رواية تجبر أحفاد الــ دليم الفصل الرابع والعشرون 24 - بقلم اسـاور حسين 🦢✨

تَــجــبـر أحفاد الــ دلــيـم🦅
بقلمي : أساور حسين          
المُلْتَقَى _30 _

اريد ارتاح لَو ليلة ..
ياهَو يخسر حجاية وَ يڪَلي شبيچ و احَجيلة !

ملكات قلبي لطفًا لا تنسون التصويت ؏ بارتات بوساتي
<><><><><><><><><>
قُــسَـم ...

سحبها دوهــان من أيدها وصاح بيهم : شبلاكم ؏ بنت هاي بحمايتي
أنـه جبتها ويايَّ لا تقتربون منها ولا واحد بيكم يفك اثموووووو .

كــانـــون : يول دوهــان رجعت .

سحبو من راسو وبطرف اصابيعو ضربو وصاح بي
_ هذا حگلك من فكر و وازاك تولي للموصل ما فكرت
تبلغني يولو اذا اگضبك هساع ومرعدك تمرعد همات
كو*** يلومني من طيح الله حظك ؏ هل عمله .

ابو فراس : عوف المعاتب يولي وألتفت ؏ مصيبة الجديدة
هاي البنت منين وين أهلها .

دوهــان: بطريق الرجعة أنتبهت أنـه و3 زلم ويايَّ
؏ بنت تركض من إقتربت علينة وگعت أخذناها ويانه
وبعدين عرفت بيها هاربة من داعش الشباب ويايَّ ماعدهم
مجان تبرعت أنـه آخذها للبيت حتى يصير موضوعها
اسهل اكلف تُــمــيم يبحث ؏ عناوين اهل البت ونرجعها .

فراس : امممممم خطوة موفقة .

دوهــان: شنو قصدك .

فراس : اريدك ذكي ابني ونبه بطل فهاوه .

كــانـــون : لا تسمع الأحد وظل طيب گلب لا تلوثك سمومهم .

دوهــان: تُــمــيم اخذ المعلومات المهمة من البت وحدد
موقع اهلها هساع همَّ عايشين لو شهداء ؟

تُــمــيم: تدلل بس خليها تهدأ لان خايفة ومستغربة من الوضع
وبعدين اخذ عنوانهم وكلشي يخصها .

بعدني مصمهره بوجوهم وما هجست نفسي غير
مدفوعه بنص المضيف ومن الوجع والهبطه
صرخت بعلو صوتي : اخخخخخخخ رجلي .

عبرت ام دوهــان من بطني للجهه الثاني وهي فاتحة
ايدها وتصرخ وتبچي ، رفع دوهــان ايدو وعبرها
تقدم بتجاهي انحنى ورفعني من زندي وگفني
وظليت بيدو ما عافني : المكان واسع ما تگدرين
تفوتين اله من ادفعيها ؟

ام دوهــان: ومحمد ما دحكت جدامي دايخة
يمه ما اصدگ رجعت ادحگ ابني راجع .

دوهــان: بعيوني دحكت عليچ متعمده تضربينها .

ابو دوهــان: امك مريضة صار كم يوم بين الحياة والموت
عيونها ما نشفت عليك وانت هذا استقبالك ترد امك
ما تبطل خلصت عمرك كلو ادافع الوحدة بايعتك .

دوهــان: المشكلة هساع أنـه تعبان وعيوني ما متحمل اقاوم
وافتحهن صاعد انام ومن اشبع نوم أنزل ونتفاهم ؏ أثار
الضرب المطبوعة ؏ ملامح قُــسَـم والذاك الوكت نصيحة
مني الكم تلگون تبرير منطقي حتى لا اعيد الصار وياكم
بـ اخر مرة تأذت بسببكم .

عافهم وطلع من المضيف ، توجهت عمتي للبنية
تعدل بخصلات شعرهه الذهبية صاحبة عيون
كبيرة كالغزال عسلية كالعسل الصافي : حدري يمه ويايَّ جوة
فوتي للبيت لا تظلين هين ما تاخذين راحتچ .

اخذتها من ايدها وفاتت من يمي تضحك وتحضن
بيها وتدحك علية بشماته وتتغزل تبسمر بيَّ : فدوة شنو هل وجهه
الحلو السمح الـ يفتح النفس ؏ حياة .

نفخت گلبي عفتهم وصعدت للغرفة
ومن العصبية امشي واطلع صوت بالگاع
بدون ما احس ؏ نفسي ، فكيت الباب
الغرفة دافية والنور صافي صايرة ضلمه
بس اگدر ادحگ ؏ مكان ، مشيت مزرعده
توضحت الصورة عندي ودحكت ؏ دوهــان
نايم وايدو ؏ عيونو گعدت قريب منو وبلشت
قُــسَـم : شنو معناها راجع وياك بنية هساع هذولي مو جماعتك
متزوجين أكيد ورفضوا تصير مشاكل وفكروا بيها زين وهل ما اخذوا
البنت على بيوتهم .

قاطعني وشال ايدو مقلص عيونو ويدحك ويرد بكل هدوء .
دوهــان: اي دگوها حاسبة .

قُــسَـم : أذكياء عيني مايحبون المشاكل بس جماعتنا
يموتون ؏ مشاكل ، راجع وياك بنية شبلاك يحظي المصخم
هساع راح يلزموني بهل بنت وبـ الصاعدة والنازلة يعايروني
زلمتچ رجع وياه حرمه واني شلون اتحملهم .

دوهــان: يولون لا تتحمليهم ما متوازية .

قُــسَـم : وشوكت ترجعوها اگعد عدل وجاوبني
ولا ترد بكلمتين يموووتني الموضوع يموتني البرود .

دوهــان: تحسين تعاملي بارد ؟

قُــسَـم: بارد الأبعد الحدود .

دوهان : عجل تغطي لا تتمرضين .

قُــسَـم: دوهــان تعبانة وروحي خلصت
هذا الموضوع ما عاجبني لو تدحك
قبل شوية نظرات امك كلها شماتة .

دوهــان: تتشمت ؏ شنو تتشمت
وهي تعرف أنـه دايخ بيچ وحدچ .

نطقها ونهض سحبني من خصري اخذ شفايفي
بين شفايفو وشالني بكل خفه نومني ؏ سرير
وايدو تتسلل ؏ انحاء جسمي ونزل راسو
برگبتي يشم بيه ، طبع آكثر من بوسة ؏ رگبتي
تأذيت بس ما بدر مني رد فعل .

رفع راسو يدحك بوجهي عيوني مغورگه
بالدموع طوق وجهي بيدو وهمس : شبلاچ لا تبچين أصلًا
ما اريد اجبرچ ؏ شي بس ردت روحـي ترجعلي وانه استنشق عطرچ .

قُــسَـم : بعد لا تروح وتعوفني مو تدري بيهم يأذوني .

دوهــان: اعتمدي ؏ نفسچ قُــسَـم كلها فترة وننفصل
تعلمي تدافعين ؏ نفسچ .

قُــسَـم : حتى لو ننفصل أدافع عني ، قبل زواجنا مو جنت
تحميني من واحد بيهم يريد يضربني .

دوهــان: بيوم انفصالنا اني اطلع من الأنبار
كلهن شهرين وانتقل احول دوامي غادي عنكم .

قُــسَـم : شهرين ؟

دوهــان: اي شهرين وتخلصين مني وترجع ضحكتچ الحلوة .

قُــسَـم : ما أقبل تسافر.

رجع راسو برگبتي وهو يبوس بيها
جاوبني بصوت تعبان : تتعودين وتعيشين حياتچ مثل
ما تريدين وتحبين ، وانه اسافر واعيش حياتي واتزوج واستقر .

غمضت وخليت ايدي ؏ صدرو
دفعتو بس بلين ، ابتعد مني يمسح
بوجهه : قُــسَـم بوية اطلعي من الغرفة كملي شغلچ .

وكفت قريب منو أعدل بملابسي واهمس
اريد استفسر منو : والبنية .

دوهــان : اطلعي هساع بوية شياطين الكون تلعب جدامي .

ذبيت حسرة وطلعت ترددت انزل گعدت بالممر الفوك
اسمع بسوالفهم واسمع ضحكهم ، صارت بـ 9 الصبح
نزلت دحكت امي بالمطبخ وغرفة جدتي صايرة هوسة
من النسوان ألبيها

ام قُــسَـم : شني ولچ عروس ما تنزلين اليوم .

اشرت ؏ درج ورديت وانه
أتعمد أسمعهم صوتي ما أدري ليش
شنو لزوم هذا التصرفات بس اريد اقهرهن : جنت اسولف أنـه ودوهان .

ام قُــسَـم : وهساع نام ؟

قُــسَـم : اي خطية نام جسمو كلو تعبان صار فترة ما نايم .

طلعت البنية من الغرفة تدحك بالوجوه
دخلت للحمام سمعت صوت عمتي تصيح
بـ اسمي ، مشيت استندت ؏ باب ورديت
بكل برود : حدري اخذي شدن بنت دجلة تسلم ؏ دوهــان
خطية بقت بقلق علية .

استغربت من طلبها وهاي الثانية تتمضحك
بستفزاز ردت امشي ارگع راس براس بس
سيطرت ؏ اعصابي ورديت بنفس البرود : نايم من يگعد وينزل
عود كلكم سلموا علية دوهــان مايحب ؏ سوالف .

دفعتني من الباب واخذتها من ايدها وصعدت
ركضت وراهن دگت الباب وفاتت واني صحت
قُــسَـم: هييييييووووو وين وين شنو سوك الزلمة نايم مو عيب .

دخلت من جوة ايدها للغرفة وصدگ دوهــان
نايم ؏ بطنو عاري الضهر مغطي نص جسمو
بس طلعت شدن بسرعة وعمتي وراها
سديت الباب بيدي وطلعت وراهن اقتربت من الدرج
قبلها وصار الضوء متسلط ؏ وجهي سحبتني
من ملابسي موسعه عيونها مصدومة تباوع ؏
رگبتي وصارت ناااار نارر عافتني وحتى شدن عافتها
ونزلت بوجهه الغرفتها ، شدن ركضت جوة أستغربت
شصار وشبيهن ؟ رحت للحمام شغلت الضوء ورفعت
رگبتي عضيت اصبعي من دحكت الطبع مسوي مطبوع
بكل وضوح متت بدمي غسلت المكان ورجعت للغرفة
لبست تيشيرت يغطي الرقبة وفوك التيشيرت الدشداشة
ورجعت نزلت ساعدت امي بالمطبخ واني ادردم .

قُــسَـم : شعجب اليوم غسلتي الحنه من ايدچ وكلفتي نفسچ تساعديني .

ام قُــسَـم : كل يومية اريد اساعدچ بس فراس مايقبل
وابوچ يهدد بيه مايقبل اكسر كلمة اخو .

قُــسَـم : ومحمد فد تلعب نفسي منكم هل ايام يعني
فهميني اذا يصير بيكم شي همات احد يگلي عليش
ما تبچين ؏ اهلچ تره وجودكم والعدم واحد .

ام قُــسَـم: لا تزيدين بالكلام امي وروحي كملي الشغل
لا يسمع صوتچ عمچ ويجي عليچ .

قُــسَـم: اليوم شغل ما اشتغل وشنو بريد يسوي ما يهمني بعد ما أخاف .

گعدت ؏ كرسي اچل كعك وادحك عليهن يا داخلات يا طالعات
للظهر عمي ابو دوهــان رجع وبيدو سبع سمچات مشويات
وامي مجهزة التمن والزلايط والطرشي بقيت بمكاني
ولا واحد بيهم صاح لو طلب مني شي
جهزوا السفرة وصعد عمي ابو دوهــان هو يريد
يسلم ؏ ابنو وينزلون .

دخلت ذَهــب وكانون سلمت عليه وغصبًا ما ؏ كل يسلمون
عليها لان كــانـــون يدحك عليهم بكل حذر بعيونو
وهي دمها بارد ما تهتم بشخص بيهم تتعامل بكل ما تعني الكلمة
من برود عادي عدها گعدت تسولف وتجامل .

تُــمــيم نقل السفرة كلها ، وبعدني ؏ نفس گعدتي دحكت ؏ دوهــان
نزل هو وابو فرحت من كل گلبي ، بقيت اني وذهب
اعتزلنا عنهم بالمطبخ أنـه وياها ناكل ، من كملوا اجتمعوا
كلهم بالاستقبال يشربون الچاي مثل ما متعودين
ماكو دقايق ودخل دوهــان وتميم بيدو ورقة وقلم الغرفة
جدتي .

دجلة: يا عيني دوهــان ابني الحمدلله ؏ سلامتك
قلقتني عليك وامك حالها دمرني دمار يا امي
وهاي شدن ليل مع نهار فارشه هل سجادة وتصلي
وتدعي ترجع بالسلامة .

دوهــان: الله يسلمچ عيوني ، بس ولو راح أكلف عليچن
بلازحمة اطلعوا للاستقبال عندي تحقيق وية البنية .

دجلة: مو تدلل وتأمر امر .

طلعوهن كلهن راحن للاستقبال ونسد الباب عليهم
بس تُــمــيم ودوهان والبنية مر الوقت وربع ساعة
خلصت والنص والساعة الى ان مرت ساعة ونص
طلعوا يتحاورون ويتناقشون بموضوعها
فراس : ها بشر .

دوهــان : اخذت كل المعلومات الضرورية
من بداية سقوط الموصل هي عدهم وگدرت
تخلص نفسها قبل يومين .

فراس : والتالي .

دوهــان : سجلت كم موقع يومين وراجع للموصل
اكمل شغلي وادور ؏ هل عناوين موجودين لا .

أم دوهــان: ؏ جثتي ترجع للموصل شني مستغنيه عنك
ما اريد ابني ، ما صدگت رجع تريد استرخص بيك
اله اذا تريد تموتني ارجع .

دنج راسو ما جاوبها ظل يلعب بالقلم ويرسم ؏ ايدو
عاطت وهي تلطم ؏ وجهه : مو احچي وياك عليش تجاهلني
وما تحترممممممم من رجعت ليهسه .

دوهان : الما يحترم غيابي لا يطلب الاحترام بوجودي .

ام دوهــان : ادحككككك أنـه ما أحترم غيابك ردت اموت
من سمعت بيك بالموصل ادحك ايدي من المغذي صارت زرگه .

دوهــان : بدل هل سوالف لو صايرة گد حالچ ومحافظة
؏ حرمتي بغيابي مو ارجع ادحك عليها حال الضيم حالها .

فراس : حرمتك مسترجله واجب تأديبها .

دوهــان: انتَ ضاربها ؟

فراس : اي نعم .

دوهــان : شنو هل حقد يا اخي تحسسني مشاركتك بورثك .

فراس : ما عدنا بنوات تكسر كلام الكباريه .

دوهــان: لا تخليني اعد واصف عليكم هساع
لا يسمعوك العالم عبالهم طلعت بشارع وكسرت كلامكم
شلون بيك اشتريلك احساس .

ابو دوهــان: كااااااافييييييييي عيب هذا عمك أعرف بمصلحتك .

دوهــان : افرش سجادتك وصلي ؏ فراس بهل مهجوم عدكم فراس
من بعد الله تعبدوووووو ما يغلط وهو الوحيد
معصوم بعيونكم ، بس هاي بالنسبة الكم اما اني بعد
أريد اسمع لو ادحك رافع أيدك عليها .

گضبو من قميصو وصاح بصوت
غليظ: اي اي شسوي بالله .

دوهــان: البيت كلو احرگو و اوركم ور وحق محمد .

فراس : انتَ زلمة سويها .

دوهــان: زلمة غصبًا ما علييييييييييييك يولووووووو .

فراس : اريد ادحگ .

طلع دوهــان للكراج وابو وره يخاف من عمي فراس
لان هذا بدون تفكير ايدو والمسدس ، لدقايق ظل
عمي يدحك ؏ كــانـــون الي گاعد ؏ تخم مرجع
ضهرو وهالة البرود مسيطرة ؏ ملامحو .

فراس : وسفه اتعب وأربي وابني گاعد يدحك
؏ ولد عموووو يهددون بـ ابوووووووووووو
وعاااااااااااااادي عندوووووووو .

كــانـــون : هذا زرعك احصدو ، من أيدك ربك يزيدك
كل هل سوالف تهون جدام المصيبة الـ حضرتها الأبوية .

رفع عمي ايدو ؏ صدرويضرب بكل قوتو
ويصيح والعبرة ملت صوتو هو عندو الكل
يزعل منو لا يبالي بس كــانـــون ايدو اليمين
شريكو بكل خطوة بكل فرح وكل حزن
والأول مرة كــانـــون يدحك ؏ عمي بهل
نظرات المليانه قرف : مصيبة لأبوك ؟

كــانـــون : جنت أبوية قبل لا تتفق علية ، وقبل لا تطبرني
وقبل لا توگعني بـ فخ انتَ مجهزو وية ناس اتفقوا ؏ موتي
راح تتحاسب انتَ وياهممممممم وتعرف بيوم حسابي
هل برود يتحول الجحيم تعرف لو ما تعرف ؟

بيد كــانـــون استكان الچاي لزمو عمي وضغط ؏ ايدو
ومن قوة الضغط تفلش بيدو وتناثر بكل مكان وكانون
ما حرك رمش عينو ظل جامد ونظرات الحقد تزيد
ماتقل عمي تخبل تهستر صار يشمر بيدو ويصرخ
بعلو صوتو الفظ : كل يوم كو*** جايني يتهدد ويتوعد
ساقـ**** فاشلين ومحمد حقكم اربععععع طلقات واخلص
عليكم أنـه ما اتهدددددد بيكم خير نفذوا التهديدات حتى
اعدم حياتكم سفهاء.

كــانـــون : بالوقت الصح تأكد تتحاسب ؏ كل افعالك
انتَ وكل شخص موجود هين تستر ؏ عمايلك القذرة
الحمدلله ربي كاشفكم جدامي ومخليني اضحك عليكم
وعلى سوالفكم بس من يصير الوقت مناسب انهي
كلشي يربطني بيكم وبلا ما يرف جفن من جفوني
اگضبكم الششششششششششششارع .

عمي دار راسو مخنزر ؏ ذهب الـ اجتها النوبة ؏ اثر
كلام كــانـــون وصارت تاكل بـ اظافرها أبتسم
كــانـــون بستهزاء وصاح بصوت مبهم : يلة ذهب بوية نرجع
للبيت هل بيت مشاكلو ماتخلص .

جمدت ذهب بمكانها الى ان كرر كلامو
وطلع وهي من دحكت ؏ دوهــان دخل
بيدو جلكان نفط وابو يتوسل وجدهم يصيح
وابوية گاضب ايد دوهــان فقد عقلو ومنا
هو ضخم بحيث دفعهم ورش النفط

شغل النار بجداحتو وعمامي بالبطانيات يطفون بيها
وصراخ النسوان رج البيت رفع فراس سلاحو
على دوهان وجدتي من خوفها ؏
عمي فراس لا يروح بيها من العصبية ويتهور
ويسويها صدگ ويضرب وگفت جدام دوهــان
ورفعت ايدها وهي تصيح : لااااا بغلاتي عندك لاااا تضربوو
هذا متهور يممممه يفداك البيت واهلو بس لا تضرب وتروح بيها .

وبقت تدفع بدوهان الى آن صعد اني رجلي صارت خيوط
گعدت بالگاع ودموعي تجري غسلت وجهي ، وكلهم دايخين
بالنار وهاي عمتي تركت الكل واجت بتجاهي تريد تضربني
أريد امشي ما اگدر سحبتني من طرف دشداشتي
من ورايَّ تصرخ : قسلتي دماغووووو ام الزلمممممم
ام الغرف خليتي مهبول يتهدد ويشعل النار بيت اهلوو
هجمتي بيوتنا المشوهه .

صعدت ازحف بيدي ورجلي من الهبطة بعد ما اگدر اركض
عدل دفعت باب الغرفة ودخلت صار دوهــان جدامي يشرب
جكارة ويفتر بالغرفة شحطت برجلي وصرت وره ضهرو
گضبت ملابسو وصحت : امك دوهــان امك تريد تضربني .

عبالي تخاف وترجع شو هاي دخلت للغرفة
تدافع هي وياه وتريد تگضبني : يبوووووووو اذا توگعين براسي
با ساقـ***** اشررررب من دمچ ومحمد .

دوهــان: لا تخليني ادفعچ كاااافيييي اطلعيييي .

وگعت بالگاع التمثيلية المعتادة ملخت روحها
وفاتت عليها دجلة وبنتها شدن يغسلن بوجهه
بمي وتنفخ عليها : اسم الله عليكم عيوني اذكري الله
لا يصير بيچ شي منو يفيدچ انتِ مريضة .

مددت رجلها وتحوم بيدها تنعي : تعلعلت ؏ ابني
والمرض كلاني وهاي جزاتي ؏ حرمه رماني
حماها بروحو ورخصني وبالارض رماني اخخخخ يا نار گلبي .

ضربت بكل قوتها ؏ وجهه خليت ايدي ؏ شفايفي
من الصدمة وهو دنج گضب ايدها وحضنها وهي
تدفع بصدرو وتصيح : علمود مشوهه تبيع امك .

دوهــان: استغفر الله يمممه كافي .

رفعت راسها دحك بعيونو وتصرخ : يول مشوهه
وما تحبك يولووو انتَ شلون زلمة وتعرف حرمتك تحب غيرك
وقابل عليهاااااااا فهمني ولكمممم يا ناس راسي راح ينفجر يا ناس .

وجهو صار اصفر من الخجل ونظرات دجلة
رفع اصبعو وعاط بيها : ومحمد اذا هذا الكلام يتكرر
متبري منچ للموت وجهي بعد بحلامچ ما تلمحي .

ام دوهــان: أنـه يا يمه أنـه متبريه منك اليوم الدين اذا هل
فوصه تظل ؏ ذمتك وما تكسر راسها وتشمرهه اختار
لو أنـه لو هل گحـ***** المشوهه .

فراس : هل عار ابو گرون اذا ما يطلع ؏ رجلو اطلعووو
بتابوت ومحمد ساقـ*** اطلععععععع يلة .

ام دوهــان : أنزل اعتذر من عمك وتحمل خسائر الحادث
الصار يمه فدوة اروحلك وهاي عوفهه المشوهه موتك
؏ ايدها هاي ما تستاهلك لا تحبك ولا تريدك ، خليها
خدامة الهم هي تحب الذل ما تعيش بدونو حالها حل السمجة من
تطلع من المي ، وعروسك موجودة تزوج بنت تحبك وتصونك
بحضورك وغيابك وتلبي احتياجاتك اسمع مني ومن باجر ازوجك
أرتاح يمه عليش وعليمن تهج ؏ ناس ما تستاهل اظفر من أظافرك .

دوهــان: خيرتيني واني حر بالاختيار وبعمري ما أصير
باطل مثلكم ودوم اوگف بوجهكم لان من وعيت عليكم
انتوا باطل ومن الصغر للكبر ايدي بيد الحق انتِ تحبين
الذل وتفكرين الكون كلو مثلچ غلطانة ، المشوهه الجدامچ
بعمرها ما شكت بس عودتني ادحگ الحزن والتعب بعيونها
ومن الصغر أخذتها تعلوم وصارت بالفطرة احميها منكم
ومن الظلم مالتكم أختارها يمه بكل مرة تخيروني أختارها
اختار ألحق وأزهق الباطل .

تركها تدحك علينة بنظرات الدهشة وسحب عباتي
لبسني بيدو طوق ايدي بيدو وطلعني من بيناتهم
دنج الدرج يعدل بسلاحو .

فراس : يلة بررررررة گو***** برة بيتي
انتَ وهاي المشوهه خليها تركبك گرون
متفرعين ؏ مود دايـحـ***** .

دوهــان: مو كل العالم مثلك فراس ملاهي .

طلع وما نسمع غير الصراخ وتهديدات متعودين عليها
من الصغر ، اول ما طلعنا الشارع دحكت كــانـــون
بالباب يشرب جكاير ومبتسم : منتظركم صار ساعة
ادري بيك تسويها صدگ وتحرگ البيت مو آول مرة
تتخبل وتهدد وتنفذ .

دوهــان: يا اخي كفار مو اهل كون اشهرهم واخلي
الـ مايشتري يتفرج عليهم هل چلاب .

كــانـــون : امشي يمعود جوة نسولف .

دخلنا ذهب گاعدة ومبين عيونها منفوخة من البچي
وعدها نوبة استأذنت وصعدت فوك ، ذبيت عباتي
وصعدت وراها.

كانون : زين سويت وطلعت ظل هين
هو كلهن يومين ونطلع من بيوتنا الوضع
صار خطر علينة بالأنبار وعوائلنا بخطر كل جماعتي
كلهم اخذوا عوائلهم وطلعوا بس احنا محتارين بالمشاكل
واحد يهدد بالثاني من الله يطيح حظ هيچ اهل .

دوهــان: منو گال نطلع ؟

كــانـــون : صار يومين نجهز وصدر الآمر بالنقل
وقواتنا أمنت طريق نطلع منو بالنهار مو بليل .

دوهــان: وحددت مكان .

كــانـــون : غيث صاحبنا اهلو كلهم بغداد وكلفهم يدورون بيت جبير .

دوهــان: أنـه ما اگعد وياهم .

كــانـــون : ولا اني اگعد بس أوصل استأجر بيت
اذا تريد والأحسن نستأجر بيت چبير نسكن بي
اني وياك وذهب وقسم واريد آخذ تموز وامي رضية
واذا امي قبلت تسكن ويانه .

دوهــان: اعمتد عليك أنـه كلهن يومين وارجع للواجب .

كــانـــون : موصل ؟

دوهــان: اي اكيد .

كــانـــون : لا جلفط ( تخربط) بالحچي يولووو بعد ماكو روحه
الموصل سقطت وكلهن ايام وكل عراقي غيرو يكتف ايدو بيدنا
ونحررها منهم سوية مو وجبة طالعة وجبة ما تدري شني الوضع .

دوهــان: لا تعارضوني كل كلامكم ما يأثر وقعت بعد
وشهرين وتكمل المهمة ويخلصون ذولاك الناس من عندي .

كــانـــون : اذا تموت محد يفيدك لا ذولاك الناس ولا فراس
فكر دوهــان فكر عدل واحسبها من كل جوانبها .

....
قُــسَـم : ذَهــب أدخل .

ذَهــب: حدري حدري قُــسَـم شصار وياكم .

قُــسَـم : مصايب .

ذَهــب: شدعوة هيچ اهلچ وعمامچ حاقدين عليچ
يول الحقد بعيونهم يذبون شرار .

قُــسَـم : قبل شوية أهون هساع كل فترة يزيدون بالحقد .

ذَهــب: أخاف اسئل سؤال واسبب أحراج لو الموضوع حساس .

قاطعتها وطبطبت ؏ ايدها : احچي يولو ماعندي هل سوالف احراج شنو.

ذَهــب: صار سنة واكثر متزوجين انتِ ودوهان شعجب ما صار حمل
يعني يمكن بسبب هل موضوع منزعجين منچ لان ما خلفتي
دائمًا جنت اسمع اذا وحدة تزوج وطول بالحمل يصير وياها مشاكل .

قُــسَـم : يعرفون طبيعة علاقتي بدوهان فـ ما يطالبون بالحمل .

ذَهــب: ودوهان يريد أطفال ؟

ظليت مصمهره بوجهه وفاتحة حلگي
اتذكر كلماتو قبل فترة من تقرب مني
وهمس بـ إذني : ناوي ازع هدفي بداخل رحمچ .

رفعت أيدي وأحسب بالأيام الفاتت واربط بينهن
وبين اخر موعد وسعت عيوني لطمت ؏ وجهي
ونزلت اركض والدموع تجري ؏ خدي مفزوعة
قُــسَـم : اني بمصيبة ومحمد بمصيبة .

دخلت عليهم دوهــان غافي ؏ تخم وايدو ؏ راسو
وكانون گعد يدحك ؏ تلفزيون من سمعني هيچ
احچي گضبني من ايدي وصاح : شكوووو شصاير .

نزلت ذهب صارت جدامي گاضبة ايدي
_شكو شبلاچ قُــسَـم .

عفتهم ورحت ؏ دوهــان ضربتو اكثر من مرة
وسحبت المخدة من راسو واناشغ مناشغ مواته
نهض مفزوع موسع عيونو گضبني من كتافي
وهزني : منو وياچ شصاير ، كــانـــون شكوووووو .

زدت بالبچي والـ لطم وجسمي ينفض من الرعشه
خفت وكلبي هجست دگاتو اكثر من المعقول
قُــسَـم : يمكن حامل اني يمكن حامل

دوهــان: شنو منو حامل ؟

قسم : اذا اطلع حامل اموتك دوهــان ما أريد أطفال .

كــانـــون : يمعودة منين طلعتي هل سالفة هساع .

قُــسَـم : هساع تاخذني للمستشفى أسوي فحص
واريد اطلع حامل واخلي يدحك الخبال ؏ اصولو .

گعد دوهــان ايدو ؏ راسو ويصيح
_ بالله أنـه احير بمصايب اهلي لو بخبال هل مهبولة .

قُــسَـم : اخذني للمستشفى والله گلبي راح يوگف هاي مصيبة .

دوهــان: بنت الـ ******* عليش مصيبة حبلانه من چلب .

قُــسَـم : من هرقل اخذني اگلك اخذني .

ادحك ؏ كــانـــون وذهب حاصرين الضحكة وصايرين حمر
كــانـــون : يولو ما ينلام من يگول برنو طلعتي صدگ برنو
وين اكو مستشفيات .

قُــسَـم : مو مشكلتي خلي هرقل يحير بنفسو هو مسؤول ؏ غلطو .

دوهــان : غلطتوووووووو ومحمد اشگ ملابسي هساع
يولوو ما يوگف بعيونچ وگفاتي وزيناتي .

قُــسَـم : انتَ قررت وحدك وغلطت تتحمل غلطك وتصححو .

دوهــان : صدگ من گال عريان
واحنا شما زرعنه الزين ؏ الموزين نتحاسب .

كــانـــون : امشي نروح ندور صيدلية ، لالا صدگ اعرف
واحد صاحبي مفتح بيتو صيدلية .

ذهب : اي اكو اختبار حمل منزلي .

يريدون يطلعون ودخل تَـــمــوز وعمتي رضية
حضنتها وبچيت : عمة حدري ادحگي مصيبتي .

رضية: يا ستار يمه شبلاچ .

دوهــان : يمكن حبله من چلب .

تَـــمــوز : تروح فدوة للچلب ؏ فعلتك الخايسة مثل وجهك
يولو تروح للموصل بدون علمي القرد الغوريلا .

عض أصبعهو وصاح بقهر : انتَ انچعم وهاي الـ ******
ما تگول حشاك بنت الحيوانات .

دحكت بطرف عيني طلعوا وعمتي حضنتني وتضحك
رضية: اول وتالي يصير حمل بنتي زلمتچ يصبر عليچ
سنة وسنتين بس بعدين ماكو مهرب من الحمل والولادة
هاي سنة الحياة وحرام تعارضين رزق ربچ وحرام
عليچ تمنعين زوجچ منچ ربچ يحاسبچ ؏ كل مرة زوجچ
يطلبچ بيها وتنفرين .

قُــسَـم : عمة تخردلت نفس القرص اعرف حرام
وربي يحاسبني بس همات ربي يدري بحالي
ويعلم أنـه مجبورة وكلبي مو ملك دوهــان مو بيدي
وحق ربي مو بيدي .

رضية: الله يبرد گلبچ وحسبي الله ونعم الوكيل ؏ كان السبب
بدمارچ انتوا الـ ثلاثي .

بقيت اچل بروحي وآخذ الاستقبال ذهابًا وإيابًا
نار اكلت روحـي اكل شاون اذا صدگ حامل
بس اريد افهم شلون اطلع من هل طرگاعة .

ساعة ورجعوا بيدهم العلاگة اخذتها وصعدت فوگ
وانه ادردم صعد ورايَّ يصيح : هاي شنو دگول بالله سمعيني .

ذَهــب: مو بوعيها لا تاخذ بكلامها مقهورة خطية بعدها صغيرة
وما مستعدة للحمل والولادة وهل امور .

قُــسَـم : ادخل احلل بس وحق الله يا دوهــان اذا اطلع حامل
من هين إلكح روحي ، اطلع أنـه والتحليل منا إلكح روحـي منا .

دوهــان: واذا طلعتي مو حامل أنـه إلكحچ من فوك .

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وعلى آل محمد