رواية تجبر أحفاد الــ دليم الفصل الثالث والعشرون 23 - بقلم اسـاور حسين 🦢✨

تَــجــبـر أحفاد الــ دلــيـم🦅
         بقلمي : أساور حسين
المُلْتَقَى _29_

انـه المبيوگ حگه وتاهمينه بحگ !

ملكات قلبي لطفًا لا تنسون التصويت ؏ بارتات بوساتي
<><><><><><><><><>
قُــسَـم ...

تَـــمــوز: دوهــان يلة حدر فوت حتى نقفل البوب تأخر الوقت.

دحكت علية من الشباك واگف ومستند ؏ حايط
يشرب جكارة ورايح بعيد بصفنتو
دوهــان: عوف المفاتيح بالباب أنـه اكمل جكارتي واقفل .

تَـــمــوز: لا تبطي يولو .

دخل تَـــمــوز ابتسم بوجهي وهمس : تصبح على خبر ياحلو.

قُــسَـم: وانت بالف خير يا اجمل منفوخ بالكون .

ضحك وصعد متألم ، فزيت ؏ حركة صارت ورايَّ
التفتت دحكت عمي فراس قريب مني رفع حاجبو
مرجع ايدو خلف ظهرو ويمشي بتأني طلع للكراج
دوهــان عدل وگفتو وظل يسولف وياه طلع عمي
فراس ورقة وقلم من جيب القميص فكيت الشباك
بسرعة گلبي لعب من الورقة .

فراس: متأكد .

دوهــان: أنسب حل .

فراس : هههههه دركْان طايح حظ وأنت ضعيف الشخصية مثلو تمامًا
هو بنص الموت وأنت گلبك دمرك وراح تروح للموت برجلك .

دوهــان: أنـه متأكد من قراري وعدتني ينتهي العقد بعد الشهرين
وننفصل أنـه وقُــسـم ما اريد أظلم البنية ويايَّ .

فراس : بالبداية توقع .

دوهــان: اترك الورقة عندي اقرأها وباجر أوقع .

فراس : ماعندك وكت لو توقع هساع لو ينتهي الموضوع.

اخذ القلم واخذ الورقة يقراها ومتردد
رفع راسو جر نفس وقع ما ارتاحيت للصار
نهائيًا وعرفت اكو ملعوب قذر جديد من فراس .

فراس : حتى لو بيوم من الأيام قُــسَـم تنفصل عنك ؏ جثتي
اخليها زوجة دركْان ، هذا السبع الدرباس ما بالحيف يتزوجها
اموتها ومحمد أقضي عليها بس ترجع تفكر بـ أبني .

دوهــان: اموتك بيدي اذا قُــسَـم صار بيها شي .

فراس: وأنت دوهــان شنو رد فعلك اذا قُــسَـم تتزوج الدرباس .

دوهــان: مايهمني .

فراس : يهمك ونصصصصصصصص آكثر إنسان
فاهمك بالكون أنـه ، اعرف گلبك ملك قُــسَـم كلنا نعرف
حتى الدرباس وهذا اهم سبب دفعو يبتعد عنك وعنها .

دوهــان: هههههه هو لو صدگ يحبها كان يحارب ويحصل عليها .

فراس: مثلك يعني أطمئن مايوصل حبو الحبك
بس لو انتَ زلمة كان عرفت تتصرف وتحافظ
؏ حبك وگلبك .

دوهــان: أنـه أختلف موافق أتعذب ولا قُــسَـم تتعذب بناري
موافق تخليني بنص الموت وتضغط علية ، واقبل جدي يدخلني
سجن وطزز بالرتبة اذا راحت اهم شي احافظ ؏ كرامتي
وعليها عشت عزيز نفس واموت نفسي عزيزة .

شغل فراس جكارة وهو يخلي ايدو بجيب بنطلونو
ويرد ؏ كلام دوهــان بس مستهين بي
فراس : مُتعب الحب من طرف واحد مو عمو دوهــان ؟

دوهــان: أسأل نفسسسسسسسسسسك عمي .

ركضت ؏ درج من تحرك دوهــان يريد يدخل البيت
فتت ركض نمت ؏ سرير أفكاري مضطربه فكرة
تاخذني والثانية ترجعني شصار جوة شصار
ياربي فراس على شنو ناوي ؟

غمضت عيني من دخل توترت ورجع گلبي يدگ سريع
صبرت نفسي ولفلفت جسم تلفلف بالغطوة بقيت بس استمع
التحركاتو هادئ لدرجة تخيلت رجع طلع او نام ، بس
من يسحب نفس من الجكارة اعرف موجود ، مرت
ساعة من الصمت والتفكير سمعت تحرك وتقرب من الكنتور
وسحب جنطة صغيرة فتح الخانة واخذ ملابسو بقيت ادحك
علية بتك عين انصدمت من يجهز بملابسو وهو ماصار غير يومين
راجع كل مرة يطول اكثر ، بقيت بمكاني ماتحركت بس استصعبت
السكوت: عندك وأجب ؟ عليش تهير جنطتك ؟

دوهــان: لا تشغلين بالچ ماكو شي نامي .

قُــسَـم : مو من عوايدك تحب تهير الجنطة بنفسك
كل مرة أنـه اجهزها شنو تغير هساع .

دوهــان: لان نايمة گلت أنـه أجهز ملابسي .

قُــسَـم: وكانون وتميم يرحون وياك ؟

دوهــان: لا بس أنـه .

قُــسَـم: أساعدك ؟

دوهــان: نامي .

قُــسَـم: عليش تخلي چثير ملابس شنو مطول ؟

دوهــان: اي اتأخر واجبي خارج الأنبار .

قُــسَـم: ومن شوكت تشتغلون خارج الأنبار ؟

دوهــان: أنـه أباشر من باجر اداوم خارج الأنبار .

قُــسَـم: وهل شغل متعلق بالتوقيع ؟

دوهــان: توقيع يا توقيع .

قُــسَـم : قبل شوية دحكت ؏ كلشي صار بينك وبين عمي .

دوهــان: ممنوع يطلع الموضوع خارج هل حجره.

قُــسَـم : الى متى راح تظل تخليهم يجبروك توقع
ويضغطون عليك بهل توقيعات شنو لازمين عليك ؟

دوهــان: يخسون يلزمون عليَّ شي تاج راسهم أنـه بس هذا شغل
وهذا التوقيع اوراق نقل مدة شهرين وتنتهي .

قُــسَـم: وين هذا الشغل بالضبط ؟

دوهــان: لا تاخذين وتنطين بالكلام چثير قُــسَـم
وتدخلين بأمور ماتعرفينها نامي وخلص .

قُــسَـم : موتك ؏ ايد جدك وفراس .

ذب حسرة ورجع جر نفس مختوگ
وهو يرد ويگعد ؏ تخم يرفع راسو : بكل الحالات أنـه ميت .

للصبح هو گاعد عيونو ماغفت ثانية
وبس طر الصبح طلع سبح ورجع ينشف
بشعرو بس بالو بعيد وكل شوية يذب حسرة
من التفكير تقدم طلع بدلتو أنتبه عليها ما مكويه
رجع يريد يكوي البدلة التفتت ادحك علية يتلمس بالبدلات
مرتبتهن ؏ ميز الكوي مكويات عرفهن
تابعات التميم وكانون ، جنت زعلانة منو وتجاهلت
بدلتو كل بدلاتهم معطرات ونظيفات ومكويات
بس بدلتو مبهذله ، شغل جكارة يشرب بيها ويلبس
بالبدلة بدون كوي متت بدمي والندم كتلني
بس كمل لبس اخذ الجنطة وطلع بدون ما يلتفت
گعدت ؏ حيلي ألوم بنفسي هساع هي بدلة رتبيها
وخليها بالكنتور استغفر الله ؏ عنادي الآكشر .

رجعت راسي ؏ مخدة وصارت بـ 8 نمت
للعشرة فكيت عيوني ام دوهــان فوك راسي : خير يا طير .

ام دوهــان: البارحة دوهــان گال ياخذني للدكتور وينو تأخر .

رديت عليها وأنه افرك بوجهي بعدها النومة بيَّ
قُــسَـم: طلع من الصبح للواجب .

ام دوهــان: يا وأجب هل كــانـــون بغرفتو هو وحرمتو
وتميم بغرفتو وتموز نايم شني بس دوهــان عندو واجب .

قُــسَـم : شعرفني بي هو جهز نفسو وطلع .

رفعت ايدها وغمتني بكل قوتها ؏ گصتي
وصاحت : يهج عليش مايهج اذا مگابل هل وجهچ المشؤوم
انوب شفايفها مشوهات والانفجار زاد التشوهات وصرتي
تلعبين النفسسسسسسسسسس .

قُــسَـم : ترحيلي فدوة ومحمد ابنچ ذابح نفسو عليَّ
بس أنـه ما اريدو ورافضتو وهج لان أنـه ما انطي وجه حلو .

ام دوهــان: وغلاتو الدوهان ؏ گلبي اذا ما ازوجو بنت الجمال
والحسب والنسب والشهادة بحيث ياهو يعرفها يصيح
نيالو دوهــان ؏ هل بنت .

قُــسَـم : زوجي وخلصيني صار سنة تهدديني نفس التهديد
وهو كل ما تفتحين الموضوع وياه يعوفچ ويشرد من سوالفچ
التعبانة .

ام دوهــان: غير گلبو متحكم بـ أفعالو مع الأسف هو لو من
البداية كاسر عيونچ احلف عليچ چان هساع انتِ محبس
بيدو مثل مايتمنى واكثر .

قُــسَـم : ايباه يريدني محبس ؟

ام دوهــان : انچعمي صوتچ المعفن ما اريد اسمعو .

عافتني وطلعت وگفت اخذتني رجلي ؏ مرايا
تلمست شفايفي والاول مرة اتذكر كلام دوهــان
مو غيرو .
دوهــان: تجذبيني لان جروحچ مميزة بعيوني .

قُــسَـم : شنو المميز شفايفي مخربطة ملامحي .

دوهــان: يعجبني اخليچ مقابيلي واصفن بشفايفچ يول
شنو مصبرني ؏ تصرفاتچ غير هل جروح .

قُــسَـم : أكره جرح الشق وبس تجيني فرصة اسوي عملية وأخفي.

دوهــان: حتى اخفيچ شحدچ يولو اموتچ يالبرنو .

قُــسَـم: هرقل لا تدخل بيَّ شفايفي وانه حره بيهن .

دوهــان: انتِ حرمتي وكل جزء بيچ ملك من ممتلكاتي .

مسحت دموعي وانه ارجع أركز بجرح الصار بالانفجار
ضرب خدي وطبع الخياط بوجهي شهگت بالبچي وتهسترت
_ اني مووووووو مشوهه ، واني مو ملك ابنچ
انتِ وهو كلامكم متناقضضض اكرهكمممممممم
اكرهچ انتِ وابنچ اني مو مشوهه يا حقيرة .

بچيت وبچيت الى ان هلكت نفسي من الصبح
تعبت مليت من كلمة مشوهه اني والله مو مشوهه
أرواحكم مشوهه تدحك العالم بعيوبكم وعيونكم المشوهه
أنـه جميلة بعين نفسي مايهمني كلامكم بس گلبي
ينزف منووووو الى متى أتحمل كلمة مشوهه
تعلمت بكل مرة أسمعها أضحك واتجاهل بس طاقتي انتهت .

عضيت إصبعي وگمت اركض للحمام دخلت جوة الدوش
غسلت نفسي وانه ادحك ؏ مرايا كل دموعي والانهيار
وگع مني وطلعت إنسانه لا بچت ولا هلكت ولا تخردلت ولا ملت
بدلت وعدلت نفسي ولبست قناع الضحك ونزلت مثل ما تعودت
تمثيلية كل يوم الحياة تسليك في تسليك .

نزلت صبحت ؏ كل وبديت مشوار الخدمات
قُــسَـم الريوك استعجلي
قُــسَـم كملتي ريوك افرشي السفرة
قُــسَـم اصعدي گعدي الشباب ياكلون
قُــسَـم الملابس كلها غسل وكوي
قُــسَـم غسلي البيت كلو
قُــسَـم اليوم المضيف هيري شيوج يجون الجدچ
قُــسَـم ساعدي عماتچ بالغداء
قُــسَـم العشاء جاهز
قُــسَـم انتِ ؏ مواعين
قُــسَـم اليوم نطلع والجهال يجون عندچ
قُــسَـم قُــسَـم قُــسَـم وكل هذا أقل زله من قُــسَـم تصير المشوهه الأنانية .

بعد يوم صعب وشاق دخلت اخر شي ؏ حمام الفوك
اريد اجلفو والبيت كلو نهز بـ أصواتهم الرجالية الخشنة
ذبيت كلشي من ايدي ونزلت أركض وشعري ملفوف
بالشال مخربط والعرق يجري ؏ جبيني وجهي اسود من التعب
دخلت ؏ صوت الغرفة جدتي ام المصايب والخطط
وسعت عيوني وصرخت مفزوعة جدي واگف حاجز بين كــانـــون
وعمي فراس واثنينهم بقمة الغضب مو اب وابنو صايرين أعداء.

فراس : تتهدد شني غايتك تضرررررررربني يولوووو
سويتها وطبرتك ومستعد اذا تجاسر أحملك ايدددددك كلب .

كــانـــون : وينوووووو بس فهمني شلون قنعتوووووو .

فراس : شني دوهــان صغير عقلو براسو يعرف خلاصو .

كــانـــون : خلاصو يروح ؏ موصل ياااااااا كائنات
الموووووصل ساقطة ساقطة بيد التنظيم يعني راح
للموووووت قنعتوووو بالموت .

ام دوهــان : يمممممممممه ابني بالموصل يبوووووووووووو
يمممممممممههههه دخيلك ربي لااااااااااااا ول كــانـــون يمههههه
اريد ابني ماعندي غيرررررو .

كــانـــون : هذا مقابيلچ فراس قنع ابنچ بنص يروح بنص ام المووووت
شلون وليش وشوكت ما اعرف بس هو السبب .

گضبت راسي وانه أشر ؏ بره تقدمت
وانه اركز بوجهو واستفسر منو : يعني البارحة خليتو يوقع
؏ موتو ، انتَ تريدها انتَ جبرتو وهو مايريد يوقع بس
ما اعرف بشنو ضحكت علية الى أن وافق.

دحك علية بحقد وكمز يريد يضربني دفعو
كــانـــون وصاح وهو يشتاط غضب: توقيععععععععععع
ياااا توقيعععع هذا يا ورقة وين الورق وينووووووووو
بشنو تهدد هل مهبول ويوقع .

طلع الورقة وشمرها بوجه كــانـــون بس يريدو
يبتعد منو لان ضاق المكان علية ويعرف من يعصب
ابنو يفقد اخذها كانون يقراها ومتعجب : تستغل نقطة ضعفو
وتقدم عروض مغرية حتى يمووووت عليش تخلي يوقع ويتعب بلغ
تريد الموت للأحفاد حتى نروح منكممممممممم .

فراس : ماتعرف تسولف أنـه عندي غاية من هل عقد .

كــانـــون : الغاية واضحه تريدو يموووت ماكو غيرها
لان ليش بدون سابق انذار وبدون علم احد بالعائلة تخلي يتوجه للموصل .

فراس : يول ومحمد صح خليت شروط وعروض
بس كل ظني يخاف ومايروح وانه بلغتو هو رايح للموت
وحذرتو من المكان بس هو مصر يروح .

ابو دوهــان : عليش مصر يروح فهمني لا تسولف الغاز .

فراس : طلب يفصخ عقد شروط زواجو من قُــسَـم
وانه ردت يخاف بلغتو اذا يروح ؏ موصل يخدم شهرين
ومن يرجع افصخ العقد بيني وبين نفسي كل ظني راح يخاف لان يعرفها
سقطت بس سواها صدگ وراح وانه مصدوم حالي من حالكم .

كــانـــون : شنو تستفاد من هل خباثة أنـه عقلي ما يستوعب
هل كم من الأنانية والحقاره انتَ من شنوووووو مصنوععع .

فراس : لا تجاااااوززززززز لا افرغ الشاجور براسك .

كــانـــون : اتحاوووووز ونصصصصصصصصص .

فراس : اني معذب نفسي الخاطر تعيش انتَ واخوك
بـ أحسن حال تريد دوهــان يطلگ هل عار قُــسَـم
ويرجع دركْان يطالب بيهااااااا .

كــانـــون : صحح الخطأ وحرر قُــسَـم ودوهان من العقد
ليش تكبرررر الحقد بينهم ودركان يعرف مصلحتو وين .

فراس : يولووووو من جانت بنت ماقبلت تاخذ ابني الدرباس
تريد بعد ماتصير مطلگة وابن عمو لاعب بيها وشابع منها
وعلى اي لحظة تصيح اه حامل بهل بساطة تريد اعدم كل
تعبي ويرجع ابني الصايم يفطر بـ اچل مأكول منو
؏ جثتي ابني ياخذهاااااا ومحمددددددددددد اموتهاااااا
وما اخليها تاخذ ابني .

من صعوبة كلامو والكل خجلو من كلامو هجست
بـ إي ثانية ينغمي علية طلعت أركض اسمع بكانون
فلش الغرفة وهو يصرخ : أستحي اعترف بيكككككككك
ابوية خجلان من نفسي لان اسمي ؏ اسمك فشلتني والله
فشلتني شنو هذا تفكيرك انتَ مو بشررر احلف عليك ابليسسسسس
ماكو هيج منطق ماكو هيج عقل شيطاني مكار گبحي
دواك عندي بعد ما اخلي احد يتصرف وياك أنـه أستلمك .

فراس :تستلمني شنووو أنـه فرررراس لا انتَ ولا جيش مثلك
يهزون شعرايه من راسي ، وتفكيري يتنفذ يعني يتنفذ
دوهــان يظل زوج قُــسَـم للممات وفرضًا اذا نفصلوا
مستحيل قُــسَـم تتزوج دركْان وداعت امي وابوي اموتها
وشرط تنطبخ بعرس الدرباس ، حلوة هااايييي ابني ياخذ مشوهه
لا ومريضة بالسكري لا اطفال بيهم خير ولا زواج كامل غددددي .

كــانـــون : انتَ لا ذمة ولا ضمير ماعندي حجي وياك
بس دليني مكان دوهــان وين يا منطقة توجه .

فراس : اليوم طلعت سيارتهم توجهت للموصل والعميد
ياسين مسؤول ؏ سيارتهم خابرو وأستفسر منو بس
ممنوع منعًا باتًا تتوجهون للموصل انتَ ولد عمك
هو فكر ، ونفذ ، يعرف يساعد نفسو لا تتورطون وياه .

كــانـــون : بكل لحظة تلعب نفسي من نفسي لان انتَ
ابوية ، انعل ابو الرتبة اذا توصل الآنسان الهل طمع والجشع .

طلع كــانـــون وصلت النهاية الدرج تَـــمــوز كاعد
بالممر يستمع الكلامهم ويسولف بالتلفون نهرج
البيت هرج بصوت عمتي ام دوهــان ادگ وتلطم
الى ان انتهت وگعت متخربطه ونقلوها للمستوصف
الوحيد ظل مفتوح بعد جرائم الارهاب .

من الخجل ما اگدر ادحك بوجهه دخلت للغرفة
بس ملابسي وجسمي تلف من التنظيف اخذت
هدومي وسبحت بسرعة ورجعت گعدت بنفس
مكانو البارحة ودموعي تسيل ؏ خدي
واحد بنص داعش والثاني راح المحافظة
سقطت بيد داعش واثنينكم بـ إي ثانية ترجعون
بچفن وتابوت وكل هذا بسببي وانه والله ما اريد
كل هذا يصير حالي من حالكم متعذبة مثل ما انتوا
متعذبيني عليش تزيدوها عليَّ اذا صار بيكم
شي أنـه انتهي واهلكم يموتوني قبل لا استوعب
خليتوني عايشة بقلق وعذاب إلى متى ...

مر وقت بين الدموع وعذابي سمعتهم رجعوا
اريد أنزل اعرف شصار وندفع الباب نرگع بالحايط
وفاتت ام دوهــان مكفكفه اديناتها وتسب وتعد
بلا خجل ولا حسب : كلو منچ الله يهجم راسچ وبيتچ وبيت الخلفچ
يولوووووو انتِ شني من بشرررر خليتي ابني يروح من ايدي .

قُــسَـم : گادره بس علية روحـي الفراس هو ورط ابنچ
ودفعوا يوقع اوراق موووت أنـه لا عندي علم ولا ..

بعدني ماكملت گضبتني من ملابس وخلتهن نصين
وگعت ضرب ؏ راسي وبطني : لعبتي ؏ زلمممممم يولوووو
هجمت بيوتنا شني جابتچ امچ تعلعلين گلبي هذاك دريكان لعب بيچ
ومل وعافچ بحجة هاا زوجوها وخلصها يتختل بيچ
بالغرف والحمامات تالي ما تالي راح واخذتي ابني بعتي
مثاليات براسوووووو ومانعتو من كل حقوقو وخليتي يناشغ
بحضني ليل ونهار يصرخ احبها يمه وهي تكرهني
كرهچ الله ويعثرچ بكل خطوة تخطيها يالفوصه .

دفعت ايدها مني وصرخت بعلو صوتي
مدري انهار من الضرب لو من كلامها
ألي مايلبس علية ثوب ، فاتت امي تمالخت
هي وياها وحدة تضرب بالثانية وحدة
تگلها ابنچ هتر وراح والثانية تگلها من
وره بنتچ العار هج دگيت ولطمت ؏ وجهي
بس اريد وحده تعوف الثانية ماكوو طلعت
وكفت بالممر أصرخ واملخ بوجهي من ادحك
شصار بحالهن : وينكمممممم تذابحن وينكممممم .

صعد ابوية وابو دوهــان كل ظني يفاككون بيهن
بس هذولي قفلوا الباب عليهن وبالحزام يضربون
والصراخ رج البيت رج نزلت مثل المخبلة
اضرب بالبوب فتت الغرفة جدتي صار فراس مقابيلي
عرفت هو شاحنهم عليهن ودافعهم حتى يضربوهن
وهو گاعد مخلي رجل ؏ رجل مترهي ويشرب جكارة
ويضحك هو وامو بس دحكني موجودة صاح بيَّ : حدري يمي .

اشرت ؏ درج وصحت بصوت يرجف : عمو اصعد الله يخليك .

ضغط ؏ اسنانو ونظرات الحقد واضحه كالشمس
بعيونو وتكلم بتحدي وأضح : ابقي ؏ عنادچ واهلچ كلهم ينتهون
جدامج وما اكتفي لهنا اكمل عليچ وازوجج الواحد مهبول .

قُــسَـم : بشنو غلطت وياك عمي المفروض تحسبني بنتك
حرام عليك والله دمرتني وكرهت حياتي بسببك وخسرت
نفسي وكلشي احبو .

فراس : ألي تحبي ابني ملكي وعلى موتي ما تنجمعون
أصلًا بعد زحمة كلكم بيت واحد ابن عمو اخذچ العالم
ياكلون راسكم اذا تنفصلين وتاخذين ابن عم زوجج .

قُــسَـم : كل هذا بسببك انتَ حسابك ثجيل عند ربك .

دفعني بكل قوتو خارج الغرفة وگعني بحيث
الارضية زلغت رجليناتي رجعت صعدت بيَّ ما بيَّ
فوك دحكت ذهب بالباب أيدها ؏ شفايفها مصدومة
بقيت اضرب بالباب وأصرخ بصوت مفزوع : بابا كاااافي
ابوس ايدكم كافي بابا .

فتح الباب اثنينهن مخلصين عليهن وحتى
لحزام مگطع ومشمور بالارض ركضت
؏ امي دفعتني منها وسندت نفسها وطلعت
مشيت وراها اسندها رغم أنـه من الضرب
خشمي يجري دم وما ادري بروحي دفعتني منها
اخذتني ذهب فوتتني للغرفة تعدل بشعري وتمسح
بوجهي بالكلينكس حضنتها وانفجرت ابچي من
ظلم اهلي وناسي .

ذَهــب : يا عيوني سودة علية شمسوين بيچ
حسبي الله ونعم الوكيل عليهم شنو من بشر .

قُــسَـم : تخردلت شوكت الله ياخذ امانتو وارتاح .

ذَهــب: بعدچ صغيرة يا گلبي ميخالف اليوم صعب باجر تهون
وترجع تصعب هي هاي الحياة ماكو احد مرتاح بيها
الظروف صعبة عند الكون كلو مو بس يمچ بس انتِ وانه
مصائبنا يمكن ارحم اكو عالم بنص الموت ، ونساء تتعذب كل يوم
وتغتصب ونساء يموتون اطفالهن ونساء محرومات من الأطفال
واكو نساء أسيرات داعش واكو زلم طاغين ورجال متعذبين
وأقرب مثال دوهــان وقع ؏ تعهد حتى يروح وما يكون سبب
بـ أذيتچ .

قُــسَـم : وقبل دوهــان دركان هج منهم ومن الظلم والتجبر .

ذَهــب: منو دركْان .

قُــسَـم : اخو كــانـــون الكبير وحاليًا هو بنص داعش .

ذَهــب: شيسوي بنص داعش ؟

كــانـــون : قُــسَـم قُــسَـم قُــسَـم شصايرررررر هين .

من علو صوتو وگفت وذهب ابتعدت گعدت
؏ مجراد حكت خشمها وتدحك بالفراغ
قُــسَـم: صار ذابح ومذبوح تعبت من هل بيت طلعني من هين .

ذَهــب: كــانـــون عندك اخ ؟

بلع ريگو ومن نظراتها حسيتها تحچي بعصبية وتحدي
رفع كــانـــون حاجبو ورجع ايدو للخلف
_ قُــسَـم احنا بحال مكاون مو عيب يعني نحير بالبيت
لو بدوهان الطالع على اخطر منطقة بالموصل ؟

قُــسَـم: أنـه شنو ذنبي انضرب ومحمد ما ادري بي
طالع ؏ موصل كل ظني واجب جديد بس بعيد عنكم وبغير مركز .

تَـــمــوز : حجيت ونبهت عاملي دوهان
تعامل محترم ومثل قبل وانتِ اصريتي
تجاهلين كلامنا يعني لا بكلام زين وهو ينتبه
؏ تعاملچ ويانه شلون حلو وهو كلامچ وياه نتر
ملابسنا كاملة ملابسو مال ميت
اچلنا جاهز اچلو اخر اهتماماتچ
ما يصير عيب ابوية وقميص يوزر سيف زحمة .

قُــسَـم : طلعتوني أنـه الوحيدة غلطانة ؟

كــانـــون : الغلط لا منچ ولا منو .

قُــسَـم : كمل كــانـــون كمل ؏ صار اليوم عرفت الغلطان الوحيد
بكل هل مهزلة اخوووووووك دركْان خلاني بنص النار وراح
مع العلم يعرفهم مو اوادم وحوشششش بشرية گلوبهم ذرة رحمة
مابيها وگطعت الو وعد وهو وعدني وراحححححح زين شنو يريد
اني وحدي أحارب ويرجع هو ؏ حاضر يلگي كُلشي جاهز
لا حارب حتى يحافظ علية ولا حاول يرجعععععع أختفى
وبهل حرب محد خسر غيري وغير دوهــان
بلغ أخوك حقو سقط مني .

اريد اطلع سحبني تَـــمــوز من ايدي وصاح
وعيونو صارت حمرة دم : يولوووو لا تخربطين .

قُــسَـم : بعد ما أحارب الخاطر انسان باعني وراح
لا حماني ولا حافظ علية وحدي احترگ
ونارهم اكلتني وحدي بدل ما يحارب داعش عليش ما حارب
اهلو الخاطري بس هووووو راضي ؏ سوالفهممممم
والدليل راح وما رجع .

تَـــمــوز : عندو مهمة وصعب يعرفها اذا ما يخلصها .

قُــسَـم : اي خلي المهمة تفيدوووووو .

تركتهم وطلعت وتموز طلع اسمع صوت
ذهب تحچي هو وكانون وما اعرف شصار
بس سمعت صوت تكسير بغرفتهم غسلت
وجهي ودخلت للغرفة صايرة مهزلة رتبتها
وبقيت بيها بعد ما طلعت ابد .

الثاني يوم الظهر فكيت بابي ادحك باب حجره
كــانـــون مفتوحه مشيت الهم جفلت من صوت
تَـــمــوز : رجعوا البيتهم .

قُــسَـم : تقصد بيتك .

تَـــمــوز : اي صح .

قُــسَـم : حقهم البيت مهجوم هجم وزوجتو مريضة
وبكل مشكلة تشكل عدها النوبة ، المهم تحدد موقع
دوهــان ؟

تَـــمــوز : لا خبر ولا حس ماكو أختفى من البارحة
الموصل مابيها شبكات إتصال وسياراتهم ما رجعت
اذا يتأخر نروح ندور عليهم .

التفتت ؏ درج ؏ صوت النحيب نزلت اني وتموز
دحكت عمي ابو دوهــان وتميم شايلين عمتي
ام دوهــان صايرة جثة وجهه ازرگ .

ام فراس : شلون اثنين واكفين يتشمتون
ألكم يوووم يا عارات الدليمممممممم .

تَـــمــوز : مو إنزل بنفخه مني تشوفين اجدادچ وحق
قمبص يوزر سيف .

قُــسَـم : لا دوخ نفسك وياها هو الباطل يظل عمرو كلو باطل .

طلع جدي من الغرفة وعاط بصوت
زلزل اذني وكلبي منو : لاااااااااا يا عااااااار تجاوزين يولووووو
صوتچ طالعععععععععغغ .

تَـــمــوز : وليش ما يطلعععع مسوية مكسورة .

ابو فراس: ول يالعار لا تدخل لا اخابر فراس
يطيح حظك وحظ الخلفوك ، وانتِ سهلة اليوم
اخليج مكسورة بنت الحيوانات .

صعدت وتركتو يسب ويعد وحدو وتموز
وياه وياه كلمة بكلمة ، للعصر رجعوها
وصعد أبوية عيونو براسو : أمشي انزلي خدمي عمتچ
ماعدها بنية تساعدها وتحتاج خدمة .

قُــسَـم : وين اطيق تدحك بوجهي يعني تشتري مغثه الـ بنتك .

ابو تُــمــيم : بحسبة امچ غصبًا ما عليچ تحترمين وتتحملين
كل كلامها ماعدنا احد يساعد بالبيت غيرچ طببي من اذن
وطلعي من الثانية .

قُــسَـم : امس موتتني هل حرمة من الضرب تريد أرجع احجي وياها
لا واخدمها واخدمهم ؏ غلط والسب المفروض أطلعني
من هل مهجوم اني انذليت يابه انذليت وتهموني اتختل انه
ودر ...

فراس : لا تذكرين اسم ابني ؏ لسانچ لا اگضبووو واگصوووو
و انعل هيد هيداج واريد ادحك واحد يمنعني .

قُــسَـم: حسبي الله ونعم الوكيل عليك ما اگول غيرها .

هجم علية سحلني من شعري ونزلني ؏ درج
جر بلا احساس ولا عطف صرخت ورفعت ايدي من دحكت
ابوية يدحك علية من فوك رفعت أيدي وتوسلت
قُــسَـم: يابه خلصني راسي شعري تگطععععع باباااااااااااا
الله يخليك حدر اخذني منووووووووو .

كمل الدرج وسحلني فتح باب حجره ام دوهــان
هي گاعدة تلطم وتبچي وكلهم حواليها شمرني
جوة رجلها وصاح بعلو صوتو : ماعدنا نسوان تعصي كلامنا
واذا بيوم وحدة تفكر تخالف وتغلط هل غلط يكلفها حياتها
خوية ام دوهــان هاي العار جنتچ خدمة جوة اقدامچ
واذا فكرت بس فكرت تعترض اقلعها من الكرة الأرضية
بهاااييييي أيدي ومن اليوم تعاملها ويايَّ مباشرةً الظاهر
اخوي مايعرف يتصرف وياهه ، الفترة الفاتت دوهان واكف بعيني
ويمنعني ادخل بيهم وما يرضى واحد يحاسبها بس
حتى دوهان طفش منها بعد علاجها عندي طغت الچلبة .

ادحك ؏ عمتي انتعشت تبچي ؏ دوهــان بس
تشمتت بحالي ، طلع فراس بقيت ؏ حالي
؏ ارض بس صوت نحيبي مسموع فشلت
وجهي صار اصفر .

ابو دوهــان : اخذي عمتچ للحمام تسبح وبيدچ تغسليها .

راسي افتر من الوجع والسحل بس بلحظتها خفت افتح حلگي
وأرفض تقربت عليها اخذها دفعتني بكل قوتها وهي تصيح
_ هيري ملابسي بالحمام .

فكيت الكنتور جهزت الملابس والحمام واخذتها
بيدي غسلتها ونشفت جسمها ولبستها ملابسها
ودموعي تجري ؏ خدي من كمية الإهانة
والرخص من أهلي ، فوتتها للغرفة أريد اشرد
الغرفتي صاحت بيَّ : حدري شسوري شعري باردة .

دحك عليها عمي خزرني اريد اخلي الشسوار براسها والله
جبرت نفسي انشف بشعرها وهو يدحك علية من بعيد
بس كملت غطيتها بالفراش وقبل
لا اطلع صاح: ساعة واريد شوربة الدجاج عند عمتچ تاكل من
البارحة بطنها فارغة .

اني وملابسي المبللة فتت للمطبخ بكل ما تبقى من حيل
جهزت الشوربة واخذتها الغرفتهم خليتها ؏ ميز
صاح : وين حدري بيدچ توكلين عمتچ .

قُــسَـم : عمي ملابسي كلهن مي تتبلل الجرباية .

ابو دوهــان: لا ما تتبلل حدري .

مسحت دموعي وگعدت اوكلها بس روحـي رخصت عندي
بلحظتها كل محاولات الانتحار فكرت بيها ، كملتها
وشربت العلاج وطلعت صعدت قفلت الباب علية وملخت
روحـي تملخ وجهي من الخراميش زاد التشوهه بي
ماكووو هيج اهل ماكووووووو شلون اهون عليهممممم
ولا واحد بيهم يحميني من فررررراسسسسسسسسس
شوكت اخلصصصصص شلووون اظل هذا حالي
جنت مخلصه منووو ومن تحكمو والضرب مالتو
بوجود دوهــان وبس راح رجع نفس الحال يضرب
ويغلط الله لا يوفقكككككككككك ذلني ذل الله يعثركم و يذلكم .

فقدت من التعب والبچي والطم نمت ؏ ارض اني
وملابسي المليانه مي ، والجو ثلج ماحسيت من
حرارة گلبي ، الثاني يوم من الستة اندگ الباب
طلعت لگيتها امي ما تدحك علية : انزلي عمچ فراس يريدچ .

بدلت ملابسي هي فاتت ويايَّ وگفت تعاتب
ام قُــسَـم : كم مرة نبهت عليچ تكسبين زلمتچ ما تاخذين بكلامي
هساع هو طفش وكانون اخذ حرمتو وراح وفراس طلگ
رضية وتموز اخذ امو وطلع وتميم بالدوام وابوچ وانه تعرفين
كلششش زين ما نكسر كلمة من فراس لان ما يخاف الله هساع
انتِ منووووو يحميچ منووو منو يفيدچ دركْان إلي ما كلف نفسو
ورفع تلفون وطمئن عليچ ، يلة هاي محد موجود خلي يرجعع
ياخذ حقچ منهممممممممم ، اوووووفففففف منچ اوووووفففففففف
كم مرة انصح بيچ بس ماكو فايدة.

قُــسَـم : عوفيني بحالي لا اشرد منكم ومحمد روحـي طلعت
وخلص صبرررري منكم .

ام قُــسَـم: وهاي كل قوتچ يا طايحة الحظ .

غمتني وطلعت متعصبه مني نزلت لگيتهم
ياكل هو وعمامي وجدي : تريدوني .

ابو فراس : اكو شي اسمووو سلام ؏ كباريه .

قُــسَـم : صباح الخير .

فراس : كل يوم الساعة 6 الصبح تگعدين تكملين شغل البيت بـ 10
وتصعدين الج ساعة استراحة تنزلين بعدها تباشرين شفت ظهري
غداء متطلبات البيت كلها تكمليها الساعة بـ 5 العصر تاخذين استراحة
وبـ 6 العصر دحكت مسائي للساعة بـ 12 يخلص لان ماكو
غيرج يخلص اعمالنا والمتطلبات ، رضية راحت ، وام دوهــان
من اعمالچ الخايسة مريضة ؏ أبنها ، وامچ مضروبة براسها ابوچ
ضربها بسببچ البيت كلووووو مهجوم من وره زرزوره .

قُــسَـم: وبعد اكو احد ثاني عندو رزايل ضرب
عادي بعد المهانة بفلس بفضل أهلي .

فراس: اطلعي كملي بسرعة .

ضحكت بستهزاء وطلعت بلشت شغل من فوك لگراج
خلصت ؏ نفس الوقت المحدد صعدت سبحت وعدلت
الغرفة وغسلت شكو ملابس عندي ونزلت ؏ وگت
جهزت الأكل وافتر مثل الخدامة بالضبط ويمكن
الخدامة يحترموها اكثر مني ، وعمتي اخذتها
حجه كل خمس دقايق توگع وتتخربط وقسم
تورطي غسل علاج اچل تبديل صارت حالها
حال الطفل والسب والغلط مالتها ما يلبس علية
ثوب الكلمة والثانية وصاحت ام الزلم تعرفين
بس تختلين وية الزلم .

قبل لا اصعد نزلت دجلة وبناتها وحدة دگول للثانية
أنـه انافسچ بالجمال والملابس المرتبة والعطر الرنان
دخلن ؏ عمتي عفتهن وصعدت نمت ساعة لان عيوني انتهت
ولا اچل ولا شرب گضبني هبوط لليل نزلت جهزت كلشي
وكويت ملابس الكل وعطرت البيت وصعدت منتهية ؏ اخير
بحيث ما اتذكر شلون نمت ؏ مخدة .

ويوم يعت يوم يمر تزيد معاملتهم السيئة ما تقل
بالأخص من يسألون ؏ دوهــان وماكو لا اخبار
ولا عنوان ، الضرب من عمتي وعمي فراس
يكثر والغلط يطور عدهم وجدتي اخخخخخخخ
كل السم منها تدفع الكل علية .

مشاكلهم كلهم ما تنتهي عمي فراس كل شوية
متعارك ؏ رضية وتموز بوجهو ، وعرفت بالصدفة
مطلگ ام الطفل ومرجعها البغداد البيت أهلها
وكلهم مصدومين شلون بهل بساطة قبل يطلگ نسوانو .

ام قُــسَـم : غسلي اخر شي الگراج وروحي فوك .

بچيت من كل خاطري وشمرت الماسحة ؏ حايط
وعطت منهارة : كاااافيييي بعد ما اتحمل من الصبح
؏ فد تنظيف تركيب شصيررر رحمي حالي
متتتتتتتت بس اريد ارتاح ساعة وحدة وباجر اكمل .

ام قُــسَـم : البارحة مو عفتي الكراج ما مغسول ورجع
فراس بـ 2 بليل خلاچ تغسلين البيت من جديد .

قُــسَـم : بس والله تعبت شسوي فهميني عيوني بعد
ما اگدر افتحهن بس ساعة انام وارجع انزل
ومحمد ما نايمة ابد .

ام قُــسَـم : روحـي يمعووودة اني اكمل .

ما صدگت صعدت أركض وافرك بعيوني
دخلت للغرفة باردة ماهتميت سحبت
البطانية لفلفت نفسي وبدون تفكير نمت چفي .

أهتز جسمي ؏ صوت فتح الباب تململت
وعدلت جسمي وكل ظني امي تريدني
وصار الصبح بس ما سمعت صوتها
ركزت أكثر وفكيت عيوني گضبتني
رجفة بكل انحاء جسمي من دحكت طولو
زحفت ؏ جرباية بدون تفكير كلي لهفة
گمزت بحظنو طوقت بطنو بيدي
وانه اصرخ ودموعي اخذت مسارها ؏ خدي
قُــسَـم : دووووووهان انتَ وين عفتني ورحت وين .

ظل مصدوم جامد بمكانو بس جسمو كلو تشنج
رفعت راسي وتلمست وجهو بيدي همست
بعدم تصديق واني افرك بعيوني : ما اصدگ رجعت ليش
تروح وتعذبني أنـه ما استاهل هل عذاب .

بعيونو شايل حزن الكون كلو بيها
رجعت حظنتو وجسمي يهتز من البچي
گضب وجهي وهمس : شمسوين بيچ !!!

قُــسَـم : بعد لا تروح حباب لا تروح .

بلع ريگو واقترب اخذ شفايفي بين شفايفو
وهو يعصرني بحظنو متلهف ايدو ترعش
من الاندفاع سحبت نفسي ورجعت راسي
؏ صدرو عرفني بعدني ؏ نفس وضعي
سحب نفسو وهو يبعد نظراتو عني همس : اذا ما بيها تعب عليچ
رايح اسبح بس هيري ملابسي .

قبل لا يسمع جوابي تركني وطلع للحمام جهزت الملابس
دقايق ورجع دخل يمشي بكل عجز اخذ الملابس بدل
اني وياه وياه ادحك علية بعدم تصديق تركني وراح ؏
جرباية قبل لا ينام نبهني : انام وقبل أذان الفجر ضروري تگعديني .

نام ؏ جرباية وهو يتألم مبين علية صار چثير ما نايم
بحيث هو ينزل ظهرو ويصيح : اخخخخخ بوية اخخخخ ظهري .

الى ان نام بس كل ثانية يجفل وجسمو يهتز
ويعرگ وجهو وجسمو يصب عرگ وهو
الجو بارد ، لأول مرة اصفن بوجه دوهــان
بس عدت كل حسابات حياتي وقلبتها الصالحي .

اخذني التفكير والآذان فات والنهار طلع
فزيت من التخم وگفت من علو الصوت
بقيت ارعش وادحك ؏ دوهــان نهض
مفزوع يلبس بالبجامة ونزل يركض بس
بالفانيلة نزلت ؏ صوت بالمضيف
طلعت امشي سريع دخل دوهــان وانه
بقيت جامدة بمكاني ادحك ؏ بنية
تجي بعمري وأگفين عمامي وجدي
فوك راسها وحتى كــانـــون موجود
وتميم ونسوان البيت كلهن سحبها
دوهــان من أيدها وصاح بيهم : شبلاكم ؏ بنت هاي بحمايتي
أنـه جبتها ويايَّ لا تقتربون منها ولا واحد بيكم يفك اثموووووو .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد