رواية تجبر أحفاد الــ دليم الفصل السادس 6 - بقلم اسـاور حسين 🦢✨

تــجــبر أحـــفـــاد الــ دلـــيـــم 🦅
بقلمي اســـاور حـــســـيــن
‎_11_المُلْتَقَى

اتيتك هارباً من الأذى ..أذيتني
•••••••••••••••••••••••
هَــيـلانـة....

ألهث من الهبطة ومنظر أيدي
هو گاعد مقابيلو اكل وبيدو اسلاح
وفاتح خط هو واحد يبلغوا: ذَهــب انتهت نحتاج خطة جديدة
نوگع بيها فراس سلطان وكانون فراس سلطان .

زادت مصيبتي هجمت عليَّ بلا وعي
گضبت ملابسو وصرخت صراخ
مهبولة بوجهه : يولووووو اختي ذهب وينهااااااا
شنو انتهت شسويتووو بيهااا يا ساق......
اختي وين.

دفعني ؏ حايط أحتار يدحك عليَّ يروح
يعرف شنو الصراخ الصار جوة
راد يطلع سديت الباب ولطمت ؏
وجهي : هساع لو تجاوبني لو تموتني وينها اختي
ذهب شلون انتهت ذهب ما توگع يولووو شسويتوا بتاج راسكم .

سحب ايدي وضربني ؏ وجهي : شصاير يولي شسويتي من
مصيبة جديدة ، هاي ايدج شبلاها .

هَــيـلانـة: معليكككككك جاوبني جاوبني ذَهــب ماتت .

دفع الباب وطلع وهو يرد
مستعجل ولا مهتم  : اي ماتت ذَهــب اختج بااااح وداعًا.

هَــيـلانـة: تا اموتككككك انتَ وجلاد العااار الفاشل
خابررر جلاد جابرووووو بسااااعععععععع .

ركضت اني وايدي التنزف بعد ما هجس بوجعها
بكثر ما گلبي انمرد ؏ ذَهــب هجمت عليَّ
ضربتوا ؏ ضهروا گضب الحديدة مال
درج من راد يوگع التفت بسرعة
ضربني ؏ وجهي وبكل صلافة لف
دشداشتي ؏ ايدو وعبرني من فوك
محجر الدرج جسمي صار كلو بره
الدرج ورجلي تتحرك گضبت ايدو بكل قوتي وصرخت
أستنجد: يمممممممممممممهههههه لالا اصيل لا
ارفعنييييي لحگولييييي يممممممههههه عززززيززز .

من اول طابق لمحت عزيز يدحك
من شافني وسع عيونو وشمر السلاح
بالگاع وصعد من الهبطة يلزم البابات
بيدو ويركض برجلو لزمو السفاح
من جوة رجعو ؏ حايط وما اعرف
شنو يهمس بأذنو واني بعدني
اصرخ وروحي تفرفح كل ما ادحك
المسافة الطويلة بيني وبين الأرض: عزززيززز ساعدتي
ما اريد امووت عزززيزز .

الشبح : يولي يالعرمة هساع خفتي من تمدين ايدج عليَّ
ماتخافين ما تكولين يموتني بمكاني حقج طلقة يا عاهرة يا كافرة .

هَــيـلانـة: ارفعنيي بعد ما اعيدها والله
أصيل ارفعني ابوس ايدك .

الشبح : بوسيهااا بوسي ايدي يلاااا .

هَــيـلانـة: عزيز ساعدني يمههههه لك اصيل حباب .

گلتها ونزلت راسي أصرخ وابچي
كرامتي ما تسمحلي انزل نفسي وابوس
ايدو القذرة ، دفع عزيز السفاح وصعد
للطابق الأخير اخذ ايدي گضبها بكل قوتو
وصار يدافع هو والشبح .

عزيز : يول ومحمد اذا ما تعوف ايدها اخلي الدم للركاب.

الشبح: عززززيززززز .

السفاح : وجعععععععع عوفهااا تريد تموتها وتورطنا وية جلاد .

الشبح: تجاوز عليَّ وتضربني شسوي بيهاا هل عاهرة .

كل هل موقف صار دقائق
وكلشي صار سريع بس مو اسرع
من بوكس عزيز للشبح  ، بحيث
هي ضربة وهو وگع سحبني عزيز
وشالني ونزل گعدني ؏ درج وركع
مقابيلي رفع شعري واخذ ايدي دمها
ولا وگف لحظة السفاح نزل ويانا ومد راسو
من الدرج صاح بصوت خشن واضح : بسرعة عطاء
اريد نساء تضميد  .

عزيز : منو سوه بيدچ هيج الشبح .

هَــيـلانـة: ذهب عزيز ذهب ماتت .

ألتفت ضاغط ؏ اسنانو وبعيونو
كلام يدحك ؏ السفاح بتحذير
رد عليَّ بسرعة : منو گال ذهب ماتت ؟

رفعت راسي ودموعي تقطر ؏ ايد
عزيز دحكت ؏ سفاح : أصيل يحچي هو واحد بالتلفون
يگول ذهب انتهت نحتاج وحدة جديدة توگع واحد
نسيت اسمو بس اتذكر شهر ما ادري دخت دخت .

صعد السفاح فوك يستفسر من الشبح : صح هل كلام .

الشبح: جلاد خابرني وگال ذهب إنتهت احتاج بنت وخطة ثانية.

عزيز: يعني شنووووو فهموني ماتت لو فشلت المهمة .

الشبح: انتَ اليوم ازوعك دم بطنك .

السفاح : اتركو واهتم بموضوع البنت الجديدة
سلمها بسرعة الجلاد .

صعدت امو تمشي وايدها وره ضهرها
- هَــيـلانـة مناسبة .

السفاح : لا مو مناسبة وينها وين المناسبة مخليها
بنص المقر وكل يوم تسوي مصيبة اكبر من راسها .

-عجل بشكل من الأشكال ندخل شام البيتهم.

الشبح : أرسم مخطط مباشرةً الفراس .

السفاح: اسمعي انتِ وهو شام ممنوع منعًا باتًا تقتربون منها
شام هديتي واني مسؤول عنها وما أسمح كائن من يكن يقترب
إلها افتهمت شبح انتَ وامك لو نتوكل للخليفة يحل خلافنا.

الشبح: عجل انتَ تحل مشكلة جلاد أنا ابلغوا وهو يتصرف .

السفاح : بلغوا وخلي يوصل هين أنـه أتفاهم وياه.

عزيز: وين صارت عطاء أيدها بساااعععع .

السفاح : جيبها ورايَّ استعجل .

رجع شالني ونزلني كعدني بالصالة الجوة
دخلت بنية تنظف ايدي الوجع ماينوصف
صرخت لطمت عزيز يلزم بيَّ يحاول
يثبتني تا ملابسو شگيتها من خلصت
راحت تريد تهير الإبرة ذبيت روحـي
من التعب ؏ تخم اسمع عزيز يحجي
هو والسفاح بصوت ناصي : درْكان اليوم تتأكد من خبر ذَهــب .

- بس يستقر وضع البيت إتصل وهساع تنجعم صوتك
بعد ما اسمعوا وأهتم بروحك اليوم ماتعبر عليك ضربتك الشبح .

عزيز : حاولت اسيطر ؏ أعصابي بس يستاهل يا أخي
گلت ما اريد خواتي ويايَّ ما أتحمل.

السفاح : جدام عينك أحسن.

طلع سفاح من رجعت تضربني البنية إبرة
بس كملت صعدني عزيز الغرفة تختلف عن القديمة
هاي فارغة : عزيز وينها ميلاء.

- نزلوها للمستشفى لاتخافين مابيها شيء.

هَــيـلانـة: معقولة ذَهــب ماتت .

عزيز: جعل يومي قبل يومها ذَهــب قوية تفرهم فر
مو بهل سهولة توگع بس إحتمال فشلت مهمتها
ونكشفت لآن دزوها بمهمة وزوجها الشخص
عائلتو كلها ضباط واصلين واصحاب ذكاء ودهاء .

هَــيـلانـة: متابع أخبارها.

نزلت دموعو وهمس مخنوگ : دحكتها بفستان ابيض
كأنها ملاك شكثر تمنيت احضنها بس صعبة .

هَــيـلانـة: صار چثير من تزوجت.

عزيز: تقريبًا شهر و7 أيام .

هَــيـلانـة: بس معقولة أقتنعت تصير وياهم بهل سهولة.

عزيز: هددوها بينا ذَهــب بنص الموت في سبيل تنقذنا.

هَــيـلانـة: انتَ شلونك رجعتلي روحـي واختفى الوجع من سمعت
صوتك الحلوو .

عزيز: احنا ميتين هَــيـلانـة احنا بعمق الموت
بين الدواعش بنص التنظيم الكافر .

هَــيـلانـة: تدري ذَهــب كل يوم تغني آلك بليل تگول
هو متعود ينام ؏ صوتي وحتى لو بعيد يحس بكلشي.

عزيز: أسلم الباقي من عمري وارجع أنام بحضنها
وتغني إلي وخلي بعد ما اريد اگعد .

هَــيـلانـة: أسم الله عليك ، أمانة الله لا تتأثر بيهم وبكلامهم
وخلينا نهرب بأقرب فرصة.

عزيز: اياج تهربين هَــيـلانـة اذا مو اني اخطط
واطلعج من هل مكان هذولي شياطين يذبحوچ
ويمثلون بالجثة.

هَــيـلانـة: تعبت ما اتحملهم صعب أتأقلم
الشبح محاربني اذا أستمر بمعاملتي السيئة وياه
يخليهم كلهم ضدي .

عزيز : سوي مثلي چذبي تا تبقين تعيشين
وبأقرب فرصة انه اطلعچ اضحكي ؏ عقلوا
وصيري زينة ومثلي انتِ تسمعين كلامو
تا من تحجين وياه تطلبين منو تشوفيني يقبل
ونگدر تخطط نطلع .

هَــيـلانـة: اوعدني ما تعوفني.

عزيز: انتِ أختي عرضي النار تاكل بروحي
كل ما ادحگ عيونج التعبانة وجسمج الازرگ من الضرب
هَــيـلانـة وعيونچ وغلاتها الذهب نرجع سوية وانتقم منهم كلهممم .

حضني بجيت ؏ صدروا وأخيرًا
ريحة اخواني تذكرت ذَهــب
وحدها تحارب صرخت
وهو يبچي ويايَّ وقبل لا يعوفني ويطلع
تكلم يترجاني: هَــيـلانـة بغلاتي إذا تشوفين
لا توصلين يمي ولا تسلمين راح أضطر
ارمي .

هَــيـلانـة: عليش .

عزيز: يعذبوني ، اسمعي مني ولا تقتربين أله همَّ
يسمحون ألج .

هَــيـلانـة: يعني اليوم راح تتعاقب لآن ساعدتني .

أومأ براسو وجر حسرة: تمرر وأنساها أهم شي
هساع تتعلمين الدرس وتاخذين بالنصائح
اقتربي من شام وطبقي كلامها بحذافيرو .

هَــيـلانـة: شام تطلب مني اتقرب من الشبح واكون زوجتوا
واتعامل معو طبيعي ولا عبالك هو داعشي .

عزيز : طبقي كلامها تا تهربين انتِ وياها .

هَــيـلانـة: نهرب أني وياها شلون .

بلع ريگو متوتر : مو هي همات تضحك ؏ السفاح
وذكية كسبتو وخلتو يثق بيها وراح تهرب .

هَــيـلانـة: شدراك شنو تحچي وياها .

عزيز: لا يولي بس مراقب تصرفاتها .

كمل كلامو وباس راسي شال سلاحو وطلع
الإبرة أخذت مفعولها نمت بس الحرارة بعدها بيدي
الله يعثركم ويهد حيلكم يا حثالات.

بقيت يومين بهل حجره معدتي تأقلمت
تظل بلا اكل يومين وأكثر ، باليوم الثالث
طلعت اريد أدخل الحمام سحبتني شام
من أيدي: يا غبية وين كنتي ظل بالي عندك والله وبخاف اقترب
لا يروحوا يشوفونا ويوصلون خبر الشبح والسفاح
ويروحوا يطلعون روحنا ، كيف صارتي .

هَــيـلانـة: ايدي موتتني من الوجع .

شام : تحملي كم يوم وبتصيري تمام المهم
انتبهي رجعت ميلاء وعم تخطط هي وباقي
البنات عليكي بدهم يدخلوا يولعون فيكي النار
مثل ما عملتي بميلاء .

هَــيـلانـة: گولي غيرها شنو هذني مجرمات .

شام: تربية داعش شنو تتوقعين ، انا يوم عاندتها
فرغت الثلاجة وحذفتي فيها وقفلت الباب ساعتين .

هَــيـلانـة: وهساع أنـه شسوي إذا يدخلن عليَّ تجين تساعديني .

شام : تموتنا احنا الإثنين يا غبية ضروري
تبلغين الشبح هو يتصرف .

هَــيـلانـة: شبح شنو شبح أنـه وهو من الروس
ذاك اليوم راد يحذفني مو فوگ .

شام : لآنك غبية وكل ما بتشوفي بتضربي .

هَــيـلانـة: هذا ضحك علية وهمني بحياة وهمية.

شام : انتقمي منو صار دورك توهمي بحياة جديدة
لحتى يحبك وتهربي وتلوعي ئلبو .

هَــيـلانـة: عندج خطة .

شام : إي أكيد .

هَــيـلانـة: وهيَّ شنو ؟

شام : كالأتي ..
••••••••••••••••••••••••••••
تَـــمــوز •••

فراس : شيلوها للمستشفى شيلوهااا .

كــانـــون : تموزززز عليش فلتت ايدها يا غبي
ولكممممم ماتت ماتت.

فراس: اخذهااا لا تحجون ماعدنا وگت.

تَـــمــوز: وتسجيل كاميرات المركز
صارت عدهم واكيد راح ينفتح تحقيق
منو هي وعليش أجت ويانا هين وعليش انتحرت .

فراس: كــانـــون انقلها المستشفى الـ .....
وانه وتموز نتصرف بالتسجيل.

شالها كــانـــون يركض وابو السيارة
يتوسل صحت بي : آبو الغيره أتوكل الغلط من عدنا مو منك .

تحرك كــانـــون بكل سرعتو واني وعمي
دخلنا الابو الكاميرات من دحك علينا عرفنا
اخذ تحية ورحب بينا : عاجبك مكانك هين .

- والله سيدي ناوي اغيرو بس الوضع ما يسمح .

تَـــمــوز: عجل يتم نقلك بمكتب الواء فراس السلطان .

- أمنية حياتي انقل يمكم واشتغل عند الرائد كــانـــون كلها
تحچي بكرمو واخلاقو .

تَـــمــوز : وما يحچون بكرم واخلاق النقيب تَـــمــوز .

- لا هم يحچون تَـــمــوز ابن عمو مو ؟

تَـــمــوز : تا بهاي حضي ما گعد شسوي بعد ربي .

فراس : تنقل بس عندي طلب يمك .

- أمرني سيدي .

فراس : صار موقف امام باب المركز هساع
اريد تحذفو .

استدار طلعوا وظل الزلمة يدحك بوجوهنا
- هاي منو وليش شمرت روحها وانتحرت.

تَـــمــوز : ممنوع تسأل تحذف بسرعة لو تروح عليك .

- تعذروني هاي أمانة ما تنحذف .

تَـــمــوز : الواء وطلب منك تحذف تعصي كلامو .

- باجر كلشي يصير وانه اوگع بيها سيدي تعذرني .

فراس : أنـه طلبت ورفضت هساع أمرك تحذف الفديو
لا اعتقلك واخلي مديرك ينقلك طوارىء.

- سيدي و..

فراس : ابني احذف الفديوووو احذفووووو .

- لا تحرجني وتعذرني والله صعبة ما احذف هاي امانة .

فراس : البنية بحمايتي واذا سلمت التسجيل تدخل تحقيق
احنا وياها احذفوا.

- اسف ما اكدر سامحني بس صعبه .

دك تلفوني بسرعة رفعت خط : ها كــانـــون وصلتو.

كــانـــون : ضروري تنحذف التسجيلات ضروري .

تَـــمــوز : صار صار يول لا تهتم ومحمد احذفهن .

من سديت الخط اسمع عمي يصيح : امشي نادي ؏ مديرك.

فراس: يول تَـــمــوز شلون خلينا كــانـــون يروح وحدو
بلا حماية ، يولو بسرعة تاخذ دورية وتروح للمستشفى.

طلعت من المركز الموقع السيارات
واكفين منتسبين أربعة: يا رجال بسرعة وين سيارتكم .

- شصاير سيدي .

تَـــمــوز : تحركووووواااا مو وگت سوالف .

صعدنا بسرعة ونادوا ؏ منتسبين غيرهم
يوكفون بمكانهم ، طلعنا للمستشفى اخابر
؏ كــانـــون ماكو : اسرررع اكثررر يا هتلي تمشي ؏ بيض .

- سيدي سريع راح نطير.

تَـــمــوز : تريد أضحك.

- اعتذر سيدي .

تَـــمــوز : شنو اسمك .

- مازن .

تَـــمــوز : مزمارك قديم ، اكلك مازن اسم مازن انقرض هو مازن همات اسم عبالي يستخدمو بس بالأول إبتدائي.

- سيدي بعد صارت .

تَـــمــوز : أنـه أسعى الك وغيرو لا تضحك العالم علينا.

كملتها وانه انزل من السيارة دخلت للمستشفى
انطيت الأسماء للاستعلامات وبلغتني : المريضة نقلوها عمليات.

صعدت أنـه والحماية بالمصعد
اول ما انفتح لگيت تُــمــيم
وكانون گاعدين : يول تُــمــيم زعرور تكمز منا ومنا شبساع اجيت .

تُــمــيم : هساع وصلت .

تَـــمــوز : وانه اجيت اركض كل ضني وحدو .

كــانـــون : تُــمــيم اريد مي من جوة .

تُــمــيم : تدلل اخوي .

اول ما راح تُــمــيم بلغني كانون
- زين اجيت لمحت جلاد يراقبنا
واكيد عرف بوضع ذهب .

تَـــمــوز : عجل بعد ما يراسل واذا راسل لا تجاوبوا
خلي خطتنا تمشي صح .

كــانـــون : تَـــمــوز ذَهــب دمها بيدي ذهب ما تستاهل
حرام الصار وحق الله الصار جريمة .

تَـــمــوز : من ايدها .

دنج راسو وانه كملت : شنو ناوي كــانـــون .

كــانـــون : اذا طلعت منها نبقى ؏ نفس كلامنا ونتصرف
حسب الخطة المتفق عليها.

تَـــمــوز : لا تضعف ولا تتصرف بعواطفك اياك
لا تعرض حياتك للخطر .

هز راسو نزلت ادخن وتأكدت من كلام كانون جلاد يراقب من
بعيد خابرت عمي بلغتوا رد : رجع الحماية لا تخلي
يخاف او يحس بخطر.

تَـــمــوز: اذا راقبها وهيَّ تنتحر معناها عرف كشفناهم .

فراس : لو عرف كشفناهم ما يراقب هو يريد يعرف
عليش ذهب دخلت للمستشفى يريد يكشف بسبب
مرضها لو اكو سبب ثاني .

تَـــمــوز : شلون نتصرف شنو الخطة الجديدة.

فراس : اني بطريقي ألكم وراح اخلي ام كــانـــون تجي
وياي تا يدوخ وما يعرف احنا كاشفيها واتفق اني ومدير
المستشفى يسويلي خدمة .

تَـــمــوز : شنو هِـيِّ .

فراس: أوصل وتعرف .

تَـــمــوز : لا دخل امي بالموضوع.

فراس : هم گال امي مصيبة ؏ راسك .

تَـــمــوز : انتَ مصيبتي .

سد التلفون بوجهي رجعت الهم بلغت الحماية يرجعون
للمركز ، گعدت قريب ؏ كــانـــون حاير ويحوم
تَـــمــوز: شبلاك ترجف ؟

كــانـــون : خايف تموت .

تَـــمــوز : مو آول حالة تمر عليك .

كــانـــون : دائمًا ارفض احقق وية حرمة
وارفض كل المهمات التدخل بيها نسوان
عليش هل مرة ورطت نفسي عليش .

تَـــمــوز : اه كــانـــون كل عقلك ، مهمة عادية وراح تخلص .

كــانـــون : ماتخلص بعد ماتخلص .

تَـــمــوز : لا تگول ناوي ...

رجع تَـــمــيم سكت كــانـــون بس بقيت افكر بكلامو
خفت بس لا تعلق بيها ويورط نفسو وياها
دقايق ودخل عمي وام كــانـــون خايفة
ركضت الكانون تستفسر منو ما تعرف
بموضوع ذهب : يمهههه كــانـــون يمه سودة بوجهي
منين اجتكم هل مصيبة بعدكم عرسان .

فراس : حسج يا حرمة منا العالم .

ام كــانـــون : شلون صار وياكم هيج يمه .

فراس : رجعوا من السفر يريدون يأجرون
تكسي وضربتها سيارة .

ام كــانـــون : شد حيلك حبيبي لا ينحني ظهرك ادعي ربك
يرجعها الك سالمة .

فراس : تَـــمــوز أنتَ حدر انزل ويايَّ .

أومأت براسي ومشيت وانه استفسر : شكو شنو براسك .

فراس : اريد المدير گدامي امشي روح قبلي .

نزلت استفسر من الاستعلامات طلبت مقابلة
وية المدير همَّ خافوا: عليش مقابلة صار شيء ما عجبكم ؟

دفعني عمي وطلع الباج : أنـه الواء فراس من جهاز مكافحة الارهاب اطلب مقابلة مدير المستشفى حالًا .

اخذتنا المكتب المدير دخلت قبلنا
تنطي خبر : انتَ الى متى اعلم بيك أستخدم الباج .

تَـــمــوز : كم مرة اعيدها اني ضابط مهمتي احمي العالم
واستخدم باجي للضرورة مو للتخويف ، ابقى مواطن حالي
حال العالم واجب علية احجي وياهم بإحترام ، ومن يتجاوزون
استخدم الباج وأكسر اظهروهم.

- اتفضلوا المدير موجود ينتظركم .

دخل عمي قبلي والمدير رحب بينا
وسلم وگعدنا والبنية نفسها قدمت الضيافة
بعد السلام والكلام عمي دخل بالموضوع مباشرةً
فراس : زوجة ابني عدكم بالمستشفى وحاليًا
هي بداخل العمليات حادث سيارة بالغلط صار .

المدير : سلامتها وأني شخصيًا اروح اتابع حالتها تدلل اخي .

فراس : ما تقصرون والدكاتره ما مقصرين حقيقةً
بس عندي طلب ضروري منك ، تغير ملف المريضة
من حادث سير الى حادث سقوط سُلم بسبب مرض المتلازمة.

المدير : أعتذر عن السؤال بس عليش ؟

فراس : الأسباب خاصة شخصية سرية أيضًا
وأكون جدًا ممنون منك وبعمري ما أنسى الك هذا المعروف .

المدير : راح احاول اتفاهم مع الدكاترة المشرفين ؏ حالتها
واتناقش مع الاستعلامات واغير كلشي اطمئن .

فراس : ممنون منك يا طيب
يلا بابا تَـــمــوز نرجع للعائلة.

طلعنا منو صعدنا بالمصعد التفتت
وملامحي كلها غيض : لا تعيدها وتگول بابل تَـــمــوز
تريد تستحوذ ؏ كلشيييييي بطل طمععععععع لهنا وكافي خليتي احس بقررررف انه مو ابنك وبعمري ما اصير ابنك خليها ابالك .

فراس : ولا حرف يا سگط ومحمد هساع
اخليك بشعبة الكسور .

انفتح الباب طلعت قبلوا رحت التميم وهم
يسوالفون وية كــانـــون ، ساعة وطلع
الدكتور تعبان : بذلت جهد بهل عملية
الضربة مباشرةً ؏ رأس حالتها ألى الآن غير مستقرة
راح انقلها ان عاش واخليها تحت المراقبة هل يومين .

رجعت كــانـــون المكانو رحت گعدت
بسدو اطبطب على اكتافو : اذكر الله كــانـــون شبلاك .

كــانـــون : عيونها تتراوالي .

تَـــمــوز : لا تگولها ابوك اذا يدري يشهرك.

كــانـــون : صوتها مايفارگني تتوسل بيَّ اساعدها
وانه شسويت بدم بارد سلمتها للموت ، دخيل الله
فهمني وين الرجولة بالموضوع من تتخلى عن حرمة تحتاجك .

تَـــمــوز : اتفقت وياهم تموتك .

كــانـــون : جبروهاااااا انتَ تعرف وانه اعرف جبروها .

تَـــمــوز : لا تخليني افقد اعصابي دربوها الدواعششش.

كــانـــون : عوفني تَـــمــوز عوفني .

أجت الممرضة ؏ دكتور : دكتور المدير يبلغك بس تخلص
تنزل الغرفتو عدنا اجتماع ضروري .

كــانـــون : شصاير .

تَـــمــوز : ابوك عندو خطة جديدة واول خطوة تمت بنجاح .

طلعوا ذهب نايمة والدم ملطخ ملامح وجهه
نقلوها ؏ غرف المراقبة ومن طلع الدكتور
تكلم : تگدرون تطلعون وترتاحون وباجر ترجعون الها
لان ما تصحى اليوم .

فراس : ابني كــانـــون نرجع للبيت ناكل ونرتاح كم ساعة
ونرجع الهاا .

كــانـــون : لا روحوا انتوا أنـه ما أروح.

فراس: شعندك هين البنية تحت المراقبة ولا اكدر ارتاح
وانتَ وحدك هين خطر ؏ حياتك .

كــانـــون : وهي مو خطر ؏ حياتها اذا اعوفها وحدها
منو يگول ما يقتلوها .

فراس : ما يقتلوها هي وياهم .

كــانـــون : يقتلوها تا ما تعترف عليهم .

فراس : عجل احنا نروح نرتاح بليل نرجع الك وانتَ
تروح ترتاح افتهمت .

وافقنا الكلام ، سلمنا وطلعنا ظل بس هو وتميم ما قبل يرجع
ويانا ، رجعت للبيت بلا اكل ولا شرب بس سبحت ونمت
صار ايام ماكو لا راحة ولا نام عمي حاجزنا مو بس حاجز
؏ ذهب طلع روحـي من خشمي .

الساعة بـ 2:21 بليل فزيت المنبه مخلص وانه فاقد
من التعب ، كمت اغسل وابدل وانه اسب بعمي
ما ادري شلون كملت وطلعت ركض من البيت
الوقت راحححح من كون ضجيجه بمي حار
يا فراس ؏ هل تعب ، صعدت سيارتي وطلعت
متلهف بس گلبي مقبوض وكفت بالربع ساعة
مقابيل بابهم ماكو نزلت من السيارة سويت
حركة وصوت اريدها تسمع ماكو .

الأخر لحظة اجذب بعقلي واگول منتظرتني
ماتسويها بعد وتروح ، بس الشكوك زادت
رجعت السيارتي وتوجهت البيت سمسمة
دخلت اجر النفس بصعوبة وكل شوية
بلعومي تصير بي شحطة ، استقبلتني
سمسمة تضحك : هلا بحماة الوطن هلا بالزلم الخشنة.

تَـــمــوز : سمسمة تشبهين ساجدة عبيد بكثر
ما ترگصين ؏ اغانيها .

سمسمة: ياااا أنـه احلى .

تَـــمــوز : وينج وين الحلى .

سمسمة: وهاي أنـه استقبل واهوس ما يفيد وياك شيء.

تَـــمــوز : شبعان منهن سوالفج قديمات .

سمسمة : ادخل عيوني ادخل يمنا كل جديد نرضيك
وداعت هل عيون .

اول ما خطت رجلي باب الصالة
صارت مقابيلي تتمايل بخصرها
رفعت اصبعي عضيتو هي بسرعة
انطتني ظهرها وكفت ، گضبت
البنية وياها تحچي وياها وبسرعة
طلعت ، كعدت وين ما اشرت سمسمة
اجت بنية تقدم ما ردت شيء
انتظرت اكثر من ثلث ساعة
لا رجعت طلعت گدامي ولا طلعت رجعت
للبيت ، گمت بسرعة توجهت السمسمة
گعدت يمها هي كاعدة تشرب جكاير
واتابع شغل الراقصات: سمسمةةةةةةة .

- هلا بحماة الوطن .

- ام النقاب وين راحت .

- شلك بيها هاي ما تطلع .

- منو كال اريد اطلعها بس عليش ما تركص .

- مريضة .

فريت الساني داخل حلكي ورديت : هاا مريضة خطية
يعني بعد ما تطلع تركص .

- تكول ما اگدر عفتها هل معقدة ، عندي بنوات بالباكيت شنو رأيك .

- شكد تطلبين مبلغ وتخليني ادخل احچي وياها .

- اكلك ما تطلع والله بعدها بنت بيوت .

- يول بنت رگص تربية ملاهي يا بيوت هاي ، ولا تتعززن
براسي ترة كلهن مطگطگهن ولو اريد اطلعها اكول
بس أنـه اريد احجي وياها واطلع .

- شتريد منها ما تقبل ذاك اليوم هم واحد كتل روحة بس
يحجي وياها ولا قبلت ولا أنـه قبلت .

- ليش هي دائمًا تجي ؟

- كل يوم تجي ساعة وتروح .

- 250 شغلة خمس دقايق احجي وياها واطلع .

- ماتقبل والله تبطل وانه ما اريد اخسرها .

- 350 سمسمة لا تلعبين ويايَّ ناري عالية تأذيكم .

- أدخل عيوني أدخل .

- شاطرة .

إجت ويايَّ دخلتني للبيت جوة أربع غرف
صاحت ؏ بنية من البنات : وينها كازو ؟

- بالغرفة الأخيرة .

- حدر ويايَّ عيوني تَـــمــوز .

- انطلقي وراج أنـه .

وكفتني مقابيل الباب واقتربت
يمي بصوت خافت هامس تكلمت : لا تگول أنـه سمحت الك تفوت .

- روحـي هساع .

- الفلوس ؟

طلعت المبلغ حسبتوا وسلمتها اخذتهن وراحت
فكيت الباب لكيتها تتفحص شكلها ؏ المرايا

كازو: انتَ شتريد داخل هنا سمسمة وينج سمسمة صخاااام
اطلع برة تموز لا والله بهل سجين اخليها بنص كلبك .

تَـــمــوز : شلون تخليها بكلبي بالله معقولة انتِ بهل قوة .

كازو : شنوووو ابتعد لا تتقدم مو اكول لا تتقدم .

تَـــمــوز : عناد بيج اتقدم اريد ادحگ شلون تخليها بنص
گلبي .

كازو : اذا تتحرك بعد صدك اضربك ابتعد لاتصير حمار .

تَـــمــوز : دافعي ؏ نفسج هساع أنـه دخلت عليج دافعي .

تقدمت اكثر واكثر صرت قريب عليها
حشرت نفسها ؏ حايط ورافعة السجين
وعاطت مفزوعة: لا تجبرني اضربك
تَـــمــوز ابتعدددددد .

هجمت ؏ ايدها اخذت السجين ولويت ايدها فريتها هي وجسمها
طبكتها ؏ حايط وتقربت اكثر صار جسمي يلامس
جسمها سرت رعشة بكل جزء من جسمي من حرارة جسمها
بلعت ريكي ورديت عليها : بنيت جسمج ضعيفة ما تكدرين
ادافعين ؏ نفسج ، لنفترض شخص نيتو سيئة وياج ودخل
عليج توكفين تنتظري يغتصبج لو شنووووو ؟

كازو : عوفني إبتعد مني ، أني أعرف ادافع ؏ نفسي
بس لان اعرفك ما ضربتك .

اقتربت أكثر وعطت بيها : عليش رجعتي هين هااا عليش
مو كلت ادفع المبالغ التريديها بس لا ترجعين .

كازو : لا تدخل بيَّ واطلع برة ما اريد اشوف وجهك .

تَـــمــوز : مو بكيفج .

- لعد بكيفك .

- احجي عدل وياي وفهميني عليش ترجعين هين ؟

- احب شغلي انتَ لا تدخل بيَّ انتَ مو ولي امري .

- حددي تحبين تركصين ، لوتحبين
الزلم تدحك عليج وانتِ تركصين .

- لا تحچي ويايَّ بهل طريقة .

- عجل شلون احجي وياج ، انتِ تفتهمين بغير طريقة.

- عوف أيدي وابتعد تا اعلمك شلون تحچي وياي .

عفتها والتفتت اريد اصير بعيد عنها تا نحچي
هجمت عليَّ تضرب ضهري وتصيح
مقهورة من كلامي : لا تجاوز بعد بالكلام لا اموتك .

- اريد اقتنع بخيار ثالث غيرهن
تحبين تركصين لو تحبين الزلم تدحك عليج
وتشوفين نظراتهم القذرة تتمتع .

- لا هاي ولا هاي .

- عجل ؟

- احتاج فلوس .

- شكثر ؟

- 80 مليون .

-شتسوين بيهن هذني .

- اشتري بيت .

- المنو ألج .

- ما أكدر احجي .

- عليش عبالج بيوم تتأذين بسببي اذا تحجين ؟

- كلشي أتوقع.

- أنـه تارك شغلي وتعبان المفروض هساع نايم
واجيت الخاطر بس اساعدج .

- ليش تساعدني منو گال احتاجك ، وشنو غايتك اكيد ما تساعدني
في سبيل الله عندك غاية .

- عليش أجذب غايتي انتِ اريدج بس ألي
وكلشي تريد يوصل عندج فلوس بيت كلو يمج.

- لو تموت ما اصير الك ما اريدكككككك .

- استلم عليش ؟

- گلبي ما مرتاح الك ، وكلبي من يحس ولا يوم طلع غلطان .

رجعت سمسمة دخلت : يلا عيني تَـــمــوز كافي
شبلاك خوفتها للبنية .

طلعت من جيبي فلوس انطيتها
ورجعت سديت الباب : راح الراتب كلو هساع من اغلط
احد يلومني يولي احجي .

رجعت شعرها واخذت النقاب الذهبي
لبستو ؏ مرايا وترد ببرود : ماعندي حجي وياك
ومرة الثانية لا تعيدها وتدفع السمسمة علمود
تشوفني أنـي ما اقبلها بفعلتك هاي راح تعودها
اي واحد يريد يحجي وياي تاخذ فلوس وتخلي يدخل .

ضغطت ؏ اسناني وصحت بيها
وإنه بديت افقد اعصابي من تصرفاتها : لا تستفزيني
لا اخليچ تبوسين بيدي ورجلي هين والله
اوكفي عدل واحترمي وانتِ تحچين ويايَّ .

- شكووووووو ليششششش تلزككككك مو كلت شغلي عاجبني
لا تدخل اطلعععع منها لا تسوي نفسك بس انتَ وبس
ولا تفكر تحصل مني شيء افتهمتتتت مثل ما تگولوها
اگولها ما بالحيف تحصل مني وتلمسسس جسمي لا انتَ ولا غيرك
وهساع تطلع برة وجهك بعد ما اريدددد اشوفوووووو
ترة بزعت منك ولعبتها النفسي أنـي حرة بحياتي
اريد ارگص اريدهم يباوعون براحتي بمزاجي لا تدخل اعيدهاااا
لا تدخل لا تدخل وشتريد تگول گول ما يهمني گول رخيصة
گول لحمها رخيص ما يهمني براسي غاية اريد اوصلها
وما أريد اوصخ نفسي بقذاراتكم .

بقيت مصمهر بوجهه كلامها صلافتها حركاتها
ضربني ؏ وجهي عضيت شفايفي وعدلت
ملابسي واكتفيت أهز براسي ، عفتها وطلعت
من الغرفة ومن المكان كلو وعاهدت نفسي بعد بعمري
ما ادخلوا لو احاول اساعد انسان هو مايساعد نفسو.

رجعت للبيت غسلت وبقيت افتر بغرفتي
اسمع صوت الأذان والأول مرة من بعد
سنين طويلة طلعت للكراج رفعت راسي
ودعيت ربي من كل گلبي وكل كلمة
نابعة من اعماق روحـي : ربي مثل ما دخلت گلبي طلعها
ربي برد گلبي من ناحيتها ربي رجعني مثل قبل بلا قلب
ربي هل شعور مقرف ما اريدو ربي دخيلك ما اريدها
لا بگلبي ولا بعقلي .

دوهان : ها يولو شعندك هين .

تَـــمــوز : انتَ شعندك .

دوهان : هجيت من هل مهبولة .

تَـــمــوز : قُــسـم .

قُــسـم : عليش اكوووو غيررري ؟

تَـــمــوز : وجععععع خوفتيني يولووو انتِ صدك مهبولة.

دوهان: الله يساعدني .

قُــسـم: الله يعثرك كون يا معثور .

دوهان: شكووو نزلتي لهنا اجيتي ورأي شلون اهججججج .

قُــسـم : اذا ما تفهمني ولا اعوفك .

تَـــمــوز : امشوووو فوكككك كملوا المشكلة
تسدون النفس ؏ زواج .

دوهان: حقكم والله انتَ وتميم وكانون جان وياكم اذا
كل ما تفوتون للبيت تدحكون مشكلة.

تَـــمــوز: امشي قُــسـم اصعدي فوك .

قُــسـم : دوهان بعدنا ما كملنا.

تَـــمــوز: دوهان راح يموت وجهو اصفر كركمي من وراج
امشي فوك امشي .

قُــسـم : لو كــانـــون يوكف ويايَّ .

تَـــمــوز : لان باطل .

قُــسـم: انتوا باطلين.

تَـــمــوز : امشييييي يلاااااا .

قُــسـم : أنـه راح اصعد وباجر الصبح اطلع من هل بيت .

تَـــمــوز : وازوجك دوهان ملكة جمال العراق .

قُــسـم :الساني عليك الله انجعم .

دك تلفوني قاطع كلامنا بعدنا بالفجر
فاجئني بالإتصال: صباح الخير كــانـــون .

كــانـــون : ياااااا خيررررر آني بطريقي للمستشفى
جلاد دخل للمستشفى ووو .

تَـــمــوز : وووو شنوووو كــانـــون ووو شنووو
اعصابك اخذ نفسسس اذكر الله واحجي .

كــانـــون : امي ماكوو عفتها عند ذهب گلت بس ابدل وارجع بسر
، وذهب تَـــمــوز ذهب حالتها خطرة ذهب راحت بيهااااا ...

يتبع ...

- الرساله ؛ 🤎 وَعنّ ذِڪر اللّٰهِ لاَتغفَلونْ 🤎

-أسَتغفرُاللّٰه.
-الحَمدُللّٰه.
-لاَ إله إلاَ اللّٰه.
-ﷲ أكبر.
-لاَحَول وَلاَ قُوةَ إلاَ بِاللّٰه.
-سُبحان ﷲ وَ بِحمدهِ.
-سُبحَان ﷲ العظيم.
-اللهُم صَل وَسِلم عَلى نَبينا مُحمِد ﷺ.
-لا إله إلا أنت سُبْحَانَكَ إِنِّي كُنْتُ مِنَ الظَّالِمِينَ.
-حسبي اللّه لا إله إلا هو عليهِ توكلتُ وهو ربُّ العرشِ العظيم.
-اللهُم ارزقني من حيثُ لا أحتسب.
-اللهمّ ثبت قلبي على دينك.
-اللهمّ أحسِن خاتمتي.
-اللهمّ أجرني من عذاب القبر والنار.
-اللهمّ أحينا على رضاك وأمِتنا على رضاك.