رواية تجبر أحفاد الــ دليم الفصل الثاني وثلاثون 32 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _38 _

نظيفة گلوبنا بس ناسنا تفشل .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
الــســفــاح ...

مجموعات كبيرة شياطين ، مجتمعين للشر يحيكون
قابلتهم بملامح باردة واعصاب من فولاذ تربصت
لخططهم الملعونه حتى تمكنت فـ سقطوا وسقطت .

درت عيوني حوالين الغرفة اركز بكل ملامحهم
مترصد لكل حركة منهم مستمع جيد لهم وبنفس
الوقت هادم مخططات بمعدل عددهم .

ابو لهب : يا ابن عبد متى الهجوم بالضبط ؟

ابن عبد : عند الساعة الثالثة والنصف فجرًا مولانا .

ابو لهب : سوف يقود هذهِ الهجمة الإسلامية ضد الفساد
الخليفة جلاد ورجال معسكرهم الأبطال الشجعان .

جلاد : انتَ تأمر يا مولاي سوف نكمل المهمة بغضون دقيقتان .

ابو لهب : أحسنت يا جلاد بعد انتهائك من هذهِ المهمة
لدي هدية ثمينة لك تصلك بعد الرجوع مباشرةً.

جلاد : رضائكم علينة من اهم واثمن الهداية يا مولانا .

ابو لهب : سوف تهجمون من زاويتين الأولى من اليمين
والثانية من اليسار حتى نسيطر ؏ وضعهم لا اريد
ان يخرجون اولاد الزنه ولا واحد بالمئة ينكتب لهم أمل النجاة .

جلاد : امر وطاعة يا مولاي .

تركهم وطلعت أنـه وياه واثنين من الرجال
يأمن بيهم الجلاد من يمشون وياه رجعت
للمعسكر دخلت للغرفة فارغة من ايام طويلة
غسلت وصليت ؏ سريع جهزت نفسي والعتاد
بالكامل ، وعلى طول ما اني موجود هل هيل
اختفت رسميًا واستقرت بغرفة العزيز .

خليتها ؏ راحتها والأفضل تبتعد تعيش بعيد
من غرفتي بوجودها راحتي تتكهرب وحتى
اخجل افوت المكان نومي أضل قلقان حيران
والأفكار تاخذ دور بالتالي انهض واطلع
بدون راحة واليوم كلو يتشتت تفكيري .

قفلت الباب وطلعت الجهاز وبكل حذر
إتصلت بجهات قريبة من المنطقة بداخلها
عدد كبير من قوات البدلات السوداء محاصرين
بلغتهم ؏ هجوم الدواعش عليهم بهل ليل
من بعد اخذ معلومات گدرت أوصل
القائد القوات تناقشت وياه انطيتو عدد
السيارات والأشخاص طلب مواصفاتي
حتى يعمم شكلي ؏ باقين تحسبًا انزل
وانضرب رديت بجمود : اشكرك مايحتاج بيناتكم مندسين
مساعدين الداعش واني هين بخطر بس تتعمم مواصفاتي
يعلسوني قبل ما نصعد بالسيارات .

- فاتتني .

الــســفــاح: تصير اخوي أعتمد عليك .

_ بالمرصاد من هساع مجهزين أبطالنا .

الــســفــاح: استودعكم الله .

_ بحفظ الرحمن سيدي .

طلعت ؏ وقت الساعة بـ 2:25 دقيقة
لگيت الكل ؏ استعاد بالسيارات والعزيز
وياهم جلاد ينطي الأوامر ويرشدهم
استداريت وادحگ ؏ ثلاث عمالقة صعدوهم
بسيارة عالية ملغمين بالمفجرات يطلقون
عليهم اسم ( الفدائيين) شغلتهم يلبسوهم
أحزمة ناسفه ويفجرون نفسهم ؏ قوات
رفعت راسي للسماء وبصوت بهت واهِن
همست : ربي أنـه عبدك الضعيف ومحد مثلك يقويني
استعين برب قوي عظيم أنـه وحدي بين شياطين
نجيني ونجي كل بريئ .

جلاد : سفاح هيا بنا .

أومأت براسي والتفتت العزيز قبضت ايدي
وابتسمت صعدت بصف جلاد اتصل على
شخص واسمعو يبلغو : اكو حركة صارت مو طبيعية
وطلقوا صافرات الإنذار والكل متأهب للمعركه .

جلاد : شعرفهممممممممممم .

_ گعدوني فجأة أمروني اطلع أقاتل الوضع مخربط الى درجة هين .

غلق المكالمة وضرب السيارة
_ دحكت هل أولاد الزنه مثل الشياطين يعرفون بالچبيرة والصغيرة .

الــســفــاح : سهلين هساع ندخل عليهم نسويهم طشار .

جلاد : انتَ بالسايد اليمين أنـه اخذ نصهم واروح
باليسار أريدهم ميتين سفاح .

الــســفــاح: اي مو يجرالك ومحمد كلهم اموتهم واجيك
محني ايدي بدمهم القذر اولاد الجهاد والنكاح .

جلاد : كفوووووو يالسفاح اسم ؏ مسمى سفاح
سافك دمائهم القذرة .

نزلنا من السيارات وبحركات مموجة وصلنا للمنطقة المطلوبة
افترقنا اني وجلاد نص رجالهم ويايَّ والنص الثاني اخذهم جلاد
الــســفــاح: اهجموا على البيوت بسااااععععععع .

اول ما توزعوا اثنين اثنين يدخلون للبيت
سحبت الكاتم واجيتهم من وره ظهرهم
جطلت اثنين وعبرت ؏ بيت الثاني
والثالث يدورون بالبيوت ؏ قوات
محجوزين بهل منطقة ويس يلزموهم
يمثلون بجثثهم من العذاب عاهدت نفسي
لو افديهم بروحي هل متعوبين ما يوگعون
بيد هل وحوش البشرية .

عبرت ؏ بيت الرابع اخذت السكين ومن الخلف
ضربتهم ودخل واحد من الدواعش وسع عيونو
من دحگ علية چتلتهم ورميتهم بالأرض يصارعون
الموت يريد ينادي وانطيتو وحدة براسو وگع بس
سمعت الأصوات مالتهم اقتربت من صاح منتبهين وگع وكل ضنهم
بهل بيت موجودين القوات اصحاب البدلات السوداء
ركضت طفرت من السياج الخلفي اول ما عبرت صار داعشي
جدامي راد يضربني صحت بي : ويااااااااكمممممم غبي أنـه
الأمير السفااااااححححح ارمي ؏ بيت هين موجودين .

هو يرمي وانه فلتت من بين الدرابين رجعت النفس الشارع
ودخلت هل بيت حالي من حالهم لگيتهم كلهم ميتين
والمجموعة من طفرت شفتهم كلهم ميتين وبس واحد صاحي
بيهم عطفت علية وموتو يخلص من نفسو المؤذية .

؏ أصوات الرمي مجموعة جلاد دخلوا ؏ خط
دورت بالوجوه ؏ العزيز ماكو نرعبت أشرت الهم
يكملون بحث وبقيت بكل حذر ادور علية وعلى جلاد
ركضت مفزوع بس لا جلاد غدر العزيز وصلت المرحلة
وگفت بنص المكان واصيح بعلو صوتي : جلااااااددددد عزززيز
وينكممممممممممم تسمعوني .

من فوك واحد من البيوت طلع العزيز
صاح : انسحب سفاااااااح جلاد غدر بينا ورجع للسيارة .

الــســفــاح: كمل المهمة .

هرولت واني ادخل عليهم للبيوت اضرب بيهم
طلع واحد صار جدامي صاح : يا امير لقد هربوا كلهم هل ننسحب .

فتت للبيت ضربتوا أريد اكمل عليهم وأرجع للسيارات
حتى ما يشك جلاد بقيت مجموعة عايشين اذا نرجع وحدي
بس أنـه والعزيز اكيد يعرف احنا جاتليهم ، صاح واحد
بعلو صوتو : خائن الأمير الــســفــاح خاين .

ويركض بكل سرعتو بقيت ارمي علية ولا رصاصة
صابتو ، يريد يوصل ومن بعيد قنص العزيز وطشر راسو
التفتت ؏ صوت واحد خلف ظهري يبچي بنحيب
_ مات اخوية انتَ والعزيز خونة مخادعين غدرت
التنظيم الاسلاااااااااامي انذال .

رفعت السلاح اريد اضربو وسبقني وهو يرمي
نزلت جسمي هبطت بالأرض وصوبتو بنص گلبو
وگع بلحظتها جثة ، أريد أمشي هجست بدوخة
وشي حار يقطر ؏ ايدي وعيوني زغللت
عاندت ومشيت صرت جدام السيارات
اخر شي دحگتو ملامح العزيز وجلاد المذهولة
صاح العزيز بعلو صوتو : الــســفــاح متصاوووووووب .

وگعت ؏ ركبي والسلاح وگع مني
وأحتل الظلام عالمي سقطت بعد تعب .

أصوات بين الحين والآخر
نغزات وأوجاع متواصلة
فكيت عيوني الدكتورة يخيط
بجرحي رجعت غلقت عيوني
وبين النايم والگاعد اسمع العزيز
يهمس بأذني: سفاح كافي فضحتنا يول صحصح .

هجست من بعد هل صوت صارت حركة
وارتفعت من مكان المكان ثاني عرفت نفسي
بسيارة وبعد وقت رجعت فزيت ؏ رفعتهم
ونزلوني ؏ فراش عالي تألمت بحيث انام
وافز ؏ صوت أنيني المتكرر طول اليل
ضيعت الأوقات يمي بصعوبة حاولت
أفتح عيوني ، بنفس غرفتي مكان استراحتي
موجودات كمادات وعلاج ومخدة بصف مخدتي
صفنت بالفراغ الوجع شل حركة جسمي بالكامل
ملت راسي اريد اعرف مكان الضربة لگيت الشاش
بكتفي قريب من صدري الأيسر .

أندفع الباب دخل عزيز وجهو لونو مخطوف
_ عزيز .

_ يمعود دركْان شسويت بالبنج مابقيت سالفة تعتب عليك .

الــســفــاح: منو سمعني يولوووو ؟

_ سديت اثمك بيدي ويمكن اكثر من 25 راشدي ضربتك
بس أريد ترجع بوعيك سودنتني يول اخر شي سكتت طلعتك
رجعتك هين بالغرفة كملت للصبح تهذري ساعة تبچي ساعة
تضحك ساعة تعاتب ساعة تسب وتغلط انواع المسبات على اهلك .

الــســفــاح: اهم شي محد منهم سمعني .

عزيز : لا اطمئن محد سمعك بس أنـه وهَــيـلانـة .

الــســفــاح : هَــيـلانـة شعدها هين ؟

عزيز : أنـه تعبت رحت ارتاح وهي اجت تكمل الكمادات .

دخلت أثناء كلامنا بيدهه صينية ابتسمت بخفوت
ونزلت الآكل بالارض : جهزت وجبة خفيفة تتغذون بيها .

عزيز : يولو عندچ إنقلاب داخلتي مداهمة ، تحمدي للسفاح بالسلامة .

بعدت عيونها وعي تصب الشاي همست : الحمدلله ؏ سلامتك .

رديت بتحفظ : الله يسلمچ .

بعدني ماكملت تركت الغرفة وطلعت مستعجلة
عدلني العزيز بس الآلم جتال صحت بي يرجعني
مثل نومتي وهو يوكلني علمود العلاج اكلت
لگمتين وهو گعد يسولف ؏ خسائر داعش
وغضب جلاد ؏ خراب المهمة وأمر بمعرفة
المندس بيناتهم وآلي يسلم هل مندس ألو جائزة 50
مليون مع اربع نساء من اختيارو .

الــســفــاح: نحتاج نخليهم بقلق هل فترة ونتركهم واحد يعلس بالثاني
علمود الجائزة كلهم جبناء يعبدون الفلوس والنساء وهل
فرصة والفلوس والعروض من صالحنا .

العزيز : تعجبني .

الــســفــاح: وبعد وبعد ومحمد ادمرهمم ومحمد .

رجع العزيز ياجل دخلت هَــيـلانـة تركض
صاحت : اجه جلاد حسكم .

صارت قريبة من العزيز صحت بيها : اطلعي برة الغرفة .

دحگت علية بحقد وغل فكرتني طردتها بس بالأصح
طلعتها لمصلحتها قبل لا يدخل ويتعصب من يدحگ
عليهه بصف اخوها هو يكرهم سوية يتذكر ذَهــب.

طلعت غضبانة دخلت للحمامات وجلاد دفع الباب
برجلو ودخل : السبع الــســفــاح وعدتني ترجع سابح
بدمهم وماقصرت صح نص زلم التنظيم راحوا فداء
بس المهم كتلت نصهم .

بقيت ادحگ علية مستغرب درت ؏ عزيز
من قاطعني : ماتوا سبعة من القوات على يد جلاد والباقي هربوا
من جهتكم وقتلوا جثير منه .

بقيت مصدوم يعني موت نص المحاصرين
بلعت الغصة وحاولت قدر المستطاع اثبت
بس ملامح وجهي جمدت وبعد ما گدرت
اخذ وانطي بالكلام نقبض گلبي نزلت نفسي
اكثر ؏ مخدة هو من دحگ ؏ حالتي عرفني
تخردلت عافني وطلع ضربت ؏ فراش
وصرخت : الله يعثركمممممم الله ينتقممممم منكممممممممممم .

العزير : فصلت حسككككككككك .

الــســفــاح: اطلععععععع عزيز اريد اظل وحدي .

العزيز : تأمرني بس استهدي بالرحمن مو علمتني الثبات
قوي نفسك واثبت جدامهم لا تخليهم يخلوك تنهار .

الــســفــاح: سبعة أبرياء سبع عوائل مفجوعة تعرف شنو كمية
الوجعععع هسااععععع ولدهم رجعوا بتوابيت .

العزيز : باقي القليل يا دركْان اصبر مو وقت تعب وانهيار
لازم نطلع من هين بـ اسرع وقت .

الــســفــاح : منتظر خطة كاملة أطلعك انتَ واختك من هين .

العزيز: معتمد عليك لا تضعف .

غلق عيوني أتهرب من المسؤولية هدت حيلي هد
بقيت كاعد احسبها ومن جهاتها صعبة شلون تنحل
وتگضي واطلع منهاااااا ، لليل الوجع هاج عندي
وحرارتي إرتفعت وعيوني ثگلت هجست بلمسات
ناعمة ؏ جبيني وكمادات باردة تنزل تنزل الحرارة
فكيت عيوني صدت بعيونها همست بهلوسة : ذات العيون السرمدية .

بقت مركزه ؏ تحركاتي وكلماتي بللت شفايفي يابسات
وهمست : ماي عطشان .

سحبت الگلاص ومدت ايدها بيها گلاص
هَــيـلانـة: تگدر تشرب .

رجعت غفيت من الحرارة قبل جوابي
بس سرعان من فزيت ؏ قربها أيدها
صارت جوة راسي ورفعتني وهي تهمس : ساعدني اشربك ماي .

الــســفــاح: لا تتگربين مني هيل .

هَــيـلانـة: ليش ؟

الــســفــاح : أخاف .

هَــيـلانـة: من شنو .

الــســفــاح: مني .

هَــيـلانـة: شنو ؟

الــســفــاح : اخاف عليچ مني .

هَــيـلانـة: اريد اشربك ماي .

الــســفــاح: عتيتي گلبي وغربلتيني هيل .

صار الظلام اسير الموقف نمت بدون ما هجست ؏ شي
الثاني يوم فزيت اريد احرك ايدي الثانية ما تتحرك
نزلت راسي تفاجأت بيها ايدي بيدها بس نايمة بعيد عني
سحبت ايدي بساع فزت وعدلت نفسها: شعندچ هيل ؟؟

ردت وهي ترجف تتلكأ بالكلام
والأحرف ضاعت منها نست شلون تجمع
جملة كاملة : علمود هااي الكـ الكـ الكـمادات علو صار هاي
عالية شسمها حرارتك ووو .

استوعبت الموقف وگفت رفعت أيدها وصاحت
_ اگلك انتَ عليش ما تحترم زايدة مني سهرت للصبح
بسبب حرارتك الخايسة ما تقبل تنزل جنها وجهك
تصرررخ بوجهيييييي ما تستحي عيدها مرة الثانية .

الــســفــاح: أي شسوين ؟

سحبت المنشفة مال كمادات من الطاسة
وحذفتها ؏ وجهي : اخلي الطاسة هاااي براسككككككك .

عافتني وطلعت بس من عصبيتها تمشي وترگع بالبوب
بقيت وحدي والأفكار تسترجع جدامي وطل موقف
كلامي وياها بليل بين الوهم والحقيقة كل ضني
حجيت بالحلم هيچ وياهه ماعرفت اني مسوي مصيبة بدون وعي .

><><><><><><><><><
هَــيـلانـة ...

خبر الــســفــاح مثل الصعقة وضربت راسي
عشت يومين سهرانة فوگ راسو دموعي لا إراديًا
تنزل شگد حاولت امنعهن بس غصبًا عني ينزلن
تعلن ضعفي وخوفي امام هل سفاح .

بعد هل موقف الأخير رجعت للمخزن
لگيت عزيز يبدل يريد يطلع للشغل
عطت وطلعت قهري وفشلتي بي : هذا صاحبك اني اخلوا مسؤوليتي
منوووو اي مساعدة بعد ما اقدم ألووو شايف نفسوووو علية
هاي يا الله فوك ما سهرانين وتعبانين ما راضي يصيح .

عزيز : اه سلامات شبلاچ ؟

هَــيـلانـة: هذا المتعجرف الوحشششششششش العملاق
ابوووو راسسسسسسس المتغطرس قهررررني من الصبح
فووووووور دمي فوررررررر گلبي .

عزيز : شمسوي يولو همزين اعرفو مستحيل يمد ايدو ؏ حرمه
حالتچ هاي مال وحدة مضروبة متعاركة وادري بي ما يتجاوز .

هَــيـلانـة: اي خطية سفاح نقي طاهر عفيففففففففف .

عزيز : شكووووووو ؟

هَــيـلانـة: يگلي شعندچ هين وهيچ بصياح
بعدني بجو النعاس فززني ما يحترم والبارحة طردني
بس هي الخاطرك وهم نقهرت علية من رحت البارحة
للحمام سمعتوا يتألم وحدو گلت اسوي كمادات بس هاي هي بعد
هينوب ذيچ الغرفة ما ادخلها .

عزيز : هَــيـلانـة الــســفــاح مو صغير وتلقبي بهل القاب متغطرس
ومتعجرف عيب كُلش عيب ما أقبل احترمي نفسچ زلمة غريب عليچ
صح هو عاقد عليچ بس ؏ گولته عقد الدواعش ما نعترف بي وباطل
احترمي وابقي بعيده عنو كلها فترة وكل واحد يروح بطريقو .

صفنت بوجهو وبكل حرف نطقو عافني اضرب أخماس بسداد
حرت والله حرت وفوك هل ضغط تجيني وحدة منهن تصيح
تعالي كملي شغلچ ، طلعت غسلت وجهي وللمطبخ عدل
جهزت وياهن الريوك وبذيت بالمهمات تنظيف ترتيب وغيرهن
مثل الخدم نركض ووننضرب من المسؤولات ماكو ذرة رحمة
بقلوبهم السوداء .

للظهر دحگت باب حجره المتغطرس مفتوح
اقتربت استمع للملام دحكت علية يسولف هو
وعطاء : عدت هذهِ المرة النصر ليس بجديد عليك يا مولاي الأمير .

الــســفــاح: هل تعرفين يا عطاء لقد افتقدت سواليفچ بالفترة الفاتت
والوقت قصير اريد ان ارجع للمعسكر حتى اضحك عليچ
بس مع الأسف مجال ماكو .

عطاء: بعض كلامك لم أفهم عليهه لكن عرفت انك أشتقت لي .

الــســفــاح :يولووو مو نفس تفكيرچ الساقـ****
بكبر امي دهر دهرچ كون يعني اشتقت لكلامچ
من الأخير لريد اضحك هل لهجة .

عطاء: حرام يا مولاي الأمير انها لغة الإسلام .

الــســفــاح : اسلام ابن بيت اسلام نازع ملابسو ويصرخ بالزاوية
من اغتصابكم ، على عموم بارك الله بيچ وبالخلفوچ .

عطاء: ماذا .

الــســفــاح : ماذا يصادف اليوم ، ولا تستقر المدبلجه ؏ فصحى
بربچ بدينچ وين جنتي عايشة قبل لا تدخلين هين ؟

عطاء : ابي كان قيادي قديم معروف بالدولة الإسلامية
وتعلمت لغة الإسلام من إبي وأمي .

الــســفــاح: هااا هيچ يعني من طفولتچ فصحى مو تعلوم ؟

عطاء: ماذا ؟

الــســفــاح : توكلي عطاء .

عطاء: سوف انادي ؏ هَــيـلانـة تأتي تشرف ؏ طعامك والدواء.

الــســفــاح : لاااااااااااااااا .

عطاء: لماذا يا مولاي الأمير الخليفة جلاد أمرني
ان إسلم مسؤوليتك بالكامل لهيلانة الى ان تتماسك
وترجع تخدم في التنظيم .

الــســفــاح : نسوان ما اريدددددددد عوفوني بحالي يا قوووممم .

عطاء: هَــيـلانـة زوجتك .

الــســفــاح: هاي شلون افهمها ، حسنًا ابعثي هَــيـلانـة ‏ ‏.

ركضت اريد اصعد الدرج وعثرت وگعت ؏ وجهي
جفي من وره هل شال وزيهم دشداشة تسحل ورايَّ
صرخت متألمة وگعدت گضبت ركبي طلعت تتلفت
وصاحت : ماذا يجري يا فتاة هل وقعتي ؟

هَــيـلانـة: ؏ وجهي .

مديت ايدي ؏ وجهي ومسحت دموعي
وجع صار بخدي اجت تتفحصني وما
هجست غير ظل عملاق صار خلفي
الــســفــاح: سقطت ؟

عطاء: يا مولاي كيف نهضت من الفراش
ارجوك ارجع ونم في سريرك ارجوك .

الــســفــاح : يولو ام رجفة يمتى تبطلين ركض مثل الزعاطيط
اتمنى اظل بالبيت وما تسوين سالفة هذا عگلچ تعبني
مليت واني اعلم بيچ استخدمي مجاني ورب الكعبة مجاني .

درت اريد ازكح بي بس منظرو وهو واگف وايدو ؏ جرح متألم
ومرعوب مبين خايف تأذيت : دروح نام حال الضيم حالك
حتى مابيك رزايل .

تگرب مني مخنزر يخوف يرهب بمجرد التركيز بي
گضبني من طرف ملابسي ورفعني : منووووو يرزلني ؟

دمعت من الخوف عصرت ايدي ونزلت راسي
وكافحت في سبيل صوت الشهگة ماينسمع بس
غدرتني وصوتها عالي ودموعي توگع ؏ ايدو
الــســفــاح: استغفر الله ام دميعة تحچي حچي اكبر من راسها
ومن اجي احاسبهه تگعد تبچي خبلتيني يالمعثورة .

هَــيـلانـة: اضرب اذا ترتاح بقت ؏ ضرب إهانة هنتني
وما تحترمني ومستهين بيَّ وصوتك عالي دائمًا عليك .

قاطعني وهو يعوفني ويروح للغرفة وبصوت
موزون صاح : عطاء خليها تغسل وتجي توكلني .

بقيت متعجبه ادحگ بوجهه عطاء تنرفزت
واعصابي بعد طفح الكيل بيها من التحمل
كمزت واني اعرج من وجع ركباتي دفعت
الباب ورفعت اصبعي بوجهه وصحت : ايدك مكسورة وتريد اوكلك
شوووووو انتَ قليل ا .....

بعدني ما مكملة سحبني من ملابسي
وسد الباب ورجع شمرني ؏ باب
وهو مسدود: شبلاچ ؟

بلعت ريگي ونزلت راسي رجع
كرر كلامو وهو ينبهني : ارفعي راسچ خلي عيونچ بعيوني
وحاجيني شبلاچ ؟

بصوت متقطع يرجف متوتر همست : أريد إطلع .

حط ايدو ؏ باب قريب مني ونزل راسو المستواي
همس بصوت باهر : وبعدين ؟

رجعت ايدي خلف ظهري وطأت راسي اكثر
هَــيـلانـة: شنو بعدين ؟

الــســفــاح: ادحگي بعيوني هيل وجاوبيني .

هَــيـلانـة: أريد إطلع الله يخليك بعد ما اعيدها وعد .

الــســفــاح: اريد ادحگ الأسف بعيونچ ذات العيون السرمدية .

هَــيـلانـة: صعبة .

الــســفــاح: عليش صعبة ؟

هَــيـلانـة: البارحة انتَ حلفتني ما إرفع عيوني بعيونك .

اشر ؏ نفسو وهو متعجب ما مصدگ : اني .

رفعت عيوني بكل ؏ بطيء
تقابلت نظراتنا بلع ريگو واني
جاوبتو : اي والله انتَ حلفتني وتريد اصير أدق وياك
انقل كلامك كلمة كلمة .

البارحة انتَ بقيت تحچي چثير بعدين بين گاعد ونايم
گلت "أخاف عليچ مني " كل ظني صاير شي لو ببالك
شي موحلو بس انتَ كملت وحلفتني وانتَ تدحگ بعيوني

_ هَــيـلانـة لا تدحگين بعد بعيوني عذبتيني .

بوقتها خفت وسألتك : عليش تعبتك .

وبدون تفكير جاوبتني : خايف اخالف الوعد واغرگ .

ورجعت اريد استفسر منك : يا وعد سفاح فهمني .

نمت وهساع اريد اسألك يا وعد وليش حلفتني ما ادحگ بعيونك ؟

طال النظر وتعمق بتفاصيل ملامحي وهو يخفي
عيونو ذوت حتى ذبلت : عجل عليش رفعتي عيونچ هساع
مو جنت مو بكامل وعيي ونبهتچ .

دحگت بتحدي وبصوت خافت متلاعب
همست : تستاهل .

مال راسو وعلى طرف شفايفو شبه إبتسامه
مخادعة متمكنه : استاهل شنو ،

هَــيـلانـة: مو گلت بليل اخاف اغرگ ، تستاهل تغرگ .

صدر منو صوت ضحكات متتالية لا إراديًا
؏ ضحكتو ضحكت ورجعت اركز بوجهو
هَــيـلانـة: بس ضحكتك حلوة .

رجع يضحك بصوت رجولي خشن وهو يدحگ
بعيوني بنظرات صعب أفهمها : عجبتچ ؟

هَــيـلانـة: لا بس ألتمس الأمان منها .

أنفتح ألباب وهو بهل قرب دخل عزيز
بكثر ما حركتو سريعة تأذه وصاح : اخخخخخخ اخخخخخ ربي .

ركزت بعزيز قبض ايدو وصاح بالسفاح
_ هيَّ هاي الأمانة .

الــســفــاح: فهمت غلط يولو مابيننا غير ...

عزيز : هَــيـلانـة روحـي للمخزن غادي نسولف
عندي كلام اني واخوي الــســفــاح ضروري نطرف
وندردش بي .

طلعت بسرعة بس بقيت بصف الباب اسمع بكلامو
يريد الــســفــاح يحجي بس وقفوا بسرعة وهو يحذرو
العزيز : تعرف بغلات اخواتي ؟

الــســفــاح: شلون ما اعرف يا خوية بس .

العزيز: فدوة اروحلك خليني اكمل دركْان
وانتَ وكانون عزيزين علية واغلى إنسانة
؏ گلبي زوجة اخوك واختي الثانية تقريبًا حرمتك .

الــســفــاح: يا عزيز خليني اوضح الموضوع
انتَ مو تعرف من سابع المستحيلات أحب
واتگرب من بنت لان اني منطي وعد الـ ..

العزيز : كل هل كلام اعرفو المهم عندي
أوضح هل نقطة بكثر ما كــانـــون عزيز بس
خايف ذَهــب تحبو وتتعلق بي ومن يجي الوقت
وتبتعد عنو من نسافر تتعذب .

الــســفــاح : وانه سبق وذكرت ذَهــب تنساها
كــانـــون روحو بذهب تريدو يتخلى عن روحو .

العزيز : اني واخواتي متعذبين وبس تجي الفرحة
اخذهن واسافر والعراق بعد من المستحيل اعتب
حدودو ، ومتأكد كــانـــون ينحب واحتمال ذهب
حبتو والدليل وافقت تحبل بـ ابنو .

الــســفــاح: واعتقد اانت فرحان ؟

العزيز : طبعًا فرحان ، ما اريد اطلع بعيد عن إطار أخواتي
بس اذا تتعذب ذهب ما اريد هَــيـلانـة تگبد وتعاني مثلها
ابتعد منها ولا تخليهه تتعلق بيك للمرة الثانية اطلب هل طلب منك .

الــســفــاح : وللمرة الثانية اكرر بعيد كل البعد عنها اطمئن وبس
يطيب الجرح بعد اطلع وحتى هل معسكر ما ادخلو اهم شي
خوتنا اني وياك ما اريدها تخرب .

العزيز : أنـه وياك للموت .

الــســفــاح : أخوي الغالي .

طلع العزيز بس راح خارج البيت
واني رجعت للغرفة هو ملامحو كلهه
تشنجت ورفض يدحگ بوجهي گاعد جدام
الصينية وراسو بالأرض : تتذكر الأوراق ألي اخذتهن
من جلاد الفترة الفاتت بعدهن خلف الميز .

رد بجمود وتحفظ مبالغ بي الأبعد الحدود
_ اخذتهن واشتغلت عليهن وحرگتهن تگدرين تطلعين
اريد أرتاح رجاءً .

هَــيـلانـة: سفاح أعتذر عن كلام عزيز بس هو خا.....

الــســفــاح: اطلعي برة .

تجمع الدمع بعيوني نشغت واني ازكح بي
_ انتَ ما تستحي والله فوك ما اعتذر منككككك .

ظل ساكت لدقايق تركتو وطلعت منهارة
صعدت فوك اكمل بشغلي ما خلصت لليل
اخذت وجبتي ودخلت للمخزن اچل من الصبح
؏ لحم بطني ، بس خلصت دخل العزيز ذب ملابسو
وطلع غسل ورجع فرشتلو واريد اطلع صاح بيَّ
_ نعم هَــيـلانـة وين ؟

تكلمت بخفوت مستغربة من تصرفاتو : بس اطلع اغسل
الصحن وايدي وارجع ؏ سريع حبيبي .

تركتو وطلعت للمطبخ غسلت الصحن
اجت وحدة وگفت يمي تدحگ بطرف
عيونهه ورافعه حاجبهه اخذت ماي
وسلة فواكهه ومشت جدامي من اريد اطلع
بقيت متشنجة من دحگت عليها تفتح باب
حجره الــســفــاح وتدخل سرعت بمشيتي
اريد ادحگ معقولة هو موجود لو تبدلت حجرتو
صرت جدام بابهم عصرت ملابسي بيدي
من لمحتو نايم ؏ سرير عاري الصدر
شهگت من الصدمة رفع راسو أنتبه
؏ وجودي وبعدم مبالاة ابتسم
للبنت وهي سدت الباب بوجهي ...

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد