تجبر أحفاد الــ دليم الفصل الحادي وخمسون 51 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _48 _

بنص الحرب والجثث يلمع كبالي طلق
‏بي تنتهي احلامي ، وفكرت ارجع الك !
‏تخيلّ .. ببالي تجي والموت كدامي 💔 .

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
الــســفــاح ، دركْان ، الدرباس

الــســفــاح:چذبت والله هساع اريدچ
ماتفقدين الوعي ابقي ويايَّ احجي لا توگفين بس احجي
هيل مو احجي وياچ هيل هَــيـلانـة ..

سحبتها غطيتها بجسمي من ضربتنا قذيفه قريبة
من النفق المتواجدين بي : الهي انتَ ثقتي في كل كرب
طلعني من هل مصيبة مثل كل مرة .

حاولت احرك نفسي سحبتها وصلنا النص النفق
بس أريد إبتعد من هل معسكر الهجوم كلو تركز عليَّ
تلمست مكان جرحي صاير بظهري من طخ الحايط مبين عميق شل
كتفي شل عدلت هيل ؏ رجلي نامت ورجعت راسي
استندت ؏ ترأب ورايَّ ، بكل دقيقة تنگلب عيوني
عيوني وافقد الوعي واجبر نفسي اصحصح الى ان فقدت فترة مو قليلة ..

صحيت بكثر ما هيل نزفت
ملابسي عبارة عن دم نزعت تيشيرتي ولفيت راسها اريد
بس اقلل النزف خليت أصابعي ؏ رگبتها النبض ضعيف
شبه مختفي نزلتها بالأرض واعت روحـي عت الى
ان وصلت نهاية النفق فكيت شوية منو ادحگ عليهم
ماكو احد هو التفق يعبر ؏ منطقة ثانية تابعة الداعش
اخذت علم ابيض مرتبي الدواعش بالنفق هذا يفيدهم من يوگعون بهيج
مواقف جدامي صار معسكر ثاني رفعت العلم بس لمحوني
ركضوا بتجاهي والأسلحة كلها تمركزت عليَّ

_ من انتَ عرف عن نفسك .

واحد ثاني ينبه بي : أنتبه يا امير قد يكون احد المرتدين
يلبس حزام ناسف .

رديت بصعوبة وانه اضهر نص جسمي
_ لا ألبس الحزام وانا الأمير السفاح تابع للمعسكر الـ**** .

_ آهلًا يا امير الحمدلله ؏ سلامتك هل انتَ الوحيد موجود هنا.

الــســفــاح: معي زوجتي أريد رداء حتى تخرج من الداخل .

ركض واحد بيهم ورجع بيدو عباية نزلت وحدي
سترت هَــيـلانـة وبصعوبة كبيرة طلعتها
ركضت بيها داخل المعسكر فتح غرفة بيها فراش
نزلتها بالأرض وطلعت صحت : عدكم دكاترة ؟

_ يوجد واحد معتقل بسجن المعسكر .

_ لو سمحت اطلب يعالج جروحنا حالًا .

_ حسنًا لكن يجب ان نخرج من هذا المعسكر بأسرع ما يمكن
جميعنا بخطر الموت قريب .

الــســفــاح: من كان مسؤول عن الهجوم .

_ الحشد الكافر المرتد سوف اشرب من دمائهم القذرة وهذا دين .

غلقت الباب اخذت بطل الماي غسلت وجهي
وگعدت جدام هَــيـلانـة شلت العباية ورفعتها اريد
اعرف مكان الجرح وينو ماگدرت من شعرها ثخين
صعب احدد ، والدم يابس غسلت وجهه من الدم
وبقيت گاعد بضعف انظر هلكان : هَــيـلانـة تسمعيني اگعدي سمعيني صوتچ الأول مرة اخاف وانه بيناتهم مو عليَّ ماخاف من الموت بس
اخاف تتأذين اگعدي احمي نفسچ النوم مايعجبني عليچ .

تجرأت أتلمس اصابعها صايرات كلهن دم
_ اصحي هيل ادحگي عليَّ بعيونچ الجريئة
اريد ادحگ قوتي بعيونچ ، لا تعوفيني .

عصرت راسي ونهضت افتر وارجع ابتعدت من الباب
من وگع الدكتور حالتو أسوء من حالتنا ساعدتو يوگف
من طلعوا
الــســفــاح : شصاير بيك ؟

دحگ بوجهي بنظرات ضايعة شفايفو يابسة
قدمتلو ماي شرب البطل كلو تركني وراح
بتجاه هَــيـلانـة يفحص راسها
رجعت كررت السؤال : عليش انتَ هين .

الدكتور : انتَ آبن الأنبار ؟
_ اي صحيح أنـه آبن الأنبار .
_ بعت أرضك وهذا حالك ولدنا ناوين ؏ دماركم .
_ليش انتَ هين ؟
_ اخذتوا حرمتي الدكتوره سحر واجيت ارجعها.
نزلت راسي مكسور ؏ حالو هجست صوبني شكثر يحبها
باع نفسو حتى بس ترجع حرمتو حلالو حسبي الله ونعم الوكيل
الــســفــاح: كمل شغلك بساع .

اخذ گطن وماي يغسل بمكان الجرح
_ هاي حرمتك ؟

هزيت راسي بعلامة اي كمل كلامو بضعف
_ تحبها ؟ تقبل شخص منهم يأخذها منك ؟

الــســفــاح: وينها هساع حرمتك ؟
_ عند اميركم عبد .

رجع يكمل ويعقم بالجرح ويگعد يرتاح
من كثر مايدوخ محاربي لا اكل ولا شرب ولا نوم
شبه مهستر من التعب : تحتاج خياط وماعندي خيط
عقمت الجرح ولفيتو بشاش وگطن وضربتها إبرة التهاب
وقليل من المسكن .

گعدت ونزعت الفانيلة متألم من الجرح
_ انتَ همات تحتاج خياط .
_ عقم ولف بين مانوصل للمعسكر الثاني ارجع خيط .
_ بس اطلع يقتلوني ما روح وياكم هاي اوامر اميركم العار .
_ لا تغلطططط وطول السانك حتى ماتموووت
نبهتك حتى ما يسمعون صوتك والتجاوز وتموت على ايدهم .

بلغتهم خلصنا تقدموا اثنين يريدون اخذوا
طلعت وياهم دفرو بنص الصحراء وطلع
الأمير عبد رفع السلاح گضبت ايدو
وبدون تردد اردفت : يأتي معي هو يعرف حالتي وحالة زوجتي
هناك بعد خياط جروحنا إفعل ماتريد فعلهُ .

السيف : هناك يوجد مستلزمات طبية ودكاترة لا نحتاج
هذا الوعد الحقير لا أتحمل رأيت وجهه القبيح .

لو بيدي افجر راسو يحجي ؏ قبح وأنه دقيقة
ما اتحمل اطول النظر بوجهو الحيوان ابن الحيوان
_ بلغتكككك يعرف حالتي أنـه وزوجتي ويفتهم اريدوووو .

دحگ علية بحقد مبالغ وسحب السلام وتوجهه للداخل
وهو يعلي صوتو : بس يكمل علاجكم يموووووت .

تقدم واحد من يمعهم وبدون مقدمات اردف
_ مولاي جهزوا نفسكم سوف نخرج خرجت اربع وجبات
حان وقتنا ألان .

أومأت وجريت نفس لا بيَّ احجي ولا بيَّ أرفض
كلهم طوقوني والمصيبة الكبرى العزيز اختفى
هساع اذا اهرب منهم بس أنـه وياهه وعزيز شلون
بس لا صار بي شي نرعد گلبي بمجرد ما تخيلت
رجعت للغرفة لگيت وحدة مسؤولة يمها مثل شغل
عطاء تفحص بيها وخلت زي اسلامي وطلعت
لبستها شلون ماكان وطلعنا بسيارة بيها الأمير عبد
وحده كاعدة قريب منو أيدها مطوقة عرفتها زوجة الدكتور
وانه دخلت هيل وبعدها فاقدة الوعي نومتها
وگعدت بصفها راسهه على رجلي .

مسحت وجهي عرقت من الهوسة والتعب والخوف
كلهن مشاعر مختلطة بدون تردد استفزيتو
الــســفــاح: هل هذهِ زوجتك ؟
رفع حاجبو يدحگ علية من المرايا ابتسم إبتسامة
لعوبة وهو يدحگ عليهه يحاول يستفزهه دارت وجهه ؏ شباك
عبد : نعم زوجتي .

الــســفــاح: لماذا مقيد يداها ؟
عبد : يبدو انك تحب الاسئلة الكثيرة .
الــســفــاح : ذكي انتَ ذكي صحيح انا من عشتق الأسئلة
احب استمع للقصص الغريبة .
عبد : وهل قصتنا غريبة برأيك ؟
الــســفــاح: أسمع وأحكم .
عبد : لا احب الكلام انا عكسك يا امير الــســفــاح .

نزل جدام معسكر ابو لهب بالدقايق وانه مصدوم من هول المنظر
جلاد واگف بكل شموخ خالي من الخدوش تمامًا شلووون ؟
هو مووو موجود بالبيت شنوووو جني مووو انسان هذا
مسحت وجهي وبلا سيطرة خزرتو وفكيت الباب صرخت
_ انتَ هناااااا ؟
جلاد : الــســفــاح لقد قلقت عليكم انتَ واولاد عمي .
الــســفــاح: انتَ جبتهم وانا اتورط بهمممممم
لقد اتعبوني لا أتحمل طفح الكيل منك ومنهم .

ابو لهب : ماذا يحصل هناا هل برأيكم وقت مصارعات وحروب ؟

دنجت راسي ونزلت شلت هَــيـلانـة وانه بقمة غضبي
صرع براسكككك وبراسسسس جلاد العار
دخلتها داخل المعسكر قابلتني عطاء من الباب تدحگ
علية وتتفحص بشكلي : شغلت بالي عليك يا امير لقد
قلقت عليك كثيرًا .

الــســفــاح: وين اخليها هل غضب تكلمي ؟

اشرت النهاية الممر دخلتني الغرفة عبارة عن ناجين
من المعسكر عبارة عن نساء وأطفال نزلت هَــيـلانـة بنهاية
الغرفة واشرت عليهه : اجلسي عندها ممنوع تتحركين
الى ان ارجع واذا اكو دكتورة تخيط جرح راسهه أفضل .

عطاء: وانت يا مولاي وضعك غير مستقر ارجوك
أجلس قليلًا حتى تتعالج وأذهب .

الــســفــاح : ركزي ؏ هَــيـلانـة .

عطاء: هَــيـلانـة هي سبب بكل دمارك يا مولاي أرجوك أجلس.

الــســفــاح: انتِ شكوووو بوية لا تدخلين وأبقي كاعدة
قريب من هَــيـلانـة لا تحتاج شي وماكو احد يمهم .

عطاء: أشرب القليل من الماء ودعني اجهز لك الطعام .

الــســفــاح: بوية تروحين من وجهي لا اصخممم وجهج
اريد اكمل شغلي .

عطاء: ماذا .

الــســفــاح: عطااء طرررررريق .

ابتعدت منها وطلعت وجلاد يضحك
اريد اگضبووو اورم وجهووو ومحمد
جلاد : كالطرزان حميتها واتيت اخرجتها من الموت
لكن آين اخوها ؟ العزيز غير موجود معكم .

الــســفــاح: ابن عمك انتَ أحضرتهم وانت المسؤول عنهم .

جلاد : تعبت منهم ؟ تخلوا المسؤولية ؟

رديت حتى يعرف اولاد عمو ما يهموني وياخذهم
نقطة ضعف : عندي اعمال اهممم منهم ومهمات بعدها لم تنجز
انتَ تخرج وتحمي نفسك وانا اتعب معهم اخلوا المسؤولية .

جلاد : الحق معك وامام ابو لهب انفصل عن بنت عمي
وانا اتزوجها واجعلها من زوجاتي .

عرفتو يختبرني طگيت رگبتي وبعدم مبالات رديت
_ ابحث عن أخوها وبعدها تزوجها حلالك .

هز راسو وابتعد أتبعت طريقو الداخل المعسكر
صعدت الدرج دخلنا حجره مرتبين بيها ميز وكراسي
گعدت وياهم وبعدني ما مرتاح من الصار صبرت نفسي
وقاومت كالعادة بديت استمع الكلامهم واشاركهم أفكاري .
ابو لهب: لقد تضاعفت أعدادهم .
جلاد : وكشفوا أغلب أماكننا .
ابو لهب : ازرعوا رجالنا بصفوف رجالهم .
الــســفــاح : يعني نزرع رجال جواسيس عندهم ؟
جلاد : بالضبط هل نكلفك بهذهِ المهمة ؟
الــســفــاح: سهلة انا اقوم بخطط تدخلهم بوسط المرتدين .
ابو لهب : اذا اتحدوا سوف يشكلون فرق خطيرة.
الــســفــاح: من تقصد ؟
ابو لهب : اقصد اصحاب البدلات السوداء والحشد وغيرهم .
الــســفــاح : نحن أقوى منهم .
ابو لهب : لا تستخفون بمهاراتهم لديهم مجموعات يرمون بـ انفسهم
امام الموت ومجموعات يفضلون الموت ؏ ان يعترفون ضد بعض .
الــســفــاح : جميعنا نعلم بقوتهم وقدراتهم يجب ان نحذر اكثر .
جلاد : سوف نرجع ونبحث بالأنفاق ونرى من من رجالنا ؏
قيد الحياة ومن فارق الحياة وذهب لجنات النعيم .

دلكت راسي وتظاهرت بالجمود وكأني ماسمعت كلامو
_ إنا لا استطيع الذهاب اريد إن اضمد جروحي
اين الدكتور الذي أتى معنا .

عبد : موجود في المخازن خلف المعسكر .

أشرت الواحد من الجنود : أحضروا جرحي ينزف
ويا مولاي ابو لهب اريد غرفة خاصة رجاءً .
_ لا يوجد مع الآسف اعداد كبيرة موجودة داخل المعسكر
دعني اقلل العدد واجهز لكم غرف.

تشكرت منو ونزلت وجلاد اخذ مجموعه وراح
لو مو خوفي يعرفني خايف عليهم أنـه بنفسي
اروح وابحث خصيصًا ؏ العزيز ، بس قاومت
تفكيري ودخلت الغرفة بيها مجموعة منهم
يلقبونهم الأمراء ودخل الدكتور عقم وخيط الجرح
مجرد خيطين لا اكثر ، من كمل طلعت للحمام وصحت
عليَّ وانه اغسل همست بصوت خافت : لا تسوي مشاكل
وراح تظل مشرف ؏ حالتي هل يومين افتهمت .

هو رجل وأضح علية شكثر محترم ورزين
أكتفى بالسكوت لحظات واخذوا رجع للمخزن
ساعة ودخلوا صحن بس تمن وفوك التمن مرق
مادري مال شنو والتمن بارد معجن وبرتقالة .

عبد : مااااااا هذا أمراء يأكلون هذا الهراء.

اخذت ماعوني جسمي كلو من قلة التغذية والتعب
يرجف اكلت بدون كلام من الجوع حتى ما هجست بالطعم المقرف
بس مجرد اكلت بسرعة وخليت راسي ؏ مخدة أريد أرتاح
بس شلوووون أرتاح وكلهم شياطين محاطين داير ما داير الغرفة
ترددت وبقيت بس متمدد بس الإرهاق اخذ حيز جبير من حيلي
نهضت غسلت وجهي وگعدت انتظرهم جدام البوابة
دخلت مجموعة من النساء بداخل باص وگف ابو لهب
وانه من بعيد ركزت تنزل بنية بعد الثانية إذا حلوة ينطيها هدية الأمير
او خليفة واذا شكلها عادي يوزعهن ؏ الحراس الموجودين برة
بليل كل يوم هل فئة من البنات القليلات الجمال مثل ما يوصفونهم
يتعذبن واغتصبوهن مجموعات مجموعات متتالية .

سمعت صوت عطاء خلف ظهري
جانت هادئة وبصوتها رجفة: يا مولاي .
بدون ما ألتفت رديت ودنچت راسي
_ نعم .
عطاء : أدخل يا مولاي لقد جهزت لك ملابس مناسبة
أغسل الدماء من ؏ جسدك فـ والله كل ما أراك هكذا اتقطع .

الــســفــاح: شلالات الكرم عند عطاء واگطع .

بدون تردد سايرتها ودخلت للحمام غسلت الدم مني
والتراب وبدلت ملابسي وطلعت من سمعت اصوات
خارج المعسكر بس لا يصير هجوم وبعدني ما مكمل تبديل
يصير شرفي سفرتح .

عدلت شعري بيدي وبقيت ادحگ عليهم والف بالغترة
اتفحص بالوجوه تقدم جلاد وهو يهمس
_ كل المصابين موتتهم بس الموجودين تحت الأنقاض
وعايشين والموجودين بالأنفاق ساعدتهم ورجعتهم .

أريد أسئل ؏ العزيز وهو يستفزني ويسكت حتى
اسئل ويعرف أنـه مهتم رديت بكل صلابة: باقي عدد قليل ؟
جلاد : اي بس 17 ناجين والباقي الى رحمة الله .

بعدت عيوني منو وسرعان ما ابتسمت غصبًا عني
من دحگت العزيز نزل مشيت بتجاهو حضني
وهو يستفسر قلقان متشوش : وينهاااا اختي وين؟
الــســفــاح : بالحفظ والصون بعدها امانة .
طبطب ؏ أكتافي تألمت وصحت : يالبووومة الخياط .
العزيز : لاااا تگولها تصاوبت ؟؟؟؟؟
الــجلاد : وأختك مضروبه براسها ونزفت چثير .
العزيز : الله ينتقمممم منكككك يالعااار .
جلاد : تريد ادمرك ؟

تهاون عن كلامو ودخل للداخل ادحگ عليَّ من بعيد
يحجي هو وعطاء وهي عيونها علينة أنـه والجلاد
_ بـ اسرع وقت تروح للمعسكر اخذ وجبة من الرجال نحتاج
عدد زين تحسبًا لهجوم مرتدين .

عافني وراح تصرفاتو صايرة غريبة عجيبة
رحت العزيز راقبتو من بعيد گاعد بصف
هَــيـلانـة يمسح بيدها ويعدل بشعرها
_ عطاء شلونها اختي وجهه مورم .

عطاء: بصحة جيدة لا تخف تحتاج الى النوم
لقد ضربوها المسكنات غدًا تستقيظ .

الــســفــاح: هيا يا عزيز تعال وأترك عطاء عند اختك .
تقدم گضبني من ايدي وهمس : ليششش ما انتبهت عليهه .
_ مو زين طلعت سلامات وگع عليها انقاذ من السگف
ويوم كامل مر احنا بالنفق وهي تنزف بأعجوبة طلعنا .

بقيت واگف وهو راح للحمام بعد ما كملت كلامي
اخذ وجبة من أكلهم ودخلتو يمي بين ما هو ياكل
اخذت غفوة سريعة حتى اگدر اصحصح واركز وياهم هل شياطين
وهو عافني ما گعدني يعرفني ما نايم بقيت نايم وهو گاعد
للصبح طلعت من الغرفة لمحت عطاء طلعت هَــيـلانـة من الحمام
عاندت نفسي وخرجت للمعسكر الثاني اخذت منهم متدربين
وأسلحة ورجعت ادرب بيهم بساحة المعسكر الخارجية
للظهر بلغت العزيز بكلام جلاد بخصوص زواجو من هَــيـلانـة
أغتاظ ويريد يروح يتعارك وياه ضربتو ؏ راسو وإنه أنبه بي
_ يا غبي تعامل عادي لا تخلي يعرف بيك تريد تبقي اختك يمي
ونبه هَــيـلانـة ترفضو جلاد تختار الــســفــاح وخلصصصص .

سمع الكلام وراح يوصل كلامي الـ هَــيـلانـة
والجلاد باقي خارج المعسكر ومن الصبح رجع
حامي وشايط من الغضب يريد يخلي قهرو بخسارة
المعسكر الي هو مسؤول علية بشخص بس الكل يفتهم
عليَّ عافهم ودخل وياه رجل كبير معمم منهم
بقيت بالخارج الى ان ناداني أنـه والعزيز
لگيت هَــيـلانـة موجودة تدحگ بالوجوه مرعوبة
وجسمها كـ السعفه يهتز وعطاء تشوح حالتها
_ لقد نزفت كثيرًا وحالتها غير مستقرة والطبيبة تقول
عندها فقر دم حاد تحتاج الى عناية .

گعدت قريب من جلاد هو التفت علية
وبكل خبث يتكلم : هيا يا سفاح هل انتَ مستعد .
الــســفــاح : الى ماذا استعد ؟
جلاد : بعدني عند كلامي اريد بنت عمي تصبح زوجتي .
هَــيـلانـة: وانا لاااااااااا اقبل بكككككككك اقتلني أفضل
هل تريدني ان اتزوج سخص عار وخزي ما بلحيفففف .
جلاد : لا تسمعيني صوتكِ يا عورة الكلام والقرار عندي وعند الــســفــاح .
الــســفــاح : لا مشكلة لدي لكن الأفضل نأخذ بكلامها .
جلاد : اي كلامممممم ؟
هَــيـلانـة: لا اريدك واختار الــســفــاح .
نهض يمشي بكل تمهل إتجاهه وهو رافع اصبعو ويحذر بيها
جلاد : ماذا قلتي ؟ كرري كلامك حتى اقتلككككك كرري .
بكل تحدي وكل ثقة وگفت وهي گاضبه ملابسها تقوي نفسها
صاحت : كلامي وأضح وثابت غير مهزوز مثلك
اختار الــســفــاح لااااااا اريدككككك .

><><><><><><><><><
قُــسَـم ..

دخلت للمحل الرابع ؏ التوالي
بعدني مجرد ادحگ ؏ اغراض
عكس دوهــان يركض ويتفحص
_ حبيبتي ناخذ هاي الثلاجة عاجبني لون رصاصي شنو رأيچ ؟

قُــسَـم : براحتك اذا عجبتك ناخذها .

دوهــان : وهذا الطباخ رصاصي مناسب موو ؟

قُــسَـم : اي يعني مطابق وياه .

دوهــان : وبعد شنو ناقص الثلاجة والطباخ والكاونتر كاملات
نروح القسم المواعين ؟

قُــسَـم : اذا بيك حيل اي نروح حتى نكمل .

دوهــان: تعبتي تريدين ماي عصير وجهج صار اصفر .

قُــسَـم : لاا لاا بس خلي نكمل بساع عفية .

ظل يدحگ بوجهي للحظات وجر نفس يتنهد وكمل الطريق وهو مبتسم
دخل قُــسَـم المواعين وغيرها من احتياجات المطبخ
اختار سيتين مواعين وانه اختاريت الجدورة نفس جدورة بيتنا
راح للمرايا الرجال واگف قريب منو صاح : حبيبي حلوة هاي
المرايا ؟

قُــسَـم : اي حلوة .

دوهــان : ناخذ أبيض لو اسود لو ذهبي ؟

رديت وبالي مو ويايَّ: براحتك .

نزلت عيني ؏ ايدو قبضها بكل قوتو
رجع ألتفت تحسر يدحگ ؏ مرايا الرجال يحجي وياه
وهو فصل ولا عبالك تقربت منو وهمست : دوهــان الرجال يحجي وياك .

گضب ايدي وهو يرد ؏ زلمة ومغمض عيونو بنفاذ صبر
_ شكرًا صديقي تعبتك كلشي مانريد .

قويت حاجبي متعجبه بقيت ادحگ ؏ أغراض
واشرت عليهن : دوهــان والغراض وين نروح بس لحظة .

تنهد بخشونة وهو ماسك اعصابو لا تفلت جدام العالم
الموجودين وصلني للسيارة فتح الباب وعاط بصوت رج اذني رج
_ اصعدددددددددي لا اصعدچ الجهنم .

ملت راسي ادحگ داير ما داير الگراج فشلت
صعدت وانه اشهگ طبگ الباب بكل قوتو
واستدار ركب اول ما صعد صاح : خليني اسمعععععع تشهگين
لووووو تبچين اگضي بيچ التووووبة ومحمد هساع تولدين هين بالسيارة .

قُــسَـم : عليش هيچ تسوي مو اختاريت وتعبت عـ..

رفع اصبعو ؏ شفايفوو وصاح : اششششششش ولا حسسس اشششش .
هو يصيح ويضرب ؏ ستيرن السيارة بكل قوتو
كتمت صوتي الى آن وصلنا تهستر : نزلي بساع ماريد ادحگ وجهچ .

قُــسَـم : ندخل نتفاهم جوة ليشش تطلع عصبي .

گضبني من عكسي فرني فر وهو يصيح : احترمي نفسچ وانزلي
حتى ما اكسرر راسچ وراسي لان بقيت اريدچ بس ادخل وياچ اگضي بيچ التوبة .

نزلت اتعثر دخلت للبيت شگد حاولت ما إبين
بس وأضح علية صعدت اركض ذَهــب صاحت
بيَّ : يولووووو شبلاچ قسممممم بس احجي وياچ
ولكم عيني هاي شبيها .

كــانـــون : اكيد دوهــان وياهه الغبي عود نبهت عليَّ البنية حامل
لازم وضروري يطول بالو بس وين يطولوو هل مفلفل .

من المطبخ وبعدني ما سديت الباب اندفع ودخلت اني رضية
_ شصاير ؟

بلعت الغصه ونزعت شالي وعبايتي الخليجية شمرتها
؏ سرير : كلشي ماكو بس اريد انام ساعة رجلي تكسرت
من الركض من محل المحل تالي ما تالي يصير عصبي
مايشتري شي هيج بكيفوووووو .

رضية: بدون سبب قرر ؟

گعدت اعدل بالمخدة خليت راسي عليهه وهمست
_ لاااا بسبب اكيد أنـه السبب معروفة بعددد عدكم .

رضية: الواضح عصبية أبقي ارتاحي شوية وأرجع .

قُــسَـم : لا ترجعين عوفيني بحالي وانتبهي ؏ تَـــمــوز ابنج
مجروح اكثر مني ومن كُل الأحفاد ركزي ؏ ابنچ أفضل
بدل ما توكفين ويايَّ تنصحيني وتتعاركين وياه علمود وحده
سحرتووو وصل للموت بسببها .

ضربتني راشدي فرت وجهي فر دخل
كــانـــون ؏ اصواتنا وبلحظة الراشدي : لاااااا يمهههه .

گضبت وجهي بقوة وهي تهز اصبعها
_ ادحگي علية زين مو انتِ تعلميني الصحححح والخطأ
اعرف اتصرف وياچ ويه ابني وطليقتوووو
أنـه بصف گازو لإن عاشرت فراس واعرفوو شكثر نذل
وتهديدو قوي ويتنفذ اجباري يتنفذ وهي مجربة فراس
ماتت اختها من تهديدووو شنووو تنتظر يموتها هي واخواتهاا .

قُــسَـم : لا تموووت ابنچ .

رضية: مايموت احنا كلنا وياه بس هي يتيمة ضعيفة وحدها .

كــانـــون : وين الربط يعني انتِ متعاركة علمود گازو .

قُــسَـم : لاااا بس اريد انام .

رضية: نامي اي نامي قبل لا تغلطين اكثر واغلططط أنـه وياچ أكثر .

دنج كــانـــون ونزل بدون كلام وهي طلعت وضربت الباب بقوة
لثواني هجست الطفل تكور وبطني تشنجت خليت راسي ؏ مخدة
لعبت نفسي من نفسي متعجبه شلون حجيت هيچ وغلطت بحق
امي رضية بس أنـه أحتاج امي وينها امي عني وينها ؟

بدون تفكير ولا حسبت شنو رد فعل دوهــان والباقين
لكحت شال ؏ راسي وطلعت من البيت دخلت البيت الثاني
صارت جدامي ام دوهــان ودجلة وبناتها بالحديقة يشربن
زقنبوت بگلبهن چاي ، وجدتي گاعدة وياهن
ام دوهــان: يا ستار ما ارتاح من ادحگ شكل هل بنت .

قُــسَـم : وين امي ؟

ام فراس : بغرفتها شبلاچ تهفين بعباتچ منو وياچ دوهــان .

قُــسَـم : لا تدخلون بيناتنا .

فتت الداخل البيت دگيت باب حجره اهلي ودخلت
لگيت امي گاعدة ترتب بالكنتور بدون تفكير
شمرت نفسي بـ حضنها وظليت اشهچ : وينچ عني ليش گلبچ
ثلچ ماتحسين بيَّ أنـه بفترة صعبة وانتقالية بحياتي احتاجج .

مسحت ؏ راسي وهي ترفعني رجعت بحضنها
وهمست : لا اريد تبقيني هين أنام حبابة اريد انام عندچ .

_ منو وياچ عليش منهارة وجهچ احمر دم دوهــان ضربچ ؟

نزلت راسي ؏ رجلها اخذتني من ايدي ؏ سرير
ورجعت راسي. تلعب بشعري وتهمس : منو وياچ .

قُــسَـم : تعبانة مليت من التمثيل مليت ؏ صدري حمل
ثجيل يمه ما ينحمل وعذاب الضمير تعبني وهلكني .

ام قُــسَـم : تمثيل وعذاب خوفتيني يول شكووو ؟

قُــسَـم : لو مهتمة بيَّ تسألين دائمًا اكيد تعرفين بس مع الأسف اخر اهتماماتچ قسممم منوووو قسمممم عدكم ..

ضميت وجهي منها وغلقت عيوني من حياتي ومن حقيقتها
غفيت والشهگة بصدري نامت ويايَّ ، فزيت الساعة بـ الوحدة
بليل اسمع صوتو قريب من الغرفة يحجي هو وامو
ام دوهــان _ شصاير وياكم وجهك اسود وتفتر مثل الخبل شتريد منك بعد
هل مشوهه مو راح تموتك من وكت اذا تظل تركض وراهه ؟

دوهــان : عمه وينها قُــسَـم ؟ أريدها بلغيها تطلع .

فاتت امي علية همست بصوت خافت : اريد انام يمكم
قنعي أنـه نايمة باجر الصبح ارجع هناك .

ام قُــسَـم : حدري انتِ احجي وياه صار ساعة اقنع بي بالكراج تالي فات
يريدچ يگول ما تبات غير بغرفتها .

نهضت مترددة وگفت بالباب راسي بالأرض اعصر بـ أصابعي
تقدم بتجاهي همس بضياع : بيچ شي ؟

هزيت راسي بالنفي كمل يستفسر مني
_ عجل عليش وجهچ بي علامة مثل الراشدي منو وياچ ؟

همست بصوت خافت بحيث محد يسمعني غيرو
_ امي رضية ضربتني صرت عصبية وخربطت بالكلام وياهه .

دنج راسو لمستواي وهمس : يلة تمون هي امچ الثانية
امشي نرجع للبيت ونسولف بغرفتنا .

رفضت بدون ما احجي وابتعدت
_ اريد انام يم امي اليوم تعبانة واحتاج وجودها ويايَّ .

دوهــان : عجل وانه منو ينام يمي ؟ باجر اروح شهر كامل
ما تشوفيني وتخلصين مني .

قُــسَـم : بس ارجع تكبر المشكلة تعبانة روح فدوة روح .

التفت ؏ امي وهو ينطيها علم
_ بس دقايق احجي وياهه .
غلق الباب وهو گاضب ايدي حضني وهمس : زعلتي لان عليت صوتي
عليچ ، الغراض سهلات لا تزعلين عليهن من ارجع نروح ونختار
؏ ذوقچ لان ذوقي ماعجبني اريدچ انتِ تختارين حياتي كلها .

قُــسَـم : عليش تعذبني دوهــان أنـه ما استا.....
قطع كلامي وهو ياخذ شفايفي بوسه كلهه لهفة فصل البوسة
وهو يدفن راسو برگبتي : تره عمري مرتبط بيچ انتِ غايتي ومطلبي
استاهلچ وتستاهليني لا تقللين من نفسچ جدامي لان بالنسبة ألي
انتِ كل ناسي .

نزلت ايدو من خصري وابتعدت بوسط الغرفة
_ ماشي بس خليني اليوم ابتعد وارتاح شوية لا تضغط عليَّ اكثر .

تنهد بتعب وهو مفتهم كل تصرفاتي
گضب الباب وقبل لا يطلع همس : ادري خايفة من نفسچ تعترفين
اليوم طاقة التمثيل خلصت واذا تستمرين وتبقين ويايَّ ساعة زيادة
تهدمين كل تعبنا وصلتي المرحلة تخافين من نفسچ هههههههه
راح ندمر ؏ ايدچ قُــسَـم بيوم من الأيام .

طلع بقيت ادحگ بالفراغ مرعوبة الى درجة كلام جثير بداخلي
اريد احجي اريد اعبر اريد أصرخ تعبت كافي تعبت
ماكو كلها ربع ساعة ودخلت رضية وهي ماتحب تدخل هل بيت
رضية: تأخر الوقت بس عيوني ماتنام اذا ما اسمع بنتي شبيها .

حضنتها گعدتني ؏ سرير اخذت ايدي وهمست
احجي كلشي اريد اسمع اليوم .

قُــسَـم : مو علمتيني اعيش يوم بيومو وعشت
علمتيني امثل حتى تمثيلي بيوم يصير حقيقي ومثلت
حاولت احبووو بس صعبة أنـه اتعذب كل يوم والله كل يوم
الكلام سهل بس الفعل صعب گلبي مو ملكي ومحمد مو ملكي
حاربتو بس هجست بنفسي رخيصة خاينة والمصيبة حامل
من انسان يستاهل أعظم انسانة تحبو وتقدر افعالو .

نزلت راسها مسحت دموعي وبعدهن يصبن
؏ خدي ينزلن ؏ ايدها وهي تبچي ويايَّ
قُــسَـم : حرام ادري حرام وعيب بحقي قبل لا يكون بحق زوجي
بس گلبي شلون امنعوووو هااا فهميني اريد حل مو هلكت .

رضية: حب الطفولة ما ينمحي بيوم وليلة واحتمال العمر كلو
بس يا امي اختاري ألي افعالو تثبت حبو قبل كلاموو
شكثر كــانـــون يحب ذهب وتموز حب گازو مستحيل
يوصلون الحب دوهــان القسم وهو يعرف بكل مشاعرچ
وعندو امل تحبي بيوم عليش تكسرين نفسچ وتكسرين دوهــان ما يستاهل .

قُــسَـم : لاااااا ابددد ما اريد اكسرو عمه أنـه كل عذابي لان انقهر
وضميري يأنبني علية هو متحمس للبيت والأثاث وبس يريد نعيش
ونستقر واني تفكيري وكلبي بعيدات مو عندي مووو يمي ابد
عجزت وكرهت نفسي لان أمثل علية ما يستاهل .

نهضت من سمعتها تگول : اذا يسمع دوهــان هل كلام ينهار .

لطمت ؏ وجهي ملخت نفسي تملخ وانه اهمس
ما أريدهم يسمعون صوتي : لااااااا يعرررف ماريد يعرف
بعد ما اگدر ادحگ بوجهووو يعرف اني امثل عليَّ
والمصاريف ؏ بيت وفرحتووو تنهددد بسببي مستحيل اقبل
اتعب ، انهار ، أنهلك ، اتعذب كلهااا تهون بس فرحتو ما تنهدم .

رضية: وانتِ يظل هذا حالچ تموتين ؏ يوم تنامين وبعد ما تگعدين .

قُــسَـم : الله يا يمههههه هيچ واخلي راسي وبعد ما اگعد
وأموت مظلومة ويفتر الزمن عليهم وتطلععع حوبتي
وكسرتي وهدم احلامي بيهممم حسبي الله ونعم الوكيل ؏ كل
واحددد هدمني حسبي الله ونعم الوكيل عليهم وأولهم دركْان ..

سدت شفايفي بيدها وعاطت بيَّ وهي تبچي من القهر
؏ حالي ألي يبچي العدو : يولوو لااااااا بنص الموت لا تدعين ؏ دركْان .

ضربت ؏ گلبي بكل ماعندي من قوة
وگعدت ؏ ارض منهارة تمامًا: هووو السبب هل ضعيف الجبان
هو سبب تعبي وهلاك حياتي وعدني وعلقني بي وحبيتوو
وعافني بـ اول فرصة لان ماحبني صدگ أنـه وحدي حبيتوووو
أنـه الغبيه صدگت كلاممووووو من يوعدني جبرني اتابعو
واجبر ؏ حبووو الى ان شمرني بنص الموت وراح للموت
الله ياخذ حقي منووووو كل يوووم ادعي علية كل يوممم
ومتأكد راح يجي عليَّ ايام اكرهوووو بكثر حبي ألووو اكرهووو .

تقربت تريد تاخذني بحضنها صرخت
_ وهاااي أمي قطعة من الثلچ بالچذب ما گالت سولفي شبلاچ
ليشششششش تعبانة يمممههه قسممممم ماكووووو تريد تموتني
بهل برود بس هممممم ما اريد اروح وادحگ وجهو واسمع
كلامووو أخاف علية اخاف يتأذى بكلامي روحـي انتِ روحـي .

رضية: منتظرني ارجع وانتِ ويايَّ .

قُــسَـم : چذبي عليَّ مثل ما كلكم تچذبون
ومثل ما اني اچذب عليَّ اقنعي أنـه نايمة وخلي يدعي انام وما اگعد بعد
حتى يرتاح مني وما يتعذب بقسم اكثر من هل عذاب .

عافتني وهي تمسح بـ عبايتها اول ما فتحت الباب صار فراس
جدامها گضبها من ايدها ودفعها ؏ حايط تگرب منها وهو يحجي
بتحذير : الله الله منووو عدنا بالبيت رضية بذات نفسها منورتنا .

رضية: ادحگ عليك صرت زين ورجعت تتعافى .

رد عليهه وهو يطيل النظر بيها ومبتسم
_ طبعًا اتعافى نسيتي أنـه بسبع اروح وما اتعب ولا اموت
لان ما عندي قلب ضعيف مثل گلوبكم الطيبة أنـه اتحكم بنفسي
وبـ اهلي بعقلي وخلال هل استراحة جهزت خطط تخص رجعتنا
تعرفين اشتاقيت اتكاون وياچ مثل قبل والصراحة اكثر اشتاقيتلج يولوو .

_ يشتاقلككككك ملك المووووت گول امين .

فراس : امين لعيونچ تدللين .

دار بتجاهي وهو يهمس : باجر اروح وياهم للدوام بعد صرت زين .

رضية: ما اوصيك بعدد موتهم كلهممم .

فراس : لا توصيني مو تعرفين انتِ كلامچ عندي أوامر .

رضية: كلامي عندك يمشي عكسو عسى ولعل تمشي كلامي
بالعكس وتعوفهم بحالهممممم يرجعون بالسلامة .

فراس : عارات لا تخافين مايصير بيهم شي خافي ؏ نفسچ
وعلى بنوات راح تبقين وحدچ وياهن بيت فارغ بس نسوان .

رضية: البنات عندي وحدتهن تساوي رجولتك النايمه بالحضيض
جاهزين الكل هجماتك جنت اعرف ماتعبرها بالساهل .

فراس : افاااااااا بالساهل السهل ما موجود بقاموسي
الصعب بس الصعب وحبيتچ لان صعب اوصل الچ بسهولة .

دفعتو منها من تگرب بالچذب ما يستحي مني فد صلف وعار
نزلت راسي من الخجل وهو ولا يهمووو اخر شي
من ارتفع صوتها دحگ علية وهمس بشماته
_ تذكرت شنو جنتي تسولفين انتِ وهل مشوهه ؟

رضية: لااااا تدخل عيب عليككككك بطل كافي .

فراس : مايهمني بس ردت اعرف لان دوهــان سمع كلامكم
كلوووو وطلع من البيت عصبي گلت شنو خربطتووو
حتى نعرف ابن اخوية ليشش طالع محتقن من بيت جدو ...

قُــسَـم : شنوووووو دوهــان سمععع كلامنا ؟

يتبع ...

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد