رواية تجبر أحفاد الــ دليم الفصل الثالث وثلاثون 33 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _39 _

هَل ياتُرى .. لَو مِتُّ أنسى ما جَرى ..؟!
هَل ياتُرى .. لو كان عندي غَيرَكُم ..
قَلبي إليكُم ما سَرى ..؟!

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
قُــسَـم ...

ركضت واني أصرخ واضرب بظهر تَـــمــوز اريدو
يفك ايد خالتي رضية جرني دوهــان وشمرني وره
ظهرو : فكككككككك امكككككك يولووووووو .

؏ صوتنا دخلت ام كــانـــون تركض من دحگت
المنظر راحت عليهم تصيح وتجر بي من الخوف
حجبنا قدرتهم صاح كــانـــون : طرررررريق يمعووودات
روحن من وجهي .

سحبو هو ودوهان بكل قوتهم ونشمر ؏ نهاية الگراج
وهو نسحل وعمة رضية بيدو وگعها بالأرض تملخت
ايدها تملخ وظلت تبجي بعلو حسها : عوفوووني اگلك لا تضربون
خرب لااااااا تگضبني اگلك لا تگضبني .

كــانـــون : اشششششش اششششش أنهض فوت الغرفتك .

دحگ ؏ حايط وگان موجود شخص يحچي هو وياه
تَـــمــوز : اي صح كلامك يستاهلون الموت ، اي يضربوني .

ام كــانـــون : يمه الرحمن شبي الزلمة يحاچي روحو .

كــانـــون : متخبل اليوم ويريد يخبلني وياه .

دوهــان : بدون عصبية يول كــانـــون دخلو جوة ينام ونتفاهم بعدين .

تَـــمــوز : بهل بيت مابلحيف ادخل .

دوهــان: انتَ وأعي تريد تموت امك عزيزتك ؟

تَـــمــوز : ماعندي ام يول امي ماتت .

أتلفت دوهــان يدحگ بالوجوه حاير
_ ضروري نتحرك بساع هذا يصير مهبول رسمي اذا يطول بعد .

كــانـــون : مضروب ؏ راسوو ؟

رضية: گلبي حاس هذا ابوك اشتغل ؏ أبني إعمال شيطانية .

كــانـــون : بعدني ما متأكدة حرام الظن ينحسب آثم يا امي
بس أتحقق من الموضوع واذا حالة تَـــمــوز بسبب أبوية
وغلاتچ انتِ وتموز ما اسكت عنو .

ام كــانـــون : كلشي اتوقع من أبوك هذا لا عندو مخافة الله
ولا خطية ؏ بشر عندو نفسو بالمراتب الأولى .

كــانـــون : حتى لو لا تظنون السوء ايام والحقيقة تبين .

بعد محاولات وتوسلات وإقناع بالساعة گدر
كــانـــون يقنع تَـــمــوز غسلوا وجهو بالمغاسل
الخارجية وفات للغرفة تعبان بسرعة نزلو ؏
سرير وطلع توضأ وگف يصلي دوهــان
ظل بالغرفة هو يراقب تَـــمــوز ،والبنات
بالمطبخ ومادري شعجب ام كــانـــون بقت
أسمعها تسولف هي وذهب : استعجلتي بهل حمل يا عمة .

ذَهــب: مفهمت عليش استعجلت زواج متزوجين وصار بالحلال .

خافت وجرت نفسها من دحگت ردت فعل ذَهــب
ام كــانـــون : يولو مو هذا قصدي بالعافية وتولدين بالسلامة
بس قصدت لو منتظرين الوقت المناسب .

نترت ذَهــب ماتحب شخص يدخل بحياتهم مثل
طبع كانون بالضبط: تحسسيني الحمل ألو أوقات معينة
يلة غلطت بالمرة الثانية اخذ موعد حمل منكم .

ام كــانـــون : يا مرة ثانية ماتعرف كــانـــون مايحب
يكثر جهال تعجبت من قبل تحبلين زوجتو
ام كرم قبطت سنة ونص وبعدو رافض عاد خطية
طلعت روحها چذبت چذبة بيضة بلغتو تاخذ حبوب
مانع الى صار حمل وبالبداية جن جنونو الى ان اقتنع
بس ماطول فترة وانفصل عنها .

ذَهــب: هي شي واني شي ثاني بدون مقارنات رجاءً .

ام كــانـــون : مو محترمتچ وگاعدة اسولف وياچ
شني هل نتر ماتستحين مو اصيحو يكسر راسچ .

ذَهــب: ماكو داعي تصيحين علية هو بالغرفة
واكيد سمع كل الكلام ، وساكت لان يعرف حرمتو ماتغلط
وعلى حق ماتسكت وعلى مقارنات ما أرضى لان اعرف شنو
هي بالنسبه الكانون ومكانتي وحبي بگلبو وهذا اهم شي
من اغلط وياچ بيوم واقلل من احتراماتچ تشتكين مني الزوجي .

قُــسَـم : فدوة عبروها بدون مشاكل بس تَـــمــوز كافي علينة .

كــانـــون : ذَهــب چاي ؏ سريع .

نهضت ؏ سريع جهزت گلاص الچاي
وعمتي ام كــانـــون ولا نطقت بحرف بعد
اخذت ذهب الچاي ودخلت وگفت ؏ حايط فاصل
بين المطبخ والغرفة أسمع بصوت كــانـــون
يفهم بذهب بكل هدوء: عيوني الوضع متوتر هل نقاشات بلا داعي
اصعدي ارتاحي فوك واني اتفاهم وياهم  .

ذَهــب: اصعد بس ؏ جايات اخذ توقيع منهم قبل لا تفكر تخلف .

كــانـــون : نعم ...

ذَهــب: حرگت گلبي .

كــانـــون : ذَهــب من احترمچ ممنوع تتعالين بالكلام ويايَّ
وهسة اصعدي فوك لا تكبرين الموضوع وهو صغير .

ذَهــب: بس يدخلون بمواضيع عيب يدخلون بيهه .

كــانـــون : وتدخلاتهم أثرت ؏ حياتچ ؟
غيرت حملچ ؟ قل حبي اتجاهچ ؟ تدخلاتهم قدمت لو أخرت
اسمعي وطنشي بوية انتِ حامل مو زين تحرگين بدمچ
؏ كلمة والثانية اذا يصير بيچ شي محد يفيدچ
انتبهي لنفسچ وللطفل والباقي نزليهم المدرجات الطززز .

اختفى صوتهم وانه احتاريت بالمواعين
ام كــانـــون راحت للحمام واني اغسل
طلع دوهــان من الغرفة هجست برجفه
سرت بكل جزء بجسمي شعور غريب
الأول مرة احسو ، رجعت خصلات شعري
وسويت نفسي اجلف بالجدر دفعني من كتفي
وغسل وجهو ، ونكت الماي عليَّ ، ك
دنجت وسكتت بس اعصابي تفور ذب التلفون
وشال دبت الماي حطهه بالبراد درت أريد أخلي
الجدر وتلفونو دگ بالخطف قريت اسم المتصل
(شدن ) بلعت الغصه ذبحت بلعومي ورجعت ؏ سنگ
رد هو بساع : الو ...

سحب گلاص وهو يستمع وشوية
وأسترسل بكلامو : اي أنـه بالبيت الثاني عليش محتاجين شيء ؟

مثلت الثبات بس لأعصابي رأيي آخر
رگعت باب الكاونتر ودرت علية ادحگ
وجهو صار احمر وهو لازم ضحكتو
خزرتو ورجعت امسح بالطباخ واجلف
من كل گلبي بي وهو يكمل ويجاوب : صار شوية واجي محتاجه
بعد شي منا منا واني راجع أشتري.

من كثر ما اعصابي فارت ضغطت ؏ أسناني
وهمست بيني وبين نفسي : سمممممممم ان شاء الله .

سديت حلگي من سمعت صوتي صار عالي
وهذا يدير بوجهو عود زعلان مايريد يضحك
بوجهي سد المكالمة ورجع يلعب بالتلفون
وغسل الگلاص ما گدرت انجعم اخذت
وضعية البرود وسحبت مبرد من الجرارة
بالمطبخ ابرد بـ اظافري واحچي بكل هدوء : مكالمات وسوالف صايرة.

رفع أكتافه يحچي بثقة : زلمة ومن حقي ، عندچ أعتراض ؟

قُــسَـم : لا يولو اتمنالك كل الخير والتوفيق بحياتك الجديدة .

تحسر وهو يرد بعدم مبالاة: بنهاية المطاف تطلعين وحدچ
خسرانه من هل لعبة وانتِ اختاريتي الدمار بيدچ لروحچ .

قُــسَـم : تعودت ؏ خسارة مو مهم .

تركتو وصعدت بس شنو ارجف ارجف
وعيوني تبقبق بالدموع ركضت ركض
؏ درج بس اريد أوصل للغرفة دفعت
الباب وقفلتو گضبت مخدتي وصرخت
وانهارت كل طاقتي : هلي كل خير مابيكم هلي نزف جرحي والسبب منكم
هلي بعد كل طاقة ماعندي ، هلي صغيرة وحملت الهم
هلي شكثر انذال ، هلي الغريب يحن ومابيكم شريف يحن .

دوهــان: قُــسَـم افتحي الباب .

مسحت وجهي وصحت بصوت
مهضوم: روح هساع اريد انام .

دوهــان: افتحي بساااااااااعچ .

قُــسَـم : عليش بس تزاكح .

دوهــان: الباب .

رحت للباب فتحتو واريد ادخل گضبني من ايدي
رفع راسي سديت عيوني وهمست : شبلاك ؟

دوهــان: جنتي تبچين .

قُــسَـم : مابلحيف أنـه ابچي ؏ شنووو ومنو يستاهل تنزل دموعي عليَّ .

دوهــان: اريد ادحگ هل قوة شوكت تنهدم .

قُــسَـم : تربيت بكثر حجم كسرتي أنهض وارفع راسي
مو قُــسَـم تنزل راسهه وعدها ولد عم ينشد بيهم الظهر مثلكم .

قوس حاجبو متعجب كملت
وانه اعرف كل كلمة شنو تعني عندو : عودتني انتَ ولد عمي
أظل رافعة راسي للدوم بيكم لان تكسرون ظهر كل شخص
يفكر مجرد تفكير يكسرني .

مسحت دمعتي وأنه أركز بعيونو
بلعت الغصه وكملت : أتذكر بصف آول أبتدائي جنت ابچي
واجيت بست عيوني وشكيت من طالب ويانه دفرني
ورحت انتَ ضربتو واني وگفت أضحك علية
وسحبتني گلت ادفري مثل ما دفرچ تعلمت انتوا
بظهري وما أنكسر لأول مرة يكسرني شخص عزيز .

دوهــان: أنـه عكسچ كل كسراتي بسببچ وبسبب گلبي
خليني اخليچ تعيشين نفس الشعور وبنفس المستوى
لا اكثر منو ولا اقل أريد انتقم لكرامتي .

رفعت أيدي أشرت ؏ نفسي واني اشهگ
_ تريد تنتقم مني يابن عمي ؟

دوهــان: حلال بيچ .

قُــسَـم : عجل إذا أهون براحتك أنـه جدامك دمرني واقضي ؏ صحتي
وعلى ضحكتي وعلى قوتي دمرني دوهــان اكثر انتقم إذا ترتاح .

دوهــان: تأكدي ادمرچ بيدي ولغيري ماتصيرين لو ؏ موتي .

حبست أنفاسي وگعدت ؏ سرير اعض أصبعي
وهو طبگ الباب وطلع مانزلت حبست نفسي
ولو بيدي اهج منهم كلهم خايفة ومرعوبة من
المستقبل جمعت نفسي ونهضت توضئت
وفرشت سجادتي وصليت وانه أقرا القران
دموعي توگع ؏ أحرف تشكي حرگتي وهزيمتي
معقولة بهل سهولة أتهشم وتحطم ؟ استسلم واخليهم
كلهم يشتغلون وإنه انطفي وحدي ؟

صار ليل وصعد كــانـــون حبسني اني والبنات بغرفة
ومن الأصوات والتكسير الصار جوة نهديت هد
وگعت ادگ ؏ راسي من الرعب ، ذَهــب وكازو
يدعن التموز بس صوتو تغير وهو يصيح : اموتكمممممممممم
اريد احرگ روحي عوفوني اخخخ جسمي المووووت قريب .

ويرجع يكسر بالبيت وأصوات كــانـــون ودوهان
يتصايحون مفزوعين علية ، عمة رضية تحلف
بيهم من فوك يفتحون الباب بس تريد تنزل
وهو من يسمع صوت عمة رضية يتخبل
يهتز ويريد بصعد فوك يموتها ويسحلون
بي وهو يضرب بيهم بكل حقد ومن القهر
يعرفون بي مو بوعيو مايگدرون يضربون
يكتفون يدافعون ؏ نفسهم ويتصدون الضربات .

من التعب والضغط النفسي دخت سحبتني
ذهب نومتني بحضنها تلعب بشعري إلى
ان نمت ، عفت گازو وعمة رضية حالهن
يبچي وحدة تندب حظها والثانية تدعي ربها
يطلع ابنها من هل مصيبة .

بقيت الثاني يوم گعدت من أنفتح ألباب
طلعت كــانـــون جدامي وجهو صاير اصفر
وتحت عيونو سواد من السهر ، لابس عسكري
رضية: وينوووو تَـــمــوز وينو .

كــانـــون : تعب هلك ونام بالأرض شلتو أني ودوهان
؏ سريرچ وسديت الباب لا طلعون صوت تركوا ينام .

ذَهــب: وين مبدل ورايح فدوة كــانـــون رعب مو وكتها تلتحق .

كــانـــون : عندي إنذار الشباب غادي وحدهم
لا تَـــمــوز موجود ودوهان هذولي يريدون العقد اليوم
وتميم طلعت روحوا كل المسؤولية ؏ راسو ضروري
اتواجد بالدوام واي شي تحتاجون هذا دويهن موجود .

رضية: متوازي هساع دوهــان مادحگ وضع ابن عمووو ؟

كــانـــون : عوفي اني تركتو هذا بعدين يوگع بشر اعمالهم ويخسر الأول والتالي ومن يجي خسران ومتندم اطلع منها واطل مراقب من بعيد
لان الملام مايفيد وياهم .

نزل وجنطتو وره ظهرو وراحت ذَهــب وياه هي وعمة رضية
بقيت بالغرفة رتبت الفراشات وفكيت الشباك حتى يتغير الجو
بدلت ملابسي ونزلت لگيت كــانـــون رايح البيت مهوس
الى درجة ظليت بس مصمهره لدقايق مبهوته من المنظر
تحزمت أنـه وكل البنات انظف ونرجع ليوره من الساعة 7
الحد ما أذن الظهر بس كمل أذان سبحت وفرشت سجاتي
واني اصلي درت وجهي صار تَـــمــوز جدامي
وعمتي رضية خلفو : تَـــمــوز گعدت .

رد بصوت خشن وخم بعيونو حقد
عاقد الحاجبين مكتف اليدين متصلب
الجسم بليد التركيز بلعت ريگي
گضبتني رجفه من دنج أخذ السجادة: تريد شي جوعان .

تگرب مني أكثر لف السجادة داير ما داير جسمي
_ شنو تسوي شبلاك !!!

بعدني اريد استفسر وانه اركز بكل تحركاتو
وما هجست غير دفرني شمرني ؏ حايط
من ضربتو انضربت بالحايط ظليت
أزحف وهو يسحب بيَّ وكفت عمتي
بوجهو سحبتني وقفلت الباب ظل يدگ بي بكل قوتو
ويصرخ بعلو حسو : اريدككككككممم افتحوا الباب يريدون يموتوني.

عمتي إنهارت وحيدها وتخبل طلعت للگراج فكت دشداشتها
ودعت بحرگت گلب ؏ فراس ، هو استمر بكل وحشية يدگ
؏ باب وگعت من وجع اضلوعي من الرفسة يوجعني
بقيت بالگراج استمع الصوت الهوسة صايرة بالبيت الثاني
مبين بدت تجهيزات العقد .

البنوات بالبيت جوة قفلن ؏ نفسهن البوب
ولا ساعة ولا ساعتين ننتظر نسمع صوت
التلفون بس نخاف ندخل وكأن مو نفسو
تَـــمــوز ألي نعرفون تحول لوحش بلا رحمة
وحدة من الضربات من قوتها انخسفت الباب
دخل ابوية مشدوه بالأصوات: يا ستار استر شكو هين شعدكم .

رضية: اسئل اخوووووك .

ابو تُــمــيم : يا اخ منهم ؟ منو جوة بالبيت وشنو هل ضرب .

قُــسَـم : يهمكم ؏ اساس تريد تعرف شصاير حتى تفرح اخوك الظالم .

ابو تُــمــيم : لسانچ بعدو طويل شنو يصير بيچ بعد
زلمتچ وخسرتي وليلة عقدو ؏ حرمة غيرچ وبعد
تجاوبين بوجهي لو منچ احتار بوجعي .

قُــسَـم : لا احتار ولا أغتاظ قسمة بدايتها غلط نهايتها الهدم والدمار .

ابو تُــمــيم: هسسسساععععع جاوبني شكوووووو .

قُــسَـم : مانعرف غير تَـــمــوز يشوف جن وبس يصيح ويضرب .

دخل دوهــان مبدل ملابس جديدة وترتيب وحلاقة ؏ آخر حباية
والعطر رنان والثقة وصلت للستار : گعد تَـــمــوز ؟

لا أنـه رديت ولا عمتي رضية عبرتو عرف مقهورين منو
فتح الباب ودخل هو وعمي سحبوا للغرفة وهو يتجاوز
يضرب بيهم مثل لمخدر ، صعدت للغرفة دحگت ؏
بنوات گاعدات دخلت لغرفتي من سمعت ابوية يحچي
بالتلفون ويگول : اي اجيت أنـه ودوهان .

دوهــان: شكو .

_ وصل السيد ابني متأكدة من قرارك قبل العقد .

دوهــان: عمي انتَ اسبقني أنـه دقايق واجي وراك .

اندفع الباب ودخل بدون مقدمات
ومن وجع روحـي صحت : رجاءً مليت من الكلام روح مني
كمل عقدك والخطوبة والزواج روحححح تونسسسس
شتسووووي هين عندي خطيبتك تريدك .

_ وانه اريدچ متخيله الموقف ، تتخيلين عذابي
يريدوني بس اني ما اريد غيررررچ .

قُــسَـم : بطل هل كذب بطل لو صدگ تريدني ما تقهرني
ولا تفكر تتزوج غيري ولا تفكر تقلل مني وتبين انتَ محتاج
غيري انتَ دمرتني وصغرتني بعيونهم كلهممممم .

دوهــان : وانتِ شسويتي ؟

قُــسَـم : تعودت انتَ تذب كل المصايب براسي صح غلطت
بس تندمت وانتَ ماحاولت تفهم وتسمع مني چثير حاولت
اعتذر منك بس بكل سهولة تريد تروح تتزوج غيري .

دوهــان: لآن رفضتي كل وسائل التقرب منچ
من يا باب اجي ترگعي بوجهي حيرتيني وياچ يا بنت الناس .

قُــسَـم : عسى بالموت كل شخص يحيرك دروح عيوني
شوف حياتك بعد أنـه صرت كخ .

دوهــان: شنو صرتي ؟

قُــسَـم : كخ .

دوهــان: شني هذا الكخ .

قُــسَـم : اندري ذاك اليوم من رحت للسوك سمعت ولد يگول
ولك عوفها كخ .

دوهــان: يعوف شنو ؟

قُــسَـم : يعوف الزبايل .

دوهــان: رحم الله امرىء عرف قدر نفسو .

دفعني وطلع فاير دمو دگيت رجلي بالگاع وصحت
_ وين رايححححححححح .

نزل الدرج ؏ سريع عمتي رضية اعترضت طريقو
_ لا تغلط امي الخاطري فكر بالموضوع بدون تهور
انتَ مجروح وقرارك بلحظة عصبية مو بعدين بس انتَ
وهل قُــسَـم تتندمون .

ادحگ عليهم من فوك فتح ايده وعيونه
وگال : عمة وين الخسارة بالچذب ماكلفت نفسها وطلبت
أبطل هل مهزلة ومحمد ماريد غيرها بس شلون يعني اجبر
إنسانه علية اعيش وياهه واعرفهه ماتريدني وكل تفكيرها
يمتى يخلص العقد ونطلگ .

رفعت اكتافي واني امسح دموعي
ورديت بتوتر : اذا اگلك إني موافقة نطلع منهم ونستقر
بس اني وياك ونعيش حياة طبيعية كـ أي زوجين تبطل تزوج .

بعدني احچي ودخل تُــمــيم نوم دوهــان بالارض
وگع علية بوكسات وعمامي يريدون يشيلونه
منو مايگدرون : طلگ قُــسَـم هساع ارمي يمين اطلاگ
تخسي تزوج گو**** مشمور بالدوام وگاعدين تخططون
وحدكم شلون دمروها .

دوهــان: ومحمد اذا ماتگوم راح افلششششش هل بچممممم .

ركضت جوة سحبت تَـــمــوز وصرخت واني اگمز
_ كافي ابوووس ايدك حباب تُــمــيم .

رفعو من ملابسو وطبگو ؏ حايط
ضربو بوكس ثاني وصاح : ثاني مرة تحطمون گلبهااااا
يولووووووووووو تزوجتهااا غصبًا عنها وهساع تريد تتزوج عليهه
وتريدوني ك اسكت اليوم لو أنـه لو انتَ طلگ .

دفرو دوهــان ورجع البوكس وعمامي صاروا
بوجهه تُــمــيم وعمة رضية گضبت دوهــان
_ الخاطري لا تتعاركون انتوا اخوان لا تسمحون الهم
يخربون الخوة بينكم هي هاي غايتهممممم .

تُــمــيم : يااااااا أسلام اذا دوهــان يتزوج
؏ اختي هذا اخرررررر يوممممم بعمرررووو .

ابو تُــمــيم : شعليككككككك .

ضرب تُــمــيم الحايط بوكس بيدو وصاح
بصوت جمهوري خشن : قابل ؏ بنتك هل ذل تقبلهاااااا
اه اه مابلحييييف اقبل قُــسَـم تستضعفون اخيتي بغيابي
دوهااااااان تخلي امكككككككك وهل بنت الشوارع
شدن ام السويد يضحكن ؏ اختي اموتكم وحق الله .

ابو تُــمــيم : هي اختك ماتريدوووووووو ماتحبوووووو
شيسوووي يريد يتزوج الزلمة يريد يستقل حالو حال ربعووو .

تُــمــيم : هههههههههه هساع دفنت اثنين من جماعتنا
راحوا شهداء بعمرووووو ادفنوووو وياهممم بس يخطي هل خطوة
گاعد ؏ گلبكم لو موتوني ذبحوني قبل لا تهينون اخيتي .

دخلت ام دوهــان من الباب فلشت الغراض
؏ تمشي : شتررريد انتَ واخيتك يمهههههه دوهــان طلگ
هل مشوهه خلصني منها ومن شرهه ومن اهلهه .

ضربهه ابو دوهــان وعاط : حسچ لا تجاوووزين ؏ اخوي وعائلتو .

ام دوهــان : شوكت يرتاح ابني فهمني عگل ماظل براسو
البنت توهه اجت من الصالون والسيد موجود والمعازيم
منتظرين يمتى نخلصصصصصصص مووو عيب والله
خزتني هل مشوهه.

تُــمــيم : صالون شنوووو سيد شنووو اوركمممم ور شحدكممممم
طلگ ول عااار طلگ وروح امشي مثل الزمال وراهممممم
طلگهاااا وازوجها تاج راسكم كلكممممم وافين حظك اذا تتگرب
منهااااا بعد طلگ .

دوهــان: طلاگ ما اطلگ وراح أتزوج وغصبًا ما عليك
تالي عمري تُــمــيم يتأمر علية امشي يول الله امشي
لا اخليك تمشي اعوج .

تُــمــيم : يلة اطلع بالله اريد ادحگ العقد مالتك اليوم
شلون ينخبطططط بدمككككك .

ام دوهــان : بدمك ودم اختك يا ****** اليووم ازوجووو اليوم
تريد ابني يظل ؏ مشوهه .

رگع دوهــان الگلاص ؏ براد وصاح وهو موسع
عيونووو : شنوووووو هذاااااا كلامچ وگدامي
كاااافيييييي اطلععي برة اطلعييييييييييييييي .

عافهم وهو طلع قبلهم كلهم وبس وصل الباب لحگو گضبت تُــمــيم
وصحت بي واني منهارة واعصابي كلهه تلفت
_ الله يخليك لاتروح وتكبرها خلي يعيش حياتو أنـه قصرت
وياه وغلطت بحقو وحاولت أتأقلم بس ماكدرت .

رضية: لا والله چذابة هل بنت هساع قبل لا ترجع حجت
هي ودوهان وقبلت بكل شروطو بس انتَ اجيت وخرب كلشي وطلع .

تُــمــيم : ماقبل يعقد حتى لو قُــسَـم ترضى أنـه ماقبل ؏ اختي
شنو هل مهانة والاستضعاف وين عايشين ياااعصر دخيل الله وعبادو .

عافني وطلع اعصابو بخشمو حضنتني رضية
وهي تمسح ؏ ظهري : لاتخلين حلالچ يضيع منچ
اذا دوهــان صار الشدن كلهم ياكلوچ بسنونهم
واهلچ لا يقدمون ولا يأخرون ويمكن حتى يجبرونچ
ترجعين تخدمين بيهم وتصيرين تحت رحمة ام دوهــان
وشدن تنذلين يا امي تنذلين رجعي الدوهان قبل لا يفوت الأوان.

قُــسَـم : بس هو عافني قبلت بكل شروطو ياريت يرجع .

رضية: يا خوفي فات الوقت وخسرتي يا امي .

ذَهــب : غبية اذا تخسر يول تحركي بساااعچ .

قُــسَـم : خبلتوني شنو تريدون مني عگلي وگف ومحمد .

آخذت ذهب التلفون من عمتي واتصلت ؏ تُــمــيم
وصاحت : أركض قُــسَـم تخربطت گضبها صرع مدري شنوو أركض.

سدت التلفون وراحت للمجر اخذت طبر
وصاحت : ومحمد اذا ماتتخربطين اضربچ بي اخلي دمچ بطولچ .

قُــسَـم : اتخربط .

گعدت بالأرض وسحبتني من ايدي وگعتني واخذت
هاي القاعدة لصير بالبراد من يوگع الماي يصير بيها
وذبتها ؏ وجهي صرخت : الماااي وصخ وبارد .

ذَهــب : مثل گلبچ البارد اششششش ولا اسمع حسسسچ .

خلت شعري ؏ وجهي وصرخت وعمة رضية
وياها وگازو ؏ درچ وياهن تگمز : بحظكم وبختكم البنية
راحححح تموووتتت يبوووووووويي .

أنـه مقهورة بس ماعرف امثل گضبتني الضحكة
وجسمي صار ينهز من القهقهة دنج تُــمــيم رفع
شعري ذهب عرفت گاعدة واضحك سحبت خصلة
من راسي وخلتني ادنگ راسي : اختنگت من البچي كلكم عليهه
ادري بشر لو روبوت والله حرام الله مايرضى .

تُــمــيم : بعد الكلام مايفيد گاعد يعقد وبس
يكمل جدي قبل يطلگ دوهــان يطلگ قُــسَـم .

ذَهــب: صخاااامممم صدگ .

سحبت نفسي منها ونهاريت وجع گلبي أكتسح
راسي : يعني گاعد السيد يعقد آلهم .

تُــمــيم : جدي رفع المسدس بوجهي وگال بس يعقد ؏ شدن
هو وعمامي يجون ويفك العقد ويطلگون .

ملخت ذهب خدودها وصاحت : حسبي الله ونعم الوكيل عليهم
بعديش بعد ما كسروها .

غسلت ؏ مغاسل وصعدت أركض للغرفة بدلت
ملابسي وبلحظة ضعف قررت انهي هل مهزلة
تخردلت والكل تعب ، حسسوني وجودي ثجيل
بحياتهم ، غلطت بس الغلط الأكبر مو مني منهم
جبروني وهو يعرف وتعاقد ؏ عقد علمود مصلحتو
وتالي ماتالي يكسرني والله ماتحبني اني بس ما مستوعبه
هل جرح تعبوني كلهم اعرف غايتهم من الطلاگ لو كسر
ويجبروني ؏ شخص ثاني غصبًا عني لو يذلون ويهينون
بيَّ براحتهم من يسحبوني بذاك المهجوم .

شنو عندي أدوية بالغرفة فرغتهن ؏ سرير
جمعتهن كلهن وسحبت بطل ماي من الثلاجة
أخذت مجموعة بيدي اريد اخليهن بيدي وانفتح
الباب رجعت ايدي وما ادحگ غير دوهــان
هجم ؏ حجره گضبني من ايدي وهمس : موافقة نبدي من جديد
كلهم متبرين مني تركت الكون كلو لچل عيونچ للمرة الثانية
لا تخذليني ابوس عيونچ .

هزيت راسي ورديت وانه متوترة : موافقة طبعًا أريدك دوهــان
اهاف اكمل بدونك والله لاتعوفني .

فك الكنتور سحب عباتي ولبستي يحچي
باستعجال بس يريد نطلع : عجل بساع بدلي لازم نطلع
بـ أقرب وكت كلهم اغتاظوا مني ومتحلفين بيچ .

اخذ ايدي وگعت الحبوب مني شافهن وضغط على
اسنانو انفجرت ابچي صحت : والله اريد اخلص تعبت

دوهــان: بعدين نتفاهم على هل طيشششش
ركضت يريد ينزل وابو وگف ؏ درج
_ يولوووو وين تاخذها وتروح تريد تخزيني.

دوهــان: جبرت نفسي بس منين ما أحسبها صعب اعيش
واخطب واتزوج غيرها يابه ومحمد أحبها .

ابو دوهــان: والعالمممممم الموجودين والسيد
والبنية گاعدة يمك بفستان مشلتح وجسمها كلو مبين .

دوهــان: ومحمد عقلي وگلبي عد هاي
رفع ايدي وحضنها ؏ گلبو ، لا دحگت ؏ بنت ولا اريد ادحگ
بعدني ماغلطت اريد ابدي أنـه وقسم وننتهي سوية .

ابتسمت وانه ادحگ علية فاتت امو دحگت ايدي
بيدو وابتسم لطمت لطم وكأن ميت الهم ميت
ماخت شالهه وشعرهاا كلو وابوه يريد يسيطر عليهه
دخل تُــمــيم ضحك بوجهه دوهــان وصاح : الطريق مؤمن
خوية توكلوا ؏ الله يعثرك واطلع لا تسمع منهم هذولي هجامين البيوت .

دوهــان: عينك ؏ تَـــمــوز .

نطقها ونزل يركض وامو تهمش بيدهه
وتصيح : بغلاتي لا تروحححححح يممممممههههههه دوهاااان .

شغل السيارة وادحگ ؏ شدن تبچي بالباب
ما گدرت اسكت نزلت وصحت : ام السويد هذا ملكي لو تموتين
مايصير ألچ يحبني ويموووت علموودي خوووشششش الخايسة .

سحبني من ايدي مخنزر وعيونو حمرة بلعت الضحكة
وملت راسي : مو بقت بگلبي لازم احچي .

گرصني من ايدي وصاح : مووو العالمممم تدحگ علينة
شنووو انتن النسوان ضييييييم .

فر السيارة تريد يشوفهه رفعت ايدي بحركة ؏ عنادچ
وطلعت الساني اعيب عليهه بس عبرناهم ضربني بطرف
اصابيعو ؏ راسي : شبلاچ شنو هاي حركات الجهال .

درت وجهي ؏ شباك واعدل بـ شالي
وهو يسوق بكل سرعتو رن تلفونو
كــانـــون بسرعة جاوب : الو ها اخوي .

كــانـــون : والله انك كفوووو سويت درس بعمرهم ما يتخطوا .

دوهــان: غايتي إضربهم ؏ يافوخهم والحمدلله تمت .

كــانـــون : ركز ؏ حياتك من اليوم وهل قُــسَـم
بس تفكر تغلط وياك انعل هيد هيدهه .

جريت اذني من جوة الشال وبصوت
خجلان همست : توبة والله بعد توبة راح أتغير وتدحگون التغير بعيونكم .

كــانـــون : عفية عليچ بنيتي بيتچ اهم منهم كلهم ودوهان
يموت عليچ لا تخسري .

دوهــان : ؏ هل مصايب الصارت اذا ادحگ منها
كلمة لا العبها ؏ حبل مبتور شحدهااااا هل برنووووو .

سد المكالمة لكحت أيدي ؏ خدي واصابعي
تلعب وصفنت لثواني دحگ عليك ورفع
حاجبو همست بضياع : اشتاقيت اتكاون وياك هرقل .

دوهــان : اليوم والله اتكاون وياچ مكاون بعمرچ محد متكاون
وياچ هيچ مكاون ، عركة للتاريخ وداعت هل برنوووو .

گرص شفايفي وسحب ايدي يبوس بيها
دوهــان : تدرين من ارضيهم وانتِ تزلين بگلبي
يوج نار ، بس من ترضين علية وادحگ
؏ برنو يضحك اطير تعرفين شنهو اطير
والكون ما يوسعني بعد يواو احبچ حب
مستحيل ينوصف بكلمة لو بفعل بودي
اگلچ من الحب .

غطيت وجهي بيدي من الخجل ابتسم وسحبني
علية وهو يهمس : شلوني اليوم فول جمال مو بربچ .

گرصتو من ايدو وعضيتها بكل قوتي
وهو يضحك ويزگح : يولووو الشارع لا
اسوي حادث ايددددي اه قُــسَـم لا يا چلبة كافيييييييي .

دفعت ايدو بعد ما شفيت غليلي منو
ورفعت راسي واني احجي بـ اريحية: مجهز نفسو عشتووو
يريد يزوج غير اموتكككككك .

دحگ بطرف عيونو ويهز بيدو
دوهــان: قصدچ تموتين نفسچ ام الحبوب البرنوووو .

فريت شفايفي وضربت ؏ ايدي
قُــسَـم : هساع لا تذكر هل سالفة ، احمم لو ماجيت
بـ اخر لحظة چان هساع أنـه بعداد الموتى .

دوهــان: اموت وياچ وحق كل حرف بالقران
انتِ تموتين وانه أظل عايش امداني .

قُــسَـم : انتَ تزوج وتعيش حياتك قُــسَـم شنو ومنو .

دوهــان: حلفت بكل حرف بالقران اموت وياچ زين لو مو زين .

هزيت راسي وأشرت ؏ شارع وانه اضحك
_ وين رايحين .

دوهــان: بعد احنا بغداد يعني اخذچ يوم عسل
بفندق إطلع القضى والمضى اريد اشبع عطشان .

فكيت ايدي واني اصحك بعلو صوتي
على كلامو وحركاتو : جدامك شخصيًا عصير
بالبرتقال أرتوي عيوني .

دوهــان: عشقي ومعشوقي العصاير وخصوصًا البورتقال .

دخل الفندق نزل وانه اربز بالسيارة
ربع ساعة ورجع فتح الباب واخذني
ظليت متعجبه ؏ جمال المكان وفخامتو
بعرسي مارحت هيچ جمال يفتح النفس
بعدنا بالمصعد وغلق التلفون وكل شوية
ساحب ايدي يبوس بيها وگف المصعد
جدام ممر عبارة عن غرف وبنهاية
الممر غرفتنا اخذ ايدي ويمشي وكل
شوية مبتسم بوجهي دخل للغرفة
وهمس : أنـه نازل حتى نلوز ليلتنا الأولى
انتِ اخذي راحتچ .

تركني وراح اكتشفت الغرفة ودخلت للحمام
سبحت ؏ مهلي وطلعت نشفت شعري بالشسوار
ورجعت لبست دشداشتي وعدلت وجهي ؏ مرايا
وهو دخل صح يضحك بس مبين صاير وياه شي
بحيث بوجهو للحمام انبهت ؏ عيونو اليمين بيها
مثل إثر ضربة چذبت عيوني وحاولت امشي
الموضوع ، گعدت ؏ سرير اكرر بهل جملة
( أبدي من جديد حياة وحب مو البداية اني ودوهان وبس )

طلع بعد دقايق فتح دگم قميصو وذب كل اغراضو ؏
ميز وسحب جكارة ورثها واستند ؏ ميز صافن بيَّ
ويسولف : جنت برة مجرد ماتخيلت اتزوج غيرچ
واطلگچ واخسرچ اختنگت عجل شكثر احبچ .

قُــسَـم : استاهل حبك لأن تعبانة الكل تعبني والله .

مد ايدو يريدني اگضبها بقيت أركز بيها
الى أن تجرأت واصابعي لامست خشونة اصابعو
سحبني بحضنو سيطر ؏ حركتي بين رجلو
رجع خصلات شعري ونزل راسو برگبتي .
دوهــان: أحضن قطعة قطعة صوتي وحيلي هلكانات ما تعبچ .

قُــسَـم : تعبتك دوهــان .

حط اصبعو ؏ شفايفي ورجع راسو يبوس
بطرف شفايفي بكل هدوء وكأن يخاف يأذيني
دوهــان : ركزي ؏ عيوني ، ورجفتي ، وتعبي
قيسي لهفتي منهن .

قُــسَـم : خليتني أخاف اخسرك .

دوهــان : ياريت تحبيني .

قُــسَـم : أحاول .

دوهــان: مستعد انتظر بس ابقي بهل قريبة دائمًا
خليني قوي لا تروحين مني اضعف وأضيع كل
عگلي ، دربي ، ايامي ، وساعتي قوي بقربچ ضعيف بعدچ .

طبع بوساتو جوة اذني وهمس بصوت
ذايب : احبچ بكثر عدد جمال هل شق بشفايفچ
كل ما ادحگ بي اعرف أنـه اخذت بنت مميزة
جمالچ مميز ، تصرفاتچ مختلفة اخذتي كل تفكيري يا برنوو.

رفعني من الأرض وهو يقلع بقميصو
نزلني ؏ السرير بكل هدوء ولأول مرة
من بعد ايام طويلة من زواجنا أنـه ودوهان
بهل قرب بدون مشاكل كان هادئ كـ ليل
ثائر كـ أمواج البحر ، جريئ بلمساتو
حنون بكلماتو يقبلني حتى يرتوي

عند الصباح كنت بين أحضانو اركد بهدوء
أتلمس لحيتو وهو نايم بكل سكينة مغمض العينين
راخي الجسم نبضاتو هوادة ، ابتسمت من لعب
بخصلات شعري : صباح الخير جوعانة ياحلو .

دوهــان: صرت حلو ؟

قُــسَـم : أنـه همات متعجبه گعدت الصبح طلعت حلو يولووو .

دوهــان: الشغل بي نتيجة مبشرة .

قُــسَـم : جوعانة قحط اچل .

دوهــان: ومحمد خايف اگوم ونرجع للواقع
ما أريد اصحصح من هذا الحلم .

قُــسَـم : جدامك احلام جثيرة انهض عيوني دللني ودلعني .

گمت للحمام سبحت وبدلت من طلعت يقلب بالتلفون
وملامحو مزعوجة رجع غلق التلفون ودخل للحمام
ردت افتحو بس خفت يعصب تركتو ولملمت الغرفة
بين ما طلع ربع ساعة تحرش ؏ بوسات ؏ حضن
طلعنا بـ 12 من الفندق نزلني للمطعم طلب اچل
أليه وهو رفض يأكل حاولت وياه رفض بس رجع
يلعب بتلفونو : دوهــان اريد ماي حباب .

ذب التلفون من سافني غصيت وراح يركض
وصلت رسالة اجاني فضول اعرف صار
ساعة يتراسل هو ومنو فكيت الجهاز
دحكت المحادثة بإسم شدن وبالأخير
كاتبة ( يعني اخذ منك كلمة تصحح فضيحتي البارحة ؟)
اريد ارفع عيوني أقرأ الفوك ونسحب التلفون من ايدي
عيوني زغللت والدنيا افترت بيَّ : تريد تصحح الفضيحة ؟

دوهــان: ؏ اي اساس تفتحين التلفووووون قُــسَـم ؟

رفعت اصبعي أشرت ؏ تلفون وهمست
بصوت مرتعش : شلون تصححها ؟

سحبني من ايدي وصعدني السيارة صحت
متنرفزه : جاوبتي تريد تصحح الخطأ الصار البارحة ؟
افتح التلفوووون دوهــان افتححححح خليني ادحگ شكاتب
وصاير عدهاااا امل بيككككككك بشنو وعدتها ؟؟؟؟

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد