رواية تجبر أحفاد الــ دليم الفصل السادس والعشرون 26 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _32 _

والفرح طر المدينه ، وانطى للناس التريده
دگدگ البيبان كلهه ، ومن وصلنه انشلت ايده.

ملكات قلبي لطفًا لا تنسون التصويت ؏ بارتات بوساتي
<><><><><><><><><>
هَــيـلانـة ...

گاعدة اكل بـ أظافري وأفكر وعيوني مغوشات من البچي
صوت امي كلامها حنانها علية ما يفارگوني لحظة
هجست كلشي بهت بروحي وحتى ماعندي دافع اطلع
من هل مكان القذر .

بعدني بقهري وضعفي ودخل علية الداعشي الــســفــاح
_ ها آم الاتفاقات شعندچ گاعدة وتخططين.

هَــيـلانـة: محتارة شلون اخطط راسك .

الــســفــاح: تخططين راسي لو تخططين شلون تستحوذين ؏ راسي .

هَــيـلانـة: شعندك بالغرفة ممنوع تنام هين .

الــســفــاح : يولو هاي غرفتي الخاصة وانه
مو روبوت أريد ارتاح صار يومين طالع
اطلعي من الغرفة وخليني انام وساعتين
ومن اطلع ارجعي گفي ؏ بيضاتچ .

هَــيـلانـة: انتَ تعرف بروحك ما تنبلععععع حالك
عظم السمچ ، تريدهم يضربوني ما اطلعععع .

الــســفــاح: شعور متبادل يولو يالخوثه
أمشي اطلعي روحـي للمخزن عزيز
گاعد هساع رجع وحتى من ينام انتِ
تگدرين تبقين گاعدة واخلص منچ ومن
شرچ يالعوبه ام نصصصصص عقل .

هَــيـلانـة: لا تغلططط لا تغلط تستفززززز

الــســفــاح: شسويتي بموضوع اختچ ؟

هَــيـلانـة: عليش تدخل .

الــســفــاح: تريدين ما أدخل ؟

هَــيـلانـة: أي طبعًا.

الــســفــاح: عجل من توگعين بمصيبة لا تصيحين حدر ساعدني .

هَــيـلانـة: اني ما ازكح حدر ساعدني انتَ وحدك تركض وتساعدني .

الــســفــاح : الخاطر عزيز هي لو تظل عليَّ
اخليچ زرزور بيدهن تنگلبين نواصه واگعد ادحك عليچ واضحك .

هَــيـلانـة: أنـه نواصه ؟

الــســفــاح: اي ومحمد تنوصين اربعة وعشرين ساعة
أصلًا بس اسمع نواصه اتذكرچ .

هَــيـلانـة: عيب عليك تتذكر بنوات العالم
وبعدين اذا اني نواصه تدري انتَ شنووووو ؟

الــســفــاح: لا ..

هَــيـلانـة: مرة رحت الحديقة الحيوانات
دحكت على اسد جواعان ويصيح انت وياه نفس الصوت
تخوف مخادع غدار مثلو بالضبط شكبرك ايععععععع.

رفع حاجبو وهو يحاول يخفي ابتسامتو
الحقيره : هي هاي الحقيقة انه الــدربـاس .

مشيت اخذت شالي وتعديتو اريد اطلع
تكلم بتلاعب يمثل عدم الاهتمام : تعرفين اقل غلط منچ تسلمين
اختچ بيد جلاد ، ولازم تفكرين اخوچ عزيز يريد يخلص
نفسو ويخلصچ من ايدهممم وانتِ بكل بساطة راح تكملين العائلة
الجلاد وراح يمثل بـ جثثكم .

هَــيـلانـة: منو گال اريد اسلم اختي أنـه
بس اتمنى اعرف عليش موتتهم .

تقرب وبنبرة تحذيرية نبهني : لان جلاد دفعهم ياخذون راس البنية
ألي گطع راسهه جدامچ وبلغوهه هذا راسچ وهي فصلت لان خافت
عليچ ودفعوها تجتل شخص ساعدهه اضطرت تموتهم المفروض
بدون ما احچي تعرفين اختچ شنو ، أنـه عرفتهه من خلال كلام
عزيز وعرفتهه هي شنو وحسب ما عرفت هي بخطر بس حتى
تحميكم وطلعكم من هين وعرفت اختچ مريضة بمرض خطر .

هَــيـلانـة: افتهم انتَ ضد جلاد ومع ذَهــب ؟

تخردلت اوضاعو ونفر من الجواب
وگف بالباب وصاح : اطلعي برة لا أخلع عگلچ
شنييييييي يول الله عگلچ طالع أجازه .

طلعت منو وعگلي تخربط خفت يطلع كلامو صحيح
ولمجرد ما تخيلت ذَهــب دحكت الراس ؏ ان هل راس
راسي الموقف هزني هز ركضت للمخزن فكيت
الباب تلگاني عزيز اخذني بحضنو : شسوي عزيز بس اريد ادحگ
بعيون ذهب اريد تصارحني عليش موتت ابوية وامي مو تدري بيهم
جلاد متحكم بيهم من الخوف ما يعرفون يتصرفون وياه عليش موتتهم .

عزيز: هَــيـلانـة أهلي موتتهم وحياتهم واحد وراهم
بس التعب والصدمات ، اسمعيني زين خلي ثقتچ
بذهب عالية اختچ ما تغلط ذَهــب انتحرت بس
حتى تحميني وتحميچ ودخلت بنص عائلة عبارة عن
رتب ومعروفين بالدولة بشراستهم بس حتى نطلع
وتخلصچ ، لا تفكرين بـ اهل لان ذهب ام واب .

هَــيـلانـة: شوكت نخلص فهمني ؟

عزيز : وعد زلمة اطلعچ من هين بس اصبري
وامشي وره كلامي لا تتحركين خطوة وحدة بعدون علمي متفقين .

هَــيـلانـة: إبتعد عن الــســفــاح .

عزيز : هذا من بعدي تنفذين كلامو لان هو راح يطلعچ
ويطلعني الــســفــاح هو حبل الخلاص .

هَــيـلانـة: بس أنـه انرعب من ادحگ بوجهو .

عزيز : الــســفــاح ضابط برتبة رائد متخفي بزي داعش
حتى يخلص الأبرياء هذا بطل من ابطال العراق الخالدين .

الــســفــاح: الله يعثرك ؏ هل عثرة يول انتَ غبي شلون تحچي.

عزيز : حتى تبطل تهدد .

نزلت راسي وبس عيوني تدحك علية وعلى ملامحي
ابتسامة الشر : كشفتك روحك بين ايدي .

الــســفــاح: اجتل روحـي .

ضحكت وگفت أنفض بملابسي
_ بعد ممنوع تدخل للغرفة وخلال اسبوع اريد اطلع
من هل مكان لا اروح ابلغ جلاد عليك .

راح العزيز ضربو ؏ راسو وصاح
وهو يشتاط غضب : امووووتك هساع يول .

هَــيـلانـة: يول أحترم من توگف جدامي ممنوع تضرب أخوية .

الــســفــاح: استغفر الله شلون هساع افقد عليهم .

وگفت بالباب قبل لا افتحو همست ببتسامة
_ أمزح وياك كبرت بعيوني طلعت مو داعشي .

الــســفــاح: اطلعي بالممر احجي .

هَــيـلانـة: صوتي ناصي ما ينسمع .

الــســفــاح: قصدچ ينوص .

طلعت وانه اضحك رحت للغرفة وهو اجه ورايَّ
ياخذ بالغراض يريد يطلع : مو گلت تريد تنام ؟

الــســفــاح: طارت نومتي من وراچ انتِ واخوچ .

هَــيـلانـة: حدر نام لا تخاف سرك ينباع براشدي .

الــســفــاح : بعد عيني اجلناها .

انوب نذب عليَّ ضحك وهو من يدحك اضحك
ينرعب تالي تعبت نفسيتو راد يطلع وصاح : تاليتي اخاف
من نواصه وسفه ؏ الوكت وسفه .

بس طلع فكيت جنطة بيها كل ملابسو ادحك بيها اريد شي
يثبت كلامهم صحيح ومو مجرد يريد يسكتوني عنهم
بكثر ما المكان قذر حتى بـ اخوية صعب اثق
بس ماكو شي مهم بالجنط بس ملابس الزي الإسلامي
ومرتبهن بعناية بنفس مكانهن لان ماكو كنتور .

صارت الساعة بـ 9 بليل اربع بنات من جماعتهم لابسات
اسود بـ اسود يوزعن وجبات العشاء ؏ كل الغرفة اخذت
وجبتي وسديت الباب ولازم بس اخلص تنطفي الشمعة
اكلت شوية وخليت راسي ؏ مخدة بعدني ما نايمة ودخل
فرش فراشو بدون ما يحچي عبالو نايمة لحظات بس
وصوت انفاسو انتظمت عرفتو نام ، التفتت ادحك
علية وجهو متعوب الى درجة ، لفت نظري ايدو
بداخلها قراصة وشي ثاني يلمع قابض عليهن
ومخليهن ؏ گلبو .

ضليت متعجبه شخص بضخامتو محتفظ بقراصة
نسائية عليش ؟ مرت اكثر من ساعة ايدو انفكت منهه
بكل حذر تحركت بدون ما أصدر صوت زحفت
اخذتهن من الأرض طلعت قراصة وحلقة
بعدني أفحص بيهن وخطفهن من ايدي : يمممممههههه اسم الله شبلاك ؟

اخذهن يتفحص بيهن رفعت حاجبي وصحت : شصار عليك يمعود
ردت ارجعهن بيدك .

الــســفــاح: لا تقتربين مني ولا من أغراضي افتهمتي .

هَــيـلانـة: وانتَ لا تقترب مني ولا تدخل بيَّ .

الــســفــاح : بدون توصية مبتعد .

هَــيـلانـة : وين تدخل بـ اقل التفاصيل وين اروح وين اجي
كلهن عندك وتعرفهن يمكن حتى اكلتي المفضله .

الــســفــاح: تمن عدس ودبس .

وسعت عيوني مصدومة وگعدت عدل
_ شعرفك .

الــســفــاح : ولونچ المفضل لون عيونچ وتحبين تدحكين
؏ مرايا وتتغزلين بنفسچ ، وترتاح نفسيتچ بالتنظيف
تتمنين تربين حيوان ، وتتونسين بلعبة الصراحة والاعتراف .

هَــيـلانـة: جني انتَ جني شعرفك والله صح كل هذا الكلام .

الــســفــاح : ماتدري احب سوالف الاستخارة
واقرا العيون وكل ما ادحك بعيون شخص اعرف
شنو يفكر .

هَــيـلانـة: لا تكذب .

الــســفــاح: تريدين دليل .

أومأت براسي وگعدت بحماس اريد اكتشف
كلامو صدگ لو يقشمر عليَّ .

الــســفــاح: دحكي بعيوني .

فكيت عيوني ؏ وسعهن بكل اهتمام ومركزه
دحك وعيونو تضحك همس : لحظة راح أغرق .

هَــيـلانـة: ههههههه والله صدگت بيك .

الــســفــاح: بس أنـه ما جذبت كلامي صحيح .

هَــيـلانـة: الله اعلم ، مو بعيدة اتوقعها منك .

الــســفــاح: اعرف عدكم مخطط انتِ وجلاد هل أيام يتنفذ ؟

هَــيـلانـة: راح ألتقي بذهب .

الــســفــاح : تموت ومحمد بس يگضب ذهب تموت بيدو.

هَــيـلانـة: گال بس اني اروح وهو يراقب من بعيد
لان يخاف يقترب ويلقون القبض عليَّ ؏ اساس
هي هساع بالسجن هذا زوجها معذبها وهو قتل اهلي
وفهم الكل ذهب موتتهم لازم ارجع اختي .

الــســفــاح: بوية انتِ غبية لو تتغابين يولووو مو يگول بالسجن
شلون تطلعع اذا هي بالسجن وبتهمة قتل يووولوو يضحك عليچ .

هَــيـلانـة: اجرب واروح هو بالحالتين احنا ميتين .

الــســفــاح: لا ماكو موت انتِ هين اني اطلعچ واختچ
بأمان فترة وكلكم تجتمعون لا تخربين الاول والتالي .

هَــيـلانـة: واذا ذهب صدگ بالسجن وتتعذب شلون بهل حالة .

الــســفــاح: خليني اعرف مخطط جلاد وابلغچ بس لا
تروحين وياه بدون علمي لا تغلطين ومحمد اليوم الدين اغضب عليچ .

هَــيـلانـة: مفهوم بس لا تصير عصبيي لآن تخوف .

نهض أخذ الغراض وعدل ملابسو وقبل لا يطلع
ألتفت وبنظرات التوسل تكلم : اوعديني ما تروحين
اذا ما أرجع واكون وياچ ، أنـه مستعد اعرض نفسي
للخطر واقنع جلاد واروح وياچ بيوم المواجهه .

هَــيـلانـة: اذا هيچ متفقين وعد أنتظرك .

الــســفــاح: عفية شاطره .

><><><><><><><><><
الــســفــاح ، الدرباس دركْان ...

بهتت روحـي منكم ، ودروبي تبتعد عن دروبكم
أمشي بس عقلي يلقي شعر من كمية وجع روحـي
وما ادري بروحي الى ان واحد صاح

_ ماذا تقول يا مولاي .

الــســفــاح: لا شأن لك وامشي مني .

_ انتَ تأمر يا مولاي .

الــســفــاح: انتظر لحظة اين هو الخليفة جلاد .

_ في المعسكر الثاني هل تريد ان تذهب هناك.

الــســفــاح : نعم جهز السيارة ركض .

هو راح وانه دحكت عليهم كل واحد منهم عندو شغله
طلعت اربز ماكو دقايق ورجع صعدت بالسيارة
وانه اسوق ادحك ؏ شوارع صارت عبارة عن خراب
وجثث ، خوفي الوحيد على اهلي بنفسي اتصل
واسمع اخبارهم بس اريد اظل مبتعد عودت نفسي
بس من تصير اخبار مهمة أتواصل وياهم .

وصلت للمعسكر دخلت وعفت السيارة برة
وانه أمشي أتابع تحركاتهم ، أطفال حاملين
السلاح ، جثث نساء بكل مكان ، دخلت
ممر الغرف ضربت الباب مرتين ودخلت
وگعت عيوني ؏ احد اهم قناصين التنظيم
ملت راسي وبملامح جامدة سألت : ماذا تريد لماذا انتَ هنا ؟

جلاد : آنا سلمتهُ مهمة جديدة .

الــســفــاح : هل تحتاج مساعدة ؟

جلاد : أنها مهمة خاصة بي غير تابعة للدولة الإسلامية .

الــســفــاح: انتَ ايها القناص أرحل الآن وأنتظر وقت التنفيذ .

طلع وجلاد گعد ايدو ؏ راسو دايخ بزمانو
وجهو اسود مغبر گعدت مقابيلو امثل عدم
المبالاة : ماذا بك ؟

جلاد : ذهب الخائنة خرجت من الأنبار البارحة .

هجست بحفلة وصارت بداخلي بودي اضحك بوجهو
التزمت وضع الجمود وأردفت: شلون گدرت ؟

جلاد : بكل سهولة اخرجوها أولاد الزنه ضباط الكفر والعهر
طلعوهم هي وعوائلهم اجمعين بـ افواج من السيارات والحماية
طوقتهم الى ان خرجوا من الأنبار .

الــســفــاح : ترجع اول وتالي ترجع حتى تنقذ إخوانها .

جلاد :رجوعها قريب اتفقت أنـه واحد منهم يرجعهه
تحت أيدي وهيلانة الطعم .

الــســفــاح: والقناص ؟

جلاد : أنـه إلكح الطعم وبس تتقدم ذَهــب
القناص يكون جاهز يطشر راسهه وانه
ناوي اصور الحدث وأضرب الضابط
القذر بتصويرها بموتها .

هجست بنار تطلع من عيوني ظليت ضاغط ؏ اسناني
والدم تجمد بدماغي اريد بس اگوم انهي حياتو قبل لا
يذكر اخوي ، صبرت نفسي وبـ آخر ثانية ضبطت
اعصابي وگفت وتقدم صار وره ظهري وهو يكمل
بصوتو البشع : تدري سفاح انتَ مستمع جيد ارتاح
من احجي وياك لان تسمع اكثر من ما تحچي أكره
الأشخاص يحچون چثير .

الــســفــاح: وانه أحب استمع خططك احس بالقوة
واتعلم من خبرتك بهل عالم تعجبني طريقتك الانتقامية .

ضحك وطبطب على أكتافي طلعت أنـه وياه
بره بساعة وحدة قتل زلم اثنين ورجم اربع
نساء وقتل اطفال اثنين بسبب رفضهم تغير دينهم
تركتوا وطلعت اموت اذا أطول بالمعسكر .

جلاد : اليوم يتم تسليم 19 بنت يزيدية اخذ منهن إثنان
سوف يستلمهن الشبح عند الساعة التاسعة صباحًا في ساحة
الـ ******* .

الــســفــاح: بعد ساعتين ؟

جلاد: نعم .

الــســفــاح: عُلم ، أنـه عندي شغل اكملوا وبعدين أستلم .

جلاد : شعندك ؟

الــســفــاح : توزيع أسلحة .

نحجي طبيعي بلهجتنا اذا بس أنـه وياه بالمكان
بس اذا يفوت شخص نتكلم فصحى وانه اكثر شي
اكرهوا هو الفصحى لو اخلي روحـي بيها ما احفظها
جلاد: حسنا أذهب .

تركتوا وطلعت دايخ بكل مرة أواجهه اريد
اگضبو وامرد راسو بالقندرة حالو حال الحشرة
صعدت السيارة ومشيت سريع رجعت للبيت
بسرعة وبدون ما اخلي احد يحس دخلت للمخزن
گعدت عزيز وبصوت حاسم حذرتو : اريدك بمهمة ما اگدر وحدي .

عزيز : عد عيناك .

سولف الخطة بالتفصيل وطلعت اخذت الأسلحة
ورجعت للمعسكر الثاني وزعت السلاح الجديد
وطلعت ملثم بدون ما احد يحس بيه وحتى السيارة
تركتها ، ركضت وركضت ساعة متواصلة بحيث
الى ان وصلت ألهث والنفس اعت بي عت .

وگفت من بعيد سبع زلمة منهم واگفين رفعت الجهاز
واتصلت بـ عزيز : عزيز انتَ بالمكان المحدد ؟

عزيز : جدامك يالدرباس .

رفعت لثامي وسحبت أقسام وإنه ادحك
؏ ساعة شوية وعلى هدف دقايق
بـ 8:58 دقيقة وگفت سيارة كوستر
جدام الرجال السبعة ونزل الشبح
صعدوا يختارون تحت التهديد
والضغط والضرب والإهانات
صراخ البنوات يدگ بگلبي
تحركت سريع اول ما رجع
الشبح صعد وحاصرتهم بداخل
السيارة أنـه والعزيز .

الــســفــاح: اسلاحك بالارض فورًا .

الشبح: بس لحظة انتَ ياهو انتَ منين .

ضربو عزيز بطرف الشاجور وصاح : صوتككككككك نفذ .

الــســفــاح : بالعجل يلة انذال .

اول ما صارت الأسلحة بالارض ملت راسي
وصحت بعلو صوتي : أنـه الكابوس الأحمر أنـه حبل المشنقة .

بدون كلمة زايدة خرطتهم خرط وسحلتهم
والبنوتت الصراخ مالتهن رج المنطقة بكبرها
سحلت الجثث وعزيز ظل يحجي بعلو صوتو
_ اذا تريدون نساعدكم بلا صوت راح تخلون موضوعنا ينكشف
بطلوا صراخ وخلي نطلعكم بسلام خواتي .

ذبيتهم الجثث خلف البيت وشغلت السيارة وطلعت بيها
وبعدني ملثم البنات بعد أختفى صوتهن وصلت
السيطرة مسويها الدواعش طلعت بطاقتي
بس عرفوني أنـه امير دخلوني وعبرت اربع سيطرات
بدون تفتيش رغم يعرفون ويايَّ سبايا وجوابي المعتاد
_ النساء خصيصًا للخليفة .

طلعتهن طريق بين المنطقة الساقطه والمناطق المحررة
من التنظيم وتواصلت أنـه وضابط مسؤول عن السبايا
عبرت المناطق المحررة بهوية الرائد بأمر من المراكز
المجاورة ، اول ما سلمت البنات رجعت بالسيارة
ورجعتها النفس مكانها بصف جثث الشبح والرجال
السبعة ، طلعت من المنطقة أنـه والعزيز هو رجع يمشي
للبيت وانه رجعت اركض المكان تسليم الأسلحة
ساعة 11 دز جلاد علية وراجع عصبي .

جلاد : هذا الغبي اين هووووووو .

الــســفــاح : منو ؟

جلاد : الشبح اخذ الرجال وذهب ولم يعد .

الــســفــاح : هل تريد آن اذهب وابحث عنه .

جلاد : لقد أرسلت بعض الرجال انتظر إتصال منهم .

گعدت جدامو رجع سألني: كملت تسليم الأسلحة ؟

الــســفــاح: بـ 10 كملت عندك مهمة ثانية اخلصها .

جلاد : درب الأطفال ؏ القتال .

الــســفــاح : عُلم .

رديت وطلعت لمجموعة اطفال تتراوح اعمارهم
بين الـ 9 سنوات و10 رتبت اهداف واضحة
وتركز السلاح كل واحد منهم ؏ هدفو وابتعدت
وبصوت واضح صحت : آرمي .

الكل يرمي بوقت واحد بس دحكت ؏ هوسة
أشرت : يكفي هذا يكفي .

مشيت ؏ جلاد يضرب بالرجال
رفع راسو وصاح بقهر : لقددددددد مااااااات يدي اليمين الشبح
غدروا مات مغدور كيف حدث هذا من السبب مَن من من .

گضبت واحد منهم وبملامح الغضب
وصوت عالي صحت : كيف مات تحدث .

_ لا اعلم يا امير لقد نقتل بمنطقة تحت سيطرتنا
لا اعرف كيف دخلوا .

جلاد : يوجد جاسوس بيننا أريد هذا الخائن حي
سوف اصلخ جلده عن جسده وهو حي .

الــســفــاح: سوف يكون بين يديك خلال 24 ساعة فقط ...

تركتهم وطلعت مو جديد النصر بس هل مرة النكهة غير
بهل نصر نجحت وتخلصت من همين نقذت سبايا
وبيدي بترت ايد الجلاد اليمنى .

رجعت للبيت منتصر دخلت ؏ عزيز حظنتو
هو يبچي وانه اطبطب ؏ اكتافو : يولوووو افرح اليوم مات
الـ عذب اختك وانتهى كابوسها .

عزيز: شلون اجازيك .

الــســفــاح : بس نطلع من هين نتفاهم ؏ هل سالفة .

دخلت هَــيـلانـة بيدها اچل العزيز عفتهم وطلعت
فتت سبحت وانتظرت الغداء بالغرفة لحظات
ودخلت عطاء وبنية بيدها وجبة تمن ومرق
ولحم اثنين ، من الصبح ؏ لحم بطني اكلت
اول لگمتين ودخلت نواصه .

هَــيـلانـة: مدللين تاكلون لحم واحنا خبز يابس وتمن .

ظليت ساكت عنها كملت اچلت الاچل كلو وطلعت
غسلت ورجعت عطاء اخذت الصينية ، بعدني انشف
ودخلت بنية توزع اچل ، اخذت أغراضي والسلاح
وطلعت وانه بالمطبخ صحت ؏ عطاء : أخذي قطعة لحم الـ هَــيـلانـة فورًا .

عطاء: لكن هذا غير مسموح .

الــســفــاح : نفذي أوامري لا امسح بيچ الأرض .

عطاء: حسنًا تأمر بشيء اخر يا امير .

الــســفــاح : عفية نساء التنظيم الإسلامي اذا مو بالعين الحمراء
ماكو تنفيذ يالمصگوعات كون دگ بالكرك .

عطاء: ماذا ؟

الــســفــاح : اگول عطاء الـ أجمال السافر بيها
اخوان النبي يوسف شني ياجلون بالطريق
مو جنتي وياهم اكيد تعرفين ؟

عطاء: لا اعلم يا مولاي .

بعدني اسولف ودخل جلاد هو وعباتو يرف
باتمان بزمانو ما رفرف مثل جلاد عاط بصوت
خشن الأبعد الحدود عود يخوف ابن الـ ****
جلاد: سوف نقيم مراسيم عزاء ودفن للأمير الشبح اليوم .

عطاء : ماذاااااا الأمير شبح مات .

جلاد : مات شهيدًا مغدور .

عطاء: كيف ومتى وأين ؟

جلاد : بيننا جاسوس قتلهم .

الكل موجود وگعت عيوني ؏ النواصه
هَــيـلانـة مبتسمة ورافعة حاجبهه تدحك
عليَّ درت وجهي منها بس اريد تبطل
هاي الابتسامة مال ثولان كلهم ملتهين
وصايرين دليمية وهي اقتربت مني
عود تهمس بصوت شبه مسموع: ها يولو الجاسوس المندس
كاشفتك أنـه كاشفتك .

الــســفــاح: يولي روحي احجيلهم اذا تريدين
مسوية منيه وساكته ؏ هل نظرات جلاد يدحك
علينة صفح من الله يعثرك يا عزيز ؏ هل طرگاعة .

طلعت أنـه وجلاد لگيتهم مجهزين الشبح للدفن
ونزل بقبر بمنطقة مقطوعة وگفت وياهم يصلون
علية صلاة الميت ، بس كملوا الكل اجتمع بديوان
الخليفة لليل الكل رجعوا يكملون أشغالهم وانه
والجلاد رجعنا للبيت بعدنا بالطريق واتصل
اسمعو يگول : جهزي حفلة لشخصين اريد اجمل الفتيات لديكم
مسافة الطريق واكون قد وصلت اريد كل شي جاهز ومرتب .

غلق المكالمة وألتفت علية : مات الشبح جنت أنـه وياه كل يوم
نروح نتونس ونغير جو بحفلة ، بس يلة راح الحور العين
وانه وانتَ نتمتع بجمال نساء الأرض هههههههههه .

الــســفــاح: اني اريد ارجع انام صار كم يوم ما نايم عدل
غير مرة نجتمع بحفلة عندي شغل من الصبح لازم اكملو .

الجلاد : بدون اعتراضات من راحت هل شام لليوم ما جربت غيرها
تمتع شبلاك ، تره بنت عمي اذا مو بالمكاون ماتحصل شي منها
شلك بدوخة الراس حدر ويايَّ واسكت .

بعيونو نظرات شك جبرت نفسي ورديت بجمود : متفقين .

نزلني جدام بيت تعجبت شوكت يلحگون
يرتبون كلشي ؏ مزاجهم دخل جدامي وانه
امشي وتفحص البيت وكل زاوية بي درستها
دخلت الغرفة جبيرة لونها أبيض والأضواء حمرة
اجت بنية متوسطة العمر وجهه خالي من الرحمة
وبنات صغار بالعمر يمشن وراها ملاك ويمشي
الملامح بريئة والشعر خيوط ذهب والعيون
ملونه بالأخضر والأزرق دنجت راسي حاير بزماني
وين انطي وجهي وين ، جريت نفس ودحكت ؏
جلاد إلي فقد وهو يتفحصهن ، گعدتهن بالارض
واثنين منهن يرگصن وهذا يشرب ويصيح : أشرب أنها بيرة اسلامية.

يحجي بثقة ويضحك بس هو مايجبر مثلت علية
أنـه شربت شوية وانتهى سحب بنية من الموجودات
وقبل لا يروح صاح : أختر واحدة هيا .

غمضت عيوني جريت نفس وقويت نفسي
وأشرت ؏ بنية ترتجف بنهاية الغرفة
اختها اكبر منها تغطي بيها : اخذني بدل عنها أختي صغيرة .

ضربتها وحدة من الحرس ؏ راسها وسحبت اختها
منها مشيت وهي يدفعوها ورايَّ دخلت للغرفة
بس سديت الباب گعدت اجر بالنفس مخنوگ
عذاب كل خطوة اخطيها تعذبني ، اصوات الصراخ
البنات والتعذيب بكل الغرف يخليني أتمنى اطلع افجر
نفسي بنص البيت وأخلص عليهم كلهم .

لوهلة هجست دوخة ضربت راسي بلعت ريگي وگفت عدل
جدام البت رجلهه ترجف ما تگدر توگف عليها من كثر الاعتداء
_ شگد عمرچ ؟

_ 13 .

_ من وين اجيتي ؟

_ الموصل .

_ شنو انتِ حامل ؟

_ نعم .

_ تعرفين ابو الطفل ؟

_ مات منذ شهر .

وگعت وهي تجاوب ما تگدر حتى توگف ؏ رجلهه
_ جوعانة ؟

_ منذ يومين اخر مرة أكلت لقد عاقبوني بسبب احد رجالهم .

فكيت الباب وناديت عليهم اجت بنية منهن
_ اريد العشاء فورًا .

راحت وانه دخلت ادحك عليها والله تبچي الحجر بعدها طفلة
حاولت اضبط واثبت نفسي جدامها دخلت وحده منهن الأچل
وراحت ، قربتو جدامها وهمست بصوت متكدر
_ أكلي كما تريدين اعتبريني ما موجودين .

ظليت صافن بالفراغ حاير متردد متوتر قلق
متأسف لكل بنية اسمع صوتها وما اگدر اساعدها
مر وكت مو قليل بس طولت صفنتي بحيث البنية
اكلت وشربت ونامت وانه ؏ گعدتي .

طول اليل أنـه حذر صح هي بريئة بس تعودت
اكون حذر من الكل ، بس طر الفجر گعدتها
_ صح النوم .

_ لا ....

_ لا تعبين نفسچ أصلًا مستحيل اتگرب منچ بس
اول ما اطلع خلعي ملابسج بالكامل واذا يسألون
بلغيهم تگربت منچ افتهمتي .

أومأت براسهه تركتهه وطلعت وگفت شوية بالباب
ومن اجت وحدة منهن مشيت : الخلفية طلع .

_ ما زال نائمًا .

_ اريد ان اشتري الفتاة التي بالداخل .

_ سوف انادي ؏ المسؤول عن البيع .

انتظرتها دقايق ورجع واحد جبير بالعمر سلمتو مبلغ قليل
لان حامل ما يطلب مبالغ كبيرة وراحت بنية جابتها واجت
اخذتها صعدتها بالسيارة التفتت علية وهمست بخوف
_ ارجوك لا تأذيني بطني تألمني .

_ اذيتچ البارحة ؟

_ لا وانا اشكرك .

_ سوف انقذكِ واسلمكِ لناس طيبون يساعدونكِ ؏ النجاة .

_ وأختي ؟

_ سوف آخذها اليوم واسلمها غدًا .

اخذت ايدي تبوس بيها سحبها منها وهمست
_ أستغفر الله اختي لا تسوين هيچ .

_ انتَ ملاك لقد خلصتني من الهلاك .

_ هذا واجبي .

وصلتها النفس الطريق ألي سلمت بي البنوات البارحة
ورجعت قبل لا ينتبهون ؏ غيابي دخلت ؏ معسكر
لكحت كرسي وظليت اراقب بيهم واحد واحد
ركزت بـ أسوء رجل بيهم ، مختص بتدريب
جنودهم ؏ قطع الرؤوس إقتربت منهم گاضب طفل
بعمر الـ 8 يعلمو شلون يگطع راس اخو الچبير
بعد ما رفض يدخل الدين الإسلام .

الــســفــاح : انتَ نادي ؏ ذاك المدرب وخلي يدخل
؏ غرفة الخليفة .

راح يصيح بي رجعت گعدت ؏ كريم من دحكت جلاد دخل
المعسكر ويريد يروح ؏ مكتبو ، هو راح دهل وراه ضربتو
؏ راسو من وره ودفعتو داخل الغرفة : هذا هو قاتل الشبح .

جلاد : كيف عرفت ؟

الــســفــاح : البارحة عند تسليم الأسلحة لم يكن موجودًا
بعدها آتاني ويداه ملطخة بالدم ، واليوم وجدتهُ في غرفتك
يحفر مكيدة .

جلاد : أريده ان تضربه لكن لا يموت وتعلقهُ ؏
بوابة المعسكر حتى يكون عبرة لكل الموجودين في هذا المعسكر .

الــســفــاح : هذا اكثر موضوع احبهُ .

اخذتو صوبتو بكتفو وصحت ؏ اثنين
يثبتون بي بالبوابة كل من يطلع ويدخل
يرمي بالحجارة ، رجعت الحلاد گاعد يشتغل
ويدرس هطة حديدك حتى يستحلون منطقة جديدة
من بين الشغل أردف : بلغوني اشتريت البنية ألي تونست وياها
البارحة ههههههه عجبتك لهل درجة ، هاي ثاني مرة تسهر ويانه
وبالسهرتين اشتريت بنوات اذا ؏ هل حال راح تفلس بـ اقرب وكت.

الــســفــاح : جتلت البت .

جلاد : شنوووووو ؟

الــســفــاح : بس طلعت سحبت عليَّ اسلاحي بالسيارة
اضطريت اخلص عليها ودفنتها لا تستحق العيش هل قذرة .

جلاد : البارحة جتلت اثنين منهن وما برد گلبي
عاهرات قذرات صاحبات اصوات قذرة .

الــســفــاح: عجبتني هل حفلات كل يوم اريد اروح وياك .

جلاد : هل مكان ما عجبني نروح للمكان الثاني .

الــســفــاح : براحتك أنـه جاهز الكل مكان .

جلاد : اليوم تغير وجبة الحراس مو ؟

الــســفــاح: اي اليوم اريد أكثف الحراسة .

جلاد : توكل .

هزيت راسي وسديت الباب ورايَّ رجعت للبيت
وصحت : حرس اجتمعوا.

الكل إجتمع والوجبة الجديدة منهم برة ينتظرون
هذولي طلعتهم ورجعتهم للمعسكر حتى يدربون
والجدد وگفتهم بالترتيب جدامي وصحت بصوت
مسموح : تركيز مطلوب بكل وقت لا اريد ان تغفلون عن الحراسة
ولا اريد مشاكل وحوارات بينكـ ..

وگفت عن الكلام وإنه ادحك نوصه تدحك علية من الشباك
وتبتسم ، حاولت اخفي ابتسامتي بسبب ملامحها ورجعت اكمل
_ اي ما اريد حوارت والسلاح جاهز بكل وقت
بس تحسون بحركة غريبة فورًا تفتشون المكان
صار معلوووووم .

_ نعم مولانا .

وزعتهم ودخلت للبيت فتت للغرفة گعدت وهي استلمتني
_ شصار مو گلت تستفسر ؟

الــســفــاح: جلاد مجهز قناص يموت بي اختچ
وانتِ مجرد طعم يستدرج بي ذَهــب انتِ حرة
تريدين تموتيها اتفقي ونفذي ، تريدين تنقذين
اختچ تركيها نهائيًا الى ان اطلعچ انتِ وعزيز
من هذا المكان .

هَــيـلانـة: بس حلف ما يموتها وگال اكو شخص منهم
راح يجيبها احجي وياها ويرجعها النفس البيت وحتى
بالأخير گال اذا تقبل ذَهــب يموت هذا الشخص وياخذها
تجي هين ويايَّ .

الــســفــاح: تعرفين أسم هل شخص ؟

قلصت عيونها وردت : لا والله هو ذكر اسم بس نسيت .

الــســفــاح: بس تذكرين الأسم اتمنى تخبريني
وياريت ما تغلطين وتفكرين بعقل ولا تطلعين
برة هل بيت اله بـ خطة مني واني بيدي اخلصچ .

هَــيـلانـة: الخاطر عزيز راح اسمع كلامك .

عفتها وطلعت نظمت جدول للبيت
وزعت الأعمال ؏ بنوات ودخلت
هَــيـلانـة من ضمن البنات حتى
لا يحقدون عليها وتلتهي بالتنظيف
وتقلل من التفكير ، يوم كامل وانه
اشتغل الى ان صار اليل تجنبت
الجلاد وصعدت للسطح اخذ نفس
من المراقبة والضغط ، ظليت افتر
بالمكان ومرت ساعة والثانية والثالثة
ومن التفكير والقهر ولوعة گلبي
ما هجست بالجو والبرودة
الى ان دحكت هَــيـلانـة أدور عليَّ
وانه گاعد بالأرض ما تشوفني وره التانكي
ابتسمت وصحتها : حدري هين هين .

اجت وايدها خلف ظهرها متوترة وخجلانه
رجعت خصلات شعرهه وهمست : الجو بارد شعندك هين .

الــســفــاح: تخافين عليَّ لا اموت لو شني ؟

هَــيـلانـة: لا بس اذا يصير بيك شي منو يهربني .

الــســفــاح: ما اموت اذا ما اخلصچ من داعش .

هَــيـلانـة: صار شگد تشتغل وياهم ؟

الــســفــاح : سبع اشهر .

هَــيـلانـة: عندك آهل شلون يقبلون ابنهم بنص الموت .

الــســفــاح : أنـه ضابط وهذا شغلي بكل مكان معرض للموت .

هَــيـلانـة: متزوج ؟

الــســفــاح: لا بعدني .

هَــيـلانـة: عندك اطفال ؟

الــســفــاح : ههههههههه عگلچ يحتاج شحن
اگلج ما متزوج منين عندي زعاطيط من الشجرة .

ضربت ؏ راسها وهي تضحك
هَــيـلانـة: ههههه هاي مرات عقلي ما يستوعب بسرعة
المفروض اسئل عندك اطفال بعدين متزوج .

الــســفــاح : عليش تريدين تخطبيني ؟

هَــيـلانـة: لا بس اذا يصير بيك شي شنو حال زوجتك واطفالك .

الــســفــاح : يعيشون الـ ماتوا مو احسن مني.

هَــيـلانـة: بس انتَ جبير بالعمر شعجب ما متزوج .

الــســفــاح : شعرفچ جبير ؟

هَــيـلانـة: الشيب تارس راسك ولحيتك .

الــســفــاح : الشيب مو علامة الكبر
مرات من القهر ولوعات الگلب .

هَــيـلانـة: تحب ؟

دنجت راسي وجريت نفس كملت
وهمست : صاحبة القراصة والحلقة مو ؟

وگفت عدلت ملابسي وانه ارد
_ ما احب احجي بهل موضوع .

هَــيـلانـة: تذكرت اسم الشخص ألي راح يوصل جلاد الذهب .

دحكت بتركيز وناديت : اي اي منو هَــيـلانـة منووو ؟

هَــيـلانـة: أسمو لواء فراس ...

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد