تجبر أحفاد الــ دليم الفصل الخمسون 50 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _47 _

انا فرصة هتجيلك مره وآحده يا تحافظ عليها
يا هتقفل منك وهتخسرني طول العمر.

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
تَـــمــوز ...

احوم وأبحث مناطق ، درابين ، تأسس بيوم حب بكلبي
فرحني وحزني ، عشت الشعور الحلو
بس سرعان ما تبدل الشعور بـ
إحساس الشفقة اتجاه نفسي ، گلبي رجع جمد والسبب استعجالو
أحكام سريعة ، حب بعجله ، والثمن ثقتي رجعت أضعف
أنفرد عن أهلي وصحبي ؏ ناسي عملي ، قاومت سقوطي كالمعتاد
أسعى للنهوض ( وآخذ الثار بيدي)

_ هو صحيح صغير بس ذكرت انتوا مو عائلة كبيرة .

ملت راسي أتفحص البيت بناء جديد بس صغير
دخلت للاستقبال بعدها يجي مطبخ صغير يصير
جوة الدرج وصحيات اخر شي غرفة كبيرة
_ هاي هي عمي نتعاقد أدفع ايجار مال سنة گدام ..

_ نتوكل بوية ونتفاهم بره ومايصير خاطرك اله طيب .

طلعت وبعدني مركز بالبيت جنت ناوي اجهز بيت
كبير نعيش بي كعائلة كلنا ، هدمت كل أحلامي بسبب
أنانيتها ، ضغطت ؏ نفسي وكملت كامل الإجراءات
تعاقدت ؏ بيت ورجعت مكسور خاطر .

اعتقد كل اهلي يعوفون هل خصلة بيَّ
بكثر زعلي ، ودماري ، وبعز سقوطي
امثل الضحكة اضحك ؏ أتفه الأسباب
بس حتى ابين أنـه ما مهتم ما مكسور
بعدني صامد ما هزتني ريح السفن القوية
أنـه مازلت أقواهم ، دخلت للبيت صارت
جدام مشكلتهم كلهم واكفين كــانـــون وذهب
وامي تتفحص بوضعي من بعيد وام كــانـــون
إلي تحاول بكل الطرق تجاوز تأثير ذهب ؏ ابنها
كــانـــون : تَـــمــوز رجعهن ؏ بيت الثاني بدون نقاش
لا اوركمممممم ور ومحمددد طفح الكيل بعد للصبر حدود .

تَـــمــوز : فرصة واجت عندك يحضي تزوج اثنين
الله شگد حلو متخيل شرع الله تروح من هاي تجي ؏ هاي وتخلف
صبيان وبنات والحياة حلوة وتنعنش تنام رغد .

كــانـــون : تخسي وتولي من وجهي لا ارغد بيك المقابر المسحوووور .

طلعت بألباب وإنه ادحگ ؏ ياسمين ام كرم
من سمعتني حجيت هيج اخذت زايد
تَـــمــوز : لا تصدگين كلامي كلو چذب مو حولتي
عين الچلب عود انقهر عبالچ واقنع كــانـــون هو غير
يعشق ذهب وين ينتبه ؏ حرمه غيرها أيسي وتزوجي
مثل ما تگول ذهب الواضح تردين زلمة .

ام كــانـــون : ولكككككك عيب هل كلام البت خطار وأمانة.

تَـــمــوز : لا تقنعيني تحبيها انتِ اول وحدة طبلتي ؏ طلاگهم
لوووو نسيتي بس الواضح لامتكم المصالح للمعلومة
هدم البيوت العامرة ما عليَّ جوائز لا تشدين حيلچ اكثر كافي .

عفتهن بالباب وحده مصمهره بوجهه الثانية ورجعت دخلت البيت
لگيت بس امي گاعدة گاضبه راسها من دوختهم كلهم
آخذت أيدها گعدت يمها وبستها: تعبتي طاوعيني ننتقل المحافظة
ثانية بعيد عنهم كلهم نعيش بس أنـه وياچ حتى دوامي اغيرو
بس توافقين أنـه اشتري راحتچ بدم گلبي والله .

رضية: أنـه مو بس امك وحدك امهم كلهم كــانـــون وذهب ضايعين
يحتاجوني وياهم ، ودوهان وقسم مهزوزين ضروري اسندهم
وارشدهم اخاف يضيعون بكلمة من الـ مايخافون الله .

تَـــمــوز : شوكت نستقر ؟

رضية: من ما ننتقم ونترك حقنا ربنا هو ياخذو بس ادور الدنيا
دين افعالك يا امي دين يرجع عليك بيوم
اذا اذيت تتأذى ، واذا جرحت تنجرح
واذا ضربت تنضرب، واذا تركتها ؏ ربك يدبرها ويساعدك
بكل خطوة تخطيها بحياتك .

تَـــمــوز : اذا ما اخذ حقي يا يمه النار بكلبي تنهيني .

رضية: لا تشوه گلبك يا امي برد السوء
ولا تشغل بالك بشخص ظالم بيوم ربك
يبچي وأنت واگف بعيد تضحك .

تَـــمــوز : وأحلامي ؟

رضية: كملهن يا ابني بعدك عايش واگف ؏ رجلك
تگدر تشوف وتسمع وعندك قوة تمشي وتشتغل
وكلبك يخفق كلهن نعمة استغلهن صح تجي أيام
تحس لهنا حدك بس رب العالمين ينطيك فرص
من تتعب ماتموت يريدك ترجع تساعد نفسك
وتبني احلامك من جديد اسعى يا امي لا تثبت
؏ موقف ولا تسمح للظروف تنهيك الدنيا مستمرة
اجبر نفسك عليها اضحكك مثل ما علمتك اضحك
؏ همومك وتمشي والله .

تَـــمــوز : اضحك اي اضحك راح أحاول اضحك .

اخذت جكارة شغلتها وانه أبتسم بوجهه: بين ما ينزل كــانـــون
اروح أعكر ؏ دوهــان .

رضية : حدر يولووو عوفهم يشتغلون .

طلعت بسرعة دگيت الباب اجت قُــسَـم همات قزمة
وهم طالعة بطنها جنها بطة اكلت چثير ونفخت حوصلتها
_ مادام تضحك اعرفك تصنف علية بكلبك يالمسحور يالمنفوخ .

تَـــمــوز : ظلمتيني يالبرنوو ، وينو هرقل ؟

دخلت جوة للغرفة هو يصبغ وهي تحچي علية
قُــسَـم : هرقل يصبغ وينكد صار ساعة .

تَـــمــوز : من الصبح وهساع صار الظهر وبعدك بهل حجره
خاب كون جيره وخفت لهل بچم فاهي ومحمد فاهي .

دوهــان: شلووون شاطر ؏ اساس انتَ وتحجي علية
يولو مو زين اعرف اصبغ قابل شنو صباغ أنـه
ضابط يا تحقيق يا مداهمات ما اقبل غلطط .

تَـــمــوز : ؏ طاري الضابط نسيت شلون احمل السلاح
صار فترة طويلة بلا دوام شنو الوضع .

دوهــان: البارحة كــانـــون بلغني بس اكمل هل يومين
صبغ وترتيب البيت نرجع للواجب كلنا هل مرة
صار فترة هاملين الشغل وعيب من جماعتنا .

تَـــمــوز : أساعدك حتى تخلص بساع .

اخذت رولا مال صبغ وبديت اصبغ بالضلع الثاني
تركناها تنشف وطلعنا ؏ مطبخ بس كملنا رجعنا
؏ حجره قاط ثاني سريع ، وقسم مثل البگ تگمز
فوك راسنا تعلق هذا هيج وهذا موزين وارجع ؏
هل ضلع ووووو الى ان طر ليل طلعت روحـي
منها هي ورجلها صرخت بيهم : ارحموني راسي راح ينفجر
منچ انتِ وهل غثيث أسناني توجعني وهمَّ گرگر گرگر ولعبان نفس .

دوهــان: جبرتك انتَ اجيت برجلك تريد تشتغل تموت ؏ تعب
يفرض بروحوو وبعدين يشكي يول كون اگضبك اگضي بيك التوبة .

تَـــمــوز : لو بيك خير ما تختل بيك قُــسَـم من الصبح
وانتِ امشي جدامي ماعدنا بنوات يبقن بيت واحد
ويه زلمة نخاف عليچ .

دوهــان: عوفهااااا وأطلع لا اصبغ وجهك الأملح
اطلععععععع من هين يلة اطلع برة بيتي .

تَـــمــوز : بيتك؟؟ هاي ايجار وتصيح بيتي لو ملك شتسوي
تعلگ علم ابيض مكتوب بي ممنوع الدخول .

دوهــان: بس يكمل البيت وأروح للواجب واكمل شغلي
وأرجع صدگ اعلگ ممنوع الدخول عرسان جدد .

تَـــمــوز : وتستگحـ*** انتَ وياهه زين
لااااااا وآلف لااااا بنت عمي ما انطيها امشي
حدري ويايَّ لا اعدم راسچ .

دنج دوهــان من الدرج ضربني ؏ ضهري
وصاح بقهرر : يولوووووو حرمتي هااييي حرمتي ام ابني .

تَـــمــوز : وشرفنا شني لعبة عندك كمل بيتك وعود نفكر نخليها
تعيش وياك بيت واحد كلشي ولا الشرف ولو هي برنو المفروض
اخاف عليك منها واضح من رگبتك طالعة بيك فلاحه ملاجه .

قُــسَـم : المنفووووووووخ كافيييي .

طلعت منهم كلي صبغ ومن الحرارة بوجهي دخلت للحمام
بس فكيت الباب سمعت صوت بالمطبخ دحكت لمحت
كــانـــون يصب جاي وامي كاعدة تجهز بالعشاء
_جنت نايم .

كــانـــون : اي والله عليش محتاج شي ؟

تَـــمــوز : عندي موضوع مهم وياك .

كــانـــون : اسمع .

گعد على كرسي شرب شوية من الجاي وطلع جكارة
يشرب بيها وهو يدحگ علية منتظر اكمل كلامي
استندت ؏ كاونتر كتفت ايدي واردفت: لگيت بيت ودفعت
ايجار سنة كاملة مقدمًا .

كــانـــون : شبي هذا البيت عليش انتَ ودوهان متفقين تطلعون ؟

تَـــمــوز : افتهمتني غلط قصدت اجرت بيت الگازو وأخواتها .

دحگ ؏ امي اندهشت من خطوتي ادري بيهم عبالهم فترة وأنسى
كــانـــون : يولو فكرت زين ؟
تَـــمــوز : أكيد .
كــانـــون : بعدك عصبي ، الموضوع صعب عليك
إذا تحبها من حق تعيد تفكيرك هي عدها امل تحچي وياك وتحلون الخلاف .
تَـــمــوز : صدگني فكرت وهذا قراري الآخير ..
كــانـــون : بالبداية احجي وياهه وتفاهموا حتى لا تتندم بعدين .
تَـــمــوز: اتندم ؏ شنو اتندم حبيت وتزوجت وطلع اختياري غلط .
كــانـــون : الله غفور رحيم سامحها اخذت درس وبعد مايتكرر الخطأ .
تَـــمــوز : العفو عند المقدرة اخذها مني بعد ما اگدر أتراجع قررت
واريد اليوم قبل باجر ننفصل لا تعترضون ؏ قراري أنـه اعرف بمصلحتي .

رضية: انتَ اختاريت وگفت وياك رغم كلهم ماراضين
وكانون واحد من الناس گال مو من ثوبنا وقنعتو يمه خلي
براحتو يختار وهساع هم بيدك انتَ تختارك تنفصل عن
هل بنية وانه اعرف بيها فقيرة ضعيفة تخاف ؏ نفسها
واخواتها وحست بالأمان بهل بيت وراح ترجعها للعذاب .

گازو : هسة ثبتلي الصار خير أليه وصار وأضح شعورك
بالحب اتجاهي مجرد نزوات عابرة ، لو تحبني تتغاضى عن
الخطأ الوحيد البدر مني اتجاهك وتحميني انتَ وعدتني تحميني
بس مو گد الوعد مع الآسف غلطت بحالة ضعف ولا تگلي
المفروض تجين وتبلغيني كلكم ماتگدرون ؏ فراس والدليل
مدمر احوالكم وكلكم تخافون منه .

كــانـــون : لو بلغتيني لا تضنين اروح وابلغو كشفت
المخطط مالتو بالعكس نجتمع مثل ما متعودين كلنا ونتفق
علية بحيث مايحس احنا نعرف وبنفس الوقت يوگع بشر اعمالو .

گازو : ما أعرفكم ولا ادري بيكم تجتمعون وتخططون تخربون
مخطط ابوك شدراني ، شگد فرحت بدايتي اني وياك يا تَـــمــوز
وجنت أسعد انسانة بس ولا لحظة صدگت كلمة منك جنت ادري
يجي يوم وتتخلى عني وگتلك قبل وارجع اكررها ما عندي سند غير
رب العالمين .

؏ طول كلامها وجودها اني انطيتها ظهري من كل
گلبي ما اريد ادحگ بوجهه ابددد ، الى ان سمعت
صرختها: باوع علية من احجي وياك جاوبني معقولة
الى هل درجة كارهه وجودي وياكم .

اخذت جكارة شغلتها وسحبت كرسي گعدت ومستمر
انطيتها ظهري سندت ايدي ؏ ميز وهمست بتعب
_ (مو كلشي اريدو يصير )مبدأ كبرت علية وصحيح
من اريد شي فترة واخسرو وانتِ أكبر حلم صار كابوس
صدگيني بكثر ما جنت اريدج كرهتچ مستحيل شخص بيهم
كلهم يتفهم شعوري لآن محد عاش العذاب بگدي
أنـه عشت الموت ، دحكت اشياء چبيرة ؏ عقلي
مقهور لان ما اعترفتي والله لو بعد هل
عذاب وبلغتيني اسامحج بس استمريتي وجنتي
ناوية تعذبيني اكثر وتشردين مني .

صارت جدامي گضبت ايدي سحبتها منها
گعدت جوة رجلي ودموعها تجري ؏ خدها
گازو : سامحني غلطت واني مستعدة أصحح غلطي
شنو تريد بس اطلب لو تريد روحـي ترخص لا تتخلى عني .

تَـــمــوز : هو طلب واحد أطلبو منچ مثل مادخلتي كلبي اطلعي
ومن كل حياتي ماريدچ بعد ، وقبلها اريد تعرفين
ما اعتبر روحـي زلمة اذا اتخلى عنچ أنـه ابن فارس
وعدتچ احافظ عليچ وعلى اخواتچ ومستمر ؏ وعد .

گازو : تريد اطلع من حياتك وبعدك تحچي بالوعد وين الوعد تَـــمــوز ؟

تَـــمــوز : أجرت بيت الخاطر كرز وگمر بصراحة مو الخاطرچ
ومن باجر تروحين بس انتِ وامي تجهزين البيت بكل الأجهزة الضرورية
وعيشي حياتچ مثل ماتريدين بعيد عني ، البيت قريب من هين
امي كل يومين تلاثة تجي تاخذ احتياجاتكم وكملي دراستچ انتِ والبنوات .

نهضت مخالفة كلامي معترضة ؏ اقتراحي
گازو : بصفتك شنووو ؟ ؏ اي اساس تأجر وتصرف
علينة برأيك أنـه أقبل هل حلول بعد الصار بيك بسببي
ما استحق تتعب وتخسر اكثر طلگني اليوم
واريد اطلع أنـه اعرف أدبر عيشتي أنـه وأخواتي .

تَـــمــوز : توافقين غصبًا عليچ مو بكيفچ جنت ادري ترفضين
فـ اخذت احتياطاتي ، تشوفين هذا التلفون بي تسجيل صوت وصورة
يثبت انتِ السبب بالسحر وانتِ خليتيني اوقع ؏ أوراق تنازل
اگدر بدقيقة وحدها أشتكي عليچ وتاخذين استحقاقچ بالسجن
انتِ بالسجن واخواتچ يبقن يمي بالحفظ والصون لا تخافين .

گضبت امي وهي منهارة تبچي وتلطم
_ عمه تسمعين كلامووووو يهددني بـ اخواتي يهددني بالسجن .

تَـــمــوز : لو تموتين ما اسمح ترجعين للماضي وتعذبين البنات وياج
انتِ قدوتهن تريدين يعرفن قدوتهن شنو شغلها ويقلدنها ؟

گازو : لعد ما اقبل اطلگني تريد تصرف علية بصفتك زوجي
غيرهاااااا ما أقبل ، وأخواتي ويايَّ وين ما أروح .

تَـــمــوز : أنـه ما اخذ رأيچ اني اجيت ابلغچ وامر عليچ تنفذين افتهمتي.

كــانـــون : مو هيج الكلام تموووز لا تصير مهبول
ادحگي بوية گازو اخواتچ أمانة عندچ ضروري تلتفتين لتربيتهن
إضافةً انتِ والبنات تحتاجون مساعدة مو من المعقول رجولتنا
ما تسمح نشمر ثلاث بنوات بالشارع ، اعتبريني ابوچ اخوچ براحتچ
بس لا ترفضين ولا تعاندين البيت صار ألج آول سنة علينة .

گازو : وبعدين إلى متى تصرفون علينة .

كــانـــون : لا منو يگول نصرف عليچ انتِ تصرفين ؏ نفسچ
وعلى اخواتچ .

تَـــمــوز : بفلوس حلال نظيفة ، صديقنا ضابط ويانه اسمو غيث
اختو مديرة مدرسة وطلب منها تشتغلين وياهم ؏ مخازن المدرسة
واخواتچ راح يسجلون بنفس هل مدرسة حتى جدام عيونچ يبقن
وبالراتب تصرفين ؏ نفسچ وعلى اخواتچ واذا بيوم بس عرفت
رجعتي للماضي بيدي وبدون تفكير اسجنچ بـ اسوء السجون
الموجودة بالعراق .

گازو : كل هل مساعدات تقدمها عادي بس ماتقبل تسامحني ؟

تَـــمــوز : ماعندي ثقة بيچ شلون اخليچ بنص اهلي .

عبرتنا وتوجهت للدرج : أنـه جاهزة بـ اي وكت تريد
جيب الشيخ وننفصل بدايتنا غلط لازم يتصحح لا تناسبني
ولا اني مناسبة آلك .

صعدت وامي بقت تدحگ بوجهي ما راضية ؏ قراري
كــانـــون : فكر تَـــمــوز فكر انتَ بعدك تحبها
ركز رجفتك مو بهل سهولة تنساها .

تَـــمــوز : يمرر صدگني يمر ، يمه باجر من الصبح نطلع
للشيخ عرفت واحد هين ، ومن بعدها اخذيها للسوك ومناك
خابروني ارجعكم للبيت مالتهم .

رضية: بس أنـه ما راضية لا تغمض عيونك .

تَـــمــوز : كاااافي لا تعبوني اكثر والله مو سهلة علية بس
تعذبني اذا تستمر ويايَّ وراح تتأذى لان ابد ماعندي ثقة بيها .

طلعت افتر بالشوارع ضايع شكثر دايخ
ربحت للمرة المليون بهدم احلامي يا فراس
ما اعرف شكثر مر وكت بس لگيت نفسي
جدام نفس الجامع توضئت وبدون تفكير
دخلت صليت ودعيت من كل گلبي وبي يرشدني
ويعوضني ؏ كل الأماني الضايعة .

تأخر الوقت بقيت للصبح متواجد بالجامع صافن
الأفكار مخربطة براسي ، الى ان غفيت اخذتني النومة
للساعة تسعة الصبح لملمت نفسي وطلعت وانه بالسيارة
إتصلت : صباح الخير يمه .

رضية: وينك من البارحة خليتني سهرانة للصبح .

تَـــمــوز : بالجامع صليت ونمت ، هيري نفسچ دقايق ويمكم
نطلع للشيخ بدون اعتراض يممممه ابوس راسچ .

رضية: بكيفك نمشي احنه وين تريد تخلي البنت تعيش وحدها .

تَـــمــوز : لا تخليني أنزل ؏ بنت هساع وأسطر جدها السابعععع عشر
تجين ما تجين اخذها اليوووم ننفصل شنووو تجبروني عليها حلووووة هااااي .

سدت التلفون بوجهي وصلت بعز غضبي دفرت الباب
ودخلت گابلتني امي من الباب : روحوا للواجب ومن ترجعون
همات انتَ مفكر ومتخذ قرار سليم والبنية تصير زينة من الضرب مالتك .

تَـــمــوز : گااااااااااااااازو وينچ حدري .

رضية: الخاطري .

تَـــمــوز : گلت أنـه گوا**** اذا تظل گازو ؏ ذمتي .

گازو : حشاك ، أنـي جاهزة نروح .

ادحگ اخواتها وياهه وكرز تبچي وگمر عيونها مورمه
صبرت ؏ نفسي وغمضت عيوني منهن مثل ما هي غمضت
عيونها وما نقهرت من تدحگ عليَّ متبهذل بالأعمال وصلت الموت
وهي ما رف جفنها عليَّ ولا حاولت تساعدني .

تَـــمــوز : البنات باقيات هين عند ذَهــب وراچ سوك
من تخلصون أنـه اجيبهن واخذكم من السوك نروح البيت .
گازو : ماشي بنات انتظرني هنا ما اتأخر .

سحبتها قُــسَـم من أيدها وهي موسعة عيونها
: هاي صدگ تحچي يولوووو خطية لا تخردلها بالطلاق
صح غلطت بس ندمانة وكلنا تعودنا عليهه مثلنا گلبهه طيب والله .
دوهــان: يولو بنية صغيرة وغلطت بدل ما تحتويها لان عمك
هو السبب بهل خرب تروووح تقسي عليها وتخليها تعيش
بيت وحدها وهي صغيرة وياهه بنوات صغار عيب وين رجولتك .

تَـــمــوز: ماتعيش بالشارع بيت معززة مكرمة ومن تحتاج
شي كلنا يمها موجودين ونساعدها بس هي غدرتني
انتوا كلكم ماتحسون بضياعي لان ما تعذبتو بگدي .

طلعت للسيارة وهي صعدت بالخلف بلا كلام ولا نقاش
وامي بالصدر يمي، بين ما وصلنا للشيخ كــانـــون صف
السيارة ودخل ويانه گضب ايدي قبل لا ادخل نبهني
_ متأكد لو تصرفك نابع من عصبية ؟

تَـــمــوز : صدكني ماكو عصبية بالعكس رب العالمين يحبني
وكشفها ؏ حقيقتها من البداية قبل لا اتورط واخلف منها اطفال
بالتالي يتبهدلون ويانه .

سلم ؏ شيخ وگعدنا اخذ المستمسكات ومن بعد دقايق
ورغم دموعها وضعفها اصريت ؏ طلاقها وطلگتها
رجعت حرة مو بـ أسمي رجعت غريب عليهه حالي حال الباقين
طلعت هي واني قبلنا دفعت للشيخ وسلمت وصعدت سيارتي
بدون ما ادحگ ورايَّ : كــانـــون انتَ وصلهم ؏ سوك عندي شغل .

بنص الطريق وصلني إتصال
دوهــان: منتظرك ب***** حدر نسولف مثل ايام زمان .

غلقت المكالمة وتوجهت للمكان المطلوب لمحتو من بعيد بيدو
عصاير اثنين اخذت واحد منو وانه استفسر: مو عندك شغل
لازم يخلص قبل لا نروح للواجب .

دوهــان: مايطير شلونك ؟

رفعت ايدي بعلامة ما أدري وابتسمت
_ هجست گلبي بارد مادري عليش ما مقهور لان طلگتها .

دوهــان: معقولة لهل درجة مجروح منها ؟

تَـــمــوز : جنت أكدر اسامحها واعيش وياهه طبيعي
بس عقلي رافضها ما مرتاح لوجودها بحياتي
تعودت من ما أرتاح أتخلى وابتعد احسن ما تدمر بسببي
اخاف عليهه انرعب من فكرة غضبي منها والله اخاف عليهه من روحـي .

دوهــان: اذا تحب مستحيل تتخطى وتتخلى عن حبك مهما عبرت
مراحل كسرو شكثر كسرتني قُــسَـم بس اخاف من فكرة ابتعد
واطلقها وترجع بس بنت عمي افضل الموووت ومحمد .

تَـــمــوز : تتذكر من سولفت عن حبك القسم
بوقتها خفت عليك وعليها لان جنت أعرف بحب دركْان .

وسع عيونو وذب العصير بعيد تگرب مني
وبكل ضياع صاح : ليشش تَـــمــوز ليشش ما بلغتني .

تَـــمــوز : حاولت والله ردت أبلغك وابلغ دركْان بس تراجعت
خفت عليكم تصيرون أعداء وانتوا إخوان صداقتكم حلوة
جاهدت في سبيل تبقون ؏ صلح وگلت بس نكبر اكثر
اكيد واحد بيهم تتغير مشاعرو والحب الحقيقي يستمر ويفوز .

گعد ؏ مصطبة فرك وجهو يكافح ما يضعف
تغيرت نبرة صوتو وهو يهمس : صدكني بس أنـه أكن حب حقيقي
مثل ما گاعد وياك متأكدة قُــسَـم ما تحبني بس مجبورة ؏ حياتها
وعلى واقعها ولو بيدها تغير بدون تردد تغير كل نمط المستقبل
تصرفاتها وكلامها شي بس كلبهه وعيونها شي ثاني كليًا
وهل فقرة تعبتني وكبرتني تخردلت وانه أحاول اخليها تحبني
حتى لو بس ربع حبي بس احس صعب عليهه .

طبطبت ؏ اكتافو وانه اگعد قريب منو
_ انتَ زوجها وابو ابنها صدكني يجي يوم وكلشي يتغير
ويصير مثل ماتريد وتحب .

دوهــان: هلكت وانه كاتم بكلبي تعبت تَـــمــوز
الحد البارحة ردت اخرب كلشي وابتعد منها
ماريد تنجبر ؏ شي صح احبها بس ماريد اجبرها
وحدي مهتم بتأسيس البيت هي آخر تفكيرها
قُــسَـم شنو تحبين لون هاا بكيفك
زين قُــسَـم شنو تحبين اثاث براحتك مو مهممم
بس أنـه عندي مهممممممممم والله مهمممممم
مايهمها البيت ومحمد مايهمها كل تعبي وكل حبي
أمثل أنـه مرتاح يمها بس حتى ما اسوي مشاكل وتتعب
بس الى متى نستمر هيج مو هلكت .

تَـــمــوز : مو تگول الأنسان اذا يحب يتحمل ويتغافل ويتغاضى .

دوهــان: عايش ؏ تغافل والتغاضي وداعت كل ذرة حب بكلبي
تدري قبل جنت ما أعرف أدعي او أطلب شي من ربي
بس تغيرت صرت كل ما تصد عيوني ؏ سماء اطلب من ربي
يهديها وتحبني وتتقبلني بحياتها .

تَـــمــوز : انتَ ماكو مثلك والله قُــسَـم محظوظة بيك
وبيوم من الأيام راح تعرف قيمتك .

دوهــان: بس لا بعد فوات الأوان ...

بقيت كاعد أنـه وياه للعصر امي خابرتني
_ احنا بالسوك ال**** حدر بساع .

ركبت سيارتي وتوجهت للسوك وياهم سيارة ثانية
بيها اثاث بسيط للبيت ركبت هي وامي ويايَّ حتى
ما سألت شنو مشترين نزلتهن جدام البيت
بقت امي تدحك بتمعن وتركيز نزلت فكيت الباب
ونزلنا الغراض اني والسايق ، طباخ ، ثلاجة ، ادوات منزل
مبرده ، فراشات كنتور ؏ عددهن ، ادوات تنظيف
مسواك كامل عفتهن يرتبن ورحت سحبت كهرباء
وجبت اخواتها من البيت بعدني بالباب امي صاحت
_ انتَ روح أنـه ابات يمهن اليوم نكمل شغل وادحگ النواقص
وهم مايصير تدحگ عليها انتَ محرم بعد .

تَـــمــوز : تحتاجين فلوس ؟

رضية: فلوسك رجعتهن بغرفتك أنـه بعت الملاوي مالاتي
واشتري هل اثاث الله لا يعوزها عليك وإنه موجوده .

تَـــمــوز : أستغفر ربي تجبرني اطلع عن قاموس الأخلاق
وحق قميص يوزر سيف گاضب لساني بالمعاررررك .

طبگت الباب بوجهي فوك ما عذبت ابنها المفروض هي
تعاند ؏ طلاگي امي بالعكس وگفت وياهااا ضدي
هساع اذا احجي للعالم تضحك علية والله .

><><><><><><><><><
هَــيـلانـة...

إنهيار ، ضعف ، مشهد يهز جسدي الهزيل ، دموع رهبة النهاية
تمسكت بيد العزيز بعز هدم الم روحـي : خايفة لا تعوفني وحدي .

العزيز: يمچ حبيبتي عليش تدحگين ؏ المنظر حاولي من يصير
جدامچ هيج مواقف لا توكفين الله يخليچ بس عذابهم كافي
اذا نطلع وهل ذكريات براسنا مانكدر نعيش طبيعي .

هَــيـلانـة: هلكت والله اذا يريدون يموتوني اقبل .

العزيز : الخاطري لا تغلطين وتسمحين الهل قذر يأذيج جدامي .

غطيت وجهي اريد تغمض عيوني يوم بطولو وعيوني
ما نشفت مو بس أنـه انهار كل البنات السبايا متعذبات مثلي واكثر
ويومها سمعت صراخ اكثر من مرتين واكتشفت أنتحار متكرر
اني عزيز مصبرني بس غيري بالغربه وحدهن الخوف مضاعف عليهن .

صار اليل فزيت من نومتي ؏ صوت خطوات قريبة مني
رفعت راسي صار جدامي الــســفــاح يدحگ بنظرات
الرعب عيونو بيها لمعة گعد جدامي ابتسم بتعب
مد ايدو بيها نستله : صار شكثر ما اكلتي حلويات
العزيز يگول جنتي ماتعرفين تنامين اذا ما تشترين
لو تسوين كيك صحيح .

اخذتها من ايدو دحگت عليها ودموعي توگع
امسح بعيوني وترجع تنزل
مد ايدو مسح دموعي بطرف اصبعو وهو يهمس
بضعف : اسف ؏ هل مشهد إلي راح ينحفر بذاكرتچ .

هَــيـلانـة: خايفة ينتقم منك كلام جلاد وتهديدو رعد گلبي .

الــســفــاح: ماعندي شي اخسرو كلشي مايعرف عني
مايگدر يأذيني اكسر راسو بس يحاول يقترب مني .

طلت النظر بعيونو ابتسمت بوجع
_ كلامك شي وأفعالك عالم ثاني .

الــســفــاح: شنو قصدچ ؟

هَــيـلانـة: جلاد يعرف قصدي ..

توتر ، القلق وأضح كالشمس سحب الشماغ من راسو
ورجع راسو ؏ حايط : الهل درجة خوفي عليچ مبين بعيوني ؟

هَــيـلانـة: بتصرفاتك مبين اكثر ، خايفة يخليك بنفس الموقف
هساع بديت اكشف سبب عصبيتك وغضبك مني بالبداية
شكثر جنت غبية ياربي شكثررر .

الــســفــاح : نعيش يوم بيومو وبالأخير تفرج
متشوق اعرف شلون تخلص بالأخير أنـه لو جلاد
مو زلمة اذا ما اخلي التفگ تمطر علية يعرفني آنه
حبل المشنقة انه الكابوس الأحمر .

غمز بعيونو وهو يتگرب ويهمس : الساعة بـ 3 الفجر انتظرچ بالسطح .

كمل كلامو وگتم يريد يطلع
هَــيـلانـة: دركْان يحفظك الرحمن منهم كلهم .

الــســفــاح: استودعچ الله هيل .

خرج من المخزن بقيت ادحگ ؏ نستله شگد صارت عزيزة
حتى گلبي ماينطيني افتحها واكل منها خليتها بجهة گلبي
هي كلشششش صغيرة لونها أزرق بيها مبروش من الداخل
اسمها coco coz ، رجعت ؏ مخدتي الموقف كلو يتردد جدامي
كورت نفسي ورجعت نمت بس وكأن شغلت منبه بعقلي بس
صارت بـ 2 ونص گعدت رحت غسلت وجهي وعدلت ملابسي
تسللت بدون ما اصدر صوت يجذب أنتباه وصعدت بكل
هدوء گضبت رأسي آول ما وصلت للسطح وصلني صوتو
_ دايخة ؟

هَــيـلانـة: ردت اكمل نومتي بس قلقتني يمكن عندك شي
مهم تريد تطلبو مني آني جاهزه واحاول اساعدك .

اشر بيدو بعلامة ؏ كيفچ ابتسمت ؏ منظرو
وهو يهمس : يولو تلفزيون عالي وضايع الريمووت هذا حالي وياج .

دحگت بطرف عيوني وكملت طريقي
هَــيـلانـة : حدر نظف المكان حتى اگعد دايخة مابيَّ حيل اوگف .

تقدم وهو ضاغط ؏ ملابسو عاض شفايفو
مال راسو وهمس : وما تريدين انزل قميصي وافرشو بالأرض
تگعدين عليَّ ست هَــيـلانـة .

رفعت حاجبي وبكل برود رديت
_ شكو بيها من الزينات تصير
شريف وتنزع القميص وانه اگعد .

من الصدمة عيونو بقت ترف عاط بيَّ
وهو يشتاط غضب: اذا ما تگعدين ؏ قميصي شنوووو اطلع مو شريف ؟

هَــيـلانـة: مو الشرف إلي ببالك لاااااا شرف ثاني
خاني التعبير لحظة.

الــســفــاح: اله جفصتي بنص بطني لا تعبير ولا بعير براسچ .

هَــيـلانـة: بس اصبر اجمع الأفكار براسي المفردات تزاگط جدامي
بعدني بالصدمة يولوووووو اوووو افهمها مثل ماتريد .

فر لسانو ؏ اسنانو وهو يدير وجهو يستغفر ويرجع ليوره
اخر شي رفع ايدو مسح ؏ انفو وهو يتنفس بغضب
_ أحاول أهدي واطول بالي لان الموضوع يحتاج روقان .

هَــيـلانـة: شنو يروقك انتَ بس راسك شكبرو يحتاج ساعة
منا تكمل وتهدي مصبح علينة الصبح الله من خلقك طبگ
بيك عشر زلم ؏ هل ضخامة .

الــســفــاح: صدقتي أنـه بعشر زلم بس انتِ من الله خلقچ
مع الاسف ما كبر عگلچ وانه بتليت بهل نملة براسچ .

هَــيـلانـة: تريد تقصف وانه اقصف ومابيَّ حيل أنزل أحسن.

الــســفــاح: لاااااا لحظة اشرب جكارة حتى تستقر اعصابي .

هَــيـلانـة: انتَ شلون ادخن والدواعش مانعين التدخين ؟

الــســفــاح: يوصل الباكيت تهريب وهين اخلي بالسطح
كل يوم قبل لا انتم اشرب وحده مدمن مو بسهولة أبطل .

عافني وراح بعيد يم الباب يشرب بالجكارة وصدك شوية
ورجع رايق تحيط بي هالة الهدوء والسكينة لف الغترة
عدل ؏ راسو وانه بلا أنتباه صفنت بي ؏ ايدو ؏ شكل
الغترة وجمالها عليَّ الى ان فززني : البيريه العسكرية أحلى عليَّ .

هَــيـلانـة: واني شكووو حلو بالغترة بالبيريه مشكلتك بكل
الأحوال اجلح أملح اسود بلون الفحم .

الــســفــاح: بلون كلبچ ، احلف عليچ تتمنين تدحگين شكلي بالعسكري .

هَــيـلانـة: تريدني احجي حتى تنغث وتصير عصبي
وتعالي يا هَــيـلانـة تحملي هل نازوكي إلي من كلمة يزعل .

الــســفــاح: يااااااا صبرررر ايوووووب
ادحگي يولو ذهب اختچ .

وسعت عيوني لطمت ؏ وجهي وبقيت اكمز من الخوف
_ صخاااام بوجهي شبيهااااا ذهب اخوك سلمها موتهااا ؟؟
شصاار جاوبني لا تدحگ عليَّ بهل طريقة .

ظل يدحگ داير ما داير السطح رفع اصبعو يعض بي
من قوة العض اني من يمي توجعت عافني وراح يدحگ
؏ درج رجع عليَّ : كلهم سمعونا يولووووو انتِ تريدين تموتيني
ناقصصصصص ضيممم بحظك وبختك يا جلاد من دخلتها للمعسكر
شلون جنت مسيطر ؏ وضع هدمت كلشي هل نواصههههههههه .

هَــيـلانـة: گلبي راح يوگف بس لا اتخربط جاوبني شبلاهه ذَهــب.

رفع ايدو يدلك براسو من الخلف يم رگبتو
_ أنـه موووو راح لا والله أنـه من صدگ ضربني دمار منچ .

غوشت عيوني بالدموع وانه اهمس : ذَهــب بيها شي ؟

الــســفــاح: لا ومحمد بس تريد تحچي وياچ كــانـــون طلب
مني يا اما تحجين انتِ وياهه لو العزيز ، عزيز خطر ويراقب
جوة الأسهل انتِ احجي وياهه بس ، هَــيـلانـة ذَهــب حامل
وتعرفين بمرضها وهي خايفة وقلقانه عليكم وبعد ماعدها
صبر تريد هي تبحث عنكم اريدچ تحجين وياهه وتفهميها
الموضوع مو سهل بس انتوا مرتاحين حتى لا تترك كلشي
وتجي للموت برجلهه تعرفين اذا توگع بيد جلاد شنو يصير بيها .

هَــيـلانـة: ماشي خابرها .

الــســفــاح: أنـه راح أراقب من بعيد بس أصفق مرتين
تضمين التلفون بهل مكان الفارغ .

دحكت ؏ مكان صاير جوة التانكي مال مي
هزيت راسي هو راح راقب الدرج ورجع طلع الجهاز
وبسرعة همس : وياك 502 تسمعني اجب .

_ وياك 205 اسمعك سلم الجهاز .

سلمني الجهاز وابتعد يراقب بس يسمع
بس سمعت صوت ذهب وهي تناشغ
نزلت دموعي تحرك بخدي : ذَهــب حبيبتي امي مشتاقتلچ .

ذَهــب: يا نظر عيني يا هَــيـلانـة شلونچ عمري
اسفة عفتكم كل هل فترة بيد جلاد خجلانة منكم
وتعبانة عليكم أعتذر منچ ومن العزيز .

رديت وانه اجبر بنفسي امثل عليهه القوة
اعرف اختي وعنادها ما اريدها تجي للموت
ذهب تعبت ماتستاهل تتعب آكثر : لا تعتذرين احنا نعتذر منچ
تعبتي بسببنا چثير ومانعرف شلون نجازيچ ؏ كل التعب .

ذَهــب: شلونچ صوتچ تعبان همات تنضرين ؟
العزيز شلونووو زين بعدو عزيز لو تأثر بداعش ؟

هَــيـلانـة: جنت نايمة وصوتي متغير لا تخافين
العزيز وداركان ما يسمحون الشخص يأذيني
اطمئني تربيتچ ما راحت هدر بعزيز بعدو
نفس الحنان والخوف بعدو نسخة ذَهــب .

ما گدرت تجاوبني بس تعبر عن خوفها وتعبها وقلقها
بالبچي جانت تصرخ وترجع تسكت وصوت خشن
رجولي يهدي بيها تأكدت رجلهه من همس بخوف
_ هوبا راح يصير بيچ شي كافي حبيبتي كافي اخذي نفس
هي مابيها شي وعزيز بخير عليش هل دموع .

هَــيـلانـة: شلونو النونو سمعت حامل ؟

كــانـــون : اسمعيها وتعرف اخبارنا تعرف بنفسها
راح تصير خالة عن قريب .

هَــيـلانـة: اكيد اذا يطلع ولد راح تسمي العزيز .

ذَهــب: أذا يوافق كانون اكيد بدون تفكير .

كــانـــون : أحب ايم العزيز مميز واذا بنية تريدين نسميها هَــيـلانـة .

هَــيـلانـة: لااا رجاءً اسمي مميز وفريد من نوعو لا تحتكون.

من بين الدموع ضحكت ذهب وهمست : هههههه بعدچ معجبة بـ اسمچ .

تقدم الــســفــاح اخذ التلفون وهمس : ومعجبه بروحهه النواصه
احجي وياهه خليهه تعقل خبلتني .

ذَهــب: سبحان الله عبالك صوت كــانـــون
انتَ دركْان موو ؟

هَــيـلانـة: العملاق الوحش المغرور المغوار الــســفــاح المكروه .

الــســفــاح: كــانـــون اذا حرمه هيچ تحچي ؏ زلمتهه شنو
لازم تكون عقوبتها ؟

ذَهــب: زلمتهه يعني تزوجتهه ؟

هَــيـلانـة: يعني هيج عقد داعش اشتراني من الشبح أصيل .
ذَهــب: يعني هساع انتِ زوجة دركْان
وإنه زوجة كــانـــون هههههههههه
تخيلت ملامح فراس اذا يعرف بالموضوع
اخوات متزوجات اخوان هو أنـه وما طايقني
شلون اذا يعرف بهيلانة .

الــســفــاح: اخررررر همي هل مريض بعرف لو مايعرف
هو ؏ نفسووو مايرضى تريدين يرضى علينة .

كــانـــون : اشك هل مرة السحر رباعي .
ذَهــب: تلف فلوس .

الــســفــاح :لازم اغلق المكالمة حتى ما ننكشف .

ذَهــب: امانة الله ورسوله كل مايصير عندك مجال تخليني
احجي وياهم لا تحرموني منهم وأمانة حافظ عليهم واحميهم
وبـ اقرب وقت رجعهم .

الــســفــاح: بشرط .

ذَهــب: اذا اگدر من عيوني .

الــســفــاح : حافظي ؏ كــانـــون ولا تعذبي هو يحبچ من كل
كلبو لا تخلي يتعب كانون تعب بحياتو الى درجة مستحيل
تنوصف بكلام ، ومقدمًا تولدين بالسلامة ..

ذَهــب: ان شاء الله هو ملاذي كــانـــون روحـي بدون ما توصيني
اخوتي امانة عندك حافظ عليهم مع السلامة .
هَــيـلانـة: ذَهــب احبچ .

؏ طول كلامهم وانه بالأرض اناشغ وابچي من التعب
اريد ازكح تعبانة احتاجج اريدچ يمي قريبة مني
تعبت تعبوني بسس اخاااف عليهه لازم اسكت لازم
مجرد ما غلق المكالمة نزلت أجر بروحي بخطوات ثقيلة
دخلت للمخزن لحظات ودخل العزيز بطلب من الــســفــاح
يريدو يشوفني شلوني حضني بكل قوتو
_ حجيتي وياهه .

سولفت عن كل كلامنا سوية گعد بفراشو منهار
وختمها بجملة خلتني اصفن : همات يجي يوم ونلتقي ؟

بعد هل يوم المتعب نفسيًا وجسديًا ماتوقعت يمر مواقف أصعب
منو ، يومين بس يومين من هدوء جلاد والمعسكر بالكامل
بـ أثناء كسر الجلاد الكل أتهاون وبيوم وليله كاعدين كل عادة
بوقت متأخر من اليل بيدي نفس النستله مال الــســفــاح اتفحص
بيها وكأنها كنز ثمين وهي ثواني هجست جسمي كلو نرفع
للسگف ونرگع بالأرض وگعت عيوني ؏ سگف يتساقط
علية بدون ما احس بـ الم يذكر بس النفس انقبض
عيوني تغلغل بداخلها السواد وبديت أفقد بس دفو ينزل
من راسي ؏ أذني وكأني دخلت بماي دافي
واذني من قوة اصوات القذايف تنضرب بدون توقف .

قبضت ايدي ودموعي نزلت مستحيل اطلع من هين
هاي جانت كل أفكاري ، العزيز بالخارج الــســفــاح
گلبي وياهم غمضت عيوني وتشاهدت من هجست
بروحي تطلع من جسمي: أشهد ان لا أله لا الله
اريد اكمل وندفع الباب دخل الــســفــاح يركض
ويوگع من السرعة من دحگ شكلي دفر الكنتور
وشال الكاشي زاح أنقاض السگف من جسمي وشالني
دخلني داخل النفق السري حافري الدواعش حتى يهربون منو
ورجع سحب الكنتور حتى ما يتبعون طريقنا بين الفاقدة
والصاحية سمعت صوتو يصرخ
وهو مطوق راسي بيدو يطبطب
على وجهي بفزع رفع ايدو يدحگ على دم يوگع من راسي
- هَــيـلانـة لاااااا هَــيـلانـة تسمعيني
اسف عفتچ وحدچ هيـــل افتحي عيونچ هيــــل لا تغمضين عيونچ .

رديت بصوت متقطع خائف: العزيز وينو ليش مو وياك .

ركزت بي هو همات ينزف وما اعرف منين الدم يوگع
منو وكل شوية يريد يفقد الوعي بس مقاوم
الــســفــاح: لا تخافين راح أبحث عنو .

هَــيـلانـة: اخاف مات القذايف ماتوگف اخاف أخوية مات .

كملتها وبديت أفقد وروحي تنسحب مني
_ هيل يولووووو هيل لا تغمضين عيونچ
ادحگي بعيوني اريد تركزين بيَّ .

هَــيـلانـة: مو تكره نظراتي ؟

طوق راسي اكثر شال خصلات شعري من وجهي
ينگطن دم وتگرب مني وهو يهمس : چذبت والله هساع اريدچ
ماتفقدين الوعي ابقي ويايَّ احجي لا توگفين بس احجي
هيل مو احجي وياچ هيل هَــيـلانـة ..

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد