني ؏ طلبهم ، ومن تعرفت ؏ كــانـــون وكلامو
واسلوبو واخلاقو فكرت اعترف بكلشي واخلي يساعدني .

تَـــمــوز : الأخر ثانية قبل لا ترسلين المعلومات
هو گاعد ؏ اعصابو وابو يمو يگول ذَهــب إنسانة محترمة
ماتسويها ههههه وسويتيها لان التربية من الإساس سگط
وهسة تثبتين بمكانچ لو ...

لزكت روُحـي بالباب دك تلفونو فتح
خط ولزمو بكتفو وبسرعة رفع
ايدو أشر بعلامة مثل علامة اكس
وهو يباوع ؏ زاوية فوگ راسي : ها كــانـــون ، هاي هيَّ طالع .

دحكت ؏ مكان نفسوا ولأول
مرة أنتبه اكو ضوء احمر صغير كلش
بالحايط فوك عرفت كــانـــون يراقب
من بعيد ورافض يقترب.

تَـــمــوز : رجعي المكانچ ترتاحين ساعة ساعتين
وارجع اكمل تحقيق باجر لازم اسلمچ .

ذَهــب: تسلمني المنو ؟

تَـــمــوز : للدولة لازم تاخذين استحقاقچ .

ذَهــب: بشنو احلف اني مو داعشية عليش ماتصدگني .

گضبني من ايدي وشمرني بعيد عن الباب
طلع وقفل الباب غطيت نفسي بالبطانية
ملابسي كلها مبللة ، ثلجت ايدي وأطراف
رجلي ، حاولت اساعد نفسي گمت دكيت
الباب وصحت بعلو صوتي: تَـــمــوز أريد أروح للحمام .

ولا صوت اسمع اذا اذب إبره اسمعها
رجعت صحت وشفايفي يبست: بس أغير ملابسي
والله ما اتأخر تموووووز .

رجعت بمكاني ربع ساعة مرت
ورجع المرض من جديد ما صدگت
اطيب ، اضطريت اتغطى بالبطانية
وانزع ملابسي شيء بعد شيء
بدلت ؏ سريع فلتت البطانية
داريت الموقف بسرعة ورجعت تغطيت
سمعت صوت خطوات سريعة
وقفل الباب ينفتح ، بسرعة أندفع
غطيت راسي كل ضني تَـــمــوز رجع
بعدني ما مستوعبه أنسحبت الغطوة
صفنت بوجهو ، گضب ايدي وفر جسمي
رفع التشيرت أرخى اصابيعو وهو يتلمس
الآثار بظهري بقيت ثابتة للحظات
نزلت ملابسي وگعدت عدل
ركزت بملامحو ، عيونو تغلفت بالتعجب
ذَهــب: تظنون بعد كم تعذيبهم يأثر بيَّ تعذيبكم
تحچون عليهم انتوا ضربتوني مثلهم كلكم
تأذوني وانه ما أوصل الربع قوتكم تا ادافع ؏ نفسي
واتفادى وجع الضرب لو تموتوني ولا هل عذاب
اني داعشية خلصوني موتوني .

كــانـــون: اعترفتي بأسمائهم وأشكالهم مناطقهم
وينو جلاد والباقي واحاول اخفف الحكم عنچ .

ذَهــب: أعترفت بشنو أحلف أعترفت
ما اعرف منهم ولا واحد غير
جلاد واصيل إلي ؏ اساس تزوج اختي هَــيـلانـة
ومن يوم زواجها الهل يوم أتعذب تهديدات وضرب
وجبروني اتزوجك اني بالأساس ولا اريدك
ولمحت آلك وحاولت وياك تغض نظر ؏ زواجنا
گتلك أنـه مريضة ، وعندي علاقة بشخص غيرك
انتَ اصريت ؏ زواجنا والله حاولت اساعدك والله .

كــانـــون: مثل ما انتِ بمهمة قتلي ، أنـه بمهمة مراقبة
الجلاد وجماعتو كلهم تا اهلج وياهم .

انقبض گلبي وعجزت اخفي ادموعي
اجتني نوبة صرت اصرخ بلا سيطرة
وأضرب بوجهي وتصرفاتي خارج
عن إرادتي ، قاوم أيدي وثبتها قربني
؏ صدروا وبصوت حنون دافي : اني يمچ لاتخافين.

رفع راسي وعدل حواجبي يتفحص
وجهي يخاف لا تأذيت لان ضرباتي
قوية بشكل مرعب : يعني جنت تجذب علية انتَ ماتحبني.

كــانـــون: ارتاحي هساع وراچ تحقيق .

ذَهــب: ورچفتك وكلامك وغزلك وطبع شفايفك كلها خُدعة.

كــانـــون : جانت وحدة بوحدة انتِ عندج مهمة
ولازم تمثلين صح وتكسبين ثقتي وانه مكلف
بمهمة مساعدتچ والزواج منج تا نوصل الجلاد وجماعتو
تعلمت اتقرب من العدو ، وأخلي يصير شريكي.

ذَهــب: بس أنـه مو عدوتك .

كــانـــون: فكرتي بقتلي ظليتي ساكته وانتِ ويايَّ
بغرفتي اقترب منچ وابوسچ اسمعچ كلام حلو
بس اريد تأمين وانطيچ الضوء الاخضر تا
تعترفين واساعدچ بس انتِ رحتي ساعدتي
وشفرتي معلومات الهم .

ذَهــب: تعبت وأني اكولها مجبورة ؏ كلشي
ولو بيدي أبد ما اقترب منكم .

هز رأسه وگام يريد يطلع
استوقفتو بسؤالي: من شوكت كشفتني ؟

كــانـــون : من اول ايامكم بالبيت .

ذَهــب: آول ايامنا اني ما جنت اعرف بجلاد داعشي .

كــانـــون : بس أنـه جنت أعرف ، لا تنسين انه ضابط
تحقيق وعائلتي كلهم اصحاب دهاء ، وكلنا معروفين بالنباهة
تريدين تجين انتِ وجلاد تلعبون ؏ زلم دولة فطنين ؏ ارهابيين
امثالكم .

تفرفحت روحـي من وصل الباب يريد يطلع
وتموز رجع يريد يحقق بكل ماتبقى من حيلي
گمت وگعت جوة رجلو: لا تروح كــانـــون الله يخليك
انتَ حقق ويايَّ تَـــمــوز ماينفهم ولا يتفاهم حباب
لا تخلي يضربني كــانـــون ابوس ايدك كااافي .

تَـــمــوز : كــانـــون لا تسمع الها تتلاعب بعواطفك هاي داعشية تمرست على تمثيل مطلوب مني أخلص التحقيق
قبل الصبح نسلمها مابقى وگت .

كــانـــون : حقق بدون ضرب .

تَـــمــوز : مايفيد تتهاون وتماطل .

ذَهــب: لا اتهاون ولا ماطلت العندي وشنو
عندي معلمومات احجيها قبل خايفة عليهم .

كــانـــون : عجل لاتخافين .

تَـــمــوز : اطلع كــانـــون رجاءً اريد اكمل شغلي
بلا ما تاخذك عاطفتك .

كــانـــون : هي مال عواطف يمعود اشتغل اشتغل .

طلع بسرعة سد الباب رجعت بسرعة
للخلف ورفعت أيدي بوضع الدفاع : بدون ضرب تعبت
اسألني واجاوبك .

تَـــمــوز : انتِ جبرتيني اضربچ لو تحجين بلا مماطلات
كان من زمان خلصنا وطلعنا من هل مكان .

رجع يسأل وارد وما يقتنع ويهدد بالضرب
المشكلة تا لو كلامي صح مايصدگو لان جلاد
الكلب بكلشي موهمني بحيث المعلومات عدهم
تختلف عن معلوماتي وهل مشكلة تثير غضبو
ويرجع يضربني من الخوف والرعب والضرب
زاد مرض المتلازمة صارت تأذيني اكثر من
ضرب تَـــمــوز ، صرت اصرخ وابچي واطلب
المساعدة منو بس تا تخف عندي ، اذيت نفسي
بطريقة بشعة صعب اوصفها بكلمات
انتهيت بعد والكلام مايطلع مني حيلي
خلص ، انفتح الباب ودخل ابو كــانـــون
ومن بعدو كــانـــون بعدها المتلازمة
بقمة الهيجان بحيث اريد احجي وياهم تمنعني

اختلطت علية بين الخوف وبين الخجل من نظراتهم
توسلت بيهم يتركوني ساعة وحدة لان وصلت حدها
بس أبقى وحدي واگدر اسوي التمارين واقلل من حالتي
ومن التشنجات المهلكة ، اشر الهم كــانـــون وطلعوا
وفعلًا بقيت وحدي اخذت علاجي شربت مي
وبيه مابيه دخلت للحمام وصرت جوة مي دافي
وسويت التمارين الخاصة بحالتي گعدت بفراشي
رافضة التفكير لآن اقل قهر ترجعني الحالتي .

ولا ادري شگد مر وگت لان اخذتني النومة
بلا وعي نمت بكل عمق واني اشهگ
من صدمتهم وتعاطفهم وية مرضي
تركوني للصبح نايمة .

صحيت ؏ اصوات طقطقة قريبة
فكيت عيوني متردده واخاف يرجعون
للتحقيق ، بس لكيت بس كــانـــون
يلملم بالأغراض مالتي صايرات هوسة
طلع من الجنطة فستان وسدها
يريد يطلعها دحك علية رفع حاجبو وتكلم : گعدتي ، شلونج اليوم .

ذَهــب: احسن من امس .

كــانـــون: كومي بدلي بساع .

طلع واني رحت غسلت وجهي واسناني
ورجعت للغرفة بدلت الفستان اشترينا
اني وهو بجهاز العرس ، دخل بيدو
صينية صغيرة كلش نزلها بالگاع
وهو واگف بعيد مستند على
حافة الشباك : أكلي قبل لا نطلع هاي اخر مرة تاكلين براحة .

ذَهــب: وين تريدون تودوني ؟

كــانـــون : نروح للمحكمة اطلگج واسلمچ للقانون.

ذَهــب: ويرجعون يحققون ويايَّ.

كــانـــون : اكيد غادي اصعب من هين.

ذَهــب: عجل انتوا مو .

كــانـــون : حققنا وياج نريد نكشف أسماء اعدائنا
المشتغلين ويانا وهمَّ متورطين وية جلاد ويحفرون النا الموت .

جريت نفس من ثگلت انفاسي
صكيت ؏ اسناني بس اتخيلت
الراح يصير بيَّ : ساعدني كــانـــون لا تعوفني
رجعت احس نفسي عشت بوجودك يمي .

كــانـــون : نزلتي من عيني من سلمتي إلي نفسچ
وخليتيني اقترب منچ وانتِ تعرفين زواجنا مهمة
قتل رخصتي بعيوني .

ذَهــب: خلصني بعد ماعندي غيرك .

كــانـــون: يولي ذَهــب ما اريدج بعد لو اية ننزل بيچ .

سمعت صوت عمي يصيح من
مكان بعيد : يلاااا كــانـــون نريد نتحرك .

رحت عندو إقتربت منو وهمست: خايفة كــانـــون احتاج مساعدتك
ساعدني والله جبروني اني مو هيج كسروني لا تكسرني اكثر .

رفع ايدو رجع شعري ونزل ايدو
بكل سكون يتلمس ملامحي ثبت
وجهي من حنچي وقربني منو اكثر
نهش شفايفي وايدو تضغط ؏ خصري
فصلنا عن بعض رجع ايدي وربطها
وره ضهري بيدو : تريدين تبقين ؏ ذمتي
زوجة الرائد كــانـــون داعشية .

ذَهــب: أنـه مو داعشية وانتَ تدر...

قاطع كلامي ورجع سيطر ؏ شفايفي
طفرت من مكاني من سمعت صوت خطوات وهو عدل نفسو
بس ظل كاعد ماتحرك من مكانو حاني ظهرو
بلعت ريگي من دخل ابو : وينك مو ازكح عليك .

كــانـــون : تتريك ونتحرك بعد وكت الساعة سبعة الصبح .

ذَهــب: ما اكدر اكل بلاعيمي متجرحه من الصياح .

كــانـــون : اشربي چاي .

اخذتو شربت شوية وابو اشر : يلااا بساع تحركي .

ذَهــب: لا تسلموني أبوس ايدكم والله ما ألي ذنب بكل الصار
جبروني ؏ كلشي واخوتي يمهم احتمال موتوهم هساع .

ابو كــانـــون:لا تكثرين حجي وانزلي .

ذَهــب: كــانـــون احلفك بكلشي غالي عندك لاتتخلى عني
اني بريئة ورفضت قتلكم واذا ماتصدگوني طلعوا كل الرسائل بيني
وبين جلاد والمكالمات راح تعرفون آني انظلمت مثلكم
وحاولوا يقتلوني مثلكم ، المفروض تساعدوني مو تحطموني اكثر .

دخل تَـــمــوز ورد ؏ كلامي : راقبناهم من خططوا علينا
من البداية ومن دخلوا نساء التنظيم يجندوج للمهمة
واستنادًا ؏ اثار التعذيب فعلًا انتِ مجبورة ومو بأرادتچ
وكشفنا مواقع اخوانچ وفعلًا تم انضمامهم من فترة قريبة
وصح انتِ ما تملكين اي معلومات عن اماكنهم واسمائهم
بس هذا كلو ما يشفعلچ لان انتِ رغم كلشي ما طلبتي
المساعدة بالعكس سلمتي نفسج طبيعي تا توكعين كــانـــون بالفخ
وتسيطرين ؏ وضع وفوك هذا كلووو شفرتي المعلومات
بهل حال انتِ تحولتي داعشية واحتمال بيوم تسوين الأكثر.

ذَهــب: حرام عليكم اني مو هيج اني ما اغلط
بس خلي نفسك بمكاني انتَ عمو لو بناتك وابنك
بيد التنظيم وهددوك اذا ما تنفذ طلبهم يموتون شنو راح يكون رد فعلك .

ابو كــانـــون : اني وياج موقفج ضعيف وانتِ بنية
سمعتچ حلوة وطيبة والدليل خاطرتي بحياتچ تا
تساعدين اخوانچ ، بس لو اني مكانج ما اضرر وطني
واولادي فداء للوطن هل كلام تربينا علية انتِ
تربيتي ؏ ايادي قذرة عقول مغسولة بالقرف .

ذَهــب: لا عفوًا منك اسمحلي إني ربيت نفسي
علمت نفسي احافظ ؏ أخواني من قذارة ابن عمي
ربوني بالضرب والتعنيف ، وعيت ؏ اب ضعيف الشخصية
يخاف من ابو جلاد وبعد موتوا خاف من جلاد
تربيتي احافظ ؏ نفسي ، ربوني بلا حب ولا حنان
صرت قوية بس بيني وبين اخواني رابطة صعب
اوصفها الك اني عشت الهم هم قوتي تحملت مرضي الخاطرهم
واخذوهم مني يدرون إخوتي نقطة ضعفي الوحيده.

ابو كــانـــون: لهنا خلصت مهمتنا وياج وصار وگت التسليم .

كــانـــون: تَـــمــوز وصلها للسيارة وانه اقفل البيت .

تَـــمــوز: حدري امشي مقابيلي .

طلعت بعد انقهرت ؏ نفسي بكثر ما توسلت بيهم وهم قافلي
همَّ ما مجبورين يحموني واني دخلت حياتهم تا اسلمهم
وكل الحق وياهم صعب يوثقون بيَّ بعد كل الصار
صعدت بالسيارة النوبة ولا فارگتني لحظة ويايَّ
طلع هو وابو يحجون وكانون يأشر ؏ سيارة
قفل تَـــمــوز السيارة وراح يحجي وياهم
أنفعل ودفع كــانـــون ورجع كــانـــون
يريد يضربوا دفعهم فراس ورجع
تَـــمــوز ركب وكانون صعد هو
يسوق السيارة من صعد فراس
صاح سمعت صاح بكانون .

ابو كــانـــون : بوجهك هساع نسلمها خلصت مهمتك .

جر نفس وشغل جكارة شرب شوية منها
وابو يدحك عليَّ: يولو كــانـــون من شوكت تشرب جكاير.

تَـــمــوز : انه اكلك من ليلة العرس .

كــانـــون : ولا انچعم الصقيع .

تَـــمــوز : جاوبت أبوك يولو يا هتلي  .

وكفوا مقابيل المركز نزل تَـــمــوز
فتح الباب واشر بيدو : بساعچ انزلي .

نزلوا كلهم اخر شي نزلت أنـه
سمعت كــانـــون يگول الأبو : يابه مريضة ومرضها صعب
تعتبر من ذوي الاحتياجات الخاصة راح يعذبوها
ومن يسمعون بيها داعشية احتمال يـ....

بهل لحظة وهل ثانية بالتحديد
قررت انهي حياتي وما اعيش
تفاصيل تعذيب جديدة اني
ما استاهل هل كلمة اخر كلمة
ترددت بتكثف تفكيري المفرط
فكيت ايدي من ايد تَـــمــوز
وبلا تفكير طفرت ؏ سيارة
تحت انظارهم ، ارتطم راسي
بالأرض وحرارة الدم نزلت من
راسي ؏ عيوني ، السمع أختفى
وجسمي فقدت الإحساس بي
تلاشت الالوان وغبت عن الوعي
وغابت روحـي وانتهت ...
•••••••••••••••••••••••••••••
هَــيـلانـة...

-عزيز..

التفتت دحك علية وسع عيونو وصارت
عندو رجفة عبالك خايف رفع اسلاحو
والرمي ولا استوعب من أي إتجاه
ينرمي عليَّ ، طاحت رجلي
ومات گلبي بس وگف
الرمي رفعت راسي
وبكل يأس وانكسار
تكلمت: الله يسود وجهك يا عزيز ترمي ؏ اختك بنت امك وابوك
ترمي جوة رجلي ولككككك ليششش سلمت نفسك الهم وصرت
منهم ولك تبيع وطنك شلوووون تبيع وطنك .

طلعت عطاء تركض من البيت
تريد ترفعني من الگاع من الخوف
رجلي بعد ولا تشيلني سمعت صوت
السفاح : يا مصيبة هَــيـلانـة ومشاكلها شعندچ هنااااا
عطاء اخذيها تولي جوة .

هَــيـلانـة: عزيز حرمات كل دمعة نزلت منه عليك
يولووو كل يوم نموت الف موتة عليك ذهب شبعت
كتل بس تا تسمع اخبارك تالي ما تالي ترمي ؏ اختك .

ياريت يحجي صرخت وعاتبتو وهو ولا ينطق بحرف
ولا تأثر بدمع عيوني ، اخذتني عطاء دخلتني جوة
نزل الشبح وبعلو صوتوا زكح : ومحمد عرفت هل بلبلة
والصريخ من هل مصيبة.

ادخل السفاح وهو يصعد يحچي
سكتها العطاء وسد موضوع الشبح : صار رمي برة البيت وخافت
بعدها بزر دلال علمها ؏ الرمي .

صعدت وعفت عطاء والشبح وحدهم
لمحت خيال السفاح يدخل احد الغرف
الموجودة بنفس طابق ، دخلت للغرفة
ميلاء كاعدة وبيدها أوراق ، أندفع
الباب ودخل بدون كلام سحب أيدي
الشبح: ميلاء طلعي بره .

هَــيـلانـة: ايدي شبلاك عوفهااااااا .

الشبح: شعندچ جوة وحدچ .

هَــيـلانـة: عليش حرام انزل اكل اشرب اريد أمشي .

الشبح : تريدين تعذبيني واتعبيني موووو؟

هَــيـلانـة: انتَ تعبتني أنـه انخدعت بيك
ردت تكون زوجي ابو اطفالي اتمنيت
تحميني من الدنيا وشرهاا طلعت انتَ الشر
وبهذلتني وياج .

الشبح: اسمعيني زين هَــيـلانـة ، أنـه اريدچ ويايَّ بكل وگت
انتِ عاجبتني وخاطرت وخليتچ هين لا تخليني أندم
جري عدل لا اجر راسج بالقندرة ، شغلي والهوسة كافي عليَّ
تجين انتِ السنفور تلعبين بيومي .

هَــيـلانـة: رجعني اني اموت ولا اصير بالتنظيم
احسن ما تتعب عوفني أرجع الأهلي.

الشبح: أخر محاولة وياج واخر تحذير جري عدل
واخليچ أميرة المكان كلمتچ ما يتعدونها والج
غرفتچ الخاصة وملابسج الخاصة واكل وشرب خاص
وكلشي تتمنى يوصل ألج بس لا تعبيني.

هَــيـلانـة: تخليني اخابر اهلي واختي .

الشبح: وعد اخليچ تخابرين اهلج واختج بس
بعد ما ادحگ اسلوبچ يتحسن وكلامج ومعاملتچ .

هَــيـلانـة: شنو المطلوب مني ؟

الشبح: تجين الحضني .

هَــيـلانـة: ما بالحيف روح اطلع منااااااا .

الشبح: تجين برضاتچ لو استخدم العنف .

هَــيـلانـة: عوف ايدي تا نتفاهم.

الشبح: عفتهاا يلااا خلصيني برضاتچ لو اجبر .

؏ ميز صحن جانت ميلاء تاكل بي اخذتو
وصحت : اذا تقترب ياويلك مني افلش الصحن ؏ راسك .

ضحك بعلو صوتو واقترب
دنج راسو : أريد ادحگ بنت امها وابوها وتضرب .

رفعت ايدي اعلى شي ورگعت الصحن
براسو من حرگت گلبي وگع بالگاع اثنين اديناتو
؏ راسو ويصيح بعلو صوتو : اخخخخخخخ بنت الكلب
تضربينيييييي .

طفرت من الجرباية وفتحت الباب
جرني من ملابسي صرخت
بصوت مفزوع : ساعدددددددونيييييييييييي .

صعدت امهم جرتني من شعري وضرب
بكل قوتها : شبيها هل عاهرة
كل دقيقتين تصيح بصوتها العورة.

طلع الشبح شافت حالتو نومتني بالگاع
وهي سمينة بشكل فضيح داست بطني
وتصيح : من مووووت يا صلفة تضربينو وتخلين دمو
بطولوووووو، يولوووووو انتَ شبح الزلم تهابك وتخافك
هل زعطوط تلعب بيك لعب وتخليها تعيش.

رغد : اهوووووو هساع كلنا صوتنا ما طالع من يوم
أجت هل المستهترة هوسة صرنا ليل مع نهار هوسة.

السفاح : انجعم ودخلي الغرفتچ بساعچ
وانتَ يول الله ما تگدرلها تسلمها الغيرك
لو ترجعها الجلاد يربيها ،رجعت للبيت
اريد ارتاح ساعة وارجع عندي شغل
طلعتوها من خشمي .

سحبني الشبح من آمو والسفاح
بعدو يحجي : ادري انطيتها راسك مفتوح شبلاك بهل ثول
امشي انزل اخذك نعقم .

نزل قبلو طلعت نفسها البنية من الغرفة
رفعت حاجبها معاجبها وجود ام الشبح
وحدة تخزر بالثانية نزل السفاح
- يبعتلك حمه لي عم تطلعي فيني هيك .

عافتها ونزلت تفر بيدها وكفت ؏
درج وكملت : نزلي ايدك احسن ما بخلي
سفاح يحملك إياها ؏ راسك .

رجعت علية لزمتني من ايدي ودخلتني للغرفة
اخذت گلاص مي شربت وانطتني ، نزعت
العباية جانت لابسه ملابس قصيرة ولون
زايد جمالها ، طلعت ملابس ملونة من الكنتور
غيرت ملابسها مقابيلي بدون خجل .

- تعرفي هَــيـلانـة انتِ بتذكريني بحالي بيوم من الأيام
كنت مثلك بالضبط كبيرهم وصغيرهم يعنف فيني
بلا رحمة وانا ابكي ليل مع نهار ؏ اهلي .

- انتِ منو وليش اجيتي ؏ هل مكان .

- إنا بنت حالي حالك بيوم ملعون صاروا هل حثالات
يستدرجونا كنت من حارة فقيرة بسوريا اهلي ناس ؏
قد حالهم اذا بناكل ؏ ترويقة ما ناكل ؏ عشيات
بس كنا عائلة محبة سعيدة ، بيوم اجه أبي بلغنا
صار يشتغل ما طول يومين زمان ودخل لونو
مخطوف وحطموا البيت هددوا إبي فينا يا آما
يكمل معهم وما بيفتح تمو بشيء يا آما بنموت
كلنا ، قام ابي رفض وقال موتوني انا وعيلتي
كلياتها وما بخون وطني سوريا ، قتلو اخواني
إمام عيوننا وعيون ابي ورجعو كرروا السؤال
تشتغل معنا تشاهد ابي ورفض وقتلوا
ومن ذاك اليوم أنا واخواتي واني افترقنا
وزعونا ؏ كبارهم ، إنا كنت صغيره
استلمني احد اهم كبارهم عذبني تعذيب
ما بيرضي ربنا ، كان الله لا يرضى عليَّ
كل يوم يغتصبني كل يوووم .

غلقت عيونها متأذيه من الذكريات
ورجعت شربت المي : المهم من هذا كلو انتِ نفس بدايتي .

هَــيـلانـة: كملي قصتچ .

- مو قصتي لوحدي حال كل البنات بيد التنظيم
هلكونا الله يهلكهم .

هَــيـلانـة: شلون وصلتي لهنا ؟ والسفاح عليش بغرفتچ .

- ما درْكـان هو خلصني من ايدو القذرة .

- منو درْكان ؟

- السفاح .

- احجيلي شلون وين طبعًا اذا تحبين.

- صار كتير ما بختلط مع حدا بس شفتك تشبهين بدايتي
ئلت لحالي يا بنت ساعديها بالكي بتكسبي اجر
لهذا انا عم بحكيلك ، اي يا اختي هاي بيوم
اغتصبني وضربني الى آن اغمى عليَّ لاني
واجهتوا بحقيقتو القذرة ئام شو عمل خلص علية تخليص
فقدت الوعي والاخر لحظة نئلوني ؏ مكان خاص فيهم طبي
من وعيت كان بس درْكان حدي وعملتو معاملة كتير موحلوه
هو كإن ساكت الى ان رجعني انصدمت من كبيرهم
يهديني لدرْكان انتفضت بس بنفس الوئت ئلت اخلص منو
نقلني ؏ بيتو عاملني معاملة حلوة بس كان غامض الأبعد
الحدود ولليوم هو غامض معي ومع الكل بس كنت
اهرب كتير الى ان بيوم هددني بالسلاح خفت
وصار يحكي معي ويقنعني إذًا إلتزمت الصمت
بيساعدني اشوف أخواتي وامي انتقلنا لهون
عيشوني هل نسوان الموجودين المرررررر
نفر مني درْكان وتزوج غيري بدل الوحدة
اثنين بس زادوا بعذابي ، كنت اعرف يحبني
استغليت هل نقطة وئلت لحالي انا لا بدي موت
ولا بدي اظل ؏ هل تعذيب ، جربت كون طيبة
ونجح الموضوع بعد كل مرة اكون مسالمة
يرفعني اكثر الى ان وصلت المرحلة الاولى
يترك كل النسوان وغرفتي من احسن الغرف
وملابس بس انا ألبسهم وبحث عن اهلي
لليوم عم يبحث وانتظر أقابلهم من جديد .

- شنو قصدچ اتقبل الشبح .

- ليش برأيچ آنا متقبلة درْكان ؟ هين كلو تمثيل حبيبتي
مثلي حتى يخافوكي ، غصب عنك راح تعيشي بهل بيت
لبين ما ننجح ونهرب ، نعيش براحة ولا بعذاب
وللعلم برضاكم او بلا رضاكي يقترب منك
لان انتِ حرمتو وبنظرهم هم مو أرهاب
؏ اساس عدهم رسالة .

- افضل اموت ولا استسلم للقذرين .

- هههههههه كان بئيتي
ليش اهربتي من الغرفة
، خفتي ؏ حالك بيروح
يضربك الى ان تموتي .

هَــيـلانـة:- اريد اهلي .

- وانا بخاطري المس ملامح امي
وارتمي بحضنها، تئبريني امي شو مشتائتلك .

هَــيـلانـة: شسوي أنـه هساع دخت .

- فكري بنفسك وقرري يا اما تصعدين
هل ايام وتعيشين بلا ضرب يا اما
اشبعي من ضرباتهم .

هَــيـلانـة: تعبت من الضرب واخوية هين صدمني يرمي عليَّ .

- اكسبي الشبح هَــيـلانـة ئبل لايفوتك الوئت .

هَــيـلانـة: مثلًا شسوي ؟

- اليوم بليل راح يرجعوا متأخر غرفتو لشبح
بالطابق الاخير ، اطلبي من عطاء ملابس مرتبين
ورتبي حالك او تعالي لعندي برتبك وعندي ملابس
كتير ، واصعدي للحقير ومثلي
وراح بتشوفي التغير والخوف .

هَــيـلانـة: اسلم نفسي الداعشي لا اكيد لا .

گضبتني من ملابسي
وفتحت الباب : طلعي الكلام بيضيع معاكي .

بس درت وجهي صار سفاح
مقابيلي : ذات العيون السرمدية بوجهج
للحجره لا الشبح يخليچ ممسحة انتِ وكرامتچ .

هَــيـلانـة: ارهاب دواعش اريد اهلي .

السفاح: ميلاء اخذيهااااااا مني .

رحت للغرفة قبل لا تجي ميلاء
هو رجع للغرفة وغلق الباب
بيومها نمت بخوف شلت هم
إذا يجي الشبح ويموتني تموت
منو يخلصني من ايدو بس
خلص اليل وماكو احد ، الثاني
يوم استلمتني من الـ 5 الصبح
ميلاء وعطاء أومر وتهديدات
سلموني ورقة بيها عدت مهام
بالبيت لازم اكملها وكل ما اخلص
من وحدة اكتب علامة صح
وبعد ما اخلص اروح اسلمهن الورقة
ويرجعن ورايَّ شوفن صح تنظف
لو اكذب عليهن ، بطبيعتي احب
التنظيف بس مو الهم ، اول ايامي
رفضت التنظيفات بشكل كامل
وعاقبني بطريقة الحرمان
لا اكل ولا تا مي ولا حمام
يومين اني حالي حال من الجوع
لا اكدر انام ولا ارتاح وهبوط الضغط لازمني
وبقيت ؏ موقفي ، ثالث يوم غصبًا عنهن
الاكل للغرفة وصل اكلت ودخلت سبحت
ورجعت الغرفتي ، نعسانه نمت براحة
من بعد عناء ، والثاني يوم نفس الحالة
لو شغل لو حرمان وكل ضني هل مرة
مثل القبلها بس صار ثلاث ايام ولا عبالك
اخذت الورقة واني تعبانة كملت نص المهام
وردت اوگع انطتني عطاء اكل اكلت ورجعت
اكمل شغلي ، وغصب عني ورغم العناد انجبر
اشتغل بس كم شغله مو كلهن .

ميلاء شدتها ويايَّ وخلتني ليلي ما انامو
طول اليل تعلمني الخياطة وغصبًا عني
لازم اخيط تكاونت وياها ورفضت
وصارت تقسوا اكثر واكثر من قبل
صدمتني بيوم وإني أرفض تجلدني
ورغم صياحي محد بيهم ساعدني
بس بعد ما انتهي تجي عطاء: لماذا تعنيفها لهذهِ الدرجة
يا ميلاء سوف تموت بيدكِ بيوم من الأيام.

ميلاء: الشبح امرني ارجع اربيها وسمح بضربها
عنيدة الى درجة ومغرورة ضروري تربيتها
؏ آسوس جديدة مناسبة لنا .

تركتني وياها وطلعت واخذتها فرصة
الها كل كم دقيقة ترجع تضربني بكل وحشية
شعري خلص بيدها ، خلص حيلي ليلة كاملة
وهي تضرب وتضرب بلا ملل ولا كلل.

للصبح تعبت مني ونامت اذا هيَّ
تعبت أنـه شنو حالي ابچي العدو
كفار ، باطلين ، ملحدين
جنت اردد بهل كلمات بدون صوت
بعز البرد نمت ؏ گاع ارعش من الوجع
والبرد ، الثاني يوم عطاء اجت خلتني ابدل
وانام ؏ سرير، بقيت كم يوم اني أون
جبرت نفسي اروح اسبح وحتى اكل ما يقبلون ينطوني
هذا المس ممنوع عليَّ وهن مقابيلي ياكلن ويشربن عادي
غسلت جسمي والجروح تلجم بيَّ
اندك باب الحمام وانفتح حاولت
اضم جسمي من الخجل بدخول
نفس البنية زوجتو السفاح .

- احسن الچ هيچ صار بيچ .

- ولا اسلم نفسي.

- اليوم ميلاء ناوية عليكي لك يا غبية ساعدي حالك.

- ما اروح الداعشي ما ارووووح.

عافتني وطلعت تتفحص المكان واضح ماترد احد يعرف
بيها تحچي ويايَّ ، طلعت من الحمام أسمع اصواتهن
بالغرفة تحچي ويا البنات وتضحكهن عليَّ
عجيب هذني معقولة كلهن راضيات .

رجعت للقبر مو حجره بدلت من الكنتور ملابس
منهن كلهن يلبسن من هذا الكنتور ماكو كل وحده وحدها
لان عددهن چبير ، لليل رجعت فكيت الباب بيدها شمعة
اشرتلي بيدها : تگومين هساع بساعج تخيطين وتنظفين
لو اراويچ الويل بهل شمعة احرگج .

هَــيـلانـة: لا تقتربين يا ويلچ والله اشهرررررج .

ضربتني بكيبل مالتها ؏ وجهي
صرت اضرب بروحي من الوجع
صرخت صررراخ الى ان صوتي إنتهى
قربت عليَّ الشمعة اخذت ايدي وداست ؏ راسي
برجلها قربتها واني ادفع بيها أريد فقدت
وبكل حقد حرگت راحة ايدي من الآلم
وروحي العزيزة الما قبلت تموت ؏ ايدها
دفعتها بكل قوتي واخذت الشمعة رجعت شغلتها والدم
يقطر من ايدي ، شمرتها عليها والنار اخذت ملابسها
من بطنها ، عفتها تصرخ وركضت صعدت فوك
دفرت ألباب ودخلت الغرفة الشبح .

ألهث من الهبطة ومنظر أيدي
هو گاعد مقابيلو اكل وبيدو اسلاح
وفاتح خط هو واحد يبلغوا: ذَهــب انتهت نحتاج خطة جديدة
نوگع بيها فراس سلطان وكانون فراس سلطان .

يتبع ....

- الرساله ؛ 🤎 وَعنّ ذِڪر اللّٰهِ لاَتغفَلونْ 🤎

-أسَتغفرُاللّٰه.
-الحَمدُللّٰه.
-لاَ إله إلاَ اللّٰه.
-ﷲ أكبر.
-لاَحَول وَلاَ قُوةَ إلاَ بِاللّٰه.
-سُبحان ﷲ وَ بِحمدهِ.
-سُبحَان ﷲ العظيم.
-اللهُم صَل وَسِلم عَلى نَبينا مُحمِد ﷺ.
-لا إله إلا أنت سُبْحَانَكَ إِنِّي كُنْتُ مِنَ الظَّالِمِينَ.
-حسبي اللّه لا إله إلا هو عليهِ توكلتُ وهو ربُّ العرشِ العظيم.
-اللهُم ارزقني من حيثُ لا أحتسب.
-اللهمّ ثبت قلبي على دينك.
-اللهمّ أحسِن خاتمتي.
-اللهمّ أجرني من عذاب القبر والنار.
-اللهمّ أحينا على رضاك وأمِتنا على رضاك.