تجبر أحفاد الــ دليم الفصل السادس وخمسون 56 - بقلم اساور حسين

تَــجــبـر أحفاد الــ دلــيـم🦅
بقلمي : أساور حسين
المُلْتَقَى _53 _

انه المتعوب منك حيل شحجيلك..
انه الخليتني بلآ لون ششگيلك ؟

ملكات قلبي لطفًا لا تنسون التصويت ؏ بارتات
التعليق بين الفقرات روح روحـي إنتوا +
<><><><><><><><><>
قُــسَـم ..

رضية: شسويتي يولووو يا قُــسَـم دوهــان اخذ ابنو
وام دوهــان وطلع بي للشمال يگول بعد تحلم تلمح ابني
وراح يدز ورقة طلاگچ ..

قُــسَـم : تشاقين اكيد ، عليش هووووو شصاير حتى يخطي
هيچ خطوة وين صايرة يحرمني من ابني شكووو هو شكووو ..

سحبني كــانـــون من ايدي دخلني وهو يحرك بيدو
يحاول يخليني أهدي لان اعصابي تلفت من تصرفووو
_ عيب منا الشارع اذكري الله قُــسَـم أنـه رايح وراه
ما اسمح يعبر السيطرة تصرفو غلط نابع من غيرة وضخ السم من امو.

قُــسَـم : امووو موو هي سبب المشكلة اعرفهه هل مسمومة
تريد تهدمني هدم تكرهني الله يكرهه ويهدم بيتها ؏ راسهه ..

رضية: هو شصار هل ادبسز حجت وياه حجي
حتى استحي افكر بي خلتو مايعرف شنو يسوي
يمشي ويردم بالحياطين من الدوخة ، ومن العصبية
خاف يرجع عليچ للبيت ويأذيج بالضرب اخذ الطفل
من ايدي ، وتوسلت بيهه يولو انچعمي يولو لا يرتكب
ابنچ جريمة ويروح بالرجلين ولا يمهه ولا تهتم
سممت افكارو واخذتو وراحت وياه تگلو انه اربي ابنك .

لطمت ؏ وجهي وضربت الحايط
وانه انهدم جدامهم : وهوووو عادي بهل بساطة يصدگ بكلامهه
مثل كل مرة شنوووو الجديد دوهــان يتأثر بالكلامممم بس ؏
هل مووووقف ماراح انجعم وابلعععع الموووسسس واجرح بروحي
لهنااااااا وخلصصصصص صبري وياكممممم .

افتريت بالكراج بعشوائية وصلت للباب ورجعت
دحگت على كــانـــون وانه اشتاط غضب
ودموعي تجري صحت : انتَ تعرف شنو الفقد اريد ابني منك
ما اطلب اكثر ولا اطلب غيرهه اريد ابني ترجعوو بيدك .

كــانـــون : لاتروحين للبيت ابقي هين
يمه رضية انتبهي عليهه لايصير بيهه شي .

اخذتني رضية ودخلتني للبيت وهي تغسل
بوجهي بلاوعي ولا تفكير صرخت : اخذ ابني يريد يحرمني منوووو
يحاربني بطفل يريد يمرض ابني بفعلتووو هاااييي شنو غايتوو .

سمعت صوت هَــيـلانـة تهمس بخوف : ذَهــب لحظة يمعودة
وين تروحين لا توگعين فدوة اروحلچ اوكفي اني اوصلچ .

بقت تأن بصوت عالي تحاول تنطق بس لسانها ثگيل
طلعت من الحمام ؏ صوتي تلمست وجهي وبقت
ترفع بيدهه وتأشر بعلامة شكو ، بجيت حاولت أضبط
اعصابي بس خلص صبري ونزلت
دموعي وانه اهمس : دوهــان اخذ ابني وراح .

شكثر خايفين عليهه وعلى وضعها بس بعد هل كلام
بقت ادگ ؏ رجلهه وتمرد بروحهه بس تريد صوتهه
يطلع وتصرخ بكانون حتى يجي ، هو ؏ صوتنا دخل يركض
گضبها من ايدها وهو يدحگ بوجهه بـ إهتمام: شبلاهه منوو وياهه ؟

رفعت ايدها وخلت وحده فوك الثانية وكآن شايلة طفل
وهزت ايدهه هو افتهم ورد : ميار هساع يرجع لاتخافين گلبي .

نفت كلامو بيدها وهي تأشر بحرگت گلب
خاف عليهه وهي تنزل دموعها وتنهار جدامو
بقت تشهگ گعدها ؏ سرير اشر الهيلانة خبطت
الإبرة وهو واگف ضربها
ابرة وطمنها: لا تخافين بس تگعدين تلگي موجود .

نومها بكل سكينة ؏ السرير وغطاهه
اشر بيدو ؏ باب يريد نطلع بمجرد ما نومها
وغلق الباب انفجر بيَّ : وضعهاااا موووو تمام واحتمال
اقل صدمة ترجع تنضرب الثانية وبهل ثانية الخاتمة
؏ طول ما ابنچ ما موجود ماريد ذَهــب تعرف لأن
موضوع حرمان الطفل من امووو عدها خط احمر ماتتحمل هل فكرة ..

ضربت ؏ صدري وصحت : وانه كــانـــون راح اموووووت
كسرني دوهــان كسرني كسر ماينجبر لا بيوم ولا بسنين .

عافني وطلع بقيت بالمطبخ هَــيـلانـة تصفن ؏ الباب
عرفتها تنتظر الرائد دركْان الي هجم حياتي برجعتوو
من شافتني انتبهت تركتني ودخلت للغرفة وهي مخنزره
عليَّ بغضب گعدتعلى كرسي جدامي ساعة هجست
وگفت بعد ماتتحرك موتتني ، خلص اليوم وصار اليل
بقيت بين أطلع افتح الباب ادحگ ؏ شارع وارجع
ادخل للمطبخ اشوب الماي صار مر بحلگي محد ويايَّ
بس رضية تتلوع ؏ لوعتي ومقهورة ؏ قهرتي
صارت بـ 11 بليل سمعت حركة برة گلبي صار يدگ
بكل سرعتو طلعت ملهوفة ادحگ ؏ اديناتهم ؏ امل
ابني وياهم : ها كــانـــون .

تَـــمــوز : ها يولو ماتعبتي من ميار الوكح ارتاحي
يومين هو يفتر بالشمال يتونس ويرجع اول وتالي
مردودو بحضن امو لا مهرب .

قُــسَـم : يعني اخذوووو سواهه يريد يذلني هو يريد أتوسل بي .

عبرني دركْان ودخل اسمع صوتو يحجي هو ورضية
تگربت من كــانـــون ودموعي تصب ؏ خدي
_ مو طلبت منك ترجعوو عليش اجيت أيدك فارغة
شلون انام ولا يوم نام ميار بعيد كلو يمي وماعندي ثقة
يبات بعيد مو تعرف لو يمي لو عند امي رضية .

كــانـــون : قابل انتِ تخافين عليَّ وابو مايخاف ؏ ابنو
دوهــان يموت ؏ ميار ويخلي بنص عيونو هو رافض
يرد ؏ مكالماتنا كلهن يومين بالكثير اسبوع وغصبًا عنو
يرجع قابل شنووو بعد ما يداوم مايوگع بيدي اذا ماكسر اعظاموو .

كانون بكثر مايبين هادئ بس مزعوج من تصرف دوهان
من القهر دخلت فاير دمي عيوني صارت براسي
_ دركْان خابروووو انتَ احجي وياه فهمووو الصار بالتفصيل
بلغوو أنـه بس رجعت الأمانة ورجعت للبيت خابرو .

دركْان: ماتشوفين وجهي شصاير من الضرب
احجي وياه اليوم يضرب بلا تفاهم عبالك تحول .

تَـــمــوز : بس اريد افتهم نقطة هو من يضرب بيك انتَ مصمهر عليَّ .

دركْان: عجل اضربو هو يحب مرتو ويغار عليهه وفقد
گلت افهمو وانه اكبر منو ما اطاول عليَّ واكبر عقلي
بس هو مثل الثور ما يتفاهم بي ثول .

قُــسَـم : وهسسسسساع شلون فهموني حاولوا تتصلون عليَّ بعد .

فتت للمطبخ اخذت التلفون واتصلت خلصت
المكالمة ورجعت إتصلت تمنيت يجاوبني بس
لا حياة لمن تنادي ، اخذ كــانـــون المبايل
وبصيغة امر صاح : تروحين تنامين والصبح توصل الإخبار عندج .

قُــسَـم : عليش تحچي بكل برود برأيك اگدر انام ؟

اخذ جكارة من الباكيت وگعد ؏ كرسي
ونزل الباكيت ؏ ميز الطعام وهو يأشر: عوفوني أنـه وقسم وحدنا .

الكل راحوا للاستقبال بكل ماتحمل شخصيتو
من حنانها نبهني : ماراح تنامين بس نقطة حلوة بصالحچ استغليها
نامي ؏ فراشچ وفكري بحياتچ ابنچ يرجع اول وتالي يرجع غصبًا
عن الكل ، بس انتِ هساع أهم حياتچ الى متى تظل هيچ ؟
صار كلام ثجيل ماگدر احجي بس بس هل كلام كلو ينذكر
بديوان مجتمعين بي عمامچ مستعدة لهل موقف ؟

قُــسَـم : مثل شنوو هل كلام وترتني ؟

كــانـــون : اذا تعرفين نفسچ ما غلطانة لاتخافين ولا تتوترين
مثل كل مرة اتركج ادافعين عن نفسچ بس بظهرچ اوكف
اكسر ايد كل شخص يمدها عليچ ..

قُــسَـم : أنـه ماغلطت وداعت ميار ، بس غلطت غلطة جبيرة
من رجعت ؏ بيت ودركان موجود جنت اريد احجي
كلام باقي بكلبي وانهي كلشي رجعت الأمانة ورجعت البيتي .

كــانـــون : مستعدة تنتقمين لنفسچ لآن ؏ كلامچ
هذا لا غلطتي ولا اذنبتي ودوهان ياخذ ابنچ ويروح
ويوجه عليج اتهامات ما أنزل بها من سلطان وأجب
تردين اعتبارچ وتواجهي برحابة صدر ، تحتاجين
تعيدين حساباتچ ابقي بلا نوم وفكري ، وهساع اترخص .

عافني اخذ غراضو وراح الغرفة رضية بيها ذَهــب واختها
دگ الباب لحظات وسمعت صوت : أدخل .

دخل وهو ينظر المكان ذَهــب تقدم بتجاهه
گعد يمهه وباس راسهه : شنو بعدها نايمة من ضربت الإبرة ؟

هَــيـلانـة: لا گعدتها اكلت وشربت العلاج ورجعت نامت .

وگعت عيونو ؏ ملابس ابنو العزيز بحضنها
وسيارتو المفضلة موجودة بيدها بلع ريگو
وهو يحاول يتماسك ويمثل القوة : هَــيـلانـة خوية اذا أنـه ما موجود
ما اوصيچ ركزي ؏ علاجها وعلى وقت تشربو بدون تأخير ..

هَــيـلانـة: لاتفكر بالموضوع ذَهــب
أنـه مسؤولة ؏ علاجها واحتياجاتها .

كــانـــون : اشكرچ ، تصبحون على خير..

راد يطلع وبالباب گضبتو رضية
_ هو انتَ ماتحتاج نصيحة بس مو المفروض ماتعوف
حرمتك وتقويها وتخليها قريبة منك ، عليش ماترجعها يمك وبغرفتك ؟

كــانـــون : أحتاج أظل وحدي بنهاية يومي يمه ..

صعد بدون مايسمع كلام زايد ، جبرت نفسي ادخل
الغرفة رضية اخذت فراشي وفرشت بعيد عن البنات
جريت نفس مثل ما گال كــانـــون وعدت تفكيري بحياتي
للفجر صارت طگطگه بالمطبخ طلعت رضية سمعت
صوت تَـــمــوز يسولف وياهه : ها يمه بيك شي عليش ما نايم .

تَـــمــوز : كــانـــون دمرني ومحمد من صعد لهل ساعة
اسمع صوت النعي مالتو واخر شي صار يشهگ من البچي
بعد ماتحملت شردت من غرفتي ومحمد گلبي انهززززز .

رضية: سودة بوجهي يوم بكبرو هو يمشي ويحجي ويحل مشاكل
وهو بكامل صلابتو بس داخلو ينزف وصدرو يضيق يطلع الغصات
تالي اليل هساع عرفت شنو يقصد بكلامو من گال احتاج اظل وحدي .

عم الصمت لثواني ورجعت رضية تستفسر : شبيها عيونك ؟

تَـــمــوز : مابيها شي بس أنـه هم مشتاقلوو ؏ بالي
اتخيلو كل شوية يفتح الباب ويگمز ؏ بطني يريد اشتريلو
لو بيدو العاب يريد العب وياه بعدني مامصدگ مات
وبكلبي مابرد شكثر عذبت جلاد العار وطلعت روحو
خليتو يبوس برجلي بس اتركو بس مابرد گلبي ولا راح يبرد .

ابتعد صوتهم طلعوا للكراج يسولفون
درت نفسي ؏ صفحتي ونمت وعقلي
يريد ينفجر من التفكير شايلة هم شلون
أتحمل كلامهم من يعرفون أنـه اعرف
هل عائلة شكثر ظالمين بكلامهم السام
همي اكبر من عمري بـ أضعاف
وانه زدت همي وكسرتي من تأخرت
وسمعت كلام الكل بس ماسمعت نفسي
شنو تريد تغافلت عن احساسي وتعبي
وطلبات عقلي وهساع وگعت بمصيبة
وعرفت شكثر ظلمت روحـي..

بقيت للصبح بين النايمة والگاعدة ما مستقر وضعي
وعلى هل حال يوم ويومين ومر اسبوع استمر عذابي
وعقابي أسبوعين ، لا من إتصال ولا اخبار ؏ ابني
شكثر حاولوا يوصلون الو بس رافض رفض قطعي
عافني بوحشة أبني ، اكل بنفسي ، والتفكير نخل عقلي
والتعب والإرهاق اخذو حيلي ، صرت اوگف وادوخ واوگع
اخذت التلفون واعصابي تلفت بعد لهنا حدي كتبت
الام دوهــان وروحي تلوب ( حسبي الله ونعم الوكيل عليچ
ربي يبليچ بنفس حرگت گلبي ، ربي يلوع گلبچ مثل ما خطيتي
واخذتي ابني مني باطل ورحتي عفتيني متلوعه انتِ وابنچ
ربي يبليكمممممم وينهيكم ويمرضكم مثل ما تمرضت واكثر
مني بـ إضعاف ، ربي ينهيكم وياخذ حقي منكم يا حقراء )

اكتب وانه اشهگ كملت وانه الطم شمرت التلفون
وملخت شعري وجهي وصرخت من نار گلبي
المشتعلة بروحي : طفي نار گلبي ربي تعبت والله تخردلت
بعد ماتحمل ماگدرررررر اريد ميار اخذ حيلي والله خلص حيلي .

وگعت ارجف واضرب ؏ وجهي ملخت نفسي تملخ
خابرت رضية ؏ كــانـــون وهيلانة تگضبت بيدي
ماتخليني اضرب بنفسي : بساع عمههه بساع لا يوگف كلبهه .

ربع ساعة بعد المكالمة وصل كــانـــون
شالني جنازة لا ايد ولا رجل ، حسيت
من ركض واسمع اصواتهم وصلنا للمستشفى
صوتو بـ اذني وهو يصيح : صار كم يوم بلا اكل
وصار عدها تشنج بالأعصاب دكتور .

نزلني ؏ سرير احس بالدكاترة ولمساتهم
بس ماعندي طاقة أفتح عيوني خفت اموت
بدون ما اخذ ابني بحضني ، ابر وعلاجات
مغذيات هجست جسمي كلو سكن من الوجع
والتفكير قل عندي ؏ مهدئات الموجودة بالمغذي
سمعت صوت صورة أخذها كــانـــون اليه ورسلهه
ماكو كلهه ثواني وسمعتو يهدد : بلاااااا كلام زايد يولوووو
دوهــان اسمع اسبوعين واكثر ادگ ماتجاوب واعتقد دحكت
وين وصلت البنت اذا يصير بيهه شي اعدمك بيدي مادري
بيككككك لهل درجة عااااااااار وعاااااااق ميار يرجع لا اهدم
حيلكككككك مثل ما هدمت حيل هل بنية .

سكت لثواني فكيت عيوني ودموعي تتسابق
تنزل ؏ مخدة رفعت ايدي اريد ينطيني التلفون
بس اسمع صوت ابني ؏ اقل عافني وهو يأشر
بيدو انتظر وصاح بي : يول دوهــان شنووووو هل كلاممممم
ومحمد كلو ماصاير وعندي اثباتات كاملة ، اي إي ارجع حدر
انتَ وميار والله كلشي تعرف وبالتفصيل .

غلق المكالمة ورجع دحگ بوجهي بضياع
وتقرب يطمني : راح يرجع لو اليوم بليل يوصل لو باجر الصبح.

قُــسَـم : وميار اهم شي ميار ..

دخلت امي عليَّ وبكل ثقة وبعلو صوتهه
تصيح : ميار تحبين ابنچ مافكرتي بي من
غلطتي انتِ وابن عم زوجج مو كم مرة انصيح يولووو بيتج
لا تهدمين بيتچ قُــسَـم يمهههه ماصدگتي يرجع وغلطتي
غلطة زين من ابوچ وجدچ وعمامچ الحد هل ساعة ساكتين .

كــانـــون : ساكتين شيسووووووووووووووون مثلًا ؟

ام قُــسَـم : يجتلوهه هل صلفة العرمة
بس رجع غلطت وياه ونامت بحضنو
الزمالة وياريت يريدهاا ياهو يحجي
وياه يصير ماريدهه هل حب دمرهه
خسرهه نفسها وبيتها وابنها وزوجهه الي يموت عليهه .

قُــسَـم : حرام انتِ ام ومحمد حرررررام هذا كلامچ وانتِ
امي عجل أنـه عليش ألوم بـ ام دوهــان وامي ألي هي
المفروض تگضب ضهري وتوگف ويايَّ ضدهم كلهم
هذا كلامها تشك بيَّ انام بحضن منووووو منوووووو
تخبلتوووووو وتريدون تخبلوني وياكمممممممم
عبالكككم كلنا مثلكم الرخص يجري بدمنا
نخاف الله يمههههه مانغلطططط هل غلططططط ما نوصل الهل مواصيل .

ام قُــسَـم : كلهه تحچي بنفس السيرة صرتي علج بحلگ
ألي يسوه والي ما يسوه ، نزلتي راسنا بفعلتچ وتهورچ
والله ابوچ يگول بس يطلگهه دوهــان اگضبهه واموتهه
واطلععع كلبهه الي نزل راسي وامردووو بالقند*****
استري ؏ نفسچ وبوسي ايدو ورجلو خلي يبقيچ ؏ ذمتو ..

قُــسَـم : امشي اطلعي بررررررة اطلعي والله
اذا بيوم تموتون ما ابچي عليكم موتكم
حيااااة موووتكممم فرج من الله ربي ياخذ حقي
منكم واحد واحد واولكم الي تريدوني ابوس ايدو ورجلوووووو .

ام قُــسَـم : طالعة أصلًا اجيت بدون مايدري ابوچ
لان ناوي ؏ نية مو خووش وياچ اجيت انبهچ
فكري بعگلچ زين يولوو قبل لا يفوت الوقت وتخسرين
روحچ ؏ حب راح وكتوووو راح من زمان .

سديت اذني منها وگضبتني رجفة بكل جسمي
بحيث من فوك ليجوه اهتز حتى راسي ينرج
رجع كــانـــون بعد ما تعب وهو يرزل بيهم
_ بهاي حالتچ وتريدين تنتقمين لنفسچ ؟

قُــسَـم : بس اخذ ابني بحضني اعرف شلون ارجع
بقوتي واخذ حقي بس بالبداية يرجع ميار .

نزلت راسي وبس دموعي تسولف الضيم الصار بيَّ
دمروني اكثر من دماري صرت حالي حال عمارة
متهالكة والكل يضغط عليهه حتى وهي منهارة
لليل طلعوني من المستشفى وياي كــانـــون
وتموز ورضية گلبي يخفق بكل قوتووو
خايفة ؏ قلقانة ؏ متحمسة على غضبانه
مشاعري مختلطة ماعرف شنو أريد
وشلون راح يكون لقائي بميار خفت
لايكون عقلو مغسول بكلام آم دوهــان
اعرفهه تسمم اكبر تفكير وتخلي ينظر
؏ امو بنظرة موحلوه ..

بقيت متلهفة رغم تعبي بس تصير حركة
قريبة من الباب تفز روحـي ورجلي تركض
تتسابق بخطواتهه تريد تدحگ محبوبها
تَـــمــوز بكثر مانقهر ؏ حالتي صار يتصل
بدوهان بس ماكو رد ، ذَهــب من القهر
طلعت گعدت ويايَّ بقت ايدهه بيدي ماتخليني
أنهض من مكاني ، ؏ فرد أنتظار للساعة 12
بليل مابرد جرحي بس تعمق اكثر بقيت ابچي
واشهگ لحد فقدت اخذوني للفراش خلصتها
بواچي ورضية تقرأ القران فوك راسي
لا غفت عيوني ولا روحـي تستقر
كلهه تعبت ونامت وبس أنـه ضاق صدري
وانه انتظر الثاني يوم ؏ نفس التعب
يوم كامل خلصتو بين انام من الدوخة
وبس تروح امشي بصعوبة للباب ادحگ
وترجع الدوخة وارجع انام واكررها
للعصر دخل تَـــمــوز صاح بكانون : يولو هذا دوهــان ربع ساعة
ويوصل رد عليَّ بس ادحگ هل ساقـ **** ادوس بمصارينوو .

بقيت ألوب شالت رضية كرسي وگعدتني جدام
الباب ملت بكثر ماروح واجي ماتدري الدوخة
تجبرني انام من تروح ارجع ادحگ ، سمعت
صوت شخطت السيارة لو گلبي نكرب
وشفايفي يبست من الخوف
صرت جدام الباب طلعوا تَـــمــوز وكانون
فتح دوهــان الباب ودخل قبل لا يطلعون
مربي لحية لان ماخذ اجازة من الدوام
بقيت ادحگ ؏ ايدو وعلى باب جريت
النفس بصعوبة : وينوووو ابني وينو ميار ماكو وياك .

دار وجهو مني مايريد يدحگ بوجهي
هجمت عليَّ گضبت قميصو بيدي
الترجف ورجلي گوه تحملني : شكثر حقير اجيت وحددددك
مياااااار وينو شكووو تجي وابني
ماكووووو دوهــان عليش تأذيني يولووووو كافي انتقمت كافي .

فر وجهي براشدي اختل توازني وگعت وانه اتلمس بالأرض
احاول اثبت عقلي رجوو رج من قوة الضربة
دفعو كــانـــون بكل قوتو ؏ باب هو صاح
والواضح منهار مثلي : ماريد ادحگ خلقتهه
ولااااااااا اسمع صوتهه اجيت ؏ طلبك مو تگول نسولف
اجيت اسولف وياك هاااااي ماريد المح وجهه ابد كــانـــون ابد .

كــانـــون : وحبك وكلبك يسمح تأذي حبيبتكككك بهل طريقة
تعاقبها بـ أبنها يولو بـ أبنها حرام عليكككك والله حرام
ايام وهي تنتظر تحطمها وتدخل ايد وره وايد جدام .

دوهــان: تستاهل خليها تحس بنار گلبي
كل الصار بيها من ايدهاااااا ، وابني ماحب
يعيش بـ اجواء كلهه مشاكل وتدري انتَ كلش
زين ماريد يتعقد بمشاكلنا بس اخلي النقط ؏
حرف نتفاهم بموضوع ميار .

بعدنا نحجي ودخلوا عمامي كلهم وابوية وجدي
واولهم فراس دخل متشخص يمشي مترهي
_ ها صايرين مذابح ، مو ؏ اساس حياتكم ماشية
وماتحتاجون اهلكم بمشاكلكم ..

كــانـــون : رجاءً لا تظل تخربط بالكلام لا انزل ؏ ترابي
وتعررررفون شسوووووي روحـي بطرف خشمي
اذا عدكممم كلام بي خير احجي بي ماعدكم توكلوا .

دخل جدي قبلهم كلهم ابوية يخوزر بيَّ بحقد
طبطب ابو دوهــان ؏ كتفو ودخلو ، يعني
يغضب ؏ بنتو حتى اخوانو مايزعلون عليَّ
واصلين لهل مرحلة من الانحطاط ، اخذتني
رضية من ايدي ودخلتني غسلت وجهي
وهي تهمس : اخذي نفس وفكري زين يولوو يكابر بس يحبچ
ويخاف عليچ بس شاف صورتچ بالمستشفى اجه يركض ركض
لا تستفزي بالكلام اكسبي حتى يرجع الطفل .

دحگت عليهه بطرف عيني ومشيت مسحت وجهي
ودخلت عليهم لگيتهم كلهم گاعدين حتى دركْان
موجود يشغل جكارة وگاعد وساكن الملامح
سلس الحركة عكس دوهــان الي مضطرب التحركات
هائج متأهب مشتعل غضب ، يفرك بيدو وحاني الضهر
بقيت بمكاني الى ان جدي صار يحجي وينطي مواعض
وقصص عالم مدخل بحل مشاكلهم اخر شي ختمها
_ شنو مشكلتكم ؟

بقيت ادحگ بالوجوه شنو احجي هي شنو المشكلة
هاي مصيبة والله ، وهو ساكت بس يخوزر بعيونو
قاطع هل مشادات بالنظرات
كلام دركْان: دوهــان يتهمني غلطت أنـه وحرمتو قُــسَـم..

فراس : يخسي ادوس راسوووو ومحمد ..

دركْان: شكثر شريف شلالات من الشرف انتَ
هووو كلووو منك سبب هل مشكلة اذا ترجع
للبدايات انتَ دمرتنا كلنا منوو مرتاح
انطيني واحد مرتاح وهساع اعتذر منك وابوس راسك .

فراس : عليش تذبون الوم ؏ اهلكم انتوا ماتعرفون تختارون
ولا تفكرون بطريقة صحيحة والنتيجة شنو دماركم انتوا ..

دار وجهو دركان وهو يهز راسو لعبانه نفسو من ابو
ومن كلامو ومن النقاش وياه ، فراس صارت عيونو
براسو لان دركْان يتجاهل كلامو بقرف جدام اخوانو
كسر هل حد كــانـــون وهو يزيد ؏ كلام اخو
_ دوهــان كل عادة يرضخ للكلام الباطل ويصدگ بي
والثمن دمار عائلتو الى متى تظل هيچ فهمني ؟

تنرفز دوهــان من سأل كــانـــون ونهض وهو ينتر
ويشتاط غضب : يااااااا كلام كلشي صار وأضح
تحملت وتحملت بس خلص صبري يعني شنو تفسيركم
الكاميرات تنطفي وتنحذف منها مقاطع حل الغز رائد
كــانـــون اذا مابيها زحمة عليك .

قُــسَـم : مسحتهن حتى مايصير بيناتنا مشاكل
والسبب تافهة ، خفت تتوتر علاقتنا ولو ادري
من احذف واغلق الكاميرات تزيد ما اطفيـ***

قاطعني وهو يدير وجهو مني ؏ دركْان
وكأنو يريد يأكد على كلامي ويبين قدرو عندي
_ اعرف السبب تافهه ، بس لو نرجع أنـه سألت
سأل واضح غلطتي رديتي اي غلطت وبعدها
استفسرت وامي شايفتج من تطلعين من البيت خايفة
وبس هذا بالبيت شنو تفسيرها صار فترة ابتعدت أفكر
اريد اقنع نفسي اجذب عليهه بس كلشي وأضح .

قُــسَـم : هوووو شنو الواضح تريد تخبلني انتَ
غلطت گلت غلطت من رحت المفروض ابلغك
وغلطت من طفيت الكاميرات غيرهاااا آني اشرف
منكككك ومن كل واحد يذكرني بسوء .

كــانـــون : امك باطل وكل الكلام ألي سولفت بي باطل .

دوهــان: اثبت عندك اثبات ؟ شعدها اجت للبيت
واخوك وحدوو موجود والوقت من طفت الكاميرات
الى ان اشتغلت مو قليل لا تقنعني بس رجعت الأمانة ..

قُــسَـم : عينك عينك تتهمني شكثرررر ماتستحي
ونازع ثوث الخجل رجولتك وين وانت تتهمني بهل اتهامات
طفيتهن ونسيت اشغلهن ما تأخرت هين اكثر من خمس دقايق
واقل همات بعد هل كلام الي هو عيبه عليك قبل لا يكون عيبه
عليَّ مالو لزوووم .

دركْان: إلى ألان متحملك احجي بعد كلمة زايدة
واعلمكككك الزلم من تحچي شلون المفروض تسولف
ياعار تشك بيَّ يا اثووول تصدگ كلام النسوان طيح الله حظك .

نهض دوهــان متصلب الجسم سحب المسدس
من خصرو وبثانية صار فوك راس دركْان
المسدس يندفع براسو وصاح : علمني قبل لا ابرد گلبي بيك
واطشر راسك بطلقة .

طفر فراس ؏ دوهــان من وره ضربو
بطرف المسدس ؏ راسو اختل توازنو
ولو ما كــانـــون واكف بوجهو يريد يرجع
يضربو : گ***** ابني خط أحمر لا تذب خياس حرمتك ؏ ابني
الحمدلله متربي احسن منك مايقترب من بضاعة مستعملة
ولايريد يوسخ نفسو بحرمة غيرو بخاف ربو قبل لا يخاف منك ..

نهض دركْان بتجاه دوهــان يتفحص مكان الضربة
دفعو بكل قوتو ورفع راسو يهدد : سهلة فراس ملاهي
ضربتك ترجع ضرب اثنين .

ابو دوهــان: كافي يولوووو عيب تطاول بالكلام ؏ عمك .

دوهــان: اهلهل هساع وأخيرًا طلععععع صوتككككك
فشلتنا ضام راسككك تخاف من فراس خرب اصلكممم .

كــانـــون : هوووو هذا التفاهم نعال عليك .

دوهــان : انعل ابو التفاهم لابو كل واحد يتفاهم وياكم
هووو ابوككككك مال تفاهم ..

فراس : تجاوز انتَ وهل ساقـ **** بعد ؏ ابني
واخلي ابهاتكم يدحگون عليكم شلون املخكم تملخ
هين بنص البيت وانعل هيد هيدكم اولاد الـ *****

كــانـــون : موووووو ازكح كااااافي يعني كافي
مناااا العالم يعني مو حاله هااااي كل يوم عركة.

دفر دوهــان الطبلة ويريد يطلع
ركضت بكل ماتبقى من حيلي
صرت جدامو وصحت : وين وين وين تروووح اريد ابني .

گضبني من وجهي ورفعني صرخت بوجع
والأول مرة مايهتم : أنسي ابنچ انتِ بعتي ابنچ وهجمتي
حياتچ الخاطر ناس زبايل تعرفين شنو زبالة وبعد راح تخسرين أكثر .

دفعت نفسي ؏ باب من شمرني منعتو يطلع
_ ترجع ابني لا والله ...

دوهــان: شنووو تسوين هاااا ..

قُــسَـم : دوهــان اريد ابني افتهمت لو لا ابني يرجععععع .

دوهــان: ماعندج طفل يمي وشنو تسوين روحـي سوي
اعلى ما بخيلكم اركبووووووو ..

دفعني بعيد عن الباب ماگدرت اثبت لان أنـه ولا شيء
جدام ضخامتو وهو منا عصبي شوية ويحفر الحايط بيَّ
قبل لا يطلع صاح بي كــانـــون : واذا اثبت الك قُــسَـم بريئة
من كلام امك وتفكيرك شنو تسوي .

ظل واكف جمد بمكانوو رافع الحاجب
مختلط الملامح بين التعجب والاستغراب
_ اثبت وبعدها الي تريدو هي يتنفذ بدون نقاش ..

كــانـــون : أنـه اطلب قبلها ، بس اثبت ترد احترامها وتعتذر منها
ومن دركْان جدام الكل وابنها يرجع بحضنها ، وبعد هي تكمل
شنو تريد وشنو تتمنى يحصل .

دوهــان: صار بس اثبت ..

تقدم كــانـــون ؏ تلفزيون مربوطة عليَّ كاميرات
بيتو ورجع النفس الوقت ونفس اليوم المشؤوم
انعرض بالكامل جدامهم ، اول ما دخلت للبيت
ومن طلعت ومن صاحني دركْان وملامحي الغاضبة
وإنه احجي وياه كلهن واضحات ، من طلعت دركْان
بكل وضوح صار يمشي بالكراج الى ان رجعت
كل الدقائق إلي بقيتها بهل بيت وكل الحوار
ما دام غير اربع دقايق ، وبس طلعت صارت
جدامي امو عفتها ودخلت البيتي وضاهر علية
علامات الغضب والخوف
كــانـــون : الحقيقة بالصورة والوقت واليوم والتاريخ بالكامل
جدامك وجدام الكل وأولهم ابوها الي هو اول الناس ضدها
وماعندو ثقة بيها ، إسمحلي احجي كم كلمة ماريد يبقن
بكلبي انه صاحب حظ وبخت
( دوهــان قُــسَـم تاج راسك وراس عمي
تعيش رافعة راسها لان طاهرة ونظيفة وشريفة) .

هو گاعد ؏ تخم دنج راسو من الخجل
دفعتو من صدرو وصرخت بحرگت گلب : دحگت بعيوووونك
الحقيقة صارت جدامككككك حتى تصدكككك بكلام امك الي
ماتخاف الله ، بس ربي يفضحكم ويحرگم واحد واحد مثل ما حرگتوني
جنت اعرف من زمان انتَ ماتستاهل تضحياتي وهساع أثبتت احساسي .

اجت رضية حضنتني ابتعدت منها
وكملت كلامي وانه امسح دموعي بالكامل واوگف بثبات
وبكل ثقة كملت : انتَ كذاب دوهــان ماتريد اطلگ
بس تريد تذلني بـ ابني وهساع عرفت سبب اصرارك ؏ اطفال
تريدهم يصيرون حتى من يرجع ابن عمك تعرف شلون تلوي ذراعي
وتبقيني اتذلل لحضرتك.

دوهــان: هذا الفديوو مايشفع لا تحجين برحابة صدر
بعدني ماعرف شنووو سبب الكلام وعلى اي أساس
تحتفظين بذكرياتكم ؟

قُــسَـم : لااا اساس ولا بناء من اليووووم (اختار نفسي )
لا اسمع كلامهم من يصيحون بيتج لا ينهجم
ولا اخذ كلام رضية من تگول هو يحبچ يجي
يوم وتحبي وتتفاهمون ، نيتك مو سليمة يا دوهــان
صدمتني وقهرتني وعذبتني كل الأيام الفاتت وانه ما استاهل هل عذاب
تخردلت بحياتي هووواي تخردلت وانه اضغط ؏ نفسي واحاول
اعوضك ؏ كلشي تقدموو أليه بس طلعت ماتستاهل .

كــانـــون : وانه وياچ بكل قرار تريدي يتنفذ غصبًا عنهم .

قُــسَـم : قراري وأضح اريد اعيش النفسي ولأبني
بعيد عن كلام أهلي إلي مايخلص ، بعيد عن دوهــان
من اليوم أنـه أتخلى عن الماضي واختار نفسي وابني وبسسسس .

ابو قُــسَـم : اذا قصدچ تطلگين ماعدنا بنوات يطلگون ..

قُــسَـم : راح اطلگ رضيت لو مارضيت
كافي مليت منكم ومن التجبر والتحكم والطغيان
الى متى ادفن نفسي بعلاقة مسمومة مستحيل تصلح
يوم بعد يوم اتعب اكثر حاولت أجمل واقدم لهذا الزواج
بس هو من بدايتو غلط في غلط انجبرت ؏ شخص
وتعودت عليَّ وهوو ما انكر زين بس قتل كل
الزينات بفعلتووو حرمتني من ابني ولوعتيني ماراح اسامح ابد .

ابو فراس : لا تنسون الإتفاق تدفعون 100 مليون وروحوا
شتسون تسون طلاگ زواج مو مهمم .

بالمقابل دوهــان زفر أنفاس الجكارة وطفاها عدل گعدتو
وملامح التعب والزعل وعدم الرضا
مرسومات ؏ تعابير وجهو : كلامها عين العقل هل علاقة
استنزفتني واستنزفتها ، حاولنا نكمل بس فكرة هي مجبورة عليَّ
دوم ؏ بالي ، وتفكيرها أنـه انسان مثل اخوها وهي مجبورة عليَّ
ما يخلينا نستمر ، حبيتها وهي الكل جبرها عليَّ جنت اعرف ماتحبني
وجبرتها تولد طفل مني ، جنت اعرف ماتحبني وبكل مرة تزعل
اعرف ماعدها شخص غيري تحتمي بي منكم واستغليت هل
نقطة بس لان احبها ومن كل كلبي احبها هاي جدام الكل
اگولهه ولو تريد روحي جنت مستعد اضحي واسلمها روحي .

ابو قُــسَـم : ما اقبل هل فكرة تشيلها من راسك .

ابو دوهــان: فكرر زين بابا .

دوهــان : جدي اسمعني زين حكم ضميرك أنـه تخردلت وهي تعبت
انطيك 25 مليون وبعد سنة انطيك 25 ثانية وعرفنا نطلگ .

ابو دوهــان : تعب السنين ، وحياتك الي خلصتها بحلگ الموت
بالشمس وبالبرد بهل سهولة تنطيها علمود قُــسَـم يولووو
مايصير بقيها الى ان يخلص العقد وبهل فترة عيش
حياتك حب تزوج خلف براحتك اعتبرها ما موجودة.

فراس : هذولي يلعبون بكيفهم عبالهم بهل سهولة .

كــانـــون : اي بهل سهولة ونص لا تدخل بالموضوع
وصحح غلطك انتَ صاحب شرط 100 مليون
انتَ تدفعهن يابه انتَ تدفعععععع .

فراس : أنـه شكووو ادفع تريد تطبخها براسي .

كــانـــون : مووو انتَ فرقت وزوجت انتَ اتحمل ثمن غلطك
كلهم تعبوا بسبب جشعك المفروض اخوانك يتبرون منك
لان كسرت اولادهم بس مع الأسف عليهم بعدهم وياك .

فراس : صدگ ما تستحي يا...

دركْان: بلا كلام زايد صحح غلطك لا تعرف شسووووي بيك
وصلت حدهااا وياك والله وصلت حدها .

دحگ عليهم بغضب مختلط بالخوف
التفت ؏ جدهم وهمس بتردد : يابه وافق ؏ طلاگ
بعد دفع نص المبلغ .

دوهــان : جهزوا السيد بين ما اجهز المبلغ وارجع
اليوم بالتسعة نتواجد بهل مكان وينتهي هل تجبر .

طلع بدون كلام زايد وبلا سلام يذكر
بدون ما يلتفت او يتناقش مبين تعبان
مخنوگ بس يمشي بثبات ، طلع دركْان
وره صار صوتهم عالي بس أنـه لهنا حدي
لا اگدر اسمع ولا انغث دخلت بوجهي للحمام غسلت
واخذت بطل ماي ايدي ترجع من اشرب حايرة تعبانة
بين اريد اخلص وبين ماريد كلشي ينتهي الخاطر ميار
بس للقدر رأي اخر يعترض كل كلامنا ..

بقيت بفراشي ادرس حياتي دخلت امي تفرفح
ماتريد اطلگ قفلت الباب وبقيت وحدي ماريد احد ويايَّ
للساعة بـ 9 بليل رجع الكل مجتمعين وجوهم ماتتفسر
واخر واحد دخل بيهم دوهــان بيدو جنطه بيها فلوس
نزلها جوة رجل جدهم وهمس : بس 15 مليون غيرها ماعندي .

فراس : ماكو مشكلة ..

دخل كــانـــون هو والشيخ گعدو وانه اخر وحده دخلت
؏ وجهي ملامح الصدمة معقولة راح تصير وننتهي
كبرت بهل لحظة خمسين سنة نزلت راسي وهو يحجي
الى ان انتهى الكلام بكلمة دوهــان : انتِ طالق قُــسَـم ..

يتبع ..

- الرساله ؛ ‏ثقل ميزانك بذكر اللّٰـه:

- سُبحان اللّٰـه
- الحمد للّٰـه
- لا إله إلا اللّٰـه
- اللّٰـه أكبر
- سُبحان اللّٰـه و بحمدهِ
- استغفر اللّٰـه
- اللهُم صلِ على محمد وال محمد