رواية تجبر أحفاد الــ دليم الفصل الرابع 4 - بقلم اسـاور حسين 🦢✨

تــجــبر أحـــفـــاد الــ دلـــيـــم 🦅
بقلمي اســـاور حـــســـيــن
‎_3_المُلْتَقَى

(اتقِ شر الصابرين إذًا هجرونا )
عبارة يجب ان تحفظها حتى تفهمني وتتعلم المعاملة معي
لماذا ؟؟ سأجيبك بأختصار لأنني من الصابرين
ولأنني لا اعوض ، ولا اقارن ، ولا استبدل ، ولا اتكرر
ولان حان وقت الهجر نعم وقت هجر الصابرين

هل تعلم آني اعشق هذهِ الحضات وهي تجاوز شخص يعتقد وبكل ثقة لا استطيع تجاوزه ، هنا يأتي دور الرد من امراءه تتعلم منها القوة ؏ليها قطع حبل الود ، فلا كانوا ولا كنا
في النهاية يعتاد المرء ؏ ڪُـل شي فـ ينسى ويتناسا حتى ينسى .
.................................................
اريد ابتعد لزمني من الكلاص رافض يلمس ايدي
نهض مقابيلي وبدون مقدمات تكلم : تقبلين تتزوجيني ؟

ذهب: زواج نتزوج تزوجني عليش ؟

ضيق عيونو وتراجع للخلف: عليش ؟

ذهب: اقصد عليش بسرعة وكأن صاير وياك شي .

- رتبتي عملي اني واثق ترتبين حياتي .

ذهب: فاهم غلط اني ارتب عملي بس أمقت المسؤوليات
بالإضافة واهم نقطة ما أتزوج شخص لمجرد يريدني ارتب
أمور حياتو يا إما الاولوية او العدم .

- معناها ترفضيني .

ذهب: أرفض طريقة طلبك ألي ، اني إنسانة ما مستغنية عن نفسي
أدخل بدوامه غير معلوم بدايتها من نهايتها مع شريك
آني بالاصل ما اعرف اذا اختارني يحبني او لا .

- صار واضح اخذي راحتج .

طلعت من الغرفة بسرعة
يفكر اذا يگول براحتج راح استفسر لو اقتل نفسي
والله اخر همي رغم حبي ألو بس ما اظلم نفسي
اكثر من ظلمها أخذت اغراضي وقبل لا يطلع
خرجت من المكان بالكامل ، اخذت تكسي ورجعت للبيت
نزلت ومقابيلي مجموعة من الرجال ما نزلوا راسهم يدحكون
بستغراب والصدمة تعتلي ملامحهم .

سديت الباب بقوة ابوية بالكراج عاط بيَّ : الباب بنت الـ.....

ذهب: هذولي يخزوون بيَّ .

طلع ابوية دحك عليهم ورجع : كم مرة نبهت تلكحين شال ؏ راسج يول تردين تجلطيني يمعثورة من مصيبة ؏ راسج .

ذهب: هو شنو إلكح شال ؏ راسي اني ما محجبة اتحجب
علمودهم يعني احسب احسابهم واكو رب يحاسبني
اذا ما اقتنع ما البس خليها ابالك بوية .

طلعت امي تهدئة تركتهم ودخلت
صعدت الحجرتي وهيلانة كل عادة عدها انقلاب بالتنظيف

ذهب: يولي ما نخلص حدري وفهميني مو فرگعتي مرارتي
ملي وهيدي الله يهديج .

هيلانة: اكلي وانچعمي ونامي .

صعد ابوية وصاح: وين تنام العالم ؏ وصول .

ذهب: عالم يا عالم ؟

ابو ذهب - الزلم بالباب كلها عالم مجموعين يردون يخطوچ
وانتِ صدمتيهم بمظهرچ .

ذهب: يخطبون منوووو نعمممم؟ ناوين تخبلوني خطوبة شنو زواج منو وبعدين ادحك فرحان وراضي لازم بيها مصلحة ؟ اكيد من معارفكم او ألكم مصلحة ، فائدة بالموضوع ؟

ضليت افر بيدي استفسر
الى ان صرخ بوجهي : مصلحة يا مصلحة ماكوو يامصگوعة
هو نفسو الضابط لم اهلو وبلغوني اليوم هم ونسوان كبارية يجونا.

ذهب: للمرة الرابعة ينرفض يولوووو موتني مايمل شنوو
براسووو جينكوووو ما اريدوو ما اريدووووووو .

عاط ابوية وامي بوجهو أدافع : يولي العرمة مو نبهت لا تعلين صوتچ
بنت الـ...... هل مرة تتزوجين وتخلصيني من شرج
عجل تبقين ؏ گلبي تحمضين صرتي بعمر البغل
عمرچ عشرين سنة يمتى تولين وتتزوجين وتفكين مني .

ذهب: هل ضابط ما اريدو يخوف هجست عندو غاية
؏ اصرارو عليش بعد كل رفض يزيد اكثر ويطلبني
وتخوفت من هل زواج بسببك عليش وافقت عليَّ
متأكدة خطة براسك .

اكحزت (تقربت) امي مني
وتضرب ؏ وجهه: تردين تموتين اليوم تتراددين انتِ وابوچ .

ذهب: استفسر مو ارادد ويني وين المرادد ، هذا مستقبلي
الضابط ما اريدو ارفضو لا اني بنفسي اتصرف معا تصرف ما حلو
واحتمال الدكتور يريد يخطبني بعد هل حوار قررت اوفق .

ام ذهب: بس الضابط خوش زلمة واضح شاريچ .

ذهب: لا خيولون ما احب الضباط مو راحة.

رد ابوية بتوتر والعرق يصب ؏ جبينو : منو يگول جلاد يوافق
؏ الدكتور ، قبل كم يوم سأل عليَّ ومن رجع گال سمعت امور ما تسر عنو ويحمل اسرار تهد ذهب اذا تقترب .

رفعت حاجبي باستنكار ارفض كلامو
الصار عبارة عن تسقيط وتخويف
لا اكثر : ليش جلاد يوافق على ضابط ويرفض الدكتور برأيك ؟
وبعدين اني اريد انهد براحتي حياتي واني حرة بيها
لو همات تصرفون ويايَّ مثل ما تصرفتو و .....

دفعني ؏ جرباية وعاط: ولا حرف لا تذكرين اسمو
لا امحيچ .

لا إراديًا رجعت نوبة تشنجات عيوني صارت تنغلق بقوة
واردد الكلمات والحركات اكثر من مرة ، بس ما خلصت كملت .
ذهب: تهددني تمحيني عليش بنظرك عايشين
كلنا ميتين من ذاك اليوم الهل يوم وانت
واحد منا متت بس رافض تعترف .

ابو ذهب: يا حرمة تخليها تسكت لو اتصرف وياها
همات مريضة وتحچي بعين گوية يول مو زين
يطلبوچ وانتِ هذا حالج ، ومنو گال يقبل بيچ بعد ما يعرف
مرضچ وتصرفاتچ المهبولة .

صرت بزاوية الغرفة وكملت: عادي عايرني بمرضي
بوقت المفروض أتلقى منكم الدعم النفسي
اعذرك انتَ رافض الكلام لالا مو رافض
تخاف من جلاد مو؟؟  ادحك حواليك ماكو جلاد
تگدر تحچي بلغني عزيزي أخوية قطعة من روحيييي
زين هو بخير وما مات .

عافني وطلع يرعش من الغرفة نهاريت
گعدت بالگاع والمصيبة التشنجات ما تركتني
طگت رگبتي وبعدها مستمرة الى آن هدئت
وصرت بس ادحك بعيوني
؏ امي الگعدت تبجي بالگاع منهارة
وهيلانة تهدئها .

بلعت الغصة وتكلمت بخنگه: بعد هل انهيار اخاف مبلغچ
مات ، مصبرني عليكم فكرة لليوم عزيزي عايش
اذا مات بلغوني.

رفعت ايدي وصرخت: اموتو الجلاد والله موتكم يصير ؏ ايدي
ما ارحمكم لان ما رحمتونا.

هيلانة: كافي ابوس ايدچ كافي .

ذهب: عفية تصفيق ابقي غبية ظلي جبانه
تالي نهايتچ ؏ أيد الجلاد .

هيلانة: خايفة عليچ بعد هل كلام والتجبر تنكسرين
وتكون نهايتچ تبچي الصخر .

ذهب: خافي ؏ نفسچ .

عفتهم ونزلت اكلت شوية علمود العلاج
وصعدت بس بدلت اخذت علاجي
وگعدت بفراشي افكر وادرس الصار
بيومي بالكامل من جهة لازم اتخذ قرار بسرعة
تا ما انجبر ؏ الضابط بنفس
الوقت ارفض فكرة اتزوج الدكتور
بدون فهم غايتو ، اني احبو واموت بي
بس نفسي همات عزيزة واهم نقطة اني بمصيبة
ما اعثر وادخل بمصايب جديدة
فكرة الزواج ما يشيلونها من راسهم
وبكل الأحوال يزوجوني اني وهيلانة
بأقرب فرصة تا يفرغ البيت الهم
تخطيطهم والتنفيذ ما يتم واحنا موجودات
بس اكيد اذا يتم زواج لازم همَّ يستفادون .

صار اليل اخذت فلوس من جنطتي
وطلعت للباب دحكت اطفال يلعبون
صحت واحد منهم انطيتو الفلوس وتكلمت: حبيبي اشتريلي .

صرت افهموا شنو اريد راح واني غلقت الباب
انتظروا بالكراج ؏ بين ما يرجع ، وماكو دقايق
ودك بابنا فتحتوا اخذت منو العلاگة
واخذت منها نستله انطيتها ألو وشكرتو ودخلت
اخذت صحون وگلاصات وصعدت رتبتهم بمواعين
وفتحت التلفزيون ؏ مسلسل تركي
اجت امي وهيلانة ويايَّ يدحكون وياكلون
ولا كأن صاير شي اليوم ، يمكن بسبب المشاكل تعلمنا نتعايش .
.....................................
في مكان اخر عند احد ابطالنا...
الرمادي/ يوم الخميس
الساعة 12:30 ظهرًا.

بيدي أوراق تحسب
وارواح تحكم
وأقدار تقرر
ومسؤولية مُهابة
ودروب سوداء تشابه حكامها
تهم تتلبس لعبيدها ، يقع بها فقيرها
حكام متسلطه ، تجبر تحكم طغيان
يكاد يخنق جميع الأركان ..
أصرينا على كسر قيود تجبرهم وطغيانهم
ستنقطع سلاسل التحمل ؏ أيدينا
نحن احفاد الـ دليم ...

خرجت من الغرفة والأوراق بيدي مخنوگ حد الموت
دفرت الباب وصحت : وينو النقيب ؟

نهض الملازم واخذ تحية: سيدي بالتحقيق.

ضغطت على شفايفي بغضب مكتوم: بس يخلص اريدو بغرفتي .

الملازم: بس سيدي ااااا اخاف مايرضى.

طلعت من المكتب وكملت طريقي
الحجرة التحقيق واگف مفوض
اشرت بيدي من بعيد : يولوو افتح الباب لا احرگها للمديرية ؟

المفوض: سيدي ممنوع النقيب ك....

- افتح الباب لا اعتقلك .

انفتح الباب قبل لا اكمل وطلع الدمر وتلف ام اعصابي
ينزل بردان قميصو بدون وعي كملت بنفس النبرة: انتَ منو سمحلك تغلق ملفات التحقيق اني مسؤول عنها ، قبل لا اكمل تحقيق يول انتَ مهبول.

وسع عيونو صايرة حمرة من الغضب بسبب ضغط التحقيقات
- لك يول انتَ المهبول وصلاة محمد اسحل بيك المديرية
يول نسيت انتَ گدام منو واگف انا الرائد كانون
بدقيقة النور امحي من عينك الحولة.

دفعتو من صدرو وتكلمت بنفس علو صوتو
- ولا تنسى أنـه النقيب تموز ، كانون لا تخبلني لا ....

ما هجست غير دفعني هل قزم على اساس يفاكك بيناتنا
وصاح : يمعودين انتوا اهل قبل لا تكونون
زملاء عمل عيب يولي العالم دحك عليكم .

كانون: بعرورة تولي لا اهبدك بوكس اخلي المديرية تبچي عليك .

تموز : طرزان كانون ادحك عليَّ
لا تخليني اتصرف تصرف يرچفك .

كانون: قفل البوب الكسندر وانتَ تموز حدر وياي .

تموز: ياهو الكسندر ؟

كانون : هيانو المفوض .

تموز: خوية الله لا يوفقوا الضحك عليكم وينك وين الكسندر
جبار چثير عليك يول وجهك معقوج كاتلك الضيم اسود اجلح املح هيانو بعرورة احلى منك .

كانون اختنك اخذ بعرورة وطفر
والكسندر دخل بحالة ضحك مهابيل : شسوي سيدي اهلي الله لا ينطيهم فرحانين بيَّ بس انا ولد ؏ سبع بنوات .

تموز : غير اسمك خوية انا أسعى لك بيها ول
لا يسمعون العالم اسمك يضحكون علينا.

عفتو يضحك ورجعت للمصيبة كانون
لگيتو يشرب چاي بكل برود وانا النار تاكل بصدري

- من هساع اذا تصرف برود انجلط وبحضك وبختك .

- شبيك ؟

تموز: عليش غلقت الملف .

كانون: البت أعترفت عليش ما نغلق وعدنا
قضايا اكبر من راسك .

تموز: أنـه بعدني ما خلصت تموز لا طلعني من .

كانون: أنـه خلصت تموز وغلقت الملف شعسوي يعني ؟

تموز: واذا راحوا بيها ابرياء برگبتك .

كانون: تموز أنـه مو مثلك تاخذني العاطفة ، أنـه ادق منك بعملي
لا تنسى ، ماكو ملف ينغلق يمي اذا ما متأكد منو .

تموز: وحق محمد يول لو ما اكبر مني اجرم بحالك .

ابتسم برود فضيع ورفع ايدو يأشر : لك چلوح صب چاي
للنقيب تموز .

دحكت بقرف وطلعت من المكتب روحـي بخشمي
متأكد اكو غلط بالملف متأكد .

رجعت للمكتب اراجع بالأوراق
خابرت ؏ ارقام المدرجة كلهم نفس الكلام ماكو خطأ
بعد ساعات من العمل المتواصل دخل چلوح
وناداني: بعدك تشتغل .

دحكت بطرف عيني بعدم رضا
ورجعت اكمل تدقيق: عندك اعتراض اخاف بلغك تسحب
الأوراق مني .

مأمون : لا هو طلع بعد ما طلعت من المكتب.

تموز: وين راح ؟

مأمون: بعدو ضايچ خلگو من موقف البارحة.

هزيت راسي وسكتت عندي علم هل موضوع
صعب عليَّ ، ومتيقن هو مايريد يتخطى ومصر
واني ؏ ثقة هل مصيبة تاليتها تسبب الهلاك الكانون
بس ما باليدين حيلة .

مأمون: كانون يحب يحل مشاكل وحدو
تركو واليوم خميس عازمك .

تموز: تولي مني مثل ذاك الخميس طيح الله صبغك يا هتلي .

ضحك وهو يتذكر وكمل : لالا هل مرة غير ثق بكلامي .

تموز : يول چلوح كل مرة تگول هل مرة غير وتطلع أسوء الله يعثرك .

مأمون: لا لا بس هل مرة صدگني غير .

تموز: متفقين رجعني للبيت ادحك الوضع وابدل ونطلع
طلعت روحك چلوح انتَ وكانون .

مأمون: تأمر سيدي .

اخذت كم حاجة من ضمنها سويچ السيارة ومحفظة باجات الوزارة وطلعت جسمي يمشي للسيارة بس بالي مو وياي ابد مو وياي .

وصلت للباب صمهرت(صفن) مقابيل الباب
ادحگ وترددت ادخل: يول چلوح عبرني ؏ باب الخلفي
منا الربعة هسة جدي يعرت بيَّ ويلعن صفحة الخلفوني .

مأمون: ورب الكعبة اهلك ما مستفادين منك غير الغلط .

تموز: اي مو مشگگين الفوائد عليَّ
هم بليلة گشرة خلفوني بالغلط ولو بيدهم يرجعون يبدلوني .

فر السيارة للفرع الثاني دخلت بلا صوت
امشي خطوات بطيئة عبرت الدرج واسمع
صوت من جوة يصيح: يول يا سربوت حرامي مو ضابط وشايل
نجمات يول الله عليش عتتهرب من مسؤولياتك .

تموز: جدي هاي الك اسمعها هيبة وصدر ديوان هاااا وهيبة وصدر ديوان سلطان ال دليم كبيرنا يعني الأصل والقادة .

رد بعدم قبول كلام بسرعة اضاف :اي مو چاعدين بملهى
بعد إلكح فلوس ، لا تحچي حچي زايد يول
بدل وتلحگني ؏ ربعة لا افصل عليك

تموز:  أختصرها ومن هساع افصل عليَّ
لان بس افوت ؏ الربعة تفصل جدام العالم .

الجد: يولي رضية وينها رضية حدري هين
ابوية گضبي ابنچ لا امرعدو .

أجت مثل البطريق تركض من الممر
رضية: هلا شيخنا .

- تركي الهلا وبالچ عند ابنج رايح للربعة تخلي يبدل ويلحگني
فتهمي ، خلاف هل كلام تتعاقبين انتِ وهو .

عافها وراح كملت طريقي فوك وقبل
لا ينسد الباب دخلت إنذار.

رضية : شتعسوي هين يول
يمتى اجيت وين جنت صار كذا يوم .

تموز: المحققة رضية في خدمتكم .

رضية: تموز يمه أنـه مريضة وبعد مابيَّ اروكض
وراك أحترم عمري يمه ولا تخلي بالي عليك بطل غطاتك
واحضر جمعاتو الجدك مو اچلو راسي اچل عليك .

تموز: يمه أنـه ضابط عملي يطلب أظل برة البيت
فترة طويلة ، وأحب هل فقرة واكرة جمعاتو واذا
احضر تصير مشاكل لا هو يتحمل كلامي ولا اني اتحمل
المثالية الچذب والتمثيل العايش بيها .

لطمت ؏ خدها وغلقت الباب: ولك اششش لا يسمعونك
استر علينا يمه اذا يدرون هيچ تحچي ياهو منهم يسكت
يصيرون بس هم وبس وكلها تصلي عليَّ .

فكيت الكنتور اخذت ملابس ورديت
عليها بغيظ دفين: عجل عوفيني يمه ولا تجبروني ادخل عندو
وتصير من الروس .

لزمتني من ايدي بخوف كلامها عبارة عن ترجي
ومثل كل مرة انجبر ادحگ خلقتهم الخاطرها .

بس غسلت وبدلت ؏ سريع سحبت مبلغ
وغراضي من الميز ونزلت سحبت نفس
ودخلت للربعة : يابه هلا بشيوخنا وحي الله الزلم الخشنة.

بصوتهم الخشن ردوا السلام : هلا بـ درباس شيخ السباب .

توجهت بجهة شبابنا گعدت وياهم وصايرين مذابح
واحد يقصف بالثاني .

تُميم : تموز شيخ الشباب قصفنا جميعًا وطارت الجبهة.

تموز: تروحلي فدوة الطولي ، شعدكم هين الله يعثركم ولا يرضى عليكم يولو اليوم خميس مچابلين هل وجوه الغبرة وگاعدين مثل النسوان العاقلة شبلاكم .

تميم - وين نولي .

تموز: حدر انتَ حدر بمكاني المعقد گاعد يمي وما ادري .

تُميم : تروحلو فدوة تتحارش ومن يهجم عليك يشهرك جدامهم
تطلع انتَ المظلوم.

تموز: يا هتليّه محامين الدفاع مشتغلين الكانون
الله يعثركم تراني هم ابن عمكم .

كانون: الظاهر هل مرة الموضوع خطر
انتبهوا وانچعمو وأسمعوا.

تموز : الموقف عليش نغلق .

كانون : انچعم ما تنبلع وحق محمد اگضبك بنص الديوان
اورك  .

تموز: باچر ناوي اغلق ملف التحقيق الجديد .

اعتدل بگعدتو يدحك بتعجرف
ويرد بعدم اكتراث: يواش يواش تموز مسموح تغلق ملف
تحقيق إذا اكتملت الأدلة الجنائية بالكامل وبعد التدقيق
تنغلق بدون رجوع ، انتَ بالبداية أعرف وين وصلنا وبعدين اغلق .

الجد: يا هوووووو لهناااااا وين ويانا ، لو اتصرف بالعگال .

دخل دوهان وجهو محتقن
گعد مجبور كلها تدحك عليَّ
كحزت قريب منو تكلمت مستفسر: هلا بالعضيد
هلا بـ أبن العم ، شبلاك دوهان خيرك .

دوهان: سامع بالمثل يگول ، الما يخاف الله خافوا منو ؟

كانون: يول شبلاك ما تحچي وريتنا ور .

دوهان : عندي مهبولة ذرة دين ماكو براسها .

تُميم : تلعب انتَ والقط تحمل خراميشو .

دوهان: استلم .

تموز: يولون معليك بسوالفهم التعبانة عوفها
عليَّ اضرب مشاكلك بعرض الحايط وتعال ويايَّ.

كانون: وين يولي وياك تريد تهدم بيتو سد اثمك
هو مو مثلك انتَ عزابي هو متزوج
وانتَ يول دوهان لا تسمع كلامو هذا بعدين يتبرا منك
وانتَ الوحيد تتضرر.

دوهان: اني منا مخنوگ وجدكم يخابر ، يمكن صدگ اروح
وياك تموز روحي جزعت .

كانون: مهبول حضرتك تهدم بيتك ، بس تعرف حرمتك
تحچي ويخرب كل بنيان حياتكم ، تحبها تحملها اگعد وياها
افتهم منها وحاول اذا الموضوع سهل عليك حقق طلباتها
طلعها اهديها وردة هي كائن ضعيف لطيف حساس تقتنع بأبسط الكلمات تحبها احتويها ما تحبها رجعها الاهلها وروح وين ما تريد تروح واني اتصرف مع كل شخص يعاتبك وين طلعت ومنين رجعت .

تَميم : تعلم تموز تعلم .

تموز: اريد اروح زحمة چلوح بالباب .

كانون: ها دوهان تحتاج تصفن چنك ابو صابر .

دوهان: بس يخلص جدي سالفتو اطلعها نحچي برة البيت.

تموز: بسرعة سمع كلامو الهتلي .

دخلوا ابهاتهم يدحكون بصدمة : ها ولكم جدكم جامعكم .

تموز : اي وحضرتك فرحان.

كانون: تموز تكلم عدل ويَّ أبوية لو تسد اثمك لا ....

تموز: لا شنو المعقد العقدة.

ابو تُميم : يول ابو كانون من ادحك ؏ مناگر تموز وكانون
اتذكر مناگركم انتَ وابو تموز الله يرحمو .

ابو كانون: الله يرحمو متربص للغلط مني تا يتكاون ويايَّ .

تجاهلت كلامهم والتفتت الجدي
وتكلمت باستعجال: گول جدي شصاير ؟

الجد: أريدكم ترتبون سفرة للسويد بأقرب وگت .

كانون: عليش السويد ؟

هتف للگهوچي ورفع ورقة: وصلها الكانون يقراها بعلو صوتو .

اخذها كانون ورفع صوتو : السلام عليكم ورحمة الله وبركاته
قبيلة والدتي (نهلة رجب )انا ابنتُها ( دجلة ) لقد تزوجت بالإكراه
منذ سنين كان اخي يعنفني يوميًا الى ان اضطررت الموافقة ؏
صديق السوء ورماني له ضحية رغم معرفتهُ ان زوجي رجل
مدمن مخدرات من الدرجة الأولى بعد الزواج رحلت من بيتنا الى السويد مباشرةً اخي أتى من بعدي كل يوم عنف متواصل بكل وحشية وعلى مدار السنوات الماضية ، لقد ولدت أطفال رغمًا عني
تعايشت معاهم وتحملت الى ان وصل العنف إلى اطفالي لقد حاربتهم
وقدمت شكوى امام القضاء السويد وتم اعتقالهم ، بعدها تطلقت اصبح يرسل لي جماعة من عصابتهم يضايقوننا اضطررت
بعد سماعي بخروجه من السجن الى الان لا اعرف كيف خرج
لكن فوجئت به يحاول قتلي أنا وأطفالي هربت بهم وقدمت
بلاغ وتم ترحيلنا الى بيوت سكنية مطوقة بحماية مشددة
الى ان يتم اعتقالهُ ، اثناء تواجدي في السكن وتوجد معي عوائل كثيرة ، في كل وقت يقتحمون الحرس المنزل لا توجد خصوصية أبد نهائيًا اعاني من قلة الاحترام والتقدير ، حياتي الفوق كُلها تهون لكن القادم مر خنچر ينحرني ، في يوم عاثر
تمرضت واسناني تأثرت بالالتهابات اعطوني حبوب مسكن الألم
واستمررت عليها، وفي يوم كان قلبي يؤلمني اتت فتاة من الحرس
وقالت لي : سنأخذ اطفالچ في نزهة سريعة وانتِ خذي قسطًا من الراحة .

لقد رفضت الآمر لكن أخذوهم بعد اصرار منهم
مرت الساعات اصبحت أشبه بالمجنونة
اطفالي لم يعودوا الي ، بعد فترة من الزمن
اخبروني بأنني مدمنة مهدئات ، ومريضة نفسيًا
ووجود أطفالي بجانبي يعرضهم للخطر
لأنني في الفترة الاخيرة وبسبب الضغط المتواصل
من قبل طليقي والحبس والحرس اصبحت افقد اعصابي
ولكن لا اتذكر انني رفعت صوتي ؏ احد اطفالي
ولا اتذكر انني صفعت طفل منهم ، احداث كثيرة حدثت
لقد عرضوني ؏ تحاليل ومحاكم وأدلة حتى يتاكدوا
إنني ليست مدمنة ، كانت نسبة المسكنات مرتفعة قليلًا جدًا
اطفالي في حالة إنهيار لا يسمحون لي ان أراهم ، لقد وكلت
محاميًا وقد اخبرني انني يجب أن اكون فعلًا مدمنة لكن ادمن ؏ شرب الكحول حتى يتكفلون بعلاجي ولانني منهارة وافعل اي شيء في سبيل إرجاع اطفالي فعلتُها واصبحت اشرب الخمر وبعدها ثبتت عليَّ انني مدمنة وبعد علاجي أيضًا رفضوا إرجاعهم
لدي توأم اطفال صغار جدًا انني خائفة ان لا يعرفونني
لقد مرة سنة كاملة وانا ؏ هذهِ الحالة اتوسل لك اقبل قدميك
ساعدني ، سأصبح ممنونه لك ومدينة لك طول حياتي
آنا احتضر كل يوم انا فقدت الآمل في حياتي وأصبحت فكرة الموت
الآمل الوحيد للخلاص ، تدمرت واطفالي تحطموا بدوني
ارجوكم ساعدوني ....
                                                    ( دجلة)

تموز: منو نهلة ؟ دجلة بنت منو؟ شصاير شيخ .

الجد: نهلة بنت اخوية ، دجلة بنت نهلة الله يرحمها.

ابو كانون: يا مصيبتنا بنيتنا يصير بيها هيچ واحنا گاعدين .

الجد: نشمشم ايدنا غير ما ندري بيهن ، كانون تسافر ويايَّ .

كانون: جدي ممنوع أسافر ، وحتى الشباب ممنوع نسيت
ممنوع السفر للضباط .

الجد: والحل أنـه اريدك ويايَّ .

ابو كانون: أنـه اروحن وياك بوية .

الجد: انتَ تعبان ابني أنـه
اريد كانون لان اعرف بي رزن ثكيل يفكر بعقلو قبل لا يخطي خطوة ويغلط ومتأكدة بس يروح يحل مشكلة هل بنت .

كانون: لا تفكر أنـه أرتب السفر الكم بالكامل
تموز جدد الجوازات من باجر
دوهان أستفسر ؏ وضع السويد وقانونهم
وتميم اريدك وياي .

تموز : شسوي بعد تحشش زرع لو تحلب بقر
اذا اني اسوي جواز ودوهان يستفسر
تهير الداخليات ، هتلي وحگ الله هتلي حظ عاهرات .

كانون : شبلاك مدقوق مني صير ثگيل .

تموت: تخسي المعقد مدقوق منك ؏ شنو ؟
يول وين انتَ الفارغ وين اني بالعلامة اني
متكفل بأصعب شي الجواز انتِ حدك ينفخ بيك ويقشمرك جدي .

كانون: وأضح شگد متعبك الله يساعدك ، أعذرك ؏ كلامك
هذا من حرگت گلبك .

تموز: أنـه اروح قبل ماتكبر هل معقد يمرض .

الجد: گاعد ؏ نار تهوبز مثل المهبول
صار ساعة بس تريد نخلص وتطلع .

تموز: عجل ابات يمكم اريد اطلع باجر عطلتي .

الجد: روح لا تبطي بالجوازات .

أومأت وطلعت من الربعة لگيت چلوح واگف بالباب
ويتراجف بس شافني وجهو نعقچ يريد يبچي : ها يالفگر
عبالك وجهه مديرك هو معقد وانتَ تبچي .

مأمون: سيدي صار ساعتين مشتول بالباب تا ربنا مايرضى.

صعدت بالسيارة ورديت عليَّ واني اقلد نبرة
صوتو الباكية: يالمعثور بعد وگت بس احنا نروح هسة
ماشايفين ملاطيط .

سار بالسيارة طريق طويل مو قصير مثل المعتاد
تموز: شسالفة وين رايحين ؟

مأمون: وصلنا سيدي هيانو البيت .

تموز: بيت ؟؟

مأمون: اي سيدي بيت .

تموز: يول چلوح انتَ مهبول يا بيت يول الله لا يضحكون
عليك وتطلع السالفة مو خوش .

مأمون: اعتمد عليَّ ولا تفكر بيها اليوم اضبطك .

تموز: تخسي اعتمد عليك اعرفك اعوج ما عليك الإعتماد .

مأمون: تمون سيدي تمون خلينا ننزل وانتَ بعينك جيك الوضع .

تموز: حدر يول قبلي افتح الباب .

فكت بنت الباب بعدها شابة صغيرة
ابتسمت بوجهه ، وما ادحگ غير
حرمة بنهاية الثلاثينات عاطت
هلا بالدولة هلا بالحكومة كلها
هلا بشيخ الشباب .

رفعت ايدي حكيت رگبتي وهزيت راسي
واني اتكلم بصوت متوسط السمع: هلا بيج ا...

افتهمت أريد أعرف اسمها
تكلمت بسرعة : سمسمة عيوني اسمي الشيخة سمسمة .

تموز: كلشي يرهم بس انتِ ولقبچ خطان منفصلان
بدلي لا تضحكين العالم عليچ .

مأمون: سيدي أترك سالفة الأسماء ابوس ايدك .

دحكت ؏ مأمون تغمز بعيونها وترفع بحاجبها
وتمثل الضحكة: يايا ولك مأمون سيادة الضابط
مشحون علينا.

مأمون: يمون الدرباس يمون .

سمسمة: امشي بساعچ مُشمش يولي احلى ميز الأحلى سيادة الضابط .

دخلت ودحكت المعگلين والقوط بيهم شيوخ
وتجار ورتب گاعدين ؏ ميز يتمصخروا
گعدت ؏ ميزنا بغرفة چبيرة بشكل واضح
الإنارة إنارة ملاهي ، البيت كلو عازل للصوت
وديجيل مشتغل بعلو صوتو وبنات يتمركصن
التفتت اسولف أنـه ومأمون وشي ندحك عليهن
واشرب نركيله بصفي .

كلشي تمام والوضع مستقر وعال العال الى
ان دخلت سمسمة مرة ثانية وصوت الديجي
صار ناصي گضبت السماعة وضحكت
بعلو صوتها ضحكة مشبوها ؏ ضحكتها ضحكت

سمسمة: أريد ادخل وجبة من الصبايا اثنين
يرگصن بس ممنوع المس عيوني انتو خلونا متونسين ولا تخربوها .

صاح بيها واحد من الگاعدين
لابس عگال ودشداشة : يولي سمسمة كل ممنوع مرغوب .

ضحكت وردت عليَّ بتحذير : نتخارب أنـه الخاطركم
اريدكم تغيرون وجوه.

رد عليها وهو يضحك : نحاول ما نستچلب .

نرفزني اريد اگوم اصفگو ؏ وجهو المچولح
بس هل چلوح لازمني عطت بي بعلو صوتي

تموز: يول لا تعمم نستچلب شنو انتَ چلب وتستچلب
خوما كلها مثلك ما شايفة.

رعش بغضب وعاط متنرفز شلون افشلو
مقابيل الكل : أنـه چلب انتَ ياهو شو ما تستحي
ياهو دازك عليَّ .

تموز: مو نعا..... مال حمام ويدزوني عليك
يول انتَ بحضور الكل گلتها نستچلب تعرف بنفسك
چلب وعممت لقبك ؏ كل ، اني وضحت بس انتَ چلب
هين كلنا نضبط نفسنا لا تخافين سمسمممممممم .

اجت سمسمة علية وعلت الصوت تا لا تكبر المشكلة
ودقايق ودخلت بنية نسخة من سمسمة رگصت رگص
كارثي بس حرس واگفين وراها ممنوع واحد يوگف
يمها .

دقائق نزلت راسي اخذت نفس نرگيله
بعدني احچي أنـه ومأمون شو هذا الزلمة جمد
بمكانو بعد لا ياخد ولا ينطي ويدفع بيدي ويهمس
مأمون: سيدي ادحك ادحك ادحك ادحك .

ألتفت وما اجملهُا من التفاتة من جعل كل الألتفاتات
مثل هل التفاتة: يول چلوح صوبتني .

إلتفتتُ بشرودٍ
رأيتُهـا ... مَيزتُهـا
مُلفتةٌ فـي وَصفهــا
مُنقبة بسلاسل مُرصعة بالذَهب تُخفي ملامحها
بارزٌ منها .. جَـوهرتان ساحرتان فقط ..
أحقًا هيَّ ؟
بَلى تلك ذات العيون الساحِـرة
ماكِرة ! ... لا بَـل جِدًا مُبهرة
أذابت وأصابت قَلبي بما تُسمى " النَظرة "

صوتهـا ، أنفاسهـا ، خِلخالهـا
كُـل الجاذبيـة عِندهـا ..
لم استطيع أن أصمُـد أمامهـا
مـال الذي يسكُن ما بين أضلعي مع ميلان خِصرها

تمايلـت ، واصبح اضطراب النبض أمرًا مَحتوم
سَرقت قلبي .. أم سرقتني كُلي مـن بعد سنين !؟

فمـا المَصيـر ؟
عشقٌ أزلي ،أم تجبرٌ والمزيد من التدمير ؟

يتبع ...

الباقياتُ الصالحاتُ خيرٌ و ابقىٰ :
‏- سُبحان الله.
‏- الحَمدُ لله.
‏- لا إله إلا الله.
‏- الله اكبر.
‏- سُبحان الله وَبِحمده.
‏- سُبحان الله العَظيم.
‏- أستغفِرُ الله العظيم وَأتوب إليه.
‏- لا حَول وَلا قُوةَ إلا بالله.
‏- اللهم صلِ وسَلّم و بَارك على نبينا محمد.
‏- لا إله إلا أنت سُبحانك اني كنت من الظالمين .