رواية تجبر أحفاد الــ دليم الفصل الرابع عشر 14 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _19_

آنه متعوّد عليك
لا تخلّي السالفة الماتسوى تاخذني من إديك
فـ والله كل الذين لمسوا روحي احرقوها.
<><><><><><><><><><><><><><>
ذَهــب ...

بنظرات باردة دخل للبيت بعد ما قفل البوب
رجعت شعري خلف اذني وهمست : الحمدلله ؏ سلامك .

كــانـــون : الله يسلمج .

تجاوزني وصعد فوك يخطي بصعوبة بس
يكابر ، نزل ملابسو النص الدرج گعد
على بايات شمر الملابس قريب منو
ورفع ايدو يضغط على عيونو صعدت
مترددة : عليش صعدت فوت للحمام وانه أحضر الملابس .

رفع راسو طال النظر بعيوني
وشال ايدو رجعني ؏ حايط : ذَهــب لا توكفين مقابيلي .

ذَهــب: صعدت لآن خفت توگع ويصير بيك شي .

كــانـــون : تخافين علية لو تخافين يتهموچ بقتلي
اذا يصير بيَّ شي ، أنـه الي اعرفو انتِ تخافين بس على
نفسج وعلى اخوانچ ؟

ذَهــب: انت وأعي على كلامك ؟

كــانـــون : روحـي من وجهي .

ذَهــب: يا الله شكثر متناقض قبل شوية گلت
أريدها ، انتَ بنفسك تصيح اريد ذَهــب .

كــانـــون : وتصورين أنـه اريدچ ؟

ذَهــب: ولا تريدني شنو قابل انتَ تهمني
لو تنتهي الحياة بدونك مع إحتراماتي آلك
تصرفاتك ابد مو حلوة .

رفع حاجبو متعجب من جوابي
اشر ؏ نفسو وهمس : أنـه تصرفاتي مو حلوة ؟

ذَهــب: عندك خلل بتصرفاتك .

كــانـــون : بابا انزلي من وجهي شياطين الكون
تتناطح مقابيلي ،نفسي شنو نفسي هساع ما أتحملها .

ذهب : حاضر تأمرني امر .

نزلت سريع ، وهو نزل وصل النهاية
الدرج وانه هفيت بسرعة
وتعديت المطبخ بعدني بالممر
ودوي صوت أنفجار رعد كل ذرة تماسك بگلبي
صكيت بمكاني بس خلص وگعت بالگاع
واعتكفت حضنت جسمي وصرت أصرخ : راح نموووووت
جلاد رجع جلاد يريد ...

توجهه بتجاهي بخطوات عريضة لمني بلحظتها
جسمي يهتز رعب وتغلغل بكلبي ، الساني ثقل
رفع راسي ثبت وجهي وهز جسمي
بيدو الثاني : أنـه يمج ذَهــب ويايَّ انتِ دحكي متمسك بيچ .

گضبت قميصو من صدرو
وصرخت : رجعععع جلاد مايعرفني بحالي
والله مايعرفني بحالي ، كانوووون تفلش البيت تفلش .

ضغط ؏ اسنانو وألتفت يدحك ؏ باب
حار بين يروح وبين يظل ويايَّ
صوت صراخ وعالم هوسة ، شالني
ودفع باب الغرفة نزلني ؏ فراشي
وهمس : لا تتحركين كلشي ما صار بس ثواني
اروح ادحك شصاير وارجع .

ذَهــب: لا لتعرفني الله يخليك  .

كــانـــون : انه اعوفچ شلون اعوفچ ذَهــب
اسمعيني ولا أتأخر ركض ادحك
وين انفجرت القنبله وأرجع .

طلع بسرعة قفل الغرفة واسمع خطواته
المستعجلة يفتح باب ويرجع يقفل بي
الى ان طلع خارج البيت دمي نشف
بجسمي ، رهبة ضربتني خايفة شلون
اذا دخل جلاد ، واذا أنـه هين وهيج
يرعب بيّ إخوتي شنو حالهم عندو
اجتني النوبة بقوة صرت أضرب
بجسمي وجهي فقدت السيطرة تمامًا
تعبت من الضرب ، ومن الانتظار
كــانـــون راح بعد ما رجع بقيت
وحدي أعاني من النوبة الى آن هلكت
كورت نفسي وبقيت على حالي لا اگدر
انام ولا اگدر اطلع ادحك شصاير والنوبة
ماتركتني مستمرة .

تأخر الوقت وفات يوم جديد ، شجعت نفسي وحاولت
أفتح الباب ضربتو وصرخت: مقفوووول ما فكررر بيّ
كل هل وگت مقفول الباب علية ارررريد اطلع اختنكت
كــانـــون وينك .

سمعت صوت دوش الحمام ، جذبت نفسي
وگعدت استمع للأصوات اكثر ، تحركات
وخطوات بطيئة انصدمت معقولة شنو صاير
رجعت اضرب الباب ماكو رد ابد بس صوت
حركة وأضح ، رجعت للفراش أعصابي تغلي
بعدني ما مستوعبه وعقلي رافض يستوعب
معقولة يعني موجود ويسمع صوتي ويتجاهلني !!!

ركزت بالساعة تمشي ببطء الصوت أختفى
والنهار تحول ليل بس روحـي خلصت صبرها
رجعت أضرب بالباب : يووولووو والله اذا هل مهجوم
ماينفتح أهدم الدنيا هدددددم شنووو حيوان بالغرفة
لوووو بشر من امس انه هين تعبت مليت أريد أدخل
حمام موووو حالة .

رجعت للخلف من سمعت صوت المفتاح بالقفل
بقيت ثابتة بمكاني كل ضني ينفتح بس
خاب ضني ،ضربت الباب محروگ گلبي
طلعت أدور بالبيت ماكو ، دخلت للحمام غسلت
ورحت أشرب مي والف فكرة أدور براسي
مر وگت ودخل مشيت بسرعة اعترضت
طريقو : انتَ جنت قافل الباب ؟

كــانـــون : اي  .

ذَهــب: عليش قابل أنـه سويت الانفجار .

كــانـــون : ذَهــب من الأخير شنو براسج .

ضربت الحايط وصرخت والغضب مسيطر علية
ذَهــب: هو أنـه شنو براسي لوووووو انتَ .

كــانـــون : لا ترفعين حسج احترمي نفسچ
أنـه اعرف ازكح مثلچ بس محترم نفسي.

ذَهــب: صدك انتَ محترم نفسك بس أنـه
ما احترم نفسي موووووو هذا قصدك  .

كــانـــون : بوية انتِ شنو غايتچ ادورين مشاكل
اگعدي بغرفتچ لا تطلعين منها  .

ذَهــب: شنو سجن ؟

رد بعدم مبالاة فضيعة
وبرود قشعر جسمي منو : اي سجن وإنه السجان .

وتجاهلني وصعد بكل بساطة
ذَهــب: والله اذا ماتاخذ كلامي بعين الاعتبار وتوكف
تكمل كلامك ويايَّ اطلع من هل مهجوم واقطع اثري .

وسع عيونو ونزل بسرعة رجعت ليوره
وصرخت : انتَ تجبرني .

رد وهو يشتاط غضب
كانون :يول لا تستفزيني مو ادوس بمصارينچ ومحمد
ازوعچ العافية احترمي نفسج وگعدي عاقلة
مصايبي كافي وزايد لا تصعبين
أيامي وخلي راسي بارد بوجودج بالبيت .

ذَهــب: عجل تلزم حدك وتوكف مقابيلي وتجاوبني
عليش قفلت الباب وين جنت ؟

كــانـــون : عجل شگد عيونچ صلفه .

ذَهــب: كلامك شي وعيونك تسولف شي ثاني
لا تلف ودور واحجي وين جنت .

بلع ريكو وابتعد وهو يرد بصوت ساكن
كانون : قُــسـم بين الحياة والموت .

رخت أعصابي رفعت ايدي ؏ شفايفي لا إراديًا
ذَهــب : قُــسـم البارحة مابيها شي شلون بين الحياة والموت .

دنج راسو رافض يشوف وجهي حزت بخاطري
بس جنت اريد اعرف شصاير: أنفجرت قنبلة صوتية
بنص الكراج وجانت بالمطبخ كزاز الشباك ملخ
جسمهه تملخ .

ذَهــب: وهساع قُــسـم وين ؟

كــانـــون : بالمستشفى كلهم هناك ، وانه دايخ بالمصيبة
وانتِ تزيدين الشدة وتهديني وتطلعين من البيت هساع لو فاقد
اعصابي ومتصرف وياچ بتصرفات شنيعة مو اصير انه
الباطل وانتِ الحق .

ذَهــب: انتَ مجبور بيّ اريد اخلصك من مسؤوليتي
واطلع عوفني ادبر حالي تعاملك يضرب بكلبي والله .

كــانـــون : ذَهــب هذا البيت بيتچ اكعدي واسكتي
عوفيني بهمومي أنـه دايخ بالدوام وبيت اهلي وبالتهديدات
أنـه واهلي بخطر من اقفل ألباب خوفًا عليچ وعلى نفسي
احنا بخطر ، انتَ تحسبين الموضوع من منظور ثاني
وتأذيني بيَّ بتصرفاتچ .

ذَهــب: بس تعاملك .

صفك ايدو بعدم رضا وتقرب : لا تقتربين مني ، ولا تهتمين
بتعاملي اعتبريني ما موجود ، متضايقة من وجودي اترك
البيت واطلع بس أحافظ عليچ من بعيد .

ذَهــب: بس انتَ ما ملزم تحافظ علية .

كــانـــون : منو گال ملزم ، انتِ أمانة عندي اذا
يصير بيچ شي شنو موقفي ، تريدين تفشليني ؟

تركتوومشيت للغرفة
صاح بصوت مسموع وكلمات واضحة: ذَهــب اذا تكررين
تصرفچ الغبي هذا والله يبدر مني تصرف موحلووووو
ابد موووحلو وفعلًا مهين ومذل فـ احترمي انتِ ؏ اسمي
غلط ثاني منچ بعد ما اغفر .

ذَهــب: تغفر ؟؟

كــانـــون : أنـه أحب أسيطر ؏ أفعالي
بس بيوم من الأيام افقد السيطرة
وما انصحچ تخليني اوصل لهل مرحلة لان والله
اصير شخص أنـه ما اعرفوووووووووووووو .

دخلت للغرفة انهضمت من كلامو رغم اعرف
حقو بكل كلمة نطقها ،انفعالي ؏ تصرفاتو وطلبي يتعامل ويايَّ
تعامل طبيعي مو من حقي ، كــانـــون كلو مو من حقي .

شهكت وبجيت بكل ألم بالكون دعيت ؏ اهلي
وعلى جلاد وين وصلوني ، ضعت واخواني
انتهوا ويايَّ ، الوقت يمشي وانه هين
وأخوتي تركتهم بوسط الموت .

بقيت بغرفتي اليوم كلو ماخطيت خطوة برة الغرفة
تأخر الوقت دحكت الساعة بـ 1:30 ليلًا صارت
حركة بالمطبخ ، دقائق واقتربت خطواتو
انفتح الباب رفعت راسي أبتسم: بعدچ كاعدة ؟

ذَهــب: لا نايمة .

كــانـــون : زعلانة ام عيون الفيروزية .

دنجت راسي وبقيت العب بأصابعي
بللت شفايفي ورجعت ظهري ؏ حايط
أتقرب مني دنج لمستواي وعلى وجهو
ضحكة خفيفة بلا صوت : حدري ويايَّ .

ذَهــب: لا تحيرني كــانـــون الصبح تصيح تريد ابتعد
منك ، وماتريد تدحك بوجهي ، وهسة تريد اجي وياك
أثبت ؏ كلمة .

كــانـــون : هو أريد تجين ويايَّ تا نتفق ؏ كم نقطة .

ذَهــب: بس اني مريضة من البارحة من وره النوبة
وكلام الصبح كافي علية ، أخاف اكو مغثه جديدة
أنـه مو حملها ابد صحتي ؏ گدي .

مد ايدو وهمس بصوت خافت : عندچ ثقة بيَّ ؟

دحكت علية بطرف عيني ورديت : اي .

أخذ أيدي وسحبني خارج الغرفة
يمشي بهدوء وثقل وكل شوية يلتفت
يبتسم بوجهي ،گعدني ؏ تخم وركز بعيوني : حرام تنام
قارورة وهي مقهورة ودموعها مبللة خدها ومخدتها
باجر اتحاسب ؏ هل دموع .

غطيت وجهي بيدي وانفجرت ابچي
واشهك من طيبتو وحنانو إقترب حضني
ويدفعني ؏ حضنو بقوة رفع ايدي يبوس بيها: اسف ماتتكرر بعد
بس جنت زعلان منچ انتِ تعديتي وجودي ونفذتي كلام ابوية
بدون ماتفكرين برد فعلي ، وشنو موقفي بلحظتها .

ذَهــب: اعترف بوقتها وهمني أبوك قرب أجتماعي
بإخواني وانه گلبي ملهوف عليهم مافكرت بس بيهم
أنـه أكبر اهمومي اخواني بخير .

إبتعد مني ومن عيونو هجست عندو شي مايريد اعرفو
أرتبك ورجع خصلات شعري وره اذني .
كــانـــون : همَ تحت رحمة الله وربچ مايترك عبده
وهو محتاج حماية ، ادعيلهم ذهب انتِ مابيدچ شي ثاني .

مسحت دموعي ورديت وانه ادحك مقابيلي
صينية من الأكل مرتبة وعصير برتقال طبيعي
ابتسمت وهمست : أحسد زوجتك المستقبليه عليك
شكثر محظوظة عدها انسان طيب وحنون مثلك
انتِ چثير رؤوف وبيك عطف الكون كلو .

ظهرت إبتسامة جملت وجهو
وبصوت شجي رد : أنـه لا رؤوف ولا حنون
بس أخاف الله ، باجر بيوم الحساب اتحاسب عليچ .

ذَهــب: مو اگول نيال زوجتك .

ضحك بعلو صوتو وراح للتلفزيون: فلم اكشن لو رعب ؟

ذَهــب: أكشن ، دراما .

فزيت ؏ ضربت الباب الخارجي
صاح كــانـــون متضايق : عفية باب يشل الحال طاك وطيق
هساع وقتهم يجون نريد نتعشى مدري نتريك مدري نتسحر .

طلع بسرعة سمعت صوت تَـــمــوز : هااا يولووو غاط بالعسل .

كــانـــون : شكوووو هين راح يطلع الفجر .

تَـــمــوز :يولووو شعدكم جوة ؟

كــانـــون : يا هتر انتَ شكو حاشر خشمك .

تَـــمــوز : هتلي امشي اريد طريق
عندي موضوع مهم وياك والله .

كــانـــون : باجر بالواجب نسولف امشي هساع روح نام.

تَـــمــوز : يولو ومحمد الموضوع مايتحمل الباجر
شبلاك اتوسل بيك افوت تره بيتي .

كــانـــون : تعيررررني ؟

تَـــمــوز : لا اخسي بس غصبًا ما عليك وعلى فراس
تحترم صاحب البيت ، ولو معذور همَّ المتزوجين
مايحبون احد يجي لان ينزع اهدومهم اقصد راحتهم .

كــانـــون : دخت راسي افتر انتَ شلون متحمل نفسك .

تَـــمــوز : بساع طريق عندي موضوع يول الله
انتَ صاير ما تستحي ابن عمك بالشارع .

دخل كــانـــون فتح الباب ويأشر بيدو
بمعنى شال ؏ راسچ : ذهب تَـــمــوز يريد يفوت .

ذَهــب:خلي يفوت أنـه مو محجبة .

رفع حاجبو متذكر بس تضايق بنفس الوقت
صاح بصوت مسموع : حدر تَـــمــوز .

تَـــمــوز : أنـه لازم افوت بدون ما استأذن منكم
لان البيت بيتي .

كــانـــون : من باجر ادور بيت وأطلع من الذل .

ضحك تَـــمــوز ودخل شافني وهمس : عرفت بعدكم گاعدين
يولووووو شعدكم سوية هااا ادحك الآكل والعصاير
وأحنا العزابية نفتر بالشوارع .

كــانـــون : ماتزوج وتخلصنا من شرك .

تَـــمــوز : جارٍ البحث ؏ مصروعه تسيطر عليَّ .

استغربنا اني وكانون صاح بي : تريدها شنووو تسيطر ؟

تَـــمــوز : أي وعدت فراس اتزوج وحده تسيطر عليَّ .

كــانـــون : وضح شوكت صار هذا الكلام .

تَـــمــوز : قصة طويلة ماتفهم لان ما موجودة بالبيت
إذا اسولف يبس حلگي ، الموضوع العندي أهم بچثير .

كــانـــون : ان شاء الله خير أنـه ما استبشر بمواضيعك
اخر مرة بشرتني دخلتني مواجهة أسبوع .

تَـــمــوز: قبل كلشي يولو ذهب استكان چاي .

هزيت راسي وطلعت بس عرفت عدهم شي
مايريدون اعرفو ، خدرت الجاي تَـــمــوز
گام وگعد بصف كــانـــون ومن بين كلمات الهمس سمعت .
تَـــمــوز: ما أريد أستعجل بالاتهامات بس سمعت ابوك
يسولف بالمبايل وبالحرف الواحد گال (اسمعني جلاد ) .

سديت شفايفي بيدي اخاف يسمعون صوت شهگاتي
بهل خبر ، هجست شعر رأسي وكف بس كــانـــون
استنكر وهو يرد : لا أبوية مايخطي هيج خطوة خطرة
اتجاهي رغم كلشي أنـه ابنو وما اعتقد يأذيني بهل طريقة .

تَـــمــوز : كــانـــون اتوقع كلشي من الكل بدون استثناء
لا تستبعد الطعنات ، الموضوع وأضح .

كــانـــون : لا تَـــمــوز هذا ابوية اذا يخطي هل خطوة
مو بس يخون ثقتي لا الموضوع أعمق هاي مسؤولية وطن .

تَـــمــوز : عجل شنو تفسير كلامو ؟

كــانـــون : يمكن ينقل اسمو ، او يخطط يقضي عليَّ ؟

تَـــمــوز : الله اعلم بس أنـه عليَّ اخليك بالصورة.

كــانـــون : ول ومحمد فريت راسي فر .

تَـــمــوز : حيرني ابوك وتعبني .

دخلت بسرعة تغير الموضوع
قدمت الچاي وگعدت : قُــسـم شلونها ؟

تَـــمــوز : والله وضع قُــسـم بالويل
ما مستقر ابد ، عمتي تتخربط كل شوية ، حتى ابوها قبل
لا يصير الانفجار جانت تتعارك وياهم وضربها عمي
وهساع الندم ياكل بي .

كــانـــون : سولفلي دوهان .

تَـــمــوز : دوهان مايستاهل الصار بي كــانـــون
انظلم بسبب تجبرهم وأوامرهم الي ما تخلص .

كــانـــون : قُــسـم ودوهان ضحية تجبر فاشلة
أدت بيهم للتهلكة .

تَـــمــوز : إلى متى ؟

كــانـــون : الى ان يقررون يحاربون وأيدهم بـ ادينات بعض
ويدمرون سلاسل الطغيان .

تَـــمــوز : راح أهدم طغيانهم وتجبرهم والعظمة بيدي .

جر نفس كــانـــون وتموز
وگف متضايق : أنـه أروح تصبحون على خير .

ذَهــب: وأنتَ بالف خير .

هو راح وانه وكانون كعدنا ناكل بس
لا هو يحچي ولا أنـه كل وآحد يفكر شكل
هو أحتار بـسوالف ابو وانه حرت بيهم
بس كملت شلت الصينية غسلت المواعين
اجه كــانـــون : خلصتي .

ذَهــب : شوية وأكمل .

كــانـــون : طفي كلشي قبل لا تنامين
أنـه صاعد انام ساعة باجر عندي واجب
وتأخر يومين تلاثة .

هزيت راسي هو صعد وانه كملت مواعين
ومن التفكير صار عندي نشاط
مسحت البيت صاير تراب ؏ حالو
والملابس عندي چثير صار ما غاسله
غسلتهن وشريتهن ؏ محجر ونزلت
طفيت كلشي ورحت الغرفتي اول ما لكحت راسي غفيت .

الثاني يوم گعدت الظهر طلعت من الغرفة البيت نظيف
كــانـــون بالدوام ، طلعت بيضة اريد اكل كمزت
من صوت الباب ينضرب بصورة وحشية رجعت البيضة
وتقربت للشباك فكيتو اسمع صوت ام قُــسـم وام دوهان
_ افتحي الباب الارهابية ناوية تكتلين ولدنا انتِ وكانون
لخوينسي ، امششششي اطلعي لا تضلين ويانه يولووو
بنت الدواعش ماتحجين ماتفتحين الباب احنا مو من مقامچ .

آم قُــسـم: اليوم ما أتحرك من هل باب بنيتي الوحيدة
راحت بيهاااااااا من وراج يا ارهابية لو احنا لو انتِ
اذا ما اخذ حق بنيتي من عيونچ راحت بنتي من ايدي
من وراج بنت الدواعشششش .

انمردت روحـي مرد من الصبح خفت
واكلني عذاب الضمير شلون اذا قُــسـم
صدك صار بيها شي بسببي وبسبب اهلي
دخلت جوة وبعدو الباب يدك ، ماتحركن
من والغلط مستمر لا عندي مبايل واخابر
كــانـــون يخلصني ولا عندي حل ثاني
غير أتستر بغرفتي تا لا اسمع الكلام السام .

الساعات تمشي وكل شوية اسمع صوتهن
معناها بعدهن موجودات ؏ باب ، للظهر
سمعت صوت ابو قُــسـم صاح بيهن
بس ما اسمع الكلام بوضوح لان يحجون
بصوت خافت ، ثاني يوم تكرر الموقف
بس هل مرة حتى أحجار شمرت ؏ بوب
شوية وراحن ، بين كل هل هوسة
القلق على قُــسـم اخذ كل تفكيري
البنية فقيرة وتعبانة بحياتها وتروح
هيج بالساهل ماتستاهل الاذيه ابد .

باليوم الثالث تكرر الموقف باليوم الرابع
نزلت الملابس من فوك رتبت هدوم كانون
ونزلت جوة أرتب ملابسي سمعت صوت الباب
أنفتح ، فكيت شوية من الباب ادحك منو
صار كــانـــون مقابيلي يدحك ؏ كراج بصدمة .

ذَهــب: الله يساعدك .

كــانـــون : ويساعدج ، شصاير .

ذَهــب: كل خير فوت أسبح وارتاح ونسولف.

كــانـــون : اكل شنو سبح شنو شصاير احجي ؟

ذَهــب: قُــسـم شصار وياها ما صحت .

كــانـــون : رجعنا من الواجب علمودهه ، قبل لا اروح 
گعدت خابروني من بالواجب يگولون رجعت انتكست
والدكتور مبلغهم يهيئون نفسهم أحتمال يفقدون السيطرة
من هل خرابيط تا دكاترة هل وقت مايعرفون يتصرفون
مع احتراماتي للشرفاء .

ذَهــب: لهل درجة متأذيه مو الانفجار .

كــانـــون : يولو لا تلفين ودورين واحجي شصاير .

ذَهــب: بعد الصار بقسم هل تصرف متوقع من قلب
ام محروگ ؏ بنتها ، اني أعذرهم ؏ كلشي هذولي
اهل لو آني بمكانهم وشخص تسبب تا لو من بعيد
بأذية لإخواني أخطف روحو من جسمو .

مسح وجهو نخطف لونو وهمس بخجل
كــانـــون : امسحيها بوجهي أنـه شوية وأروح
أتصرف وياهم وعد بعد ماتتكرر.

ذَهــب: مصار شي عدت بسلامة ، ارتاح وبدل والباقي محلول .

دخل بوجهو للحمام صعدت بالمجرات خارج الغرفة
مخليهن باب الغرفة مقفول ، اضطر ارتب بالمجرات
الخارجية ، اخذت ملابس والمنشفة ونزلت دگيت
الباب اخذهن مني ودخل ، رجعت اكمل الملابس
وانتظر يطلع اسئل شنو يحب اكل ، شو نرگع الباب
بعدني اريد التفت هجمت علية ام قُــسـم وام دوهان
ولا خلني أستوعب منين الضربة تجيني صرخت
بعلووو صوتي : كــانـــون وينكككك كــانـــون
خلصني كافي لا تضربين راسي يولوووووو أيدي أنكسرت
عوفوني .

راسي نعوج وحده تسحب بشعري والثانية
تعوج بيدي وترافس بطني ، زحفت منهن
جرتني ام دوهان ولزمت دشداشتي شگتهه
من الطول فوك ليجوه دفعتهن مني بس اثگال

صريخ دوي صوتهن ينسمع بكل البيت
من بين الضرب دحكت كــانـــون دخل عليهم
جسمو مبلل وشعرو نازل ؏ عينو ينگط مي لابس
بس شورت بدون فالينة سحبهن من ايدهن وشمرهن
مني اخذني منهن  وخلاني وره ظهرو
رفع اصبعو وصاح بتحذير : يولوووو ومحمد ألي تقترب
تقووووم قيامتهه ، شنوو هل استهتار يول الله اطلعن برة
وانه اعرف شلون أتصرف وياچن .

ام دوهان : كلو بسببك انتَ دخلت هل داعشية بوسط
بيتنا ضحكت عليك بس ما تضحك علينة ومحمد لو
احنا لو هي اليوم تقرر .

كــانـــون : تولون كلكم وتظل هي يلة برة البيت يلة.

عيونو صارت براسو دفعهن بدون ما يحس ؏
نفسو وهو يصرخ ويكسر بالبيت من خوفهن
طلعن هو رجع رفعني يتفحص بيَّ لميت
دشداشتي جسمي كلو عاري مقابيلو متت بدمي
ونسيت الوجع بس النوبة صارت أكثر من قبل
نهض متخبل من شاف خشمي ينزف وطرف
شفايفي مجروح شعري تارس الگاع ، صعد
بدل ونزل يركض يريد يطلع ودخل جدو .

لملمت شتات نفسي وبدلت ملابسي أخاف احد يدخل
عليَّ وانه شبه بلا ملابس ، اسمع جدو يصيح بأسمي
وكانون ثارت نار غضبو : عــوفوهــا كلامكم ويايَّ
أنـه ، تعرف نسوان ولدك شكثر همجيات لو ما تعرف
فالحين تحلون مشاكل العالم وتنتقدون بيهم وعوائلكم
مستنقع وصخخخخخخخخ .

فراس : صوووووتك يوووولوووو لا افرغ شاجور براسك .

كــانـــون : وفررررغ شنووو تخوفني هو أنـه عايش
بنص الموت ، اخر همي تهديدكم ، ومحمد اليوم
ما ابلع مصيبتكم ، ؏ يا أساس يدخلن يضربن البنية. 

فراس : ام محروگ گلبهه ؏ بنتها الوحيدة شنو تتوقع رد فعلها .

كــانـــون : منبع الهمجيه والسفالة بعمري ما مر علية
مثل تصرفاتكم ، تبيعون براسي حرمتك مو زينة وزوجتك
ارهابية وانتوا نسوانكم ماتعرفون تسيطرون عليهن. 

فراس : وانت شنووو مسيطر ؏ حرمتك بنت الدواعششش .

كــانـــون : طبعًا اكثر منك .

فراس : والدليل دخلت بنص الضباط
وفاتت بمركز المكافحة .

كــانـــون : انتَ ضحكت عليهه واستغليت نقطة ضعفها .

فراس : والدواعش همات يعرفون يستغلون نقطة ضعفها
واذا بيوم صارت عدهه فرصة تبيعك تعتبر نفسك
من الشهداء .

ابو فراس : حسكم مااااااااااااااااااا اسمعوووووو اكتم .

كــانـــون : اذا ماعدكم حل أنـه أعرف شلون أتصرف .

ابو فراس : اريد حرمتك عندي حجي وياهه .

بدلت ودخلت عليهم ضغط فراس ؏ اسنانو
وهمس : الداعشيه راسچ قوي .

ذَهــب : بزود ابنك .

فراس : ابني غبي يولو لو يفتهم لحظة ما يحافظ عليج .

ذَهــب : مو غبي بس زلمة والي مايرضى
؏ عرضو مايرضى ؏ بنوات الناس .

فراس : لا تردين بوجهي سافـ*** .

كــانـــون : ومحمد لو ...

ابو فراس : مشاكلكم ما تخلص اطلعوا برة كلكم 
اريد احجي أنـه وفضة .

فراس : بعد ما نحجي كمل كلامك .

ابو فراس : يول الله اذا اسمع حس واحد بيكم
تعرفوني شلون اتصرف وياكم بالثگيل .

گعد فراس وابو ، كــانـــون صار قريب مني
تحمحم جدهم وأردف: بوية كل المشاكل الصارت
أنـه صرت بعيد لان اعرف كــانـــون اعقل واحد
بـ أحفادي ويفكر قبل لا ينفذ ، مدرك الأفعالو
مستقيم بحياتو ، عندو بصيرة بالحياة وهل موضوع
مايختلف عليَّ اثنين يعرفون كانون .

كــانـــون : اشكرك جدي .

كمل جدو الكلام بدون توقف : بس اخر فترة تغير كــانـــون
بطل يفكر بعقلو وگلبو صار يقودو ، نحرف ؏ طريق
اخرتو هلاك ، صح حافظ عليچ وانه وياكم انتِ امانة
وأجب يحافظ عليچ بس انتِ يا بنتي خطر ؏ عائلة .

طلع ورقتين من جيب الدشداشة وقدمهن بتجاهي
- أخذي اقريهن زين .

گضبت الأوراق ونزلت راسي وركزت بكل
حرف بمكتوب ، جانت الكتابة بخط غير مفهوم
بس مكتوب ( كــانـــون فراس سلطان موقع السكن
**** يومين بالكثير ان لم يتم تسليم الرهينة
ذَهــب سوف نتخذ عقوبات وخيمة تخص اهلك
قبلك ، وكان تهديد القنبله الصوتية اكبر دليل ؏
سهولة الوصول الى هدفنا الراقد في وسط بيتكم )

ابو فراس : هذا التهديد وصل الكانون
ومكالمة وصلت التموز ، قُــسـم اليوم بين الحياة
والموت والسبب وجودج انتِ ترضين ؏ أذية الغير .

كــانـــون : جدي وين تريد توصل بكلامك
اكيد ابوية علمك تضرب الوتر الحساس
تعرفوها ماتحب يتأذى شخص بسببها .

رفع جدو ايدو وصاح : ولا حرف أنـه
اربز (انتظر) جواب من فضة يابه انتِ ترضين نتأذى
بسبب وجودج ويانه .

ذَهــب: لا الله شاهد ما أرضى بس اني حالي من حالكم
متوعدين بقتلي تقبلوها انقتل ؟
كــانـــون ملاذي الوحيد .

ابو فراس : وملاذچ احتمال جبير يروح بيهه ويموت
بقت أربع وعشرين ساعة اذا كــانـــون رفض تسليمچ
عوائلنا كلها بخطر .

ذَهــب: صار معلوم .

سحبني كــانـــون من وجهي وطوق وجهي بيدو
ونزل مقابيلهم باس خدي وصعد باس راسي
وهمس وهو يأكد ؏ كل حرف : بعدني اشم الهوى
من اموت اترك ايدج والله لو مو خطر لو السلاح
براسي ما اعوفچ ؏ موووتي ما اعوووفچ افتهمتي .

فراس : كــانـــون لا تخليني أتخذ خطوة أدمر حياتك
وحياتها وحياة الخلفوك بيهاااااااااااا .

كــانـــون : يابه وداعت ذاك المتروك بنص
داعش ايدي ما تتخلى عنهه والله هساع لو كلهه ضدي تصير
مااااااا اتررك ذهب الداعشششششششش .

فراس : يولوووو تتحداني كــانـــون ؟؟؟

كــانـــون : عندي حل مستعد اطلع من الأنبار
وأتوجه البغداد بس ..

فراس : عائلتي وانتَ من ضمن القائمة ما تبتعد عن عيوني
ومستعد كلشي اسوي وأحافظ عليكم ، الـبنت داعش ما اخليك
وتسلمها غصبًا عنك وعن الخلفووووك .

فات دوهان صعد كــانـــون فوك
بقيت اطكطك من نظراتهم
دوهان: شنو قررتوا ؟

فراس : نسلم ذَهــب قبل لا يتنفذ التهديد الثاني .

رجع كــانـــون وزلزل البيت بصوتو : ذَهــب أمانتي
وتعلمت ما أخون الأمانة ، تارك البيت والأنبار وطالع .

كــانـــون : بدلي ذهب وجهزي ملابسچ .

دخلت بالعجل لميت كل ملابسي وبدلت سريع
طلعت وگعت الجنطة من ايدي ومن الخوف
اجتني نوبة عقدت ملابسي بيدي ورجفت
عطت خايفة: لا تأذي والله اسلم نفسي والله .

مشاحنات بالكلام كالحروب
نـزاعــات تـعـلـن الــتـجـبر
قــتال كإعداء .

كــانـــون : وانه بكامل قواي العقلية قابل تكون ذهب
سبب موتي ترهيب ما ترهبني ، كلمتي اليوم تمشي
ومحمد أكسر التجبر وأحذركم من نفاذ صبري عوفوني
اطلع بسلام لا وحق الله احرك البيت بكبرو .

توجهي ناحيتي آخذ أيدي يريد يطلع
التفتت ادحك شكلهم اكو طبر ؏ سياج
اخذو فراس وركض بتجاهي ناوي يضربني
جمدت بمكاني وصرخت بعلو صوتي : كــانـــون راح يضربني .

بس دحك كــانـــون ؏ ابو جرني وگف هو مقابيلي
حضني ولو بيدو يدخلني بصدرو سمعت صوت
كسر قوي صوتووو مسموع والدم طفر ؏ وجهي
عطت بعلو صوتي مرعوبة: لالا كــانـــون
لاتعوفني ابوس ايدك لاتعوفني بوسط الذيابة .

ظل يتنفس بصعوبة والدم فيض ملابسو
دخل تَـــمــوز نزع قميصو وتهستر
من طاح كــانـــون جثة بيدو انهار
لطم ؏ راسو ورفع عيونو يصيح : موتت ابنك بيدك
كــانـــون يولوووو فراس حتى ابنك موتوووووووو .

يتبع ...
حسابي الانستا ايام قليلة وينزل صوت احد الأبطال هناك 🙈🪬

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد